الحب أقوى من أي إتفاق الجزء 12

نحنُ نقاتِل فِي سبِيل الأشياء التِي نُحبهَا ..

مصدماتوش بهضرتها بلعكس عجبو الحال ووصل لمبتغاه وهادشي ل باغي من نادية تعبر على داكشي لكتحس بيه في الداخل ومتخليهش عندها ...لحاجة الا معجبهتاش تخرجها ديك ساعة ماشي تمثل انّ كلشي مزيان خرج من لاسنسور ومشا لعندها لبيت بقى يذق عليها شحال مبغاتش تحل لباب حيت عارفاه ...مملش ومشى بالعكس بقى كيدق حتى صدعها مزيان عاد حلت عليه

كانو عينيها حمرين بدموع واثرهم على خدها باين واخا مسحتهم ....هز عينو فيها كاعي مباغيش يجرحها ولا يقلل منها عمرها ما كانت في نيتو يديرها بالمرة.. حيدها من قدام الباب وذخل معاه لبيت وسدو وراه بلاماا يهضر معاها ولا يقول نص كلمة.. الموقف مكيحتاجش كثرة الهضرة جرها من ايدها لعندو وخشى ايدو لوخرا في شعرها وهجم على شفايفها بقوة ....حركة خلات دموعها ينزلو... حسات بضعف وباغا تبكي وتفش خاطرها لي مبقى عندو فين يهز ..تملك فمها ودموعها قاسو فمو..حس بيها وهو يفصل القبلة وعنقها ليه مزير عليها ....وكأنو عكاها الضوء الاخير باش تزيد فوثيرة لبكى مبقاتش قادرة تصبر لا على فراقو لا على نار الغيرة عيات بزاف... صعيب تهز نار الحنين ونار الغيرة في قلبك بزوج وكل وحدة تاكلك من جهتو ...بقو على داك الحال حتى تهدنت وحسات براسهاا شوية ..كانت محتاجة هاد التعنيقة منو تريح قلبهاا

ف بالعناق هناك جمل تقال على هيئة دواء

استدركت الوضع وبعدات عليه مسحت عينيها من دموع وتكلمت بتقليقة~ راك تعطلتي عليها..حم دبا تطلع تقلب عليك !

بتاسم وهو يقرب لعندها ونطق كيعيب فيها~ متخافيش راه تشاورت معاها قبل ..

خنزرت فيه بغضب ونطقت معصبة~ خرج بعد مني مبقيتش باغا نشوف وجهك ..

بحركة مسرعة جرها لعندو من ايدها قبل متبعد عليه ..قربها منو وبدا كيتلمس في وجهها غير بشويا وايدو لوخرى على لحمها بتملك كتسارا ..قرب من وذنها وهضر بهمس ~ مزال مابغاش تهبطي شويا انادية محسيتيش براسك راك عيقتي عليا وانا مبقيدى عندي فين نزيد نصبر ليك مرة تكوني باغا ومرة كتهربي معرفت كيف ندير معاك قولي ليا غير شنو باغا ؟؟

دورت ايدها على عنقو ودوات بنفاخة~ مبغيت والو والو عنقاتو مخشية فيه

فهم من تصرفاتها بلي داكشي لكتگول ماشي هو داكشي لكدير نطق ~ اجي نهضرو بحال الناس...بعدها عليه وجرها من ايدها جلس فوق الناموسية وجلسها فوق ركابيه وايدو كتدوز على ظهرها بالمهل~نادية واش ممكن نعرف شنو نهاية هادشي ..حيث مبقيت عارف راسي من رجليا

تنهدت وجوبت ~ زعمة مفهمتيش ولا شنو

بنرفزة كانت كتدوي وكتعبر بايديها وهو غير مبرد وكيسمع ليها ~..واش ساهلة نجي عندك لدار نلقاك مسكن معاك وحدة اخرا ماهي ختك ولا محرمة عليك.. وواخا شديت في قلبي مبينتش ...وكملتيها نضتي باغي تفرق عليا وأنا محاربة على ودك لدرجة محضرتش عقلي وخليت قلبي يلعب بيا حتى نعستك وهادشي كلو باش منطلقش منك.. ومن وراها جيتي وسمعتيني هضرة مزال واحلة ليا ومدازتنيش نفسي نخليك مسافر معاها راس في راس نضت تبعتك وجففت بكرامتي الارض وعاد مكملها كتقلل من قيمتي قدامها امراد كيفاش عطاتك خاطرك غير قول ليا تصور كون انا في بلاصتك...شافت فعينيه بتساؤل .... كنتي تقبلها عادي ؟؟ حط صبعو على فمها قاطع كلامها

ونطق بصرامة~شششششششش متجبديهاش على فمك انادية غير مجرد تفكري فيها منتقبلهاش ليك ...بتحذير هز صبعو ..غنوريك لخايب ديك ساع وتشوفي واحد مراد غبرت لمو ساس شحال هادي ...

دفعتو بعصبية جا ناعس فوق الناموسية وجمعت الوقفة كتغوات عليه ~ اه نتا متقبلهاش ولكن نادية هانية حيث معندها قلب ومعندها كرامة ونفسها باردة تشوف وحدة معاك في دار اعباااااد الله لابسة شورط وديباردور وترمتها تفتن فقيه جامع عاد تجي نتا د تقنعني مكتنوضش عليها واخا يكون عندك برود جنسي يفيق ليك

وهادشي كامل خاص نادية تقبلو بصدر رحب وبألف مرحبا وبطبالة ولغياطة حيت معندهاش لحق تغير ومعندهاش لحق تغوت

ضيقت فيه عينيها ~ عرفتي غير تقيت فيكم وجه الله اما عامين ديال الخيانة الزوجية لكل واحد فيكم وديك ساعة غادي تعرفوني اش كنسوا مزيان ولكن انا قلبي بيض مكنبغيش ليك لحاجة الخيبة اللهم نشدها في قلبي ومتجيش فيك واخا تكون على حساب صحتي

صدماتو بهضرتها وزايداها بتخسار الهضرة واش نادية هادي ولا بدلوها ليه ...وقف قدامها وشد ليها وجها.. تنترت منو ولايني حكمها مزيان عاد نطق ~شوفي انا واحد ولد لحرام ومكنسواش وممربيش حيت اناا مراد ولكن نتي نادية عرفتي شنو هي نادية يعني مأدبة و محتارمة وبنت الناس متكونيش بحالي .. طبطب على حناكها بخفة ورجع عاود نفس لكلمة بتاكيد ...واخا يوقع ل وقع متكونيش بحالي خليك ديما في عيني كبيرة وخليني انا ل نجي نطلب منك السماحة واخر مرة تخصري الهضرة ..باس حناكها بزوج وبصوت هادي قال ...مفاهمين ؟؟

بلعت ريقها وضورت عينيها لجهة لوخرا ..محساتش براسها حتى قالت ديك الهضرة ..ندافعت وتعصبت وكانت نتيجة هي قالت بقلب مضيوم ~. من نهار عرفتك مبقيتش ديك نادية لي كنت في اللول ، قلبت على راسي فيا وملقيتوش ديتيه امراد

وليت كندير شي حوايج بلا عقل

مراد ساط كيرجع شعرو اللور ~. وعلاش هادشي كامل ؟؟ علاش من اللول تحرميني منك عامين

نادية بعدت عليه ومشات جلسات فوق ناموسية معارفة متقول بنسبة ليها صافي داكشي فات ودوك العامين ضاعو من حياتهم بزوج ولي عطا الله عطاه .. لي كيهمها دابا هو الايام جايا ..قدامها حرب كبيرة وسويرتي تربحها حيت معركتها ضد عائلتها وعايشة ماشي ساهلة..تنهدت بقلة حيلة وقالت ~ هادشي لي كتاب امراد ، بلاما نبقاو نرجعو لنفس سيرة حيت الهضرة فيها مغتبدل والو ...حيت ماشي غا حرمتك مني تا انا حرمت راسي منك ومن راسي ومن خدمتي ..تلفت ومبقيتش عارفا مندير ووصلات بيا سمحت في خدمتي وجلست في دار

قرب منو وجلس قفازي قدامها واخد ايدو وسط من ايدها ~. وداابا شنوو ؟؟

سؤال صعيبب لي معارفة متقول فيه مكرهاتش تنقز وتقوليه ودابا تا دقيقة منفلتها وانا بعيدة عليك ، نعيشو بزوج ونكملو بزوج بسلامة لخصام وباي باي لفراق ولكن على قد ماهي ساهلة تخرجها من قلبها على قد ما ثقيلة على فمها حيت كتجي فبالها مها ..مبغاتش ترجع توهمو بشي حاجة وهي مضامناش راسها فيهاا ..مبغاش تطمعو وترجع تفرقو ...باغا مراد وباغا تا عائلتها يبغيوه ...صونا تليفونها كان مساج وصلهاا من مريام كتعلمها بلي لفلوس صيفطتهم ليها

شافت فيه وقالت بابتسامة ~. ودابا كيخصني نمشي لمراكش ، عندي الخدمة وخاص نكملهاا

مراد بادلها الابتسامة ~. وجدي راسك انا في طوموبيل باش نمشيو ...وقفاتو بتساؤل ~. كيفاش نمشيو ، انا راه غادا لمراكش ونتوما ....

جرها من خصرها مسكتها ودوا بلعقل ~. منخليكش تحركي بوحدك ..رجلي على رجليك فينما مشيتي حيت بالي غيتبرزط عليك وااخاا....

ودخلت عليك بالله متعكسيش وغير هاد المرة سمعي كلامي

لجم ليها لسان حركت ليه راسها من تحت لفوق بالموافقة ..طبع قبلة على جبينها وهز شوانط ونزل مخليها وراه مكرهاتش تلاح عليه تعنقو وتقوليه شحال كتبغيه ..نزلت وراه ديك ساع لقاتو واقف كيدوي مع اميمة...خسرات سيفتها وهي كتشوف فيها كتدوي معاه مكرهتش تعرف علاش كيضور كلامهم ..دارت نظاظرها على عينيها وقربت حداه بالضبط وقالت ~ مراد بغيتك

بتاسمت اميمة بمكر وبعدت عليهم مخلياها على راحتها....قاد ليها شعرها ورا وذنها وعينيه كطلع وتنزل في حوايجها لي معاجبينوش ولي مبرد عليه انو ختارتهم كيشبهو لشنو لابس ~. وي شنو خصك ؟

نادية ~. بغيت ناخد لفلوس لي صيفطات ليا مريام ...خيب وجهو وقال معصب ~ انا هنا لاش باغا فلوس

نادية يالله غتغوت وهي ترجع ترطب معاه ~ صيفطاتهم ولي عطا الله عطاه

مراد حل ليها لباب لقدامي حداه ~. يالله ركبي نقلبو فطريقناا على شي اجونص

نادية دافعة كبير ~. غير خلي انا نجلس لور بلاصة اميمة هادي حشومة ناخدها ليها ...دوات بصوت مرتافع تعمدات تسمعها ليها

اميمة حلات لباب اللور ~. غير رتاحي ازين كتشدني دوخة من طريق الا ركبت لقدام

نادية ميقت فيها عيبها وفاضحها مبغاش تسرط ليها ~. ميكون عندك باس

شنو ردة فعلك ونتي كتشوفي لي بقى من عائلتك غيموت قدام عينيك باش غتحسي ونتي كتشوفي ناس اغلى من نفسك على حافة الموت.....

