مريم: اووف اماما رااه داكشي متايقضيش فيييه بودنييك سمعتي الفقيه شنو گال لينا، رااه تايصلي وحافظ كتاب الله غير تنخرمزوو اي اون پلوس ماتنآمنش أنا بداك التخربيق
الدريسية: الى مااقضا فيه اليووم الهبيلة يقضي فيه غدا، بيااا ولا بيييه تايولي كي الخااتم بين ايديك "ضربات صدرها بقوة" الدريسية هاادي واجرو عالله وحتااا نتي خررجي فيه عينيك وگولي لييه النهااار اللول خديتيني قاارية وبديپلوماتي واليديا قرااوني باش نقوم بيهم فاش نكبر.. ماقاادش تعطيني خليني نخدم
نطقات مونية مأيداها: مااماك عندها الصح وااليديك حق ليك من كلشي، وحتا هو زاد فيه مدار لك دارك بحالك بحال گاع البنات ماشرا لك طاموبيل ماواالو.. يااختي زوااج الدل هو هادا
مريم: وااش انا كرهت.. راه بزز باش تايحط ليكم ديك مليون كل شهر تزيرو بزاف فهاد الشهورة اللخرين وعندهم الكريديات بزااف اماما خصوصا دابة فاش مات جدو
شيرات بايديها ساخطة: مليووون اااش غاادير لينا بالسلااامة.. وااش لمدرااسة ختك ولا لمصرووف خووك ولا للماكلة و الكرا والضو والماا وزييييد وزييد.. ولينا بحاالا تانسعااوه داابة ياااك
جاوباتها مريم بخوف: عاافاك غيير دوي بشوية غايسمعكم شييي حد
الدريسية: شووفي بلا ماطلعي ليا الخراا لرااسي الله يرحم باك.. بارااكة غير النهار كامل وانا واقفة على رجل وحدة معاهم وحتا الله يرحم بيها الوالدين ماسمعتها.. خووك بغا يحرگ ونتي خاااصك تعاونيه رااه خوك هادااك عطيه بااش يدير مستقباالو ويهزنا من هااد القهرة، ديك الساعة لامازال وقفنا على دااك الزقرام فشي حاجة دفلي عليا
حكات جبهتها بحيرة وقالت تتنفخ: 10 المليون بزاف .. الى عاود فتحت معاه الموضوع غايتقلق وتقليقتو راك عارفة كيدايرة كايقطع الهضرة بالشهوور خصوصا فاش عرفني كانعاود لك على مشكل صفوان الله يرحمو
مونية: مللي اختي مابغا بحزارة هزيهم وتالا هضر گولي ليه ماشفتش ماريت الدنيا عاامرة ومخلطة يقدر شي حد دخل للبيت وهزهم، ديك الساعة غايشوفو شكوون البراني الللي تزااد فالدار
غمزاتها والدريسية جاتها على الگانة وردت: نييت دييك الجحمومة خاصها تخرج من هاد الدار كي المدلولة وعمرها ترجع ..خودي الفلوس وسبيها فييها شكوون يقد يشك فيك
مريم: ل لا لا محمد إلى عرف مشيت فيها.. فايت ليه شافني كانهز وميك عليا حتا دوك الفلوس اللي حاط محتاجهم للسلعة مانقدرش
خرجات فيها عينيها: اييوا هاالسخط هاالرضااا نشووف شكون والدك انا ولا هوو
تنهدات بضيق: والله ماعندو منين يدوز ..عمر باقي ناعس؟
حياة: باقي الالة وخليت عزيزة غادة عندو
نسيمة: هناتني من جيهتو بعدا
دارو مع للكولوار وحياة شافت فباب خشبي مغلق وتنهيدة حصرة خرجات: الله يرحمو مسكين عمر حيوط هاد الدار ينساوه
شافت فالباب: هادي بيت المرحوم؟
حياة: ايه الالة هي هادي.. وبيتك نتي جا على ليسر
ردت: شكرا اختي، تصبحي على خير
حياة: تصبحي على خير
نزلات حياة فحالها وهي ضارت كاتشوف فبيت سي الباشير وتنهد
بتردد حلات الباب ودخلات ساداه وراها، ريحتو معمرة گاع البيت ولنيوفها كاضرب .. شعلات الضو تتررمش فحيوطو وفلحظة دازو قدام عينيها گاع الدكريات اللي جمعوها معاه وصوتو بين ودنيها كايتردد.. نزلات من عينها دمعة محصرة على فراقو، تنمات كون حضرات لموت جدها ولا موت هاد السيد، كون بكات قدام الناس وفضهرهم غادير زردة بضمير مرتاح، تمنات كون غير حضرات ليه قبل وتسامحات معاه، تگوليه شكون السباب فدمار حياتو وطلب منو يغفر سكاتها، تمنات وتمنات لكن الحقيقة المرة كواتها فقلبها نيشان وموت الباشير عمرو يتنسا ليها..
