بقات غاديا جاراه من وراها و كتدوي و تحلف و هو من وراها مجرور و جايو الضحك على اش كيوقع و فينفس الوقت قلبو كيضرب و حاس بفرحة فشي شكل... مع انو معرفهاش شكون لكن حس بشي حاجة في قلبو لي نبضو ما بقاش عادي.....
و في غرفة العمليات.... و مع الضغطة السابعة... رجع النبض.... "طيط طيط طيط" و الخط ما بقاش مستقيم..... دليل على انو قلب تيمور بدا كينبض من جديد.... وأنو ربي كتب ليه عمر جديد....
الأطباء كلهم بداو كيفرحو... و تداركو العمل ديالهم..... عقمو ليه الجرح و خيطوه و قادو ليه المسائل.... و دارو ليه سيروم.... و خرجو الأطباء خلاوه مع الممرضين...
في حين سيف عنيه معلقين غير على لباب ديال العمليات... حتى كتبان ليه تحلات و خرجات الذكتورة و الذگتور.....
سيف غير شافهم وقف بهلا يكازيه ليه.... مشا العندهم....
سيف: "بخوف" اش واقع... هو بيخير ياك....؟!!
فلونة: "بتاسمات بهدوء " اه هو بيخير الحمد لله داب تجاوز مرحلة الخطر غاديين نقلوه نيشان لغرفة عادية في انتظار يفيق...
سيف بتاسم بفرح و الدكتور دوا: هو قوي و متشبت معرفتش باش مي قوي... قلبو وقف في العملية لكنو رجع ينبض....
سيف تنفس الصعضاء و شكرهم....
شويا و هو يبانو ليه مخرجينو مسطح على النقالة في اتجاه غرفتو.... شد ليه يدو و باسها و بقا غادي معاه حتى وصلوه ل ديك الغرفة..... و هاكا دازت ديك الليلة لي سيف و تقول واش نعس فيها او غمض عين... حتى لتاحقو بيه شي بوليس مغاربة كيعرفهم خلاهم مع تيمور.... و خرج قاصد لكوميسارية ليحاطين فيها جورج كيحققو معاه....
مسافة الطريق و كان تماك.... وقف بلمبر غيني ديالو كحلة..... ومزال لابس نفس اللبسة... دخل... و فينما داز كيضربو ليه التحية اكيد ولا معروف من ورا العملية.....
دخل للغرفة لي عازلين فيها جورج.... و بدا كيراقب فيه من زاح كان من تخنزيرتو كيبان حـــــــــــــــاقد على الوضعية و ما حاملش راسو....
مشا سيف قصد لباب لي غادي يدخلو لعندو و دخل عليه....
في حين هو كان مخنزر و رافض انو يدوي دون المحامي ديالو... حتى كيبان ليه الكميسير لي كان معاه دار التحية و جا خارج....
دار و هو يلقا سيف لي مبتاسم ابتاسامتو المستفزة و القاسية.... و عنيه عليه لي كيجيبو الخوف....
جورج بلع ريقو و خنزر فسيف و دوا كيحازل يستافزو: امضرا انا مقبرة غادي دفنو فيها البرهوش... مسكين كلا دقة في بلاصتك مي ماشي مشكل ما غاديش طول بعدو كنواعدك....
سيف بداو لقرودة كتناقزو ليه من فوق راسو... كمش يدو و عطاه كروشي لوجه... خربق ليه الملاميح ديالو.... حتى جا عاض في التراب... و نزل لمستواه و دوا بهمس قاتل: جورج روتشلد... الأعزب الخمسيني الوسيم ياك هاكدا كيكتبو عليك في الصحف... مممممم
جورج غير كيتصنت و الضربية فرتات ليه المشاعر... حنكو ليمن رقد عليه....
اما سيف فكمل كلامو: ممممم ريبيكة مونفرد.... ممممم اش كتجيك هاد السيدة هاه...؟!!
جورج خرج فيه عينيه و دار عندو بالزربة و دوا: ننن نت نت مين عرفتيها....
سيف: "كيحك لحيتو و يدي" مممممم اوا راه ما شي غير بوحديها لي كاينة.... كاين معاها حتى ادوارد..... ادورد منفرد.... ممممم اولا نقول ادوارد روتشيلد.....
جورج غير مخرج عنيه و كيبلع في ريقو و يشوف فيه مساينو يكمل كلامو
اما سيف فمكمل كلامو و كيلاحض تغير تعابير وجه جورج
سيف: مممممم نعاودها ليك كي الخرافة.... ريبيكة مونفرد راهبة في واحد الكنيسة.... مممم ياك اه اوا نت عارف و انا عارف انو محرم عليهم الزواج و العلاقات الجنسية ككل ياك.... اوا يا سيدي و داب هي عندها 25 سنة.... ياك... اوا و فاش كانت عندها 23 سنة تعرضات للإغتصاب ف الكنيسة نيت لي هي مقابلاها.... و نتج على ديك الإغتصاب حمل.... و نتج على ديك الحمل وليد سماتو ادوارد ياك.... هههههه و الغريب في الامر انو لي غتاصبها هو القص...."البابا" لي في 94 سنة انا داك... يعني مات ليه المتور و ما يقدرش تا يقيم.... فففففف و مع ذالك تحاكم ومات في الحبس في حين الراهبة ما ولاتش دوات في هاد الموضوع و حتى ولدها لي داب عندو عامين ما ولاتش شافتو مممممم.... ما جاتكش غريبة اسي جورج.... انو حتى نت عندك ولد ممعتارفش بيه و مخبيه على الناس و عندو نفس الاسم.....
جورج: "بلع ريقو و دوا بصوت مرجف" ننن نن نت نت اش كنقول... ااا انا ما عنديش ولاد... ااا انا ما عمرني تزوجت....
سيف: "بتاسم بجنب و كمل كلامو" ممممم نهار 13 في شهر فبراير اي شهر 2 2018 فين كنتي....؟؟؟ مممممم....
انا نقوليك فين كنتي.... كنتي مشيتي للكنيسة قصد انك تقنع ريبيكة انها تتخلى على مكانها في الكنيسة و تقبل تكون عشيقتك.... لكن اكيد هي مقبلاتش لأنها متدينة بدينها.... و نت مقدرتيش تصبر لرفضها و نضتي تعديتي عليها لأكثر من اسبوع و نت كل ليلة كتجي للكنيسة تتعدا عليها و رابطها... و هددتي القص الكبير في العمر.... و فاش ساليتي منها.... لأنك عشاق ملال لحتيها.... لكن هي مستسلماتش و مشات بلغات بيك... و نت هددتيها... واتهمتي القص المسن في باصتك و ضمستي القضيو حيدتي ليها ولدها ليما شافتوش لحد لأن... لانك خليتيها تولد قبل الوقت و خديتيه ليها و مشيتي.... مممممم وليني راك ولد لـ*ـحبة مع راسك.......
سيف: لكن اذا ما عاود هاد الملف تحل أسي جورج الحبس غادي تغرق فيه مدا الحياة... و انا غادي نوقف بيدي على هاد شي باش يتحقق اه... و حتى القضية ديال وليدين هيثم سي عبد الله العلامي لله يرحمو... و مراتو.... بلا انك متهم بالتجارة في المخدرات و الأعضاء و هادي بحد ذاتها كتعتابر جريمة في حقالإنسانية غادي تعطاك عليها المؤبّد.... اه يا جورج اه لعبتي مع الإنسان الغلط... اه و جيسيكة.... مسكينة متستاهلش لكن اذا ضطريت غادي نسا انها مرأة و نلوحها في الحبس... لموهيم جيت غا نعلمك انو الحبس غادي تخرج منو غا فكفن... لذا فكنشجعك على الإنتحار و اه الحجز وقع على املاكك كاملة... و حتى ولدك داتو الدولة ل دار الرعاية الإجتماعية.... يعني غير حاول تعتارف بيه و تعطيه كنيتك....
كمل كلامو ووقف كيسوسو ركابيه و دار ليه تحية مسفزة بيديه و خرج مخليه من وراه حياتو صافي تقريبا تسالات اشمن حياة هي بلا حرية....
🍂______🍂
و نرجعو للمغرب عند مريم.... لي ربي لي عالم بيها غاديا جاية فوست الفيلة و كتبكي و تسنا شي حد يجي ينقدها.... جاها الم رهيييييييب و حتى شي حد ما فالدار حتى من الخدامة ما كايناش حيت السبت بالليل كلشي كيخوي راه عندهم روبو.....
مريم: "كتبكي بحرقة" هئ هـــــــئ اربيييييي و ربيييي يا ربي لحبيب يا ربي العالي... و عاوني عاوني كنتقطاااااع كنتقطاااااااع.... هئ هئ هئ اولظي صبر صبر يالله شهر الثامن مزال ما دخلتي ليه.... المرضي دميمتو صبر غير يجي باباك يقدر يجي دابا.... هى هى اااااااااااااااه يا ربي لحبييييب عاونييييييي.....
🍂_______🍂
في حين عند تيمور لي بدا البنج كيمشي منو و بدات كضربو الفيقة تدريجياً....
حل عنيه بتتثاقل في السقف.... بيض... و جا يتحرك و هو يتوعتو كثفو اليمين.... كمش عنيه بألم.... و بدا كيسترجع اش وقع معاه... تنهد و بتاسم من الحلمة و هو كيتفكر الشابة لي ملامحها ترسمو في بلو و محاااالش واش يتمسحو....
