بنبرة قلقة بعض الشيء عقد حجبانو ونطق: عايشة هنا مزيان؟
ببرود: الحمد لله ..طلقني عافاك مخاصنيش نتعطل
نظراتها الباردين.. نبرتها العادية وهدوءها الغير عادي خلاه يسكت شحال ويدورها فدماغو، ضار ببطء حل سيارتو جبد منها تليفونها ومدو ليها قائل بجدية
سي محمد: الى حتاجيتي أي حاجة، بغيت نكون أنا أول واحد يعرف
خدات التليفون وبعدم رد ضارت ادراجها راجعة للعمارة
ضغطات على الاسنسور كاتتنهد وبهدوء ضارت وراها ليه.. لقاتو زال النظاظر على عينيه ومباشرة متبتهم عليها بنظرات مظلمة ليها معاني وكلام رجفو قلبها وعسلو عينيها فيه.. بحديت صامت، بين عينيهم فقط
هي: كنت صديق طفولتي ومكمن أسراري....
هو :كنتي حب مراهقتي وشغف شبابي....
🍁🍁🍁
هي: كنت في الماضي من قلبي قريب....
هو : كنتي ولازلتي في قلبي ووجداني....
🍁🍁🍁
هي: فرقنا شرور البشر....
هو : ومال حبي لك ومال البشر....
هي: إعذرني يا حبيبي لا أستطيع البوح بما إستتر....
🍁🍁🍁
هو :في عيني إختزلتي كل النساء..وحبي لكي عابر للزمان....
هي:لكنك إستوطنت حضن مرأة اخرى؟....
هو :لقد كان هروبا منك لعلني أنسى....
🍁🍁🍁
هو: أنت لي الداء والدواء....
هي: أنت كنت لي جرح الزمان...
🍁🍁🍁
هي:أنت القريب البعيد....
هو : أنت ساكن القلب الوحيد....
🍁🍁🍁
هي: هل نسيتني وأصبح حبك لي مجرد ذكرى.... هو : وهل ينسى الرجل إمرأة لازال عبق وجدها في العروق يسرى....
🌺🌺🌺
بالله عليك حرري أوصالي فحبك استنزف طاقاتي...
خذل حبنا في الماضي ... فهل له نصيب في الأتي؟؟..
هاهي ذي يدي ممدودة لك بالوصال... فمدي يدك
بالوداد يامنية الفؤاد....
~ لبنى بوحلال وحيد🌸💙
دخلات وتوجهات لبيتها مباشرة دون مبالاة لنداءات عزيزة وفضولها تعرف شنو وقع
مابدلات ديك الكسوة حتا كانت غاتقطعها بالنتير ولسات پيجامة قصيرة وخفيفة للدار، تخشات وسط فراشها دارت جوج مخاد ورا ضهرها وخدمات فلم كوميدي فتليفونها وحجبانها مقرونين كل مرة تعض شفايفها من لداخل .. صدرها قليلا فقليلا بدا يطلع وينزل والعصبية على وجهها باينة حتا نزلات دمعة وحيدة من طرف عينها
...........