مسحات دموعها وببطء دارت تخرج تزامنا لسمعها خطوات تقيلة جاية فاتجاه البيت ..تبهظات بتوتر ودغيا طفات الضو ووقفات ورا الباب لاسقة على الحيط وقاطعة الحس بيما داز هاد اللي كاتسمع على خطواتو وتخرج لبيتها
لكن العكس وقع، والپواني ديال الباب دار وتحل داخل منو سي محمد بهدوء وعينيه على البيت تايضورو بحرقة، تنهد من اعماقو وسد الباب بلا ماينتابه لطرف آخر معاه فالبيت .. تمشا موجه نظراتو صوب صورة محطوطة على الكوافوز، مصور فيها جدو بجلابة فاسية الطراز جانبه واقف هو حدا عتبة محل كبير للأتواب والفرحة من عينيهم بجوج واضحة
العكس وقع، والپواني ديال الباب دار وتحل داخل منو سي محمد بهدوء وعينيه على البيت تايضورو بحرقة، تنهد من اعماقو وسد الباب بلا ماينتابه لطرف آخر معاه فالبيت .. تمشا موجه نظراتو صوب صورة محطوطة على الكوافوز، مصور فيها جدو بجلابة فاسية الطراز جانبه واقف هو حدا عتبة محل كبير للأتواب والفرحة من عينيهم بجوج واضحة
..هزها تايشوف فيها بتمعن وعلى عينيه الف كلام وعتاب ..
حطات ايديها بجوج على فمها تتحاول تحبس نفسها.. ندمات اللي طفات الضو ودخلات لهاد البيت وعلى الساعة اللي فكرات فيها تبات عندهم ..
كل مرة تحول عينيها لقدامها وبوحدهم كايهربو الشوفة فيه هو اللي مكايبان ليها منو إلا ضهرو العريض ..كمشات فيه حجبانها حتا خنزرات كاتسكانيه، متبدلش بزاف فهاد التلت سنين ..تبدلات هي كشكل ومضمون لكن هو الكريزمة اللي يكساب باقة هي هي
عند بابو بوحدو مامعاه حد ..غير هو وآخر دكريات بقات ليه من شخص غالي على قلبو ..شخص مشا ودا معاه طرف منو كالعادة، وهو بدورو كبح احاسيسو لداخل طول اليوم حتال دابة فاش دخل للبيت عاد كلشي تجمع وتكب .. على شكل دموع عمرو عينيه وبداو فالانهمار ، ولا فجأة بحال الطفل الصغير مزير عندو الصورة وصدرو تايتهز مع كل شهقة وكل غمرة دموع سيالة على عينيه.. حتا تسمع صوتها وسط صوت شهقاتو وحبس
نسيمة: اااااي صبعي
ضار بالزربة بوجه مصدوم عليه اتر البكا وعينيه موسعين .. من خيالها وهي تتعافر تجر ايدها وقبل مايشعل الضو عرفها شكون ..
