اشراق: مكنشوفوش من ديك نهار فلكلينيك مشفتو .. هادشي لي مريحني
كوثر : واش عرفتي شنو هيا تفكري تقتلي شيحد
)قاطعتها اشراق بيدها: راسي ضارني بغيتي نبقاو مزيانين عنشدو على الموضوع و مغتجبديهش.. عاودتلك باش متبقايش فارعالي راسي.. دابا طفي ضو تابعني شلا حاجات غدا...
نعسات اشراق مخليا كوثر مصدومة فيها.. كتسائل واش لهاد درجة قلبها تحرق.. لهاد درجة انسانيتها ماتت... متنكرش لي داز عليها ماشي قليل .. لكن ماشي توصل بيها تشعل العافية...
كارد :قالنا حالتها صعيبة بدات كدخل فمرحلة حرجة.. خاصها تعالج باش مرحلة الادمان عندها مطورش..
معتز : فينها دابا
كارد :فالبيت بلعنا كلشي حتى من سراجم..
مخلاهش يكمل..طلع ديركت مور مخدا منو سوارت.. غير قرب كيسمع غواتها قالب دنيا...
ياسمين يا ياسمين.. شخصية لي منها عدد كبير فعالم ديالنا ... ناس عايشين بالمضاهر تابعين الماديات.. همهوم الوحيد يبانو من الطبقة البرجوازية... مكتهمهوش السعادة بقدر مكيهمهوم حسابهوم البنكي شحال فيه ..
ياسمين تبعات متاهة الحياة .. تخلات على الحب و الحنان فمقابل الفلوس و البذخ الخارجي..ماتت فخضم معركة المضاهر.. و الطبقات الاجتماعية .. شي لي خلاها تعاني من فرغات عاطفية مقدراتش الفلوس تعمرهوم..هاد الفراغات ممكن تخلق فاي أنثى فجوات ممكن تخليها تييه و تغرق فعالم مسخ متقدرش تخرج منو.. ممكن توصل بيها الانحراف.. ممكن تخون و هي على ذمة رجل تاني .. ممكن تبيع اي شخص فمقابل توصل لهدف ديالها.. بحال هاد نوع كيختارو اسهل حاجة باش ينساو الواقع ديالهوم باش يترفعو و ينساو العالم لي عايشين فيه و لي صنعوه بنفسهوم...
مع حل لباب حل عينو فالبيت لي ولى كلو مخرب.. حوايج مقطعين فالارض.. الاكسسوارات .. لي باغفان.. ميكاب كلشي مهرت و مليوح.. حتى من ديكور و لي طابلو شخشخاتهوم...
داخل كيتفادا يزضم فزاج .. كيتسارا بعينو كيشوف الضمار لي ضاير بيها.. او بالاحرى الإعصار لي صاب البيت ...
كتباليه مكمشة فالارض على وضعية جنين حالتها حالة .. شعرها كولو منتوف.. كتحك فيديها و نيفها...
مينكرش بقات فيه الحالة لي وصلات ليها... كيشوف فيها كيفاش بيدها ضمرات راسها.. مي فالاخير كيقول تستاهل .. هيا لي جابتها راسها..
قرب لحداها نغزها برجلها
معتز : ياسمين
غير سمعاتو ناضت قافزا مخلوعة ..
ياسمين كتحك فلحمها و نيفها.. مقطوعة ديال بصح كدوي بحال شي حمقة و الكلام كيتقطع:معتتتتتتز.. عتقني.. غنمووووت...
معتز : ياسمين يا يسمين ... لهاد درجة وليتي مدمنة.. بقيتي فيا صراحة.. صبري نشوف واش عندي شيحاجة هنا ... دخل يدو فجيب .. كيشوفها.. كتشوف فيه بحال شي بنت صغيرة كتسنى على نار يعطيوها الحلوة ديالها... تحلو عينيها فاش شافت فيديه خنيشة ديال الكوكايين
معتز : لا لا لا ميمكنش تاخديها بلا مقابل ..بغيتي الجرعة الكتكوتة..... همممم....
جبد ساسي ثانية من جيبو فيها غبرة نيت .... تحنا عندها و بدا كيلعب بيهم قدام عينيها هي اللي متبعاهم فحال شي حمقة و كتحك فيديها و لحمها...... فلحظة بغات تخطفهم ليه من يديه و لكن جرهم بسرعة......