سوايع وهو بين الشوارع مكسيري بحالا تالف على الطريق ومعارف إينا جيهة يشد
عاقد لحظاش بحدة وعلى فكو ضاغط كايزفر لهيب من قلبو ولو أن السرجم محلول عنقو عرقان وجبهتو حتا هي نازلين منها خطوط العرق كايمسحهم مرة مرة ويزفر مكره
صونا تليفونو وسط لخبطة مشاعرو ضرب طلة على السمية وجاوب بلا خاطر
سي محمد: نعام
رد أنور: الساط فيينك من الصباح وانا كانصوني تاكان غايطفا هاد ****** اللي عندي
سكت فترة كايفكر بعدها قال: نتا فالبلاصة فين اللي مولفين نبركو؟
رد ضاحك: هي هاديك ..ماتعطلش
قطع وقلب الڤولون عندو وبالظبط قدام مطعم فطماريس كايطل على البحر والهوا نقي كاينعش النفس.. خدا نفس دخل بيها الأكسجين لريتو فورما نزل من السيارة بمود مغير وراس عامر
دخل للمطعم ولبلاصتهم المعلومة .. قشع شخص آخر بارك قدام أنور وخنزر فالبلاصة فاش عرفو شكون
سي محمد: السلام عليكم
ضار كمال ببسمة عريضة وعينين حمرين عسوليتهم غير عادية مد ايدو سلم عليه: سي محمد .. عاش من شافك ههه
قشع الروج اللي حاط حداه وضرب شوفة حادة فأنور بعدما رد: ومن شافك.. مبروك مادرتي بعدا
كمال: الله يبارك فيك هعههه
سلم على انور وضغط على يدو حتا فهم المعنى وحنحن ببسمة صفرة
أنور: گلس گلس اصاحبي العشا قرب يوصل
من باب الصواب گلس حداه حاط سوارتو قدامو ومقابل مع كمال اللي كل مرة يجغم جغمة قدها قداش وكاايختمها بضحكة عالية بلا سبب
عقدهم فيه بحدة هادشي اللي كان خاصو فالحساب وزاد زند عليه الراس.. طلع ايدو للسيرڤور يجي حتا نطق كمال منغم وغير طالق البشرة
كمال: خود خود بحالي توگض المجاج وتنسا بو العالام ههههه
جاوبو أنور كايحنحن: ألا اصاط احم سيمو مكايشربش
سي محمد: ماتكرتش، باقة تابعاك الطريق
كمال ببسمة رد ضهرو كايتنهد مألم وقال: مابقا كايقضي والو، بلا ماترفد هم
بأسى شاف فيه أنور وسي محمد زاد قرن حجبانو فالحالة اللي هو فيها.. وقف عليه السيرڤور وقال مصوب ليه نظراتو: جوج نوار قاصحين عافاك
السيرڤور: واخا امسيو
مشا وسي محمد قال: ياك لاباس.. عاد تزوجتي زعما دغيا طلع لك فالراس
باتستهزاء رد: وغايتزاد عندي ولد من هنا لشهراين ههههه تشييرز
أنور جاتو الضحكة فاش تفكر الخبر شاف فمحمد لقاه مخنزر فيه عاد لملمها بزز وقال
أنور: ايوا الواحد هو اللي يصلح غلطو أولد العم
سي محمد: الشراب ماعندو باش يفيد خصوصا فهاد الوقت، نتا دابة مسؤول على جوج الناس، وبهاد الحالة غادي غير تأزمها على راسك
كمال: الهضرة ساهلة هههه ولكن هادا "ضرب على قلبو بقوة، حول ليه محمد الشوفة مصغرهم وقال بتهكم
سي محمد: مللي هاداك مع وحدة خرا.. مالك ماتزوج بيها هي نيت
رد ببسمة: وعلاه كرهت.. ولكن الزمان ولد ال**** غدار والباشار قو* منو
سها فكلامو للحظة ساكت وأنور كيف وصلات القهوة مد ليه كاس وحيد الروج من قدامو : شرب شرب اصاحبي ونوض فحالك رامرتك كاتسناك
خسر وجهو ورد: حيد عليا هاد **** محامل نشوف حتا كمارتي بقات ليا غير هي فالحساب
أنور: واااشد غااتوگض بعدا مال مك معكس
شربو النص بزز ومحمد كايشوف فيه بجمود حتا نوضو أنور كايتلوا ويضحك.. نزلو لتحت وخدا ليه طاكسي يوصلو للدار نيشان عاد طلع لبلاصتو وبرك كايزفر
أنور: نااري على فريع الرااس "شرب كاس الما كاينهج" كاتبقا فيا غامو مسكينة أما حتا ديك خيتي اللي دا مافديلمها مايتلبق
..ارتاشف من كاس القهوة بلا مايديها فهضرتو وعينيه على البحر الهائج جنبوو
أنور طلع فيه حاجب حاس بيه ماشي على بعضو وقال : ياك لاباس مالك؟
شاف فيه مطلع حاجب: اجي علاش مگلتيش ليا باللي ولد عمك هنا؟
نفخ بملل: كنت بااغي نكركبو قبل ماتجي، ساعة بقا كاس ورا كاس حتا لسق لسقة وحدة.. گلت غايتزوج ويدير عقلو هانتا شفتي، الحب ولد ال**** مكايعرف لا زواج والا دراري هههه
تنهد منزل عينيه وبلا مايفطن جاوب على كلامو: ومكايعرف لا مشتاق، لا مجروح
بغضب جاوبو: وانا يدي بارية مني "لاح الفلوس فوق الطبلة وبعصبية هز سوارتو" اللهم گلب على ملتي
داز فيه ومشا بحالو.. خلا أنور كايسوط ويشوف فيه حتا طلع فسيارتو وكسيرا من تما عاد دورهم كايتنهد وحال محمد فهاد الفترة كاملة اللي دازت مابقاتش عاجباه ..
