نعم أنا اتغير ... فالعمر يتقدم و العقل ينضج و العقل يتسع و الحق يتضح فلماذا لا اتغير؟
"After One Year"
♔ كانت واقفة لابسة لباس ديال التنس ... شورط قصير فالبيض كايبين ساقيها المبرونزيين برونزاج طبيعي مع ديباردو فالبيض لابساه من الفوق و سبادريلا بيضة ... حاطة كاسكيط بيضة فوق شعرها لي جامعاه كوت شوفال و كاتشوف غير قدامها مركزة مع الخصم ديالها فاللعب ... سالات اللعب و تم جاي عندها واحد الشخص
***** : ربحتيني
ريماس : كنت كانظن والفتي
***** : ( بنظرات حب ) والفتها منك ماشي من غيرك
ريماس : أسوار هضرت معاك و غانعاودها هاد الأسلوب ديال الهضرة ديالك معايا غير بدلو ... هزات قرعة ديال الما و هبطات عليها
أسوار : قريب غا نمشيو للبرازيل
ريماس : علاش؟؟ انا عاجباني هاد البلاصة لي انا فيها و والفت الناس لي فيها
أسوار : أرسلان وقف البحث عليك فمرة و دابا مركز مع حياتو ماعندك مناش تخافي
ريماس : ( بحزم ) السكان ديال جزيرة توكيلاو عائلتي و مانقدرش نتخلا عليهم .. انا هنا فين لقيت راحتي
أسوار : فهميني حنا صبرنا عام هنا غير على ما تهدا الامور و ها الأمور هدات
ريماس : و انا مابغيتش نمشي من هنا
أسوار : و مستقبلك؟؟؟ نتي عارفة هاد البلاصة ماغايكون عندك فيها مستقبل السبب لي خلاني نجيبك لهنا حيت هادي اخر بلاصة غايفكر يقلب عليك فيها و خصوصا انها فيها غير المسيحيين و زيادة على هادشي دولة مامعروفاش بزاف
ريماس : هادشي كامل عارفاه و ما هامنيش .. حتى هنا يمكن لي ندير مستقبل عموما غانمشي ندوش دابا .. تحركات من حداه
أسوار : و الموضوع لي هضرت معاك فيه
ريماس : دابا نفكر
أسوار : ( بصوت عالي باش تسمعو ) غانرجع هاد العشية للقصر
ريماس : طريق السلامة
♚ فمجلس رجال العائلة .. جالس فنفس البلاصة لي كان كايجلس فيها جدو سابقا .. نظراتو الخبيثة كاتتفحص جميع الحاضرين .. فاللول كانو كايناقشو مرة مرة فاش كان اصلان باقي فالبلاصة ولكن دابا فالاجتماعات الحس ماكايتسمعش منهم و لي خرجات من فم ارسلان كايوافقوها بدون تردد و كيف لا و هو لي ولا شاد امبراطورية روتشيلد من مور داكشي لي وقع ... البلايص لي المفروض يكونو فيهم دراعو ليمن و ليسر خاويين و مافيهم حد حيت اصحابهم ماكاينينش .. ماشي مالك و أبراهام و انما اشخاص خرين حيت فهاد العام لي داز وقعو تغييرات كثيرة
أرسلان : ( بملامح خالية من التعابير ) مزال ما جا
سي إيتان : قال عندو شي شغل مهم
أرسلان : هممم
سي إيتان : قريب غايجي .. هز ارسلان مكعب روبيك و بقا كايلعب بيه فيديه و كايهضر بلا مايشوف فيهم
أرسلان : اليهودية خاصها تزيد تتوسع
الكل : الصمت
أرسلان : ماكانشوفش شي إفادة لي تخليها محدودة
الكل : الصمت
أرسلان : ( هز عينيه فيهم ) هضرو
سي إيتان : ديننا ماكايسمحش لينا ندخلو شكون ما كان و الرب أمرنا باش نبقاو مجموعة صغيرة باش يبقا راضي علينا
سي إيتان : و من مور الديانة المسيحية غاندوزو للإسلام؟
أرسلان : لا
سي إيتان : لا؟ ( شاف فيه أرسلان ) فهمت
إيلام : منين غانبداو؟
أرسلان : ألمانيا
سي إيتان : علاش المانيا بالضبط؟ نقدرو نبداو من دولة كبر غاتكون خطوة كبيرة لينا
أرسلان : ( ببرود ) مانسيتش تاريخ اليهودية فألمانيا
إيلام : ( بغضب ) كانو كايعاملو جدودنا و لي معتانقين ديننا بحال الحشرات
غابريال : ( بحقد ) مانسيتش اش دوزو على ديانتنا و كيفاش حتاقروها ماخلاو اتهمات بجرائم ماداروهاش جدودنا ... النفي بحالا كان فيهم العدوى .. المذابح و الابتزازات غانقضيو عليهم
سي إيتان : مابقيناش فنفس الزمن و دابا تطورنا .. هادي هي الفرصة
أرون : ولكن كيفاش؟؟
إيلام : نشريو اراضي تما؟؟؟ ... حط المكعب من يديه و هز عينيه فيهم
أرسلان : غانحتاجو لجوج حوايج
أرون : شنو هما؟
أرسلان : ( بإبتسامة خبيثة ) التحديث الصناعي و الرأسمالية
سي إيتان : ( بإبتسامة شر ) و هادو كاينين عندنا
غابريال : و شنو غاتكون النتيجة؟
أرسلان : ( بهدوء ) ازمة اقتصادية كبيرة لي غاتخليهم يلتاجئو لينا
سي إيتان : و بهاد الطريقة غادي تكون المانيا فيدينا
أرون : و من مور المانيا شكون؟
أرسلان : داكشي كايخصني
سي إيتان : غادي نسيفط لي يراقب لينا امورنا فألمانيا
أرسلان : مزيان .. سالينا .. بقا كل واحد فيهم كايشوف فالثاني ، عيط لهم باش يتجمعو على ود مخطط جديد عندو غايساهم فتوسيع الديانة اليهودية صدق عطاهم غير المخطط و حتافض بالشرح لراسو .. ستأذنو و خرجو من تما بقا فبلاصتو حتى جاو لعندو مالك و ابراهام
أبراهام : ميستر أرسلان عيطتي لينا
أرسلان : لقيتوها؟!
مالك : ميستر أرسلان قلبنا جميع الدول لي توقعنا بلي ممكن نلقاوها فيها شبر بشبر ولكن مالقينا والو
أرسلان : ( شاف فأبراهام ) درتي داكشي؟
أبراهام : مزال ا ميستر ارسلان حيت تشغلت بالبحث عليها
أرسلان : كاتأجل داكشي لي أمرتك بيه؟!
أبراهام : حاشا ا ميستر ارسلان ولكن راه سيفطت لي يديرو دورات فدوك الدول ب8 و بقات وحدة .. هي نفسها لي فيها عدد كبير من المسيحيين
أرسلان : كمل فالتقلاب عليها
أبراهام : ولكن ا ميستر ارسلان ياك قلتي لي نمشي ل.. ... قبل مايكملها جمع معاه بتصرفيقة بالضهر ديال يدو .. صدماتو
أرسلان : فاش نهضر ماتزيدش تناقشني
أبراهام : ( حادر عينيه ) حاضر ميستر أرسلان
أرسلان : خرجو .. ستأذنو منو و خرجو .. خشا يديه فصبعانو و دازو بين عينه اللحظات ديال داك النهار لي وقعو فيه صدمات متتالية فالقصر وحدة من مور وحدة ...
واحد الملاحظة : الإرهاب ماكاينش غير فالإسلام ... كاين حتى فاليهود ولكن الارهاب ديالهم هما مخبعينو ... حنا لي عندنا داكشي باااااين و واضح و خير مثال فاش تورطات خلية ارهابية يهودية فحرق واحد الكنيسة مسيحية عام 2015 فشهر 6
من مور ما وصلاتو خبار من عند جدو بلي مورغان كايخطط لشي خطة جديدة مشا باش يتحقق من الموضوع و مافخباروش بلي هادي كانت مجرد وسيلة باش يبعدو عن القصر ولكن لي ماكانش عارف جدو هو ان أرسلان عارفو بلي ناوي على شي حاجة شنو هي الله و اعلم داكشي لاش خلا 4 من رجالو يردو البال للقصر و شنو واقع حيت ابراهام و مالك ماكانوش فالقصر .. فهاد المدة لي كان فيها ارسلان و ابراهام و مالك خارج القصر ستغل جدو غيابهم و عطا الامر لرجالو باش يجيبو خوتها لي ماترددش فالقتل ديالهم بيديه باش يتأكد من موتهم .. فعلا كلشي داز كيفما خطط فاللول و خرجو رجالو الجثث من المكتب و كان غادي يمشي كلشي كيفما خطط لولا تدخل رجال ارسلان لي عتارضو طريقهم قبل مايخرجو من القصر .. ضربوهم و حيدو ليهم فادي و ريناد و من زهرهم كاين مستشفى صغير خاص بالعائلة و هادشي لي خلاهم يقدرو يلحقو ينقذو حياتهم عاد يتاصلو بأرسلان باش يقولو ليه اش وقع .. الشيئ لي خلاه يقلب الطريق و يرجع و ما وصل لعندهم حتى كانت روح جدو غادي طلع على يدين ريماس .. من مور ما هضر مع جدو ماشي قضية ماكانش عارف بل الامر و ما فيه كان كايتسنا جدو يعتارف ليه على الاقل باش يقدر يبرر فعلتو ولكن هو العكس كان باغي يزيد يعطلو حتى يغيب و هنا زاد تأكد بلي ديفو هاد المرة كان بجدو لي مابقاش كايفكر حتى فأرسلان لي كانت بيناتهم علاقة جد متينة .. و مع ذلك كان باقي واحد الشك بسيط بلي ممكن يكون شي دافع اخر لي خلا جدو يدير هكاك داكشي لاش مشا باش يتأكد من ريماس لي غير ما زادت خلاتو يزيد يكفر و خصوصا انه شاف دموعها لي حتى فالتعذيب و الظروف لي دازت منهم ماكانتش كاتنزلهم داكشي علاش قبل مايفقد الوعي وصا أبراهام باش باش يرد البال لريناد و فادي لي راهم فالمستشفى .. من تما ما بقا فاق حتى دازت 20 ساعة
"Flash Back"
بدا كايحل عينيه و كايسترجع الوعي ديالو .. غير تحيدات ديك الضبابة من على عينيه ناض من بلاصتو كاينطر فالخيوط لي لاصقين فيدو .. بقاو كايمنعوه الاطباء و الاب ديالو
سي إيتان : ارسلان رتاح راك ماشي بزاف باش خرجتي من العملية
الدكتور : ميستر أرسلان الاصابة راها باقا جديدة و خاصك الراحة .. ناض من بلاصتو شاف فالجرح و عاود ضور عينيه فالغرفة كايقلب على مايلبس ما بان ليه والو من غير طابلية ديال الدكتور
أرسلان : حيدها
الدكتور : ميستر أرسلان راه صحتك.. ... جرو لعندو و حيدها ليه و لبسها جاتو مزيرة بزاف داكشي لاش ماقدرش يسدها
أرسلان : ( كايقلب بعينيه ) فينها؟!
سي إيتان : أرسلان ماشي وقت قصوحي.. ... ضرب فديك الطاولة لي كاتكون حدا سرير المريض
أرسلان : ( بإنفعال ) قلت فينها ريماس ... خرج من تما و زدح موراه الباب شافو ابراهام لي كان فأخر الكولوار كايشرب فقهوتو لاح الكاس و ناض بالزربة كايجري من مور أرسلان حتى لحق عليه
أبراهام : ميستر أرسلان علاش نضتي دابا راك مزال ماشي بزاف باش خرجتي من العملية
أرسلان : فينها ريماس؟!
أبراهام : الصمت ... شنق عليه و جرو لعندو
أرسلان : يا ويلك مانلقاهاش ... لاحو و توجه للدروج باش يطلع للقصر .. حتى عاود وقفو ابراهام
أبراهام : ميستر ارسلان جدك حتى هو فالمستشفى لتحت .. وقف و ضار لعندو
أرسلان : اش وقع؟!!
أبراهام : من مور داكشي لي وقع ... الانسة ريماس حاولات تحرقو و من زهرنا قدرنا نعتقوه قبل مايتخنق بالدخان ولا يتحرق بسبب العافية لي شعلاتها فالجناح ديالو ... رجع بزربة لتحت باش يشوف جدو مالو حيت كيفما كان الحال هداك كايبقا فمثابة الاب ديالو و اقرب الناس ليه ...
دخل للغرفة لقاه مجبد فالفراش و واحد الجزء من وجهو محروق .. شافو و بغا ينوض يحاول يجلس فبلاصتو و هو مبتاسم
سي أصلان : ( بإبتسامة ) حفيدي كنت عارفك غير غاتفيق غاتجي لعندي
أرسلان : ( بملامح خالية من التعابير ) كي كاتحس براسك؟
سي أصلان : بيخير ( بغضب ) واخا ديك العاهرة حاولات تقتلني و هربات ولكن فاش غاطيح فيدي غانقتلها بيدي كيفما درت لخوتها .. شاف فيه أرسلان بشوفات ماقدرش اصلان يفسرهم
أرسلان : تهلا فراسك
سي أصلان : نتهلا فراسي؟ بلاتي .. ارسلان .. حفيدي فين غادي ... خرج ارسلان من تما و خلا جدو موراه كايعيط لو
أبراهام : ميستر أرسلان باش كاتأمرني؟ .. هزو و عاود شنق عليه
أبراهام : شوف ... نتا غادي تاخد معاك الرجال الكافيين قلبو عليها مدينة بمدينة ردو البال للمطارات و الميناء و اي طريق عارفينها كاتخرج سدوها .. ماتخليو حتى شي حافلة ولا شاحنة ولا طوموبيل تخرج قبل ماتفليوها و تقلبوها تقلاب مفهوم؟؟؟؟؟
الكارد 1 : مفهوم
أبراهام : اجي نتا فين غادي
الكارد 2 : هاني ا سي ابراهام
أبراهام : تكلف بالبحث على غواصين يقلبو عليها تحت الما و شوف لي واش كاينا الجثة ديالها
الكارد 2 : واخا ا سي أبراهام
أبراهام : مزال ما ساليت هضرتي .. شوف رجال يفليو الجزيرة هاديك راه واحد اللفعة ما منهاش
الكارد 2 : واخا ا سي أبراهام ... بقاو كايقلبو عليها لمدة شهر و ما من نتيجة .. و بينما هما كانو كايقلبو .. ارسلان قطع الهضرة مع جدو كايسول على صحتو غير من عند الطبيب .. صحتو لي بدات كاتتدهور شيئا فشيئا بسبب العمر لي مابقا يشد فيه لا دوايات لا عمليات حتى من وجهو واخا دار عملية باش يخبع التشوه لي ولا فوجهو بسبب الحريق الا و ان العملية خلفات ندبات من موراها حتى لواحد النهار قرر جدو يدير اجتماع عائلي .. كالعادة كلشي مجموع و كايتسنا القرار المفاجئ لي غادي يصدمهم كلهم .. قرار لي ماجاش و قالو غير هاكاك حيت تحط بين خيارين يا يختار حفيدو لي كان من ديما سندو و عمرو طيح بكلمتو يا يختار يبقا شاد الامبراطورية ديال روتشيلد بين يديه و يخسر حفيدو لي مؤخرا مابقاش معاه كيف اللول
سي أصلان : ( بتعب ) سمعو ليا مزيان و مايقاطعني حد
إيلام : ياك لاباس
سي أصلان : ( شاف فأرسلان ) كيف كاتعرفو كلكم صحتي مابقاتش كيف كانت فاللول .. الزمان قضا عليا قبل الوقت و فهاد الوقت يلاه يكفيني الوقت نرد البال لراسي .. مابقيتش قادر على المشاكل و مابقيتش قادر نشد مسؤولية امبراطورية روتشيلد بين يدي داكشي علاش قررت قرار لي انا متأكد منو غادي يبدل المستقبل ديال عائلتنا نحو الاحسن
غابريال : شنو هو هاد القرار؟؟
سي أصلان : قررت نسلم بلاصتي لحفيدي أرسلان و نعطيه جميع الحقوق لي كانت عندي فالموافقة و الرفض و القرارات العائلية و القرارات العملية .. جبد اصلان ملف فيه بزاااااف ديال الوراق و مدو لأرسلان ... بقا كلشي مصدوم علاش غايعطيها لو من دابا؟؟ ياك مزال الحال؟؟ باقي حي كيفاش دابا واش واخا غادي يبقا فالعائلة غادي يولي أرسلان هو لي فيديه كلشي
غابريال : و نتا؟؟ ...
