الكوميسير حاول يجرو وهو مابغاش يبعد: سييمو زييد اصااحبي غيير ندويو وتبرررد زيييد
سي محمد: حيييييد عليااا تاااا..دااابااا وليتي تشفررري بالملاااين گاااع الملااااين اتريييكة القو***** الله ينعل ال***** ******* كاااملييين
عبد الجليل والغالية خرجو عينيهم وصفار ليهم الوجه ولاو غير يبعدو فيه كلما قرب ليها عارفينو وصل للافان و الشمتة اللي تتهضرو.. فحين مريم حركاات راسها بهستيرية تتبكي: لاااااا امحمد مااتگووولش هااكة هءهؤهؤهء انااا والله مادرت شي حاجة هوووما السباااب هوووما اللي خررجو عليااااءهءهءه
هز فيها صبعو ووجهو حمااار بالاعصااب: غااانندمكم كاااملين وااحد واااحد.. وادييني وما اعبد لابقااات فيكم اتريكة السعااية.. بنااااادم تايدير فييكم خييير ومعيشكم من طرف لحمي ساااعة اللي مولف الجوووع عمرووو يتوووب واااأقسم بالرب العاالي حتا ****** **** بووووكم
بزز باش جرو الكوميسير وعمو من تم خاارجين بيه وفمو كاينطق غير بالملحوون والشرقي غروي ماحاسش براسو بتاتا وكون غير طلقوه يهد فوق راسهم الحيوط، خرجوه لبرا حدا سيارتو وبقا غادي جاي كايعض فمو من لداخل بعصبية، العافية شاعلااه وصدرو تنفخ حتا بغا التيشورت اللي لابس يتقطع عليه ..شافوه ولا حمر ودمو فاير بلا قياس مشا العم يجيب ليه يشرب فحين الكوميسير كايدوي معاه بالهداوة ويحاول يشرح ليه وهو مكاينش هنا كل مرة يزفر ويتحرك من بلاصة لبلاصة مردد نفس الهضرة
سي محمد: والله لابقات ف**** مهم بالله.. غييير صبر يخرجو عنندي صبر
زفر بنرڤسة وقرب عندو: والااا اساااط حنا شكانخ*** من الصباح كاانعرفك بعقلك زعمااا.. واش باغي تبررد معااهم فالحبس صاافي خلي القانون يدير خدمتو ومزيان اللي الفلوس ديالك نتا وخوك يعني التهمة تابتة عليهم.. برد الساط راا العيالات هوما هااادو مزياان اللي عرفتيها على حقيقتها
قرن حجبانو كتر شاف فيه كاينهج وبتساؤل قال: فين هو هااد العساس بعدااا
رد: نجيبو لك تهضر معاه ولكن لابردتي
حمر فيه مخنزر: انور طييير عيط ليييه ولا غااندخل اناا دييك السااعة لا شفت شيي ق**** فيهم قدام وجهي ماتلوومنيش
خنزر: اه آه آه على نقشة ابناادم "جا العم وخدا الما مدو ليه" شد شررب وبرررد دمك ..انا راجع
دخل وهو حل القرعة شربها كاملة وگلس على الدروج تايشوف بحدة قدامو يدورها فدماغو ويفكر والعم ساكت تايشوف فيه وحاضيه لاينوض ويرجع يدخل ليهم
دقائق وخرج الكوميسير هو والعساس وراه ..دور وجهو ببرود ووقف مخنزر فيه حتا وصل عندو وبتوتر قال
العساس: ا ا سي محمد على سلامتك اسيدي الحمد لله خرجات سالمة
رد بحدة: كيفاش حصلتيهم نتا؟؟
بارتباك قال: ا ا ك كنت اسيدي دايز البارح بالليل ..ش شوية سمعت المدام ديالك هي ومها وخالتها كايدويو وگالتها ليها
رجع برك بلاصتو كاينهج وهي قدامو بركات مرعودة كاطيحهم حجر و ندمات على الساعة اللي فكرات تمد فيها يدها لدوك الفلوس، حالتها ولات حالة بالبكا وعينيها حيدات منهم البيوضة بكترة ماحمرين وهو زايد نغزة غير بالشمتة اللي كل مرة يتفكرها فاش تايشوفها قدامو ..
قلب وجهو وخدا نفس كايبرد بيه باش يعرف شكايگول ونطق: غانسولك.. وغاتجاوبي بصرااحة.. اقسم بالله وتكدبي حتا نقبرك بلاصتك وندخل علك للحبس داابة "زادو دموعها كاينزلو وحادرة الرااس ..وهو قال" واش بصح كنتي كاتسحري ليا نتي ومك؟
شافت فيه مصدومة وفمها بياض فجأة بحالا دوز عليها بموس حافي وهو ببرود كايشوف فيها ويحضي تعابيرها المصدومة
سي محمد: جاوبي
قالت تترعد: ا انا ماادرت وااالو.. م مانويت حتا حاجة خايبة م م ماما هي السباااب "قربات عندو بهستيرية وهو وقف" و والله حتا كانبغييك امحمد كانبغيييك وكنت باغة غير ن غييير نكونو فرحانين بجوج
نزلات هي وخوها بعدما خلصاتو ودخلات للكافي فين مولفة تبرك دائما.. كافي عائلي كايتجمعو فيه الوليدات الصغار مع واليديهم وهادشي اللي تايعجبها وتايخليها مرتاحة من المضايقات
وقف عليهم السيرڤور خدات لراسها قهوة وكيك بالشكلاط و لعمر گلاص الڤاني اللي تايعجبو ..دوزو ساعتاين على قدها وهوما باركين تما، كلاو وجمعات معاه على عدة مواضيع واحيانا كادور راسها تشوف الغروب وتستمتع بيه..
