حكاية أنثى الجزء 44

من تأليف لبنى السرابي
2021

محتوى القصة

رواية حكاية أنثى

غيتة:علاااش
جابر :مبغيتيش لأجر
غيتة:عطيهوم ليا فلووس ندير سوان لوجهي
جابر:واخة ان شاء الله ...وديري بحساب حتى شادية وراجلهاا ...غيجيو يتغداو

غيتة:اويلي بزااف علياا
جابر:شنو لي بزااف عليك ...جوج قصاري وحلتي فييهم ؟
غيتة:مكنعرفش نطيب لكترة
جابر: اوى حداكتك تتوريك

خرج خلاها كتفقص بوحدها لقات ميكة تاع لحم كبير وديسير ولخضرة تاع كسكسو

بعد مدة وقفات فالكوزينة كاتنقي الخضرة و تسووط ماعمرها دير الحاجة بخاطرها ديما تأفف و تسووط على الحاجة عاد ديرها..... جامعة شعرها كعكة مهملة و شي زغيبات هابطين على وجهها كل شوية تبعدهم بظهر يدها.... حتى دخل عليها جابر يشوفها فين وصلات
جابر : فيين وصلتي الحادگة

غيثة (بتذمر) : غيير غرقني و قول ليا فين وصلتي
جابر(شدها من شعرها بالشوية) : لمك جالسة كاطيبي بشعرك عريان باغة تعمري لينا كسكسو بسالفك

غيثة : و شكووون بحاالكم غياالكو الناس و يلقاو زغبتي فكسكو قدها قداش غايعرفو مو سالف لي مطيباه
نزل عليها لترمتها حتى غوتات و خرج من الكوزينة دقائق و رجع هاز زيف حياتي فيدو حطو ليها فوق راسها

جابر : غطي عليا هاد الشعر ولا غانقرعو لحسك
غيثة (ردان الهضرة ماتستغناش عليه) : براكة نتا قرعة
جابر (ضور ليها جناب الزيف على عنقها و زير شوية) : شفتك كلمة جوج تردي عليا الهضرة بردو عليك عظامك؟؟

غيثة : اععع طلق طلق غاتقجني
حزم ليها الزيف على راسها و خرج مخليها كاطيح و تنوض فديك الكوزينة.....كاطيب و طلب الله يخرج هادشي بنين واخة تعلمات طيب كسكسو و ولا كايطلع ليها زوين ولكن كاطيب غير قدها هي و جابر ماشي جوج قصريات..... ماردات داكشي يطيب حتى ديشارجات التليفون مرة تصوني على الغالية تسولها مرة دخل ليوتيوب ماشدات حتى قنت....

داااز الوقت و بدات ريحة كسكسو كاتعطي فالدار شادية كانت خارجة من الصباح هي و راجلها و ولدها غير دخلات مع الباب شمات الريحة و مشات نيشان لكووزينة
شادية(بابتسامة) : هاي هاي على الحادگة ديالنا الريييحة كااتشهي يااختي

غيثة (تزااادو فيها الضلوع) : ايوا رااه غيثة هادي و اجرك عالله "طفات على البوطة" قرب يأذن غادي نسگي باش يجي جابر يخرج القصرية لجامع

شادية :واخة الزين نمشي نبدل و نجي..
هزات البرمة و الكسكاس حطاتهم فوق الپوطاجي و مشات جابت كرسي صغير من هادوك ديال الحمام وقفات عليه باش يبان ليها اشنو كاين فالبرمة.... حاطة حداها التليفون فيه تصويرة ديال قصرية مسگية و مقادة كاتنقل منها التستاف ديال الخضرة بزز عاد صدقات ليها.... غير سمعات الحس سدات التليفون مراضياش يشوفوها كاتنقل منو... عند بالها شادية ساعة صدق جابر
جابر (وقف حداها و حااوط خصرها) : المعزة ولات مولات الدار "مع واقفة فوق الكرسي ولات قريبة ليه فالطول... نزل على شفايفها ببوسة و نطق عند شفايفها" الله يرضي علييك

غيثة (بعدات) : دووور معايا گالاك الله يرضي عليك
جابر (قرصها فترمتها) : حتى ليل و ندور معاك مزياااان "شاف القصرية" ياله غطيها ليا بشي ميكة و شي زيف نديها... و هبطي من فووق داك الكرسي شي نهار تجيبي الربحة
غطات لي القصرية و هو هزها عاد دارت للتانية بينما جا.... كملات وهي تسمع صوتو كايهضر مع راجل شادية

هزات القصرية وهي مزال واقفة فوق الكرسي مع ضارت باش تهبط تقلب الكرسي وجات طاايحة هي و القصرية فلارض..... تسمعات الخبطة بالجهد مع غوات غيثة لي نص كسكسو تخوى ليها على فخاضها سخوون
غيثة : وااااااا ميمتي فخااااضي فخااااضي


جابر جاااا كايجري هو و شادية لقاها جالسة وسط الكوزينة رجليها مسرحين و القصرية مهرسة فلارض بين رجليها
جابر (دور عينو للكرسي و تقدم عندها مخنزر) : ياااااك قلت لمك ماااتوقفييش فوووق الخرااا
شادية (كاتحاول تبرد الجو) : مافيها باس اخوويا المهم ماتكونش تحرقات
وقفها كادمع و ساس ليها كسكسو من فوق رجليها معصب
جابر : كووون كنتي كااتسمعي الهضرة كون لاباس عليك
غيثة (بتهرنين) : نتا بيييك القصرية گاعما مسووق لييا....مضروب على كرشك سير لجاااامع تغدا
جابر:وااش نتي مكتهديييش اغيتة

ناضت كتبكي دفعاتو ومشات كتجري لبييت سدات عليهاا
جابر(صاعر)لحمارة مهاا مكتسمعش لهدرة وزايداها بنفااخة

شادية(شداتوو )الله اهديك اجابر ...دات لبلا ولباس

جابر:مكنهضرش على لقصرية اشادية ولكن راه فعاايلها بزااف ودغيا كدورها لياا

محمد (شاد ولدو )ساعف اجاابر لبنت مزال صغييرة

غمزات راجلها باش يدي ولدها حيت كيبكيي وخرجو وكلسات هيا حدا خوهاا
شادية:جاابر...اخوياا هاد قسوحية الرااس راه مناافعة لوالوو

