شهوة ملاكم الجزء الثالث

كوثر : و منبعد شنو طرا فين كنتو حيت انا جيت لتما ما كنتوش ..

اشراق :طلعنا لفوق فواحد البيت.. تخيلي محسيتش لا بطريق لا بدروج ..لعب عليا حتا شراب.. سخنت ديال بصح ..تخيلي عام و انا مزوجة عمري حسيت بربع ديكشي لي حسيت بيه .. عمري عرفت حلاوة العلاقة الجنسية ..عمري استمتع ..كنت كنسمع جارات عندهوم ليلة عيد إلى نعسو مع رجالهوم... حتى بضحك كانو كيقولو الله يطلينا بيه ..مسخنين بيه جنابنا ...كنت كنضحك و نعيف كنقول عليهوم مكبوتات ...شنو عاجبهوم فديكشي ..ساعة انا لي كانت مقلوبة عليا القفة....

عرفتي دابا عاد فهمت علاش مي و با كانو ينوضو الحرب و غير يدخلو البيت كيتقطع الحس و لاغدا فصباح تصبح مي راشقالها و توجد لفطور... و كتغني متقوليش هادو لي كانو كيتحاربو.. دابا عاد فهمت شكون كان كيصالحهوم.. دابا عاد فهمت هاديك لي صابرا على العجوزة و عايشا معاها غير حيت راجلها كيعاملها مزيان... و مبرعها و نهار تقوليها علاش صابرة تقولك صابرا على داري و متنوضش طلق غير حيت لقاتو سبع... بلا مندويو على لي هيا كتخدم عليه و كنستغرب كيفاش هوا يصبح ناعس و هيا خدامة و راشقالها ممسوقاش كتقولك رزقنا على ربي دابا يخدم...

ايييه مكدبوش لي قالو 90% من نجاح العلاقة الزوجية هوا النعاس .. بسيف كتلقاي وحدا لي حلات فمها عليه كيحضرولها راجلها علاش حيت حافضاه لقاتليه المودباس راه مجات لا بزين لا بقرايا فاش كيكونو فبيت واحد كيترفع العقل كتولي شهوة لاعبا...

كنتي مطرقة و لقا فيك ديكشي لي كيبغي غتعيشي فوق سلك.. كنتي منوع لواه حشومة لا منقدرش طفي ضو غا عولي على الصداعات و النكير و الخيانة... و ايلى دويتي معاه يقولك تاتكون هيا مرا كيف ناس ...

كوثر(باستغراب) : واش كنتي مزوجة و لا كيفاش حيت مفراسيش ..

اشراق : حتى يكون هداك راجل بعدا... لعار متجبديهليش خليني بكانتي ..

كوثر : واخا واخا كمليلي على خونا الكواي ..

اشراق(ضحكات) : والله مكدبتي كواي نيت ... صافي موراها لي عاقلة لبسني حوايجي و هبطنا عرفتي لي مكرهني فهادشي كامل خلالي الفلوس صحابليه بنت زنقة... و اني مولفا ... باش غيعرف راني مطلقة..

كوثر : وا صاحبتي اي واحد غيفكر هكاك نتي دغيا تحليتي منيتك.. و طريق عندك مسرحة..

اشراق :كنت سكرانا انم واش انا عقت براسي راه محسيتش .. راه نتي و تكوني.. راه غير حيت ممجرباش كدوي من فراغ..

كوثر :ممن قوليلي مخداش نمرتك ملي قال عليك 79بي هيا غيكون خدا نمرتك .. باش فاش يحتاجك يلقاء ..

اشراق: منين كتفهمي.. مقالهاش غا فهمتها من هضرتو ..

كوثر : شنو قول باش فهمتيها ..

اشراق: حلوة مي خسارة..

كوثر :طر دابا متقوليليش مشا بلا ميخلي والو و مخدا من عندك لا نمرا لا والو ..

اشراق : خدا لخرى غير قوليلي باش كتفكري كنقوليك حط لفلوس و زاد زايدون لاش غنعطيهاليه صافي ليلة و دازت.. الله يخلف جربنا مرة لعب عليا شراب صاف .. جمع و طوي ياكما حسابلك عندي زاويا هنا لي جا يزور...

كوثر : ممم ايوا بصحتك ا لالة انا ملي شفتو عجبك قلت غادي ضوري بيه..(بطنز) و راك عارفا لي مبلي بسادات و زاويات غير يلقا راحتو فشي وحدة ميسخاش يخرج منها ..

اشراق: نوضي نوضي نتي ضسرتي خاصني لعصا لي كنعاودليك ..

كوثر : بروجولة دابا إلى جابتها الصدفة مرة خرى واش متعاوديهاش

اشراق :كوثر سمعي ياك هدشي كامل و منكرش عجبني الحال مي فهاد الوقت و هاد الوضعية كنفكر غير فقرايتي نساليها عليا و نبدل عليا هاد الحرفة و صلاة عنبي ماشي نزيدها بال79وب

كوثر : صراحة عندك صح و الله مكدبتي اما حتى رجال الله يقطعلم جدر كيشحفوك .. و الله و ديري يديك شوايا

اشراق : حقا فين وصلتي مع خونا ديالك .. (بطنز كترضلها صرف ) كلالك الحلوة و لا باقي ...

كوثر: كلا لخرى.. منيتك واخا كيعيا يمعني ساعا سادة عليه الباب

اشراق : عرفتي يا كوثر و بقيتي غلطتي و حليتيليه الباب و عطيتيه راسك غير نساي انو يتزوج بيك... راه لي بغا يديرك فدارو راه غيحافض عليه .. غيحتارمك.. و غيعطيك قيمة.. حيت كيشوفك مرى ديال دار .. شتي هداك لي يواعدك بزواج و يقولك اجي عندي لدار عرفيه مغاراضوش فالمعقول.. دايرو غير طريق و باغيك طيحي فالمصيدة.. هادشي علاش كنقولك عزي راسك و لي محتارمك الباب ا لحباب.. ديك افكار لواه حاسبني مرتو لواه كدا مكيناش نهار تسني معاه ديك عقد نكاح ارى مينكحك اما دابا جمعي راسك

كوثر(كضحك) : شوفلك ل79بة عاد هادي ساعة و هيا كتوحوح و دابا قاتلك حرام

اشراق (بجدية ) :شوفي كيفما كان بحال كيبقا غلط غير انا معندي منخسر فهمتي ... ما ناويا نتزوج ما ناويا ندير دار وولاد.. اودني منك متكريش نفس الغلط خلي لحمك عزيز عليك راه هادشي كامل ممنوش... مكيبقا غير صح..

كوثر : و الله تا عندك صح ... بنادم خاص يخدم عقلو.. اجي مقلتيليش شنو سميتو وفاش خدام ضروري غتكونو دويتو..

اشراق : لا درنا ركن تعارف منيتك راه سميتو و حسيت بيه قالهالي بسيف ..

كوثر : حلفي يختي نتوما فشكل نعستو عاد تعارفتو اجي بعدا قوليلي سميتو نقدرو نعرفوه راه كنعرف الاغلبية لي ساكنين تما ...

اشراق: حالتو ماشي دواحد ساكن فديك جيها حتا من ريحتو مميزة و باينا غالية مكنضنش تعرفيه ..

كوثر : واغير قولي

اشراق (بإعجاب ): أديب سميتو أديب

كوثر( ضحكات ) : أديب و بينو بين الآداب غير الخير و الاحسان ..

اشراق( ضحكات ): و الله مكدبتي نوضي نوضي قاديلي شعري مبقاش الوقت .. بحرا نوض نمشي.. عرفي غير الله يشتر.. راسي ضارني معرفت كيف غيدوز هاد نهار

كوثر : عليك بدوليبران .. دابا واحد سؤال واش إلى شفتيه تعقلي عليه

اشراق : منكدبش عليك معقلاش على وجهو مزيان و هادشي لي كلاتني فدماغي... كان ضلام و ديك الاحساس كيخليك مرفوعة.. مركزتش مزيان ... و حتى فاش رجعنا لبيت كنت مدوخا بنعاس و شراب.. راه لدابا شي لقطات هربولي من دماغي...عيت نغمض عيني و نستحضر صورتو ووالو...

كوثر : تنويم مغناطيسي هدا ... كنتخيل طلقايه و متعرفيهش..نخرى عليك بضحك..

اشراق : كنضن احساسي مغيخيبنيش و غنعرفو.. يلاه انا نمشي إلى بقيت تابعاك غنتعطل

عند أديب مور مرجع عند صحابو تفادا يجاوب على اسئلتهوم ركب و رجع بحالو عياو فيه يبقا مبغاش ...

غير دخل لدار داز ديركت لدوش كاره راسو محملش حيت نعس معاها ..مقدرش يقاومها ... ويقاوم الغريزة ديالو.. هيا كانت كلها اغراء فتنة متفجرة حداه ... طرد دوك اللقطات و الأفكار لي جاوه .. و كمل دوش ديالو عادي حتا قاطعو طيل لي صونا..

عصام : واش معوالش تجي لشركة .. راه باك كل نهار كيصوني يسولني و حتا معتز قالي صونالك و مجوبتيهش..

أديب: لا مغنجيش حاليا .. غنوجد لمقابلة راه عندي فليل .. معنديش الوقت لي نضيع.. دوز هاد سيمانة و نشوفو لبلان ديالها ..

عصام : هيا هاد ليلة عوال تجندخ ليا شعب ..

أديب: إلى ربحت غتفتحو بزاف دلييبان غنتهنا غنوريهوم أديب علاش قاد دعي مع خوك ..

عصام : راك قدها و قدود ماشي اول مرة غتربح ..

أديب: متنساش آخر مرة خسرت ..

عصام: كان عندك سبب كان عقلك مشغول دابا تركيزك غيكون كولو مع الخصم ديالك ..

أديب: يلاه نخليك غنعس شويا راسي كيزدح ..

قطع مع عصام .. كيحاول يخوي دماغو و يركز على المقابلة .. خاصو يربح ضروري .. مستقبلو واقف على هاد المسابقة مخاص حتى حاجا توشليه تركيزو..

عند اشراق وجدات راسها هزات اجوندا ديالها وودعات كوثر ... خرجات شدات طاكسي ديغكط لشركة ....

غير دخلات لقات ايمان كتساينها عطاتها بطاقة تعريف ديالها حيت دابا ولات رسميا كتنتمي لشركة.. و البطاقة غتمكنها دخل لأي طابق بسهولة..

عند اشراق داز صباح عادي كتحاول تأقلم مع الخدمة و تفهم سيسطيم باش غادين .. كريم ممخليش من جهدو كيمشي معاها دقة دقة..

كريم : واش اول مرة غتسطاج فشي شركة

اشراق: وي اكزاكطومو

كريم :واتباركالله عليك دماغك خفيف

يلاه جات تجاوبو قاطعهوم دقان.. دخل عصام كيطنز

عصام :سي كريم اعطاتك ليام و انا كنقول هاد 2 جوغ فين غابر كنتي ضل نابت فكافيتيريا

كريم (كيضحك.. حشمو) :اصاحبي مكتقاضاش(كيطنز ) واش لي عندو هاد زين فلبيرو عاد يخرج

عصام: اعطاتك ليام اولدي

كريم(كيضحك) : واعاند و متحسدش

اشراق( وقفات و ربعات يديها) : سمحوليا قاطعت حديثكم شيق مي واقيلة راكوم داوين عليا و انا واقفا حداكوم

عصام : اختي حنا صحاب الشفافية و الوضوح (كيضحك) زين متجيش تسطاجي عندي راه سي كريم معندو باش يفيدك اجي نقريك دراسة الاعمال اما الحسابات مملين

اشراق ( محملاتوش ديجا راسها ضارها و هضرتو حامضة) : إلى ساليتي بياختك خلينا نكملو خدمتنا

طرطق كريم بضحك : واعطاتك سير جمع بياختك و سير خلينا نخدمو راه غير يعرفك الباشا راك هنا يجمعنا حب و تبن

اشراق :غنمشي نجيب قهوة كريم واش تشرب نجيبليك معاي

جاوبها عصام متجاهل هضرتها واخد كلشي ضحك: تي راه مني لباطرون مخفتيش على بلاصتك و نتي باقي مسخنتيها .. راه غا طنزين وصاف خاص تكون قشابتك واسعا

خنزرات فيه اشراق خرجات متجاهلا كلامو منهار شافتو محملاتو عرفا نوع ديال عصام مزيان زهواني و لي طاح فالمقلة يتقلى...

هبطات لتحت من زهرها تلاقات مع ايمان.. البنت لي يلاه عرفاتها مي رتاحت ليها .. هضرات معاها مرات قلال مي الانسان الطيب دغيا كترتاحلو ... و كيدخل لخاطر

ايمان (سكريتير ) : تيتيز صباح نور كيف صبحتي (بإعجاب )تكايسي علينا اختي هااح كون غير جيتيني فوقيتا لي كنت كنتوحم نتوحم عليك نجيب زين

اشراق (طلعاتليها المورال): يخليك ليلي حتا نتي فنة(كضحك) هيا على مبالي عندكوم تعناب خيط فهاد شريكة

ايمان(قلعاتها فسما): ميكون غير عصام(كضحك ) متديش عليه هوا راه هكاك داير

اشراق: ضاسر ياختي و تلاقا معاي انا معندي كانة اما نعطيه خو جوابو.. حقا(دوزات يدها على كرش ايمان ) مبروك عليك و الله يفكك على خير دعي معاي

ايمان: امين ازين حتا نتي الله يفرحك .. انا غنطلع قبل منسمع الهضرة حتى نتي متعطليش..

عند أديب فاق وخدا قهوتو الصباحية و مشا ديغيكط لاصال كان داير مع المدرب..

مدرب : كنتمنى تكون رتاحيتي لبارح.. اليوم هو اليوم الموعود مكاينش مجال الخطأ (شد ليه فيديه )انا تايق فيك غير ركز و طرد اي حاجا ممكن تأثر عليك....

عند اشراق سالات خدمتها رجعات لدار تلاقات مع كوثر عاد دخلات

كوثر (بلهفة) : لميمة أإشراق واحد طليبة و متقوليش لا راني نسخفليك

اشراق : حيدي خليني غير نرض نفس راني جيت على رجلي ...

كوثر(بتوسل ) :خيتك انا لعار مترضيهاش فوجهي

اشراق (مصغرة فيها عينيها ) :شنو تما هاد رغيب ديالك باينا موراه شي فضيحة

مشات كوثر كلسات حدى فين كالسة اشراق و شداتلها فيديها كتبسل فعوينتها و دير نضرة البرائة .. :هانتي دابا كينة واحد كومبا دلملاكمة و غيكون حاضر تا خونا لي عودتليك عليك و انا باغا نحضر و بغيتك تمشي معاي

اشراق(كطنز):ديالاش هاد المبارة ياكما شي كومبا دلكوا نتي و ديك خونا و بغيتيني نحضيلكوم شحال من بليزير جبتو و شكون سبق .. نوضي نوضي يضرب فيك البرد.. انا اصلن عيانة و منعساش بقاولي غير كومبات نحضر ليهوم مكفاتكش الكومبة لي دوزت

كوثر :واغير سمعي الله يحفضك... هانتي هاد المقابلة راه خطيرة و انا شريت لي تيكي تقامو عليا بثمن و عرفتي كيكونو غير دوك ووك.. و عرفتي لاعب شي واحد معروف كيعيطولو ذيب

اشراق : اخطيني مخاصني لا ذيب لا قرد يكفي راسي راه كيشطح زومبا.. بغيتي تمشي سيري انا منمشيش

كوثر : راه مينة غدير ليا الويل إلى رجعنا معطلين .. مي إلى كنا بجوج متهضرش.. الله يحفضك وافقي و يالاه و طاكوس على حسابي و نضبرليك فشي لبسة لغدا..