الاستقلالية زوينة والحرية أجمل ..عراضت البسمة ففمها وهزات تتشرب من قهوتها والريح فشعرها تتلعب كيف بغات ..الفرحة على وجهها باينة، قلبها مرتاح وبالها هاني لعدة أسباب اهمهم مزيرة عليه عندها وماباغاش تبوح بيه حتا لنفسها
خرجات تنهيدة من أعماقها بعدها شافت جيهة عمر وبدات ضحك على حالتو اللي توسخات بالگلاص ..هزات مشوار مسحات ليه وجهو والشوميز اللي لابس عاد ناضت خلصات ومدات ليه ايدها
نسيمة: يالله احبيبي نمشيو باش ننعسو، غدا تابعانا المدرسة ياك ههههه
شد فيها ساكت وخرجو بجوج .. بانت ليها طاكسي جاية وقبل ماتوقفها حسات بيد على كتفها تحطات، مع دارت تفتحو عينيها متفاجأة بشوفتو عكسو هو اللي البسمة على وجهو وعينيه كايدورو على ملامح وجهها
بداو الناس تاينتابهو ليهم وهو باصرار كايدوي: نسيمة عافاك ماديريش هاكة من الدار وانا تابعك وكانتسنا الوجيبة فين نهضر معاك ..بغيت غير عشرة الدقايق من وقتك غيير عشرة الدقاايق
خرجات فيه عينيها: ماكاااين لا عشرة الدقايق ولا ساعة اناا مرا مزوجة ابناادم ااخر مرة دير ليا بحال هاد الوقفة ولا راه مغايعجبك حاال
تنهد مألم ونطق من تحت نيفو: عارف، وماتصوريش الحالة اللي وليت فيها فاش عرفت تزوجتي بواحد آخر.. نتي حتا ماعطيتينيش فرصة باش تفهمي اللي وقع ودغيا قبلتي براجل آخر
غوت عمر حتا هو وسط خصاامهم وكمال خفظ صوتو وميل راسو برجاء: نسييمة عاافاك
نسيمة: شووف بعد مني حسن ليييك خوياا من ورااك غادي يمرض ونتي غيير مازايد فيه "قلبات وجهها للشاريع" طااااااكسي
وقف عند رجليها طلعات مع عمر وسدات الباب .. خلاتو واقف تايشوف فيها من اللور مألم وكتافو طايحين .. تنهيدة حارقة خرجات منو قبل مايجبد سوارت السيارة من جيبو، خدمها وطلع كايزفر ويخمم فحل يسلكو معاها حتا صونا ليه التليفون، شاف إسم "الوالدة" وتغيرات سيفتو لتخنزيرة حادة، لاحو حداه مكرره عفط عالكسيراتور وديمارا مصغر عينيه فالطريق وكل مرة يزفر أو يتمتم بشي حاجة بين سنانو ..رجع صونا ليه التليفون ميك عليه حتا قطع وبعد تواني رجع صونا مرة خرا، هزو بالنترة بلا مايشوف الاسم وجاوب بعصبية
كمال: شكاااين "تنهد فاش سمع صوت رجل وحك بين عينيه" لا لا غير تعصبت شوية وصافي ....... علاه مالك اصاحبي. ........ تقريبا شي ساعتاين هاكاك.. ياك لاباس. ..... واخا كون هاني ....... سلم على الحاجة، يالله تهلا
قطع كايزفر وكمل طريقو متاجه لمدينتو وبين عينيه مصورة غير هي
دورات الساروت ودخلات للدار مع عمر هازة التقدية فيدها وحجبانها قارناهم.. باقة ترعيدة العصبية شاداها وباقي غليلها مابرد حيت خسر ليها الخرجة وبدل ليها المود حتا كرهات داك الكافي بصفة نهائية وولات غير كاتنفخ
نسيمة: عمر .. سير احبيبي بدل حوايجك واجي تاكل
دخلات للكوزينة حطات كل حاجة بلاصتها وگفضات البودي تبدا توجاد العشا ..سپاكيتي بكويرات الكفتة ..
خلاتها فوق البوطة كاطيب ودخلات للبيت طلات على عمر لقاتو بارك كايلعب بدلات حوايجها بكسوة رطبة ديال الدار وبوني فشعرها، هزات تليفونها معاها طلات على العشا واش وجد وبركات فوق كرسي مدوزة رقم وتسناتو حتا تفتح عاد قالت
نسيمة: االو شيف، سمحي ليا ياكما فيقتك؟
شيف زهيرة: وي نسيمة.. لا لا انا باركة مع الطريطور كانقاد شي مسائل فالعرس
حكات ودنها بحرج: سمحو ليا صدعتكم.. بغيت غير نسولك غدا واش غاترجعي بكري حيت باغا نهضر معاك فموضوع مهم
ردت: آه غانجي نطل على الريسطو.. ياك لاباس بعدا
نسيمة: لا لا كلشي هو هاداك غير على قضية داكشي اللي دوينا فيه بجوج
ردت: ادن تاخدتي قرارك.. فكرتي مزيان؟
بتنهيدة ردت: إن شاء الله يكون الاختيار الصح
ردت: إن شاء الله.. غدا كيف تجي غاتلقايني فالبيرو كانتسنااك غير ماتتعطليش عليا
*كازا ..وقدام شركة محامات كبيرة توقفات سيارة كمال.. نزل منها مد الساروت للعساس وتم داخل باتجاه البيرو ديالو والسكرتيرة ناضت عندو كاتكلم
السكرتيرة: سي كمال على سلامتك ..سي اليوسفي كايتسناك لداخل
شاف فيها بجدية: الملفات اللي غيبت عليهم گاع هاد الايام جيبيهم ليا
ردت: واخا اسيدي