ولو أن محمد كتوم.. مكايعاودش شنو بيه حتا كاضيق بيه الدنيا ويتخنق ديال بصح، غير دالك وواخا يطرا اللي طرا مكايغيش يگولها لحد وتاحد مايسيق الخبار حتا من صاحبو .. مع دلك عينيه ديما فاضحينو، وتصرفاتو وكلامو اللي مكايعرفش يتحكم فيهم
★★★*★★★
بكسوة زرقة على شكل شوميز طويلة بخطوط رقيقة بيضاء، مشدودة عند الخصر بسانتور بنية رقيقة ومطويين كمامها.. شعر سامپل وسنضالة طالون بنية بسمطة رقيقة على خط صبيعاتها مبينة جمالية رجليها بيوضيتهم والضفيرات المقلمين
ردت بحزن: ا آه..ب بغيت نطلب منك السماحة على اللي وقع البارح .. سمح ليا
طلع حاجبو: أنا اللي خاصك طلبي مني السماحة؟
زيراات يدها وراسها حانياه: ع عارفة من ختي نسيمة.. ولكن ماقصدتش والله وماعرفت مالي حتا گلت بحال ديك الهضرة
قطب حجبانو كتر وطلع راسو ماد ليها ودنو وكايتكلم بهدوء وروية : زهرة! .. نتي عارفة معزتك عندي بحال ختي الصغيرة، مباغيش شي نهار ندور فيك شي دورة خايبة حيت غايبقا فيا الحال كتر منك، داكشي باش مباغيش نعاود نسمع منك كلام بحال هاداك فحق أي واحد، متافقين
حركات راسها كاتسرط الغصة اللي وسط حلقها محبوسة
زهرة: كون هاني مغانعاودش مرة خرا
حرك راسو: الله يعاون
ركب وزاد فحالو فحين هي زيرات عينيها كاتحبس البكية حتا عيات ودارت للكوزينة كاتنفس بسرعة والدموع مضببين ليها الشوفة..
قلبات بين لماعن وفالپلاكارات على الاجوندة ديال حياة حتا لقاتها وجبدات تليفونها من جيب السروال..
شافت جيهة الباب بترقب ياكما شي واحد جاي وحلات لاجوندة بالزربة كاتقلب بين أسماء الأشخاص وارقام تليفوناتهم واحد ورا واحد.. إلى أن لقات اللي كاتقلب عليه.. وعينيها بمكر لمعو
سالات وقت الخدمة ديالها والساعة تتشير للربعة ونص .. الوقيتة فين كاترومپلاصا هي وبعض من اللي خدامين معاها مع شاف آخر ديال الليل ومع مساعدين خرين ..
لكن قبل ماتخرج بقات واقفة شحال تتخمم وتعاود فاللي ناوية عليه
من شحال وهي تتشوف البنات فالانترنت كايقدمو وصفات وعندهم متابعين كتار كايحبوهم..
