جنون نوح الجزء 37

من تأليف احيان جبلية
2021

محتوى القصة

رواية جنون نوح

الحاجة: شاافت ف السي عبد سلام حشمانة وهزات زيفها ودارتو على نيفها وفمها زعمة حشماانة... ههه اوااعدي ابني نووح كون غير قولتيها لي نلبس غا القندورة ديالي ههه حشومة يجي راجل يخطبني ويجبرني بهد الحالة☺
الماس: خرجات عااينيها فجدتها... ااا 😳
امين: مخرج عاينيه فجداه: وااايه اعزيزة دراهم الدواء كوليهم شوا... شاف ف الحاج عبد سلام...ونتا اضرب الهبرة تبرا 🙂

نوح: شااف ف امين مخنزر حتى قطع الحس وبقاا كايبلع فريقو بالخلعة... سد فمك
امين: ضرب الطم وبقاا كايشوف فجدااه
الماس : قربات عند نوح وقالت بشوية... ن نووح
نوح: شااف فيها وقرب لودنيها وقال... كنت حالف بحلووفي نبرد الدودة لي فجداك ولكن طلعات حتى هيا طالبة عليها
الماس: شاافت فيه بعيون مغرغرة بدمووع... غ غير كاضحكو ياك
نوح: شوفي بعينيك وسكتي
الماس: ضارت شاافت فجدتها لي دايرا شال على نيفها وتشوف ف الحاج عبد سلام وتحني عااينيها وحتى هوا الضحكة غاادي تخرج ليه من عااينيه
السي حمد: شااف ف نوح وضحك... هههه إوى اولدي اش قولتو
نوح: شااف ف الحاجة... دوي
الحاجة: حيدات شال من على وجهها وقالت بصوت حشماان... ما نزيد كلام فوق كلامك اولدي نوح
نوح: عض شفايفو وشااف ف فسي حمد.... الله يكمل بالخير


كااع لي تماا بقاا غاا كيشوف ف الحاجة بصدمة واولهم الماس وامين عمرها طااحت عليهم على البال بلي جداتهم تعااود زوااج بقااو غاا كيشوفو والواعرة هيا لي ماا قالتش الا وكاانت طالبة عليها...
الحاج عبد سلام : شااف ف الحاجة لي حاانية عااينيها ومااكتشوف فحد... شحال كاثطلب فصداقك المراة ديالي
الحاجة: شافت فيه ودارت يديها على فمها وقالت وهيا حشماانة... اواااعدي اسي عبدسلام ههه بااقة عااد باش نرجع مراتك ههه
نوح: مسح على وجهو كان نااوي يحرق قلب الحاجة كيف دارت ليه هو ف الكميسارية منين جاابت الماس ولكن مااشي مشكل المهيم ماتبقاش حدااه يزوجها ويتهنى... السي حمد صدااق الحاجة مانتشرطوش فيه لي كان مرحبا
السي حمد : شااف فبااه... الواليد حتى نقراو الفاتحة ومنبعد نشوفو صدااق
عبدسلام : لا ابني دابا قولولي شحال فصداق
نوح: شاف ف عبد سلام... اناا راه ولد الحاجة مااشي نسيبها الحاج ومانخاليها مخصوصة من والو وباش نطبقو شرع علاش قدرك الله مرحبا... سلى كلامو وشاف ف الحاجة لي كاتشوف فيه... يكما عندك شروط الحاجة
الحاجة: شاافت فيه... شرطي الواحد هيا منين نتوحش بنتي الماس يجيبني عندها
الماس: دمووع طااحو ليها كان كايحزاب ليها غا كيضحكو بينتهم ولكن لي عرفة نوح ماعنودش مع الضحك و ف الموضوع كلو كاان جدي فكلامو... هئ ع عزيزة
نوح: شد فيد الماس مزير ليها عليها ... نهاار لي تواحشيها. نجيبها حتى لعندك
الحاجة: حناات عااينيها وضحكة مشات ليها من وجهها وهيا كاتسمع انين الماس
عبد سلام... إوى صافي نعطيها مليون فصدقها
نوح: مزين
نوح والحاج عبدسلام و وسي حمد هزو يديهم كايقرو الفاتحة
والشي لاخور كولشي كاايشوف فيهم واش من نيتهم حتى هز نوح عاااينيهم فيهم عااد هزو يديهم كايقراو الفاتحة كلهم
سلاو الفاتحة وشاافت امينة ف الحاجة
امينة: مبروك الحاجة
الحاجة: شاافت فيها ورجعات زيفها اللور وهيا حشمانة... الله يبارك فيك ابنتي العقبة ليلك
امينة: خرجات عااينيها فيها وشاافت ف نوح لي مااسمعش الحاجة اش قالت... ههه الله يهديك الحاجة

نوح: هز تليفونو لي كان على طابلة ودارو فودنيه كايصوني على شيحد... فينك
محمد: انا واقف حدا دارك...
نوح: قطع عليه وشاف ف عمران... على برا كاين محمد خرج تلقى ليه
عمران: نااض وخرج من ورااه
نوح: شد ف المااس من يديها وناض واقف وخدهاا وجلسها قداام ميمتو بينها وبين اسية ورجع جلس فبلاصتو قبالتها غير شوية حتى دخل محمد شااف ف فيهم وقال سلام وجلس
نوح: شاف ف محمد... كولشي كاين
محمد: عطااه واحد الملف... هو هدا كاع لي بغيتيه كاين العقد ديال زواج بكولشي ديالو
نوح: فتح العقد كايشوف فيه ومخالي كولشي مصدوم من نوح و واش كايدير ماتوقعوهاش منو... مزين... شاف ف الحاجة... قربي الحاجة
الحاجة: نااضت ومشات جلساات جنبوو فين كانت الماس...
نوح: حط ليها العقد ديال الزواج قدمها... سيني
الحاجة : شاافت فنوح... شني هادا
نوح: شااف فيها... هادا عقد زواج سيني ونوضي تيسري مع راجلك
الحاجة: خرجات عااينيها فيه... اواااعدي ابني وانا كان خااصني حتى ندوز الفترة د الخطوبة
عمران: ماقدرش يحبس الضحكة... ههههه
بلال: خرج عااينيه بزز شد الضحكة
اما امين فهاداك مزال مصدووم غاا كيشوف بعوينتو عكس غفران لي بغاات تخرا بضحك كاتتخبى من وراا ضهر اسية وتضحك والمصيبة دايرة ابيل فييديو ل اميمة ورحيمو كاايتفرجو فيهم ومصدومين من اشنو طااري واش دارت الحاجة ....
والماس: هااديك غاا كتشوف بعوينتها وبزز حابسة دموعها غاادي طرطق مسكينة...
نوح: سيني
الحاجة: دارت يديها فهاديك ديال البصمة اما مابينها وبين ستيلو غا الخير و الاحسان
غير سينات الحاجة نوح ماد الورقة والبصمة للحاج عبدسلام لي قبل مايسيني جبد من قشااابتو مليون وحااطو على طابلة عاااد سينا على العقد ديال الزواج
غير سيناو اسية طلقتها بزغروتة ومااشي غير هيا حتى رحيمو لي كااتشوف كولشي من ابيل فيديو غير شافتهم سينااو زغرتاات هههه
اما امينة صاافي مااعرفات ماتقول واش تضحك ولا تبكي ولا اش
ولكن الماس مسكينة لي دمعتها على خدها وتنخصيصة طالعة لليها جالسة بحال الامنة وسط امينة واسية وكاتبكي بالحس ونوح عااينيه فيها غير كايشوف فيها وسااكت
عمران وبلال نااضو وسلمو على الحاج باسو ليه راسو لي ضحكة غاادي تخرج ليه من عااينيه وحتى الحاجة بااسو ليها راسها حتى هيا فرحنة شكون بحالها غاادي تعااود بزواج حتى هيا عاارفة راسها لساانها ماايرجعش لفمها وديما غاادي تبقى مناكرة مع نوح كاتقول فبالها علاش لي مانتزوجش حياتي كلها عاايشة واحدانية رااجل ماات ليها بااقي صغير وخالها كاتخدم وتردم على ولادها واخا شحال من واحد خطبها من ورا موت راجلها ولكن على قبل ولادها مابغااتش ودابا مابقا عندها ولاد الكبدة ديالها شامة دفنتها تحت الارض وحرقتها مزالة فقلبها و الولد الكبير مشاا ساافر ماسول فيها مااوالو بحالة ماكيناش و الولد الصغير طلع مسخووط ميمتو ماابقا عندها ولاد عندها ولاد ولادها الماس زوجتها وهناات قلبها عليها مع راجلها وامين وقتااش ماا بغاها يجي عندها لدارها جديدة رااه رااجل وماباقيش صغير راه ولد 21سنة

محمد: هز عقد زواج لي سيناو عليه وشااف فنوح... غاانصيفطو لمكتب الاسرة
نوح: هز ليه راسو بواخا... ودعهم محمد وخرج بحالو
نوح: شاف ف الحاجة... محتاجة شيحاجة
الحاجة: شافت فيه... الله يكثر خيرك عااندي كل الخير
نوح: حك دقنو و شااف فيها وشااف ف الحاج عبد سلام... عاااندي ليكم وااحد المشروع الى قدرتو عليه وعجبكم غاا نخاليه تحت يديكم تسترزقو بيه
عبد سلام: شاف فيه... و والدي انا راجل 90 سنة مانقدرشي على الخدمة عااندي الارض ديالي كانسثرزق بيها وكانعمل ليها الخدامة من العام العام
نوح: مسح على للحيتو... حتى هاد المشروع فيه الخدامة نتوما غاا تدويو غا بفمكم وتردو البال معااهم وتشدو الاربااح
السي حمد : عقد حجبانو... ديالاش هاد المشروع اولدي
نوح: بااغي نفتح اوطيل
الحاج عبسد سلام: شااف ف الحاجة... لي بغااثو الحاجة هوا لي يكون
الحاجة : شاافت فيه وضحكات بحشمة... هههه مانتفضلش قدامك الحاج
السي حمد : وجهوو ولا حمر ابااه مااكيحشمش والحاجة كثر... احم و كيف داير هاد الاوطيل اولدي
نوح : ماعرفتش مزال عااد كانفكر
السي حمد: شااف ف بااه... اش قولتي الواليد
عبد سلام : ملي كاينين الخدامة وانا والحاجة ما غانثعدبوشي مارحبا والله يكثر خيرك وخير داارك ...
نوح: مرحبا و الله يكمل ب الخير
الحاجة: شاافت ف نوح عاارفه دار هكااا على قبل ماايخاليها محتااجة لوالو وبحال بهاد سوجي لي داار كاايقول ليها مافرطتش فيك الحاجة غااتكوني برزقك وداارك وانا ديما من ورااك مااتكدبش فرحات شاافت ف نوح وقالت ليه...
الراجل لي ما يوفي بكلمتو وسط الرجال طيح همتو ونتا حلفتي فيا و وفيتي ب حلوفك
نوح: طلع حاجبو... ولقيتك طالبة عليها
الحاجة: راااك دفلة حااارة
نوح: نكون قااصح نكون هااني نكون حنين غا نعااني
الحاجة: والله يخرج هااد الشوكة بلى دم وربي شااهد عمري نويت ليك الفراق نتا وبنت بنتي راه غا قلة عقلي لي كاديرها لي
نوح: اللبن والزبدة الحاجة كانو خوتات ومافرقوهم غير العيالات
كولشي خرج عااينيه ف كلامو لي قال للحاجة
الحاجة:خرجات عااينيها فيه بصدمة ومارضاتش قدام راجلها ههه... ونتاا بحالك بحال البلوطة كتهرس عليها سنانك فالاخر كايصدقو حاارين
نوح: هاادشي الا مالقيناش فيها الدودة كيف لقينها فيك
الحاجة : 😳😳
السي حمد: وجهو ولا حمرررر بالحشمة
اما امينة هااديك صاافي مااعرفات هااد الولد منين كاايجيب هااد الكلام وهااد تسنطيح بقاات غاا كتكحب هيا واسية
اما الحاج عبد سلام ماسمعش نوح اش قال الى ماهضرتيش بصوت عالي شوية مايسمعكش ونص ديال كلامهم سمعو والنص لا
الماس: خرجات عااينيها وشاافت فجدتها لي وجهها تلون اما غفران صاافي بغاات تموت بضحك...
امين: كان بااغيها فجدااه... العدس
عمران: رد على امين وقال بطنز ...كولها ولا جلس 😂😂
بلال: عطااها 🙂

الحاجة: ضربات الطم وماعوداتش هضرات
نوح: شاف فميمتو... كاين شي عشاء
امينة: ناضت واقفة هيا واسية... الخير موجود
نااضو الكوزينة وتبعاتهم حتى الماس وغفران...
الماس: غير خرجات من صالون مشات ديريكت للطواليط لي كاين التحت غير دخلات وقفات حدا الكوافوز لي فوقو المراية فدوش وطلقات دموعها كاتبكي ما دخلاش ليها لراسها بلي جداتها زوجها نوح فنهار جاتها بحال شي صدمة ماقدراتش تتقبل هاادشي لي وقع ... عااينيها دغيا حمارو ودموعها طااحو ليها على خدها وشهقتها بداو يعلاو ف الحمام بغاات تتسطى مشات تخشات جنب الحيط كاتبكي وحاطة يديها على فمها وعااينيها حمرين بالدموع من هااد التصروف لي داار نوح حساات بيه بحاالة مااباغيش جداتها بحالة باغي يتهنى منها ماارضاتش نهائيا وكون غير علمها وشرح ليها كون غير فسر ليها هاادشي لي دار جااها نوح اناني كايفكر غا فنفسو وراحتو هو كاايقرر من راسو ويدير كولشي راسو ويجي يفرض عليك رأي ديالو الى ماعجبكش يعجب موك بزز منك ولي زااد حرقها هيا جداتها واافقت بكل سهولة بغاات تتسطى فداك الطواليط كاتبكي وتشهق وجهها ولا حمرر بالبكا وتزنكاات ب الدموع وشفرها فاازكين وتلسقو بدمووع....