سي أصلان : بغيت نعيش لي بقا لي فحياتي فالراحة .. شاف فيه أرسلان مطولا
أرسلان : ماغانقبلش مع كل احتراماتي ليك ا جدي
سي إيتان : علاش ماغاتقبلش؟؟؟؟
سي أصلان : ( موجه كلامو للعائلة ) قراري قلتو و سمعتوه سالا الاجتماع تقدرو تخرجو
إيلام : فهمت اش كاين .. ناضو باسو ليه يديه و خرجو كاملين .. خلاو ارسلان مع جدو
سي أصلان : غاتبقا مقلق من جدك؟
أرسلان : ( ببرود ) لا
سي أصلان : نتا عارفني اي حاجة درتها كانديرها لمصلحة عائلتنا
أرسلان : ماعارضتكش فهادشي
سي أصلان : علاش مابغيتيش تقبل قراري؟
أرسلان : ( قلب وجهو للجهة لاخرا ) غير شوف شي واحد اخر بلاصتي ا جدي
سي أصلان : عندك شي سبب؟؟؟؟
أرسلان : كاين
سي أصلان : شنو هت هاد السبب؟؟
أرسلان : عاقل ا جدي على القانون لي حطيتي؟
سي أصلان : اينا قانون من القوانين؟
أرسلان : نتزوجو بثالث وحدة من اختيارنا شرط تكون من ديانتنا
سي أصلان : كاتقصد.. .. شاف فجدو و نطق بجدية
أرسلان : ( بجدية ) وي هي ... بقا كايشوف فيه جدو مدة كان متوقع بلي ارسلان غايكون كايكن ليها المشاعر و خصوصا هاد تقليقة لي تقلق من جدو هاد المرة غير على ود اش وقع .. زير على يديه و جاوب
سي أصلان : ( بزز ) قابل
أرسلان : ( بتساؤل ) قابل..؟
سي أصلان : قابل عليها تكون عروسة فقصري
أرسلان : دينها؟
سي أصلان : ( بنفاذ صبر ) قابل و هادشي غير باش مانخسركش
أرسلان : ( بإبتسامة خفيفة ) موافق
سي أصلان : ( بإبتسامة فرح ) تصلحات العلاقة بيناتنا؟
أرسلان : عارفني مانقدرش نتقلق منك
سي أصلان : ( مد ليه الملف ) توقيعاتي كاينين باقي خاص غير توقيعاتك
أرسلان : جدي نتا عارف ماغانحتاجوش لهاد الملفات
سي أصلان : بغيت كلشي يكون بالقانون
أرسلان : ماغانخسرش لك .
من تما شد ارسلان امبراطورية روتشيلد و تحيدو ابراهام و مالك من دراعو ليمن حيت مايمكنش يخليهم دراعو ليمن و ليسر و هو شاد الممتلكات و عائلة روتشيلد على كملها .. داكشي لاش ولاو عندهم مناصب خرا .. أبراهام رجعو مكلف بالرجال ديال ارسلان و مالك مكلف بالمراقبة ديال القصر و بيان سيغ باقي كايقلبو على ريماس .. لي فالاصل خرجات من الجزيرة فالوقيتة لي كانو مشغولين بالتغييرات لي وقعو فالقصر و هاكا خرجات بدون مايعيقو بيها هادشي بيان سيغ بمساعدة اسوار لي كان عارف اش كايوقع فالقصر .. النص كايوصلو لها و النص كايخبعو عليها بحال خوتها لي ولاو عايشين فالقصر تحت حماية أرسلان لي دار لهم بلاصة فالقصر بزز على العائلة و مابقاوش محبوسين غير فغرفة وحدة .. بل ولا كايجيب لهم اساتذة يقريوهم حتى للقصر .. ماغانقولش فهاد المدة ولا حنين و تبدل حيت وقع العكس تماما ، السلطة و النفوذ خلاوه يزيد يطغى كتر و كتر و خصوصا منين ولا جدو ماكايقدرش ينوض من بلاصتو بسبب العمر .. مابقا حد كايوقفو عند حدو
"End of The Flash Back"
نفض تفكيرو و ناض من بلاصتو باش يتجهز لسفرتو و فنفس الوقت باش يشوف محبوبتو لي مؤخرا عرف بلاصتها من خلال السفرات المتتالية ديال الزين البلار أسوار
♔ كانت جالسة كاتسترجع ذكرياتها .. داز عام بسرعة البرق ما حساتش بيه .. كأنه عاد البارح ماتو خوتها .. كأنه عاد البارح كانت كاتنعس بسميتهم و قلبها مقهور عليهم و تفيق بسميتهم و قلبها اكثر قهر .. اليامات لي دوزاتهم فالجزيرة لي ساكنة فيها ديك العائلة المشؤومة كيف كاتسميها عمرها غاتنساهم .. فوقما كان كايخرج اسوار كايبداو دموعها هابطين شلال من عينيها عليهم .. تعدبات و تحرق قلبها و فكل دقيقة كانت كاترجع اللوم لراسها حيت بالنسبة ليها هي لي دخلاتهم لهاد المعمعة .. ماعرفاتش كيف كانت غادي تتعامل مع الوضع كون ماوقفش معاها اسوار وقفة الرجال و بعدها على ديك العائلة .. الطامة الكبرى هي انها توقعات منين غاتبعد على القصر عاد غادي ترتاح و يتمسحو دوك المشاعر لي كانو من جهة ارسلان ولكن وقع العكس عاد مازادو كبرو و عاد ما زادو خلاوها تحس بالاشتياق و خصوصا انه هو لي كان ليه الفضل باش تعالجات من السرطان بشكل كلي .. و هادشي ماشي غير عندها بل عند الطرفين .. عاد عرف كل واحد فيهم بالقيمة ديال الثاني الفرق لي كان فالمشاعر ديالهم هو أن ريماس تأكدات من حبها لأرسلان اما أرسلان تأكد من الهوس ديالو لريماس لدرجة قرر قرار اخر لي هو نهار غايتزوج بيها ماغايعاودش يتزوج موراها كيفما دار سي إيتان ...
بالتالي لقات احسن حاجة هي هادشي لي دارت و بعدات عليه عارفة بلي ماشي هو لي قتل خوتها و داك الشيبة العاصية ديال جدو هو السبب ولكن و مع ذلك هادشي ماكايعنيش غاتقبل بيه كأن شيئ متغاظية على فرق الديانات .. فعلا مامتحجباش و باقي شي حوايج ناقصين ولكن صلاتها من داك النهار مابقات فرقاتها و بالرغم من انها عايشة وسط جزيرة كلها مسيحيين هادشي ما أثرش عليها و حتى سكان الجزيرة ماحسسوهاش بالفرق و كايعاملوها بحال وحدة منهم .. فيقها صوت الدقان فالباب
ريماس : دخل .. دخل أسوار و فيديه 2 علب مغلفين
أسوار : جيت غير باش نقولك اليوم غانرجع للقصر باش مايشكش فيا ارسلان
ريماس : امم و شنو داكشي تما .. حط العلب حداها
أسوار : كاين حفل زفاف غدا لوحدة من بنات الجزيرة ( حك مؤخرة راسو ) هادشي كنت عارفو مدة هادي داكشي لاش وصيت على فستان يكون راقي و يليق بيك نتمنى تقبليه
ريماس : عادي حتى هنا عندهم فساتين زوينة
أسوار : ولكن مايليقوش بيك عارفك ماموالفاش بداك اللبس
ريماس : على العموم شكرا .. ايمتا غاتمشي؟
أسوار : غدا مع ل5 ديال الصباح
ريماس : شكرا
أسوار : علاياش؟
ريماس : ( بإبتسامة ) على وقفتك معايا واخا الصراحة مافهمتش قضية انك تعاوني واخا عارفني حاولت نقتل داك الكافر ديال جدك و عارفني كانمقت دينكم ولكن المهم شكرا
أسوار : درت غير الواجب ديالي .. المهم راه شي عيالات كايعيطو لك على برا
ريماس : أسوار
أسوار : ( بحب ) وي ريماس
ريماس : مراتك صافا عليها؟
أسوار : ناوي نطلقها هاد اليامات
ريماس : علاش؟؟؟؟
أسوار : ماكانبغيهاش
ريماس : علاش واش نتا بعدا عطيتي لراسك و ليها الفرصة باش تبغيو بعضياتكم؟؟؟؟ صافي تزوج بيها عام و لوحها كي الكلبة و فاللخر تقول مابقيتيش باغيها؟؟؟؟
أسوار : ريماس نتي عارفاني انا كانبغيك نتي و عارفاني كانتسنا غير موافقتك .. قابل نخلي عائلتي على ودك و قابل نتبدل على ودك .. قابل نبدل ديني غير عطيني فرصة و ماغاتندميش
ريماس : ( بإستهزاء ) الدين ماشي لعب باش تبدلو على ود مرا سير حتى تقتانع بيه و اجي نهضرو .. خرجات من تما و خلاتو كايحلل فجوابها .. بينما هي خرجات عند نساء الجزيرة و ماشي تسمعو جزيرة يسحاب لكم راه كايلبسو الربيع و كايتغطاو بكساوي مقطعين نو حتى هاد الجزيرة عندها مدارس صغار و مستشفيات صغار حيت هاد الجزيرة عبارة على دولة صغيرة ناسها بسطاء .. لقاتهم كايوجدو فحفل الزفاف ديال وحدة منهم داكشي لاش عيطو لها باش تعاونهم حيت كايتيقو فذوقها بقات كاتعاونهم بكل حب بينما أسوار كان حاضيها من شرجم و فتفكيرو غير كيفاش غايخليها تبغيه .. تفكر هضرتها " الدين ماشي لعب باش تبدلو على ود مرا سير حتى تقتانع بيه و اجي نهضرو " و قرر يبدا بالبحث فدين الإسلام باش يعرف شنو هادشي المميز لي يخليها تتشبث بيه حتى لهاد الدرجة .. خرج من تما و مشا يعاون الرجال لي فالجزيرة على مايوصل الليل و يمشي يرتاح باش ل5 ديال الصباح يقلع
♚ جالس حدا سي أصلان لي ولا طريح الفراش قليل فين كاينوض حيت مؤخرا تزاد عليه الحال ولكن دوك التاحراميات لي عندو فداك الدماغ و تقوول واش بغاو يساليو .. ودع جدو و هبط لتحت باش يفطر و يخرج يشد الطريق .. كالعادة ترأس الطاولة ديال الفطور حتى بدا يفطر عاد بداو يفطرو فجو هاادئ .. مابقاتش الدبانة كاتزنزن فوقت الماكلة من نهار شد بلاصة جدو .. سالا فطورو و شاف فجوليانا
أرسلان : وجدي راسك فاش غانرجع غانهضرو فأمور خطبتك .. مسح فمو و ناض من الطبلة خلاها عاد كاتعاود الجملة فودنيها اينا خطبة و اينا زواج و اينا باكور و هو عمرو هضر فهاد الموضوع هي اصلا ماباغاش تتزوج دابا حيت لي باغا تتزوج بيه موحال يقبل بيه خوها
جوليانا : ( شافت فالاب ديالها ) بابا
سي إيتان : ماتشوفيش فيا .. خوك عارف مصلاحتك حسن منك
أديرة : بنتي ماديريش فبالك حتى نمشيو للبيت و نهضرو .. سرطاتها بزز و كملات ماكلتها ... خرج من القصر و توجه لليخت ديالو خاصو ساعة عاد يوصل للبر و نص ساعة خرا عاد يصول للطيارة ديالو باش يشد الطريق ديال 10 ساعات بحرا باش يوصل مع 6:30 لتما ...
