حكاية أنثى الجزء 45

من تأليف لبنى السرابي
2021طور الكتابة

محتوى القصة

رواية حكاية أنثى

فاقت كتكسل فبلااصتهاا جوج نوامس جنب بعض بنفس لكوفرلي فلكري ...ناعسة فجنب انصاف وشعرها الاشقر مغطي وجهاا ...ناضت هيبة بشوية هزات لاتخوس تاع لماكياج وخرجات لدوش ...من بعد روتينها الصباحيي صيبات وجههاا وشعرهاا لي زاد طوال

مشات لبيت لبسات عليهاا دغيا وخرجات لكوزينة كانت الغالية حاطة ليها لفطور فطبلة فلكوزينةة

الغالية:صباح لخير
هيبة:صباح النور اماما ...

الغالية:معاش عندك الرونديفو

هيبة:دابا راه تسعود ...عندي مع لعشرة
الغالية:اتديك اقبال

هيبة:كترت عليها وهيا متقلة ...انعيط لبراهيم يجي يوصلني وصافي
الغالية:اوى متعطلييش...غنديرو لغدا مجمووعيين

هيبة(بابتساامة )عاررفة ..مغنتعطلش

هزات صاكهاا وخرجات من دار نازلة فالدروج كتاصل بابراهيم مول الطاكسي مبغاتش تخرج من لعمارة تايوصل ...وصلات حدا باب لعمارة وقفات كتسناا ...حتى قفزها صوت شهيد وراها

شهيد: علاش مدقيتيش نوصلك
هيبة:خلعتيني ...مبغيتش نبرزطكم تاصلت ب براهيم يجي يوصلني
شهيد(ميل راسو ) طلعي نوصلك اشمن تبرزيط ..طلعي (كيحك عينيه باقي فيه نعاس لابس سورفيت وتيشورت بيض وسبرديلة

ركبات معاه كتاصل ب براهيم ميجيش.

شهيد:هضري معاه ينقص ليك من لادوز تاع دوا اهيبة ...دابا عاام دااز

هيبة (كدور فخاتم صغير فصبعها صغير ) حاولت اشهيد حاولت ...مزال حاسة براسي عياانة ...زنقة مزال مكنقدرش نخرج ليها بوحدي


شهيد:منااش خاايفة ؟منااش ...واش عند بالك نتي بووحدك ولا تااحد ميقدر يمسك اهيبة...وراك ختك ورااك انا وجاابر ..الف مرة كنقولييك ديريني خووك
هيبة(بابتسامة ): دايراك خوياا وكتر اشهيد وربي عالم ...نتا وجابر خوتي لي معطاهمش لينا الله

شهيد:وهانتي قلتيهاا ! وليي قدات فييه يوصلك ...(دار صباعو جنب راسوو )خوي رااسك من هادشيي ...عيشي حياتك

وقفها حدا لعيادة تاع طبيب وقال:نهبط معاك !
هيبة:نن مكاين لااش ...انمشيي بسلامة
شهيد:بسلاامة

تسناها حتى دخلات لعمارة وزااد ...دخلات لداخل كتسناا نوبتهاا شادة صاكها بين ايديهاحتى بدا تيليفونها كيفيبري ...هزاتوو لقات نمرت هشام مقيداها ب ديغيكتور ...

خرجرات حدا لباب وشدات لخط

هيبة:الوو سي هشاام
هشام؛هيبة نبغي نجي نلقاا لحساب تاع لحدييد وااجد

هيبة:سي هشام ياك طلبت منك ليوم منجيش
هشام:امتاا هدشي ؟
هيبة:لبارح مع ستا وقلتي ليا ؤك

هشاام:ااه باغدون نسييت
_هيبة ...تفضلي
هيبة:واخة ...
هشام:لمهيم غدا مع صباح نلقاه واجد داكوغ

هيبة:داكوغ

دخلات لمكتب ...كالس كيقرا فضوسي ديالها تبسم فوجها وقال: توحشنااك اهيبة
هيبة:حتى اناا
د:صافاا ...اش خبارك شي جديد

هيبة: غيان ...من غير ختي اييتزاد عندها ولييد...اول حفيد فالعائلة ديالناا
د:اوو مبرووك ونتي شنو جديد حياتك ؟ حاولتي تخرجي بوحدك ؟

هيبة:مزاال ! خايفة وببزاف
د:موضوع طليقك مزال !
هيبة:كنحاول نسا وصافي


د:الموضوع داز عليه عاام اهيبة ...خاصك تعايشي مع الحياة بطريق سااهلة متعدبكش ...طليقك معندو فاشش يديك

هيبة:واحد نرجسي نتوقع منو كلشيي
د:الوقت غتنسيه فييك ...عيشي حياتك بشكل طبييعيي ...(كيكتب )غنقص ليك من كمية دوا ...باش تحيديه فمرا وترجعي طبيييعية

هيبة:ديال نعاس متنقصووش ...جربت بلا بيه مقدرتش
حرك ليها راسو بواخة وكنش ليها وخرجات خلصات وهبطات لقات طاكسي كتسناهاا

***

فاقت وكريشتهاا سابقاها شوية ...رغم انها فبداية التامن مباينااش فيها لي شافها يعطيهاا ست شهور الى كتر ...رتبات دار ودخلات لكوزينة تصايب لفطور ...دخل شهيد بلكومير

شهيد : فقتي (حاوطها بايدو من اللور وداعب كرشهاا حركهاا تحس بلحركة وتبسم بفرحة وقال) فاايق مع راسوو
اقبال(تاوبات) : انا لي وليت نعااسة

شهيد: الراحة مزيانة ليك ابيلوو ...ومزيانة لبيبي حتى هوا
اقبال:ياك كيقولو نعاس كيغلض لبيبي ههه
شهيد:هاديك غير هدرة شهور اللخرة خاص لمرا ترتااح تنقص غير لحلاوة ولملحة ميغلاض والو