بغات حتا هي توصل شهيواتها وتزعم على السوشل ميديا منها فراجة ومنها استفادة
حطات التليفون قدام مكانها الخاص بالطبخ بعدما خدمات فيه الكاميرا قادات شعرها وجبدات المكونات باش تصيب أول طبق لأول ڤيديو.. واللي عبارة على تشيز كيك بارد بطريقتها ولمستها الخاصة
المفروض خمسة الدقايق وتكون سالات كيفما متعودة، لكن مرة بعد مرة بعد مرة حتا زدقات فنصف ساعة وهي كل مرة دوي وتعاود تقاد وتهز وتحط تالفة ودايخة بوحدها ومتوترة من الهضرة قدام الكاميرا
الى أن بدا يدخل ليكيپ لاخر ودارت بناقص گاع طلعات للبيرو بدلات حوايجها وخرجات فحالها راجعة للدار وهاد الموضوع شاغل تفكيرها ..أكره حاجة عند نسيمة هي دير شي موضوع فبالها ومايزدقش! كايبقا عاصر ليها فالمخ ومتتفكر فحتا حاجة من غيرو
وصلات للدار ووقفات فالباب كادوز رقم حتا تفتح الخط وجاوباتها صوت مرا
نرجس: وي شيف
جاوبات وهي كاتفكر فاللي خاصها تگول: نرجس عافاك نسولك.. نتي عندك مع هادشي تاع الإنترنت ياك؟
ردت: شوية اشيف.. محتاجة شي حاجة؟
نسيمة: بغيتك تقادي ليا واحد الڤيديو عافاك
نرجس: اااه نمونطيه لك .!؟
بتأييد: تماما قطعي اللي خاصو يتقطع وخلي الأساسي ..حتا وجهي فيه كايبا مضبب نوريه شوية ههه وصيبي معاك حتا الصوت عافاك
نرجس: واخا اشيف سيفطيه ليا وفالعشية يكون عندك هو هاداك
بسمات بامتنان: شووكرا الزين، بسلامة عليك
قطعات ودخلات كاتحيد طالونها وتفسخ السانتور على خصرها.. لقات الدار خاوية عمر فمدراستو وعزيزة مشات تجيبو .. دخلات لبيتها نيشان لبسات كسوة قصيرة على شكل فراشة زرقة جمعات شعرها الفوق وقادات فبانيو صغير ما دافي مع عشوب عازلاهم فبواطة بوحدهم
ضلام الحال والليل ليل فمدينة كازا.. الأضواء شعلات والشوارع بالطموبيلات تبلوكاو، كاين اللي عاد كاتحلا ليه الوقت يخرج يفوج ويزها مع راساتو وكاين اللي راجع لدارو بعد يوم متعب من العمل.. كحال سي محمد
وقف عند الإشارة الحمراء كايضرب بصبعو على الڤولون وعينيه موجهين قدامو.. تدق السرجم حداه ضار كاينزلو ولقا طفلة صغيرة كاتبيع الورد ومن هيأتها باين الفقر والشجاعة.. عقد فيها حجبانو وهي ببسمة مدات ليه وردة بنفسجية اللون وقالت بلسان فصيح طويل وجريء
ردت كاتغنج عليه: انا كاندور على العشاق وكانفرق عليهم الورد باش اللي مشا عند حبيبتو مايدخلش بيديه خاويين "مدات ليه وحدة خداها كايتمعن فيها وقالت مصغرة فيه عينيها
_الوريدة ديالك شنو سميتها؟
شاف فيها ورد كايزفر: عندي صبار ماشي وريدة .. صعيب شوية تتشد
_وحاولتي تشدها شحال من مرة؟
رد مبسم: الصراحة باقي مازعمت..وباقي مالقيت كيفاش
_مممم ايوا سربي.. حسن مايطيرو لك بيها
ضحك والإشارة الحمرة طفات وشعل الضوء الأخضر.. جبد من جيبو جوج زرقات عطاهم ليها ولعب فشعرها بخفة: سيري لداركم يالله
_بسلامة عليك وسلم ليا عليها ههههه
مشات كاضحك وهو ببسمة جانبية ديمارا من تما فاتجاه دارو..صونا التليفون دار الكيت بلوتوت ورد
سي محمد: الو
عبد الجليل: ألو ولدي محمد.. كيداير الأمور هانية
رد: الحمد لله اعمي.. نتا وصلتي بيخير
عبد الجليل: الحمد لله كلشي هو هاداك.. إن شاء الله غدا فالصباح غانمشي نجمع الأمانة اللي گلتي ليا غير عاود سيفط ليا العناوين ديال دوك المحلات
رد: اللي قدر وكانت عندو موجودة خودها .. اللي لا ماعليش، المهم بلا ماتحز على الناس.. انا فاش نوصل غانسيفط ليك العناوين ديالهم
عبد الجليل: صافي واخا.. نتا فينك دابة كانصوني على الواليدة مكاتجاوبش؟
رد بعفوية: غاتكون غير نعسات "وقف الطموبيل وبدا يحيد السانتور" انا عاد وصلت للدار
عبد الجليل: واخا اولدي حتال غدا إن شاء الله وندوي معاها.. الله يعاونك
رد: في أمان الله
قطع وهز الوردة اللي شرا.. نزل فحالو عادي شاد التليفون فيد ويد فيها سوارتو هو يحبس موسع عينيه بدهشة وكايشوف راسو فرانا قدام باب عمارتها..
