حكاية أنثى الجزء 46

من تأليف لبنى السرابي
2021

محتوى القصة

رواية حكاية أنثى

خلاتو غير ناض لبس صونات لانصاف قالت ليها جوج كلمات بزربة وقطعات كان شيئا لم يكن
رجع لعندها شرب لما من حداها كتشوف فييه تغادي وقالت:مغتبوسنييش !

جابر(رجع جيهتهاا باس جبهتها وضربها لراسهاا بلخاطر و غادي

غيثة :الله ارضي علييك اولديي جدااك انا بايس ليا جبهتيي

وقف جيهت لباب كيشوف فيهاا هز حااجبوو وايديه ومشاا كيردد :باااز بااز


غير سد لباب مشات كتجري لصالون كطل لقات لهوندا واقفة كيهزو فبلاكارات تاع لكوزينة وبيبان عرفاتو ايتعطل فوق 11 وتبقا مرهونة هناا ...خلا لهوندا مشاات او تبعها بطموبيل غير شافتو دخل لطرييق وهيا تمشي كطير هزات لماعن...شي غسلاتو شي خلاتو شي دخلاتو لتلاجة ...مشات كتجري لبيت طلقات شعرهاا نشفاتو دغياا بلمشطا حتى تسرح ومشات لماريو تشوف اش تلبس طاحت عينيها على لكسوة لي عاد خدات بلاا خبارو عارفاه ميبغيهاش حيت قصيرة وحتى صدرها عريض فالاصل كيجيو لكتاف طايحين ولكن هيا هزاتهم ...لبسات دغيا سبردليتهاا او ماكات وجههاا

مشات طلات عليه ملقات حد ..هبطات كتجريي وبما انه داير سيپورة بين لباب ولمحال مغاديش يشوفها حتى صلاح ويوصلها سخونة

هبطات راسهات مهزاتو تركبات فطاكسيي كتهز فكتافهاا الى مدارت هكا عمرها تشوف شي قنت اخور

**
حط ايدو على كرشها وقال :مرتاحة ؟
اقبال :مرتتااحة اشهيد ...انا نيت بغيت نبدل لجو شوية
شهيد:ؤك حبيبتي انممشي غير بشوية

4 سوايع لي دارو فطريق او وصلوو لعروس الشماال

غيتة:غزااالة كتحمق
شهيد:كل بلاد وزينهاا (شاف فاقبال )نرتاحو فريسطو فين تغدينا داك نهار ؟
اقبال: اتكون حياة وصلات حتى هياا
شهيد:غير الاجراءات لي كتعطل شوية ...نتسناوهاا حتى تاصل بيناا ونديرو معاها لبلاصة
اقبال:واخة
**
من ميناء طنجة كتمر والفرحة باينة فعينيهاا كتبريي ...طموبيل متقلاهاا بكترت الشانطاات ولحوايج ...مخلات فين يزيد معاها الزاايد ...غير دخلات لطريق لعادية شداتها الرعدة نسات على السوكان تاع هنا بكترة الرومبوانات والاشارات ويدخل فيك طاكسي بلا ميدير السينيال ...مول لكرووسسة جارها فطريق ...يضوبلك واحد واخة ماشي منحقو وداكشي لي وقع لحياة حتى فرناات باش تخليه يدووز حيت جاية فلمقابل طموبييل بجهد

حياة(خرجات راسها من سرجم ) تتااقيت فييك وجه الله كتساابق بلا سلييب

(طل عليها راسوو صلع ولكارو فايديوو ) انهبط نحيدوو لختي
حياة:سير ارااس التيمومة ...راسك مربع كي قالب الصابوون

_تفووو على سلاݣط فطريق

ياله بغات تبدا تعرعر علييه خلا لييه الدخان بخرشاشتوو وقلع

حياة:ولد الق** الله يانعل روايد بوك


غادية دايرة عقلها فطريق وزحاام...جات مع لبراج تاع لبوليس ...شافت راسها مدايراش السمطة وشهقات كتركب فيهاا ماحد قدامها جوج طموبيلات...شافت طموبيلة هداك موقفينهاا وانفاجرات بالضحك كتخبط فاييديهاا .وقالت:ارررعد ههههه

امرها الشرطي باش تمشي ولكن وجه لمشاكيل وقفات جنب طريق وجات عندهم

حياة:الشااف !
_نعام الالة
حياة:هاد السييد ضوبلني فالخط المتصل وزايدهاا كيسب فياا بلكلام الطايح حيت قلت لييه احتاارم طرييق

الراجل كان كيتفتف تخرج فيها عينيها :اناا
حياة:اه نتاا مبقيتو تحتارمو لا مزوجة لاا مخطوبة لا لي جاية ترونكيل مع راسهاا ....هدشي بزااف الشاف غادية في امان الله تخرج لياا هداا

الشاف(شاف لماتريكيل تاع فرنساا ولبكااج ) سيري لدائرة تشكاي بييه ...على سلامة بعداا كاين شي قهوة شي ريحة

حياة:موجود لخيير هههه تاقيت فيه وجه الله حيت عام مجيت لمغرييب اما ميفكني معاك حد
شاف فلبوليسي لي معااه :شدو تنجيي

جبدات ليه من صاكهاا لبيسكوي وضحك وقال:من هدشي كلوو مبان ليك غير باسطة تاع جوج دريال

حياة:والله الشاف تاهي مسخرة وصافيي تحاجة مدياليي
_سيري سيريي طريق السلاامة ...نشوفووك

حياة(ضحكات )منهنا شهرااين ههه

مشات لطموبيلتها كضحك صونات لاقبال ودارت معاها فين يتلقااو...ماشي بزااف حتى بانت ليهاا اقباال بلكريشة كانت غتحبس فطريق من لفرحة بزز سطاسيونات بدات كتكلاكصونيي تهزو عينيهم فييها وبدورهم لفرحة بانت فيهم ...هبطات بجري خلات لباب محلول كضحك وتنقز كي شي هبيلة تلااحت على اقبال بتعنيقة حتى شهيد تهز قلبو على كرشهاا

زيرات عليهاا كتبوووس فيها وتعنقق وقالت:بيلوو توحشتتتك توحشتك اختيي (دمعو عينيهاا )فراقكم جاني صعييب

اقبال:الحمد لله على سلاامتك..(بتنهيدة )بلاصتك حدايا بقات خااوية
بعداتها عليهاا كتمسح ليها دموعها وعنقات غييثة بنفس الحمااس

شهيد:اقبال يكما ضراتك
اقباال:ههه لا لا عادي

حياة:لبرهوووشة كبرتييي ههع
غيثة:وشنو تكبرو غير نتوماا ههه توحشتك احياة
حياة(باستها بوسة حاارة )حتى اناا المعزة (شافت فشهيد )نسييبيي ههه

عنقاتوو وتسالمو بلوجه وقالت:ربيتي الصحة لكرش اولد مينة

شهيد:مضامنين مع ختك هههه
حيا (شهقاات )ويليي نسييت اقباال يككما ضرييتك ؟سمحيليااا نسييت والله(شدات فكرشهاا )حبيب خالتوو بغجتو مسكيين

اقبال:محسيت بوالوو
تحنات باستهاا وقالت:شتو مكيضربش مفرحانش جييت ؟
غيتة:كيضرب غير ملي كنحط انا يديي ههه
حياة:عارفاك فرااعة

شهيد:ههه نمشيو نتغداو البناات ؟
غيتة:حداا لكورنييش عفاااك عفااك
شهيد:لي بغيتو

لصقات فحياة وقالت:شنو جبتي لياا
حياة(بهمس )ناااري هاد الق** هادي خلينيي نحط هي ز** فلرض
غيتة:مالكي جاية هزااه حرام علييك قولي اش جبتيي !
حياة:تالدار ...هاي هاي لكسوة وااعرة خلاك جابر تلبسيهاا

غيتة:اصلاا مفراسوش جيت معاك


اقباال :شنووو(شدات على فمها بغات تجرها وتخبات وراا شهيد )وااش نتيي باغة تهبلينيي !
شهيد:كديري غير لغابراات اغيتة

غيتة(كتغبن )مكيبغيش يخرجنيي واش انا عندي ستين عام باش يسد علياا فداار كي الشارفة !
حياة(دارت ايدها فوق رااسهاا )اختييي باااااز باااز

اقبال:اقسم بالله منفكك منوو
غيتة:ايفكني شهييد
شهيد:لااا اختيي كنخااف (ضحك )زيدي زيدي انوار الشمش ليوم دكالي يبني لينا قبورة فشوكة
حياة:ياله ركبوو معاياا

جر اقبال:الالة مراتيي جات معاياا تركب معاياا
غيتة:انجي معااك اناا
حياة:ياله

***
طلع ادراجوو لدار الغالية ملي ملقاهاش فدار وطافية التيليفون علييه طلع شااعل عليها ...دق جوج دقات وحلات ليه لغالية لباب كتمسح فايدها

الغالية:جابر زييد

جابر:فين غيثة!
الغالية(طاح ليها لما فركابي غير من وجهو عرفات القضية حاامضة )ها مالها

جابر:لا والو غير كلميها لياا
الغالية؛اولدي غيتة راه مع اقبال فطنجة مشاو صبااح مع 10 ياله شوية هدا تلقاو مع حيياة وغيشدو طريق ياك لبااس !