كالس وشاد تحت فمو ولقصرية مزلعة قدامهم
شادية: رطب شوية ...رطب ونقص من قسوحية الرااس او من ايدك لخفيفة كلمة جوج ضرب كلمة جوج تنوضها معاها سباط

جابر:كون كنتي معايا اتعرفي اش كااين نتي بعييدة اشاادية

شادية:بعيدة ولا قريبة راني عارفة طبعك كيداير ... مافيها باس تحزر مافيها باس تلوح كليمة زويينة
جابر:تشكات عليك ؟

شادية:ليوم تشكات علياا غدا تشكاا على ناس خريين ... هدشي ديال بزز ديالكم مداخلش ليا لرااسي اجاابر ... ماشي هكا تخليها قريبة لييك ...راه باقة صغيرة تمنطاش لعاام اخويا بغات تخرج ...بغات تضحك وتلبس ...بغات لي يجيب ليها كادوات يتفكرها مرة مرة....متعاملهاش بحالا عندها ربعين عام راه بغات لي يفششهاا ...ونتاا هكاا اخوياا راه غادي غير ضيعهاا ماشي تقربها ليك

جابر(مسح على وجهوو كيتنهد )كيفما درت معاها وحلة

شادية:غيتة راه كبرات قدام عينيك اجاابر ...ونتا عارفها حسن مني كااع وعارف شنو لي يخليهاا حلوة بين ايديك ...مالك عكسيي وباغي تشدها بلخوف ولغوات !! حلي كلامك وضحك فوجهاا

حرك ليها راسوو باه كيمسح فوجهو وكملات : يدير الله خير

شادية:نوض اخويا راضيي مرتك وشد بخاطرهاا ...شو مسكيينة طيبات كسكسو بلخااطر ..قدر الله ما شاء فعل مامكتابش لينا حنا نااكلوه ههه ...نوض ياله نتغداو على براا عفااك الخدمة مغتهربش نووض اخوياا الله احفضك

وقف مشا لبيت خلا شادية تجمع كسكسو ولقصرية لي تقسمات لنصاص
دخل لقاها كتنخصص ..لايحة لبيجامة فلارض وناعسة بشورط وديباردو ديالو ..سد لباب وقرب ليها

جابر:تحرقتيي !
غيتة:هؤهءهءه (هزات كتافها ليه عاطياه بضهر )هءه

تكا حداها وباسها فكتفها كنوع من الاعتدار لغير مبااشر ونطق :شحال تشهيت داك كسكسو فاللخر طااح ....ريحتو بنينة

غيتة(مسسحات عينيها كتنخصص مهدراتوش

جابر:غيتة ...راك عارفانيي معنديش بزاف مع لهدرة لي بغيتي تسمعيها كل نهار ...ولكن راك عارفة قداش بلاصتك عنديي ...نغوت عليك حتى نعياا عمر معزتك تنقص

غيتة(كتنخصص)هدرتك هءهءه كوولهاا ....مغوت عليا قدام راجل ختك بحال هءهءه بحال شي برهوشة هءههءه

جابر(ضحك وزيرها عندو )علاه نتي بعقلك نتي برهوشة دياليي ومغوتش علييك ...تخلعت علييك

غيتة:هءهء بااينة...ديني لدارنااا هءهءه

جابر:نوضي نخرجوو نتغداو على براا
غيتة:لكدوب ديالك حفضتو
جابر:نوضيي من لهدرة نخرجو مع شادية ...ونتغداو فينما بغيتي

جابر(دور راسو كيتنهد لي فيه شي لولة متحيد)فييينما بغيتي امووسالف

غيتة(مسحات دموعهاا وضارت عندو )ومن موراها نمشيو عند بيلو ؟...شريت ليها كادو ومزال مديتو ليهاا

جابر(باس شنايفها مالحين بدموع )وخة
غيتة(هزاتها الرعدة من صبعها صغير )وحيد النوض

دوك شناايف منفوخين بلبكا جروه بلا ميحس غرق فثغررها عطشان وناوي يروي عطشوو...بلمساتو على جسمها بلطف خلاها دخل معااه فقبلة طويلة...حيد ليها لفوقيي وخلاها عريانة كيمرر ايدو فوق صدرها منشوي بدفئ جسمهاا

غيثة:بغيت نخرج
جابر(فودنها)بغيتي تخرجي ليا عقلي
غيتة (بضحكة خفيفة نطقات وهيا بين ايديه ) : نديروهم بجوج ههه

جابر(حيد ليها الشورط كيضحك )دابا دويتي ههه

من لباب عيطات شادية وقالت:جاابر ملي توجدوو عيط لييا انطلع لفوق
جابر:صافي واخة

رجع لتقبيلهاا وقال:شكون اناا ؟
غيتة:كبوودي هه واناا
جابر:نتي كولشيي

**
تناص الليل وهوما فلكلينيك كالسين حتى رتاح محمد شوية وسمحو ليهم يدخلو ...كانت حياة فطواليط ودخل هود لقا محمد وجهو شااحب ...قرب جيهتو باس ايدو وغمض عينيه باسف والحوار بلفرنسية:سمحليا اعمي
محمد(بتعب )علاش اولدي نتا معليك والوو (شاف فجنابو )حيااة ...فين حياة
هود(شار لباب )هاهية جاية

محمد؛كتكدب علياا هيا مشاات
هود:نن مامشات فين ...هاهيا غير هنا
محمد:بغات طلق ...شنو وقع فغياابي تخاصمتو تاني !! هم دوي معايا شنو وقع

هود:موقع والوو نتا عارفني مكنتفاهمش معاها يمكن داكشي علاش ...كون هانيي غتبقا معااك انا لي خاصني نمشي
محمد(بغا يتكعد)فين تمشي فين
هود؛(كلس حداه )تهدن ...تهدن غنمشي لالمانية ...جورج مشا لأمريكا وخاصني نوقف على الاصلاحات في كااينة ف لصال...عندي واحد شومبيون فشهر 10 خاصني ندرب واحد الملاكم ...راك عارف