تيمور: "جبد تنهيدة من اعمـــــــاقو" اااااااااااه و بغبت غير نتأكد شكون مولات لعيون.... و شكون لي تعاملني هكدا.... اححححح حمدتك يا ربي وشكرتك زدتي طولتي ليا فعمري تنعرف زرقت لعين شكون.... احححححح وقيلة الحلوة في الحلال قربات.... هههههه... ااااااااه يا ربي.... فين هو ولد خالتي فين.... "علا من صوتو شي شوية واخا لسانو ثقيل" واااا ولللد خااالتييييي.....
سيف على برة بدا كيستلغا حتى سمع صوتو الثقيد دخل عندو طافج
سيف: "كيتفحصو بقلق" مالك المرضي اش واقع ليك نعيط لدكتور....
تيمور: "ضحك حتى وجعاتو الجرحة" هههه اي اي يا ولد خالتي... كون يحساب ليا تخاف عليا نتعرض لرصاص شحال هادي....
سيف: "بتاسم برزانة و دوا" و غا نوض نوض و سرنا يبقا هنا راه تا حد ما فخبارو... و راك عزيز و أنمي....
في حين عند مريم لي صافي بداو كيجيوها الزحمات لكبار صافي ربي لي عالم بيها...
شوية و هي توقف مخرجة عنيها فاش حسات بالماء كيهبط من تحتها..... هبطات راسها لتحتها حيت كانت لابسة غير بيجامة قصيرة حد لفخاض و تحتها غير سليب.... و داك الماء كان لزج و خاتر بعد الشئ... و لون ديالو لون لبول....
مريم "خصرات ملامحها من كثرة القهرة" ا ربييييييي يا ربيييي يا ربيييييي هئ هئ اش هاد زهر عندي يا ربي هئ هئ هئ هادي سقية طرطقــــــــــــــــــــاااات هئ هئ ااااااه يا ربي اااااااه.... هئ هئ هئ هئ.....
شافت هاه و هاه.... و هبطات سليبها.... رماتو هاكداك فازك... و هو يزيد ديك شي كيهبط منها.....
مشات غير وصلات لواحد و طابي بيض و كلسات فوق منو و ألم المخاض متمكن منها... و الم المخاض يعادل كسر 140 عضم في نفس الوقت... يعني بمثابت كيحرقوك و نت عايش..... لله يسمح لينا من الوالدين....
تقادات فلكلسة و فتحات رجليها.... و هي كتسترجع كاع المعلومات لي قرات فهاد الفترة كاااااااملة....
بدات كتدفع و تعصر و تغوت ربي ليخلقها....
مريم: "لعرق منها سايل" اااااااااااااااه ربيييييي يااااااا ربي لحببببيييييب عااااااونيييييييي عاونيييييييييييي راه غادي نمووووووت ياوربي هئ هئ هـــــــئ..... يا ربي ما بغيتش نموت بوحدي يا ربي بغيت ولدي نربيه انا ياااا ربيييييي.....
بقات على داك الحال و هي كتحس بالدري تحتها كخرج و كتزييييير تزاااااااير.... و كل مرة كتطلل على تحتها كتقا تماك دم مع الماء ديال رحم ديالها....
شوية بشوبة و هي كتمر باصعب وقت في حياتها حتى كتحس بيه خرج....
تنفسات بعمق و هي كتبكي بالجهد.... تعافرات و هزات لوليد من بين رجليها.... و ضرباتو بلطف لفخضو و هو يبدا يبكي...
مريم: "كتبكي و تضحك في نفس الوقت.... " هئ هئ.... ولدي لحبيب هئ هئ ولدي هئ.... ههه هانتا جيتي هئ هئ انا هي ماماك... انا هي انا هي هئ ولدي لحبيب ولدي...
تماطات كتشوف مع جنابها حتى كيبان ليها واحد الكاب ديالها طويل كان تماك... تماطات عليه بمشقة الانفس و شداتو... و لوات مولودها فيه هاكداك بدمو....
ربي نبهها لكل شي الى ان شافت ولدها و يه تنسى كل الألم.... كل الحر لي حساب بيه تبخر فقط مين شافت فيه... ولدها فلدت كبدها... لي هاد المدة كاملها و هي مونسة بيه...
دارتو على صدرها و تكات و مزال الحبل السري الرابط بيناتهم ممقطعش و هي كدوز بالدم....
مريم: "تنهدات بعياء و هي كتحس براسها غادي تغيب و بدات كدوي بلسان ثقيل" يا ربي لحبيب غفرلي دنوبي و تقبلني عندي ساعتي هي هادي هادي يا ربي.... و يا ربي حضي ولدي و حميه يا ربي حتى يجي شي حد ينقدو يا ربي.... "تنهدات من اعماقها و عنيها كيدمعو" أشهد أن لا إله إلاّ الله و أن محمد رسول اللّه.... 😔💔
نطقات الشهادة و غمضات عنيها كتساين ساعتها و وليدها حاضنة عليه بيديها و مدفياه و متكية على طلف ديال لفوتوي... تدريجيا تا بدات كتغيب عن الوعي...
ووليدها سرعانما بدا كيبكي بصوت ضعيف و مخنوق بعد الشيء.... دازت ساعة و ساعتين لوليد غيب حتى هو و مريم النزيف تحتها غيرما زايد....
و نمشيو ل فيلا العلامي عند "جميلة" لي فاقت جافلة من كابوس راوضها... و حتى عبد الجبار فاق معاها حيت غوتات بالجهد و بداتكتبكي....
شد. ليها وجها بين يديه كيحاول يهدنها و يدوي: جميلة رجوع لله ستغفري ستغفري و نعلي الشطان....
جميلة: "كتنفي براسها بهستيرة و كتبكي... " هئ هئ هئ لا لا لا بنتي بنتي كبدتي وقعا ليها شي حاجة بنتي... هئ هئ بنتي كانت كتودعني....
عبد الجبار: الرجوع الله يا هاد المخلوقة بنتك ف دارها مع راجلها....
جميلة: "كتغوت" هى هى هى لا لا لا لا نت غضبان.... نت غير غضبان عليها... هئ هئ حرام عليك حارمني من كبدتي حراااااام حرااااام هئ هئ... ها لعار نوض ديني دااااب عند بنتي نووووض راني غادي نموت ليك هنا نوووض كبدتي قلبي غلا عليها هئ هئ هئ...
عبد الجبار: يا هاد لمرة راه 01:00 هادي يكونو ناعسين....
جميلة ناضت من حداه طافجة مشات لدريسينك لبسات عليها عباية و شال و دغرت لعندو: مدتينيشي نت واحد في دراري يديني و لا يديني شيفور... مقلبي شاي حجر كي قلبك نفرتي بنتك....
لاحت ليه هاد جوج كليمات و وقفات و خلاتو... و حتى هو وقف تابعها ما عندو ما يدير....
في حين هي قصدات بيت غسان و غا وصلات و طارت على لباب حلاتو لقات غسان ناااااعس على كرشو و كيشخر و هي تبدا تفيق فيه.... و كتبكي...
غسان: "مدوااااخ بنعاس" سيري اجميلة راه ما بغيش بنت صاحبتك....
جميلة: لا لا اوليدي نوض لله يرضي عليك ديني عند خيتك راه قلبي غلا عليها راه وقعات ليها شي حاجة....
غسان: "ناض و جلس فوق سرير كيحك عنيه و مغوبش" وااااا جميلة راه براجلها و راه لخبار لخايبة دغيا كتوصل سيري تكوفشي حدا راجلك و عنقيه راه عندك النعمة و مضيعاها...
غسان: "تنهد بضيق من شوفتها كتبكي و بديك الحرقة" و صافي غا مسحي خناينك و سبقيني انا جاي نلبس عليا و نجي....
جميلة: "بتاسمات وسط دموعها" سيري اوليدي لله يرضي عليك ولله يكون منك زرع و زريعة....
غسان داخل لدريسينك و كيدوي: اميييين اجميلة اميييين... ❤
خرجات و هو يبان ليها عبد الجبار تا هو لابس عليه كيتسناها خنزرات فيه و دوات بالنفخة: غا سير اسي عبد الجبار كمل نعاسك... هاهو ولدي غادي يديني...
عبد الجبار: "خنزر فيها" ما عندك راجل
ميقاتو و مشات مخلياه و هو تبعها و تبعهم غسان....
ركبو فلوطو جميلة لور و غسان و عبد الجبار لقدام.... حتى نطق غسان
غسان: "دار عند جميلة" هانتي شوفي و شهدي نوضتيني فنص ليل و ما قلت ليك والو و حتى نتي فاش تجي ديك خيتي صدريها انا ما بغيتش نتزوج داب... صافي...
جميلة: "ومات ليه براسها" اه صافي كون هاني المرضي ديالي نخليك على راحتك تا لنهار نت تختار شي بنت ناس و انا نمشي نخطبها ليك و الا ما بغاتشي ليك نشدها من شعرها و نجيبها ليك حتى لبيتك و نسد عليها صافي...
عبد الجبار: غا زيدي كري غا زيدي منعس حدايا سفاح....
غسان: "شاف في باه و دوا" سكت نت لواليد بيني و بين عشيرتي "و دار عند جميلة" صافي اتفقنا نهار نبغي شي وحدة نتي لولة نعلمك....
ديمارا كوموبيل مكسيري نيشان ل فيلا ديال أرجد.....
مسافة الطريق و كان حداها... نزلو من طوموبيل
غسان: "كيشوف في دار" و هانتي ضواو طافيين راه يكونو ناعسين..
جميلة: "كروشاتو في دراعو و زيرات عليه و زادت بيه" زيد زيد نون يا كحل لعيون و عيشة مولات لواد... و ليوم نشوف بنتي عاد نولي لداري....
