ريماس : وي كانهدد حيت شحال من حاجة تنازلت عليها ... قلتي لي نزيد نبحث فالديانة اليهودية و بحثت .. وافقت على الخطوبة واخا نتا ماشي من ديني و شحال من حاجة و فالمقابل نتا مابغيتيش .. قلبات وجهها بغضب للجهة الثانية باش ماتزيدش تقول شي كلمة لي تخليهم يقلبوها صباط
أرسلان : حاجة وحدة لي كاتشفع لك عندي
ريماس : شنو هي؟؟
أرسلان : نخاف نقتلك و مانطلاقاوش فالحياة الأخرة .. بهاد طولة لسانك و هضرتك لي ماكاتفكريش فيها قبل ماتخرجيها إستحالة نخليك عايشة من هنا للعام الجاي
ريماس : غير تهنا مابقاش بزاف و غاتتهنا مني .. شكون عرف واش انا لي غانخرج عايشة فداك السباق ولا فيوليت
أرسلان : نتي لي ختاريتي
ريماس : و قادة بإختياري ... طلق منها و ناض متوجه للباب
أرسلان : ل5:00 نلقاك واجدة .. خرج من عندها و مشا فإتجاه بيت أسوار
ريماس : بففففف بقات غير شهراين و هو مزال متشبث بدينو
• سي أصلان : صافي عرفتي اش غاديري؟
فيوليت : ماتخممش فهادشي ا عمي أصلان
سي أصلان : ماتنسايش ايلا نجحتي فهادشي غادي تكون عندك مكانة كبيرة فالقصر فاش غانزوجك بحفيدي
فيوليت : واخا كاتبان لي ماسويهلاش ولكن غاندير كل ما فجهدي
سي أصلان : هي عنيدة و كاتداعي القوة هادشي لي كاين لي عارف ولكن لي عارف بنت بنجامين روكفلر ماكاتخافش
فيوليت : و أنا ماغانخافش منها
سي أصلان : هنا فين غاتبيني لي واش تستاهلي تكون مرت حفيدي
فيوليت : غير تهنا من هاد الناحية
سي أصلان : اجي للقصر هاد العشية .. خاصك تبداي ديري بلاصتك من دابا
فيوليت : من دواعي سروري ا عمي اصلان نقبل الدعوة ديالك
سي أصلان : ردي بالك مزياان لايمشي يعيق بيك أرسلان حيت ماغاديش تفلتي منها
فيوليت : ماتخافش ا عمي اصلان وجدت خطة محبوكة مزيان لي ماغاتخليش الدليل
سي أصلان : لاياش خططتي؟؟
فيوليت : ************************ ... توسعو عينيه بإنبهار و تبسم بشر
سي أصلان : هادي هي بنت روكفلر لي كانعرف
فيوليت : راني ماساهلاش ليها و فاش كانبغي نحيد شي حد من طريقي ماكايصعابش عليا
سي أصلان : فاش تجي للقصر و غانناقشو مزيان هاد الخطة عندي ليك شي إضافات ليها
فيوليت : مرحبا علاش لا ... كملو هضرتهم و مخططاتهم لي ضد ريماس ، وصلات ل5:00 كانت ريماس وجدات راسها و لبسات كاجوال سروال تجينز فاتح مع ديباردو فالبيض و سبادري بيضة جمعات شعرها كوت شوفال و كتافات بعكر ماط خفيف و الحاجة الأساسية لي هي البارفان .. جات كاتركب الساعة فيديها و مشاو عينيها للخاتم لي ختار لها بتاسمات إبتسامة خفيفة و بين ليلة و ضحاها تحولات من أنثى عزباء مستقلة لشابة مخطوبة و ماشي لأي شخص ... لأرسلان روتشيلد اكثر شخص كانت كاتمقتو و تكرهو و اكثر شخص تمنات تقتلو .. تحلات الباب و دخل أرسلان طلعها و هبطها بنظرة خفيفة
أرسلان : الشعر جمعتيه و اليدين عريتيهم
ريماس : جاني الصهد ...
أرسلان : بدلي ... مشات هزات قاميجة من الماريو كاروات و زادتها عليها من الفوق .. بتاسمات ابتسامة عرييضة و معوجة
ريماس : و دااابا نقدرو نخرجو .. قرب لعندها و سد صدايف
أرسلان : ( بإبتسامة خفيفة ) دابا مزيان ... شد لها فيديها و خرجو مع الخرجة لقاو أصلان خرج من بيتو بالكرسي المتحرك
سي أصلان : حفيدي فين غاديين
أرسلان : خارجين ا جدي
سي أصلان : فين خارجين؟
أرسلان : امور كاتخص ريماس
سي أصلان : شحال مابقيت شميت الهوا و شفت الزنقة كي دايرا .. تسنا نمشي معاكم
أرسلان : جدي صحتك ماشي هي هاديك .. ماغاديش تقدر على البحر
سي أصلان : قنطت ا حفيدي و بغيت نشوف المدينة
أرسلان : ( بإبتسامة ) واخا .. بقات كاتشوف فأصلان بغضب ضروري مايدخل راسو فأي حاجة ... دازو دقائق و عاود خرج اصلان مكاليينو جوج رجال باش مايطيحش .. سبقوهم و بقا ارسلان و ريماس اللور .. هبطو لتحت و ركب ارسلان و ريماس اللور و اصلان جلس مقابل معاهم .. ديمارا الشيفور و تبعاتو طوموبيل خرا راكبين فيها دوك 2 لي ولاو كايرافقو اصلان باش يوقفوه .. وصلو لحدا اليخت و عاودو طلعوه .. الطريق كاملة و ريماس طايح لها المورال من جدو عارفاه كايخطط لشي حاجة ولكن لاياش بالضبط .. دازت ساعة و وصلو للميناء لقاو مالك كايتسناهم مع طوموبيل خرا .. ركبو و شدو الطريق
ريماس : فين غانوصلو بالضبط؟؟؟
أرسلان : ( حط يدو على ضهرها ) ماغانبعدوش بزاف
سي أصلان : بنتي ريماس اجي جلسي هنا خليني نجلس حدا حفيدي باغي نهضر معاه فشي أمور .. شافت فيه و عاودات شافت فأرسلان ماعرفات واش هدا جد ولا عكوزة
ريماس : الرجال انا مانتدخلش ياك ... منين غاتفكر سير تزوج بيها هي نيت
أرسلان : ماغاتسكتيش؟!!
ريماس : ماشي دابا .. مااااشي دابا
سي أصلان : بنتي ريماس خاص تعرفي بلي هادشي من تقاليد العائلة و كل ما كانو عندو ولاد كتر هادشي غايكون حسن للعائلة .. و هادشي كايعاونا حتى فتقوية العلاقات ديالنا .. شافت فيه و يلاه كانت غاتبدا تهضر ولكن تهدنااااات
ريماس : ( بصوت هادئ ) ايااااه كلامك هو الكبير .. وصلو لقدام واحد المبنى جاي خارج المدينة .. عبارة على كاراج كبييير .. خرج ارسلان و ريماس
ريماس : ماكاتعجبنيش الحاجة المشروكة .. نقبل بأي حاجة ا أرسلان إلا هادي ماتحلمش نقبل تكون عندي الضرة
أرسلان : ( بإبتسامة جانبية ) كاتغيري
ريماس : ماكانغيرش .. حاوطها من خصرها و حيدات ليه يديه .. عاود حاوطها و بغات تحيدها زاد زير عليها .. كان الكاراج كايبان شبه مهجور من على برا واقفين قدامو 2 رجال صحاح ضاربين سراول فالكحل مع تيشورت حتى هو فالكحل .. غير شافوه جاي حلو ليه الباب باش يدخل
أرسلان : ماتزربيش ... دخلو للداخل كان كاراج وااااسع و نقي فيه سيارات كلهم مغطيين
ريماس : شنو هادشي؟؟
أرسلان : ( بهدوء ) ختاري لي عجباتك ... طلق منها و مشات فإتجاههم حيدات الطغا لأول وحدة بانت ليها كانت من نوع أولد سموبيل 88 .. مشات لجهة اللوطو الثانية حيدات لها الغطا .. بقات غادا و كاتحيد لهم الغطا وحدة بوحدة بينما أرسلان خاشي يديه فجيبو و مراقبها اش غاتختار و نوعا ما كان متوقعها اش غاتختار .. فحين ريماس مزال مخربقة بيناتهم و مزال كاتحيد الغطا عليهم وحدة تنسيك فوحدة .. طوموبيلات من النوع القديم مجددينهم بأحدث المعدات و طوموبيلات جداد مزال لحد الساعة ماخرجو فالسوق .. طوموبيلات من نوع الجاكوار بجميع انواعها .. سيارات لكزس .. بي ام دبليو .. الفيراري .. لامبورغيني .. انفينيتي .. لاندروفر .. لفورد .. كيا ...الخ ... مالقاتش اش بغات و حتى وحدة ماعمرات لها العين
أرسلان : الجاكوار
ريماس : لا ماشي هاديك لي بغيت
أرسلان : وسط السباق غاتندمي حيت مابغيتيهاش ... بقات كاتقلب بعينيها و رجعات كادور بيناتهم شوية بانت لها وحدة زرقة صغيرة مشات لجهتها و بدات كاتقلب فيها
ريماس : هادي
أرسلان : متأكدة؟!
ريماس : وي متأكدة .. قرب لعندها بخطوات و وقف قدامها
أرسلان : ماكنتش متوقع
ريماس : هادي لي عجباتني
أرسلان : إختيار موفق .. عرفتي نوعها؟!
ريماس : شلبي كوبرا 1966؟؟
أرسلان : 1962
ريماس : ( بحماس ) هااادي لي بغيت
أرسلان : فكري مزيان
ريماس : فكرت مزيان هادي لي بغيت ... هضر مع دوك لي حاضيين الكاراج و عطاهم الوقت ايمتا يوجدوها عاد عاودو رجعو لعند اصلان لي كان جالس على اعصابو .. دخلو و ديمارا الشيفور
سي أصلان : علاش جيتو لهنا؟؟
أرسلان : على ود لوطو لريماس ... شاف فيها و بدا كايستهبل بحالا ماعارفش
سي أصلان : و هي لاش غادي تحتاجها؟؟؟ ياك فاش غاتتزوجو ماغاتخرجش من القصر .. بغات تجاوب و قاطعها ارسلان
أرسلان : باش تبدل الجو
سي أصلان : ياك كاين الشيفور
أرسلان : غاتبدل الجو بطريقة خرا
سي أصلان : بحالاش
ريماس : ( زربات عليه ) عندي سباق مع فيوليت ها بحالاش
أرسلان : المرة الجاية لي غاتقاطعيني فيها و انا كانهضر مع شي حد سنانك غاتولي تحسبيهم
ريماس : غير جاوبتو
سي أصلان : وا زمان هدا لي ولات فيه عروسة عائلة روتشيلد كاتشارك فحوايج ديال الرجال
ريماس : ماشي غير..
أرسلان : ريماس ... شافت بغيض فأصلان عارفاه بلعااااني كايديرها باش يستفزها و يجبد لها المشاكيل ولكن هانيا الايام باقا جاية غاتخليه بلاصة الشيب البيض ينوض ليه الشيب حمر ...
