حكاية أنثى الجزء 47

من تأليف لبنى السرابي
2021طور الكتابة

محتوى القصة

رواية حكاية أنثى

خرجو عندها لبناات وقالت:مزال ساهريين ؟
حياة:عيتي ؟
اقبال:جات مينة خاصني نمشيي

هيبة:واش هادي بعقلها ؟ مفهمتش علاش كل مرة جاية بلا متعلم

حياة(كتسد فبزطامها)بلانات ز**. مغنمشي تنقو*د معاها سوايع طاالعة ليا فك** بهاد ستونات لقح**ب

اقبال :صلحي فمك واش مغتوبيش
حياة:تابت هاد لعاقيصة لي عندك

غيتة:نااري مزال لحال باش ندخلوو
حياة:ادوريي تقااو*دي نتي بعدا خارجة بلا شوار راجلك غيجي يسب ديلمنا جملة

غيتة :ففف

ركبو وهاد لمرة سايگة حياة وصلوهم لدار ونوضوهاا فطموبيل بين حياة وغيتة لي مزال مبغات تدخل فاللخر هبطات بزز منها تابعة انصاف كتخبط

حياة:جهلتني بنت لكلب

مشات انصاف تسخرات لاقبال من لحانووت في حين هيبة وحياة قلعو بطموبيل مشاو يكملو السهرة وغيتة طلعات

حلات لباب اقبال لقات ضحك مينة واصل فين بغات...خدات نفس عمييقة وسدات لباب تقابلات معاهم وقالت:مسا الخير

مينة :اوى على السلامة امولات داار !...فينما جينا نلقاوك غابرة
اقبال:كنت مع حيااة (سلمات عليهاا ودازت لناصر )عميي لبااس
ناصر:لباس ابنتيي
ملاك:بيلوو فين انصاف
اقبال:طلعي عندها لفووق

ملاك:انمشي عندهاا

مينة(حمرات فيها )كلسي اللرض انصاف كون بغاتك كون جات
اقبال:لاا معارفاش واش كاينة وزايدون انصاف كتحشم مع عمي مغتجيش

مشات تبدل دغياا وتدخل لكوزينة تشوف اش دير دخل عندها شهيد وقال:فوجتي شوية !

اقبال؛فوجت
شهيد:مالك

اقبال:شهيد ...هدشي لي كدير فيه مك راه ماشي معقول
شهيد(تنهد مأيدها )شنو ندير ليهاا وهيا هكاك
اقبال:مافيها باس تعلمك غير نتا الى كانت اناا مكتحملنييش ...ماشي معقول كل مرة هكاا وكل مرة نسمع لهدرة ...راه بزااف محتارمينهاا تعطينا تاحنا شوية الاحترام

شهيد(داعب خدهاا )عفااك غير سلكيي نتي مولات لعقل

اقبال(تنهدات مغمضة عينيهاا )واخة...صافي سير كلس معاهاا لتقول كنحرش فيك تااني
شهيد:هههه تحراش كاع
اقبال:نتوقع اي حاجة

مشا كلس معاهم وهيا لبسات ودخلات لكوزينة تشوف اش دير لعشاا ..نصبات لحم فلكوكوط وخلاتو كيطيب بلخاطر وجمعات لكوزينة بزز منهاا كل مرة تشدها نغزة او السخفة وتكلس

مينة(دخلات عندها )عااد نصبتيه ! ميطيب حتى لطنااش
إقبال: كون علمتيني اتجي تلقايه طاايب وكيتسسنا فييك اخالتيي

مينة:قلنا غنجيو نشوفوكم مكناش فدار مامعولينش

اقبال:مرحبا بيك فاي وقت اخالتي غير هواا تعلمي لواحد مزيانة باش يدير بحسابك

مشاو كلسو فالصالة تنقزات مينة وقالت: ان شاء الله ملي تولديي تكلسي عندي

اقبال:علاش شنو الفرق

مينة:اوى شنو تولديي هنا ؟ دار ديقة غير خوتاتك راهم كتاار يبدا واحد يضرب فواحد وعائلتنا راه كبييرة

اقبال:اخالتي مال خواتاتي باش مديقين علييك ! هادي راه دارر ختهم وعائلتك مرحبا بيهاا

مينة :مولفين توااسع ميجيوش هناا
اقبال:لي بغا يجي مرحبا بييه

شهيد:بصح ا اقبال علاش منمشيوش لدار تما حسن وباردة


اقبال(شافت فيه )داريي حسن لياا اشهيد

مينة: لا لا اتجي عندي لدار لهدرة لخااوية
شهيد:ان شااء الله مزال الحال

شافت فيه اقبال زعمة منيتك ...مقدرتتش تهدر باقي وسكتات سارطة نص لهدرة لي كانت فحلقها

مينة: لحلوة اتشريوها ؟
اقبال:مزال معرفت

مينة:مم واخوتاتك لاش صالحيين ملي ميديروش ليك لحلوة على حقها وطريقهاا ... طاشمة تاع بناادم وفاللخر لبراني يصايبها ليك متعرفي اش داير فيهاا

ناصر ولا غير متكي وكيتسنط لراسو فوسط هاد لحوار فينما نطقات مينة بشي حاجة كيهمس بلاحول ولا قوة الا بالله ...جهد ليهاا سلاتو وراسها قاسح وبغات كلمتها هيا لي تمشيي


اقبال: يكون خير ان شاء الله

مينة:ععقلتي ا شهيد على خديجة صاحبتي
شهيد(كمش حجبانو كيتدكر) شكون هادي ؟
مينة:صاج فام ف سبيطار

شهيد؛صحاباتك كتاار معقلتش
مينة:انا بعدا كنتصااحب غا مع شكون وشكوون لي نهار نحتاجهم ينفعوني اايه
شهيد:مالها مالها

ناضت اقبال تشوف لعشاا وكتسمع فكمالت حوارهم وخة عرفات مفاده داكشي باش نساحبات

مينة:دويت ليها على مرتك ..قاتليك غاجيبيهاا نتكلف بيهاا
شهيد: فسبيطار لمخزن ؟ اش اودي الناس تهرب منو وندي ليه مرتي

ناصر:اوى ولكانت ماشي نوبتهاا تخرجي على لبنت

مينة:مالها اش بغا يخرج عليهاا ربي هنا وربي لهيه زعما لكلينيك شي حاجة ! غااا كيكزروو فنااس توجع جوج دقايق يقولو ليها حقا ماحقا طلعي تفتحي

