دار هيثم لمصدر الصرخة و هو حالتو كلو كيترعد و دم فنيفو ما بغاش يحبس تا بقا كيقطر من لحيتو
سجود: "كتقرب لعندو و تدوي بحقد" لله ياخد فيك الحق.. يا الغـ•ذار... ما كتسـ•واش يا الأنا•ني...
هيثم: "كيحس بوجع رهيب في راسو لدرجة انو عنيه ولاو جعمة ديال الد•م و كيدوي غير بزز" سس سجود سمعيني لله يخليك سمعيني سسسس سمعيني
سجود: "ضربات بصدرو بيديها و دوات بحقد" اش غاديا نسمع هاه اش... سمعت بما فيه لكفاية صدقت غير بيدق من بيادقك غير أدات ديال الانتـ•ـقام عندك... خبيتي عليا اصلي و عائلتي 10 سنين... 10 سنين و نت كتشوف ليا فعيني الشوق لأنو تكون عندي عائلة اخ ام و اب و أخت... و مع ذاااالك باش ترضي كبريائك بانت ليك غير ختك...
هيثم: "مبقاش قادر يوقف بغا يتكا على و هي تبعد " معمر حسبتك انتـ ـقام... فاش عرفت خفتو يديك ليا من بين يديا كي دا ليلى... متخيلتش راسي بلا بيك هو ما مزيانش كان غادي يحرمني منك.....
سجود: "بغضب" اش كتقول هاه واش انا ما عندي عقل غاديني هاه... يا خصااارة حبي ليك يا خصاااارة صدقتي ما كتسـ•ـواااااش حقيـ ـيييير....
هيثم هي كتهضر و هو كيزيد الدم يغلي في عرقو و نزف من نيفو كذلك... تا بدا كيكعب بالجهد تا دم بدا كيخرج ليه حتى من فمو....
ليلى خرجات فيه عنيها و حطات يديها على فمها و هي كطلب ربي ما يكونش ديك شي لي فبالها....
في حين هو عبس من لكحـ ـبة مسح فمو و بتاسم ببهوث و هو واقف غير بسيف و دوا: قلبي ما طاوعنيش يشاركني فيك شي حد... غيرتي غلباتني و ما نادماش حيت لي درتو درتو في سبيل الحب... "سكت و هو كيرجع للنفس و ولا تاني دوا لكن هاد المرة بصوت هاااامس و هو كيشوف فيها و دمعة هابطة من عينو و دم كيدوز من فمو و نيفو بغزارة" كنبغيييييك
على اثر اخر ما نطق بيه هبط منهار على ركابيه لي صافي ما بقاوش هازينو مخلي سجود عنيها خارجين و ليلى كذلك... اما سيف فكان في حالة صدمة من حالتو لي كتخلع نزف بزااااااف
في حين هو هبط على وجهو مغيب و دم من فمو و نيفو مااا بغاش يحبس... و هادشي لي كان كيعنيه لسيف انو بلا بيها كيشوف لموت 💔😔
ليلى حساب بقلبها تعصر لهولة رجعو ذكريات الصغر ديالها هي وياه و على النوبة الحادة لي كتجيه لي يقدر يفقد فيها حياتو.... و يقدر كاع يكون فقدها... 💔
بقا طايح في الأرض على وجهو بدووون حراااك....
دقيقة صمت كلشي ساااكت و صااااهر... غير الانفاس المرتفعة و الغير مستقرة لي كتسمع... تا كتهز الفيلا بغوااات ليلى... غوتة من لقلب ديالها لي حساتو تزاح من بلاصتو فاش شافت خوها فديك الحالة... رجعات بيها الذاكرة لطفولتهم...
"فـلاش بـاك"... 🌸
ليلى في عمر 9 سنوات واقفة مصمرة ورا جميلة و لونها صفر و جميلة حاطا يدها على فمها و كتبكي...
الإسعاف هازين هيثم لي كيترعد و يلقف و د•م كيفور من فمو و نيفو و عبد الجبار غادي كيجري من وراه... ما خرجات سيارة الاسعاف و بقات غير هي و جميلة و مريم و غسان...
ليلى: "كتجر لجميلة في جحلالها و تدوي بصوت مقهور" هى هئ مرات عمي... هى هى مالو خيي كيسيل ليه دم من نيفو واش ضربتيه...
جميلة هبطات عندها تا هي كتبكي و دوا: الله يا بنتي لله و علاش ماشي نضربو ابنتي راه مرض احبيبتي مرض... تقلق و توحش ميمتو و باباه...
ليلى: "بصوت باكي" و حتى انا امرات عمي توحشتهم بزاااف ولكن ما كيسيليش من نيفي دم...
جميلة: "كتمسح ليها دميعاتها" صافي اكبدي ماتبكيش... خيك مريض مسيكين... عندو إرتفاع في ضغط الدم و كيطيح بالصرع دعي معاه الحبيبة يتشافا...
ليلى دبلات عويناتها كتبكي و عنقات جميلة و هي خااايفة بزاااف انو حتى خوها يمشي و يخليها كانت هادي الذكرى السنوية ديال مـ•ـوت وليديهم...
"فـلاش بـاك أخـر"... 🌸
دايرا ودنها عند لباب بحال شي فارة صغيورة و سكااااات كيعم المكان من غير صوت جميلة و عبد الجبار لي كيدويو...
جميلة: وشنو قاليك طبيب عليه واش حالتو خطيرة
عبد الحبار: خطيرة بزاااف عندو رتيفاع حاااااد في ضغط الد•م و نوبة الصرع ديك نهار جاتو معاها قد قد... لله يشافيه مسيكين... قالينا طبيب خاصو مايتعرضشي لتوتر و القلق على الاقل تا يدوز 18 سنة و يبدا العلاج عند شي ذكتور نفسي
جميلة: لله على حبيبي لله مسيكين تفكر يماه و باباه لله يرحمهم فهاد نهار...
