حكاية أنثى الجزء 39

من تأليف لبنى السرابي
2021طور الكتابة

محتوى القصة

رواية حكاية أنثى

جر شفايفها عندو ودفع راسها بايدوو من اللور كيتبادلو فالقبل بتلقائية...كانهم مولفين تقبيل بعضياتهم بشغف كيمص فشفايفها ويداعب خدها بايدوو...بقاات في صراع مع نفسهاا حتى بعداتوو عليها بصدمة من نفسهاا...تحل لباب تاع السانسوور وخرجات كتجري منوو

تسد السانسور واقف مشوكيي من راسوو. ضرب فزاجة وقال:فا**ك

سدات عليها الباب قلبها غيخرج من بلاصتوو كلسات على طرف سرير شدات راسهاا وجمعات ايدها على فمها

حياة:شنوو درت تفوو

**
دخلو من لبحر مزنكين بشمش ولعومان
غيتة:نسبق انا اللولة ...كنتلصق برملة وهاد لكولون

جابر:هانتي فدار داباا دوري عريانة اش مشا ليك
دخلات لدوش كتحيد فلحوايج وتفك فشعرها ولا حالتو بلما تاع لبحر تشعكك وتلكض

غيتة:جاابر ...( كتفك شعرها وتهدر بوحدها ) جبووريي ...جوجو ...(دخل)ناري اخوييا هاد سمية عندك لي بغا يدلعك بيهاا شنو يقوليك
جابر: عيطي ليا غير جابر مخييرة ...بلا داك تخربيق
غيتة:ناري عقلك لصق ف تمانين ...اوى ولبغيت ندلعك
جابر؛دلعيني فحاجة خراا
غيتة:فك ليا شعريي !
حيد حوايجو بقا هي بلكالصون لتحت دخل معاها لدوش ...فك ليها شعرها بلمشطة وهيا شادة الرشاشة كتكب لماا

غيتة:اتجي حياة وتصبغو ليا
جابر:صبغيه بزرق
غيتة(من نيتها )اويليي ايجيني كي جن ...انصبغو فلكرونة(غوتات)ايي هء جابر شعريي
جابر: تصبغييه نقرعو لمك من جدر غيتة(وعتها )احح صافيي واخة جابر طلق ...وزايدون شعريي هداا ندير بيه لي بغيت كتشاور معايا ملي كضرب ليه زيرو ؟؟

جابر:بغيتيني نتشارك معاك لمشطة ولا
غيتة:تانا والله وباقي تقرع شعرك او تحيد اللحية يتانصبغو بلغووز ومشغلكش

ضربها لمؤخرتها تغوتات :ولا فيك لفريع اغيتة توحشتي لعصاا

غيتة(دفعاتو )حكاار واناني
لاح لمشطة وقال؛انا انانيي
غيتة: اه حكار واناني

جرها من شعرهاا لعندو وهيا شادة ايدوو وقال:جلدك حرقك نبردو عليك ؟
غيتة:لاا صاافي ...حرقني شومبوان اجابر
طلع منهاا وطلق لما عليهاا تسالات وخرجات سالتة

كلسات كتجبد فلكريمات دهن لحمها لي طاايب بشمش ولماا وعينيها كيتسدو بلعيا ونعاس ...لبسات شوميز قصيرة ورطبة وتخشات ف فراشهاا شادة التيليفون ...كتشوف ف انسطا وتصويرة لي حطاات وصلات ل الف جيم ...بااب دوش تسد طفات التيليفون وحطاتو حداهاا

دخل عندها بفوطة على نصو ...تلاح حداهاا وقال:شبعتي بحر

غيتة:مزال غنمشيو غداا تانيي

جابر(شاف الساعة فالتيليفون ) منهنا لغدا يحن الله
غيتة (تاوبات )فيا نعاس (تكات فبلاصتها مغمصة عينيها تحسات بقبلو على عنقهاا )
جابر:وقت نعاس هداا

غيتة(كتغبن )فيا نعاس
جابر:البدية لي صعييبة...مم هز وجهاا كيبوسس فشفايفهاا حيد عليها ليزار وطلع فوق منها

جابر(عضها فعنقها )نتي غير ديال العضاان

غيتة:شي نهار طير ليا جلدة .. (بدلع )وبشوياا

**

بعد ليلة اخرى صبحات اقبال كدير فلفطور كيف لعادة كلس حداهاا شهيد كيتاوب
اقبال:مدخلتيش لبارح بكري
شهيد: لبارح مجاش لولد بكري كانت عندنا بيرمانونص
اقبال:ندير ليك قهوة كحلة !
شهيد :عفا الحب مكرهتهاش
دارتها وحطاتها ليه كيفطروو ...
شهيد : غنحاول نمشي انا ولواليد هاد لويكاند نتقداو العيد

اقبال:ضروري حتى انا نتقدا لغالية
شهيد:نمشيو مجموعين
اقبال:واخة
شهيد:نخرجو نتغداو على برا ليوم ...شحال مخرجناا
اقبال:خاصني ضروري نمشي لخدمة ...شي سلعة خاصني نجيبهاا

شهيد:لي بغيتي(كيدور فكاسو ) اقبال ساليتي لبيلول !
اقبال:مم


شهيد:تافقنا متعاوديش تشربيها مزال
إقبال (جغمات القهوة من فمها ) لا رد

شهيد (داعب ايدها )داكشي لي خايفة منو راه مكااينش. ...عمري نخليك بوحدك ...ولدنا ولا بنتنا انكبروه بجوج ... عفاك حيدي دوك الافكار من بالك