جابر(ودنيه بداو كيصفرو وحس بضهرو عرق )طنجة ...غيتة مشات لطنجة
الغالية (تنهدات )مفراسكش !(كلسات فاشلة )الله ياربيي واش سيفطي لي يفدي فيا لقديم وجديد ف غيتة ! واش ابنتيي مديريش عقلك كي لعيالاات
جابر(مسح على وجهو وهبط فهاد اللحضة حس براسو رجعاتو برهووش قدامهم كتلعب بيه كيفما بغاات

**

حطاتهم الطاكسي قدام لعياادة تاع ادريس ..سرطات انصاف ريقهاا وملاك حداها

ملاك :سميتو مولاي دريس فراسك
انصاف:باش غنعرف مكاتبهاش

ملاك؛ كان عرض عليه شهيد واحد لمرة وسمعتو كيقوليه مولااي وحتى بااه وخوتو وختو لالة ...حيت شريف

انصاف:شمو معنيتها شريف
ملاك؛معرفتش مزيان ولكن تيكونو شرفة زعمة الى دعاو فييك توصلك دقتهم هههه هكا كتقول ماما وهاد الشرفة كتكون عندهم بطاقة كيعطيها ليهم لمخزن كيمشيو فينما بغاو او سبيطار وداك تخربيق لاخر كلشي مسهل ليهم بيها بحال بطاقة الفنان ولكن دابا مبقاتش بقات غير عند ناس لقدام كانو كيسميو بمولاي او لالة دابا يمكن مبقااتش

انصاف:هاااه داكشي

ملاك:مولاي دغييس التهامي ههههه
انصاف:ههههه مولاي يا مولاي اتيني كأس من الحليب
ملاك:هههه اويلي سكتيي هههه
سكتو كيتسناو فنوبتهم حتى عيطات عليها المساعدة وجرات معاها ملااك ...دخلو لبيروو ملقاوهش بداو كيتوششوشو

انصاف:ملي ندخل كلسي معاياا عفاك
ملاك:اويليي بغيتيه يقمعني ...لا اختيي انتسنااك هناا

ياله بغات تهدر جاهم صوتو من وراهم

دريس:اهلا اهلا بالبناات صافاا

ملاك:صافاا الحمد لله
دريس(تبسم ليها )ملوكة اش خبارك ...واحد لواليد لباس
ملاك:لباس الحمد لله

دور عينيه لانصاف لي مزنكة غير مع راسهاا وكتشوف فملاك بحالا هي عندمن جاياا

دريس(بهدوء كيتأمل فيها )انصاف لبااس

جاه الصمت من جهتها تضرباتها ملاك برجلها وشافت فيها لقاتها مخرجة فيها عينيها وشافت فدريس وقال؛هم

دريس:صافاا ؟
انصاف(ايديه عراقو او كترمش بلا قيااس ودقات قلبهاا كيرتافعو )اهه ...لبااس الحمد لله

دريس(تبسم ليها )شنو لموشكيل ؟
انصاف:والوو

ملاك:اويلي على والو ولاش جينا ...ضروها لي باݣ

دريس؛داكوغ اجي نشوف ا انصاف

ناض بلبستو الزرقاء دخل لغرفة لخرى المجهزة كلس فلكرسي كيتسنااهاا والمساعدة حداه كتقاد فلماطريال شافها جاييا وجها بغا يطرطق

دريس:كلسيي
شعلات ليه لمساعدة لبولة لي فوقهم ..كلسات انصاف على شوك بغات تكا على لكرسي وهرب بيها شدها ورجع لكرسي وقال:خودي رااحتك مالك ...حلي فمك نشوف
قرب جيهتها مداير لا بافيت لا ليكات ...تلمس حنكهاا حتى تكنزات وزيرات على ايدهاا كيشوف ليها فسنانها والسلك

دريس:اللثة لي طابت ليك شوية ...انحاول نرخيه ليك شوية وغتصبري لييه (شاف فلمسااعدة) سعاد ...شي كاس تاع لماا
سعاد؛داكوغ دكتور

خرجات من شومبر وهبط عينو لانصاف ضاربة فيها شعاا بيض ..تبسم ليها وقال:توحشتك

ملحق 1 (08/07/2021)

خرجو عينيهاا ..ناضت مفزوعة تخبطات جبهتهاا مع لبوولة لي فوقها كانت هابطة ....كيضحك فسرو عليها وقال:مالك ...قلت شي حاجة معجباتكش ؟

انصاف(بصوت كيترعد )خاصني نمشي

شدها من ايدها بلطف حس برجفتها بحال شي طوير فيه لبرد وقال:قلت غير توحشتك ماشي غناكلك ( تكلم مانع التبسيمة تعراض )وخة نتي غير تاع لمااكلة

وجها ماطيشة اولودنين حمريين...حسات براسها اتموت تماا نطقات كترعد:ا شكدير ...ب بغيت نمشي

ضحك وقال:مالك راه غير كنضحكو معااك هههه انصااف عنداك تموتي

دخلات لمساعدة بقرعة صغيرة تاع لماا مداتها ليه حلها وعطاها لانصاف :شربيي لاتموتي

دفع لكرسي وناضض خلاهاا كترجف بلاصتهاا رجليها خواو وايديها كيترعدو

مشات لمكتب هزات ملاك عينيها فيهاا وغمزاتها بمالك

دريس:تبعي هاد لانتيبيوتيك سيمانة...لغسول ديريه مرة فصباح مرة فلعشية (سكت شوية وشاف جيهتها )ورجعي عنديي نشوفك...ضروري

حركات راسها باه وناضت جمعات لوقفة حتى لورقة نساتها غير ملاك لي شداتهاا وقفووو قدام المساعدة يخلصوو ..تخرجات وقالت: صافي امدموزيل مغتخلصيش
انصاف:علاش ؟

_دك قالي متخلصيش من عندهاا (تبسمات ليها )بالشفاء

خرجو كيزربو او بالاحرى انصاف كتسابق مع الريح حتى سخفات ملاك لي معندها صحة كتر منهاا

ملاك:اويلي مسابقة مع لكروج ؟ (كتنهج)صبري اصااحبتيي
انصاف:شدنيي من ايدي وقالياا نتي غير ديال لماكلة

ملاك(بقات واقفة مصدوومة شوية خبطات حناكها وقالت )اويييلي اربيي اوييلي
انصاف:مبقيتش غنجي عندوو

ملاك:ناريي متخيلتوش يديرهاا ههههه ولد لحراام معطلكش .. نقولها لشهيد يهضر معاه ؟

انصاف:لااا لا اويليي (بخوف )الى قلتيهاا منسمحش لييك املااك
ملاك:وصافي بشوية غتموتيي ! تء زيدي نشربو شي عصير !

انصاف:بغيت نمشي لدارر املاك داباا
ملاك:وناري مالك

انصاف(تزيرات )ضراتنيي كرشيي

بزز ركباتها فطاكسيي وصلو لدار بلكشاايف لخلعة قلبات ليها لمساارن ...طلعات فسانسور هي حلات لباب مشات كتجريي لطواليط سدات عليهاا تاتبعاتها ملاك بالصيكان كتموت بالضحك


الغالية:مالهاا !