ليلى محدها كتسمعهم و عنيها كيزيدو يدمعو و قلبها صغيور كيتعصر على خيها... بعدات على لباب و طلعات في إتجاه بيت هيثم... تعلات على صبيعاتها درجليها و حلات لباب و سداتو و دخلات كيبان ليها هيثم نااااعس بهدوء... بتاسمات بحب و مشات لعندو طلعات حداه و باستو في حنكو و عنقاتو و تكااات على صدرو و دوات
ليلى: نت خيي حبيبي مغاديش نبقا نعصبك و غادي نبقا نسمع ليك للهضرة غير متبقاش تمرض....
غوتات بإسمو من أعماقها: هيثــــــــــــــــــــــــــــــــــم... خوووياااااااا....
صرخة فيقات لكل من اش كان كيدير اما هي فكانت مشات نيشان لعندو كتجري حنات عليه كترعد و تبكي...
نخليوهم و نمشيو عند سيف لي كان فطوموبيلتو سايق باقصى سرعة و حداه هيثم لي مدلي راسو و مغياااااب و د•م مزااال كينزف منو....
شويا و هو بدا سيف كيسمعو كيقول شي حاجة بصوت ثقييييل متقطع...
صغر عنيه و حكر في اش كيقول مزياااااان و هو يسمعو....
هيثم: كنبغيك... كك ك ك كنب ككك كنبغيك....
سيف: "شد ليه فكثفو و دوا و هو عينو على طريق" روح راسك و قوي إيمانك مازال تابعاك مرتك و ولادك...
هيثم: "بتاسم بإستهزاء و دوا بعيااااء و صوت شبه مسموع" تا شتتي شمل عاد جاي كتنصح فيا و تفكرلي... ولكن نفضل نموت على اني نسمع ليك...
سيف: تا تصحى و تتشافا و ندويو داب روح راسك...
هيثم: "كيدوي بزز لكن نفسو حااارة و ما ينساش لي دار فيه المنكـ•ـر" تقدر ليلى تسمح ليك كتبقا مرا و عقلها نا،،، قص و بغاتك.. ولكن انا غادي تبقا تجي بين عيني غير الصورة لي جابوها فيها... من بعدما لحتيها
تنهد سيف بضيق عز عليه واخا كلشي واقع بيناتهم متبغيش تشوف بنادم فديك الحالة لكن فاش كيتفكر لعملة ديالو كيتغدد كيفاش قدر يخبي عليه ختو هاد لعمر كاااامل....
مسافة الطريق و كانو قدام لكلينيك هبط و هزو ثاني دخلو... غير شافوه الطاقم الطبي تعرضو ليه حطوه في النقالة و هو في فمو فقط كلمة وحدة هي سمية سجود... كيحس براسو فقدها و فقد معاها الرغبة بالحياة....
في حين هي كانت جايا مع ليلى غي طوموبيل و مقادراش تحبس من لبكا...
سجود: "كتبكي بحرقة" هئ هئ مكنتش عارفاه مريض هئ هئ حتى هادي خباها عليا... هئ هئ... كيخلي كلشي في قلبو... هئ هئ يا ربي حفضو ليا و نجيه باش ندمو على فعلتو و نتعزز عليه كي بغيت و في لخر نرجع ليه بشروطي يا ربي...
ليلى ضحكات وسط دموعها بحزن و دوات: كيبغيك لدرجة يخبيك من ناس لي قراب ليك و يخليك ليه راسو... كيبغيك لدرجة مفكرش لعاقبة انكي تعرفي...
سجود: "حساب بحريق في كرشها" اااااااي اهياااا لمصخوطة بنتو ما بغاتشي عليه...
ليلى: "بهلع" اويلي اش كتقولي... اوييييلي يا لمصخوطة باش كتحسي....
سجود: "شافت فيها و شافت في تحتها و هي تخرح عنيها و دوات يصوت باكي و معصور بلحريق" لا لا لا بنتي لااا... هى هئ بقاي معايا ابنتي... ااااااااااي كرشييييييي.....
مع كل زيادة في السرعة كانت كتزيدها ليلى كان وجع أسفل ضهر سجود كيزييييييد و بالضبط في القصعة ديال الضهر و الم. المخاض كيزييييييد و نزيف كذلك معاه و هي مع كل البرد و لحال لي باااارد كتساكف بالعرق ...
حتى كتخرج ليلى عنيها فاش شافة باراج ديال لبولبس و اكيد ضبط سرعتها الرادار....
وقفات و هي تجي عندها واحد البوليسية مسااااليا لقبها كتمدغ المسكة....
هبطات ليها الزاج بنرفزة...
الشرطية: "كتفحص ليلى و سجود لي معاها كتعض فدراعها كاتما غواتها" وراق السيارة....
ليلى: "كتحاول تكتم غضبها" معنديش....
الشرطية: "بإستفزاز" ياك الالة... مزياااان تبارك لله عندك 2 مخالفات تخطي السرعة... و معندكش لوراق... اه و نسيت كاين ثالثة لا نتي لا هي مدايرينش الصمطة....
ليلى: "بإنفعال و غضب" واش ما كتشوفيش السيدة كرشها لفمها و كتوجع هاه مكتخافيش لله....
الشرطية: "تفوهات" اخر همي داب نزلي نتي و هي نداكرو شي شويا...
ليلى شافت حتى عيات و هي تدور عند سجودو دوات: شدي فرلسك و ديري لحزام....
ديك شي لي كان سجود تعافرات و دارت لحزام و هي ليلى تدور عند هاديك الشرطية و بتاسمات بشر: زيونات قيدي عندك فلكارني و الا لحقتي عليا شديني....
على اثر اهر كملة ليلى كسيرات مزياااااان و نطالقات ممهتمتش اديك اللعيبة لي فيها لمسامر غادي يعرضوها ليها... مشات نيييييشان غاديا دوز فيهم طحنهم هوما خافو على راسهم و تبرمو هاربين و هي مشاااااااااات مخلياهم يركبو فطوموبيلاتهم و يتبعوها و على رأسم الشرطية لي ما تسرطااااتش ليها القمعة ديال ليلى....
في حين هاد الأخيرة مكسييييريا كدوبلي في لباشار همها الوحيد انو توصل سجود هاد الأخيرة لي صافي الزحمات لكبار بداو كيجيوها و ألم فضييع ولا كيجيها في اسفل ضهرها و تحت كرشها....
مسافة الطريق و كانو قدام لكلينيك.... نزلات ليلى كتجري دخلات عيطات لطاقم الطبي خرجو عند سجود....