اشراق: ياختي باز هادشي كامل باش تشوفي حبيب القلب.. مكتمركيش..حق الله .. حطي 200dh نمشي معاك قل منها مكنعرفك

كوثر : يخ تفو وليتي تمشي غير بلفلوس مكتقنعيش .. 100 درهم منزيدكش فوقها

اشراق: 200درهم و طاكوس على حسابك و إلى جاني الملل نرجع فحالي..

كوثر(تنهدات): اوف منك استغلالية ياختي..

اشراق : هادشي لي بغات الوقت معاش بعدا هادشي

كوثر : راهوم بادين مع 5 كانت البدية ... كاينين بزاف لي مشاركين...كل وحدين بوحدهوم .. دابا رآها 6wnes كولي غداك و نشدو طاكسي و نمشيو راه كمال تما كيساينا..

اشراق : باز موجدة كلشي.. ايوا و مينة دويتي معاها

كوثر : واه قتليها غا نمشيو عند واحد صحبتي عندها عيد ميلاد مهم دوختها و بغات... كانت اصلن مشغولة مع جارة محكراتش بزاف..

اشراق :ممم واخليني نوض ناكل

فقاعة كبيررة جالسين الناس جهة المدرجات...ضوء خافت كل مرة كضوي جهة...صوت التصفار و الغوات مالي المكان...الكل كغوت فلحظة وحدة بلقبو متحمسين للمباراة لي غتحدد مصيرو

الجمهور: الذذذذييب...الللذيييي.... الذذذذيييب الذذذذييب آآلذذذذييب (كيعيطو باسم ذيب)

فجأة بدات الاغنية الخاصة بيه و لي كتعلن مجيئو و الضوء تسلط على الباب لي قبالة الحلبة ...

و ها هو داخل بكل حمااس لابس شورط فالاحمر كدور عينيه و صوت د الجمهور زاد عللا.... ابتاسم ابتسامة كبيرة و بفرحة...من ديما هد الأجواء كانو هوما القراب لقلبو ... و هدفو فهاد الحياة

تقدم بخطوات سريعة للحلبة و بسرعة دخل من التحت الحبل و معلي يدو كيشير للجمهور...

دخل للداخل

بكل حماس مشا ديغكط للقنت عند المساعد ديالو عطاه ليكات د البوكس لبسهم و دار الgouttière ففمو و ففنس الوقت دخل المنافس ديالو و صوت الجمهور علا من جديد كناديو باسمو...

تخلطات اصوات الجمهور بين مشجيعين اديب الملقب بذيييب و بين منافس ديالو مهدي الملقب ب ثعلب ..

عند اشراق ... بسيف باش ناضت خرجات معاها.. تا فكعاتها بحجة خصها تقل و تمشي معطلة... كوثر طيل مسكتش من تعياط كيساينهوم كمال باش يدخلو حيت غير تبدأ المقابلة كيسدو الباب ... من زهرهوم لقاو طاكسي خاوية مخداش منهوم بزاف ديال الوقت باش يوصلو...

غير حطاتهوم طاكسي دخلو كيطيرو لقاو صاحب كوثر شاد ليهوم بلايص فالصف لي فالوسط... كلسات اشراق لي متعجبة من عدد الحضور... عجبها الجو .. كتسمع غوات الجمهور...

فالحلبة

قرب ليهوم الحكم كيدكرهوم بقواعد و قوانين المبارة تمناليهوم توفيق ...موراها علن الحكم على بداية المبارة و عطاهوم الانطلاقة ...

رجع الحكم بجوج خطوات لور و مد يديه وسطهوم: 1...2....3...

غير بدات المقابلة ... هجم مهدي على اديب شي لي استفزو و رد على الهجوم مضوبل...

كانو حركاتو متقونين و متحكم فيهوم مقارنة مع مهدي لي كان كيحاول يتلقى لهجوم أديب ... إلا انو أديب كان مدرب مزيان و حافظ حركاتو ... واخا هكاك مهدي مكانش ساهل و مقدرش يطيحو ... تسالات الجولة الأولى بتعادل... و عطا الحكم وقت يرتاحو باش تبدا الجولة تانية لي غتكون حاسمة..

فجيها خرى و بالضبط فالصفوف الامامية كان كالس معتز و ياسمين و عصام شي لي مرضليهش لبال أديب حتا سالا الجولة الأولى عاد قشع عصام كيصفر و يعيطليه ...

عصام : كن ذيب و بين ليهوم و سهرة على حسابي ..

أديب كيشوف فمعتز و ياسمين لي مشادين فليدين و ياسمين كتشوف فيه بنضرات كلها استفزاز .. أديب لي ضحك بتهكم و بزق فالارض حركة كانت مقصودة خلات ياسمين كتغلي من لداخل...

دار مزير على يديه كيحاول يتجاوزهوم و ينساهوم... و يركز فالجولة تانية.. و ميكررش الغلط

المدرب : إلى ربحتي هاد الجولة غتهى ركز على حركاتو و تفادا المراوغة... متهجم حتى يهجم... عنداك تخرق القوانين ..

عند اشراق غير تسالات الجولة الأولى زيراتها طواليط مرتاحت حتى مشات واخا عيات فكوثر تمشي معاها مبغاتش...

غير رجعات لقاتهوم يلاه غيعطيو الانطلاقة .. بقات هابطة فكروب لي فالوسط مع عطا الحكم البدية و سكت الجمهور من الغوات

مع قالها راسها تغوت باسم ذيب بحكم كان كتسمع الاغلبية كيعيطو بيه ...

اشراق : ذيييييب ( مع سكات كان فالقاعة ) كلشي دار كيشوف شكون هادي لي غوتات .. فنفس الوقت كان عطا الحكم اشارة باش تبدا الجولة..

و لسوء الحظ أديب سمعها و دور راسو لا شعوريا... مجا يستوعب شكون هيا كانت ضارت طالعا لبلاصتها مور مشيراتلها كوثر.. تما مهدي استغل انشغال اديب و هجم عليه مباشرة لوجه شي لي خلى أديب يفقد توازون ديالو و يطيح...و ينهال عليه بضربات محسوبة...

عند اشراق غير غوتات و شافت كلشي كيشوف فيها.. جراتها كوثر ..

كوثر :ويلي يا ل79بة شنو درتي واش مريضا فمخك... عرفتي إلى خسر يجيو يدكوك

اشراق :و الله محسيت غير مقالي راسي .. سمعت كلشي كيعيط ذيب مضنيتش غيسكت كلشي

كوثر :وراه بدات المبارة.. شوفي مشا فيها.. بقا فيا زغبي... حرام عليك بسبابك غيخسر دابا

اشراق: اولي و انا مالي قتلو يشوف جيهتي.. طر انا غن9ود بحالي.. يمشي يخسر يضورو لعندي.. شوفي شوفي هادوك باقين لدابا كيخنزرو فيا

كوثر ( كتشوف فاديب ):اححح الكاركاس دوجهو مشا... ولي شوفي نعسو فالارض .. مشا يقتلو..

اشراق : الملاكم دبصح مكيخليش اي حاجا تشتت تفكيرو.. راه غير جيت انا طريق و صاف .. اما هوا تلقاي دماغو عامر .. بلا متخراو على الوقت..

كوثر :المهم جات سبة عليك إلى خسر غا هربي بجلدلك .. غيبرد فيك شمتا

اشراق:واش كدوي من عقلك و لا كتخراي(صونا طيل لكوثر )

كوثر : 9وادت مينة كتصوني ...

اشراق : جاوبيها دوزي نخرجو نحيدو من صداع... طرشولي ودني ..

علمات كوثر كمال بلي غتجاوب و ترجع... غير خرجو عاودات صونات حتى كتسمع حليمة كتجاوبها..

كوثر : اشنو واقع مالك كتبكي ..

حليمة : مينة ضرباتها واحد طوموبيل و هربات و راحنا دابا فطبيب دلمخزن .. صونيت لبنات مجوبوش واش اشراق معاك ..

كوثر (مصدومة و الخلعة داخلاها ) : واه واه هاهيا معاي هاحنا جاين.. تكلفي علاما نوصلو

حليمة : 50 درهم لي كضور عندي و مينة مغيبةمبغاو يدخلوها حتى نطبعو فصندوق.. قالك خاصها راديو

كوثر : كيفاش مغيبة يnعل zaمل بوهوم سبيطار دلخرى

اشراق :احي شكون فسبيطار .. تي دوي و نتي مبلوكية

كوثر :حليمة قطعي قطعي هاحنا جايين

اشراق : شواقع دوي راه طيحتيلي قلبي

كوثر : مينة ضرباتها طومبيل و مبغاوش يشدوها على ود فلوس الصندوق

بقات كلمة مينة فسبيطار و مبغاوش يشدوها بسباب الفلوس كتعاود فدماغها...الاعصاب ركبوها فهد اللحظة و الخوف على مينة طغا على تفكيرها..خايفة بزاف لا توقع ليها شي حاجة و تخليها....الا مشات شكون ايحن عليها و يوقف معاها و يعاونها...و يا حصرة طبيب المخزن.. و لي اوغجونس ... كيفاش مغامرين بحياتها على ود لفلوس ... ولينا فزمان عندك تعيش معندكش سير حفر قبرك

اشراق: تحركي قدامي نشدو طاكسي لدار .. اليوم ن9ودها مع zاmل بوهوم ....

مشاو لبنات ... عيطات كوثر لكمال علماتو.. طلبات منو يسبقهوم لسبيطار علاما يلحقو

عند اديب الجهد باش يقاوم معندوش... ماشي مقادرش.. مي يديه بردو كيحس براسو مبقا باغي والو .. باغي غير يرتاح... كلشي تجمع عليه فهد اللحظة ... خوه لي جاي ينكدها عليه و يشتت تركيزو... و مكفاهش كاع لي دار جاي كيتعامل عادي ..حاس براسو تالف لدرجة تخيل وحدا كان دوز معاها ليلة .. واش لهاد درجة حالتو النفسية مبقاتش مستقرة ... لدرجة تهيئ ليه بلي شافها ...

اصوت الجمهور تزادت.. الجمهور كيعيط بسمية ذيب ... قادر مزيان يسمع اصواتهوم المشجعة ... شي لي كيخرجو من سبات لي دخليه ... كان باقي كيتلقا الضربات من مهدي.. فقد الاحساس ..وجهو تقريا تشوه و عمر دم.. يديه بردو عليه.. و عينيه حاس بيهوم كيتسدو....

فلحظة كيحس نفس احساس الغريق فاش كيكون قريب ينجى...حضر عقلو .. و تفكر مستقبلو لي واقف على ربحو فهاد مقابلة ...جمع قوتو كاملة و طاكا على وجهو و فنفس الوقت هز ركبتو و تبتها فالارض هز يدو ضرب بيها مهدي لكرشو بكل قوة و بحركة سريعة قلبو حتا ولا هو فوق منو .. لدرجة مهدي مستوعبش كيف دارلها لدرجة مكانش متوقعو غيرض عليه .. حيت حالتو كانت حالة واحد مستسلم.. رافض يدافع على راسو ..

اصوات الجمهور توقعات التشجيع كتب ... كلمة ذيب كتسمع فالمدرجات ... كان لي كان حاضر متوقعوهش غيرجع ينوض بالأخص مور العصا لي كلا.. حتى من عينو تنفخات و وجهو مبقاش كيبان بالضرابي ..

اديب جاه واحد جهد تفكر هدفو... باغي يحارب باغي يغير حياتو باغي يبين انو الملاكمة بالنسبة ليه ماشي غير هواية او عمل كيربح منو الفلوس بلعكس هوا حلم طفولة.. الحلم لي حارب عائلتو على ودو... الحلم لي ضحى على ودو بالاملاك و بالبنت لي بغا ..

بزق أديب الدم لي تجمعليه فمو... قاد و قفتو مزيان.. مزير على يديه.. كيتخيل مهدي هما المشاكل لي عندو .. هوا العائق لي واقف فطريقو...ضربة مور ضربة و الاخر مبقاش قادر يقاوم...اديب تحول لوحش ادمي مكيشوفش قدامو... هدفو الوحيد هو يرربح ..

اخيرا تدخل الحكم.. بعدو عليه.. وقفو لانه كان ممكن مهدي يغيب...علن الحكم على مدة استراحة صغيرة و جا المدرب ديال مهدي و المساعد ديالو عاونوه اوقف و غسلو ليه وجهو باش يتوكض شوية....حطوليه ثلج فوق الكدمات يبرد عليه ... تفاداو يدويو معاه و لا ينصحوه لانو حالتو ماشي دواحد مستعد يسمع لشيحاجا... حتا من عصام فضل ميعيطليه.. عرف بلي مجية معتز مكانتش حبية وودية و كان غرضو يشوش تفكيرو ...

عند أديب

تغوبيشتو و طريقتو باش كيحرك رجليه كدل على درجة لعصبية لي وصل ليها.. مرتاح حتى

سالات المدة و رجعو لوسط الحلبة يكملو ...هد المرة كان اديب هو لي متحكم و بضربة حاسمة تعلن انتهاء المباراة... محتاجش منو وقت كتير.. مع دخل مع ضرب مهدي فاص لوجهو..زرب عليه ..

تمشا الحكم لعندهم و وقف وسطهم..شد فيد أديب هزها للفوق كيعلن بلي هو لي ربح ..

صدرو كيطلع و يهبط و العرق كيقطر منو ....ابتاسم بانتصار و شاف فخوه و فياسمين مقوس حجبانو ... دار فيهوم نضرة استهزاء بالأخص فاش شاف معتز جر ياسمين و خرجو ...بتسم لعصام لي الفرحة بايناليه فعينيه محاسش براسو كيصفر و يغوت من الفرحة... فرح لصاحبو و رتاح عليه حيت متأكد انو دابا غيقدر يتجاوز عقدة الماضي...

عند الجمهور تقسمو على جوج المعجبين كيغوتو بلقبو و كيصفرو فرحانين ليه كيصفرو و كيصفقو و شي مراضيش على خسارة مهدي و كيغوتو مكرهوش يطيرو عليه...

رجع شتت نظرو فالقاعة كيقلب بعينيه عليها واش ممكن اشوفها و واش فعلا كانت هي ولا غير تهيأ ليه...لكن الدنيا كانت كلها مرونة و الأضواء كتيرة مقدر اشوف والو.. كيبانوليه غير كترت الوجوه مقدر يفرز والو ... زائدوجهو و عضوماتو كاملين ضارينو .. كلاها بلمعقول... حتا من عينو مضببة عليه..