ملاك:ههههه طاحت عليها لكرش بلخلعة اطاطا


***

فلبيرو ديالها كالسة كتسناه يدخل باش تمشي طلب منو يوماين متجيش ...شداها الرعدة

سمعات حسو فدروج وصوتو باين كيهدر فتيليفون ...رما ليها السلام بايدو ودخل لبيرو ديالو لي مقابل معاها فارقهم لبيرو تاع لباطرون لكبير

جمعاات شجاعتها بغات تنوض تطلع واحد من لموضفين وقال:سي هشام فلبيرو ؟

هيبة(رجعات كلسات )اه

قال شكرا ودق فلبيرو ديالو ودخل وخلا لباب محلول ...كتلعب بستيلو وكتسناه يخرج باش تنوض

هشام :مصطفى اش كاين
مصطفى:سي هشام واعدتيني بزياادة فشهر 3 ودابا راه شهر 5 كلشي علياا لبيرو وشونتيي ولخدامة
هشام: شنو لمطلوب مني

مصطفى:زيادة هضر لينا مع لباطرون وديرو معانا شي حل ...مصاريف دراري وراك عارف بحقهم وعارف اش بغاو ويحتااجو

هشام: وخة يكون خير امصطفى يسالي لبروجي تاع شاوني ونشوفو قضية الصالير

مصطفى(بتأكيد )كلمة وحدة

هشام(بحدة )مصطفى حنا ماشي دراري صغاار ! سير قضيي شغلك
مصطفى:اسمح ليا اسي هشاام


خرج ورجعات هيبة كتخربق تماا ...كل مرة تهز عينيها فلبيرو تبغي تمشي ومتزعمش ...كتجيها منو واحد لهيبة ورهبة فنفس الوقت كيزعزعهاا ملي كيكون عاقدهم وسيغيو.. ناضت كاترتب لهدرة فحلقهاا ودخلات عندو بكل ادب حتى هز عينو فيها ورجع هبطهم كيطابي فلبيسي

بوصتو القوي بحشرجة رجولية نطق :يكما باغة زيادة فالصالير حتى نتي

هيبة:انا ! لاا ...حم سي هشام

هشام :وي هيبة اش كاين ؟
هيبة:بغيت ...بغيت تخوا جوغ كونجي

هشام (حيد نضارات حطهم )تخوا جوغ كلها ؟
هيبة:ختيي جاية من فرنساا ...هادي عام مشفتهاش ...بغيت نكلس معاهاا

هشام: حك دقنوو ) هاد السيمانة ميمكنش اهيبة ...كاينة لخدمة
هيبة(طاحو كتاافها) نخدم فدار معنديش مشكيل ...سيلتوبلي سي هشاام

هشام:داكوغ

هيبة:نقدر نمشي داباا ...حيت جاية فطريق
هشام(سكت شوية وقال )خلي طيليفونك مشعول نبغي شي حاجة نلقاك

هيبة(بابتسامة )لهلا يخطييك اسي هشاام
هشام(حرك راسو باه ورجع لخدمتو .

مشات لبيرو فرحانة هزات صاكها ومستلزماتها وبيسي ديال لخدمة مع شي ملفات دارتهم فلكارطابل تاع لبيسي ...وخرجات مسرعة لقات براهيم كيتسناها كيف لعادة


***

كلاو طاجين بلحم ولبرقوق وحياة كتبنن تقول قرن مداقت النعمة
حياة:امممم اربيي تقول كانو سادين عليهاا

شهيد:بصح والله لغربة صعيبة
غيتة:داتني الغربة داتني

حياة:يديك ربي نتي وداك موك صايب

اقبال:علاش مجاش معاك محمد

حياة:تت مبقاش قادر على لباطو يقدر يتبعنيي فطيارة مم سيفط ليك زرورة ههه تاتولدي نعطيها ليك

اقبال:عنداك طرطقيهاا كي لي سبقوها
حياة:هههه تخافيش

ضاحكين فاحد ريسطورات طنجة جابو دويرة فلكورنيش خداو تصيورات ولالة غيتة مامسوقااش ...تصور وتعاود تصور حتى طيح فلي عجباتها وديرها فانسطاا واقبال حاضياها من بعييد كترمش حتى تشوف اخرتها كيفاش تنطقات حياة وقالت:وشوفي هادي دمها باارد

اقبال(هزات حواجبها وقلبات شنايفهاا ) معرفتش شنو كيدور ليها فراسها بهاد لفعايل

حياة: خليهاا ...مبقاتش صغيرة داباا

شهيد:لبنات نمشييو

غيتة:اخر دورة الله اعطيكم ستر لي ميبطى ولا يخسر
حياة:مالو رايب ؟

شهيد:شنو خاصك ؟
غيتة:نتصور فزناقي تاعهاا هههه عفااك


لباو ليها رغبتها صدقو شادين نهار كلوو ومخرجو من طنجة تادن لعصر ...شهيد مشا بوحدوو ولبنات فطموبيل تاع حياة وسايكة اقباال من بعدما حياة عياات ودوخة تاع لباطوو مزال شداهاا

اقباال: فين سسهيتي

حياة:مم (تقدات فلكلسة ) تفكرت نهار كنا صغار وكتقولي ليا شنو بغيتي تولي ههههه

اقبال(ضحكات ) هههه خديتي من عندي نتفة علامية

حياة:ههه عقل صغر والله ...امتا كبرناا ...اعوام دازو كيجريو

اقبال(مركزة مع طريق ايد فلفولون وايد فوق لبواط فيتاس مزينة ايدها بخاتم دهب لي هدا ليهاا شهيد مع لبراصلي لاول لي عطاها )بالنسبة ليكم ...اما انا دازت عندي طوييلة

تبسمات ليها وهزات تيليفونها دخلات لسطاتي تشوف شكون شاف لقات من بينهم هود ومنطق بحتى كلمة عوجات فمهاا وحطات تيليفون وشافت فغيتة اللور من بعدما خواو نص لبكاج عند شهيد

حياة:السلكوطة وجدتي لحمك لعصاا

غيتة:لقدات فيه يحط عليا ايدوو ...غيرر حابسنيي تقول رابحني ف فانتاا

حياة: ماكيخرجكش

غيتة (قلبات عينها وقالت) :مرة فلعام ويرجعني مضيومة ...حياة ياك غنسافروو ؟ عفاك

حياة:ضروري ياك ابيلو

اقبال:مع تيسير الله تسالي امتحاناتها بعدا
غيتة:غنساليو مع ولادتك ابيلوو !
اقبال:اوى سافررو بلا بيا اش غنقوليكم

حياة:الى مكنتي نتيي غير نكلسو فداار حسن يا كاملين يابلاش


غيتة:فين غنمشييو ؟
حياة(ضارت عندهاا )نسولك وجاوبيني ...مااا خاايفة مقلتي انااكل صلخة ما واالو

غيتة(هزات كتفها كضحك )يمشي يخرا يحط عليا ايدو ندير ليه الشووهة لي عمرو شافها...مابقيتش صغيرة

حياة:لعفوو ياختي لعفوو

تناوبو على طريق هيا وحياة حتى دخلو لمكناس مع وقيت 7 تاع العشية

**

دار معطرة وكيتسناو بفارغ الصبر لعشا كيطيب وكاسكروط موجد فوق الطبلة كيشهي

الغالية:مزال موصلووش ؟

هيبة (لابسة كسوة صيفية حد الركبة موردة وجامعة شععرها لفوق ) هاهوما قرااب لدار

الغالية(بفرحة ) بصح انمشي نهبط

انصاف:بلاتي نهبط معااك توحشت كبيدتيي حبيبتي ..

