حركات راسها معاجبها حال وقالت: معليش غير عافاك متبقاش دخلني فبحال هادشي
رد بأسى: عارف سمحي ليا ولكن نتي كنتي آخر حل بقا عندي ..وغير نفك المشكل غانردهم ليك كوني هانية
شربات من الما وناضت: معليش ..تصبح على خير
ببسمة رد: بونوي
سدات باب بيتها محا البسمة وبسرعة جبد تليفونو دوز رقم وناض للبالكو: ألو
جاه صوت راجل قال: وي الزين
رد: ضبرت فشي حاجة ديال الفلوس ونتا (..........) المهم حاول واخة غير مليون بعدا ..البار خاصو يعاود يوقف على رجليه بحال الاول ولاراه من الديبار غايتسد "رد شعرو وراه بنرڤسة وكاينفخ" ماسوقيش ضبر رااسك المهم هو غدا نحلو هاد المشكل قبل مانمشيو فيها ..غدا غاناخد الفلوس اللي خاصيني ونطلع عندك، كون واجد ..يالله تهلا
قطع ضاغط على فمو وكايزفر بعصبية مجتاحاه، حتا داز شوية الوقت ورجع ادراجو متوجه لبيتو ..
صباح جديد صبحات فيه نسيمة كاتلبس لعمر حوايجو وتقاد ليه شعرو والكول ديال الشوميز
..سدات ليه سيور السبرديلة ورشات ليه من ريحتو الخاصة.. جمعات شعرها حتا هي ولاحت عليها زيف بيض متناسق مع كسوتها البيضة وصباطها البني بعدها ضارت عندو مبسمة بحنية: يالله احبيبي ناكلو باش نمشيو لمدراستنا ياك
شدات فيدو وخرجو من البيت للكوزينة، بركاتو فالطبلة ديال الفطور وحطات ليه فطور صحي ياكلو كيف بغا وهي صيبات لراسها قهوة كحلة وگلسات حداه كاتنغم بيها وتفكر على راحتها حتا تحل باب بيت سي محمد وخرج عندهم كاايتفوه
سي محمد: صباح الخير
شافت فيه: صباح النور ..نحط لك قهوة
برك بلاصتو: لا غانفطر برا مع واحد السيد..عمر صباح الخير
بسم ليه بلا مايقيسو ونسيمة كملات كاسها على خاطرها وبعدها ناضت قائلة: حنا غانمشيو دابة, الرابعة ونرجع
رد بتوتر: ا ا نسيمة..شنو درتي ليا مازال فداكشي
قالت: دويت مع عزيزة وكيف غانخرج من الخدمة غاتجيب ليا الأمانة علاش وصيتها البارح
بسم براحة وقال: شكرا بزاف..انا دابة غانخرج مغانرجع حتال لليل و يقدر نتعطل عليك بلا ماتتسنايني غير حطيها ليا فشي بلاصة باينة باش منفيقكش
كمشات حجبانها بتساؤل: واش غاتعاود تسافر
رد: آه.. مع الأسف غدا خاصني نرجع
نسيمة: وكاتمشي الوقت اللي بغيتي وتجي الوقت اللي بغيتي؟
رد: عادي طيارة تديني وطيارة تردني ماشي شي حاجة
حركات كتافها: ماعرفتش غير جاتني عجب .. مهم انا خاصني نمشي تعطلت على الخدمة، عمر يالله احبيبي
محمد: بسلامة
نزلات خوها من الكرسي وخرجاتو معاها تحت نظرات السي محمد
خرجو من العمارة شدات طاكسي كالمعتاد ووصلات خوها بعدا لمدراستو عاد دازت لخدمتها بنشاط وحيوية، اكتر حاجة توحشاتها ففاس هي بلاصة خدمتها وتفننها فالطبخ
ببسمة دخلات كاتسلم مع اللي تاتعرف ويعاودو ليها شحال توحشوها وهي تاضحك ليهم حتا وصلات وقت الخدمة وزيرات طبليتها نحو بلاصتها وبدات، تقاد هاد الپلا وطيب هادي وتوجد هادي وتزوق هادي حتا قشعاتها ابتسام و توجهات ليها نيشان كاضحك
ابتسام: اااهلا عاش من شافك هههه
كيف ضارت عندها عنقاتها بحالا رآهم خواتات من شحال هادي وتوحشاتها بلا قياس
ردت: شوفي غانمشي بعدا نجيب عمر من المدرسة ونتي تسنايني قدام الباب حتا نوصل واخة
عزيزة: صافي واخة الالة
نسيمة: جبتي ليا گاع اللي گلت ليك ياك؟ عنداك ماما تكون عاقت بشي حاجة