خرجو عند سجود كيجريو و هي معاهم هزوها بحذر فوق الحمالة و هي كتتألم و تبكي بالجهد ما حيلتها تفكر لألمها ما حيلتها تفكر لهيثم لي من طيحة لي طاح عليه ما جاتها خبار...
بقاو غاديين بيها لغرفة العمليات و ليلى كدوي معاهم: لله يخليكم عتقوها هي ولي فكرشها راه عندها إحتمالية الولادة المبكرة لله يخليكم....
الدكتور: "شاد سيروم لي ركبوه لسجود و كيدوي" ما تخافيش امادموزيل كلشي غادي يكون بيخير غاديين نديرو لي علينا....
ليلى ومات ليه براسها و هبطات عنيها لسجود لي كتبكي يحرقة و تتألم و شدات ليها فيدها و زيرات عليها و دوات....
ليلى: "مباتسما كتحاول تهدنها" متخافيش احبيبتي كلشي غادي يكون بيخير انشاء لله غادي تخرجي منها سالمة نتي و بنتك انشاء لله...
سجود: "كتبكي بحرقة" قولي لجحموم دخوك يفيق يشوف بنتو اش كدير فيااااا ااااااااااه ااااااااااي يااااا ربي يفيق و يصحى و يجي نطلق عليه فشويييييي اااااااااي يا بنتييييييي و عزيز عليك باك غا كندكرو كتنوضي تزعرطي
ليلى: "بتاسمات وسط دموعها" كولشي غادي يكون مزيان انشاء لله... و غادي يفيق و تفششي عليه كيف حبيتي...
بقات غاديا معاها حتى وصلات للمستعجلات هنا حبسوها الممرضات و دخلو سجود بوحديتها...
بقات واقفة كتشوف في الباب المقفل و تبكي تا كتحس بشي يد تحطات على كثفها...
دارت بالزربة و هي تلقاه سيف... ما لقات الا صدرو تلجأ ليه تلاحت عليه بلا كلمة بلا جوج عنقاتو و بقات كتبكي بصوت عالي بعض الشئ....
سيف: "حاضنها و كيدوز يدو على شعرها و يدوي " صافي اغزالي صافي... كلشي داب يولي بيخير....
ليلى بعدات عليه و شافت فيه بقهر و دوات: هئ هئ جاها لحريق ديال لولادة هئ هئ و هي يالله في شهر السادس هئ نئ.... هنننن ديك شي لي كنت الذكتورة كتقول هو لي وقع....
سيف بلع الغصة لي غي حلقو و دوا: شششششش صافي اعزالي... كلشي من لخير و داب تخرج بيخير و على خير....
ليلى: "عااااد تفكرات هيثم و دوات بهلع" و هيثم فينو هاه واش هو بيخير...؟!!
سيف: "حرك رايو بالإجاب و دوا بجدية" داب هو في العناية المركزة... و قال ليا الذكتور نزف بزااااف و خاصو الدم و انا تكلفت مي قاليا انو مزال حالتو ممستقراش... حيت ما دارش تجاوب مع الدم لي تمنح ليه....
ليلى: "حطان يديها على وجها كتبكي بحرقة من كلامو لي كان كيف شي ساااعقة على مسامعها" لله على خويا لله هئ هئ... لله على حبيبي لله... هئ هئ يا ربي شافيه و عافيه يا ربي هئ هئ راه هو لي بقالي يا ربي....
تكها على صدرو و هو حاس بالحزن على وضع كل من هيثم و سجود و وضعها حتي هي....
في حين عند سجود لي كانت في المرحلة الأخيرة من الدفع حيت ولدات ولادة عادية... حتى كتخرح لبنية صغيييييورة بزاااااف اقل من كيلو كرام و حمراااااا و فيها زعب كحااااال و رطب.... لكن بفعل الولادة المبطرة كان راسها كبير على كستدها بشكل غير متناسق و كتصدر انين بحال القكة خفيييف....
نخليوهم و نمشي عند هيثم لي كان مسطرح فوق لباياص و مغمض عنيه و عريااااان من صدرو و كلو سلوكة و أبرزهم آلة ديتل تحطيط القلب.... و التنفس ديالو لي كان جد ضعييييير و بدات المؤشرات الحيوية كتنخافت تا بدات تدريجيا ديك الخط ديال تردد دقات القلب كينخافض....
في حين في غرفة اولاد لبنيتة كانت مدوخا و تا التنفس عندها ضعيييير بزاااف لكن سرعانما بدات كتصدر واحد الأنين خفيف خلا الذكتور ييتاسم بحماس....
و مع تشبثها هي بالحياة كان في الطرف الثاني الأب ديالها لي صافي علن إستسلامو و الخط في الشاشة استقام دليل على توقف القلب ديالو في المرة....
و هذي هي سنة الحياة الدنيا... كيمـ ـوت واحد باش يعيش في بلاصتو لاخر... و هذا قانون متعارفة عليه
أنين خفيف كانت كتصدرو لبنية لي كنبان صغيييييورة قد لكميشة في يد طبيب راسها كان اكبر من جسمها الهزيل ضمها الذكتور و حطها في علبة الرعاية و نقلوها لغرفة خاااصة بيها...
و دارو لسجود كملو ليها المراسم و عقمو ليها المسائل خلاوها مع الممرضات يغسلو ليها و يقادو ليها شعرها و خرج عند ليلى و سيف و جميلة و عبد الجبار و الحاجة....
لي غير شافوه مشاو كيجريو لعندو...
الحاجة: "بصوت باكي" ذكتور قوليا بنتي كيف بقات هاه... و فينها لبنية صغيرة هاه...
و قبلما يسالي كلامو قجمو سيف: مدام المرضي مدام....
الذكتور: " بتاسم بإحراج " احم اه استسمح لمدام جابتها بكري... و تمات الولادة فالأسبوع 25 يعني عندها ولادة مبكرة لبنية ضعييييفة بزاااف و عندها عسر في التنفس لكن راها في غرفة الرعاية و انشاء لله تا تشد في راسها.... و بالنسبة للمدام كانت عندها ولادة عادية مكاين لا غراز لا والو الحمد لله تقدرو غدا انشاء لله تخرجوها مي لبنت خاص ضروووري اكثر من شهر باش تشد راسها... و بالشفاء إنشاء لله
داز و خلاهم كيحمدو لله على سلامتها و سلامة لبنت... حنى كيسنعو جرس الإنذار من أحدى غرف المستعجلات... دليل على انو المريض عندو يا توقف في القلب يا مشكل في التنفس....
