جالسين على طبلة الفطوور ...نادية لابسة گندورة بلون مفتوح ووجها على طبيعتو طالقة شعرها المموج و في جنبهاا عيشة كتكب ليهم حليب وقهوة وعلى رأس المائدة كان مراد بحكم ولا راجل الدار .. عيشة ممخلياهش يحس بنقص ولا يحس براسو معندو قيمة، عتابراتو بحال ولدها وكلام كلامو ....كانت الطبلة موجدة ومحطوط عليها كاع لي يتشهى لخاطر...فطور مغربي اصيل دايزو لكلام نادية كتاكل بشهية والفرحة باينة على وجهها علاش لي متفرحش وهي عقدها ومشاكلها گاع تحلو مراد وهاهو بجنبها وكلشي عرفهم رجعو لبعضياتهم وكيوجدو لنهار لي غيجمعو فيه لحباب
وعيشة لي بالها رتاح وهنى على بنتها والفرحة مسايعتهاش وهي كتشووف فيها كتاسس عيلة والواعر انها قدام عينيها ومعاها ومبعداتش عليها كيف خوتها وأخيرا مراد لي قلبو كان مقسووم على زوج ملي بالو هنا من جهة نادية وتقادت امورو معاها رجع تهول على صاحبو زيدان وحس براسو ضايع وهو معارف عليه تا خبار..كان كيشرب فقهوتو وساهي كيفكر ..ثلت ايام وهو كيصوني ليه وكيلقاه طافي داز لشركة وملقاهش فيها معرف ماالو....بالو مهناش حس وقعات ليه شي حاجة تشطن عليه بلا قياس مهما كان كيبقاو صحاب العمر مدوزوش قليل بيناتهم عشرة وطعام لي ميهونو غير على ولاد لحرااام....نتابهات ليه عيشة وعرفاتو ماشي على برجو وباش متفيقش بنتها لضريب لحجر مقالت ليه والو ديك سااع خلاتو حتى ناض من طبلة لفطور عاد تبعاتو
مراد هز سوارت وتليفونو خشاهم في جيب ...باس نادية من حنكها وقال ~ انا مشيت نضرب طلة على خدمة ونجي
نادية ضحكت ليه وقالت وهي كترجع شعرها اللور ~ واخا رد لبال لراسك في طريق
سبقاتو عايشة دارت راسها غادا لكوزينة ومشات وقفات ليه برا دار بغى يخرج وهو يتساطح بيها
طبطب على ذراعو وقالت بتساؤل ~ مالك اولدي شنو عندك شفتك مهموم ؟؟
تنهد بلا هواه ومسح على شعرو ، معندو ميخبي عليها ديجا عرفها سمعات حوار لي دار بينو وبين زيدان قبالت دار مريام ~ غير مشطون على زيدان اخر مرة حالتو مكانتش هي هاديك وهادي يومين كنعيط ليك مكيجوبش
عيشة بعتاب ~ علاه معندو دار تسول عليه فيهاا ، ستغفرت الله وقالت ~ سمعني اولدي واخا گاع لي دار معرفتش علاش عز عليا داك نهار ، شفت فعينيك عذاب الضمير لي مكاين ما وعر منو ، هاداك امراد ولدي راه صاحبك كبرتو بزوج ودوزتو مع بعضيااتكم شلا حوايج من جانب الخاوة وصحبة ودين تسول فيه لله
مراد الهضرة تقادات ليه كتفى يبوس على راسها ويحرك ليها راسو بالايجاب ويركب طوموبيلتو ...طريق كلها وهو كيرجع يعيط ليه ونفس الشي الهاتف مغلق ...عيط فگاع نوامر لي ممكن توصل ليه عيط للبيرو ونفس الشي مشافوهش ومعندهم عليه تا خبار ...
وهو يتفكر نمرة ام زيدان لمسجل عليها ماما مينة صونا ليها بلاما يتردد وديك ساع جوباتو بصوت باكي خلاه يبراكا على غفلة جنب طريق بلاما يدير سينيال ~اش واقع الوالدة ؟؟
نهارت بالبكا بقى كيسمع من عندها غير عتاب حتى خطف ليها نصر دين تليفون وعاود ليه شنو طاري ....لاح مراد تليفونو وكسيرة بجهد غادي مخلوووع قلبو مكانش مهنيه عليه غادي وكيضرب على لڤلون وكيقوول
كنت عارف عندك شي حاجة
كنت عارفك ماشي تال تمااا
علاش وصلتي راسك لهاد الحااال اصحبي علاش ؟؟
نزل من طموبيل بجهالة ودخل لكلينيك بلا عقل لقى نصر على برا كيدوي في تليفون ، تسالم هو وياه سلام رجولي ، زوج رجال قد قد في طولة وتجريدة ولكن داخل ديالهم عالم بيه غاا اللله
نصر دين خشى تليفون فجيبو وجوبو يائس ~ نتسناو يفيق معرفوش اش عندو مازال حطينو انعاش
مراد عقد حجبانو بنرفزة وقال منفاعل~ والا مغرفوووش هما شكون لي غيعرف لحيط ....شكون هاد دكتور لمكلف بحالتو يعطينا التقرير انا نتكلف
نصر الدين ~ واخا اجي معايا
مشا نصر الدين لعند طبيبة لمكلفة بحالة زيدان ياخد من عندها ضوسي اما مراد كان على براا كيدوي فتليفون معصب ويمشي ويجي فداك القنت كلشي رد ليه لبال ~ واخا الله يحفظك اخويا انا نستنااك تا تجي ...قطع ودار لعند نصر الدين لي خرج ووقف حداه ~ عيط لواحد دري كنا كنجلسو معاه انا وزيدان دكتور كبير معرووف هاهو جااي هو يقولينا اش كاين
نصر الدين ~ واخا اخويا لهلا يخطيك....بتساؤل نطق مراد ~ فين هي الواليدة ؟؟
نصر الدين غير جبد ليه سيرتها وهو يسوط بتعب ووبال مشغول ~ كاينة لتحت قدام انعاش مبغاتش تبقى فدار مبقيت عارف مندير معاها هادشي عمري طحت فيه اخويا منكذبش عليك
طبطب على كتافو وقال ~ ان شاء الله يولي بخير ...
نزلو لتحت وبالضبط لقسم الانعاش لقاو مينة حاطة راسها على زاج وكتدوي مع ولدها لي بقات غا گنازتو اما روحو معلقة كانت كتبكي وتعيط عليه حتى شافت خيال صورة مواضحاش من زاج ضارت تشوف شكون..؟ وبنصف ابتسامة شافيها و بنظرة حزن قرب عندها يسلم عليها غير شافت وجهو كأنها شافت ولدها عنقاتو بلا ما تحس وبدات تتنخصص ... باس راسها و كيحاول يطمنها عليه ~~ متبكيش اميمتي راه غيولي بخير ...اما هي شادة ليه فيدو وكتلوم فيه ~ .. خليتي صاحبك و شوف اش طرا لييه، يسحاب ليك معارفاش راكم قاطعين لكلام شوووف خوك امراد بقات غير نفس لي كطلع و تهبط فيه..... تلفات عليه الهضرة مبقا عرف باش يواسيها ~ .... زيدان كان وباقي كيف سبع، قريب ان شاء الله تشوفيه حداك واقف على رجليه و ننساو هاد ليام ... مسحات دموعها لي خانوها وتسابقو على خدها شكون تنزل قبل~ نعطي عمري على هاد النهار غااا يفيق ليا .... عنقها بحزن وقال بصوت مجروح ~ الله يخليك لينا اميمتي !! غيولي مزيان متخافيش !!
جوباتو وقالت ~ كون غا نعرفو اش عندو ، والو تا حد معرف ....
بعد عليها و قاد ليها شالها ومسح دموعها وقال ~ عيطت لصاحب هاهو جااي هو يقولينا اش كاين غا ريحي بالك .....
قاطع كلامهم صوت تلفون مراد كان هو اادكتوور مهدي دكتور مختص في الطب الباطني .. ل وصل لمصحة وجلس مع طبيبة لمكلفة بزيدان و شرحت ليه حالتو عاد عيط عليهم يشرح ليهم بنفسو وضعو بعدما تاكد ..تسالم هو ومراد سلام حار وتاسف من مينة على حالة ولدها رجع لبلاصتو كيشوف في تقرير لي كان مع مراد ...قراه مزيان و قال ~ كيف توقعت زيدان عندو مشكل نفسي هو لي ماثر عليه ومخليه فهاد الحالة ولا باش نسميها مزيانة وتفهموها ...زيدان الاوعي ديالو دخلو في غيبووبة لي صعيب نقدرو نفيقووه منها الا مبغاش هو
قالت الأم لي صوتها خرج باح بالبكا ~ اش كتعني هاد الهضرة ، ولدي غيبقى هنا ما هو حي ما هو ميت
تحطت ايد مراد على ايدها كيهدن فيه واخا كان كثر منها ~ تهدني الواليدة وتكايسي على صحتك شووفي حالتك كيف ولات
وقفات من على لكرسي وقالت بضيم ~ كيفاش نتكايس على راسي وولدي بهاد الحال ، قلبي كيتشوا وكبدتي كنحس بيها كتقطع عليه ...شنو لي وصلك لهاد الحالة ازيداان شنووووو
كلام لي قال طبيب لجم لسان الكل وعرفو بلي واخا يديرو المستحيل الا مبغاش زيدان يفيق مغيفيقش ....بزز باش قنعو مينة ترجع لداار ترتاح داها نصر وقلع مراد لدارو ...نهار بنسبة ليه ساالا واخا يله صباح ...كان غادي صايگ وكيتفكر صاحبو وكلامهم لقديم مع بعضياتهم ، خرجاتهم بزوج وسهيرهم وكيفاش كان كيتعصب عليه ملي كان كيدير شي زبلة ...بكى مرااد على خاطرو حتى شبع قلبو تزير حيت صعيب تشوف انسان كتبغيه بين الحياة والموت واخا عامين لي فارقتهم المشاكيل وتخاصمو فيها ولكن عمرهم حقدو على بعضياتهم ولا كرهو بعض ...كلها هز من خاطرو ولكن جامي خرجو من قلوب بعض وخير دليل نهار طاح زيدان وحس براسو بحاجة مراد عيط ليه مترددش ونهار هاد الاخير تشطن على صاحبو سول فيه ومتكبرش...وصل قدام دار بانت ليه طوموبيلت نادية مكايناش عرفها مشات الخدمة ..حل لباب ودخل كانت عيشة في كوزينة غا سمعات سوارت تلاقات ليه ومن عينيه لي كانو حمرين بالبكاا عرفاات واقعة شي حاجة ....مسحت يديها وسولت مخلوعة ~. ياك لاباس اولدي مالك ؟؟
جلس فوق سداري حاط يدو على ذقنو وجلسات بجنبو حطات ايدها على ركبتو كتحرك فيه ~ شوشتيني اولدي شنو واقع ، واش زيدان بخير ؟؟
مراد بدون شعوور بداا يخوي لي فقلبو ~ انا ظلمت صاحبي نهار عطيتو بظهري وحملتو سباب فراقي من نادية !!! انا سباب تا صاحبي وخويا بقى يجمع فقلبو حتى طااح فخطرة ...