دخل للبيرو ديالو فين كان بارد سي محمد رجل على رجل بجلسة رجولية وهاز تيليفونو فيدو.. طلع فيه عينيه فاش سمع حس الباب وناض مستاقم ماد ليه ايدو وهو سلم عليه ببسمة خفيفة
كمال: ااااالسلام عليكم.. افين هاد الغبور
گلس كايحنحن وقال: مشاغل الدنيا وصافي ..نتا امورك هانية
حك رقبتو: بصراحة الموضوع صعب شوية.. البنت على مكانعرف يالله طالعة فعامين والوصية ديال سي سفيان ومدام نجمة كاتخصكم بجوج بيكم.. يعني نتا وياها سواسية من غير إلا تنازل شي حد للتاني
زاد بحدة شوفتو: هاديك بنت خويا من لحمي ودمي انا أحق ليا بديك الوصية، زائد مستحييل نخلي ديك المرا تعاود تقرب جيهتها نهائيا
رد: متفهمك اصاحبي ولكن حتا الأم ديال البنت كاتجي للزوجة ديالك فشي حاجة؟
حك رقبتو مكره وقال تحت سنانو: بنت عمها
كمال: ادن القضية صعيبة شوية.. غدا فالصباح اجي ندويو فهادشي ومنها نيت تعاود ليا على سبب طلاقهم، يمكن يفيدنا باش نربحو القضية
ززفر وناض سلم عليه: شكرا بزاف.. الصباح ان شاء الله ندوز عندك
رد: إن شاء الله سلم على الحاجة
سي محمد: مبلغ حتا نتا سلم على مالين الدار
خرج من عندو ومن الشركة كاملة ..جاب ليه العساس طموبيلتيو ركب وديمارا نيشان متوجه للڤيلا وعقلو كايخمم فگاع اللي طرا ويعاود ..حل السرجم حداه حتا للحد وخلا الهوا يدخل للسيارة ويهوي الخنقة اللي داخلو ..نهار قاصح صعيب عياه والتعب على عينيه بان
فرانا قدام الڤيلا بلاصا سيارتو وهبط داخل ..الوقت تعطل الناس ناعسة مع دلك لقا الغالية فالصالون باركة شادة تسبيحها وتتسناه يجي، زفر معاجبو فاش شافها باقة سهرانة وقلب الدورة غادي لعندها وقال عاقد الحضاش
سي محمد: علاش باقة فائقة لدابا
بسمات بحنية: ندوي مع وليدي ..زيد برك حداها زييد
باس على راسها وحداها برك كايدور عنقو بتعب وقال: هاني الحاجة هضري
ردت: الله يرضي عليك اولدي "طبطبات على يدو بحنية" ياك كاتآمن بقضاء الله وقدرو ..وعارف باللي غير اللي مكتبها ليك هي اللي تكون
تنهد ورد: ونعم بالله الحاجة ماگلتش العكس "صغر عينيه قدامو" كون تشفرو دوك الفلوس كنا غانطيحو فمشكل صعيب نخرجو منو ، خصوصا فهاد الفترة
الغالية: ايوا هانتا شفتي.. ربي راضي عليك ومابغاش مرا بحال هادي تبقا تضحك عليك وعلينا كاملين الله يخلصها على نيتها.. نتا اولدي تستاهل شي وحدة قلبها طيب، تكون حنينة وبنت الناس تصونك وتصون بنتك ماشي منافقة همها غير الفلوس لاهي لاعائلتها ياااربي السلامة
بسمة مستهزئة بانت على شفايفو قبل مايقول: هادي اللي كادوي عليها الحاجة مكايناش "تنهد وصدرو مضيق عليه " ..هاد بنت الناس اللي غاتصبر معاك وتتقبلك كيفما نتا ماشي ليا انا، راك شفتي حتا اللي كانت كاتبان ورقة بيضة كيف طلعات سامة كاطعن فالظهر
الغالية: لا يا ولدي استغفر مولاك وماتگولش هاد الهضرة، ربي كايبغيك و الحمد لله بانت على حقيقتها قبل مايفوت الفوت، ويقدر يكون مكتب لك اللي تستاهلك وتستاهلها أنا قلبي حااسسني
تنهد من اعماقو ملاقي فايدة فالهضرة وناض فحالو: تصبحي على خير الحاجة..
ردت: ومالك تتهرب من الهضرة زيد نكمل ليك
رد وهو طالع الفوق: نصاصت الليل هادي نوضي تنعسي
دار مع الكولوار لبيت الطفلة الصغيرة ..بهدوء حل الباب ودخل لقاها ناعسة فسريرها بحال الملاك وطريقة نومها جابت ليه الضحك وسرات قلبو بحال بلسم على الجرح ..دوز صبعو على خدها الناعم وبخفة هزها لعندو عاض شفتو ومحاول مايفيقهاش لاكنها رمشات بعينيها وبسرعة باس راسها كايهمس ليها
سي محمد: شششش الحبيبة ديالي هادة غير بابا
باس راسها قبلات خفيفة متتالية حتا رجعات سداتهم مستسلمة للنوم وهو ببسمة دار خارج وبحنية حاظنها لصدرو ..فات بيت النعاس ديالو ولبيت الباشير توجه، حلو شعل الضو ودخل ساد الباب وغادي بيها للسرير حطها بالشوية وحدر وناض للپلاكار اللي وسط البيت .. حلو ومنو جبد منو تيشورت سوداء بدل بيها اللي لابس عاد طلع حداها متكي.. فوق يدو وسد راسها الصغير وهو عينيه ساهيين مرة وبالتقالة كايرمشو مرة تانية، حتا قليلا فقليلا داه النعاس ..وغفا بهدوء...