زادو لباب غا شافهم العساس حل ليهم لباب و دخلو الفيلة لقاوها كتصفر من لداخل كتجيب لخوف....
مشاو قصدو لباب صوناو و عاودو صوناو و وااااااالو و تقول واش شي حد حاوب....
عبد الجبار: اوا هانتي ا لالة جميلة راه وقيلة بايتين عند دار سي الخياط...
جميلة: ولله تا تجبدو داب تصونيو على ارجد بنتي و قلبي غلا عليها و راه واقع ليها شي حاجة و راه بالتجربة ف يالله داب سونيو عليه راه غادي نطيح هنا بشي كريس....
غسان: صافي سدي علينا هاحنا غاديين نصنيو ليه...
جبد لفون ديالو من جيبو دوز النمرة و دارو على ودنو كيتسنا يجاوبو ارجد....
في حين هاد الاخير كان في لبرطمة ديالو لي كيعيش فيها.... نااااعس حتى كيسمع لفون كيصوني
ناض خاسر شد لفون مشافش حتى شكون و دارو على ودنو...
ارجد: ألو...
غسان: "هاز حاجب و مهبط لاخر" ارجد فينكم...؟!!
ارجد: "خرج عنيه و تقاد في لكلسة" ااا ااا انا انا راني خارح لمدينة عندي شي خدمة... و وو ومريم راه تماك في دار....
غسان: راه حنى حدا دار كنصونيو عليها ما كتجاوبش...
ارجد: "بستفهام" كيفاش شوف راه يمكن ناعسة... ولا شوف كاين واحد الساروت ديال دار فلفاز لي تماك حلو لباب و دخلو مرحبا بيكم دار داركم....
غسان: صافي ما قلتي عيب....
قطع معاه و ضار لعندهم و نعت ليهم بصبعو: شوفو ديك لفاز لكحل راه تحتو ساروت نحلو بيه سي ارجد كااااعما كاين و هي وقيلة راه ناعسة....
داك شي لي كان حلو لباب و دخلو لداخل بقاو داخلين و هي جميلة تقشع سليب ديال مريم مليوح في الارض كمشات ملامحها بتسأل و زادت و هي يتحل عنيها فاش شافت ديك داية ديال للماء لي فالأرض... و حتى عبد الجبار و غسان...
بقاو داخلين كيقلبو بعينيهم و هوما ينتابهو لاثار ديك الماء لي سرعانما ولا فيه نقطات ديال الدم....
حتى كتبان ليهم ديك الطابية فيها الدم... طلعو عنيهم شي شوية و هو تبان ليهم رجل مريم لي عارية حد الفخد...
جميلة زايدة و هي كتحس بقالبها كيتزير حتى وصلات.... و يا ريتها ما وصلات تشوف حالت بنتها منشزرة في الأرض و مفرعة رجليها و عريانة و لبرد داخل معاها و زادت خرجات عنيها و حطات يديها على فمها و هي كتشوفها حاضنة على مولودها و كأنها فايقة و عرقانة و الحبل السري لي بناتهم مزال متصل و خارج من قاع مريم.... 😔
غسان و عبد الجبار حتى هوما كيقربو و مستغربين من ردة فعل جميلة لي كتبان مصدومة... و سرعانما غوتات بإسم مريم بأعلى صوت....
جميلة: "بقهر و حصرة و حرقة" مريااااااااااااااممممممممممممممممم بنتييييييييييييي....
عبد الجبار و غسان خرجو فيها عنيهم و مشاو كيجريو و هوما يتصدمو من المنظر المفزع... كان مفزع لكن في نفس الوقت كيعبر على الأمومة... بحيث ملمدة لوليد لي شبه مغيب دات لكاب... و حاضناه بين يديداتها لي ولا صفرين و فيهم الدم.... اكيد اي ام واخا تولد اول مرة كتولد ديك الغريزة ديال الحماية حتى هي... و هي هادي ديال مريم لي حتى و هي رجل في الدنيا و رجل في الآخرة مزال شادة في مولودها و حارصة عليه....
غسان تفزع و قلبو ضرو على منضرها... هبط عندها لراسها و بدا كيتفحصها و يتفحص نبضها نبهو ربي لهاد التفاصيل.... قاص نبضها لقاها حية... و لوليد حتى هو شافليه النبض لقاه مزال حي... شاف في باه لي طاح على ركابيه و جميلة لي صافي شداتها سخفة مالت على الحائط و هي مخرحة عنيها... حتى فيقها غوات غسان.
غسان: "بعصبية " نوضو وقفو على رجليكم الزمر تكعدو راه مزالة حية لا هي لا لوليد... خاص غا نحيدو لوليد باش تجي الاسعاف دغليا.... "مع باه" و سي با و سمحمد نوض صوني لإسعاف و نتي اجي شوفي اش ندير باش نسلكو تريبية دغيا دغيا ما عندناش وقت...
جميلة"حيدات شالها و كفضات على يديها و شافت في غسان باصرار" نوض قلب ليا على موس ولا مقص داب يالله....
غسان ما عاودش معاها لهضرة و ناض وقف في حين هي جلسات بين رجلين مريم كيتشوف كيفاش دير تسلك لولد...
جنميلة: "كتبكي و تضربها في حنكها برفق و تعيط باسمها باش تفيق" مرم مريم... اكبدي... اااا مريم فيقي فيقي ما عنداك ابنتي تمشي و تخليني هئ هئ.... اكبدي تمشي و تخليني عنداك... هئ هئ مريم مريم... فيق اكبدي فييق...
شويا شويا و هي تبدا مريم كتململ راسها بالشوية و تحل عنيها بتثاقل... حتى شافتها جميلة و ناضت عند وجها و كيتبكي و ندوي: اكبدتي فيقي فيقي... ما ديريهاش فيقي مناشي جميلة الاما نقدتك نتي وليدك بجهد لله غا بقاي معانا راكي كنتسنا فيك ابنتي كنتسنا ابنتي...
مريم: "بلسان تقيل" ماما ربي ليا ولدي لله يعطيك ستر... و قريه و نتي زوجيه اماما و تهلاي ليا فيه لله يخليك هو امانة في رقبتك الى يوم الدين....
جميلة "زيرات ليها على يدها و زادت في وثيرة بكاها" لا لا لا ابنتي لا لا ابنت كرشي نتي لي تربي وليدك نتي لي تقري وليدك و نتي لي تزوجيه... لله يخليك ابنتي غير تمسكي انا ميمتك هنا معاك غاديين نسلكو لوليد و الإسعاف غاديين يجيو غير صبري و بقاي معايا...
قاطعهم غسان من وراهم عنيه حمرين بالدموع و لعروق في جبهتو برزو: هاكي اجميلة ها لمقص بالي بالي دغيا يالله بالي راه غادي يمشي لحال...
جميلة شداتهم من عندو و هبطات لمريم للحبل لي بين مريم و لوليد و دارت 4 ديال طباع من سرة لوليد و قطعات بالمقط و بقات شادة سرت لوليد و هزاتو بين يديها سخفاااون يالله نفس بسيف باش كيطلعها....
شافت فيه و شافت في مريم لي مبتاسمة بيأس... و مسلمة في حقها في الدنيا حتى كيبانو ليهم صحاب الإسعاف جايين على وجه السرعة....
جميلة: "بتاسمات وسط دموعها و عطات لواحد 2 ممرضات المولود و هبطات عند مريم كدوز ليها على راسها و تدوي" بنتي لحبيبة متخافيش غادي ترجعي نتي تربي وليدك و تقريه و تكبريه و تزوجيه كيف قلتي... 💜
يالله مريم جات تدوي و هوما يجيو الممرضات جمعو ليها رجليها بلطف و عاونزهم المسعفين هزوها في النقالة و مع ذاللك جميلة ما سكتاتش بقات غاديا معاها... حتى لسيارة الإسعاف و هي مريم تزير ليها على يدها و دوات بصوت متقطع و تعبــــــان و دموعها ما هاديينش:
مريم: ماما شوفي.... ولدي ولدي امانة عندك ولدي امانة عندك ربيه احسن تربية تمنيتو يكون كي غسان.... ربيه بحال غسان ما بغيتوش يكون بحالي.... و قولي ليه انو ماماه معمرها خلاتو ديمة غادي تجي فليل تنعس حداه و تغني ليه.... "ردات النفس و كملات" ماما سامحي ليا على اي حاجة درتها ليه.... و و ررر رغبي ليلى "بلعات ريقها بصعوبة" تت تسمح ليا.... و غسان حتى هو يسمح لبا خصارة الخاوة حدها الدنيا و انا معشتشي معاه حتى حاجة منها و حتى بابا قولي ليه يسمح ليا معمر كنت ديك لبنت لي بغاها تكون....
الممرضة: صافي لله يخليك الالة خاص نديوك راك في خطر...
مريم: "كتبكي بحرقة" اخر طلب عندي هو با يسمح ليا....
عبد الجبار قلبو حسو كيتعصر من شدة الألم لي حس بيه من كلامها حتى لهاد الدرجة فرط ف بنتو حتى ليوم هاهي قدامو كتسامح معاه.... محسش ببراسو حتى مشا لعندها شد ليها يدا و بدا كيبوسها و يدوي و يشهق بالبكا: ا بنتي يا بنتي انا ما عمر نفرتك ولا غضبت عليك كتبقاي جوهرتي الزرقاء.... انا مسامحك ابنتي دنيا و آخرة و راضي عليك قدما سرحت عني فهاد دنيا قد جبال و قد لبحور.... انا مفرشك و مغطيك بالرضى....