واش انا خايب لهاد درجة ومكنسواس لي درت ضهري ليه بحال گاع ناس ونسيت شنو دار عليا ووقفتو معايا لوقت لدنيا دارت بيا ....
طبطبت على ظهرو غا تجبر بخاطرو ~ نعل شيطان اولدي شنو لي خلاك تگول هاد للهضرة ، لغيار راه كيوقع بين لخوت شيء عادي
حل لافيست ونصلها حس بداتو كتفور وبراسو تزير ~ زيدان دخل فغيبوبة معارفينش امتى يفيق منها ، طبيب كيقوول داكشي عندو نفسي سيد محطم ومن داخل ورغم دالك واقف على رجليه ...صاح
قبل ميكملها بدا يبكي ويشهق ...صاحبي جاابها فقلبو وتا حد موقف جنبو ، هزز وتحمل مسؤوولية اول غلط رتاكبو وتا حد معطاه اعذاار ...مسح دموع لي خانوه وقال بصوت باح...زبايل لي درت لا تعد ولا تحصى كان كيعاتبني ومكيفوتنيش ...ندخل كوميسارية ويخرجني فينما نعيط ليه نلقاه قداامي كان رااجل معايا ونعمة الاخ ولكن اناا
ضربب طبلةة بيدو بعصبية وقال بالغوات ~ انا منسواااش مرديتش ليه شوية من بحر لي دارو معايا ، بلاما نعطيه فرصة يشرح ليا مشيت وخليتو وحملتو مسؤولية زواجي لي مكملش اناا سباب
بقى فيها ورا مسمعات اش وقع ليه وهزت لهم لميمتو ولحالتها كيف غتكون بسباب ما جرا ليه ~ داكشي مكتاب ومقدر اولدي تا واحد فينا معندو دخل ، هادشي مكتوب على جبينا قبل منتزادو ولابد يدوز علينا ..نعل شيطان وتبت راسك ودعي معاه ،كل داء وعندو دواء وان شاء الله انا متاكدة غيفيق ويولي حسن ،الله يشافيه لراسو ولميمتو
مراد ~ ان شاء الله ...جمع الوقفة وقال ..انا طالع لبيت نرتاح الواليدة..
غاضتها حالتو كيف ولات ~ واخا اولدي ومديرش فبالك ومتحملش راسك المسؤولية الله يرضي عليك ، انا هاد ليلة غنمشي عند ختي نزهة بايتة تما الا نساات نادية فكرها
مراد بلا خاطر جاوبها ~ واخا
~~~
في المسااء كانت جالسة مريام فبيتها كتقرا شوية قران بعد صلاة المغرب ،قلبها مقبوط وطايح عليها ظيم ..كتحس كلشي كحل قدامها ومحاملة حتى حاجة كثرت من اذكار وقراية القران باش ترتاح شوية ويتفاجا قلبها....اما لخواتات بزوج كانو لتحت في الصالون كيهضرو بيناتهم ،هضرة جبدات هضرة حتى وصل موضوع لزيدان لي جبدات عيشة سيرتو وعودات لنزهة كل ما جرا ليه من طقطق حتال السلام عليكم ،فداك الوقت مريام كانت كملات لقرايا ونازلة لعندهم تلف معاهم حتى جاا على المسامع ديالها لي تقال ...حلات شال لي كانت مدوراه على راسها حاسة براسها تخنقات والنفس مبقاتش كطلع وتهبط ....جلسات فدرووج ضامة رجليها عندها وقلبها بغى ينفاجر من شنو كتسمع
عيشة تنهدات ~ اش غنقووليك اختي ، كيعاود ليا مراد قاليا حالتو مكتبشرش بالخير مسكين ....حس عوان مو ، راجل قد لخلا يضيع منك فرمشة عين بحالا عمرو كان ....جوبتها نزهة لي كانت كثر منها ~ الله يشافيه هادشي لي غنقولو ، دارها لراسو كنتفكر غا حالتو اخر مرة كيف كانت نهار خطبة مريام .شحال بقى فيا وهو كيبكي وكيندم فراسو على لي دار فيهاا
دارت يدها على فمها وهي تتسمع بدات كتبكي وكترعد وبقى فيها الحال عليه لان كيفما كان الحال مدوزوش قليل واخا ضرها ولكن كيبقى بغاتو في واحد الوقت ومزال كتبغيييه واخا كتكذب رااسها
زيدان اول راجل عرفات معاه الحب وحلات عينيها عليه وخلاها تحس براسها انثى ووراها كيف كيكون اهتمام ...بغاتو وعشقااتو بكل مافيه من تفاصيل ..دخلت فحرب كبيرة مع قلبها باش تنساه وتدفنو صحيح نجحات انها تبرد حرقة خيانتو وغدرو ليها وشوقو ولكن حبو فقلبها كان باقي ورجع حياا فيها اول مسامحاتو وتلاقات بيه .
قبل ميشووفوها طلعات كتجري لبيتها وعاضة على فمها وكتشهق ..باغا تشوفو وتزورو وتعرف احوالو ..فلحظة ضعف منها قصدات لماريو كتجبد لحوايج باش تمشي لعندو لكن سرعان مرجعات حطتهم وستغفرات الله معندهاش الحق وشكون هي لي تمشي عندو لتما، كيبقى شخص ماشي من المحارم ديالها ...تاجهت القبلة وبقلب حزين صلاة ودعات معااه هادشي لي تقدر عليه هاد ساعة ....
طلعات نزهة على غفلة تكلمها تنزل تشرب اتاي وهي تشوفها فوق الصلاية كتبكي وهازة كفووفها لسما وكتقول
ياا رب اللهم اشفه شفاء ليس بعده سقما أبدا ،اللهم خذ بيده، اللهم احرسه بعينيك التي لا تنام، واكفه بركنك الذي لا يرام، واحفظه بعزك الّذي لا يُضام، واكلأه في الّليل وفي النّهار، وارحمه بقدرتك عليه، أنت ثقته ورجاؤه، يا كاشف الهم، يا مُفرج الكرب، يا مُجيب دعوة المُضطرين اشفي عبدك زيدان
خرجات نزهة قبل متدخل وخلاتها على خاطرها ، فهمت بلي عرفاتو مريض. وتاكدت بلي مزال ساكن في قلب بنتها ومعشش فيه رغم گاع المشاكيل والاحداث وسوء الفهم لي صرا بيناتهم بزوج حيت كيبقى "الحب اقوى من اي اتفاق"
غير صبح الحال وطلع النهار لبس حوايجو وخرج مخلي نادية ناعسة مجايبة لدنيا خبار... مشى لكلينيك لعند صاحبو يجلس معاه ويعاود ليه واخا مغيجوبوش مهم يسمعو هادشي لي وصى بيه طبيب باش تحسن حالتو ومراد عازم يدير گاه لي يقدر عليه غير يشوفو مزيان....
وصل هو لول شرب ليه قهوة فيق بيها مخو لي ناعس ومزاجو لي ممقادش.. مكرهش يكمي گارو ولكن غتبقى فيه ريحةة وممنوع ....ملي سالة وصل جناح فين كاين زيدان عطاوه لباس طبي لبسو عاد دخل عندو لغرفة فين حاطينو....شعرو مغوفل ولحيتو كبرات تحت عينيه كان كحل ووجهو معصوور ...ساد عينيه ومحالهمش ومحاسش بشو داير بيه ...خداا الكرسي وجلس مقابل معاه دار رجل على رجل وبدا يدوي بصوت مسمووع وغالبة عليه تنهيدة طالعة من لقلب وعامرة حرقة من جهة صاحبو لي حالتو متسر لا عزيز ولا عدو ~ ااااخخ ازيدان وفين وصلك قلبك ؟؟ تحنى شوية حاط يديه على ركبتو وقال ~ كنتي كتقول ليا وكتدور فيا ملي كنوريك شي بنت وكنقوليه عيش حياتك وشوف راسك ...كتغوت وكتقوول معنديش لقلب لي غنحلو لشي وحدة وداكشي تاع تفلية معنديش معاه ولحب ممدخلوش لراسي وممامنش بيه ...شكون يتيق بلي هاداك لي مكنتيش معتابرو كاين يوصلك لهاد الحاالة ....سكت وبقى شحال حاضي ملامح وجهو لي بقاو هما هما ما بان عليهم حتى تأثير وهو بشد يدو مزير عليها...
وانوض اخويا باركة عليك راني محتاج ليك فجنبي و لي بغيتي ديرها انا معاك نوض و عرسك على حسابي مريام لي ساكنة قلبك و الله لغيرك لكانت غير حل عينيك... راني ولفت عليك اصاحبي قوي وجبل ما يهزك ريح ..مديتش عليك تجبد بحال هاكدا وتستسلم ، بغيتك تخرج عينيه وتحاارب وانا معاك وعمري ندير ظهري عليك ...ايه عرفتك مقلق مني وبزاف حيت حملتك مسؤولية وغوت عليك وخاصمتك ولكن فوق القلب كنت ديما كتتفكرك وكنتي ديما فبالي بالحق كنت نتسناك نتا لي تجي لعندي وتحزرني ...وانوض اخويااا الله يهديك راه مك حاالتها بلا بيك وخدمتك وااقفة من نهار سديتي عينيك وكلشي كيسول عليك ....
بقى كيدوي معاك مرة يلومو مرة يطلب منو سماحة مرة يتريگل معاه حتى دازت كثر من نص ساعة اشارت ليه ممرضة من بعيد باش يخرج ...وهو يوقف طبطب على ايديه وقال بتأثر ~ غنبقى نجي عندك يوميا ونبقى ندوي معاك كل نهار كثر من قبلو تا نفرع ليك مخك وتنوض تسبني عااد نرتاااح ...