و من بعد شافو 4 ديال الممرضات و طبيب داخلين لديك الغرفة على وجه السرعة...
و سيف هنا خرج عنيه و دوا بدون شعور: هيثم هاديك غرفة هيثم...
ليلى دارت عندو حلى فمها و مخرجة عنيها و كترجف: وقعات ليه شي حاجة...
عبد الجبار حس بالدنيا دارت بيه من الخبر ما لقا راسو الا متجة للغرفة عند فلدة كبدو... و جميلة حتى هي من وراه كتبكي....
ليلى: "واقفة مصمرة في بلاصتها و كتنفي براسها و ترجف" لا لا لا لا خويا بيخير غير غلطتي هاديك ماشي غرفتو... لا لا ماشي غرفتو... غير غلطتي ياك...
الحاجة: "بصوت باكي" ما تخافيش ابنتي غادي يعيش لمرتو و ولادو ما تخافيش...
ليلى شافت فيها و شافت في سيف بإنكسار و مشات بإتجاه غرفة هيثم كتلقاهم كيوجدو يديرو ليه الصدمات الكهربائية....
حطات ييديها على فمها كتبكي... حتى كتحس سيف شدها من كثافها و زير عليها و كأنو كيطمنها و هي تكات عليه بعيااااء،....
حتى كيسمعو صوة مرة من وراهم... لـيـلـى الـعـلامـي...
دارو كلهم لمصدر الصوت كيلقوا الشرطية و معاها شي 5 خرين...
الشريطة: "دورات عنيها لسيف لي مخنزر تخنزيرة ديال لقتـ ـيلة و دوات" و نت مالك كتهدد فينا داب...؟؟
سيف يالله جا بدوي و هوما يسمعو صوت صراخ جميلة المفزع...
هذه الأخير لي بدات كضرب في زاج ديال النافذة و هي كتشوف الدكتور حط ديك لعيبة ديال الصدمات بيأس و الممرضة غطات وجه هيثم دليل على مفارقتو للحياة...
جميلة: "كضرب بيديها في زاج و تغوت" لا لا لا حيدي ليه على وجهو كيتخنق حيديييييي... هئ عئ حيديييييييه ولدي كتخناااااااق.... هئ هئ حيدي ليه لغطا خيدي....
عبد الجبار دار عندها مفزوع و هو يشوف نفس المنضر ديال الذكتور حط الألة و الممرضة غطات الهيثم وجهو....
عبد الجبار: "زير ملامحو بألم و غمض عنيه مزاااير عليهم" ولدي...
ليلى و سيف كذلك دارو متاجهين حتى هوما....
ليلى حطات يديها على فمها من هول المنضر و رجعات باللور تا ضربات في سيف لي واقف مشوكي من المنظر... كيبان فعلا مول الأمانة دااا أمانتو و الذكتور خاااارج و هو مزال ما وفاشي تا 5 دقايق باش دخلو... سيف عيشة بقات تشطح ليه فوق راس و كأنو خوه لي لداخل... تا فيقاتو ليلى...
ليلى: "دارت عندو تقابلات معاه و دوات بترجي" عااافاااك اسيف عااافاااك نت عندك نوفود عااافاااك لله يخلي ليك ما عز عليك قولم يعاونوه راه ما يمكنشي انا خيي يموت و يخليني من وراه عااافاااك...
سيف شاف فيها بحزم و هبط طبع قبلة في جبينها... كانت قبلة عمييييقة و كأنو من وراها غادي يدهل لشي حـ ـرب...
بعد عليها خلاها غادي تسخف كونما شداتنها الحاجة مشا قصد باب الغرفة حلو و سد وراه لقا طبيب قاليك كااايجمع و هو يزعزعو بصوتو كي رعدة
سيف: "بحدة" سوف أشريف... اقسم برب العزة و ما تحيد منك لعكز و تنوض تحاول مع السيد يا هاد سبيطار منو ما تخرج غيرمعاه في كـ ـفن....
الذكتور: "دار عندو كبتهز و يتحط" و شكون نت اسيدي اش دخلك.. هاه خدمتي درنها و سيد ما كيستاجبش...
سيف: "بغضب" الاسعافات ديال القلب كيستامرو 15 دفيقة عاد ممكن تفقد الأمل... و نت ما كملتيس تا 5 دقايق كضحك عليا هاه... شوف داب غادي تجي دير خدمتك... و عرف انو الا مات تصفى نت و لعزيز عند و جـ ـنازتك تكون قبل جـ ـنازتو يالله...
الذكتور: "بلع ريقو بخوف و دوا" نعتابرو تهديد صريح هذا....
سيف: "خرج فيه عنيه و دوا بحدة" تماااااااما... اذن تفضل دير خدمتك....
الذكتور بلع ريقو بخوف و شاف في الممرضة و وما ليها براسو حيدات لغطا، على وجه هيثم و نطق الذكتور: 300 فولط...
بلعات الممرضة ريقها و شافت فسيف و دوات: سيدي خرج عافاك خلينانديرو خدمتنا...
سيف: "بحدة" خدمتك غاديا ديريها ولا بديني و بيماني لا نتي لا هو تخرجو فلكتانة لبيضة... "بصراخ " يالله ق،،،،،، ودي ديري خدمتك....
بعدات عليه الممرضة برعب... و مشات دارت اش قال الذكتور...
دارت جيل في الألة و حطها لهيثم على صدرو المرة الأولى حتى تهز من الصدمة و ولا تحط... و ماكاينش إستجابة... المرة الثانية و الثالثة و الرابعة و الخامسة و لا إستجابة فقط الطنين المزعج....
دور سيف راسو لصرجم كيلقا ليلى في حالة يرثا لها صفااااارت و تحت عنيها زراق و كتشوف فيه بترجي و كأنها كتقول ليه نقذو بعويناتها لي كيدوبو...