اقبال(غمضات عينيها بوجع )فف احح
حط لي فإيدو وجا عندهاا مزرووب شد فيها :باش حسيتي ! وجع ولا شنوو
اقبال(كلسسات )شي مرات كنحس بنغيز لتحت
شهيد(بحب باس جبهتها ) حيت شد بلاصتو وتقبل ..ايبدا مرة مرة يزيرك ...كلسي رتااحي انوجد لفطور

حركات راسها باه وكلسات شادة معاه لهدرة حتى حطو فطورهم

***
مستفة جوج شانطات كباار او وحدة فلبيض فيها رسمات زرقين تاع لولاد ...عامرة حوايج لبيبي وكريمات وشنو ايحتاج رولاكس وبوسيت فلكحل كلشي فلكراطن كتخرج فلباليزات وسيكيريتي ديال لحي كيديرهم لفووق فين قدات ليه لبلاصة عمرات لكوفر او فوق طموبيل او اللور تاع طموبيل ..خلات بلاصتها وبلاصت محمد لي معمراتهاش

محمد: لوراق ديالك عنداك تنساايهم
حياة:هزييتهم
محمد:اياي احياة اتخوي عليا دار !
حياة:مبغيتيش تمشي معاياا
محمد؛واحد الراس كيقولي نمشي ندوز معاك ان سومين ونرجع
حياة: خفت علييك لتعدب فالسفر ...بقا حتى تبعني فطيارة احسن
محمد:حتى هدا حل ...ياله سوݣي بيناا

طلعات لبلاصة السياقة لابسة شورط قصير وتيشورت خاشياه فيه لداخل ...شعرهاا مصايباه وجامعاه لفووق ..دايرة حلقات دهبية ملونة ونضارات شمسية

محمد:فينما عيتي نوقفوو فشي اوطيل نرتااح ...قدامنا عشرة سوايع منديروهاش فنهار واحد !

حياة: صافي مزيانة حجة وزياارة نسوق واحد ربعة سوايع ونكلسوو باش حتى نتاا متعياش

محمد:لهلا يخطيك

لابسة كسيوة لارج تحت من الركبة وكلاكيطة رجيلات منفوخيين وتزاد لوزن لقدام حمرين ورجلين بوويض ..كريشة جاتها كيووت ..شعر كحل طايح على كتاافهاا وصدر منفوخ مهزوز ...شدها شهيد من ايدها وقال:نطلعو فالسانسور لاش دروج

اقبال:حبستيني فداار باش منمشيش لخدمة ...بقا غير تنعسني نهار كلوو
شهيد(قرصها فمؤخرتها )باغيك ترتااحي ....اش هادشيي تاني تزاد فرطوبية (بااس شفايفها )انحملك كل عام لكنتيي اتولي سيكسيي
دفعاتو عليها وقالت : حلم

سد باب دار كيضحك وطلعو فدروج لدار لبنات لي كان باب تاع لحديد مشبك عاد لباب تاع لعود محلول تاع لعود ولاخر مسدود

اقبال: انصااف

جات كتجري حلات لباب
انصاف(خلات شهيد تدخل وقالت:عندك ولد ههه
اقبال:ايييه ههه
انصاف:شنو غتسمييوه !
انصاف:إسماعيل ان شاء الله
انصاف:وينوو ...الله يجيبو على خير ياربيي ونفرحو بييه ...متشوقة ليه والله كيعجبوني دراري صغاار

اقبال:ان شاء الله
انصاف؛اقبال ..لي باݣ ضروني

شهيد:يكما زيرهم عليك !
انصاف:ماعرفتش

شهيد:رجعي باش يقاد ليك لعبار الى ضروك بزااف

فهاد الاشهر تبعات مع طبيب كل مرة كتقاد ضرسة مسوسة حتى سالات او دارو ليها لي باك بحكم كانو عندها سنان لقداميات وحدة على وحدة ولخرين مفروقين كان خاصهم يتجمعو

انصاف:ممم ضروري نرجع عندوو...عند طبيب

شهيد:واخة جيبي واحد كلامونيط نقطع ليك السلك

اقبال:ضحكات )سيري تالتنين ونرجعك عندوو ولا يكما كيضرك بزاف

انصاف(ندمات كاع )لاا لاا صافي ..
الغالية(طلات من لكوزينة ) على سلاامة
اقبال:الله يسلمك ..هيبة مزال!
الغالية:مزال
اقبال:بلاتي نسول فيهاا

صونات عليهاا كتهدر معاها تسمعو لباب او غيتة كتهدر مع انصاف ...سلمات على شهيد مشات باست اقبال وكلسات حداها باست كرشهاا كتهر فيها

اقبال:صافيي راحنا فدار
الغالية:جاية !
اقبال(حطاتو )ايه هاهيا قريبة فطاكسي

جابر:مزال مبغات تحيد دوا !

الغالية: علاه هيا كرهات ! مزااال راه مكالميها غير هوا الى حيداتوو ترجع لحالتهاا

جابر: وا قلة الايمان هاادي ؟ غتجي نهدر معاها واش خمسة وعشررين عام كتسرط فدواياات لاكتئاب وزمر
شهيد:غير صباح وصلتهاا ...عيت معااها وهدشي منااش تشكيت لاقبال نهار اللول ....دوا الاكتئاب هوا هداا الى ولفتيه صعيب تعيش بلا بييه

اقبال:وااهيا لي جاتني صعييب تقساح مع لوقت

غيتة(كداعب كرش اقبال)بيلوو نسمييه ؟
اانصاف:سماوه إسماعيل عجباتني سمية

غيتة:زويينة ...فيا جوع مغتحطوش لغداا !