وصلو للقصر و خرجات ريماس من اللوطو بلا ماتتسناهم
سي أصلان : خاصني نهضر معاك
أرسلان : نمشيو للمكتب ولا الجناح؟
سي أصلان : للجناح ديالي حسن ا حفيدي ... خرجو من اللوطو و مشاو للجناح ديالو دخلو و سدو الباب من مور ما جراو على الرجال
أرسلان : كانسمع ا جدي
سي أصلان : اش غادي دير فقضية خوك أسوار؟؟
أرسلان : غانهضر معاه
سي أصلان : ( بجدية ) راه نضحي بواحد من حفادي و ولادي و مانشوفوش خرج من ديانتنا
أرسلان : و موتو غايكون على يدي
سي أصلان : يا يرجع للطريق
أرسلان : ( ببرود ) يا يموت
سي اصلان : هضر معاه يرجع لطريق الصواب ... ماشي يجي برهوش يدمر لي كاع لي بنيتو سنين هادي منظمتنا ماشي اي منظمة عادية .. ماتنساش شحال تعبت عليها سنين انا وياك
أرسلان : مانسيتش
سي أصلان : ماتنساش منظمتنا .. ايلا سلم واحد من عائلات الرؤوس ديالها عارف اش كايعني هادشي؟؟؟
أرسلان : خليه عليا ا جدي
سي أصلان : ماهضرتش معاه حيت مابقاش عندي الحق .. انا ذكرتك غير بواجباتك .. ديك المسلمة تلفاتك على الطريق
أرسلان : ( ببرود ) يعني غانقتلو
سي أصلان : لا ماتقتلوش حتى تجرب معاه
أرسلان : ماعنديش الصبر و الوقت لي نبقا نقنع فيه
سي أصلان : كلف شي حد يحذرو
أرسلان : دابا نشوب
سي أصلان : خاص نديرو اجتماع مع الاعضاء لاخرين باش يعرفو الراس الجديد ديال منظمة الماسونية ... حيت واخا سلمتك مكانتي ولكن باقي خاص نعقدو اجتماع معاهم
أرسلان : مانسيتش ا جدي
سي أصلان : عرفتك مامساليش داكشي لاش تكلفت لك و عقدت الاجتماع غدا باش تمشي تحضر .. الأمر ضروري و ماكايتأجلش خاص يعرفو شكون لي ولا مترأس المنظمة
أرسلان : واخا .. شاف اصلان فالخاتم ديالو
سي أصلان : عرفت بلي مزال مالقيتي لي يكون الدراع ليمن ديالك داكشي لاش غانبقا فديك البلاصة حتى تلقا لي يستاهلها
أرسلان : ( بإبتسامة ) و بلاصتك كاتنساك ... ودعو و ناض من بلاصتو
♔ بقات كادور فالبيت و الجنون طالعين لها فوق الراس لا من هاد فيوليت لي دخلات بدون سابق إنذار لحياتها لا من جدو لي واقف لها فالحلق حالف مايموت و شاد فالدنيا بسنانو لي قدو راه دودو فالقبر و عضامهم ولاو فتات و هو باقي كايخطط .. صحتو كي الجمل واخا مابقاش يقدر يتمشا إلا و انه باقي كايخطط .. مشات للمجر جبدات الرقم ديال فيوليت و بقات كاتشوف فيه .. اول حاجة خاصها ديرها هي تحيد هاد خيتي من الطريق ولكن المشكل هو طيلي منين غاتجيبو يلاه جات تخرج لقاتو حل الباب و دخل
أرسلان : فين كنتي خارجة!!
ريماس : ممكن طيلي ديالك؟؟
أرسلان : علاش.!
ريماس : باغا نهضر مع فيوليت على البلاصة و الوقت لي غانتسابقو فيه ... جبد طيلي ديالو و دوز الرقم ديالها
ريماس : تسنا نعطيك نمرتها
أرسلان : عندي
ريماس : عندك؟؟؟؟ و اش كادير عندك؟؟؟؟؟
أرسلان : حاجة طبيعية تكون عندي
ريماس : ( بعصبية ) هي لي عطاتها لك ياك؟؟؟؟؟ و شديتيها من عندها بكل صدر رحب .. لااااا جاتك من الجنة و النااس بحالا كنتي طالب عليها
أرسلان : هضري لابغيتي تهضري
ريماس : ( بالغوات ) بلاااش مابقيتش باغا نهضر و لهلا يڭلب صافي خليييها تربح بيك مااالي على حالي حتى نغامر براسي غير باش ماتديكش نغاامر على واحد هو اصلا تابعها و انا حابسني هنا ياك؟؟؟؟؟ حتى من طيليفون لي نسول بيه على عمي راضي و ناسي مادايروش ليا
أرسلان : فاش تسالي جيبيه للجناح و خرجي .. ( كان خارج و وقف ) ماديريش الصداع باغي نرتاح .. لاح طيلي ديالو فوق ناموسيتها و خرج متجاهل كلامها
ريماس : صافي خرج .. خرج لهلا يرجعك لا نتا لا هي الحقير .. ( بصوت عالي باش يسمعها ) واتاتك جيتي نتا وياها مواتيين غير تقشيرة و لقات فردتها عنداك يسحابلك طفرتيييه راك غا تدي غير الصناعي ...
ريماس : بقات فالشعر زعر .. من غدااا نجيب سيد الرجال غير تسناااا ولا عرفتي شنو بلااااااش كاع كلكم فحال فحال .. مشات زدحات الباب موراها و بقات غادا جايا فالبيت بدات كاتحس بلي جات لي تحيدها من بلاصتها بان لها طيلي ديالو و مشات هزاتو مع حلاتو لقاتو حاط طوف ديالها نهار كانت فالحفل
ريماس : ( بصوت عالي ) ناااااافقني نااااافقني .. رجعات عينيها للطيلي و مشات كادخل نمرة فيوليت باش تعرف اشمن سمية مدخل ليها فطيلي ... لقاتو مدخل ليها بنت روكفلر دازت لجهة المكالمات لقاتو عمرو هضر معاها عاودات دخلات للميساجات ديالو فلاااتهم و مالقات حتى ميساج بيناتهم بقات كاتقلب واش تلقا شي فيس ولا واتس ولا انسطا مالقاتهمش فطيلي ديالو عاودات دخلات لجهة تصاور و الفيديوات طلعو لها اول وحدي تصاورها .. بدات كادوزهم وحدة بوحدة و هي ماعارفاش ايمتا صورها و كيفاش ماعاقتش بيه عجبهااا الحال فاش مالقات حتى طوف ديال فيوليت بدات كاتدخل نمرتها و صونات عليها بالبريفي .. بقا كايصوني واحد الشوية عاد جاوبات
فيوليت : ( بصوت انثوي ) الو وي
ريماس : غاتكوني عرفتيني بلا مانبداو فالمقدمات
فيوليت : اووو ريماس
ريماس : معاياش الوقت و البلاصة؟؟
فيوليت : 7:00 ديال العشية و البلاصة غانخليها لم سوغبرايز
ريماس : ماعنديش مع هاد الألعاب البايخة ديالك .. تقولي البلاصة ولا نختارها نيت انا
فيوليت : غانطلاقاو فالحلبة ديال السباق الغير محدودة عرفتيها؟
ريماس : نطلاقاو تما غدا .. قطعات عليها و دخلات مسحات نمرتها و الابيل دابا عاد رتاحت مابقات عندو لا نمرة لا هم يحزنون .. مشات لجهة الجناح ديالو لقاتو ناعس على كرشو واخا مزال الحال .. بقات كاتشوف فيه شحال كاتتأكد واش ناعس بصح .. بان لها واحد ديكور ديال زاج فوق طبلة مشات هزات و قربات للناموسية الجهة لي ناعس فيها أرسلان
ريماس : فنفسها ( ناعس مرتااااح و انا معصبني بلعاني مزيااان نتا لي جات معاك ) هزات يديها و طلقات ديكور من يديها جا مفرشخ فالأرض .. و مع ذلك أرسلان بقا مغمض عينيه
ريماس : مزيااان نعس نتا لي جات معاك .. بدات كاتنغزو باش ينوض
ريماس : نووض .. نووض باراكا من النعاس .. نوووض ماشي تحرمها فيا و نتا تنعس
أرسلان : ( باقي مغمض عينيه ) خرجي و سدي الباب
ريماس : ماخارجاش
أرسلان : الصمت
ريماس : هاني خارجا
أرسلان : الصمت
ريماس : خارجة للمدينة
أرسلان : الصمت
ريماس : والله تا نديرها
أرسلان : ( باقي بنفس الوضعية ) ايلا نضت لك ماتلومينيش
ريماس : هاني غادا اه و عنداك يسحابلك جيت نراضيك راه جيت غير نحرمها عليك .. خرجات من الجناح و مشات لبيتها .. توضات و صلات و تخشات ففراشها باش تنعس .. ضرباتها الفيقة فنص الليل لقات راسها محاوطة بجسد ضخم خاشيها فيه .. تنطرات بالزربة يلاه جات توقف حتى حسات باليد ديالو جراتها لعندو و عاود حاوطها ستنشقات ريحتو عرفاتو هو و اصلا شكون غايتجرأ يقرب لها و هو كاين
أرسلان : نعسي
ريماس : بعد مني و طلق مني و ماتعاودش تجي لعندي من الاصل منين باغي تزيد تتزوج من اللول ماتعطينيش وعود نتا ماقادرش بيها
أرسلان : واعدتك بشي حاجة؟!
ريماس : قلتي كاتبغيني
أرسلان : هادشي ماكايعنيش ماعنديش الحق ندير التعدد .. ندير حتى ل4 و هدا كايبقا حقي .. تخنقات و قلبها تزير عليها بدات كاتبعدو عليها ماعرفاتش علاش هضرتو تبدلات معاها و ولات كي السم من نهار بانت فيوليت فحياتهم .. زيرات راسها و نطقات بنبرة هادئة
ريماس : عندك الحق و ماغانقولكش لا ولكن خاصك تعرف واحد الحاجة نهار لي غاتقرر ديرها ماغاتعاودش تشوف كمارتي و كانقسم لك بالله واخا تقلب من فوق و تحت الارض ماغاتلقانيش و غانكرهك لأبعد الحدود و..
أرسلان : بغيت نسولك ...
أرسلان : اش كانبان لك؟!
ريماس : اش كاتقصد؟؟
أرسلان : لعبة انا؟!!!!
ريماس : مافهمتش فين باغي توصل بهاد الأسئلة
أرسلان : هضرت معاك ماتدخلينيش من سوق العيالات ولا لا؟!!!
ريماس : اينا سوق لي دخلتك ليه؟؟؟؟؟
أرسلان : راجعي تصرفاتك
ريماس : تصرفاتي مراجعاهم نتا لي خاصك تراجع تصرفاتك لي تبدلو .. أرسلان دير فبالك واحد الحاجة روحي و مامربياش عليها الكبدة فما بالك بالناس لي ضايرين بيا .. راه نفضل نقطع راسي بيدي و مانذلش راسي على ود شي حد .. تصرفاتك تبدلو غير مؤخرا فاش بديت نبدل فراسي ولكن لحد الساااعة راني قادرة نسحب راسي بهدوء و نرفض هاد زواج من أصلو
أرسلان : و غانعاود نقولك مامحتاجش لموافقتك .. شافت فيه و ناضت من بلاصتها متوجهة للباب
ريماس : ( بشبه إبتسامة ) على هاد الحساب شد خاتمك عندك ماموافقاش نكون مرتك .. الحاجة المشروكة ماكانحملهاش و كاننفر منها .. حاجة خرا السباق مابقيتش غانكمل فيه على ودك .. غانكمل فيه باش نحنتها و نمرمد كرامتها و بالنسبة لفاش قلتي بلي واش انا معتابراك لعبة .. التحدي و نغامر براسي ماكانش لعبة و نتا ماكنتيش جائزة ماتبقاش تترجم افعالي لمفاهيمك الخاصة ... نزلات للجردة و خلاتو فالبيت كايستوعب هاد التغيير لي كاتتغير بالزربة ... هو ماتقبلش انه يكون جائزة فسباق بين 2 بنات و هي ماتقبلاتش تكون وحدة من نسائو لي ماعارفاش شحال غايكون العدد ديالهم .. هو فنظرو هي لي غالطة و هي فنظرها هو لي غالط .. حتى واحد فيهم ما تصالح مع لاخر .. هز الخاتم و رجع للجناح اما عندها هي .. بقات فالجردة ساهية فالسما و عقلها خدام فبزاف ديال الحوايج .. بقات تما حتى بدا كايصباح الحال و طلع معاها البرد .. فاقت و رجعات لبيتها توضات و صلات و رجعات تخشات فالمانطة تنعس غير مبالية بشنو واقع و شنو ممكن يوقع غدا
°• صبح صباح جديد مليئ بأحداث جديدة .. دخلات دوشات و طوال الوقت لي كانت كاتدوش فيه قررات قرار غايخلي طابع تغيير فشخصيتها باش تتهنا .. خرجات لاوية الفوطة كاتقلب على ماتلبس .. رجعات لأيام أناقتها فالمغرب .. تأنقات بالزايد هاد النهار فلبساها .. ضفرات شعرها رجعاتو للجنب و رشات البارفان و خرجات متوجهة لطبلة ديال الفطور .. كان كلشي جالس ما عداها هي و أرسلان .. مشات سلمات على اديرة و خوتها و جوليانا شافت فالكرسي لي كان المفروض تجلس فيه لقاتو عامر
ريماس : ( بإبتسامة خفييييفة ) صحة فطوركم
أسوار : فين غادا؟؟ ماغاتفطريش؟؟
ريماس : غانفطر فجردة
سي أصلان : من قوااعد القصر كلشي يتجمع فطبلة
ريماس : نهار نولي وحدة من القصر ا سي أصلان ديك الساعة غايكون من حقك تقوليا واش نتبع القواعد ولا لا
غابريال : لزمي حدووووودك
ريماس : فالوقت الحالي لازماهم ... خلاتهم و مشات للكوزينة لقات الخدامات مجموعين غير شافوها ضارو لعندها بزربة
الخدامة : مدام علاش عدبتي راسك كون عيطتي لي انا نجي لعندك
أرسلان : فطرو .. كمل فطورو غير مبالي لأنها ماجاتش تفطر قدام عينيه
سي أصلان : اليوم عندك الاجتماع ا حفيدي
أرسلان : تأجل
سي أصلان : علاش؟؟؟؟
أرسلان : روكفلر ماغايحضرش اليوم
سي أصلان : و شنو السبب؟؟؟
أرسلان : ( ببرود ) سيفطت ليه دعوة باش يحضر السباق ديال بنتو لي كايفتاخر بيها ...