♔ فاقت فالصباح و مشات تطل فالبيت الثاني لقات اسوار كايوجد راسو باش يمشي
أسوار : صباح الورد
ريماس : صباح النور
أسوار : باقي الحال رجعي تنعسي
ريماس : مابقا والو راه ل5 ديال الصباح هادي و هاد النهار عندي عامر غانمشي نصلي و نقابل شغالي
أسوار : قلت لك غير الحقيقة المهم ردي البال لراسك غير شي 2 سيمانات و نرجع
ريماس : غانرد البال .. ودعها و خرج .. مشات توضات و صلات و دارت روتينها الصباحي كالعادة .. شافت الدار شنو ناقصها وصلات 8 ديال الصباح و خرجات تتقضا .. غادا فالطريق و لي دازت من حداه كايسلم عليها فظرف عام قل شهر قدرات تكسب قلوب السكان ديال هاد الجزيرة و ولات محبوبة بيناتهم .. و بحكم اختلاف اللغات بيناتهم الا و انه من حسن حظها كانو كايفهمو الانجليزية و هاكا كانت كاتواصل بيها معاهم .. تقضات اش بغات و رجعات لدويرتها ستفات داكشي عاد خرجات باش تعاونهم فالحفل .. بقات كاتتحرك من هنا لهنا .. ايلا كان شي ثقل كاتعاون فيه الرجال و ايلا كانت شي زينة خاصها تتعلق كاتطلع فالسلوم و تعلقها .. غير كاتحرك من هنا لهنا بكل نشاط و حيوية فين ما كانت شي حاجة فالعرس دارت فيها يديها و حطات لمساتها حتى من الطبخ ديالهم دخلات ليه حلويات مغربية و اطباق مغربية لي عجبوهم بزاف .. دازت لعند العروسة باش يجهزوها دخلات لواحد الدار بسيطة لقات العروسة كاتتسناها .. غير شافتها و هي تعنقها
( الحوار بالإنجليزية )
العروس : كنت كانتسناك ا ختي ريماس
ريماس : اوو مزال ماوجدتي راسك؟ علاش؟
العروس : ( بإبتسامة فرح ) بغيتك نتي لي تتكلفي بيا فنهاري و ترديني بحالك
ريماس : اممم شي ناس بغاو يزيانو .. راك زوينة بلا ماتحتاجي تقارني راسك بشي حد
العروس : ( بخجل ) وا عاونيني
ريماس : ( بإبتسامة ) واخا ا لالة .. بدات كاتعاونها فاللبس و الشعر و المكياج ، لبساتها الكسوة البيضة و قادات لها شعرها عاد دازت للوجه دارت لك مكياج يليق بعروسة .. 3 ساعات باش يلاه سالات ليها
ريماس : ها حنا سالينا .. شافت العروس راسها فالمرايا و عجبها راسها .. وقفات و عنقات ريماس بكل محبة
العروس : شكرا بزاااف على مساعدتك ليا
ريماس : ماكاينش الشكر بين الخواتات .. كملات لها اخر اللمسات و توجهات لدارها باش توجد راسها حيت مابقا والو و يبدا العرس ( ماتستغربوش منين جاها سيشوار و ما الى ذلك حيت كيف قلت هاديك راها دولة صغيرة فجزيرة ) ... مشات دوشات باش تحيد العيا ديال هاد النهار موراها دازت باش تنشف شعرها .. خدا لها وقت طويل حيت زاد طوال و مع هاد الطولة لي زاد طوال ولا كايثقل عليها فاش كايفزك بالما و فاش كاتبغي دوش ..
.. بعد ساعتين سالات منو و دازت للعلب لي جاب اسوار باش تشوف الكسوة لي جاب ليها حيت كاعما طلات عليها .. حلات اللولة و لقات فستان اقل ما يقال عنه روعة عجبها بزاف .. كان عبارة على فستان طويل و فالرمادي مبربش سميطات التوب ديالو شبكة و فيه فتحة طويلة واصلة حتى للخصر و من جهة الصدر منبت بأحجار رمادية و بيضاء كاتضوي و فيه فتحة فالصدر على شكل V .. حلات العلبة الثانية لقات فيها صباط طالون فالرمادي فيه صقلي و اكسسوارات باش تلبسهم مع الفستان .. هزاتو بين يديها و ترسمات ابتسامة سخرية على وجهها .. كاتتفكر نهار ارسلان سيفط لها الكساوي باش تختار منهم .. كان حريص يكونو كلهم فالكحل حيت عارف اللون الكحل كايبين بنادم رقيق .. و حريص على انهم يكونو كلهم بالكمام و واصلين حتى لتحت باش مايبان والو للحضور مع العلم الحفلة كانت فالقصر و فالحضور ديالو ... ولكن اسوار شنو؟ العكس تماما جاب لها فستان مافيه حتى صفة من الصفات لي كانو فالكساوي لي جاب ارسلان .. تذكرات هضرة ارسلان على شعرها شحال من مرة ضفرو لها و جمعو لها بيديه باش مايشوفو حد و شحال من مرة نبهها باش تجمعو .. قارنات هضرتو بين هضرة اسوار فالصباح لي قال ليها غادي تسحري الحضور بشعرك .. و فاللخر كايقولها ببساطة كانبغيك .. نفضات تفكيرها منهم بجوج و مشات توجد راسها .. لبساتو و لبسات الاكسسوارات ديالو .. دارت مكياج خفيف و طلقات شعرها .. رشات البارفان و شافت اخر شوفة فالمراية جات كاتفتن بالزين عاد خرجات من تما و توجهات للعرس .. تحولو الانظار ليها كعادتها من ديما كاتكون خاطفة للأنظار يا بجمالها يا بمصائبها الكحلة و فهاد الليلة بحول الله غادي تجمعهم بجوج .. دخلات تحت انظار الحاضرين عينيها غير على ام العروس لي كاتهضر معاها بعينيها بحالا كاتقولها تبعيني .. مشات ام العروس و تبعاتها ريماس
ريماس : وي خالتي؟ واش شي حاجة ناقصة؟؟
ام العروس : بنتي فين الكتاب لي قلت لك خليه معاك و تبقاي ديما معلقاه معاك؟؟؟
ريماس : ( ضربات راسها ) اووف نسييتو
ام العروس : ياك قلت لك تبقاي تهزيه معاك باش ماتشدش فيك القوى السلبية .. نتي تبارك الله زوينة و الشعر عندك كايشد العين ماعطيت لك داك الكتاب باش يحميك حتى عتابرتك بحال بنتي ماشفتيش غير دخلتي كي بقاو يشوفو فيك .. حطات ريماس يديها على كتف ام العروس
ريماس : هههه واخا واخا هاني غادا نجيبو
ام العروس : و ماتتعطليش العرس راه بدا
ريماس : دقائق و نكون عندك .. رجعات لدارها هزات الكتاب لي كان عبارة على ورقة صغيرة داخل سلسلة دايرة الخاطر للمرا و صافي .. عاد عاودات رجعات للعرس بقات كاتتحرك من هنا لهنا كاتعاونهم فتوزيع المشروبات بحالها بحال البنات لاخرين
♚ وصل للجزيرة هادي ربع ساعة .. لقا واحد الراجل كايتسناه بالطوموبيل ركب و توجهو للعنوان لي عندو و ابتسامة مابايناش بزاف مرسومة فوجهو و اخيرا و بعد عام غادي يشوف البنت لي تربعات على عرش قلبو ...
♚ واقف من بعيد ببذلتو الرسمية و وقفتو الرجولية .. حاضيها من بعيد غير كاتجري من هنا لهنا بداك طالون و فيديها البلاطو ديال المشروبات كاتعاون بنات الجزيرة فالتقديم ماركزش فحوايجها قد ما ركز فأنها قدام عينيه دابا .. بقا كايقرب بخطوات ثابتة لجهتها تحت نظرات سكان الجزيرة لي غاياكلهم فضولهم شكون هدا .. باينا فيه بلي غريب على الجزيرة .. واش شي واحد باغي يدير مشروع فجزيرتهم؟؟ واش ضي واحد باغي يشري جزيرتهم؟؟؟ كالعادة التساؤلات كثرات و الضيوف تحولو نظراتهم لجهة ريماس لي هازة البلاطو و كاتعيط لوحدة من بنات الجزيرة و لأرسلان لي واقف موراها يكون زعما كايجيها؟ ولا يكون راجلها؟ ايلا كان راجلها شكون هداك لي كايجي عندها ما بين الفترة و الفترة
أرسلان : و للمرة الثانية كانطلاقاو من مور عام .. تغلغل صوتو بين مسامعها و ما ان عرفاتو حتى طاح البلاطو من يديها بالصدمة واش هو نيت؟؟؟؟ ولا غير جاب لها الله لا لا هدا صوتو و مايمكنش تنساه و كيفاش غاتنساه و هو مرة مرة كان كايتسلل لأحلامها .. ضارت لعندو بالعرض البطيئ باش تزيد تتأكد منو .. توسعو عينيها بالصدمة .. المفروض ماغايلقاهاش هنا .. المفروض ماغاتعاودش تشوفو .. المفروض نهاية هادشي كامل كان فالقصر و كانت هاديك صفحة و قطعاتها من دفترها .. تصنعات عدم الصدمة و جاوباتو عادي
ريماس : أرسلان؟ .. جبد يدو من جيبو و دوزها على ذقنو بينما عينيه كايتفحصوها انش بإنش من راسها لرجليها .. الشعر لي طالقاه .. الكسوة لي معرية ... قرب لودنيها شوية و نطق بهمس
أرسلان : تسبقيني ولا نهضرو هنا!!
ريماس : علاش غانسبقك؟؟؟ ... و علاش تابعني حتى لهنا؟؟؟؟؟؟ .. خطف نظرة لجهة الرجال لي كانو كايشوفو لجهة ريماس .. جرها من يديها و بقا غادي بيها اللوطو .. بقات كااتعكس ليه فالطريق حتى تهرس لها الطالون و كانت غاتتفدع ليها رجليها .. ماخلات ما قالت ليه و الضرب فيديه .. حتى جات ام العروس و خوتها و بعض رجال الجزيرة باش يفهمو اش واقع
ام العروس : ( كاتشوف فأرسلان ) بنتي ريماس واش كاين شي مشكل .. رجع ريماس موراه و هضر معاهم
أرسلان : باغي نرجع مرتي عندكم شي مشكل!!
ريماس : ارسلان سكت ماتزيدش تكدب عليهم
اخ العروس : ( بصرامة ) طلق منها .. شاف فيه أرسلان ببرود عرفاتو غادي يحاول يقتلو .. من حسن حظو قبل مايجبد ارسلان الفردي ديالو و يتيري فيه حطات يديها على اليد لي خشاها باش يجبد الفردي ديالو .. ضار شاف فيها بشوفة مامفهوماش
ريماس : خلينا نتفاهمو باللتي هي احسن .. هما ما دارو والو ... شافت فالرجال لي جاو يفكوها منو
ريماس : ( بإبتسامة إطمئنان ) كانعرفو .. شوية و غادي نرجع غير كملو العرس
ام العروس : بنتي متأكدة نخليوك معاه؟؟
ريماس : وي خالتي متأكدة ماغايوقع لي والو
ام العروس : ماتتعطليش بزاف باش تكملي معانا العرس
ريماس : واخا ا خالتي
اخ العروس : ايلا وقعات شي حاجة غادي تلقايني حداك
ريماس : ميرسي رودريغو
صديق اخ العروس : ردي البال لراسك
ريماس : ميرسي مارتن
أرسلان : ساليتي؟!
ريماس : ( بعصبية ) صافي ساليت .. دخلها اللوطو و ركب من مور ما خرج الشيفور من تما ... كسيرا و خلاهم خايفين عليها لاتوقع ليها شي حاجة و خصوصا هما عارفين طبعها و هدا باين فيه ماكايتفاهمش ... كان صايك و هي راكبة حداه هضر بهدوء و عينيه على الطريق
أرسلان : ماقلتيش ليا!! ... عجبوك شوفات الرجال ليك ياك؟ .. ماجاوباتوش و تجاهلات هضرتو
ريماس : الصمت
أرسلان : علاش لي مازدتيش قطعتيها؟! مخلية 4 سنتيمتر شاداها ... حسات بالاعصاب طالعين معاها ولكن فضلات تسكت باش ماتقربلهاش معاه عاوتاني و يصدق قالب بيهم طوموبيل .. ماعرفاتش بلي سكاتها غير مازاد شعلو
ريماس : الصمت
أرسلان : فاش نسولك جاوبي
ريماس : فاش بغيتيني نجاوبك ا أرسلان؟؟؟ واش انا اصلا ماكنتش كانشوف فيهم و ماشفتش كي كايشوفو فيا و دابا كاتسولني عليهم؟؟؟ ... اصلا ماسوقيش كي كايشوفو فيا و حتى نتا ماشي شغلك
أرسلان : و سوق من هدا؟! شحال من مرة هضرت معاك داك الشعر جمعيه .. فرحانة بيه ياك؟!!
ريماس : الصمت
أرسلان : لحمك زاغ عليك .. و فمك غير حالاه كون ماضحكتيش و هضرتي معاهم و نتي كاتنطقي بسمياتهم كاع مايشوفو فيك ...
ضارت لعندو و هي عاقدة حجبانها
ريماس : و باش بغيتيني نعيط لهم؟؟؟ ا خويا؟؟؟ ا فلان؟؟؟ ا فرتلان؟؟؟؟
ريماس : ماقلتيش ليا و.. ... قاطعاتها الضربات المتكررة ديالو فالطوموبيل .. دار فران صيك حتى تسمعو صوت روايض كايتحكو .. تهزات من بلاصتها و رجعات .. ضار لعندها و شدها من فكها
أرسلان : الضحك ماحذرتكش عليه ياك؟!! ... ضحكي دابا ضحكي .. بدات كاضربو فيديه و باغا تهضر ولكن الهضرة كاتخرج معوجة بسبب الشدة حتى طلقها
ريماس : غانحيد سناني باش مانبقاش نضحك هادشي لي باغي؟؟؟؟؟
أرسلان : هادشي لي كايتسناك
ريماس : وا بزاااف .. اش بيني و بينك ا سيدي حتى دير ليا هاد الحكام؟؟؟ الشعر لا الكساوي لا .. الضحك لا .. المخالطة لا ... بقا كايقيس الكسوة بيديه و كاتحيد ليه يديه
أرسلان : اش هاد اللبس.!! ... اش هاد الشرويطة لي لابسة.!! ... جر الكسوة بيديه حتى تقطع داك 4 سنتيمتر لي كان شاد الكسوة بقات كاتشوف فيه بصدمة و بدات كاتجمع فالكسوة لي مابقا شادها والو ولات بحال بوليرو طويل محلول
ريماس : ( بعصبية ) شوووف شنو درتيييي علاش قطعتييييها عجبك الحال دابااااا .. جرها من قرفادتها
أرسلان : واش باغا نقتلك؟!!!!!
ريماس : علاش رجعتي؟؟؟؟؟؟؟؟ ... علاش باقي كاتقلب عليا؟؟؟؟؟؟ .. طلق منها و بدا كايكالمي فراسو
أرسلان : الليلة غاترجعي للبلاصة لي كاتنتامي ليها
ريماس : فين كاننتامي؟؟؟؟ عائلتي لي كاننتامي ليها كمل عليها جدك الله ياخد فيه الحق .. نهار بغيت نبدا حياتي من جديد بغيتي تحيدني من وسط عائلتي .. خشا صبعانو بين شعرو و هاد الحركة كايديرها يا فاش كايكون معصب يا فاش كايكون مامرتاحش .. حيد الفيستا ديالو و مدها لها بلا مايشوف فيها
ريماس : حبس الطوموبيل ولا كانقسم لك بالله حتى نتلاح منها .. سد طوموبيل اوطوماتيك
أرسلان : لوحي راسك ... بدات كاتقاتل مع ديك الباب مابغاتش تتحل .. ضورات راسها لجهة الشرجم بغضب
ريماس : حقير
أرسلان : حتى نوصلو ...