اقبال:شهيد مزال معندي رغبة فلحمل ...مزال كنشوف راسي مامستعداش ...عفاك هاد الموضوع متضغطش عليا فييه

شهيد؛اقباال شنوو غنبقاو حياتنا كلها بجوج ولا منديرو لولاد حتى نشرفوو ؟لكنا غنديرو شي ولد ولا بنت هدا هوا الوقت

اقبال: او خدمتي ؟ متنساش راني كنصرف على دار وحدة خرا فيا كريدياات الى حملت اشنو غيوققع

شهيد:علاش كتشوفي لولاد بحال شي حمل تقييل ا اقبال ؟

اقبال:حيت بصح ... الى مكنتش مرتاحة ماديا ومعنويا مكاين لاش
شهيد (ناض وقف معصب )تخربييق
مشا لبيت خلاهاا كتسووط

ناضت هزات لماعن محسات تلقات الباب تاع الدار تسد طلات لقاتو خرج ...رجعات سدات الباب ودخلات تكمل شقاها ....لبسات حوايجها ومشات لخدمتها ...

**
كي صبح لحال حلات عينيها طلات على تيليفونها لقاتو بغا يطرطق ابيل من محمد او ميساجات ...لبارح نهار كلو مجاوباتوش ...مع حلات لطونيكسيون صونا ليها ابيل فيديو ...ساطت ورجعات لفراش تكات وتغطات وجاوبات ..كان بدورو فغرفة

محمد:الحمد لله لي جاوبتي ...حياة واش بغيتي تسكتي ليا القلب

حياة: سمحيلياا كنت عياانة
محمد؛ياك لباس
حياة:هم غير لي غيكل مديرش فبالك
محمد:واخلعتيني نتي مكتجاوبيش ...هود حتى هوا نهار كلو

تهز قلبها على دكر اسمو ومشات بييها السهوة لبوسة لي جمعاتهم ...هزاتها لبرودة ونسات محمد لي فتيليفون
محمد:احياااة واا حياة واش نتي معاياا ؟فين سهيتي ؟

حياة:راك عارف هاد زمرة كدير ليا هكاا مديش عليا ...صحتك لباس

محمد:الى جاوبتيني فلوقت ومتشطنينيش عليك راه لبااس

حياة:انا بخير (تبسمات لييه )
محمد:غنخرج دابا...ردي لبال لراسك
قطعات عليه وتقلبات على ضهرها كتسووط عاضة على فمهاا كتفكر فييه طاح فبالها وبقات سارحة بتفكيرها

هزات تيليفونها دخلات سميتو فلفيس طلعات ليها باج ديالو فيها صورو ف بطولات لكيك بوكسين لميداليات الدهبية وصورتو كل مرة فين بداك الجسم المتالي لي عندو

مشات لصورة لبروفيل فلواتساب كتزومي عليها عاضة على فمها

ناضت جمعات حوايجها وخرجات من الشومبر عينيها كيدوروو ركبات فالسانسور ...سادة عينيها كتحك فجبهتهاا وعينيها مشاو لبلاصة فين كانو واقفيين ...دورات راسهاا وخرجات لرسيبسيون كدور فعينيها مشات تفطرر الشهية والو...شربات قهوة كحلة وبتي بان وناضت هزات بكاجها لطموبيل حلات لكوفر حتى لقات الصندالة باش ضرباتو لبارح وساطت ...اما هوا مكاينش ليه الاتر


كلسو فلبحر تاني ضاربة فيه الشمش وهيا والو واش بغات تخرج من لبحر ...رجعات مرطبة بلماا ...هزات فوطة نشفات شعرها وكلسات

غيتة:لبحر زويين ليوماا
جابر:شبعتي عومان !
غيتة:مزال الحاال...جابر فيا جوع جيب ليا شي حاجة ناكلها
جابر:ونوضي ياله وناكلو فطريق

غيتة:ولا ولا مزال مبغيت نمشيي ...الى مكليتش دابا ايشدني لحريق تانيي

جابر:موصيبة كحلة صافي ....متحركييش من هنا ومدخليش تعومي تنجي
غيتة (ببراءة )واخة

جبدات تيليفونها هوا هز تيليفونو او لكاسكيط دارها على راسو وسوارت الطموبيل ...

بقات بوحدها سرحات رجليها فوق الرولاكس وهزات لكولون لحد الركبة تشمش شوية مبقاش كيبان تحت لكسوة ...طلقات شعرهاا خرجات شنايفها كتسيلفة بسناب وتعوج ودير فيديوات تحطهم فسطوري انسطاا

وقفات حدا لبحر كضرب سيلفي توقف عليها شاب هي بشورط وقال:يكما نضرب لختي شي تصويرة

غيتة :ولا هربتي ليا بالتيليفوون ؟
_ههههه حشومة عليك تقوليها وحنا وسط هاد لبشار مع نهرب نتعتر فلبراصول

غيتة:ههه واخة ولكن تكون زوينة بغيت نحطها فانسطاا
_تعطيني لكونط وخة غير نجادوغيك مرة مرة
غيتة:واخة علاش لا ههه

مدات ليه التيليفون ورجعات باللور تصور ركب نمرتو دغيا وصونا على تيليفونو ورجع صورهاا وقال:لي زيين كلشي كيجييه زوين

غيتة:شكرا ...صورتيي !.انشوف كيجات
شدات تيليفون كتخربق وقالت :نااري بنت مظلمة هناا ...تعاودها ليا