عينيها خرجو وقلبها بدا يضرب بجهد لدرجة معقلتش على راسها امتى حلات طوموبيل ولا امتى غوتات ولا تا امتى مشات كتجري لعندهم...عينيها كانو معميين ما شافت لا طوموبيلات جايين قاصدينها ولا و

وعَّات راسها بلي هي وسط الشانطي ...

كان كل همها دير شي حاجة

صوت لكلاكصون تجهد وناس حطو يديهم على فمهم وشهقو ....غادا قاصداهم اقل من دقيقة حساتها ساعة ..نزهة وختها تشلو على الحركة شحال من واحد منا وقعات ليه كيجي لوسط ويتبلوكة مكيبقى عارف يزيد لقدام ولا يرجع لور كيتسمر بلاصتو ويتسنى نهايتو ...فرانات طوموبيل عند رجليهم

وخرج راسو من الزاج اشار ليهم وكسيرا مبعد عليهم بسرعة البرق

متهور ولا سكران ولا مكيعرفش يسوق

كلها من دوك ناس لي مجمعين عليهم شنو قال .. مداوها گاع فيه ولا في طوموبيلتز حيت الخلعة طيحات منهم نص وزادتهم مريام لي وجها عمر دموع محسات براسها حتى وقفات قدامهم ايدها على قلبها وكتبكي حاسة براسها فاشلة ..

دموع لي نزلو من عينيها فديك اللحظة هما نفسهم لي هبطو قبل طمنات على ماماها وخالتها وهزات ايدها واخدة ولدها وخشاتو في صدرها كتبوس فيه وتدمع...طوموبيلات لي وقفو تحركو وناس لي تجمعو تفرقو هما مزال مبلوكيو بلاصتهم ...رجعو بلور لفوق طريطوار ترجع فيهم النفس

عايشة وجهها صفار بالخلعة ~. اش بغيت ليه الله يلگيها ليه طيرها منا خلعة ولد لحرام

نزهة كتشوف في بنتها كيف حاضنة على ولدها وشحال خايفة ~. الستار الله دازت على خير ..يالله نمشيو بحالنا ..مدات ايدها نغزت بنتها ولاو هما يملمو فيها تنهدات براحة ومسحات دموعها كانت مزال شاداها الخلعة ~. عينيكم فين اويلي وقفتو وكيتسناو فيه يجي يقتلكم ولا شنو متعرفوش ترجعو اللور ولا ديرو شي حاجة

شدتها عايشة من ايدها وتمو قاطعين الشانطي بحضر ~. تي فين هما ركابي ابنتي لي يتحركو فديك ساع ، نحمدو الله دازت طريفة ،شي صدقة هادي تعرضات لينا

طلعو لطوموبيل لي بقات محلولة بزز حيدت ارون من ايدها عطاتو لمها بايدن كيترعدو ديمارات كانت غادا صايگة بشوية ولمنظر كيتعاود قدامها طول طريق وهي ساكتة ومعارفاهمش شنو كيقولو فبالها غير لي وقع وشنو كان غيوقع ليها كون طرات ليهم شي حاجة ...مجرد تتخيلها مقدراتش

وصلو لدار طلعات نيشان لبيتهم كتحس بسخونية سارية معاها وباغا تبرد لاحت تليفونها لي وصلات فيه رسالة ومداتها گاع فيه ودخلات لدوش خوات عليها لما فيقها مزيان عاد خرجات لبسات حوايج الظار وجلسات فوق الناموسية كتنشف في شعرهاا ..رجع شعل تليفون رمات عينيها ليه وهي تلقى مساج في واتساب من نمرة غريبة وارقامها اغرب ..وغير حلاتو وتصدمات وطيحتو من ايدها لي خافت منو وهربات عليه تبعها تال هنا

كانت تصويرة فيها مها مزيرة على ارون وعايشة حداها خايفة وعينيهم كانت على طوموبيل لي غادا تضربهم وتحت منها مساج فيه ...

اليوم احياء وغدا او بعد غد او شهر أموات

لاحت تليفون من ايدها فمها كيترعد وعينيها بداو يدمعو ممتيقاش شنو قرات وممتيقاش بلي هادشي وقع عن قصد ...قبل ميجيها لمسااج قنعات راسها بلي صدفة وممكن توقع ومكتاب وقدر يتصرف ولكن دابا حسات بالخلعة وحسات براسها بوحدها ومعارفة مدير ولا بشكون غتحامى ...شكوكها كلهم كانو جهة عائلة جيمس شكون من غيرهم ممكن يديرها ...تبتت راسها وعيطات لموسيو جاك تقول ليه اش وقع بالحق مجوبهاش رجعات عيطت ليه مرة اخرا وخمسة وعشرين ونفس الشي ، شوية دوزات الاتصال لنمرة لي صيفطات لمساج نفس الشيء طافيا ..

بقات غادا جايا وكتاكل فشفايفها كتفكر فشنو دير تمشي لبوليس ، اش غتقول ليهم تفضح راسها بلي مزوجة يهودي ، وتعرفها خالتها لي مخبياها عليها ولا عائلتها لي باغين غير منين يدوزو ليها ....سمعات صوت مها كتعيط عليها بحهد وبتكرار نزلات بزربة وشعرها مزال سارد لعندهم غادا نازلة مخلوعة وقلبها غيخرج من بلاصتو خافت يكون وصلها نفس المساج

مريام مشات لعندهم لصالون ~. مالك علاش كتغوتي اشنو واقع

كتدوي وعينيها كتدورهم عليهم تشوف وجههم كيف داير

نزهة ~. بسم الله عليك ابنتي عيطت ليك غا تجي ديري كاسكروط مالك ...حطات ايدها على بلاصة حداها....تعالي جلسي الله يرضي عليك ونساي شنو وقع ليوم هاحنا حداك مزيانين

مريام تنهدات بصوت مسموع ومشات جلسات حداهم ...تماطى ليها ارون بيديه تعلق فرجليها تا هزاتو كتعنق وتبوس فيه خلات عايشة غا حاضياها وتبوز ليها ~. بنت ختي ؟؟ كيقولو علاقة الام وولدها كتزيد تكبر الا رضعاتو من بزولتها ونتي فخبري گعما بغيتي تعطيهاا ليه ولي شافك يقول مزال يجر ليك منها....انتي رخفي على داك الولد شوية وخليه يطلع قاصح

نزهة ~. ايوا اختي الكبدة حارة ...مدات ليهم كيسان تاع اتاي ...شدو شربو هاد الكويس صايبتو بالعشق ينسيكم هاد النهار

وشكون غينساه وواش هادشي غيتنسى ؟؟...سحكات داك كاس اتاي بوحدو ورجعات لبيتها تخبي فيه ملامح وجهها لي غيفضحوها معاهم وغيعرفو بيها شي حاجة