عزيزة: لا الالة كوني هاانية .. و دهبك كلو جبتو لك حتا من ديك المضمة التقيلة هزيتها معاهم
نسيمة: صافي يالله بالسلامة واحد نص ساعة ونكون عندك
عزيزة: واخة الالة بسلامة
قطعات وشدات طاكسي لمدراسة خوها
بينما عزيزة ردات التليفون لسدرها وزيرات على الصويك الصغير اللي هازة، كل مرة تشوف من الزاجة هنا وهنا وسائق الطاكسي حاضيها وعينيه على الساك اللي فوق رجليها محطوط .. تقلشو ودنيه فاش سمع حس الدهب وعنيه بمكر تعقدو ، وصلها لحدا العمارة كيفما المفروض يدير جبدات عشرين درهم مداتها ليه وقالت: بسم الله اخويا
رد ببسمة: الله يخلف اختي "خلاها حتا حلات الباب ونزلات عاد قال كايحقق فديك العشرين درهم" بلاتي اختي بلاتي..هادي راها مقطعة
حلات عينيها بتفاجأ: هاويلي على مقطعة لا اخويا هي هاديك
مدها ليها وايدو مبعدها شوية: هانتي شوفي
تحنتات تاخدها من عندو و ماحسات بيه حتا مد ايدو فرمشة عين جر الساك ودفعها حتا طاحت الأرض وطار من تما بلا حتا مايسد الباب ، من الصدمة تشوكات بدات كاتنهج و غير تترعد فبلاصتها ممتيقاش شنو وقع
خرج عندها العساس كايجري ويقول: لاا حول ولا قوة الا بالله ..نوضي ابنتي نووضي سيري عند البوليس ديكلاري نوضي
نزلو دموعها وهي تترعد بالخلعة ..وجهها مشا منو اللون وبزز باش ناضت كاتنخصص وتبكي الهضرة مابغاتش تخرج ليها وبزز باش دخلها العساس داخل العمارة ..بركها فالكرسي تاعو وجاب بيها غراف ديال الما شداتو كاتقفقف وبالخلعة تلف ليها حتا كيفاش كايشربو الناس
العساس: فيها خير ابنتي غير مللي ماوقعات لك شي حاجة رالاباس ..ياكما مشات لك شي حاجة؟
حدها شافت فيه كاتنخصص ورجعات تتبكي بحرقة وتزير على جلابتها بالفقصة وتمتم بهمس: امييبمتي افضيحتي امييمتي هءهؤهؤ امييمتي شغانگول للالة نسيمة داابة هءهء الله ياربي رزقها كامل مشا بين عينيا عءهءهؤهؤ الله ياربي الله شغاااندييير هءهءهء
فعز نحيبها والبكا والتنخصيص وقفات طاكسي تانية قدام العمارة ومنها نزلات نسيمة شادة فيد عمر وداخلين في أمان الله، كيف قشعاتها باركة على كرسي العساس تتبكي بحرقة ووجهها حممر بالخلعة ، طاح منها النص وماحسات حتا جرات عمر ومشات ليها تتجري مهولة وقلبها من بلاصتو غايخرج
ردت ببرود واخة مجروحة من الداخل: الدهب كان غايمشي ليا أصلا ..القاصحة هي داه واحد شفار
حنات راسها بأسى: عندك الحق الالة..عالله غايتشد
نسيمة: امين ..صافي نوضي رجعي للدار بلا مايحسو بيك ..وماتگولي لحد على هادشي وايااك
ناضت تتنهد: واخة الالة كوني هانية..باشما كان صوني عليا واخة
حركات راسها وناضت معاها للباب..سداتو ودازت للحمام غسلات وجهها مزيان بما بارد ودازت للبيت كاتحيد كسوتها ولبسات پيجامة بيضة بسروالها ..حطات تليفونها اللي كان طفا يتشارجا وخرجات للمراح كيف بركات هي تشوف تليفون عزيزة نساتو فوق الطبلة: ويلي الهبيلة نسات تلفونها
سمعات الباب تدق دقات خفاف وناضت هازة معاها التليفون، مع حلاتو جمدات بلاصتها وفمها بياض فلحظة ممتيقاش شتاتشوف، عكس نزار اللي بشحمو ولحمو داير فيها شوفة قاتلة وبضحكة عرييضة تتخلع قال: لالة العرووسة..شخبارك هانياتون
تهز صدرها وحسات بقلبها كايضرب فحلقها بشدة الخلعة، ولات تتشوف الموت قدام عينيها وبالزربة بغات تسد الباب ساعة دفعو حتا رجعات اللور مغوتة تترعد ودار هو بهدووء سدو بالساقطة..