ناض حال فمو وحجبانو مشروكين ناطق بتأكد
سي محمد: نسيمة؟؟؟
نسيمة: ا ا اللي صبعي" بألم قالتها وهي تتجر صبعها الصغير اللي تلوا ليها فطرف كسوتها ولسقات فمسمار فالحيط
بدات غير تنخصص وعينيها تايدورو بتوتر كون صابت لارض تشق وتبلعها والا بحال هاد الحصلة ..مسح عينيه كايزفر وضار شعل الضوء باش تبان التخنزيرة اللي عاقد بين حجبانو، شاف فيها من فوقها لتحتها مزير فكو وقلب وججهو كايزفر معصب وقال
نسيمة: نتي شنو كاديري هنا؟
سكتات والشوفة هي اللخرة مشافتش فيه حدها تتجر كسوتها وكون ماحشمات كون حيداتها تم تم وغبرات من قدام عينيه .. حتا حساتو قرب ليها وقبل مادور عندو وقف جنبها مصغر عينيه فصبعها اللي لوا على الكسوة وفالمسمار حاصل
سي محمد: هادة كيف دار حتا وحل ليك
سرطات ريقها وجها حماار وبوتفتاف شدها: ك كنت كان كانلويه بالككسوة وما.. ماشفتش هادا.. المسمار ماشفتش المسمار
خدات نفس وهو زفر من مناخرو وهز ايديه كايحاول يحيدها ناطق بنبرة أمر
سي محمد: حيدي ايدك
حيدات يدها لخرا بالزربة وهو كايحاول ينصل التوب من المسمار بلا مايقطعو ولا يجرح صبعهة، بنص عين وارتباك بدات تشوف فيه شداتها البكية والخنقة، مارضاتش تحط فوقف بحال هاادة خصوصا قدامو وعلم الله فعقلو شنو كايگول عليها تاني، وهو بطرف عينو تايشوف فيها كلما لمحها بغات تبكي كايظن باللي السبب هو انو قصحها ويرجع يخفف التزيار
...يكفي أن أكون بقلبك إذا غبت، يكفيني أن تذكر إسمي في غيابي، طيفك يبقى معي ما يغيب حتى عندما أنام، أجده بأجمل أحلامي، ينسيني أكتئابي، و ألامي...
★ة★
سي محمد: من ايمتا ونتي هنا
طلعات فيه الشوفة وهو مخنزر فالشي اللي كايدير، وبنبرة متلبكة جاوبات
نسيمة: جيت حيت بغيت نشوف البيت وصافي، كنت باغة نخرج فاش دخلتي ولكن خفت تفهمني غلط
زاد عقد حجبانو تايزعزع المسمار من الكسوة وقال: خفتي نفهمك غلط! الدار مخلطة بالرجال وكون دخلتي لبيت واحد فيهم ديك الساعة تشوفي الغلط بعينيه
قصحات فيه الشوفة وبحدة نطقات: بحالا زدتي فيه اخوياا.. حيااة وراتني البيت وكون ماعرفتو ديال المرحوم ماندخلش ليه من اسااسو رااه عارفة سوارية فيين! وعاارفة بنادم ديما تاينويها عووجة، گلت اللهم نسكت حتا يخرج ونمشي بحالي ساعة كيما درنا وحلة
بعصبية زائدة جرات الكسوة مقطعاها وصبعها تحرد من الجنب،مع دالك ماتسوقاتش ودازت فيه خارجة وتنفخ بغضب وقطرات الدم كايقطرو فالأرض
مع الدورة ديال الكولوار شافت مريم جاية قاصداها والبسمة فوجها
بعصبية زيرات ايدها كتر وقلبات وجهها تاتزفر وبهمس قالت: تاطييري انسيمة كون دخلتي لبيتك ونعستي من الصباح الحمارة
بهدوء ردت: لا لا والو باس.. بغيتك تمشي غدا فالصباح عافاك
طلعات حجبانها بجوج وبغصة وقفات ليها فالحلق نطقات