صباح جديد.. وعلى رياح هائجة فتحات نسيمة عينيها وناضت راسها تقيل وكاتتفوه.. بالهداوة وحنية فيقات خوها عمر وخرجاتو من البيت للحمام حال عين ولخرا بالنعاس سادها، غسلات وجهها وبروشات سنانها وعطاتو حتا هو يبروشيهم ولو تايرون حالتو
دخلات للبيت بدلات حوايجها لديال الخدمة وشعرها كالعادة خلاتو مطلوق ..جبدات لعمر مايلبس عيطات ليه وتم جاي عندها فگعان ماساخيش بالفراش بدات كاضحك عليه بمرح وشي تلبسو ليه شي يقادو لراسو حتا سالاو وشدات فيه غادين للكوزينة
..بركاتو بلاصتو دارت قهوتها الخاصة توجد بدات تصيب ليه الطوسط
نسيمة: ندير لك غير الشكلاط ولا حتا الفرماج
بعينيه فالطبلة جاوب كايردد: شكلاط ..شكلاط
ضحكات: وااخا اسيدي ..هاهو لسي عمر .. بلاتي نكب لك الحليب
مشات وخلاتو تايفطر بخاطرو عاد غادوز من بيت محمد وقفات جامدة بلاصتها وحجبانها مقرونين ..البيت مردود وخيال شي حد ناعس على السرير، حولات عينيها بالزربة لباب الدار لقات سبرديلة رجالية محطوطة تما والسوارت معلقين جنب الباب وباش تقطع الشك حلات الباب شوية وطلات عليه .. جا أخيرا بعد غياب .. طلعات فيه وهبطات بعدها سدات الباب وكملات طريقها لبيتها كاتتبسم عااد حلا ليها الصباح وبدات تردد
نسيمة: الحمد لله بداو كايتفكو حاجة بحاجة
هزات ساكها وخرجات غادة عند عمر: عمر يالله ..مسحتي فمك
حرك راسو ودخل لغرفتو ساد فوجهها الباب وهي قلبات عينيها كاضحك ونزلات لتحت غاطير من فرحتها
دخلات للكوزينة فين كانت ماماها والغالية كايوجدو الفطور وبدات بسعادة كاتصيب ليه قهوتو تقاد هنا وتوجد هنا وودنها معاهم فنفس الوقت ومع شكاوي الغالية فكل مرة
ردت حياة حازنة على حالتها: ماتگوليش هاكا الحاجة، علاه نتي كنتي عارفة شنو نيتهم راه كاملين تصدمنا فيها تاواحد ماكان يگول غايخرج منها هادشي كامل
نقزات زهرة وسط الحديت وقالت: لا لا سمحي ليا اماما انا النهار اللول گلت ليكم هادي عينيها غير تايضورو وكل مرة دوز عند مها ويبداو يوشوشو ..من تما عرفتها ماتسوا ماتصلاح وغاتبدا تحفر حتا تغرق راسها براسها
خنزرات فيها حياة والغالية بتنهيدة قالت: الله يصاوب وصافي.. حنا بعدا اعتابرناها كتر من بنتنا، عمر الحاجة خصاتها اللي بغاتها تحضر، ساعة اللي ماكايگر فيه خير خليه منو لله هو يخلص كل واحد على قد نيتو
الغالية: غير اريها ليا كنت نيت طالعة عندو، ونتي عاوني ماماك
حياة: يالله تحركي
عطاتها الكاس بزز مراضياش والغالية مشات بيها للفوق خلاتها تتعاون فالفطور بالنفخة معاجبها حال وحتا تنهظ فيها مها عاد تسكت
الشيف زهيرة: احسن قرار خديتي تيقيني مغاتندميش عليه
گلسات على كرسيها ونسيمة سدات باب المكتب ووقفات قدامها ببسمة خفيفة وعينيها تايرمشو بتوتر
نسيمة: نكدب عليك باقا لدابة ماعرفتش واش اللي درتو صحيح ولا لا ..ولكن باغا نستاقل بحياتي وبيما خرج بابا يلقاني موفرة لعائلتنا حياة زوينة بلا صداع ولا مشاكل
ردت : اللي كايدير شي هدف بين عينيه شنو ماكانو العواقب يوصل يوصل ..غير كوني طموحة وغامري
بتنهيدة ردت: فحالتي أنا خاصني نقاد بعدا بزاف ديال الحوايج وشوف تشوف واش غاننجح ولا لا .. المهم شكرا بزاف اشيف ..فورما نكون مستاعدة للسفر غانعلمك
بابتسامة جاوبات: متافقين ..اجي بعدا فطرتي؟
ضحكات بعفوية وگلسات قدامها بنبرة حلوة: نفطر معاك علاش لا
ضحكات زهيرة وهزات الفيكس حداها تريزيرڤي على فطورهم بجوج
★★★*★★★
بعد مسافة طريق وفترة من أفكار تديه وخرا تجيبو ..فاحد الأسواق الضخمة لمدينة كازا وبشارع خاص بمحلات الاتواب والشياكة المغربية للنساء أو الرجال وكافة الفئات العمرية سوا تقليدي ولا عصري
..الدخلة جنابها بلون مدهب والزاج فالباب كايبين المحل كامل من الداخل وبلاكة فوق منو بالدهبي مكتوب عليه "اليوسفي" كنية العائلة فقط
وقفات سيارتو قدام الباب مباشرة، نزل منها بدجين وشوميز بيضة خاشيها فيه السوارت فيدو والنظاظر فعينيه مخبيين نظرتو الحادة وتفكيرو اللي مرة مرة يسها فالخوا. ..داز من حدا لاكيس فين كاين عمو والعمال اللي تايستقبلو الكليان كايرميو ليه السلام وهو على غير العادة تايحرك راسو فقط أو تمتمة خفيفة بالسيف باش كاتتسمع
طلع للطابق الفوقاني المخصص غير للتواب النوع اللي حبات خاطرك نعام الالة واللون اللي تشهاتو بالشكل اللي بغيتي