شهيد:عند رخصو نخليو نصوو الواليدة ...فاش جاتناا فلوس لكلينيك

مينة:معندك كريدياات !معندك سبووع متابعك والوو بقات فلكلينيك ! راه غير الشنعة مالي اناا والداك فسبيطار لمخزن


ناصر:داك لوقت ماشي هوا دابا...ملاك ولدتيها فلمخزن

مينة:ملاك راه تمحنت فيهاا وخة كلينيك زغبني الله وبغيت نطير ...انا نكوليك يجيها لوجع نمشي معاك يسبقوها هيا لولة ...تابعك سبوع ودبيحة ومغرق راسك فلكريدياات من دروك


شهيد:نشاء الله ...ان شاءء الله

مصات اقبال شفايفهاا كتبرد فراسهاا وكتقطع فبطاطا فريت ...جا شهيد وقف حداها داعب كرشهاا وباسها وقال:متديش عليهاا

اقبال:كيفاش ديك ان شاء الله ؟ ياك تافقناا نولد نجي هناا منين خرجات تاني هاد نمشي تماا

شهيد:وشنو فيهاا !

اقبال:لهدرة من بعد ماشي دابا

حيد ليها لقطاعة تاع بطاطا وقال:كتبغييو ديروني لوسط ولبااس وحدة راسها قسح من لخراا

اقبال(بعدات ) مسكيين محكور

شهيد(شاف فيها وعيب هدرتهاا ورجع كيقطع

***
ساهريين فاحد ريسطوات لداخل كاين لي كيكونصومي حتى شراب

فطبلة شادين كيسان تاع لعصيير ولموسيقى مطلوقة
هيبة:متششوفيش كيديري لينا لفيزا احياة

حياة:متقدريش على لغربة اهيبة ونتي هشيشة ودميعة

هيبة(قلبات عينيها )نتي معاياا !
حياة:لق***ي لي معااك واخة هانتي مشيتي تما قادرة تصبري واحدربع سنين حتى تقادي وراقك ؟يكما يحساب لييك دوزي شهر تقاديهم ؟ انا راه غير حيت محمد عندو لجنسية

هيبة:هههه ضبري ليا على شارف

حياة:اكبر تخويرة درت فحياتيي اهيبة منصحكش بيها


هيبة:شوف شكون كيدوي دابا عاد

حياة:هاني بغيت نطلق كنخافو يموت فايدي حياتي كلها منسمحش لراسيي ....كنضحك ونلعب ولكن راه حاسة براسي محبووسة ...واناا ماشي تاع هدشيي مامولفاش شي حاجة تحبسني

هيبة:عيات فيك اقباال نتي راسك قاسح

حياة:تء هانية هانية

بدات اغنية فلارجاء كانت اول مرة تسمعها فلباطو مع هود
سهات معاهاا كدكر شحال من حدت وقع معاه وهيبة كتعااود ولخرا مبقاتش هناا

عيبة:واا زمر فين مشيتي!

حياة:سهييت اش كنتي تروني

هيبة:هادشي ضرني فراسي نوضي نمشيو...طناش تليل هادي
حياة:نوضي نمشيو

خرجو ادراجهم كيضحكو فاتجاه الطموبيل ركبو وزادوو لدار

وهوما طالعيين فدروج وصوت ضحكة حياة كتسمع تحل باب اقباال كيودعو فمينة وناصر معاهم انصاف والغالية

مينة:تصبحو على خير
اقبال: تصبحي على خير اخالتي مشا لحال كون بتو هنا

مينو:لااا لاا نهار بت هناا منعست ماشتو بلحساسية
حياة:خالتيي ميينة والله معرفتك ههه
سلمات عليها من لحناك
مينة:لباس احياة اش خباارك ...علاه اش تبدل فياا

حياة::غلاضيتي شوية ...لا لا غلاضيييتي تبارك الله ما شاء الله وشتك سماريتي ؟ تبحرتي !

مينة: لاا لا انا هيا اناا مسماريت ماغلاضيت غير نتي لي عينيك يمكن ضببو بنعاس طناش تاع الليل هادي

اقبال(كتحرك راسهايمين وشمال وتنهد مغمضة عينيهاا ) اربيي

حياة: بسلامتك واحد لخرجة حلاااوة (بميوعة )ماماا معطيتيش خالتي مينة شي ريحة
مينة:ايهي عطاتني الله ايجك لخير

حياة:وديريها وتفكريني راه زوينة(ضرباتها لكتفهاا كضحك ونطقات بهمس )تلفي ليا عمي نااصر ههه

سلمات عليهم وطلعات مع هيبة خلات مينة متبعاها بعينيها ولمطات فمها وقالت:مبقات حشمة

شهيد(بهمس )لواليدة !...نزلي ياله
نزلو وبقات اقباال واقفة مع لغالية وانصاف تمشاو
انصاف:ندخل نعسل دوك لماعن لي بقاو

جراتها اقبال:طلعي تنعسيي لماعن مغيهربوش
انصاف:تصبحي على خير اختي(باستها فحنكها وطلعات كتجري

الغالية:يكما سمماتك بلهدرة تاني ...شتك مهياش
اقبال:لهدرة لمسمومة الغالية وليت كنسمعها من غييتة اما لبراني هدرتو زايدة نااقصة عندي

مع هاد للكلمة طلع شهيد وهز عينيه فاقبال لي بدورها شافت فييه كانها كتأكد كلام لي سمع

الغالية(بغات تنقد الموقف وبدات كتفتف )وااه ...واه معندك مديري بهدرت جيراان ميزيدوك مينقصصوك ...سيري ابنتي تكاي (كتاكد )راك عياانة ومتعصبييش راك علااين

اقبال: تصبحي على خير

طلعات واقبال دخلات كتحيد فلبوليرو لفوقاني على لبيل سميطات ...سد شهيد لباب ولاح الساروت فوق الطبلة جنب لباب وقال:دابا لواليدة برانية !