معتز: شوت.... تهدني تهدني.... هوا كين جوج جرعات ماشي وحدة و غيكونو ليك الا كنتي ذكية و معليك غير ديري شنو بغيت و طبقتيه بالحرف الواحد..... و هاكا غتكوني ضمنتي جرعة غدا..... هممم اشبان ليك....
عاود وقف و خشاهم فجيبو و تم داير مبعد من حداها
ياسمين(بهستيرية) : اللي بغيتي اللي بغيتي ندير .... غي عطيني.... اهئ... اهئ..... شنو ما بغيتي غنطبق بالحرف .. غير عطيني...
معتز : (شدها من دراعها ) غتوجدي راسك للحفلة و غتصرفي كأننا جوج كيبغيو بعضهم، و منبغيكش تضوري بحس اديب ابدا.. صحافة غتكون.. متشوفيش جيهتو منبغيش صحافة تجبد الضواصا لقدام
ياسمين فحال المجنونة ... العقل غاب .. كيبالها غير الكوكين.... كتافات تهز راسها بهستيرية و تجبد عليه باغا ساشي....
ياسمين (عقلها غير مع خنيشة ) :اه اه غير عطيني.. كون هاني ... لي بغيتيها تكون ..
جا خارج لاح عليها ساشي شداتو بحال الحمقة.. بزربة قادات لادوز لي خاصها.. مرتاحت حتا حسات بيه كيتغلغل فالاعماق ديالها....
----
جا النهار لي كلشي متحمس ليه... سيمانة كاملة دازت غير فتوجات..
الحفل تم تحضيرو على قدم و ساق، اشهر الممولين عتاناو بتجهيز القاعة المخصصة ليه، لما لا و هادي الذكرى العشرين لتأسيس شركة القابض و اشتراكها مع شركة AutoBahn Mercedes,
المسؤولة على تصدير و تجميع قطع سيارات مرسيدس الفخمة اللي غنية عن التعريف....
ذكرى العشرين مكتعنيش مجرد رقم سنوات وانما فهاد العشرين سنة كانت حياة لي شهدات على بزاف ديال الاحداث و الوقائع .... كانو صعوبات باش تطلع الشركة فسوق الشغل.... و كانو مؤمرات باش تنزل منو...... و في داك العشرين سنة... جا وقت لي الاولاد يتولاو القيادة.. و يزيدو بيها لقدام...
فهاد الوقت بضبط تفرقوا القلوب و تغشاو العيون و تعمات البصيرة على الخير و الفضل بين الحباب..بسباب حب السلطة و تولي القيادة تفرقوا الخوت..... و متلفتو لجهة بعض.. السؤال هنا هو شكون خان العهد....
جواب واضح .. معتز كان اول من يخون.... ختار ياسمين كطعم حيت كانت هيا الضربة القاضية .. كان خايف انو خوه يتعماو عينيه بالحب و يوافق على طلب ديالها و يطالب بحقو فشركة...
كانت مجرد حاجة رخيصة.. كاع ديك الحب لي كان كيحسو تبخر مجرد مكانت ختارت خوه.. .. مكانتش هاماه بقدر مكان هامو السلطة ..كان ديما باغي يكون فالواجهة.. و يبين راه هو احسن من خوه.....
احيانا العينين كيتعماو بالحقد و الغيرة .. منقدروش نساو اول جريمة وقعات ..كانت بين خوت و سببها قلب خبيث مبغا الخير لخوه.... طامع فشنو كيملك خوه...
معتز كان لمصلاحتو أديب يتمسك بالملاكمة ... يبقى بعيد على الشركة ... كان عاجبو يكون المفضل.. بغا انو خوه يكون منفي و يكون هو الكل في الكل فحين انو أديب مكانش مسوق لديك العالم ... كانت احلامو مختالفة... كان سامح فحقو..و كيتفادا يدخل مع معتز فصراعات...
اديب كان فحال هابيل كيسمح فحقو و لو خوه يضرو مكانش يقرب ليه .... ولكن معتز كان بحال قابيل....