سي أصلان : واش السباق اهم من الاجتماع؟؟
أرسلان : ماعنديش مشكل نعقد الاجتماع ولكن ماتنساش ا جدي اي اجتماع كايكون غايب منو فرد من افراد المنظمة كايكون مامقبولش
سي أصلان : بغيت نطلع لجناحي
أرسلان : جدي كمل فطورك
سي أصلان : كملتو .. عيط لدوك جوج رجال طلعوه و هو معصب اول حاجة دارها هي عيط لواحد الرقم
سي أصلان : باغيك فأمر ضروري ... اليوم قبل غدا ... ****************** و ما نبغي حتى شي غلط ... تما بالضبط .. قطع عليه و عاود تاصل بفيوليت باش يشوف الوضع فين وصل شوية سمع الحس حدا الباب و قطع الاتصال سيفط دوك 2 لي كايكونو معاه باش يشوفو شكون ولكن مالقاو حد
♔ وصلات العشية و بدات كاتجهز فراسها .. لبسات سروال تجينز تقاطع واسع مع ضوني قصير و من الفوق قبية مفتوحة ديال الپارا مع إيرفوكس فنفس الشكل ديال الفوقاني لي لابسة ... رجعات ضفرات شعرها و رجعاتو القدام شافت فالساعة لقات مابقا والو ، هبطات لتحت بدون ماتتسنا شي حد دايرا فبالها غير غاتخرج غاتلقا اللوطو كاتتسناها و فعلا لقات اللوطو لي ختارت و لقات حداها أبراهام و مالك
أبراهام : فين غادا؟؟؟؟
ريماس : بان ليا نسيتي بلاصتك و وليتي كاتتدخل فسيادك .. بقا كايشوف فيها بصدمة من الطريقة لي هضرات بيه معاها عادة كانت كاتتجابد معاه فالهضرة ولكن اليوم ضارت فيه ضورة خايبة خلاتو يتحرج قدام مالك و الرجال لي واقفين تما .. لقات السوارت فاللوطو ركبات و ديمارات
مالك : خاصنا نتبعوها انا متأكد الوضع خطير عليها على برا
مالك : تقلقتي منها؟؟؟؟ وا صاحبي راك عارفها حال و احوال غاتكون غير مدابزة مع ميستر أرسلان ولا شي حد قلقها بشي هضرة
أبراهام : فوتني عليك هاد الساعة
مالك : انا غانتبعها بغيتي تبقا بقا ... مشا ركب فلوطو خرا و يلاه بغا يديماري ركب حداه أبراهام
أبراهام : غير على ود ميستر أرسلان
مالك : حتى ريماس راه بحال ختي
أبراهام : بحال ختك حتى نكون ماعارفش اش كايدور لك فداك المخ
مالك : ماتفهمهاش عوجة
♔ وصلات للبلاصة لي غايتقام فيها السباق كانت متوقعة غاتكون غير فيوليت ولكن كان العكس .. عائلة روكفلر كلها حضرات و الصحافة و شي وجوه عمرها عرفاتهم ... منهم الطبقة الغنية و منها الطبقة الفقيرة .. الخلاصة جمهور كامل كان حاضر .. غير شافوها شي وحدين جايا من بعيد تعرضو لها كانو الفريق ديال الصيانة غايتكلفو باللوطو على ود روايض و المازوط و الموطور...الخ ... دازت مدة قصيرة بان ليها أسوار جا
أسوار : حظ موفق
ريماس : الحظ ديما معايا
أسوار : ماتخليهاش تفوز راني تايق فيك
ريماس : و انا تايقة فراسي ... وصل أبراهام و مالك و مشا لجهتها
مالك : ريماس واش متأكدة باغا تشاركي بهادي؟؟؟
ريماس : ( بهدوء ) متأكدة
مالك : شوفي بنت روكفلر باش مشاركة .. راه باقي عندك الوقت باش تبدلي
ريماس : ختاريت و ساليت ... جات لعندهم فيوليت
فيوليت : ريماس بنجلون هنا .. ماتعطلتيش
ريماس : بان ليا درتي بحث مكثف عليا
فيوليت : بطبيعة الحال باش نعرف الخصم ديالي
ريماس : ماعندك زهر المعلومات لي طلعو لك .. طلعو ناقصين
فيوليت : كان عليك حتى نتي تبحثي عليا باش تعرفي الخصم ديالك
ريماس : كلشي غايبان فالسباق
فيوليت : ولا نقدرو نقولو كلشي غايسالي فالسباق .. قربات عندها ريماس بخطوات و شافت فعينيها لعينيها و نطقات
ريماس : كوني متأكدة ايلا كنت غادا للقبر اليوم غانجرك معايا
فيوليت : 7:00 وصلات و وقت السباق وصل
أسوار : ريماس عندها موهبة فجميع النواحي ماتتخدعيش فيها ( بدا كايضحك ) خاصك تجربي اللكمة ديالها كي دايرا
بنجامين : و ماتنساوش بنتي لي شحال من مرة شاركات فسباقات عالمية و ربحات لمدة ثلاث اعوام متتالية هادشي بلا مانحتاج نفكركم بالسباقات الغير قانونية
فيوليت : خاصني نشوف بعيني ماشي نسمع
ريماس : السباق غايكون طويل ... خلاتها و مشات تركب فاللوطو باس توصلها لخط الإنطلاق ...
جا واحد قدامهم و عطاهم الطريق لي غايدوزو منها و غمز فيوليت .. بدا العد العكسي و ما الا ثواني حتى بدا السباق .. بدات كاتتحرك طوموبيل ديال ريماس بشوية و بهدوء بينما اللوطو ديال فيوليت بدات طياااارة و صدعات عباد الله بصوت الموطور .. كانت ريماس غير مبالية ليها .. هاد الطريق لي غايدوزو منها عارفاها مزياااان حيت مادوزاتش فيها قليل .. كيفاش غاتنساها و هي نفسها الطريق لي حاولات تهرب منها هادي قريب 3 سنين من أرسلان .. غايبقاو غاديين فواحد الطريق و من موراها غايدخلو فواحد الغابة نفس الغابة لي كانت هربات منها
♔ بقات ريماس غادا على راحتها و عقلها كايفصل و يخيط بينما فيوليت سبقاتها .. بدات كاتحس براسها كاتتهز بسبب الحجر لي كاين فالطريق لي دازت منها اما ريماس فالله و اعلم اشمن جريحة سلكات ... دازت ساعتين تسمع صوت شي طيلي كايصوني فاللوطو هزاتو و جاوبات
أرسلان : ريماس رجعي دابا
ريماس : ( بهدوء ) ماعندي فين نرجع
أرسلان : رجعييي و ماتكمليش من ديك الطريق
ريماس : علاش واش خايفني نموت؟
أرسلان : ريماس رجعيي
ريماس : فات الفوت
أرسلان : فينك دابا؟!!!!
ريماس : ماكايهمكش
أرسلان : ماتزيديش تنيرڤيني فينك؟!!!!
ريماس : كاناخد إستراحة فالمنعطف الشمالي ديال الغابة
أرسلان : أجي لهنا كانتسناك
ريماس : ماجاياش و غانبقا هنا
أرسلان : اش وصلك لتما؟؟؟؟
ريماس : ماسوقكش
أرسلان : شحال باقي باش توصلي؟!!!
ريماس : ماتخافش باقي لها 10 دقايق عاد توصلني .. مانيش مسطية ندوز من طريق عامرة حجر
أرسلان : يعني فين نتي؟!!
ريماس : ( بنبرة هادئة ) بعيدة على خط النهاية بجوج دقايق ... حول نظرو لجهة خط النهاية لقا واحد اللوطو جايا .. نفسها اللوطو ديال ريماس .. وصلات لخط النهاية و تسمعو التصفيقات من عند الجميع .. خرجات من اللوطو لقات أرسلان كايتسناها جرها لعندو عنقها و زير عليها بجهدو بينما هي هاد المرة مابادلاتوش العناق .. بقا كايتفحصها بعينيه واش وقعات لها شي حاجة
فيوليت : ( بعصبية ) هدااااا غشششش مايمكنش تسلكي طريق ماداخلش فالمنطقة المحددة لي عطاااااونا
بنجامين : بنتي اش وقع؟؟؟؟
ريماس : ( بنبرة هادئة ) قلت لك غانربح و ماكانعرفش الخسارة
فيوليت : علاش مادزتيش من الطريق المحددة؟؟؟؟؟
ريماس : حيت ببساطة حتى نتي مادزتيش منها
فيوليت : و نتي اش عرفك؟؟؟؟
ريماس : كاين شي واحد غايدوز من الفخ لي نصب هو ولا نقولو لي كانت عندو يد فيه؟
فيوليت : سمعيني .. غانعاودو السباق هاد المرة و غاندوزو من نفس البلاصة لمدة 15 دقيقة و ماكايهمنيش واش نربح ولا لا المهم نحاول و سواء ربحت ولا لا اتفاقنا غا يكون لصالحك .. بقات ريماس كاتشوف فيها بشك حيت كيفاش هي باغا تعاود تسابقها و هاد المرة ايلا ربحات ولا خسرات ارسلان غايبقا لريماس
أرسلان : لا
ريماس : ركبي فطوموبيلتك .. مشات فيوليت بينما أرسلان جر ريماس من يديها و تبعوهم اسوار و ابراهام و مالك
أرسلان : ساليتي .. تحركي قدامي ... نطرات يديه و ماجاوباتوش رجعات لجهة اللوطو ديالها و بقات كاتشوف فيها بشك .. بدات كاتتفحصها و مشات لجهة الخزان بقات كاتخويه من المازوط و خلات فيه غير الكمية لي غاتحتاجها للمسافة لي غادي ضربها .. ركبات و بقات كاتراقب فيوليت بعينيها .. هاد السباق الثاني قبلات فيه فقط باش تزيد تحطمها ولكن مايخفاش عليها بلي فيوليت اكيد كاتخطط لمخطط اخر من مور المخطط الأول ...
أرسلان غبر من تما اما اسوار و ابراهام و مالك مافهموش اش واقع و علاش السباق غايتعاود و على اينا غش كانت كاتهضر عليه فيوليت ... بدا السباق و هاد المرة ريماس كسيراااات .. عاود صونا عليها طيلي
أرسلان : كاديري غير لي فراسك؟!!!