..فالقنت كاينة فسحة مجهزة على شكل مكتب خشبي بلابتوپ ديالو و وراه حيط زجاجي كايطل على الاسفل واللي لتحت كايبان ليهم على شكل مراية ..لقا تما أنور گالس كايتفرج فواحد الكاطالوگ
لقا تما أنور گالس كايتفرج فواحد الكاطالوگ ومركز فجلالب العيالات اكترية، حتا جرو ليه من يدو ودار لكرسيه گالس
أنور: وعليكم السلام هههه
حيد نظاظرو وحط الكطالوگ حداه: السلام گلناها عند الباب, نتا اللي دماغك ممعاناش
ضحك ورما عينو للعيالات اللي لتحت: لا واللهيلا هادي هي الخدمة المق*** نييت ااي على الزعيعرات "شافو خنزر وضحك * اجيت غير نسول فيك اصاحبي ونشوف واش بردتي دمك ولا باقي
زفر وتكا على كرسيه بنظرة حادة: عشنا ماكتر من هادشي اانور، الحاجة فاش كاتخماج تاتعطي الريحة ..الله يربحها دابة هي فجيهة وأنا فجيهة
تنهد وقال: داكشي اللي كاين اصاحبي خللي د**** تبرد فلاگلاص مع ال***** و
عااد غاتعرف بحق النعمة
طلع حاجب: مناويش تحيد منك تخصار الهضرة فاش تكون معايا
طلع حاجب مركز فيه الشوفة وهو قال: العساس گر بكولشي ولابغيتي نجيبوها حتا هي تشهد
رد: لا خليها بعيدة على هادشي.. مادام مناكراش اللي وقع والعساس شاهد بلا ماتجبد سميتها گاع نتا
لوا راسو: ولكن مايتسالهاش دماغ هههههه جات ليلة وحدة عتقات لك خدمتك بينات لك اللفاعي اللي دايرين بيك وطلقاتك على مراتك ههههه "تكرشخ بالضحك ومحمد تخنزيرتو تتزيد فحدتها" بالله ومنك انا حتا نخسر عليها تراان نرد ليها نفس الدقة ونرجع هههههه
رد بحدة ونبرة مافيهاش المزاح: دابة هادة وقت الضحك! نوض سير فحالك نهز يالله
رد وهو كايحاول يحبس الضحكة: بغينا غير نحيدو لك ديك التغوبيشة ههههه ولكن هاد الفاسيات فيهم شي حاجة ماهياش بالله فراسك حتا ولد العم طايح فوحدة من تما.. ولا خيطي بيطي من هنا لفاس مو كل مرة مبرزطاني عليه
زفر: ومباغيش نعرف غير سكتنا ولا هبط لتحت شوف لك داكشي رآه وجد
حك لحيتو: هاانية تال العشية وندوز ليهم
صغر عينيه: شوف اداك الصايع راع
نهار تجي شي وحدة و تتشكا ليا منك ..ديك الساعة هضرة خرا
طلع حاجب: يتشكااو مني.. مالي ****** ماعندي باش **** لاخصاتهم معايا شي حاجة ديك الساعة عاد يحلو فمهم
هز نظاظرو زف عليه بيهم حتا طار من حداه طالق ضحكتو ..وهو بقا بارك كايزفر ويدو على رقبتو تايسرحها ويلوي عنقو ..مصغر عينيه فالخوا وتايفكر بينو وبين حتا ختمها بتنهيدة من اعماقو وهمسة خفيفة بينو وبين اللي خلقو : الصبر ياربي ..الصبر
★★★*★★*
وما هو الصبر .. إلا مفتاح للفرج، وأمل للقلوب المرهقة بالاشتياق
بعد يوم من روتين الطبخ فالمطعم ..دخلات للدار مع عمر، حيدات ليه سبرديلتو وداتو لغرفتهم حاطة ليه پيجامة ديال الدار باش يبدل وهي كداك لبسات ملابس مريحة سوداء
دارت لشعرها شدة مرخوفة وخرجات غادة للكوزينة تتوجد العشا ودندن أغنية جات على بالها ولسقات .. حتا ضار الساروت فالباب وحبسات مطلعة حاجب ومادة ودنها ..تسد الباب ..علق سوارتو لبس پانطوفة ديال الدار وتم غادي عندها للكوزينة بنظرات غريبة وبسمة غامضة، منظرو كليا مغير ..تحت عينو زرق والفاصمة فوق نيفو مغطية التهريسة عاد باش ايدو ليسرية مگبصة ..مع شافتو محات البسمة ووسعات عينيها بدهول قائلة
نسيمة: ااويلي ماالك شنووو وقع
بصوت مبحوح بسباب الفاصمة اللي فوق نيفو قال: وعليكم السلام هههه.. توحشتك
مد ايدو عنقها بيها وهي بضحكة صفرة بعدات وقالت: على سلامتك بعدا
رد: الله يسلمك.. بلا ماتخلعي هادي غير اكسيدو فالخدمة وصافي
وكأن شيئا لم يكن بسمات وردت بنبرة هادئة: مايكون عندك باس.. سير ترتاح شوية العشا مابقا ليه والو
غوبشات: لا خاصك تاكل شي حاجة كيفاش غاتبرا ونتا متتغديش راسك
ضحك وقال: واخة الالة فاش يوجد عيطي ليا
عرضات بسمتها: كون هاني
ضور وجهو للمراح تايقلب: واحد عمر فين هو؟
ردت: فالبيت كايلعب.. نخرجو ليك؟
محمد: حتا ندوش ونجي نشوفو توحشتو البطل
ضحكات فوجهو وهو لبيتو توجه ودخل ..سد الباب وبسمتها تمحات ..ولات منفراه كليا.. لاهي ترتاح لكلامو ولا لشوفتو لكن للضرورة احكام ..والى كان لك عند الكلب حاجة، قولو سيدي