فاش كيتفكر بلي كان غيرتكب نفس الغلطة كيزيد يكره و يحقد على خوه و يكره راسو لي خلى وحدة يلاه عرفها تشتت دماغو.. كلشي تجمع عليه فخطرة... لكن لي خلاه مشوكي هوا البحة د صوتها ميمكنش يكون سمع غلط.. ميمكنش تنساليه ... واخا كان شارب مي موصلش لدرجة سميتها ولا ينسا صوتها... مي كيفاش شيخة غتجي تحضر الملاكمة...ضحك على راسو و على الغباء ديالو كان غيخسر مقابلة على قدها بسبب طيش معندو معنى...

عند معتز غير باليه اديب ربح.. جر ياسمين باش يخرجو.. عارف الدعوة غترون اللهم يسلت قبل... فاخر لحضة بدل الوجهة جر ياسمين جيهت لي فيستيغ مور مقشع الباب محلول...

ياسمين: معتز علاش جينا لهنا(شافتو كيسد الباب ) واش حمق لاش ساد لباب.. حل خلينا نخرجو..

معتز ممسوقش لهضرتها .. جاتو رغبة بغا ينفدها.. مكيهموش رضا الطرف الاخر... تاكد بلي مكينينش كميرات و الباب مكالي مزيان .. جرها مور فيستييغ زدحها معاه و طار على شنايفها كيمص...

ياسمين كتحاول دفعو كدويليه فمو..

ياسمين: معتز حبس لا ميمكنش هنا .. شوف البلاصة كيف دايرا كتقلب بريحة العرق.. و مغموقة.. حيد خلي تال دار .. ممستعداش نعس هنا غير باش تلبي رغباتك المريضة..

معتز ممصوقلهاش خسر كلمة وحدا: حيدي حوايجك... بسيف بالخاطر قالي عقلي نكويك هنا هيا غنكويك...

ياسمين ما فيدها مدير هيا دارتها لراسها... واخا تزوجو عارفاه داها غير ضد فخوه.. معاملتو ليها مزاجية.. عمرو حسسها انها مرتو.. كيتعامل معاها معاملة العاهرة .. فاهماه مزيان.. شي لي مخليه معاها هوا لقا راحتو معاها فلفراش فقط .. عمرها تنسا ليلة زواجهوم و لهضرة لي دارت بيناتهوم...

--- فلاش باك ... ---

تسالا العرس.. و تفرق المجمع دخل معتز لقا ياسمين بشوميز فلبيض و ميك اب خفيف بارز ملامحها.. مينكرش انو كاتبان فقمة الاغراء و فاتنة ...

دخل بخطوات تابتة مركز فيها شوفة كيشوفها متوترا كتفرك فيدها.. عارف مزيان انو مزاعماش عليه و كتخاف منو .. و الخفة و طمع ديالها خلاها طيح بين يدو...

معتز :ياسمين يا ياسمين هانتي وليتي من عائلة الشافعي .. رتاحيتي

(قربات منو حطات يدها على وجهو كتحسس لحيتو... متنكرش انو حتى معتز عندو حقو من زين ..واخا شخصيتو غامضة متقدرش تعرف شنو كيضورليه فراسو )

ياسمين: اخيرا وليت مرتك تحت اسمك ..

(ضحك معتز ضحكة استهزاء) : مرتي منيتك.. من كامل قواك العقلية غنحسبك مرتي.. و لا ياكما صحابليك ديك الورقة لي سنينا غتعطيك هاد الحق... راك غالطة بزاف .. حنا سنينا عقد نكاح فقط.. ميحصليش الشرف وحدا بحالك نحسبها مرتي مامات ولادي

كتحاول تستوعب هضرتو.. حيدات يدها من وجهو...

ياسمين (بعصبية ) : كيفاااش مفهمتش... شهاد لهضرة .. اكيد كضحك معاي .. كيفاش محاسبنيش مرتك .. و علاش مزوج بيا منين انا ماشي مرتك...

معتز (كرز على يدها) : آخر مرة ترفعي عليا صوتك ... تزوجت بيك غير ضد فخويا... حيت انا كنت حاط عليك العين قبل منو ... حيت انا عتارفتليه بلي كتعجبيني.. و شنو ناض هوا دار.. تصاحب معاك و بغا يتزوجك كاع .. و علاش هادشي ضد فيا.. من صغرو كياخد اي حاجا حطيت عليها العين .. الحاجا المخيرة كان كيديها.. ديما حيدو لمعتز و عطيو لأديب... هاد المرة انا لي ربحت... كنت واخدك تحدي بيني و بين نفسي و حلفت حتا تجي بيدك لعندي .. عرفتي علاش حيت نوعك حافضو تموتي على الفلوس.. مقابلة غير طمع و الاملاك و من زهري أديب حازق سامح فكلشي داير راسو راجل حقا نبدا من 0 مباغيش يطلع على ضهر باه...

ياسمين :متل راك مريض واش كاين شي حد كيتزوج غير ضد فخوه... واش انا لعبة انا راني بنادم... انا ضنيتك كتبغيني و فضلتك على اديب لي كان مستاعد يبيع دنيا باش يرضيني.. كيفاش عطاك خاطرك ضحك عليا

معتز : مضحكتش عليك .. نتي بغيتي الفلوس و انا بغيت لكوا... ماباغيش نفسد هاكا حسبيها بحال شكل (أصدقاء مصلحة ) friends of benefits

من حدك كتوفريلي الجو و كتلبي رغباتي.. انا غنلبي جميع رغباتك المادية والمعنوية.. الشهوة غتكون عنوان علاقتنا... شهوتك فلفلوس.. شهوتي فيك...

ياسمين (كلسات فوق ناموسبة مصدومة من هضرتو متوقعاتوش هكا... كانت كضن بلي كيبغيها.. شهر و هيا كتخرج معاه ..عماها بلي كاضو و لي ريسطو الغالين .. و المعاملة لي كتمناها اي وحدة .. قالت هادا هوا لي غيديرها فوق راسو و يحقق ليها اي حاجا بغاتها... هادا لي غيعرف بقيمتها و تلعب عليه فور يا شيفور )

من ديك نهار حلفها و وفاها.. كتحاول دير اي حاجا طلبها منها واخا تكون فوق خاطرها..و اخا تكون مراشقاش ليها... واخا كيحاول يعاملها مزيان.. إلى انو معاملتو حسب ميزاجيتو.. مزال متأقلمات مع الوضع.. فدار كل واحد فيهم شاد بيت فاش كيبغي غرضو كتجي لعندو غير كيساليو خاصها ترجع لبستها....

ملي تزوجاتو مبقاو خرجو كيف ناس و لا سافرو..

كيعمرليها لاكاغط بونكيغ و يخليهالها.. فاش كطلب منو يخرجو كيخسر عليها كلمت فلوس عندك سيري فين بغيتي... كتعقل مرة وحدا لي وافق يمشي معاها المول دير شوبينك و غير حيت كانت راشقاليه.. لبسة وحدا لي شرات فحضورو كانت كسوة زرقة ... و لي ضرها فخاطرها ديما كيشوفها بنضرات شهوانية لدرجة نهار كانو فالمول قشعاتو كيشوف فوحدة خرى و مقدراتش حتى تقوليه جمع عينك راك مزوج...

--- نهاية الفلاش باك ---

عند اديب

سلات المقابلة بالفوز ديالو ...دار تسالم هو و مهدي و تسلم الجائزة لي كانت عبارة عن مبلغ مالي و فنفس الوقت تأهل للمباراة الثانية ...

هبط من الحلبة تلاقاليه المدرب و عصام كيباركوليه طلب منهوم يمشيو معاه لفيستييغ باش ابدل .. حاس براسو مدكدك باغي غير يحط راسو ..

فنفس الوقت قبل ما يتحركو تلاقو ليها الصحافة كيجيرو لعندو بالميكرو و الكاميرة ... كل صحفي باغي يدير تغطية شاملة لحدث بالأخص انو أديب ماشي شخص عادي كينتامي لعائلة شافعي صاحبة مجموعة القابض...

الصحفي 1 : الذيب مبروك عليك الفووز بالمباراة ... كان فوز فدقيقة 90

اديب: شكرا ( و حنا راسو غادي متخطيهم مفيه لي يدوي )

حبس عليه الطريق صحفي اخر و قال: ممكن تقول لينا شنو السبب لي خلاك تفقد تركيزك فالاول حتا كنتي غادي تخسر؟ واش لهد الدرجة مزال خوك و مرتو مأثرين عليك و مقدرتيش تنسا؟؟

صحفي آخر: واش باقي العلاقة مثوثرة... شفنا الاخ ديالك خرج بلا ميبارك ليك... واش كان كيشجع الخصم ديالك ..

صحفي آخر: شكون البنت لي عيطات حتى خالاتك تلتافت ليها .. واش هيا من الجمهور و لا عندك شي علاقة معاها..

خنز فيه أديب و زاد بلاما ميجاوبهوم حيت عارف راسو غير يفتح ليهوم المجال غيتماداو كتر و غيصدق قاتل شي حد ..حيت كمية الاعصاب لي حاس بيها دبا مكتوصفش... دمو كغلي و طلع ليه الدم و هو متفكر منظرهم بزوج جالسين جنب بعض ... ياسمين مبقاتش كتعنيليه و تجاوزها و حسبها من الماضي.. شي لي حارقو هو هوه كيف عطاتو خاطرو يطعنو فضهرو على ود بنت...

......

بقا غادي مخلي عصام و المدرب كيلهيو الصحافة باش ميتبعوهش.. تحجو بحالتو الصحية متسمحش ليه يجاوب على الأسئلة و انو قريب غينضمو مؤتمر صحفي مع كاع لي ربحو و تأهلو لمرحلة تانية..

عند أديب غادي فالباساج مظلم و هو حاقد باغي غير يوصل يبدل و يمشي يغبر....راسو قاتلو بلحريق.. داتو بردات عليه.. مكرهش يغمض عينو يلقا راسو فدارو....

يلاه دار مع الكولواغ قاصد جيهت الفيستيغ.. كيباليه معتز خارج هوا وياسمين كيسد سنسلة دسروال.. و ياسمين كتقاد شعرها لي تشعكك...

حالهوم كانت واضحا بلي كانو فأوج العطاء غير من عكار ياسمين لي مخرمج جيهت فمها....

.......

مع قشعهوم بقا غادي فالاتجاه ديالهوم كيطرطق عضام عنقو ..ناوي على خزيت..

عند معتز غير شافو ضحك ضحكة استهزاء.. كيتشفا فالحالة دوجهو لي و لات حالتها كلها مخمجة بالكدمات ..

معتز (باستهزاء): اوووه الملاكم ديالنا هنا... مزيان تلاقينا عاد كنت ناوي نجي نباركليك و نيت نقتارح عليك شي طبيب تجميل يصلحليك الخسائر لي وقعاتليك .. (كيطنز) : سي كغاف لافيشوغ كاملة مشات.. مي متخممش خوك فدمة يخلصليك لي شاغج.. راني عارفك بحرا كتكافا مع مصاريفك..

مع كمل كلامو كان أديب وصل لحداه.. متسناش يعيي راسو و يجاوبو.. هز يدو حتى هزها و غفلو بونيا شرشماتليه وجهو...

أديب: دابا كنضن تعادلنا... نتا باركتيلي الفوز و انا هاني باركتليك الزواج.. (جا غادي و رجع ) اه متنساش تسلملي على طبيب فاش تزورو....

مشا أديب مخلي ياسمين كتبكي و تغوت و معتز شاد على نيفو كيشرشر بدم...

عند اشراق

مشاو بزربة للدار هزات شي فلوس عندها مخبية و لبسات قبية كحلة و سروال كحل و صبادري و خرجو كيزربو غادين لسبيطار ...

غير وصلو..

لقاو حليمة كتساينهوم حدا باب سبيطار جالسة فوق طريطوار ...اشراق فهد اللخظة تلفات و معرفات مدير...جراتها كوثر عاد توكدات

كوثر : زيدي ها حليمة ...

اشراق : فينها و علاش خليتيها بوحدها

حليمة :رآها فوق البياص لداخل قالك خاصها راديو ميقدرو يديرو والو إلى معرفوش شنو عندها.. دارولها الاوكسيجين و قالولي تسناي برا...

اشراق : ينعل الزلط لي خلانا نجيبوها لهنا .. طبيب دزمر.. ياحصرا طبيب المخزن...

حليمة : سولوني واش عندها رميد مي هيا معندهاش.. قالك خلص بعدا..حقا جبتو لاكارط ديالها حيت راه طلبوهالي

كوثر: اه هزيتها هيا و دفتر صحي ديالها..

جبدات اشراق الفلوس من جيبها مداتهم لكوثر : شدي قادي لوراق و نيت زيدي نشوفو هاد الحرية ... كوثر تكلفي دغيا خلينا ندخلوهااا قبل ما توقع ليها شي حاجة ... راه و الله تا نحيح على zaمل بوهوم..

مشات كوثر لبلاصة الخلاص... و اشراق و حليمة دخلو لعند مينة ... تعكس معاهوم سيكيريتي مخلاهومش يدخلو بجوج يلاه غتشاد معاه اشراق و هوا يلحق عليه كمال عتق الموقف قبل متكبر القاضية ... مدليه 20 درهم و قرعة ديال موناضا كان هازها... و دخلو ب ثلاثة

اشراق : يخ على كمارة معامن مشاركين الاكسيجين واش هاد القوم مكيعرفوش شي حاجة بلا فلوس بلا رشوة... انا و الله ميشدها مني طماع لاخور...

.....

دازت نص ساعة-

واقفين كلهم برا مسطريسين شي غادي جاي شي جالس معصب و اشراق غير كتسب و تلعن فخاطرها ... ملي شافو الراديو و تحاليل .. هزوها ديريكت.. لقاعة الفحص..

خرج الطبيب لعندهم و مشات اشراق بزربة لعندو

اشراق: شنو واقع ليها؟؟ شنو عندها؟؟ هي لاباس؟واش نقدرو نشوفوها... واش فاقت؟

عند اشراق...هازا التليفون و كتسنا فايمان تجاوبها...

ايمان: الو

اشراق بضيم: ايمان صافا؟

ايمان: الحمد لله و نتي؟

اشراق(بتنهيدة): نحمدو الله سمحيلي عيطتليك فهاد الوقت.. مي واقفا عليك.. نتي لي طحتي فبالي

ايمان:مالكي جيتيني فشكل ياك لاباس..شنو واقع؟؟

اشراق: محتاجاك تعاونيني.....خالتي دارت كسيدة و خاصها دير سكانيير على راسها و صدرها و معرفتش فين نديها.. جبتها لسبيطار المخزن مي والو سكانير و راك عارفا هنا خاص المعارف و لا كلشي مكاينش

ايمان: أربي سلامة ...الله اشافيها يا ربي...وخا انا نسول ليك احبيبة و نقول ليك.. كنضن عصام عندو شي صاحبو طبيب تما.. صبري عالله يجاوبني ..

اشراق: شكراا بزاف انا نساينك

ايمان: العفو ازين.. الله يحفضنا من داركات.. شويا و نرد عليك

قطعات اشراق لابيل و بقات غادا جايا كتسنا فيها تعاود تصوني ليها...كتفكر كيفاش ممكن تخلص سكاننير و كيفاش ادير ليها؟؟ فكرات فانها تاخد كريدي من الشركة و لكن شكون ايضمنها و هي عاد سطاج و عاد بادية مغيبغيوش اعطيوها.. وواخا تبغي تاخد كريدي من شي بانكة ممعندهاش ضمانة..