_هيا اللولة شنو سميتك بعدا
غيتة:غيتة ونتاا
_ ياسين
غيتة:مشرفين وصورني مقادة

وقفات كتبوزا وضحك ورجلين عريانين لكولون باح ....تلغات ضحكتها ملي شافت جابر جاي كتافو كيتحركو داير نضاضر شمسية او كاسكيط ...مشات كتجري عند لولد حيدات ليه التيليفون من ايدو وقالت:نااري ارى ارى سير فحالك
ياسين :مالك ! شكون

غيتة:واش باغي تاكل الرملة ارا تيليفوني (دفعاتو )وسييير

ياسين:راه خليت ليك نمرتي وسجلتهاا ...تشاوو

خلاتو حتى مشا وراجعة لبلاصتهاا كتهبط فلكسوة ملقات متهبط ...اما هوا وصل عندو لبراصوول كيتسناها توصل عندوو

غيتة(كتفتف ) جابر
جابر(من تحت نضاضر باينين حجبانو مكرونين )جمعي قشك نمشييوو
غيتة(نزلات كتهز فالصاك )واخة
بدات كتهبط فلكولون وهيا وراه صفر لمول لبراصول باش يجي يتكلف بيهم جرها من دراعهاا مغزز فيها ضفاروو وهيا موعتة وصابرة

غيتة:مدرت والو غير تصورت اجابر

ركبو فطموبيل ...ومشات ركبات اللور ليزدحها مع لباب تاني
جابر: وليتي تبوزاي ليا حدا البحر !!
غيتة:غير تصورت

جابر:تصورتي ! مزيان

وصلو لدار طلعو وهيا سابقاه بجوج درجات ...حل لباب وجرهاا وهيا كطلب وتزاوك ...شدها من شعرها كيدي ويجيب فيهاا

جابر:علاش مبغاش ديري عقلك اغييتة شحال جهدي نبقا صابر لييك

غيتة:طلق طلق متحطش علياا ايديك هءهءه بعد مني الحكاار

جابر(صرفقهاا )اناا وليت حكاار دااباا هاا شنوو تخرجي ب سليب وسوتيانات باش نكون ظريف ومزيان ...دوي الكلبة
غيتة:مال هادوك لي كيعومو بيه كلهم قح**ت انا بغيت نعوم غير بكسوة كي نااس

ركلها لرجلهاا تطاحت وبقى جارها من شعرها تغوتات وقالت:بغيتي تمشي ليها طاي طااي هاا ...انا برهوش عندك

غيتة:هءهءه تفرق منيي عطينيي التيسااع واااااع واااع(بدات كتركل وتغوت وتبكي )تفراااق منيي والله منسمح ليييك لادنيا لا اخرة هءهءهءه

جابر:تفركعيي ....تفركعي نشووف

مشا كلس يبرد وهيا متكية على الحيط وكتبكي وكالسة فلارض صونا تيليفونها فالصاك وجراتو لعندها جبداتو طلعات سمية ياسين وخرجو عينيها وتبدلو فيها لوان

جابر:شكون صونا ؟

قفزات وقطعات بغات طفيه مبغاش يطفا كترعد:تااحد
جابر(وقف جاي عندها )كيفاش تاحد ...اراي نشووف
غيتة:لااا

جابر(نزل عندها كيتجار معاها فتيليفون وشدات راسها كتبكيي )شكون ياسيين ؟


ملحق 1 (06/06/2021)

غيتة:هءهءه معرفتش
جابر(جبدها معاها بطرشة ونوضها بزز )شكون غيعرف انا ! ...مقيد فتيليفونك ومعرفتيش شكون يااسيين ....(جرها من شعرها )كتلعبي وراياا

غيتة:هءهءه انا غنشرح ليك غي طلقنيي هءهءه الله ارحم ليك ميمتك اجابر مدرت والو..هءهءه قبيلة ملقيتش لي يصورني وقف واحد لولد عطيتو صورنيي او يمكن سميتو ياسيين ولكن والله مقيدت نمرتو هوا لي قيدهاا...

تزادو فييه الجنون طرشها تنقز الدم من نيفهاا وقال:بغيتي ديريني حمار اغييتة (بلغوات )شنوو صرفت فيك البرهووشة ...شنو

غيتة(كتقطع فيها لهدرة بلبكية )هءهء م م هءهء مدرت هءه والوو

جابر:هدشيي كولوووو ومدرتي والوو الخانزة شنو ...كون تعطلت شوية تنكريني ...عاجبك زينك ؟ وليت هي ندور مع ابدورة تعري فرجلييك واخة

غيتة:هءهء ولا ولا هءهءه

جرها لبييت كيقلب على باش يزوق ليها لحمها وهيا قلبها غيخرج ولات كلها كترعد تكورات فجنب كتبكي

جابر:كيف تنباان لييك انااا هاا ..
محسات بشحطة تجاتهاا فرجليها تاع السمطة تغوتات ولصقات ليه فرجلو...عيا يبعد فيها حتى تعكل جا طايح كالس

غيتة:انا مزاوكة فييك انا مزاوكة صافيي صافيي هءهءه ...(بقاا كتنهج حتى تقلبوو عينيها وطاحت لارض عينيها مغمضين وكتنهج ..تحسات بيه كيضرب فحنكهاا

جابر(بخوف )غيتة ...غيتة حلي عينيك ...كتسمعي فياا
غيتة(كتنهج ودموع كيهبطو ..وقف مشا جاب لماا رشهاا وبدات كتحل فعينيها وتبكي )هءه مدرت والوو هوا(كتنهج )هوا لي كتبهاا مشتوش هءهء مشتوش