سدات على راسها وبقات منها ليه ومرة مرة ترجع للمساج تقراه وتبدا تبكي... الا وقعات لنزهة شي حاجة ولا لأرون غتكون هاديك هي اخرتها ديال بصح ،مغاديش تقدر تصبر ولا ترجع توقف من جديد.

~~~~

غادي شاد طريق لدارو مبعد لكرسي على لفولون ومسؤح زهرو تقول جالس فدارو كيف العادة شاب خالد ونيسو في طريقو ...وشنو من غيرها اغنية نتي سبابي وسباب بلايا ...ومنساوش تا لگارو لي كان فيدو كينتر ويبخ منو

خرجو من المود لي كان فيه صوت تليفونو لي كيصوني كان المحامي فراس دار مكبر الصوت ووجاوبو سيغ بلاص ~. استااذ كاين منقضيو ؟؟

فراس ~. شلا ميتقضي اسي زيداان ،جبت ليك شي معلومات على مدام جيمس وكيخصك تعرفهم

زيدان خفف السرعة وقال بانتباه ~ واش داكشي لي قلت ليك عليه

فراس ~. هاداك هوو ، نتلاقاو فشي بلاصة هاد ليلة ومندويو

كلها وهمو وكلها وكيف دايز نهارو في الوقت لي مريام كانت كتشوا وهي كتشوف عائلتها غيموتو قدام عينيها ....نادية مكانتش هنا همها الوحيد هو مراد انفوا حل ليها لباب لي حداه دارت نظارتها الشمسية على عينيها وركبت بضحكة واسعة مزينة وجهها ،ركبت حدا راجلها والفرحة هازاها من رجليها ،ولحنام مزنگين سر طايح عليها ...طلعت اميمة لور كان عاجبها الحال حتى هي باغا مراد ونادية تقاد الامور بيناتهم وهادا هو غرضها وخا كتبين لنادية العكس حيت لمجاتش دير هادشي تا حاجة مغتقاد خلاوها ناس الزمان المرا متعرف ليها غا لمرا...أما مراد كان حاس براسو فرحان ومرتاح وهادشي ل كان باغي ركب في بلاصتو من بعد مقاد لاسانتيغ ،وديمارا للمراكش ..شدو طريق في جو مرح موسيقى خدامة وكلام متدوال بين نادية ومراد ومرة بينو وبين اميمة لشرعات فمها بضحكة وتأقلمت مع الجو غادية وكتصور وتسيلفى اما نادية كانت حاسة بأميمة جالسة ليها على قلبها محملهاش خصوصا ذاك تعواج وتلحوين في الهضرة لي كدير عصبتها وكانت مبردة راسها غير بتلفون لكتدي فيه مع السيد لغادية عندو ،مقدرتش تقرب من مراد مزال مزعمتش عليه بزاف وحتى هو مقربش ليها خلاها على خاطرها هزت راسها لسما وقلبت وجهها لجهة الشرجم وبقات كتشوف مخلياهم كيهضرو بزوج حسات بيهم عندهم شلا ذكريات مع بعض وعيشين مع بعضهم كتر منها هي وياه حاولت تجبد كلام مع مراد شحال من مرة ولكن سرعان ما كيسالي بزربة وكتلقى راسها سكتت عكس اميمة كل مرة كتجبد بلان وقع ليهم بزوج ،شدتها الخنقة في قلبها وعينها غرغرو بلما تحس خزنتهم غير تحت نظاظر اما كان امرها يتفضح بغات هي تكون معاه وهي لي تشارك معاه ديك دكريات مع شي وحدة اخرا ...بقات على داك الحال حتى سمعت اميمة نطقت بجهد ومتعمدة~ عقلتي امراد فاش كنا في اليونان .

نادية دورت وجهها بزربة لعندهم وهضرت بلاما تحس ~كيفاش اليونان ؟

دارو شافو فيها بزوووج وهو ينطق مراد~ اه كنت مشيت ليونان واحد المدة وتما فين تعرفت على اميمة ..

نادية تزيرت كمدتها لداخل وسكتت زيرت على راسها ونار الغيرة شاعلة فيها منطقت ما والو حدها قربت منو وهي تحط راسها على صدرو وزيرت عليه حركة كانت بألف معنى عند مراد ل فهمها ودور ايدو عليها زاد خشاها فيه باس راسها وهمس بشويا ~بوحدك بوحدك

كلمة كانت مختصرة ولكن قمتها كبيرة عند نادية باستو في عنقو خلاتو يتنهد وهي تشدها دقة وحدة باغة تجهلو كيف كيجهلها بلاما يحس ، كل مرة تبوسو وتلمس ليه في عنقو حتى خرجاتو على طوعو عياا يصبر نقص السرعة ،غادي بشويا وعينيه كيدورو حتى بانت ليه سطاسيون ..وقف طوموبيل في بلاصة شويا خاوية وهو يدور عند اميمة~سبقينا اميمة ودوموندي على شي حاجة نتغداو بيها هاحتا جاايين ،

هزت صاكها وهبطت عرفاتو صَدٌَرها .اما نادية ناضت من فوق صدرو باغة تهبط حتى هي وهو يجرها ونطق عاض على شفايفو ~ اجي نتي لهنا مزال عندي معاك شي كلام مهم

هبط ليها الكوسان وحيد تيشورط ديالو سد لبيبان وطلع الزاج لكان فيمي دور عينيه وما بان ليه حد وهو ينعسها ونعس فوقها ناوي على خزيت وتكلم بصياعة~ واجدة امدام ؟؟

نادية صدمها من نيتو هذا دفعتو ونطقت بخوف ~ اويلي امراد واش عند بالك هادشي لعب عرفتي الا شدونا لبوليس يعطيونا واحد ستة شهور على عدم احترام النظام العام لدولة و..

مخلهاش تكمل سكتها بايدو ونطق ~ سعادة المحامية الجلسة بدات سكوت ..

سكتها بقبلة طويلة مدة عاد فصلها بعد عليها مطلع ليها تريكو لكانت لابسة وهي مبغاتش تحيدو ليه كضارب معاه وتغوت~ يهديك الله امراد اش كدير واش في زنقة

جوبها عينيه على صدرها لعريان و خارجين عليه~ نادية مبقينيش قادر نصبر ولا حتى نتحكم في راسي صافي

غير قال ليها هكاك حسات بيه وصل لافان ديالو وباش يتراجع ف من المستحيل حتى هي مبغاتش تحرم راسها منو وباغا تعيش معاه اللحظة واخا معجبهاش لبلاصة خرجها من تفكيرها فمو لي كيتسارا على عنقها ترخات ليه وساحت هز ايدها الفوق حيد ليها تريكو مخلي صدرها يبان من لفوق كان واقف ومشدود بحكم رياضة لي كدير ..لحمها بيض ورطب بسيف مهلية فراسها ومعازا فيه حتى حاجة ...تسلطت عليها الحشمة قدامو وتزنكت خلاص فاش حيد ليها سوتيان وتنشر قدامو لخير حطات ايدها على صدرها اما هو صافي ترفع وطلع لسما وفي نفس الوقت عاجبو الحال حبيبتو هادي وحلالو ومراتو لمعصباه ولمجعراه خشى راسو في صدرها وبدا يطبق عليه المراسم المعروفة

من بوسات خفاف وعضيضات وخلاص لكلام الحلو لكيقول ليها حتى كيخلي عقلها يغيب على الوعي وهو كثر منها واخا كان مدوز ومخيخ مع لبنات بالحق نادية بنتها فشكل اما هي كانت خبز ربي في طبگو وغير لمسة يدو خلاتها تلوى تحت منو وصلو للمعقول ونشوة عندو زادت نغزة حط ايدو على السروال باغي ينصلو وهي تفيق ضربها الضو ونطقت بخوف~ اشنو كدير امراد من نيتك .

جوبها مغيب ~ اكيد مراتي مكنديرش شي حاجة ممنوعة ولا حرام .

صرطت ريقها عاد جوبت~ اه ولكن ماشي هنا .

جوبها بتفهم~ متخفيش الالة غير شي حاجة نصبر راسي حتى الاوطيل حتى انا مغاديش يعجبنيش الحال ندير دخلة في طومبيل مرخيصاش عندي العمر ..باغي نعيشها ونعقل عليها راه ناعس مع مراتي و بنت بنوت لحظة خاصها تكون متورخة وعندها اصولها ،عوجات سيفتها فيه وهي تجوبو ~كيفاش بنت عوتاني ،

مراد خاشي راسو في صدرها ونطق ~ راك فهمتيني علاش داوي

نادية بعداتو صحة كتقلب على تريكوها ~. مرااد صاافي ..

دورها في راسو بزربة لقاها مجاتش جمع راسو وبرد غذايدو غير في فمها ضربها ليه ببوسة معتبرة وناض من فوقها بعد ماقال في وذنها~انا نصبر اش ندير،، نقج باباه حتى لاوطيل غير وجدي راسك ليا ..

رجع لبسها حوايجها ولبس حوايجو ..قادت راسها وشعرها مني تاكدت من مظهرها عاد نزلت وحتى هو كذلك جرها من ايدها وسورت طموبيل ومشاو عند اميمة لعاقت بلبلان ..كانت واخدة لغدا ليها فقط

نادية شافت طبلة وهي تبتاسم وهمست لمراد ~ الحمد الله هاد المرة فهمت راسها

نطق حتى هو بهمس ~ سبحان الله بحالك حتى نتي هاد المرة فهمتي راسك وخليتي راجلك يتمتع بحقوقو امدام .

عيباتو وهي تجر كرسي گلسات عليه خداو غذاهم وتحركو لمراكش هاد المرة نادية ركبت لور باغة تبعد من مراد اما هو كان عايق بيها طريق كلها وهو حاضيها في لمرايا ويغمز ليها ويتحلف عليها وهي كتهرب منو ،وصلو الاوطيل مع ليل ديجا كانو ريزيرفاو فيه متعطلوش بزاف في الاجراءات خظاو غرفة وجناح العرسان بغات تعكس ليه وتقول ليه لا وهادي وديك ولايني طمرات ومبغاتش تبرهش تاني ..وصلو الجناح ونادية مبغات كاع تذخل و عارفه مراد ناوي وعينيه معمين عليها حل الباب كيف رمات رجلها وهو يجرها لعندو معنقها وكيشم في ريحتها وشعرها بعدها عليه شويا ..وهو يشد وجها بين ايده ونطق بحب

عرفتي شحال وانا كنتسنى في هاد اللحظة انادية ..ذبل عويناتو وبلسان ثقيل قال ..من نهار شفتك ..تنهد وخرج نفس من فمو بصوت مرفوع ... كنبغيييك انادية وكنتمنى من الله يخليك ليا والله يدومها فرحة علينا .

باسها من جبهتها باغي يبدا مافيه ميتسنى

وهي تملص منو باغراء وتكلمت بدلال ~ بلاتي امراد ندخل لحمام

طلقها بزز ونطق بلا حشمة كعادتو ~ كتفركسي فيه ليا وقولي ليه قال ليك باك مراد اليوم نتهلى فيك الزين تبسيمة..

كتسمع فيه جاب ليها ضحكة معندو فران لوجه عندو مقزدر قدات غراضها وخرجت لعندو وهي معبسة وجهها ونطقت بحزن ~ مراااد جاتني الدم غير نطقتها مراد هو يوقف من فوق ناموسية ~حطي سروالك دبا نتاكد