ضارت ببرود تتوجد العشا وتقاد ..خدات كاسرونة عمراتها بالما دارتها فوق نار متوسطة وحطات فيها ستة الحبات كبار ديال البطاطة بقشورهم ..خلاتهم حتا تسلقو نص صلقة قشراتهم و قطعات كل حبة لنصفين ..ولكل نصف دارت حفرة متوسطة الوسط بعدها دهناتهم بالزيت ورشات عليهم الملحة والزعتر مجفف ودخلاتهم للفران
خلاتهم كايتشحرو وطفات للفران بعدما وجدات البطاطا وعطات ريحة زوينة ولون أقرب للدهبي ..حطاتها على جنب حلات التلاجة جبدات منها الكفتة وفرماج موزاريلا مبشور .. نقصات للبوطة ومشات طلات على عمر وطمنات عليه بعدا عاد رجعات للكوزينة تاندن وگفضات تكمل شغالها، سرحات الكفتة مزياان ودردرات عليها قبيصة الملحة والكامون عجناتها بيديها وزادتها مع الخضرة المشحرة بلا ماتكورها بلا والو ..بدات تمزجها مع المكونات بمعلقة خشبية وزادت ليها شوية الما ..حتا صافي ووجد ..هزات طاوة البطاطا حطات حداها المقلة وبمعلقة بدات تعمر الحفاري تاع البطاطا وتزيد الفرماج من الفوق ..حتا سالاتهم وردات الطاوة للفران باش الفرماج يدوب ويغطي البطاطا من الفوق
جبدات عاصير الليمون بارد من التلاجة وبعض الفواكه غسلاتهم وقطعاتهم مرصوات فإناء كبير زادت عليهم دانون مسوس ودارتهم فكيسان كبار مزوقين ..وللتزيين ضافت فواكه جافة من الفوق وحبة فراولة
هزاتهم فپلاطو للصالون هوما والعواصر وفرشات للطاوة بلاصتها ..كلشي وجداتو على أكمل وجه وتفننات فالعشا واخا راه غير عشا موالفة شي حاجة خفيفة فيه بحال سباكيتي ولا عاصير، لكن هاد المرة بغات تبين ليه و بطريقة غير مباشرة أنه واخة خلاها على الضس هزات راسها بلا ماتحتاج شي حد .التلاجة عامرة الضو والما مخلصين وحتا مدراسة خوها والمركوب اللي تتمشي وتجي بيه وكدلك لاخسرات شي حاجة فالدار هي اللي تتجبد من جيبها وتخلص ..منها كلشي وعمرها رضات تمد يدها لجدها ولاتشكي عليه بالمصروف أو حتا تعاتب محمد على غيابو
شافت فداكشي واش هو هاداك عاد ضارت تتمسح ايديها وغادة لغرفتو تعيط ليه
قبل ماتوصل عيطات بسيتو: سي محمد " دقات وفتحات عليه الباب قطع لاپيل وضار عندها "
نسيمة: العشا واجد
ببسمة رد: انا جاي
سدات عليه الباب مصغرة عينيها وضارت لغرفتها ..دخلات عند عمر حيدات ليه الكاميرا اللي شاد ونزلاتو من فوق السرير كاضحك
نسيمة: انمشييو ناكلو داابا واخا الزين ديالي
قال حال فمو وعينيه تايرمشو جنابو: لاگلاص.. لاگلاث
باستو فخدو: نتعشاو بعدا ونجيبو ليك.. يالله زيد معايا
داتو للصالون لقات محمد برك.. ضحك فاش شافها جايبة عمر ومد يدو لعرو مدوزها بخفة وقال
محمد: البطل كبر تبارك الله ههه
ضحكات: ضروري
بركاتو حداها وبداو فالاكل فصمت وهدوء ..تعشاو ديك الليلة بهضرة قليلة وبسمة ميترتاحش ليها و كل واحد مخبية وراها غموض وحاجتو.. حتا سالاو هو داز لبيتو وهي جمعات الطبلة ولماعن غسلاتهم ..جبدات لخوها گلاص ودخلو لبيتهم حتا هوما
......
صباح جديد
صباح الاحد. ..لاخدمة لاقراية لاتبرزيط فقط هي والراحة والاستراحة ومفاقت حتا شبعات نعاس ..مخلية عمر تايشخر وراها و ناضت تتحك شعرها وخارجة من البيت
ضربات طليلة على باب الدار لقات السوارت وسبرديلتو مكايناش، عرفاتو خرج بكري وابتاسمات براحة داخلة للحمام ..شعلات الرشاشة على الحرارة اللي بغات حيدات حوايجها وخدات دوش سخون على الصباح فركات فيه لحمها مزيان ريحات عضامها بسخونيتو وفتحات فيه عقلها تستعد للخطوة اللي باغة دير
نشفات داتها بفوطة نقية لبسات پينوار وحطات فوطة على شعرها
دخلات للبيت جبدات كسوة بيج دوني وشورط.. لبساتهم عاد بدات تتنشف شعرها بالسوشوار وعلى صوتو فاق عمر مخنزر وناض بارك كايهرنن حتا سالات وطفاتو عاد رجع نعس وهي تاضحك عليه وتردد
وقعات وقالت بتعجب: شنو هادا بعدا ومن عند من هادا؟؟
هز ايديه: الله اعلم اختي انا وصلت الأمانة.. الله يعاون
مشا فحالو سدات وراه الباب وهي كاتشوف فالكرطونة وحجبانها مقرونين ..دخلات للكوزينة وحطاتها فوق الطبلة، دارت قهوتها توجد وبركات هازة موس فيدها قطعات بيه السكوتش حلاتها وحيدات الورق اللي مغطي الفوق.. وأول مالقات هو بطاقة بيضاء مكتوبة بخط اليد هزاتها بهدوء وقرات اللي مكتوب فيها
"عربون شكر"