شخال من وحدة بيناتنا عانات و عانات و حسات بمكر الأخوة و قالت لا ختي مطعنيش، اديب مجرد واحد من ملايين اللي تقولبو من طرف خوتهم كاين اللي خانت ختها مع راجلها، و كاين اللي قتلت ختها و لا خوها علا ود الورث و كاين اللي وصلات بيها تسحر لختها و تأذي ولادها وكاين لي كرهات ختها غير حيت حسن منها ...كاين بزاااف ديال حالات لي عمرهوم توقعو غيتعرضو لغدر من طرف اعز معندهوم.. إلى متقتيش فخوتك فيمن غتيق... مكدبوش لي قالو الخاوة حدها الدنية...
---
عند اشراق .. صبحو على صباح كيوجدو راسهوم... كلها باغا تبرز جمال ديالها.. و تبان فأبهى حلة...
عند ايمان و مروة نفس شي ..
اليوم الحضور غيكون من طبقة البرجوازية... خاص كلشي يكون فالمستوى..
نهار طار و جات لعشية و بقات قل من ساعة و تبدا الحفلة...
---
وصلات 8:30 ديال الليل بضبط.. وقت لإبتداء الحفلة قرب...
عند اشراق باقيين واحلين عند تورية ..
اشراق: سدي هاد الكسوة عصباتني
كوثر :اصاحبتي خلاتها مينة صدر هاداك و لا محلابات .. حمدي الله لي جات قدك..
اشراق :سربي تعطلنا بزااف
كوثر : صافي هاهيا تسدات و هاحنا كملنا دعي الله لقاو طاكسي
قدام أكبر أوطيل فكازا ... فأطيل شيراتون و من لا يعرفه.. وقفو أبهى الطوموبيلات بالمدعويين، فدخلة كانت كتوسطو زربية بالأحمر ، على الجانب الأيمن محطوطة لوحة مصنوعة من الزجاج الأسود مكتوب عليها بالأبيض ...، الذكرى العشرون لتأسيس شركة القابض ... الدخلة كلها كانت أضواء الدروج لي كيأديو للقاعة التحت حتى هوما مفرشين بسجاد الأحمر ....
كتحس براسك بحال الى أمير على البلاط ، القاعة التحت كانت بحال دار للأوبرا بالحيوط ديالها لي مصبوغين بلون الكريمي ... كيتدلى من السقف ديالها جوج تريات من الكريستال كبار هابطين ، اما سراجمها كانو كبار بحال العهد الڤيكتوري نازلين منهم رواقات فلون البوردو، ومابين كل سرجم وتاني كتوسطو ثريا صغيرة كترجع للعهد الڤيكتوري، أما الأرضية الوسطانية لي كانت بلون الأبيض كيتوسطو حرف K زادو جمالية ...
باقي الأرضية كانت خشبية ، أما طوابل لي كانو ضايرين بالقاعة مغطيهم بديناب فلون الكريمي مطروزين بأشكال من الورود، أما الكراسة لي لونهم كان بحال الألماس ، شبيهين بحذاء السندريلا تخاف تهرسهم، من فوق كل طبلة...
كتوسط كل طبلة باقة من الورود وشموع، عاد الكيسان وطباسل على عدد الأشخاص، وفكل طبسيل كاين كارت بلون الأسود وذهبي ، القاعة كانت مزينة بشجيرات عالية موضوعين فمزهريات كبار فلون الذهبي ...
قاعة الرقص كانت بحال الحلم، نازلين منها ثريات كبار من الزاج ، وأرضية كلها أضواء ، كتعطيك واحد الطاقة باش تغني وتشطح بلاما تحس، كانت مزينة كذلك بديفوتوي كتنسيك فقاعة الحضور لي كنتي فيها ...
أما البوفي كان بحال الحلم بحال المتاهة، كتسافر بيك لدرجة كتخاف تهز شيحاجة وتخصر داك الننظر الفني لي قدامك قمة الإبداع، العين كتعشق قبل الكرش، أشكال من ليتارت صغار بمختلف الفواكه ، اما الحلويات ، كل وحدة كتنسيك فثانية ترضي جميع الأدواق ، كراميل شوكولا ڤانيلا جميع الأنواع ، عاد طبلة خاص بالمقبلات ، كذلك أشكال وأنواع ، أما الأطباق الرئيسية كانت رائعة لا تقل روعة على الأصناف للأخرى...