ناضت اقبال لعند الغالية تشوف اش كتوجد وخة ريحة دجاج محمر عااطية

جابر (قرب لغيتة ونطق جنب ودنها مخلي شهيد ملاهي مع تيليفون )الى عجباتك لكرييشة ...ندير لمو سالف وحدة بحالهاا

غيتة(شافت فييه وشافت فكرشو )براكة غير كرشك
جابر:هادي عامرة شحمة ندير ليك وحدة عامرة بشي بخوشة ...وخير مني الالة نخليك تسمي لي بغييتي ياااااله

غيتة: بعد بعد
جابر(قرصها فكتفها )اوى راه صبرناا معااك تطاب الجهد ...ديك لكينة لي كتشربي كل نهار (خرجات فيه عينيهاا )خرجي دوك لعينين رااهم صغاار !...يكما احساب لييك حمار بودنين اناا ؟

ملحق 1 (04/07/2021)

غيتة(بغنج )نتا كبودي بو كريشة
جابر:بعدي لهييه بعدي

شهيد(سالا هضرتو )اوا اباا جابر ...بدلتي الطموبيل باقي ؟

جابر:مزاال معرفتش بغيت نخرجها دوبل في حسن لقديم ديماا كتبقا تابعو بصلييح

شهيد:والصاارحة
غيتة:عندك فلوس الطموبيل ...وفلوس تسافير لاا مزير
جابر :اه مزير ...كتساليني شي حاجة

ناضت بنتير وقالت فنفسها :بناادم

لغدا وجد كيتسناو غير هيبة ...لي جات وفاييديها صاشيات تاع ماركات لحوايج دياولهاا ...سلمات على الكل ومشات حطات كلشي فلبيت ومشات تعاونهم

حطو لغدا دجاج محمر من غير انصاف لي مكتاكلش دجاج دارت ليها مريقة بلبرقوق شوية حاطاه فوق طبيلة صغيرة ...هزات ليها غيتة لحمة ودارت لبلاصتهاا


الغالية:وتاااكلي فاش طيبي وميبان فييك

غيتة:مالها هيا حاطة ليها لحم وحناا دجاج !! قريب نوليو نقاقييو هناا
اقبال:جاابر ربط مرتك
جابر:مرتي طرطݣات ليا مرارتي

هيبة:ههههه والله اختي مكتحشمي

شهيد: عندك الصح اغيتة مقلتي عييب

الغالية:اوى باااز تاكلو ما تعقلو

كملو ماكلتهم بضحك ونشاط سالاوهاا ب ديسير وكلسو
شهيد(فودن اقبال)كبيدة ... هاني جاي
حركات ليه راسها بااه ونااض خرج ...ماشي بزاف وناضت هيبة خرجات بحجة طالعة لسطح ...مشات معاها غيتة

بقات الغالية او اقبال وجابر اما انصاف مشات تغسل لماعن وخة عياو فيها تكلس ...كتحشم من جابر مزال شهيد زعمات علييه بضحكو ونشاطو

اقبال:كنصوني لحياة الخط مشغول
الغالية:وعلم الله فين شداهاا
صونا تيليفونها وجاوبات :وي شهيد

اقبال:شورط لصفر فينهوا ؟
اقبال:صفر؟ اشمن صفر
شهيد:ملقيت حتى شوورط اصااحبي ...هبطي هبطي
قطعات معاه وقالت:نمشي نشوف شهيد اش بغاا

نزلات بشوية عليها فدروج ...مرة مرة يتحرك ليها لبيبي فكرشهاا وتحط ايدها علييه ..الامومة شي حاجة فطرية معانا حنا الاناث كتفيق فأول دمية كناخدوها كنعطيوها لحنان ونعاملوها كأنها من لحمنا ودمناا ...عساك جنين كابر وسط الاحشاء ديالك فكل حركة كتبغي تعنقييه فيها وتقولي ليه انا حداك ...

♥️♥️لهلا يحرم أي مرأة من هاد الاحساس ...يارب♥️♥️

دورات لبواني تاع داار ودخلات ...مع سداتوو ودارت تفاجئات بيهم بتلاتاا متوسطاهم غيتة شادة حلوة كبيرة فيها صورتهاا وهيا ضااحكة بقات كترمش فييهم
شهيد(هاز مفرقعات فايدو وقال )بلااا متخلعي هه (طلقهاا وطار عليها داكشي ملون
غيتة وهيبة:سنة حلوة ياا بيلووو ...سنة حيييلوة يااا بيييلو


قرب ليها شهيد وهيا مصدومة كتشوفيهم جرها عندوو وحل لباب لغالية وانصاف وجابر اللور عاد نازل

اقبال:ههه مدرتو ليا عيد ميلاد حتى شرفت !
هيبة (عنقاتهاا ) عيد ميلاد سعيد ...يا أحن اخت فدنياا
اقبال:شكراا(بامتنان )لهلا يخطيكوم

غيتة؛وطفيي شماااع غيدووب ....(لفوق مكتوبة 29 سنة طفاتها كضحك ونطق شهيد ممازح ؛مرحبا بيك فتلاتيناات تشبعي غا ضحك....قوليها اجابر قوليهاا

جابر(حرك ليها رااسو بشكل دائريي طانز ) مكاين ميتقاال كلشي بااين غير لي بغا يتعامى

هيبة:هههههه حشومة علييكم ...اصلا تلاتينات هوما الاوج تاع النسااء گالاك

شهيد:واخة
غيتة:انا بعدا تلعشرين مزال معرفتها كي دايرة

جابر:شدي نتي غير لارض
الغالية:اوى ونتوما تاكلو لحلوة واناا

غيتة شافت فهيبة وغلب عليهم الضحك حتى ضحكو شهيد وجابر واقبال كلشي عارف علاش كيضحك الا الغالية وانصاف لي عينيها غير فلطارط حمقاتهاا

حياة:واااا النم ولقرووودة وشيااضمة بلحوحتي خرجت ...تاكلو فيها جغديد

هيبة:ويلي نسيت تيليفون حدا لباب ههههه
مشات كطير جابتو وهوما كلسو فالصالة ..دايرين ابيل مع حياة كالسة فوق سرير فاوطيل مشاركة معاهم نهارهم بابيل فيديو مكرهاتش طير وتحط عندهم