اقبال(كلسات مقابلة معاه )فنضرك نتاا انا ماشي برانية وحاسباني غير بنت الشيخة

شهيد:علاشش كتبغي تعقدي الامور

اقبال:الامور الواليدة ديالك معقداها ...وبغاات تمرضني فحياتيي ...اشمن حل نديروه معاها ومدرناهش ؟ ولا بغات تقولها فيا زوينة ...وكيفاش نتاا بااغي نمشيي لداركم ونولد تماا ولا تشاورتي معاياا اناا لي نقول فين نولد واشمن بلاصة مرتااحة ليهاا


شهيد: يمكن لقربتو من بعضياتكم غنتهناو من هاد صداع

اقبال(وقفات بانفعاال وغوتات)مك مكتحملنيييش اشهيد وعمرها تحملني كااع (خبطات فراسها )دخلها لرااسك كيف انا بردت من هاد جييه

محلق 1 (16/07/2021)

شهيد(قرب ليهاا بغا يداعب كتفها وتنترات منو كلسات وتحنا عندهاا )تهدني واخة !! صافي بردي (مسح على شعرهاا وهيا شادة راسها بايدها )لواليدة ماشي مكتحملكش غير

اقبال:شهيد بلا متبيعني لعجل ...راني بعقلي ومكنحكم على لواحد حتى كنقرااه...الى نتى كتعاما انا لاا

شهيد:كنتعاما حيت هاديك امي ا اقبال ...(داعب ايدها )عدريني عارفاها مقصرة من جيهتك ولكن ششنو نقطع هدرتها ؟ نبدلهاا ؟ راه مي هاديك ومعندي عليها فرااق حتى نموت ولا تموت

اقبال(تنهدات )الله اخليها لييك ويطول فعمركم
كلس قبالتها وشابك ايدو مع ايديها وباسهم وققال:حتى نتي معندي فراق علييك مشيتي ليا مع لعروق (باس شفايفهاا ) ام ولادي

اقبال:ممم (بدلاتو القبلة كضحك حتى عضها فقنوفتها تغوتات في فمو ودفعاتو شدا بلاصة لعضا)الله يعطيك لمسخ اححح

شهيد:احح خارجة من الاعماق ولا بلايص اخريين هننن (غمزها )تي كيفاش

ناضت وخلاتو كيضحك ...تنهد من وراها ورجع شعرو اللور وقال:لهم للعروسة ولعكوزة عمرو يسالي فشي جيل زعمة ! ...تقاليدنا العريقة

طلات عليه لقاتو كيهدر بوحدو و قالت:امالك اولد مينة !

شهيد:سوق لعيالات احبيي كيخليو رجال بلا سروال مفراسكش
اقبال:لا مفراسيش ههه

جمع معاها لكوزينة عارفها ميمكنش تخليها مرونة غسل ليها لماعن وهياا وراه كتمسح لبوطة او طبلة وتشطب تسالات مشات غسلات وبدلات وهوا دخل يدوش..بقات كتلعب فخصلاات شعرها ومرة مرة داعب كرشها لي كيبان ليها كيتحرك وكتسها فكرشهاا


كلام غيتة كان تقييل صعيب يتهضم كيفاش لاحوها كيف لاحهم باهم ...واش فلوقت ليي كانو باغين مصلاحتها وفلحضة غضب دارو شي حاجة بزز معرفاتش

يمكن تسرعات فزواج غيتة وجابر ولا لاحتهاا كيف قالت

طفات الضو وخلات لفيوز فجناب حسات بيه دخل جنبهاا جر عليهم ايزار خفيف وهيا بكسيوة قصيرة وعريضة للحوامل تاع نعاس ...خشا ايدوو فكرشها بايدين باردين

قبال:ممم ايديك باردين

شهيد(ضحك وباس كتفها )نوضي تبرديي الحيبان
تبسمات ليه وقالت كداعب شعرو :شعرك طوال
شهيد:غدا نمشي نقطعو ...معجبكش هكا ؟

اقبال:لاء خليه كيف اللول زعمة راك ادير لوليدات
شهيد:غير نسيتو(باسها من شفايفهاا )غدا نحلق ...واش نتي لي كتحلاي ولا انا لي تزادت فيا شي ضلعة

اقبال؛هههه نقص شوية
شهيد(همس فودنها بفحيح )مكنشبعش منك غير تنخاف علييك
اقبال(عطاتو بجنب وعاونها )هيا لعطيتيني تيساع
ضحك وطفا ضواو وتكا حداهاا وقال:هانية نصبروو مبقا قد لي فات ونطحن مك

**
دازو لايام قرابة الاسبووع خروج دوران ضحك لعب ..هدشي لي باغة غيتة وتقول واش ردات لبال لجابر لي غابر فكرات فيه نهار اللول علاش مصوناش ليها من بعد تنساات وقالت من الجنة والنااس ...حتى لحوايج كتلبس مع انصاف وتخطف لحياة لبيااسة لمخيرة تديها ليهاا وتخرج عينيها تخليك تسكتيي

فلبيرو ديالها كالسة راسهاا عاطيها حريق خاايب شقيقة ومع ضو لبيسي صافيي كملات ليها لي بقاا وتيليفون صدعهاا بكترت الهدرة ولمتاوية وهدا كيسول على هدا وهداا كيتسنا لخلااص هادي حالة الشركات الخاصة

من قدامها دايز كيهدر فتيليفون هزات فيه عينيها ورجعات لخدمتها عادي بعد دقائق خرج عندها وقال :هيبة اجتماع مع 6 وجدي لياا ديطاي ديال شحال خرج هاد سيمانة !

هيبة:داكوغ
هشام:تقدري تعطليي ليوماا
حركات راسها باه وراسها كيضرب


هشام :ردي لبال بغيت يكون داكشي إݣزاكت

هيبة:كون هاني انخدم عليه داباا
هشام:مغسيي هيبة

مشا لناحية لقهوة يصايب ليه كاس لقا بواطة زجاجية فيها لقهوة وقال:ديالمن هادي ؟

هيبة:قهوة معطرة ...دياليي مكتعجبنيش تاع لكاغتوش

هشام(شمها )نهز ليك شوية منهاا !
هيبة:هه بصحة والرااحة سي هشاام

تبسم ليها ودار كيركب لبريز لماكينة لخرا دار قياسو وحط كاسو لتحت ...ريحة لقهوة معطرة كدخل مع نيوف ...داق منها وقال:ممم تخي بون

هيبة:بصحتك
هشام:كنشريها مكنلقهاش هكاا منين كتاخديها

هيبة:كناخد لقهوة عادية ...ماما كتصايب ليها لعطور وتخلطهم
هشام:بحال لواليدة مكتبغيش تاخد لحاجة مطحونة ..خاصها طحنها وتخلطها على ايدها

هيبة:الله اخليها ليك
هشام(تحرك لبيرو ديالو )اميين

***

نزلو من طاكسي غيتة وانصاف متوجهين لدار ديال جابر كتجبد فالساروت

انصاف: مكيجاولكش !
غيتة:شاد الضد زعمة حيت مشيت لطنجة
انصاف:اختي كديريها قدااش وتقولي مدرتش
غيتة(شافت فيها )نتي ختي ياك