جابر(نوضهاا كتبكي شدهاا )صافي سكتيي سكتيي
داها لطواليط حل لما كيغسل ليها فوجهها وهيا كتبكيي

جابر: دوشيي نمشيو فحالنا من هنا
غيتة:نن هءهء

خرج زادح لباب تاع دووش تقفزات وهزات راسها سادة فمهاا بايديها

غيتة:تفو
حيدات حوايجها بنتيير كتبكيي على طريش لي خدات قسحها و الضربة فرجلها كتوزوز بقات حمرة وباينة

هز الاخير تيليفونها اول مدار بلوكا ديك النمرة ودار دورة اسكشافية على تيليفون ...لفيس خاوي ملقاش لانسطا ولواتساب فيه غير خوتاتهاا لا غير ...لاح تيليفون حداه كيكدد فمو بلعصااب توصلو تيليفون

جابر:وي ...شادية لبااس

شادية:مالك ؟ صوتك مهواش
جابر: لا لا هي كنت ناعس شوية ...كيراه عبد الرحيم او راجلك
شادية:عبد الرحيم جاا بغا يشوف خالوو
جابر(تسللات تبسيمة من فمو ) الشاارف ....اشنو درتو فلعيد اتجيو

شادية:وا الله يهديك جيي خلاص راني توحشتك ههه لبارح جيت ديريكت لعند مي ملي عرفتك فجديدة مبحر

جابر:وايليي ! العفريتة مقلتيهااش ...نييت شوية ونجيو على سلامتكم
شادية:الله يسلمك جي خلاص راه توحشت ديك العفريتة
جابر(شاف فباب لحمام )لعشية نكونو عندكم اختي سلمي على محمد

قطع عليها ونااض لدوش حل عليها تقفزها تحت لماا وقال:سربي رااسك
غيتة(بخفوت )واخة ...واش غنمشيو لدار !
جابر(دخل حط تيليفون حدا لفابو كيحط فتيشورت ) انمشيو لعند لحاجة
عطاتو بالظهر كتسووط كارهة دوز لعيد تماا شقا وتمارة العيد ...قفزها بضربة لمؤخرتها وقال:كتفرجي فلما ! سربي راسك

غيتة(خرجات)سالييت اصلاا
كانت بغات تمشي ورجعها زدحها مع لحيط ..هزات ايدها مغطية على وجها من شي ضربة وقال: شحال جهدي ندوز لييك ؟

غيتة: مدرت و
جابر(خرج عينو )ششت نتي مديري والوو ؟ اش وصلك تعطيه تيليفونك ...(عض على فمو وهز ايدوو بحالا بغا يضربها )ديلمك غير تاع تصرفييق
غيتة(غطات وجها خايفة )منعااودش


تسلتات منو وهزات لفوطة خرجات عينيها حمرين او حناكها مزنكين بطرشات وسخونة تاع لحمام ..شدها جوع وبدات كتقلب على لماكلة لي جاب كلسات فالصالون جبدات صندويش تاع لكفتة والفريت والموناضة

كلات ديالو وديالها ...خرج لقاها فالصالة بلفوطة وشعرها مسرح فازك

جابر: تاكلي ميبان فييك
غيتة(فمها عامر)بصحتي
حيد ليها لموناضة من ايدها شرب منها شوي وقال :هادي راه سخنات ...كتقلبي لديلمك على شي مرضة

غيتة:فيا جوع
جابر:نوضي لبسي خلاص نمشيو ...فكريني نتقداو شي حاجة لولد شادية
غيتة:واش جاات (بفرحة )نااري توحشتهاا

بعد لحضات جمعو روينة ونطالقو فطريق دخلو لمدينة وقفو حدا محال للالعاب ...دخلات معاه كيشوفو فلالعاب
مشات ليه لواحد لكرطونة فيهاا تران وسكة ديالو وقالت :هادي وااعرة

جابر:بغيتي تلعبي بيها نتي ولا هوا ؟ الدري صغير شنو عارف فهادشي !
غيتة:واخة بغينا ناخدو كادو يكون زويين (تبسمات ليه )عفاك نديو هادي ...عفاك اجابر حمقاتنيي شوف كبيرة نركبها ليه والله حتى تعجبو

جابر(شاف تيكيت فوقها وقال)شوفي شحال التمن

طلات بعينيها وقالت:500 درهم والله ترخيصة ...واش بغيتيها تقول خويا واحد جاب ليا نونوس تاع ميتين وستين !
جابر:ماشي قضية لفلوس ولكن دري صغير هادي رراه مو تلعب بيهاا

هزات لكرطونة ..انديوها عفااك
خارجةمن لكولوار نتابهات لمونيكات صغار كيتعلقو ف التيليفون ولا سوارت شكلهم زوين وهزات وحدة :شري ليا هادي

شافها اش هزات وقال:زيدي المونيكة ديال بصح
مشا خلص شدات لمونيكة دارتها فلمراية فطموبيل وقالت:خليها هنا باش ماتلفش

مع لعشية دخلو لعروبية وقفاتو وخرجات بجري لجنب طريق كتقياا...خرج عندها بزربة فايدو قرعة تاع لماا شدهاا

جابر:شفتيي اش كنقولييك

غيتة:احح
جابر؛واش كضرك كرشك ؟
غيتة:لا غير دخت ولماكلة تقلات علياا
جابر:غسلي وجهك
غيتة:لااا غيخسر ليا لكحل ...سير غير بشوية رجعتيني لبن
جابر:سيري على رجلييك ياله توصلي
ساطت وطلعات لطموبيل من بعدما شللات فمهاا كل مرة تبغي تقية حتى معدتها خوات وصفارت