وصلات للشاريع وطلعات يدها تشد طاكسي .. وقف ليها واحد حلات الباب وكيف طلعات تحسسات صدرها بعفوية هي تشهق بصدمة: يلي ويلي نسيت تليفوني ..وقف عافاك اخويا وقف
رد: ولاش اختي
ردت : اخويا را نسيت تليفوني فالدار ..الله يرحم والديك حبس قدام هاد العمارة
زفر معصب ووقف، نزلات بزرع وتمات داخلة تتزرب وهو زاد مع الطريق
★★★
جرها من جلدة شعرها عندو، طلعات ايديها بالزربة شداات فيه و وسعات فمها وعينيها موعتة وتتغوت: اااااعععع نزاااااارءهءهؤ
نطق بغل تحت سنانو: فين غاادة هاربة..همم؟؟ " زاد زير على شعرها بين ايديه ومرة خرا غوتات" الصوااب تپيريما لك ابنت العم ياك
ردت برعشة تتبكي وتشهق ميتة بالخلعة: نزاار دير عقلك اخويااااهءهءهءهءهء طلق مني عافااك رااه هادشي اللي تادير فيه ممسلكش غادي تخررج على راسك وعليا حتا انا هءءهءهءهء....
نزار: عشرين عام وأنا تاتبغيك "زاد قرب وهي رجعات اللور كايعلا صوت بكاها وحتا عمر غواتو كايجهاااد" صبرت على هاد النهار عشريين عام ابنت الق***** ..عشرييين "زير سنانو وبدا يقرب ليها""
تحنا على عنقها كايتنغم بعبقها وهي عينيها للور تقلبو وحاسة بشي حاجة سائلة تدوز ليها بين عنقها ..هز راسو منتاشي شافها سخفات وبسم بجنب فمو ..نزل عينيه ببطئ لشفايفها، وقبل ماينزل بفمو جيهتهم تفرع الباب ديال الدار و بالزربة وقف كاينهج وخارج للمراح، نيشان تلاقا مع گوشية للحنك وضراتو على فين هو وقبل مايدور تجر من الكول وبروسية وحدة تسمعات طرطقة فنيفو و طاح مقجوج والسخفة شاداه
إن حدث، وغاب وجدك عني..
أيبقى عبقه معي، مؤنسا إياي في وحدتي؟ حائما حول خصلات شعري، وبين ثنايا ابتساماتي؟
إن حدث، وأغمي علي من شدة الكرب..