ريماس : كيفما كادير حتى نتا غير لي فراسك
أرسلان : منين ساخية بروحك كون جيتي لعندي نسهل عليك الطريق
أرسلان : ( بهدوء ) نطلاقاو فالأخرة .. قطع عليها بينما هي حولات نظرها لجهة المرايا ديال طوموبيل لقات فيوليت غبرات .. عاود صونا طيلي و هاد المرة كان أبراهام
أبراهام : ريماس فينك؟؟؟؟
ريماس : كانتسارا
أبراهام : الفرانات راهم مقطووووعين
ريماس : عارفة
أبراهام : عارفة و راكبة فيها؟؟؟؟؟
ريماس : مرة مرة بنادم خاصو يغامر
أبراهام : اش غاديري دابا؟؟؟؟؟ فينك
ريماس : غانبقا كانصوك حتى يتسالا المازوط
أبراهام : واش عندك شي عقل ولا لا؟؟؟؟؟ ايمتا غايتسالا المازوط و هو كان مپلاني
ريماس : ماتخافش حيت راني نقصت منو و ماخليتش بزاف .. فواحد اللحظة بانت لها طوموبيل غاديا لواحد الجرف نفس الجرف لي كان كايقلب عليها اسوار فيه المشكل ماشي هنا .. المشكل هو طوموبيل مابغاتش تبدل الإتجاه .. صااافي هنا عرفات راسها غاتموت ملاوحة .. المازوط مزال مابغا يتسالا واخا قللات بزاااف باش طوموبيل تحبس غير بوحدها ... شافت فالماكانة ديال يديها و غمضات عينيها كاتتسناه يتسالا بدات كاتخفاف السرعة شوية بشوية الفكرة لي طبقات نجحات ولكن الحظ ماوقفش معها حيت الكمية ديال المازوط لي كان عندها زايد .. يلاه بغات تحل الباب باش تنقز ما هي الى لحظات حتى حسات بالطوموبيل تزدحات من الجنب بشي طوموبيل خرا زدحة مجهدة خلات طوموبيل ديال ريماس تبدل الاتجاه و تسكت مابقاتش تحركات .. تحلات الباب ديال طوموبيل لي زدحات اللوطو لي كانت راكبة فيها ريماس خرج و وقف الوسط .. دازو ثواني خرجات حتى هي من اللوطو مجروحة من جبهتها باش تعرف اش واقع .. ما ان خرجات حتى لقاتو واقف الوسط كايشوف في وجها بملامح خالية من التعابير .. اللوطو لي كان راكب فيها تفرشخات من القدام و اللوطو لي كنت راكبة فيها هي تفرشخات من الجنب .. بقا كايشوف فيها بنظرات ماعرفاتش اش كايعني بيهم .. ترسمات إبتسامة جانبية على وجهو
أرسلان : ( بإبتسامة جانبية ) عرفتي دابا علاش ختاريتك من بينهم .. جبد يدو من جيبو و دوزها على الجرحة لي فجبينها .. بعدات عليه و رجعات اللور
أرسلان : عرفتي شحال من مرة كنتي غاتموتي هادي النهار؟!
ريماس : غير تهنا من هاد الناحية قاادة براسي و عارفة اش كان غايوقع هاد النهار .. ماتستخفش بيا ماشي حيت ماكانهضرش هادشي كايعني ماعارفاش اش واقع .. عارفة بلي ماكايجيش بنادم و يعرض السباق غير هكاك من دون سبب و عارفة بلي الطريق لي بغاتني ندوز منها فيوليت فالسباق اللول كانت مفخخة بالقنابل ( ضحكات بإستهزاء و كملات ) .. يسحابلك غير جيت و بدلت الطريق غير هكاك بدون سبب .. الخطة ديال جدك و ديالها سمعتها كااااملة هاد الصباح و سمعتو فاش كان كايوصي الكلاب ديالو عليا ... منين مانجحاتش لهم الخطة قطعو لي الفران زعما باش يتهناو مني .. ( قربات منو ) نساو واحد الحاجة .. ماغانتخشا فقبري حتى نجر كلشي معايا ...
أرسلان : ماغاتمشي حتى نمشي انا وياك .. يا تعيشي معايا يا تموتي معايا
ريماس : حتى القبر غاتشاركني فيه؟؟؟؟؟
أرسلان : قربي لعندي
ريماس : لا ماغانقربش ... جرها لعندو و خشاها فصدرو
أرسلان : هادي هي مرت الأرسلان
ريماس : و شنو سمية مرتو
أرسلان : اللبؤة ديالي .. بعدات عليه و عقدات حجبانها
ريماس : علاش دابا راك معايا؟؟؟؟ سير عند فيوليت راها تكون ربحات
أرسلان : ما ربحاتش
ريماس : الغشاشة لاخرا علاش لي ماهضرتيش معاهم؟؟؟؟؟ كاتقول كاتبغيني و كاتقول انا مرتك علاش لي ماقتلتيهاش هي بعدا هاه؟؟؟؟؟ ولا لا هي ماتصلاحش تموت من نهار عرفتك و نتا كاتقتل غير الرجال زعما العيالات مرفوع عليهم القلم ياك؟؟؟؟ ... العيالات حالة خااااااصة نقول جدك ماتقدرش تقتلو حيت هو لي رباك ايوا و فيوليت؟؟؟؟ اش كاتجيك منين ماقتلتيهاش علاش باقي مخليها حي
أرسلان : ( شاف فساعتو ) تعطلنا
ريماس : ماتعطلناش .. نتا لي تعطلتي انا هنا غا نبقا و داك القصر ماغانرجعش ليه يا نكون بوحدي تما يا بلاااش
أرسلان : أخر هضرة؟!
ريماس : ( عطاتو بالضهر ) وي أخر هضرة و ماغانتراجعش فيها .. حاوط يديه على خصرها و حط راسو فوق كتفها و همس لها فودنيها حتى تبورشات
أرسلان : ماغايشركك حد فبلاصتك
ريماس : و فيوليت؟؟
أرسلان : راني هضرت
ريماس : بغيت نسمعها ماتقولياش هضرتي
أرسلان : مامزيانش تهضري فالأموات بالخايب
ريماس : ( توسعو عينيها ) مااااتت؟؟؟؟؟
أرسلان : غانبقا نعاود فالهضرة
ريماس : و علاش قتلتيها؟؟؟؟؟؟ كون غير عطبتيها باراكا عليها .. بعد منها شوية و توجه للطوموبيل .. مشات حتى هي للجهة لاخرا و ركبات .. رجع بالطوموبيل اللور و قلب الطريق شد طريق الميناء
• كان جالس اصلان فالجناح و معاه الطبيب كايقيس الضغط ديالو
الدكتور : سي أصلان حاول تبعد على المشاكل و الصداعات فهاد العمر الضغط كايطلع بالزربة .. شرب دواك فالوقت و ماتهملوش .. خرج الدكتور من عندو و خلاه شاد الفراش .. غير سمع بلي ريماس نجات من الطريق لي كان متوقع دوز منها طلع لو الضغط ... وصلو للقصر دخلو بجوج ولكن ريماس دارت بحالا ماكاتعرفوش تسيفات عليه
أرسلان : مالك!!
ريماس : والو
أرسلان : سولتك مالك؟!
ريماس : اوسي قلت لك والو .. جبد الخاتم من جيبو و عاود شد يديها و ركبو لها
أرسلان : حذاري تحيديه من صباعك المرة الجاية .. نقطعهم لك
ريماس : شكون عرف .. هادشي غايكون على حسب الظروف ... بغات تطلع و شدها من يديها
أرسلان : غانسافر غدا .. غانغيب 24 ساعة و مانبغيش نلقا شي مشاكل
ريماس : المشاكل ماشي انا لي كانديرهم جدك لي كايديرهم شايفو بعيينيك كان غايقتلني جوووج مرات فنفس النهار و ماهضرتيش كاع .. طلعات و خلاتو كايمسح فوجهو بالأعصاب كيفاش باغاه يغوت على جدو و هو كايقتل كل من قلق جدو بشي كلمة او تصرف ... طلعات دوشات و صلات صلاتها و نعسات
° صبح صباح جديد .. فاقت ريماس و اسوار و جوليانا و ابراهام و مالك هما اول وحدين فالقصر صلاو الفجر و كل واحد اش مشا يدير ... وصل وقت الفطور و تجمع كلشي فالطبلة من غير اصلان لي عاود طاح فالفراش بسبب الضغط داكشي لاش ريماس جلسات فبلاصتو .. من الوقيتة لي جلسات و عقلها كايخطط شيطانها فاق من نعاسو و بدا يخطط من جديد و يفصل و يخيط لشخص واحد و شكون من غيرو أصلان ... طاحت فبالها فكرة مزياانا و قررات تنفدها من مور مايمشي ارسلان بدات كاتفصل فيها حتى فيقها اسوار من افكارها
أسوار : الصراحة ماخليتي ليا مانقول لك براااااااافو عليك ( شاف فيه ارسلان ) ا ختي ريماس
ريماس : عادي كان خاصك تتوقعها ا خويا أسوار
أسوار : ( كايشوف فأرسلان ) توقعتها ا ختي ريماس
أرسلان : ( كايشرب قهوتو الصباحية و كايهضر ) غانغيب 24 ساعة حذاري نشوف شي حاجة ماتعجبنيش سمعتيني ا أسوار
ريماس : و فين غاتمشي؟؟ ... شاف فيها أرسلان مطولا بقاو العائلة مترقبين و منتظرين القمعة لي غايقمعها باش يتشفاو حيت هو كي ذكرت سااابقا ماكايقول لحد فين غادي ولا فين جاي من غير جدو ولكن مؤخرا مابقاش كايقول
أرسلان : عندي اجتماع
ريماس : بالتوفيق
أرسلان : ديري عقلك مابغيتش شكاوي
ريماس : راني دايراه غير بنادم لي بوحاطي
أرسلان : وي حيت ماكانعرفكش باش تكدبي فوجهي
ريماس : و مالي كدبت عليك راه بنادم لي كايتشكا بزاف مالي انا ماكانتشكاش بزاف
أرسلان : راني هضرت ا ريماس ديري عقلك و خلي عليك داكشي لي فبالك
ريماس : شنو فبالي؟؟
أرسلان : شوفي نتي ...
ريماس : ( بالدارجة ) المهم طريق السلامة ... سالا فطورو و ناض
أرسلان : اجي بغيت نهضر معاك
ريماس : مزال ما ساليت فطوري
أرسلان : ( بالدارجة ) ريماس نوضي
ريماس : ياك ودعتك ... مشا موراها و جر الكرسي ديالها و نوضها ، حتى خرجو من القصر عاد وقفو
أرسلان : هادا يكون ديما حداك نصوني فالصباح فالنهار فالليل جاوبي .. مانبغيش نلقاه اوكيپي ولا مطفي كلامي واضح؟!
ريماس : كاين حالات مانقدرش نجاوب .. نكون ناعسة ولا فالطواليط ولا نكون كاناكل ولا زعفانة و ماعندي كانة مانقدرش نجاوب
أرسلان : بدينا فالمبررات؟!
ريماس : ياك نتا قلتي ممنوع الهضرة وقت الماكلة و انا متبعة غير قواعد القصر
أرسلان : عموما ماغانعاودش الهضرة .. نصوني جاوبي
ريماس : إن شاء الله
أرسلان : عارف غاتوحشيني ماتخافيش غانغيب 24 ساعة
ريماس : وي عرفت 24 ساعة و تقدر تجي قبل من 24 ساعة
أرسلان : على حسب
ريماس : هاني داخلة
أرسلان : اجي عنقي راجلك
ريماس : ماراجليش .. حتى يزيد عاد نسميوه سعيد
أرسلان : كيفاش!!
ريماس : والو ماغاتفهمش المهم هاني غادا
أرسلان : كانتسنا
ريماس : اش كاتسنا؟؟
أرسلان : ماغاتعنقينيش!!