ركبو فالسانسور وهبطوو حدا باب لعماارة ..كل مرة هيبة تمشي طل لابسة كلاكيطة فرجليها ومصبغة ضفيرات فلغوز بب
وانصاف كالسة فدرجة اللخرة ضافرة شعرها ولابسة بيجامة مستورة من تيشورت نصص كوم او سروالها بتوب مبرد كتحشم وعارفة ايكون شهيد


هيبة(غوتات)ها شهييد جاا (شافت طموبيل حمرة )اععع الصفريطة جاات اماما جاات

قبل متحبس الطموبييل نزلات حياة من لققدام كانت اقبال لي ساايكة طارت كتجري تاتلاحت على هييبة لي تعرضات ليهاا فطريقق ...
هيبة:توحشتااااك
حياة(مزيرة عليهاا )احح شحال توحشتكم
طلقات منهاا ومشات عند الغالية لي غلبو دموعها وحش لكبدة صعيب وميحس بيه غير لي مجربوو باحضاان دافيية استقبلاتهاا ودموع لفرحة فعينيهاا

بين الحاضر والماضي كان تغيير بزاف فالغالية ...الانسانة لي كانت باغة تعيش غير ليهاا وكانت انانية فتفكيرهاا مع لوقت صبحو بناتهاا هوا اكبر ربااح فحياتهاا ولوكانو رجال مكاانتش تفرح قد هاكا

لحضات من العنااق ودموع لفرحة والقبلات عنقات اخر العنقوود بعناق حاار كدالك مشتاقة لمتهم وضحكهم مضاربتهم

طلعاو فالسانسور الغاليية وغيتة دايرين حياة لوسط وراهم هيبة معنقة انصاف واللور كان الثناائي طالع معاها بشوية معنقها من كتاافها

شهيد: عيتي ؟
اقبال:لا مرتااحة


كانت جردة قبالت العمارات خاصصة بالاقامة ...فيها شجر كيتحرك بلبرد ...واقف ومخبي بشجر بسباط كحل جلدي !سروال توب ...كان باغي يتقدم فلخطوة ورجع باللور متردد...وعطا بضهرو لاقامة غادي خارج منهاا

ملحق 2 (10/07/2021)

بعد لحضات الفرحة والعنااق تجمعو على طبلتهم بعد سنة من الغيااب ضحك وتقشااب ...حتى صونا لباب ناضت انصاف تحل وتبسمات فوجهو

انصاف:خويا لباس

جابر:لبااس
حياة(صفقات بايدها وناضت )دكاااليي

مشات لعندوو سلمات عليه هوا الاخر بعناق كضحك وقالت:اش خبارك

جابر:كيجاتك الغربة

حياة:ههه شهوى منهاا علاه انا نقول خايبة ههه

تخشات غيتة وسط الغالية واقبال كدور فعينيهاا
الغالية(ليعاتها بقرصة )مزاال نسالي لجد بووك الخانزة

غيتة:انن مدرت والو (كتهز فكتااف لكسوة اما طولها مخبيه الطبلة

شهيد:ابا جابر صوننيتي لياا لقيتي تيليفون ديشارجاا

لاح ايدو سلم عليهم وسلم حتى على غيتة بلا ميهز عينو فيها وكلس حدا شهيد كيضحك وقال: لحاجة لي متشبه مولاها حراام

الغالية:ولدي شي كاس تاع اتااي

جابر:اييه منقولش ليك لاا ! اوى احياة كي وصلتيي ؟

حياة:كنت مع حطيت رجلي من لباطوو نمشي نتغدا فلكوميسارية ...ناري ياخوياا دنيا عمرات ب لخضريين


الغالية:جاية بعجاتك تاني

اقبال: هاني جاية

ناضت من حداهم وشهيد متبع ليها لعين تضرباتو حياة كضحك وقالت:اخويا ...سد فمك لموت كدوور

هيبة: جيتي تااني ؟
حياة: اه جيت احبيبة عندك شي موشكييل ؟

هيبة:نننن
شرب جابر من كااسو وقلب عينيه لغيتة رمش فيها ببرود وهيا كتفرنس ليه وهوا الضحكة حلفات لخرجات لييه من فمو


استأدن شهيد ههبط لدارو عند اقبال لقاها فلبيت كتبدل حاصرها من اللور وخشا ايدو فكرشهاا باسها فعنقهاا تعوجات راسها معااه

شهيد:رتاحي شوية
اقبال:نلبس علياا دغياا الى نعست داباا منفيق تالعشا وبليل قصة خرا

شهيد:نسهر انا وحبي

اقبال:هههه ياك المرضي

كلسات على لفراش كتحرك فرجليها لي تنفخو شوية وقالت:غنبات لفوق ليوم

شهيد:ايه ماشي مشكيل ...داكشي لي تعطيني فلعشية عطيه ليا دروك

هزات تيليكوموند تاع التلفازة من حداها كضحك وقالت:اتبعد ولا نعطيك لراس

شهيد:واخة اختي مقلتي عيب نمشي نغضب عند مي
ضحكات وقالت:تهاكا مزياان ..عاوني نووض
جر ايدها توقفاات ولبسات عليها بيجامة رطبة بسروالها لارج مع كتصهد ..لبسات صندالتهاا وطلعات لفوق

**
الغالية:نوضو جمعو الطبلة
غيتة:بلااتي (خرجات فيها عينيها )مزال فيا جووع

حياة(مصات حياة شفايفها كدور فراسهاا وكتشوف فغيتة ورجعات شافت ف جابر)دكالي تجيب معايا لبكاج لي طيروه لياا شي رباعة شفاررة

جابر:نوضي


مع خرجو حتات لغالية على غيتة من فخاضها بقرصة وعتاتها تفكاتهاا انصاف وهيبة

هيبة:ماما نعلي الشيطان واش هوا ومهدرش

الغالية:مهدرش ؟ عيا يهدر...السلكوطة مبغاتش تووب غادية هوكا بلا خبااروو رجعاتو برهووش بشلاغموو

غيتة(مخبية ورا هيبة كدمع)انا ماشي مونيكة يحبسني فبييت

نزلات عليهاا لرااس من ورا لبنات )بغيتو يحبسك فبييت العقربة الساامة ...اللفعة لكرطيطة...
بغات تعاود تنزل عليها تحبساتهاا ايد شهيد

شهيد:صافي صافيي تحاميتو عليهاا الله ينعل الشيطان

الغالية:بنت لحرااام من فعايلها

اقبال:نوضي بدلي ديك لحالة نتيي

ناضت هاربة من الغالية لي كتحلف عليها بغات تكددهاا مشات لبييت كتقلب فحوايج هيبة او انصاف على بيجامة ومزال كتخير تقلبات لماريو سفاه على علاه من بعدما كان مرتب

استقرات فبيجامة معرفتها ديالمن فلكحل. رطبة بصدايف وفيها ميكي ماوس

دخلات انصاف تشوفها اش كدير وقالت:لبستي

غيتة:تاعمن هاد لبيجامة (كتشوف فلمراية )حمقاااتنيي
انصاف:دياليي عاد شريتهاا

غيتة:انديها لييك تنعطيك وحدة خرا

انصاف:وخة بصحتك اختي

خرجات كتعوج وتجمع فشعرهاا شافت انصاف تعياات وتبعاتهاا لكوزينة

جابر وحياة طلعو لبكاج وقال:بغيتي تعاودي لبيع فهادشي !

حياة:هههه واللهيلا مطاحتش فبالي

دخلهم وسط دار وهبط حتى شهيد عاونو تجابو كاع لبكااج جوج كوليات كباار او تلاتا تاع الشانطاات عاد صيكان

هيبة: با با با بقا ليك غير برج ايفل مجتييه

حياة:والله تاا جبتوو (كتفكر )معرفت اشمن قنت درتوو اه هناياا
هوما كالسين وهيا كتفليي فصيكان تلقاتو مجسم تاع برج ايفل من نحاس حطاتو حدا طبلة التلفازة وقالت:مييي هدا خليه هنا لي جا قوليه جابتوو بنتي من بااغي

الغالية:تبقي ستر هههه
حياة(كتشوف فدار وكدور فيها حفياانة وايديها فجنابها كدخل لبيوت ودوش وقالت:مقوودة دااار اهيبة

هيبة: والله الرااحة لا صداع لا والوو
حياة:لا فنة والله تصاور مكانتش كتبان مزيان ...يسهل الله ونشريوها نبقاو حنا غير فلكراا

هيبة:مكرهتش والله
حياة:دابا نشريوها غير صبريي


غيتة تخشات فلكوزينة شادة تيليفون وانصاف كتغسل فلماعن حداهاا او الغالية كتقطع فشلاضة

غيتة:ماما شوفي واحد لقفطاان واعر بغيت نخيط بحالوو ل سبوع بيلو
نشفات ايدها وقالت:انشووف (شداتو مكمشة عينيها فيه )امزيناتوو ...ندير ليك واحد نتي وانصاف

غيتة:ولا اماما واش حنا موموات ديري لينا نفس القفطان تء ...انا قفطاني يكون بووحدو وانصاف بووحدها (سكتات شوي)باش حتى لجات شي عراضة خرا نستافدو منهم

الغالية:وقلبي على شي شكل لختك
غيتو(بحماس )هاهوا تهداا عجبنيي شوفي ا انصاف ياك غزال

انصاف(شافت )اه زوين
غيتة:شوفي اماما كيحمقو بزيين


مشاو رجال يسرحو رجليهم لجامع بينما سرباو لعشاا دوشات حياة ولبسات بيجامة مريحة وكلسات فالصالة مع لبنات كيتعاودو