في بيتو ديال نعاس مغطي نصو و نصو الفوقاني عريان حاط يديه على كرشوو و عينيه على السقف الراس مرفوع والبال مشغول وتفكيرو واخداه غير هي وشكون من غيرها ...جاا يصيدها لقى راسو تصيد قبل منها فينما يبزز على بالو ميفكرش فيها ضد تجي فمخو غير هي مرة يتفكر شي حركة معجباهش منها و مرة يفرد وجهو فور ما يتخيل ضحكت عينيها وتنوعيرها....هز تليفونو و محسش براسو حتى دخل لجهة تصاور فين مخبي تصاورهم بزوج .بقا شحال وهو كيقلب فيهم ويزومي ويشوف كيفاش كانت ضاحكة والفرحة قداش كانت باينة على وجها هو لي كان عما تنهد بينو وبين راسو ولاح تليفون ...ولا ندمان على ما دار فيها حيت غير ولية واش دخلها في صداع الرجال لعب عليها و وخدا منها اغلى متملك شرفهااا و الاب ديالها حس براسو اذاها بزاف و اذى راسو معاها... مسح على وجهو وعينيه وناض نيشان لدوش يبرد على راسو ... غسل وجهو و خرج لبس عليه كاجول و هبط لعند لتحت كلبس في ساعتو كانت مو هي و هناء جالسين فراديين وكلا وحدة ساهية فقنت... لاح عليهم السلام و برضى ميمتو خرج شد طريقوو غادي غير صايگ و مرفوع باغي يحيدها من بالو سكناتوو و خلات قلبو محروق ... دار جي بي اس و لأقرب كازينو قصد ... وكيف عادتو غير دخل ليه شد كوان بعيد على الصداع و دور بيه قراعي الشراب لي ولا ملاذو للهروب ...وعلى انغام الراي كان جالس منخوي مكالمي كانت دنيا مزال معمرت ...مرة يهز كاسو مرة يقطع مرة يدندن بفمو وعينيه شبه غيبين باغي يلاهي الوقت ويناص ليل ،يرفع لعقل لي باغي حاجة ويقتل لقلب لي باغيها ويقاد لگانة لي ولات على سبة اما الخاطر واخا يشرب مية قرعة غيبقى هو هو

على انغام الراي كان جالس منخوي مكالمي كانت دنيا مزال معمرت ...مرة يهز كاسو مرة يقطع مرة يدندن بفمو وعينيه شبه غيبين باغي يلاهي الوقت ويناص ليل ،يرفع لعقل لي باغي حاجة ويقتل لقلب لي باغيها ويقاد لگانة لي ولات على سبة اما الخاطر واخا يشرب مية قرعة غيبقى هو هو

هذا هو زيدان وهاكدا ولا ..بنهار ملاهي وقتو في الخدمة...وفليل موضر راسو بالمبيقات

صونا ليه تليفون كان المحامي قطع عليه بلاما يجاوب وصيفط ليه فمساج فين كاين

مسافة طريق ووقف عليه ، لقى عليه تحية وجلس حداه ~. موسيو زيدان صافا

كتفى يهز ليه راسو بمعنى بخير ..وشير على سيرفور وقال ~. شنو تشرب

فراس بابتسامة ~. من نوع لي فيديك

زيدان شبح ابتسامة مرسوم على وجهو ~. جايب معاك شكون يوصلك بعداا ؟؟

فراس تقاد في الجلسة وتفطح فوق الفوطوي مزيان ~. مبقى يدي مني لا حق لا باطل

على اتر هاد الكلمة دفع ليه زيدان لقرعة وقال ~. هاهي بصحتك

شربو وتنغمو ووصل وقت للمعقول قاطع زيدان على فراس الجلسة بعد ما بان ليه تحل وعينيه كيضورو على لبنات تاهو بخبيزتو وما ساهل

زيدان وقف ~. نخرجو على برا وندويو في المفيد وعلاش جيتي كيبان ليا

فراس ناض بعدما قاد حوايجو وعينيه كتغمز لبنت قدامو وهي كتلحون عليه تما ~. هي اللولة

خرجو على برا ركبو طوموبيلت زيدان وقال هاد الاخير وهو كيشوف قدامو وعينيه مقوسة ~. شنو لقيتي ؟؟

كان كيلعب بايديه فوق ركابيه ..هز حواجبو لفوق ودور راسو لعندو مقاد معاه ~. لقيت معلومات لي تخلي مدام جيمس تبيع حقهاا بلا كلمة بلا زوج ويديها فوق راسها كيف جيتك

زيدان شاف فيه وقال بحدة ~. بلا دوران دوي ؛!

فراس ~. جيمس سر مماتش موتة عادية ...سكت شوية وكمل ... تقتل ولي قتلوه عائلتو ...

قاطعو سؤال زيدان باغي يستوعب ~. كيفاش عائلتو ؟؟ متاكد من هضرتك

قالها ليا المحامي ديالو جاك بنفسوو ..واخا هاد المعلومة كلفاتني فلوس صحيحة

زيدان ساط باعلى صوت وخيب سيفتو ~. متقوليش ليا الهضرة من اللخر بدا من لول نفهم !!

فراس هز ليها راسو ~. واخا اسيدي...جيمس كان مقرر يدخل الاسلام وعائلتو جوباتو بطريقتهم

زيدان تاكد من شكوكو ~. وكنظن هادشي علاش مرتوو قررات تنزل لمغرب

فراس ~. تماما تابعينها وماشي بعيد يصفيوها ليها راك عارف هادشي عندهم مكيتسالاش على خير وعاد هي عندها ولد منو ومن صلبهم غادين يبغيوه يعيش على تخربيقهم ..

زيدان ~. بخصوص لولد لقيتي ليا لي قلت ليك

فراس بنفي ~. لي عرفت بلي فعمرو عام وشي حاجة ومكتوب على اسمهم بزوج كنظن ولدوو

زيدان تعصب ~. صافي يمكن ليك تمشي تال غدا ونكملو لهضرة في لبيرو

فراس تا حل لباب ورحع سدو ~. شنو بان ليك اموسيو زيدان نستغلو هاد نقطة لصالحناا سيغتو كتبان ليا مدام مريام مدكياش لديك درجةة..

لي تخلي مدينتها وترجع فين كانت ساكنة لمرة لولة وتستاهن بليهود ساهلة نديروها بيها

زيدان جطع قبظة يدو وحمر فيه وونطق بتحذير ~ مغدير تااا حاجةة بلا خباري تنوعير ديالك انا عارفو ..فهاد القضية بذات تصرف كيف نقوليك انا ..يالله الله يعاونك

تفارق مع فراس ورجع لدارو وهاد ليلة من الليالي لقلال لي ممشاش فيهم عند سمر...رجعو بحالو دماغو مصدع بيها وبشنو سمع ..عرفها واقعة فمشكيل ومن خلال تصرفاتها باينة بلي معارفاش حجمو قداش.....بدل عليه وخرج لاطيراس قدامو كاس القهوة شاد بيه السهرة وكيفكر ويبلاني ...وفي نفس الليلة وهاد المرة في المدينة الحمرا ....مراد عقلو كان خارج

و قربات تجيه سكتة قلبية من شنو سمع جمع الوقفة و كمش سيفتو ونطق بغضب~ كتفلاي عليا ولا اشنوو حطي سروال نشووف .دارت ايدها على خسرها واقفة كتعوج طلعت حاجب وهبطت خوه ونطقت حتى هي بعصبية ~ كيفااااش غادي نتفلى عليكك هادشي فيه تفلية..مكتيقش فيا ولا اشنو ..؟؟

نفخ بسخط دوز ايدو على راسو وهو ينطق مشربن~ وهادا اش ندير ليه نقطعو ....

هزات لين كتافها وتا هو هز سوارتو ونطق ~حشومة هادشي بزااف على الصبر

خرج وخبط الباب وراه .نادية بغات تبعو ولكن فضلت تخليه على راحتو اش غادي دير ليع وهو معصب كثر من لقياس ..

خرج ساخط من عندها توجه نيشان للبار خدا ميقاد ليه الراس ويبرد عليه نار الحرقة ويطفي الرغبة ل حاس بيها ويخلي مولاي السلطان ينعس ..

ليلة مشات عاد ناض من تما وتوجه لجناح ديالو ذخل لقى الظلام شعل الضوء ودخل لدوش ..بدل حوايجو وخرج شاف فيها لقاها ناعسة مقرب ليها منعس حداها، نعس فوق الفوتاي حسات بيه ومتلث في نعاسها كان عند بالها غادي يطيب خاطرها ولا يعنقها ساعة نعس بعيد عليها ...كمدتها فقلبها ونعست .

صباح الحال ونهار جديد ضربتها الفيقة هي لولة فاقت بكري اليوم عنها موعد مع سيد وخاصها تنوض تقضي الغرض بزربة جمعت الوقفة جات عينها عليه كان ناعس على كرشو ورجليه خارجين من الفوتاي ل كان صغير عليه ..بقى فيها و تنهدت بحزن وتمشات لجهة الحمام قدات حاجتها وخرجت لبست حوايجها وقادت مكياجها باناقة كيف عادتها ..قربت حداه وتحنات لعندو تلمسات شعرو بحب وهمست في وذنو ~حبيبي !!

باستو بحنان وهي كتنطق اسمو بدلال ..حس بيها حل عينه بزز، دار تقاد معاها ونطق بصوت ناعس~ اشنووو ؟؟

نادية دبلت عينها بحزن~هادي هي صباح النور امراد

جرها من راسها لعندو باس شفايفها بعنف حتى مسح ليها العكر ونطق ~هاهي صباح الخير فين غادية ؟؟

ضحكت بغنج وقالت ~خارجة على ود الخدمة وبغيت نقولها ليك واخا احبيبي .

بدا يتكسل في بلاصتو مزيان عاد ناض ~انا غادي ندوش باش نتوكض ونوصلك تسنايني

ناض بزربة خدا دوش وخرج لبس حوايجو لكانت موجداهم ليه لبس سبرديلتو وبدا كيقاد في شعرو قدام لمرايا جات من وراه عنقاتو وضماتو ليها بحنان حاس بيها كتعتاذر منو بديك طريقة واخا هي معندها ذنب ولكن شاد في خاطرو من جهتها حاس بزهرو وهي متافقين عليه مبغاتش تسرط ليه الشمتة كون عرف غيوقع ليه هاد لبلان يدير الدخلة في طموبيل ..نفخ بسخط وبعد عليها بطريقة عادية

وتم خارج تنهدت وخرجت من وراه كانت غادية بشويا عليها هو سابقها بشلا خطاوي ،خلاتو على راحتو ،ركبو الطومبيل بزوج بيهم عطاتو العنوان المكتب تاع السيد لكن قبل فطرو في مطعم في طريق عاد مشاو لعندو

نزلت ونزل معاها مقدرتش تقول ليه لا مذخلش خصوصا مراد محسوس من هادشي والا قالت شي حاجة يقول مكترضاش بيا ولكن موضوع كيطلب سر المهنة لا غير وخاصها تبقى محافظة عليه زفرت بضيق ودخلت لقات المساعدة في الباب ل دخلتها عندمن جاية وهو معاها ممفاكش