شاف تا عياو زير على يدو و بتاسم ليها و كأنو كيطنأنها و قرب لعند الذكتور شدو من قرفادتو بعدو على هيثم....
الذكتور"بإنفعال": واش كنلعبو حنى هنايا اسيدي؟؟؟
سيف: "دار عندو و دزا بحدة " شوف و زم....
الذكتور لبدها لأرض و بقا مراقب سيف اش بغا يدير... حتى كيبان ليه كفض لكبوط على درعانو و قاد يديه مع بعياتهم و حطهم فوق صدر هيثم و بد كيضغط عليه.... كيدير ليه مساج للقلب... حيت ابدا ما متقبلش انو يكون السبب في مـ ـوت خو مرتو و راجل ختو لأنو ماشي انسان حـ ـقود نهائيا.... و مستحيل يعمر راسو بالحقـ ـد على شي حد كيفما بغا يكون...
بقا نستمر في نفس العملية و الممرضة حداه و كأنها كتشوف ذكتور محترف... و كيف لا و هو نقذ حياة اكثر من 100 واحد من خلال المداهـ ـمات لي كينفدوها... دائما ما كتكون شي أصابة و هو لي كيدخل و كيكونو كاع تدخلاتو في الوقت المناسب....
مر لوقت ليس بالقليل شي دقيقة هاكداك و هو كيحس بضغط رهيب... حتى كتقفز الممرضة من الفرحة فاش رجع النبض من جديد واخا كان قليل ولكن أمل و رجع....
طيط طيط طيط... ماشي صوت عادي كان بالنسبة ليهم... بل كان رجوع شخص من طريق المو... ت رجوع هيثم من بعدا فقدان الأمل في حياتو ❤ و كيف كيقولو ربي كبييير 😍
بعد سيف عليه و هو هاز يديه في السماء و كينهج كيتنفس بجااااهد...
كيحس و كأنو جبل نزاح من على ضهرو... و بقا مغمض عنيه تا كيحس بيدين تلواو على خصرو مزيرين عليه عقد غوباشتو و حل عنيه هبطهم و هو يتفاجئ بالممرضة لي معنقاه و كدوي...
سيف بتاسم بجنب و بعدعا عليه و دوا: خاص نجدد لوضو المرضية... و ما ظ
درت غا الواجب..
و مازالما كمل كلامو حتى كسمع ضرب فلزاج ضار كيلقاها ليلى مخنزرة فيه و دارت ليه حركة بيدها في عنقها من لودن لودن و خرجات عنيها في الممرضة...
ضحك على هبالها و دار عند الممرضة و دزا: شتي و فكها يا من وحلتيها....
بعد عليها و خرج لعندهم تعرضو ليه كاملين بلفرحة مخلطة بالدموع...
جميلة: "كتمسح دموعها و تضحك" شكرا اولدي شكرا بزااااف...
عبد الجبار: لهلا يخطيك اولدي نقدتيه من لمو... ت خيرك منرجعوش اولدي.
سيف: درت غا الواجب الحاج راه خو ليلى و راجل سجود واخا ما كنتفاهموش ما ندوزوشاي...
ليلى بتاسمات بحب و مشات عنقاتو مزيرا عليه.... لدرجة هزها من لأرض و هي تقلب ملامحها لشراسة و دوات لبه فودنو: ولله تعنيقة ديال ديك خيتي لا بقات فيك يالله
سيف ضحك بجهد و نزلها و يالله جا يدوي و هي لبوليسية تدوي من وراه....
الشرطية: ياك خوك صافي ولا بيخير و دوزي لأخت تشرفينا...
سيف دار عندها هاز فيها حاحبو و باس ليلى راسها و شاف فيها و داوا: اش بان ليك فشي مغامرة جديدة ما عمر ننساوها....
ليلى: "إبتاسمات بحماس" اه اه موافقة...
سيف: "غمزها و دوا" اوا سلمي راسك أغزالي و سيري مع الأنسة ياك... و أنااااا "دار شاف فالشرطية لي مصغرا فيه عنيها بريبة و دوا" داب لا ريبت لواحد فهاد لكراكيز لي معاك فمو... كنقصل الشـ ـرطة تا انا تمينطوني و تديوني لبنيقة؟؟؟
الشركية خرجات فيه عينيها و هو يبان ليها قصد واخد من لبوليس جبد معاه بكروشي ركدو خلى كلشي حال فمو....
الحاجة: "حاطا يديها على فمها" الله يا ولدي لله... واش داك....
سيف شاف فيها و بتاسم بجنب و غمزها و دوا: نرجعو الشباب الحاجة...
ليلى تشتتات بالضحك و مشات عند لبوليسية و دوات بإستفزاز: هانتي امادام... ديري ليا لمينوط انا و مون بب دامور... "و رفهات صوتها" و طلعني طلعني 😂😂😂
الشرطية شدات ديك المينوط و دارتو ليها و زيراتو و حتى سيف دارو ليه لمينوط و مشااااو بيهم لطوموبيل ديال لبوليس...
و هوما مشتتين بالضحك... و كيمعنيو يقولو النكت و ديك لبوليسية غاديا تكلاكا بالفقصة...
ليلى: "مع الشرطية" غادي تعاملي مع ختك و ديري ليا شومبر فلبنيقة مشتركة انا و مون بب دامور ياك...
لبوليسي لي كان شاد سيف تشتت يالضحك و بقا كيرمق ليلى بإعجاب محس براسو تا حبد معاه سيف بمرفقو لجنب و دوا: حرد عينك المرضي و لا نرجعو يامات صغر و نلعبو بيهم لبي انا وياك... 😂
لبولبسي زم و بقاااو مكملين هي وياه و بصحكو يصحكو و لبوليسية كتقلا كانت غاديا تكلاطا
"نخليوهم" و نمشيو عند مريم لي كانت يالله وصلاتها خبار صحة هيثم و سجود و الطفلة نقلات الخبر لدراري لي بقاو تماك و بقات جااالسا كتبقشش في تيليفونها... تا كيصوني عليها خلدون...
قطعات عليه المرة لولا و الثانية و الثالثة و ما ستسلمش بقا كيصوني يصوني يصوني تا جاوباتو... غير حطات لفون على ودنها و هي تسمع صوتو...