**

خرجو من جامع جاين لدار وطول طريق وجابر ساكت ومرة مرة يتنهد ويستغفر الله كأنه مقهور وهاز جبال على كتافو

شهيد:جابر مالك جيتيني ماشي هوا هداك

جابر(تنهد كيشوف جنب )السعاتو لله

شهيد(ربت على كتفوو )وسع خاطرك اجابر ...ودير لما منين يدووز ...انقوليك واحد لحاجة وياريت تسمعها منيي ... طير قدما حبستيه نهار طلقو يهرب والى تعاملتي معاه بلهدنة ...كيولفك وصعيب يبعد عليك


جابر:هادي غيتة ماشي فرخ ولا حمامة ...لكاسيطة تاع صغيرة ودابا دير عقلها حفاات اباا شهيد ...منكدبش عليك عييت وتقاا جهدي معاهاا الحلول تالله كلهم طبقناهم معاها..مزال صغيرة دابا تفهم مزال صغيرة داباا تعلم وهيا والو...حاسبانيي مكاينش ومعندي قيمة !...عام ونص داباا وغيتة غير مزايدة فعايلها حلفت مباقي نحط ايدي عليهاا ولكن بفعايلها شي نهار يطرطق ليا عرق فراسي

شهيد :اش ناوي ؟

جابر:بان ليا هدا هوا لحد مبقا فين يزيد لواحد (بتنهيدة حارة وشوفة مبهومة كأنه كيتحسر على شحال من حاجة ) عيت ندير لخاطر...وانا خاطري معالم بيه غير الله ....

ملحق 3 (11/07/2021)

شهيد(سكت شوية وقال)نكون اناني شوية اجابر !
جابر:كيفاش !

شهيد:اقبال راك عارف هاد شهر ونص كاع لي بقات ليهاا لولادة او زيد غيتة حتى هيا تابعينها امتحانات ...الى كنتي ناوي شي حاجة خليها لورا هدشيي ..وسمحليا

جابر:معزت اقبال من معزت ختي شادية ومنبغيش لي يضرها ...براكة هي لي دوزاتوو معااهم ...نخليهاا لوقت مغندير والوو تاتجيبها لوقت

سكت شهيد وكملو طريقهم حاس بييه واكل لعصاا غير من سكاتوو رغم معندوش دراية بمشاكلو مع غيثة من عينين جابر باينة وصل لطرف لكاس ومبقا فين يزيد

دخلو لدار على الروائح لحم والسفة كطيب او ديسير مخلط ...كلسو مجموعين تحط لعشاا

غيتة:ممم عطيك صحة اماما هدشي غزاال

حياة:اااه ياربي توحشت مرقة ميي
هيبة:وباااز نهار كنتي كتشكااي (كتعيب فيها )لمرقة تااانيي لمرقة تاني

حياة(فمها عامر)لمرقة هيا ركاابيي ميخصك منها خصاص والله وتشوفيي لگور باش عايشيين من حكلهم صفورية ضاربة ليهم من لعينين باهتيين

جابر:جمل كيشوف هي ݣعبارت خوه
ضرباتو لكتفو حيت كالس حداها وقالت كضحك ؛الله امسخك انا مسفريطااش ...كيشوفوني النصريات كيحماقو عليا واللهيلا

شهيد:شي حاجة طاحت لا
الغالية(كتسمع )مسمعت والوو
غيتة(بضحكة )دوبيرماااان ههههههه
اقبال:ربطي ربطي ههه

شهيد:ههه حسن جداا
حياة:كتحطمو لواحد ....نونو مسمعناش صوتك

انصاف(سرطات الدغمة )ممم كنسمع ليكم هههه
حياة:وبغينا نسمعوك حتى نتيي الحوب

انصاف:ههه واخة

لعشا داز وتبعو دواز اتااي طناش تليل وصلات وهوما مزال مجمعيين كيضحكو

جابر: اوى هوا هداا
العالية:اويلي مشا لحال اولدي متمشيش ليل هداا
جابر:قريب لحال
الغالية:والله متمشيي
شهيد؛نوض اجابر ونسني فدار هههه يصبح ويفتح ...تخلاو علينا بنات لغالية
اقبال (تقدات فبلاصتها )نوض ياله توصل
تلمس كرشها وقال:تهلاي ...تصبحو على خير
جابر:تصبحو على خير
الكل:تصبحو على خير


سدو لباب وطرقوه واراك لفراجة وسهرة الشانطات يتحلوو ...دفعات غيتة الطبلة وبدات تجيب بشانطات لحياة لي حيدات لفوقي وبقات بديباردو منو لحمها حتى من السوتيان لاحتهم فوق السداري ...اقبال متكية وحداها غيتة وانصاف او هيبة والغالية كالسة ومحنية كتشوف


بدات كتجبد فلميكات سلييات السوتيان تواب لحرير سبابط صيكان اي حاجة جبداتها
الغالية (شدات سنسلة تاع دهب )الله احفظ ليا نسيبيي تفكرنا فلحج مسكين ...لعباية امزيناتها

اقبال(مع لحمل عينيها كيتلصقو بنعاس ومكابرة بزز ) بنتك كشطاتو ومزال تقولي نسيبي تفكرنا ...هوا لخاطرو

هيبة:هههه واللهيلا

غيتة(كتقيس فصندالة طالون فلكحل )ماما هادي تجي مع لقفطان لي غتخيطي لياا ؟ نشدهاا

حياة(غوتات)حطي لق** تشدك لي متعتقك واش خريتك ونسييت شحال من صندالة شديتي ؟


غيتة:عجباتني هادي

حياة:اراي لخراا
غيتة:تهياا عجباتني

انصاف:اصلا مكنلبس لطالون عطيها ديالي ههه
غيتة(بفرحة )سمعتيهاا هههه عطيها داك سباط لبلاا راااه راه

حياة:بنت لكلب ...على ضدك الق** غنديها تعزل ليي بغاات

كتهز فكتافها حاضنة عرام تاع لحوايج هرافة من الطراز الرفيع ...شافت دو بياس حدا رجل حياة جراتهم من حداها برجلهاا هزاتهم ..حطاتهم مع حوايجها كضحك

اقباال:لقهوة والصابوون ؟
حياة:شميي شمي والله حتى كاليطيي ابب اه نسييت
جبدات حوايج رجالية وسعات كدالك وقالت:هاكي نتي لراجلك وهادو تاع شهيد او سيفط ليهم الحاج فوقيات وتسابيح مي عطيتك صلاية

الغالية(كتقلب ): حمرة ؟هاهيا صافي الله اخلف ويجعل لبركة ...

حياة ضروها كتافها بجبد جبد ولا الصالون بحال لفرااشة فالاسواق الشعبية

جرات لباليزة لخرا لي فيها حوايج لبيبي جديد وكاع لي غيحتاج

لوينات وحويجات دراري صغار كتفرح لخاطر

الغالية؛اييه يافرحي يا سعدي هدشي شحال زين ...يلبسهم بالصحة و الرااحة ياربي

اقبال:لاش عدبتي راسك كلشي موجود هنا

حياة:تما تحتي واخة لي مارك مرخصين شوية حيت بلاصتهم هنا كيضوبلو الثمن بزااف ...وشوفي لبوسيت ولكوونة والرولاكس كيحمقوو

هزات هيبة صالوبيت فاللون لخضيضر باارد ...سهات فيها وتنهدات بابتسامة باهتة قالت:لله يجيبو على خير ونفرحو بيه
الكل :اميين
اقبال:هدشي مغيساليش خلاص...غنطيح بنعاس

حياة:اصبري الشي لاخور تالغداا ...نجمعو هدشي
الغالية:تنعسو هنا ولا فلبيت
هيبة(ناضت كتهز سروالها )انعسو هنا نيت

ساعة غير تاع جمييع ولفراش ستفو لمخاد فالارض وليزور

غيتة:نعس حدا اقبال ...انا نعاسي زوين والله مكنركل

فعلا نعسات حداها وفالطرف لاخر حياة و لوسط انصاف وفجنب هيبة والغالية مكتقدش على لارض نعسات لفوق ...حطو راسهم على لمخااد. ...نعسة لي سنين منعسوها

حياة:عقلتي نهار كنا كنباتو مستفيين كي بواط السردين ابيلو

اقباا(ضحكات )عقلت
هيبة:لبوالة كانت ديما مخنزاناا
غيتة( شادة التيليفون )ههه حشااك

انصاف غير كتسمع تمنات لو عاشت معاهم هدشي لي كيعاودو وتفرح تاهيا لهاد النعسة ولكن المكاتيب كيتصرفوو كتافات دير ايدها تحت خدها من بعدما طفاو ضو وتسمع ليهم وتجمع دكريات كان ممكن تكون فيهم فداكرتها