ريماس : لا
أرسلان : يعني انا لي غانديرها ... جرها لعندو بحركة خفيفة و زير عليها عن قصد
ريماس : أرسلان طلق مني تخنقت
أرسلان : ماسمعتش .. بقا معنقها حتى خرجو عمامو بقاو واقفين شي كايحمحم و شي كايحنحن و شي كايدور فعينيه باش يحبسو
غابريال : احم احم
إيلام : كح كح .. أرسلان كعادتو ماكايهموش شكون واقف و شكون جالس مي ريماس ضروري كاتشوف شكون كاين و شكون لا هاد المرة مامرڭاتش منهم هزات يديها و بادلاتو العناق و لواه يديها على ضهرو .. بدات كاتشوف فيهم بإبتسامة ماكرة كاترد لهم الصرف ديال النهار اللول فاش دخلات للقصر و بدا كل واحد منين كايهضر و باغيين يقتلوها .. حس بيها بادلاتو العناق طلق منها و شد وجهها بين يديها .. جمع شفايفها بيديه و خلاهم يلتاحمو مع شفايفو الشيئ لي خلا عمامو يفهمو راسهم و يبدلو القنت .. بعداتو بيديها باش يطلق منها شوية بشوية بدا كايبعد منها و هبط لودنيها همس بصوت خافت فيه نبرة ديال الإغراء
أرسلان : ( بهمس ) مابقاش كافيني هادشي .. باغي كتر ... توسعو عينيها و شافت فيه بصدمة
ريماس : اش كاتقصد؟؟؟؟
أرسلان : ( بإبتسامة جانبية ) متأكدة باغا تعرفي
ريماس : قليييل الحيا هادشي فاش كاتفكر .. فأحلامك و ماغايكونش داكشي لي فبالك
أرسلان : و فاش كانفكر انا!
ريماس : شوف نتا فاش كاتفكر
أرسلان : شرحي لي بغيت نفهم مزيان
ريماس : ( بغيظ ) حقيير .. تنطرات منو و دخلات فحين أرسلان بقا واقف شوية متبعها بعينيه فين غاتمشي حتى غبرات على عينيه عاد ركب فاللوطو و كمل طريقو
♔ طلعات لبيتها كاتجري باش تستغل الوقت .. بدلات حوايجها و ضفرات شعرها و عاودات هبطات كاتجري حتى وصلات لأخر درجة ... بقات كاتقلب بعينيها على مالك و أبراهام كاتتأكد واش كايراقبوها ولا لا .. مابانوش ليها ، كملات طريقها غادا و كاتسلت حتى خرجات من القصر يلاه بغات تركب فواحد اللوطو و هو يقاطعها صوت من موراها ...
***** : مدام روتشيلد طاحت لك هاد الورقة ... ضارت لعندو بالزربة و بدات كاتقلب جيابها مالقاتش الورقة مشات بالزربة نطراتها ليه من يديهو خشاتها فجيبها بينما هو بقا كايشوف فيها بنظرات فشكل حتى خشاتها فجيبها عاد ردات البال لديك الجملة لي قال
ريماس : مااااا مدااااامش انا شكون قالك ا سيدي انا مدام؟؟؟ .. ريماس سميتي ريماس بنجلون و بس
***** : واش محتاجة شي حاجة ا مدام روتشيلد
ريماس : ماسمعتينيش واقيلا؟؟ قلت ريماس
***** : هادو هما الأوامر
ريماس : اوسي عطيتك الاوامر .. بففف حيد نتا لي بقيتي ناقصني .. بغات تركب و وقفها
***** : مدام روتشيلد سي أرسلان عطاني اوامر باش مانفارقكش و ايلا حتاجيتي تمشي لشي بلاصة نمشيو معاك
ريماس : تمشيو معايا؟؟؟ شكون نتوما؟؟ ... و ما هي إلا لحظات حتى جاو 4 ديال الرجال صحاح
***** : وي ا مدام غانمشيو معاك انا وياهم للبلاصة لي باغا تمشي لها ... شافت فيهم واحد بواحد و عاودات شافت فيه زادت فكرات مزيااان لقات بلي غادي تحتاج لي يوصلها للميناء لي فتل ابيب
ريماس : اممم المهم تبعوني باغا نمشي للمدينة
***** : علاش ا مدام؟؟
ريماس : دخول شبوقات هادو دير اش قلت لك و بلا كثرت الهضرة ... سبقاتهم اللوطو و ركبات .. ركبو 2 القدام و الجوج لاخرين ركبو فلوطو خرا .. ديماراو و شدو الطريق .. بينما هما تحركو كانت ريماس جالسة اللور و شادة فيديها الورقة و ذاكرتها كاترجع باللور و بالضبط للبارح لي هو يوم السباق
"Flach Back"
كانت جالسة كاتفطر بوحدها فالجردة تعمدات تفطر تما بوحدها باش فاش تنوض مايلاحظ حد بلي راها ناضت .. الشك كان غايقتلها كانت عارفة بلي اصلان كايخطط لشي حاجة ولكن شنو هي الله و اعلم داكشي لاش قررات تخليه حتى ينزل يفطر عاد تستغل الفرصة و تطلع للجناح ديالو و فعلا داكشي لي دارت طلبات الخدامات يجيبو لها الفطور للجردة و طلعات للجناح تأكدات بلي ماكاين حد عاد دخلات ليه .. كاتقلب و ماعارفاش علاياش .. حاجة وحدة لي عارفاها خاص تلقا شي حاجة كاتثبت لها شكوكها .. بقات كاتقلب فالمجورة لي حدا الناموسية ديالو ، لقات كتاب ديال ارقام الهواتف و بدات كاتقلب فيه بزربة قبل مايطلع شي حد و يلقاها واقفة كاتقلب ليه فحوايجو و ترجع اللومة كاملة ليها .. مالقات والو فيه .. مشات لواحد البلاكار كان فالحيط بدات كاتقلب فيه و والو مالقات والو .. رجعات كل حاجة لبلاصتها و حطات يديها على جبهتها
ريماس : اوووف مايمكنش مايكون والو هنا حتى طيلي ديالو هبطو معاه تفو تفو تفو اش هاد الزهر ... يلاه جات خارجة و هي تلمح واحد الحاجة ... واحد الظرف من تحت المخدة ديالو كان خارج منو شوية هداك كاع ماكانت شافتو ، مشات جبداتو و بدات كاتقلب فيه كان محلول بدات كاتقرا اش فيه كان فيه رقم هاتف و عنوان ولكن ديالمن؟؟ .. بقات كاتقلب فالظرف حتى لقات سمية ديال واحد الشخص بقات كاتحاول تسترجع سميتو فين شافتها فين شافتها
ريماس : عرفتوووووو هو .. نفس الشخص لي عطاتو الفلوس باش يهرب لها القنابل النووية للمغرب يعني فايتا تعاملات معاه و كاتعرفو عن طريق سوق السوداء ولكن اش كادير نمرتو عند اصلان؟؟ .. الحل لي كاين هو تسنط عليه ولكن قبل من هادشي كامل خاصها تهز واحد جوج حوايج ... مشات كاتجري للمجر لي شافتهم فيه هزاتهم و خبعاتهم و نقلات العنوان و الرقم فورقة خرا و رجعات هبطات للجردة كأن شيئ لم يكن .. خرجو موراها باش يختارو الطوموبيل لي غاتتسابق بيها و فاش رجعو و كان كايهضر فالطيلي تما فين سمعاتو بلي كايخطط يزرع القنابل فالطريق الشرعية الخاصة بالسباق داكشي لاش بدلات الطريق ولكن ماقرراتش غير تبدل الطريق ... قررات حاجة خرا و غادي تنفذها .
"End Of The Flach Back"
وصلو لليخت و ركبو شدو الطريق فالبحر للميناء ...
الطريق كاملة و هما كايشوفو فيها بشي شوفات فشكل و واحد كايغمز التاني دخلو لها الشك .. خرجات من تما و بقات كاتشوف شحال باقي باش توصل للميناء ، ماكانش باقي بزاف .. مع بغات ضور لقات 2 منهم واقفين موراها مباشرة
ريماس : ( مخنزرة ) مالنا اش كاين؟ غاتبقاو تابعيني حتى هنا ... شاف اللول فالثاني و عطاه إشارة بيديه .. بقات كاتشوف فيهم بشك هي من اللول شاكة موراهم شي حاجة ولكن فاش جبد واحد منهم الفردي عاد تأكدات
***** : عندنا اوامر نعجلو لك أجلك
ريماس : شكون نتوما؟؟؟؟ و شكون مسيفطكم؟؟؟؟؟؟؟ نتوما ماشي رجال ارسلان
***** : الأهم هو مانخليوش جرثومة مسلمة دخل بيناتنا ... شافت فيهم بجوج و بتاسمات
ريماس : دخلت ماشي عاد غاندخل ههه رجال الكلب ديال أصلان
***** : سيدك و سيدنا اصلان
ريماس : انا ماشي كلب باش يكون عندي سيدي العبيد
***** 2 : قتلها دغيا بلا مانزيدو نضيعو الوقت .. مع بغا يتيري فيها ضربات ليه يديه برجليها و طيرات ليه الفردي جابتو فالبحر .. جا الثاني يجبد الفردي ديالو باش يتيري فيها جبدات الفردي ديال أصلان من مور ضهرها و تيرات ليه فالرجل و الكتف يلاه جا يقرب لها لي كان غايتيري فيها قبيلا .. تيرات ليه فرجليه بجوج ... اكيد ستغربتو منين جاها الفردي ... فالفلاش باك قلت بلي هزات جوج حوايج غاتحتاجهم ... أولهم الفردي ديال أصلان لي كانت حاطة فبالها غاتستعملو مع المهرب و ثاني حاجة دابا تعرفوها ... حاول واحد من دوك جوج ينوض و ضرباتو برجليها لكرشو رجعاتو شوية اللور .. عاودات هزات رجليها و هاد المرة ضربات بكل جهدها حتى طاح فالبحر ... هزات الفردي فوجه لاخر
ريماس : ( بنبرة تهديدية ) جمع الوقفة
***** : غاتندمييي الكافرة
ريماس : نووض قبل مانزيد نتيري فيك و هاد المرة غانخلي فيك عاهة مستدامة الكلب
***** : رجلييي ماكانحسش بيهم
ريماس : تستاهل الكلب الغداااار تسنا هنا مزال غانرجع لك ... هزات الفردي فيديها و جهزاتو باش تمشي تقلب على دوك الثلاثة لاخرين عندها 2 اختيارات ... يا تيري فيهم و دافع على راسها يا تقول بلي حرام و تخليهم يقتلوها ولكن بيان سيغ الدفاع عن النفس ماشي حرام .. لقات واحد جاي ضرباتو فرجليه بجوج باش مايقدرش يوقف و حيدات ليه السلاح ... عاودات دخلات للداخل لقات 2 خرين فالبلاصة ديال القبطان قبل مايدورو لعندها تيرات فيهم فالضهر بالضبط فالعمود الفقري طاحو للأرض على وقفتهم و مابقاو قادين يحركو حتى عضو فجسمهم من غير لسانها .. تحنات حيدات لهم السلاح و دفلات عليهم
ريماس : كلاب هادشي فاش حادكين ... رمات الفرادة ديالهم بعيد و بدات كاتشوف كيفاش غاتتحكم فاليخت و هي ماعندهاش تجربة فيه .. من زهرها كان غادي اوطوماتيك و كان بقاو غير امتار قلال باش توصل للميناء .. دازو دقائق و وقف اليخت .. خرجات من تما و رجعات تيرات فاليدين ديال داك لي كان جاي و مشات عاودات تيرات للاخر فيديه بجوج و هزات ليه بزطامة .. خشات الفردي موراها و جبدات الخاتم الذهبي ديال أصلان لي هو خاتم عائلة روتشيلد ... ركباتو فيديها و هي كاتفكر فالخطوة الثانية .. هزات ليه جوج حوايج .. الفردي و الخاتم حيت عارفة بلي الخاتم غاينفعها بزاااااف .. خرجات من تم و بقات واقفة شحال فبلاصتها عاد تحركات بقات كادور فالشوارع و اول حاجة بقات كاتقلب على محل كايبيع داكشي ديال الإلكترونيات بقات غادا و كاتسول عليه كادور بين الطرقان و الشوارع حتى لقات واحد .. مشات كاتجري لجهتو بدون ماتشوف فالطريق حتى وصلات لنص الطريق و هي توقف بسبب الكلاكسون لي ديال الشاحنة لي كانت جاية لجهتها .. و في أجزاء من الثواني طاحت للأرض بسبب الشاحنة لي ضرباتها ...