نوح: لي الجلسة كلها وهو عارفها غضبانة ومااشي هيا هاديك وماعجبهاش الحال كاع غير خرجات بقا شوية ونااض خرج من ورااها وخرجو حتى لي كانو تماك مشااو الصالة مونجي بااش يتعاشاو وخلاو الحاجة والحاج عبدسلام يتعارفو ويتفااهمو مع بعضيتهم...

....
نوح: غير خرج مشا للكوزينة ماسولهمش عليها قلب عليها بعااينيها ومالقهاش زاد خرج كان طالع للبيت يشوفها حتى كايسمع بحال شي شهقة صغاار فودنيه غمض عااينيه بسخط عاارفها هيا لي كاتبكي بقا كايتصنت ويضور راسو منين جااي صوتها حتى شاف ف طواليط لي كاين ف الكلوار لي كايدي للكوزينة وصالون قرب ليه و وقف حدااه وسمع شهقتها قرب للباب وحط عليه جبهتو وشد على البوني وفتحو بجهد ودخل عليها غير دخل لقاااها كاتبكي وتشهق عقلها غا يخرج بالبكاء طلعاات راسها فيه وجهها حمرر وعااينيها هكاك وشفيفتها كايترعدو بالبكاء ومخنوقة ب البكاء
الماس: شافت فيه وهيا غااتموت بالبكاء وقالت بصوت متقطع... ه هئ ح هئ حكاااار هئ هئ
نوح: عقد حجبانو فيها... نوضي
الماس : هزات راسها ب لا وهيا كاتبكي... هئ إ الا هئ مااكنتيش هئ بهئ بااغي عزيزا هئ قو قولها لي(حطات يديها على وجهها كاتبكي وتشهق وتهضر ) هئاااهئ نبعدو م منك وهئ ومن دارك انا هئوهيا هئ
نوح: عااقد حجبانو ومزير على قبضة يديه بقووة وهو كايسمعها اش كااتقول وسااكت ما كيهضرش غير مكنزز على رااسو
المااس: حيدات يديها من وجهها وشاافت فيه بعيون حمررين... هئ هئ إلا ح حتى مشاات و هئ وخرجات عزيزا من داارك هئ ع عمرك ت هئ تحلم بيا ن نكون ف هئ ف فراشك هئ
نوح: زااد عقد حجباانو من كلامها وشااف فيها بواحد الطريقة كااتخلاع... عاااودي نسمع
الماس: حطاات يديها على وجهها كاتبكي وتهضر... هئههااااهئ هئ هاااء هئ د ديماا كاتحكر عليا هئ خ خاصني غير ب باش نهضر معااك نوزن كلامي هئ م هئ ما كاتعمليشي شي إعتباار فحيااتك هئ و وعزيزة لي كاا هئ لي كاتوقف ليك فوجهك وكاتقوليك كولشي فوجهك وماكتحشمشي منك بغيتي تحيدا من طريق ديااك هئ هااديك ماشي عزيزا هئ هاديك ماما هئ هاديك هيا هئ هئ هيا لي وقفات معايا ف فالحرة والحلوة و هئ وتينا كل ما جاتك الفرصة ك كا تنهط فيها و هئ وماكتعملاشي مزين و وحتى قبايلة هئ حشمتيها م مع الناس هئ ح حشووومة عليك هئ شني كانعملو ليك
نوح: قرب عندها و شدها من يديها وجرهاا بجهد جهتوو منيضها ومغززز على سناانو... ت ح ر ك ي
الماس: نتراث يديها منو وحنات رااسها كاتبكي وزادت خارجة وهيا كاتمسح دموعها وخرجات وخلاتو كايسوط بحال الثور غير خرجات شااف ف الحيط ومااحس براسو غاا خااشي راسو فيه ضرب راسو بجهد مع الحيط بالغدايد بقاا حاط راسو مع الحيط مزيرو معااه... بززز حبس راسو باش مايدخلش مهاا فهاد الحيط كلمها كاايتعااود ليه فراسو بحال نااقوس وخصوصا هاديك عمرك تحلم بيا نكون ف فراشك مااعرفش اشنو قصدات ولكن مابغاش يحكم عليها وخصوصا دابا وفهااد الضروف اكيد بقاا فيها الحال من ناحية جداتها تفكر كااع اش قالت ليه هز لكمات يديه وضربها مع الحيط بجهد وبعد من الحيط غير حيد من الحيط وهو يحس بحال شي مسمار تركز ليه ف الباب ديال رااس هز يديه وحطهم على راسو بجهد كاايزيرو وهوا عاقد حجبانو الحريق فاايت جااه اليوم شنو زعمة غاايجيه حتى دابا وهوا هكاك كايتعصر حتى حس بيه مابقاش طلق من راسو وفتح عااينيه نيشان ف المراية لي فطولليط مسح على للحيتو وزاد خاارج غير خرج لقا كولشي مجموع فصالة مونجي وحتى هيا جالسة غير هاد المرة ماجالساش معااه جالسة حدا امينة
تحرك للكورسي ديالو وجلس وهز راسو فيها بقاا كايشوف فيها كايستنها تهز عااينيها ويقول ليها اجي هناا ولكن مااشافتش فيه حانية راسها وهيا حنكها غاايطرطقو ب الحمورا وباينة فيها مبكية لدارجة كااع لي فطابلة سااكتين ومرة مرة كايشوفو فيها وماشي غير هيا لي فهااد الحالة حتى امين ضارب الطم وبالو بعيد ولكن مايكونش قد الماس لي قالبها كايضرها ومرة مرة تطلع ليها الشهقة وعااينيها مغرغرين كااتشوف فطبيسلاها وهيا حابسة راسها باش ماتبكيش
الحاجة: كااتشوف ف الماس باغة تهضر معها ومقدراش مااعرفات ماتقول ليها بقات غاا كتشوف فيها وتتحسر ...
وما زاد كمل الباهية غير السي حمد
السي حمد : شاف ف الحاجة... مراات الواليد غدا صبااح غا نتيسرو وجدي راسك
الماس: غير سمعاات كلام السي حمد هزات عااينيها فنوح لي كان كايشوف فيها شاافت فيه بحالة كاتعاتبو ودموعها طااحو ورجعات شافت ف جدتها لي كاتشوف فيها حتى هيا حطات الخبز من يديها ونااضت من الكورسي وزاادت طالعة ف الدروج حتى قافزها نوح بصوتو
نوح: شافها كيفاش داارت وهوا يحرك راسو بسخط وغير بتقالة... تفوتي دااك الدروج مايعجبك حال
الماس: سمعاتو اش قال وشافت ف دروج بقات شحال كاتشوف فيه وكااع لي تما كايشوفو فيها اما هوا كايشوف فطبسيلو ومزير على الخبز بين يديه... بقات كاتشوف ف الدروج شحال صبرات شحال غمضات عااينيها على طاريقة كلامو معها ومع جدتها شحال غمضات عااينيها على بزااف ديال الحوايج ولكن صباار كايضبر ملي وصلات القاضية لجداتها ما قدراتش تصبر هيا شكون بقاا ليها من عائلتها وريحت ماماها لي عمرها شافتها من غير جداتها وزيد بهااد تصاروف جاها نوح ماباغيش جدتها ماباغيهاش تبقا فدارو وهيا مستحيل تختار بين نوح وجدتها ياا هوما بزوجهم ياا حتى واحد ... شافت فداك الدروج وزادت طالعة فيه كااتجري نووح شاافها طالعة كااتجري نااض وااقف بجهد حتى طااح الكورسي لي كاان جالس عليه ف الارض وزااد كايزرب فخطواتو من وراها ويغزز فشفايفو...

امينة: والحاجة نااضو وااقفين وتبعو نوح والماس ولاخرين بقا هادا كايشوف فهادا ماكانوش كايضنو الماس تصطم فكلمة نوح وتفوت الدروج بقااو ساكتين وضاربين الطم اما الحاج عبد سلام والسي حمد غير ساكتين وماكيهضروش وخصوصا كايشوفو الجو مكهرب بينتهم...