مريم: "بتاسمات ببهوث يا خصارة ما سمعت رضاه حتى قربات تموت في نفسها طلبات ربي يزيد ليها واخا غير نهير تعنق باقا و تسمع منو هاد لكلام لكن لا معندهاش الوالوقت حياتها على الحمك.... تمتمات بكلام بين شفايفها سمعوه جميلة و عبد الجبار و الممرضة" هاداك لفضل غير رضاكم و لي بقا ما هامنيش... ولدي ولدك ا با هو امانة في رقبتك و قلبي غادي يبقا معاكم....
قالت هاد الكلمات بصوت ضعيف و هوما يتقلبو عنيها و بديها ترخاو....
الممرضة: "كتدفع عبد الجبار عليها" صافي اسيدي لله يخليك راه حياتها في خطر لله يخليك....... راه كنفقدوهــــــــــــــا.....
غسان عنيه ما حبسوش من الدموع و قلبو كيتعصر و كيشوف في حالتها لي كتشفي العدو...
لعن نهار لي سكت و ما فضحش كلشي كان ارحم ليها من انها تعيش هاكدا...
كون داب ولدات و هي بيناتهم و فرحو بيها... لكن للقدر رأي اخر... و ما كيعلم بيه غا ربي...
و المكتوب ما منو هروب....
جميلة طاحت ركابيها كتغوت و تضرب في فخاضها فاش قلعات لومبيلونس مكسيرية و كتغون دليلى على حالة مستعجلة...
عبد الجبار دار يديه على وجهو كيبكي بحرقة و قلبو معصور و ربي لي عارم بلوجع ديالو... حس براسو فرط ف بنتو و غضب عليها و قسا عليها بزااف.... تخلى عليها... من لي عرف انو هي وارجد وقعات بيناتهم ديك شي قبل الزواج.... نفرها و قاطع كلامها الى يومنا هادا... كيحس براسو مذنب في حقها و ساهم في انو حالتها تسوء...
جميلة شافتو كيفاش داير و وقفات و هي كتشوف فيه بحقد و دوات بحصرة: صافي تهنيتي عليها... اوا هاهي مشات... مشات صافي بنتي ضاعت ليا من يدي و نتا كتفرج فيها هئ هئ
تمالكات نفسها و وقفات و هزات صبعها في وجهو و دوات بمرارة: شوف الا وقعات ليها شي حاجة عمرك تكون ليا راجل ولا عمر تكون ليا ديك دار داري و طلب ربي يحفضها... حيت الا مشات نتبعها....
غسان من وراها كيدوي و الغصة واحلة ليه في حلقو: جميلة رجوع الله صافي شوفي حالتو.... راه ندمان عليها...
جميلة ما دواتش حدها ولات لطوموبيلة غسان و ركبات لور كتسناهم... هونا لي غير شافوها تبعوها و ركبو و ديماراو تابعين لومبيلونونص...
نخليوهم و نمشيو لبرطانبا و بالضبط في واحد الفيلاج كبير بعض الشئ فلاحي في مدينة منشيستر....
وقف سيف بالوطو ديالو قدام واحد الكنيسة صغيرة.... هبط و علا عنيه فيها كان كل نوافدها مفتوحة دليل على انو الراهبة فاقت و حلاتهم كانت ديك الساعة 5 ديال الصباح...
حتى كتبان ليه كتشوف فيه من النافدة بتسأل في حين هو تقدم داخل للكنيسة لأنها غير ممنوعة على المسلمين...
كمشات ملامحها بتسأل و دارت الستار و هبطات مع درح الكنيسة الخشبي و النضيف كيلمع و ريحة لي كانت زوينة بزاااف... بثوبها الأسود المحتشم اليونيفورم الديني الاسود و المستور... و معلقة في عنقها سنسلة فيها صليب... بنت في عمرها 25 سنة... شقراء و وجها منقط بالنمش و عنيها زرقين زروقية فاثنة و مربوعة القد و فورمتها ما مفروزاش بحكم التوب لي لابساه....
هبطات و وقفات امام الصليب الكبير ديال العبادة لي مصلوب فوقو سيدنا عسى المسيح بن مريم على معتقدهم....
حتى كيبان ليها داخل و داير يديه في جيابو و كيشوف فيها... في حين هي بدات كترعد و نزلات عنيها من عينو بحياء و دوات بخوف: ن ن نت علاش مزال تابعني علاش كتجي لهنا سير بحالك....
سيف: "بهدوء" جيت غير ندويو و صافي جورج دخل للحبس و جيت نقتارح عليك واحد العرض... الا قبلتي بطبيحة الحال....
ريبيكة: "بإمتناع" لا لا انا معندي فاش ندوي معاك لله يخليك خرح لله يخليك خليني نعيش هانية...
سيف: جورج معندو باش يوصلك... و انا نضمن ليك هاد شي... هو غادي يغرق في الحبس... لكن خاص حتى نتي تعاوني معايا و تشهدي ضدو... باش توقفي هاد الضاهرة حيت ماشي نتي راسك لي وقع ليك هاد شي فخاص نتي تبداي و تاخدي حقك...
ريبيكة سكتات و ما جاوباتوش و ضارت طالعة بحالها و دموعها كيسيلو حتى وقفها بصوتو....
سيف: ما بغيتيش تشوفي ولدك....
و نرجعو للمستشفى فين جالسين جميلة فوق واحد الكرسي و كتبكي و غسان و عبد الحبار واقفين... كيتسناو فخبار الخير حتى كتجي وحدة من الممرضات وقفات عليهم و دوات: سيدي راه لوليد بيخير مي هاد الأيام خاص يبقا في القرعة الا بغيتو تشوفوه تبعوني نديكم...
غسان شاف في جميلة لي مبتاسمة بذبول و مشا مد ليه يدو: نوضي يالله تشوفي حفيدك و ما يكون غا لخير يالله...
جميلة: "بحزن" غا خليني اوليدي نتسنا حتى نسمع خبار لخير على خيتك و نمشي...
عبد الحبار: غير نوضي شوفيه راه غتدي تفيق بإذن الله...
مجاوباتوش و وقفات غا بزز شدات في غسان و مشاو لي جناح الأطفال...
دخلو من ورا الممرضة وراتهم فين كاين و بداو كيراقبوه من ورا زاج.... كان زويون و عويناتو مغمضين و غير قد لكميشة و دارين ليه غير ليكوش و كيحرد يديداتو....
جميلة: "بتاسمات و دموعها نازلين" لله لله على حفيدي لحبيب لله شحال صغيور...
غسان: "مبتاسم بهدوء و مراقبو" بسيف ما يكون صغير راه ولداتو قبل لوقت...
جميلة: "تنهدات بحضرة و كتبكي" لله على بنتي لله... فرط فيها عدو الله حتى كانت غادي تموت ليا بنيتي هئ هئ هئ....
غسان: "قرب ليها بعد تردد و عنقها بجنب ودوا" صافي براكة من لبكا خليهم بعدا يصحو و يفيقو بالسلامة و هاداك خينا حسابي معاه هو لخر....
جميلة: "بعدات عليه و شدات ليه فيدو و دوات بترجي" لله يخليك اولدي لله يخليك عتق ختك طلقها منو و جيبها لدارها لله يخليك و لي بغيتيها نديرها ليك...
غسان: "جرها ليه و باس ليها راسها و عنقها و دوا" غير كوني هانيو ختي و انا قاد بيها و بديني و ايماني و باش كيحلفو الرجال ليه لا بقات...
نرجعو للكنيسة.....
سيف: ما بغيتيش تشوفي ولد.... ممممم... ولدك لي حملتي بيه و معمرك شافتيه حتى كيفاش داير....
ربيكة بلعات ريقها و زادت في بكاها و هو كمل كلامو....
سيف: ادورد..... سميتو ادوارد عندو داب عانين 4 شهور... كان عايش، مع جورج المجرم.... لكن فاش تشد داتو الدولة الدار الرعاية.... ما بغيتيش تنتاقمي لداك لولد لي ممعتارفش بيه... ما بغيتيش تنتاقمي ل "ليون" القص لي تقتل في نفس القضية....
على اثر هاد الكلمة شهقات ريبيكة و دارت لعندو دايرة يدها على فمها....
في حين هو وما ليها براسو بالإجاب: اه تقتل... قتلو جورج.... بدم بارد... الا بغيتي حتى كيفاش قتلو نقوليك....
يالله جا يدوي و هو يسمع صوت راجل من وراه صوت راجل....
الرجل: "مخنزر في سيف" ريبيكة اش واقع هنايا....؟!!
امـــــــا ليلى... فكانت هاد الأخيرة يالله كملات الفحوصات مع سارة الذكتورة ديالها و جلسات فوق سرير كتهبط حوايجها على كرشها لي منفوخة بزاااااف....
سارة: "تنهدات من اعماقها و دوات" ليلى راه كنقوليك ما خاصكش تبقاي جالسة في الدار راه خاص تخرجي راه عندك توأم و كرشك كبراتز بزااااف واش بغيتي تولدي سيزاريان...
تنهدات ليلى حابسة دموعها و دوات: سيف ماكيخلينيش نخرج....
سارة: "كمشات ملامحها بتسأل" اويلي و علاش....
هبطات راسها ليلى بحزن و الطلعاتو فيها و دوات بمرارة: حيت خايفني نهرب ليه....
سارة: اويلي على تهربي... كيغير عليك حتى لهاد الدرجة....؟!!!