ضحك بسخرية وخرج بحالو عينيه حمرين وحابس دموع...لقى مينة فبلاصتها حدا زاج مكانها المعتاد لي و لوكان يتكلم يدوي ويعاتبها تحن فراسهاا وتمشي ترتااح ...تلاقات ليه بعناق ورضات عليه ~ الله يرضي عليك اولدي ، من ديما ونتوما دايرين بحال لحلاقم ...مكتفارقوش وتا دابا عمركم تفارقو ياك اولدي
باس على راسو وريح قلبها ~ ان شاء الله اميمتي كوني هانية من ديك ناحية...دور راسو كيقلب بعينيه على نصر الدين ملقاهمش وقال ~ نصر مجاش
مينة عيات وهي تمشي لكرسي تريح رجليها شوية ~ لا حطني ومشى لشركة يطل عليها ويشوف اش كاين ، جا لوقت لي يوقف مع خووه
مراد ~ احسن ما دار ، انا ندوز لخدمة ونمشي لعندو الا كان فاش نعاون
مينة حطات ايدها على الكرسي حداها وقالت ليه بأمر ~ تعالى اولدي حدايا بغيت ندوي معاك....قرب لعندها جلس وقال بتساؤل ~ ياك لاباس خاصاك شي حاجة ....بحرقة جوباتو ~ خاصني معرف مال ولدي ، نتا صاحبو لي كتعرفو كثر مني ومن راسو ، انا راضية عليك الا ما قول ليا شنو وصل لزيدان لهاد الحاالة شنو سبابو ، الله يخلي ليك ما عز عليك اولدي ماا ريحني ..بغات تبوس يدو وهو ينترها ليها وستغفرت ~ اش كديري الواليدة نهاك الله
مينة بترجي ~ قووليا شنوو كاين امرااد مغاديش يجي زيدان وينهار هاكدا بلا سبب انا حاسة شي حاجة ورا هادشي
شااف حتى عياا ولقى بلي من حقها تعرف ما ربما تدخل ويلقاو حل ، تقاد في الجلسة وقال ~ واخا انا نعود ليك وكنتمنى ميتقلقش مني الا فاق ...
تصدمت مينة من شنو سمعت دارت يديها على حناكها لي كانو غيطرطقو بالحشمة ~ لااا لا هدا ماشي زيدان لي يدير هاكا انا ولدي مربي ما يضلمش و يضحك على بنات ناس لاااا لا منتيقش واخا نشوف بعيني
كانت كتبكي و زادت حرقتها من الهضرة لي سمعات عارفة مراد ميكدبش عليها و داكشي لي قال كلو صحيح معرفات فين تدي وجهها بقات حانية راسها و كتقول ...~لا حول ولا قوة الا بالله العلي العظيم ، استغفر الله العلي العظيم ...علاش اولدي علاش تضحك على بنت ناس وتلوحها ديك اللوحة هانتا كما تدين تدان ولي درتيه فيها راك ساير تخلص فييه هء علاش ازيداان علاااش
عنقها لعندو عزت عليه صدمتها كبيرة ولكن كان خاصها تعرف ~ هادشي الواليدة فات عليه جايا لثلث سنين ..لبنت تزوجات وولدات وراجلها مات ورجعت تخطبات ونهار خطبتهاا جا تال بابها وحالتو مكانتش هي هاديك وبيدي وصلتو تال دار ، مكانش عند بالي غيوصل لهاد الحال هو راه ندم وندم بزاااااف ، عاقب راسو براسو ودليل هاهو قدامك ...شير ليه فين مجبد وكمل ...دابا كيتسالنا غير نوقفو معاه حتى يتخطى وينسى لبنت غتزوج وهو خاصو يتقبل هادشي ويكمل على حياتو ...
هضرتو مدخلاتش ليها لوذن حدها قالت ليه ~ ديني لعندها بغيت نشوفها وندوي معاها نعتاذر منهاا على لي دار ولدي فيهاا
مراد مقدرش يقول لا سبقاتو تزرب و هو تابعها و يقول فخاطرو الله يخرج هادشي على خير....ركبو في طوموبيل فطريقها خدات الورد وشكلاط متقدرش تدق على ناس بيديها خاوين ، وصلها مراد قدام لباب كان باغي يدخل معاها لكن رفضات ~ صافي غير سير نتا انا نرجع في طاكسي ....بتاكيد قال ~ مبغيتينيش ندخل معاك
مينة حيدت سمطة وقالت ~ تال هنا والله يرضي عليك تيسر لخدمتك
خدات شنو شرات ونزلات ، بقات واقفة كتسنى فيه تا مشى عاد تقدمات من لباب صونات ورجعات لور
سمعات صوت مرا كبيرة وبعقلها قاصدة لباب تحل وكتقول شكون ..كانت نزهة لي حلت عليها وقالت مستغربة ~ السلام وعليكم، اش حب الخاطر الالة
مينة بابتسامة باهتة ~ طالبة ضيف الله الا قبلتو عليا
معرفت باش تجاوبها من غير انها تحل ليها لباب وترحب بيها وجهها نقي بحال قلبها وباينة عليها بنت الاصل ودار كبيرة ومكتخوفش ...داتها لصالون فين كاينة عايشة لي غير شافتها غمزت ختها بمعنى شكون ...مينة حطات شنو جابت ومشات جلسات وقالت وهي كتشوف في الارض ولدها مخلا ليه فين تهز راسها ~ انا الالة أم زيداان اكيد عرفتوه
الابتسامة لي كانت راسمة نزهة على وجهها تلاشات ملي سمعت سميتو وحدرت عليها عينيها وهي تسمعها قالت ~ من حقك تنزلي عليا عينيك وتنوضي تجري عليا گاع من دارك حيت لي داارو ولدي مكيديروهش رجال وكون لي طرا لبنتك وقع لبنتي كوراني دخلتو لحبس
من حقك تنزلي عليا عينيك وتنوضي تجري عليا گاع من دارك حيث لي دارو ولدي مكيديروهش رجال وكون لي طرا لبنتك وقع لبنتي كوراني دخلتو لحبس ومحنيتش فيه ..ولكن طاح فيكم نتوما بنات الناس والأصل باينة غا من وجهك الالة نزهة يااك مغلطتش فسمية ....هزت ليها نزهة راسها بلاما تتكلم ، شنو غتقول ليها وباشمن وجه تشوف فيها ولا تضحك ليها ..قربت منها مينة والحشمة كاسياها من ساسها لراسها ولدها مبقى خلاها فين تعطي وجهها ~ واخا نقول لي قلت وقدما عتاذرت تا حاجة متفك ديك الحالة لي دار زيدان خصوصا انكم فقدتو لعزيز بسباب لي طرا ....هضرتي دابا مغاديش تبرد نار داك الفعلة ولحرقة لي شاعلة فيكم ولو داز عليها وقت... الدقة تتبقا عليها ندبة ولا امارة، وبحكم اني مجربة وعارفة حقها داك الشي باش جيت اختي نعتاذر منك ونحاول نبرد نارك
نطقت عيشة بقلب محروق بلاما تشووف فيها ~ نار الفعلة بردات ودازو عليها اعوام وجاو ناس غيركم طفاوعا واقلة تعطلتي باش جيتي الالة
جوبت بابتساامة وتنهيدة ~ربي شاهد عاد هادي ساعة باش عرفت الموضوع وكن ما مراد ولدي الله يرضي عليه عمري كنت نعرف ولا نسيق الخبار، ..."رجعت شافت في ام مريام " تيقي بيا اختي نزهة كن عرفت قبل مكنتش ومعمري نرضا بالظلم، وولدي ظلمكم وتعدا عليكم، وهاهو تيخلص، راه باش أديتي تتودي ...اليوم وكيف قلت قبيلة ربي شاهد على لي تنقول جاية نعتاذر ونعاود اختي،ونطلب منك السماحة نتي وبنتك ....ساطت بصوت مسموع وقالت بحرقة ~ ولدي عمتوا كانت عزيزة عليه وعند بالو بلي ايلا نتاقم غادي يرتاح سعا غير عدب راسوا هنا وتقل ذنوبوا لهيه
الموضوع ديال عمتوا كان وتيبقا مكتاب ولي بغا ربي هو ليدارو
يعني ولدي شد الريح مقلوب وظلم وجرح بلي دار بزاف ديال القلوب....معندي دابا مندير من غير نطلب من الله يغفر ليه وطامعة فيك وبنتك تسمحوا ليه
ربي لي عالم بحالتو لا هو من ناعسين ولا هو من الفايقين
مجبد قتلاتو حر النفس اللاوامة وقضا عليه حب بنتك ....
نزهة يصوت خافت ~ كون كان غيبغيها مغيديرش لي دار
مينة ~ يقدر مكانش كيبغيها ولكن دابا كلشي تغير ولدي بعد ما ظلمها ربي بلاه بحبها باش يعيش شوية من لي عيشها
، بعدا هي طلعات بمية راجل وربي جا من جهتها وقدرات تحمل وتساعف، اما زيدان راه مجبد لا اناعرفت نفيقوا ولا طبة عرفوا دواه حارو فحالتو، كاع الطبة لي شافوه تيقولو دماغوا تصدم وفضل يدخل فغيبوبة على انو يواجه، فالاول ماكنتش عارفة وتنقول مستحيل، زيدان عمروا كانت عندو شي حاجة لي تنغص عليه حياتو ولو اني لاحظت انو تبدل، حتا عرفت اليوم السبب، وبيني وبينك مستغربتش سبب الغيبوبة،
حيث كن كنت فبلاصتوا راني نحشم حتا نشوف فالناس
،المهم كيف قلت ليك اختي، انا طالبة وحتا طامعة فيك نتي وبنت تسامحوه، بحق وجه الله ونبي رسول
سمعتهم صووتها وقالت ~ انا سامحتو شحال هادي وفداك المقام وقلتها ليه نهار تلقيتو وانا تنعاودها ليك دابا الله يسمح عليه وعلينا والله يشافيه ليك ولهلا يضرك فيه ....
كانت هادي مريام لي جات من دار الحفظ وسمعات كلام أم زيدان وكيفاش كتدوي بحرقة وندم .. هزت مينة وجهها وشافت فيها كانت نور على نور ...لباس محتشم ووجه بريء وجمال رباني ،هنا عرفات ولدها علاش غيب وتلف منين سمعها اتزوج ..وقفات وجات لعندها حالة دراعها وعنقتها كتطبطب على ظهرها وقالت ~ اللهم بارك فيك ابنتي ويرحم من ربااك وسبحان من هدااك ونورك ...