الماس : غير طلعاات الفوق مشاات كاتجري لبيتها ولبيت نوح غير فتحات الباب وضارت تسدو لقااتو جااي جهتها كايجري بحال الثور ومخنزر فيها بالخلعة مااحسات براسها غااشدات ليه الباب فوجهو وعودات سورتات الباب بسوارت وغير سداتو مااقفزتها غير واحد الخبطة ف الباب بجهد
نوح: جنناتو عصبااتو حمقاااتو منين سدات ليه الباب فوجهو وماسمعاتش ليه لكلامو.... فتتتتحي القلاااااو*
الماس: بلعات ريقها وهيا قالبها كايضرب ب الخلعة... هئ ما ماغنفتحوش هئ
نوح: غزز شفايفو وحط راسو على الحيط وهو كايحاول يهدن راسو... ف فتحي وخالينا ندويو ونتفاهمو
الماس: جلسات على الفراش وجمعات رجليها عندها وهزات راسها ب لا... هئ هننن لا ع علاش م ما تشاورتيش معاايا هئ ع علاش هئ هاديك عزيزا هئ
نوح: حيد راسو من الباب ومسح على وجهو مغدد وغااوت عليها ... إمتاااا تشاااورت معاااك حتى نتشااور دااابا إمتااا
المااس: كاايزيد عليها بكلامو كاتحس بيه مااعاطيها حتى شي قيمة عااندو... هئ ح حتى انا ما هئ ماغنبقاشي ن نتشااور معااك هئ ههععئ
نوح: جنناااتوو... حللللي الباااااب ولااا غااانفرع مووو ونفرع طوااسلك معاااه حللي
المااس: حطات يديها على راسها كااتحيد ف الزيف لي على راسها غير حيداتو هزاات راسها الفووق ... هئ هئ ع علاااش تيناا هيدااا هئ علاااش انووووح علااش هئ هئب بااغي تفراقني على عزيزا هئ
نوح: عضعض شفايفو وشااف ف الحاجة وامينة لي حداااه وقال للحاجة وهوا عااقد حجبانو ... دوووي معااها
الحاجة: قربات للباب ودقات فيه... بنتي المااس فتحي الباب الله يرضي عليك رااه راجلك ماابززش عليا الزوااج
الماس: سمعاات صوت جداتها وهيا تزيد ف تهرنين... ع علااش واافاقتي هئ هئ علاش تزوجتي هئ بغيتي تسمح فيا و هئ وتخاليني بوحديتي هننهئ م ملي نولد ش شكون غاايكون معاايا هئننهن ب بغيتك تب هئ تبقا معاايا هننهئ هئ هئ
الحاجة: شاافت ف نوح لي رجع حط راسو على الباب وطالق يديه معااه مزير عليهم بحال الثور... الله يهديك ابنتي صاافي تينا براجلك وحتى انا كتب ليا الله نعااود بزوااج دوزت حياتي كاملة فتمارة وتكرفيص ودابا بغيت نعااود نستر راسي مع داك شاارف بحالي بعدا الى نكرت عليه هو يصبر عليا ويهز هبالي وانا هيدك
الماس: هزات راسها بلا... مااغاتمشيشي معااه
الحاجة: يالله بغات تهضر وهوا يقاطعها نوح...
نوح: صافي زاادت فيه وهوا ماعندو صبار ... غااااتنوضي تفتحي الباب ولا نهرس بوووه
الماس : خلعها وربي لي عالم بيها ولكن ماابغااتش تنصع ليه دارت راسها ماسمعااتوش... هئ ع عزيزا ه هوا زوجك غ غير حيت خاصو يتهنى منك هئ هئ
نوح: هز لكمااات يديه وضربهم مع االباب بضربات متتالية حتى قفزات امينة والحاجة والماس... وبربي ودخلت حتى نسمع مووووك كلاااام لي عمر اصلك سماااعتيه فتتتتحي
الماس: حلفات بحلووفها مااتحل ليه بقاات سااكتة وقطعاات الحس مسحاات دموعها وتركنات وسط النموسية وكاتمسح دموعها بكمام يديها وقاطعة الحس غير شهقتها لي كايطلعو
نوح: ماابقاش سمع حسها بقااا شحال واقف حدا الباب وغير حس بيها ماغتفتحش الباب رجع زوج خطوات اللور وهز رجليه اللفوووق وعطاااه بضربة حتى تفتح
الماس: لي تسرطيحة ديال الباب قفزتها هزات راسها وشاافتو واقف ف الباب وكاايشوف فيها بعيون حمرين مااعرفاتش كيفاش حتى دار مااحسات براسهاا غاا مجرورة من يديه من على الفراش وملسقها مع صدرو ومهزوزا من درعنها بزوجو ورجليها ماكيلحقوش الارض
نوح: خرج عااينيه فيها وغااوت عليهاااا.... ااااش قولت لملتك ااانا اااش
الماس: قالبها كايضرب وصدرها كايطلع ويهبط الخلعة غادي تقتلها... هننهئ هئ
نوح: مخرج عاينيه فيهاا ونخضها بين يديه من كتاافها... دوووي ااااش ندير لمووك دااابا دووي
المااس: هئ هئ ا الخير لي د ديرو فيا هئ ب بعدني هئ م ماتقربليشي هئ هئ
نوح: خرج عااينيه فيها... ززززميه لمووك ززززميه
المااس: هئ هئ هنننهئ
نوح: بقااا كايشوف فيها وهو بكل مافيه كاايحااول يبرد رااسو ومايديرش راسو فيها... ااااش بااغة داابا
الماس: شاافت فيه وشافت ف جدتها وهيا كاتشهق بين يديه... ب بغيت هئ هننهئ بغيت عزيزا ت تبقا م هئ معايا
نوح: غمض عااينيه بسخط وضار شااف ف الحااجة... طلقيه
الحاجة: خرجات عااينيها... ش شني
نوح: وااش بااغة طلقي اه لا
الحاجة: شاافت ف الماس... اا لا
نوح: شاف ف الماس... سمعتيها
الماس: شاافت ف نوح... هئ وتينا سباب هئ تينا بسبابك هيا وافقت تتزوج بيه ح حيت تينا ديما كاتبقا تحاشيلها المهاودة(الهضرة)
نوح: شااف فيها نيشاان... شنوو دابا
الماس: هئ هئ م ماتهاضرنيشي هئ مابغيتكشي هئ الحكاار هئ
نوح: شدها هكاك ونزلها على الفراش جالسة وزااد خاارج مخاليها كاتبكي من ورااه حيت الى زااد دقيقة يمد يديه عليها ويعوقها من شي بلاصة غير خرج تبعاتو امينة كاتجري
الحاجة : غير خرج نوح قربات عندها كاتندب فحنكهااا... اوااااعدي على الملعووقة شكووون قال لباباك اناا مااخصنيشي نتزووج شكيت عليك اناا
الماس: بلقات عوينتها فيها وهيا كاتشهق... هئ ك كيفاش هئ
الحاجة: ضربات على ركابيها... ايماااا الحبيبة يااا يمااا من العاايلة هاادي شحال مكلخة وااش انا الى ماكانشي خااصني نزوج غاا توحالي معااه نهز حوايجي ونمشي نداار ديالي الى ماكانشي خاصني نتزوج
الماس: مسحات دموعها بيديها... هئ ل لا ه هوا هئ هوا دار هيدك ح حيت هئ حيت باغي يعاقبك هئ
الحااجة: خنزرات فيها... وااانااا عااجبني هااد العقااب الالة وامشي ليمااك دخراا انا تزوجت ونتي طلق
الماس : خرجات عااينيها فيها وجاات ناايضة وشداتها الحاجة... لفاااين مااشة
الماس: هئ غ غاايطلقني هئ
الحاجة: غاايفلق بااباك بشي روس ماشي غايطلقك اجلس وسكت خااليه حتى يبرد
الماس: جلسات على الفراش وشاافت فيها... هئ حشوومة عليك هئ علاش غا تسمح فيا هئ هئ
الحاجة: قربات عندها وجلسات معها كاتمسح ليها على شعرها... بحالة تينا ماكتعرفنيشي ا الماس تينا عاارفة انا الاجواء د المدينة ماعنديش معها كاتخنقني
الماس: عنقات جدتها وخشات راسها فصدرها ... و وا انا كانتخنق بلى بيك اعزيزا
الحاجة: بااست ليها راسها وبزز مصبرة راسها باش ماتبكيش... عمري نفرط فيك ابنتي وقتاش ما حتجتيني نجي عندك وقتااش ماا بغيتي وحتى ملي تقرب تولد نجي عندك قبل ما تولد
الماس: هزات راسها وشاافت ف جدتها.. ب بصح هئهنن
الحاجة: هزات يد الماس وباست ليها راحت يديها... والله
الماس: شاافت فيها ورخات شفيفتها...ن نووح تعصب هئ عليا هئ
الحاجة : هزات يديها وضربتها لراسها... خدمي عقلك ابنتي رااجلك حااار وصعيب ولكن نتينا مراتو خااصك ترجعيه حلللوو بحال السكر المراة لي تعرف تحكم رااجلها ب اللسان المعسول تبقاا تاااج فووق رااسو كون ماا هاد الكرش حتى يكون سلخ والدك
الماس: هئ هننن هو اصلا كاع ما كيغضب عليا واخا كايغاوت ما كيغضبشي هئ غ غير شوية و ويجي يهضر معايا هئنن
الحاجة: ..الى ما غضبشي عليك فهاادي تعاارفو ماافيه نفس

الماس: خرجات عااينيها فيها... هئ علاش كاتقولي هيدا هئ
الحاجة : حمد الله غدا غاانروح لداري اما نكون جمعتها مع والديك بشي تقرطيفة على هااد الغدايد علاش تهز الصوت على راجلك شني علمتك انا كوون مراا حرة غرة مع البراني اما راجلك كوني معااه حنينا يحطك على الجرح يبرا ماتكونشي هبيلة ابنتي انا واخا مانكونشي تزوجت كنت غا نمشي بحالي
الماس: هئ و وهو قالي قاوي شخصية دياك و خرج عااينيك فلي يحكرك
الحاجة: شاافت فيها وخسرت صيفتها... كوون كان تخرااج العينين كايخلع كون الببوشة خلعات السبع اعمل عقلك ومااتكونشي هبيلة هو قصد ليك خرج عااينيك ف البراني مااشي فيه الحمقة كااتقلب عليه يهرس لباباك السنان
الماس: ش شني باش نعمل دابا هئ
الحاجة: انا غا نعلمك شني تعمل البقرة دابا شحال وتينا مزوجة خااصك تكون بحال الشيخة معااه
الماس: خرجات عااينيها فيها... اوااعدي اعزيزة احشم
الحاجة: شاافت فيها وسبلات عوينتها زعمة حشماانة... ههه علاش غانحشم احم حتى انا تزوجت ودابا خااصني نتعلم شحال من حاجة نسيت على نعااس مع راجل كيفاش عاامل
الماس : غير سمعاات جداتها اش كاتقول خرجات عااينيها بالحشمة نااضت من حداها وهزات شالها دارتو على شعرها وخرجات تشوف نوح فين رااه وخلاتها كاتحلم تمااك...

🎀عند بلال🎀
بلال الحرايمي لي كان حااضي مع غفران بااغي ضاروري يشدها فشي قنت ولكن ما كتشدش ليه ديما كاتتهرب منو واليوم مع كولشي ملهي مع راجل الحاجة وصداع لي وقع بين نوح و الماس بقاا حاضي على غفران بعااينيه غير شافها طلعات لبيتها نااض كايتسلت من دراري بحجة انه غادي للطواليط غير طلعات بقاا شي 5دقايق وتبعها غير طلع بقا شحال واقف ف الكلوار حااضي لا يكون شيحاجة غير عرف الدنيا خاوية قرب لباب بيتها ودخل غير بالحس وغير دخل خرج عااينيه فيها
غفران: كاانت محايدة الزيف من على راسها لبسات بجمتها ديال النعاس و واقفة حدا المراية وهزة الفوقي ديال البيجمة من على ترمتها وكاتشوفها من المراية وكاتغااني وتقول ...خااليو دمووعي راكدة نكون فبيتي وعلى خدي تنزل دمعة باردة ضهر قصاح وترمة راكدة شهية سبابي الى وليت هكداااااه...كيكولو كي لحبل مانرضى بالذل ماخليت قويلبات عيت ماناكل خليو دموعي راكدة نكوون ف الزنقة ودموعي تهبط باردة كنشووف طروفة كيتلواو هاكدا مااالكي اطرمتي غير انتي لي لاسقة هكدااا😢
بلال: مخرج عااينيه فيها وفنفس الوقت بغااا يخرا بضحك...كبري غاا مخك ماشي ترمتك 😂😂
غفران: غير سمعاات صوتو ضارت ب العرض الباطيئ للجهة الباب وهيا مزالة هزة البيجامة من على ترمتها غير شافتو خرجات عااينيها فيه وقالت بصدمة ... و ولد الحراااام 😳
بلال: بطنز وهو كايشوف ليها فترمتها... الخير لي كاديريه فالمشاش باش تكبريهم سيري ديريه غا فبزازلك وترمتك
غفران: غير سمعااتو اش قال وفاش كايشوف بزربة هبطات البيجامة على ترمتها وخرجات عااينيها فيه.... 😳😳
بلال: نتياا مااشي خايبة غاامعندكش الترمة وصاافي
غفران: قربات ليه ودفعاتو بجهد حتى جاا مخشي ف الباب وغير بغات تحيد يديها من صدرو وهو يشدهم ليها وقربها عااندو بجهد وضور يديه على خسرها ما ماخاليها فين تزعزع
بلال: قرب لودنيها وهوا كايحاول يتبثها حيت كاتنثر ليه بين يديه... خالينا نخضرو عوينتنا فعينيك كي خضرنهم ف ترمتك
غفران: طلعات عااينيها فيه عااقدة حجبنها وبزز شادة راسها حيت الى زاد غا شوية تسخف ليه بين يديه... ب بعد لهيه ابلال واش تسطيتي
بلال: عض شفاايفو وهوا كايشوف فوجهها وقال.... تسطيت انا ازين رااكي جرجرتي ملتي عفااي عليا خلاص
غفران: بلعات ريقها وهيا قالبها كايضرب ب الخلعة لا تجي اسية وتطويها على عشرين وفنفس الوقت متوترة ب تقربو منها وكلامو... س سير بحالك الى دخلات ماما ولقاتنا هكاا مانسمحش ليك
بلال: كاايشوف ليها فعااينيها... بصح الزين ههه مووك ماجياش رااها مشغولة
غفران: كادفعو بيديها من صدرو وهوا ماكيتزحزحش...عااافك خرج بحالك من بيتي هاادشي ما مزينش
بلال: زااد زيرها عااندو وقرب لودنيها حتى حس بيها تبورشات بين يديه... خالينا نضربو الكحل ف البيض خالينا نديرو بحال عمران واميمة ومن بعد نوصلو لسطاج ديال نوح والماس خالينا نتجمعو اغفران حق رب يااباغي نكمل ديني
غفران: كاااتحس براسها غاادوب بين يديه مااعرفاتش واش بصح يكون رجع يبغيها وحتى الكلام لي كان قالو ليها هاادي شحال ماتنساش ليها ولكن ماتكدبش حتى هيا غالطة ماشي غير هو تفكرات كلام اميمة لي عودات ليها منين عمران عتارف ليها كايبغيها اش قالت ليه بلي يجي لدارهم عضات شفيفتها من هاد الفكرة وشاافت فيه ب الخف وعودات حنات عااينيها... خ خرج بحالك
بلال: زااد.قربهاا كثر حتى تحط صدرها على صدرو وسمطة ديال سروال ديال عمران كاتضرب ليها فكرشها طلعات معها سخنة ديال الحشمة هو شافها كيفاش عاضة على شفيفتها... على اش كاتقلبي اغفراان رااه مااغنخرجش من هناا الى مااخديتش شي جواب مقنع من عندك رااه بااغيك
غفران: طلعاات عااينيها فيه... عااافك خرج
بلال: كاايشوف فيها كيفاش كاتشوف فيه وتهضر... مااخرجش حتى تعطيني جوابك
غفران: طلقني ونقول ليك
بلال: بقاا كاايشوف فيها وهو يرخف عليها شوية غير رخف عليها وهو يحس بيها بااغة تدفعوو وتهرب وعااود شدهاا كثر وزيرها عااندو وطلع فيها حاااجبووو... بااغة تلعبي مع ديب ابنتي
غفران: غااتسخف ليه بين يديه... ع عااافك ابلال بعد مني
بلال: جااوبيني ونطلق منك
غفران: زيرات راسها وشاافت فيه نيشان... الى ب باغني بصح ماما كاتعرفها
بلال: بلى ماايحس رخف عليها يديه وطلع حااجبو فيها بإستغراب... ك كيفااش
غفران: غير حساات بيه رخف عليها وهيا دفعو بجهد وبعدات منو... كيف سماااعتي ياالله خرج علياا ولا نعيط لخوياا نوووح ولا عمراان
بلال: هز يديه...ب بلاتي بعداا فهمني كيفااش ندوي م مع مووك
غفران: طلعاات حجبنها فيه... اناا ماعنديش مع دخول والخروج ف الهضرة بااغيني قصد دارناا ماابااغينيش فووتني عليك
بلال: خرج عااينيه ويالله بغاا يخطوي جهتها وهوا يسمع الباب كاايدق لي قاافزو وطااح فيه النص خااف غاايكون نوح لي كايدق شااف فغفران وخرج فيها عااينيه زعمة سكتي
غفران : طلعاات حجبنها فيه وقالت ضد فيه ... شكووون
عمران: كان واقف برا الباب هو وبلال... اختي غفران ماشتيش داك الدحش ديال بلال
بلال: غزز شفايفو وخرج عااينيه ف غفران كاايقول ليها ستري علياا هااالعاار
غفران: راااه(قبل ماتكمل كلمها حتى كان عمراان فتح الباب ودخل غير دخل خرج عااينيه ف بلال لي واقف جنب الباب ولاسق ف الحيط طلع حااجبو فيه... ااش كاادير هنا
بلال: بلع ريقو بتوتر... و والو غا غير جيت بيت سارجور د ديال غفران ديالي انا تحرق
امين: خرج عااينيه فيه وشااف فيديه هو لي هز سرج ديال بلال كان عطااه ليه الباارح... اسبحااان الله اشريف وهاادا ديالمن
بلال: تفكر سرج لي عطااه ل امين وحك رقبتو... اليوم نعست مع العصر ف المكتب ويمكن حلمت بيه تحرق
عمران: غااتزيد تقاااو** ولا نعيط ليك لكبيرنا يجي يحرق لموك قلبك
بلال: شااف ف غفران لي كاتشطح حجبنها وكاتقلي ليه السم ضرب فكتاف امين لي واقف ف الباب وزااد خاارج غير خرج شااف عمران ف غفران وداار يديه فودنيه وكاايقول ليها ديري عقلك
غفران : بلعات ريقها وبالحشمة طاارت لفراشها وتخشات فيه وتغطاات كلها
عمران: شااف ف امين وزادو خرجو سدو الباب وهبطو كايدردكو فدروج كايقالبو على بلال فين تخبى تاني...