مع وقفات طموبيل خرجات شادية مقاداها فرحة كتر من عام مشافت خوهاا هيي خرج من طموبيل مشات كتجري عندو عنقااتو بحب فرحانة وهوا كتر

غيتة:وانا مغتعنقينيش
شادية (بفرحة )اجي اجنيية امتا كبرتي وتزوجتي بخوياا

غيتة(بطنز)مالي لخاااطري ههه توحشتك اشادوو فين لخووينز
جابر: شادية كي وصلتو مع طريق

شادية:لفرحة مخلاتنيش نعياا ...(شدات فدراعو )توحشتك اخوياا
باس جبهتهاا وقال:خويتي عليا الداار

غيتة:واناا معمرتهااش ؟
شاف فيها بمعنى والله تبااز

دخلو لدار كيف لعادة ديما دار عامرة بالصيف خصوصا فلعيد لي مسافر راه كيجي يعيد معا عائلتو ...غيتة مولفة غير خوتاتهاا عمرها هزت هم لعيد ...كتشوف كيفاش تخرج راسهاا من هادشي بلا شووهة متعرف دني ماتعرف تحني ...جيتيها فصبايغ ولموضة ولفاشن تحنتك جيتيها فشقاا غي نتف راسك وسير لهلا يقلب

بعد السلاام والسؤال على الاحوال كلسو فالصالون وجابر شاد ولد ختو عبد الرحيم سماتو على باهم لمرحوم

شادية:جابر كيجاك ولدي
جابر(باسو )خايب بحال موو

الحاجة:الله يا وليدي وكااع دوك لعينين خضرين كي جليبينات وخايبيب ههه ولدي زيين الله احفضو ليا
شادية:ههه امين امي ...العقبة ليكم اخوياا

رد كيشوف ف عبد الرحيم كيدير ليه السكاتة ويضحك :اميين يارب

غيتة(جاوباتو فنفسها )تولدو من عينيك


وصلات لدار هزات الشانطة من لكوفر ودخلات...كتشوف بعينيها فالارجاء مبان ليها حد ...دخلات ساخطة و الجو تبدل عندها..طلعات بدلات عليها دغياا او خرجات لخدمتها بجري...بدات خدمتها ونص عققلها مكاينش هناا ...مجات فين توصل الربعة تلعشية تسخطات ...مشات تقدات ورجعات لدار حطات كلشي فلكوزينة وكلساات فالصالون كتخربق فتيليفونها ...صونا ليها محمد وتأففات وخلاتو كيصوني وكملات تبقشيشهاا

طلعات لبيتهاا كترجع فلحوايج تسمعات لباب تاع دار تسد...لاحت لحوايج ومشات كتجر فكلاكيطة طلات من دروج بان ليها داز لبيت ...رجعات لحمام حداها حيدات لفيلي من شعرها وسرحاتو بيدها ونزلات ...تكتبغي ترجع او تكمل

نزلات كتقاد فتيشورت وتحك فايديهاا حتى بان ليها مخرج صاكو وصاك تاع لبيسي ...شافو فبعضياتهم لتواني وقلبات عينييها

هود(بلفرنسية ) الى خصك شي حاجة تاصلي بيا
هزات عينيها فيه وقالت:فين غادي !!
هود:نمشي المانية

حياة:علاش ...ياك خدمتك هنا ! تخليني نعيد بوحدي ...غندير موقع والو لبارح وموقع والو اصلاا ...داكوغ !

هود:(بلفرنسة )من الاحسن نمشي
حياة:سيلتوبلي ...مبغيتش ندوز لعيد بوحدي عفاك بقاا ...

هود(شافيها وحرك راسو بالايجاب )داكوغ ...امتا لعيد
حياة:لو لاندي بخوشين
هود؛ممم داكوغ ...

تبسمات ليه ورجعات طلعات خلاتو رجع لبيتو ...تنادم معاها الحال ولات كتلوم فراسها ...اش بينها وبينو حتى تخليه معاها ...ياك غير ايام هادي كانت كتلعن فيه ومحاملاش يبقا لاصق جنبها

**
من بعد يوم طويل رجعات لدار حلات الباب بساروت ...هزات عينيها فالصالون بان ليها كالس شاد كتااب مخشع فيه ...عرفاتو كااعي ومن طبعو يدير عين ميكة ويميك

اقبال:سلام
هز عينو فيها وقلب لورقة ؛السلام
اقبال:كيبقا باباك شوية !
شهيد:صافا ...شوية

مشات لدوش غسلاات عليهاا ومشات لبيت بدلات حوايجها تريحات ولبسات بيجامة كسوة حد الركبة نص كوم ...مشطات شعرها وسرحاتوو وخرجات عندو مزال كالس فبلاصتو داير رجل فوق رجل مكالي بايدو فوق مخدة وكيقرا ....كلسات فوق الطبلة قبالتوو وحيدات ليه لكتاب وهز عينو فيها

اقبال:قالب عليا تاني !
شهيد:علاش اكبيدة ! درتي ليا شي حاجة
اقبال:معرفتش عاد كنسول فيك
شهيد: معرفتش شوفي نتي
اقبال:شوف نتا
شهيد: اقبال صافي ...وضحت لييك مليون الف خطرة ونتي مقسحة راسك ....كون كنتي فعلا كتبغينيي فعلا غتبغي تديري معاياا اين فامي ...انا مطالبش عشرة تلولاد ا اقبال ...وااحد هي واحد يجمعني بييك كافيني

اقبال:دابا هدشي كلو على لولاد ...وخة ولجاب الله كنت مكنولدش !