محمد؛علاش اولدي !...او لملاكم لي كنتي كدرب هنا
هود(حك لحيتو )متفاهمناش ...(طبطب على ايدو ) رتاح داباا

دخلات حيااة ساكتة شافو فيها بجوج ...كانت كتشوف فمحمد وحولات نضراتها لهود ..لي سرعان مادور راسو ...هبطات رااسهاا وتبسمات ابتسامة صفرا وقربتت لمحمد شدت ايدو وقالت:خلعتييني عليك اسيمحمد

هز هود عيينو فييه وهوا متكي على الشرجم كيشوف فيها بنضرة هيام مسلوب بييها ...كيشبع شوفتو منهاا يمكن ميبقاش يشوفهاا مزال

محمد(جر ايدها عندوو وباسهاا) معاش لي يخلعك

هود(حك نيفوو واعلن على انسحابو )عميي نرجع من بعد..

مخلاهش حتى يجاوبو وخرج لبراا كيسووط

حياة:فرطتي فالريجيم ديالك امحمد
محمد:عارف عاررف ...وحسيت براسي عياان بزااف ...حياة لهدرة تاع قبيلة !
حياة(زيرات على اييده )نساا لي قلت ...لحضة غضب وصافيي

محمد:هود لي كيقلقك راه ناوي يرجع لالمانية لخدمتو
هزات عينها فيه متفاجئة وقالت:ك ...كيفاش امتا راجع

محمد؛معرفتش ...وقع مع شي ملاكم باش يدربو ...

حياة:ممم مزيان
محمد(زير على ايدها )لهدرة تاع قبيل مكايناش يااك ؟ مبغيتش نسمعها مزال

حركات راسها بأه وسكتات

يوماين دازت كتسنا على احر من الجمر مقابلة التيليفون كي شي هبيلة
الغالية:وكون بغاو يعيطو يعيطوو ابنتي مالك داباا

هيبة(بحزن) معرفت شكون داعي فياا

الغالية؛الله اهديك...
هيبة(حطات تيليفون بيأس )انمشي ندوش حسن ليا

الغالية:سيريي ابنتي

دخلات لدووش حطات حوايجهاا وبدات دوشها بملل وتفكيرها فلخدمة خلات الشمبوان فشعرهاا وبقات كتلعب فلماا ...تسمعات صوت تيليفونها جاي كيقرب

انصاف:هيبة تيليفونك

حلات لباب عريانة وشعررها مرغوي ...نشفات ايدها وششداتو ونمرة زادت قفقفااتهاا

هيبة:الوو
سكينة:بونجوغ هيبة صافاا ؟
هيبة: الحمد لله
سكينة:الووغ بغيت نقولييك مبرووك علييك ...سي هشام راه ختارك ...الى كان ممكن تجي ليوم باش تفاهمي معااه او الاتنين مرحبا بيك فلخدمة

هيبة (بصدمة مشا ليها النطق وانصاف حداهاا بلفرحة كتنقز بهمس)اا .ههه ت تقبلت يااك مكضحكيش؟

سكينة:نوو علاش غنضحك علييك !...
هيببة:نجي داباا ؟
سكينة:اايه واخة

رجعات التيليفون لانصاف كتجري دخلات لدووش

الغاالية:شكون !

انصاف(بفرحة )عيطوو ليها اتمشي دابا هههه انعييط لاقبال

دوشات بزربة مسابقة مع الوقت .. خرجات كتجري نشفات شعرهاا وتلاتا تاع العشية ضربات تخاف تعطل وتفيق من الحلمة

لبسات بزربة في حين اقبال لتحت عاد وقفات جات معاها نيشاات تبسمات ليها من طموبيل
هيبة(كتغوت)تقبلت تققبلت هههه
اقبال:مبروك عليك اختي...هانتي حضري عقلك وتقليي
هيبة:كوني هانية

وصلاتها حدا الشركة تمنات ليها التيسير ودخلات هيبة بوجه مبشور والفرحة كطرطق فعينيها مشات نيشان لفوق بابتسامة مشات لبيرو تاع سكينة ملقاتهاا ...كتقلب بعينيها عليها والو تجاهاا صوت من لبيرو لي حداها

هشام:مادموزيل ...تفضلي هناا
هيبة:واخة
اومئليها براسو ودخل سابقهاا ...كلس بلاصتو وهيا قبالتو ايديها عراقو

هشام:بوون باش بلا منطول علييك شوية ...لبوسط لي خاص هوا لبوسط تاع سكينة ...لكونطاا وسيغفيس دا شاا ....ايكون عندك طخوا موا سطاج(تلت اشهر ) من بعد غتأنكجاي معانا فلاصوصيتي ...داكوغ

هيبة :داكوغ
هشام: بون الصالير انبداو معاك فهاد تخوا موا ب 2500 ابخيي غيتزاد

هيبة(حركات له راسها باه
هشام :دونك مرحبا بيك معاناا اهيبة ! ...اتبداي تنين ان شاء الله مع 8

هيبة(بفرحة )من دابا معنديش مشكيل

هشام(ضحك بتقالة ونطق )هاد ليوماين وجدي رااسك ورتااحي ...تابعاااك الخدمة

هيبة:وخة شكرا
هشام (اومئليها براسوو )
هيبة:نمشي ؟

هشام:اييه تفضلي

ناضت كي شي فراشة خارجة والضحكة مشركة ليها فمها لقات اقبال واقفة حدا الطموبيل تلاحت عليها بتعنقيية وقالت:تقبلت تقبلت هههه

اقبال(زيرات عليها )مبرووك


يوماين داازت خرج محمد من سبيطار رجل اخر ياله كيقدر يتمشا شوية ويعيا دغياا ...لحرييق كل مرة وحياة قايمة بواجبها معااه...نزلات تقاد ليه ماكلتو وكتهدر مع اقبال

اقبال:كيبقا دابا شوية ؟
حياة:شوية وصافي (تنهدات)كنت غنجي وشوفي اش خرج
اقبال:مجاتش تخلييه ا حياة ...محمد دار فيك غير لخيير

حياة:حتى ليين ا اقبال ...ماشي هدشي لي كنت بغييت ...