نسيمة: الى كنا متقلين عليكم نمشيو حتا دابة ماعنديش مشكيل
مريم: انا ماقصدتش تتقلقي اماشيغي غير انا كانجي بنادم نيشان وفاش الموضوع تايتعلق براجلي وكترة القيل والقال راك عارفة حتا حاجة متاتبقا على حالها
ردت بنبرة حادة: علااه مال راجلك بالسلامة.. هو اللي قال لك تگولي ليا هاد الهضرة؟
باستهزاء بسمات: معلوم لا، راك عارفة سيحمد مايقدرش يگول كلام بحال هادة ولكن انزاعج حيت جيتي، وحتا طاتي و ماما تعصبو عليه بسباب هاد الموضوع
قرنات حجبانها كتر: مافهمتش؟ انا بالسلامة فين كانعرف هاد ماماك ولا مسوقة ليها تقلق ولا تبرك
مريم: مكاين لاش تتعصبي انا غير تانشرح لك الأمور كيفما هي ، النهار اللي تسيفطو فيه التصاور سوا من طرفك ولا من طرف خوك الصغير الله يشافيه ليك، الموضوع عصبني بلا قياس ومانكدبش عليك بكيت فليلة عرسي وعائلتي حتا هي تقلقات وولاو محسوسين منك نتي بالدات
ربعات ايديها: راجلي مكايخبي عليا والو احبيبة وكلشي فهاد الدار عرف بسيرتك، واخة من بعد شرح ليا باللي خوك هو اللي سيفطهم جاتني حتا حاجة متبدلات
بعصبية نطقات: من اللخر الأخت.. داكشي اللي عندك فدماغك وتادوري ليه مكاينش.. انا وراجلك حتا حاجة مجامعانا غير ريحي بالك
ضحكات: ههه نتي علاش تتسرعي بلا قياس..راجلي عارفاه تايببغيني أكيد مجامعكم والو وعمرو يجمعكم، غير باش نحطو النقط على الحروف ونبين ليك احساسي نيشان، فعافاك وبكل لطف غدا سيري بحالك
بسمات باستفزاز: خصارة تابعاتي خدمتي وامور خرا نديرهم غدا فالصباح، اما نبقا معاكم شهر على قدو غير معزة فكلامك، واقلة راجلك حبيبك ماگالش لك عزيز عليا العناد!
بسمات باستفزاز: خصارة تابعاتي خدمتي وامور خرا نديرهم غدا فالصباح، اما نبقا معاكم شهر على قدو غير معزة فكلامك، واقلة راجلك حبيبك ماگالش لك عزيز عليا العناد!ومگالش لك غير اللي فراسي هو اللي تانديرو
بنفس ابتسامتها: انا وراجلي متاندويوش عليك احبيبة غير ربحي بالك
ردت: انا بالي مرتاح الحمد لله "قربات ليها مصغرة عينيها" نتي اللي مال بالك من جيهتي.. مايمكنش يكون غير مجرد تصاور دازت عليهم سنين هوما اللي مازال معصبينك..زعما لهاد الدرجة نسيمة حاضرة فحياتك
خنزرات فيها قالبة سيفة الهدوء لغل وقالت: بديتي كاتفوتي حدودك معايا، والى درت فيك راسي غانخرجك من هاد الدار حانية الراس وعمرك مازال تتجرئي ترجعي ليها
نسيمة: تبارك الله على الأميرة الحنونة ايوا هاكة مزيان..تايعجبني بنادم يبان بوجهو بلا ماسك ويگد بكلامو
رمات ليها بسمة عريضة وزادت كملات طريقها لبيتها، خلاتها واقفة على يدها مزيرة وعينيها بعصبية تايدورو.. زفرات وجبدات تليفونها دوزات رقم وتسنات حتا تفتح الخط عاد قالت: الو طاتي.. گولي لخويا عماد يجي غدا لورا الصور ديال الڤيلا... من تما غانلوح ليه الساك اللي فيه الفلوس ........ كوني هانية، گولي ليه مايتعطلش ...... بسلامة