تلاحت للجنب على يديها و طاحت طيحة خايبة .. نزل الشيفور ديال الشاحنة لي كان فسن الستينات جا كايجري مخلوع يك .. بنادم بدا كايتجمع عليهم باش يشوفو اش واقع .. تحنا على ركابيه لعندها كايشوف مالها بينما هي كانت غير كادور فعينيها باش تستوعب اش وقع فدقائق قليلة .. هضر معاها بالعبرية
الشيفور : ( مخلوع ) باش كاتحسي؟؟؟ واش راك صافا؟؟؟؟ ... أومأت براسها بلي واها بيخير .. يلاه بغات تتكالا بيديها باش تنوض ، حسات بالضو ضرب لها فيديها
الشيفور : واش نديك للسبيطار؟؟؟؟
ريماس : لا ماشي شي حاجة خطيرة .. حاولات توقف على رجليها حسات بالضو ضرب لها فرجليها
الشيفور : سمحي لي ا بنتي والله ماشفتك .. هاني غانديك دابا للسبيطار نشوفو صحتك يقدر يكون عندك كسور
ريماس : ماشي شي حاجة ماتعدبش راسك .. ديفو ديالي حيت ماشفتش الطريق .. تكالات باليد الثانية باش تنوض ، ناض الراجل مسكين بقا كايحاول يعاونها باش توقف حتى وقفات على رجليها بدات كاتشوف فحالتها تأفأفات و عاودات شافت فالراجل
ريماس : كاتعرف شي سبيطار قريب من هنا؟؟
الشيفور : كاين واحد قريب مابعيدش بزاف
ريماس : تقدر توصلني ليه؟؟ ... وافق الشيفور بالزربة .. بغا يعاونها باش تركب فالشاحنة و رفضات .. بقات كاتتكالا حتى طلعات ديمارا فإتجاه سبيطار عمومي .. بقا السيد واقف معاها حتى جبرو لها يديها و رجليها
الطبيب : تقدري تخرجي دابا
الشيفور : ولكن راها باقا مريضة
الطبيب : شومبرا لي غاتشد هي راه كاين لي غايحتاجها
الشيفور : و هي ماشي مريضة ا دكتور؟؟ حتى هي من حقها تشد شومبرا راها مزال عيانة و عاد دارت كسيدة
الطبيب : ماعندناش هنا دار الخيرية .. السيدة هي هاديك مافيها والو .. يلاه ا سي خليوني نمشي لخدمتي
ريماس : و مالك كاتغزر؟ قولها مقادة اصلا انا ماغانبقاش فالسبيطار ( طلعات فيه و هبطاتو ) عادي اش غانتوقع من جنسكم ... هزات يديها الثانية كاتقاد بيها يديها اللولة ... مع هزاتها طاحت عين الطبيب فالخاتم
الطبيب : منين جاك هاد الخاتم؟؟؟؟؟؟ سرقتيييه؟؟؟؟؟
ريماس : سير قابل خدمتك راه عباد الله كايتسناوك .. خرجات من تما كاتتكالا مع الحيط تبعها داك السائق و بقا كايحاول يعاونها باش تتمشى .. اما بالنسبة للطبيب غير شاف الخاتم مشا دار شي اتصالات
الشيفور : فين دارك ا بنتي نوصلك؟؟؟
ريماس : بلاش ميرسي .. راك عاونتيني
الشيفور : راه ماغاتقدريش ترجعي لدارك بهاد الحالة .. بقات كاتفكر مدة
ريماس : تقدر توصلني للميناء؟ ... وافق بالزربة باش يصلح غلطو لي هو فالأصل غلط ريماس ماشي غلطو .. ركبو فالشاحنة و توجهو للميناء ، اجلات شغلها لمن بعد حيت ماغاتقدرش تواجه لاخر و هي فهاد الحالة .. بعد دقائق وصلها للميناء
ريماس : ميرسي
الشيفور : ( بقلق ) كانعاود نعتاذر منك
ريماس : الغلط راه ماشي منك نتا
الشيفور : واش متأكدة كاين لي غايوصلك من هنا؟؟؟
ريماس : وي متأكدة .. ودعها من مور ما طمأن عليها .. بقات كاتتمشا برجل وحدة حتى وصلات لليخت طلعات و خلاتو يمشي اوطوماتيك من مور ماحددات الوجهة لي هي الجزيرة
• فالقصر •
أبراهام : انا لي مابغاش يتفهم لي كي دارت حتى خرجات بلا مانشوفوها؟؟؟؟؟
مالك : مشكيييلة .. غبرنا غير 10 دقايق على ود الصلاة
أبراهام : راه قلت لك ماغادي تتهنا تا تصفيها لي انا وياك .. بلاتي بلاتي ميستر أرسلان كايصوني .. هز طيلي و بعد من جهة مالك و جاوب .. شوية جا أسوار
أسوار : اش واقع؟؟؟
مالك : انسة ريماس ماعرفناهاش فين مشات
أسوار : ممكن تكون غير فالقصر
مالك : قلبنا القصر سفاه على علاه و ماكاينش الاثر ليها
أسوار : شفتي الكاميرات؟؟؟
مالك : لا هادوك لي مزال ...
كان أبراهام واقف و فودنيه السماعة كايتسنط لهضرة أرسلان و كايجاوب
أبراهام : ميستر أرسلان راه ماعرفتش كي خرجات
أرسلان : راقبتي الكاميرات؟!
أبراهام : لا مزال عاد غانمشي نقلب ... قطع عليه أرسلان بلا مايجاوبو ، رجع لعند أسوار و بقا كايقلب على مالك
أسوار : مشا يشوف الكاميرات .. واحد الشوية رجع و فوجهو علامات الإستغراب
أبراهام : امدرا اش كاين؟؟؟ لقيتي شي حاجة
مالك : لقيت الكاميرات مطفيين من الصباح ماسجلو حتى حاجة
أبراهام : ( بعصبية ) داااارتها
مالك : لا هاد المرة ماكانظنش هي حيت ماعارفاش الغرفة الخاصة بالمراقبة ديال القصر
أسوار : حتى انا ماكانظنش .. حيت هي ماحافضاش القصر حتى لديك الدرجة
أبراهام : ( من تحت نيفو ) لي حفضات الطريق فالغابة كي بغيتيها ماتحفضش القصر
أسوار : ( بقلق ) وصيتو الرجال يقلبو عليها؟؟؟؟
مالك : وصيناهم ا ميستر أسوار
أسوار : غانخرج نقلب عليها
♔ داخلة للقصر و كاتسند على الحيط شادة فدراعها الملفوفة بالجبص و كاتجر فرجليها المهرسة ... وقفات واحد الشوية حيدات الخاتم خبعاتو فسروالها لي كاااااان بيض فاش خرجات من القصر اما دابا ولا حالتو حالة .. غير شافوها داخلة مشاو كايتجاراو لعندها
مالك : أنسة ريماس مالك؟؟؟؟
أسوار : ريماس اش وقع لك؟؟؟؟؟ شكون وصلك لهاد الحالة؟؟؟؟؟؟ .. أبراهام جيب لها الكرسي دغيا ... مشا جاب لها لها كرسي باش تجلس .. كانت حالتها حالة حوايجها مقطعين و شعرها مغبر يديها و رجليها مجرودين و وجهها فيه واحد الحكة .. اما الرجل الثانية فكانت مغطية بالجبص كانت حالتها يرثى لها
أبراهام : مالك؟؟؟ مال يديك و رجليك؟؟؟؟
ريماس : ( بإبتسامة ) دهسني كاميو ( قادات رجليها و كملات ) ماشي دخل فيا بالمعنى الحرفي .. غير طيحني فالأرض ، كنت قاطعة الطريق و ماشفتوش بلي جاي .. شاف فيها أبراهام بصدمة
أبراهام : و باقا حية لحد الساعة؟؟؟؟
ريماس : اش هاد السؤال الغبي
أسوار : ( بإنفعال ) و ماشفتيهش؟؟؟؟ علاش ماكاتنتابهيش للطريق؟؟؟؟؟
ريماس : باقا حية و من زهري مامتش
أسوار : ( بالغوات )كي درتي خرجتي و كي درتي وصلتي للهنا؟؟؟؟؟
ريماس : و اخيييرا شي واحد فيكم عارف بلي داك الشارف فات حدودو معايا و هادي ثاااااني مرة كايحاول يقتلني بلا مانحسب المرات اللولين
أبراهام : انسة ريماس سي اصلان كايبقا كبير العائلة المفروض تحتارميه باش تتجنبي المشاكل
ريماس : ( بعصبية ) عندو الزهر منييين باقي حي و ماقتلتوش .. ديك القرطاسة لي جات هادي عام فالكارد ديالو كان خاص تجي فيه هو
أسوار : شكون داك للسبيطار؟؟؟؟؟
ريماس : فاعل خير و صافي
أسوار : ( بالغوات ) علاش مابقيتيش تما ولا عيطتي لينا حنا نجيو؟؟؟؟؟؟؟؟؟؟ لهاد الدرجة هاملة صحتك و ماكاتهمكش
ريماس : ( بحدة ) ماتغوتش عليا راسي كايضرني و ودني كايصفرو مابقيتش قادرة نتحمل صداع
أبراهام : واش ما جاك لا إرتجاج فالمخ لا والو؟؟؟؟؟؟ كاتحسي بعقلك هو هداك ياك
ريماس : يقدر يكون جاني و فهاد الحالة حتى ايلا جمعتك نتا و داك الشارف ماغاديش يعاقبني القانون حيت اصلا مخلخلة
أسوار : واش هدا وقت الضحك؟؟؟؟ شوفي حنكك حتى هو تخبش علاش مابقيتيش فسبيطار؟؟؟؟
ريماس : راه مشيت غير لسبيطار عمومي و نتوما عارفين سبيطارت العمومية ماكايخليوش عندهم بنادم .. كايعالجوهم و يسيفطوهم لديورهم
أسوار : و ... ( هزات يديها باش تمنع السؤال لي كان غايعاود يسولها )
ريماس : ماعندي علاش نمشي للكلينيك اصلا ماعنديش شي حاجة خطيرة غير تهرست من رجلي و عندي خدوش خفيفة هدا ما كان ( ناضت من بلاصتها ) الموضوع ماشي بهاد الأهمية
أبراهام : كنتي غاتموتي
ريماس : ( بصوت هادئ ) وي عرفت ولكن ما متش عرفتي علاش؟ .. غير باش ننغص عليك حياتك عارفا غايبقا فيك الحال ايلا مت
أسوار : خاص ضروري يعاود يشوفك الدكتور ماعرفناش بالضبط شنو عندك و انا ماكانتيقش فالسبيطارات العمومية
ريماس : عادي .. ماشي اول مرة نتهرس ، هادشي فايت واقع لي ما مرة ما جوج و ها نتا كاتشوفني قدامك صحيحة فصيحة ...
بغات طلع و جا يعاونها مالك و أسوار .. نطرات يديها و خنزرات فيهم
ريماس : راني باقا واقفة على رجلي مزال ماوليت معوقة
أبراهام : راك عارفة بعدا بلي غاتتعوقي مستقبلا
أسوار : ( بجدية ) أبراهام فوت عليك ريماس
أبراهام : كانعتاذر ... بقات كاتشوف فدوك الدروج كي غادير طلع فيهم و حتى هما كايشوفو كي غادير طلع فدوك الدروج .. بدات كاتنقز برجيلة وحدة دقة دقة حتى وصلات لبيتها .. بدات كاتحيد فدوك الحوايج لي توسخو بمشقة الأنفس .. دخلات لل
أسوار : عيطو على الدكتور و الفرمليات يطلعو لعند ريماس .. ماعجبنيش حالها
مالك : واخا ا سي أسوار ... مشا من تما ابراهام و يلاه هز طيلي باش يعيط لأرسلان لقاه كايصوني عليه
أبراهام : ميستر أرسلان راه ريماس..