الحفلة رائعة وهائلة علاش لا وهي حفلة شركة القابض وعائلة الشافعي المعروفة، ولي منضمينها أشهر الممولين فالبلاد، الحفلة كانت من الطراز اارفيع ولي زادها روعة ، هو الحضور الأنيق.
أول الواصلين ، كانت طوموبيل ديال معتز وياسمين لي غير نزلو وتلقات ليهم عدسات الصحفيين.... عماتهم الأضواء...
ياسمين حاضرا بكسوة فالأحمر قصير كتبين رجليها بسميطات وخوية من جنب تحت صدرها ، مع سباط عالي فدوغي وساك ديالو، طالقة شعرها ، مع ديكسيسوارات فاليدين ...
أما معتز لي كانت شادة ليه فيديه ، كان فكامل أناقتو بشوميز فالبيض مع ڤيزت فالكحل كيتدلى من جيب ديالها سنيسلات ذهبي مشدودين ببروش، مع سروال كحل ديال ثوب وسمطة فنفس اللون ...
دخلو للقاعة بإبتسامة مزيفة على الوجه مستقبلين بيها الصحافة عارفين راسهم ايبانو فالصفحة الأولى ...
تبعاتهم طوموبيل الأب محمد، لي نزل بكامل الهيبة ديالو بكوستار فالݣري ونضارات ديال الشوف واخا الشيب خلل شعرو ولحية ديالو كسبان فكامل الأناقة ديالو، خدا إيد كنزة مراتو وباسها، شي لي خلاها تبتاسم بكل غرور قدام الصحافة ، بكسوتها لي كانت فالكحل ، كتبين فورمتها لي واخا كبر سنها مزال محتافظة برشاقتها وجمالها ، كوليي فالفضي مزين عنقها، مع ساك فالكحل مع السباط العالي لي لابسة ...
دخلو بكل غرور ونظمو لولدهم ، بداو الموظفين كيوصلو ، وأولهم إيمان ، لي وصلات طالقة شعرها الاصفر والإبتسلمة على وجها ، لابسة كسوة فلون الفيروزي ديال الموبرا، كتبين فورمتها والكريشة ديالها ، فوق منها مونطو فالݣري، وساك فالفضي مع صباط فنفس اللون ، دخلات خلات المونطو فالاستقبال عاد كملات طريقها ..
- طوموبيل لي وصلات وكانت محط أنظار الكل كيتهاتف عليها الكبير وصغير فصحافة كولشي باغي يصور،
غير وصلات طوموبيلت عصام ، نزل بكل أناقة لابس سروال فالكحل قصير من الرجلين مستيلي مع صباط فالكحل إيطالي الصنع ، مع شوميز فالبيض معلي الكمام ديالها، كتبين على الوشام لي داير فيديه، وݣرافاط فلزن الاسود، بالإضافة لنظارات فالاورونج، لحية مثففة ومقادة لا هي لا شعرو، نظم ليها نجم الصحافة الأول،...هبطات مروة مور محلها عصام الباب شد بيدها و نزلات كتمختر بكسوة قصيرة فالكحل يديها شبكة مع اكسيسوارات فلكحل و صباط كحل ..و ميك اب هادئ برز الجمال ديالها...
غير دخلو .. وقفات سيارة أديب لي هجمو عليه الصحافة ... نازل مخنزر محاملش هاد الأجزاء..
أذيب لي كان كيخطف الابصار لا من الصحافة او المدعوين لي كانو رجليهم طالعين فدروج وعينيهم عليه، فأبهى حلوة من تصفيفة ديال الشعر لتخنزيرة لي على وجهو، للكوستار لي لابس إيطالية الصنع، فلون الأسود مع موشوار خارج من جيبو مخطط ، صباط فلون الأسود فيها طرزة صغيرة من الجنب، واخر إكسيسوار هو ساعة ذهبية سويسرية الصنع،
نزل وحل الباب لهناء لي مكتقلش أناقة عليه لابسة كسوة جاتها عبار مع لاطاي ديالها... كتافات بميكاب خفيف .. و اكسيسوارات سامبل
ماتسوقش للصحافة والإضاءة ولا حتى الأسئلة ديالهم تفاداهم .. شدات فيدو و دخلو ....