خفظات صوتها: گالتليها مهاا علاش مابغاش يعطيك الفلوس واش غانسعاوه.. واخا راه سيدي محمد تايعطيهم مليون للشهر وماقانعااهمش
خرجات عينيها وبجنب فمها ضحكات: كايعطي مليوون كل شهر؟؟
عزيزة: اييه الالة ومن الفوق ماخلاو باش سبااوه ورا ضهرو وتاتسحر لييه عند شي فقيه وتتشفر ليه الفلوس
شهقات مصدومة: اااويلي، ديك الخيش پيشة خرج منها هااادشي كامل واااش متأكدة سمعتييهم
عزيزة: بهااااد الودنين سمعتهم الالة الله يعطيني العداب لازدت شي كلمة من عندي، وشتي دييك مهااا هي راس الحربة و تافقو تشفر ليه عشرة المليوون وتسبيها فك نتي باش يجريو عليك
خرجات عينيها مشوكية: واش كاتسمعي الهضرة اللي تتخرجي مع فمك ولا لا..واش متأكدة مية فالمية من هادشي اللي تتگولي؟
عزيزة: بحاالا سمعتيهم بودنيك
تقطع ليها الحس وبقات غير حالة فمها مبهوظة ومصدومة من الشي اللي تتسمعو.. گلسات على السرير تترمش دايخة وعزيزة حامية فيها البيضة غير تتمشي قدامها وتجي حتا عصباتها ورونات تفكيرها
نسيمة: عزييزة شدي لارض وخليني نفكر
عزيزة: ماشي لخاطري الالة شوفي يديا كي كايترعدو
جمعات شعرها بباندة وعنقها عراق هو وجبهتها، داخت حتا مابقات عرفات شمن طريق تشد وشمن حل يسلكها.. كان يسحاب ليها لسانها سليط وماعندها علاش تحشم، ولكن شفارة وتتسحر هادي عمرها طاحت عالبال
گلسات حداها عزيزة وبتوتر قالت: ش شنو بان لك الالة شنو نديرو
ردت كاتزفر: ماعرفتش.. بنت الحرام حگلها گالت ليا نمشي بحالي،كانت عارفة باللي كيف غايصبح الصباح غانهز ساكي ونزيد وهاكة فاش غاتسبيها فيا ماغانكونش باش ندافع على راسي
تنهدات بحزن: مكاينش اللي بقا فيا قد سيدي محمد مسكين والله مايستاهل مرا بحال هاديك.. ولكن ربي حفظو منهم حيت تايصلي وعارف بينو وبين الله تاسحور مايشدو فيه
زمات فمها بغل وناضت غادة جاية حتا هي: الخايب مايدي غاخايب بحالو، يستااهل نيت هاد اللفعة هي اللي تعرف ليه
عزيزة: حشومة علك الالة نسيمة علاه مالو مسكين
ميقات فيها بلا ماترد وبالها مشغول كايفكر ..تعياا مادورها فدماغها الموضوع تايوصل لمحمد ويحبس، اكترية فاش شافتو كايبكي، تعيا تقصح قلبها تايبقا طرف منو كاره أنه يكون مع مرا ماتستاهلوش بحال مريم .. وأنها واحد النهار ممكن تآديه
عزيزة فجأة حلات عينيها وناضت عندها قائلة: اجي لقيتها.. علاش مانمشيش عند سيدي محمد ونعاود ليه گااع داكشي اللي سمعت؟
بنبرة مستهزئة: يااك اختي.. ومن نيتك غايتيقك نتي ويكدب مرتو
حياة: ايوا هاننتي تشوفي كنت كانعول على بنتي زهرة ساعة هاد ليام مشات لواحد الرحلة فلافاك
ضحكات وقالت: ماعليش قرايتها هي اللولى.. اري عطيني فاش نعاونك
ردت بامتناع حشمانة منها: لا لا الالة بلا...