بلا مايفطن ولا يدرالو بال ايديه وعقلو وصلوه عندها فهاد نص الليل، بعدما ظن راسو غادي لدارو
قلب وجهو وزفر بالجهد كااره اللي هو فييه، ضار حل الطموبيل وركب ناوي يرجع فحالو والوردة فيدو مزير عليها.. بقا بارك مع راسو شحال حاط قبضة ايدو على فمو وعينيه على سراجم العمارة كايوزعهم ويقلب على اينا واحد ديالها
خلاتها على راحتها ومشات للصالون جابتو ليها ومسات عليها بالخير عاد دازت لبيتها..
فحين نسيمة دخلات عند خوها، غطاتو وطبعات قبلة خفيفة على جبينو.. بعدها خرجات لبيتها ودخلات تبرك فالبالكو مقابلة مع الهوا والسما المظلمة..
حاطة الورقة على رجليها والوردة فيدها تتشوف فيها بتمعن والكلام بين شرايين قلبها كايدخل ويزيد يتعمق ..حتا حلات شفايفها وتمتمات الكلمات اللي بقاو فدهنها محفوظين
"أيا معذبة روحي فلتعلمي
أن عبق وجدك لازال يحوم حول جتتي
يستنجد ويستغيت
...من شوقك أن تحييني"
★★★
فرانا قدام الڤيلا هاد المرة بوقت متأخر.. دخل بحجبان مشروكين بال مشغول واضطراب فتنفسو عكس خطواتو المتوازنة غادي بشوية عليه وبالتقالة طلع الفوق قاصد غرفة معينة.. دق مرات متتالية وحط يدو على جنب الباب كايزفر ويتسناه يتفتح ..حتا حلات عليه الغالية دايخة بالنعاس لابسة پيجامة طويلة نص كم وشعرها عاري بزز باش فرزات شكون واقف قدامها وقالت بقلق
الغالية: سي محمد؟؟ الله يااولدي مالك
رد بجدية ونبرة خفيفة هادئة: الحاجة بغيت نستشيرك فواحد الموضوع ضروري.. تقدري تنزلي لتحت واحد الشوية
الغالية: وهاد الموضوع اولدي مايتسناش حتال غدا
حيد ايديه من جنب الباب: انا لتحت كانتسناك
نزل وخلاها فحيرة من أمرها ضارت جرات زيف خفيف حطاتو على شيباتها ونزلات تتردد: الله يسمعنا خبار الخير
گلسات قدامو مشوشة وبقلق قالت
الغالية: ياك لاباس اولدي
رد كايدور خاتم النقرة فيدو: كل خير الحاجة.. بغيت نفاتحك فواحد الموضوع مهم ونعرف منك شي حوايج
ردت: الله يسمعنا خبار الخير
★★★*★★★
أصبحنا وأصبح الملك لله ..
صباح صبحات فيه نسيمة على الضحك والاطراءات من عند فريق عملها.. بدات الخدمة بالزربة متشوقة طل على الانستغرام ديالها وتشوف فين وصل داكشي اللي لاحت، تقرا تعاليق الناس وتشوف آراءهم عليها ..