شهيد:قطعيي احبيبة

ضرباتو لرجلو ونطقات مابين سنانها وقالت:تء شهييد

سمعاتو غيتة وبقات كتششوفيهم وشافت فجابر لقاتو كيشوف فيها وقال بعينيه اش كاين

غيتة(عوجات فمها وقلبات عينيها لكاطوو )عطيونيي هاد الطرف
شهيد:عطيني لعينين كيبانو بنان

هيبة:هههههه نديرو حجرة ورقة مقص ههه

شهيد:حاط فيها فلووسي هادي قلاك حجرة ورقة مقص

جابر: وباااز ههههه
الغاليية: قسم ليا شويكوك غاااندوق انتهااوش

شهيد(شد لموس قطع طرف لصق فلموس ومدو ليها كيضحك )هاكيي
الغالية:اهيا ميمتيي (مسحاتو بصبعهاا كطلمط )محلوااااش بلعمى

جابر:مصايبينها بلماا ؟ نوضي الله اهديك

الحلوة تقسمات مرة مرة الغالية تحط صبعها فطبسيل انصاف تجر شوية من لاكريم تبننهاا ويبعدو عليها الطبسيل كيضحكوو وحياة معاهم على الخط

غيتة (طارت لصاكها جبدات كرطونة صغيرة مغلفة مداتها لاقبال:بيلوو اولكادوو ...حلييه وقولي ليا كيف جاك ههه
اقبال:يا بسم الله ههه

حلات لبواطة كان فيها اونصومبل تاع النقرا بحجرات فلبيض تبسمات وقالت:شوووكرا غزاااليين بحالك

غيتة(رجعات شعرها اللور بافتخار )انا لي ختاريت
جابر(داير رجل على رجل ومرجع ضهرو على لمخاد شاد طبسيل تاع لحلوة كياكل )وانا لي خلصت

غيتة:هيهيه الله اخلف علييك

هيبة(جبدات صاشية من لي جابت معاهاا قبيلة )ها لكادوو تاعك ...قبلي عليااا ههه

جبداتها كانت كرطونة طويلة شوية من سكاندال... باغفان دوريجين ..ومعطر لجسم ...وبواطة مربعة لفوق حلات لخيط ...كانت ساعة نسائية رااقية من النوع المفضل عند اقبال ...بسماطة جلدية تاهيا ماركة دوريجين من كازيون وسمطة وحدة خرا سوكور للحفالات الى بغتيتي تبدليهاا

اقبال:هيبااا هدشي كتيير علييك

هيبة(عنقاتها )هدشي شوية ملي كتساليناا اختيي ...لولادة وغنجيب ليك كادوو حسن هههه

غيتة:بيلووو عطيني نشمها واعرة هاد الرييحة (شداتها وخنزرات فجابر وعاودات نطقات)وااعرة كااع

جابر(هز حاجبو وقال )شحال هادي

هيبة:هههه وهوا لكادووو مااا كيتقالش ولكن ب 800 درهم بروموصيون

جابر(ضحك )فاش قصرات معاك ريحة لعبار


الغالية (كتقلب فلفواطة باش شادة لبيجامة طويلة )ويليي الله يدكرنا فشهادة نسيت لكاادو

هيبة:مممم هاي هاي على مماما ولكاادوو
انصاف:نمشي نجيبوو !
الغالية:اخليك متعرفيش

انصاف (باستحاء مدات لاقبال صاشية )عارفااهاا صغيورة وتستاهليي كتر اختيي
شداتها وقالت:غير نتي معانا فالطبلة احسن حااجة ا انصاف

غيتة:او حنا شنوو بيكاتشواات
جابر:لااا حول ولا قوة الا بالله
حياة: هيبة صوري ليا هدشي لي بقاا حموااالديك ...نمشي نعس عيني كيتلصقوو
هيبة ؛واخة اختي
شهيد(كيشوف لكادوات )هدشي لبعتو يجيب التمن ؟

جابر:تشري غالي وتبيع برخيض
دخلات الغالية وسدات الباب ف حين اقبال كتحل فلكارطونة تاع انصاف لي مسكينة كتجمع ريال وخوه باش يوصل هاد نهار وتاخد ليها شي حااجة ...لقات سباط ابيض من التوب ديال لي بيبي ...او لبيسة ديال زيادة بيضة ومرسوم فيها لوسط نحلة فوق وردة للاولاد والبنات حيت مكانوش عارفين الجنس

اقبال:اااوه غزااالة (عنقاتها )الله اخلييك لييا ازعيرة دياليي
انصاف:ويخليك لينا اختيي ...الله افكك على خير ونفرحوو بييك وبإسماعيل

الكل:اميين
الغالية:اوى لكادو دياليي كنوجد فييه لزيادتك ابنتي اوى ملي جات لمنااسبة حسن كااع

اقبال:شنو داكشي ؟

من لبواطة عرفات داكشي دهب مداتها ليها وشداتها بترقب ...حلاتها ولقات اونصومبل ...فيه سنسلة وحلقات وخاتم ...بقات كترمش فيهم

الغالية: عجبوووك ؟
اقبال(هزات عفيها عينها وقالت )علااش زيرتي راسك فيهم ؟...وفين دبالجك ؟
الغالية:اوى خلااص قداامو تنديروو لجديد ههه .كيجاك ؟ راه باقي هداا (ظورات ايدها على مرفقها )اش تقولو ليه مشات لياا سميتو يااربي

هيبة:لكورميطة
الغالية:اييه مزال تاهيا نجيبها ليك فزيادة باش تكمل كلها
اقبال:عدبتو راسكم بزااف والله
شهيد:عدابك رااحة