جلسات مينة وجرتها جلستها حداها شادة ايدها مزيرة عليهم ~ انا حشمانة منك ابنتي ووجهي دايراه ورايا وجيت عندكم ليوم ،مقدرتش نصبر من ورا مسمعت شنو طراا ، كيف قلت لماماك وخالتك ولدي عمرو كان ظالم وعمرو تعدى وكيف ظلمك جاا لي قوى منو وخدا ليك حقك منو
قاطعتها مريام قايلة ~ هداك غير مرض والمرض ابتلاء ، كون سمعت هادشي لي وقع ليه شحال هادي كنت غنفرح بزااف وغيكون عندي لعيد ولكن ديك مريام تاع شحال هادي مبقاتش وهادي لي قداامك مكتبغي لحتى شي واحد كيفما بغى يكون المضرة انا ولدك من قلبي سمحت ليه ونسيت شنو دار فيا ومبقيتش هازا فخاطري عليه يعني غا ريحي بالك من ديك الناحية
مينة باست راسها ~ الله يكملك بعقلك ابنتي مخليتي ليا منقول من غير ولدي لي خسرك ماشي نتي وانا كون كنت في بلاصتو عوض منغيب نهزك ونهرب بيك حيت عمرو يلقى خير منك
عيشة قاطعت كلامها ~ بنتنا مخطوبة وقريب عرسهاا وولدك الله يشافيه ليك ويجيب ليه ما حسن منو هو...منكروش لي دار ميستاهلش عليه الغفران ولكن الا كان رب الناس كيسامح شكون غنكونو حنا قدامو
مينة ~ زواج غير مكتاب ومعرفتي الله شنو مخبي من هنا لقدام ...هزت صاكها وناضت ~ نخليكم على خير ودخلت عليكم بربح والصحة وطول العمر
مينة طبطبت على كتفها ~ غير الضحكة باش ستقبلتيني كاافية الالة نزهة خليت ليكم الراحة
رافقتها مريام تال برا وهي حابسة لهضرة في جوفها باغا تسولها وحشمانة على خايفة تفهم غلط في الاخير بلاما تحس قالت~ كيف ولا هو شوية ، شنو كيقول طبيب؟؟
مينة تنهدات بوجع ~ اش غنقول ليك ابنتي ، الا دوات ديك شجرة يدوي هو ، الله يصاوب من عندو
مريام بتأثر قالت ~ الله يشافيه ليك ولهلا يشوفك فيه شر
مينة خداتها في حضنها عنقتها ~ امين ابنتي وحتى نتي الله يخلي ليك ولدك ويجعلو ذرية صالحة ان شاء الله
بوجه بشوش قالت ان شاء الله وودعتها
مشات أم زيدان حانية راسها وقلبها محروق من زوج جوايه ..على ولدها لي مرمي في السبيطار ما هو من الحيين ولا من الميتيين تبكي عليه وذفنو ...ولا على هاد البنت ل نور وجهها خلاها تحسر على فعلة ولدها وطول طريق وهي على فمها كلمة وحدة الله ينعل الشيطان ويخزيه....مريام كانت جالسة كيف لگنازة معاهم مدواتش ومخرجتش من فمها كلمة وحدة ....عقلها مسافر وحاط رحال عند الشاغل بالها وكتفكر في حالتو مكرهتش تشووفو تطمن عليه تقوليه فيق وكترجع تقول شكون نتي ولا شنو بنسبة ليه ...سمعو جرس الباب بغات تنوض نزهة تشوف شكون وهي تمنعها مريام بيدها وقالت ~ غير جلسي اماما انا غنحل
قادات شاالها ومشات تشوف شكون لقات نادية واقفة سخفانة وكتلهت باغا غا تجلس تسالمو على الواقف وهما داخلين داعبت مريام كرشها وقالت ~ كيف داير حبيب خالتو ...جوبتها وهي كتنش على وجهها صهدت~ بنوتة هاديك
بابتسامة ردت عليها وقالت ~ غير الخلقة المقادة ولي جابها الله مرحباا بيها
دخلان لصالون ، سلمات على مها وخالتها وجلسات حداهم متكية ظهرها على المخدة
نادية ~ عييت ليوم ، لخدمة مكتساليش ومبقيتش قادة ..
جوبتها عيشة بلا خاطر ~ خودي كونجي رتاحي تا تولدي
رفعت حاحبها وشافت في مها بتشكيك ومن جواب لي قالت عرفات عقلها ماشي بلاصتو ~ مااالكم شي حاجة واقعة وانا مفخباريش ، شفت حالكم ماهواش اش كاين
جوبتها مريام بعدما شافت الصمت طول وتا واحد مجاوبها ~ عاد خرجات مامات زيدان
جرت عيشة طبلة حطات عليها ايدها وقالت ليها ~ لي معارفاهش ابنتي هو شنو واقع مع زيدان ؟؟ ...كتافات تحرك راسها بشنو وهي تصدم من شنو سمعات
عيشة ~ زيدان دخل في كومة معارفينش امتى غيخرج منها
نادية بخوف ~ علاش شنو وقع ليع
كل وحدة منهم عودات ليها شوية حتى عرفات القصة كاملة
بقى فيها كيفما كان الحال خدمات هي وياه وكانت حاطاه في رتبة عزيزة ...تأسفات لحالتو
وهي في خضم التفكير جاا فبالها مراد وقالت ~ على هاد لحساب مراد كان عارف ومقاليا والو
نهضات فيها عيشة وقالت بعتاب ~ شنو بغيتيه يقوليك الراجل لي ضحك على بنت خالتك راه مريض و كيموت وانا غنوقف معاه....باش تلوميه وتخرجي عينيك فيه .. صافي خلي عليك الراجل حالتو تقطع في القلب ولي فيه كافيه مهما كان هاداك عشرة عمر
بقى فيها الحال تكون اخر من يعلم يخبي عليها وميشاطرهاش همو ولكن مبيناش حدها نطقت ~ ايوا الله يشافيه هادشي لي غنقول اصلا مريام صافي سمحات ليه شحال هادي و قريب تزوج معندو علاش يبقى يعذبو ضميرو
نطقات مريام خلات كلشي حال فمو وكيشوف فيها ~ مبقيتش غنتزوج
شافت مريام في نزهة لي كانت مدورة وجهها لجهة اخرة وكتبتاسم ~ شفتك اماما مقلتي والو ؟؟
حنحنت وقالت بثبات ~ زواج قسمة ونصيب ونصيبك ما زال مجاا ابنتي ، الله يعوضك حسن منو
عيشة ميقت في ختها ~ شفتك عاجبك الحال اختي بنتك مرة بغبت مرة لا وساكتة
مريام قالت بهدوء ~ يهديك الله اخالتي وسمعي قبل متدوي ، انا هادشي مجاش مني ، هو لي عيط ليا وقاليا ابنت ناس الله يسهل عليك
صونا تليفون نادية لي قاطعهم على كلامهم ...كان مراد قالت ليه فين كاين وكان جوابو تبقى تما هاهو جاي لعندهم ...
دوزو الوقت قبل ميوصل مراد غير بالبحث عن الاسباب علاش فسخ عدنان الخطبة بعدما كان مُلح وكيتسنى فنهار لي غتزوج بيه ...مفخبارهمش بلي وحدة منهم هي لي من ورا هادشي كامل...نزهة لي بغاه قلبها وخاطرها وصلات ليه ،رجع ليها المورال بعدما كان هابط ..حمدات الله في سرها ملي تفكات منو وولات الضحكة غا بوحدها فالتة ليها ...مريام كانت عيقة بيها هاديك مها وحافظاها مزياان ومدوزهاش عليها....
نزهة ~ انا نطلع نشووف ولدي واش فاق
مريام فخاطرها ~ غا هربي اماما شحال قدك .
جا مراد لعندهم من وجهو باين معندو گانة شيء لي خلا نادية متحكرش عليه ومتجبدش معاه الموضوع وحكرت عليها حتى عيشة وقرصتها تخليه عليها فتيقار...جلس معاهم وعينيه مرة مرة كانو على مريام باغي يحاول يقرا ردة فعلها ملي عرفت شنو وقع لزيدان باش يشوف واش باقي شوية من داك الحب لي كانت كتكن ليه ولا مسحووه المشاكيل
ناضت عيشة لكوزينة توجد اتاي مع ختها وناضت نادية لحمام تغسل ايدها
غتانم الفرصة وهز راسو يدوي معاها وهي تسبقو وقالت بصوت خجول ~ كيف بقى ؟؟
مراد بدون شعور ~ صاحبي كيتعذب ، بينو وبين لموت شعرة عمري شفتو هاكدا
توثر كتحاول تنسيه فصباع يديها لي قتلاتهم بطرطيق ~ ان شاء الله غيولي بخير انا متاكدة
مراد مخممش كثر قال بدون مقدمات ~ زيدان كيبغيك ، ولي دار معاك عذبو فحياتو وزواجك من عدنان كان اكبر عقاب ليه فهاد الدنيا ، ليلة خطبتك ديتو من هنا حالتو من تما وهو لور لور ،
مراد بتساءل~ ايوا وعلاش هادشي كامل نساي وعطيه فرصة وعكيها حتى لراسك
بقلب مجروح قالت ~. صعيييب بزااااف
نطقت نادية لي جات من حمام مع الكلمة الاخرة ~ شنو لي صعيب ...كتشوف في مريام وفمراد وكتقول ~ مالكم فاش كنتو كدويو
مريام بلاما تخبي ~ كنا كندويو غير على زيدان
فهمات راسها بلي مراد كيحاول يصلح موقف صاحبو وهي تقول بنرفزة ~ مراد سمعني نقوليك حتى واحد ملامك وقاليك علاش رجعتي علاقتك معاه مزيانة ولا علاش مشيتي شفتيه ولكن الا كنتي كتضغط عليها وكتزينو فعينيها هنا غنلوومك ونفوتك لهيه
جاوبها بزعف وقال ~ متلوميني منلومك اناااا مشييت نتلاقاو فدار
خرج قبل ميشابكها مع نادية حيت كانت دايرة ليه النقشة وهو فوضع ميسمحش ليه يتجاادل ...غادي سايق بلا عقل ولقى عقلو غادي بيه لمصحة حيت عقلو مع صاحبو ل
كان ف فراشو ناعس وحداه مو ل عينيها قربو يعماو بالبكاء كتمسح ليه على عنقو بفوطة فازگة و تقرا عليه القرأن لعلا و عسى ربي يحن فيه و يحل عويناتو ... و هي تتمسح ليه غفلات على مراد لي كان دخل و جلس في الارض و يديه على راسو منهار ...بحر ذكرياتو هو وصاحبو كينخر فيه وكيقوليه طلعتي متسواش ملي ضرتي عليه ... ضارت عندو مينة شافتو في ديك الحالة وهي تحط لي في يديها ومشات لعندو ..هزاتو من دراعو معنقاه وقالت ~ غيبرا ويولي شوية زعمة نتا لي كتصبرني ....حط يديه على صدرو باغي يهمد ديك الحرقة والعافية ل شاعلة ليه في صدرو ..مقدرش يجوبهاا فضل يسكت وهي طبطب عليه وقالت والله يرضي علييك خليك معايا، را غا انت ونصر لي مصبريني
خرجات مخلياه على خاطرو تنهد تنهيدة خرجات من قلبو وقرب حدا زيدان جلس وحط يديه عليه
مراد ~ شفتي ا زيدان واخا تكون حاكيها فيا اخويا مدير ليا هكا ..ضحك وسرح شوية فلي فات وقال ~ ... تعقل نهار كنا في البار وبقيت كنشرب حتى فوت ومشيت لواحد ختنا كانت مع صاحبها تنقوليه هادي ديالييي دياليبب ...