🎀عند نووح🎀
نوح: لي الى كان زاااد دقيقة مع الماس يكوون دخل فيها بشي رووس كوون زاادت معااه هضرة وااحدة فوق دااكشي كلو لي قال حق رااب ماايفكو منهاا فكااك اليوووم عمرو مد يديه على جنس حواء والى كان مد يديه عليها اليووم يقطعهااا منين خلقاات ماايرضاش يضرب مراتو وحتى اليووم بكل ماافيه حااول ماايجوبهااش ويقول ليها كلام لي ما غيعجبهاش ولحاجة الواحيدة لي ماينكرهاش هيا انه حتى هو غاالط ولكن اش يدير هاادي هيا طبيعتوو وقتااش عمرو تشااور مع شيحد القاضية ومافيها بينو وبين الماس مااشي ماعطيهاش قيمة كيف قالت هيا لا هو هكاا دااير اي حااجة فيها صدااع والمشاكل ماايبغيش يدخلها فيها ياا هياا يااميمتو وبالخصوص الحاجة ماكانش بااغي حتى حد يعرف بالموضوع حيت صرااحة مااكانش نااوي يزوجها كاان غرااضو غير تعرف الحاجة بلي الى حتى زاادت كلام فوق كلامو وعنداتو مرة اخرا يزوجهاا وبلى مايفكر كان نااوي يحرق ليها دمها كيف حرقاتو ليه منين جابتها ل الكميسارية وخلات زوا*ل يتفرجو ليه فمراتو بسببها وحتى الاب ديال السي حمد لي كان بصح بااغي يتزوج وكايقلب على مراءة حيت هاادي شي ثلاث سنوات منين توفاات مراتو وبقاا وحداني إوى ونووح قال نجيبو للحاجة وغير نخلعها صدقاات هياا لي صدماتهم كلهم واخاا هوا صرااحة من نهاار لي قالت غتصبوها ثلاثة شلل يديه منها وعرف الحاجة ماشي فيها الدودة فيها الكبرى🙂....
ولكن الماس ماخلاتوش حتى يهضر ولا يشرح ولا يفهمها كااع واخا ماعندوش مع الكلام والشرح ولكن على قبلهاا يحااول ولكن هياا فهااد اللقطة جااتو تبهرشات معااه وتصرفات تصروفات وقالت كلام لي ماكانش عليهم تقولهم وخصوصا بلي هو ماباغيش جدتها تبقاا معاهم فداار كون بصح ماباغيش ماغديش توحل ليه فيها سااهلة غاايهز مرااتو ويمشي يقلب على دار ليه وليها ويتهنى من نكير الحاجة ودخولها ف شؤونو الشخصية بينو وبين مراتو ويقدر كااع يساافر لشي بلاد ويااخودها معااه هو نهائيا مااكانش هادا هوو تفكيرو ولي زااد طين بالة بنسية ليه هيا هاديك الجملة ديال عمرك تحلم بيا نكون ف فراشك كاايقول مع بالو واش هادي يحساب ليها واخدها غا على قبل الفرااش وااش هااادي لهااد دراجة عقلها صغير ولهااد دارجة مزالة مااحفضاتش طبعي ولكن الغلاط منو هوا. هو لي كايفسر ليها حبوو وعشقو غا ف الفرااش هو لي مااكيعرفش كيفااش يعبر على داكشي لي عااندو الداخل وكيفااش يعبر ليها على حبوو هوا لي مااكيعرفش يبين ليها كيفاش كايبغيها بجنون هوا لي غالط معها وخلها تفكر بهاديك الطريقة
هااد : تاافكير كلو لي تفكروو وهو جالس ف طنوبيلتو غير خرج من عندهاا ركب ف اللوطو وتحرك طااير
غير 5دقايق ماشي كلها حتى كاان قدام البحر بقاا فطنوبيلتو جالس وضواو اللوطو شاعلين رجع راسو على الكوسان وبقاا كايشوف ف المواج ديال البحر مايقدرش ينزل حيت مالبسش مزين يقدر يمرض بقاا هكاك وهو كايفكر وكايقول اش ندير معها اش....

🎀عند الماس🎀
لي ملي نزلات التحت بقات كاتقلب عليه عيااات تقلب عليه وماالقاتوش وهيا تطلع الفوق عند امينة لبيتها تسولها على نووح غير طلعاات دقات ف الباب عطتها الاذن ودخلات لقاات امينة مخشية ف فراشها دايرة نضيضرات ديال الشووف وهزة كتااب كاتقرا فيه غير شاافت الماس حطات الكتاب وحيدات النضيضرات من عااينيها وحطاتهم على الكفايوز لي حدا فراشها وجمعاات الغطى ديال الفراش الجنب ودارت بلاصة ل الماس حدها وشيرات ليها تجي ليها ... اجي ابنتي
الماس: حشمانة منها ماكنتش حااسة براسها اش كانت كادير قبايلة غير سمعتها قالت اجي مشاات عندها وهيا علامات الحزن باينين على وجهها قربات عندها وتخشات حدها ف الفراش وغطتها امينة والماس خشات راسها فصدرها وعنقتها بجهد... س سمحلي ا اخالتي
امينة : باست ليها راسها وبقات كادوز يديها بشوية فوق راسها... علاش ابنتي
الماس: حيت ماسماعتشي الكلام دولدك و وهزيت ص صوتي عليه
امينة: مانقولش ليك يستهل وما نقولش ليك ما يستهلش نووح انا ميمتو وماكنعرفوش كيفاش كايفكر داير فشكل مانكدبش عليك حتى انا ماعجبنيش هااد تصروف لي داار مع الحاجة انه يزوجها ولكن ملي شفت جداك كيفااش تصرفات وكيفاش تقبلات الامر ماقدرتش نلومو جدااك رااه هياا بنفسهاا بغاات تتزوج ابنتي
الماس: ح حسيت بيه ملي دار هكاك ب بحالة ما ماباغيش جداتي تبقاا هنن تبقاا فدارو
امينة: الله يهديك ابنتي كون ماكانش بااغي جداك مايجيبهاش معااه من كثامة من النهار لي هرباتك فيه كون كان ولدي قالبو قااسح كون خالها ف كثاامة كاتبكي عليك وتعض ف الحجر ولكن هو لا جاابها معااه رجليك ب رجليها وماا نكدبش عليك جدااك هيا لي كااتقلب عليه وانا ولدي لساانو مااضي وحررر مااكيرضااش بكلام بناادم ونتي رااك عارفة قصتو كيفاش حتى شد طريق الحراام كولشي بسباب هضرة بناادم يااعني ابنتي ولدي نووح تزاايدي معااه فكولشي الى ف الكلام رااه يعطيك لحلقك حتى تنسااي لي خلقك رااه ولدي هاداك وبعض المرات كانشك فيه رااه كايزيد سوايع عند نااس بكري عند نااس زماان
الماس: طلعات راسها فيها... غاا يكون فقصان(غضبان) عليا ي ياك
امينة: شاافت فيها وضحكات... مااعرفتش ابنتي ولكن نتياا وزهرك ههه
الماس: شني غاانعمل دابا ن ندممت
امينة: ونتيا ابنتي كااتبقااي سااكتة حتى كاترمي ليه شي كلام فوجهو كايدمي القلب نوصيك عمرك تقولي ليه بعد مني ولا مابقيتش بغااك ولا شيحاجة بحال هاكا رااه يجي شي نهاار ويديرها ليك قد فمك ونتي جربتي حاارو كيف دااير
الماس: عضاات شفيفتها... ع عيت نقلب عليه وماجبارتوشي
امينة: سااطت بجهد... خرج ابنتي
الماس: خرجات عااينيها فيها... ا ا اوااعدي ف فاين خرج
امينة: ماعرفتش
الماس: نااضت من فراش امينة و وقفات واقفة...
امينة: فين غاادية نعسي معايا
الماس: ب حشمة... اا الا م مانقدرشي نمشي برحاش الى جاا يجبرني ف البيت
امينة: واخا ابنتي سيري لبيتك
الماس قبل ماتخرج باستها من راسها وقالت ليها تصبح على خير ومشاات لبيتها تستنااه
غير مشات لبيتها شاافت ف الباب لي ما بقاش كايتسد سقطة تهرساات ليه رداتو شوية ودارت كورسي من ورااه ومشات لفراشها بقات بحوايجها نعساات على سرير وهيا عااينيها ف باب البيت كاتستنااه يدخل شحال وهياا كاتشوف ف الباب ويديها على كريشتها صغيرة بقاات هكاك حتى خداااها النعس من بعد سااعة متأخرة من الليل كانت تقريبا 3ديال الليل ....