أرسلان : ( ببرود ) راني فالباب ديال القصر .. جمع لي كل واحد كان فالقصر هاد الصباح
أبراهام : و الخدامات؟؟
أرسلان : قلت كلشيي ... قطع عليه و كمل طريقو باش يدخل للقصر
♔ ماقدراتش دوش باش ماتقيسش جبيرة بالما يلاه طرفات حالتها بيديها الشمالية لبسات شوميز خفيف واصلة لها حد الفخاض حيت ماقدراتش تلبس كتر بسبب الإصابات .. جلسات فوق الناموسية و بدات كاتتحسس بيديها دوك الحردات لي تحردات .. شوية دخل الطبيب باش يشوف اش عندها .. قرب لعندها شوية باش يتفحصها
الدكتور : انسة ممكن تعاودي لي شنو وقع لك بالضبط؟؟
ريماس : دخلت فشاحنة ... هز يديه باش يشوف الخدشة لي فوجهها ولكن قبل ماتوصل يديه لحنكها قاطعهم صوت الباب لي تفتح او بالأحرى تفرع
الدكتور : ميستر أرسلان ... قاطعو صوت القرطاسة لي دازت من بينو و بين ريماس بواحد الدقة فالتصويب خطيرة .. رجع اللور مخلوع و بعد على ريماس
أرسلان : ( بغضب ) اجي عندي معاك شي هضرة .. جرو من نفس اليد لي كان غا يمس بيها ريماس هرسها ليه بالجهة المعاكسة بكل برود حتى تسمع صوت التهريسة و تبعاتها صوت الصرخة ديال الدكتور سكتو بضربة باليد ديال الفردي لنيفو حتى رعف
ريماس : مالك معاه؟؟؟؟؟؟ ... طلعها و هبطها بنظرة وحدة
أرسلان : حسابك مورااه ماتزربيش على روحك هاني راجع لك هاد المرة غانتبعك لييهم هاني جاي ... جرو الغضب و مالي عينيه كايحس بذاتو كاتترعد عليه و دمو كايغلي و السخونية طالعة مع راسو الحالة لي هو فيها فالوقت الحالي تخليه يقتل ريماس بدون مايشعر كيف لا و هو فنظرو اي راجل كايسمح لمحبوبتو او مرتو يشوفها راجل اخر كايتعتابر ديوثي .. كيف لا و هو شاف الدكتور عينيه شافو شي حاجة لي ماكانش عليه يشوفها و ما هو إلا جسد ريماس لي كان واضح شي شوية من الشوميز لي كانت لابسة و هو بنفسو و ماعمرو شافها بيه .. زيادة على هذا كانو بوحدهم فبلاصة مسدودة .. غضبو نهار على نهار كايزيد مع ريماس و شوية بشوية بداو كايفلتو ليه أعصابو مع انه لحد الساعة متحكم فيهم ولكن زمام امور اعصابو بدات كاتترخا من يديه .. جرو من اليد لي هرسها ليه ناحية الجردة فين جامع جميع الخدامة و الحراس لي كانو هاد الصباح قدام الباب ديال القصر و لي كانو مكلفين بالكاميرات ديال المراقبة و من بينهم حتى مالك و أبراهام كانو معاهم
أسوار : علاش جمع كلشي؟؟ ... شاف أبراهام فمالك و ساط
أبراهام : ماعرفتش ا سي اسوار .. وصل للجردة و بالضبط جهة لابيسين فين كانو مستفين كاملين .. لاح الدكتور حداهم و وقف قدامهم .. رجع لبرودو و نظرتو المظلمة مع إبتسامتو الغريبة لي كايديرها فاش كايكون ناوي يقتل شي حد
أرسلان : ( بهدوء ) فين كنتو هاد الصباح!!
أسوار : انا راك..
أرسلان : الهضرة ماشي معاك
الحارس : ( حادر عينيه ) كنت حدا الباب ا ميستر أرسلان .. شاف فالباقيين .. الحراس كاملين لي كانو حدا الباب الخارجية ديال القصر و لي مكلفين بكاميرات المراقبة و الخدامات .. كلهم قالو بلي نهار كامل كانو فالقصر .. جبد الفردي ديالو و بدا كايتيري فيهم واحد بواحد بكل دم بارد .. داك لابيسين لي كان موراهم رجع بركة من الدم و الجثث .. شاف فيه أسوار بصدمة
أبراهام : ( حدر عينيه ) كنت كانقضي شي شغل ا ميستر ارسلان
أرسلان : بحالاش هاد الشغل.!! .. بقا ابراهام كايشوف فمالك و هو متردد واش يقوليه ولا يخبي و فحالة كدب عارفو غادي يعيق بيه ولكن ممكن مايعيقش بيه فواحد الحالة
أبراهام : ماغايتكررش هادشي ا ميستر أرسلان ... عاود شاف فالطبيب عطا إشارة لجوج رجالو جاو هزوه الدكتور من يديه و عطا اشارة لوحداخر و جابو ليه الكرسي فين يجلس .. مقابل مع الدكتور بالضبط .. قلب الكرسي و جلس فيه بالمقلوب هز الفردي فيديه و بقا كايضورو فيديه ضرب القرطاسة اللولة جات فالكف ديال الدكتور بدا كايغوت بسبب الألم .. عاود ضرب ليه القرطاسة فالكوع موراها زاد تيرا ليه من فوق الكوع شوية .. و فكل مرة كايجيب القرطاسة فالمنطقة لي من مور المنطقة لي تيرا فيها فاللول .. الصراخ ديال الدكتور كايتسمع فالجردة كاملة اسوار و ابراهام و مالك مافاهمينش علاش كايدير فيه هادشي اما أرسلان فكان كايتفنن فالقتل ديالو بطريقة جد جد بطيئة .. كاينحت ليه الجسم ديالو بالقرطاس و غادي بشوية بشوية دقة بدقة منطقة بمنطقة سالا من اليدين و بقا هابط بالقرطاس شوية بشوية .. صوتو بح بالغوات و دموع الرجال لي ماكايسيلو إلا فالحالات القصوى هاد النهار سالو للدكتور و تخلطو مع الدم .. رجع ليه الكسدة ديالو كلها متقبة غربااال جدو غير سمع صوت القرطاس بدا كايطل من الشرجم و هو مستغرب علاش ارسلان قتل الدكتور اثار انتباهو لابيسين لي ولا واحد الجزء منو لونو حمر قاتم لون الدم و الجثث لي فيه .. فحين أرسلان كان سالا منو و شافو بلي مات ولكن مزال مابرد لو دمو كايبان بارد من برا ولكن فالداخل ديالو شاعل فيه 100 بركان و بركان حامي .. اشار بسلاحو لواحد من رجالو باش يجي لعندو هضر فودنيه و مشا دازو دقائق و عاود رجع و فيديه بيدو ديال البنزين و بريكة .. وقف و هز البيدو بدا كايخويه عليه .. لاح البيدو و شعل البريكة لاحها عليه و خلاه للعافية تاكلو حتى تأكد بلي شعلات فيه عاد ضار لعند اسوار و مالك .. بحركة خفيفة جبد الفردي تيرا فيهم بجوج وسط الصدر و رجع الفردي لبلاصتو
أرسلان : ( بهدوء ) المرة الجاية مانبغيش هادشي يتعاود حيت ايلا تعاود ماكايناش شي حاجة غاتمنعني باش مانصفيهاش لكم ( شاف فأبراهام ) هبطهم يتعالجو ( هز راسو للبالكون ديال جناح جدو ) كانظن الميساج وصل ... تخطا الدم و توجه لغرفة ريماس اما أصلان مافهمش اش وقع و علاش هاد الحالة كاملة و علاش اد الكم ديال الناس تضربو هاد النهار .. بغا يعيط على دوك 2 رجال لي موالفين يكونو معاه .. ماكانوش و هنا ستنتج بلي حتى هما غايكونو تقتلو مع دوك الخداما .. عرف القضية حمااااضت ولكن فنظرو دابا ماعندو علاياش يتشوش حيت السوسة ديال ريماس فبالو بلي راها ماتت و تهنا منها
♔ كانت كاتسنط فالباب ديال جناح اصلان غير سمعات الخطاوي جايين بدات كاتنقز برجل راجعة للبيت ديالها باش ماتتسماش متطفلة .. دخلات و جلسات فالكرسي و ما هي الا لحظات حتى دخل ارسلان للبيت و سد الباب موراه ...
توجه لجهتها و هو عاقد حجبانو .. قبل مايهضر بدات هي لي كاتهضر
ريماس : ماشي انا لي غااالطة جدك سيدهم أصلان هو لي غااالط هو لي بغا يقتلني كانقسم لك بالله ا أرسلان ايلا بقا كايدور بيا ماغاديش نحير فحتى شي واحد ايلا كانت غير الموت مرحبا بيها اصلا وليت انا وياها صحاب كل نهار كادوز من حدايا و تفوتني .. جلس جلسة القرفصاء قدامها و ضور لها وجهها بيديه كايشوف فأثر احتكاك وجهها بالأرض عاود ضورو للجهة الثانية بانت ليه الضربة ديال البارح لي كانت بسبب السباق .. عاود شاف ركابيها كانت محرودين .. هز عينو فيها و نطق بهدوء
أرسلان : علاش مابقيتيش فالكلينيك؟!
ريماس : ريحة دوايات كاتخنقني و ماكانحملهاش
أرسلان : و علاش خلاوك تخرجي؟!
ريماس : حيت سيادة الدكتور قالك ماعندهمش الخيرية و اصلا دارها مزيانة حيت ماكنتش غانبقا تما
أرسلان : يعني كنتي فسبيطار عمومي؟! و خليتي طبيب عاد بدا مسيرتو يخور فيك ياك
ريماس : ( بعصبية ) قول يقلب فيا ماشي يزمر فيا
أرسلان : ( ببرود ) هي هي .. مدام شاف لحمك و حط يدو عليك بقا خاص غير نعريك و نديك ليه اش بان لك
ريماس : أرسلان حتارم راسك مااالك كاترجع كلشي ليا و علاش كاتتعصب عليا اصلا؟؟؟؟؟ النقاش كايكون بالبرودة ماشي واحد طالع و الثاني كايقوليه ماعارف والو
أرسلان : ( بغضب ) كيف بغيتيني نبرد؟!!!!!!! ... عاطيا فخضك لشماتة يخور فيه و باغاني نبرد؟!!!! ... واش كاتتفلاي عليا
ريماس : وا ماخورش فييييه
أرسلان : ( بنبرة خشنة ) حط يدو عليه
ريماس : و باش بغيتيه يجبرني؟؟؟؟ ... غمض عينو و زير عليهم و عاود حلهم
أرسلان : جاتك من الجنة و الناس ياك؟! ... الناس عندهم مرا مخشية وسط النسا بحالها بحالهم و انا عندي زوفري تابع المشاكل و فينما كان شي مجمع ديال ذكورة هي اللولة كاتتخشا فيه .. علاش ماطلبتيش الفرملية هي لي تجي تجبر لك
ريماس : ماغانعطيش رجلي تخور فيها وحدة ماكاتعرف حتى تشد ليبرا صحيحة
أرسلان : عاقلة على الأرقام ديال الشاحنة لي دخلات فيك؟!
ريماس : لا ماشفتهومش
أرسلان : الوصف ديالها!!
ريماس : علاش بغيتيه؟؟؟
أرسلان : كانتسنا
ريماس : ماعقلتش حيت ضربني على غفلة
أرسلان : ( بإبتسامة شبح ) مرتي العزيزة
ريماس : ماغانقولكش .. السيد راه عاونني و عتارف بغلطو بلي ضربني بالغلط كون كان هرب ديك الساعة انا لي غانعرف شغلي معاه
أرسلان : كانتسنا
ريماس : راه مادارهاش بلعاني
أرسلان : همم عاونك؟!
ريماس : وي راه عاوني
أرسلان : فين خرجتي هاد النهار!!!
ريماس : خرجت نشم الهوا
أرسلان : و اش وصلك للمدينة
ريماس : كنت محتاجة شي حاجة
أرسلان : !!!
ريماس : غير شي حاجة و صافي واش كاتحقق معايا؟؟؟ ... حط يديه بجوج على الكرسي لي جالسة فيه و قرب لها
أرسلان : ( بهدوء ) خرجتي من القصر بلا شوار ... ركبتي فاليخت بلا شوار ... وصلتي حتى للمدينة بلا شوار ( شدها من دراعها ) باش فاللخر تجيني معطوبة؟!!!! و زايداها بالعناد ديالك لي كانقسم لك شي نهار غا ندير فيك عاهة مستديمة عليه
ريماس : ( بغضب ) كان ضروري نخرج
أرسلان : فين خرجتي!!! ... و فين وصلتي؟!!!