شهيد: داكشي ديال الله ديك السااع اما دابا نتي لي مقسحة رااسك ومخلية هاد لمشكيل يكبر ...كل شهر كتقولي واخة شهر جاي وخة شهر لي بعدو واخة واخة ...حتى لإمتى ا اقبال امتى ؟ محددة شي وقت فعقلك قوليه لياا ...فيا ميبدل ليك لفنييد وتحملي بلهلا يطريه ليك ولكن مبغيتش تكون شي حاجة بزز منك ...انا كنعرف الانسان الى كيبغي شي حد ...كيبغي يدير معاه عائلة وكون مكنتش مسوق ليك مغاديش نبغي شي حاجة تربطني بييك فهمييها ا اقبال فه

اقبال:اناا حاملة اشهيد

ملحق 2 (08/06/2021)

توقف على لهدرة فحالة صدمة ...جامد على الحركة يمكن تانية يمكن دقيقة وهوا كيشوفيها وهيا بنفس لملامح وكلامها ماشي ضحك...كترمش فيه بهدوء مدات ايدها لجيب لبيجامة جبدات ورقة مطوية ...حلاتها ومداتها ليه شدها وهبط عينيه ليهاا كيقرا بعينيه ورجع شاف فيها

شهيد: كيفاش...زعمة امتاا علاش مقلتي والووو ....علاش مخلياني كنغوت علييك ا اقبال ...بلاتي ولفنييد ؟
اقبال:شكون قاليك كنشربو ...شفتيني ؟ حبستو من رمضان

شههيد (شدو الضحك )دابا نتي حاملة ابنت لحراام ومخليااني كاعي نهار كلوو

اقبال:او بنت لحرام لااش ههه
وقف طار عليهاا بتعنيقة توقفها ...والفرحة غتخرج من عينيه بحالاش

اقبال:شهييد ضريتيني ههه
طلقها وشدها من حناكها عااصرهم بجهد وبااسها فشنايفها بجهد وقال:نقولو مبرووك

اقبال: الله ايبارك فييك هههه

شهيد:مكضحكيش عليا يااك ...مزال مامتيقش (حط ايدو على كرشهاا )واش بصح حاملة
اقبال:الله اهديك
شهيد(باسها بلطف فجبهتها )عفاك حلفي ليا بليي حاملة
اقبال:والله حتى حاملة

شهيد(باس ايديها ورجع عنقهاا )هدا احسن احسن ...احسن خبار سمعتوو ....جوتيييم بيلو

اقبال:حتى اناا
كلسهاا عندوو فرحان وقال:لواليد ايطير بلفرحة الى سمعهاا
اقبال:بلاتي متقولهاا ...حتى نمشيو لطبيبة ونتأكدو

شهيد:مكتحسي بوالو ؟؟ لا دوخة لا سخفة ؟

اقبال:لاا عادي ...غير مبقاتش جاتني
شهيد:مشهية شي حاجة
اقبال:ههه مامشهية والوو هاد الساعة

شهيد:امانة عليك لي تشهيتيهاا تقوليها عنداك تمشي تشريها هههه
اقبال:هههه وخة

شهيد:على هاد لخبار نطيب ليك شي عشا فاعل تارك
اقبال: عنداك تكتر لملحة

شهيد : الالة كوني هانية ههه (دوز ايدو على كرشها )مزال معرفتيش شنو عندك

اقبال:عندي فرخ منيتك ! هههه
شهيد:كيقولو لامهات كيحسوو

اقبال:هههه نوض نوض طيب لعشاا باش عقلك يرجع ههه

***
كالسين على برا كيديرو لكوتي كلشي مجموع منهم خديجة وخولة لي تناتفات معاهم غيتة

حطاين جوج طبالي بما لد وطااب كلشي بلدي وزوين

شادية:غيتة !ياكما حاملة شتك قبيلة مشيتي كتقياي

غيتة(كانت بغات تاكل لمسمن او حبسات )همم ...معرفت

شادية؛مييي ا ميي غيتة يمكن حاملة ههه
الحاجة:من حكلها جات صفرة مسيكينة ...كتوحميي يا مبرووك

غيتة(دخلات فلجو )مزال معرفت امي الحاجة ...غير السخفة والتقية ونعااس...مكنقدر ندير والو هي كنوض كندوخ

شادية:اوى اش بغيتي كتر من هادشي هههههه
الحاجة:اه اه ايكون وحمك حار يابنيتي

هزات لكاس كدور فعينيها والضحكة غالباها وزامة فمها....لقات باش دير موتة حمار وتشد لرض


جاي جابر او راجل شادية وعمو كلسو معاهم ...گلس جابر حدا غيتة مدات ليه كاس تاع اتااي كضحك ...حرك ليها راسو ب اش كاين وهزات كتاافها

خولة:ميي ...خالتي عطوش جات
الحاجة :اش جات دير الاطيف ...قوليها تجي هن

دخلات سيدة عجوز محنية على عكازهاا شوية واشمة تحت فمها وبين حجبانها ولحنة كحلة فايديها لابسة تشامير او سروال قنضريسي مع بلغة