اقبال:صبري شوية حتى يولي لبااس ...حياة مخبية علياا شي حااجة !
سكتات شوية عاضة هلى شنوفتها لتحتانية وقالت:والوو ابيلو غير توحشتكوم ...ومحمد عياان بزااف خايفة والله
اقبال: ربي معااه احياة ...نخليك دابا
حياة:ؤك ...تصبحي على خير

قطعات معاها وقدات ليه لاسوپ تاعو وطلعاتها لفوق لبييت ...لقاتو متكيي والتلفازة قبالتو شاعلة هز فيها عينوو وقالت:شوية

محمد(بتعب )شوية ازينة البنات
كلسات جنبو وقالت:خاصك تاكل ...تشرب دوا وتنعس

محمد:هود مجاش !!
حياة(كتحرك بلمعلقة )لاا مشفتوش

عاوناتو حتى كلا عطاتوو دواه وفنيد نعاس وطلق عجولتو تسرح فبحر الاحلام

ناضت هزات الصينية وهبطات ..غسلات لمااعن وحسو مقطوع ...مشات لبيتوو شمات ريحتو وتنهدات

حياة:غرقتي راسك بيدك احياة (تبسمات باستهزاء )ياك نتي لي كنتيي كتروضي رجال على ايديك ...جا يه**ءودي مقطر قلب لييك حياتك !(حطات راسها على الحيط كتنهد)
ضارت تحل لباب حتى حلو ودخل تلقات عينها بعينوو ودخل وسد لباب وبقاو واقفين فبلايصهم مسافة قليلة كتفصل بينهم

هود؛عمي نعس !
حياة:ممم
هود؛دااكوغ

تجاوزهاا وبقات واقفة بغات تخرج وشافت فييه لقاتو كيجبد الشانطة ديالو وكيجمع فبعض الملابس تماا ضارت عندو وقالت:شنو كدير

هود :نمشي (هز عينو فيها )واحد فينا يمشي هوا انا (باستهزاء )ربحتيي رهانك ...بغافوو
حياة:بقا متمشيش
هود:جو نو بو با ( منقدرش)

حياة: عمك مريض وغتخلييه !!
هود:عمي باغيك نتيي ماشي اناا

قربات جيهتوو مندافعة وقالت:شوف فياا هوود (شاف جيهتهاا ) كنتي كضحك علياا ؟

هود(بلفرنسية )فاللول اه من بعد لاا
حياة(برجاءء )متمشيش سيلتوبليي ...

هود:هدشي يسالي هنا احسن ... نخاف نغلط ونضيع عميي احيااة(تلمس حنكها بايدو وكمل كلامو بلفرنسية )كنتي حاجة سبيسيال بوغ موا

حياة:دابا سلات ؟
هود(سكت شوية واستئنف كلامو ) خليني نمشيي

حياة(زيرات على ايدو ) الى مشيتي حتى انا غنمشي فحالي منهناا

طلق من ايدها وتحنا كيسد فالشانطة متجاهل هدرتو وقال: بخوند سوا ما بلووند

حياة (شدات ليه فقاميجتوو بصوت خافت وضعف فعينيهاا )هود ...

باس ايدهاا وهز لفاليز ديالوو وخرج مخليها واقفة لوسط قلبهاا كيضرب غير بوحدو ...شافت لبابا تسد ...ياله هبطات راسها بانكساار ...تحل لباب شاف فيها وقرب ليهاا مسرع جرها عندو تشهقات وتلاح على شفايفهاا كيف لعطشان

بقبلة جامحة ...استوطن تغرهاا ورحيقوو ...بادلاتو القبلة وهيجانو...داعبات شعروو وداعب خصرهاا وبلساانو استوطن فمهاا كيبحت على عسل تغرهاا ...رماها على طرف سرير مناويش يطلق من فمهاا..تروا عطشوو حط نيفو على نيفها كينهجوو و نفسهم مخلط ونطق بدون مقدمات ....


هود(بنفس مسموع ساخن كيضرب فوجهاا )جوتيم
وقف من عليها مخليها متبعاه بعينيها حتى سد لباب ومشا ...مجات فين تفطن براسهاا تلقاتوو خرج من باب دار ...ناضت تبعاتو كتزرب خرجات من دار حفياانة ...لقاتو قلع بسرعة خيالية حتى تحكو رواايض ....كلسات فدرجة تاع لباب وكتافها طايحيين

حياة(بقهرة وحسرة )نهار فكرتي تحلي قلبك لشي حد ...حليتيه لواحد عمرو يكتااب ليك (باستهزاء )معرفتش شكون لي ولد الق** اناا ....ولا زهري

ملحق 1 (29/06/2021)

*الحياة مسرحية ونحن الجمهور، أعجبتنا أم لم تعجبنا فقد دفعنا ثمن التذكرة.

*أجبرتنا الحياة على ضرورة التوفيق بين القسوة والليونة والجمال، من يحاول قطف الوردة للإستمتاع بها ثم رميها تحت الأقدام، لا بدّ لعنصر القسوة أن يكون حاضراً فينا.

*من عيوب الحياة أنها تجعلنا نتوهم دوماً أن كل الناس سعداء أكثر منا.

*سلم الحياة سهل ارتقائه لو أخرجت يداك من جيبك

*لم يعد صمتي مجرد استسلام...بل هو بركان ينتظر الأوان...!! فلا تفسر صمتي بأنه انكسار...بل هو الهدوء قبل الانفجار

*الحياة مثل البيانو ...... المفاتيح السوداء هي لحظات الحزن والمفاتيح البيضاء لحظات السعادة أو كلاهما تلاعبان معاً لتعطي موسيقى جميلة لا يكتمل لحنها فقط بالمفاتيح البيضاء ، لا بدّ من استخدام المفاتيح السوداء أيضاً.