البارح نعسات متأخرة واليوم فاقت معطلة وغير كاتزرب ناسية ااصلا واش لاحت شي ڤيديو ولا تصويرة حتا وصلات ولقات كلشي فخبارو والكل مپارطاجي بحكم أنها كانت لابسة طابلية فيها اسم الريسطو وعنوانو معروف فديك المنطقة
.. سربات ليپلا ديال الغدا بسرعة وجبدات التليفون من جيبها دخلات بالزربة متفاجأة من ديك ل50 كمونط مقابل عدد قليل من المشاهدة، رغم دلك عجبها الحال وبالزربة بدات كاتقراهم واحد ورا واحد
قطعات وكملات غداها عاد ناضت لشغلها ..كلفات النص فليكيپ تاعها بلاكمونض ديال الليل وتكلفات هي والنص لاخر بالطلبات وكل مرة تقاد معاهم حاجة وتعاونهم حتا سالاو مع الربعة قد قد ..
غسلات وجهها من العرق وخرجات من المطبخ لجيهة لاكيس فين كان واقف مجد كايستقبل الكليان بجنتلمانية ويرحب بيهم
وقفات عليه ببسمة خفيفة وقالت: سي مجد الله يخليك ممكن واحد الدقيقة
تقابل معاها ببسمة عريضة والفرحة فعينيه كاتتبري: هههه جاابك الله نيت كنت باغي نهضر معاك
باستغراب ردت: تفضل
قال باعجاب واضح: الصراحة الڤيديو اللي درتي والطريقة باش دويتي هااائل، كل مرة كاتزيدي تبهريني فيك كتر وتبيني ليا قدااش نتي إنسانة مميزة وعندك طاقات عجيبة فالداخل دياالك
ببسمة صفرة ردت: شكراً مرة خرا.. كنت باغة نككولك باللي غايخصني نخرج دابة على قبل واحد الغرض مهم.. لاكمونض اللي كانت عندنا بالليل زربت عليها وساليتها كون هاني
بسرعة قال: آه معلوم الوقت كلو ديالك الريسطو فملكك.. بغيتي تخرجي خرجي بغيتي دخلي دخلي ههههه
مد يدو شد كتفها بالضحك وبلباقة بعداتو مقصحة فيه الشوفة وبغير نفس قالت:
نسيمة: شكراً.. كانبغي ندير خدمتي بعدا اسي مجد
رد: أنا غير كانبين ليك مكانتك عندي.. وكانحاول نوريك داكشي اللي نتي مباغاش تشوفيه
ضبطات اعصابها بصعوبة وقالت: سي مجد بلا ماتمادا كتر من هاكة الله يخليك.. نتشاوفو غدا
ضارت بعصبية للمكتب تاعها دخلات بدلات حوايجها وخرجات من تما كاتصوني للطاكسي وتسب بين سنانها ..
★★★*★★★
كافي نوار شارب منها النص محطوطة قدامو وعينيه المظلمين شاردين على البحر..
بارك بوحدو وغير هو وراسو كايفكر ويحسبها فدماغو ..
حتا دخل انور كايقلب عليه بين طوابل الكافي وكيف شافو بسم وتم جاي ليه.. حط سوارتو وگلس طالق البشرة ورجل فوق رجل برجولة
أنور: السلام عليكم
بطرف عينو شاف فيه وقال: وعليكم السلام.. ماشي كنتي خدام؟
رد: البارصا لاعبة هااد العشية الصاحيب مكااين بو خدمة
شرب مابقا من كاسو وقال: باقة ساعتاين
قرب للطبلة كايحنن : ايوا فهاد الساعتاين گلنا نطلبو منك السماحة على البارح "كمل بحرج كايحك عنقو " زبلتها شوية عندك الحق ..كون انا شي واحد جبد ليا الكبيدة بشي كلمة غانبزل ل*** بوه العين، ولكن الحمد لله خرجات سالمة وتاقيتي فينا وجه الله ههههه
أحييني بشوقك الجزء الثاني
محتوى القصة
التنقل بين الأجزاء