مبقات عارفة مدير...شوية حتا صونا تيليفونها و كانت نمرة غريبة...جاوبات و كتسنا فيه اهضر

....: اشراق هدي؟

اشراق: وي شكون معايا؟؟

...: انا عصام

اشراق:عصاام؟؟

عصام: عصام لي صبنتيه اليوم فشركة

اشراق(حشمات) : اه عصام

عصام : اه المهم دوات معايا ايمان دبا و قالت ليا شنو كاين..قولي ليا فينكم نجي نديكم

اشراق: فين غتدينا؟؟ راه خاصني هنا شي معرفة ولاد هم قالك سكانير ضايع و سيدة كتموت لداخل

عصام : وا صحبتي راه خاص تديوها للكيلينك فين دير السكانير .. إلى عولتي على المخزن بقيتي تما..

اشراق: الا بلاش .. إلى كتعرف غير شي حد هنا اجي عتقني

عصام: بلا قصوحية الراس..ماشي وقت التزكار.. انا نعاونك الوراق دغيا نحولوها

اشراق: لا لا إلى بغيتي تعاوني هيا شوف لي شي حد هنا يتدخل

عصام : واخا فاينا صبيطار راكوم باش نجي

اشراق : راحنا ف ****

عصام تصدم شوية مني شاف اصرارها انو تبقا تما ..هي كتبان عليها لاباس عليها و ماشي من الطبقة الفقيرة اش داها لتما...حاول ميحكرش و قال

عصام: عشرة دقايق و انا عندكم..

......

عند عصام يلاه تفارق مع معتز..باليه أديب خارج من الباب اللورانية.. تفادا يتلاقا الصحافة..

عصام(كيطنز ) : ممشيتي تا خصرتيليه لافيشور...

أديب مجوبوش محاملش يدوي مع شي حد و مقدرش يضور فيه ..

عصام حس بيه معندوش خاطر :مهم انا خاصني نمشي لصبيطار رغباتني ايمان على شي بلان نشوفو و لحق عليك لدار..

مشا أديب بلا ميسول عصام على شنو واقع شد طاكسي ديغيكط لدارو و عصام خدا الوجهة عند اشراق ...

----

غيروصل لقا اشراق حالتها حالة غير كتبكي ميقولش ديك القطة الشرسة لي فالشركة هيا هادي..

عصام :اشراق تهدني البكا مغيفيد فوالو.. عيطت لواحد صاحبي طبيب شويا و يجي (هانتي هراه داخل ) ...

مسحات اشراق عينيها.. تسالم عصام مع صاحبو و حكاليه ضروف و الوضعية.. زاد عرفو على اشراق

عصام : هادي اشراق البنت لي عاودليك على حالة خالتها .. اشراق هادا سيف دين طبيب اختصاصي فالجراحة...

سيف : متشرفين.. عاودلي عصام على حالة خالتك.. مي راه خاص نشوف ضوصي ديالها عاد نقدر نهضر.. حاليا راه ضروري من سكانير و اي وقت كيضيع هوا ضدنا حيت يقدر يكون عندها نزيف داخيلي و خاصها تدخل سريع.. و بالنسبة لسكانير ..هنا بالفعل خاسر هادي كتر من شهر .. كانت جات عندنا واحد الحالة لاكلينيك حيت ملقاوهش هنا.. بون غنشوفو حالتها و انا فنضري من الاحسن تحول لاكلينيك باش نزربو بيها.. دابا راه غير كنضيعو الوقت..

بقات اشراق كتشوف مبيدها جهد : راه هادشي كامل عارفاه.. المشكل الامكانيات مكتسمحش و سيسطيم لاكلينيك خاصهوم كاش من ديباغ..

سيف :لي نقدر ندير معاك زوين مدام نتي من طرف سي عصام غنضمنك و نستقبلو المريضة مي خاص ل غيكلومو دوز 48h يكون واجد ..

مشا سيف مع عصام لعند مينة و جات كوثر لعندها كتواسيها..

كوثر :شوفي غنجمعو الفلوس لي عندنا كاملين و نتفارضوليها ..

اشراق(كضحك و دموع فعينيها) : واش عارفة ليلة فلكلينيك شحال ساوية و عاد زيد تحاليل و سكانير و دوا و إلى كانت شي عملية واخا نبيعو لي فوقنا و تحتنا مغيكفيش(قاطعهوم صوت طيل .. ) ايمان كتصوني ..

ايمان :امضرا شنو درتو

اشراق :جا عصام و صاحبو نفس الهضرة كتعاود خاصها ضروري تحول لكلينيك..

ايمان : واديوها شنو كتساينو ..

اشراق :منيتك ا ايمان واش كون كان عندي باش غتلقايني فهاد الحالة

ايمان (سكتات ملقات متقول) : اشراق انا كون كان عندي و الله منبخل عليك .. راكي شفتي انا براسي حاملة و تابعيني مصاريف (قاطعاتهااشراق : عارفة متحتاجيش تشرحي اصلن مطلبتش ليك .. يكفي انو صفتيلي عصام.. بعدا راهم متبعين الحالة ديالها..بغيت غير نسول شركة واش متقدرش تسلفني

ايمان : لا قانون شركة ميمكن لحتى شي حد يتسلف من شركة إلا إلى كان ضارب كتر من 3 سنين ديال خدمة.. ماشي عاد نتي سطاج و يلاه بادية..

اشراق :اه صافي فهمت سمحيلي صدعتك معاي ..

ايمان :اجي ياك نتي كتعرفيهوم.. و كتعرفي مدام هناء.. علاش مدويش مع معتز ديغيكطومو... كون كانت هناء فالمغرب كان تسهال القضية.. مي مدام مكيناش شوفي معتز متعرفي يبغيليك

اشراق : زعما يبغي .. دابا نشوف عصام يدويلي معاه ..

ايمان :لا لا اصحبتي نتي دخلي دوي معاه ديغكطومو لاش دخلي شي حد...

ايمان :لا لا اصحبتي نتي دخلي دوي معاه ديغكطومو لاش دخلي شي حد .. انا صبح فاش يجي نعلمك.. غادي تجي بعدا ياك ..

اشراق : اه ضروري نجي نيت نجرب كيف قلتي..

قطعات اشراق معا ايمان .. و غير سايرتها فالهضرة حيت متأكدة انو مغيبغيش... مي قالت تجرب مغتخسر والو..

كوثر :شنو غنديرو دابا ...

اشراق:غنجمعو الفلوس لي عندنا ندفعوها فافونص و قالي سيف غيعطيوني 48h دونك منهنا لتما انا غنشوف نقلب على شي خدمة كيف ما كانت نشوف كيف ندير

كوثر :اويلي منيتك اشمن خدمة هادي لي غيخلصوك فلوس كاش قبل ميسالي شهر ( شدات على فمها ) اويلي ياكما عوالة تبيعي راسك الموصيبة.. عرفتي و ديريها و تبرا مينة و تعرف و الله تا تقتلك و تقتل راسها

اشراق:لا ماشي لديك درجة واخا نبغي منقدرش... غنشوف شي بار و لا كباري نخدم فيه ... كيكونو كيسلفو بالفائدة.. نجرب حضي..خاصني غير لي وريني فين راه باقي معرفاش كاع لبلايص (قاطعهوم كمال ).:نقدر نعاونك فهادي

(طرطقات كوثر فيه عينيها ) :منيتكوم كدويو .. ديكشي لي باليك غير بيران مباريات

اشراق :ياك انا شيخة و كنشطح.. شنو الفرق بين نشطح وسط عرس و لا سبوع و بين نشطح فكباري و لا بار بحال بحال...

كوثر : واش عرفتي شنو هيا كباري راه مغتبقايش شيخة غتولي عاهرة ..

اشراق : لا غلطتي غنتحول من شيخة ل راقصة...

مشات اشراق قبل متجاوبها كوثر خلاتها مصدومة

----

دخلات اشراق لعند عصام لقات سيف كيدوي مع طبيب لي تكلف بحالة مينة..

عصام :شويا و غيحولوها لكلينيك لي فيه سيف..

اشراق : دغيا دغيا .. بهاد زربة

سيد : راحنا تعطلنا... كل شوية دلوقت كيدوز .. كتكون حياتها معرضة للخطر..

عصام : اشراق غنعطيهوم شيك ضمانة علاما توجدي لفلوس.. هادشي باش نقدر نعاونك.. و سكانير على حسابي انا غنخلصو.. نتي حاولي ضبري لفلوس على مفهمت غيخصها شي عملية خاصهوم غير يتأكدو مي غالبا عندها شي نزيف .. راهم متحكمين فيه غير بدوا..

اشراق :واخا عمري نسا خيرك ... قولولي مفاقتش كاع ..

قاطعهوم سيف : كلات ضقة نيت فراسها.. عاد دويت مع طبيب لي مكلف بالحالة ديالها.. خيطوليها الجرح وقفو النزيف الخاريجي.. كيبقا سكانير يتاكدو واش كاين شي واحد داخيلي.. بون شرحيلي عصام الوضعية المادية ديالكوم..( بالنسبة لي شاغج دياولي انا غانسمح فيهوم.. مي لي كيب و الكلينيك ضروري تخلص..

تفاهمت مع عصام هوا غيحط شيك ضمانة و انا غنزيد نضمنكوم مي كيفما قتليك خاص ضروري توجدو لباقي...

اشراق (كتبكي) : عصام عمري نسا خيرك كون هاني غير عتقوها انا غنجيب لفلوس لي خاصين.. و حتى نتا دكتور شكرا بزاف..

---

هزو مينة فاومبيلونص خاصة بلاكلينيك.. مور متكلف عصام بلوراق و لي شاغج .. مشات اشراق مع عصام و كوثر مع حليمة و كمال..

مجرد موصلو طارو بيها لداخل ..

عند اشراق ... مشات مع كمال ..اي كباري دخلاتليه إلى و كيواجبوها برفض بسبب معندهاش ديبلوم و خبرة كافية و ميقدروش يغامرو بسمعة ديالهوم... يائما معندهومش خصاصا... و لا كيطلبو منها تكون راقصة و بائعة هوى... و لا كيخص يجربوها مدة عاد تقبل..

اشراق:عمري تصورت حتى شطيح خاصو ديبلوم.. اويلي واش منيتهوم ...

كمال :على شنو صحابليك غيخدمو من والو راه خاص لي بروفيصيونيل ماشي غير اجي و خدم معاهوم...

شوفي راه كاين ديك لبيران طايحا بلحق مكيعطيوش تمان...

اشراق :ديكشي لي بقا غا نشطح لزماكرية... اوف يا كمال ..رجلي طابو مبقيتش حاسا بيهوم عيط لكوثر وحدا فيهوم تبقا و لخرى تلحق علينا لدار ...

شدو طاكسي لدار تلقاو مع لبنات قد قد..

اشراق:ملكوم جيتو بجوج واش خليتوها بحدها..

حليمة :مخلاناش ديك خونا لي كتعرفي قالك حالتها مستقرة منهنا لغدا عاد يبان شنو غيديرو و راه باقي معاها ..

ضربات اشراق على جبهتها و دوات بعصبية :كوثر علاش مكلستيش نتي..

كوثر : راه جيت نعطيكوم فلوس لي عندي و نرجع.. راه معاها سيف ..

اشراق :خاص لدين مي لعصا لي معولة عليكوم ..

(قاطعا عصام لي كيصوني ) : اشراق انا غنمشي دابا راه حالتها مستقرة خليت سيف معاها رتاحو و غدا ندوز عندكوم لتما.. دابا نعلمهوم فشركة بلي عندك ضروف بلا متجي ..

اشراق :لا بلاش غنجي ..

عصام :منيتك غنخليها و تجي لشركة راك غير سطاج ماشي خدامة دونك عندك ضروف ..

اشراق: لا غنجي غدا و نهضرو.. انا شويا و نرجع لكلينيك منقدرش نخليها بوحدها ..

عصام :بلا متعدبي راه سيف وصا عليها ..

اشراق(باصرار ) : لا غنجي.. مهم نخليك دابا نقضي واحد غراضو انا معاك..

كلسات اشراق و تجمعو لبنات كاملين .. حليمة و كوثر و اشراق و رحمة ..

رحمة (بخوف مصطنع) : هادشي كامل واقع و معيطتوليش خليتوني مخلوعة ..

حليمة : باينة كنتي مخلوعة راه عيطتليك مجاوبتيش..

اشراق : خليونا من هاد الهضرة دابا لي عندها شي فلوس تحطها.. خاص نتعاونو كاملين.. مينة جمعاتنا من زنقة و عطاتنا عائلة لي تحرمنا منها.. كانت نعمة الأم و الأخت لينا كاملين.. وقفات معانا كاملين جا الوقت لي نوقفو معاها.. هيا دابا محتاجة لينا ... حياتها اهم من الفلوس كلشي يخلفو الله ..

كلشي حنا راسو كيتفكر دكريات لي جمعاتهوم معا مينة .. فعلا كانت نعمة الصديقة ..

حليمة : 20 الف لي عندي نعطيهاليكوم.. المشكل فلكرا خاصنا نخلصوه .. صبح جات مولات دار كضق

(تفكرات اشراق نهار خرجو هزات مينة من فلوس لكرا ) ..

كوثر : انا جامعة شي فلوس كنت مخلياهوم ليلتي .. زعما كنت دايرا بحساب فاش يجي كمال يخطبني... لقا باش نصرف ...(تنهدات) غنعطيهالكوم.. على الاقل تعاونو بيها ..المهم نعتقو مينة ..

اشراق :واخا و انا غنوض نشوف فلوس لي عندي معا مينة .. إلى جامعة شيحاجة

حليمة :مينة دايرا فشي بانكا مكتخليش فدار فلوسها..

اشراق :مهم نحسبو و لي تجمع مزيان ..ندفعوه فالكلينيك..

دارو كيشوفو فرحمة لي بقات ساكتة كدور فعويناتها...

حليمة: ايوا رحيمو باش غتعاونينا...

رحمة(كضور و تبيض فعويناتها ) : انااا غنعاونكوم بدعاء ..

حليمة (وقفات كترعرع ) : نعم يا روح امك دعاء هوا لي غنقراوه عليك إلى مشديتيش طريق ... لمك رضيلها غير رزقها لي مسلفاك ..

رحمة (وقفات حتا هيا ) : ادخلي سوق جواك ديكشي بيني و بينها.. زايدون انا راه غنبدل المدينة راه اليوم كنت غنعلمكوم.. لقيت خدمة فجيها خرى و دابا لي مينة فسبيطار و مبقات خدمة راه معندكوم متديو مني...

يلاه سالات هضرتها كانت حليمة و كوثر طارو عليها كينتفو و يعضو.. بقات اشراق كتفرق حتى عصبوها ..

اشراق (بلغوات ): طلقووووو زمر.. لي بغا يمشي ها لباب.. مواقفينش حنا على بنادم..

حليمة : نفيق ملقاكش هنا هزي قشك و w9ي عليا ملقاكش هنا..

بقات كوثر كتنهش... دخلات اشراق جبدات فلوس تجمعو بنات فبيت اشراق.. حيدو فلوس كرا و الباقي خداتو اشراق و خرجو شدو طاكسي لكلينيك ...