نوح: لي ماانعاس مااشافو مشطوون معها ومع الخدمة لي تجمعاات عليه ومع المشروع لي بااغي يبدااه فكثامة وبضبط ف ارض اخت الحاجة الزهرة لي شراها من حليمة كايفكر يدير فيها اوطيل ريفي يكوون جبلي ولكن هو ماعندوش خبرة فداك المجال وماعرف كيفاش يبدااه ضغط على جبهتو بجهد والضغط الكبير هوا هااد الراس لي ولا هاملو كاايقول اليوم نمشي لطبيب غدا نمشي باعدو نمشي حتى كايدوز النهاار ويلحق عليه الحريق ثااني وغير كايرتح من الالم كاينسى الطبيب هااامل رااسو لدارجة كبيرة اما بنسبة لداني وصلو ليه معلومات بلي ساافر ل إسبانية هو وخوان وعماد وحتى عدنان معاهم لي نووح بحث وعرف بلي عدنان كاان شي رااعي داايز من تماا ولقااه وهو لي طلق ليه سرااحو وعلى مااعرف بلي داني عرف القصة ديال عدنان مع الماس واكيد بقا كايقلب عليه شحال ولقااه مليووح فشي سبيطار وخدااه معااه وبااقي القصة مااعرفهااش مزال كايزيد يبحث فهااد الموضوع بنفسو... بقااا فاايق الليل كلو فطنوبيلتو مرة كايهضر مع طوني بخصوص الخدمة او شي معلومة على داني بغا يوصلها ليه وحتى هز معااه البيسي ديالو ديال الخدمة لي كان فطنوبيلتو كاايخدم شي خدمة مزالة مجموعة عليه غير من البيسي ... بقاا هكاك مااحسش ب الوقت لي دااز وبلي مانعسش بقاا حط عااينيه ف البيسي ومرجع راسو الور وكايخدم وهوا عااقد حجبانو حتى لواحد اللحظة طلع عااينيه كايلقى الشمس بدات تطلع هز يديه وشااف فسااعتو كاانت 7ديال الصباح مسح على وجهو بيديه بزوج بسخط هبط يديه وهز داك البيسي سدو ولاحو الور دار السمطة وخدم الكونطاك وزاااد محرك جهت الفيلة وهوا تفكيرو كلو معها هيا مساافة ديال طريق حتى كان حداا الفيلة فتح ليه العساس ودخل لداخل ب اللوطو زااد الداخل وقف اللوطو ونزل وزاد غاادي وهو كايجبد سورات من جيبو ديال الفيلة لي مستحيل امينة تنعس وتخالي الباب محلول وحتى عمران ولا بنفسو كايسد الباب حيت نوح موصيه ديما يسدووه واخا الدنيا عاامرة ب الكارد لي جابهم نوح مؤخرا على حساب المشاكل لي عااندو مع داني إحتياطا لكولشي ول اي هجووم من طرف دااني او اي شخص ثااني حيت اكيد ملي خرج من داك المستنقع خلى بعض الوحوش باغين غير الفرصة لي يااكلووه فيها بلى مديغ....
فتح الباب ديال الفيلة وسدها من وراه وطلع عاارف غاايكون كولشي بااقي نااعس غير طلع زاد متجه جهت بيتو غير وقف حدااه بقا واقف وغزز شفايفو كايشوف الباب غا مردود قال فبالو اكيد غا تكون نعسات مع الواليدة ماتنعسش ف بيت بابو مهرس يالله بغا يقلب خطاويه للبيت ديال ميمتو حتى كايقشع الكرسي لي من ورا الباب شااف فيه وطلع حااجبو حط يديه على الباب ودفعو بشوية حتى فتحو كلو وداك الكرسي كايدير صوت خفيف برجليه غير فتحو وهو يهز عااينيه فيها مليوحة على سرير وشعرهاا نصو مليوح على الارض نااعسة على الفراش ب العرض كايشوف القنيدرة لي كانت لابسة طلعات ليها على رجليها حتى لفوق فخيدتها لدارجة شورط القصير كايبان وجههاا ماكيبان نصو مغاطي بشعرها زااد.داخل وسد الباب من وراه بغاا يطير شناايفو عليها علاش تنعس هنا وحديتها و الباب مهرس وهيا فهااد الحالة مسح على وجهو مغدد زاد غاادي جهتها وهو كايطلعها ويهبطها بعااينيه قرب عندها عند سرير بقاا شحال كايشوف فيها شحال وهو واقف وكايطلعها من بنان رجليها حتى الفوق هااديك الكلمة ديال عمرك تحلم بيا نكون ف فراشك مزالة كاتعاود ليه فمخو يمكن هيا قالتها ف لحظة ضعف ولكن هوا ماجاتش معاااه وماعجباتوش نهائيا هاديك الكلمة منين خرجتها من فمها عض شنايفو ومسح على وجهو مغدد وقلب خطاويه للدوش لي قبل ما يدخل حط تليفونو على طابلة صغيرة ديال الزاج لي مضورينها الفوطويات غير حاطة دخل للدوش حيد حوايجو كلهم ماابقاا لابس عليه والو وتخشى تحت الرشاشة كايدوش وهوا كايفكر كلمها كلووو غمض عااينيه بسخط وحط راسو على الحيط ديال الدوش والماء هاابط عليه كايقول ف بالو من إمتا وكلام الناس كايئثر فيك من إمتاء وكلام شي واحدة كايبقاا يتعااود ليك فمخك من إمتا ونتا كادير إعتباار لشيحد عمررررك عمررررررررك انووووح حترمتي شيحد فاات معااك حدودو ولاو غير بكلمة الى كان راجل جوابك على يديك والى كانت مراا جواابك على لساانك ولكن غير وصلتي لهاادي تحداو ليك كاتقول من فمها كلمة غاا صغيرة تقدر تخرجك على طووعك يااا كانت زوينة يااكانت خايبة نفس تأثير عاندهم المهم كاتخاليك تبقى غا كتفكر فيها بالك غا معها واش مرتحة واش لاقية راحتها فدار واش متفهمين هيا والواليدة واش رتااحت لعيشتنا والاهم واش ولفات طبعي و واش قدرات تفهم عاقليتي ف ابسط الحوايج كاتفكر ليها انوح يمكن ما كتبينش ولكن عااينيك كايشوفو كولشي بلى ما تهضر بقاا عااقلو كايدي ويجيب ف الافكار وكلهم كايتمحورو غا عليها هيا... غير دوش قرب للمراية وهو هكاك زبط بقاا كايشوف فراسو وما على وجهو حتى علامة تعبير من غير عااقد حجبانو شحال وهو كايشوف فراسو من رجليه حتى لفووق حتى ركز النظر فعاينيه الرصاصين وقال بي باحة رجولية...لا في الجبل بير معلوم ولا ف شتاء ليل دافي لا فنساء حب مفهوم ولا ف العدو قلب صافي كايقلبو عليك ويجبدو بااسك ومن بعد ملي تبين الوجه القاصح يقولو عليك صعيب وضااسر(مسح على للحيتو بيديه ) لي كرهني ما حفرلي قبر و لي حبني نحبو و نديرو بين اهلي و ناسي(عوج راسو ف المراية وقصح شفتو) الفاهم يفهم والحديث قيااس...

غير سلى كلامو زااد هكاك خاارج من الدوش غير خرج شاف جهت الفراش مزالة نااعسة توجه لدريسنك وهو زبط هه جبد واحد الفوطة كحلة ومسح بيها للحمو وشعرو ولحها فواحد شبكة كاينة تما قلب حوايجو جبد سروال ديال التوب اسواد وقاميجة ف الشيبي ف لون الازرق مفتوح و بكسر اسواد لبس عليه تما فدريسنك كولشي غير سلى جبد سبرديلة بيضاء لبسها ومشى لواحد المجر كاين ف دريسنك جبد منو نضاضر ديال الشمس و واحد الساعة من سوايع لي عااندو لبس فيديه سااعتو وزاد خارج من دريسنك غير خرج طلع عااينيه فيها لقها حالة عااينيها بحال المشة وكاتشوف فيه ب ب براءة ما كلمها ماوالو توجه للكفايوز هز ريحتو رش منها زوج رشات خفاف وسرح شعرو بيديه لي مزال ماحسنو مخالي زوج صدايف ديال القاميجة مفتوحين وطاوي كمام القاميجة على يديه وزاد متوجه الفوطوي لي كاين ف البيت وجلس فيه بجلسة رجولية وهو حل رجليه حط نضاضرو على طابلة وهز تليفون كاايشوف فيه وهوا ماكيشوفش ف الماس لي مقوصة حجبنها وكاتشوف فيه كيفاش منخلها قريبة تبكي وتطيح دمعتها نااضت من الفراش وهيا كاتطلق القندورة على رجيلتها غير نااضت واقفة مع داك شعر لي هاابط ليها على طول ضهارها وفاات ترمتها ومع هاديك القندورة كاتبان بحال دوك رقصة ديال مصر جاات كيوووت ههه مع شعرها لي فلون شكلاط ومخلط بخطوط دهابية عطها رونق خااص خطات جهتو برجليها وهيا كاتفرك يديها ب خوف وقفات حداااه قبالتو وهيا كاتشوفو شنو لابس وكيفاش جااه هااد ستيل زوين وكيفاش ريحت عيطرو رجولية عاطية منو ومالية البيت كلو...
الماس: عضات شفيفتها بخجل وقالت بصوت خافت وحنين... ص صباح الخير
نوح: ماطلعش راسو فيها حادو قال ليها... لبسي عليك غا نخرجو...
الماس: بقا فيها الحال حيت مارجعش عليها صبااح الخير بقاات كاتغزز شفيفتها بحزن حتى قفزها صوتو
نوح: طلع عااينيه فيها مخنزر... تحررركي
الماس: مااعودتهاش معااه بزربة دخلات للدوش دير روتينها الصباحي وهيا كاتقول لفين غاا نمشيو ماعرفاتش علاش ولكن تفكيرها كلووو مشاا لطلاق عقلها محدود ويحساب ليها هضرة زوج يطلقها مسكينة هه
توضات وزادت خرجات من الدوش دارت شالها اما شعرها جمعاتو ف الدوش غير لبسات الفولار طلقات زربية صغيرة ديالها ديال صلى ف الغوز و الابيض كانت جابتها ليها امينة شحال هادي علاش كانت جات عندهم طلقتها وصلات صبااح تحت انظار نوح لي كايشوف فيها بنص عين ... غير شوية حتى كانت سلات صلتها وسلمات ونااضت توجهات للدريسنك تبدل حويجتها بقات كاتشوف ف دريسنك عندها الكسيوات غير هما حس سروال تجين ما كينينش وهيا هكاك حتى قشعات بحال التوني الكيطمة الفوقي طويل حتى لفوق ركبة غا شوية وسروالو واسع ومن التحت مجموع ف الون ديالها بحال غوز بيبي او بنفسااجي ماافتوووووح مرة عجبتها هاديك اللبسة بدلات عليها فدريسنك ولبستها جاتها زوينة خدات شال غوز ولبساتو حتى هو وفرجليها لبسات سبرديلة بيضاء غير لبسات زادت خارجة شاافت فيه لقااتو على طابيعتي باقي كايشوف فتليفون توجهات للكفايوز و جلسات على كريسي ديالو وشافت راسها ف المراية شاافت فنوح بنص عين من المراية لي رجع كايشوف فيها ومطلع حاجبو حنات عااينيها منو بسرعة وشاافت فداك المكياج لي قدمها عضات شفيفتها وحطات يديها على الكحل هزاتو وهيا ماكتشوفش فنوح لي كاتحس بنظراتو خدات الكحل فتحات عااينيها مزين ودوزات خط الكحل رقيق فعاينيها سالات من الاولة ودازت الثانية حتى هيا هكاك غير كحلات شافت ف عينيها كيف جاها الكحل جاات زوينة حنات عااينيها للمكيااج لي عندها وهزات عكر غير مرطب شفااه وصاافي دارت شوية فيديها ودوزاتو على شفيفتها هزات عطرها عطر أنوثي وخفيف رشات منو زوج رشيشات ونااضت واقفة شااافت فنوح لي مرجع راسو اللور ومفرتشح رجليه وكايشوف فيها توترات من نظراتو وبقاات غا كترمش بعاينيها وزادت غاادية جهتو وهيا حانية عااينيها مشات حتى لعاندو و وقفات قدام عااينيه
نوح: طلعها وهبطها بعاينيها اول مرة يشوفها لابسة بحال هاد ستيل من الحوايج لي جاها زوين شاف فشفيفتها... لي كايبانو فازيكن ب داكشي لي دارتو في فمها حك جنب فمو بصبعو الكبير وهو متبع شفيفتها نااض وااقف وقرب عندها ... هزي عينيك
الماس: قلبهاا كايضرب هزات عوينتها وشافت فيه
نوح: جاااك الوحم علياا نسلخ شي زااام* على صبااح
الماس : بقات كاترمش فعااينيها... ااا
نوح: حااشة نردهاا ليك فوجهك
الماس: اا الا نمشي نبدل
نوح: شير ليها بعاينيه للباب...تحركي
ماعودتهاش معااه هزات تليفونها من على طابلة وزادت خارجة وهو غاادي من وراها غير خرجو تلقاو امينة جااية جهت بيتهم وكاتحك عااينيها من نعس غير شافتهم وقفاات
امينة : كاتشوفهم لابسين عليهم... نوح فين غادين اولدي على صباح
نوح: قرب عندها وباس ليها راسها وحتى الماس هكاك... خارجين
امينة: غا تفطرو برا
نوح: سي Si
امينة : واخا ابني بصحة
نوح: شاف فساعتو ... وصي الحاجة والسي حمد مايشدوش الطريق حتى نجي ماغنتعطلوش
امينة: واخا ولدي الله يدومها عليكم
الماس: فرحات حيت غا يخرجها تفطر براا شافت ف امينة وضحكات... ههه امين اخالتو امينة
امينة : قربات ليها وشدتها من حنيكتها... يخاليلي بنتي انااا
الماس : ههههه الله يخاليك ليلي
امينة : بعدات من الماس وهيا فرحنة حيت نوح مااهزش فخطرو عليها وكبر عاقلو عليها وهاادشي لي زوين فيه ماايديرش عقلو ف الواحد وخصوصا ف المرأة فما بالك الى كانت مراتو ... يالله ماانعطلكمش
نوح : باسها من راسها وشد الماس من يديها وزادو هابطين فدروج ومثقل خطاويه على حسابها هيا...