اتمتد يداك لمتسك بي قبل ارتطامي بالأرض؟
إلى دفء صدرك تحضن إياي وبعبق وجدك أستمد قواي؟
أيحدث؟
عبق_الوجد
سكـينة_أهنــاني
مع سكون الغرفة وصوت تخطيط آلة القلب وانفاسها ..تخللو رموش عينيها من مكانهم وفتحاتهم بصعوبة ومشقة ..داتها تقيلة وراسها عاطيها حريق قوي حتا فالشوفة حواليها مقادراش تميز هي فين بالظبط
تحل الباب ودخلت دكتورة كادوي مع الممرضة كلام كايوصل مضبب لمسامعها وبصعوبة كاتميزو
بسمات الدكتورة فوجهها الشاحب بعدما طالعات على ملفها ، ومع تمريرة
يد على شعرها قالت ببسمة مطمئنة
-على سلامتك الغزالة ديالنا ..لاباس عليك
بالتقالة حركات راسها وحاولات تنوض
الدكتورة: لا لا خليك مرتاحة باش مايزيدش يحرقك راسك
ردت بصوت باح: بغيت نگلس عافاك
الدكتورة: غير بشوية عليك "ساعداتها حتا بركات وردت نسيمة
شافت راسها لابسة لباس المرضى فقط وشافت فالسيروم اللي لاسق بفاصمة فيدها، عاد بدات تسوعب كلام الدكتورة ويدخل ليها للدماغ طاح فبالها خوها عمر أول حاجة و شافت فيها مخرررجة عينيها بخوف: و و عممر..خووويا عمممر فين هوواا ؟؟؟
حاولات تهدنها: الله يخليك ابنتي تهدني راه الغوات ممزيانش ليك
ردت مطمأناها: والو كوني هانية راه ناعس مرتاح داابة خاصك غير نتي تريحي راسك
حركات راسها ورجعات بلاصتها بالزز منها واخة بالها مهانيش وكل مرة تشوف فالسيروم ايمتا غايسالي باش تنوض، عزيزة حداها واقفة تادور عينيها هنا وهنا باغة دوي وتتحبس ليها الكلمة فالحلق
عزيزة: م مابغاش يتحل ليه الباب حيت مسدود بالساقطة.. وگاليا البوليس مغايوصلو على عام ..و وانا ناخد عدو التليفون ونزل هو يجيب شي حاجة باش يهرس الباب .. وانا كنت حافظة نمرة وحدة صافي
ردت: نمرت من؟؟ علاااامن عيطتي؟
بتمتمة: ع على حياة
خرجات عينيها: حياة !!! الخدامة ديال مي الغالية ؟؟؟؟
حركات ليها راسها ونسيمة شهقات حاطة يدها على فمها وبعدم تصديق قالت: اااويلي اعزيزة ماتگوووليش ليا سي محمد هوااا اللي دخل علياا وعتقني
عزيزة: و والاالة ماكانش عدي شي حل خر وهاانتي الحمد لله اللي عيطت ليه غاطلع العساس يهرس الباب عاتا لقيناه وراانا كيدار ليها ماعرفت
ضورات ورجهها مصدومة وبالغدايد ضربات رجليها: ااااويلي ..ااااويليييي..اويلي ياااالمسهوووتة واش ماعند جددك عقللل..واااتي شكووون هو سي محمد باااش تگووولي ليه يعتقني واااش حماارة
ردت: و والله الالة الى راااه مسكين كان مخلوع عليك..
قاطعاتها: وباااقة تتهضري ؟؟؟ "ضربات فخادها مفقوصة" امييمتي كون غيير ماكنتش معااودة ليهاااا ..وااش نسيتي السباان اللي عطااني ؟؟؟ نسيتي الحاالة اللي دار ليااا ءءءء ..دااابة شغاايگوول فراااسو المكلخة؟؟؟ هااادي وحدة مسسخة وباانت ليها فخو راجلهاااا حتااا هو ياااك
عزيزة: الاااا الالة شتي فااش سافرتي بيوماين.. راه صووونا عليا وعاودت ليه كلللشي دابة رااه فهم
هزات كتافها و جاوبات: مگايگول والو على هاد الموضوع
حل فمو يدوي ورجع سكت مدة قليلة ..بعدها قال: باش نوضح ليك المسألة مزيان وتفهمي علاش گلت لك ديك الهضرة.. تخيلي أنا مزوج وبمراتي، وهاز التليفون بالليل كاندوي معاك حتال الفجر ..انا واخة مقاصد فيها والو ولكن الطرف التاني كايفهم حاجة خرا
بملامح أسى رد: عارف راسي قصحت الهضرة..ولكن وقع فساعة غضب وماكنت قاصد حتا كلمة من الي قلت
تنهدات بحصرة: انا كان يسحابلي بالي ممكن علاقتنا ترجع بحال اللول..كنت باغة نكونو اصدقاء تاني وواحد مكايخبي على التاني
بانو على وجهو ملامح الانزعاج متفادي الخوض فهاد النقاش: ماعليش دابة ننساو الموضوع حسن "شاف فيها لبرهة شوفة قارن فيها حجبانو" بغيت نسولك على اللي وقع البارح..وماتخبي عليا والو
جمعات النفس قارنة حجبانها وقلبها كايضرب فاش كاتبغي تتفكر الواقعة اللي نزلات عليها
نسيمة: ا انا..حليت الباب حيت يسحابلي عزيزة اللي رجعات تاخد تليفونها، ولكن لقيتو واقف قدامي وماقديتش مزال نسد عليه
حرك راسو مزير على فكو وعينيه فالخوا ساهيين حتا نطق: وزوجك المصون فين كان
حركات كتافها: يمكن خدام..