قاطعاتها: ياودي غير اري
حياة: ههه لهلا يخطيك
بدات تهز الطباسل لطبلة الفطور فوسط الدار وعينيها فنفس الوقت مصوبين على الدروج ..حتا تفتح الباب ودخل محمد عرقان هاز قرعة صغيرة فيدو وضارب سروال قطني وپييل گري مع سبرديلة رياضية.. شرب ما بقا من القرعة ورما عليها طرف عينو منزلهم للسپارادرة اللي على صبعها ملوية وقال كايننهج
سي محمد: صباح الخير
ردت بلا ماتشوف فيه: صباح الخير
دخل للكوزينة وهي غادة وراه وتعوج عينيها، حل التلاجة جبد منها قرعة الما باردة وهي هزات مابقا من الفطور للطبلة وبدات تحط كل حاجة بلاصتها وها المعلقة فين خاص تتحط والفرشيطة فين والكاس هنا ..قلبات عينيها فجأة ولقاتو كايشوف جيهة شعرها المطلوق وفلمحة قلبهم تاينحنح بحرج وخرج من الكوزينة طالع مع الدروج ويحك عنقو
ردت عليها ببسمة خفيفة ونسيمة سلمات على فيروز فوق الخاطر وشدات فعمر خارجة هي وعزيزة والغالية لبرا الڤيلا .. وقفو كايتسناو سي محمد حتا ينزل وفنفس الوقت نطقات الغالية
خرج من الباب داير نظاظرو وهاز سوارت الكاط الكاط وقرعة متلجة فيدو
بجدية قال: يالله طلعو
طلعات عزيزة وعمر اللور وهي القدام حداه ..دارت حزام السلامة وابتاسمات للغالية قبل مايديماري ويزيد خلفة مع الطريق والوجهة مدينة فاس
دازو من راس الشارع بالضبط فين كاينة دار العساس الخشبية ولغرابة الأمر كانت الدار خاويين وحتا الكلب تاعو مكاينش.. قرن محمد حجبانو باستغراب ومكمل طريقو مع دلك ونسيمة بجنب فمها بسمات وشافت بهدوء فالطريق والسكات فالاجواء ..حتا وصلو للوتوروت وبدات عزيزة كادوي مع عمر وضحك
عزيزة: عجياتك الدار البيضاء اعمر ههه نرجعو ليها مرة خرا
رد تايرمش فالأرض ومبسم: زو زوينة.. زوينة
حلات عينيها: ياااك ههههه شتو ولا تايضحك الالة
شاف فيه سي محمد من المراية وقال: داوي على نسومة ولا الدار البيضا
نسيمة دورات وجهها للسرجم وموضوع الاسم زاعجها من الداخل وخانق صدرها.. فحين عزيزة ردت بتفاجأ
عزيزة: علاه اسيدي شافها
حرك راسو وشاف فنسيمة بنص عين قائل بنبرة مباغتة: ايوا ونتي.. عندك شي ولاد تبارك الله ولا باقي مجابش الله
شافت فعزيزة محنحنة وردت: عندي ولد واحد
حل عينيه متفاجأ وبسرعة شاف فيها: عندك ولد؟؟
خرجات عزيزة عينيها وهي ببرود ردت: آه الله يخليه ليا
سكت سكوت مريب وهي تترد شعرها اللور وكل لحظة دور وتشوف ردة فعلو ..ينفخ مرة وجوج ويحك عنقو حتا يحمار والنظاظر اللي فعينيه مغطيين عليها تعابيرهم ..حتا رجع نطق من فوق النفس
سي محمد: شحال عندو من عام
ردت: قرب يدير 13 عام
قرن حجبانو فالطريق ورجع شاف فيها قائل بحدة ونبرة عصبية: تادوي على عمر
نطقات عزيزة بضحكة صفرة: ا اييه ههه راه مسكينة هي اللي رباتو من يالله تزاد كون كان يهضر كون گاليها ماما ههههه
سكت ممجاوبهاش وبانت فيه باللي تعصب
وصلو للسطاسيون بلاصا الطموبيل ونزلو كاملين يتغداو.. طلبو اش بغاو وحدها عزيزة اللي تتهضر ضحك وتناقش ونسيمة مرة مرة تجاوبها وتوكل محمد
وصلو اخيرا لمدينة فاس وبالضبط قدام عيمارتها، فرانا الطموبيل نزلات عزيزة عيانة وهبطات معاها عمر ونسيمة حتا هي حيدات حزام السلامة وهبطات، عاد ضارت باش تشكرو سبقاتها عزيزة وقالت
عزيزة: الله يرحم بيها الوالدين اسيدي محمد.. طلع تشرب شي حاجة راك عييتي
قرساتها نسيمة بلا ماتعيق وببسمة بزز قالت: آه بصح نيت تشوف محمد وتكگلسو بجوج
رد ببرود بلا مايشوف فيهم: مازال تابعني غرض مهم غير سلمي عليه ..