وصلو من مور ربع ساعة .. وقف طوموبيل و و لتافت لجهتها
ريماس : حل الباب .. قرب لعندها و بدا كايسد لها الفيستا
أرسلان : جمعي شعرك
ريماس : ياك مابقيناش معاهم
أرسلان : تجمعيه ولا نجمعو؟! ... خبعاتو تحت الفيستا
ريماس : صافي جمعتو .. حل البيبان و خرج .. هو كايتسناها تخرج و هي كاتتسناه يسبقها داك القصر حالفة لا عاودات حطات فيه رجليها ولكن معاامن هي عارفها غاتبغي تهرب داكشي لاش ماتحركش من تما
ريماس : وا سبقني هاني غانتبعك
أرسلان : كانتسنا
ريماس : ( بتأفأف ) واخا .. نزلات و مع الدورة لي ضار باش يمشي لجهة الطيارة لقاها مشات كاتجري فالجهة لي جاو منها ماعاوداتش ضارت موراها .. حط صبعانو بين عينيه بنفاذ صبر و تبعها
ريماس : ( بصوت عالي ) واااا ماغاااانرجعش ... لحق عليها و هزها على كتفو
أرسلان : غا نبقا نلعب معاك انا هنا
ريماس : نزلنييي ... نزلنيييييي مابغيتش نرجع لداك القصر الله ياخد فيك الحق و ياخد فيكم الحق كاااملين ... بدات كاضرب فضهرو و هو غادي بيها لجهة الطيارة لي كانو كايتسناوه حداها 2 من رجالو متبعينو بعينيهم .. طلع و طلعها معاه
أرسلان : ( هاز صبعو كتهديد ) ديري عقلك ا ريماس صبري معاك تقاضى .. حطات يديها على راسها كاتفكر غير فالايام القادمة ... عاوتاني غاترجع لداك القصر و عاوتاني غايبغي يدفنها فديك الغرفة ... و عاوتاني غادي تتعاود الاسطوانة بدلي دينك لا بدلو نتا .. ماتخرجيش من البيت ماتطلقيش شعرك ماتهضري مع حد و علم الله اشنو اخر .. كاتبغيه ماشي ماكاتبغيهش و فرحات فاش شافتو جميع الاحاسيس لي كانت كادفنهم نفاجرو ولكن حقيقة انه واحد صهيوني راه مايمكنش تنساها و الاكثر هو ان جدو فنظرها صافي قتل خوتها
ريماس : ربي سبحانه و ربك حتى نتا و رب جميع البشر .. ماتخلاش عليا عارفا هدا يا غايكون اختبار من عندو سبحانه يا غايكون فهادشي خي.. ... المهم غايكون اختبار
أرسلان : ..؟!
ريماس : والو
أرسلان : كملي
ريماس : ماعندي مانكمل
أرسلان : ماتايقاش فهضرتك؟!
ريماس : و علاش ماغانتيقش
أرسلان : يعني خايفة
ريماس : ماخايفاش
أرسلان : كانتسنا
ريماس : يا غايكون فهادشي خير ليا .. و عسى ان تكرهوا شيئا و هو خيرا لكم
ريماس : كلشي راك عارفو ماكاينش سبب واحد .. كاينين اسباب ...
أرسلان : كانسمعك
ريماس : كلشي عارفو علاش غانفكرك فيه؟؟؟ و انا عارفة بلي واخا نهضر حتى نعيا غاضرب لي هضرتي كلها فزيرو
أرسلان : باقي كانتسنا ... و ديري فبالك حاجة .. فحالة هضرتي ولا ماهضرتيش عندي بحال بحال فكلا الحالتين طال الزمان ولا قصار غاتولي حلالي و ملكي .. حاجة كاتخصني
ريماس : سبيلنا مسدود من البداية
أرسلان : ايلا كان مسدود غانفرعو
ريماس : مانقدرش نتزوج بواحد غادي يدفنني فالدار و انا حية نولي ليه بحال الجثة كايعرفني غير من الليل الليل يجي يفرغ فيا مكبوتاتو و يمشي و نبقا عايشة حياتي حانية الراس بحال شي عبدة
أرسلان : ( ببرود ) نتي غير
ريماس : كيفاش غير و انا كانشوف بأم عينيا كيفاش كاتعاملو عيالاتكم فداك القصر كون اكيد ايلا حاول شي واحد يدفني فيه و انا حية غانهدمو على راسو
أرسلان : ( حك الذقن ديالو ) مرت الأرسلان
ريماس : الصمت
أرسلان : السبب الثاني؟!
ريماس : مانقدرش ننسا بلي جدك كان مور موت خوتي و حتى ايلا تلات بيا ليام و وليت قليلة النفس و نسيت بلي دم خوتي سال على يدين جدك .. ماغاديش ننسا بلي ديني ماشي هو دينك و دينك ماشي هو ديني و ماغاديش ننسا بلي مم المحرمات الكبرى نتزوج بواحد ماشي من ديني .. ( بجدية ) فحالة بززتي عليا باش نتزوج بيك و انا عارفاك غاديرها كون متأكد عاجلا ام أجلا غادي تلقاني منتاحرة حيت اللهم ننتاحر ولا نعيش معاك فالحرام
أرسلان : ماكايهمنيش الدين
ريماس : و باغي تعيش معايا فالحرام؟؟؟؟ واش مابقيتيش كاتفرق لا بين الحلال لا بين الحرام؟؟؟؟؟؟
أرسلان : ( ببرود ) مافهمتش علاش كاتحللي لي بغيتي و تحرمي لي بغيتي
ريماس : اش كاتقصد بهضرتك؟؟؟؟
أرسلان : ( بعصبية خفيفة ) هاد الحالة لي خارجة بيها قدام أمة ديال البشر .. حلال فدينك ياك..!!
ريماس : الصمت
أرسلان : شعرك لي طالقاه قدام الأمة حتى هو حلال فدينك..!!
ريماس : الصمت
أرسلان : ( بملامح خالية من التعابير ) تجلسي عام كاامل فنفس الدار نتي و واحد ماجامعكم حتى شي رابط و من الفوق ماشي من دينك حتى هادشي حلال..!! ... قلبات وجهها بعدم رضى قرصاتها هضرتو للمرة الثانية
ريماس : الصمت
أرسلان : جاوبي مالك سكتتي .. جبد طيلي ديالو من جيب و بدا كايخربق و لاحو لجهتها
ريماس : شنو هادشي
أرسلان : انا لي كانتسنا الجواب على هادشي .. هزاتو و بدات تقلب فتصاور وحدة بوحدة و فكل وحدة كاتزيد تتوسع عينيها بالصدمة تقريبا كانو تصورها ديال مدة 6 شهور لي كانت فيها فالجزيرة و اغلب التصاور كان مصور معاها اسوار فيهم و هي ضاحكة كي دارو وصلو ليه؟ الله و اعلم ولكن لي فهمات هو انها كانت مراقبة لمدة 6 شهور
ريماس : ( بغضب ) كنتي كاتراقبني؟؟؟؟؟؟ شكون عطاك الحق و بأشمن صفة .. التجسس ماشي حراام ياك
أرسلان : غانعاودها لك .. ماتحلليش لي بغيتي و تحرمي اش بغيتي
ريماس : ( بإنفعال ) حتى نتا ماتحللش لي بغيتي و تحرم لي بغيتي .. ياك هادوك الفعايل و الكبت ديالك و التقرب ديالك فالقصر كلهم حرام فحرام حتى هاد الجلسة ديالك معايا دابا حرام .. حتى الزواج لي باغي تتزوجني واخا ديني ماشي هو دينك حرام .. علاش لي كاتشوف غير شنو كاندير انا؟؟؟ ياك كنتي مزوج و كنتي كاتجي لعندي هادشي ماشي حرام؟؟؟؟
أرسلان : ( بجمود ) عارف لي كانديرو معاك حرام .. و هادشي كايوقع معاك نتي لا غير .. معاك كانخرج على الصواب ديالي .. فحياتي مافكرت نعطي مكانة مرتي لوحدة ديني ماشي هو دينها .. فحياتي ماخدات تفكيري شي مرا من العيالات .. و عمرها غاتاخدو ( بهدوء ) حيت قلبي ختار وحدة كيفما عقلي ختار .. دخلي هادشي لدماغك ا ريماس .. ناض من تما باش يكمي و خلاها مصدومة من إعترافو و التمسك ديالو بيها ... كيفاش بغاها لهاد الدرجة لي خلاتو يدير حوايج عمرو دارهم فحياتو؟؟؟ ... ماتنكرش و ماتقدرش تنكر ان الإعتراف ديالو ليها ماحركش مشاعرها .. عكس أسوار لي كلمة جوج كايجي يقولها ببرودة و بساطة كانبغيك ... لمسات الصدق فكلامو ... اعترافو ليها خلاها تزيد تعرف بلاصتها عندو و انها شخص غالي بزااااف عندو لدرجة مستعد يعارض الديانات و العادات و التقاليد و عائلتو أجمعين غير باش تكون ليه ولكن و مع كل هذا تفكرات الحاجز الديني لي بيناتهم .. نوعا ما بدات كاتتقبل هاد الحب ... فري كاتبغيه و كايبغيها و الدين؟؟ فهاد الحالة بقا عندها حل واحد تدخلو لدين الإسلام .. عاودات تفكرات جدو الشخص لي عمرها كرهات شي واحد كتر منو 2 مرات و هو كايفلت منها .. بقات فكرة تديها و فكرة تجيبها حتى داتها عينيها ...
سالا و رجع لعندها لقاها نعسات فبلاصتها .. عاود غبر دقائق و رجع هاز فيديه مانطة صغيرة غطاها من بعد ما طبع قبل فشفتيها .. عاد مشا جلس و هز البيسي باش يقابل شغالو .. دازو ساعات و ساعات و هما فالطيارة .. و اخييرا وصلو و هاد المرة ، تحطات الطيارة فالأراضي الفليسطينية حتى ترصات عاد ناض من بلاصتو .. طل على ريماس لقاها باقا ناعسة معذرها غاتنعس و هي منين صباح الحال و هي دور من هنا للهنا كانت ديك الساعة 4:00 ديال الصباح .. هزها بين يديه بالمانطة و نزلو .. كانت اللوطو كاتتسناهم و ابراهام فإنتظارو
أبراهام : على سلامتك ا ميستر أرسلان
أرسلان : فين مالك؟!
أبراهام : راه فالقصر ... مشا لجهة اللوطو حطها فيها و تحرك موراها تبعو ابراهام متوجهين للميناء ما هي الا نص ساعة حتى كانو وصلو للميناء .. يلاه جا بغا ينوضها لقاها فاقت
ريماس : صباح الخير
أرسلان : صباح النور
ريماس : شحال الساعة دابا؟
أرسلان : 4 ديال الصباح
ريماس : صافي وصلنا؟؟؟
أرسلان : باقي ساعة و ربع ديال الطريق .. توجهو لليخت و تبعهم ابراهام من مور ما وصا الرجال يديو الطوموبيلات لبلاصتهم .. عاودو شدو طريق .. و واخيرا ها هما قدام القصر مرة اخرى .. هاد المرة كانت خلافا على جميع المرات بالنسبة لريماس .. كاتحس براسها قد ما كايقربو للقصر قد ما كاتحس بإحساس زوين بحالا غاتشوف شي حد غالي عليها و هادشي لي مابغاش يتفهم لها .. شكون هاد الكمارة لي غاتفرح فاش غاتشوفها .. بعد دقائق وصلو لقدام الباب دخلانية ديال القصر .. وقفات اللوطو و يلاه بغات تخرج من طوموبيل وقفها ارسلان
أرسلان : ( عاقد حجبانو ) تسناي
ريماس : شنو غانتسنا؟ ... بدا كايقاد لها الفيستا و عاود هبط يديه لتحت كايرقع لها الكسوة من جهة الفخاض حيت كانت محلولة بدون قصد قاسو يديه فخاضها .. رجعات باللور بزربة
ريماس : جمع يديك عندك اش كادير
أرسلان : ( بإبتسامة جانبية ) مزال الحال على داكشي .. كل حاجة بوقتها ... خرج و بقا كايتسناها تخرج
ريماس : هاني
أرسلان : ردي البال لتصرفاتك مع العائلة حيت مانضمنش لك
أرسلان : فالوقت الحالي ماكاينش .. دخلو لداخل و توجهو للفوق
ريماس : ماغانشوفوش عائلتك؟
أرسلان : ل5 ديال الصباح هادي .. نعسي حتى تفيقي
ريماس : و نتا ماغاتنعسش؟ .. احم المهم ماشغليش ... توجهات لبيتها بينما هو توجه لجناحو و هو مرتاح الراحة التااامة منين رجعها حداه .. دابا عاد غايجي وقت الحساب مع بعض الاشخاص .. هز طيلي دوز نمرة ابراهام
أبراهام : ( بفرح ) واخا ا ميستر أرسلان .. قطع عليه و دخل يدوش و هو مرتاح البال اما بالنسبة لأسوار ففضل مايحطش فيه يديه اولا حيت بالرغم من كل شيئ خوه ثانيا ايلا عطبو غايبان فنظر ريماس هو لي ظالم واخا راه فالاصل فعينيها ظالم
♔ دخلات دوشات و لبسات بيجامة واسعة شوية .. دازت من فوقها ليزار بيض و مشات تصلي صلاتها .. سالات و بدلات البيجامة بسورفيط عبارة عن سروال فالكحل مزير و الفوقي ديالو فالأبيض .. نشفات شعرها و رجعات كاتسكتشف الغرفة واخا ماكانتش كاتحملها فاللول ولكن كايبقا واحد الحنين صغير ليها .. زغبها الشيطان و ما بان ليها غير تمشي طل على الشيبة العاصية واش فعلا باقي حي ولا مات .. حلات الباب بالشوية و طلات على الباب ديال ارسلان لقاتها مردودة .. بقات كاتتمشا على اطراف صبعانها حتى وصلات و حطات يديها على البواني ديال الباب يلاه جات تحلها
أرسلان : ( بصوت خشن ) اش وصلك لتما؟! ... حيدات يديها على الباب و ضارت عندو بالعرض البطيئ
ريماس : والو
أرسلان : غا نعاود نسولك اش وصلك لتما..!؟؟؟؟
ريماس : ( طلقاتها دقة وحدة ) بغيت غير نشوف واش باقي حي
أرسلان : بيتك
ريماس : نعم؟
أرسلان : ( بحدة ) بيتك و مانعاودش نشوفك وصلتي لهاد العتبة ولا روحك نخرجها من بلاصتها
ريماس : ( بغضب ) راه غير بغيت نشوف واش..