عند أديب غير رجع لدارو دوش دار دوا لوجهو و تكا كيفكر.. فكرة منها فكرة من لهيه حتى خرج بقرار.. قرارا لي غيرضي البعض و البعض الآخر غيكرهو حياتهوم...

ناض وقف معيط لعصام

عصام : افين أ ذيب شنو تما

اديب : قررت غدا غنرجع لشركة

بقات عصام مصدوم كيتاكد واش اديب هدا و لا كذب: حلف بالله واش داوي منيتك..

أديب: غدا تلقاني عندك يلاه تلاح

قطع عليه مخليه مصدوم متيقش بلي غيرجع و هوا لي مكيحملش حس شركة..

---

عند اشراق و البنات .. دوزو ليل كامل مع مينة ..كيتسناوها تفيق و كيدعيو الله متوقعش شي مضاعفات...

قررات اشراق باش تمشي لشركة تدوي مع معتز على ود لكريدي و تشوف .. ووصات لبنات يبقاو معاها و إلى وقعات اي حاجة يعلموها...

خرجات مشات بدلات حوايجها و مشات ديغيكط لشركة.. لقات ايمان كتساينها..

ايمان: امضرا كيف بقات ..

اشراق(بحزن) : كيقولو حالتها مستقرة.. مي خايفين مي شي نزيف حيت الضغط عندها ممستقرش..

ايمان : الله يشافيها.. تفائلي بالخير .. راه معتز جا عرفتي من زهرك باينا شاعل.. (بهمس ) مضروب فوجهو..

اشراق : (ضربات على جبهتها): عارفا زهري مكوز.. ندخل و نشوف..

علمات ايمان معتز بلي اشراق بغاتو.. عطاها الاذن باش دخل ..

عند اشراق داخلة و متوترة كدعي الله يوقف معاها..

معتز : اشراق سميتك ياك...

اشراق: وي ايكزاكطومو

معتز: عندك 15 مينيت قولي شنو بغيتي فيها

اشراق : بون غندخل فالموضوع ديغكط.. انا عارفة قانونيا هادشي لي غنطلب ممحقيش مي بون قلت نجرب حظي.. بغيت un crédit..

معتز (ضحك ضحكة استهزاء ) : نتي بسلامة سطاجيغ يلاه بادية ممكملاش حتى سيمانة و باغا كخيدي .. تقدري تسدي الباب وراك.. مكنعطيوش لي سطاجيغ هاد اوبسيو ..

اشراق(كرزات على سنانها) : ماما كتموت خاصني فلوس كلينيك ..

معتز : الله يرحمها.. فاش دفنوها نصفطوليك برقية تعزية ..

اشراق(كارزة على يدها كتخبي العصبية ديالها) : مستعدة نخدم اي خدمة هنا واخا حتا الميناج.. غير باش نعتقها ..

معتز (كيطلع و يهبط فيها.. كيسكانيها بعينيه ): ممن اي خدمة ياك

اشراق ( بلهفة ) :اه اه المهم عندي نعتقها

معتز: رجع الكورسي لور و هبط سنسلة دسروالو(شير ليها لمعلم ) فازي وريني نشوف واش تقني خدمتك و لا لا...

اشراق تصعقات مضناتوش غيدير هاكا بهاد الجرأة و الوقاحة.. دموع تجمعولها فعينيها..

---

عند أديب فاق صحصح مزاين لبس حوايج رسمين دار نضاضرو ديال شوف حيت عينو كلات لعصا نيت ... هز طموبيلتو غادي فاتجاه شركة... مدوز فابيل لعصام ليلقاه يلاه فايق ..

أديب: افين أ العود باقي ناعس..

عصام : شهاد الحماس على صبح

أديب: غندير زيارة لشركة.. قولي غتمشي معاي لعشية لبلان لي كنت قتليك...

عصام : واش منيتك ياك ربحتي لبارح علاش غتغامر براسك و تمشي ...

أديب:عطيت لكلمة و غنمشي لعب تما.. اصلن فلوس صحيحة غتحط ..

عصام : برب إلى مريض فدماغك راه تما مكاين قوانين ما والو.. و إلى حصلتي غتلغى من المقابلات الرسمية .. راك كتغامر ..

اديب: واش غتوريني فنوار.. راه إلى ممشيتش يصفيوهالي واش هوما موجدين و مراهنين عليا بفلوس نيت باش فتالي نقولهوم لا مبقيتش جاي ... غيرضوني خليتهوم

عصام : هادشي لي كدير غتندم عليه.. متماش ..

أديب: دابا بلا متقرا عليا هاد زابور تمشي و لا لا..

عصام : غنمشي غير هنينا منقدرش نخليك بوحدك.. مهم سير نتا لشركة انا شويا نلحق عليك.. عنداك ضرب شيحد تاني .. جمع يديك عندك

قطع أديب مع عصام...نزل من طوموبيل ... داخل بهيبتو لشركة لي شافو كيسلم عليه و يبارك ليه كيف لا و هوا تصدر عناوين الصحف..

طلع كيتسارا بشويا عليه كيشوف واش تبدات شيحاجة...

عند اشراق لي هضرت معتز صعقاتها مقدراتش حتى تنطق

اشراق(بصوت متقطع) : كيييييييفاااااش قدرتي طلب مني هادشي..

معتز :نتي طلبي خدمة و انا عطيتهاليك(شاف فساعتو) 15 مينت قربات تسالي و العرض غيتسالى معاها...

بقات اشراق كتشوف فيه و فيدو لي مشيرا لمعلم.. مقدراتش ديرها.. باغا تعتق مينة مي ماشي بهاد طريقة .. ميمكنش تنزل لهاد المستوى... ميمكنش تولي 79بة على ود فلوس...

ضارت خارجة كتبكي شادا على فمها و كتشهق.. شافتها ايمان خرجات هكاك خلعاتها يلاه جات تبعها صونالها معتز.. زاد كمل عليها بصدمة خرى ...

معتز : انيليو annulé سطاج ديال اشراق .. ممنوع تعاود تحط رجلها هنا...

بقات ايمان مصدومة مقدراتش تدوي ... عقلها مستوعبش هضرتو.. حالة اشراق لي خرجات هكاك .. و هضرة معتز.. يلاه كتستوعبها حتا كيبالها اديب واقف فوق راسها...

ايمان :لا بزاف عليا هادشي يلاه جات تدوي حسات بمعيدتها غتقلب دفعات أديب و مشات كتجي جيهت لي طواليط...

تبعها أديب حيت بانتليه حالتها متماش... غادي بشوية عليه مع دار و هو يسمع شي لي صعقو

اشراق(كتعاود لكوثر ) : حسبني 79بة .. بغاني نمصوليه فوسط لبيرو... (كدوي و تشهق )

يلاه طل كتباليه بنت كتبكي كالسة فالارض عاطياه بضهرها مكيبانش وجها ..

اشراق : واه فاش طلبتليه credit .. قتليه مستعدة نخدم فاش مكان قصدت ميناج .. ساعا(طرطقات بلبكا) الحيوان بغا يرضني 97بتو

اشراق (كتبكي ) : معرفتش دابا شنو غنديرو.. و لا.منين غنجيب فلوس .. لا مقدرتش... واخا واخا صاف انا غنجي.. لا متخافيش ..

مع شافها غتنوض من الأرض رجع لور مبغاهاش تشوفو.. باغي يسمع هضرتها.. و يحاول يفهم شنو واقع ..

غير وقفات و هوا يتصعق ميمكنش تكون هيا .. ميمكنش.. بقا حال فمو فيها.. ميمكنش يكون كيتخيل.. ميمكنش يكون هادشي كامل صدفة و كيفاش طلع هيا بضبط...راه لحماق هادا..

أديب(مع راسو ) : لا ميمكنش كيفاش وحدة خدامة شيخة و كاينا هنا فشركة ..

جا غادي باغي يتبعها... يفهم منها شنو كدير تما.. حتا كيشوفها واقفا مع عصام كدوي...

كترو عليه صدمات .. مبقا فاهم والو...

بانتليه مشات خلات عصام.. غير غبرات مبقاتش كتبان.. مشا ديغكط لعند عصام ..

أديب:شكون هديك.. و شنو كانت كدير هنا ..

عصام :شكون واش اشراق

غير قال سميتها تأكد بلي هيا ميمكنش يغلط عاقل عليها مزيان.. و كيفاش ميعقلش و معاها ترفع لسما السابعة...

أديب(بعصبية كيحاول ميبينش) : هيا شنو كدير هنا

عصام :واش كتعرفها.. هيا سطاجيغ هنا.. واقعين ليها شي مشاكل .. خالتها ناعسة فكلينيك و خاصها فلوس ... طلبات من معتز و رفض يعطيها كخيدي...

بقات أديب ساكت كيلاقي هضرتها مع هضرت عصام ... و هوا يفهم لبلان

أديب(مع نفسو ):دونك على معتز كانت داويا (زير على يديه ) zaمل ميبقا غير zaمل .. مي بسيف لقاها 79بة علاش ميستغلش الفرصة...

زاد غادي مخلي عصام داوي بوحدو ... مفهمش مال أديب و علاش مشا ...

غير هبط بانتليه ايمان كتبكي غير بوحدها تنهد و مشا عندها..

أديب:ملكي حتا نتي كتبكي

ايمان ( كتشهق ) :والو مكاين والو

أديب (خنزر فيها ): شنو واقع دوي

ايمان :اشراق جرا عليها معتز

أديب( حاول ميبينش ) :واش سطاجيغ جديدة.. علاش جرا عليها...

بقات ايمان كتعودليه على اشراق و مشكل مينة و بلي حاجتها بلفلوس... و لحد ساعة مفهماتش علاش جرى عليها.. واش غير حيت طلبات الفلوس..

بقا أديب كيسمع ليها و مركز معاها.. مسحليها دموعها و حاول يسكتها.. واعدها بلي غيتدخل و مديرش فبالها...

---

عند اشراق مشات لعند لبنات غير شافت كوتر نفاجرات بلبكا.. كتعاودلها و محملاتش راسها و الموقف لي تحطات فيه ..كدوي و تبرر ليها انو مقدراتش ..

كوثر :واش مريضا فمخك لاش كتشرحي و تبرري.. اي وحدة فينا كانت غدير نفس شي صافي مسحي دموعك ها كمال جاي..

كمال :اشراق مالكي ياك لاباس علاش كتبكي

كوثر :غير ملقاتش خدمة

كمال :لقيتليك وحدة إلى تبغي

كوثر (مصغرة فيه عينيها ):اشمن خدمة هادي

كمال (بتوثر مخفي ) :واحد ريسطو باغين لي تغني

اشراق : اه اه مزيانة.. نببغي

كمال :خاص نمشيو و تفاهمو إلى عجبتيه و تفاهمتو خاص تبداي

كوثر :يلاه زيدو بحرا نمشيو

كمال ( متوتر) :لا حبيبة نتي غير بقاي معندك لاش تمشي (غمز اشراق بلخف باش دوي )

كوثر :و علاش بسالمة

اشراق :عندو صح كلسي منقدرش نخلي مينة غير مع حليمة .. ضروري تبقاي

كوثر مبغاتش تحكر:واخا رضو عليا باش مكان..

عند أديب غير خرج مشا يتدرب على ود كومبا ليلة.. دوز نمرت عصام

أديب: علم ديك خيتي انا غنتكلف بمصاريف الكلينيك قولها خو معتز غيسلفك

عصام ( مصدوم): كيفاش منين غتجيب نتا لفلوس

أديب: غنربح الكومبا و بفلوسها خلصو لكلينيك...

عصام : واش كدوي من نيتك ياك كنتي باغي ديك فلوس دير بيها مشروع ديالك

أديب: نسا عليا دير لي قتليك

....

عند اشراق خرجو برا يلاه غتشير لطاكسي وقفها كمال...

كمال : صبري خاص ندوي معاك ... مبغيتش ندوي حدا كوثر

اشراق : واخا ياك لاباس

كمال :الخدمة لي كاينة ماشي فريسطو... و ماشي تغني

اشراق ( خنزرات) :و شنو هيا بسلامة

كمال:طالبين راقصة على حلبة الملاكمة

اشراق (وسعات عينيها ) : كيفاااااش

كمال : كينين دي كومبا كيدارو فنوار و قبل الافتتاح كتكون راقصة كتنشط الجو و بين كل كومبا و كومبا كيكون عرض رقص... مي هاد بلان فيه فلوس و يقدرو يسلفوك شحال ما بغيتي..حيت هوما معروفين كيسلفو بالفائدة غير هوا كتسنيلهوم على سندات و كل ما خدمتي غيتنقصو...بلحق متجبدي حس سلف حتا تبداي الخدمة و نيت تشوفي شحال غيخصك الفلوس..

بقات اشراق ساكتة كدورها فدماغها و نطقات:واخا موافقة زيد نمشيو

مشات اشراف مع كمال شدو طاكسي حطهوم فواحد زنقة خارجة من مدينة مضلمة لقاو واحد البناية مصبوغا بالكحل مكتوب فبابها "الوحش" متنكرش اشراق جاها الخوف من هاد بلاصة و قلبها كيضرب..

دخلو تابعين بوديكارد حتى وصلو حدا واحد باب دبيرو.. دخلو..

تسالم كمال مع شي رجال تما و عرفهوم على اشراق

كمال : هادي الراقصة لي دويتليك عليها

رضا: مرحبا... مم مم وا قرطاسة صراحة.. اول مرة كدير شي خدمة متقونة... تفضلو كلسو... لالة اشراق مرحبا بيك معانا..

اشراق(بجدية ): ندخلو فالموضوع.. عاودلي كمال على نوع الخدمة و الصالير و كلشي .. عندي شرط واحد ..

رضا : شنو هوا

تاحد ميتجاوز حدو معايا.. بغيت بوديكارد يكون خاص ملي ندخل حتا نخرج.. و بغيت لي يبقا يوصني لدار حيت ميمكنش نلقا طاكسي فليل .. حاجا خرا بغيت نبدا فاقرب وقت..

رضا (عجباتو ثقتها فنفس) :مكاينش مشكيل.. تقدري تبداي هاد ليلة .. كاين واحد الكومبة غتفتاتحيها.. حيت الراقصة لي كانت مبقاتش.. غنسنيو دابا كونطرا ..

اشراق : معنديش مشكل بالنسبة الخلاص بغيت نعرف شحال

رضا (بضحكة مقززة ): على لي شاف زين عاد يبقا يتحاسب شحال ما حبيتي كلشي ديالك حمرنا غا وجهنا فليل

وقفات اشراق مجاوباتوش حدها سنات الكونطرا و تفاهمات معاه على ثمن.. غمزات كمال باش يخرجو مور مخدات نسخة منها...

اشراق : مبغيتش لبنات يعرفو فين خدمة... عنداك تزهق فالهضرة

كمال :زربتي لاش سنيتي معاه كون خليتيها مفتوحة .. حتا تشوفي واش يعجبك الجو

اشراق :درت غير 4 شهور دغيا دوز ...الثمن مغري منقدرش نرفض...