رد: مزيان .. على مافهمت من هادشي اللي وقع خوه الصغير بلا حشمة حتا هو كان حاط عليك العين
ردت بغضب: هاداك واحد مريييض وشحال من مرة تبريت منو ومن مو باش يتفرق عليا، سااعة والو ..هاهو مامشا حتا ضبر عليها
★تدق الباب وسط حديتهم ودخل السي محمد كايلهت ..عينو ليمنية مزرگة كلها وجنب فمو مجروح خلا حفيد البشير غير تايطلع فيه ويهبط ونسيمة وسعات عينيها
نسيمة: سي محمد؟؟؟ مال وجهك
رد ببسمة مرتبكة: ا السلام عليكم بعدا "مد يدو لمحمد ..ناض قارن حجبانو وسلم عليه بخشونة" عاد عرفت اللي وقع وجيت تانجري..سمح لينا عدبناك معانا
رد بجدية: مكاين باس "حس بيه بغا يحيد ايدو وقال" الى كان ممكن عندي معاك شي هضرة مهمة قبل مانمشي
رد وهو كايشوف فنسيمة: علاش ياك لاباس
رد: لا والو باس .. زيد معايا مغانعطلش
قرنات فيهم حجبانها حتا خرجو واحد تابع التاني وتمشاو مع كلوار المشفى.. بقات فمكانها باركة تتحرك صبعها فوق الكاس وتعض شفتها من الداخل وعينيها على الباب مركزين حتا مابقا فيها صبر والفضول دار فيها مابغا، حطات الكاس حيدات السيروم من يدها وناضت تاتنفخ للباب ..حلاتو وطلات على ليمن وليسر لقات الدنيا تتصفر وخرجات قارنة حجبانها بحيرة: هادو منين دازو
دارتها على الله وشدات طريق ليمن هوما يبانو ليها مع الدورة نيشان..رجعات اللور بالزربة ولسقات مع الحيط طالقة معاهم ودنها معاهم واخة جات وسط الحتيت
.....: كنت فخدمتي اسي محمد أكيد كون عرفت باللي شي مشكلة وقعات كون جيت فالبلاصة
رد عليه بنبرة حادة وشوفة تاتبة فعينيه: هادي اسي اللي مسميها نتا مشكلة انا معتابرها موصيبة ..وكون وقعات كنت غانسيفطك تنعس حدا خوك ماشي واقفين تنتناقشو هنا باش تكون فراسك
ضحك باستهزاء ونسيمة قرنات حجبانها كتر: واقلة الشريف هاديك اللي تادوي عليها راها مرتي وإلى كان شي واحد خايف عليها ويستاهل يخاف عليها فاهو انا
رد مزير على فكو: ادن تصرف على هاد الأساس ماشي تخليها بين ايدين داك الميكرووب ونتا عاارف اللي كاين تحت رااسو
رد ببرود: دابة عتقتيها ماگلناش لا وشكرناك على هادشي..ولكن باش تتدخل فشي حاجة ماشغلكش فيها، لا
رد مخنزر بدورو: و باشمن صفة كاتخبر عليا هادشي وتتهددني
رد: نعتابرك گلتي آه.. تهلا
داز فيه ودار مع الدورة بلا مايشوفها ..تبعاتو بعينيها حتا بان ليها دخل للشمبر تاعها و بالزربة حلات أول باب اللي كان طواليط للنساء ..بقات غادة جاية معتلياها الحيرة وكل مرة تزفر فاش هضرتو تتعاود بين ودنيها
..تنفسات مزيان وبحدر حلات الباب..خرجات مترقبة بعينيها ياكما جاي شي حد بعدها طارت لبيتها
دخلات ولقات عزيزة باركة فوق كرسي وكاتسناها نيت
عزيزة: لالة نسيمة فين كنتي
ردت ببرود: مليت من هاد البيت " گلسات على سريرها وعزيزة كملات
عزيزة: سيدي محمد كان كايقلب عليك وگاليا غدا غايرجع يشوفك
رمشات بتنهيدة: مزيان.. مرحبا بيه