هز قرعة يروي عطشو قبل مايديماري ونسيمة بعينيها شارت لعزيزة طلع عمر للدار.. معاوداتش معاها الهضرة وكيف دخلات حنحنات هي وبجدية قالت
نسيمة: سي محمد .. عافاك واخة تنزل بغيت نهضر معاك
قرن حجبانو فالبلاصة وهبط عندها وقال: ياك لاباس محتاجة شي حاجة
زفرات وقالت بلباقة: شوف.. حنا بصح وقعو بيناتنا مشاكل واحد الوقت وتوترات العلاقة
اللي كانت جامعانا ..ولكن كانا جيران واحد الوقت وعزاز على بعضياتنا
رد: بلا دوران فالهضرة گولي شنو واقع
جاوبات: انا عارفة باللي هاديك مراتك ومن المفروض ماتخبي عليها والو.. ولكن نتا عارف دوك التصاور ماشي انا اللي سيفطتهم ومع دالك وريتيهم ليها وللعائلة كاملة حتا ولات تادوي معايا بحال شي وحدة ماتسواش وولاو كامللين تايشوفو فيا بنظرة ناقصة
خنزر حتا عروق جنب عنقو برزو بالعصبية وقال ضاغط على الحروف: مريم.. گالت لك باللي أنا وريتها تصاورك ووريتهم لگاع العائلة
ردت بنفس نبرتها: بغيت غير نوضحو الأمور وتبقا علاقة الاحترام بيناتنا وبين العائلة ككل.. ماشي نسمع عليا هضرة مكايناش ونبدا كانبان ليهم بحال شي وحدة ماتسواش وخطافة الرجال .. نهارك مبروك
ضارت ادراجها متوجهة لدارها مخليا النار من نيفو تتخرج وسنانو مزيرين حتا برز فكو بحدة ..صونا تليفونو جبدو وطلع للسيارة راد ظهرو اللور كاينفخ وحتا برد شوية عاد رد: الو نعام الحاجة
بهول خرج عينيه وكايسمع صوت البوليس من الخط: الحااجة شنو وااقع ؟؟؟ مالكم
ردت: مريم اااولدي شدوهاا البوليس هي وخووها
غوت: كيفاااش !!!؟؟؟
الغالية: الشوووهة ياولدي الشوووهة منين نبدا لك ومنين نساالي
رد وهو كايديماري الطموبيل: صاافي نتي غير بردي ودخلي فحاالك انااا جاي
لالة زينة وزادها نور الحمام ..متال ينطابق عليها وهي خارجة من الحمام بحنيكات موردين وبشرة صافية.. لاوية على شعرها فوطة بيضة ومخشية فپيجامة قطنية سخونة وبانطوفة ديال الدار فرجليها،
حيدات العرق وسخفة الطريق استعدادا ليوم غدا، يوم جديد فالخدمة، دخلات للصالون فين كانت عزيزة باركة كاتفرج فمسلسل تركي وقدامها صينية تاع اتاي وطبسيل ديال الفقاص ..
شداتها الضحكة: الله يااربي الله ويلي هادشي كامل وقع
حياة: غااخليها عالله الالة تقلبات عندنا الدار والحاجة طلع ليها السكر بزز باش نزل، وحتا مت لالة مريم جات تتغاوت گالت لك طيحو باطل على بنتها ودابزت مع الحاجة وسي عبد الجليل عاد مشاو كاملين للكوميسارية
نسيمة: ايوا اختي الى كانو تشدو بالجرم المشهود راه التهمة تابتة عليهم
حياة: واااه الالة هي گالت لك العساس هو اللي مضبر هاد المانيرة كاملة
بسمة جانبية بانت على فمها قبل ماتهز كاسها وتشرب منو جغمة منغمة تتفكر بيها احدات الصباح
🎬فلاش باك
حلات باب الڤيلا بالحس.. خارجة منو ومدرعة طبسيل مغطي وكل مرة دور حواليها بخوف رغم أن الشمس عاد بدات تشرق والكل باقي ناعس ..سرعات خطاويها باتجاه راس للشاريع ومصوبة نظراتها بالظبط لدار العساس فين كان بارك هاز قهوة قاصحة فيدو تايجغم منها ويطقطق بفمو، حتا وقفات عليه هازة داك الطبسيل وقائلة ببسمة عريضة