ببساطة.. جوج كلمات بخط جميل لاغير و مازادو إلا فحيرتها.. حطاتها على جنب وجرات عندها الكرطونة كاتخرج اللي فيها لداخل وعينيها بدهشة كايتفتحو ..لقات خمس اتواب انثويين و مخصوصين لفصل الربيع اللي جاي ، وواحد فيهم نوع جوهرة مفصل على شكل قميص خفيف لونو وردي بارد الراندة فيه غليضة وبادية من العنق كاحدها كاتنزل وهي كاتخفاف ..حمقوها الألوان وشكل القميص ولونو ..ماحسات حتا بدات تتبسم وضحك تهزهم وتتخير وفدماغها تتفكر شمن كسوة تخيط عليهم وشمن ستايل يجيها زوين
..حارت شكون عجبها كتر واللي زاد حيرها شكون مسيفطهم وشمن شكر كايدوي عليه ..مع هادا خلاتها فيد الله وناضت جمعات كلشي رداتو للكرطونة هوما والبطاقة ديالها وتتردد بضحكة مسرورة: الله يعطيه الخير واللهيلا عندو الدوق هادا اللي سيفطهم هههه
هزاتهم نيشان للپلاكار وفالرف الفوقاني حطاتهم .. بعدها ضارت ادراجها للكوزينة توجد الفطور ليها ولعمر،مرة مرة تسها بوحدها وضحك والفرحة فعينيها واضحة
والتليفون فودنو قال بتهكم كايأكد هضرتو
سي محمد: من ايدك ليدها ياك
رد عليه من الخط التاني وقال: معلوم اسي اليوسفي كون هاني وحتا سميتك ماجبدتهاش
ببسمة خفيفة قال: شكرا، وسمح ليا عدبتك نهار الروبو ديالك.. الأمانة اللي تافقنا عليها شوية وتوصلك
الفاكتور: الله يكبر بيك اسيدي خير المرحوم سابق
سي محمد: الله يعاون
قطع عليه ناض هز سوارتو وتم هابط لتحت بنظرة حادة وعينيه عادة قدامو مايقلبهم لا على ليمن والا ليسر
المدخل واحد والمحل نصفو اليمين للرجال واليسار للنساء كل واحد فيهم مساحتو كبيرة وباللي تشهيتي فالالبسة التقليدية
..وقف على عمو اللي بارك فلاكيس كايقاد شي فاكتورات وقال بجدية وصوت تقيل
سي محمد: عمي أنا خارج شوية ..خلصتي الكريدي بالفلوس اللي عطيتك ولا مازال؟
العم قاد بركتو ورد ببسمة صفرة وعينيه تايهربو فاش سمع حس الفلوس: آه كون هاني اولدي راهم تخلصو فديك الساعة
صغر عينيه بشك وبجدية قال: السيمانة جاية آخر أجل للخلاص، وراك عارف الى ماتخلصوش دوك الشيكات شنو غايوقع
قرن حجبانو: سي محمد شوصلنا لهادشي هي ولينا كانكدبو ؟
بهدوء قال: حاشا, كلامك هو الكبير.. انا غير وضحت ليك اللي كاين لاتكون نسيتي ولا غفلات عينك
عبد الجليل: الكريدي تخلص هي تخلص صاافي كون هااني
حرك راسو: ماگلتي عيب اعمي ..الله يسخر
خلاه كايمسح جبهتو من العرق وهو ركب سيارتو وزاد مع الطريق
★★★*★★★
نسيمة: ايوا راعاااد طفات عليه الشمعة وجا.. زعما مايكونش داك الشيبة هو اللي ردو؟
ردت عليها عزيزة بهمس: هاهو الالة سيد الحاج يالله داز من قدامي غغادي وينفخ.. كوراه مافخبارو مايتعاود
نسيمة: حضي معاه ولاسمعتي شي حاجة ماهياش علميني صافي
عزيزة: كوني هاانية الالة البق مايزهق
زفرات: مزيان.. خاصني غير الوجيبة فين نفتح معاه موضوع الطلاق ماكرهتش نتهنا منو اليوم قبل غدا
ردت: ايوا الالة كيف يرجع گوليها ليه ياك هو دار گاع هادشي باش يعاونك.. صافي الله يكتر خيرو والله يعاون
ببال مهانيش ردت مصغرة عينيها: لا اعزيزة شي حاجة ماشي هي هاديك كادور ورا ضهري، انا متأكدة
عزيزة: علاش شفتي شي حاجة؟؟؟
بشك ردت: شاكة.. البارح بحال إلى سمعتو جبد سميت نزار فالتليفون وغير عيطت عليه قطع فالبلاصة.. و سمعت عليه شي هضرة ممفهوماش لليوم باقة داراني فراسي
ردت: كوراه غير بغا يسول فخوه بلا ماتوسوسي راسك
نسيمة: علاه فين عمرهم كانو بحال الخوت باش يسول عليه؟ ومالو رجع حالتو حالة بالعصا وعلاش فيه قوة الكدوب؟
عزيزة: الله يالالة خلعتيني علك
ردت: نتي غير حلي ودنيك خصوصا على نزار والحاج.. انا غانعرف نفك راسي خاصني غير نطلق منو برضا جدي وهو حادر راسو لتحت.. ديك الساعة الله يعاون العاونات
تفتح باب الدار فجأة وبارتباك ضحكات وقالت: ههههه يالله احبيبة ندويو من بعد.. تهلاي ليا فراسك
قطعات عليها ومحمد ببسمة طلع حاجب وجا برك قدامها
محمد: عزيزة هادي؟
هزات كتافها: لا لا هادي واحد البنت معايا فالمطعم كانسولو فبعضياتنا
ابتاسم ليها: مزيان هي درتي الصحابات
ضحكات: شوية وصافي هههه ..بعدا واش تغديتي ولا باقي؟
رد: لا الصراحة مازال
وقفات: غانمشي نطل على عمر ونسخن ليك غداك بيما نيت بدلتي حوايجك
رد: صافي مشات
ناض للبيت وهي حطات تليفونها ودخلات للحمام فين خلات عمر تايلعب بالما فالبانيو.. شللات ليه بالخف ونشفاتو مزيان عاد لبساتو بودي سخون وسروال قطني تايتسد بالسير ديالو
نسيمة: ششش صافي احبيبي ماتخلعش هااختك معااك ..نشري ليك گلاص بغيتي نمشيو نشريوه فاش نخرجو من هنا