ارسلان : تحركيي
ريماس : ( بعصبية ) ماتغوتش عليا .. لي درتو فحقو راه قليييل هو لي قتل ليا خوتي عندوو الزهر منين ماغرستش فقلبو جنوي نرتاح منو و نشفي غليلي فيه .. واقف معاه حيت هو جدك يااااك و انا؟؟؟؟ ليك الله ا ريماس .. مشات من تما لبيتها و هي معصبة .. كون رجع الزمن اللور ماكانتش غادي تحرقو كانت غادي تهز جنوي و تشروط ليه القلب ديالو باش ضمن ليه توصيلة سريعة لعند عزرائيل ...
زدحات الباب موراها بينما ارسلان بقا حاضي معاها حتى دخلات عاد رجع للجناح ديالو باش يجهز راسو على ود الفطور .. لبس ملابس رسمية كعادتو و داز اول حاجة لعند جدو للجناح سلم عليه و بقا معاه شوية عاد مشا لعندها للبيت
أرسلان : لبسي باش تهبطي تفطري
ريماس : مافياش الجوع
أرسلان : نتي الخاسرة ماشي انا
ريماس : ماعندي مانخسر .. شاف فساعتو
أرسلان : 10 دقايق لي باقا عندك .. لبسي فيها كانتسناك
ريماس : اش وقع حتى مخليني نهبط نفطر؟؟ ياك موالف تخليني نفطر فالبيت
أرسلان : حتى دابا ماعنديش مشكل
ريماس : صافي واخا .. هاني لابسة .. طلعها و هبطها بنظراتو و اشار لها بيديه لجهة الماريو
ريماس : مالو؟؟
أرسلان : بان ليا نيتك تهبطي هاكا لا.!!
ريماس : و مالهم؟؟ راهم مغطييني
أرسلان : فداك الماريو كامل هادشي لي كاين؟!
ريماس : هادشي لي عطا الله .. مشا لجهة الماريو يشوف لقا تقريبا جميع الحوايج هكاك .. جبد بوليرو طويل و مدو لها
أرسلان : زيدي عليك هدا و حيدي منك الفعايل
ريماس : اينا فعايل درت؟؟؟
أرسلان : ماتعطليش .. حطو لها و خرج
ريماس : بناقص من شي فطور .. غانفطر بوحدي هنا ، ولكن ا بلااتي شكون قلتي لي كايتسناني؟؟؟ ... لبسات البوليرو و خرجات .. هبطو بجوج فالدروج و مشاو لجهة الطبلة ديال الفطور لي كانت مجموعة فيها العائلة كاملة ما عدا اصلان .. اول واحد شافها هو سي إيتان لي ملامح الغضب تجمعو فعينيه
سي إيتان : ( بغضب ) جاااات قليلة الحيا
أرون : الصمت ... مابقاش كايهضر عليها من نهار سيفطو أرسلان للسبيطار .. ضار إليان لجهتها و ماهتمش بزاف مدام زوجو ارسلان بحبيبتو شيرا مابقاش هامو تجي ولا ماتجيش .. بقاو كايدورو لجهتها واحد بواحد بقا اخر واحد هو اسوار لي غير شافها جاتو صدمة ثلاثية الأبعاد .. عااااد البارح خلاها فالجزيرة كي دارت حتى وصلات لهنا .. ريماس فهاد اللحظة دهشروها نظراتهم ليها لي باااينين انهم ماكرهوش يفرسوها حتى لواحد اللحظة حسات بالصدمة مخلطة بالفرحة إثر سماعها لواحد الصوت توحشاتو بزااااف
ريناد : ختي ريماس .. ناضت كاتجري لجهتها و تبعها فادي .. بقات مصدومة فيهم و مامستوعباش ياك داك القتال قتلهم؟؟؟ ياك أسوار شحال من مرة قالها بلي راه لقا قبرهم بعد جهد كبير و بلي راه كايزور قبرهم لااا و الأكثر انها من نيتها فداك العام كانت كاتوصيه يشوف شخص من فليسطين لي يبقا يترحم عليهم و يسقي لهم قبرهم .. هاد العام كامل كان كايكدب عليها؟؟؟ ولكن علاش غايكدب عليها؟؟؟ اش غايستفاد؟؟؟ .. فيقها من تفكيرها حضن ريناد و فادي ليها .. باش نزيد نعطيكم تذكير فالوقت الحالي ريناد ولات عندها 16 سنة و فادي 17 سنة
ريماس : نتوما حيين .. فااادي ريناااد .. نتوما بصح حيين ، ( بدات كاضحك و تبوس فيهم بالصدمة و الفرحة ) توحشتكم .. توحششششتكم بزاااف علاش لي ماقال ليا حتى واحد راكم حيين علاش كدبوو عليا .. واش عدبوكم؟؟؟؟ هضرو جاوبوني؟؟؟؟
ريناد : لا ماوقع والو خايب .. عمي أرسلان تهلا فينا و عطانا بيتنا و كل نهار كايجيب لينا الاساتذة يقريونا و يعلمونا العبرية شفتي ا ختي وليت كانعرف نهضر بيها و دابا ولينا كانكملو قرايتنا فالمدارس عادي
فادي : و فاش كنا مراض ا ختي هو لي كان كايجي يغوت على الطبيب
ريناد : ختي فين كنتي؟؟؟؟ و علاش ماجيتيش لعندنا .. وقفات فبلاصتها و بقات كاتشوف فأسوار بحقد لي غير شافها كي كاتشوف فيه عرف راسو هاد المرة ما دار فيها ما يصلاح .. عاودات شافت فأرسلان .. ماكانتش ناوية نهائيا بلي غادي يوفي بكلمتو و غادي يجيب ليها خوتها لا بل هتم بيهم فغيابها و تكفل بكاع داكشي لي كايخصهم من دون ماتتأذى منهم شعرة .. فرحتها فهاد اللحظة كبيرة بزااف منين عرفات خوتها باقيين حيين .. واش لهاد الدرجة كايبغيها؟ لدرجة ينقذ 2 مسلمين ماشي من دينو غير على ودها؟؟
ريماس : شكرا
أرسلان : دوزي تفطري
ريماس : رنودتي فادي سيرو تفطرو ... مشاو يفطرو و يلاه بغات تمشي حتى هي ، شدها من دراعها رجعها لعندو و همس فودنيها
أرسلان : شنو دابا كاتغفليني و طلقيه
ريماس : تطلق بوحدو
أرسلان : الهضرة حتى نرجع ماشي دابا .. مزال هضرة طويلة بيناتنا .. جرها من يديها و مشاو لجهة طبلة .. ترأس الطبلة ديال الفطور كالعادة و بقات هي كاتشوف فين غا تكلس ماكان خاوي غير الكرسي لي على ليمن ديالو و هداك كان فالسابق الكرسي لي كايجلس فيه هو
أرسلان : جلسي
سي إيتان : ولكن هداك راه..
أرسلان : ماسمعتينيش؟! .. جلسي ... جلسات تحت صدماااات الحاضرين من تعاملو معاها و الأكثر هو البلاصة لي ماكان كايخلي حد يجلس فيها خلاها تجلس فيها .. فداك الفطور مافطرو غا بزز مابغاش يدوز لهم و علاش هادشي كامل؟ على كرسي ..
جلسات باش تفطر او بالأحرى باش تستكشف وجوه هاد القوم لي جالس فوق الطبلة .. ضايعة فيها ديك السمية .. كلهم مقابلينها بنظرات حقد من غير جوليانا لي مرة مرة فاش كايطلاقاو عينيهم كاتبتاسم ليها
أرسلان : ( بالعبرية ) فطري
ريماس : ( بالدارجة ) هاني كانفطر .. ماتسوقاتش لنظراتهم و فطرات فخاطرها ... بقات كاتفكر غير فهاد التصرف لي دار معاها .. ماكانتش متوقعة منو نهائيا غادي ينقد خوتها باغا تشكرو ولكن ماعارفاش كيفاش غاتشكرو على هاد التصرف حيت فالاول و الأخير هي ماشي ناكرة الجميل باش دير بحالا ماوقع والو حيت بفضلو مابقاتش مقطوعة من الشجرة كيف وهمها اسوار ... و بفضلو نقد خوتها لي على ودهم كانت دارت هادشي كامل .. شافت فيه و بتاسمات ابتسامة خفيفة عاد كملات ماكلتها
أرسلان : علاش غاتزيدي تكرهي؟!!! ... درت لك الخاطر بالزايد و ما بقيتي تحتارمي لا كبير لا صغير .. ولكن ماشي مشكيل .. جا وقت الخلاص
ريماس : رااه مااايمكنش نتجمع تحت سسقف واحد انا و وااحد مـاشـي مـن ديـنـي
أرسلان : هدا كان اختياارك
ريماس : هدا كان اختيارك نتا لي ماراضيش حتى تقلب فدين الإسلام
أرسلان : عموما هاد الهضرة مابقاتش كاتنفع السيمانة الجاية غاتولي ديالي .. و قد ما ستوعبتي الموضوع و تقبلتي طبعي دغيا غايكون حسن لك حيت مصييرك الوحيد هو انا حتى واحد من غيري .. طلق من الفك ديالها و كمل
أرسلان : كان عليك تفكري فهادشي قبل ما تباني قدامي
ريماس : ( بجدية ) كون متأكد حتى ايلا كمالت هاد الخطبة .. نهار العرس غا نحرق القصر بيه و بلي فيه و بلاصة العرس غا تولي جنازة جماعية
أرسلان : تهديداتك حتافضي بيهم لنهار العرس باش نفكرك فيهم .. دخل لعند جدو و خلاها واقفة على برا و هي لي من نيتها كانت كاتفكر كي تشكرو على ود خوتها حتى صدق صادمها بخبار الزواج ... دخلات لبيتها و سدات الباب و ما هي الا دقائق حتى عاودات تحلات الباب .. دخل أسوار
أسوار : ريماس صافا
ريماس : باقي عندك الوجه لي تشوف بيه فيا؟؟؟ .. لاش جاي؟؟؟؟
أسوار : خليني غير نشرح لك علاش درت داكشي
ريماس : أسوار خرج و ماتعاودش توريني وجهك ماتخلينيش ندير شي تصرف ماغايعجبكش .. هضرت معاك خرج ... بقا كايقرب ليها شوية بشوية و هي كاتشوف فهاد خونا فالله اش باغي يصنع .. وقف قدامها و بقا كايشوف فيها بنظرات حب ... بينما هي كاتشوف قصوحية وجهو .. عام و هو كايكدب عليها و شايفها محروقة على خوتها و ماهتمش لهادشي لا بل الاكثر هو فاش كان كايقولها راني خليتهم يترحمو عليهم
أسوار : درت هكاك حيت كانبغيك .. عامين و زيادة من نهار شفتك مافارقتيش بالي .. جا ارسلان من مورايا و خداك مني ببرودة .. شافت فيه بإستغراب
ريماس : ايلا ساليتي خرج خليني نرتاح
أسوار : علاش كاتهضري معايا بهاد طريقة؟؟؟ لهاد درجة ماكاتحملينيش؟؟؟؟ عمرني عاملتك بالخايب .. بالعكس من ديما و انا مساندك
ريماس : ( دفعاتو ) اوك بقا هنا انا لي غانخرج .. جات تخرج و شدها من دراعها ماعرف بالتصرفيقة منين نزلات عليه .. هزات صبعها فيه بتهديد
ريماس : ماتعاااودش تمسني .. عممممرني ننساها ليك و عممرني نسامحك كاتشوفني قدام عينيك محروقة عليهم و واخا داكشي كامل ماقلتيش لاا راه خاصني نقول لهاد المخلوقة خوتك عايشين ... لا راه خاصني نصارحها .. ماتعاودش تقوليا كاتبغيني .. بعد مني و ماتخلينيش نعاود نشوف وجهك ... خرجات من البيت
♚ أرسلان : غايكون عندنا اجتماع هاد الليلة مع عائلة روكفلير
أصلان : احسن ما درتي ا ولدي
أرسلان : عيطت على كبيرهم .. كانظن ماعندنا مانديرو بولادو ... بقا اصلان ساكت واحد المدة و نطق
أصلان : غير خليه يجي هو و مرتو و ولادو منها نيت نزيدو نوطدو علاقتنا بيهم
أرسلان : غاتهبط هاد الليلة؟!
أصلان : غا نكابر و نهبط باش نشوفهم
أرسلان : غانهضر مع اسوار يهضر معاهم
أصلان : واخا ا ولدي .. خرج ارسلان و مع الخرجة لقا اسوار خارج من بيت ريماس ..
أرسلان : اش كنتي كادير تما؟!