"حكاية كل أنثى"
****

ااياام تمشي...وايام تجي ...كل واحد وشنو فقلبوو وشنوو بين عينيه

الانسان بطبعوو راسم بزااف تلخطط شي مرات كيتمشاو مع الحيااة ...شي مرات كنقولوو مال زهرنا هكاا

القوة والمثابرة ...سلاح ...ولكن ماشي كلشي كيعرف يستعملو ...كيفما كان لحال حنى عبد ضعيف ...ضروري يجي نهاار ونحسو بالضعف....باليأس ...الانكسار ...الانثى ولو تكون مغلفة بجدار يقوي واحد نهار قلبها يضرب ...سواءا لشخص صحيح او غلط ...هكا خلقنا الله
كثلة من الاحاسيس من الرهفة ...من العااطفة


7 اشهر دازو كيفما بغاها الله دووز ....

خمس إناث من رحم وااحد ...كلها وشنو مقدر ليها الله الدوز
فيهم لحنينة ..فيهم الطايشة ..فيهم الخجولة...فيهم القوية...او فيهم المتهورة


كرشها بانت شوية مكبيراش بزااف ..ا متكية فوق سرير ابيض معرية على كرشهاا وشهيد جنبها وطبيبة كتفحص فيهاا

شهيد: باان ؟
د: مالك زربان هههه

شهيد:وبزااف ...8 شهور وهوا حشمان !
اقبال: كيقولو لببنت لي مكتبانش دغياا ؟

د(مركزة فليكو ) اصبروو ..صبرو شوية وتعرفوو ...سير تكلس اولدي راك درتي لييا دوخة خليني نخدم

شهيد:ديري خدمتك مندويش

د:ياله هاهوا باان

شهيد:بحمااس) شنوو ...شنو

د:مدام شنو بغيتي ؟
اقبال:لي جابها الله مرحبا بيهاا

د:اوى ابنتي مبروك عليكم .....عندك ولد
شهيد(بفرحة ) كنت عاارفها

اقبال:هههه سكت من الشوهة اشهيد ههه

ضحكات طبيبة لروح شهيد لمرحة وخرجات من بعدما كملات لفحص خلاتو مسح ليها كرشها وباسهاا وقال: شتي هاد لبرهوش ههه

اقبال:بحال بااه هههه
شد ايدها تهبط وقال:بشوية علييه الدووبة
اقبال : الله امسخك

خرجو عند طبيبة وكلسو

د:دابا راك دخلتي فالتاامن ! عطي الراحة لرااسك ...
شهيد:كنعيا معاهاا ...لي فراسها فراسهاا
د:لاا ماكلة صحية نعاس فلوقت ...باش تكوني واجدة لولادة ان شاء الله

اقبال:ان شاء الله

خرجو من عندها شاد ايديها فدروج ..لابسة كسوة نص كوم موردة وعريضة من جيهة لكرش فوق سيكانها شوية مع سبادري بيضة وضافرة شعرهاا ...تزاد وزنها شوية ورجليها تنفخو مع ايديها شوية غير هكا كان حملها طبيعيي وداز ساهل وخفيفة ...مكانتش كتحس بالاجهاد الا فبعض المرات لا غير ...او حيت هيا مولفاتش تبوحط على حد !

شهيد(حل ليها لباب وسدو وراها ومشا لبلاصتوو ) نمشيو نطلو على لواليدة ونمشيو لدار

اقبال:وخة


داكشي لي كاان مشااو للدار مع وقيت لعصر دخلو لقاو مينة حاطة لكوتي لراجلها وبنتهاا

مينة:اوى امضضرا مشيتو لطبيبة ؟
شهيد:هادي طريقنا من عندها

ناصر(كان متكي )ولد ياك

اقبال:هوا هداك اعمي...حلمتك بصح ههه
مينة:اوى لحلمتو بصح...راه حلم سماه إسماعيل

ناصر(شافيهاا )ونتي ماالك حيت حلمت بيها صافي
مينة(خرجات فيه عينيها )ماالك مقلتييش ليا ملي حلمت بهاد السمية وانا فرحاان ...اش فيها لسميتيه راك جدوو وهيا لمبااركة تسمي ليهاا ولدها

شافت اقبال فشهيد وقال:مالك اميمتي مسبقة لعييب

مينة:وحضيوني لكلمة لي كلتها رجعوها عيب ؟ اش فيها ؟ وزااايدوون كون كانت بنت والله لتفكيت معااكم تنسمييها

شهيد(بطنز )اش تسميهاا ؟
مينة:نسميها على مي الله ارحمها مسكينة

ناصر(قلب عينيه )الله ارحمهاا على داكشي لي دوزات علياا
مينة(ضرباتو بمخدة ) اوى لهلا يحيك ...مي زينة سمية خديجة تخرج غير حاادݣة بحالهاا

اقبال(حركات راسها بلا حول كتسمع فيها منااكرة وتشرط فسميات بحالا ماشي هيا لي حااملة ومعدبة ومزال عداب لوولادة بوحدوو)
ناصر( مهبط راسو ): لولد ولدهم سميتي ولادك الالة جمعي وطويي ماشي شي يتعدب شي يسميها باردة

شهيد؛كاااينة ...مسمياني شهيد ؟ على قلة سمياات

مينة:نتاا نتا راه دبانتك عماات ...مالها شهييد امزيناتها عمرك شتيهاا ؟ قليييل لقلة

شهيد؛ من هادشي كلوو اتاي مسوس ...كاين شي عشا ؟...فين ملوكة

مينة:علاه بقينا كنشوفوهاا من لمدرسة لعندهم
اقبال:نسيتي راها مع انصاف
شهيد:طارت من باليي والله

مينة:اوى اش قلتو تسميو إسماعيل

شهيد:تء الالة دخلي سووق راااسك ولدي هدااااك اعبااد الله
ناصر:ههعه واللهيلاا دخول شبوقاات

اقبال: طلبي يتزاد غير بصورة كاملة وسمية حالها ساهل

مينة: نتومااا دااايرين بلانكم بووحدكم (كدور فراسها )عليا اناا ...اش غتسميو بسلامة ؟

اقبال:إسماعيل ان شاء الله ...غير بقاي على خاطرك
ناصر(هز حاجبو كيتأكد )لااا ابنتيي سمي لي حبات خااطرك ومتديهاش فخالتك راه سمات وسمات

مينة:اسمااعيل هيا اسماعييل صاافيي صدق الله العظيم ...الى سميتوه شي سمية خرا منسمحش لييكم