بتاسمات ليلى بإستهزاء و قالت: اشمن غيرة لي تخليك تحبس بنت في عمرها 20 سنة في الدار....
سارة: "شدات ليها فيدها و دوات" واش كاين شي مشكل اليلى... انا راه فكرة الزواح مدخلاتش ليا لراسي نتي صغيرة بزااف على هاد المسؤولية.... و على واحد بحال سيف... واش مبزز عليك شي حاجة...
ليلى: "نزلو دموعها و دوات بمرارة" صافي لله يخليك سدي هاد الموضوع شي الوحيد لي نقدر نقول انو لوكان تعطاتني الفرصة نرجع للماضي غادي نغير بزااافديال لحوايج منهم حالتي لي أنا فيها...
سارة: انا عارفة انو ماشي من حقي ندوي لكن اي مساعدة احتاجيتي غادي تلقايني هنا باش نساعدك.... حيت ابدا ممتيقاش انكي نتي و سيف مزوجين....
كتفات ليلى بإبتسامة حزينة... و سارة جمعات دوزانها و سلمات عليها و خرجات مخليا من وراها ليلى حزينة بزااااف على حالتها....
ناضت بشوية عليها و وقفتت قدام المراية و حيدات لكسوة بقات غير بدو بياس و بدات كتشوف في راسها و في وجها... لي مبقاشباين انو ديال مولات 20 سنة... بل اكبر.... جسدها مهلوك و صحتها طاحت... و كرشها من قوة ما كبرات تشققات بزااااااف واخا عيات معاها بلكريهات.... صدرها تنفخ و تدالا... و فخاضها حتى هوما بانت فيهم الحمالة و زيادة الوزن و تشققو.... و حتى كدامها ديال رجليها من قوت ثقل كرشها تشققو... 💔
تنهدات بحصره و غنيها ععمرو بدموع.... بقا فيها راسها بزاافة... عام ماكاملش تقلبات حياتها سفاها على علاها.... تخطفات.... و تحبسات.... و تعنفات.... و تغتاصبات.... و حماقت.. و حملات...... و هاد شي كامل في عام ما كاملش.... فعلا الدنيا غذارة... حياتها فعلا حبسات في ديك نهار بالضبط... باقيا زوينة لكن مريضة لا من الناحية الجسدية و لا من الناحية العقلية.... 💔😔
ليلى: "طلعات راسها فلمراية و زادت قربا ليها و دوات و شرارة متطايرة منعنيها" ضمرتي ليا حياتي... ومشيتي خرجتي دور بكل حرية و انا ساد عليافها الحبس بحال شي عبدة.... ياك...
"سرعانما تحولات من تخنزيرة لإبتسامة قاسة و مجنونة" لكن ماشي بالساهل... كلشي ليه ثمن و حياتي لي ساليتبها غادي تخلص ثمنها و تبكيهم... دم.... و ولادي غادي يعاونوني 💔
و في "المستشفى"....
بقا عبد الحبار على حالو كيتينا في كبدتو تفيق و يسمع عليها خبار تفرحو....
تراجع على لقرار غضبو و سمح ليها من كامل قلبو.... محملش فكرة انها ممكن تموت محملهاش ابدا... هو اكثر واحد عارفها علاش ما كتعاملش مزيان... هو اكثر واحد راقب طفولتها كيفاش دازت....
كانت مكتفاهمش مع غسان و ليلى و هيثم... حيت هي فيها الوسواس ديال النظافة... بينما هوما ب 3 كانو كيلعبو فلغيس في تراب تحت الشتاء يتضاربة بالماكلة يلعبو حتى يفزكو بلعرق... في حين هي كانت كتكلس بعيدة عليهم و تبقا مراقباهم... و كتحس بالفراغ من هاد الناحبة... و من هنا بدات قصة ابتحعدها عليهم....
عبد الحبار: "تنهد و مسح الدمعة من عينو و دوا و تصميم" بنتي و انا قاد بيها و غادي نرجعها لعندي تعيش اميرة في دار باها ما هاشي شايطة عليا تا نخليها لديك شماتة....
بقا جالس شي شوية كيستغفر يستغفر.... حتى قاطع استغفارة باب غرفة العمليات لي تحل و خرجات منو الذكتورة....
ناض عندها عبد الجبار طافج و شدها من يدها بدون شعور و دوا بلهفة: لله يخليك ابنتي سمعيني خبار لخير عا لعار متشوينيش فكبدتي...لله بخليك
الذكتورة حيدات لبافيط ديالها و بتاسمات ببشاشة و دوات: الحمد لله الحاج... العملية نجحات ليها و قدرنا نوقفو النزيف من دون اي خسائر و عوضنا ليها الدم لي خسرات من مخزون المستشفى واخا كانت حالتها خطيرة بالزاف و الدليل الوقت لي ستغرقناه... و لكن لحمد لله ربي كبير و على سلامتها....
عبد الجبار مشعرش براسو امتى باس ليها على راسها و علا يدو لسماء كيشكر لي خلقو
في حين غسان جايب جميلة شاد ليها فيدها و متكيها عليه....
ووحتى هي بدورها غا شافت عبد الجبار فديك الحالة مشات عندو كتجري مخلوعة من حيت كان كيبكي.... شداتو من دراعو تا دار عندها و دوات بخوف: ااا اش اش وقع....
عبد الجبار غا شاف وجها تبشر و طار عليها بتعنيقة حتى قرب يهزها من الأرض و دوا بعدما طبع قبلة على نحرها: صافي هي بيخير بيخير... مريم بيخير....
جميلة بادلاتو العناق و الفرحة من عنيها كتشع و بدات كتحمد الله: الحمد الله الحمد الله بنتنا رجعات رجعااات من لموت رجعات....
اما غسان فيالله جا يدوي و هو يخنزر فاش دار شاف ارجد و مو و باه جايين....
وصل عندو و شدو من دراعو و دوا بخوف: غسان اش وقع لمريم واش لولد بيخير و هي بيخير....؟!!!
عبد الجبار طلق من جميلة و مشا عندهم مقاطع غسان....
عبد الجبار: "بعصبية" مممم داب عاد طفات عليك الشمعة المرضي ممممم داب عاد... تا كانت بنتي غادي تموت تا توادعات معانا و بدات كتشهد عاد جاي نت....
لالة فخيتة: "ندبات حناكها و ضربات في فخاضها" اويلي وحدي يا ولي وحدي... و فين كنتي يا زغبي فيييين....
ارجد: "بلع ريقو و دوا بإرتباك" ما علينا الحاج فين هي داب و واش هي بيخير، ولوليد بيخير....
جميلة: "دوات بنفخة" هي بيخير و حتى وليدها بيخير الحمد الله.... كونما جينا كون لقيناهم ميتين بجوج... مخليها ف فيلة قد الصخط راسها و عارفها حاملة واش ما عندك قلب هاه ما عندك قلب....
لالة فخيتة: اوا لواه ا الالة جميلة لاواه... باش عرفها هو غادي تولد راه ولداتو سباعي...
جميلة: و كتجابهي معايا من لفوق بنتي لداخل نجات من لموت و نتي كتبرري افعال ولدك... ياك... اوا غا تهناي ولله عمر ليه لا كانت مرة او رجعات لديك دار هادي هي تالية بيناتهم....
____: ريبيكة....!!! شكون نت....؟!!
دار سيف لمصدر الصوت كيلقاه راجل يكون قد تيمور هاكداك شعرو ليموني و فوجهو فيه نمش بحال ريبيكة لكن هو ليموني.... بنيتو الجسمانية قريبة لتيمور...
تقدم لعندهم و هو مخنزر في سيف و كيشوف ف ربيكة لي كترجف بالخوف... و نطقات بين شفايفها بهمس: خوان...
خوان: ربيكة راه دويت معاك شكون هادا... "و شاف في سيف" دوي شكون نت...؟!!
ريبيكة: "كترجف" خخخ خويا لا لا تا واحد تا واحد غير تالف و بغا نرشدوه لطريقو...
سيف: "هز فيها حاجبو و دوا" نتي راهبة سيدة دين اي ما خصكش تكدبي نهائيا... كيبان ليا هادا هو خوك خوان ياك...
خوان: "حتى هو قرن حجبانو" و شكون نت...؟!! مممم...
سيف: نقدم ليك نفسي انا فاعل خير.... و جيت نعاون الاخت ديالك الكريمة و في نفس الوقت هي تعاوني...
خوان: "مصغر عنيه" وفاش غاديا تعاونك بالسلامة...
سيف: "حيد يدو من جيبو و شار للتمثال لي على شكل صدليب تماك" عندي اقدم نسخة مصغرة من هاداك.... و أقدم انجيل مصور و شي آثارات اخرى كيخصو الكنيسة... و كينتميو بالضبط لهاد الكنيسة قبلما تتجدد....
خوان: "بلع ريقو فاش تفكر جورج و دوا بإرتباك" قق قصدتيى العنوان الغلط لا انا لا ختي غاديين نعاونوك فالله يخليك سير بحالك.....
سيف شاف فيه و شاف فربيكة لي مهبطة راسها و عموعها كيسيلو و دوا: لموهيم انا غادي نمشي داب و نخليك تفكري عندك من هنا لغدا و ردي عليا و انا متأكد انكي غادي تختاري الإختياؤ الصحيح... "و شاف ف خوان و دوا" مبقاش عندك مناش تخاف لا نت لا ختك تقدر تكمل حياتك و تتزوج لأنو جورج حاليا مواجه تهمة دولية و قضيتو ولات قضيوة رأي عام... لذا فراه ما عندكم مناش تخافو بالعكس... يالله داب في امان الله معادنا غدا مع نفس الموعيد...