حطات ايدهاا على كرش اقبال كتسناه يتحرك

حياة:ايسووو ها طاطا جاات كون مجيت ونتي حاملة نعواج
اقبال:حسيتي بيه

حياة:لاا(بفرحة )اه اه اححح كيتحرك اعع تبورشت ههههه

من بعدما طفاو ضو ناضت هيبة ونطقات حياة:فين غادية
هيبة:نسيت دواا دياليي عطلتو باش نسهر ونسيتو

مشات لبيت تشربوو وسكتة كيسمعو الغالية كتردد بدعاء بهمس
الغالية:ياربيي تشوف فوجه هاد درية وتفرحها ياربيي
اقبال(تاوبات )غنعس تصبحو على خير

مزادوش وراها بزاف باش ترتاح وحتى هيبة مشات فسابع نومة فور مشربات دواا ...بقات غيتة ساهرة فالتيليفون تاقربات تلاتاا ..حلات اقبال عينيها على شعا الضو نترات ليها التيليفون وقالت :نعسيي

تخشات فيها وقالت:واخاا
رمات التيليفون حدا رجليهاا عاد غمضات عينيها تنعس

**

تيليفون كيصوني فيقهم كلهم من غير الغالية لي بنشاطها صبحات كتسمن وريحتو دايرة فدار كتفتح الشهية

هيبة بدوختها كتقلب على تيليفونها طلعات ليها نمرة هشام ناضت قافزة كتعكل فلفراش ...جاوبات وهيا غادية لبيت

ههيبة:سي هشام صباح الخير
هشام(جاوبها بتعجب مع ضحكة خفيفة )ايه نتي لي جات معاك ناعسة تال حضاش

حيدات تيليفونها شافت الساعة ورجعات كتهدر وتحك فعنقهاا بصوتها مرخي بنعاس قالت: راك عارف ختي عاد جات منعسنااش بكري(غلبات عليها لمتاوبة وحبستهاا بزز )

هشام: بصحة والراحة الالة ...قولي ليا شنو كنا درنا مع سي الطيب بشحال خلا لحديد ؟
هيبة:ااه (راسها دايخ )مم
هشام:عقلي او ردي علياا داباا...داكوغ

هيبة:داكوغ سي هشام
قطعات معاه كتدكر ..مشات خدمات لبيسيي وعيينيها معمشين بنعااس عرفات الثمن ورسلاتو لييه فلحين جاوبها ب ميغسي ومعرفات باشش تجاوبو باش متخليش ليه في ودارت ايموجي😊

رد عليها بايموجي حتى هوا فيه:🙂🙄

ضحكات وكتبات ليه :ههههه
هشام:الي بونجوغني
هيبة:بونجوغني سي هشام

ناضت كتاوب دارت تيليفون يتشارجا ودخلات لدوش

فاقو لبناات وناضو كيجمعو فلفراش اما غيتة بزز ناضت حيت مناعسة تال ربعة تصباح

الغالية: نوضو بولكم حماض
حياة(كتاوب وشعرها طالع لسما )انا بغيت نروبو مزيان لبومزوي
اقبال:نمشي نطل على شهيد (تحنات شادة كرشها )ااه
كلهم تخلعوو ملي شافوها كلسات مزيرة على وجهها
خياة:اقبال مالك اختيي واش لوجع
الغالية(بخوف )اويلي على لوجع ياله فالتاامن

توقعاتكن مزال انزيد باارت بقاو فايقين


اقبال:والوو ...اح غير فف شي وجيعات كيشدوني لتحت مرة مرة

الغالية:غير صبري مبقا قد لي فات هاد شهر لخر راه كتمحني فييه

هيبة:بيلو نديوك لطبيبة ! يكما حيت شديتي طريق لبارح

اقبال:لااء من قبل ...مكاين لاش دابا يفوتني
غيتة:هدشي كيخلع
حياة:كلسيي رتاحي بلاتي متهبطي

رتاحت وناضت بشوية عليهاا نزلات لدارهاا دورات الساروت بشوية ليكونو مزال ناعسيين ...هزات عينيها فالصالون ملقات حد عرفاتهم ناضوو ...لقات شهيد فلبيت منشور طول وعرض فلفراش هي بشورط ناعس على كرشو

هزات ملابس تحتية باشش تبدل طرفات توضات وصلاة مشات لعندوو كتهر فلحيتو ..تجر ايدها بااسهاا وهوا ناعس وتقلب على ضهرو بابتسامة

شهيد:الزين

داعبات شعرو بايدها وقالت:صباح لخير ...جابر مباتش هناا
شهيد:بات ...مشا صباح بكري قاليا عندو شي خدمة
اقبال:نقاد ليك قهييوة ولا طلع

شهيد(تقاد فلفراش وجرها عندوو تخشاها فييه )غير قهيوة كافية نتلاح لخدمتي شوية راني عكزت

اقبال:ولفتي دار ههه
شهيد(باسها فكتفهاا )ولفتك نتي اوكاان

اقبال:ياله نوض براكة من شخيير نوض
ناضت حلات سراجم تهوا دار بينما لبس وجدات ليه قهوتو وكلسات معاه


**

الحرية شيئ ثمين مكتعرف بقيمتو حتى كتحرم منهاا

تحل لباب لكبير تاع الشحن ...خرج منوو بسبرديلة بيضة كتشعل سروال دجين وقميجة بيضة ...مهاز فايدو والوو مزير على قبضة ايدو حتى خرج ونطق لحارس وقال:على سلامة ..ا الصديق


شاف فيه بلحية محلقها خفيفة او عينين كحليين كيوزعو الرعب فييك ...جامع حجبانو من الشمش لي ضاربة فيه ...اومئ ليه براسو وزاد بلا حتى كلمة ...وقف فنص طريق وحل ايديه ...خاتم تاع النقرا ديالو هزو بايدو مسحو ودارو فصبعوو ...هز عينيوو فخوه جاي بغا يتعرض ليه بلأحضان ....رجع جوج خطوات اللور وقال:متقربش لياا ....ديني لداري

ملحق 4 (13/07/2021)

فاقو لبنات وحطو لفطور كيتسناو فاقبال تطلع ..طلعات بشوية عليهاا مع لفطور كلسات معاهم

الغالية:مال شهيد وجابر مطلعوش
اقبال:جابر مشا صباح
هيبة:معجبنيش لبارح غير ساكت

حياة:وباينة علاش
قلبات غيتة عينيها كتفطر
اقبال(حطات كاسها بهدوء ونطقات )غيتة شنو بغيتي !

غيتة ؛شنو بغيت ؟
اقبال:نسولوك نتيي ... شنو مشكيلتك مع جابر نحلووها ومريضنا معندو باس

حياة: نسولك وجاوبيني بصراحة اغيتة

غيتة(بنفاخة )شنوو
حياة:كتبغيه ؟
غيتة:جابر

هيبة:زمرة هادي ...لا عبد لكبير جاركم

غيتة:بغيتو غير الصراحة !...انا بغيت نطلق...اه انا غلطت وبزااف وناادمة على كلشيي ونادمة كتر على هاد زواج ...بغييت نطلق صافيي ونساليو هدشي ...جابر ااه عزيز علياا وبزااف ولكن كرااجليي مكنبغييهش ...ديرو راسكم فبلااصتيي واش تقدرو تعيشو مع واحد حتى حبيبة عمرو قالها ليياا ...بغيت غير شي نهار يقوليا لكبيدة ديالي شنو خاصهاا ...حبيبتي شنو خاصك ياله نخرجو ياله نفعلوو ...هوا الى بغا يخرجني يديني لعروبية عند جدااه ....لماكياج ممنوع حتى من السروال ممنوع عندهم حقا ولواد ولاد عمو كاينين ...نبغي نشري شي حاجة لاا متشريهااش تلبسيها نحش لمك ركاابي تفعلي ديريي

كتشوف فيها اقبال وكترمش وقالت:طلاق ماشي حل اغيتة

حياة:جابر ولد النااس اغيتة اقسم بالله تغتندميي وديك السااع عاوديها لكرك ياكما بحساب ليك لطلقك ايبكي عليك ولا يبقا كالس حدا عتبت داركم باش مولات سوالف تسمح لييه !! راه هي كتخرااي ...بتحلوينك تقدريي طيحي رجال بشلااغمهم ونتي الق** راجل كيموت على اصل مك معرفتيش لييه

هيبة:زواج لملاوط كيسالي بزراوط

الغالية: انا اغيتة غاسلة علييك ايدي ...لي بغيتي ديرييه حيت عيييت نتبرا فييك عييت نوصيي ونرطب لخاطر ولكن نتيي لي فراسك فراسك باغة تشتتي لجد بوه داك شمل ولبااس ...