خلدون: "بهدوء" غادي تخرجي عندي داااب و إلا قلتي لا تحملي العواقب....
قطع معاها مخليها كترجف... شافت تا عيات و هي تنوض شافت الدراري مشغوووولين و كيلعبو...
ناضت هاكداك ببيجامة مزيرة جاياها مع طايتها كيوووت و هزات تيليفونها و خرجات...
وصلات لبرا و هي تبان ليها جيب زوينة فالأسود موديل قديم شي شويا...
في حين هو غير شافها كلاكصونا عليها تا قفزات...
بلعات ريقها و قصدات طوموبيل... حلات لباب و ركبات حداه و ديمارا بلا كلمة بلا جوج... تا بعدو على لفيلا.... و فرانا و سطاسيونا في جنب...
مريم: "بتوتر" ممم كك مشات مرات ولد عمي تولد و هو طاح بكريز و كنت مقابلا دراري ما شوفتشي تيليفون....
خلدون: "حنحن" مزيانين بعدا لمرة لي كانت معاك ياك...
مريم: اه هي لحمد لله داب راهم مزيانين... احم بغيت نقوليك اسي خلدون... عافاك ما تبقاشي تتاصل بيا خاي و بابا ماكتعجبهمش لحال... انا مرأة مطـ ــ. لقة هاد 5 سنين... و ما جاتش نبقا خيطي زيطي مع شي حد راه فعمري 31 سنة.. مناشي مراهقة...
خلدون: "حك لحيتو و دوا" و شنو يمنعك كمطـ ـلقة تعطي لراسك فرصة في أن....
مريم: "حبساتو بزربة و ما خلاتوش يكمل" سي خلدون بسلاما عليك انا مبغيتشي فرصة واحدة أخرى... صافي يكفي لي فات.. و اصلا نهار تعرف حقيقتي مغاديشي تولي تشوف لجهتي لذا لله يخليك... متوليش تعا تدوي معايا... انا ماشي مزيانة كيف كنبان... و انا سباب تا طـ ـلقني راجلي...
قالت ليه هاد لكلام و جات نازلا و هو يشدها من يدها مزير عليها و حول ملامحو لشراسة ما بقا لا هدوء لا ستا حمص....
خلدون: "بحدة" اشنو قضيتك نتي هاه... تخليني تا نبني و نعلي و تجي تريبي هاه...؟!! انا ماضيك مكيهمنيش كيهمني الحاضر ديالك و اش كديري داب و اش وليتي...
مريم: "عنيها تزلجو بدموع و دوات بجمود" انا حطيت عيني فراجل لي كتبغي بنت عمي... و غواتو و طيحاتو في شبكة و نعـ ـست معاه بلا زواج و حمبلت منو... بأسعد ولدي... و بقيت كنمثل ختى تزوجت بيه و في الأخير ما بقيتش قادرا نزيد نصبر عتارفت ليه بكلشي و كرهني و طلقنا... داب عرفتي علاش كنبغي نبعد عليك هاه... واش انا كرهت نعطي لراسي فرصة و نشوف حياتي من جديد ولكن... غادي ترجع مريم لقديمة لي مكيهمها حد من غير لي كتبغي...
دارت عندو بعنيها دامعين فحال شي قطيطة... و دوات و هي مبتاسمة بمرارة فاش شافتو كيفات كيشوف فيها و دوات: شتي حتى نت تصدمتي... اوا هكدا يكون حسن باش تقلب لراسك على بنت ناس لي يكون ماضيها نقي... حيت انا منصلاحش ليك نهائيا... انا فـ•ـاسدة 💔
قالت كلامها و جات تهط و هي تحسو جرها لعندو تا تخالكو أنفاسهم و دوا ببرود: انا نوصلك مين جبتك ابنت ناس...
بعد عليها و هو كيشوف في عويناتها لي دموع ردوهم بحال شي حجر كريم.... تنهد و دور عنيه بالزربة و ديمارا و كسيرا...
بقاو غاديين في الطريق تا كيصوني تليفون لمريم... هزاتو كتلقا نمرة من دار.. تخلعات و جاوبات تم تم...
أسعد: اه زربي اماما راه تاصل داك بابا لخايب و غير شويا و غادي يجي...
مريم: ششش ماتقولش هاكدا على باباك... قطع داب تانجي راني قربت لدار...
أسعد: واخا اماماتي...
قطعات معاه و حلات واتساب لقات أرجد مصيفط ليها ميساج انو باغي يشوفها هي و أسعد...
خلدون: "بجمود" مزال كتبغي باباين أسعد...
مريم: "طلعات فيه راسها و دوات" مكنتش اصلا كنبغيه.. كنت كنغير من بنت عمي حيت كاع ناس كيبغيوها...
خلدون حرك راسو بالإماء و فرانا حيت وصلو... يالله جات تنزل و هو يوقفها بكلامو...
خلدون: متفاهمناش ابنت ناس جوبونس خاصك وقت تفكري فهذ الفرصة.. حيت مكيهمنيش ماضيك سوا عرفتو سوا لا حيت حتى انا منقيش... حتى انا قاتـ ـلت روح بيدي و يالله 5 سنين هادي باش خرجت من لحـ ـبس كان محكوم عليا ب 15 سنة ديال الحبـ ـس قتـ ـلت با و أنا عندي 17 سنة...
دارت عندو مريم مخرجة فيه عنيها بفزع من أش قال لقاتو مبتاسم بهدوء... و بداوكيقرب ليها تا ولا وجهم قريييب بزااااف و حط يدو كيدوزها على حنكها و دوا....
خلدون: "بصوت خشن و هادء" انا غادي نبقا نتسناك... عندك لوقت لكافي... و غادي نجيب لوليدة و نقصد داركم... ولا ما قبلوش نخطفك نتي و أسعد... لموهيم درتك في بالي ما نمشي تا نديك لداري...
ختم كلامو بقبلة سطحية جنب شفايفها و بقااا تا حساها بغات تبعد و هو يبعد و شاف فيها و دوا....
خلدون: يالله سيري و هاد لبيجامة خلفي بيها فدار و ما يكون حد راه مزيرة و أنا مغياااار "و ختمها بغمزو"....