شهيد:الله اهديك
ناصر:بنتي ! الله افكك على خيير ويتزاد سيدي ولديي بصحة جيدة

الدعوة لي كانت كتسناا ملي كلساات قالت بحب :اميين ياربيي
لاح شهيد ايدو من ورا ظهرها و قال:نمشيو ولا بلاتي

مينة:كلسوو مالكم زربانين ! راني دايرة ليكم تريد (او الرفيسة كل واحد شنو كيقوليها ) بدجاج بلدي

شهيد:وااا داباا دويتي

**

كيف اخر الشهر كالسة فلبيرو المخصص ليها جامعة شعرها لفوق لابسة تيشورت ابيض ودجين ..كطابي فلبيسيي وتبوانتيي الصالير تاع الموضفين ...سمعات صداع لتحت..وعضات على فمها وناضت كطل لقات ..ديريكتور لي دوز ليها لونتخوتياان مضارب مع لموضفين وهادي حالتهم ديماا ...شافتو جااي ورجعات لبيرو ديالها بلاصت سكينة لي مشاات

هشام: معرفت واش مخدم معاياا رجاال ولا دراري تاع الابتدائي (لاح شي كواغط ف شبكة حدا دروج ) هيبة صافا



هيبة(غلب عليها الضحك )صافا سي هشاام
هشام : شوفي لياا حسن يجيب لياا لبلان تاع وزين كوكا
هيبة:واخة

دخل لبيرو ديالو وهبطات حلات لباب على دراري لقاتهم كيضحكو
هيبة:حسن ...كملتي لبلان ؟

حسن:تنكون اليييز تكيجي مود اڤيون يدير لينا الطيارة

هيبة:ونتوما هادي شريكة ولاا ساحة تاع الرماية متلقاو مديرو تبقاو مضاربين بلكواغط ؟ ..سمحليا نتوما لي كتعصبووه
نطق واحد اخور كيطابي فلبيسي وقال:والله اختي هيبة فهادي عندك الصح ...ولكن راه مرضنيي ؟ وكل مرة يجي يقوليا موديفي بلاان
هيبة:راه لكليان لي كيموديفيي

حسن:هههه عقلتي نهار جاا لبااطرون اصااحبي كلمة بلفرونسي معرفتي تقولهاا ! انا بلاصت هشام برب لباقي شت خنشوشك هناا

هيبة:ههههه وتكلم لييه تكلم راك عارفو ورا الاجتماع كيجي معصب

طلعات تكمل شغلها ..حتى دخل لباطرون لكبير مول الشركة شخصيا فرنسي الاصل كيجي مرة مرة ولي مكلف هوا هشاام لي دور ديالو يقلب على لبرووجي ويتفاهم وينسق معا لكليان ويجيب لبلان ولباقي على دراري


_بونجوغ هيبة
هيبة(بابتسامة )بونجوغ موسيو
_ان كافي سيلتوبلي
هيبة:داكووغ

توجه لمكتب هشام وهيا ناضت لماشين حداها تصايب جوج كيسان قهوة بحكم 7 شهور وهيا خدامة وترسمات معاهم ولات كتعرف قهوتهم...
دخلات ليهم جوج كيسان قهوة لقاتهم كيداكرو
هشام (هز قهوتو )مم شكراا هيبة لهلا يخطيك
هيبة:بالصحة والرااحة

رجعات لبلاصتها كتقاد فلبونات والحسابات محسات كاع بلوقت ..وتفكيرها فانتقام صديق قل واخة لخوف هوا هواا وشخصية لواحد صعييب تبدل الا مع مرور لوقت

وصلات الستة كلشي خرج كملات خدمتها وهزات صاكها دارت فيه دواها لي مزال كتااخدوو ...
هيبة:سي هشاام ...نقدر غدا منجيش !

هشام؛لبوانتاج تاع دراري قاديتيهم ؟
هيبة:اييه قاديتوو نخليه ليك فلبيروو ؟
هشام:نن ديه ل مراد هوا يتكلف ...ماشي مشكيل غدا كلسيي ...

هيبة:شكرا

خرجات لقات حتى لخدامة فلاتولي خرجو بقا غير شاف ديالهم كيبوانتي خرجات لقات الطاكسي كتسناهاا ...كانت كتجيبها اقبال وتديها حتى تقلات او شافت ليهاا طاكسي تيقة كيديها ويجيبها وتلقاه كيتسناها فوقتهاا

داها لدارهم جديدة لي فنفس الاقامة تاع اقبال فوق منهاا ...رهنوها بلفلوسس لي طيرات لصديق وكل مرة شكون يخلص لكرا مرة حياة مرة اقبال مرة هيبة

دخلات لدار لقات التلفازة شاعلة فالصالون والغالية قبالتها كتنقي فزنجلان
هيبة:على سلامة
هيبة(بعياء)الله يسلمك فف عييت
الغالية:وتعياي الخدمة مساهلاش ابنتي
هيبة:فين انصاف
الغالية:فلبيت مع ملاك
هيبة:الله انجحها مسكينة دايرة جهدهاا الغالية:اميين ياربي وينجح تاديك الصكعة تاع غيتة

هيبة:عرفتي اماما ...والله كونما انصاف لرجعات غيتة تقرا هاديك كاانعرفهاا مكتبغي حد يكون حسن منهاا

ملحق 2 (30/06/2021)

الغالية:هههه توريني فبناتي ! ورااني نعرفها مغياارة من صغرها ...خليها تعاند فلحاجة الزينة

هيبة :بديتي كتنقي فسفوف من دابا ؟ باقي لحال

الغالية:اوا ياله ياله ...العينين مبقاوش خدامين ياله نقييهم ونوجدهم لي تطحن تطحن

هيبة(بحب )الله افكها على خير ياربيي ونفرحو بيهاا
الغالية:اميين ياربي ونفرحو بيكم كاملين ابنتيي
هيبة (بابتسامة باهتة ) كضحكي علياا ...صعيب مزال نتيق فشي حد اماما ...تقرصت جوج مرات ولا زدت التالتة محال نخرج منهاا