رجع ضحك وكمل كلامو...ناض صاحبها دفعني تا جيت جالس ومليوح كاو و نضتي لييه خمجتي ليه وجهوو وتتقوليه يديك متحطهمش على خويا و الى قالك هادي ديالو فراها ديالو ... كنتي ديما هاز ليا هبالي و مخرجني من المصائب الكحلة ودابا .. حذر راسو و دموعو دازو ... ناعس هاد النعسة هكا فيق وضربني وسبني علاش عطيتك بضهري غير نوض وهلل وقطع كلامي وانا راضي
توالات الايام وبالضبط عشرين يوم ،حالة زيدان بقات كيف ما هي مكاينا حتى شي حاجة كتفرح من جهتو باقين حاطينو في الانعاش ودايرين ليه تيو دالحلق وكيتنفس بالاوكسيجين.....مينة خلات دارها وخدات شامبر في الكلينيك مقابلاه ليل ونهار نصر مقابل ليه خدمتو وكيدوز عليه في ليل اما مرااد فهاداك مفاتوش يوميا داخل عندو و مخلا شنو جبد ليه
كيجلس يدوي معاه بسوايع مرة يعاود ليه على ذكرياتهم مرة على عمتو صباح مرة على مريام ...وملي كيدكر هاد زوج لخرين مؤشراتو الحيوية كتطلع
كيف كل نهار جاا مراد يشوووفو وهو يتلاقا مع طبيبة لمكلفة بحالتو وسولها عليه ~ دكتوورة كاين شي جديد ؟
حرك ليها راسو ومشا عند لالة امينة لي كانت كتقرا في القران ،سلم عليها وقاليها شنو قالت ليه طبيبة ،جمعات الوقفة وناضت كتجري وكتقول ~ ياربي تسمعنا خير يارب
وصلو لبيرو لقاوها كتسنى فيهم جر مراد لكرسي لام زيدان تا جلسات وقال وهو على الواقف ~ ياك لاباس الدكتورة ؟؟
شافت فيها بأسى وقالت بصوت حزين ~ مكرهتش الحاجة نقوليك اه ولكن الحالة كتصعاب
كلام الطبيبة ونبرتها حسست مراد بالخوف قال عاقد حواجبو ~ وعلاش غتحيدو ليه تيو الا كانت حالتو كتصعاب ، مفهمتش ؟؟
- شابكت ايديها باش تشرح ليهم ~ انا غنفهمكم ،تيو دالحلق كيخصو يبقى واحد المدة معينة وميفوتهاش ، حيت الله يستر الا بقينا دايرينو ليه ممكن يتسبب في عاهة مستديمة من بعد
بخوف نطقات امينة وقالت ~ وبشنو غتعوضووه
- غنضطرو نتقبو ليه الحلق معنداش بديل اخر
تصدم كل مراد ومينة وتلاشات فرحة لي كانت بدات كتحس بيها ملي سمعات تيو غيتحيد ...عرفات حالة ولدها ولات ميؤوس منها ومراد حس بلي القضية غادا وكتصعاب
قال مراد ضاغط على سنانو ~ مكاينش بديل
- تاسفات ليهم ~ للاسف لا ، مهم قلت خاصني نعلمكم بهادشي باش تكونو مستعدين
خرجات وهي كتردد فهاد الكلمات ، ومراد بدورو تشكر طبيبة وخرج تالف ...وكيف كيقولو لي تلف يشد الارض واول كرسي جا في طريقو جلس فيه باش يستوعب شنو سمع
اول كرسي جا في طريقو جلس فيه يستوعب شنو سمع وكيتردد في مسامع ديالو "غادي نديروا ليه تقب فالحنجرة"
...كان جاي عندو راشقة ليه وباغي غير امتى يدخل ويعاود ليه على محبوبة قلبو على وعسى يجيب نتيجة سااعا تصمكو ليه لوذنين بهاد لخبار ...جمع الوقفة وخرج على برا يكمي ليه شي گارو لي تبلى بيه بزاف هاد الايام المشاكيل ومرض صاحبو رجعوه لنص ضعاف بزاف والارهاق بان على وجهو....صونا ليه تليفون هز يشوف شكون وهو يلقاها اميمة واخا مكانش فگانتو ولكن جاوب ...مشى ريح في كرسي فجردة تكى عليه ورد عليها
اميمة طالقة سبايكر وكتصاوب ليها قهوة ~ خوويا شفتك هاد ليام انا لي كنعيط صاافي غير غبرت من قدام عينيك نسيتيني
مراد تنهد كيحس بضيق شديد ~ راسي نسيتو هاد ليام غا خليها على الله
حاول يبدل سيرة حيت ولات كتمرضو في دماغو ~ خليك مني انا وعاودي ليا عليك ، كيف دايرة طنجة
اميمة بضحكة مسموعة ~ ولاافة ونقية وزينة وفيها ميتشاف
تحل لباب وتسمع صوت تصفار ذكوري وصوت خطوات ...هزات اميمة ايديها ودارت باشارة بلي راه كدوي فتليفون ، حس بهمسها مراد وهو ينطق ~ سيري تا تسالي وندويو لقييني دااخل نشووف زيداان
اميمة كانت محاوطة بيدين بزوج من جهة خصرها وايد رجالية كتلعب في شعرها خلاتها تركيزها يتشتت ~ واخا صاافي سلم عليه
قطع وميق لتليفون وقال بتعيااب ولافة وفيها ميتشااف.. ناض رجع لدااخل لعندو لقى امينة فبلاصتها فوق الكرسي كتستغفر وعينيها عليه باس راسها وقال ~ سيري لشامبر ديالك ترتاحي انااا غنبقى معاه شوية
هزات ليه راسها بواخة اوليدي وناضت كتحس براسها عيات وخاصها شي غمضة باش توكض ...جر مراد لكرسي وقرب لزيدان دار رجل على رجل وبدا يدوي كيف عادتو ~
حتى قلنا وليتي شوية ورجعتي صدمتيناا اماالك اصحبي ؟؟ هادا هو جزائي تخلي دنيا دور بيا وانا لي جاي فرحان نقوليك خبار غتعجبك...
درك راسك بغيتي تعرف ايوا سمع ليا ...ليوم فصباح عرفت بلي مريام فسخات الخطبة بصفة نهاية من عدنان يعني سااحة خاوية ليك بالحق الا بقيتي مطول فهاد النعاس منظمنكش
رجع قال من دماغو ...~ونزيدك تاني ديما كتسول عليك وباغا تعرف اخبارك ولكن متقدرش تجي لعندك راك عارف اصحبي درية لتازمات لدرجة السلام مبقاتش كتسلم عليا وديما دايرة زيف حدايا وعينيها فالارض وصوتها مكيعلاش ...عارف في هاد اللحظة مكرهتيش تغوت وتقوليا ولاش تسلم عليك ولا تشووف شعرهاا ولكن بلعاني بغيت نيرفيك
بقى كيعود ليه عليها الحوايج لي كيعجبوه فيها حيت عارف سيرتها كتحفزو سالا من حديثها داز لنصر وقاليه
عليه ~ ولا اصحبي داخل سوق راسو والخدمة واقف عليها فحالك وكثر ....دار عقلو وولا مسؤوول وترجل على لي قبل يعني اصحيبي خاصناا غا نتا وتحلى الدنيا
في ظلام ليل الحالك كانت امينة جالسة فوق ناموسيتها وكتقرا في القران بدون ملل ولا كلل ومكاينش ما حسن من كلام الله لشفاء النفوس... بلاما تحس براسها جاتها هفوة النعاس وداتها عينيها ومشات بيها حتى شافت فيها المرحوم الغالي لخليفي أب زيدان جالس في قلب صالون دارها لقديمة بمدينة فاس وشاد فيديه كتاب الله ...على رجليه كان متكي راجل طول بعرض حققات فيه ولقاتو ولدها زيدان لي كان ناعس وموسد ركبة باه....وهاد الاخير حاط ايديه على راس ولدو كيقرا عليه اي من ايات الله عز وجل لي قال فيها
"وبشر الصابرين الذين اذا اصابتهم موصيبة قالو ان لله وان اليه راجعون "
منظرهم كان كيسر الخاطر ويفرح العين بقات حاضياهم شحال وكتبتاسم حتى سمعات الاية الاخيرة وحلات عينيها بهلع قلبها كيضرب والرؤية او حلم لي شافت خلعها وفشل ليها ركابي. ...حطات كتاب الله فوق الرف ولبسات فرجليها وهبط كتجري للانعاش ، وصلات حدا بيتو بان ليها ضوو شاعل فيه وكلشي تيتجارا ،شي داخل شي خارج وكلشي كيغوت.....هنا خواو بيها رجليها وتخبطت الارض على طولتها وتتقول
إن لله وإن اليه رااجعون.