رد كايتنخصص وعينيه فالأرض: مشيو لزووو
انهارت بالبكا مرة خرا، عينيها حمارو وشفايفها تايترعدو بالخلعة عليه، سالات ليه الطبيبة ناضت تتنهد و شارت ليها تلبسو وتبعها ..بالزربة طلعات ليه سروالو وقالت مبسمة بزز: انا غانرجع عندك واحد الشوية متافقين ..انا غير حداك بلا ماتخاف
باستو فراسو وتوجهات للمكتب، گلسات حامية فيها جمرة وقالت: ا امضرا ..واش طرات ليه شي حاجة
زفرات وقالت: لحسن الحظ ماوقع والو وماعندوش أي أعراض الاغتصاب ..يمكن كيف گلتي هو مريض بالتوحد وكانضن هاد ردات الفعل عاديين من الأطفال اللي تايكونو مصابين بهاد الاضطراب
مسحات عينيها وقالت بقلق: و ولكن تلت سنين هادي مابقا تايغوت هاكة..وحتا سروالو انا متأكدة ماسديتوش ليه هاكاك شي حاجة تما ادكتورة عافاك غير عاودي تأكدي
ردت بهدوء: نتي دابة متوترة ومخلوعة على خوك انا متفهمة هادشي، ولكن راه ماعندو حتا حاجة خايبة غير هني بالك
سرطات ريقها وشافت فعمر بنظرات مألمة، رغم هضرة الدكتورة إلا أنو باقا فيها الخلعة وبالها مهانيش: الصراحة والله ماعرفت ..تلفت فاش شفتو كايغوت ويبكي وحتا سروالو !!!.. نيشان فكرت باللي دار ليه شي حاجة
عقدات حجبانها بجدية: واخا وهاد ولد عمك اللي دويتي عليه.. كي داير التعامل ديالو
رمشات تتفكر: م مزيان.. تايبان ليا عادي بحال گاع الرجال غير ماعرفتش علاش فكرت هاكا بالظبط
الطبيبة: ماعليش تشكي هادا أمر عادي ..وولو ماتكونش وقعات هاد الحادتة خاصك ديما تراقبي خوك فكل بلاصة، ماخاصك تيقي لا فأب ولا فأخ ولا عم.. مادامو باقي صغير وعلى مابان ليا نتي المسؤولة عليه، ادن خاصك تهتمي بيه كل الاهتمام وتبداي دوي ليه على هاد الأمور حتا يكبر ويكون قاد يفهم خطورة هادسي
ردت : عندك الحق ادكتورة ولكن مغايفهمنيش واخا نبغي ندوي معاه
الطبيبة: هو دابة كايدافع على نفسو بالغوات هادا أمر إيجابي.. فاش يبدا يفهم شوية بداي تتكلمي معاه.. فهميه باللي فالجسد ديالو كاينين مناطق ديالو بوحدو ممنحق حتا واحد يقرب ليهم ولا يقيصو تما من غيرو هو فقط.. بطريقة سهلة بلا مايحتاج تخلعيه ومن الاحسن تخدمي ليه الصور باش يفهمك كتر
مشات نزلاتو من السرير بسمات للطبيبة وخرجات تتزفر وتشوف فيه مرة مرة.. كون طلع شكها فمحلو وبصح شي حاجة وقعات ليه عمرها تعيش هانية وعمر قلبها يعرف الراحة ..الخلعة اللي حسات بيها اليوم دخلات ليها وساويس وشكوك قاتلة بسبابها عمرها تهنا ولا ترتاح وخوها فنفس الدار مع محمد ..ولو عارفة مدار ليه والو ويمكن غير زادت فيه لكن باش تغامر ودير كأن شيئا لم يكن ؟ ماقدراتش
خلصات اللي عليها وخرجات من الكلينيك شادة طاكسي للدار ..مع الدخلة سدات الباب وصونات لعزيزة علماتها تجي عندها بالزربة ودخلات للبيت جابدة ساك صغير وبدات تجمع لعمر حوايجو ودموعها مرققين فعينيها
وسط انشغالها بالجميع سمعات الدقان فالباب ومشات حلاتو ..لقاتها عزيزة كاتنهج لابسة جلابتها والفولار غير حاطاه على شعرها كيف قطعات معاها جات تتجري بلا عقل
عزيزة: الله يالااالة خلعتيني.. شنووو واقع؟؟
ردت بسرع:ة سدي وراك الباب وتبعيني نهضر معاك
سبقاتها للبيت وتحنات تتجمع وتحط فالساك..
حتا لحقات عليها عزيزة وبدات تشوف فداكشي بدهول
عزيزة: واش غادة لشي بلاصة
ردت : غانسيفط معاك عمر للدار.. خليه عندكم هاد ليامات بما فكيت مشكيلتي مع هاد الحمار ونجي
زادت تخلعات عليها كتر وقالت: علاش الالة مال سي عمر مسكين
نزلات عينيها تتشوف فالساك وتشوف فيها مافاهمة والو: ع علاش الالة تتگولي هاكا واش وقعات شي حاجة
ردت: نتي غيير ديري اللي گلت ليك عليه.. لا جدي والا عمامي والا نزار حتا واحد مايقرب جيهتو وبقاي ديما معاه.. أنا فاش غانكون مسالية غاندوي معاكم فالتليفون صافي؟
عزيزة: واخا الالة كوني هانية راك عارفة اصلا تاواحد مكايقرب ليه حيت عارفينو مريض وفيه قوة الغووات... ولكن راه سي عمر مولف عليك نتي حدو غايصبر نهار واحد وينوض
حكات صدرها بالجهد: هنا ماهانيش اعزيزة وماغايهنا حتا نقلب وجهي من هااد المدينة ديال اللويل ونطلق من داك بناادم.. حتال تما خويا امااانة عندك منسمحش ليك الا خليتيه فشي بلاصة بوحدو
عبق الوجد الجزء 11
محتوى القصة
التنقل بين الأجزاء