أسوار : الصمت ... مشا لعندو ارسلان بخطوات بطيئة وقف مقابل معاه .. خرج يد من جيبو و حطها من فوق كتف أسوار بقا كايدوز عليه و كايهضر بهدوء
أرسلان : زعمتي و زعامتك كانت خايبة
أسوار : ارسلان خليني نشرح لك
أرسلان : مخلي جدي كايموت و مهربها بلا شواري
أسوار : راه الموضوع ماشي كيفما كايسحابلك
أرسلان : عام و نتا مغبرها و عند بالك ماعارفش اش واقع من مور ضهري
أسوار : ارسلاان راها ماتصلاااحش لك
أرسلان : ( هز عينو فيه ) و الأخيرة حطيتي عينيك على مرت خوك
أسوار : كانبغيييها ... بغيييتها قبل منك و قبل ماتشووفها ... مع الجملة اللخرة ضربو بكروشية للعين و مباشرة عاود تبعها لو بكروشية خرا .. نزلو للأرض و بقا كايدخل ليه فالوجه وحدة مور وحدة .. عاود رجع لو اسوار ضربة لجهة الفم .. هز يديه قاس جهة فمو لقا شوية ديال الدم سايل .. هاد المرة نزل عليه بالضرب و مابقاش عطاه الفرصة باش يتململ .. كانت طالعة ريماس و جوليانا حتى شافتهم كايضاربو بجوج .. مشات ريماس كاتجري باش تفكهم و جوليانا هبطات كاتجري باش تعيط لشي حد يجي يفكهم ... وقف و هزو من الكول ديالو
أرسلان : ( بغضب ) عينيك نتقبهوم ليك لا عرفتهم تحطو عليها
ريماس : أرسلان طلق منو راك غاتقتلو
أرسلان : ( بحدة ) دخلي لبيتك ... هز اسوار يديه و عاود ضربو .. عاود شدو أرسلان و رجعها لو اضعاف ... طلع الاب ديالهم و غابريال و إيلام
سي إيتان : بعدي من حداهم ... مشات كاتجري تخشات من وسطهم كاتبعدهم على بعضياتهم
أرسلان : ريماس حيدي من قدامي
ريماس : فين غانحيد شوف كي رجعتي ليه وجهوو
أسوار : ( كايمسح دم من نيفو ) نتا ماكاتبغييهااااش نتاا باغي تردها وحدة من املاااكك .. انا لي كانبغييك ا ريماس ماشيي هو
سي إيتان : اسوار دوز تهبط لتحت يضمدو لك الجروح
أرسلان : رييماس حيدي من قدامي ماتخلينيش نغلط فيك
أسوار : اناااا لي قادر نتبرا منكم على قبلها ... ( كايضرب فقلبو ) انا لي كانبغيييها و قادر نبدل ديييني على قبلها .. واش نتا قااادر دير هادشي؟؟؟؟؟ جاوب ا الراااجل ... واش قااادر دير هادشي لي قادر نديرو انا ... حيدها من قدامو و بغا يرجع ليه .. بقا كايشدو ايتان و عمامو
سي إيتان : راااه خوووك هدا .. اش وقع لك؟؟؟؟؟؟؟؟
أسوار : بابا طلقو .. هادشي لي كايعرف .. كايعرف غير الضرب و القتيلة .. الحب ماشي هاااكا ... الحب هو دير عليها المستحيييلات .. الحب هو ضحي على قبلها و انا قااادر ندير هادشي ... واش يسحابلك هي غاتبغيك بهادشي لي كادير؟؟؟؟؟ نتا ماكاتعرفهااش حسن منيي ... عمرها غاااتبغيك و نتا ماقادرش حتى تبدل دينك .. انا عاارف بلي غايجي واحد الوقت لي غادي يتحلو عينيها و غادي تبغيني فييه .. ياك ا ريماس واعدتيني؟؟؟ ... واعدتيني غير نبحث فالدين ديال الاسلام و غاتهضري معايا و تبغيني .. شريت كتابكم و بديت كانقراه على قبلك ا ريماس .. بديت كانقلب فدين الاسلام على قبلك ا ريماس حيت كانبغيييك ... دفع باه و عمامو و رجع لعندو يخربق ليه الملامح لي باقيين
سي إيتان : كلشييي بسبابك يا راس المشاكل من نهار دخلتي لحياتنا و المشاكل تابعييننا
ريماس : فك ولدك من يدو راه غااا يقتلوو .. بعد منو من مور ما خلاه شرويطة
أرسلان : هادشي والو قدام داكشي لي كان كايتسناك .. شد ريماس من يديها و هبط
سي إيتان : ارسلان فين غادي رجع
إيلام : اسوار واش كاتسمعني؟؟؟
غابريال : اش هاد الحالة دار فخوه كلشي بسبب ديك الكافرة
أسوار : ( كايهضر بزز ) را ني بيخير .. فينها ريماس عنداك يدير لها شي حاجة
سي إيتان : باقي كاتجبد لي سميتها؟؟؟؟؟؟ عندك مراتك علاش تابعو فيها؟؟؟ .. خليه منو ليها يضبر راسو معاااها
أسوار : وا كانبغييها علاش مابغيتوش تفهموووني
سي إيتان : واش باغيين تحمقوني؟؟؟؟؟ وصلات بيك تفكر تبدل ديانتنا عليها؟؟؟؟؟؟ هي لي غادخلك للجنة؟؟؟؟؟
إيلام : فيق من هادشي لي راك فيه و ديها فمراتك
غابريال : داكشي لي بقا خاص .. غير يبدل ديننا على ود موسخة بحالها
أسوار : غادي نبدلو حيت بغييت
سي إيتان : عيطو للرجال يجيو يهزوه بان ليا ماواعيش بالهضرة لي كايخرجها
أسوار : وااعي و عارف اش كانقول
♔ ريماس : اش داكشي درتي فخوك؟؟؟؟
أرسلان : ( بالغوات ) قطعي الحس ...
ركبو فاللوطو و كسيرا نحو المجهول .. هضرة أسوار لعبات لو على اعصابو هاد المرة و خربقاتو .. وي فعلا هو يقدر يدير اي حاجة .. و اي حاجة بغاها ولكن حتى للدين لا .. مايقدرش يبدلو على ودها مي هادشي ماكايعني بلي هادشي ما حرك فيه والو .. مالك لي هو الدراع ليسر ديالو كان فاللول شخص كايبغي الديانة اليهودية ولكن فاللخر بدلها .. عاق بيه بدلها ولكن مابغاش يقتلو خلا ليه الاختيار يدير لي بغا ... أسوار لي المفروض عمرو يفكر دينو و فعلا عمرو فكر يبدلو ها هو ولا كايفكر يبدل دينو ... جوليانا مؤخرا عرف من خدامة بلي لقات عندها القرأن فبيتها .. اش كانت كادير بيه الله و اعلم ... كايحس بشي حاجة صغيرة .. احساس صغير كايجرو باش يبحث غير شوية و هاد الاحساس بالضبط هو لي ماباغيهش .. وقف قدام البحر و خرج .. تبعاتو ريماس وقفات قدامو
ريماس : اش داكشي درتي فيه؟؟؟؟ واش ما أنبكش ضميرك؟؟؟؟ واخا يدير لك لي دار لك كايبقا خوك و من لحمك و دمك ... شافت جرح صغير حدا فمو و هزات يديها قاستها بغات تحيد يديها ولكن حبسها بكلامو
أرسلان : ماتحيديهاش .. خلاتها حدا فمو
ريماس : علاش هادشي كامل؟؟؟
أرسلان : شششش ... سكاات و غير صوت امواج البحر الخفيفة لي كاينا تما .. شافت فيه و كان باااين فيه معصب .. حيدات يديها و جراتو من يديه بقا كايشوف فيها بملامح خالية من التعابير
أرسلان : جلسي للرض
ريماس : ياك معصب؟؟؟ ... البحر كايبرد الاعصاب ولكن ماشي و نتا كاتشوف فيه .. كايبرد الاعصاب فاش كاتكون فيه .. بقات جاراه لجهة البحر حتى قربو يوصلو
ريماس : حيد صباطك و الحوايج المهمة باش مايفزكوش .. شاف فيها مطولا و حيد الفيستا ديالو و كاع داكشي لي كان لابس من الفوق و صباط و بدون مايتسناها مشا كايجري غطس فالبحر شوية بشوية حتى مابقاش كايبان .. حيدات حتى هي سبادريلة و مشات كاتجري غاصت فالبحر بقات كاتزيد تبعد شوية بشوية حتى بعدات على البر .. تجبدات فالما و طلقات راسها و غمضات عينيها مستمتعة بأشعة الشمس .. عاودات غاصت تحت الما و عطات الحرية لجسدها يعوم .. شعرها خدا راحتو فالما حتى لواحد الشوية حسات براسها تجرات من اللور .. ضارت لعندو لقاتو الحب المحرم و من غيره .. طلعها معاه الفوق لسطح الما حتى خدا الأوكسيجين و عاود غطس و هي معاه ماعطاهاش الفرصة تاخد الاوكسيجين الكافي .. بقا غادي و كايزيد يهبط لأعماق البحر بلعاني كايتسنا الأوكسيجين لي جمعات يتسالا دازو 3 دقائق و السيدة مزال ماتخنقات ... حتى حس بيها بدات كاتزير ليه على يديه بمعنى الأوكسيجين لي كانت جامعة تقاضى شاف فيها بنظرات مكر بينما هي كانت كاتحاول تشرح لو باش يطلعو حيت بدات كاتتخنق .. هزات عينيها تشوف العمق لي نزلو ليه .. كايبان لها سطح الما بعيد بزااف يعني ماغاتجي توصل لتما حتى تكون ملحات مصارنها بالما ديال البحر .. قربها لعندو و لاصق شنايفو بشفايفها كاينقل لها الاوكسيجين و فنفس الوقت كانو طالعين .. كانت هزات يديها باش دفعو عليها حتى عرفات علاش دار هكاك عاد نزلات يديها مافخبارهاش بلي هو هاد المرة دارها عن قصد باش تتجاوب معاه و ماديرش نفس ردة الفعل لي كاديرها ديما .. حطات يديها على كتافو محاولة ما امكن باش مايبعدش عليها .. بينما هو فهاد اللحظة ستغل الفرصة و زاد قربها لعندو و حولها من عملية نقل الأوكسجين لقبلة حارة وسط البحر .. هز يدو و دخلها من تحت تيشورط بقا كايتلمس ظهرها .. عاود نزلهم و حطهم فالخصر ديالها حتى تنفضات .. و حتى هو بلعاني بقا كايدوز يديه فخصرها .. شيئا فشيئا و لأول مرة حس بيها ندامجات معاه .. عنقاتو بيديها و زاد زير عليها .. حتى وصلو للسطح البحر و مع ذلك بقاو شفايفها وسط شنايفو بنفس الپوزيسيون لي كانو بيها من تحت الما .. عض شنوفتها تحتانية و ضحك .. عاد عاقت براسها و دفعاتو عليها ...
رجعات تعوم قاصدة البر و مخلية أرسلان موراها لي طلع ليه المورال .. ماكاتمشيش بالخاطر و ماكاتمشيش بالضرب .. كاتمشي بالحيلة و هادشي لي خدم معاها باش يتهنا من الغوات و الدفيع و لسانها .. غاص من تحت الما و تبعها ، خرجو من البحر قد قد و عاود جرها لعندو عنقها من اللور جامع ليها يديها
ريماس : تهدنتي دابا ياك و باغي تندمني انا لي قلت لك البحر .. خشا وجهو فعنقها كايدغدغها بقبلاتو الخفيفة
أرسلان : ( بصوت خافت ) ماكايتشبعش منك ... جاتها الضحكة بدغدغاتو و حاولات تهضر بلا ماضحك
ريماس : أرسلان حبس .. وا صافي حبس .. بدات كاتكمش فعنقها و هو غير ماكايزيد .. حتى تقلبات ضحك و بقات كاتتكمش ليه فيديه .. طاحت فالرملة و طاح معاها هاز ثقلو عليها .. كمل تقبيلو ليها فالعنق و بقات فالرملة حتى ولات كلها رملة .. عض لها نيفها عضيضة خفيفة و ناض مد لها يدو باش تنوض .. نظراتو ليها كانو مختالفين على نظراتو قبل مايدخلو للبحر .. لبسها الفيستا ديالو و هزو حوايحهم .. ركبو فاللوطو و توجهو للقصر بجوجهم طالع لهم المورال .. وصلو للقصر و نزلو من اللوطو دار يديه مور ضهرها و دخلو .. مع الدخلة لقاو الأعمام مجموعين .. بقاو كايشوفو فيهم بإستغراب و من حالة ريماس لي عامرة رملة
إيلام : أرسلان بغيت نهض..
أرسلان : ماشي دابا ... طلعو الفوق خلاها دخل لبيتها و مشا هو دخل للجناح ديالو دار اتصال مع عائلة روكفلير باش يجيو العشية و دخل يدوش
♜ وصلات العشية و الخدم فالكوزينة قايمين بالواجب باش يستقبلو عائلة روكفلير بطريقة زوينة ... و هادو من مميزات عائلة روتشيلد .. إكرام الضيف من غير ريماس لي ماكان عندها زهر معاهم .. اصلان معاه 2 رجال من رجال ارسلان كايعاونوه فاللبس باش يكون انيق .. أرسلان لتحت مع العائلة .. خوت ريماس مندامجين مع ولاد و بنات العائلة اما ريماس كانت مع جوليانا ... وصلات عائلة روكفلير او بالأحرى غير 4 افراد منهم ... الام و الاب و الولد و البنت اما باقي العائلة كانو غير مدعوون .. جلسو ارسلان و اصلان مع كبير عائلة ركفلير و بنتو و ولدو
بنجامين ( الأب ) : نهار كبير هذا باش نتجمعو بغير مناسبة
أرسلان : حاجة عادية بين الحلفاء
بنجامين : كانظن راكم كاتعرفو الخلفاء ديالي لي كانتيق فيهم .. ولدي ميكائيل و بنتي فيوليت
أرسلان : كانعرفك نتا
سي أصلان : كبرو دغيا .. و وصلو لسن الزواج .. علاش مزال مازوجتيهم؟
ميكائيل : فالوقت الحالي خاوي راسي من دوك الافكار ا سي أصلان
سي أصلان : ( غمز بنجامين ) فنظري خاصك من دابا تفكري ديري دارك ولا لا ا بنجامين
بنجامين : متافق معاك 100% ولكن راك عارف ماكانلوحش ولادي حتى كانلقا لي يستاهلهم
سي أصلان : موجود لي يستاهلهم .. كيف كاتشوف حفيدي ارس..
أرسلان : حفادك ا جدي .. شاف فأرسلان لي كان كايبان فيه جدي
سي أصلان : المهم ماشي وقت هاد الموضوع دابا .. تبغيو تتعشاو دابا
بنجامين : عندنا بحال بحال ... ناضو من تما و جاو رجال ارسلان كايجريو جلسو اصلان فكرسي متحرك باش يديوه للطبلة ديال العشا .. جلس أرسلان مترأس طبلة و فجنبو ليمن هاد المرة كاين جدو حيت مايمكنش يجلس فكرسي اخر و فجنب جدو جالس بنجامين و مرتو .. اما الكرسي ديال اسوار كان خاوي .. جلس ميكائيل فالكرسي لي فجنبو و جلسات حداه فيوليت .. ماعيطوش على ريماس تهبط تتعشا ماشي نساوها مي باش مايوقعوش مشاكل فحضور روكفلير و سبحان الله حتى هي عندها داكشي بالعكس .. البلاصة و الوقيتة لي كاتكون فيها المشاكل هي فين كاتلقاها .. هبطات لتحت طالقة شعرها و توجهات لجهة طبلة ديال العشا تحت انظار افراد العائلة .. شافت فالكرسي لي جلسات فيه الصباح لقاتو عامر داكشي لاش مشات لداك لي كان جالس فيه اسوار .. هز ارسلان عينو فيها و زير على الفورشيط لي فيديه كايقولها جمعيه بحالا كايقولها طلقيه مابغاش يهضر قدام جدو و عائلة روكفلير .. شافها اصلان و تزير على البلاصة لي جلسات فيها ولكن مايقدرش يهضر بسبب الضيوف .. مع الهزة ديال الراس لي غايهزها ميكائيل ماعاودش حدر عينيه .. جلسات حداه دارت رجل على رجل و رجعات شعرها اللور ...