رجعو لكلينيك لقاو مينة على حالتها فالانعاش مانعين شي حد يدخل كيشوفوها غير من زاج

كوثر : جاو قبيلة لبوليس على ود المحضر.. قالي غيرجعو مور متفيق خداو حتا اقوال حليمة

اشراق: مكيهمني والو.. كيهمني غير تفيق و ترجع صحتها.. شوفي رجلها كاملة مكبصة.. عنقها كامل مفيكسي.. يدها كدالك ( دموع كيهبطو بوحدهوم) علاش كاع لي كنبغيه يا كيخدلني و يكوي قلبي يا كيمشي و يخليني... عيت نفقد ناس لي كنبغي.. يكفي خسرت عائلتي.. وربي عوضني بمينة مبغيتش نفقدها حتا هيا .. شكون غينكر ليا على لباسي..شكون يحيح عليا إلى صدري بان ....شكون غيغطيني فليل... شكون غيقابلني إلى مرضت... شكون لي ميكلس ياكل حتا نجي.. شكون غيطبطب عليا و يحن عليا.. منقدرش اكوثر نخسرها.. هيا دارت لي مادرتوش مي .. مينة رآها مي منقدرش نخسرها...هيا واعداتني عمرها تخليني.. ديما كانت تقولي الله يحيني حتى نشوفك فدارك مع وليداتك... قوليلها تفيق.. غير ترجع كنواعدها نبقا نسمع هضرتها.. منبقاش نلبس المعيق.. غير ترجع غير قولولها تفيق اكوثر ( كلسات فالارض كتبكي و تشهق )

كوثر (كتبكي معاها قطعات ليها فقلبها ) :مديريش هاد الحالة فراسك .. مينة غتبرى و ترجع لينا.. متقدرش تخليك .. تعقلي كانت تقولينا منموت حتى ندفنكوم كاملين.. أزمة و غاتفوت هيا قوية .. خاص ندعيو معاها...

مسحات اشراق دموعها: عندك صح ماشي وقت البكا خاصني نمشي نوجد راسي على ود الخدمة

كوثر : شوفي حالتك عينيك منفوخين كون غير خليتي لغدا عاد تبداي..

اشراق: لا مغنضيعش الوقت.. كيف اليوم كيف غدا ..درت معاهم غنبدا .. متخافيش غنولي مزيانة..

جات غادا اشراق و شداتها كوثر

كوثر : عنداك تمشي تشربي آخر مرة شتي شنو وقع...

اشراق : واش بانتليك حالتي دوحدة غدير لحرام.. انا راه هادشي لي طرا المينة حاسا ربي كيعاقبني على فعلتي.. غير هني بالك

خرجات اشراق مشات لدار دوشات و بدلات حوايجها ..عيطات لكمال عطاها العنوان خرجات شدات طاكسي نيشان علاما يلحق عليها...

غير وصلات لقاتو كيساين...

مزيان جيتي بكري... غتلقاي واحد ختنا لداخل غدير ميك اب و تعطيك شنو تلبسي....

عند أديب داز عندو عصام لقاه كيوجد صاكو

عصام : و الله تا كتغامر اصاحبي بالله

أديب:بغيتي تمشي توقف و تشجع خوك مرحبا مبغيتيش كلس و سكتنا

عصام : زيد الله يخرج الطرح على خير ...

وصل الليل ، وبعيد على كل القوانين، تحل باب من حديد ...بين على قاعة كبيرة أو بالأحرى پيسين مهجور من زمان ...پيسين لي رجع فالوقت الحاضر لنادي القتال الحر .. تشعلو الأضواء ، لي ضواو المكان ، وهنا تسمع صوت الجماهير لي بداو كيدخلو واحد بواحد من الطبقة الشعبية ، ملهوفين لهاد الكومبا علاش لا وهوما عارفين بلي بطلها أيكون الذيب ... لي شحال و هوما ملهوفين ايمتا يشوفوه....

- البلاصة جات بعيد على الناس ، حيت بحال هاد الماتشات مكايكونوش مرخصين ، كتلعب بلا قانون ، كتلعب حيتاش انت باغي تلعب، وبحال هاد القاعات ، كيكونو مخصصين لقتال الحر ، كان مشا حتى تسد من عند السلطات ، حيت من بعد اي مبارة كان كينوض الصداع ...

الجمهور كيميزي على البطل لي بغا والى ماربحش كايمشيو ليك فلوسك ، وبحال هادي مامقبولش عند السلطات ، ولكن رجعو فتحو مولاه بلا العلم ديال حتى واحد ، حتى من الجمهور لي كيتفرج ممنوع، يخرج كلمة وحدة ... حيت إلى بقاو حتى جاو البوليس كلشي غيمشي فيها ....

- القاعة عمرات بواحد الجو حماسي، واخا مايكونش عندك مع الملاكمة ولكن كتحس بواحد الروح فالداخل ديالك ، واحد الطاقة غريبة كتخليك حتى أنت تشجع وتهتف بأعلى صوتك ...

الحلبة جات غارقة .. التحت مصممة بتصميم عشوائي... كبيرة... بحبالها الغلاض الصحاح ، وبخط عريض باللغة الفرسنية مكتوب فالحيط " monstre "

----

عند اشراق .. لبسات لبسة خاصة برقص الشرقي...الصدرية كانت فالبيج فيها ليزيسطراس..و سنسلة طويلة جاية من شال على كتفها واصلة لخسرها...عاد كان طرف من الثوب مجموع جاي فجهة وحدة من الجنب و هابط من عنقها تال الساية لي طويلة و محلولة من الجنب تال الفوق...ساقها كلو معري و فخضها مزيناه سنلسلة مع خلخال فرجلها.. و ايديها مزينين بدي براسلي... اللبسة برزات معالم الانوثة ديالها كلها .. متنكرش مرضياش عليها.. و على راسها... لكن لضرورة احكام...

وافقة متوترة قدام البوابة الكبيرة لي كتخرج لاصين و مور ما سمعات المقدم كيعلن على دخول ديالها تنهدات و تقدمات كدعي الله يدوز كلشي بيخير... كاع ديك الصداع و الهراج لي كان مبقاش غير تطلقات موسيقة شرقية كلشي سقر كيساينو الراقصة دخل الحلبة..

عند أديب و عصام كانو وصلو كلشي كالسين فكولواغ ولي كيطل على الحلبة فين اطلع اشراق ...كيساينو تسالا فقرة الرقص باش تبدا الكومبا ..

عصام ( كالس على اعصابو) : ياربي تسلكها على خير .. انا بربي إلى خايف عليك

أديب: هنينا اصحبي راه خاصك دعي معاي... راه بهاد الفلوس غنديرو الخير

عصام(ضرب على جبهتو كحركة عاد تفكر ) : تفو نسيت كاع نعيط لاشراق نسول فيها ..

أديب: متقوليش مقلتيلهاش على قضية الفلوس..

عصام : بربي إلى نسيت غدا و نعيطلها... مسولتش حتى فخالتها كيف بقات..

أديب : عولنا عليك بكري

مسح اديب على وجهو و حنا راسو كفكر فكيفاش ممكن دوز هد المقابلة....

فنفس الوقت دخلات اشراق بخطوات ثابتة و فنفس الوقت كتبان متوترة و صوت الخلخال كتسمع بفعل لي ميكرو لي متبتين عليها...جاع ضواو طفاو و وجهوه عليها هي فقط الوسط... هزات إيديها الفوق بشكل بطيء و هز هو راسو فنفس اللحظة و هوا يتسعق بالمنظر لي كشوف قدامو....

ممتيقش عينيه .. ممتيقش شنو كيشوف... حاس براسو قرب يتسطا.. كيشوف فعصام مصدوم حداه ..مقادرش يسمع شنو كيقوليه.. كيحس بطبل دودنيه كيصفر... ناض زدح ديك الكرسي.. غادي جاي .. مفاهمش علاش معصب .. كيعلي عينيه.. كيشوفها كتشطح بكل فتنة... زادت كملاتها اللبسة لي ممغطيا حتى شويا...

عصام: واش اشراق هادي و لا كدبت

أديب غادي جاي بلاصتو... كيضور كيشوف كيلقاها باقي كتشطح.. حول عينو لجمهور و هوا يتسعق.. منضر لي خلا دم يتجمد فعروقو.. منضر لي خلا يتور... نص فهادوك لي حاضرين كيكفتو عليها.. منضر خلا معيدتو تقلب... مقادرش يلومهوم حيت مجرد يشوفها الواحد يقيم بلا ميحس... حاس براسو غيقتلها مافيها شك ... لقطات ديك ليلة دازت بين عينيه.. كان باين من تصرفاتها ماشي احترافية و باقا عاد مبتدئة.. كان متأكد انو ماشي منوع لي كينعس مع اي واحد غير من زيار لي كانت مزيرة... مي شنو تفسيرها لهادشي ...

وحدا شافها شيخة كتشطح و نعسات معاه.. شويا شافها فشركة و ها هيا دابا راقصة على حلبة المصارعة..

قاطع تفكيرو عصام لي ياريت مهضر ..

عصام: تفو كون غير علمتها على ود فلوس شو على زهر مسكينة باينة خدمات هنا على ود خالتها ..

مع كمل جملتو مع لقا راسو تزدح ببونية جابتو على ضس..

أديب(خايف بلاناتو ميصدقوش ) : ينعل zaمل بوك مع بوها يا ولاد ل79اب غير بلاتي حسابي معاك هوا تالي.. بربي يا عصام لا فاتك.

عصام الفم باش يهضر بيه مبقالوش حاس بالفك ديالو تزعزع من بلاصتو... باغي غير يعرف شنو علاقة أديب باشراق.. حيت واضح انو كيعرفها مزيان

عند أديب العافيا نايضاليه فسدرو.. محاسش براسو..كاع لي خططليه غيمشي بسباب عصام .. غادي و راجع كيسب.. مكرهش يمشي يجرها من شعرها...

مي يده مربوطين باي صفة ... وحدا نعسات معاه و سالات الحكاية .. من واحد ناحية كاره راسو حيت مرضاش عليها... كيحاول ميدورش راسو جيهتها حيت مغيقدرش يتحكم فراسو كتر.. غير كيتفكر سدر لي هوا عشقو و لعب بيه كيف بغا... دابا امة درجال كيزهاو عليه كيبغي يحماق... مرتاح شوية حتى سمعهوم كيصفقو و يسفرو عرف بلي سلات الفقرة ...

تنهد بعصبية حالف حتا يندمها.. و يخرج فيها كاع هاد الأعصاب لي ركبات فيه ... دابا و لا شاك انو هيا لي كانت نهار المقابلة حيت صوتها ميمكنش ينساه...

عند اشراق .. مسلات الفقرة ديالها حتى غفرلها الله كاع دنوب غير دخلات بقاو دموع كينزلو من عينيها بحال شلال حاسة بدل بالقهرة.. حاسة براسها رخيصة..

كيفاش جوهرة بحالها كانت تحشم تلبس المايو فالبحر و لات تلبس لبسة الرقص المغرية و تستعرض الجسم ديالها لي يسوا و لي ميسواش.. هيا بالفعل كانت كتلبس المزير و سدرها كان كيبان.. مي باش توصل بيها لبسة كلها خيوطة عمرها كانت ضن راسها غديرها..

طاح عليها ضيم لدرجة مكرهاتش تموت.. مكرهاتش تنتاحر.. بقات كضرب و تنتف فراسها.. كاع لحمها خبشاتو و جها شبعاتو سقل.. حاسا براسها مقدراش تستحمل مقدراش تصبر.. احساس صعيب تحط بين نارين.. مينة المرا لي حاسباها مها و بين راسها و لحمها... هيا لي كانت تنصح و تنهي البنات يبيعو لحمهوم.. هاهيا باعتو برخيص.. حاسا براسها غتحماق.. متقدرش تكمل هكا كتفكر بلي تابعها 4شهور خرى عقلها كيوقف... احساس صعيب دير شي حاجة و نتا مراضيش عليها و نتا ممقتانعش بيها مي لازم عليك ديرها.. بقات كتبكي و تبرد حرقتها فلبكا واخا معندو باش يفيد و لي عطا الله عطاه...

داخل الحلبة

وصل خصم الذيب ، تحت تصفيقات النص فالجمهور لي كيرددو إسمو ونص لاخور كيتصمع غير " هووووو"... دليل على انو محاملينوش... كولشي كينتاظر الوصول ديال البطل ديالهم، وماهي حتى دقائق معدودة ، حتى تحل الباب ، وتم داخل بشورط فالحمر عاقد غوباشتو، وملامح وجهو كذل بلي عندو هذف واحد هو الربح .... اما فالواقع فهدفو هوا يبرد الحر و العافية لي حاس بيها...

عند اشراق خرجات غسلات وجها و قادات حالتها.. لاحت عليها شال واخا مساتر والو ... تمشات مع كولواغ باغا غير تلف الوقت لقات كمال كان جاي لعندها....

كمال : (صفر ) واااعرة كنتي عرفتي كلشي حل عينو فيك ...عمري تخايلت انو غتكوني بومبا فشطيح ..

اشراق (كارزة على يدها) : بغيت نتفرج فالكومبا

كمال (راشقاليه خداهوم صحاح حيت جابها و عجباتهوم ): اجي منهنا كاين واحد بالكو كيركب على الحلبة لي لتحت..

مشا كمال جاب جوج كراسا مي اشراق فضلات تبقا واقفا...

عند أديب غي دخل مبقا كيقشع قدامو والو مخدم كتر من جهدو غير كيتفكر هادوك لي كانو كيكفتو عليها عقلو كيوقف و كيبرد جنونو فالخصم ديالو .. الخصم لي مكانش ساهل و حافض سواريه... غير من زهرو المكفس.. لي طرا مع اشراق خلى اديب يخرج على طوع ديالو و المشكل هوا براسو محاسش بشنو واقع.. و مفاهمش علاش كيدير هاكا...

مع تعلنات نهاية الكومبا تهزات القاعة بكلمة وحدا كتسمع هيا ديب.. ديب

كلشي كغوت فرحان حيت اغلبية كانو مراهنين عليه.. كلشي ناشط محيح..

عند أديب غير سالا مسح العرق بيدو ..مع علا عينو قشعها كتشوق فيه ... شوفات لي فكرهوم ففعلتها متسناش يفكر جوج خطرات.. هبط بخطوات مزروبين.. غادي طالع فدروج.. مخلي عصام كيعيطليه مبغاش يرض عليه...

طالع ناوي على خزيت .. محملهاش.. كارها .. وحدة رخيصة ..فنهار فشركة و فليل مقابلة ال79وب ..شنو غيتسنا منا.. عندو رغبة يستفزها.. ينقص منها.. يكرها حياتها ... باغي يتمتع باستفزازها.. يدلها..

مبغيش عقلو يخدم.. لي عارف خاصو يندمها.. إلى هيا معرفاش قيمة لحمها هوا غيوريهاليها... إلى هيا معندها غراض غيزيد عليها... إلى معندها لي يحكمها من اليوم هوا غينكد عليها عيشتها .. .. الى عجبها تغرق فالوسخ... هوا غيزيد يغرقها فيه..

مع وصل لقاها واقفا مع كمال كيهضرو على حالة مينة.. غير ضارو شافوه واقف عليهوم بلا حس..

كمال (غير شافو بتاسم بحال شي بهل ) : ديب مبروك (حط يديو على دراع أديب ) و الله تا طحنتيه

أديب(خنزر فيه بمعنى جمع يدك ) : خسر عليه كلمة وحدا..(بلغوات) برى شريه

كمال جمع ضحكة مور مشاف تخنزيرتو.. عارف بلي اديب يديه سابقاه.. يلاه جا خارج سمع اشراق كدوي معاه..