انصاف:غير ملي كتبغيي
غيتة:ننن طلعي وسكتي
انصاف:نخاف ! ولكان ولسولك

غيتة:واااسكتي شوية
طلعات ادراجها لدار وقفات انصاف فدروج ولخرا كملات كتحل فلباب لقات سقيل ...تمشات تالصالون لقاتو مجموع من غير شي باكيات تاع دوا او قرعة تاع لماا فوق الطبلة ...حطات سبرديلتها ومشات لبييت حلاتو بشوية ...لقاتو ناعس على كرشو ...تهز قلبها وخافت ورجعات اللور ورجعات كلات كترتب فلهدرة

دازت لجيهة كتوبتها كتهز فيهم بلحس تادار جيهتها عينيه حمريين او وجهو مزنك بصوت مبحوح نطق بعياء:غيتة !
غيتة(حطات لكتوب وقربات جيهتوو كتفتف )فيقتك

رجع تكاا وجر كلينيكس من حداه مسح عينيه لي كيدمعو نيوفو خنوقين ولحلاقم منفوخين صوتو كيخرج غير بزز

غيتة:واش ضربك لبرد

بصصوت يكاد يسمع :شوية

رجع تكا عطاها بجنبوو وجر لغطا عليه فعز الصيف بقات كترمش فيه

غبتة:جيت ندي لكتوبة دياليي ...ونكلس مع لبنات شوية
من تحت لمانطة جاوبهاا وقال:ديري لي عجبك اغيتة

سكتات شوية كتعيب فهدرتو بهمس وناضت وقالت:بهمس :هاهيا غادية
مشات جمعات لكتوبة فصاكهاا وشي حوايج وفوطات صحية ليها وملابس داخلية كتشوفيه من لمراية مهزش راسو باقي مرة مرة يكحب ويصدر انين بعدها كنوع من الم السعال مع لحلاقم

غيتة:انا مشييت ...خاصك شي حاجة

مجهاش الرد وخرجات كتبركم :هوا ملي كيملخني عصا كنبقا فييه ؟ يعوم بحروو
وقفات كتلبس سبرديلتها وكتشوف فباب لبييت وترمش ...تكات على الحيط شوية هزات سارروتها وخرجات

ملحق 2 (17/07/2021)

انصاف : تعطلتي كاين

غيتة:ناعس زيدي خلاص

وصلو لباب لتحتاني خرجات انصاف وغيتة بقاو عينيها معلقين فدار شادة صاكهاا

انصاف:وزيدي

غيتة: جابر مريض !

انصاف:مسكين ...وشنو ادييري

سكتات شوية كترمش بعينيها وكتدكر

*جابر(كيداعب خدهاا وكيمسح دميعاتهاا من لوجع )مالك فتبوحيط امعيزة
غيتة:هءءهء قتلني لوجع
جابر:شربتي دوا لي جبت !
غيتة:شربتوو
جابر(جرها عندو تولات مخشية بين ضلوعو وزير عليهاا كيداعب كرشهاا )شوية ويفوتك ونشري ليك لخبز لاوي
غيتة(فعنقو )سميتو طاكووس
جابر(باسها فجبهتهاا)نجيبوو طاكوس ايغلبناا ؟...شحال عندي من غيتة !**

انصاف:واغيتة
غيتة:وحدة !(شافت ف انصاف ) شنو
انصاف:شنو وحدة

غيتة:والو ...صافي سيريي لدار ا انصاف غنبقا معاه
انصاف:واخة اختي الله اشافييه
تسناتها تمشات وطلعات بجري فدروج حلات لباب لاحت سبرديلة وصاكها وسدات لباب مشات لعندو...مشات جيهتو كطل عليه لقاتو نعس كيتنفس شوي من فمو ...حطات ايدها على جبهتو لقاتها طاايبة كتشوي ...مقال ليها راسها غير ديري شغل لافلام مشات جابت فوطة صغيرة وبانيو فيه ماء عادي من لكوزينة عصراتها وطواتهاا وقربات جيهة جبهتوو عاضة على لسانها حطاتها بشوي حتى قفز

جابر(بصوت متعب )غيتاا
غيتة(بنفس نبرتوو )جابااار

على داك لحاال كتبدل ليه لفوطة تعيات ولا ديك السخانة بغات تهبط ...بدلات حوايجها بشورط وديباردو منو سوتيان وهابط شوية بالشبكة فلكحل جمعاات شعرهاا وبدات كتجمع فلبييت ودخلات لكوزينة كتصوني ل لغالية وحالة باب تلاجة

الغالية:نعام
غيتة:ماما اشنو كديري فلاسوب
الغالية:لاسوب !اااه صووباا مالهاا
غيتة(كتلوي فزغيبات من شعرها ) اش كديري فيها جابر مريض بقيت معاه وانصاف راه جاية قولي اش ندير فيهاا

الغالية:مالو مسكين
غيتة:السخاانة ودابا قولي ليا اش نديير

وراتها اش دير قطعات كلشي وخلاتو كيطيب ومشات كلسات حداه موسدة ايديها جنبو هزات ايدها تشوف حرارتو وهبطات مع وجهو لحيتو لي خلاها طوالت شوية مجعدة شوية ومامرتباش على حركة ايدهاا حل عينيه تقال عليه وميل راسو جيهتها تبسمات وتقدات حداه

جابر:مامشيتيش
غيتة:تت يووك

جابر: سبحان الله (ضار لجيهة لخرا مݣعد شوية بايدو كيكحب وشاد صدرو غيتجيف طارت كتجري جابت ليها كاس تاع لماا شدو من عندها شرب جغمة بزز دازت ) احح

غيتة: واش لحلاقم (حرك غير راسو باه ورجع تخبط فبلاصصتوو محن )درت ليك لاصصوب غير طيب نجيبها ليك
حرك ليها غير ايدو ورجع نعس ورجعات فزكات لفوطة ودارتها لييه وهوا حاس ومقادرش يحل لا عينيه ولا حتى القدرة باش يهدر

**

شادة فصاكهاا شيرات بايدها لطاكسي وقف وركبات ..حطها فشاريع لي فوق من دار ولي قريب لصيدلية شهيد ...تمشات مهبطة راسها معلبالهاش بشكون غادي وشكون جايي ...سمعات اسمهاا بصوت رجوليي ميخفاش عليهاا خرجو عينيها شدات فصاكها وزربات فلمشية

دريس:المشة ...انصااف


وقفات مزيرة على ايديها ودارت عندو وشافت فيه بابتسامة خجولة ولخلعة تحت منها كتشوف هنا وهناا
انصاف:نعام