خرجو من الفيلة ركبها ف الوطو ودار ليها السمطة وضار هو ركب فبلاصتو وخدم الكونطاك وزاااد قالب الضورة خاارج من الفيلة طااير ماهضر معها مااحشااه ليها مخاليها غااكتشوف بعوينتها مرة ف طريق مرة ف فيه هو لي كاايصوك بواحد اليد و واحد اليد دايرها ف سرجم ديال الوطو وعااقد حجباانو كيف العاادة...
مساافة ديال طريق حتى كاان واقف حدا مقهى كاين ف ربااط جاا بحالة ف الغابة وكلو مصنوع من الخشب مقهى على قد الحال ولكن ف نفس الوقت كايبان رااقي وفقط لأصحاب الدوق رافيع الدنيا كلها خضورة وأشجار الارز مالية المكان غير وقف نزل من الوطو و ضاار جهتها وشااف فيها هيا لي مخرجة عااينيها ف القهوة فين جاات وشكلها كيف دااير عجبتها بزااف فكرتها ف الكووخ لي كاين ف باب برد لي كانت فيه هيا ونووح تقريبا نفس شكل غير هاادا الورد فكل بلاصة مغروص وبحيرة صغيرة كاينة قدامو وحتى كاتسمع صوت البط من البحيرة و العصافير على صبااح ومع شميسة لي مزالة نشالله شرقات الجو زوين وكايفتح النفس على صبااح وهيا هكاك حتى فتح عليها الباب وحيد ليها سمطة وهيا مزالة مبهورة ف المكان شدها من يديها حتى نزلات وزاد زير ليها على يديها مزين وزادو متجهين جهت القهوة لي جات على شكل كوخ كبير شوية و واش فيها غير الاكل طابيعية وبلدية بهادشي لي كايتميز هااد المقهى...
الماس: شدها من يديها وخداها لواحد المقعد طابلة مصنوعة من الخشب جلسها على الكرسي مادخلوش داخل ديال المقهى بقااو غير برا هو قبل مايجلس جاا عاندو سرباي(ماكاريرو+النادل )
النادل : اش حب الخاطر اسيدي
نوح: شاف فيه... فطور بلدي
النادل : اش بغيتو فيه
نوح: من كولشي ولكن صوب ليا قهوة كحلة ب الابزار
النادل: واخا سيدي
مشا بحالو النادل وهو جلس قبالتها وشااف فيها كيفاش عوينتها زرقين لي مزينهم الكحل كيفاش كايضورو ف أرجاء المكان بإعجاب وهيا هكاك حتى شاافت البط لي كايمشي فهاديك البحيرة وطلعات عااينيها وشاافت فنوح بفرحة... هههه اوااعدي انووح شوف دجاج ف الماء كايعووم ههه
نوح: طلع حااجبو فيها وشااف ف البحيرة لي حداهم... هادك البط ماشي دجاج
الماس: رجعات شافت فيه وهيا بحالة حشمانة من الكلاخ ديالها كاتسمع ب البط ولكن عمرها شافتو ... اااه و واش ماشي دجاج
نوح: لا
الماس: ولكن كاايشبه لدجاج
نوح: كايشوف فيها عكسها هيا لي حاضية البط لي ف الماء بعاينيها... غاشوية كاين فرق بينتهم
الماس: شني هاد الفرق
نوح: البط برمائي والدجاج كايكون غا ف البر
الماس: شافت فيه..كيفاش برمائي ؟
نوح: حط يديه على طابلة وشبكهم وشااف فيها نيشان بااغي يوصل ليها الفكرة بدون اي جرح او تحس بإستهزاء فكلامو... البر هو كيف عاايشين حناا دابا مانقدروش نعيشو ف الماء غا نتخنقو بلى هواء (شير ليها ل البطة بيديه) وهااديك البطة برمائية خلقها الله هكاك كاتبغي تعيش ف الماء والبر وسبحان الله ما كتغطسش ف الماء ولكن قادرة تسبح فوقو
الماس: عضات شفيفتها وهيا كاتسمعو كيفاش كايشرح ليها بدم باارد وبلى مايحسسها ب الكلاخ ديالها... و الحوت
نوح: هاداك ماائي
الماس: هزات راسها الفوق كاتفكر... و وتمسح
نوح: طلع فيها حاجبو ورجع راسو اللور على الكرسي... برمائي
الماس: مزالة كاتفكر... اممم وافكير(الفكرون)
نوح: بإستغراب...شنو هادا
الماس: كاتقولو ليه نتوما الفكرون
نوح: هاداك كاينين فيه زوج انواع واحد ف البر و واحد برمائي
الماس : و الفعة
نوح: الافعى برمائية تقدر تسبح فوق الماء حيت هيا زااحفة
الماس: شنو هيا زاحفة
نوح: حط يديه على فمو كايحك دقنو وكايشوف فيها... أي حاجة ماعندهاش رجلين و اليدين كاتكون زاحفة
الماس: شاافت فيه بإستغراب... ودجاجة عندها غير زوج رجلين كيفاش كادير تتمشى غير بيهم
نوح: مسح على وجهو وهوا كايصبر راسو معها ويجوبها على أسئلتها تافهين ... حيت جسدها صغير...
الماس: اه اجي واش بصح كاين الجرو د البحر
نوح: مزال كايشوف فيها... بصح
الماس: وكيفاش عاامل واش هو مائي ولا برمائي
نوح: عض شفاايفو .. بر مائي
الماس: عاندو يديه ورجليه
نوح: حك دقنو... الا
الماس: اوااعدي وعلايش كايمشي
نوح: زاااحف
الماس : اه وكايقدر يعوم ف البحر
نوح: اه
الماس: واش غير فوق الماء
نوح: لا كايغطس
الماس: وشني كاياكول
نوح: الحوت
الماس: واش كايجري من ورااهم ف البحر
نوح: غزز شفايفو وشااف ف النادل لي جاايب ليهم الفطور بقاا نوح حااضيه بعااينيه لا يشوف فيها هههه حط ليهم الفطور كلو بلدي فوق طابلة الزبدة بلدية زيت بلدي وزيتون بلدي اسواد بتشرميلة فيه توابل تومة والحر حط ليهم العسل الحرة لي بلدية لدارجة مزالة بشهد ديالها كاتفتح النفس وحط ليهم البيض مع الفرماج وبتيبان وشي تويشيات اخرين والحليب ل لالة الماس
نوح: شاف ف الماس لي كاتشوف فداك العسل بشهية... باغة شيحاجة
الماس: شاافت فيه... بغيت اتااي
نوح: والحليب
الماس: شاافت فيه وهيا حشمانة...لا مابغيتوش بغيت اتاي بنعناع
نوح: شاف ف ندال جيب اتاي بنعنع والجبن
الماس: شافت فيه وخسرات صيفتها... الجبن بلاش
نوح: ياك كايعجبك
الماس : مابقيتش بغيتو
نوح: شير بيديه للنادل يمشي... واخا يالله فطري
الماس: شاافت فيه... و وماقولتيليشي واش الجرو د البحر كايجري من ورا الحوت ف البحر
نوح: مسح على وجهو مغدد... كووولي
الماس: ولك
نوح: خرج عااينيه فيها... غااااتكلي لا
الماس: خلعها ما عودتهاش معااه حناات عااينيها على الفطور كاتشوف فيه بشهية ومبقاتش شافت فيه ... الماس كانو أسئلتها عافويا وهاادشي لي عاارف نووح عاارفها ماعرفاش بزااف ديال الحوايج والاسئلة لي كانت كاتسولو عليهم قبايلة كانو عافويا اكيد واخا قرات ف المسجد مااقروهمش الحيونات الزاحفة والبرمئية والمائية والبرية والبيوضة والولودة وبزااف ديال الحاجة المسجد فيه القران فقط حدك تقراي القران الكريم وتخرجي بحالك اما بااش تقرااي على بحال هاادشي وعلى علوم الحياة و الارض بضبظ خااصك تكوني ف المدرسة وماشي ف المسجد ماايكدبش بقاات فيه وخصوصا حس بحشمتها ملي كانت كاتسولو وكيفاش بااغة تعرف كثر بخصوص هااد الامور ... وهو هكاك متبعها بعااينيه حتى شافها كاتخشي يديها فهاديك الطبسيل ديال العسل وكاتجر العسل بصبعها وتلحسو شاافها كيفاش كادير وعقد حجبانو ضاار كايشوف من ورااه واش كاين شيحد الدنيا خااوية حيت بااقي بكري وماجاش شيحد غير هوما لي هنا و واحد راجل كبير بعيد عليهم كايفطر رجع شااف فيها كيفاش كادير وبقاا متبعها بعااينيه وهوا كايشوف شفيفتها كيفاش كايتلسقو ب العسل وكيفاش كايبانو كايبريو ب العسل بلى ماايحس خرج لسانو ودوزو على شفايفو مفزكهم بريقو وهو مزال حااضيها بعااينيها وهو هكاك حتى قشع النادل جااي وجايب اتااي بسرعة مد يديه للطبسيل وخطفو ليها هاازو
الماس: طلعات عااينيها فيه مقوصة حجبنها... ع علاش عجبني
نوح: حاطو حدااه وحك دقنو بصبعو... غاايضرك ف كرشك حتى تفطري
الماس: يالله بغات تهضر وهو يحط ليها النادل اتاي ومشا بحالو نوح حط حداها اتااي وقطع ليها الخبز وحط ليها قدمها هز داك طبسيل ديال العسل وحاطو قدمها...
نوح: كولي
الماس: شافت ف طبسيل لي حاطو قدمها... ياك قولتيلي غايحرقني فكرشي
نوح: كوليه غا ب الخبز وما غايضركش فكرشك...
الماس: هزات كتفها وباشرات ف الاكل كاتاكول غا العسل والخبز واتااي غير هاادشي لي تشهات خطرها وبغاات تااكول
اما نوح كايشرب قهوتو ومع البارح ف الليل الماس حرمات عليه العشاء دخل فهاديك الطبلة طول وعرض كلى من البيض والفرماج وخصوصا كايغمس ف الزيت البلدية والزيتون كايحماق على شيحاجة بلدية....

نوح: مااهز راسو من طابلة حتى شبااع هز كنينكس ومسح يديه شااف فيها لقهاا سلات داك طبسيل ومزال كاتكي بصبعها على داك الشهد يخرج شااف ف النادل وعيط ليه بيديه شوية وجاا عااندو
نوح: شير ليه لطبسيل... زيد شوية
النادل:؛ هز راسو بواخا ومشاا
الماس : لي مزالة كاتغمس صبعها فداك الشهد ديال العسل كاتخرج العسل حتى لواحد اللحضة مااحسات غير بحالة الضوء ضربها لصباع يديها طلقتها بغوتة لربي لخلقها حتى قفز نوح ونااض وااقف ومشى جهتها كاايشوف مالها وهو قالبو كاايضرب وكااع لي تماا شاافو جهتهم وحتى النادل ومول المقى خرج عااندهم ...
نوح: كايدوز يديه على ضهارها ش شنو مالكي
الماس : صبع يديها العافية ناايضة فيه كاتحس بحال شي لبرة كاتخشى ليها فصبعها دموعها بزربة طااحو على خدها ومع هيا لحمها عزيز عليها صاافي قلبات الدنيا ب البكى وقلبات حتى نوح ب الخلعة لي كايسولها مالك وما كتبغيش تهضر الشهقة غالبة عليها... هئ ااااي هئاااائهئ هممهئ هنننيدي هئ
نوح: ضر قبلتها وتحنى على راكبيه وشد وجهها بين يديه مقاابل وجهها مع وجهو وهو على وجهو علامة الخوف مااعرف مالها الفكرة لي جاات البالو هيا تكون كرشها كاضرها ولا وقعات شيحاجة للبيبي... هششش ق قولي مالكي دوووي شنوو عندك وااش كرشك دووي
الماس: فتحات عااينيها فيه حمرين وشفرها فاازكين ب الدمووع و وجهها دغياا ولا حمرررر شاافت فيه وهزات يديها وحطات ليه صباااع يديها قداام عااينيها وهيا كاتشهق ب البكى والشهيق.... ش هئ هئشووف هئ
نوح: هبط عااينيها لصبعها السبابة لي كانت كاتلحس بيها العسل منفووخة وحمررة كلها كاتباان قداش بنفخ خرج عااينيه فصبعها ... ااا ااش هادا
الماس: هنننهئ تق هئ تقصحت هئ هئ
نوح: مسح على وجهو وهو مزال كاايشوف فصبعها شدو بين يديه كاايفحصو بعااينيه مااعرف اش عضها ولا كيفاش طراا ليها.... شنوو عضك
الماس: صاافي يديه كااتقتلها بالحريق تحنات عااندو وخشات وجهها فعنقو كاتبكي وتشهق... هئهممننهئ هئ ا العسل عضني هئ هئ
نوح: عقد حجبانو وهو كاايشوف فيديها لي بين يديه وكايحس بأنفسها لي كايشوطو ليه عنقوو ودموعها لي فزكو ليه عنقو واحد اليد شد بيها يديها و واحدة كايمسح ليها بيها على ضهارها ملي قالت العسل لي عضها عقد حجبانو بإستغرب وشااف ف هاديك العسل لي بااقي غا الشهد ديالها واحد راجل كان كبير تماا وبظبط هادك لي كان كايفطر تماا ملي جااو لقااوه تماا غير سمعها قالت العسل قرب لداك طبسيل وهز مووس كايخشيه فداك الشهد حتى طلعاات ليه نحلة مزالة حااية مخشية داخل ديال الشهد شاافها وهز طبسيل و حطو قدام عيون نوح لي شااف النحلة ...
نوح: شااف نحلة وسد عااينيه بسخط نااض وااقف و وقفها معااه وهيا مزالة مخشية فيه كاتبكي قرب ليها لودنيها وقال بفحيح... هششش اللي بغا العسل يصبر لقريص النحل مااتبكيش شوية وتبراا
الماس: ضوراات واحد اليد على ضهرو وزادت تنخششات فيه... هئ ق قاصحتني هئ بزاف هئ
نوح: هز هاديك اليد وطلعها لشفايفو كايبوس ليها صبعها بوسات متتالية وخفاف على صبع يديها
الماس: هئ اححح فمك سخون هئ
نوح: خرج عااينيه من هاديك احح وفمك سخون وشااف ف النااس لي كايشوفو فيهم وغير الرجال عقد حجبانو مخنزر وجرها شوية غاادي بيها جهت هاديك البحيرة باعدين على دوك الناس لي كانو كايشوفو فيهم اما نوح غير خنزر فيهم كل واحد قلب وجهو ومشى لشغلو ....