رجفها ولد لهم بخدايمو بقات غير كتسرط فريقها و تدور عنيها... حتى مدات يديها لباب كترجف وحلات و خرجات... خلاتو حاط يديه على صدرو كيحك فيه و مبتاااسم ... و هاااايم فيها... مع أنو عرف ماضيها إلى أنو ما عطاهش أهمية بالعكس ... زاد عجبو لحال انها فنهار لول قالت ليه كلشي ... اصلا من نهار فاش دخلات فيه و هو يطلب ربي في كل صلاة يولي يعاود يتلاقاها و تكون من نصيبو و أكيد مريم العلامي سااااهل تعرف عليها أي حاحة راها بنت صاحب مجموعة فنادق «دايموندز لعلامي»... بقا على ديك الحال حاصيها ... تا كيعقد غوباشتو و زير على يدو....
نخليوهم و نمشيو لكازا عند تينور و فاطمة....
هذالأخيرة لي كانت مجبدا فوق النموسية متكيا بملل حسا بكم هائل ديال الملل... حيت دار خااااوية ليلى و سيف و لحاجة و دراري ف فاس و إيمان و تيمور تابعين القضية ... و هي راسها في لبيت ... جرحها يالله جديدة لي في عنقها و كيعطيها صداع و كتفكر غير داك الملاك لي للأن ما عارفاش سميتو....
مدات يديها لتيليفونها كتفحص مواقع التواصل لي كلها بوسطات على القضية ديال لحمداوي لي تحولات لرأي عااامة و موجة غضب كبيييرة ختاحت كل مواقع التواصل لا فايسبوك لا أنتقرام و ما إلى ذلك....
تنهدات براحة و خرجات لواتساب و هو يطلع ليها اول ميساج من عند تيمور
📩بنت قلبي كي صبحتي...
شافت في الساعة كان صيفطو شي ساااعة هذي و هي تولي ترظ عليه
📩لاباس لحمد لله فين وصلتو...
خلات لميساج لكن ما كانش كونيكطي ... حطات لفون و ناضت وقفات بزز حيت مزااال عضلاتها في حالة ارتخاء... و مشات خارجة لبرا....
في حين تيمور كان يالله خرجو هو و إيمان من عند عبد الحليم لي تشد في إنتظار النطق بالحكم في المحكمة....
جمعيات حماية الأطفال كلهم دايرين إحتـ ـجات و كيطالبو بأقصى العقوبات في حق المجـ ـرمين....
مشاو لطوموبيل ركبو و ديمارا تيمور و نطالقو في إتجاه الشركة يستانفو عملهم....
كان الصمت سيد الموقف... و تيمور كيحاول يجمع شجاعتو و يدوي لدرجة انو تفاحة آدم في عنقو كتحرك بزربة تا وقفاتو إيمان و هي مصغرا فيه عنيها....
إيمان: حبس حبس المرضي و سطالي في جنب... و نطق شنو عندك من صباح و نت ترعد عليا كي لولـ ـيات....
تيمور: "حنحن و حك لحيتو من بعد ما دار اش قالت ليه و دار عندها و دوا" و داب نتي شحال من هام باش كتعرفيني...
إيمان: من لي كانت عندك 18 عام...
تيمور: إذن بحال ولدك ياك...
إيمان: "خرجات فيه عنيها" للللللهلا يحيك و يطيح زمان عليك... انا قد مك يا رعواني هاه... انا قد صغيرة في خواتاتك و كتقول ليا مي لله يعدطيك د،، ل...
تيمور: ولاااا و زعما حنى عشرة سنين و عاجناني على يدك ياك...
أرجد: "مكمش ملامحو و مخنزرررر" أسعد اش كتقووول....
الحياة كتعطيك فرص يقدر نت تشوفها نقمة و ما تستاغلهاش و تتخلى عليها... لكن فاش كتعرف بحقها كتلقا راسك خسرتيها... بالعربية تاعرابت تخـ..ـورتي فحاجة ما كنتيش عاطيها قيمة..
و هذا شي بالضبط لي وقع لأرجد لي تااا مشات عليه مريم عاد عرف بحقها كانت تهز هبالو و تخاف عليه واخا هو كان كيعنـ ـفها و يضربها فاش كيجي سكـ ـران تقاد ليه قهوتو و تجلس معاع بعد المرات كان كينعس معاها لكن معمرو نطق إسمها في العلاقة ديما كينطق غير اسم ليلى... ليلى كانت بحال شي شبح ديما كتلاحقهم...
لكن حاليا هو بغا يرجعها و يعيش معاها واخا نفس لحياة و يمررها عليها لمهم تكون حداه كيف أقسم نهار عرف الحقيقة... لدرجة انو فكرة أنها تكون مع غيرو دخلات كي سم مع عروقو لي برزو و تنفخو ولا حمرررر و زاد ما بيه ولدو لي ديما كيفصح ليه عن كرهو... حاليا أرجد أكثر واحد في الدنيا تعيش و وحيد و كيزييييد يزيرها على راسو...
في حين هو في صراع مميـ ـت في الداخل ديالو أسعد عنق خلدون و زير عليه و نطق بكلمة هزات قلب أرجد حتى لفين علات و تزدح مع الأرض ولا فتاااااات....
أسعد: "مزير على خلدون و كيدوي" وااااو أحسن صاحبي... ولكن ماخاصش نقول ليك صاحبي... داب نت راه وليتي بابا الجديد...
خلدون بتاسم بحب هو كذلك و دوا: انا بحال باباك... شتي عندك الزهر عندك 2 آباء.... أنا "و علا عينو ف أجد" و باباك...
مريم حداهم غير كتفرك فصبعانها و تصرط فريقها و تدور يمين و شمال باش تشوف واش شي حد جاي... تا نطق أرجد
أرجد: "جبد أسعد من عند خلدون بعنف" كيفاش 2 آباء ولا ز،،، بي... هاه... انا بوحديتي لي باه بوووووحدي...
أسعد: "تنهد بحزن" اااااوف عودتااااني أبابا ما عييتيش من فينما تجي تبكي ماما و تديني بسيف هاه...