~~~

شمس طلعات والحال فات وهي مزال مظلمة عليها ريدو وناعسة فبيتها داتها كلها كترعد و ربي لي عالم بيها ... خاشية ولدها فيها خوفها مسيطر عليها كان عقل يديها ولاخر يجيب ...ليل كلو وهي تنوض طل من الشرجم ولا تهبط تشوف الباب واش مسدود الوسواس قتلهااا وخوفها من ل مهددينها بدات تحس بيه ويتغلل ... مقدرتش تجمع عيين مع ختها وتريح راسها لي كان غيطرطق بالعيا... ما صبح عليها الصباح تا روحها كانت غتزهق ناضت من فراشها نيشان لدوش بقات تحت الرشاشة شحال و هي نازلة عليها مرفوعة تتفكر شنو غدير وعلى الله شي حل ينزل عليها ...

بدات كتندم وتلوم راسها اش داها لشي انتقام ولشي غربة هضرة كثيرة كانت فدماغها كلمة تخبط ختها والراس غيتفرگع وكتبقى الكلمة اللخرة هي الله يدير تاويل تاع الخير...لوات عليها بينوارها وخرجت لقات أرون فايق وكيلعب بسكاتة ديالو باستو وغسلت ليه وبدلات عليه حوايجو عاد لبست هي ...مافيها لي تمشي لخدمة ولا طل عليها بالحق مغاديش تسالي من اسئلة نزهة ولا خالتها لي غيحمرو عليها بعلاش وكيفاش ونتي عاد بديتي وفين مشات هضرتك وكلامك و و و ...وحاليا ممستعدة تقوليهم والو.. لبسات لي جا فطريقها وهبطات لعندهم وجهها باهت مافيه حتى حاجة عينيها ذابلين وناعسين والعيا باين عليها ...