_ياا سلاام
عطاتها خولة فوقاش تكلس تحنات لارض عاد كلسات سلم عليها جابر حيت من جيران هنا ...ضروري تكون شي بركاكة فزنقة او دوار ...هيا هادي زمان دا منها غير ضهر اما لسان ولعينين حاضرين

عطوش:ولدي جابر ...اتاا كيدار او

جابر:ههه لحمد لله الحاجة
عطوش:مزااااش اوليدي مكتااب نحجوو ...مسبقاتني غي لعمية تاع جداك

الحاجة:عطوش كاس تاع اتااي

عطوش:حلو
الحاجة:وايه
عطوش:شربي عا تي ...اتي شكون هاد دريرية !
الحاجة:مرت جابر

عطوش(شافت فيه )زايينة تباارك الله (شافت فجابر)ديتي صغر اربط اربط تلقا متسيب

غيتة:مالو شاري بكرة

جابر(خرج عينوفيها )اهيا

الحاجة :ا بنتي زيينة ودرويشة
جابر(كيشرب فاتاي )تاكل من لخنششوش

عطوش:واا بنات هاد ليوم حارات اخويتي (شافت فيها )ومالك طالقة جعيطاتك كي لعودة ...وجابر لمكانتش دريويشة نزوجك بنتي (ضحكات تبان فمها مفرم فيه ناب واحد لتحت وهوا لي صابر لزمان )
غيتة:اويلي ونتي شغلك ! مالك دخلتي فيا طول وعرض ياك لباس ... تزوجيه بنتك انا معجبتكش ؟
الحاحة(كتمد لكاس لشادية )زيديها

جابر(من بين سنانو )غيتة لمرا كبيرة

غيتة:تكون كبيرة ولا صغيرة ...عجباتك هدرتها؟ كيجيتها انا بالسلامة

مرت العم:ههه ولا عطوش والله مكتوقري حد

عطوش(ناضت )والسلام عليكم ...مبقا حيا مبقا احتراام

غيتة(بميووعة )بسلااامة وسلمي على بنتك

خلاوها تمشات وخنزر ف غيتة:مكتحشمييش !

الحاجة:وسرها اش دخلها فلبنت مغطية شعرها ولا معرياه ...اهيا لعفوو عمرها توب ...سكت على لبنت واحلة فروحهاا

جابر:واحلة فااش ؟
شادية (غمزات الحاجة باش تسكت حيت معاهم عمهم )
الحاجة زيدك لمسمن عزيزعليك !

جابر:لاا صافي الله اخلف

بغاو يهزو الطبلة وناضت غيتة تدير ايدها وحلفو عليها تاتكلس ...كلسات كدور فعينيهاا تخوات دنيا كلسات كتلعب مع ولد شادية لي عاد كيكلس قدات ليه اللعبة وكلسات شداه كتلعب معاه

جابر:كيفاش واحلة فروحها !
غيتة(خرجو عينيها وهزات راسها عندوو )هاه معرت
جابر:من امتا كتجيك السخفة اودوخة بسلامة ؟
غيتة:اشمن سخفة

جابر:شادية لي قالتهاا
بدات كتفتف وقالت:شي سيمانة هادي (سرطات الريق) معرفتش يمكن ضربتني شمش
جابر:ضربك جن نتي (قلب علينيه جيهت عبد الرحيم )اجي عند خالو اجيي ...دابا كيلعب بداك تران ؟ مضيعاني فعشرالاف فلخوا لخاوي كون عطيتها لمو فلووس تشري. مبغات

غيتة(ضحكات )ههه جابر ...نمشيو لداك جنان بغيت الرمان
هز ولد ختو وقال:تبعينيي ...دوري نشوف ديك لبيجامة يكما مقزبة تيكون عمي تما

غيتة:لاا (ضارت)طويلة !

حرك راسو باه وتبعاتو مشاو لحدا لبير شاف فيها وطلقات ضحكة مفضوحة تقال: مالك الشووهة جمعي فمك

غيتة(سداتو كضحك)هههه


مشاو لتحت شجر الرمان شدات لولد او هوا مشا قطع ليهاا الرمان

غيتة:ملي نبغيو نمشيو نديوه معانا ! عزيز على اقبال
جابر:ضروري

غيتة؛ممم حلوو
جابر:(باسها فحنكها وهمس ليها )بحال شي ناس

ضحكات بهمس بالاطراء وقالت:صورني مع عبد الرحيم ...شو شحال زوين ...كيشبه لباه ياك

جابر(خنزر )غيتة خليني معاك زوين

غيتة:وصافي غير قلت والله

**

دازت يوماين ناعسة اقبال فوق السرير وطبيبة كدير ليها لفحوصات وشهيد حداها كيتسنا يشوف ديك النقطة فالرحم ويفرح

شهيد: مكايبانش

دك:الكيس تاع البيبي هاهواا
شهيد:حم او البيبي ؟

دك (سكتات شوي ) مزال مبانش لياا ...دقات القلب مزال مكيتسمعوو

اقبال(قلبها كيضرب )واش عادي ؟

دك:منقدر نقوليك والو ابنتي داباا ....فلعمر ديال الحمل ديالك ...ياله ستة اسابيع يعني ياله عندك شهر او سيممانة ...غنتسناو واحد السيمانة او عاودي رجعي عنديي ديك الساع غيبان لينا شنو كاين ...هرمون الحمل بااين ولكن ف ليكو مزال ...متخافيش داكوغ !