غيتة:حيت ماشي نتوما لي عايشين معاه

الغالية(بانفعال)مجوعك ؟ مالك ابنتي باغة طيريي مالك ؟ مكسيية مسبطة كل مرة جاية عندي بلبسة جديدة وخة يكون وزيير ميديرش معاك هدشيي واش نتي غير الى ماا قالييك حبيبة وكبيدة متبرديي


حياة:هااا ختك(ميلات راسها لهيبة )يفرشخ لمها لعين ويصبح بكادو تاع دهب وكليمات معسليين ...شنو قضا ليها هدشي

هيبة:كلمة جوج رجعي لياا اناا
حياة:مالي كدبت ؟؟ نتيي شحال فرعتي لز** بونا لكر بداك ولد لق** فاللخر كنتي غتموتي بمسبتوو

هيبة(بانفعال حطات لكاس )متبقاايش تجبدييه ليااا


حياة:نتيي عيشي على الاطلال والسلكوطة باغة تعيش تقزاب اشوفيي المعزة الى طلقتيي اقسم بالله يتانكري على جد مك واحد فينماا حطيتي ترمتك يحطها...اش سحاب لييك الرفاهية ورا طلاق(عطاتها صبع )انكلس مك على القرعة

غيتة:ماااشغلكش فياا ...غادي نقراا وغادي نخدم وديك الساع مغدخليش فياا

حياة:سدي دركومك ولا نهرسو لجدك بهاد لكااس ...سلكوطة كبرات لبارح بغات تجي فوق الراس وتخراا نوضي تقاو*دي الله ينعل اصل بوك الكلبة

انصاف فهاد لمعماعة كلها غير سااكتة هوما بداوها بلخاطر سلاوهاا بسبان ولغوات من غير اقباال لي ساكتة كتسمع ليهم

هيبة:صاافي سكتوو صاافي


غيتة(بعينين مغرغرين )انا عارفة راسي تااحد فيكم مكيحملنيي بحالا نتوما ملائكة وانا بوحدي ليي منسوا والوو هءهءه عمركم غلطتوو اه اه غلطت ومعتارفة بيها وطلبت السماحة الف خطرة ولكن باش نبقا فشي حاجة بزز منيي راه مايمكنش

ناضت كتبكيي خلاتهم كالسيين

حياة:نمشي نهدر معاهاا
شدات اقبال فطبلة وناضت :كلسي اللرض بجوج بيكم ناقصين تربية

هيبة: الشبكة قالت لغربال امو عيون كبار مشافت راسها هياا

حياة:سكتيي لنهرس لمك لعين ...عام ونتي مطلقة يالكلبة كون كنت بلاصتك كون ضبرت على داك لكاوريي لي خدامة عندو نشبع غير زهو نعل بو جواج

هيبة:لا احبيبة نتي لي كتموتي على شرااف

حياة:(شافت فيها بتخنزيرة تلغدايد )الله ينعل. كنس تفوو

مشات اقبال عند غيتة لبيت لقاتها كالسة وشادة لقنت تماا كتببكي وتجمع فشعرها لفوق من الصهد

كلسات حداها وقالت:كلمة جوج مكنحملوكش

غيتة:لاا بااينة مقطرة ليكم من لعينين ...هءههء متقلة علييكم ... كلكم عايشين حياتكم لي بغيتو نتوماا واناا لهلا يقلب لياا هءههءء با لاحناا ونتوما لحتووني ...

كلمة ضرات اقبال فخاطرها خلاتها تسكت شوية وقالت بعتاب :ياك اختي ! هدشي لي وليت نستاهل منك ...غير لهدرة لي ضر فلخااطر !...شنو قصرت معااك باش نوصلو لهادشي شنوو ! ...شوفي اغيتة ديريي لي مسلكك ولي ترتاحي فييه مبقيتي غتسمعي مني حتى كلمة ...حيت فتيي العمر ليي لي نقولييك رجعي لسطر ...حياتك ونتي حرة فيها داباا

ناضت خرجات لبسات صندالتها ولبنات فصالة مناكرين

هيبة:بيلو اجي كملي فطورك

اقباا: بصحة

مزادتش كلمة خرا خلاتهم كيهدرو وهبطات ادراجها لدارهاا ..سدات عليها لباب ومشات لبييتها تكات ولجملة تاع غيتة كتنهش فخاطرها كي لخنجر

**
دخلات هيبة لعند غيتة وقالت:شنو قلتي ل اقبال حتى هبطات مقلقة

غيتة(مسحات عينيها )تقلقات ؟

هيبة:عمرك سمعتي مني كلمة لعيب اغيتة ولكن نتي راك كتبغي غير راسك مكتفكري لحد شنو كيحس ولاا واش كيتقلق ...فكري غير فاقبال مبقا ليها والو لولادتها ونتي كتقهري فيها مافيك لي يصبر شوية

غيتة:باش حتى اناا يسد عليا فدوش هاد لمرة؟

هيبة(تنهدات )فرق كبيير بزااف اغيتة ونتي معمية عمرك اتشووفييه ...الحب والمعزة والله اختي مكتقاس بلكلاام ولهدرة ...حيت لهدرة غير هدرة تقدر تكون من القلب وتقدر غير باش يديرو لخااطر....مزال ترجعي على هدرتي ومزال تفكريي فهادشيي لي نتي سادة عليه عينيك

غيتة:مبغيتش نشوفو براكة لي شفت ...اناا ماشي ديال زواج ساليناا نطيب ونجفف وفليل نحل رجليي خدامة عندوو؟

هيبة:نتي تعرفيي


الغالية:اوا فطور هدا
حياة(شادة التيليفون )بنات الغالية واجرك على الله دابا نقوليها تكعدي نخرجو تقول كنا كنكدبوو ..

الغالية:عاد جاها طلااق تاختها واحلة فروحها

**

فخدمتو ملاهي لوقت يعبر لعود ويقطع ولخدمة عندو كتيرة مع الصيف صلاح على برا كيحك فشي بيبان وجابر لداخل كيقيس لعبارات ...حتى دخلات عليهم كريمة بابتسامة وقالت:صباح نوور

هز عينو فيها وهبطهم وقال:صباح الخير

كريمة(كتقلب فين تحط لبلاطو لي جابت معاها حطاتو فوق طبيلة حداه تما )لباب وجد ؟

جابر:قريب ...لاش عدبتي راسك
كريمة:عدابك رااحة اسيي جابر ههه (جمعات الضحكة )مال عينيك حمريين ويلي نقطة من دم

جابر(مسح عينيه لي كيحرقوه )يمكن لغبرة تاع لعود
كريمة:بقا دير نضاضر لغبرة تاع لعود راه خاايبة حتى لصدر

جابر:اوا هادي هيا لخدمة اكريمة

كريمة:ولو رد لبال لصحتك ...الى مشات صحتك اتنفعك لخدمة

جابر:داكشي لي كاين اكريمة

كريمة:جات حياة
جابر:ايه جاات لباارح
كريمة:الى شتيها سلم عليهاا وقوليها قالت ليك كريمة دوزي عندي

جابر:ان شاء الله
كريمة:هانتا لخاصاك شي حااجة قولها لياا نوجدها ليك ومضرب حسبة لغدا نجيبو ليكم

جابر:ميحتاجش وبلاما تعدبي راسك كل مرة ..مكناكلش لكانت لخدمة مزيرة

كريمة:غير مكنبغيش نشوفك مامرتاحش وصافي ...ونتا باين عليك مامرتاحش

جابر:نتي شوافة ؟
كريمة:اناا عارفة وصلاتك لهدرة مشيت عند شوافة على ودك داكشي لاش مكتاكلش ماكلتي ...ولكن على رقبتيي عمريي درت شي حاجة فلماكلة ... منقدرش نضرك اجاابر ولا ضريتك ضريت نفسي معاك