بداو العشا و هداك مزال ما بغا يهديه الله ينزل عينيه .. كايشوف نفس البنت لي شاف هادي عام فالحفل .. و نفس البنت لي فنظرو كانت كاطل عليه من لاطيراس .. هادشي كانو ملاحظينو 4 اشخاص فوق الطبلة .. أرسلان و اصلان و بنجامين لي علم الله اش كايدور فراس كل واحد فيهم و الرابعة ريماس لي كاتشوف فيه بنص عين و مامسوقاش ليه مدام مزال ماتجاوز حدودو .. سالا ارسلان عشاه و سالات ريماس .. ستأذنات منهم من باب الصواب و الأدب و ناضت .. دازو ثواني قليلة و ستأذن منهم ميكائيل بحجة غادي للحمام بغا ينوض ارسلان و شدو جدو بالهضرة ... يلاه بغات تطلع حتى حسات بيديها تجرات .. نطرات يديها من يديه و بدات كاتنفضها بحالا كاتنفض الغبرة من حوايجها
ريماس : ( بالإنجليزية ) ياك لاباس؟
ميكائيل : ماعقلتيش عليا؟؟
ريماس : ماكانعرفكش باش نعقل عليك و هاد المرة من الصواب فاش تبغي تهضر مع شي حد عيط لو ماشي جرو
ريماس : ليلة سعيدة .. بغات تطلع و جرها من يديها على غفلة حتى تزدحات معاه .. ستغل الفرصة و بغا يبوسها ولكن جاتها فحنكها ..هزات يديها حتى للسما و نزلات عليه بتصرفيقة خلاتو كايشوف بصدمة واش فعلا عاد دابا صرفقاتو؟؟؟
ريماس : ماتعاااودش تمسني
ميكائيل : ( بصدمة ) صرفقيتيني؟؟؟؟؟؟؟؟
ريماس : ( بعصبية ) صرفقتك و غانعاود نصرفقك و ندير ماكتر من تصرفيق ايلا عاودتي تجاوزتي حدودك معايا الحيوان تفووووو على بشر ... طلعات لبيتها و خلاتو مصدوم .. رحع لجهة طبلة ديال العشا و كلا من بنجامين و اصلان لاحظو تعابيرو لي تبدلات من زهرو المؤقت ارسلان ماكانش تما حيت فاش هو كان جاي .. ارسلان كان غادي
♔ بدات كاتقاد بلاصتها باش تتخشا فيها حتى تحل الباب
أرسلان : نوضي بغيت نهضر معاك
ريماس : بغيت ننعس ا ارسلان .. مشا جبدها من وسط الفراش و وقفها .. شد شعرها بين يديه
أرسلان : واش الهضرة لي نقولها اليوم نقولها غدا؟!!!! ... عزيز عليك تشدي معايا الضد ياك!!!
ريماس : ماكانشد بو ضد فرحانة بشعري و صافي
أرسلان : واش باغا تحمقيني..؟!!!! ... باغا تخرجيني من طوعي.؟!!
ريماس : مالي اش درت
أرسلان : و باقا كاتسولي؟!! .. شحال من مرة هضرت معاك تجمعيه.؟!!!!
ريماس : وا راه ماكايتجمعش و فاش كايتجمع كايتحل اش ندير ليه؟؟؟؟؟ ماكايتجمع حتى كانغطيه
أرسلان : غطييه علاش كاتعريه.؟!!!
ريماس : ماشي نتا لي عندك الحق تقوليا نغطيه ( بإستفزاز ) ماغانغطيه حتى لنهار نتزوج بواحد مسلم بحالي بحالو و يطلب مني نتحجب عاد غانتحجب
أرسلان : ماشكرتيش ربك فاش خليتو لك معري .. من غدا مابقيتش باغي نشوفك خارجة بيه معري و يا ويلك نلقاه معري نشعل فيك العافية نتي وياه .. سمعتيني ياك!!!!
ريماس : ماغانغطيهش و ايلا عاودتي بغيتي تبزز عليا نغطيه غانقطعو من جدر باش ماتبقا تلقا تقوليا مانجمع
أرسلان : جربي ديريها
ريماس : شعري راه ماغانغطيهش
أرسلان : غاتتحجبي
ريماس : ماعندك حتى شي علاقة بديني و ماكاتعرف عليه والو ماعندكش الحق تقوليا ندير شي حاجة لي نتا ماعارف عليها والو
أرسلان : كاتستافزيني دابا..؟!!!
ريماس : ماكانستافزكش ولكن ماغانغطيهش
أرسلان : غدا غا تشوفي هضرة من لي كاتمشي
ريماس : ( بعصبية ) وا بزاااااااف باراكا ... واحد يتحكم فيا و واحد يكدب عليا ولاخر يحاول يبوسني بزز اش هادشي وليت فيه عيييت
أرسلان : عاودي اش قلتي.؟ ...
تقطع الحس لمدة من الزمن بقا كايتسمع غير صوت الأنفاس ديالهم .. عينيها بقاو كايشوفو فيه بريبة عارفة هاد السكات ديالو إذا دل على شيئ ما يدل إلا على شي موصيية كحلة جاية فالطريق .. غمض عينيه زير عليهم و نطق و هو كارز على سنانو
أرسلان : شكون هو
ريماس : الصمت ... زير على يديه و وجه لها نظرات عاقلة بلي شافتهم مرة وحدة ولكن ماكانش فهاد الحالة لي كاتشوفو فيها دابا بحال شي أرسلان حقيقي .. باغي غير يعرف شكون هدا لي سخات عليه روحو و باسها فالحنك .. ماكانتش متوقعة نهائيا هاد ردة الفعل كامل .. بغات تبرد الطرح حيت ماناقصها دنوب شي حد اخر توقع ليه شي حاجة بسببها ايلا ما حن فخوه واش غايحن فلاخر
ريماس : ماشفتوش مزيان كان الظلام .. ماحسات براسها حتى تغرسو صبعانو فالمؤخرة ديال راسها و قربها ليه
أرسلان : غاتقولي لي ولا غانعرف بطريقتي؟!! و من الاحسن تجي من عندك حيت ايلا طحت فيه ماتتخيليش اش غاندير فيك نتي وياه .. شدات يديه لي شاداها من اللور ديال شعرها كاتحاول تحيدها و شافت فيه بغضب
ريماس : اقسم بالله و ماطلقني حتى نغوت و نجمع عليك عائلتك نقولهم كاتحاول تتعدا عليا وسط القصر ... بعد شياطينك و طلق مني حيت عييت من هاد النوبات ديال الغضب لي ماكايجيوك حتى كاتشوفني
أرسلان : ديريها
ريماس : اش غاندير؟؟
أرسلان : غوتي و جمعيهم
ريماس : طلق مني ا ارسلان
أرسلان : سكاتك طول بزاف و ماشي أرسلان لي كايصبر .. نطقيي سميتو بالزربة و ماتزيديش تختابري الصبر لي ماعنديش
ريماس : ماغانقولكش .. ( بغضب ) ماشي كلشي كايتحل بالضرب و القتيلة راه الهماااج هدا .. بتاسم ابتسامة سخرية و زاد قربها لعندو كتر من اللول حتى تقابلو عينيهم
أرسلان : اخر تحذير عندك و عتابريه تهديد هضري شكون هو .. صبري معاك تقاضى و صدري ضاق و العافية شاعلة فيا باش نغبروو .. هاديك الساعة عاد غاتعرفي همجيتي كي دايرا .. شكون هو؟! .. ندمات كاع علاش قالتها لو
ريماس : غير كدبت عليك ماتعرض ليا حد ا أرسلان و ما باسني حد
أرسلان : كي كانبان لك؟!!
ريماس : راه ماكاين والو غير كدبت عليك تيق بيا
أرسلان : واش كانبان لك كانرضع صبعي؟!!!
ريماس : راه ماعرفتووش كي بغيتيني نعرفو و انا ماشفتوش .. طلق منها و رجع بخطوة اللور
أرسلان : هاني راجع لك .. خرج من البيت و هبط عندهم لتحت .. تبعاتو باش تحبسو ولكن لا حياة لمن تنادي ماسمعهاش .. صافي قالت اليوم يصفيها ليه و هادي اللخرة ليه من الصباح و هو شاد راسو على ود الضياف مي دابا موحال واش يدير بحساب شي ضيافة وحدة من الجوج يا غايمشي للسبيطار يا للقبر .. هادو هما توقعاتها .. ولكن وقع عكس داكشي لي توقعات .. هبط لتحت و جلس معاهم عادي كأن شيئ لم يكن .. كانو العيالات مشاو و بقاو غير الرجال و بنت و مرت روكفلير
أصلان : حفيدي فين كنتي
أرسلان : ( عينيه على ميكائيل ) كان عندي شي غرض
فيوليت : امم
أصلان : ضيوفنا قربو يمشيو
بنجامين : ايوا ضروري راه مشا الحال
أصلان : عاودوها مرة خرا
بنجامين : غانتسنا زيارتكم لعندنا
أرسلان : ايلا كنت مسالي علاش لا
أصلان : اكيد علاش لا
بنجامين : ( ناض ) هدا هو الوقت و شكرا على حسن الضيافة كالعادة كيفما ديما
أصلان : اش كاتعرف علينا
بنجامين : الكرم و حسن الضيافة .. جا الوقت لي يتوادعو فيه بقا ميكائيل كايقلب بعينيه على ريماس و ارسلان حاضيه و عارفو علاياش كايقلب .. و ودعوهم و مشاو .. بدات كاتتفرق العائلة على ود النعاس كل واحد مشا لبيتو اما بالنسبة لجدو طلعوه رجال ارسلان ماشي حيت ولا معاق ولكن حيت صحتو خانتو و مابقاش كايقدر يتمشا بزاف
أرسلان : جدي باغي نهضر معاك فواحد الموضوع ...
أرسلان : جدي بغيت نهضر معاك
سي أصلان : واش شي خبر خايب؟؟؟
أرسلان : ماشي بزاف ... شاف فرجالو باش يخرجو ستأذنو و خرجو
سي أصلان : ايلا كان خايب بزاف خليه حتى ننوض من الفراش
أرسلان : بخصوص ريماس
سي أصلان : يعني خايب؟؟
أرسلان : ماشي شي حاجة خطيرة
سي أصلان : فإينا موضوع؟؟؟
أرسلان : كدبت عليك
سي أصلان : كدبتي عليا؟؟
أرسلان : كدبة صغيرة
سي أصلان : ( تقاد فجلستو ) فاش كدبتي عليا؟؟؟
أرسلان : ريماس ماكانتش حاملة .. بقا جدو كايشوف فيه بصدمة .. عمرو ماكدب عليه و نهار كدب عليه كان بسبابها للمرة لي ماعندهاش عدد
سي أصلان : باش تحميها كدبتي على جدك؟؟؟؟؟ وصلات بيك للكدوب عليا؟؟؟؟ .. بقا كايشوف فيه ارسلان بشوفات دخلو ليه الشك فراسو .. زاد تفكر تخطيط لي خطط من مور ارسلان ضدها و ضد خوتها .. و اتفاقو مع مورغان و زيد و زيد عند بالو .. يعني فهاد الحالة بجوجهم بحال بحال هو كدب عليه و حفيدو قابلو بالمثل .. سكت دقائق و نطق
سي أصلان : كاتبغيها؟؟؟
أرسلان : ماكانأمنش بهاد الكلمة .. كانأمن بما كتر منها
سي أصلان : هادشي علاش كدبتي عليا؟؟؟
أرسلان : الموضوع كان كايستحق
سي أصلان : عمامك فراسهم؟؟؟
أرسلان : مامحتاجش نبرر .. شاف فيه مطولا و عاود هضر
سي أصلان : فكر مزيان قبل ماتقرر اي قرار
أرسلان : فكرت ا جدي
سي أصلان : ماغانوقفش لك فطريقك ولكن لي بغيتك تعرف هاد القرار غايخرج على امبراطورية فنينا فيها عمرنا كامل عارف هادشي؟؟؟
أرسلان : زواجي بيها ماعندوش دخل بهادشي
سي أصلان : زواجك بيها غادي يكون عندو تأثير كبير علينا و على سمعتنا
سي أصلان : موجودين البنات غير مستفين يتسناو غير كلمة من عندك كاين ما حسن منها ختار و ماكاينش لي غايهضر معاك
أرسلان : ختاريت مسبقا
سي أصلان : أمثالها و لي كايشبهو لها موجودين غير هما
أرسلان : ( بهدوء ) حتى حاجة ماكاتشبه لحاجة ... و حتى واحد ماكايعوض غياب شي حد ... الحوايج المختلفة فاش كاضيع ماكانلقاوش لها البديل و هادشي لي وقع معايا فهاد العام ... تنهد اصلان و جاوب
سي أصلان : ماغانوقفش فطريقك .. قررتي ايمتا غادير الخطبة؟
أرسلان : من هنا 2 سيمانات
سي أصلان : مزيان .. تقلب للجهة لاخرا و هو ماراضيش الى الوضع و مايمكنش يخليها تكون ام لحفادو من مور كاع داكشي لي دارت داكشي علاش بدا كايخطط و كايرسم اول الخطوات باش يتهنا منها ... خرج من عندو و مشا لجناحو
♔ كانت جالسة فالبيت و تفكيرها غير فأش غايكون وقع لداك خونا .. واش باقي حي ولا مات ولا اش وقع ليه .. ندمات كاع لاش قالتها ليه .. هو فعلا يستاهل الضرب و باغا ليه الحالة ديال اسوار على فعلتو ولكن ماشي يموت بسببها .. غير يفوتها هي و يموت ولا يحيى .. دازت قدام عينيها صورة جدو و الندبة لي بقات فوجهو بالحريق .. تبسمات بشر و بقات كاتتشفا فيه المهم ماخرجش بلاش و الإمارة بقات مطبوعة ليه فوجهو باش يتعلم يقرب لعائلتها .. ربي عطاها العكوزة ماكاتهضرش معاها ولكن جا اصلان و أدى الدور ديالها بإمتياز .. بانت لها الفيستا ديال ارسلان لي عطاها لها فاش كانو جايين .. مشات هزاتها و تفكرات استفزازو ليها .. مدام هو ماكايبغيهاش تطلق الشعر فأكيد غادي يبغيها دير الحجاب .. مي بيان سيغ ماغاديش ديرو حتى تخليه يمشي يقرا عليه و شوية بشوية غايبدا يتعمق .. هادي هي الفكرة لي كانت فبالها .. حطات الفيستا و مشات لبلاصتها باش تنعس ...