أرجد: "هبطو و نزل على ركابيه و حاوط وجهو بين يديه و دوا و عنيه خارجين و لعروق ديال جبهتو برزو" انا هو باباك... انا بوحدي هو عمو... عمو ماشي باباك... انا هو لي عاطيك كنيتي و نفديك بروحي و دمي... انا بوحدي لي تقول ليا بابا... اه انا و ماماك مخاصمين... و كنت شحال هادي كتضربها و نغوت عليها ولكن داب لا... داب بغيتك تكون حدايا ديما و تبغيني و تحسسني بأني باك... عارف عقلك كبييير و فااااهمني... انا بغيت ماماك نرجعو تاني و نكونو بحال عمك هيثم و سجود....
أسعد: "بتاسم بفرح و دوا" صافي هو عمو و نت بابا صافي و انا مسامحك... ولكن مهنخليكش ترجع مع ماما... حيت هي كتبغي عمو خلدون و حتى هو كيبغيها و أنا عطيتو لكلمة ديال الرجات أنني نزوجو بيها... و حتى نت فاش تبغي شي وحدة غادي نمشي معاك نخطوها ليك...
بتاسم بحصرة كاتم الغضب ديالو باشما يزيدش يكره ولدو فيه و دوا: انا غادي نمشي داب غدا وجد راسك باش نمشبو انا وياك لبلايص لي كيعجبوك...
أسعد: "قرب باسو في حنكو و دوا" واخا ابابا صافي غدا نوجد راسي...
باس راسو و بعد عليه قاصد طونوبيلتو بالخيبة ديالو بقلبو مزير و كيحرقو... عرف انو خسرها نهائيا و خسر ولدو معاها... لكن بالمقابل واش هي بريئة لا لا... هي لي ضمرات ليه حياتو... هي سبابو فهاد شي لي وصل ليه... واش غادي يخليها في حالها...
ركب فكونوبيلتو و على وجهو نضرة باااااردة سوداااوية مكتفسرش ديمارا بكل هدوء عكس اش فالداخل ديالو... مد يدو لافيست جبد منو قرعة كتكون عندو دشراب حلها و بدا كيسقي عطشو ببطء و عينو على طريق نظرو. الثاقب بحال شي نسر 🦅 و بين عنيه مريم... اكيد ميدوزهاش ليها بالساهل...
نخليوهم و نمشيو عند الحباسة ديالنا 😂😂
خلص عليهم عبد الجبار الكفالة و كانو خارجين من بعد ما دزو تجربة كي قال سيف جاااامي ينساوها... ركبو فطومونوبيل هو وياها و كسيراو راجعين لسبيطار...
سيف: "كيشير ليها لكرشها و يدوي" كنضن جا لوقت لي حتى نتي تعمر ليك ديك لكريشة ياك...
ليلى: "عضات على شفايفها و دارت يديها على كرشها و دوات" ممم ماقلتي عيب... ولكن بشرط...
سيف: "عرف حاجبو" لي هو...
ليلى: توحمني كيف بغيت و لي تشهيتها تجيبها ليا نتشهاك تا نت تبقا حدايا تبقا صافي...
سيف: "شد يدها و باسها و عينو على الطريق" نتي غير فرحي قلبي من جديد و خاوي ليا ولادي و لي طبتيها حتى لعندك في الحين توصل... أغزالي...
ليلى بتاسمات و قربات حطات راسها هلى كثفو...
كتحس بحب كبيييير تجاهو سيغتو هاد النهار لي نقد فيه خوها من لمـ ـوت ولات كتشوف فيه الأمان ولات كتشوفو بمثابة باها....
نخليوهم يا سادة و نمشيو عند واحد سيدي غسان... لي كان واقف في زحام و لفيروج قدامو شاعل بالحمر... و لوطو قدامو كبيييرة واقفة... و على جنب الطريق جالسة مرا كبيييرة في السن لابسا عباية كحلة كاااشفة و شال كحا و دايراه خـ.. ـمار و هزا فيدبها بوكي كبيييير في الورد حمر... و كتبيع بالورد...
غسان ما دا مجاب في المولات لورد حتى كتبان ليه لوطو لي قدامو تخلات لباب ديالها و هو يوسع إبتسامتو بدهشة فاش شاف شكون خرج منها.....
خرجات بكل حيوية و نشاط من طوموبيل بلباسها لي حدو قدو هههه كسيوة فلحمر ديال الصوف حد لفخض و بروطكان كحل و صاكادو كحل...
حيت غير شافت ديك لمرة هاكداك ما قدراتش تتحكم في راسها... خرجات كتجري بحماس قاصدة لمرة... وصللت لعندعا و حنات قفازية و دوات بحماس: سلام اخالتي لاباس عليك...
المرأة: "طلعات فيها راسها و دوات" و نحمدو لله ابنيتي...
بشرى: لحمد لله... احم احي بشحال هاد الورد...؟؟
المرأة: 10 دراهم أبنتي للوحدة... تشي وريدة يا لوريدة....
بشرى: "زقفات و جبدات من صاكها عرمة ديال الزرقالافات و مداتهم ليها و دوات " هاكي هادو شوفي واش قادين انا مكنعرفش نحسب لفلوس ديال المغرب...
المرأة: "عينيها حوال" ولا ابنتي راه بزاااف هادشي ويلي ويلي هادي راه خلصة...
بشرى: "شدا لبوكي فيديها و كدوي و هي غاديا" اوا صافي غير خلي ليك لباقي و متخدميش غدا رتاحي صافي و إلا عجبني لورد ديالك ديما غاديا نبقا نشري عليك...
زادت هازا فيديها ديك لبوكي و هي فرحاااانة بيه و مع طريق محبوسة بزحام ديال طوموبيلات و ناس كيدوزو... مشات يقات كدور عليعم طموبيل بطوموبيل كتفرقهم عليهم....
ولمرا لي دازت من حداها كتمد ليها وردة حتى وصلات حدا طنوبيلة عاااالية رونج كان مطلع زاح فومي و كيشو فيها و هي كتقرب لعندو... تا وصلات و بدات كدق في النافدة و هي كتسناه يحل بقا ساهي فيها و هي كدق... ضغط على واحد لبوطون و هي تبدا الزاجة تهبط...
ليلى والذئب الجزء 22
محتوى القصة
التنقل بين الأجزاء