حيد نضاضر من عينيه وتبسم ليها تبانو سنانو وسط لحية بنية اللون غادية لاسود وعيون عسلية صافية مكمشين من ششمش لي ضاربة فاص ليه

دريس؛ مالك هاربة
انصاف:غير معرفتكش ...بسلامة خاصني نمشي
دريس(هز حاجبو ليها بامر )وقفيي ...سلام سلام بسلامة
انصاف(بخوف)وش وشنوو
دريس: شتك مرجعتيش
انصاف:لاا مبقاش كيضرني صافي
دريس(قرب جيهتها داير ايدو فجياب )واخة هكاك لابد ترجعيي ...انا نتحرم منك ؟
انصاف(حنوكها غيطيرو بلحشمة ودعقة ) متبقاشش تققوليا بحال هكاا عفااك ..مم مكنحملش هكاا عفاك

دريس(ابتسامتو زادت عرااضت وهوا كيشوفها ملبكة وقريبة تبكيي ) وشنو كتبغيي المشة ...عندي واحد لمشيشة فدار بيضة وعينيها خضرين بحالك
انصاف:انا مشة !

دريس:نتيي انصاف لغزالة لي حمقاتني ...وخة فيك لحبس ولغرامة

انصاف:بسلامة
جات دور وشدها من صااكها ترجعات عندوو مسقوطة من دم وكتفتف :عفااك غيشوفنا شي حد ...عفاااك
دريس:مقلتش لييك بسلامة ...نقولها وسيريي

انصاف(برجاء)عفااك اخوياا
طلق منهاا مزال منطق بشنو على طرف لسساانوو هرباات كتجري مدارت وراها خلات فمو محلول بغا يهدر ...دار ايديه وراه متبع ليها لعين كيف غادية هاربة وضحك ومشا لطموبيلتو ركب

من زنقة لزنقة توصلات لاقامة ودخلات محبسات تالدروج كتنهج وقلبها غيوقف كلسات فدروج ترد النفس وفمها نشف

**
كالسة وشادة دفتار فلمحال ديالهاا كتهدر مع صحاب السلعة وكتقوليهم لي خاص ...حتى وقفات حياة لحديدة فلحمر ضاربة شعا لجيران

مهدي:بشااااخ الفرماج (كيدوز ايدو عليهاا وكيدور بيها )توت اوب صيون نعاماس

حياة(دايرة ايدها فجنابها كتجر فكلاكيط وقالت) جبتها فلحمر ولا لا
مهدي:قرطااسة برب

اقبال:واالقرطااس ! مباغيش تخدم
مهديي(جبد توب كيمسح فزاج )خداام ...خدام ...بس بس
حياة(قربات ليه )شباغي
مهدي:ديك زعيرة زعمة متزوجوهاش لياا

حياة(هزات ايدها )شتي هادي ...شتيها (حرك راسو باه )تمشي تق**د لاا غنلصقها لمك فلخنشوش ...ناري ونسمع شي تنقنيقة امهديي
مهدي(طاكا على وجهو بايدو )لا لا

حياة:عينيك نلعب بيهم لبيي
مهدي(زير على عينو )جوو غيݣول
حياة:هز...هز قزيبتك من عليها عاد غسلتهاا

خلاتو ودخلات لمحال كلسات قدام اقباال تسالات من تيليفون
حياة:بيلو نتغداو براا

اقباال: واش نتي لفلوس غضربيهم ف سيمانة ...والله منسلفك
حياة:ههههه مامفاكاش ااياي ...لمحال خاصو شي صباغة

اقبال (كتحسب بلحاسبة وكتقيد )خاصو التيقار
حياة:اربي نوضي نجغدو شي صلاد
اقبال:وخة صبري نسالي هاد روينة ونمشييو (سدات لكتاب )ياله نوضي
جمعو لوقفة حتى وقفات عليهم شابة تكون ف 16 من عمرها مبتاسمة فلبنات

اقبال:مرحباا خاصك شي حاجة ؟
تكلمات بارتباك كتلعب بايدها وقالت بابتسامة :معرفتونيش

حياة:وجهك مغريبش بزااف (شافت فاقبال وشافت فلبنت ) شكون نتي

كانت ملامحها بعض الشيء قريبة لاقبال بسواد عيونها وحجبانها رقاق نيفهاا وبياض لبشرة وشعرها لبني الداكن ...نطقات كتشوف فاقبال وقالت:أنا جيهان

دخل مهدي لعندهم وقال:اقباال ...السيد لي قلت لييك كيتقابل مع لمحال ويوقف هاهوا هناا

جيهان(كملات كلامها ولبنات كيشوفو بعيون خاوية من التعابير )هداك باباا ...او باباكم

ملحق 3 (20/07/2021)

جيهان ؛هداك بابا ...او باباكم

حياة: فينهواا ؟ هااا فيين

مزال كتهدر باان حميد بسروال فصالة عريض شوية وقميجة نص كم خاشيها فالسروال شعرو كتساه لبيااض مزال ضعيف وبشرتو مايلة للاسمرار ...بنضرات شوق كيشوف فلبنات ونضرتهم جيهتو كانو باردين

حياة:جااي بوجهك حمر هههه عاد طفاو علييك من الشمعة
حميدد(تبسم ليها )نتي هيا نتيي احيااة متبدليش

حياة(دوزات ايدها على وجها معصبة )عندك الصح الله اخلينا فصباغتناا احميد السيكليس ولا يكما قلبتيي الحرفة كيف قلبتي وجهك سطاااش لعام هادي ...حيا ليك الضمير ولاا!

اقبال؛اشريف ...دي بنتك وسير الله اعرضك السلاامة
حميد:اقبال نتي مولات لعقل ابنتيي
حياة(غوتات تخلعات جيهان وتخبات ورا باها )حنااا مبنات حد مبناات حد (دفعاتو )خرج تق*وود اشماااتة اعيفة رجال لايح خمسة لبنااات ودابا رااجع ندماان هااا ....اقبال مولات لعقل ربيتيهااا كبرتيهاا عرفتيها منااش دازت عرفتي منااش دزنااا ...

حميد(بدموع )سمحولياا الغلط راكبنيي

اقبال(جرات حياة. وراهاا وهدرات وقلبها كيتعصر) سطاش لعاام....سطاش لعام عاد بغيتي طلب سماحة فين كنتيي !