• في مكان فالقصر
كانت مفرشة السجادة .. حاطة كتاب قدامها كايعلمها طريقة الصلاة و كاتتبع معاه خطوة بخطوة دايرا فبالها غير تتعلم تصلي و غاتولي تصلي بلا بيه .. سالات صلاتها و حيدات العباية .. جمعات سجادة و الكتاب و خبعاتهم فبلاصة مايلقاهم حد فنفس البلاصة لي مخبعة فيها المصحف المترجم .. تحلات الباب و دخل واحد الشخص و عاود سدها موراه .. توجه لعندها و ابتسامة حنونة مرسومة على وجهو .. باس لها راسها و شد يديها بجوجهم باسهم
****** : أميرتي
***** : يلاه لقيتيني ساليت الصلاة
****** : حتى انا يلاه صليت قبل مانجي لعندك
***** : ( بإمتنان ) كانشكرك بزااف
****** : علاش غاتشكريني ا اميرتي
***** : بفضلك زدت عرفت الإسلام و بفضلك وليت كانحس بواحد الراحة ماكنتش كانحس بيها من قبل
****** : الشكر ماشي ليا .. الشكر الله على هاد النعمة
ميكائيل : علاياش كاتهضر .. شرحو لي شنو درت اينا حاجة لي قربت له .. ارسلان خليوني نمشي كون اكيد ايلا عرف بابا هادشي ماغايعجبوش الحال ... سكتو بكروشية طيحاتة هو هو و الكرسي ديالو و عاودو هزوه رجال ارسلان قابلوه معاه ... بدا كايضرب فيه ضربة من مور ضربة زاد خصر ليه الملامح لي بقاو بالبيان حتى فقد الوعي ديالو .. رجع باللور كايتسناهم يفيقوه .. خواو عليه سطل ديال الما طاااااايب حتى تسلق و ناض مفزوع و منها نيت تحيد الدم لي غطا وجهو باش يبانو البلايص لي باقيين صالحين للدق واخا راه وجهو مابقا فيه مايتضرب .. ولا بحالا داز فيه رموك و الوجه هو لي كان فالواجهة .. قفز كايغوت بسبب الما لي سلقو و بدا كايغوت بسبب الحريق و ما هي الا ثواني حتى تقطع صوتو و هاد المرة ماشي مؤقتا .. تقطع لديما بسبب القرطاسة لي ختارقات الجمجمة ديال راسو .. عطا الفردي لأبراهام
أرسلان : تكلف
أبراهام : واخا ا ميستر ارسلان
أرسلان : مانبغيش الأخطاء ... خرج من تما و خلاه كايتكلف بجثة ميكائيل
♔ جالسة وسط القصر و بالضبط فالبلاصة لي ممنوع يدورو فيها العيالات من غير الخدامات حيت ولاد العم و الاعمام كايدوزو من تما و واحد مايبغي لاخر يشوف ليه بناتو ولا عيالاتو ولا الام ديالو واخا راهم عائلة وحدة .. بالصدفة دازت من تما أديرة بالزربة .. حتى مشات و عاودات رجعات .. هضرات بصوت عالي باش تسمعها ريماس
أديرة : غادي يجي شي حد يلقاك تما غا يدور فيك
ريماس : علاش؟؟
أديرة : ممنوع على النسا يجلسو تما
ريماس : فنفسها ( ممثلين فمسلسل حريم السلطان و الحرملك زوينة هادي ..)
ريماس : علاش؟؟
أديرة : النسا كايتجمعو فالجهة الثانية ديال القصر .. المهم هضرت لمصلحتك
ريماس : فين جاية الجهة الثانية؟
أديرة : ( بنفخة ) تبعيني ... ناضت ريماس و خشات يديها فجياب السروال و لحقات على أديرة .. غاديين و ريماس كاتتمنظر فالقصر و زخارفو
ريماس : ميرسي
أديرة : مادرتش هادشي على قبلك .. درتو على قبل ولدي باش مايتعصبش
ريماس : كاتفكري فيه واخا كايعاملك بديك الطريقة؟؟
أديرة : ماتتدخليش فشي حاجة ماكاتعنيكش
ريماس : فنفسها ( سري نييت ) ..
وصلو لواحد الصالة كانو مجموعين فيها النسا ديال العائلة .. غير شافو اديرة معاها ريماس حبسو الهضرة و بقات وحدة تنغز فوحدة و وحدة توشوش لوحدة .. بقاو كايطلعو و يهبطو فريماس و أديرة .. فهاد اللحظة أديرة ماحملاتش راسها و ندمات كاع حتى خلات ريماس تجي معاها لهنا .. دخلات ريماس لداخل و عينيها كيسكانيو كاع لي جالسين تما
مرت إليام : ( بالعبرية ) ايوا صافي هادشي لي بقا خاص غير المسلمين يجيو يتزاحمو معانا
مرت أرون : بان ليا موحال تفهمنا
مرت إليام : ( بقهقهة ) باينا .. شوفي غير كي كاتشوف فينا
مرت غابريال : و منين غاتفهم .. أديرة تلات بيك ليام حتى وليتي تجيبي الوسخ لعندنا
أديرة : ( الصمت )
مرت داوود : غير واحد باغي يبدل دينو و واحد سحرات ليه وا تربية زينة عندك هادي
مرت غابريال الثانية : ما قادرة حتى تربي ولادك واش بقات فراجلك يتزوج بيك غير نتي
مرت غابريال الأولى : جات لفعة تلوات ليها عليهم و خلاتها كاتشوف
مرت داوود : معذر ارسلان فيها .. قليلة النفس .. بقات ريماس كاتشوف فيهم و مطلعة حاجب و مهبطة الثاني كاتسمع لتفاهات هادو لي مجموعين و كاتشوف فسكوت أديرة لتجريحهم ليها
مرت غابريال : خبي وجهك و هربي بحال ديما .. ماقدراتش أديرة تزيد تبقا تما جات بغات تخرج و شداتها ريماس من يديها
أديرة : ( نطرات يديها من يدين ريماس ) ماتتدخليش فأمورنا العائلية اصلا كلشي بسببك نتي من نهار دخلتي لعندنا و حنا غارقين فالمشاكل
مرت داوود : قلالات النفس بجوجهم ماشي غير وحدة .. خنزرات فيها ريماس و هزات صبعها كتهديد و هاد المرة جاوباتها بالعبرية الشيئ لي خلاهم مصدومين و خصوصا اديرة حيت من نهار شافتها و هي كاتهضر يا بالدارجة يا بالإنجليزية
ريماس : ( بحدة ) جمعي فمك و خلي هضرتك عندك
مرت داوود : اش هادشي كانسمع؟؟ وحدة ماعارفين اصلها من فصلها كاتهز عليا صوتها؟؟؟
ريماس : هاد الهضرة ليك نتي لي ما بقا ليك غير القبر و باقا مجبدة وسط لي صغر منك .. هاني غانرجع لكم و نشوفو هاد الهضرة .. خرجات كاتجري تشوف أديرة .. لقاتها غادا و كاتبكي مشات لعندها
ريماس : واش لاباس؟؟
أديرة : ( بغضب و دموع ) علاش تابعاني؟؟؟ ماشفتيش فاش تسببتي ليا ماكفاكش داكشي و جيتي تكملي عليا هنا
ريماس : علاش كاتسكتي لهم؟؟؟ و علاش كاتبيني لهم ضعفك؟؟؟ ماخاصكش تكوني هاكا .. واجهيهم و لي عطاتك هضرة عطيها بجوج .. هما فاش كايشوفوك كاتهربي عاد ماكايزيد يعجبهم الحال
ريماس : ( بإبتسامة صغيرة ) " فاش كاتعطيك الحياة مئة سبب باش تنهاري و تبكي خاصك تعطيها الف سبب باش تبتاسمي و تضحكي .. مسحي دموعك و ماتخليش هضرتهم تأثر عليك ...
شافت فيها أديرة بحزن .. و بدات كاتمسح دموعها
أديرة : علاش درتي هاكا فولادي
ريماس : انا مادرت والو ... كون درت ماكنتش غانهرب
أديرة : و فينو حفيدي؟؟؟ علاش ماشفتوش؟؟؟
ريماس : اينا حفيد؟؟؟ .. ( تفكرات نهار بغات تهرب و سولها اسوار عليه )
ريماس : دابا عاد اديرة؟؟؟ قبيلا فاش كنتو تجرحوها مابانتش لكم ديك الساعة ياك
مرت غابريال : قليييلة الأصل
مرت إليام : ماعندك كرامة الرجال مزوجين و كادوري بيهم واحد بواحد
ريماس : كلامكم بالنسبة ليا بحال التراب ايلا ماطارش فالهوا كانزطم عليه برجلي
مرت أرون : هادشي مابقاش يتصبر عليه اليوم نهضر مع راجلي يهضر مع أرسلان و ديك الساعة شوفي ايلا مالاحكش للزنقة
ريماس : يلوحني على قبلك؟؟؟؟؟ فكرتي مزيان قبل ماتهضري ولا غير هضرتي
مرت أرون : هانتي غا تشوفي
ريماس : ( بإبتسامة جانبية ) نتي ماعارفاش بلاصتي عندو .. يلوحك نتي و راجلك و مايلوحنيش انا
مرت غابريال : كاتحلمي بزاف
ريماس : تبغي تجربي؟
أديرة : ريماس جلسيي
مالك : انسة ريماس تكلمي لميستر أرسلان ...
ضارت لعند مرت غابريال بتاسمات لها بشر و عاودات شافت فمالك
ريماس : اه و ما قالكش علاش
مالك : ماعرفتش مي فاش جا للقصر سول عليك .. عاودات ضارت لعند مرت غابريال باش تتأكد بلي راها نيت كاتسمع بودنيها
ريماس : اممم ... مشات معاه و خلاتهم مستغربين
أديرة : شنو غايكون بغاها؟؟
جوليانا : ماعرفتش ا ماما
أديرة : ديك البنت لسانها طويل بزاف
جوليانا : ( كاضحك ) ولكن ضريفة
♔ ريماس : فين غبرتي
مالك : الصمت
ريماس : مالك ماكاتجاوبش
مالك : الصمت ... وصلها للدروج و مشا بدون مايجاوبها .. بطبيعة الحال ماغايجاوبهاش و هو تهرس ليه الفك و تخصر ليه الوجه بسبابها كون ما أبراهام لي كان معاه حتى دار عملية تجميل للفك كون راه كل شوية فسبيطار .. طلاقا بأبراهام فالطريق
أبراهام : مالك طالع لك الدم
مالك : والو غير مع راسي
أبراهام : مايمكنش
مالك : كنت بغيت غير نشكر ريماس على توجيهها ليا باش نبحث فالإسلام ولكن ماقدرتش .. مابغيتش شي صداع مع ميستر أرسلان
أبراهام : مالها هي لي غادخلك للجنة .. ياك بحثتي بوحدك و شديتي الطريق بوحدك
مالك : كون ماعرفتهاش كاع مانرجعو لطريق الصواب .. حط أبراهام يدو على كتف مالك
أبراهام : فضلك كبير عليا كان عند بالي اليهودية هو الدين الصحيح حيت ماشي ساهل دخل ليه .. ولكن داك النهار فاش شفتك كاتصلي عاد فهمت شحال من حاجة
"Flash Back Before 3 Months"
كان أبراهام كايقلب على مالك حيت طلبو أرسلان .. غادي و كايسول عليه حتى دخل عليه لواحد البيت من غرف الضيوف .. لقاه مفرش السجادة و كايصلي كان غايهضر معاه ولكن تراجع و بقا مراقبو من الباب .. كايقرا بضع سور قصيرة من القرأن بدون قصد لقا راسو كايتمعن فالأيات حس بواحد الشعور غريب عمرو حس بيه ... بقا كايتكرر الأمر لمدة اسبوع حتى ولا حافض اوقات الصلاة لي كايصلي فيها مالك شوية بشوية حتى لقا راسو تعود يسمع لدوك السور و الأدعية لي لقا عليها راحة غريبة هادشي كامل بدون مايعيق بيه مالك .. حتى لواحد النهار قرر يهضر معاه الفضول قتلو و مابقاش مكتافي يسمع ولا خاصو يعرف علاش كايحس بديك الراحة غير فاش كايسمع للسور ديال القرأن .. كالعادة كان مالك كايصلي صلاتو حتى وقف عليه خلاه حتى سالا
مالك : اش كادير هنا؟؟
أبراهام : ( بتردد ) بغيت نسولك
مالك : عاد كاطلب الإذن .. سول
أبراهام : شنو كنتي كاتقرا عاد دابا؟؟؟
مالك : ( بإبتسامة ) سور ديال القرأن الكريم
أبراهام : كاتقصد كتابكم؟؟
مالك : وي كتابنا .. بقا ابراهام ساكت شوية و عاود نطق
أبراهام : ( بتردد ) عندك داك الكتاب؟؟
مالك : وي عندي علاش واش بغيتيه؟؟
أبراهام : لا ماشي بغيتو ليا .. لواحد الصديق كانعرفو
مالك : ( حط يدو على كتفو ) ماعندك علاش تحشم راك قادر تقوليا بلي راه ليك ماتنساش راحنا صحاب
أبراهام : بغيتو ليا ولكن ماشي لداكشي لي فبالك غير بغيت نشوف اش فيه .. هزو مالك من حداه و عطاه لو
مالك : ها هو ولكن ماتلفوش تسالي و رجعو ليا
أبراهام : العشية يكون عندك ... بقا القرأن عند مالك و وصلات العشية و مارجعوش وصل لاغد ليه و مارجعوش .. دازت 7 ايام ماعاودش سول مالك على حتى شي حاجة و القرأن باقي عندو حتى للنهار العاشر عاد جابو ليه .
مالك : ( كايضحك ) هادي هي العشية
أبراهام : كنت محتاج نزيد نقرا و نعرف شي حوايج
مالك : و عرفتيهم
أبراهام : عرفتهم و عرفت شي حوايج كنت غافل عليهم كون قالهم ليا شي حد ماكنتش غانسمع ليه ولكن فاش قريت شي براهين تبدلو شي حوايج ( شاف فيه بتردد قبل مايكمل ) بغيت ندير خطوة و ما متأكدش منها
مالك : اينا خطوة؟
أبراهام : قررت ندخل للإسلام .. بقا مالك مصدوم فيه ماكانش متوقعها منو و خصوصا هو من داك النوع لي ماكايقتانعش بالهضرة و صعيب تقنعو بشي حاجة .. كان شاد فديانتو و من ديما كايدافع عليها
مالك : واش متأكد من هضرتك؟؟
أبراهام : علاش واش ماشي مسموح لي؟؟
مالك : ماشي هادشي لي قصدت ولكن شنو تبدل؟؟
أبراهام : تبدلو بزاف ديال الحوايج
مالك : خلي نساليو و غادي نديك لعند الإمام لي سلمت على يديه
أبراهام : شكون هدا؟؟
مالك : دابا تعرفو .
من داك النهار لي نطق فيه الشهادتين و غتاسل و هو كايتعلم الصلاة من مالك .. حتى تعلم لها و دازو شهرين عاد هضر مع جوليانا و قنعها باش دخل بالإسلام لي كانت هي فالأصل كايعجبها دين الاسلام
"End Of The Flash Back"
مالك : مادرتش شي حاجة كبيرة
أبراهام : عارف بلي مزال ما شاد الدين مزيان ولكن مع الوقت نقدر نتبدل ...
العميل الصهيوني والجاسوسة المغربية الجزء 18 (الفصل الثالث)
محتوى القصة
التنقل بين الأجزاء