نوح : بعدها من عليه محيد ليها وجهها من عنقو شااف ليها فعوينتها كيفاش مبكين وهو عااقد حجبانو... كيفاش فمي سخون
الماس: هئ ف فمك هئ فمك سخون كا كايزيدني الحريق هئ
نوح: عض شفاايفو عرف قصدات الحاجة لي سخونة كاتزيد تهابج الحريق فصبعها رجع من وراها وهو شدها من خصرها... تحنااي وغسلي يديك ف الماء
الماس: شافت ف البحيرة لي حداهم ومضور جنبها الحجر قوصات عليها وجلسات على ركابيها وهيا كاتحس بيه حتى هو تحنى معها وملسوق من ورا ضهارها خشات يديها ف البحيرة لي كان ماها بااارد غير حساات بشوية ديال الراحة ومابقاش الحريق كيف كان رجعاات راسها الور حطااه على الكتف ديال نوح وهيا مغمضة عااينيها وهو كاايشوف فوجهها لي رجع قبالت عاينيه منين ردات راسها اللور بقاا حااضي تعابير وجهها لي مابقاوش حجبنها معقودين كيف كانو وكأنه حسات برااحة كبيرة وهيا حاطة يديها ف الماء بارد بقااا شحال حااضي وجهها بعااينيه وكايشوفها كيفاش كاتجمع شفيفتها على شكل بوسة ومرة مرة تعاضهم برااحة بقا متبعها بعااينيه حتى شافها فتحات عااينيها وكاتشوف ف سماء لي زرقة بالكاد كاتبان مع شجار لي طوال
الماس: بصوت رقيق وحنين ومزالة الشهقة كاتطلع ليها... ربي هئ ربي عااقبني ح حيت رفعت صوتي ع عليك البارح هئ
المرأة خ خاصها د ديما تطيع الزوج ديالها و وانا البارح ما ت تعاملتش مزين س سماحلي
نوح: غا سااكت وهو كايسمع ليها اش كاتقول
الماس: و واش بااقي هز فخاطرك عليا هئ
نوح: ضور يديه بزوج على خاصرها مااشي غاا واحدة وزااد لسق ضهارها مع كرشو وحط شفايفو فودنيها فوق زيفها وقال بصوت خاافت ورجولي... اللي يقول كلام العاار ابنت الناس عمرو ما يحلى ليا واللهم ضربة بدمها ولا كلمة بسمها قلب الحليب هيا قلب نووح ونهاار لي قلب الحليب تقول كلام العاار وتخرج السم من فمها وتضربني بضربة بدمهاا عمرهاا تحلى ليا واخاا يغمسوهاا ليا ف العسل ونتي لحد الان مزالة ماادرتي والو من هاادشي نهاار لي ديريه غااا بلى ما تستنااي نووح لي كاتعرفيه مااغنقولش ليك ماعنديش زوج وجوه اناا رااه هو هاادك الوجه لي بغيتيه تلقاايه عندي الباارح داااز واليوم غاايدوز ف خاالينا مزينين ونعيشو كل نهاار بنهاارو وكون كنت كانهز فخااطري ماتشوفيش كماارتي ولكن يتعااود البلان ديال البارح نحلف ليك بااش يحلفووو رجاال عمرررك تعاااودي تحطي رجليك ف المغرب اما القاضية ديال نسمح فيك ونمشي هاادي ما كينااش ولكن نقدر نغبرك على كولشي فاا خالينا زوينين

الماس : بلعاات ريقها من كلامو لي فهمااتو مزين غمضات عااينيها وخرجات يديها من الماء وحيدات راسها من على كتاافو وبعدات عليه شوية وشاافت فيديها لي مابقاتش كاضرها غير منفووخة وحمرررة شاافت فيها وقربتها لشفيفتها وباستها لي نوح كان وقف واقف وشاافها اش دارت بقاا غاا كايشوف فهااد البنت كيفاش كاتفكر بقاا متبعها بعااينيه حتى وقفاات وشاافت فيه شد ليها فيديها وهزها كاايشوف فيها...
نوح : شوية
الماس: هزات راسها ب أه...
نوح : باقة باغية تاكلي شيحاجة
الماس: هزات راسها بلا... شبعت
نوح: قرب يديها لشفايفو وباسها ليها وهو كايشوف فعوينتها شد يديها بين قبضات يديه وزااد لطابلة خرج الخلاص من جيبو وخلص وزااد غاادي مع طريق وهيا فجنبو خداها الوطو وركبها دار ليها سمطة كيف ديما وسد عليها الباب وضاار هو وركب دار سمطة خدم الكونطاك وزاااد محرك السيارة مع طريق ... شااف فيها بنص عين كايشوفها كيفاش كاتشوف فصبعها لي منفوخ و حرك عااينيه لكريشتها لي منفوخة عض شفايفو ورجع شااف فطريق ومد يديه حطها على كريشتها حتى قفزات مع كاانت سااهية... البنداري صغير كيف رااه
الماس: كاتحس بيه كايدوز يديه بشوية على كريشتها وغير سمعاتو اش قال ضحكات بغنج...ههه مزين
نوح: حيد يديه من كريشتها ورجع كايصوك ... مساافة ديال طريق حتى كان واقف حدا واحد المحل كبير فيه زوج بيبان واحد المحل بابو عاامر ب الورد بجاميع انواع واشكال الورود ومحل ثااني فيه لافتة مكتوب عليه محل الشوكولا نزل من الوطو وضار جهتها فتح ليها الباب وحيد ليها السمطة وشد ليها فيديها مخرجها غير خرجو زاد مدخلها لداك المحل ديل شكلاط غير دخلو شاافتو واحد البنت وبتاسمت
البنت: اهلا سي نوح
نوح: دخل نيشان ف للموضوع... سخرة ديالي
البنت: هيا الولة شاافت فواحد البنت معها تماا كايشوفو فنوح ويشوفو ف الماس لي عااقدة حجبنها فيهم لي بكثرة الغيرة حطات راسها على درااع نوح وهيا مخنزرة ف هادوك البنت...
نوح: شااف فيها بنص عين وهز يديه حك على دقنو برجوليه وهو كايشوفها كيفاش شدة ليه على دراعو بزوج يدين وحطة راسها عليه عرفها جاتها الحالة تااني...
وهوما هكاك حتى جات هاديك البنت جابت الكمونض ديال نوح مدتها ليه وهو يالله بغاا يشدها من عليها حتى مااحس غير ب الماس سبقاتو وشداتو من عليها هيا وشاافت فنوح
الماس: قربات عااندو شوية وقالت بشوية...عطيني الفلوس نخلصها
نوح: شااف فيها وطلع حاجبو فيها وهيا وجهها ولا حمر بالحشمة ولكن غيرتها ماخلتهاش تقشع اش كاتقول ولا اش كادير بالها كلو مع دوك البنات لي غااياكلوه بعاينيهم هو خشى يديه فجيبو وجبد زوج زرقلاف حطهم ليها فيديها و الماس شدتها من عليه ومدتها لهاديك البنت وزادت هيا شدات ليه فيديه وجراتو وزادت خاارجة غير خرجو من المحل بغات تطلق ليه من يديه وهو زاد قرم ليها على يديها وزاد جارها للمحل ديال الورد لي غير دخلات ليه الماس بغاات تخرج عااينيها فيه كااين انوواع واشكال ديال الورد كولشي كايفتح النفس
نوح: شااف ف مولات المحل كانت مرأة كبيرة... الكمونض
المراة : هزات واحد البوكي ديال الورد ومداتو ل الماس ماعطاتوش لنوح
الماس :خرجات عااينيها فيه بفرحة ...ههههه ش شني هاااد هههههه

نوح: شااف ف المرة وخرج الفلوس من جيبو وخلصها شد هاديك الكمونض لي الماس ملي شاافت الورد طلقات ليها هزها وجر الماس وزادو غادين جهت الوطو وهيا غاا تاكول دااك الورد بعااينيها فرحانة بيه بزااف عجبها كولشي ركبها ف الوطو ودار ليها السمطة ضار جهتو وركب حط ليها الكمونض على رجليها وزاد محرك طااير بالوطو وهو كايشوف فيها بنص عين اش كادير كااتشوف فدوك الورد بفرحة وكاتحنا ليه كاتشم فيه بنيفها كان الورد كلو في عدة الوان ف الغوز و الاحمر و الابيض واغلابية ورد الاقحوان لي معمر البوكي وسبحان الله هااد البوكي ديال الورد تشوف فيه وتشوف ف الماس كاتحس بيه كاايشبه ليها ههه وهيا هكاك كاتشوف ف الورد حتى قشعات واحد الورقة ف الغوز مخشية ف البوكي هزتها وفتحتها وقرات اش مكتوب فيها كان كاتب ليها...مانبغي الزين مانبغي زرقة العينين نبغي مولات القلب الحنين والتربية الزينة وكلهم هيا قلب الحليب ... غير قرتها عضات شفيفتها وشافت فيه لي هو كان بالو مع طريق وفنفس الوقت كايشوف فتليفونو بقاات ساكتة وماقالت والو فهمات من كلامو اش بغاا يماعني ليها و يوصل ليها زعمة رااني ماكنبغيش زيننك بااغي قلبك وروحك اما زينك بخري بيه...
نوح: مساافة ديال طريق حتى كان دخل للفيلة شااف فسااعتو لقها 12/20 دقيقة وقف اللوطو ونزل ضار عندها وفتح ليها الباب نزلات وهيا هزة البوكي ديال الورد فيديها وهو هز الكمونض فيديه لي مزالة ما شافتهاش حيت مسكينة الورد خرج ليها العقل... شاف فيها كيفاش فرحانة ب الورد وهو يطلق ليها من يديها ورجع للوطو فتح المجر لي عاندو ف اللوطو وخرج كاميرتو لي مستحيل ماتكونش عااندو ف اللوطو ديالو هزها وجاا جهتها وشااف فيها
نوح: شافها كيفاش كااتشوف ف الورد وفرحنة بيه وهو يهز كاميرتو وخداا ليها صورة حتى طلعاات الماس عااينيها فيه ملي سمعات صوت الفلاش غير شاافتو كاايصورها ضحكاات واحد الضحكة لي خلات امين وبلال وعمران لي كانو فجردة يشوفو جهتهم ويخرجو عااينيهم
الماس: هههههه
نوح: مستحيل يحيد العقدة من جبهتو مزال عاقد حجبانو... رصاااي
الماس: هزات داك البوكي وقرباتو عند صدرها ودارت إبتسامة كبيرة وشاافت ف الكاميرا
نوح: خدا ليها عدات صور لي الماس كلهم الابتسامة مافرقاتش وجهها غير صورها رجع الكميرة للوطو وزاد شد ليها فيديها وزاادو داخلين للفيلة والماس فرحتها ماعطيها الحد....

