شهيد هز رااسو متكي على مخدة كيشوفيها ببرود كيسمع لنكيرها لي مكيتسالاش ....ميقدرش يبدل طبيعتها الفطرية هوا ولفهاا وكيجيه عااظي ولكن بنت النااس عمرها تاخد نكير لعكوزة ببرود وتقول خليها تهدر ولابد شي كلمة تبقا تحرق فلقلب
**
نهار كلو كالسة على جمر ...تغداو وخرجات شادية مع راجلهاا وبقات غيتة كتبلق فعينيهاا او جابر خدام ...تنهدات بدييق وتغرغرو عينيها
تالين غتبقا محبوسة ؟
هيا ماشي من جيل قديم باش يكلس ويقول لمرا هيا دارهاا ...هيا شاابة عفوية او حيوية بغات دور بغات تعيش بغات تلبس وتصور وتقول ها انا فين كنت وفيين كنت ؟..فلقديم كانو بعض لعيالات كيتبهاو بتكاشط ودهوباات ...دابا جيل اخوور اكبر طموح عندو هوا يشوف بلدان خرا غير بلادو ويعيش الرفاهية ويكون محط انظار
تبسمات ليه بضحكة صفرا وقلبهاا مشدود عليهاا بغات غير امتا تفك وتمشي فحاالهاا ...ياما خانتو مع ربييع ولكن كان داكشي بدون احساس ...كانو عندها سواسية دابا غير قلبها عمر باعجاب من طرف شخص كتشوفو كل وقت ...بغات تهرب حتى من داك الاعجااب وتعيش حياتها كيف كانت مخططة ليهاا
محمد:عندك شي مشكيل ! مالكي غير سااكتة
حياة(حكات عنقها) :لا ...غير لاغيكل كتمرضني
محمد:ااه اوى نوضي شوفي لكادوات لي جبت لييك
حياة : شوية ونوض ...ندير ليك شي حاجة لعشاا
محمد:شي صلاد من يديك وشي عصير تكون احسن حاجة ...غنطلع نرتاح
حياة:واخة
وقف وباسها فراسهاا...خلاتو حتى طلع ومشات للكوزينة تخربق مرة مرة يجي لبالها هود ..تهز تيليفون ودخل لفيس ديالو تبقشش نسات لبيض لي كيتصلق وبقاات هكاك ...تشافتو دخل طفات التيليفون متبعاه بعينيها كتخنزر فييه ...داز لتلاجة هز لقرعة تاع لعصير ...قرب جيهتها كيشوف فيها ببرود وحل لبلاكار فوق رااسها جبد منوو كاس
شهيد (حرك ايدو على كرشهاا ) عنداك تعصبي لياا بنتي ولا ولديي
اقبال:متعصبش نتا غير مو وعمرو يتعصب
دورها على ضهرها وغطس راسوو فعنقهاا قرب لودنها وقال:هادي والتووبة
اقبال: غنشوفو
**
تعشاو بجوج وهود مكاينش السكات من جيهتها وهوا كيعاود ليهاا على الحج كيف داز ...طلعو البييت وعطاها لكادوات لي عيات توصيه عليهم ...عبايات او بخوور او سنيسلات تاع دهب ...جاب ليها دمليج تاع دهب تقيل او واازن
هود(تحنا عندهاا كيطل معاهاا. وقال بلفرنسية )انشووف ...حياة وريني نشوف
هزات ايدهاا عطاتو لبين حجرو حتى وعتاتوو وقالت بجهالة :لق*واد
هود(بين سنانو )حياااة
دخلات ششادة عينييهاا كتزرب كتشوف غير بعيين تاتهزات من نصها بغات تغوت وشد فمهاا خبطهاا على لفوطوي وحاصرها بجسمو ...تقل عليها وخنق فيها النفس حاسة بجسم صلب سخوون سيطر على جسمها
فوق لفوطوي كيتبادلو لقبلات...تعمق فلقبلة حتى لسانوو شق فمهاا متمتع ومتمتعة نساوو شنو داير بيهم وفين هوما....فضلام غير ضو خفيف من جردة داخل عليهم... بغا يقاد ايدوو وجر معاه لكاس من فوق الطبلة ...دفعاتو من عليها تجابتوو طايح ايدو فووق زااج