قالت صباح الخير باست ولدها وودعتهم ببسلامة عليكم وخرجات شادة طريقها لشركة ...وهي صايگة كانت كتصوني لنادية خاصها تعاود ليها وتقوليها اش كاين ولايني مجوبتهاش ...باغا لمن تشكي حاسة بداكشي كاتم على نفسها ، باغا لي يقول ليها متخافي گاع وتا حاجة مغتوقع ..بوحدها مقدرتش تصبر راسها براسها حيت منظر الطوموبيل والمساج لي وصلها كيمشيو ويجيو قدام عينيها

وصلت لشركة براكات الطوموبيل في باركينغ وبتلفة نزلات وخلات ساروت لاسق فيها وسداات من لداخل عاد هبطات ...تافافات بسخط وطلعت محاملة گاع راسها وماباغاش تشوف خليقت شي حد

نيشان مشات لبيرو زيدان لقاتو كيدوي في تليفون مع شي كليان وكيضحك ...واحد العقل كيقوليها سيري ليه تلاحي عليه ولوميه وقولي ليه ، نتا سباب، نتا لي جات معاك الضحكة اما انا هجرتو..بسبابك مات با ومهدديني بماما وماشي بعيد نتحرم من ولدي، هو كيدوي وهي جالسة في الكرسي وكتشوفيه بكره قلب ليها حياتهاا سفاها على علاها وبسبابو لاحت راسها في زوبية

قطع تليفون وناض لعندهاا هاز شي وراق فيديه ~. هادا هو بلان ديال الأرض لي خديتي مشروعها بداي تخدمي عليه..

مريام حسات بنفسها تخنقات عليها وهو واقف قدامها وقفات وهزت صاكها ~. هاد لبيرو باقي گعما وجد ، باغا نخدم براحتي وهنا انا گعما ممرتاحة

زيدان قرب لوجهها كيشوفيه بانت ليه ماشي على برجها نزلت عينيها الارض هربانة من عينيه وهو ينطق بخشونة ~ الا بغيتي تخدمي غادي تخدمي ...

لاح كلامو وخرج.. جلست بلاصتها وحاولت تلاهي راسها واخا مقادراش

دازت ساعة وساعتين وتلاتة ومجاها لا جوع لا عطش وقت لغدا فات ووصل لگوطي ..تم داخل مقوس حجبانو لقاها فين خلاها وعرف من سكرتيرة بلي مخرجاتش ، مشى لبلاصتو ياخد شي وراق جا على ودهم خ.اهم ورجع نزل مخليها كتدوي في تليفون تا ناضت قافزة ~. كيفااش خرجتي اماما وعلااش مقلتيهاش ليا

نزهة جارة ارون في بوسيت قدامها وكتسارا بيه ~. وعلاش غنقولها ليك ابنتي، راه قلت ليك خالتك مشات لدارها وانا قنطت خرجت وخرجت لولد يضربو الولد.. اش فيها

مريام غوتات سابقينها دموعها ~. متخرجييييش اماما متخرجيييش وتخرجييه معاك واش نسيتي اش طرا ليكم لبارح الا رجعات الطوموبيل وضربتكم

نزهة ~. رجوع الله ابنيتي لبارح فات وداكشي صدفة

هزات صاك كتمسح في دموعها قلبها كان كيضرب ~. فينك نتي دابا.

نزهة ~. انا في جردة لي قدام ***

مريام طلعات في ساسنور ~. شدي كرسي وجلسي فيه متمشي لفين اناا جااايا ، عفااك اماما متحركييش وردي لبال لكمال

خرجات من سانسور بجهالة غادا قاصدة طوموبيلتها ..خشات يديها في صاك كتقلب على سوارت ملقاتهمش ، تفكرات بلي بقاو في طوموبيل وزفرات بقلة حيلة معندها مدير من غير انها تخرج على برا وتاخد طاكسي ..

غادا بزربة لي شافها من بعيد يقول جاتها خبار خايبة وجهها صفر ولفم بياض حاسة بدوخة وبراسها ماشي تال تم...الجو كان سخون وشميسة حارة ...وقفات في شارع تحت منها حاطة يديها على جبهتها مضرگة شمس وكتسنى على الله يدوز شي طاكسي يوصلها ..

ووالو جايا لربع ساعة ومزال على نفس الحال لي داز كيكون عامر ولا سالا ...مقدراتش تصبر جبدات تليفونها وعيطات لنزهة باغا ترتاح عليهم وتدي وتجيب معاها في هضرة حتى توصل ..في نفس لبلاصة كان زيدان عاد ركب طوموبيلتو وتحرك جاي بشوية عليه كان كيقلب في تليفونو هز عينيه بانت ليه كاتشي وتجي وباينة فيها كتسنى شي حاجة دار سينيال على ليمن وكلاكصونا عليها مهبط الزاج ~.

شنو عندك اش موقفك هنا ؟؟

مريام خنزرت فيه وقالت باندفاع وتليفون مزال على وذنها ~. ونتا مالك شارع ديالك ومفخباريش ...؟؟

سكت الطوموبيل ونزل عاقد غوباشتو ، وقف قدامها داير ايديه على جنابو وكيدوي منرفز وبلاما يشوف فيها ~. كندوي معاك مقاد جوبيني مقااد ...بلا تبرهيش

ضيقت عينيها وهي كتشوف الاتصال تقطع...رجعات كتركب في نمرتها وكتجاوب فنفس الوقت وهاد المرة نبرة صوتها كانت عالية ~. اسيدي متدوي معايا لا مقاد ولا مزمر ، عطيني غا شبر تيساع فهاد سااع..

مكرهش يجمعها معاها بطرشة على حدة لسانها ولكن عارف بلي هو سباب فهاد تمرد لي ولات فيه...عرف راسو بلي خسر ديك مريام لقديمة ا كانت متقدرش تعلي صوتها عليه ولا تشوف فيه بشوفات من غير لمحبة ...كان كيطلع فيها وينزل وهو مزال فبلاصتو بانت ليه ماشي على برجها وشي حاجة عندها ..تمات غادا غادا لشانطي كتشير لطاكسي وكتغوت عليه بالحق مشا وخلاها ..دلات ايدها باسى وقالت ~تفوو على زهر تفووو....كتعاود تعيط ولكن تليفون مها كان طفى وهنا الخلعة لعبات عليها ...جوبي اماما جوبييي

زيدان مكالمي راسو صحة ~. انا نوصلك فين غادا معندك لاش تبقاي واقفة هنا

مريام شافت فيه لعيون دامعة ~. الله يرحم باك ممحتاجة والو عطيني غاا تيقاار انا غنضبر لمحاايني غنشوف طاكسي ولا نمشي مها على رجلي ..تمات غادا وهو وتبعها جارها من ذراعها تا تنتر منو

زيدان نفخ بعصبية ~. شوفي ديري راسك مكتعرفينيش نوصلك فين بغيتي ونرجع بحالي هاد لوقيتة مكاينيش طاكسيات

مريام ضحكت باستهزاء ~. ياك واخا مقلتي عيب ....سبقها عاض على فمو من لداخل ،كيحاول يصبر وميتعصبش ولكن كتنيرڤيه دغيا ، هضرتها دايرة كي سم عارف هادشي من حقها وماشي ساهل تشوف ليه فوجهو بعد لي صرا..ولايني معندو ميدير يعيا يقول انا سباب كيبقى هاداك طبعو معندوش مع لمرا لتهز عليه وتعلي صوتها على صوتو.....ركب فمكان القيادة كيتسنى فيها تطلع حداه حتى كتبان ليه مشات جهة شانطي قدام نظراتو ودارت اوطو سطوب لسيارة من نوع جاوگوار كانا دايزة وراكبها راجل شيباتو باينين ..ركبات معاه وخلاتو وراها كيشوف مقندش زفر وسب بهضرة خاسرة وكسيرا تابعهم غادي منير واكل طريق بهاد المفهوم ممحتارم على اشارات لا مسافة امان لا سرعة..باغي يوصل عليها وربي كبير ، يشوفها نيت علاش من صباح وهي تقاقي راسها ...كلاه دماغو وراسو ضرو باغي ...الطوموبيل كانت بعيدة عليه بشوية ...جهد عشرين دقيقة عاد بانت ليه كتبلاصي جنب طريق وقف حتى هو مبعد عليهم.. شافها نازلة كتجري غادا لجردة كاينة تما نزل وراها تابعها متقل ...حتى كيلمحها حاطة ايدها على قلبها وكتنفس براحة وقدامها نزهة لي مزال باقي عاقل على ملامح وجهها ..نتابه للولد صغير لي كان في بوسيت كان بعيد منو مقدرش يركز في ملامحو ...حتى هزاتو مريام بين ايديها كتبوس فيه وتعنق والخوف في عينيها ~. لاش خرجتو اماما علاش ؟؟

نزهة حالة بنتها مبقاتش عاجباها ~ ايوا لاواه ابنيتي نعلي الشيطان ،مالك بنتي ليا هاد ليومين ماشي هي هاديك .. يا الله غتجاوبها مريام حتى لقاتو واقف من موراها كيخنزر ويديه في جيابو حمرات فيه وقالت ~ اش جاي دير هنا علاش تبعتيني ؟؟

زيدان عينو مشات نيشان لأرون ..كان كيلعب بيديه ومخرج لسانو ..قرب منو وشد ايدو صغيورين بطرف صباعو وباسهم ~ ما شاء الله ..شاف في مريام و رجع كمش وجهو ~ هذا هو اروون

مريام بعداتو عليه مخبياه ~هذا سميتو كمااااااال

زيدان بتساؤل ~ همممم اييه وشحال عندو من عام

مريام خرجات عينيها ~ مشغلكش شحال عندو و حيد دوك الافكار المسخة من راسك

زيدان بنبرة تهديد ~ كنتمنى متكونيش لعبتي من ورايا ولا غتشووفي مني لخاايب ديال بصح

نزهة وقفات قدام وجهو كتخنزر فيه ~. باشمن وجه جاي كتلووم محشمتي معرقتي اش باقي باغي من بنتي

مريام كتجر فيها ~. ماما صاافي يالله فحالناا

نزهة مبغاش تزعزع ~. فرقها عليه باراكا لي دازت منوو بسبابك

خلاها كتغوت وعينيه على لولد لي معارف والو وعلى عينيه ،،كيحقق فيه وكيخفض ملامحو باغي يعرفو لمن كيشبه ، بان ليه لا علاقة بجيمس ومكيشبهش ليه بتاتا ...مريام ردات ليه البال وهي تجر نزهة وغبرات من حداه مبعدة ولدها على الانظار ديالو ولحسن حظها هاد المرة لقات طاكسي فور موقفات في شارع

موصلو لدار حتى شحفات دازت عليها هاد نهار بالمزيان ...طلعات للبيت هازة ولدها لي كان ناعس في ايدها حطاتو في بيتها فوق الناموسية وبدات تجبد في حوايجها تبدل محتاجة غا تخشيه فيها وتنعس فدديك اللحظة ...وهي كتلبس دخلات عليها نزهة كتلوم فيها على شنو وقع ليوم ~. واش فينما غنخرج ابنتي غديري ليا روينة الا على ولدك منديهش معايا ومنبقاش نقرب ليه وااه اشهاد الحالة وليتي فيها

مريام محسات براسها حتى بدات تغوت ودموعها سبقوها ~. ايوا حسي بيا اماما وجلسي فدار ، حالتي يعلم بيها الله انا مخايفاش غا على ولدي خايفة عليك تانتي معاه

نزهة قربت لعندها تشوف مالها ~. اويلي ابنتي ولبكى لاش

مريام شدات ايد مها بتوسل ~. غير ديري لي قلت ليك ...داكشي لي وقع معاكم لبارح مبغاش يمشي من بالي

نزهة كتمسح على شعرها ~. راه مكتاب ابنتي ماشي غا حنا راه اي واحد ممكن يوقع ليه نفس الحاجة

مريام باصرار~. غير ديري ليا خاطري على اقل تا ننسى واخا

نزهة عنقاتها ~. واخا ابنتي بناقص من هاد زنقة الا كانت غتمرضك ليا ....