الغالية:دااابا يجيي لي تقولي عمري عرفت بحالو ههه شوية صبر ابنتيي

هيبة(بدلات لموضوع )مقالتش ليا حياة امتاا تجي
الغالية:يمكن هاد السيمانة مرصاتش معاياا

هيبة:نوض نبدل حوايجي ونهدر معاهاا

**
سبع شهور دازت عليها فبلاد لغربة طوييلة ...الغربة صعييبة وقااسحة ولي قال العصيدة باردة يدير ايدو فيها مكيعرف بحرها هي لي عايش فيهاا ...كتعطيك وفنفس لوقت كتاخد منك كتر ...لا عيدك كيف الاعياد لاا حياتك بحالهم ...تسكن معاهم الف سنة ! كتبقى ديما غريب عليهم

نهارهاا كيدوز بين لخدمة ودار ...روتين عمرها طااحت فييها منهار عقلات على راسهاا ...ولات كتجمع لأورو بخوه باش تعرف علاش غادية ...نص فلوسها كتدخلهم فكونط اقبال سوكور والنص لاخور فكونطهاا ...عمرهاا بينات لمحمد شحال عندها وديما هيا راه خااصهاا وخاصها

من جيهتو عمرو قال ليها لاا ...يمكن خوفف انها تمشي وتخليه ...او كيجازيها على صبرها معاه ورعايتها لييه فأيامو الصعبة...اما هوا فاصبح تقريبا طريح الفراش ...ملازم الدار فقط...يقرا القرأن يسبح ويصليي يضرب ضويرة حدا دار ويرجع ...عتامد لعكاز كيعكز عليه شوية الى كان غيتمشا مسافة طويلة وخة مزال كيتمشى عاادي ..كاين لي كيديرو نخوا وكاين لي محتاج ليه ومحمد دارو فالنص


داخلة لمحال تاع لي بيبي من بعد متلقات خبر انه عند اقبال ولد مكرهاتش لمحال كلوو تاخدو بلفرحة ....كاع لي يخص لي بيبيي تقداتو من اولو لأخرو ...خرجات محملة بكترت الصيكان عمرات بيهم لكوفر ...ركبات سيارتها ناقصة لراديو بأغاني اجنبيية ... خدات بيتزاا ومشات لدار ...لقات دار نقيية بحكم جاب ليها لابون كدير كولشي وكتمشي فلعشية ...حياة مكلفة غير بريجيم محمد هيا لي كتعرف قياسو بتوصيات الطبيب المستمرة

صايبات ليه ماكلتوو ومشات بدلات ووكلسات لتحت حتى دخلل بسورفيت كينهج

حياة:بصحتوو
محمد(كينهج كلس حداهاا ) عاد جيتي
حياة:شوية داباا ...صايبت ليك ماكلتك

محمد؛ندوش ونجيي ...ديالاش دوك الصيكان

حياة(بابتسامة ) ديال ولد اقبال ههه عندها ولد
محمد:بصاااح مبرووك عليهاا ...باركي ليها نيابة علياا ملي تمشي
حياة(هزات حاجبها )ونتاا متمشيش ؟
محمد:مقادرش على باطو ولا حتى طيارة ...خاصني الراحة والصهد تما كيضرنيي ...غنمشي معاك حتى اإسبانياا نبقا مع ولد خويا

حياة:هود


محمد:تء ولد خوياا عمر عقلتي عليه ! لي جا معاياا نهار خطبتك ...اما حتى هود غبر علياا ...وتوحشتوو
حياة(سرطات دغمتهاا )ياك كتهدرو ابيل فيديو ...وخة كيشوفني كيقطع

محمد:مبغاش يتفهم ليا هاد العلاقة لي مبغاتش تقاد بيناتكم

حياة:قولييه راني مساافرة ويجي يكلس معااك
محمد:الله اهدييه ويجي يشوفني علم الله شحال باقي فلعمر

حياة:الله اطول عمرك اسيدي الحااج
محمد:اميين ويخلييك ليا مضوية علياا حياتيي
حياة:اوى ضور معايا نزيد نضويي لبولات خاصهم يتبدلوو

ضحك وقال:تستااهليي احبيبة دياليي ...غدا نعطيك اش بغيتي ونعطيك حتى زروة تاع اقبال عطيها ليها نيابة علياا

حياة:حنى كنزررو غالييي ااه
محمد(ضحك وهوا كينوض )الله اودي عارف عارف

حياة:حبيبة مزال انخرج نشرب قهيوة مع جميلة و نجي
محمد:داكوغ شيغيي

عطاتو ماكلتو ودواه وطلع لبيتو يرتاح لبسات عليهاا وخرجات فاتجاه كافيي فين دايرة مع جميلة يشربوهاا ...نزلات وكل مرة دوور وراهاا وتقلب بعينيها ...حاسة بشي حد تابعهاا من ديما ماشي اول مرة...حاسة بيه هوا لي مرااقبهاا وخصوصا ورد لياسمين لي كل مرة كيوصلها تالصونتر ....دخلات لكافي لقات جميلة شادة قهوة وكتكمي حكلسات حداها وقالت

جميلة:على بالك هادي ساعة نستنااك
حياة:ديما روطار ديزوليي
جميلة:وش بييك تحوسي على شي حاجة !!
حياة: موصلنيش لورد شهر هدا
جميلة:اه يا حيااة ااه ... منحبش نشوفك كيما هاكاا مغبوونة

حياة:لااا لا مامغبوناش غير كيعجبني لورد

جيملة:كاش مرة نقولك اكبيدة تااعي ...بلااك من هاد موفيز امووغ ....لاڤيغيتي احسن خهههه

حياة:ههههه اش من لاڤيغيتي وانا مزال مربوطة يمكن. ليكوش لي راهم يتسناوني !

جميلة:راني نقولها لك ...كضيع روحك وشبابك غير هكاك باطل ...روحي عيشي لاڤي (طفات لكارو )رجال ...شو تقولي لهم
حياة(شربات من لعصير كضحك ) ولاد الق** ههههه

جميلة:اييي ڤوالاا ههههه

سكتات شوية وتنهدات وقالت؛وخة هكاك توحشت لورد
جميلة:حتى مولاه.!!