شهيد(شاف فاقبال ورجع شاف فطبيبة ) وخة تاخد شي فيتامين شي دوا ؟

خرجات طبيبىة خلاتها كتقاد فحوايجهاا وقال:بيلو كالم طوا ...غير لبيبي صغير مباينش

اقبال:ايكون خير

خرجو لعند طبيبة كتكتب ليهم فدوا :بون هدا متبت الحمل اتاخديه صباح وعشية وهادا حمض لفوليك مرة ورا لفطور ...بعدي من اي توتر من ايي حركة قوية ...رجعي عندي ورا لعييد باش نتأكدوو

اقبال:شكراا

خرجو من بعدما خلص نزلو لطموبيل وشهيد عينيه فليكوكرافي كيبركك

اقبال:بانت ليك شي حاجة ولا ههه
شهيد:نشوفو شي طبيبة خرا ...هادي زعمة هيا طوب هناا

اقبال:سيمانة ونرجعو هناا ...لي فيها لخير غتوقع

شهيد:غنسيفط هادو لواحد طبيب صاحبي ف فرانسا ونشوفو اش يقول
اقبال:وخة ...منقولو والو حتى نتأكدو
داعب ايديها وقال: واخة ....كوني هانية كلشي غيكون بخير

اقبال(بهدوء )الخير فيما اختاره الله ...مشيناا بغيت نشوف هيبة كي بقات

شهيد:واخة ...كتشرب دوا؟
اقبال:اه بداتو

شهيد:اه فكرتيني حبسيي لخدمة هاد ليامات نتي غير رتاحي مديري والوو اتبعي دواك فقط
اقبال:لخدمة مهدي غيتكلف انا غير غنكون ضروري ..متخافش


حرك راسو باه او كملو طريق لعند لغالية لقاوها كدير فلغدا او انصاف عاد سالات تسياق

كلسو فالصالون وحس هيبة مكيدورش

اقبال:كيبقات شوية
الغالية:داك دوا عادما كمل ليها لي بقاا ناعسة ليل ونهار

شهيد:هداك هوا دور ديالوو يهدنهاا وتنعس ومتبقاش تعصب

انصاف:كتنعس ليل كلوو

شهيد:غادي يزيد ليها فلوزن شوية مع لوقت ...دابا ملي بداتو مخاصهاش تقطعو خاصها تبع مع طبيب هوا يبدا يخفف ليها الى شافها مزيان

الغالية:والو اولدي معرفت هدشي منين تسلط

تحل لباب تاع لبيت وسكتوو طلات بانت ليها اقبال وتبسمات ومشات كلساات
هيبة:اقبال امتا جيتي
اقبال:غير دابا ...كيبقيتي شوية

هيبة(حكات عيننيها )هاد دوا كينعسني بزااف
شهيد: كتحسي براسك مزيانة

هيبة: بعدا بليل مبقيت كنفكر فوالو كنحط راسي كنعس

شهيد:مزيان ...الله اشافيك وقدما خرجتي راسك من هاد دوامة يكون حسن ليك من دوايات ا هيبة ...

هيبة:ماشي لخاطري اخوياا
اقبال:لي فات ماات ...عيشي حياتك ...شوفي هدشي راه فترة وغيدوز متبقايش تفكري فيه بزااف واخة ...تبعي دواك منهنا شهر غنرجعو عند طبيب

هيبة:ان شاء الله اختي ...شنو درتو فداار
اقبال: كوني هانية ورا العيد غنقادو الامور معاه غير يجي من براا ويكون خير

هيبة:الى مشيت منهنا غنرتاح
الغالية(تنهدات )فينما لقيتي راحتك ابنتي نمشييو

اقبال:ان شاء الله

***

دوزات نهار كلو على براا وراتهاا جميلة مرا مغربية كتخدم جليلبات او قفيطنات بالراندة ولا باش ما بغيتي ...حياة متقدرش دوز شي عيد بلا قفطان اوجلابة ..خدات جلابة فلبوردو بطرزة جيه رجل ولكتاف مخنازية قصيرة او خدات قفطان سامبل بالراندة نص كوم فلكحل لاصق عليها خدات معاه بليغة ورجعات لدار فرحانة بيهم

مع دخلات لدار جاتها فودنها ضحكة انثوية ...قندشاات حطات تقدية وصاكها فوق لفوطوي قربات لبيت هود والضضحكة كل مرة تعاود تسمعها...كمشات فمها وحلات لباب

حتى بانو ليها فجردة فلبيسين كالسيين ...فتاة تكون فالتلاتيناات بشعر اسود طويل وقوام انثوي رشيقة ..بكسوة طويلة بلا يدين مفرفشة فالبيض وصندالة تاع صبع كسوة صيفية بينات بشرتها الخمرية الجميلة

خنزرات حتى قربو حجبانها رقاق يتلقاو خرجات من لبيت كتكدد ف فمها ...مشات لكوزينة وخرجات من لباب تاع جردة وضارت عندهم هز عينو فيها ببرود وحط كاسو لي كان هاز

هود:جولياا (بلفرنسية )كنقدم لييك مرات عمي
تقلبات جولياا بعيونها السودااء الصغيرة بابتسامة بفمها ليي مطراسي بعكر مايل للاحمر مناسب بشرتها بابتسامة قالت:هااي

حياة:لااا مزيااان قالب ليا داري دار لق"""ب انووضيي اطايرة بگر جوليا ولا لخرا

يتبع...

التنقل بين الأجزاء

صفحة القصة
سيتم تشغيل صندوق التعليقات بعد لحظات
معظم التعليقات تم إخفاءها بواسطة الفيسبوك، نحاول بكل الوسائل المتاحة إستعادتها في أقرب وقت ممكن.