هربات من حداه خلاتو طايح طلعات كتجري لبيت...دخلات لقات محمد نااعس بقات مدة كتشوف فيه وهيا متكية على لباب ...نادات علييه شحال من مرة مجاوبش ...مشات لمارييو هزات السامصونيط ...دارت فيها دهب لي شرا ليها وشي فلووس عطاهم ليهاا ولي كل مرة كطير لييه شوية تقريبا جوج تلمليون مدخلتتهاش فلكونط .... دارتهم ف فاليز اخرة كبيرة عاضة على فمها باش مديرش لحس ...كتفكر فين كاينين وراقهاا لقاتهم فخزنة ديالوو سادها بلكوود فيها وراقوو او وراق خدمتو دار واي وتيقة مهمة...ياله عندها الباسبور ولكارط
عضات على فمهاا كتشوف فييه ...خرجات لبالكوون كتسووط ...خرج هود من بيتو كيكميي تحتهاا...هزات حجرة من لفاز حداها غير صغيرة ضرباتها بيه لرااس تهز راسوو دوز ايدوو ملوية عليها فاصمة ...دوزها على عنقو بمعنى غير بلااتي ...قلزات لييه حتى هياا كضحك
تنهدات ودخلات لفوطوي تكاات حتى نعساات
على طبلة الفطور كالس محمد فجردة وحياة كتحط فصينية وماجورهاا هز عينو فمهاا وقال :مال فمك
حياة(حطات ايدهاا على جنب شفايفها بلاصة مايلة لزروقية )همم ... باب تلاجة
محمد:نتاابهي الله ارضي علييك ...هود مجاش
حياة:لاا مشتووش
كلسات مقابلة مع دار وهوا كيشوفيهاا
محمد(شد جيهة قلبوو )حح
حياة:مالك
محمد:شي نغيزات مرة مرة ...الارهاق فسفر
حياة:عطي الراحة لراسك
محمد:نفطر وغنمشي لطبيب ندير كونترول
حياة:وانا غنمشي لخدمة
هزات كاسها كتشوفيه توصلها ميسااج فتيليفونها جبداتو لقاتو من هود
هود:فاازي ...معندكش لوقت
حياة:مالك حماار مقايلة والوو
هود:اااه بون !.. داكووغ
حطات التيليفون مداتهاش فييه بدات كتفطر حتى بان ليها واقف حدا بالكون تاع بيتوو ...قفز قلبهاا من بلااصتوو وكتحرك ليه راسها بلاا وهواا كيحرك ليها حجبانو باش تهدر
محمد:حيااة ماالك
هود(حرك شفايفوو ليهاا )فازيي
حياة( حكاات عنقهاا بتوتر وتلعتم لسانها على النطق مضناتش الامر يكون بهاد التعقييد)محمد....بغيت نهدر معااك
محمد:وي
حياة:انا قررت
محمد(حرك ليها راسوو بشنوو)
شافت ناحية هود بشوفة مخطوفة لقاتو متكي ومربع ايديه كيتسناها تهدر وقالت : محمد انا ويااك خاصناا نتفارقوو....بغيت نطلق
محمد:كيفااش (تبدلو ملامح وجهو لصدمة )مافهمتش
حساة:راك فهمتيني شنو بغيت ....طلاق
محمد:طلاق ...علاش احياة فاش قصرت معااك
حياة:من الاحسن(هزات عينيها فيه لقاتو شاد جيهة قلبوو كيكاابر ...تقاد هود فلوقفة كيشوف فييه)محمد ! مالك (غوتات )محمد
تأنيب الضمير بدا كينهش فيهم من لداخل وصلات سيارة الاسعااف دغياا حملو محمد.على وجه السرعة وتبعاتو حياة وهود فطموبيل...مقادراش تخيل بلي يقدر يموت من ورا ديك.لهدرة ...قفزها هود لي خبط يدو على لفولوون وقال:ميييرد ميررد
***
قبلة على كرشها خلاتها تكمش ...جرات عليهاا لغطا و قالت:شهيد كتهرني
شهيد:صباح لخير (خشها فييه لحمها منو ليزار )اش هاد شهد مع الصبااح ...فيك نعااس !