ريماس : حدي حد شارع ****** ... حيت موراها ماقدرت نكمل فين بسبب الحادثة
ارسلان : مزيان ... خرج من تما و بقا كايقلب على أبراهام بعينيه .. شوية بحالا تفكر شي حاجة و عاود رجع لعندها .. مد يديه لجهتها
أرسلان : أريه
ريماس : اش غانعطيك؟؟؟
أرسلان : الخاتم ...
◽◽◽
بغيت نوضح لكم بعض النقاط
- ابراهام فاش قال بلي كان كايصلي فهو ماشي عتارف بلي سلم ... ماتنساوش بلي حتى اليهود كايصليو صلاتهم
- ارسلان ماعارفش اش واقع فالوقت الحالي عند مالك و ابراهام حيت تركيزو فالوقت الحالي على امور خرا
- الخاتم لي سرقات ريماس .. ديال اصلان ماشي ديال ارسلان .. و ارسلان و اصلان عندهم نفس الخواتم ماشي بحال باقي العائلة حيت الباقي عندهم فضي مي ارسلان و اصلان عندهم ذهبي
◽◽◽
ريماس : على اينا خاتم كاتهضر؟؟
أرسلان : حيدي عليك قناع الغباء ماكايجيش معاك .. قلتها لك سابقا
ريماس : انا اصلا ماعارفاش علاياش كاتهضر .. جبد يدو من جيبو و هزها قدام وجهها باش تشوفو
أرسلان : عرفتيه دابا!
ريماس : ياك ها هو عندك فيديك ايوا علاياش كاتقلب؟؟
أرسلان : كاتتبوهلي عليا دابا؟
ريماس : هاااء وا الخاتم عندك و كاتسولني عليه؟؟؟
أرسلان : ريماس ماكانضحكش معاك
ريماس : وا راه حتى انا ماكانضحكش ماعرفتش علاياش كاتهضر
أرسلان : النبرة ديال الكدوب لي فصوتك ضراتني فراسي
ريماس : وا راه ماعندييييش ... جبد طيلي ديالو و بدا كايخربق فيه شوية طلق واحد التسجيل
"بــدايــة الــتــســجــيل"
***** : الو ميستر أرسلان
أرسلان : وي
***** : ميستر أرسلان وصلني إتصال من عند واحد الدكتور كاين فتل أبيب على ما قال شاف الخاتم ديال عائلة روتشيلد عند شي بنت ... عرفها هي حيت حتى وحدة مايمكن تتجرأ و تهزو غمض عينيه زير عليهم و عاود حلهم
أرسلان : وصفها لي
***** : ماوصفهاش ليا بالضبط ولكن قاليا بلي دارت حادثة و جات هي و واحد السيد كبير فالسن ماكايشبهش ليها
أرسلان : الخاتم كي داير!!
***** : بحال خاتم سيادتكم ا ميستر أرسلان
أرسلان : ايمتا مشا!!
***** : عاد هادي 10 دقايق تقريبا
أرسلان : شكون عالجها؟
***** : ماعرفتش ولكن واقيلا الطبيب
"نــهايــة الــتــســجــيل"
أرسلان : باقي غاتزيدي تكدبي؟
ريماس : و شكون قالك هاديك البنت انا؟؟؟ راه ماشي غير انا لي كاينا فالدنيا
أرسلان : ريماااااس
ريماس : مال ريماس مالها؟؟؟؟؟ ماتغوتش عليا
ارسلان : ماكانحملش الكدووب
ريماس : ماكانكدبش
أرسلان : غاتزيدي كدبة وحدة نريب لك سنانك و ماكانضحكش معاك
ريماس : وا دابا شنو درت؟؟؟؟؟؟ .. طلعها و هبطها كانت باقا بداك شوميز الخفيف ترسمات على وجهو إبتسامة خبيثة
أرسلان : قربي
ريماس : علاش
أرسلان : غانقلبك
ريماس : ماغاتلقا عندي وااالو
أرسلان : و ايلا لقيتو؟
ريماس : ماغاتلقاش .. قرب لعندها بخطوات قليلة
ارسلان : وقفي
ريماس : رجلي مهرسة
أرسلان : فاش جيتي من تل ابيب لهنا ماكانتش مهرسة ياك!
ريماس : كنت راكبة فالمواصلات ولكن غييير تهنا ماشي حيت مهرسة هادشي كايعني غانشد لرض .. شدات فيدين الكرسي و وقفات برجل وحدة طلقات اليد لي مامهرساش
ريماس : ( بثقة ) قلبني .. فيكسا عينيه فعينيها و خلا يديه يقلبو .. بدا كايدوزها على عنقها حتى تبورشات
ريماس : قلب من تحت جلدة راه غانكون مخبعاه تما
أرسلان : ( بنظرة مكر ) هسسس خليني ندير خدمتي ..هبط بيديه لكتافها و بقا كايدوزهم ببطئ عاود نزل لدراعها بنفس اللمسات زاد هبط لجهة صدرها يلاه بغا يدوز يديه من تما و هي دير يديها
ريماس : جمع يديك فين كاتقلب راه ماكاين والو تما
أرسلان : على حد علمي نتوما النسا صدركم هو بزطامكم
ريماس : ( حلات عينيها بصدمة ) يا الحقيير و عارف حتى فين كانخبعو امورنا و فاللخر كاتحااااسبني انا علاش كانهضر مع رجاال و نتا لي كاتهضر مع العيالات هاه؟؟؟؟؟ و شكون عرف شحال من وحدة دوزتي لبس قناع البراءة قدامي عاوتاني و قوليا مادوزتي حتى وحدة
ارسلان : ( ببرود ) ماكاننكرش فعايلي ... دوزت النسا انواع و أشكال
أرسلان : كانظن عرفتيني مزيان فهاد 3 سنين!! .. ماشي غرائزي لي كاتمشيني انا لي كانمشيها ولكن نهار غاتكوني بين يدي غاتتبدل الأوضاع
ريماس : أرسلان صافي باراكا
أرسلان : ( قرب وجهو ليها ) مابقاش بزاف و غاتخلصي .. باش ترتاحي كتر ، غا نهضر مع طبيبة لي غاتجي تجمعك النهار الموالي
ريماس : اش كاتقصد؟؟؟؟
أرسلان : راك فهمتيني
ريماس : ( بعصبية ) أرسلان باراكا من هاد الضحك ماكايعجبنيييش و مابقييتش غانتزوج بيك صافي بعد مني نعطيك خااتمك
أرسلان : ( ببرود ) ماكانضحكش .. دفعاتو بيديها و خنزرات فيه
ريماس : إذا سير شوف لك فيمن تبرد حيت قسما بالله ماغاتمسني إلا ايلا سلمتي
أرسلان : متأكدة؟!
ريماس : متأكككدة
أرسلان : الهضرة غاتكون ليلة العرس
ريماس : ايلا بغيتيني نقتلك ديرهااا
أرسلان : شنو لي مانعني مانديرهاش دابا و نسبق ليلة الدخلة دابا!!
ريماس : خرج عليا مابقيتش باغا نشوفك
أرسلان : من الأحسن تستعدي من دابا .. باقي شهراين قدامك ... خرج من البيت و هبط مع دروج يقلب على أبراهام اما ريماس كانت مصدومة من هضرتو حيت عمرو هضر لها فهاد المواضيع حتى لهاد الصباح و دابا نفضات تفكيرها و قالت واقيلا غير باغي يعصبها .
♟في مكان اخر فالقصر
أبراهام : غانصارح ميستر أرسلان اليوم بعلاقتنا
جوليانا : لااا ماديرهاش شوف غير بسبب غلط بسيط و تيرا فكتفك ايلا عرف بعلاقتنا غادي يقتلناا انا متأكدة
أبراهام : ماكانخافش من الموت الحمد الله منين شديت الطريق الصحيح ايلا بغات تجي الموت غير تجي
جوليانا : ماتغااامرش بحياتنا انا لي عاارفة خويا
أبراهام : عارفو كتر منك ا أميرتي ماغايوقع والو
جوليانا : غير نسا عافاك هاد الموضوع خليه مخبع حسن
أبراهام : غاندير لك خاطرك ولكن بشرط
جوليانا : شنو هو؟؟
أبراهام : غانتزوجو بتخبيعة باش نضمن تبقاي ليا و مايوقعش ليا بحال لي وقع لسي إليان
أبراهام : انا معااك و واخا نعرف نضحي براسي المهم مايوقع لك والو .. تسناي شوية ميستر أرسلان كايعيط لي .. بلاتي و نرجع .. باس لها جبهتها و خرج من تما عاد جاوب أرسلان
أبراهام : وي ميستر أرسلان
أرسلان : فينك
أبراهام : هاني فالقصر ا ميستر أرسلان
أرسلان : اجي لعندي لمكتب جدي
أبراهام : واخا ا ميستر أرسلان .. قطع عليه أرسلان و بقا واقف قدام شرجم .. الاجتماع مامشاش ليه و ماقادرش يمشي و يخلي ريماس فالقصر بوحدها و خاصة منين شاف كاميرات اليخت لي فلتو لجدو و نسا مايطفيهم .. و شاف وحدين كانو فالسابق من رجال جدو حاولو يقتلو ريماس .. مشا لجهة البيرو و برونشا طيلي مع البيسي باش يعاود التسجيلات ديال اليخت .. بقا كايشوف فاللبؤة ديالو كي كادافع على راسها عارف بلي مايخافش عليها و خصووصا انها تدربات فواحد الوقت على يدو و موراها دربها أبراهام على حسب البروغرام لي عطاه أرسلان .. يعني مايخافش عليها فبحال هاد الحالات يخليها بوحدها ولكن لي شاغل ليه بالو هو جدو لي كثرو محاولان القتل ديالو ليها .. هو عارف جدو ماكايرضاش بالهزيمة و فاش كايدير شي حاجة فبالو ماكايهدا حتى كايوصل ليها .. هاد المرة فلتات من الرجال حيت متدربة .. ولكن واش ممكن تفلت المرة الجاية ايلا حاول يقتلها جدو؟؟ .. طاح بين اختيارين صعاااب .. يا يختار ريماس و يتبع اش كايشوف صحيح و يعاقب جدو حيت مابقاش قادر يتخيل الحياة بلا ريماس .. واخا كادير المشاكل ولكن مايقدرش يعاقبها .. كيفاش غايعاقبها و هو جنو و جنونو يشوف حبيبتو تأذات .. كيفاش غا يأذيها و هو نفسو لي حاميها و مامخلي حد يأذيها؟؟ .. و الاختيار الثاني هو يختار جدو الشخص لي رباه و كان بمثابة الأب ديالو .. الشخص لي كايكن ليه إحترااام كبير و بالمقابل يبعد عليه ريماس باش ماتتأذاش ولكن واش يقدر يديرها؟؟؟ .. أرسلان عمرو تخلا على شي حاجة بغاها و مدام بغا ريماس او بالأحرى ولا مهووس بيها فأمبوستاحيل يتخلا عليها و لو لدقيقة .. دق دق ( صوت الدقان فالباب )
أرسلان : دخل
ابراهام : ميستر أرسلان عيطتي لي
أرسلان : سير للشارع ***** جبد لي كاع الشاحنات لي دازو من تما هاد الصباح
أبراهام : حاضر ميستر ارسلان شي اوامر خرا
أرسلان : قبل من هادشي دوز للسبيطار ***** ( جبد طيلي ديالو و ورا لأبراهام واحد الصورة ) جبد لي منو هدا و ديه للقصر هو و الشيفور خليهم تا ندوز لهم
أبراهام : حاضر ميستر أرسلان
ارسلان : مالك فينو
أبراهام : راه فالمستشفى لتحت هو و سي أسوار ا ميستر أرسلان
أرسلان : همم مزيان .. ستأذن ابراهام و خرج خلا أرسلان كايدوز فواحد المكالمة باش يجيبو طاقم طبي نسائي مافيه حتى راجل على ود ريماس ...
العميل الصهيوني والجاسوسة المغربية الجزء 20
محتوى القصة
التنقل بين الأجزاء