كملو لحلوة او تقدات العشية وكل قصد بغا يقصد داروو
اقبال:عدبتي رااسك
الغالية:نرجعو ليك شوية من لي درتي فحقنا ابنتيي
اقبال (تبسمات وعنقاتها وتنهدات) مدرت والوو
الغالية:الله افك وحايلك على خير ابنتي
اقبال:امين
سدات لباب وشهيد فلبيييت كيصلي العصر وقفات عليه متكية على لباب حتى سالا وناض جمع السجادة كيتلو الدعاء هز عينو فيها وقال :مو كرش (داعب كرشها وباسهاا فوقهاا وطلع باس شفايفهاا )
اقبال:الله يقبل
شهيد:اميين ...مالك

اقبال(بقات كتشوفيه ونطقات بخفووت وصوت هادئ نابع من القلب )كنبغيك

شهيد(باس نييفها )اناا كنموت فييك ...هدششي غير مزال معطيتك لكادو ديالي

اقبال: بيناتنا هدشي ؟ ههه شنو لكادو دياليي

كيحل عقدة تاع السروال كيضحك :حطي حوايجك ...ندير ليك كوية لقرودة فشجر

اقبال(ضحكاات من نيتهاا تشدها وخز فككرشها )هه احح

تحنا معاهاا وقال:الموصيبة ...بشوية هاد لبرهوش يسمعني بغيت ندير شرع ايدي يبدا يفركن

اقبال(كتحك فبلاصت الضربة لقوية )ههه حيت جيتيه جهلتتي


شهيد:علاه مفراسكش (كيبوس شفايفها تكيسالي ويهدر ) لكوا كيعاونك تولديي مزيااان نتي كتفهمي فالزيت لموطور ولاكريس ياك اوى راه تانا غنخلييه يجي كيلعب زلاليق

اقبال(ضحكات ) اتبقا تاتخرجو بلا وقت

شهيد (كيداعب كرشهاا وكيبوس فعنقها بنهم ) غير كنحن فيه اما كون خرجتو فالسابع

اقبال(متبعة قبلاتو اللادغة ونطقات )الله يستر

بعدها تلاشى الكلاام وتسمع صوت القبل فهدوء البيت لي كينتاضر بشدة ضجيج طفل ...محاول على حملها وعليها كيلبي رغبتهم بلا اضرار او مجهود عليهاا

من وقت خلاها متكية فلفراش جرات عليها ايزار ...الى تكات على ضهرها كيتجمع ليها لبيبي وكتخنق ...تقداات كتسوط وتقاد فكلستها باش حتى هوا يتقاد ...كيتجمع فبلاصة وحدة كيمحنها

كلس جنبها وداعب كرشهاا و قال:اصاافي راه ساليناا ...هاد لبرهوش هدا
اقبال:واش عادي يتجمع هاكا
شهيد:ااه عادي ...غير كيتجمع مخفتيش ...(كان ركب ليها خاتم فإيديها ..كان سامبل كيفما عارفها كتفضل فقط فيه رسمة على شكل نبض بلحجر ...باس ايدهاا وقال:مواتي صبيعاتك

اقبال(شافت لخاتم ) مالكم فهادشي...غير لحلوة راه كاافيية
شهيد:كل واحد فيهم عارف راسو مقصر فحقك وبغا يعوضك شوية ..(باس ايدهاا )اناا لو كان نعطيك عيني ميغلاوشش علييك احبيبتي

اقباال(ضحكات من بعدما تكات حداه) فكرتيني فداك الشعر تاع نزار قباني عقلتي علييه
شهيد:ممم بلاتي نتفكر ..

اقبال(كتلعب فلحيتو السوداء متل سواد الليل ) اتحبني واناا ضريرة ...وفي الدنيا نساء كثيرة...
الحلوة والجميلة والمثيرة

ما انت الا مجنون
مشفق على عمياء العيون

شهيد(ببحة وصوت دافئ قريب لشفايفها)

بل أنا عاشقٌ يا حلوتي ولا أتمنّى من دنيتي إلا أن تصيري زوجتي
وقد رزقني الله المال وما أظنُّ الشفاء
مٌحال


اقبال(كتدكر )ان اعدت الي بصري ...سأرضى بك قدري...وسأقضي معك عمري ...لكن من يعطيني عينيه ...فاي ليل يبقى لديه

شهيد(باس شفايفها كيضحك )تبقاي ليا نتي اكبيدة ههه ...عمري وريتك الحوتة كيف كتكواا ؟
عطاتو بضهرها كضحك :لا راحنا وصلناا لفضاء

شهيد(قرب ليها كيضحك )ندير لحبي مراجعة الدروس .. في الاعادة استفادة نصححو الاخطاء هههه

***

وقفاتها الطاكسي فصباح ليوم لموالي قدام باب الشركة تعطلات شوية ب قسمين على لوقت لمحدد داها نعااس

نزلات بكسيوة فلموف بااردة صيفية حد الركبة مع صاك موڤ بارد وسبادري بيضة شعرها مطلوق وريحة سابقاهاا ...حاسة براسها وحدة جديدة ...ملي لبسات حاجة جديدة الروح كتفرح قبل العين ..دخلات كتسلم وضحك مع لموظفيين لي كاين لي سلم وهبط عينيه خدام ..حيت بعقلو وعارف هادي بلاصة لخدمة كاين لي مزوج وداير عقلو كاين لي عينيه زاايغة بقاو حاضينهاا مشات لبيرو لااخر تجيب شي وراق ...مع بغات طلع تلقات بهشاام جاي من لباب داير نضاضر شمسية ...خنزر فدوك جوج لي كالسين متبعين ليها لعيين ...حيد نضاضروو باش يعيقو هي شافوه تفرتكو كي دباان مهبطين الرااس ...دور عينيه لهيبة رمش فيهاا وهيا معرضة ليه بابتسامة كيف كل صباح


هيبة:سي هشاام ...صباح لخير

هشام (بلا مقدمات )تبعيني لبيروو (بحدة )داباا

ملحق 2 (06/07/2021)

مخلاش ليها فرصة فين تهدر طلع مع دروج خلاها كترعد ..جاي حسن بميلف مدو ليهاا وقال:مود افيو صابح شاعل مع صباح !