بعداتو عليهاا وخرجات من تما مشات لقهوة لتحت شدات قهوة كحلة وكلسات...غلبوها دموعهاا لي عياات تحبس فيهم فاللخر طاحو غطات وجهها بايدها كتشكي لرااسها
تبعهاا او وقف كيشوف فيهاا عرفها كتبكي من كتاافها كيتهزوو زاد بخطوات لقدام عندهاا ...ورجع وقف ورجع بلوور مهبط راسو ...وقف فباب لكلينيك مهبط راسو كيتنهد وكيكميي ...هز عينو فجردة لي قدامو ...تما فين شافها اول مرة وكاي رجل تغرم بقوامها الانثوي ورائحتهاا المثيرة لكن سرعان ماتبدلو شوفاتو ملي سمعها شنو قالت ومن بعد عرفها مرت عموو ...نظرة الاعجاب مبغاتش تحيد من عينيه...
شربات قهوتها ورجعات لبلاصتها كلساات عينيها حمريين ...هزات عينيها فلكولوار بان ليها جاي وهبطات عينيها كتلعب بخاتم تاع الفضة بين ايديها ...كلس جنبها وطلعات مع جيوبها الانفية رائحتو القوية مخلطة مع لكارو ...كيعطيوك نبدة من شخصية معقدة صعيب تفهم اش تحت رااسهاا ...هزات عينيها فيه ببطئ لقاتو كلس جنبها وربع ايديو ...تلاقات عينيهم وكل واحد شاف فقنت ..
خرج طبيب وتوجه لعند هود لي ناض كأنه كلس على لعافية وناض قافز وحداه حيااة
د: شكون مراقب لاكل تاع ميد
هود:شي مشكيل !
د: لقينا نسبة لكوليستيرول زايدة ...داكشي علاش وقع ليه انسداد فالشرايين ...(شاف فهود داير ايديه فجيابو )نكون معاك صريح موسيو هود...ميد مبقاتش عندو لمناعة نهاائيا لأي عمليية ...درنا ليه القسطرة فقط حلينا شويية الانسداد...غيعاني شوية من لحرييق صبرو لييه
هود:واش شي خطر على صحتو
د:ميد تهاون فصحتو شوية وهادشي اتر ليه على قلبو لي اصلاا عياا ومبقاش قادر على مجهود كتير او ستريس...هاد لمرة غنعطيه ريجيم صاارم باش يبقا مرتااح نوعا ماا (شافبهم )عفااكم ...حاولو على صحتو قدماا قدرتوو .... راه صحتو قلالت ولقلب عياا
هود:نديرو ليه العملية لكبييرة ! شنو يمنعهاا !
د:راني قلت لييك ....مناعتو لا تسستحمل اي عملية من بعد ... لي ننقدر نقولو ليكم هوا خليوه مررتااح فلي بقا لييه
رجع هود بلور وكلس على لكرسي مهدود هاز على كتافو ضلم كبيير ل الانسان لي عطاه كل مكيتمناه اي شاب ...بنا معاه مستقبل مضمون وعيش كريم
كلسات حياة حداه كتنهد ...بقا فيها محمد بزااف ..ماصرف فيها غير لخير وخة مكتبغيش حب زوجة ل زوجهاا كتحتاارمو وليه فضل كبير حتى جات هناا ...فعلا استغلاتو لمصلحتها ولكن عمرو شاف منها لعييب ...كانت دايرة ليه بحال لبيبي صغيير ونهار تبدلات لاحظ لفرق فلبلاصة
نطق هود مخرجها من تفكيرهاا وقال: نسااي طلاق داباا
دورات وجها جيهتوو وخنزرات فيه وقالت:طلقي طلقي ...مطلقيش مطلقيش ؟؟ هود راك غاالط فياا بزااف انا ماشي هيا لبنت لي غاتمشيها على صبعك ...تي كومبخون ؟
هود(شابك ايديه قدامو كيشوف فلفراغ ونطق بلفرنسية ) على الاقل رجعي ليه شوية من لي دار معاك
حياة:داكشي بيني وبينوو دخل سوق راسك شوية...الى بقا فييك كلس قاابلوو
تبادلو نضرات غير مفهومة وكل واحد دور راسو لجييه
دوشات و صايبات شعرهاا ولبسات احسن ما عندهاا كتافات بشوميز بيضة وسروال دجين بات ايليفون من لتحت رشات ريحتهاا ودارت شوية لميكاب فقط
الغالية:سير ابنتيي الله افتح عليك بيبان رزق ...الله ابعد عليك بنات او ولاد لحرام
هيبة:امين اماما
انصاف:هيبة ...اقبال هاهيا لتحت
الغالية:سير ابنتي بلاما تخليها طلع دروج صعاب عليهاا كل مرة
نزلات بتوتر كتقاد فصاكهاا وكدرب على شنو تقوول وعلاياش ممكن يسولوهاا قلبها غيخرج سلمات على اقبال لي مكتافية بجلابة مزردة نص كون دايرة نضاضر فوق شعرها لي جامعاه كوب شوفال
اقبال: مالك كترعدي !