باستها فراسها وبقات خاشياها في صدرها حتى تهدنات شوية عاد بعدتها عليها ...يالاه بدلي عليك ورتاحي وجهك بان ليا عيان نوجد شي حاجة ونفيقك ...

مريام بتعب ناضت من فوق ناموسية بدات كتبدل في حوايجها ~. واخا سدي معاك الباب

لبسات وسالات وتخشات في فراشها وهو يصوني ليها تليفون كانت نادية لي كان عقلها خارج بتعياط عليها ~ افيينك اصحبتي من صباح الله وانا نعيط

مريام كتلعب في شعر ارون وكتدوي بشوية ~. هانا عاد دخلت مشفتوش مالك

نادية ~. لقيتك معيطة ليا صباح،راني كنت عند واحد سيد معرفة على ود الخدمة وجبت ليك شي خبار على داك ناگة مولاي براهيم محامي زيداان

مريام تقادات في الجلسة ~. اش لقيتي عليه

~~~~قبل ساعات ~~~~

دخلات عند سيد لي جايا على ودي ومراد معاها ممفاككش ...كيف شافها ناض رحب بيهم بحفاوة كبيرة ~مرحبا مرحبا مدام بن زين اش خبارك ..مدات ليه ايدها مع ابتسامة عريضة ومجوباه حتى هي بصواب كبير ~اهلا سي بوكناني اش خبارك نهار كبير هذا شفناك فيه

جاوبها وهو كيگلس فوق الكرسي ~كبير بيك وانا كنقول مال مراكش نورات قول نورت مني جيتي ليها ..

ضحكت عاد جوباتو ~ شكرا مراكش منورة بيك وبي ناسها ..

كان مراد غير كيخنز وقريب يبدا يخلط شي مع شي اش هذا ضحك لباسل ...شد في راسو غير حيث سيد كبير ف العمر اما كان يبدا من طرف كلس على اعصابو وتقابل مع نادية كيخنز فيها شافت في عينيه حمرين عرفاتو شعل وهي تجمع الضحكة

هضر سي بوكناني ~ مدام بن زين اش تشربي ومعرفتنيش بالشاب باينة مساعد ديالك شافت في مراد بزربة قبل ما يجاوب بشي كلمة ماهياش باينة غير من تعبير وجوه لمكيبشروش بالخير ويصدق مزبلها

نادية~ اه لا ماشي مساعد ديالي راجلي هذا مراد بن زين .ابتسمو لبعضهم ، نادية كانت باغة تعرف الاخبار بزربة ومافيها ل يصبر داكشي علاش دخلت في الموضوع قبل حتى ما تجي القهوة لطلب ليهم تكلمت بجدية وهي مشابطة يديها ~ سي بوكناني داكشي لطلبت منك موجود نتمنى تكون شي حاجة تفرحني

جوبها وهو مركز معاها ~ مدام نادية سيد ل سولتيني عليه هو فعلا محامي ومحامي ذكي وعفريت سيد شاد شلا قضايا وخرج شلا بنادم خصوصا داكشي ديال تزوير عندو معاه ومخلويض كبير كان يخلوض بين متهم وقاضي ويشد من عند هذا ويعطي لهذا ايدو كانت طويلة ولكن كيف كيقول سيد النعام يلقاها يلقاها

شي واحد صورو و هو يشد عليه الحجة ودليل وهي تفصلو نقابة المحامين وبدل الوجهة من مراكش لكازا ولي سمعت انه عطى فلوس كثيرة ورجع والله وأعلم ممتاكدش يقدر يكون مراجعش ..تلقاه كينصب على شركات ولا شي بلايص لمعندهم علاقات بمحاكم بزاف

جبد ليها وثائق عطاهم ليها خداتهم من عندو وعينيها كيلمعو بسعادة تكات على الكرسي وهي تبتسم بشر ونطقت بانتصار ~ وهادي خدمة نقية اسي فراس هاكا يكونو المحامين ولا فلا ..جمعت الوقفة بزربة ومطات ايدها لسي بوكناني ونطقت بشكر~ تبارك الله عليك اسي بوكناني فرحتيني

جبدت من صاكها الفلوس كانو ظرف وعطاتهم ليه عودات شكراتو وخرجت فرحانة وغادي طير من بلاصتها.. خبار زينة هادي غادي تشد عليه التهمة وتعرف كيف تلوي ليه يديه مهم تكون في ايدها ورقة رابحة حسن ميكون والو كيف خرجت لبرا عنقت مرااااد وتكلمت في وذنو ~ اححح احبيبي شحال فرحانة

بعدها عليه وهو مزال شاد ليها في ايدها وتكلم~ شكون هو هاد فراااس ل مهم عندك وجاية على ودو حتى لمراكش الالة نادية جوباتو بابتسامة عرفاتو غيران باينة في ملامح وجهو المكمشين وشفايفو لكيترعدو باعصاب ~ هذا واحد محامي داير راسو قافز ولكن معامن هو مع مدام بن زين عرفتي في خدمة تاع المحامين كتعرف على شلا بشار قضاة ،محامين، وكيل ،بوليس وكتشوف كذلك شلا مجرمين في حياتك داكشي علاش كتولي عندك نظرة خاصة غير كتشوف واحد من ملامح وجهو كتعرفو واش معقول ولا مخلويض هادشي علاش قررت نقلب على هاد المحامي كثر ما نقلب على القضية الاساسية واي حاجة بسيطة كتكون عندها قيمة مهمة في نظري كمحامي فهمتي احبيبي

مراد جوبها بملل~ فهمت غير هو اشمن قضية هادي لشادة ونتي مزال معندك مكتب جوباتو وهي كتشوف في عينيه ~ خدمة متعلقة بمرياام

مراد~ اكي يالاه مشينا .

جاوباتو بتساؤل ~ فين ...جوبها وهو كيدير على عينيه نظاظرو ~ يالاه عند ذهيبي ناخد ليك خاتم الزواج كنظن راك مزوجة تكلمت وهي نافخة~ كنظن حتى صداقي مخديتوش ماشي غير خاتم ، وداهزي فين ديك زوج زوج من الحاجة يكمى عند بالك راني خدامة صافي غادي نتنازل ليك عليهم في احلامك اولدي انا حقي كناخدو كامل ..

بقى غير كيشوف فيها صدماتو عند بالها قدام قاضي جاوبها وهو كيخبط في ايديه ~ لاحول ولا قوة الا بالله العظيم ،واش نكرتك ولا شنو ، بغيتي صداقك نعطيه ليك شحال بغيتي الالة غا طلقيناا

وصل ليل كان مراد جالس لتحت كيتعشى بوحدو فرادي ، نادية فالبيت تحججات ليه ب دايرة ريجيم وباغا ننعس وعييت بدوران اما أميمة نهار كامل وهي خارجة كتسارا وتعرف على مدينة مراكش.....كان كياكل وحاضي لي كوبل قدامو كلها شاد فيد مرتو ولاحبيبتو كيتعشاو موانسيو الا هو ..كره الحياة الزوجية قبل ميدخل لجد مها على قولتو اللهم زوفري ولبنت لي عجبت عينو يقصدها ولا مزوج ويتسمى خاين وميسواش وديك الهضرة تاع لعيالات ...كمل مكلتو بزز وتگعد ساخط غادي للبيت يحط راسو وصل ليه حل لباب ودخل كان الظلام وصوت موسيقى هادية كيتسمع ...ستغرب وجا يشعل ضو مبغاش يشعل ليه زفر بخنقة ونطق منرفز~ اوطيل سانك ايطوال وضوء فيه مقطوع ..

جبد تلفون باغي يخدم لبيل ولكن قاطعوه ضواو لبداو كيشعلو تدريجياا تبعهم بعينو حتى حبسو وهو كيتمشى للمسار لي خداو ،يالله قاد رجليه على الارض وهو يشعل ضو على شكل قلب مكتوبة فيه عبارة "جعلتني أدمن عشقك⚘⚘... وأدمن سيرتك⚘⚘

فـضمني بعينك⚘⚘... وخذني اليك حبيبي⚘⚘

بقى واقف مدة كيقرى ويتهجى تنسات عليه اللغة العربية وتلف الشكل شوية حس بطيفها وراه ..ضار لعندها وضيق عينيه فيها كانت في ابهى صورة لابسة شوميز قصير بزاف مبين ملابسها الذاخلية ل كانو بلون لكحل ول جا مع لون بشرتها البيضة بانت أنوثها الساطعة، اما وجهها كان مزين بأبهى زينة وشعرها طالقاه على رحتو ،بقى غير كيشوف منطق ما تكلم .. شافتو ساكت وقررت تدوي هي~ مراد مالك معجبتكش المفاجأة

حيد من قدامها وجلس فوق افوتاي ل كان قريب ليه عاد نطق بنبرة جافة~ لا عجباتني الله ياودي اشنو معنيت هادشي باغا تزيدي تعذبيني ولا شنو ؟؟

نادية قربات منو وتحدرت عليه باغراء وهمست في وذنو حيت فهماتو اش قصد ~ معندك علاش تعذب انا قدامك مكاينة تا حاجة ملي قلت لبارح ..

حمر فيها ورجع راسو لور مبعد وكيدوي بسخط ~ دبا لبارح كنتي كتكذبي ياك ما غيگلي ما مخرية ومخلياني كنتشوى محشوماش عليك ،

بدات دور في عينيها عارفة راسها عيقت عليه ولكن ضروري تقاد راسها وتكون مستعدة راه ليلة العمر هادي.. كلست فوقو وضورت ايدها على عنقو عاد نطقت~ مراد سمح ليا احبيبي والله حتى بقيتي فيا ولكن راه كان خاصني نكون مستعدة ليها راك عارف واحد خاصو يكون معول شكون قال ليك انا كنت موجدة راسي فهمني شنو عنيت ،

حيدها من فوقو وناض زعفان غوت بغضب ~شعلي هذا الزبل ديال الضو

مزادتش معاه الهضرة شعلاتو ليه وهو يبان ديكور لبيت كثر.. كان عشا رومانسي فوق الطبلة ومزين بشموع مزال مشاعلين كذلك الناموسية كانت مزينة بورد الحمر ومكتوب اسمو واسمها بطريقة زوينة متسوقش لهادشي كامل حيد داك الورد ونعس مخليها واقفة في بلاصتها تنهدت وخدات نفس عميق ومشات لعندو حيدت ليه ليزار ل تغطى بيه ونعست فوق منو كان ناعس على ظهرو جاتها القضية ساهلة بدات كتلمس ليه في صدرو هبطت لودنو كتهمس بشويا وبدلال ~ حبيبي وصافي انا عارفة راشي غالطة ونستاهل هادشي... وانتا مول العقل والله حتى بغيت تكون ليلتنا مميزة داكشي علاش ختارعت الكذبة باش نوجد هادشي ليوم على خاطري ..

ملقات منو حتى ردة فعل وهي تغير نبرة صوتها ونطقت بالم~ مراد نتا عارف انو اي بنت كتحلم براسها امتى غتزوج وتعيش مع راجلها وتجرب معاه شحال من حاجة انا تحرمت من بزاف امراد حتى انا كنت باغة خطوبة والعرس ونركب لعمارية ونركبو لخواتم ونلبس الكسوة البيضة ونلوح الورد وندوز ليلة ذخلة في احسن اوطيل و ندوز شهر العسل فأحسن بلاصة..تنهدات وكملت... وبزاف امراد ،واش خسارة فيا الا صبرتي على ودي ليلة

حل عينه خنزر فيها ونطق بعصبية ~واش انا قلتي ليا بغيتي العرس وقلت ليك لا واش قلتي ليا شهر العسل وقلت ليك لا.. نتي ل بغيتي هادشي كامل انا راه ماشي صبرت ليلة انا راه عامين وانا صابر وتا دابا صبري على ودي هاد الليلة حيت معندي گانة

صدمها خلاها غير تبرق ودور في عينها ...حرجها بكلامو معرفت مدير حسات براسها تبلوكات واش تزيد مزال تحزرو ولا تنوض من فوق منو الموقف كان القرار فيه صعيب يتخاد...نعلت الشيطان وتنهدت موسعة الخاطر ورجعات كيف كانت ودوات ليه من جديد قرب وجهو ~ حبيبي وصافي سمح ليا انا كنعتاذر منك ..باستو في عنقو بوسات خفااف وكانها مهزاتش فيه الشعر باقة مقندش وقالب عليها سيفتو

ناضت من فووقو وزفرت بضيق حسات براسها مكلخة في الجنس معرفت حتى كيف تهيجو باين خاصها تقرا كتوبة وتعمق في هادشي بزاف وتكون عندها تقافة جنسية والا الراجل غادي يطير من بين ايدها ..حيدت لبنوار لفوقاني لشوميز وبقات غير بتحتاني ونعست حداه كتفشش وكتسنى منو يلبد ويبرد وهو يقمعها وكفى عليهم الضو وخشى راسو تحت لوسادة نعس ...بقات غا مخرجة عينيها وكتشوف عاد عطاتو بظهرها والدمعة في عينيها شقت طريقها على خدها ،زيرت على ايدها وكتمت شهقتها بقى فيها الحال واخا هي ل غالطة من الاول ..ولكن كانت باغا تفاجئو وتقاد لهاد ليلة ،نهار كلو وهي تقضى بتخبية وفرحانة ومتحمسة على مخلوعة وفلخر ينخلها...حس بيها وعرفها كتبكي ساط بسخط ودار مقرب لعندها عنقها من لور وقال ~ اح معرفت مندير معاك انادية والله ...دورها لعندو وبدا كيمسح ليها في عينيها ويبوس ليها في راسها بحالا هو لغالط في لوقت لي هي منها لافوت ورغم ذاك كيسمح ليها ويطلب منها سماحة حيت بكاها .

مراد~ صافي احبيبتي سمحي ليا انا الالة مول لافوت مهم هو متبكيش ليا وونشوف دموعك نعسها على كرشها وطلع فوقها ..شعل الضو كان خافت.. بانو عويناتها كيبريو والمكياج تجخلط ليها ..حاول يلطف الجو هو يطنز عليها ~ بسم الله الرحمان الرحيم مالكي وليتي كتخلعي

مغوبشة ومرداتش يشوف وجهها ولا حتى دموعها طبعها قاصح وصعيب تبين ضعفها لشي واحد ،مجوباتوش حدها بدات كتمسح في عينيها بضعف وهو يشد ليها ايدها ناطق ~ حيدي انا ل غادي نمسح ليك ..هبط لمستواها وانفاسو الحارة كضرب في بشرتها ،تقابل مع عينيها وبحنان دوز صبعو على شفايفها ورجع خدا وجهها كامل بين ايديه وهمس قبالت عينيها بحب~كنبغيييييك اروح مراد قبلها بين عينها ,عاد كمل كلامو ~ الله يخليك ليا ياربي وعمرني نتحرم منك مزال،

علة إثر هذا الكلمات قلبها حسات بيه وقف عن النبض مكرهتش الوقت يتعطل وتبقى غير هي وهو

دورت ايدها على عنقو وهمست ليه حتى هي ~امين ياربي وحتى انا كنبغيك وكنموت عليك اروح نادية ..

كلمة كانت كفيلة تخليه ينغامس فيحبها وينجارف بعواطفو اكثر واكثر .ايديه لكانو شادين وجهها تفرقو وكل وحدة خدات طريق على جسمها بجرأة كبيرة اما فمو كان فوق شفايفها كيتلمس فيهم ببطئ شديد ،حركة خلاتها تمشي معاه وتجاريه والرغبة طلع معاها كثر اما قلبها كان قريب يتوقف توثرت معرفت اشنو خاصها دير قربت لوذنو وهي تنطق ~ مراد اشنو خاصني ندير