قربات حداها بفضول: امضرا دويتو؟
حركات راسها وبالها ساهي معاه ومع الكلام اللي سمعات منو
ردت: لا ياالالة بالعكس سيدي محمد اللي فيه باين على وجهو ومسكين من البارح وهو معاك فالسبيطار حتا جا الحاج ولالة حورية عاد مشا ..حتا فاش كايدوي معايا ولا مع لالة حورية قليل فين تايهز العين وهضرتو تقيييلة مايخرج الكلمة غابزز
تنهدات والعقودية بين حجبانها مرسومة: ممم لاحظتها فيه .. هو من صغرو هاكاك داير بحال با الباشير
...تحل عليهم الباب ودخلات فاطمة بسرعة حالتها حالة بالبكا والجنون راكبينها، شافتها واقفة كاطلع فيها ببرود هي تجعر ومدات يدها تتلاح عليها كونما سي عبد الكبير اللي شدها
فاطمة: ياااااا بنت الحرااام خرجتي ليا على ولااااادي هءهؤهء منييين تسلطتي عليناااا اعدوة الله منيييييين
خنزرات فيها وردت بعينين حارقين: ولدك الااالة هو اللي منيين تسلط علياااا..ولكن مازاال نندمو على اللي كان ناوي يدير والشمس هي اللخرا مغايبقاااش يشوووفها
سي عبد الكبير: فاااطمة خرررجي خليني نفك المشكيييل بالسيااااسة
شافت فيه كاتتبكي وتترعد: وااااش الحااج مسمعتيهاااش شتاتگووول هءهؤهؤ دااابة هاااد بنت الخدااامة اللي ماتسواني حتا فصبعي الصغير بغااات ترزيني فولدي الحاااج بغاات ترزيدي فيه
خنزر فيها بغضب وقبل كايدوي قاطعاتو نسيمة: هاد بنت الخدااامة هي اللي غاتعيشك المراار من بعد، وغيير بلاما تعيي رااسك ..داك ولدك الحبس هو اللي كايتسناه وتما غاايتعفن
خرجات خابطة وراها الباب وبعصبية متوجهة لبيتها.. خلات فاطمة تاتبكيهم دم للعين كبدتها تشواات قدام عينيها والحاج مخنزر معاجبو حال وغير تاينفخ
سي عبد الكبير: زربتي افاطمة زربتي ..كون غيير خليتيني ندوي معاها مانوصلوش لهاد الماصل
ردت كاتبكي: هاديك راها سوووسة منهااا مكاان انااا اللي عارفاها شتاتسوا هءهؤهءهؤ "طلعات راسها تتندب" اللله ياااربي اللله ولدي غايمشي فيها باقي ماشااف ماتشووف الله
ضار ليها مغزف: انا كون جات عليا يضربو بوه حتا مؤبد، المكلخ لاااخر..ولايني شووهتي غاتولي على كل لسااان وقيمتي غااطيح لارض..كولو بسبة داك البرهووش تاع ولدك
طاحت على يدو تبوسها ليه: هااالعااار الحااج لاما شوووف كيف الدير هؤهءعء انا رآه نموت لااتشد ليا ولدي فالحبس والله مايصبر ليلة وحدة تم
خنزر: الغلط دياالي يانا فاش تساعفت معاه وغبرتو باش كلشي يسحاب ليه راه فالحبس.. ولكن ولدك كايقلب على الحبس ولاماحيدش بنت الخدامة من راسو حياتو كلها غاتولي مشاكيل
ردت مهدودة بالبكا: بنت الحراام مااتكون غاساحرة ليه هءهء لا لا لا لا هااداااا ماشي ولدي الحااج نزااار ضاااع وديك بنت الحراام هي السبااب
ضرب فيها شوفة قاصحة وخرج فحاالو مخليها غارقة فدموعها وهمها وكل مرة طلع راسها باكية ودعي
عبق الوجد الجزء السابع
محتوى القصة
التنقل بين الأجزاء