هيبة:خايفة والله
اقبال:معندك مناش تخاافي ...لي مكتبها ليك الله غتكون
خرجات كلها كتغزل قطعات طريق واقبال حاضيااهاا وقالت:ياربي سهل عليها بلي فيها لخير
_علامن كتسوليي ابنتي
كان لعساس تماا واقف حدا لماطر او طموبيلات تاع ناس لي خدامة
هيبة:سلام اسيدي عندي واحد لونتخوتيان هناا
_اااه ودخلي من باب الشركة هدا باب لاتولي (المصنع)
هيبة:واخة اسيدي شكرا
توجهات لباب اخر باب حديد تهوا فلكري حلاتو ودخلات كان لورد فجناب لقات سيد واقف تماا كيتغاوت مع لخدامة فلاتولي
_واش مباغينش تخدمو ولا شنوو ...لحديد راه غااليي وكضو معايا(شاف هيبة)كتسولي على شي حد
هيبة:عندي ااونتخوتيان
طلعها وهبطها وقال:اييه طلعي عند سكينة
هيبة:شكرا ...توجهات لداخل كانت البناية من جوج طوابق فقط ...شركة صغيرة متخصصة فمجال لي شاغبونت او صناعة لوزينات لكبار كيصنعو لفيرمة بلحديد عاد كيجي دور البناء فوقها
دخلات كانو جوج بيروات كبار كل واحد فيهم فيه تلاتا تاع الناس كلهم رجال مكاينينش لبنات ...بحكم هاد لخدمة صعيبة شوية حيت فيها بزاف تلافاق ... كانو دروج فجنب مكتوبة فجنب تاعهم الادارة مزعماتش تطلع بلاما تسول ...شافها ولد من لي فلبيرو وقال:علامن كتقلبي اختي
هيبة:سكينة !
_راها لفووق على ليمن ديالك
هيبة:شكراا
طلعات ادراجها ونقز واحد فيهم كيضحك :سدو علينا فهاد لبيرو تيتيز كنشوفوه كنتخلعو
طلعات قلبها كيضرب على جهدوو ...هزات عينيهاا فجوج بيروات باينة فيه ديال مول الشي وحدا مكتب اخور لافتة فيه مكتوبة المدير التنفيدي ...قاعة الاجتماعات صغيرة كانت محلولة او فجنب طواليط وحداها فلقنت ماشين تاع لقهوة وكيساان سكر او لكارتوش تاع لقهوة ...وفجنب كان مكتب اخور كالسة فيه بنت كتهدر فالتيليفون وشادة لورااق ...شافت هيبة وهزات ليها ايدها وطلبات منها تكلس تاتكمل هدرتها دارت لي قالت وكلسات عينيها كيدورو
_دااكوغ اسيدي ...داكوغ نهدر مع سي هشاام ونشوف التمن واش منااسبوو ...ايه ايه كون هاني ...بونجوغني
خرجات من عندو صفرة مسقوطة من الدم ...نزلات ادراجها ونهالت عليها السلبية من جديد ...مغطفرو حتى فحااجة ومغتقبل حتى فحاجة...كبحات دموعهاا باش مينزلووش ومشات لعند اقبال لي كتسناها ...من طيارة قلعاتهاا بغات تبكي وتنهدات ...تركبات حداهاا وجها مزير
اقبال:صافاا ؟
حطات الصاك فوقها بزعفة وبدات كتبكيي وقالت:هءهههء معرفتش هءهء بقيت غير كنرون فلهدرة معرفتش شنو كنت كنقول ..وهوا يكيتسنط ليا كي شي هبيلة كل مرة يصحح لياا حاجة هءهءه
اقبال:صافيي خيرها فغيرها ا هيبة مالك دابا كالسة بجوع ؟
حكاية أنثى الجزء 43
محتوى القصة
التنقل بين الأجزاء