جلست لأرض كتقول وتعيد إن لله وإن اليه راجعون ظنا منها انو مات ...فمها كانت كيترعد من شدة الخوف وايدها تاهما ...ذاتها بردت وفشلت ، نتابهت لحالتها فام دمينااج تاع تما وحيت عزيزة عليها لالة مينة وكتدور معاها جات كتجري لعندها ،عونتها حتى جلسات فوق الكرسي وهي كتسول فيها ~ مالك الحاجة ؟؟ ياك لاباس ؟؟ ..عطاتها قرعة لماا ~ هاكي شربي !؟
كضرب على صدرها بحرقة وكتبكي تا حاجة مدوز ليها ~ ولدي مشا مشاااااا وخلاني هء هء
وهما باقين تيهضرو تمات خارجة فرملية من الانعاش وهي تشووف حالتها لي كتضر في الخاطر مشاات لعندها باغا تدخل وتعونها ولكن عقل مينة غايب فداك اللحظة وحاضر في غرفة ولدها ل بالها معاه بزيادة
هزت مينة عينيها فيها بلمعة وقالت بتوثر ~ شفتو مشى وخلاني ونزلت هنا شفتكم مجموعين عليه وكتجاراو وصوت الالات كيغوتو قلت صافي مشا ، ببصيص أمل نطقت وهي شادة ليها فيديها ومزيرة عليها .. واش مماتش ؟
جوبتها بنفي وقالت ~ معندك مناش تخافي الحاجة راه بالعكس من لعشية والمؤشرات الايجابية عندو كيطلعو وحنا نقصو ليه بزااف ادوية لي كينعسو نشووفوه واش غيكون شي تحسن والحمد لله بدا كيفيق وكيتجاوب معانا
مينة وقفات وقالت بالغوات ~ حلفي ابنتي ..تلاحت عليها عنقتها وكتبكي من الفرحة و كتحمد الله وتشكرو .. كفووفها مهزوزين وعينيها كيبريو ~ حمدتك يااربي وشكرت حمدتك ياربي وشكرت ...رحعت شدت فيها بهستيرية كتسول ~ يعني ولدي صافي فاق ولا بخير ورجع ليا ، مشاات تطل ورجعات لعندها كتقول ~ ولكن علاش هادوك مجموعين عليه اش واقع ؟
جوبتها الممرضة بوسع خاطر ~ حيت الحاجة كيتحرك بزااف ومتقبلش تنفس الاصطناعي لي دايرين ليه شيء لي خلانا نتدخلو ،طبطبت على كتفها ...مهم معندك مناش تخافي يقدر من هنا لغدااا يفيق
- من الاحسن لا ، دابا كلشي خدام معاه انا غنحل ليك غير شرجم شوفي منو مبقى قد ما فات صبري معانا شوية
دورات مينة راسها لجهة الشرجم حاكة يديها على قلبها لي كيضرب بجهد~ نصبر نصبر صبرت على الكثير بقى غا لقليل ...طولت الشوفة فيه وهما يبانو ليها كيربطو يدييه ورجليه وهي تعقد حجبانها ودارت لعندها ما فاهمة والو ~ علاش كتربطوووه ابنتي
- كيتحرك بزاف الحاجة وممتحملش تيو الحلق لي دايرين ليه داكشي علاش غيحزمو ليه يديه ورجلي حتى يحل عينيه نهائيا ويفيق من غيبوبة بشكل تام
بفرحة لخبار مينة هزات تليفونها وعيطات لولدها تفرحو تا هو كان فغرق النعاس عيان لخدمة كثيرة فوق راسو واقف عليها سامح فكرشو وممفرطش فيها باغي الا فاق خوه يشوف فيه بعين مفتاخرة ...سمع صوت تليفون وناض قافز لاهو لا هناء لي كانت فجنبو...اما ملي طلع ليه فشاشة اسم ميمتي لحنينة فشلو عليه رجليه ومبقاش قدر يجاوب لولا هناء لي تبتاثو ~ جاوب انصر ان شاء الله غيكوون كل خيير
نصر الدين كيمسح على راسو بخوف عرق بزااف ،ممولفاش مو تعيط ليع فنص ليل ~ يااكما خوويا ماات
هنا تقادات في الجلسة وقالت بتعوذ ~ نعل شيطان وجوبها ، شوف لتكون عيانة ولا واقعة معاها شي حاجة
ملي سمع هاد زوج كليمات لخرين جاوب بلا هواه ،مرتاح حتى سمع صوت مو لي كان ظاهر عليه الفرحة من نبرتو وهي كتقول ~ نصر ولدي خوووك فاااق ، زيداان صح انصر
لاح عليه لحاف بضحكة مشرعة وقال ~ واايلي الواليدة حلفي بالله ههه صافي هاني جاااي عندك دابا ،
خلا مرتو وبنتو ولبس لي جا قدامو ومشى طاير لعندها ....اما هي ورا مقطعات معاه دوزات نمرة مرااد تفرحو تاهو سيغتو كان بالو مهول مع صااحبو بزااف وباغي غير امتى يسمع عليه خبار تفرح ساعة لقات تليفونو طافي ، ديشارجا ليه ورا مدخل لدار ومداهاش فيه قالت لعله خير ورجعت قدام زاج كتشوف في زيدان وكتحمد الله فين كنا وفين ولينا...كيحرك يديه ورجليه وراسو ورا مكان مفيكسيهم واخا مزال دايرين ليه تنفس وعينيه مسدودين وانما حسن من قبل وبزااااف
جااا نصر طاير ودخل بلهفة ووقف حداها بشوق كيعنق فيها وكيشوف فخوه لي طاقم طبي دايرين عليه حالة ممخلينوش بوحدو ، مخشية مينة في ولدها حاطة راسها على صدرو وكتقول ليه ~ مترزيناش فيه اولدي حمدتك اربي وشكرتك نجيتيه ليا ، ونذر عليا الا وقف ليا على رجليه حتى نخرج صدقة جارية باذن الله
حط قبلة على راسهاا وقال ~ ان شاء الله الواليدة صعيب تخطاه بقى غا سااهل ، يله باراكا عليك من الوقفة غتكوني عييتي نطلعو لفوق لشامبغ لي واخدة رتاحي فيه حتى يصبح الحال ونزلو لعندو
عينيها على ولدها مساخياش بيه ~ غا سير نتا وخليني انا منقدرش نتفرق من هنا
بتحكار قال ~ ميمتي راك عيانة يله رتاحي باش ملي يفيق يلقاك على خير ولا ميعجبو حال
دارت ليه خاطرو ومشات معاه طلعو لشامبغ نصر رجع تكى اما مينة صلاة زوج ركعات شكر للخالق وجلست كتسبح وتذكر الله ومرة مرة كتديها ديك لغمييضة بقات على داك الحال تا صبح صباح لي كانو كيتسناوه على حر من جمر...هبطو لعندو كيجريو لقاو فرقة ليل غتخرج وهو يوقف نصر طبيب كيسول فيه ~ امضراا ؟؟
- الحمد لله ولا شوية ، شي نص ساعة وتجي لمكلفة بحالتو وغتحيد ليه بيدها تيو غير تسناو
وعلاش لي ميتسناو وهما من نهار مرض ما بقى كيفرق معاهم لا نهار لا ليل ولاو كيتسناو فيه بالثانية واللحظة يفيق
ويولي مزيان دازت ساعة بحال عشرة عليهم وهما كيتسناو في طبيبة لي غير حات دخلات نيشان عندو...كانو كيتسناوها تخرج باش تطمنهم بدورهاا ....وبوجه بشوش وابتسامة تعلو محياها خرجت كتشوف في مينة وقالت ~ دعواتك تقبلو حمد لله تخطينا الاصعب باقي شوية
نصر بعدم فهم ~ مفهمتش ادكتورة ؟؟ ياك فاق ولا لا ؟؟
جوباتو وقالت ~ فاق ماشي هي حل عينيه ولا كيتحرك ، خاصني نتاكد واش موسيو زيداان غيصبر على راسو بلا تنفس اصطناعي وواش غيقدر يسترجع وعيو بلا بيه
نطقت مينة بتفائل ~ غيتحمل ولدي قدهاا ان شاء الله
قالت الدكتورة ان شااء الله الحاجة داكشي لي بغينا ورجعت دخلات لعندو هي وفريق طبي لي كان داير بيه كل واحد شنو كيدير لي مكلف بتنفس ولي كيساعد طبيبة باش تحيد جعبة لي مركبين ليه
حيت كانت كتشكل عليه خطر...بنيتو الضخمة شكلت عائق بنسبة ليهم بدا كيتحرك بزااف ومتقبلش شنو مركبين ليه
كان كيخبط برجليه لي مقيدين وايديه ....قدرات الطبيبة تنجح بعد صعووبة باش تزول ليه التيو ...شوية بداا كيحل عينيه، شوفاتو كانو ممركزينش عين هنا وعين لهيه تالف ومعارف والو وكينطق غير ~ مرياام بغيت لماا ، لمااا مرياام
خرجت لعند اسرتو وقالت ليهم ~ حمد لله قدرت نحيد ليه تيو وراه حل عينيه
نصر بغا يدخل عندو ~ بغيت نشوفو ادكتورة ممكن
بامتناع قالت ~ حاليا لا منقدرش ، موسيو زيدان غيفيق معصب متنساوش مدة طويلة وهو كومة زيادة على انه واضح من شنو عانيت معاه لداخل انو شخص صعيب وعصبي زائد كيكمي دات ديالو مقطووعة وهادشي لي مخوفني حاليا ،دونك هانتوما شووفوه من زااج حتى يولي احسن من هاكدا ويفيق مزياااان وديك سااع دخلو عندو
خلاتهم ومشات خلات مينة بفرحة غير كاملة حاضيااه ودموعها كيدوزو ولي خرج من عندو كتسول عليه ممتيقاش بلي ولا شوية سيغتو مخلوهاش تدخل عندو ، بشك قالت ~ عفاك ابنتي طمنيني واش بصح ولدي صح ولا غا كتفلاو عليا
- بدات كتسكت فيها وحدة وكتحلف ليها ~ والله الحاجة حتى فاق ودوا ونطق وقال بغيت لمااا واسم مريام ،واش مرتو اسمها مريام
على قد مكانت كتبكي مينة ضحكت وتاكد بلي ولدها مكوي بنار لغرااام
صبح الصباح على مراد معرف راسو واش نعس ولا باقي فايق محاسش براسو واش مرتاح ولا عادي ،ركب سيارتو و الوجهة ديالو هي الكلينيك يشوف خوه و عشيروو... تفكر تليفونو هزو لقاه طافي برونشاه مع الطموبيل و ديمارا تا بان ليه شعل و اول ميساج وصل هو العلبة الصوتية شادة مينة ... وقف و هزو جبهتو عرقات و مشا شاف معاش معيطة ليه كيلقاها في نصاصات ليييل بلع ريقو بصعوبة وقال ~ يا ربي تحفظ يا ربي تحفظ وسمعني خير
دوز الخط لمينة لي غير شافت نمرتو جاوبات في الحين كانت مزال ورا شرجم حاضية زيدان ... احم الووو ولدي مراد فييينك؟؟ اجي عندي السبيطار ..
مراد شد في قلبو وتكلم مقادرش على خبار ماهياش ~... ياك لباس اش كاين قولي ليا هاني جاي دابا لعندك
مييينة سبقوها دموع الفرحة قبل متكمل ليه ~...خوك وصاحبك فاااق ا مراد فاااق جي دغيا
خرج عينيه و ترع فمو حتال لخر و غوت غوتة حس بحلقو تجرح وراها وقلبو رتاح ~.... الللللللللللللللله ،قطعي قطعي انا جااي ،زوج دقايق تلقايني قدامك
مينة بضحكة ~ ابشوية الهبيل ما فيا منزيد نطيح و نشد سبيطارات الله يحفظ جي بشوية
عفط ومحيدش رجليه على كسيراتور باغي غير امتى يوصل ، ضحكة مفارقتش فموو والمورال حس بيه طلع لبلافو ...وصل قدام مصحة ضرب فران صيك خلا كلشي يشوفيه ونزل كلوح عليه دجاكيط وغادي زربان وشعىو كيطير معاه ،دار ربعة خطوات فوحدة وصل عند مينة كينهج قال سلام ولصق وجهو فشرجم ودخل راسو كيشووف في زيدان لي كيضور عينيه في سقف
وعاقد حجبانو ، قال بصياعة ~هاد ولدك مكيعرفش ضحكة كيف دايرة ،فعز المرض مخنزر سلامة
مراد عنقها وقال ~ عندو سبعة الرواح متگر فيه تا حاجة ...
ضار عند نصر لي كان خاشي وجهو في الزاج و كيبسبس باش يسمعو ...
وا العود وااا زيدان شفتك زيانيتي الناس يخيبهم المرض و انت زيانيتي
مينة مشات قرصاتو ...~ الله يعطيك العمى حيدو بعدو ليا من ولدي ..."