حميد:ملقيتكمش كيندير

اقبال:ااه وداباا شكون لقاناا
حمييد: جيهان ..بالصدفة لقات لباج فلفيس بسمية لمحال ديالك

شافت اقبال فمهدي وهرب حيت هوا مولاهاا ورجعات عينيها ل حميد وقالت:رجع فين كنتيي

جيهان(كتبكي )وشنو دنبي اناا ؟ انا بغيت نتعرف على خواتاتيي ونحس بلي عندي خواتات

حياة:هداا لي كتقولي عليه بااك غير جاتو عيب يهرب ويخلييك ويمشي يقلب على لي تخرا لييه لولد ...اما حنى لااحناا كيف لكلاب وحاشة واش لكلاب تلووح ولاادهاا كيفما داار (غوتات )خرررج خرااج من نهناا معندك بنااات ...تاديك لكنية لي جامعانا غنبدلووها ...ياله (كتنهج )شرييه

حميد(كيشوف فاقبال عارفها مولات لعقل ومرايماش العنف )ابنتي ...غير خليونا نكلسو بنادم كيغلط وانا عارف راسي شنو درت


اقبال(سرطات ريقها لي نشف نطقات بالم )والله منسمح لييك احمييد ...واخة تجي مرتك لابسة علييك البيض وويقولو ليا باك ماات انقولييهم بيناتنا الله مسامحاش لييه

حياة(دفعاتو تكان غيتعكل وشداتو جيهان كتبكيي وحياة عينيها مدمعيين )ملي نتاا كنتيي مخشي حدا مرتك ؟ اقبال هزااتنااا بسباابك سمحات فقراايتهاا اوفاحلاامهاا ...بسبابك تربا فيينا خوف رجاال الخانزين بحالك عقليية الخراا ...شتي نتى بزااف عليك تكون اب ....خرح فحاالك ...مباغيش تخرج واخة

بدات كدور بجنابهاا كي الهبيلة واقبال كتعيط ليها هزاات ساروت كبير ضربة وحدة منوو تخلي دمياتو كتجريي

شداتهاا اقبال بخوف لدير شي موصيبة فلحظة غضب

اقبال:حيااة (بلغوات )حياة حطيي هدشييي


حميد:خليها لكانت اتبرد
اقبال(صعرات كلها كتقطر بلعرق وتنهج )مكفااكش يتمتيناا بغيتيي تسيفطناا لحبس !يكما حسابك خاايفة علييك ؟

حياة:طلقي والله تنقتل ديلمو ليوومااا طلقي ااقباال طلقيي
ضرباتها بكود ايدها لكرشها زواتهاا تشهقاات وطاحت على ركابيهاا شادة كرشهاا ...جيهان شافتها هكاك ومشات كتجري عندهاا


حميد؛اقبالل

حياة(شافتها طايحة ولاحت داكشي بخوف ومشاات كلسات حداها على ركابييه كتقلب فيها بهستيرية )اقبال هءهءه اقبال واش ضربتك ...فين ضربتك اقبال

كتحاول الاخيرة تقاد تنفسهاا شهيق زفيير كتحك فبلاصة الضربة لي جاتها على غفلة

حياة(بخوف ودموع هبطوو)اقباال نديك لطبيبة ...باش كتحسيي وادوي واش قسحتك

مسحات ليها جبهتها لعرقاانة بوجيعات خفاف فكرشهاا
هوا واقف كيضرب فراسو مقادرش يقرب دموعو هبطو كيردد غير سمحوليا سمحولياا

اقبال:ففف فففف حياة ديني لداار
حياة(ناضت شادة ليها فايدهاا عاوناتها جيهان )نوضي اختي بشوية عليك ....مهدااااي جيب لمااا جيب لمااا

كلسوها فوق لكرسييي جابو لماا رشوهاا حتى هبط مع عنقها وصدرهاا لصق تيشورت عليها ...عاد قدرات تنفس او وجها مزنك

جيهان:نديوك لطبيب

احطات ايدها على لمكتب مفرقة رجليها باش ترتاح ناضت وشداتها حياة لي صفاارت وقالت :دي بااك منهناا قوليه معندك بناات مع الغالية بناتك ماتو نهار مشيتيي بلا رجووع (كتنهج )عفااك ديه منهناا قبل مطيح شي رووح ...دييه


جيهان:بابا ياله

حميد:سبقيني لطنوبيل ابنتي

جا بغا يعاون اقبال وضربات ليه حياة ايدوو وقالت بكره :ايدك متحطهااش عليهاا متحطهاااش

حميد:حياة راني بااك كيفما كان لحال

حياة:عرفتي الى مامشيتيش انجمع عليك امة محمد نوريك بااك بشحال كيطلع

خرجات اقباال شادة كرشها شوية مشا كيجري مهدي حل ليها طموبيل حتى تبعاتها حياة كتسب وتغرق

حياة:بلا حشمة بلا حيا قالييك انا بااك احياة ....نعل حياة بات مك اشماتة ياعيفت رجاال


اقبال(تكات راسها على لكرسي )سكتيي ...سكتي احياة

حياة(حكات ايدها على فمهاا بمعنى صافي ...وحطات ايدها على كرش اقبال )احااي على لكبيدة ضربتو

مجاهاش حتى رد من اقبال لي غمضات عينيها شادة جبهتهاا كتنهد

جيهان (بحزن )بابا شنو درتيي ؟
حميد(مص شفايفوو وعينيه حومر هز ايدو مسح عينيه رافض طيح دمعة تنهد وقال) :ضيعت الجنة ابنتيي

جيهان:وعفاك متبكيش ...انبقاو حتى تصالح معاهم ان شاءء الله (تبسمات ليه)اقباال حاملة ابابا غتوليي با سيدي هههه
حمييد:ان شاء الله ابنتي ان شاء الله

***

الاجتماع طول مقدراتش تهز الراس وتمشي كلسات فلبيرو ديالهاا راسها كيضربو فيه لمطارق .. كتجمع فصصاكهاا وعينيهاا تشقلبو بلعياا

شافتهم خرجو مع باباها مسدود وديال الزاج والريدو طايح عليه كيبانو ليها من بين الريدو


خلاتهم حتى خرجات وناضت بتتقال هزات ملف دقات فبيرو هشام ودخلات ...لقاتو كهز فتيليفون

هيبة :فوالا لا فاكتيغ

هشام :صافا ؟
هيبة:شوية شقيقة
حط التيليفون وقرب جيهتها وقال:شربتي دوا ؟...نهار كلو
هيبة:كون غير نهار يوماين وهوا داير لي هكاا شربت دوا تعييت والو ليوم بزااف

هششام:كلسي بعداا .. غدا كاسي رتاحيي داكوغ

حركات راسها باه جاتها على قلبهاا
هشام؛هزي راسك شوية !
هزات راسها تشوفيه ...ونطق مبسم :شي مسااج