هيبة(بهمس )مدرت والوو
شدات لميلف وطلعات قلبها كيضرب ..حطات لميلف فلبيرو ديالها مع الصاك ومشات كتقاد فلكسوة دخلات حيت لباب كان محلول

هيبة (بادب) سي هشام ...بغغيتيني

كان واقف قدام لكرسي ديالو كيقاد فكمايم لقاميجة ساكت كيشوفيهاا حتى خربق ليهاا القلب والرعدة شداتهاا ...بحجبان غلاض كحليين وعينين عسليات باينين من وسط شفارو لكوحل لي كيبان بحالا مكحلهم ...بنية عامرة ...

هشام (بحدة ) اش هاد اللبس ؟
هيبة:(سرطات ريقهاا )علاش مالو !

هشاام:الشرييفة ...هادي بلاصة الخدمة ...بلاصت اااش
هيبة(فعفعاتهاا بتخنزيرتوو )خ..خدمة

هشام:دوونك هاد لبااس (كيربت بصبعو فوق لبيرو متوسط صباعو خاتم نقرا اسود ) ماشي بلاصتو فهاد لاصوصيتيي ليي فالاصل نتي بوووحدك بنت فيهاا

هيبة (تغرغرو عينيهاا وصوتها رتاعش )ب باغدون سي هشاام

هشام (بحدة )مزاال مكملتش هدرتي ...(بتحدير )اخر مرة يوقع بحال هاد ليي جيست ...لكنتي مولفة هاد اللبس راه ماشي بلاصتوو هناا ...بلاصتو فزنقة ماشي بلاصة الخدمة هادي صوصيتيي شاغبونت ...ماشيي ديفيلي دمود(عرض ازياء )اوني داااكووغ امدموزيل

هيبة(حركات رااسها باه ودمعة قريب تنقز من عينيها ) دا ...داكوغ

هشام:ياله خدمتك ...
جر لكرسي كلس مهبط راسو فلبيسي كيشعل فيه مخنزر ...رجعات بلور سدات لباب ومشات لبيرو ديالها ...دموعها هبطو كيتسرسوو عرس فيها لفرحة لي كانت جاية بيهاا...خدمات لبيسيي كتنخصص وتمسح بكلينيكس لكحل لي دااع ...عينيه ولاو حمريين

خرج من لبيرو ديالوو وسرطات لبكية مهبطة راسها كطاابيي ...حط ليهاا جوا عاامر وقال :هادو خلاص لخدامة فلاتوليي ...ڤيريفي لبوانتاج وسوايع لي زادو او عطيهم لحسن

هيبة (بصوت خافت باش ميبانش صوتها لباكي )داكوغ سي هشام

بقا واقف لثانية او هبط بحالو....كتحسب لفلوس وتنخصص ...كدير لكل واحد قدر ماليي على خدمتو حيت معندهم لكونط غير عند الموظفين لي كدوز ليهم لخلصة نيشان لكونط

قدات لكل واحد فلوسو فجوا مع سميتو

طلع حسن عندها شاب فالعشرينات بغا يصايب ليه قهوة وبقا كيشوفيهاا

حسن:نصايب ليك معاياا ؟
هيبة:لاا شكرا (مسحات نيفهاا )
حسن: علاش بغاك هشام ! مالك كتبكي

هيبة:والو غير عطلت عليه لخدمة وصافي ..انا على سبة

حسن(تكا على لبوطاجي لي وراه مقابل معاها وقال )كاين شي حد كيبكيي هاد زين كلوو

هزات فيه عينيهاا ورجعات هبطاتهم كتشوف فلبيسي ...كمل هدرتو كيرتاشف من قهوتو :مديش علييه ايكون غير معصب مع شي كلياان اخر اما هوا راه الله اعمرها دار

هيبة(جمعات لييه جوايات )هادوو لخلصة ديال لاتوليي

حسن؛وحنا امتا يدوز الصالير ؟ واقفين على الضس
هيبة: جمعت لبوانتاح ...غدا يدوز
حسن(جمع داكشي )صافي واخة

هشام طلع لقاه واقف تما وقال :حسن اش كاين !
حسن:جيت ناخد لخلاص تاع لخدامة اسي هشام

هشام (وقف كيتسناه يهبط ) ياله
عطاتو ورجعات لخدمتها حسن هبط راسو ومشاا


داز لوقت او وصلات طناش كلشي خرج بقات هيبة هيا اللخرة ...طفات لبيسي ديالهاا وهزات صاكها كتنهد و هبطات وقفات حدا لباب كتسنا طاكسي ديالهاا تجي وتعطلات عليهاا

وقف طموبيل قدامها حدا لعساس كاط كاط وهبط منهاا مشا دخل لشركة ورجع وهيا كتسنا
هشام:اش كديري هنا !
هيبة:كنتسناا فطاكسي تعطلات علياا
شاف فطريق وقال:كاين طاكسي واحد !
هيبة(معرفات متقول )منقدرش نركب مع اي واحد
هشام:والى مجاش
هيبة(جبدات تيليفونها )انعيط لختي تجي تديني
مشا لطموبيلتو وقال:ركبي نوصلك

هيبة:لاا اسي هشاام ها ختي غتجيي والله
هشام(حرك راسو جيهت لباب )طلعي اتبقاي واقفة هناا هكا ؟

عرفاتو قصد لبسهاا ومرضاتش سرطات ريقهاا وشافت دنيا خاوية ومشات كتهبط فلكسووة ...ركبات فطموبيلتو كدير فسمطة مرعدة ..ركب حداهاا...دار السمطة حتى هواا وزااد

مهدرو ماتكلموو تقول مراكبينش مع بعضياتهمم ...قطع سكاتهم صوت تيليفونو ...جاوب كيهدر

هشام:أ لواليد ...لا لا هانيي جاي ...مالها لواليدة !