و دار خارج بحالو مخليهم من وراه... حتى غبر عليهم و هو خوان يمشي عند ريبيكة شدها من دراعها و دوا: واش بصح هاد شي لي قال مممم و نتي منين كتعرفي بحال هاد نوع كاع....
ريبيكة: "بتاسمات وسط دموعها" هادا هو الملاك لي رسلو لينا رب الأعلى ليناش يهنينا من جورج... هو دخلو لحبس... و كشف كاع الألاعيب ديالو....
خوان: و باش عرفتيه غادي يعاونا هاه باش... يقدر يكون من طرف جورج....
ريبيكة: لا لا لا هاد نوع ما كيكدبوش و ما يغركش مضهرو في الداخل ديالو ملاك...
خوان: "تنهد و قلب عندها و دوا" واش قاليك على ولدك شي حاجة...؟!!
ريبيكة: "بحزن" اه قاليا كاين في دار الرعاية... مغاديينش يقدرو يعطيوه ليا
خوان: "بحماس" لموهيم كاين.... و غادي نشوفوه...
داز لوقت و كانت بالضبط 5 ديال العشية... بدا مفعول لبنج كيمشي منها و كتحل عنيها بتثاقل و تولي تسدهم حتى كيبان ليها غسان عند راسها لكن كتسمع صوتو بعيد... هو لي غير شافها بدات كتفيق ناض عندها طافج وقف عند راسها و بدا كيتفحصها بخوف: مريم.. كيف بقيتي شويا داب...؟!! ممممم.... نعيط على طبيب يشوفك...
يالله جا يخرج و هي تشدو من يدو و دوات بصوت ضعيف: ولدي ولدي... فين.. فين هو ولدي....
غسان هبط طبع قبلة على جبهتها و دوا و هو مبتسم: هو بيخير متخافيش عليه....
مريم: "بتاسمات بهدوء و دوات" وو ووا ماما و بابا فينهم...؟!!
غسان: غير رتاحي كلي برة كيساينوك غير امتى تفيقي....
مريم: "بلعات الغصة لي جات في حلقها فاش تفكرات ارجد و دوات" و أرجاد واش ما جاش....
غسان: "غوبش فبها و دوا" راه تا هو برا غا رتاحي يالله... متفكري فوالو حتى تشافاي... يالله
خرج قبل ما دوي و خلاها من وراه قلبها مرتااااااح و حسات و كأنو يالله تولدات و فكرة انو ماماتتش هي ولدها كتردد في عقلها... حسات بفرحة عمرها ما حسات بيها...
نخليوهـا و نمشيو عند "ليلى".... لي كانت كالسة وشادا لفون لي قاليها سيف.... تنهدات و هي دايرة لكيت و كتسمع لواحد المقطوعة ديال تشيلو و كتفكر التشيلو ديالها...
وقفات كتمشي و تجي و تمايل مع ديك الموسيقة الزوينة و دور.... حتى كتحس بالفون كيفيبري و تقطعات الموسيقة...
هزات لفون لقات النمرة ديال سيف كاتبة عليها لمطرز.... 😂😂
تنهدات بنرفزة و دوزات الخط و دارتو على ودنها...
في حين هو جالس من فوق واحد لفوتوي بصدرو هاري و لابس غير بوكسر و هاز لماك حالو على بيتها : "بتنهيدة حاااارة من الأعمــــــاق" متبقايش دوي بزاف غاديا تأدي راسك...
ليلى خرجات فيه عنيها و دوات: سسس سيف.... "و بدات كدور راسها فلبيت و مخلوعة" ننت فينك واش جيتي.... فينك واش من ورا لباب...
سيف قه قه بصوت رجولي: هههه تكالماي بلما تخافي انا مزال هنا... غير هو نتي فأي بلاصة فهاد العالم نكون فيها بحال الا معاك....
ليلى: "خنزرات غا راسها و دوات" علاش مصوني عليا هاه....؟!!
سيف: "نطق بهيام" حيت توحشك صوتك.... و بغيت نسمعو.....
ليلى هبطات راسها بخجل و بدات كتفرك بصبعات رجليها و تزيرهم و زهقات ليها ديك التبسيمة ديال الحشمة و بقات سااااااكتة.... حتى فيقها بصوتو....
سيف: "بصوت كيدوب" ليلى....
ليلى... تت فين هي ليلى داااابت في صوت داااابت في الرجولة داااابت....
ليلى: "لإرتباك" صص صافي غادي نقطع...
سيف: "بتاسم بجنب و عرف راسو انو بدا كيأثر عليها عض على قنوفتو لتحتانية و دوا" ممم خليك مزال بغيت نوريك شي حاجة....
ليلى: "بلعات ريقها و ولات كدير شي حركات لا إرادية دليل على شي احساس حساتو" ممممم
سيف: سيري هبطي تسناي لتحت راه شويا و يجيبو ليك واحد الأمانة....
ليلى: "بتاسمات و دوات بدون شعور و بحماس" اشنو هي مممم قول ليا قول عااااافااااااك...
و يا ربي بغات تسكت ليه القلب بهاد لفشوش ديالها لي كيجيب ليه دبوح.... زاد تكا على ديك لفوتوي و دار يدو على قلبو لبقا كزدح بجهد و تنهد من اعماق اعماقو كيحاول يبرد عيه ديك الحرارة لي طلعات معاه...
سيف: "تمالك نفسو و دوا" عتابريها سوربرايز و صبري و فاش توصلك نصوني عليك اوكي...
ليلى: "عضات على قنوفتها بطفولة و دوات بطاعة" صافي واخا يالله في امان الله....
سيف: في امان الله و حفضه...
قطعات عليه.... مخلياه كيذووووووب و حاس بجسمو شعلات فيه العافية وكاع اعضاء جسمو وقفو بنا فيهم سيد شيخ.... لي قد زرواطة.....
تيمور: ديك ساع انا نضرب لحديد فاش يكون سخون و نطيح عليها لعقد... خليني نلقا الشاغلة بالي....
هبطات لتحت بحماس... يالله هبطات مع دروج و هي تنتابه للحاجة و إيمان واقفين و إيمان هازا تشيلو جديد فيديها غير نتابهات ليها وهي تبتاسم و دوات: ليلوشتي ها حب قلبك شرا ليك تشيلو جديد....
ليلى هبطات راسها بخجل من كلام إيمان و هي لحاجة تقرصها و كتفها
الحاجة: وليني ما بقيتيش تحشمي شوفي كي حشمتي لبنت...
إيمان: "شدات في كثفها بأم" اي يا الحاحة يهديك الله مالك على هاد تلييعة ما قلت غا لواقيع...
الحاجة: سكتي سكتي "و طلعات عينها في ليلى" اجي ابنتي اجي هاكي امانتك راه زوييون بحالك...
ليلى تقدمات و سلمات عليهم هي لولة و شدات ديك تشيلو اكيد ايمان ما خلاتهاش تهزو.... شويا و هي تحس بلفون كيفيبري فيدها هزاتو بحماس و دوزات الخط و دارتو على ودنها... و دوالت بصوت رقيق يدوب الحجر و نوض لميت: ألو سيف...؟
سيف: "خرج تنهيدة من الأعماق و نطق بهدوء" عجبك...
ليلى: "كتفحصو بيديها و عاضا علا قنوفتها لتحتانية بطفولة و دوات بحماس " اه زوين بزااااف بزاااف... احم شكرا...
سيف: "كيتنهد و يبرد على راسو و الابتسامة مزينة ملامحو الرجولية " مشي خصارة في لالة لبنات... واخا عارفك مكتقدريش تعزفي على عير تشلو لاصلي ديالك... لكن حاولي باش تلاهي لوقت علاما نجي....
ليلى: "بدون شعور" امتي غادي تجي...
سيف حس بقلو مشا و جا مع هاد الجملة... تي كيفاش ولات كتسول فيه كاع و هزا ليه الهم... قلبو ضرب في ل 100 و كاع حواسو شعلو و طلق تنهيدة حاااررة و دوا بهدوء عكس الإعصــــــــار لي شاعل في قلبو: توحشتيني....؟!!!
ليلى خرجات عنيها و بلعات ريقها جاب لله ايمان و لخاحة مشاو للكوزينة بلعات ريقها و دوات بالزربة: صافي بسلامة عليك...
قالت ليه هاكا و قطعات مخلياه منشور فو ديك لفوتوي نيت و داير يدو على قلبو و مغمض عويناتو و كيتنهد و كيف لعادة لمعلم شاد بلاصتو تفرزو من بعيد....
و في الصباح المولي.... وقف كيف لبارح قدام الكنيسة مع 6 ديال الصباح علا عنيو فيها لقاها حالا النوافد... و سرح عينو في الجردة و هو يلمحها كتحول تيو ديال لماء من شجرة لشجرة...
تقدم لعندها بخطى ثابتة و قبلما يوصل حن حن باش تنتابه ليه....
في حين هي حطات تيو ديال الما و كحزات مخلية مسافة بيناتهم....
سيف: "نطق السلام باللغة العربية" السلام عليكم....
كتفات ربيكة تحني راسها بخجل و حنيكاتها حمرين
في حين هو باشر كلامو: كنضن اريبيكة خديتي قرارك ياك....؟!!
ريبيكة: "كتفرك في صبعانها" دد داب نت لبارح فاش مشيتي درت عليك بحث صغير فأنتيرنيت و نت عندك بزاف ديال لفلوس... و خويا قرا و ما خدمش حيت جورج كان مهددنا منخرجوش من هنا... و بغيتك داب تلقا ليه شي خدمة باش يتزوج و يولد ولادو حتى هو...