هيبة:همم
هشام:كيقولو عندي شوية لبركة هههه بركة جدودي

هيبة(بضحكة )شيلاه
هشام:هههه...فاازي
شافت فيه باستفساار حت حط ايديه بجوج جناب راسهاا مع دوز صباعو من فوق نيفها حتى لجبهتها او داز بصباعو على جناب راسهاا ...ترخاات وحسات برااحة وغمضات عينيهاا
كانو صباعو كيتخللو بين شعرها شوية نزولا لعصبات عنقهاا اللور فين كيضرهاا ...يزيدها شوية تبدا تحلم ...بلا متحس نطقات :احح
وقف على الحركة وقال:قسحتك ؟

مع كانت مهبطة راسها خرجو عينيها من بلاصصتهم على منطق فمهاا عضات فمها او وجها طلعاتو لحمورية مع الصهدة بدات كتفتف وقالت:نن لا

ملحق 4 (21/07/2021)

كمل لمساج ديالو فجبهتهاا بحراكات دائرية ومرة يطول ...زير على راسهاا شوية من جنااب راحة كانت باغياها من صبااح ...حيد اييديه مساخياش بغات تقوليه لعاار كملل تالصباح

هشام؛سيري لدار وخودي ليك شي كاس تاع لويزة ونعسيي ...شقيقة غير من ستريس ولعصاب

هيبة(داعبات جبهتهاا )بصح ...بسلامة سي هشام ...شكرا
هشام: الله اودي

هبطات راسها خفاف عليها شوية وخة مزال لحريق

نزلات لتحت مجمعة مع لعساس كتسنا ف الطاكسي ...حتى هبط هشام شافها وقال:طلعي نوصلك معاياا راك تعطلتي السبعة هادي

هيبة:لاا بلا متعدب رااسك والله السيد لي كيديني غيجي

هشام:بلا منعاود لهدرة ! مغنخليكش وراياا بوحدك هناا ...طلعي راك ديجا فطريقي

خلاها ومشاا تاني مصات شفايفها وجمعاتهم ومششات تابعاه شادة صاكها وتيليفونهاا ...ديمارا وزااد مخدم فالطموبيل سورة يوسف

سمعات اسم يووسف وتزيرات هبطات عينيها كتشوف فايديهاا وكتنهد وكتسسمع حتى كسر سكاتها هشام ملي نقص لقران

هشام: تنين ان شاء الله غنمشي لمراكش على وديت لا شاغبونت لي كاينة تماا ... ملي تحسي براسك بخير ...سيفطي ليا الضوسي فلايميل

هيبة:اه واخة
قدام الاقامة وقفاتو ...كانت حياة فالطموبيل كتخربق فتيليفون تشافت هيبة هابطة من كاط كاط كحلة قدامهاا وقالت:شوووف ليك المكتئبة ولات تركب لحديد لغالي

هبطات هيبة ونفس لوقت هبطات حياة كتجر فكلاكيط والشورط بحال الزوفري
هيبة: بلاااا متبداي ...هدا هشام المدير ديالي

حياة:ياك قلتيي لمدير كاوري (هزات حاجبهاا )وهدا لحيتو كحل من زهري
هيبة:دغياا سكانيتيه ؟ وبااز ...هدا مدير الشركة ...الموووسير اعباد الله ...او الباطرون راه غير مول الشي كيعرف غيري يفيرشي لفلوس ويخلصناا. كنهدرو معاه غير لبغينا شي حاجة على وديت لفلوس

حياة:هممم وشحال هاد مول لكاط كاط كيتخلص

ههيبة(طالعين فالسانسوور ) شي مليون ونص
حياة:العاار ! سعداتو ياختيي

هيبة؛ولكن راه خدمتو صعيييبة حيت هوا لي خاصو يقلب على لبروجيات يهدر مع هدا وهدا ويدير اجتماعات...لمهيم ديك الخدمة الى مكنتي فيها متفهميي اش واقع فييهاا

حياة:ممم وطلعي طلعي

هيبة:فين غادية نتي
حياة:نشوف بيلو ونجي
هيبة:نمشي معاك
حيياة:طلعي تقو*دي ! ...بغينا نقرعو لقرود

مشات لباب لقاتو محلول مضايرش الساروت ...سداتو وراهاا كتعيط لاقبال لي مخشية فلبيت ناعسة
حياة:بيلوو كيبقيتي

اقبال:مالي ؟ غير بغيت نعس احياة مناعساش بليل عفاك
حياة:لاا منخليكشش بووحدك ...هبطت نجيب تيليفوني وطلعت وعفاك دوي معاياا ! ندير ليك شي حاجة !

حركات ليها اقبال راسها بلا عاطياها بضهر. ومغطية

حياة(بحقد )جا نكدها علينا بغيت لييه كسيدة

ناضت لكوزينة تشوف اش دير ليهاا ومزيان ليها كحامل ...فنفس الوقت عيطات لشهيد وعلماتو باش يجي هوا الاخير متعطلش حيت دار قريبة ليه دغيا دخل كيتساائل حتى لقا حياة

شهيد:اش واقع
حياة:اقباال عيانة شوية
شهيد(بخوف بغا يتجاوزهاا وجراتوو )مالها
حياة:وصبر نكمل هدرتي ... قبيلة جا عندناا حمييد ...اه هدااك حميد السيكليس

شهيد:واش كدوي بصح وشنو وقع

حياة:اشنو فنضرك جاي كيطلب سمااحة هوا وبنتوو صغر من انصاف يمكن ولا قدها ...ومن تما واقبال ماهيااش مبغات تاكلل والو وخفت وصونيت ليك

دوز على لحيتو وقال:مزيان لي قلتيهاا حيت كون بقات على اقبال متقولها حتى نشحف بمالك !


اقبال فبيتها دخلات فهلوسة الدكريات كلشي كيدور فراسهاا من دكرياات خايبة زوينة ضاحكة بااكية حديتها مع باها غواتوو كلاموو غيابوو

صحيح انهم يقولون حبيي البنت الاول هوا الاب
كتبنا صورة الرجل على الاب كتبداي تقارنييه بفارس احلامك على حسب حبك لشي صفة فييه ...