شدات تيليفونها تلف لوقت وهوا كيهدر هزات عينيها فطريق وقالت:غير هنا اسي هشام

هشام:قطع تنجيي قطع

قطع معاها ودار السينيال حطها حدا لفارماصي ديال شهيد فراس الشاريع

هشام:فين ؟
هيبة:هنا لقداام ...غير حطني هناا

ياله بغا يزيد وقفاتو وقالت:صافيي اسي هشام هاا راجل ختيي

هشام:ؤك

هبطات ملي شافت شهيد كانت كتفكر اش دير ملي يحطها مشات عند شهيد كتزرب...سلمات عليه وركبات معاه ...عاد الاخير زاد فحالو


شهيد:شكون وصلك !
هيبة:لمدير

شهيد:مجاش براهيم
هيبة:قاليا خسر لييه الطاكسي كيصايب فيه

شهيد:ديري لبيرمي اهيبة ويسخر الله فشي طموبيل صغيرة
هيبة:ان شاء الله ...شهيد

شهيد:نعام
هيبة: حسناء معمرها قالت لييك واش صديق خرج ولا مزال !

شهيد:يخرج ...ولا يمووت نتيي لاش خاايفة ...اصلا مكتخرجي فيين بووحدك ...من غير لباغي يرجع لحبس يجي يبين لينا وجهوو

هيبة :داز عام او شهر باش دخل لحبس على الله يكون باقي تماا

شهيد:نسااي ..نساي

**

فلحفااضة مغرقة رااسها ...حل جابر لباب فايدو لخبز ...شم ريحت لحرااق مطرطقة فداار

جابر:غيتاا لحراق

ناضت قافزة كتجري لكوزينة ...لقات الطاجين فخبر كاان بقات غير لبطاطا لفوق حتى هيا جناابها دخلاتهم لحروقة

جابر(من باب لكوزبنة )اش درتي ؟

سداتو وشافت فييه عاضة على فمها وقالت:تحرق
جابر(ساط النفس وقال)نهار محروق ...نهاار بلا ملحة ..نهااار مالح نهار حاار ...غيتة هدشي رااه بزااف

غيتة:شنو غندير لييك عقلي كلو مع لحفااظة
جابر:راهم واصلين لمعرت اش ومقابلين ديوورهم ...نتي خاصك هيي سبة فين تفرعي ليا راسيي على لقرااية...هاحناا انشوفوو واش كااينة شي نتييجة ولا غير صداع الرااس


غيتة:مجبتينيش خداامة...والى بغيتي طاجين زييد طيبوو

جابر(بقا كيشوفيها مباغيش يحط عليها ايدو تااني هز سوارت مشاا ) وخة اغيتة واخة


خرج ومشات كلسات معصبة حدا الطبلة ...كتفكر فعلاقة اقبال وشهيد بسهوة ..وكتنهد بديق ...حالها من حال ايي انثى فشوش ودلع وكليمات زوينين

حطات ستيلو بزعفة ودخلات لانسطاا كتشوف لجديد ...ناضت لصالة لخرا بغات تسد السرجم حتى بانت ليها كريمة خارجة من لمحاال تاع جابر ...شافت جيهة لمحال كطل هي بعينيها لشافها معرية كطل هداك نهارها اللخر

رجعات كاساات كتلعب فشعرها ناضت دارت ماسك لوجهها ورجعات لحفاضتها مبقا ليهاا والو على الامتحان شهر دغيا يدوز

***
مع جوج رجعات لخدمتهاا مبدلة حوايجها بدجين او تيشورت نص كوم مورد لارج صيفي ...

دخلات من الاوائل طلعات لبيرو ديالها تبدا خدمتها سمعات لخطوات فدروج صايبات تيشورت على كتافها كتفافي يحساب ليها هشام حتى لقات حسن

حسن؛جيتي بلا متسلمي !
هيبة:غير مكاينش لخاطر وصافيي ...صافا !
حسن:صافاا ونتي (عوج راسو )حشومة عليك

هيبة(بإستغراب)علاش شنو درت ؟

حسن:لاغوب ديال صباح جات زويينة علاش بدلتيهاا
هيبة:ماشي بلاصتها وصافي
حسن:عمرنا درنا شي كافي على براا ...شنو بان لييك غدا ورا لخدمة نتغداو اونصومبل بخاطرنا...غدا غير لحد

هيبة:مم ...لا منقدرش سمحليا
حسن:علاش شنو لموشكيل؟

هيبة:هكاك ...
حسن (باصرار )حتى كافي لاا ؟
هيبة: غير عدرني ا حسن وشكرا على لعراضة

دايقها بهاد كثرة الاسئلة وكل مرة جاي يشكرهاا ...شاب زويين خدام زويين اي وحدة تمنااه ...ولكن هيبة نوعا ماا ولات حساسة من الجنس الخشن ...عطات فرصة جوج تلمرات فحياتتها وخرجات من اللولة بجرح غاارق والتانية بجرح غرق منو

هشام :حسن !
حسسن (تقادفل قفة)سي هشام بغيت نهدر معااك
هشام (شاف ف هيبة ورجع شاف فحسن )لبيرو ديالي لهيه ماشي هناا ...تبعني

مشاو لبيرو كيهددرو من بعد هبط سمعاتو كيعيط ليهاا وناضت مشات عندو ..لقاتو داير ايد على حنكو

هيبة: نعاس ...سي هشام

طلع عينو فيها وقال: مال حسن ! كل مرة واقف علييك اش كاين

هيبة: معرفتش ...كان كيتسسنااك على مقال

هشام (ستيلو باش كان كيكتب وجهو لجيهتهاا )لبيرو ديالك ميدخل لييه غير لي بغاا لخدمة شي حاجة خراا منبغيهاش ...لبسالة ولهدرة بلاا هدف ماشي بلاصتها هناا

هيبة:سي هشام راك فاهم غلط راه

هشام(قاطعها )صافيي ...هيبة مرة خرا هدشي ميتعاودش بغيتو تهدرو برا الشركة ماشي وقت لخدمة

هبطات راسها ملقات متقول وكمل: سدي معاك لباب

خرجات كتىرمش معرفات اش هاد زهر عندها ليوم معااه واش هيا لي خرجات فعودو ليووم باغي يبرد فيهاا !