اشراق :افين غادي مخليني مع هادا

كمال جمع الوقفة كيصفك فبلاصتو... خرج كيطير خايف على راسو

أديب سد لباب مور مخرج كمال : 79بة موسخا فنهار هاهيا فشركة و فليل 79بة رخيصة.. كون غير كنتي دو ليكس و vip جات معاك .. اخيرتك كفتو عليه زماكرية هاد ليلة..

اشراق جنون طلعوليها باشمن حق كيعايرها.. باشمن حق كيسبها و ينقص منها... مرضاتش البال كاع بلي قال شركة ... مشعراتش براسها حتى هزات يدها صرفقاتو ...فغفلة منو ...

أديب(جعر): ينعل ل79بة لي حطاتك و مرباتك تجمعي يدك عندك .. مال za...مل بوك سخن علليك كرك...و هادا أل79بة عندو سميتو ا شيخة لموسخا .

مع كمل كلامو ..محسات غير بحنكها دار من بلاصتو شي لي خلاها تشهق و خلا اشراق (جنون طلعوليها شكون هادا لي يجي يسرفقها و باشمن حق.. نسات بلي هيا لي بدات ) .. وقفات بزقات دم لي تجمع فمها.. مع قادات وقفتها ...

اشراق : و ينعل zaمل بوك لي ولدك و مرباكش تحترام و تجمع يديك على العيالات اشماتة ...

أديب مبقاش كيقشع قدامو.. كيفاش عطاتها نفسها تهز يديها عليه و هوا لي الرجال بشلاغم مكيقدوش عليه...

شي حاجة كتر من الأعصاب حاس بيها... نار شعلات فيه عقلو ترفع .. كيفاش 79حبة دلخلا تهز يدها عليه

يلاه جات تخرج حتى كتحس براسها مجرورة من شعرها...

اديب :وحدا رخيصة متسواش.. مرة شيخة مرة 79بة مرة رقاصة .. كخويو فيك رجال ..

اشراق طلعليها الخرى الراس من هاد الهمجي لي معرفاتو باشمن حق كيعايرها و كيضربها و شنو بينها و بينو حتى يهز عليها يديه... مكتعرفوش حتى لعريف ..

شدات فيديه لي جار ليها شعرها طارت عليه بعضة شي لي خلاه يزيد يجعر..

اشراق : الخرى طلق مني شكون نتا حتا تقيس فيا .. فين كانعرف اشدخلك فيا...

أديب: انا لي *ويتك ابنت ل79بة

اشراق :بزاف عليك يا عييييييييييفت الد كوررررة

أديب: عليها صوتك كان كيتسمع فسطح كامل و بقيتي توحوحيلي تما

اشراق لي كانت كتوجد طير عليه وقفات مصدومة.. واش قال سطح و لا غير جابليها الله ... علات عينيها كتحنزز فيه.. كيفاش مرضاتش البال.. نفس التخنزيرة نفس الشوفة... نفس الكريزمة.. نفس حركات الوجه.. كيفاش تكلخات و محنززاتش مزيان.. عقلها مقادرش يتخيل انو هادا لي قدامها هوا نفسو لي كانت ناعسا معاه هوا نفسو الشخص لي سلماتليه راسها بكل سهولة و مندماتش.. هوا نفسو لي تمنات ترجع تلاقاه.. شهاد زهر عندها...

اشراق ( بصوت متقطع بسيف كدوي مصدومة) : أديييب

أديب: لخرا هادا دوزي تهزي تستري و منبعد نتحاسبو..

خرج زادح لباب.. بغا يبدل ساعة بخرى حيت كون بقا معاها كان كيفوت فيها شي ضقة... مع على راسو باليه عصام جاي و شنافتو زراقت

عصام:فينها اشراق .. حيد من حدا الباب ندخل نشوفها ..

أديب: كلس على قاعك الخرى و نتا غير حاشي كر..ك واش مكفاكش لعصا لي كليتيها باقي زايد فيه

عصام : واغير نشوف البنت .. قولي بعدا منين كتعرفها.. واش بيناتكوم شيحاجا

أديب:اشراق خرج سوق سوقها.. ملقاكش كضور فجنابها... كنعرفها مكنعرفهاش.. دخل سوق جواك.. و دابا شريه.. سير سبيطار خليك معاهوم ..

عصام(معجب من تصرفات اديب ماباغيش يحكر ) :واخا غنمشي دابا مي غنتسناك تجي تشرحلي شنو واقع..

أديب(محامل يدوي مع حد ) : شريه مدورش حداي...

عند اشراق باقا مصدومة كيفاش الملاكم هوا لي نعسات معاه و شنو كان كيدير فالعرس..(ضربات جبهتها اكيد كان معروض شهاد الغباء )

مشا عصام و دخل أديب بلا ميدق

اشراق: الخرى واش دار باك القديمة غير داخل خارج

مشا كرز على يدها: غتصلحي فمك و لا غنصلحوليك

اشراق:(تنترات منو ) وااااازززززمر فين كنعرفك.. ياك دوزنا ليلة و خلصتيني دونك متسالني منسالك...

غير سالات هضرتها.. شافتو بزق عليها..

أديب:كنت كدبت عيني وقلت منضلمهاش.. تقدر متكونش خارجة طريق ساعا الخنز يبقا غير خنز و القحاب معروفين

اشراق : بزاف عليك الخنز دبصح انا راه متوصلنيش.. سير تفرق عليا اش بيني و بينك ملي انا 79بة لاش تابعني ملي انا منسواش لاش جاي عندي (نفاجرات كتبكي ) سير بعد مني انا راه منسواش انا راه عطيتك راسي ب 400درهم انا هيا لي زمان شتف عليها .. انا هيا لي وليت شيخة باش نعيش وليت 79بة حيت سكرت وليت راقصة على زماكرية على ود الفلوس... انا هيا لي سخطو عليها وليديها شنو كتسنا من وحدا ممعتارفينش بيها حتى وليديها..شنو كتسنى من وحدا حلاتليك رجليها بلا متعرف حتى سميتك ... وحدا لي كتشطح قدام لي سوا و لي ميسواش .. شنووو باغييي مزال...سيرر عطيننييي التييساااع.

خلويني عليكم فالتقاار

اشراق دخلات فهيستيريا دلبكا و لات كضرب فراسها و تنتف و لات باغا غير تبرد الحرقة لي كتحس بيها.. ولات باغا غير تنسا.. كلشي تجمع عليها .. كاع داك ضحك و ديك القوة لي كتسطانعها كلها مشات ..

بقات أديب واقف مشوكي من حالتها كيفاش كضرب و تريش شعرها.. معرف تا كيدير يهدنا كيشوفها طايحا فالارض كتبكي عزات عليه .. مقادر يقرب مقادر يبعد.. فتالي تحنا هزا خاشيها فصدرو و هيا كتركل فيدوو ضرب فيه... هزها خارج بيها من الباب التانية.. انسانيتو مخلاتوش يخليها فديك الحالة... هزها و خرجو غافلين على العينين لي كيصوروهوم...

---

فجيها خرى واقف كينقز بالفرحة.. حاس براسو الدنيا فرحاتليه.. مأكد هاد الخبر غيكون قنبلة الاسبوع... كيفكر من دبا للمكافأة لي غياخد... هز طيل مدوز لابيل لمدير ديالو

*****: الحوتا طاحت فشبكة و انا لي صيدتها... عرفتي قنبلة الاسبوع غتخرج.. اخرا الدنيا فرحاتليا

مدير : واش شي خبر نيت و لا غير الفرشي

*****:خبر و اشمن خبر هادا راه صداع

مدير : واش بدليل و لا غير هضرة خاوية.. راه كنعرف بلاناتك ممنهومش

*****: بدليل و الحجة كلشي عندي مصور و بلي فيديو

مدير : عرفتي و يكون البلان لي فبالي غيغنينا الله.. غنطلعو فطوندونس.. احسن مكافئة تاخدها..

****: كون هاني وجدت مقال مفركع

مدير : عاودلي لبلان و صفطلي نشوف

عند عصام يلاه وصل لكلينيك و هوا يقشع كوثر محيحة على كمال

كوثر (بعصبية): غير قوليا فين مخلي البنت .. ليل هادا و سامح فيها واش بعقلك

كمال : وراه خليتها مع واحد خونا.. دابا تجي مراهاش صغيرة

كوثر بعصبية: شكون هادا؟؟؟اشراق مكتعرف حد واش باغي تحمقني

تدخل عصام مور مسمعهوم كيهضرو

عصام: متخافيش رآها مع واحد صاحبي شويا و يجيو..

كوثر ولا وجهها كلو حمر و مزيرة و نطقات: شكون هادا و شنو كيدير معاها واش خدام معاكوم...

نقز كمال جاوبها: الا راه هوا الملاكم المعروف بديب

كوثر : كيفاش ملاكم و اجاب ملاكم لاشراق

عصام ( مخاطب كمال ) : تعلم تجمع فمك راه غيجي شيحد يهرسوليك رد بالك لشنو كتخرج...

كوثر : واشرحولي شنو واقع

يلاه جا يدوي كمال و هوا يخنزر فيه عصام و صقر: بون هاد الهضرة تبقا هنا .. راهم بجوج حيت هوا لي غيتكلف بمصاريف العلاج..

كوثر : و شكون هاد الملاكم(شافت فكمال )واش كنعرفوه .. و علاش غيتكلف؟؟ شنو بينو و بين اشراق تا يتكلف بالمصاريف ولاش هي اصلا معاه دببا؟؟

كمال (بلهفة ) :ديب ديب اصحبتي لي حضرناليه لملاكمة نهار اشراق غوتات بسميتو و كلاها فكمارتو..

عصام (تصعق من هضرتو ) :واش اشراق كانت حاضرا واش هيا لي غوتات ديك نهار

(مع نفسو الله يرحمك ابنتي.. راه حالف فيك حلفة ديال زمان )

كوثر :واه كنا حاضرين .. مي كيفاش ديب لا لا بغيتو تحمقوني.. دابا ديك الملاكم المعروف هوا لي معاه اشراق و هوا لي غيخلص لكلينيك

جاوبها عصام و جا غادي فحالو:تماما هوا .. و جمعو الموضوع مخاص تاحد يسيق لخبار...

عند أديب كيخنزر فيها تخنزيرة دلكلاب.. محاملش يتجمع معاها فبلاصة و حدا... اما اشراق كتر منو غير الفرق انو هيا محاملاش راسها حيت شافها فديك حالة ضعف...بانت معاه قوية كان خاصها تحافظ على قوتها ماشي دغيا تبدا تعاود ليه حياتها وخا غيؤ بشكل ملخص.. اما حتى هضرتو كانت متوقعاها حيت هيا لي عطاتو راسها برخيص و سلماتو جسدها غير هكاك و خلات الرغبة تلعب عليها

كيطلع و يهبط فيها بانحطاط كأنها شي حاجة رخيصة متسوى والو .. و فنفس الوقت محافظ على تخنزيرتو

أديب:اديك شيخة لا نقولو راقصة و ماشي اي راقصة .. راقصة فحلبة المصارعة.. عقلي على هاد الوجه مزيان و ديك لهزة لي هزيتي عليا يديك مزال ترجعليك مدوبلة ... مغاداش دوز ليك بالساهل

ركب طوموبيل مخليها واقفا هكاكا بدوك حوايج رقص و غير شال على كتافها.. مفهمات والو فهاد الانسان..

حتاقرها دلها سبها.. ومخرجها من الداخل باش يسبها تاني.. تنهدات رجعات دخلات مشات ديركت هزااات حوايجها كتلبس... حتى كتشوف كوثر كتصوني

دقات قلبها بداو كتسارعو و احساس بالخوف جاها...هزات تيليفون و بقات مدة كتشوف فيه كأنها مباغاش تجاوب

نعلات الشيطان و حاولات تقوي راسها و جاوبات

كوثر(كتبكي ) : اشراق عتقي مينة كتموت زربي باش تلحقيها...

اشراق تصدمات ممتيقاش شنو كتسمع الدموع تجمعو فعينيها.. مغتقدرش تصبر إلى ماتت مينة و هيا هدشي كامل دارتو على ودها... هزات حوايجها سمحات فالفلوس و فكلشي خلات تال غدا و ترجع ليهوم.. من زهرها ملقاتش طاكسي... قليل لي كيجيو لديك لبلاصة بالأخص فليل.. و العقل لي دوز عند رضا يسول على شيفور ترفع... بقات غادا كتجري فديك ليل و كتلعن ساعة لي فكرات تجي لهنا... كتجري و قلبها غيفلت..

معارافاش راسها فين و شنو هي الطريق لي خاصها تمشي فيها

خايفها مينة تموت خايفة متلحقهاش.. خايفة تمشي و هيا باقي مشبعاتش منها... مرتاحت حتا بالها طاكسي شيراتليه ... والوجهة كانت لكلينيك...كدعي الله يشوف من حالها..كدعي الله ياخد من عمرها هيا و يطول فعمر مينة

قد تتوقّف الحياة في عينيك في لحظات الحزن، وتظن أنّه لا نهاية لهذا الحزن، وأنّه ليس فوق الأرض من هو أتعس منك، فتقسو على نفسك حين تحكم عليها بالموت، وتنفّذ بها حكم الموت بلا تردّد، وتنزع الحياة من قلبك، وتعيش بين الآخرين كالميت تماماً....

صعيب تاخد منك الدنيا اعز مكتملك.. كتحس براسك ضايع تايه.. مقادرش تنفس... كيموت شي شخص لي عزيز عليك و كتستوعب انو مبقيتيش غتشوفو.. مشا ديك الشخص لي كان سند ديالك .. لي كان مضوي عتمتك... ديك الشخص لي كان كيفهمك.. كيحن عليك و يطبطب عليك .. ديك الشخص لي غير الوجود ديالو كان نعمة و بركة...

الموت اصعب حاجا ممكن طرا لانسان... شخص كيكون معاك فغفلة مكيبقاش..

شحال من واحد معانا خسر واليديه.. كاين لي خسر ولادو.. كاين لي خسر خوتو.. كاين لي خسر الحبيب ديالو.. و هاد الخسارة ماشي اي خسارة... كتخسرو للابد ... كتاخد أكبر طعنة ..كتحس بقلب كينزف.. جرح عميق ..كيداويه نسيان... تعيا تحاول تشرح شعورك فديك اللحظة كتخونك الكلمات..

كتبقى تسمع " البركة فراسك " " الله يعوض محبتو بصبر " مكتكونش كتستوعب شنو واقع.. علاش هاد ناس كينين هنا و علاش كيعزيو.. واش بصح ديك الشخص مبقاش.. صافي مات ... صافي تسالا المشوار ديالو فهاد دنيا.. واش مكنحلمش.. واش بصح هادشي واقع ...

كتشوفهوم كيغسلوه و مكفنينو.. ريحة المسك خارجة منو .. ملوي فكفن بيض .. داي معاه اعمالو فقط .. و تارك دكرايات مع كاع ناس ... كتولي تمنى و لو يزيد غير نهار دوزو معاه ..تزيد تشبع منو .. كتفكر الاوقات لي دوزتيهوم معاه.. كتندم على شحال من حاجة وقعات .. ولكن كيكون فات وقت ندم...