غير دخلو لداخل وهو يقرب نوح لودنيها... طلعي بدلي عليك
الماس: ماعودتهاش معااه طلعاات طايرة لبيتها وهيا هزة الورد فيديها و الكمونض لي جاب عطها ليها وهيا طالعة فدرو مانتبهتش لجدتها والسي حمد والحاج عبد سلام وا منية واسية وغفران ومهدي وحتى الحلاقم لي دخلو من الجردة كولشي جالس فصالة مع الحاجة لي جامعة فاليزتها باش تتيسر مع راجلها ..
الماس: غير طلعات الفوق لبيتها حطات داكشي لي جاب ليها نوح فوق سرير ودخلات ديريكت لدريسنك تبدل عليها الحوايج لي لابسة غير دخلات شاافت فحويجتها هزات كسوة طويلة حتى التحت وعندها العنق طالع وسخونة شوية فلون الازرق مغلووق تقريبا فلون عاينيها وجبدات معااه شال ف الابيض لبسات عليها بزربة ودارت شالها ولبسات بنطوفتها وزادة خارجة من الدريسنك غير خرجات شاافت ف الكمونض لي مزالة ما شافتهاش مشات جهتها وهزتها لقات داخل داك الصاك لي مكتوب فيه إسم المحل خرجات منو واحد العلبة حمراء ديال البلاستيك على شكل وردة جبدتها وفتحات هاديك البواطة كان فيها شكلاط على شكل ورد ف الاحمر و الابيض والشي لاخور كلو عكر مصنوع من شكلاط بقات كاتشوف فيهم بفرحة كااع هاداك لي جابو ليها داك نهاار كلاتو ودابا جاابو ليها تااني ماشداتش فداك شكلاط لي على شكل ديال الورد هزات هداك لي على شكل ديال العكر ومشات هزات تليفونها وهيا عوالة تسكت قلب اميمة ههه
دارت فيديو ليها وهزات واحد العكر لي على شكل شكلاط ودارت راسها كاتعكر بيه حتى لواحد اللحظة كلاتو كلو ههه غير سلات الفيديو دخلات للوتساب وصيفطاتو ل اميمة ونااضت متوجهة لتحت وهيا قالبها كايضرب كلما كاتفكر جدتها غاادي تمشي وتخاليها وحدهاا هبطات التحت وهيا تشوفهم مجموعين فصالة شاافت فيهم قبايلة كااع ماشافتهم وحتى نوح جالس معااهم على الفوطوي غير شافها هبطة بقا متبعها بعااينيه كيفاش كاتشوف ف الفاليزة ديال جدتها
الماس: مشاات ديريكت عند جدتها وجلسات حداها وحطات راسها على كتافها ومضورة يديها على كرشها... عزيزا
الحاجة : حتى هيا عنقتها... الحشيشة دقلبي
الماس: صوتها تنغنغ ب البكاء... هنننهئ بقاا معناا غير شوية ومشي غير شي سيمانة يرحم يما لي هيا بنتك
الحاجة: قربات عندها وباستها فوق راسها.... الحبيبة ديالي انا باش نمشي دابا وملي نتوحشك انجي عندك ابنتي
الماس: شاافت ف نوح لي كايشوف فيها... غااتديني عند عزيزا يااك
نوح: مسح على للحيتو... فين مابغات خاطرك
الماس : قلبها رتاح من كلامو مسحات دموعها وشاافت فجدتها... ا الله يكمل عليكم ب بالخير هئ
الحاجة: هههه امين ابنتي
الماس: نااضت ومشات عند الحاج عبد سلام تحت انظار نوح قربات عااندو وباست ليه يديه ... الله يكمل عليكم ب الخير ااعمي
الحاجة : شاافت ف الماس... ابنتي دابا هاداك راجل دعزيزاك قول ليه حنيني ماشي عاامي(حنيني =جدي )
الماس: شاافت فيه.... احنيني ههه
الحاج عبد سلام: الله يرضي عليك ابنثي
عمران: جااه ضحك على هاديك بنثي مااحس براسو غا فلتات ليه الضحكة قدامهم
نوح: شاف فيه... مالنا
عمران: هاا و والو
نوح: دير عقلك(شاف فامينة) إمتا العرس ديال هادا
امينة : حتى يدوز شهر ابني
نوح : شحال باقي لرمضان
سي حمد: غاا شي شهر مااشي كاامل
نوح: شاف ف عمران... رد على نساابك منهنا 10ايام نديرو العرس وكولشي على حساابي
عمران: خرج عااينيه بفرحة... و و واش بصح
نوح: شاف ف ميمتو... اش قولتي
امينة: ومانزيدش كلام فوق كلامك
نوح : مسح على وجهو... انا عندي شي شغل ف كثامة وغاادي نطلع نطلعو مجموعين ونديرو العرس تم
امينة: حتى هاادي مزينة ولكن ابني مانديروهاش فدار ديال الناس
نوح: لا غانكري شي داار
امينة: ههه واخا ابني
الماس: ماقدها فرحة شافت فجدتها ... هههه من هنا 10ايام غاا نلحق عليك هههه
الحاجة : هههه إن شاء الله
عمران : ناض وخرج يعلم اميمة بأخير الاحداث...لي غير عااود ليها بغاات طير ب الفرحة ...
وغير هضر معها رجع عندهم وجلس جنب الحلاقم...
امين: قرب لودن بلال وقال ليه بشوية وداير بالو مع نوح... شتيه كي فرح باينة فيه كايكفت بزيت العود
بلال: ههه غا يتزوج هادا يقلب علينا شي شهاار
امين: بحالك نتا بلوكيتيني من الواتساب غاا حيت بديتي الصلاة الله يااخد فيك الحق القرعة د الشراب انا
بلال: غا على سطورياتك الزينة يالله كانكون موضي غا كندخل لصطورياتك كا يتفسد الوضوء فيلم برونو كاديرو ف سطوري الدحش
امين : فراسك تصاحبت مع بنت 2005 وصدقو بزازلها صغاار كيفااش دابا انا تخو رت يااك
بلال: غا تخوارتي وسكتي
امين: وهو هكاك حتى شااف عمران كاايشوف فيهم... اش بيتي
عمران: ديرو ليا شي بلاصة حداكم
امين: بطنز... حتى تقول ليا المراكشي ملي كايبغي يجلس حدا شي واحد اش كيكول ليه
عمران: شااف فنوح لي كايهضر مع السي حمد ورجع شاف فدراري وقال... لعرت الله لما دير شي زكيك حداك
بلال: بززز حبس الضحكة داار دراعو على فموو وهو كايضحك بشوية
امين: رجع جنب حتى جا عمران وجلس وسطهم على الفوطوي غير جلس حدااهم امين شااف فيه وقال ليه... دابا نتا شحال عطيتي ل اميمة فصداق
عمران: شاف فيه وقال بتكبر...5د المليون
امين : خرج عااينيه... حلف بالله
عمران: والله
بلال؛ شاف ف امين واش يحساب ليك غاا اجي وتزوج
امين : صغر عااينيه فيه...دابا اميمة تكون فعمرها هاديك 20 عاام ياك
عمران: ماعرفتش كااع ماسولتها
امين: قرب عندهم راسو ودارو بثلاثتهم راس عند راس وكايتحتتو بشوية... شوف غاانعطيكم عمالية حسابية ديال زوااج صالحة لي مداا الحياة
عمران: الى كانو بحال هاادوك لي فااتو مرحبا
امين: شيحاجة كثر واااعرة كاااع
بلال: طلقنا
امين: شاف ف عمران ... دابا نفتارضو اميمة عندها 20عاام وبقيتي تحو* فيها ح(يالله بغاا يكمل وهو يقاطعو عمران مخنزر)/
عمران: القلا*ي لا فوووت عليك مرااتي
امين : واخاا اسيدي غاا هنينا(شاف ف بلال) نفتاضرو اخاي بلال انتاا تزوجتي ب(بلال قاطعو )
بلال: مخنزر فيه... تجبد سميتها على فمك الخاانز نوض نسلخ ملتك
امين: شااف فيهم ... وماالنا دابا بااغين غاا نشرحو ليكم
عمران: جبد شي واحدة من عندك وخالينا بعااد على بلاناتك
امين: وااخا اسيدي نفترضو انا تزوجت بواحدة عندها 20عاام وبقيت نحو* فيها حتى وصلات لسن اليأس اللي هو 50عاام يااعني عاندي فيها 30عام ديال الحو*
نحيدو منهم 7 سنين هيا ديال فترة المساطر او ما يصطلح عليه ب لي ريكل لأنه عارفين الدراري كل شهر ما غتنكحش فيه اسبوع يعني 3اشهر في العام دابا هيا 23 عام اتبي والي كنت كانحويها مرة ف 5ايام يعني 6حوياات ف في الشهر اي ما يعادل 72 في العاام
( طلع راسو وشاف ف نوح لي مامسوقش ليهم ورجع شااف ف عمران وبلال وطلع حاجبو ) ياعني 72 حو*ة في 23 عام كتعطي 1656 حوية (شاف ف عمران) نفتارضو انا عطيتها 5 مليون فصدقها 5د المليون قسموها على 1656 شحال كاتعطي
عمران: شااف ف بلال وشاف ف امين... شحال
امين : يعني كل حوية كتقام عليا تقريبا 30درهم
بلال: خرج عااينيه فيه... ولد الكلبة كااطير ف الحساب
امين: غا ف الحساب ديال الحوااء
عمران : شااف ف امين حيت عارفو كان غا كيدق عليه بهااد الكلام... تخاايل معايا حياتك كلها ونتا كتقرا ف الجغرافيا وماعرفش فين جا سوق كرك اتبي
امين : وعاارف داك القلب لي حط فيه هاديك اميمة شحال كايسوا ف الاسواق السوداء
عمران: شحال
امين : 1.200.200دولار
عمران: خرج عااينيه فيه... واايلي داتو فابور بنت الحرام
بلال: شاف ف امين... اجي شنو هيا كوية الكوكوط
امين : شااف فيه وضحك بإنحرف وغير بشوية...هيا كاتطلع فوق منك وكتهبط ليك عليه وتبقا ضور عليه وتصفر زعما كاتغاوت اتبي هادي هيا الكوية ديال الكوكوط
عمران: شااف فيه... عندك خبرة اولد الكلبة
امين: حتى نتا وغا ثقافة عاامة
بلال: شاف ف امين وخصر صيفتو ورجع شاف فعمران... اش كاتستنى من واحد كايشم تقاشرو عااد يلبسهم
امين : بعد ليا من كاااغي اتبي
عمران: انا بغيت غاانعرف نتا اش غاا يستفد منك الشعب
امين : وراه حتى انا بغيت نولي قدوة ولكن بكثرة ما كانقودها وليت عبرة
عمران: شاف ليه ف راسو لي صلع...هادي ماكدبتيش فيها
امين: عرافتو واخا تزيد تمرمدني الحياة غانبقا ضااحك ويدك فيه
غير سلو طنزهم وهوما يشوفو الحاجة والسي حمد والحاج عبدسلام نااضو واقفين غاادي يمشيو بحالهم نااضو كلهم باش يودعهم
الماس: مخشية فجدتها كاتبوسها من راسها ويديها وكاتحاول ماتبكيش
الحاجة: بااست الماس و ودعتها وباست امينة واسية وغفران وقربات عند نوح وشاافت فيه ... الله يكثر خيرك ابني
نوح : تحنى عندها وباس ليها راسها وقال وهو عاقد حجبانو ... ماقصدتش نضربك داك نهار
الحاجة : عارفة لي كاين ابني مايحتاجشي تشرح لي
نوح: عاندو شن طن... ربي بغها ليك
الحاجة: دارت راسها ماسمعااتوش... مااعنديش الحق نوصيك على بنتي الماس اولد الناس حيت دايرها فعينيك ولي زاد اكد ليا البارح كون كان شيحد خور كون ضربها ولا هرس ليها فمها
نوح: شد الماس من يديها لي مخشية ف جدتها وجرها عااندو وضور يديه على كتافها... قلب الحليب ما خلقات للعصى وحتى انا رااجل مانمد يدي على ولية نعووم فبحر غاارق الحاجة ومانعومش في دموع ولية
الحاجة : إيه اولدي عندك الحق ولي نوصيك واخا نتاا ماتحتاج وصية فااهم وعالم كثر مني يمكن ولكن نفكرك ف الدنيا اولدي بلي بحر غاارق فيها المليح وفيها المشؤوم تعلم احبيبي واعرف كيف تعووم
نوح: عرفها قصدات ليه دااني... الزمان وراني والدنيا قراتني غا كوني هاانية
الماس: بعدات من نوح وبااست جداتها من حنكها ماباغاش تطلق ليها نهائيا وبزز مصبرة راسها على فراقها فهاديك 3 شهور لي كانت دوزتهم معها فكثاامة ملي هربتها شافتها كيفاش قصات وتعدبات عليها باش تجيب ليها طرف الخبز وكيفاش كانت حاميها من داك الكلب ديال باباها ملي رجع يقلب عليها كيفاش خطرات براسها بااش تحميها غير مجرد ماتفكرات هادشي ماحسات براسها غاا كتبكي فحضن جدتها لي حتى هيا ناضت تبكي وكاتقول ليها ماتبكيش نتيا شوية وتجي عندي للشمال ونتلاقاو تااني امينة ناضت تبكي واسية كولشي غايتوحش نكير الحاجة وضحكها الباسل ونكيرها مع نوح ههه
نوح: قرب ل الماس وحيدها من حضن جدتها وخشها فحضنو كاتبكي والحاجة زادت خارجة وخرجو كلهم من وراها وامين هز ليها فاليزتها غا يديرها ف اللوطو اما الماس فهاديك بقات فحضن نوح كاتشهق وتبكي مسكينة وهيا هكاك حتى ماحسات براسها غاا نوح هزها بين يديه وطالع بيها فدروج
الماس : طلعات عااينيها المبكين فيه...هئ ف فاين ماشي بيا(غادي بيا)
نوح: شااف فيها ... نوااسي مراتي
الماس: سمعااتو اش قال وعضات شفيفتها حشماانة منو وحطات راسها على صدرو وهيا شهقة كاتطلع وتهبط ليها ....
يقال في الحب : لا تكن دائماً مؤدباً فما أجمل الحب مع قليل من الإنحراف ❤️”

يتبع...

التنقل بين الأجزاء

صفحة القصة
سيتم تشغيل صندوق التعليقات بعد لحظات
معظم التعليقات تم إخفاءها بواسطة الفيسبوك، نحاول بكل الوسائل المتاحة إستعادتها في أقرب وقت ممكن.