بلاما يحس تفرقع بضحك كان اخر حاجة ممكن يسمعها في بحال هذا الموقف هو شنو قالت..نطق وهو مزال كيضحك~ زغرتي انادية مزيانة كتليق لهادشي

دفعاتو ونطقت بغضب~ بعد مني امراد

رجع شد ليها ايدها وعلاهم لفوق وتكلم ~ ماديري والو احبيبتي انا لي ندير و داكشي ل حسيتي بيه ديريه ..

حركت ليه راسها بأه وهو يهبط لعندها بدا بشفايفها كيروي عطشو منهم ديال عامين ،نغامس في البوسان حتى فقد السيطرة على راسو وانتقل لعنقها هبط معاه ببوسات خفاف و مرة عضيضات مرة لسانو كيهبط حتى شقة صدرها ويطلع ،شعل فيها العافية وخلاها تدخل معاه في بحر النشوة وتغرق معاه في اعماقو،دورت ايدها على عنقو وصباعها كينتاقلو بين شعرو وظهرو ،حتى حيدت ليه تريكو وكان عريان قدامها ،مقدرتش تصبر وهي تقلبو وجات فوقو ودارت ليه نفس حركات عرفها باغة ترجع ليه نفس الاحساس ،كان معول يجهلها عاد يبدل ونفس شيئ دارتو ليه عرفها دقتها كتفديها حتى في الجنس

وطاح في مرا مساهلاش وماشي بحال بنات لي دوز

تكات عليه بالبوسات وشعرها كيتلاوح عليه وايديها كيتساراو في صدرو كتبوس بالمهل مخلات ليه فين يزيد يصبر رجعها لوضعها الاول ونطق بتحدي~ دبا نشوفو هاد الزعامة واش غادي تبقى

قطع ليها الشوميز من الفوق حتى لتحت وتعرات قداموو بقات غير بدو بياس ، شهقت و بدات كتغطي وتكلم ~ اويلي حشومة .

كان كيشوف فيها بجراة كبيرة وعينينه شاعلين بنار الرغبة ،نطق وهو ايديها كيقيسو مناطق جسمها لمحضورة ~ حشومة هو يكون هادشي تاعي وملكي ومحروم منو ..ححح اشمن ذنب درت فيك حتى تخزني عليا هادشي ..

حشمت وصهدة طلعت معاها اما وجهها ولا حمر غمضت عينيها هاربة من عينيه ..متسوقش لوجهها قد معينو فاهين فجسمها لكانت فيه كل حاجة بلاصتها هبط ايدو بلمهل فوق صدرها محيد الحملات و نزل لعندو خاشيه بين وجهو وهو مفقوص عليه طلع لوذنها وهمس ليه ~ اليوم غادي نفدي فيك الجديد والقديم ..حلت عينها فيه وتكلمت بخوف ~ فوق مني بغيت نمشي لدارنا

ضربها ليها بتخنزيرة ونطق بعصب~ انا غنوريك فين غتمشي ليوم .. معندك خروج حتى تكوني ديالي احياتي غير ذخليها لراسك ..

رجع يكمل شغلو ايده على صدرها وبكل جرأة كيلعب فيه ومستمتع واخد راحتو ذغيا كيخليها ترخى وتمشي معاه كان غادي خطوة خطوة وكل بلاصة كيستكشفها فيها كيعطها حقها حتى كتولي زرقة ومختومة ببصمة فمو ولعقة لسانو بقى عليها هكاك حتى نجح يخرج منها صوت النشوة و ل آه ،عاد هبط لتحت هاد المرة وقف على ركابيه وتقابل معاه خدا رجليها هما لولين وهنا عاد غادي تبدا نشوتو تاع المعقول وقال ~ حبيبتي ..حلت عينيها بزز كانو مقلوبين بحر النشوة جوباتو بنبرة سخفانة~ امممم

مراد حاضي رجليها لي كانو مصبغين ومقادين ~ عرفتي احبيبتي اكثر حاجة كثيرني في لمرا هما رجليها سيغتو الا كانو مقادين ونقيين ..هزهم وباسها فيهم بوسات خفافت وكمل في طقوسو على نصف السفلي حتى ترخات وعرفها وصلت للاعلى درجات المتعة عاد حيد ليها اخر قطعة كانت متبقية من حوايج على لحمها واستعد باش يكمل زواجو ..طلع لعندها وتكلم معاها ~ نادية واش باغا

ترددات قبل متهز ليه راسها وتعطيه الموافقة ...اما هو كان حاضيها وكيتسنى غير شنو غتقول انفوا هزات راسها بالايجاب رجع يكمل على شنو بدا ..حاول يتلفها ببوساتو من جديد ويخليها مركزة معاه باش مديرش بالها بالحق منجحش ،انفوا حساات بيه جمعت رجليها عندها وبغات تبعد بخوف تخراج لعين لي فيهاا تقادا ،ما مرة ما زوج كتعاود معاه نفس الموقف حتى تعصب وزفر بالمعقول ~ نااااادية واش غتصبري ولا شنوو

نادية عاضة على فمها بتعب والم ~. لا لا لا مقديتش امراد

رجع بدا يدوخ فيها بهمس واللمس لكن بدون جدوى كانت مكنزة على لحمها~. مراد صافي تال غدااا عفاك

عصباتو مجوبهاش حكمها باش متهربش ليه وكمل زواجو منهاا

تسمعات غوتة مجهدة طالعة من حلقها حتى هرب ليها صوت ..نوعها بوحاطي ولحمها عندها عزيز ومكتصبرش الا تضرات ولا تجرحات بدات تبكي وتغوت ~. بعد مني بعد مني

طاح عليها الضيم وبدات تبكي واغلب لبنات ياما طيحو دموع فديك اللحظة مجرد تحسي انك وليتي امرأة كاملة وتجردتي من عذريتك واخا في لحلال فرحتك انك صنتي راسك كترجميها دموع ...نادية كلشي تخلط عليها

لحمها عندها عزيز ومكتصبرش للحر ...بكات وتنخصت لي سمعها يقول تعدى عليها وشدها صحة ماشي بخاطرها.. فينما كيبغي يقرب منها يبغي يسكتها كتدفعو ~. هء هء صافي صافي بعد مني بردتي دابا هادشي لي بغيتي.. !!

مراد ايديه كيطلعو وكينزلو على فخاضها كيطبطب عليها ~. واخا غا عيرؤ وسبي وبردي غدايدك الا كنتي غتبردي زيدي اش مزال

نسات وجات تجمع رجليها عليه وهي تغوت بجهد توعتات ~ ااااي اي غير قول شنو درتي لياا ها ؟؟ هادشي بزااف ؟

مراد مسح على شعرو ووبدا يندم لي حط شي سروال ولا سينا شي عقد زواج اش هاد كثرة تبوحيط ...تا كيبغي يسوط فيها وكيرجع يبرد حيت هادشي جديد عليها وممولفاش بيه حاجة طبيعية ..اعصابو حطهم في تلاجة وصبر راسو بجهد وشد يديها بزوج حاكهم على ناموسية متبتهاا واخا باغة تنتر ليه ~. هيييه سمعيني ، هادشي عادي علاه الا دگاتك شووكة مغتحسيش بيها ...

نادية بعيون مدمعة قالت بسخرية~. شووكة !! حاسة براسي درت كسيدة ودخلت فيا طوموبيل لتحت اشمو شوكة ولا مسمار

بدا يضحك ويبوس على راسها ويحزر وهي كتبقنن تما وتفشش عليه وتهز في كتافها ~. صافي سمحي ليا انا راه مكنسواش يالله اجي عندي وغمضي عينيك ومن هنا لصباح غترتاحي والا بقيتي هاكدا نطلقو گاع ..قالها بطنز باغي يضحكها وهي تخنزر فيه

تخشى حداها وحل ليها دراعو تجي لعندو وتوسد صدرو...بزز هبطات كواريها ...تخشات فيه ومرة مرة توجع عليه وهو يبوس على راسها ويمسح شعرهاا ..خايبة تا لمعاودة لي يشوف قصوحية الراس ولباس والهضور وليلة لحمرا لي موجدة يقول سيدة هنا نبات وعندها تقافة فهادشي وهي زرگة ...بدا يهمد عليها لحريق وعينيها بداو يتسدو...حس بيها بدات ترخى بين يديه وشوية سافرت وشفارها تلاقاو ..تسلل من حداها نايض راشقة ليه وضحكة مشرگة ليه لفم كيصفر ويدندن دخل لدوش خوا عليه لما لبس حوايجو وخرج حداها ناسي من بالو اميمة والخدمة والدنيا ومافيها ومعشش فيه غير نادية

عند اميمة لي كانت كتجول شوارع مراكش وكتكتاشف ، فضلات تخلي مراد راس فراس مع نادية وجودها معاهم مغاديش يحل المشكل بيناتهم يقدر يفاقمو وداكشي باين من تصرفات نادية ونظراتها وملامح وجهها لي كيتعقدو اول مكتشوفها بطبعها معزيزش عليها تكون فبلاصة ممرغوباش فيها ...داكشي علاش طفات تليفون وهزات راسها ودااعت مخلات فين مشات ولا شنو تقدات دارت شوبينغ و لي عجبهاا خداتو تعشات في جامع لفناا وملي تشطبت الدنيا شدات طاكسي ورجعت لوطيل تمت داخلة و هازة معاها اش خدات و لي دازت من حداه يحل فمو فيها وفلبسها ومؤخرتها لي ولات معيار مهم للجمال عند رجال ولا تا نسا ... وصلات لشومبر ديالها ولاحت ل فيدها حيدات طالونها و مشات ديريكت للابتوب ديالهااا ، لقات شلا اتصالات في السكايب وايميلات تاع الخدمة زربت حيدت حوايجها و لبست بيجامة مريحة و جلست قدام البيسي مكملة خدمتها واخا عيانة...ناضت خوات ليها كاس من قرعة شامبانيا لي وصات عليها روم سيرفيس وتقادات فوق الناموسية مواصلة شغلها

اميمة انثى بمعنى الكلمة مكتمتالكش غير جمال الوجه ولجسم لا حتى العقل ، عائلتها كبيرة وملعقة من صغرها عزيز عليها ادارة الاعمال وتكون خدامة عند راسها معند تا حد ، كانت كتقرا وكتخدم في نفس الوقت قدرات تدير اوطيل غزال وبطابع مختلف في سانتوريني وكتجهز لافتتاح ريسطو في ايندهوفن...ستقبلت مكالمات كلهم متعلقين في الخدمة قادات امورها ورساتهم عااد تلاحت نعسات تاهيا وهي متاكدة بلي مراد قاد امورو مع نادية سيغتو ملقات حتى اتصال من عندو

حلات عينيها على لمسة من ايد أرون فاق هو اللول عيى يتقلب ويتركل برجليه ويلعب مع يديه وملي مل وجاه الجوع طلع فوق كرشها زايديه مشاو لوجهها كيلعب بيه ويضحك بوحدو ريوگو دايزين ولسان مخرجو ..حسات بثقلو فوقها وبايديه رطيطبين على وجها وهي تحل عينيها مبتاسمة واخا قلبها كاعي بالحق ميمكنش تصبح على وجهو ومتضحكش

عينيها كانو حمرين ووجهها تاهو فوتات نعاس شركات عشية وليل علىىالله ترتاح ودماغها يزگى ...هزات بيديها بزوج من خصرو ورفعاتو لفوق كتلعب بيه وكتدوي بصوت طفولي ~. تباااح لخيير ماماا

هبطاتو عندها باستو في حناكو ...جاك جوع ياك اكبيدة ديالي ...

كتدوب معاه وهو كيجاوبها غير بغغغ وبكلمة ماما متقطعة...ناضت من فوق الناموسية هازاه على جنبها دخلات لدوش غسلات وجهها وغسلت ليه ....حكات سنانها وعطاتو جوا يلعب بيه حطاتو في الارض لي كانت مجففة ومسيقة تا كملت روتينها الصباحي عاد هزاتو وخرجات ..جبدات حويجها لي غتلبس ليوم بدلات ليه هو وبدلات تاعي ونزلو لعند نزهة لي كانت في الكوزينة كتسمن

مريام حطات ارون في مشاية ديالو ~. صباح الخير

نزهة ضارت لعندها ضحكت ليها وباست حفيدها ~. كيف صبحتي ليوم ابنتي رتاحيتي

تنهدات بتعب مكرهاتش تقول ليها اه وليت مزيان ومخاصني خيير وغير كنت كنحلم ولا مضخمة لأمور على والو ولكن كلشي واضح والا قالت هاكدا غتكذب على راسها...حيت حاسة براسها ايامها الكئيبة ولات فوق بعضها معارفاش كيفاش غتسالي ولا حتى امتى...

هزت راسها وقالت ~ الحمد لله اماما ، مهم انا نخرج لخدمتي

نزهة وقفتها بهضرتها قبل متمشي ~. جلسي تفطري وعتقي روحك بعداا ..

مكانتش قادة تاكل وفمها بايل عليها وشهية هاربة ~. معندو منين يدوز اماما دابا يجيني جوع ناخد ليا شي حاجة انا مشيت ...قبل متفوت لباب شدت ايد ماما باستها وقالت بترجي ...عفااك امااما متخرجيش ومتحليش لباب

نزهة طبطبت على ايديها مطمناها ~. صافي كوني هانية ابناي انا هنا معندي فين نمشي

بوية على راس نزهة وبوسة على ثغر ارون وخرجات مع الباب ركبات في طوموبيلتها والوجهة الشركة عندها شي هضرة وخاصها تقولها ليه منياتش ليه شنو دار لبلرح وزعامة لي زعم عليه كيفاش يكاول ومنين جاب لجرأة وباشمت حق يقول ديك الهضرة

وصلات لشركة وطلعات بلاما تردد لبيرو زيدان ،كان عندو اجتماع جالس كيناقش ومدور بيه الموظفين حلات لباب بجهد حتى تخبط وتضرب مع الحيط.. دخلات جاهلة ومخنزة وقفات قدامو كتلعب برجليها بعصبية بغات تدوي سبقها خابط ايديه فوق طبلة وبصوت غليظ غوت عليها وقال ~اش هاد ضساااارة وااش داخلة لكووري ولا فيين ...

كانو حجبانو معقودين وعينيه مغمضين ،نيوفو كيلعبو وضاغط على سنانو ....تصرف بنسبة ليه ممقبولش قدام لموظفين .

جاوباتو بحالة مكتقلش عليه كانت كثر منو وماهمها حد ~ ونتاا لي مدخل في حياتي وزاعم علييها اش كتسمي هاد التصرف ضساارة ولا عيااقة ولا حگرة ولا شنووو....اش باغي مني مزااال

حط يديه على جناابو وقال موجه هضرتو للموضفين ونبرة صوتو كانت عالية وحادة ~. لي عندو شي خدمة يمشيييي ليييييهااا. الاجتماع ملغي

صقيل كان كلها كيتسلت بوحدو حادر راسو مقادرش ينفنف ولا يوشوش مع لي حداه ....مشى لجهة لبيرو خدا لافيست ديالو من فوق لكرسي بنثرة جاي هازها بيدو ليمنية والايد لوخرا زير بيها على ذرااع مريام وجرها معاه واخا عياات تبعد فيه كاان حاكمها ~مبغيتيش تحشمييي واخا الالة ...!!

خرج هو وياها تحت نظرات الموظفيين مكانش كيشوف قدامو دخل هو وياها لسانسور كانت كتسب فيه وتعاير وهو عاض على فكو وكيجمع ليها ~. بعد مني الحيوان ،طلق مني فين غادي بيا ،شنو مزال مبردتيش

لاحها في طوموبيل وركب حداها وسورت ومشى طاير من تما

يتبع...