سيف: "شاف لبعيد و شاف فيها" نتي وياه توأن ياك....
ربيكة: اه لكن ما متشابهينش بزاافة...
سيف: خوك غادي يخدم و غادي يتزوج و بيدي غادي نوقف على هادشي و حتى الأمان ديال الكنيسة غادي يكون على حساب الدولة و غاديين يرجعو الآثارات لبلايصهم...
ربيكة: و و ولدي ادوارد مغاديينش يعطيوه ليا...
سيف: لكن مسموع ليك تشوفيه امتى ما بغيتي....
ربيكة بتاسمات بفرح مع خجل و جات غادية و هو يوقفها بكلامو: و نتي علاش ختاريتي هاد الطريق...
ريبيكة: "دارت عندو مبتاسمة و دوات" فاش كانت عندي 14 سنة تخيرت اني نعيش بحالكم... او ندخل للكنيسة و نكون راهبة لي أعلى مثلها هو مريم القديسة العذراء.... و فاش سولوني علاش بغيت نكون راهبة عرفتي اش كتبت... قلت ليهم اني هربت من العالم لي خارج الكنيسة حيت شرير بزااااف و فعلا عالم شرير و خفت منو و بغيت نتقرب من الرب لي خلقني....
بتاسم سيف و وما ليه برسو: يالله نشوفك في ساعة الخير و مزال حديثنا طويل...
مشا و خلاها من وراها كتمعن في تفاصيل اوشامو بإستغراب كانت كلها كتوحي بلغة ديال العذاب و القهر.... هزات كثافها بلا مبالات و كملات عملها...
في حين سيف خرج و دوز الخط للحاج دارو على ودنو كيساينو يجاوب... و بحكم عبد الجبار من لفجر ما كيوليشي ينعس اذن كان فايق شاف نمرة سيف خصر ملامحو جاوب: الو وي سيد لمنصور....
سيف: سي العلامي لأفير لي بناتنا كملات حياة ولد خوك تحررات و لمجرم غادي يتعاقب على كاع لفعايل ديالو....
عبد الجمار تزكم و تربط ليه اللسان... كيفاش هو لي من لي عقل على راسو و هو كيحاول يحل المشكل جا سيف في ما كاملاش شهر و نضا شغل... عرف انو سيف ابدا ماشي شخص عادي....
عبد الجبار: "بعد صمت" الله يكتر خيرك...
سيف: "ببرود" صافي هاد الأيام ما عدني هنا بغيت نكمل هاد شغل غاديين يجيو عندك شي ناس صيفطو معاهم الأمانة.... و كلشي راه قانوني من طرف الدولة و ولدك ماغادي توقع ليه حتى شي حاجة....
قاليه هاكدا و قطع مع تنهيدة من الأعمـــــاق....
"بـعـد يـومـيـن"....
واقف هو ريبيكة بعاد و كيراقبو كيفاش كينزلو ديك شي بعناية من الشاحنات صناديق كبيرة سوداء مخصصة لحمتية الأثارات الهشة و زجاجية....
بقا ســـــاكت و كيراقب بنظرتو الجوهرية حنى قاطعاتو ريبيكة ...
ربيكة: نت مـ.. ـسـ. ـلم... و كدير هادشي كااااامل على قبل ديـ.. ـانة ماشي ديـ،، ـانتك.... كنتي تقدر تدي هاد الأثارات و تبيعهم و تجمع ثروة على قدها... بينما داب خرجتي خاوي مرابح من هاد شي تاجة....
سيف: "بتاسم بهدوء و شاف لبعيد" ماشي بالضرورة يكون الربح مادي... انا عندي الحمد لله فلوس بزااااف عندي شركة ديال التصميم كبيرة... و عندي قصر فين عايش... وعندي بزاااف ديال الممتلكات.... و كلهم حلاااال طيبا.... ما سرقت ما نهبت.... و ما يغركش هاد لوشام لي داير حيت اي حاجة عندها سبب...
ريبيكة: "بتاسمات و دوات" اه نتوما فعلا طيبيين كيف كان بابا كيقول ليا... نتوما ماشي إرهـ... ـابيين... و لمثال نت حيت مشي مـ،، سيـ،، ـحي و حتارمتي المقدسات دياولنا...
سيف: و شكون انا حتى نخرب او نسرق شي حاجة مقدسة عند شي حد كيفما انا منبغيش نتأدا او مقدساتي و مقدسات ديني يتآداو حتى نتوما بالمثل...
ريبيكة: "تمتمات بهمس" ليحميك الرب و يرعاك...
سيف سمعها بتاسم من خجلها و دوا: كيف سبق و قلت ليك خوك غادي تكون عندو خدمة في المزرعة غادي يكون مشرف على و مسؤول تماك... يعني غادي يكون عندو سالير زوين و يقدر حتى يتزوج... و انا غتدي نبقا نجي نزوركم و نطمن على الأمانة... و لباب القبو غادي يكون عندها كود غادي تكوني عارفاه نتي و انا و هيثم لي هو لي مصمم داك الثقنية... و ما خاصك تنطقي لحتى شي حد بداك لكود اصلا حتى شي حد ما عارف انكي عارفة... اذن ما عليك حتى خطر لأنتي محمية من طرف منضمة حكومية...
ريبيكة: شكرا ليك بزااف بدلتي حياتي انا و خويا و منحتينا الحرية ديالنا...
سيف: درت الواجب ديالي...
ريبيكة: "بلعات ريقها و دوات" انا عارفاك غادي تقول عليا فضولية لكن هادا طبعي... و بغيت نعرف غير علاش دخلتي لهاد المجال منين عندك لفلوس...
سيف: "بتايم و حك فلحيتو" قبل 10 سنوات بالضبط... كعرضت لواحد الاعتداء بسيط و سبب تااافه... كنت يالله تخرجت من معهد التصميم.... و ديك ااشخص نفسو لي عتدا عليا... داني للمستشفى... و فاش تداويت خرجت و وصلني لدار فين كنت ساكن... و في الطريق بقيت كنعاود ليه كاع المعلومات ديالولي بلا عقل... و من تماك بدات رحلتي فهاد المجال لي معمر ندمت حيت دخلت ليه... كيفما نتي نهار دخلتي لهاد المجال... و حتى انا دزت من اختبار كتابي باش نقول السبب علاش قبلت عرضهم... كان همي كلو ندافع على الانسانية عااامة... مع انو شكلي كيوحي اني انسان شرير و خايب... و اه في طريقي قتارفت معاصي كبيرة منهم اني قتلت شحال من مرة... لكن كلشي كان عندو سبب.....
ريبيكة هو كيدوي و هي مبتاسمة و كتسمع ليه... فعلا مطلعش كيف بان ليها في الأول....
و هاكدا كان الخطر لي على هيثم انتهى.... و يقدر يكمل حياتو مع مراتو و ولدو... لكن واش صافي بالنسبة ليه نتهاو كاع المشاكل...
و نخليوهم و نرجعو عند لفاس و بالضبط عند مريم لي كانت جالسة فوق الناموسية الطبية و كتالبس عليها حتى دخل ارجد عندها.... علات فيه عينها و هو يبتاسم و قلب عندها عنقها و دوا...
ارجد: كنت خايف توقع ليك شي حاحة كنت خايف تمشي و تخلي وليدك موراك...
مريم بتاسمات و ما بادلاتوش العناق حتى بعد عليها و حاوط وجهو بين يديها و دوا: نتي بيخير ياك...
مريم: "هبطات عنيها من عينيه بخجل و دموع فعينيها و دوات" اه اه بيخير... و و وبغيت ندوي معاك....
اااااش بغات تقول لييييه اشعبيات شاخدة شاخدة يا بنات لحاج
ارجد: "قرن حواجبو و قاطعها " كيفاش ا مريم واش من نيتك راه مزالك مريضة و لوليد حتى هو من هنا شهر عاد نقدرو نخرجوه....
مريم: "دارت يديها على وجها و بدات كتدوي و تبكي" ارجد لله يخليك لله يخليك متضغطش عليا عافاك....
ارجد: "قرب عندها و حاوط وجها بيديه" مريم غير حاولي تتهدني ما وقع باس صافي كلشي غادي نحاول نصلحو... صافي هارف راسي انا سباب.. تعديت عليك و حملتي و مهتميتش بيك عارفها...
مريم هنا قلبها زاد تزير عليها و زادت في وثيرة لبكاها و حسات براسها رخيسة بزاااف و خبييييثة بزاااف لدرجة انو خلاتو يحساب ليه انو هو لي ضالمها بينما هي لي ضلماتو و حكمات ليه على حياتو بالنيابة عليه.....
نترات يدو من وجها و دوات بعصبية و حصرة: براكا ا ارجد باركة لله يخليك باركة... هى هئ هئ نت ننننت راك ماداير والو لله يخليك راك ما داير واااالو.... "بدات كترجف و تشير لنفسها بيدها" اناانا انا لي مني كلشي انا... هى هى انا لي ضمرت ليك علاقتك نت وليلى انا لي خبيثة و ما كنسواش هئ هئ انا لي خططت لكلشي هئ هئ انا انا... انا لي درت ليك مهلوس فكاسك فالحفلة هئ هئ هى و انا لي جيت لعندك و عرضت عليك راسي بخاااطري و خططت حتى ليلى جات و شافتنا هئ هئ هئ انا انا انااااااااا اننااااااااا اااااااااعععععع انا لي مكنسواش انا ماشي تنا انااااا.... "طاحت على ركابيها و هي كتغوت و كتحس قلبها غادي يخرج من بلاصتو... من شدة الألم"
في حين ارجد كل كلامها صدمو و كيتعاود غي ودنو حرف حرف... و دخل كي سم مع عروقو و خلا كيانو يتهز... خلا قلبو يرتاجف.... وكل ذكريات ديك الليلة يرجعو ليه... اه هي ما كذباتش من ورا ما شرب لكاس ولا كيحس براسو ماشي تا لهيه....