عرفو قيمة الاشخاص لي دايرين بيكوم.. اليوم هاهوما حاضرين و غدا غايبين... لي عندها وليديها الله يخليهوم ليها..

تهلاي اختي فيهوم راهم كنز و نهار يخطاو و تجربي معنى اليتم غتعرفي قيمتهوم... عرفو قيمة خوتكوم وولادكوم.. عرفو قيمة صحاباتكوم و ناس لي كيبغيوكيم... حاولو تستاغلو أكثر وقت معاهوم... حيت نهار تبغيوهوم مغتلقاوهوم.. عبرو على حبكوم لناس دنيا فايتا.. صفي قلوبكوم.. و بغيو لخير الجميع.. خليوكوم ديما الفوق الفوق .. و لي أداك بعد منو و متأديه.. خليه غيجي نهار لي غيندم و غيكون فات الفوت... كونو راضين على نفوسكوم.. راه الموت كتغفل ...

عداب و اشمن عداب... بسيف باش لقات طاكسي .. كتحسب الدقايق لي كتحس بيهوم ساعات طوال ...

بعد بضع دقائق وصلات و تمات داخلة كتجري و دماغها كلو مرفوع .. خايفة تصدم .. خايفة تسمع لخبار لي مبغاش تسمعو.. صعيب عقلها يتقبل ...

مشات لجيهت الإنعاش فين كاينة مينة و صدمة انو ملقاتهاش...هنا بحالا كبيتي عليها سطل ديال الما كاع الافكار الخايبة طاحو فبالها....مبقات عارفة ما دير...

عاد خلاتها هنا قبل ما تمشي...كيفاش مكايناش دبا....كتحس بداتها كلها فاشلة عليها و بزز باش هازة راسها...

جات خارجة و يلاه اتحل الباب حتا كتحلو ممرضة..

رجعات اشراق شعرها مور ودنيها و بلعات ريقها و قالت: فين هي السيدة لي كانت هنا؟؟؟

شافت فيها بحزن و قالت: الله ارحمها راه هزوها قبايلة داوها عائلتها يكملو الإجراءات باش يخرجوها و راها فلامور

"رآها فلامور "كلمة لي بقات متردد فدماغها ... طاحت دمعة سخونة من عينيها خلاتها تحس بالقهرة... شي لي كانت هاربا منو طاحت فيه...

تخطات الممرضة و خرجات كتمشى بضياع..بقات الاخرى كتعيط عليها من لور و لكن اشراق مرفوعة و الودنين لي يسمعو تصكمو...صوت التصفار فودينيها و الدموع غشاو عينيها مبقاتش كتشوف مزيان.. حاسة بروحها كتقطع.. احساس متبغيه لعدوك.. الانسانة الوحيدة لي بغاتها بدون مقابل .. لي حنات عليها و حسباتها بنتها ..هاهيا مشات.. الانسانة لي حسات بيها ام الروحية ديالها.. لي ربي عوضها بيها.. كيفاش غدي تقدر تزيد القدام بلا بيها ... بقاو كدوزو كان الاحدات و اللقطات لي فاتو من نهار عرفاتها من نهار تلاقاتها... بقات كتفكر كاع الدكريات لي جمعتهوم...

بدات كتخنصص بشوية بشوية حتا تحولو لشهقاات متتالية....دارت ايديها على فمها عاضاها كتحاول تسكت راسها و تكتم شهقاتها لي كتسمعو...كتبان ليك وجهها ولا كلو حمر و الدموع على وجهها كلو و شعرها لصق عليها....مدة و هي واقفة بدون متحرك.. كتحاول تستعوب هدشي لي واقع دبا و لي كتعيشو...محساتش براسها حتا مشات للحيط ضربات ايديها معاه و زادت الثانية و بدات تبكي بصوت مسموع و كتغوب بحرقة....فقدات السيطرة على راسها و بقات ضربة مور ضربة حتا تجرحو ليها ايديها.. مقدراتش تسيطر على راسها .. محساتش ايمتا هرسات واحد زاجة و موراها بدات كتصرفق فراسها بهستيرية و تقمش فوجهها حتا ولا كلو دمايات...

حالتها حالة تشوفها تبقا فيك... كن ماتت مها لي ولداتها مكانتش تحس بهاد الاحساس.. لكن مينة كانت ديك المراة الطيبة.. لي روحها زوينة و قلبها بيض... كان كلشي كيشكرها... كانت مزيانة مع الكبير و صغير ..

واخا كانت كتغوت و تنكر الا انو كانت كدير ديكشي من خوفها عليها.. من حبها ليها... كانت حاسباها بنتها لي مولداتهاش. .. كانت كتبغيها بدون مقابل ...

هاهيا مشات و خلاتها.. خلاتها وحيدة فهاد دنيا... كانت مفتاقدا لوليديها.. لكن وجود مينة كان كيغطي.. و كيعوض ديك الفراغ...

بقات اشراق كتبكي ديك لبكي دلحرقة.. كتحس بقلبها شاعلة فيه العافية ...

فنفس اللحظة كان عصام تما مع احد الاطباء صاحبو و شافها فديك الحالة و مشاو كجريو لعندها ...شد ليها عصام بقوة ايديها بزوج و هي مزال كتحاول تفكهم منو و كترطا و لكن قدر احكمهاا...مفيكسي عينيه مع عينيها لي ولاو حمرين و مزير قبضو عليها باش متفلتش ليه

عصام: تكالماي تكالماي كلشي غيفوت...

بقا متبت ايديها عندو مدة حتا بدات كتبان ليه كترخا و ملامح ووجها بداو كرجعو لطبيعتهم عاد بدا كطلق منها بشوية بشوية و جرها عندو عنقها و كمسح على شعرها من اللور

عصام: براكة اش هد الحالة درتي فراسك....مالكي شنو واقع ... شنو هاد لحالة...

اشراق مقدراش تستوعب كتحس براسها فعالم خور : (تمتمات).. مشات مينة .. مينة ماتت.. صافي مشات...

عصام : شنو كتخربقي ...خالتك راها بخير...علاش كديري هكا.. مينة غتولي بيخير.. ملكي كتقهري فراسك هاكا...

اشراق (مع كل كلمة كتشهق ) : علاش كتكدب...مينة ماتت....قالتها ليا...ماتت قبل حتا ما نشوفها .. قبل حتى منتوادع معاها.. و نتسامح معاها.. مشات و خلاتني ...مشيت لقيت بلاصتها خاوية.. كأنها عمرها كانت..

عصام: شكون قالها ليك؟؟ راها مزال حية.. شكون قالك ماتت واش مريضة فمخك..

بعدها عليه و شد فدراعها و كمل: معرفتش شنو سمعتي.. و لكن راه الصباح بدلو ليها الغرفة..خرجوها من الانعاش و داوها لشومبغ عادية و لكن من بعد تزاد عليها الحال و كان خاصهم ادخلوها للعملية و دبا راه كيوجدو فلبوك و كلشي ايدوز مزيان..

مسحات دموعها بكفوف ايديها و نطقات كأنها بنت صغيرة لقات شي حاجة كتعجبها و نطقات بصوت باح:واش بصح مينة مزال عايشة؟؟ ياك مكتدبش؟؟ هي بخير ياك؟؟مماتتش ياك ؟ ممشاتش و خلاتني ياك؟

عصام هزز ليها راسو و قال: اه .. راه مماتتش .. رآها حية .. (كيمسحليها دموعها ) يلاه نوضي .. نوضي نمشيو عندهم.. ياك بغيتي تشوفيها..

ناضت و هوا يشوف يدها كتسيل بدم و فيها شناقب ديال زاج لاصقين... شد يدها كيحاول ميعقرهاش..

عصام (باسف) : شوفي كيف رضيتي حالتك .. اجي نمشيو نشوفو شي حد يداويلك يدك..

اشراق : لا لا مزيانة غير ديني

عصام: مغنديك حتى داوي يدك

...

داها عصام داواو ليها يدها.. منبعد مشاو لجهة البلوك و غير وصلو مشات بخطاوي سراع لعند حليمة و كوثر لي واضح عليهم أثار ديال البكا و واقفين كتسناو و بدات كتسول و هي كتنخصص

إشراق: شن...شنوو وق..ع لييها؟؟ فين هي؟؟ ياك باقا عايشا

قصدات كوثر اشراق و عنقاتها : راه كيوجدوها للعملية دبا كانت حالتها خطيرة بزااف...مكان حتا حل من غير انها دخل دبا ولا كانت اتموت... جاتها كريز و قلبها وقف جوج مرات( بداو كيبغيو بجوج )..

اشراق: لا ميمكنش تموت يااك ( كتحرك راسها يمينا و يسارا ) مينة اتبقا حية مينة اتبقا معانا ميكمنش تخلينا اكوثر ياك ( ذبلات عينيها فيها لي كاسسيهم الحزن و رموشها فازكين بالدموع) مينة اتعيش اكوثر ( بصوت منخفض) مينة اتتعيش .. خاصها تعيش

.......

جالسة جسد بدون روح تفكيرها كلو مع مينة و حالتها شنو ممكن اوقع ليها...مزال لدبا الاطباء الداخل و تا حد مخرج يعلمهم على وضعها...تفكرات الفلوس معرفاتش واش كافيين دبا للعملية..... تفكرات شنو دارت هد الليلة و كيفاش خرجات بلاما تاخد تا فلوسها ..

ناضت من بلاصتها و كلهم دارو شافو فيها و قالت بتعب: انا راجعة نشم غير الهوا

خرجات برا و صونات لكمال لي كان مشا ..مرة لوة ثانية عاد جاوب ...

اشراق: كمال خلاصي مخديتوش و مينة راها فالعملية دبا سير عند هدوك و جيب ليا فلوسيي ..

كمال: واش من نيتك خرجتي قبل ما تخلصي؟

اشراق: ماشي وقت هد هضرة دبا فلوسي اححضرو سير جييبهم معنديش كيفاش ندير نخرج دبا.....و راك عارف الا مجبتيهمش راه ن**ق*ود معاك السواع.. بغيت فلوسي تحضر..

كمال: صافي صافي وخا .. انا غنشوف و رد عليك...

عند كمال

ديك الساعة صونا لرضا و علمو بلي كاين و قال ليه بلي ايصوني عليها يدوي معاها هي نيشان..

بقات غادية جاية كضرب تيليفون فايديها و كتسنا كمال اعاود اصوني..

قفزها تيليفون لي صونا و كان نيميغو بريفي جاوبات ديك الساعة و نطقات: الو

رضا: الزين صافا؟

إشراق: شكون معايا؟؟

رضا: معاك رضا

عضات اشراق على شفايفها بتوتر و قالت: موسيو رضا قبايلة وقع ليا ظرف طارئ و مشيت بلاما ناخد فلوسي..الا كان ممكو تصيفهم مع كمال لانه محتاجاهم دبا

رضا(برود): الغلط مكانش ديالنا كان ديالك..قلبنا عليك ملقيناكش..الفلوس كلها تفيرسات فالبنكة و لاخر تفرق على لي كانو خدامين هد ليلة...خلاصك ازين تاخديه المرة الجاية مدوبل د اليوم و د خدمتك ديال الليلة الجديدة اما دبا معندنا والو ... معندي منعطيك ... تسالي

إشراق: واش من نيتك؟؟؟ ياك تافقنا مور كل ليلة ناخد خلاصي..و انا قبايلة مخرجش بزربة لخاطري كان عند ما يدار .. و ظرف طارئ..

رضا: و حتا حنا معندنا ما نديرو ليك دبا( و قطع)

اشراق: الله ين...عل za..مل بوك فهد النهار هدو هدو هوما فعايل ال9wاويد.. بلاتي على zaمل بوكوم

تعصبات بالمزيان و لكن حالفة مدوزهاش ليهم غير طمأن على مينة و تمشي ليهم توريهم كيفاش ميعطيوهاش خلاصها

دارت باش ترجع بحالها حتا كتلقاه واقف موراها

إشراق: عصام شنو كدير هنا؟

عصام: تعطلتي و جيت نطل عليك نشوفك واش بخير.. بقا بالي معاك

تنهدات إشراق و هزات ايديها و رجعات هبطاتهوم و قالت: منرتاح حتا نشوفها حداي و تكون بيخير و على خير .. حقا شكرا بزاف حيت خلصتي الوبيغاسيو فلوقت.. حيت عارفا الى متخلصاتش ميدخلوهاش..

عصام (بتوتر ) : احم لا معندك لاش تشكريني.. اصلن ماشي انا لي خلصت

اشراق:و شكون خلص واش دكتور سيف ..

شافتو ساكت :وادوي

عصام(متوتر ) : احم...بغيت غير نقول ليك راه جا أديب خلص لي فغي ديال لاكلينيك.. هوا اصلن كان ناوي يخلصهوم و فاش عيطاتلك كوثر و مجوبتيهاش.. عيطاتلي و انا عيطتلو..

حلات اشراق عينيها ممتيقاش هدشي لي كتسمع...بحال شي سطل ديال ما تكب عليها ..صدمة مور صدمة محسات براسها حتا بدات كضحك : ههههه واش من نيتك؟؟؟ لاعبها عليا هنا ولا شنو؟؟؟غير كضحك معاي ياك ؟ قولي غير كتكدب و بلي ماشي بصح

عصام تخلع على حالتها و بدا كقرب ليها بشوية و نطق:داوي بصح... ( بلع ريقو و كمل) صونيت ليه و كان قريب و دخل دغيا خلص و مشا...

اشراق :واااا معاومن تشاورتي واش شكيت عليكوم.. ملقيتش شكون يخلص.. علاش متعيطوليش.. (بقات كضرب فراسها ) وا معامن صورتو..

عصام :وراه كون سيناك كانت غتموت و نتي مكنتيش كتجاوبي

إشراق: معاامن تشااوررتيي؟؟؟؟؟ واشش شككييت علييك؟؟ وااش قالك شي حد محتاجة فلووس داك خونا؟؟؟ علاششش خليتيه اخلص .. واش انا وياه فلحرب.. دابا عاد غيحلاليه اللعب .. متفاكيتش انا بلا والو .. الله يننننننعل نهااار لي عرفتكوم فيه

عصام: اشراق خلي دكشي لي بينك و بينو اباغ .. انا اصلا معارفش شنو واقع بيناتكوم و منين كتعرفو بعضياتكوم و نتي فكري غير فحالة خالتك.. هيا الاهم ..اللهم خلص فالوقت و غيعتقوها.. و لا كون سايناك تا يكون مول الامانة دا امانتو ... راه معندك ما تقولي دبا و معندك ما ديري...تقلبيها كيف ما هي...هي محتاجة و هو عاون عتابيره شي محسن عاونكم جاع نساي بلي هو لي عطا الفلوس

اشراق :منيتك ديك ل9wاد محسن .. هاداك انا لي عارفاه.. شيحاجا مور هادشي .. واش سيد كيطلعني و يهبطني بال79بة و غيدير الخير (بدات كضرب فراسها ) راه دابا اجاب مفكني منو ..

عصام :والله تا كضلميه سيد تخلى على المشروع ديالو على قبل يعاونكوم و نتي دابا شوفي شنو كتقولي .. راه حشومة

اشراق :انا راه طليتو خضر .. انا راه زهري مكوز.. عرفتي شنو دير فيا خير عطيني نمرتو.. انا لي غنعرفليه...

يتبع...