جابر:ديك طريق ماشي ديالك اكريمة
كريمة:عمري مزال شتهاا عرفت داكشي مامنو والوو ...ولحاجة الى مجاتش بلخاطر مكتجيش بزز

جابر(سها فيهاا كيخمم ونطق وعقلو فجيهة خرا ) حاجة بزز مكدومش

كريمة ؛اوى من الاخطاء يتعلم الانسان اولا ههه

جابر:يمكن
كريمة:مناويش ديرو شي وليدات ههه
جابر(هبط عينو لخدمتو ونطق بصوت غير مسموع )داكشي لي بقا ليا ...لباب اكريمة مع طناش نجيبو لييك

كريمة:جي ركبو نتاا (بابتسامة دلوعة واحد اخور يدوب فيهاا ) مرحبا بييك

ملحق 5 (14/07/2021)

كريمة:جي ركبو نتاا (بابتسامة ) مرحبا بييك

جابر:ايكون خير

خرجات فحالها وبقا منشاغل فخدمتو

صالح :لباب ديال كريمة راه نشف
جابر:ديه ليها وركبو مزيان
صلاح:ااه كون غير هنيتيني اتبقا علياا لا هكا لا هكا مكتعرف والوو

جابر(عينيه فلماكبنة تاع لعود )حطو ليها ورجع ...انا مامساليش نبقا نركب فلبيبان اصلاح

صلاح:واخة المعلم

رجع لخدمتو حتى صونا تيليفونو بنمرة غيتة وقطع عليها تصوني ويقطع


الغالية:مجاوبش !
غيتة:لااا فف انصاف ياله معاياا نجيب كتوبتيي بغيت نحفظ
حياة:لي سمع لحفاظة يبات يغني

غيتة:هاد غيتة دااابا تصدمكم غير بلاتي

هيبة:هوا لسسا فييه صدمااات
انصاف: انمشي نحفض اناا

غيتة:وصبري تمشي معاياا
الغالية:كتخاافي
غيتة:خفتو يشدني فدار لكانت انصاف مكيهدرش معاياا

الغالية: الله اهديك على نفسك

حياة:هيبة نخرجوو
الغالية:فين اقبال ! حسها مقطووع

غيتة:مقلقة مني ؟ نمشي ندق عليهاا

حياة:عاد صحا لمك الضمير !؟

تجاهلات هضرتها ونزلات فدروج كدق فلباب تاع اقباال كتسنا الرد مجاوبتهاش ...بقات كتعض فمهاا تعيات وطلعات لدار

هيبة:جاوباتك !
غيتة:لاا محال واش كاينة فدار

انصاف:يمكن مشات مع شهيد حيت مكايناش الطموبيل

حياة:خلي لكتوبة من بعند وياله نضربو ضويرة شرفية مي تمشيي
الغالية:غا خرجو ابنتيي نكلس ندير ليكم لعشاا

قبل ميخرجو طلعات اقباال بميكة تاع ديسير حطاتها فلكوزينة حتى جات كتعلق فيها غيتة وتمخشش فيهاا

غيتة:والله مقصدت نقلقك سمحيليا ابيلوو ...عفااك

ربتات على كتفها وقلبها عامر ؛لمسامح كرييم

غيتة:مقلتيهاش من قلبك بااينة ...وصافي متعصبيش ليا ايسوو وميبقاش يحملنيي ملي يتزاد

الغالية:ديري عقلك اغيتة

غيتة:مم فف واخة وعفاك ابيلو ...الى سمحتي لياا خرجيي معاناا عفااك ...عفاك

حياة:بب ياله نتمشاو شوية نديكم لحبس قارة

هيبة:هداك خاصك نتيي
حياة:ههههه بيلو راك واجدة نلبسو ونهبطو مزيانة ليك لاماغش

غيتة:لفرونسي ديال لكيلوو هههه
حياة:سيري تعلمي لييك غا صواب الحقيبة واجيي نترادو الصرف

اقبال:نتسناكم لتحت

انصاف:انا نهبط معاك

هبطو لتحت كيتسسناو
اقبال:واش هدا كلو لبس تء
انصاف:نمشي نعيط ليهم

اقبال:غير خليك

نزلات غيتة هيا اللولة بسروال او تيشورت قصير حد صمطة السروال وسبرديلة فلونوو ...مكياج خفيف وشعر على راحتو كيلعب
طلعات حدا انصاف اللور وقالت:كي جييت !

انصاف:جاتك لبسة وااعرة
غيتة:عويناتك الزيين ...ههه هدا تيشورت طيرتو لحياة من شانطة وسبرديلتهاا هههه عجبنيي جاني زوين ياك

انصاف:قصير !
غيتة:كيتلبسو هكاك فنين


نزلات حياة وهيبة حتى هوما محلقين على لحالة وروايح كتشاير

اقبال سايݣة وحياة حداهاا مشاو لكافي كان ارقى مكاين فمكناس كونصوماو اش بغاو

حياة: لبنات نمشيو لسعيدية !
اقبال: مزال مسخنتي حتى بلاصتك

حياة:بغيت ندوزو لي مدوزنااهش اختي نشوفو لمغريب فيه ميتشاف خاصو غير لفلوس

هيبة : والله مكرهت نسافرو ولكن محال نشد كونجي دابا مزال مكملت حتى لعام اللول صعيب

حياة:قوليه با ماات نمشي نعزي
اقبال:بااز
حياة:هههه شنو غيتبدل ؟اصلا ميت شحال هادي
غيتة:نمشيو لبحر شحال مامشيت ليبه ....لمشية مع جابر كاع متحسبوهاا تفويجة

هيبة:لهاد درجة معمرو دار معاك شي حاجة زوينة

غبتة(قلبات عينيهاا )معقلتش ...قولي لماما مديرش لعشاا نتعشاو براا

حياة:واللهيلاا نديكم لواحد لقنت شهوا منوو
هيبة:قناتك معروفين ههههه

لمغرب عاد ناضو كيتمشاو شوية فلجو كبرد فلعشية ...كلسو كيتعشاو فريسطوو

حياة:شوفي النااس شوفي كلشي مديها فطبسيلو الا حناا هههه
هيبة:هههه كاينة شي جعواقة قدك
حياة:يختيي دنيا عمرات فرييز وانا مطمسة علياا

اقبال: طلقونا خلااص سخفتوني بجووع
انصاف:ههه حتى اسماعيل ايكون مسيكين جااع وعيا بطريق

غيتة:ناري امتا يتزااد نبجغو بوسان خهه

حطو لعشاا مشكل كل وحدة اش ختارت
حياة:يااا بنات الق*** 700 درهم وخة نكونو كليناا بزازل ديناصور
هيبة(حطات لكلاص من فمها )اويلي على سبعمياا بزقة اللاروب فطبسيل

اقبال:نتي لي فيك لفز جايبانا هناا

حياة(شربات لما وجبدات بزطامها )تخافييش الحاج يخلص
هيبة:وبااز
غيتة:دوري معايا امرت لحااج

حياة:انضربك تا دووري

صونا تيليفون اقبال ولقات شهيد وقالت:نتسناكم برا

جاوباتو وهياا خارجة وقالت كتنهج شوية مع هبطات فدروج :الو شهيد

شهيد:حبي فينك ؟ مالك كتنهجي

اقبال:درووج ياله تعشيناا نتا فدار جيتي
شهيد: تقدري تجيي دابا..جاو مالين دار

اقباال:قوليها طلع لفوق حتى نجي
شهيد:راك عارفة مينة .... غير دغياا متعطليش
اقبال:واخة هانا جاية داباا
شهيد:بشوية علييك جيبي معاك شي موناضة هكاك من لتحت
اقبال:وخة

قطع معاها وخرج من لبيت فوجه مينة عاد جاية مشمرة على ايديها وقالت:فين اقبال

هيد:خرجات مع خواتاتها حياة جات من برا

مينة:الليل هدا وهيا حاملة دايرة راسها فدريات صغار ولاشدها شي وجع ولاا طاحت فطريق
شهيد:مالنا تاني على هاد لفال ؟؟ ...اقبال قادة براسها الواليدة متخافيش

مينة:انا خايفة غاا على لي فكرشهاا (عطاتو بضهر غادية )اما هيا ضبر راسهاا

يتبع...

التنقل بين الأجزاء

صفحة القصة
سيتم تشغيل صندوق التعليقات بعد لحظات
معظم التعليقات تم إخفاءها بواسطة الفيسبوك، نحاول بكل الوسائل المتاحة إستعادتها في أقرب وقت ممكن.