بقاو قولها وضحك عليها واخيرا الابتسامة عرفات طريق ليهم والفرحة زارت قلبهم من بعد شهر تاع المعانات
زيدان شخص مهم فحياة كل واحد فيهم هو الاخ والاب لنصر والشخص لي كيلقاه ملي كيطيح وفي حياة مو لي معولة عليه فكلشي وبلا بيه كتكون تالفة اما فحياة مراد فزيدان هو نفسو وراحتو لي كتكون موضرة بلا بيه
خرجات عندهم طبيبة من جديد وفرحتهم اكيد ~ تعدى مرحلة الخطر وممكن نقول من هنا 48 ساعة يولي حسن من قبل وببزاف ..نطقت مينة وقالت ~ شفتو مغير مقلقاه شي حاجة ولا عيان ولا شنو ؟؟
- طبطبت على كتفها وقالت ~ عادي الحاجة دم ديالو عامر نيكوتين لي متلاقاش مع مهدئات لي كنا كنعطيو خاصو يومين تصفى دات ديالو ويولي هو هذااك ....مغاديش تحولوه لغرفة لعادية ~ قالها مراد
- بدات تضحك طبيبة وقالت ~ عارفاكم توحشتوه وبغيتو امتى دخلو عندو غير صبر مبقى قد ما فات ...نصر الدين ~ ان شاء الله حنا صابرين
شافت مينة ساعة وقالت ~ وقت لغدا هادا اولدي راه طناش
لاح يديه عليها معنقها وتم غادي بيها ~ نجمعو گاع لوجبات في وحدة اش خاسرين حنا غا ملي فاق لينا موسيو تغوبيشة راه سراول مبقاوش كيزگاو الواليدة
ركبو فطوموبيل ديال مراد نصر حدا هاد الاخير ومينة اللور ، كلامهم كان غا على زيدان وشكون من غير عودت ليه مينة باش حلمات وملي نزلات اش توقعات ومن لفرمليات شنو سمعات متعجبش حيت عارف صاحبو لهوا ساكنو
براكا طوموبيلتو قدام مطعم دايزو لكلام سبقوه وهو كان كيدوي فتليفون ، معيطة ليه مرتو وام ولدو ولا بنتو لقاتو راشقة ليه ...كانت دايرة مكبر الصوت حيت كتغدى ~ مراد
جاوبها وقال ~ زين تاع مراد
ضحكت من وذنيها وتزنگات سيغتو قدام ماماها ومريام ونزهة ~ احم بغيت نقوليك الا مشيتي لدار وملقيتيناش راه انا وماما جينا عند خالتي عرضتنا دايرة ليا شهيوة كتعجبني بيديها
مراد راخي ظهرو على لكرسي وعينيه لامعين ~ بصحتك اغزاالتي
بغى تقلب الهضرة وقالت ~ شفتك راشقة ليك
جوبها بحماس ~ حيت خويا وصاحبي اخيرا فاق وولا بخير عرفتو اول حاجة قال بغيت لما ومريام
سمع صوت سعال كانت نادية لي لاحت سفة من فمها ودغيا حيدت مكبر الصوت اما لوخرين تصدمو ومريام وجهها ولا حمر كيف دم مقدرتش تبقى جالسة كثر ناضت من على طابلة غارقة في حوايجها وحشمانة على فرحانة اما عيشة هزت لمعلقة وقابلتها قدام عينيها وقالت لختها ~ هاد لمعالق كانو عندك ولا عاد شريتيهم جداد عجبوني
هما كانو بحال وهي كانت لفوق بحال في سرها كانت غطير بالفرحة اول حاجة دارتها سجدات كشكر لله وصلاة زوج ركعات ملي سالات لامت راسها وقالت ~ بحق اش كندير هادشي
عزات راسها وجوبت نفسها وقالت بحق انو خويا في اسلااام
ومشاات جلسات على ناموسية جنب ولدها لي ناعس وتركنااات كتشوف فشفرانو وايديه وسهاات وتنهدتات
دازو يومين ورا محل زيدان عينيه ،كانو مانعين عليه زيارة لأسباب ...العصبية ،ضيق النفس ،ولعيا
راسو مكانش حاملو ولي ضحك معاه يخنزر فيه ...عائلتو كيشوفوه غير من زاج اما هو بقوة مراسوو ضرو مكانش كيقد يحل عينيه دوز العذاب وصبر ليه وليوم ولله الحمد غيقدو يشوفوه ولا حسن بفضل الله ودعوات ناس لي كيبغيوه
مينة قلبها كيضرب وتمشي وتجي تسنى الاوكي من عند طبيبة باش تدخل تشوف ولدها وتشبع عينيها بشووفت كبدتها لحارة... زيدان بنسبة ليها ماشي هو نصر بلاصتو بوحدها وما بحالو حد ...بالفعل جات طبيبتو لي ولات بحال وحدة من عائلة بفضل ليام لي دوزو كانت هي وطبيب نفسي لي غيشرف على حالتو
سلمات على مينة وقالت ~ الحاجة لاباس عليك ،نقدر نقوول على سلامت ولدك وسلامتك ؟؟
حسات مينة بالفراشات كيلعبو فكرشها وفرحتها تعطيها لكل مهموم ~ الله يسلمك ابنتي بفضل الله وفضلكم رجع وبقى ليا
-مسحت على كتفها وقالت ~ انا عارفة بلي مشتاقة تدخلي عندو وتدوي معاه ومن ليوم ان شاء الله غنسمح ليكم بزيارتو غا هو عندي شي نقط لي خاصني نوصيك عليهم وقوليها لسي مراد ونصر ولا اي واحد غيجي يشووفو
مينة تشطنات من جديد ، هزات حواجبها بتساؤل وقالت ~ ياك لاباس ؟
نطق طبيب نفسي وقال ~ كنظن نتوما عائلتو ونتوما ادرى بالاسباب لي وصلووه لهاد الحالة ، لهذا ممنوع كليا تجبدوهم ليه ولا تجبدو ليه اي سيرة تقلقو وهو مزال في فترة نقاهة ....هو متاثر بزاف واخا كيبين العكس
مبغيناش يرجع يفقد الوعي ديالو ويتعايش مع الاوعي غير بمجرد انو لقى راحتو فيه
بخوف جاوباتو ~ كون هاني اولدي انا غنوصيهم كلهم ولهلا يرجع يشوفنا دوك ليام...
بابتسامة هز راسو ومشى وطبيبة رافقتها حتى لغرفة لي فيها زيدان وقبل متدخل رجعات اكدات عليها التعليمات ومشاات مخلياها ورا لباب حاطة ايدها على لبواني رسمات الضحكة على وجهها ودخلات بشوية ....
بلاصتو فوق سرير حاس راسو عاجز مقادرش ينوض رجليه فاشلين عليه بفعل الغيبوبة راسو الوحيد لي كيحركو كيف بغى سمع صوت الباب ودور وجهو يشوف شكون لقاها مو وضحك من عينيه وتنهد جات لعندو كتجري وبغى ينوض يخشيها في صدرو وخانتو صحتو ...باستو فراسو وشمات ريحتو مقادراش تشوف فيه ..من بين شفارها وبنص عينيها كيبان ليها ضاع فيه نص ...حمدات الله وقالت فسرها بلاما تبين ليه المهم يبقى هو ودابا يرجع كيف كان
سمعت تحنحيتو وهي تبعد عليه جلسات قدامو خدا ايدها باسها من ظهر والكف وحطها جهة قلبو وقال بصوت خشن وبالكاد سمعاتو~ لواليدة توحشتك بزاف حسيت براسي شحال مشفتك
وآاااه من نبرة صوتو ومن كلمة الواليدة كيف خرجت من فمو ومن كلامو لي توحشاتو مينة ... هزت يديه عندها حطتها على صدرها و وهزت راسها حامدة الله و شاكراه و دموعها هبطو كثار بدل الدمعة دمعات ..دموع وحدة فرحانة برجوع ولدها ... تنخصيصة كانت كطلع وتنزل فيها حتى قالت مشى من بين يديها وربي حنتها وحنت گاع لي دايرين بيه وها هو دابا قدامها وحال عينيه وكتشوف فيه ..
ما لقى كيف يدير ليها يديه مع رجليه مزال فاشلين عليه وحتى من صوتو تقيل ~ الواليدة شوفي فيا...شافت فيه عينيها حمرين ضراتو فخاطرو وحس بيها تعذبات بمرضو ~ براكة علييك من البكى وسمحي ليا عذبتك معايا
تحنات عليه معنقاه ~.. مسمحاك و راضية عليك دنيا و اخرة اش باقا بغيت من هاد الدنيا من غير رجوعك ليا ل رجع ليا الروح ...
ساعف وجهد راسو حتى خدا ايدها بااسها من جديد وقال ~ الله يخليك ليا
قالها وتبسم ليها واخا مقادرش اما هي خبات دموعها ونزلت عينيها شافت في الارض ، قبل كان بينها وبينو زاج وبعيد عليها اما دابا وملي فرق بيناتهم سنتيمترات قليلة وحققات فيه شواها فقلبها وتخلعت عليه وزنو قل وشعرو حسنوه ليه وتا من لحية كرطوها ليه ورا مكبرات وكانو كيلقاو مشكل ملي كانو كيلغيو يلصقو ليه لصقة تاع تيو ....مبغاتش تبين ليه نشفات عينيها وهزات عينيها فعينيه ومسحت على شعرو وقالت ~ بقات بلاصتك ولكن حمد لله ملي ربي نجاك ورجعتي لينا محنة ودازت ،عمرك تخلعني عليك اولدي ...
حرك راسو بشوية بغى يتقاد في الجلسة ومقدش ، تعصب وكرز على سنانو حست بيه وناضت جلست جنب سرير حداه منها تبقى قريبة ليه ومنها تخفف عليه~ غير صبر اولدي دابا ترجع كيف كنتي ، وسع خاطرك وقل الحمد لله هذا ابتلاء من الله بغى يختابر صبرك بيه
بخشوونة جاوب ~ الحمد لله قلب بعينيه جهة الباب كاينة غا بوحدك
شدت ليه في ايدو كتمسح عليها بكف يديها ~ مراد شوية تلقاه قدامك اما خوك كيف كيفيق كيقصد الشركة واقف على شغلك وممخليهمش يديرو ما بغاو
هز حواجبو متعجب وقال ~ نصر الدين والخدمة في جملة وحدة , لعجب !!
بافتخار جوبتو ~ خوك تبدل وهاد المحنة لي وقعت لينا رجعاتو راجل ..ان شااء الله هانتا غتمشي الخدمة وغتسمع وتشوف بعينيك كيف وقف فظهرك وحظا غيبتك وصان ليك رزقك ...تنهدااات براحة ...غيبتك علينا شواتنا كلشي توحشك وكيسول عليك حتى من اية كتبغي وتقول ديوني نشووف عمو زيداان
غيبتك علينا شواتنا كلشي توحشك وكيسول عليك حتى من اية كتبكي وتقول ديوني نشوف عمو زيدان
كتفى يهز راسو ويسكت اما هي عاد بداات الهضرة ، بقات تدوي وتعاود ليه وهو كيسمع توحش يسمع صوتها وهي توحشات ملامح وجهو واخا كيبانو ليها ذابلين ولكن كلشي يفوت ويهون
صونا تليفونها كان مراد خرجت على برا تدوي على راحتها معاه ~ كيف بقى داك صگع تواضع يشوفنا ولا مزال دافع كبير
ضحكات على كلامو وقالت ~ دخلت شفتو وسول عليكم وكيتسناكم
فرح بشنو سمع ~ قطعي اناااا جاي
مينة ~ قبل متقطع قوولها لنصر ووصيه ودير فبالك بلي متجبدو ليه حتى حاجة من لي فات طبيب وصاني وقاليا ....