عنيه مرمشوس و عمرو دموع حس قلبو كيتعصر من شدة الألم... حس بالدنيا دارت بيه... هز عيني فيها لقاها مهبطة راسها و دايرة يديها على ودنيها و كترعد....
ارجد قطعات في قلبو حالتها لكن شي حاجة في الداخل ديالو كتقول ليه بعد عليها بعد بعد عليها بعد.... متقربش ليها... هي سبابك هي....
تراجع للوراء هارب من كلشي هارب حتى من راسو... حس براسو ما بقاش قادر يشوفها... خرج كايجري... من تماك ضرب في غسان و مشااااا... خرج للمجهول....
دخل غسان مفزوع مين سمع صوت بكاها و زاد تفزع اكثر مين شافها مكمشة بوضعية الجنين ووكتبكي و تردد نفس الكلام...
كتسكت ضميرها لي كيأنبها لي مرر عليها عيشتها... اه من عذاب الضمير... يخليك تحقد على راسك... و تكره راسك و تتمنى لموت لراسك و ديك شي لي واقع مع مريم....
مشا عندها غسان كيجري لعندها حتا عليها و عنقها مزير عليها بجاااااهد...
و بدا كيدوز يدو على شعرها بحنــــان... و يدوي كيحاول يهدنها: مريامتي اميرتي شششش صافي قولي ليا اش وقع...
مريم: "بعدات عليه و هي كترجف و تشهق و تدوي" هئ هئ هئ خويا... هئهئ انا ءه ءه قلت لأرجد الحقيقة كاملة هئ هى انا قلت ليه الحقيقة كاااملة...
غسان: "حاوط وجها بيديه بجوج و دوا" صافي صافي كلشي غادي يتصلح صافي... هادي خطوة مزيانة درتي و زحتي جبل من على كثافك... صافي حتى حاجة ما غادي توقع... صافي...
مريم: "حطات راسها على صدرو و كملات في لبكا" هئ هئ هى انا مكنسواش انا ما مزياناش هئ هى...
هيثم: "كيدوز يدو على شعر" ششششش صافي نت اقوى من هاد شي صافي... نتي ندمتي و تبتي و حتى ارجد غتدي يجي واحد نهار و يسمع ليك... يالله داب وقفي على رجليك تربي ولدك و تكملي قراييك... قوي راسك بنفسك... و حبي راسك و ديما تفكري اني معمر نخليك...
ارجد في طوموليلتو غادي مكسيييرييي و دموعو كينزلو... و كااااع ديك شي لي وقع كيتعاود في راسو.... كل شي لي وقع بما فيهم اللحظة لي غاب فيها عن الوعي....
ارجد: " كيدوي و كبضرب فصدرو" اااااااه منك يا مريم اااااااه و اووف من حبك.... ضمرتيني و ضمرتي حياتي... هاد الوقت كاااامل و انا كيحسابلي انني ضالمك صدقتي نتي هي لفعة لي ضمرتي ليا كل ما بنيت.... اااااااه....
كل الأمور تفضحات و مريم غير بالفن عتارفات.... من قوة ما ضميرها عذبها... و من التجربة لي دوزات....
قلت اهتمام ارجد بيها... و زيد عليها لموت لي وصلات ليها و نجات منها بأعجوبة....
تنهدات و هي مراقبة و لدها من الزجاج... و بتاسمات ببهوث و داوت بحنان: ولدي لحبيب... لعمر ديالي... روحي و قلبي فداك... نتمنى من ربي يسمحليا و حتى نت اولدي و حتى باباك انا عارفاك غادي تبغبني كيفما انا... انا عارفاك غادي تسمح ليا....
تنهدان و هي كتمس دموعها و قلبها ضااارها بزااااف و ضميرها غيرما زايد.....
"بعد مرور 3 اشهر".....
3 شهور سيف فيها كان كل همو انو ينهي كاع أعمالو و يفرش المافيا كلها و يوصل للبوص ديالها...
3 شهور ماحكشي فيها راسو من مذاهمة لمذاهمة.... و تخطيط و كلشي
في سرية تاملة....
3 شهور و هو مصبر راسو على محبوبتو لي مكيشبعش من تصاورها و مصبر راسو غير بأنو صافي غادي يسالي خدمتو و ياخد فترة راحة طويلة على قبلها...
كيحاول يوصل لرأس الحربة باش يسالي كلشي....
لكن شوقو ليها غااااالب و اخر مرة كانو قراب يقبطو لبوص و لكن وقع مشكل و تصابو بزااف ديال الرجال و دارو تراجع....
في مطار منشيستر الدولي...
واقفو بجوج في الصف كيتسناو يساليو الاجراءات ديال المطار...
تقدمو و صرحو بجوازات سفرهم... و مشاو متاجهين لمدرج الطائرة... ركبو في درجة رجال الأعمال... ربطو الأحزمة ديالهم و نطالقات الطائرة محلقة من مطار مونشيستر الدولي... لمطار الدار البيضاء،... ماهي إلا مسافة الطريق و كانت الطائرة حطات في المدرج... و خرجو منها دارو إجراءاتهم و خرجو....
لقاو ايمان كتسناهم بأناقتها المعهودة.... كانت ديك الساعة ل 5 ديال العشية...
إيمان: "عنقاتهم بجوج" دحوشا ديالي.... 3 شهور و نتونا غايبين عليا... 3 شهور على كملها توحشتكم يا ولاد لهم....
سيف: "معنقها و عاطيها الخاطر و كيطب طب على ضهرها لمبكبك"
تيمور: لله شحال من كيلو تزاد يا ختي غلاضيتي....
إيمان بعدات عليهم و دارت حول نفسها برشاقة و اناقة: ياك بعدا تقاديت جيت زوينة...
سيف: "شدها من يدها و جرها " زيدي زيدي بنادم مجموع تا نكونو غا بوحدانا...
سيف: "ضحك و حرك راسو يمين و شمال" و زيدي غا زيدي....
زادو خارجين من المطار نيشان لسيارة ايمان.... سيف ركب حداها و تيمور لور...
و هي شيفور.....
مسافة الطريق و كانو في القصر لي كل ضواو فيه شاعلة و الشتا كطيح و لجو بارد لدرجة انفاسهم كيبانو....
دخلو و تلقات ليهم الحاجة بالأحضان
الحاجة: "حلا درعانها بحنان" الله هاااا كازا نورات ها ولادي تجمعو لعندي و رجعو ليا....
قربو عندها بجوج و عنقوها في نفس الوقت و تبادلو الأحضان و كل واحد مين يبوس ليها راسها و يديها...
سيف: لحاجة لاباس عليك... ولا لبارح دويت مع ليلى قالت ليا عيانة شي شوية...
الحاجة: لا لا اوليدي غا تروحت شي شوية و هي خافت حيت ايمان ما باتتش هنا....
تيمور: "غمز سيف" لله لله مرات حفيدك كتخاف عليك...
سيف شاف فيه و ضحك... و شاف في دروج مين ما بانتش ليه هابطة... دار لقا لحاجة كتشوف فيه و مبتاسمة و نطقات.... : را هي اوليدي فبيتها كترتاح عيات كتساين و تعبات و طلعتها لبيتها....
بتاسم سيف و حك في راسو وطلع مع دروج كيجريي و قلبو كيضرب بالجهد و فرحتو ربي لي عالم بيها.... توحشها.... توحشها بلا قياس توحش ريحتها صوتها صورتها كلشي فيها توحشو.... بغا غير يشوفها و ربي كبير....
مشا قاصد بيتها من لبعيد ببان ليه محلول....
دخل مع لباب كتبان ليه عاطياه بالضهر و لابسة بيجامة غوز بب سخووونو ومقصنة و توبها ديال نعيجة.... و كتدوي فتيليفون... كانت كتدوي مع سجود حتى شمات ريحتو قلبها بدا كيضرب في 90..... و دارت لعنو...
ليلى: "دوات فلفون" سجود قطعي داب حتى نعاود نعيط ليك....
حيدات لفون على ودنها و بتاسمات بلهلا يبغيه ليها و نطقات اسمو بهمس من ثغرها الكرزي اللون... : سيف....
سيف.... تي فين هو سيف... مبقاش قادر يتحكم في راسو منين دارت عندو... كرشها كبرات بزاااااااف على لي كانت.... و زيد على وجها لي زاد طباز و حنيكاتها حمريييين بزاااف و نيفها حتا هو.... بياضها غير ما كيزيد ينصاح.... و ديك البيجامة غوز و كيوووووت عليها.... و زيد على الإبتسامة لي ترسمات على ثغرها.... و كيفاش نطقات اسمو....
محسش على راسو امتى طار لعندها و جرها حاوط وجها بيديه... و طار على شفايفها ملتاهمهم بقبلة حنيييينة كتعبر على عاااااصفة من الأحاااسيس الجميلة في نفسو.... مخليها هي مخرجة عنيها فيه....
ليلى والذئب الجزء 14
محتوى القصة
التنقل بين الأجزاء