ولكن اشمن صفة خلا لبنااتو من غير عديم الوفاء ...خائن ...سكير ...قماار ...اب غير مسؤول وزيد وزيد من المواصفاات لي ترسخات فدماغها وتحفرات ...كيفاش اتسمح لييه من بعد هاد سنين كلهاا كيفاش ...جاها صوتوو خرجها من غرق افكارهاا ورجعات لواقعهاا

عنقها من وراهاا. وداعب كتفها وقال:حبيبتيي
اقبال:جيتي ؟

شهيد:جييت حيت توحشت مراتي او ولدي ...محنك ولا محنتيه
تقدات فلكلسة جنبو وتكاا على رجلها جنب كرشهاا ورجليه فلارض ناعس على ضهرو

اقبال:انا لي محنتوو
شهيد:جا باك ؟

كانت كتلعب فشعرو وحبسات :وصلاتها سخونة

شهيد: مكنتيش غتقوليهاا ؟

اقبال:با رجع من بعد مهرب وخلاناا خمسطاش لعام وزوينة جاي مع بنتوو ..هدششي فيه ميتقاال ؟

اقبال: حنى مبيناتناش هادي زوينة هادي خايبة منقولوهاش لبعضياتنا ابيلوو ...انا جنبك نهز حملك ولي متقل علييك ...كلس مقابل معاهاا شاد ايدها كيطبطب عليها

شهيد:حبيبة ...المسامح كريم ...يمكن لسمحتي اترتااحي ويمشي يعيش ويبعد عليك ديك السااع

اقبال:نتا بلاصتي تسمح

شهيد:نسمح علاش لاا ؟ ...ربيي وكيسمح اش نكونو حناا قدام الله اقباال...ايه هرب تكرفصتوو تعدبتوو ولكن الله غفور رحييم

اقبال:الهدرة سااهلة اشهيد ...انا لي عارفة شنو وقع فهاد خمسطاش لعام ...راه خمسطاش لعاام ماشي يوم ...مغنسامحش لييه وعمري نسمح لييه وغنبقا حااقدة علييه تالغدا اامام الله

شهيد:غير متعصبييش وتهدنيي ...خاطرك احبيبتي غلا من كلشي .(تبسسم ليها )نخرجو شوية

اقبال:عياانة احبيبي مرة خراا تقلت

شهيد؛ندير ليك شي عصير !

اقبال:وخة

شهيد(بغا ينوض ورجع )اه علماتني لواليدة باش نمشيو عندهم غدا فلعشية دايرة شي عراضة
اقبال: وخة ان شاء الله

شهيد(قرص حناكها )طلقي لبشرة الحووب

ضحكات ليه وناض خطف قبلة من فمهاا وناض

***

صايبات ليه لاصوپ ورشات فيها شوية لقزبر زوقاتهاا بزيت لعود وتمر دارت انجاز عظييم

دخلات عندو لبيت لقاتو عاد ناوي ينوض شافهاا وتكا على راس النموسية شافها هازة لبلاطو كيرمش بعينيه معسلين بلمرض

غيتة(بافتخار)واحد لاصوپ تلحس زلاافة عليهااا

عوج راسو فيها عياان مافيه ليي يقوليها افلانة واش عارفة شنوو درتي ؟ كيشوفيها ولا على بالها بلي دارت ...هز حاجبوو وتنهد وقال بتعب : عنداك غير تزيديني مرض على مرض

كلسات جنبو وهزات لمعلقة داقت هيا اللولة عاد عمرات لمعلقة كتبنن وداتها لفمو :ممم وااعرة


حل فمو شوية وقالت:واكوول مزياان راه مدرتش السم
سرطو بزز وقال:هوا لي بقا لييك
غيتة:منسخاش بيك
جابر(حرك راسو باه ) مسكيينة

غيتة:ولا عاجباك لاصوب تاع كرييمة !! ...يحساب ليك ناعسة على ودنيي ؟ وصلاااتني خبار كسكسو وطبااسل لمسمن مع صباح مالهاا ! كتعلف فييك تسمان ليهاا

جابر؛ كون درتيي لي علييك ...متششوفي فساحتي لا كريمة ...لا عطوش
غيتة(عطاتو لمعلقة ) لي على سبة وخة تشعلي ليه صباعك شمع ابب ...
جابر:وعاريتي؟ تزادو فيك ضلووع

غيتة: اه اه بصحتي
جابر(بعياء)عطيني تيسااع معنديش خاطرك
غيتة:شرب دواء وركد
ياله بغا يتكى شاف فيهاا وقال:غيتة نوضي ديري شي حاجة تنفعك

هزات لبلاطو وقالت:هاني نايضة

ناضت لكوزينة دايرة لكيت فودنهاا وكتجمع فلكوزينة والصالون وكلسات حدا كتوبتهاا حفضات تعيات وربعات شادة تيليفون لقات ميساج فانسطا من بين بزاااف تلميساجات مجاوباتش عليهم على شلا سطوريات كتحط كان باسم نكافة فاطمة المكناسية ..دخلات لييه وطلعو ليها لميساجات اوديو مفاده

_سلام عليكم لالة غيتة صافا امورك مزيان .. الى كنتي اونلاين بغيت نهدر معاك لجات على خاطرك

كتبات ليها فلحين وي مرحبا
خرجات وطلعات كتقرا فلميساجات وتعنااب لبراهش كتخليهم معلقين ...وصلها ميساج ورجعات تشوف

_معاك فاطمة كنت متبعاك فلكونط لاخور وسيفطت ليك فييه شحاااال السعاتي مجاوبتيش وشفت بلي دتي واحد جديد
غيتة:اه كان تشفر لياا

_نهدرو ابيل
غيتة(شافت فجنابها )لا منقدرش ماما مريضة عاد نعسات
_داكوغ نجيك فلهدرة ههه ...انا بغيتك ديري ليا شوتينك لشي لبيسات ومشاطي تاع لعراائس نتي تبارك الله بشعرك طويل ماشاء الله معينتك ههه وانا على بحاال هكا كنقلب باش تبان لمشطة وديكور

خرجو عينيها مامتيقااش كتعض على فمهاا وحللم من احلامها غايتحقق دير شوتينك ميهمش بااش لمهيم تجرب الاضواء واخة يكون حتى ديال صنادل معندهاش مشكيل

غيتة:ايه مرحباا

_ نهدرو فالتفاصيل الى جيتي عنديي لصالون ديالي !
غيتة:فين كااين
_فصونتر فيل حدا **** غدا تكوني مسالية !

غيتة:صافي واخة غدا نكون عندك ونهدرو

يتبع...

التنقل بين الأجزاء

صفحة القصة
سيتم تشغيل صندوق التعليقات بعد لحظات
معظم التعليقات تم إخفاءها بواسطة الفيسبوك، نحاول بكل الوسائل المتاحة إستعادتها في أقرب وقت ممكن.