قالت ليه تعليمات طبيب بالحرف وقطعاات ..رجعت لعند زيدان ومراد شد طريق لعندهم وهو فطريق عيط لنصر لي خرج ديك سااع وتلاقاو بزوج في باركينغ
جايين متلهفين باغين يدويو معاه ، يسمعو توبيخاتو وصوتو رنان لي كيسمعو غا في معقول والعتاب ...تخنزيرتو المعهودة وابتسامتو المخفية لي قليل فين كتبان....رجعات مينة تحاجي على زيدان وهي في خضم حديثها تحل لباب ولا نقولو تفرع كان مراد ل دخل اللول عينيه خارجين و كينهج وموراه نصر الدين سخفان و شاد على قلبو
تقدم عندو مراد و بقى كيشوف فيه وفملامح وجهو وزيدان تاهو مضيق عينيه وكيرمقو بنفس النظرات ، بين مراد على سنانو وجمع قبظة يديه ونطق بتريگيل ~.....الله ينعل !!! عض على شفايفو وقال ~ اعوذو بالله تفووو واش انتا بنادم ، ولكن الهضرة ماشي دابا تتنوض باش ملي نزل عليك الخليقة تقدر تعاودها ليا ...تحنى عليه وقال... دابا بوووس عمك راه توحشتك اخويا على سلامتك و سلامتنا
نصر كان كيبكي حدا الباب كيف لمراا ممصدقش بلي خوه فاق وكيدوي عادي تا قال مشااا وخلا كتافو خاوين ...مينة كتشوفيه وكتبكي معاه منظر وليداتها اثر فيها ...اما زيدان ملي رد ليه لبال مد يديه ليه وقال ~ مالك شفتك رطابيتي ووليتي بحال لولية ، فين هو نصر زمان ضحك بختورية وهو ينطق لاخور بصياح
نصر ... خووويا !
جا تحنى عليييه سلم عليييه و خدا الشوق لي كان حاس بيه من جيهتو ~... الحمد الله على سلامتك ...زيدان ~ الله يسلمك !!
بابتسامة جانبية قال زيدان ~ قالو ليا طولت لفراش شحال تقريبا
مينة بتنهيدة ~ من نهار مرضتي اولدي مبقيت حسبت ليام ، زمان وقف عندي ونهارات ولاو عندي بحال بحال وولا عندي كيف تنين كيف تلات
مراد جر الكرسي جلس عليه وقال ~ ميهمش شحال نعستي لي كيهم انك فقتي ورجعتي لينا خليتينا يتاما بلا بيك اصحبييي
شافيه بنص عين وكتردد في وذنيه كلمة صاحبي لي مدة عامين مسمعها من مراد خدا يدو وشد على كفو وزير عليه وشافو بزوج بيهم فبعضياتهم بنظرة اخوية غير هما لي عارفين شكتعني
خرجو وخلاوهم بزوج الراس فراس...مينة مشات لفيلا تبدل وترتاح تحت اصرار ولادها ونصر مشى يوصلها ومن تما يمشي لخدمة اما زيدان بقى معاه غا مراد لي بقى نابت في داك الكرسي وتابخ ليه راسو بالهضرة جبد ليه گاع مغامراتهم تقول فاقد الذاكرة وكينشطها ليه وهو غا كيهرب ليه من المواضيع حيت عارف زيدان ومن نظرات لي كيدير فيه باينة كيقلب على سيرتها في كلامو وهادشي ماشي وقتو
مراد ~ نسيت مقلتش ليك غتولي عم اسيدي !! نادية حاملة وعندها تقريبا ربع الشهر ولا قل ولا كثر معرفتش
زيدان ~ غنولي عم وعمري نولي أب ...عرفو باغي ينبش فلي ضرو وطيحو كاو وهو يدير راسو مسمعش شنو قال ~ الا كان ولد غنسمييه زيدان اما الا كانت بنت غتسمييهاا هي
جوبو بعلامات رضى وفرحة ~ سبووع على حسابي
مراد ~ اودي اصحبي باقي تا العرس مدرنااه عاد ندير سبووع
زيدان بغى يتگعد يشرب مقدرش ..اش بغيتي نعطيك
زيدان باشارة ~ لماا
تفكر مراد كلمة الاولى لي نطق بيها صاحبو ملي فاق ، بغيت لما ومريام وهو يخسر ملامحو وناض كب ليه لما وعونو تا شربو ...~ شنو باقي تسنى ، قالها زيدان
مراد بعدم فهم ~ من اي ناحية ....زيدان ~ قلتي مازال مدرتش لعرس مالك اش خاصك
ساط مخرج لهوا من فمو وخرج معاها عبئ وغمة كانو ساكنينو ~ كان خاصني خوويا ، كيف ندير نفرح ونتا ممعاياش ، كيف ندير نضحك ونتا هنا مريض ..كنت كنتسنااك تولي بخير وتفيق وتحل عينيك باش تشاركني فرحتي حيت نتا هو عائلتوو
حل عينيه مع اذان الفجر .....صوت المؤذن كان كيثلج الصدر مقدرش ميتخشعش معاه ...جات فبالو وديجا مغابتش على خيالو ، تفكرها وقال تكون فاقت غتصلي
تكون مفكرهاه وكدعي معاه كيف مفكرها وكيدعي الله يجمعهم
حس براسو تنرفز كيفاش غيتجمعو وهي مشات من بين يدو ، تكون تزوجات وعايشة حياتها ونساتو من بالها ...خرج تنهيدة مسموعة كيحاول يخفف بيها احساس ندم لي كيحس بيه و لي بسبابو غاب على دنيا و رجع غير حيت ربي كتب ليه عمر جديد مزال غيعيشو بحلوو و مرو.....رجعات داتو عينو وهاد المرة مفاق الا على صوت لباب تحل ..حل عينيه بثقالة شاف طبيب داخل بوزرتو بيضة وهاز فيديه مذكرة داير نظاظر ...
رما السلام و سول على حالو و بابتسامة جلس في لكرسي حداه زيدان حاول يتقاد فجلستو ولكن مزال كيحس بداتو تقيلة عليه عافر حتى عيى وفلخر ستسلم وبقى مجبد على داك الحال
- موسيو زيدان كيف كتحس براسك ليوم
بضيق نفس جااوبو ~ كنحس براسي بخير وعلى خير غير سنيو ليا نخرج ممولفش على هاد الحالة
-هز راسو ممستغربش من كلامو حيت من تغوبيشتو باينة فيه مريح على عينيه ~.... غير صبر معانا واحد الاسبوع نطمأنو عليك و ترجع صحتك هي هاديك و ديك ساعة حنا نقولو ليك مبقا عندك ما دير هنا
كتفى يسوط وسكت ، حتى رجع سولو ~ سمعت عليك قوي ماشي ديال هاد طيحة ،عمرك جيتي لسبيطار ولا زرتي طبيبة ومكتعاني من حتى مرض
زيدان قراه شنو بغى يقول وهو يقوليه ~ جيني نيشان ، من شكلك عرفتك نتا هو لبسيكو لي مكلف بيا سولني ديريكت وانا غنجوبك حيت مبقى عندي ما نخزن عييت
- بتاسم ليه ونطق بعد مدار رجل على رجل ووجد راسو يزمم ~ لي ثقيل عليك خويه عليا ، قول انا كنسمعك
لاول مرة زيدان حاس براسو باغي يدوي ويخوي ويفرغ ...قصتو مع مريام ضيقات عليه بزاف وولات خانقاه باغي يخويها ويفرغها ومغيلقاش حسن من هاد الفرصة ، دوا وروى وعاود من نهار شافها حتى لاحها ،ومنساش ليه ملي رجعت ووقفت قدامو وتلذذات بشوفتو كيتعذب بعد ما رمات حبها لي تسلل لقلبو وعذب ايامو ، ذكر حتى مسامحتها ليه وكيفاش صامت راسها ولبسات لباس الثوبة وللوقار لي زاد كبرها فعينيه واخيرااا تنهد من قلبو وهو كيقول كيفاش تعذب ملي سمع بسيرة زواجها لي جابت ليه تمام وطيحاتو على طولتو مكاينش من غيرها هي سبابو
كملت حصتو اللولة مع طبيب ، خرج وخلاه في خانة ذكرياتو مع مريام ،تفكر حياتو لي دازت وشنو دار وتخايل كون كان مزوج مريام من داك الوقت كوراه ولدو ولا بنتو كبر وولا كيقول بابا...
فاق من شرودو على صوت مو لي كيف كيسمع منها كلمة وليدي الحبيب كيتفاجا خاطرو و يبتاسم بلهلا يطريه ليه شد يديها باسها و هي كتسول فيه كيف بقا و شنو كيضرو
رجع خنزر وقال فوق من القلب وكارز على سنانو ~ انا ماشي تاع الجلسة هنا ،ديوني فحالي جنابي ضروني عييت الواليدة ولحيوط خنقوني
مينة كتشد ليه الخاطر فحال دري صغير ~... غير صبر شوية مبقا قدما فات .. فات صعيب و بقا ساهل الا بغيتي يحولوك من هنا باش ترتاح كتر سمع لميمتك الله يرضي عليك يومين ولا خمسيام و هانتا فبيتك ان شاء الله
بدا يتحرك بجهالة مينة تخلعات ناضت تهدن فيه وهو ولا جهدو جهدين صوت جرس انذار صونا خلا كلشي جاي لعندو يجري ومنهم طبيبتو لي كانت في طريقها ليه
على صوت لغوات كلشي دخل لقاو زيدان كيتنتر و كيحاول ينوض طبيبة شافت حالتو و هضرات معاه بصوت عالي باش يسمع و يفهم كلامها ~... هادشي راه طبيعي الا عطيتي لراسك الوقت و الراحة غترجع تحرك كييف كنتي و حسن و دابا حاول تهدن بلا ما ندقو لي مهدن حنا معندنا ما نديرو بيه في الحالة لي نتا فيها
جمع قبضة يديه حتى تصورو عروقو ...مو وجهها ولا صفر ولات تطلب فيه ....ضغط على سنانو وكالمة نفسو غير على قبلها اما راسو طلع ليه فراسو ...رجعات طبيبة كتنصح فيه وتقول ~ صبر معانا شوية راه جانب النفسي ليه دور كبير الا بغيتي تخرج من هنا دغيا خاصك تعاونا بصبرك ،راك مزال مبديتي ترويض، الفترة لي بقيتي مغيب فيها ماشي ساهلة عادي تحس رجليك ماشي منك ولكن غترجع حسن من كنتي الا مكنتيش كتفكر فراسك فكر غير فناس لي كيبغيوك
الحب أقوى من أي إتفاق الجزء 19
محتوى القصة
التنقل بين الأجزاء