الايام كتمشي دوزات حياة سيمانة فايسبانية تلقات مع وحدة من صحاباتها فلمغريب خيطات لمدينة بدوران مكيجيبها لدار غير نعااس وياويل شي حد يهدر
ليوم ودعها محمد امام لباطو كيوصي ويعاود

محمد:ردي لبال لراسك ...عنداك وراقك يطيحو ليك ديري بالك سوكي بشوية

حياة: وكون هاني

محمد؛يكما كدوخي فلبحر ؟
حياة:اش عرفني فايتا راكبة فييه (تفكرات نهار لباطوو مع هود غمضات عينيها وحلاتهم طاردة الافكار. )ياله سيرر نتاا وشرب دواك وماكلتك فلوقت

محمد؛كوني هانية ..توصلي تاصلي بياا

حياة:واخة كون هاني

دازت للميناء تابعة طموبيلات عطاتهم وراقها و سمحو ليها دخل لباطوو...منضر اول مرة تشوفوو عضات على فمها خمسين فلمية حققاتو وبقا النص خدامة عليه ...سدات الطموبيل وهبطاات ...طلعات لفووق فين ضربها لهوا تاع لبحر لباارد وشمس وسما صاافية ...لابسة تيشورت بيض لفوق تاع مشبك ...مغطي مؤخرتها بشوي ولابسة معاه كولون حد الركبة كحل مع سبرديلة بيضضة مصيفية حيت لجو سخوون ...دنيا عاامرة ݣور وعرب

دارت سيلفي مع لبحر ولاحتها فسطاتيي واتساب متقصدة تشوف لي vu وكتبات لتحت 🇲🇦

***


لابسة سروال الحوامل فوقو شوميز لارج مشيكة وسبرديلة خفيفة ...كتهز فنظاظرهاا

الغالية: علاه متقدرش تسووك سايكة من فرنسا ل سبليون وخافت داباا
اقبال: واش مكتعرفيش بنتك ؟ ...ياله دخللت نصدقو فلكوميساريات تااني !

الغالية:وغير نتي متقلة وصافيي تشديها تالطنجة
اقبال:ماشي مشككيل بشوية علينا حتى نوصلو

دخلات غيثة كتنهج وجها حمر جاية كتجري فدروج

غيثة(شدات صدرها كتنهج )ناري عند باليي (كتهج )سخفت اووف ...عند بالي مشيتيي
اقبال:اييه ملي جيتيي ...سيري مع انصاف لطبيب متكمشيش بوحدها

غيثة(خرجو عينيها )موحشة فطبيب ؟مالها صغيرة تمشي بووحدهاا اويلي

انصاف(بامتناع )صافي اختيي راه مضارنيش بزاف

الغالية:لعندااك تمشي لطبيب زيرهم ليها راه مكتنعسش
غيثة:لاا انا جيت باش نمشي معاك نتي

اقبال:فين
غيتة:لطنجة عفااك اختي

الغالية:فراس جابر

غيثة: علاه شكون وصلنيي جيلاليي ؟ فراسوو
اقبال:اش اتمشي ديري فطنجة

غيثة:نشووف الشماال اختيي اويليي اووف عييت بهاد مكنااس مافيها فين تسرحي عينيك
الغالية(كطلعها وتهببطها لابسة كسوة تحت من الركبة فلكحل او فيها ورد صفر كبير او عريضة من لعنق ) كتقلبي على خلا دار بووك ياك
غيتة:وصاافي

شهيد(طلع)اقبال مشيناا !
فيتة(نقزات )انا سبقتكم لطموبيل
اقبال(مجات فين تهدر حتى هبطات كدردك )انصاف اتعيطي لملاك وتمشييو بجوج ...انتاصل بييك مع 2 نلقاك مشيتي الرونديفو عندك مع 3

انصاف:واخة صافي اختي

هبطوو خلاو الغالية كتوجد فرحانة تجي حياة..او هيبة صبحات فلخدمة

شدو طريق لطنجة مع لعشرة وغيثة لور كتاخد سيلفيات وتلوح فانسطا..(عضات على فمهاا مامسوقاش وكتفكر
**

كتفطر هيا وجابر فلكوزينة وقالت:انمشي عند ماماا ليوم
جابر: معاش توصل حياة
غيثة:معرفتش ...بيلو اتمشي تعرض ليها هيا وشهيد

جابر:مزيان ...
غيتو:جابر ن

جابر(قاطعهاا)رجلييك نحشهم لييك

غيتة(قلبات عينيها كتشوف فيه بهمس )عرف غير اش بغيت نقوول زعمة

جابر:راني حاافضك سمعتيني ...هااودني منك ...اتسنايني هنااا تال 11 ونجي نديك

غيتة:فين غادي ؟
جابر:شي خدمة نصايبها لواحد لكليان فدارو نقدر نتعطل

غيتة(كتبلاني )ممم واخة

خلاتو تاخرج خزات تيليفون كتجري دوزات نمرت انصاف بزربة جاوباتها وقالت:الوو انصاف اقبال مزال مامشاات !....صافي هاني جاية قوليها تسناني

يتبع...

التنقل بين الأجزاء

صفحة القصة
سيتم تشغيل صندوق التعليقات بعد لحظات
معظم التعليقات تم إخفاءها بواسطة الفيسبوك، نحاول بكل الوسائل المتاحة إستعادتها في أقرب وقت ممكن.