حياة(سكتات ونطقات بأسف )طريقناا مقطووعة متوصلنا لفيين
جميلة:عيشي اللحضة وخلي لباقي بيد مولاناا ...(جغمات من قهوتهاا )اياي توحشت لميمة ياا خااي
حياة: هههه كون شتي اناا ...توحشت خواتاتي وماما جاني بعادهم صعيب

جميلة:بلاك تولفيي ....رواح تقعد معاهم لفاكونص ...معاك ياحياة نحيي عربيتي ...والله تراني نحبك ...بلاك تمشي معايا لدزاير !!!

حياة: نمشي نشووف لبلاد وهانا معااك الزينة ...
جميلة: ان شاء الله ياربيي ....دو موا نقعدها مع رووحي فجنب يماا

حياة:صونتر ايتسد !
جميلة:تء ...كليانيي فكف يدي يا حياة ...بطيليفون وااحد يسربو عندك ومعاك نتي ولفووك


حياة(صونا ليها تيليفونها شافت النرمة وصاطت ) خاصني نمشيي
جميلة: اوغوڤواغ ما شيغي ...بونڤواياج

سلمات عليها من حنااكها وعنقاتهاا ومشاات هزات طموبيلتهاا ...عينيها جابو دورة على جنابها وفلمراييات ..نطالقاات لدارها ..لقات الضو مزال شاعل عرفاتو مزال منعس

دخلات لدار طلعات لبيت لقاتوو كيتفرج
حياة:مزال فايق ؟
محمد:تعطلتي مبغيتش نعس حتى دخلي ونطمن علييك
حياة(باستو فحنكو )وهاني جييت ...مرة مرة كنبغيي نتلف لوقت مع جميلة شوية

محمد:خودي راحتك ازين دياليي

حياة:يخليك لياا ....سييدي محمد
محمد:اش حب خاطر لالة حياة

حياة:نتا عارفني انكلس شهرااين تما حتى تولد اقبال
محمد:كتفكريني ! بحال والو نجي عندك ملي نتوحشك

حياة(ساطت فنفسها وهيا عاد قالت اتهنى وترتاح ) وعطينيي فلووس
محمد:ضروري
حياة:فلوس بزااف (كتلعب فلحيتو ) لي كاادو ونخرجوو شوية راك عاارف

محمد:وااخة
حياة:وعندااك ....نمشي ندوش ونجيي نوض ترتااح

طفا التلفازة وناض لبلاصتوو شرب دواه كيتسنااها تخرجات كتنشف فشعرها لابسة شورط وديالو بستان رطبين فلكحل مشات حداه كدهن فايدهاا وهوا شاد فيه نعااس

حياة:نعستيي !...
محمد:تصبحي على خير
باسها من حنكهاا او تكا نعس بقات كدهن فايدهاا..حت بدا تيليفونو كيصوني شافت فييه وشافت سميتو طالعة...مدات ايدها لتيليفون...هزاتوو وناضت لبالكون ..خرجات وسدات وراها لباب وجاوبات ...
سكات من جيهتو وسكات من جيهتهاا ...كتسمع صوت لموسيقى خافت جنبوو وانفاسو منتاضمة فودنيهاا ...بغاات تهدر وتراجعات وقطعات علييه ...دخلات لبلاصة لميساجات لقاتو هدر معاه غير قبيلة ابيل فيديو وبزاف تلاوديوات
محمد:حياة اتمشيي لمغررب ...جي كلس معايا شوية توحشتك اولدي
هود(بلفرنسة وصصوت مدعدع بنعاس وهادئ ) ضروري نجي نطل علييك شي سيمانة ونرجع ...لخدمة عندي بزااف

سمعات صصوتو وكلسات فلكرسي القريب ليها خرجات من تماا وعقلها كيدور متأكدة شي حد حاضيهاا ...واش من هود ولا من محمد باش يعرفها فين كتكون

نزلات لكوزينة تشرب نتابهات لڤاز لي حاطة فوق الطبلة ...لورد فيه دبل مشات بملل حيداتو من لفااز ولاحتو فسطل تاع زبل سداتو وطلعات ..

***

فاق من نعاسو مع صبااح لاح ايدو لبلاصتها ملقاهاش جنبو ...ناض كيتاوب لبس عليه وخرج من لبيت

جابر:غيثة ..غيتااا

غيثة:فصااالة فضحتيناا

طل عليها لقااها مدورة بيها لعرام تاع لكتوبة كتحفض

جابر:هدا هوا لفطوور
غيتة(كتكتب ) بلاتي عفااك بلاتي

هز حاجبو ومشا غسل عليه ودخل لكوزينة كيطيب لماا
غيتة: اووف نفس الخطأ نفسوو ...بقيتي عليا بلمسمن ولعجينة تاوليت براااسي عجينة

جابر(ضحك من لكوزينة ) نتي لي راسك خاويي ...كون غير كديري شي مسمن بعدا بعداا ...نتي لهاكا لهاكاا
غيتة:ننن نن اش عرفك

جابر:نوضي ديري ليناا منااكلوو لنسخط عليك هادي مقراوهاش ليك

ناضت كتنتر وجدات لفطور دغيا وفطرو فلكوزينة وقالت:ليوم انتغداو عند ماما !
جابر:غير نلقاك واجدة مع طناش

غيتة:صافي ...

مشا لخدمتو دارت لماعن فلڤابو ومشات تراجع كتوبتهاا ...حتى وصلات لحضاش ناضت لبساات وقدات وجهها ...تلبس هادي وتحط هادي ...عندها مراية حدا لباب عوااجت حتى شراها ليهاا ...معارفهاش راه مغرقة تصاور فانسطا بلا خبارو ومامسوقاش لشافهم حيت بصريح لعبارة غيتة انانية ومكضرب حسبة ...وعندها زايد ناقص لمهيم ترضي نفسهاا وغرورها فبعض الاحيان

يتبع...

التنقل بين الأجزاء

صفحة القصة
سيتم تشغيل صندوق التعليقات بعد لحظات
معظم التعليقات تم إخفاءها بواسطة الفيسبوك، نحاول بكل الوسائل المتاحة إستعادتها في أقرب وقت ممكن.