نسيمة: صباح الخير اخويا
ناض حط كاسو وقال تايطلع فيها ويه: صباح النور اختي، تتسولي على شي حد
ردت ضاحكة: لا لا.. انا وحدة خدامة فالڤيلا اللي لتحت جابوني نهار العزو باش نعاونهم.. وفاش خرجت الزبل حاشاك گلت نجيب لك معايا شوية الحلوة باش دوز
خداهم ضاحك وقال: لهلا يخطيك اختي الله يكبر بيك.. من نهار خدمت هنا عمر شي حد تفكرني حتا بتوفيتة هههه
ردت: بصحتك اخويا.. احم "قلبات عينيها وراها وقالت" بغيت نسولك وماديهاش مني قلة الصواب.. شحال من عام ونتا خدام هنا ؟
رد كايتفكر: شغانگولك اختي، طالعة اسي خمس سنين دابة
طلعات حجبانها: هي كاتعرف سي محمد
نسيمة: اييه اختي معلوم تانعرفو وتانعرف حتا جدو الله يرحمو.. راجل الله يعمرها دار عمرنا شفنا منو حاجة العيب ..علاش كاتسولي؟
شافت فجنابها بحدر وقربات عندو حتا جابت ليه الشك وقالت خافظة صوتها: ايوا اخويا سمعني مزياان شنو غانگولك ..ونتا وضميرك ديك الساعة واش غاتبقا مربع ايديك ولا غاتوقف مع الحق
صغر عينيه وقال: ياك لاباس اختي
نسيمة: البارح اخويا وانا خارجة نتسخر للالة الغالية.. شفت لالة مريم هي ومها وخالتها قدام الباب كايهضرو.. وانا وياربي تعفو عليا من هاد قاعدة جاني الفضور ووقفت نشوف شنو تايگولو
كمش حجبانو: وشنو تايگولو
نسيمة: گالت لك اخويا باللي غدا مع الصباح غايجي عندها خوها وهي غاتشفر شي فلوس لسيدي محمد وتلوحهم ليه من ورا الصور.. فاش غايجيو يقلبو غاتسبيهم فشي شفار دخل للڤيلا وماشافوهش
حل عينيه بصدمة: كيفاش !!!
بدات دور راسها: اييه اخويا شووف لك الباشاار انا بعدا صدماتني
ردت مطلعة حاجب: الحل واااضح وباين .. غاتتسنا حتا يصبح الصباح ديال بصح وتفييق گااع الناس.. بلا ماتعيق غاتمشي لحدا الڤيلا وتبقا باارك تما وتتسنا حتا وكاان يجي هاد خوها.. ديك الساعة هي اما غاتخرجهم ليه حدا الباب ولا من شي صور ..ايوا كيف غاتشووفو نتا تم تم غاتلاح عليه تشدو بالجرم المشهود وتعيط للبوليس باش كلشي يسيق الخبار لهاد الفضيحة ..وماتعرف گاع يزيدو لك فالخلصة رااه فشلتي عملية سرقة والملاين كانو غايمشيو كونما نتا
رمش فيها ببهضة وقال: سيري اختي الله يفتحها عليه والله إلى عندك الحق.. صافي كوني هانية وغير يتشدو غانگوليهم باللي حتا نتي عاونتيني
خرجات عينيها بهول: وعلاااش اخويا ؟؟ باغي تجبد ليا الصداع مع مالين الدااار غادة نولي انا اللي مامزيانش ويقدر گاع مها دير ليا شي حاجة
ردت: هححح عاد ارتاحيت ههههه يستاااهلو كون غير زادو ديك مها وخالتها حتا هي فالحساب
نسيمة: مازال يتجازاو حتا هوما غير شوري هههههه
عزيزة: سيدي محمد مسكين هو اللي بقا فيا فهادشي كاامل والله مايستاهل وحدة بحال هاديك "خرجات تنهيدة حصرة وقالت هايمة" مصااب الالة حتا انا يجيب ليا الله شي واحد بحالو، يكون حنيين وزويين ويموووت عليا
شافت فيها باستهزاء: يموت عليك هههه ماضحكيش على راسك الحبيبة باش غدا ولا بعدو ماتصدميش بحالي، شتي هاد الرجال اللي كادوي عليهم مكاينينش خطيك من المسلسلات والافلام
عبق الوجد الجزء العاشر
محتوى القصة
التنقل بين الأجزاء