من بعدما كمل الحضور تقريبا .. بقات ناقصا غير اشراق و كوثر لي تعطلو ...
، جا الوقت باش الاب محمد يلقي الكلمة ديالو...
طلع على درج وقف قدام الميكرو بكل هيبة وفخر، علاش لا وهو بجهدو وتعبو وصل لفين كاين دابا ، عينيه كانو كلهم تفاخر وهو كيشوف فالحضور وفالوفد الألماني لي جا لهاد الإفتتاحية وكان عندو إيد باش شركة القابض تنجح وتطلع ، تاقو فقدراتو وأمنو بيه وكانو معاه وكونما هوما مايكونش واقف هنا ...
شرفني الحضور ديالكم، اليوم حنا هنا كنحتفلو بمرور 20 سنة على تأسيس شركة القابض ، الشركة لي بدات بمدير واحد وجوج ديال الموظفين ، ودابا ولات كظم أحسن الموظفين والعملاء، كيفما الكل كيعرف بلي الشركة ديالنا ، عقدت شراكة مع شركة ، AutoBahn Mercedes ، المسؤولة على تصدير و تجميع قطع سيارات مرسيدس الفخمة اللي غنية عن التعريف، كنبغي منكم تصفيق حار للوفد الألماني الشريك الأساسي لشركة القابض، (كولشي كيصفق وااشركاء عاجبهم الحال بزااف حيت كبر بيهوم... كيردو على تفيق بإماءة من راسهم ...)
بعملاءنا وبالموظفين ديالنا ، مكانتش غتكون هاد الشركة ، ومزال بقدراتكم وقوتكم غنستمرو ونزيدو للقدام ، ويعلى إسم القابض اكثر و اكثر (أشر بيديه علامة النصر والقوة) ...
- تسمع صوت التصفاق فالقاعة ...
محمد : ودابا ممكن نكوليكم أستمتعو بالحفلة وشكرا للحضوركم ..
لداخل الكل لابس و مقاد الحالة..... سرباية كيتحركو هنا و هنا فحال الريش النعام و فعلا تم اختيارهم فحال اختيار ملوك و ملكات الجمال.... كانو معايير محددة.... الوزن و الطول و اللون و حتا الشكل تاعهم كان لازم يكون كلشي متناسق......
لسيغفوغ دراري كانو بلباس رسمي خاص عبارة على جيليات سوداء مكتوب فيهوم حرف k لي كيرمز ل ( القابض kabid )و سروال توب .. اما بنات كانو بميني جيب و قميجة بيضا و جيلي كرونة عليها نفس رمز...
كانو كيتحركو بكل انسيابية و سلاسة.... لما لا؟ و هوما حتا قبل ما يبدأ الحفل عملو بروفا و كانو حفل موسيقي....!! ممنوع الغلط كلشي خاص يكون متالي..
فداخل القاعة كانو الحضور من شركات المنافسين.... و حتا لموظفين و الصحافة المغربية و الاوروبية بحكم وجود وفد الماني سويسري اللي معاه كيتعاملو مرسيدس......
--
عند اشراق غير حطهوم طاكسي.. طلعو مع دريجات.. وقفات كترد نفس ...
مع دخلو طلقات سمفونية موزارت (symphony No. 40) ...
كلشي كشوف فيهم و كلشي حاضيهم خصوصا اشراق لي عاطية العين بلاطاي ديالها و خصوصا بالكسوة لي زادت بيناتها......
بقاو واقفين الوسط كتقلب اشراق بعينيها على ايمان و الناس لي كتعرف و جاع الرجال حلفو لا هبطو عينيهم...ثواني حتى لمحات ايمان كتشير ليها و توجهو لعندها
كيشوف فيها من بعيد بإعجاب و لكن فنفس الوقت محمالش بنادم هكا ابقا اشوف فيها .. مينكرش جات زوينة بزاف..
كانت لابسة غوب هابطة من الكتاف و مزيرة على صدرها و جايا مع لاطاي ديالها لاصقة من التحت....مع طالون فالاسود و سنسلو مزينة عنقها و براسلي فايديها و شعرها خلاتو مطلوق مع مايك اب تقيل.. برز الجمال. يالها
اما كوثر فكانت لابسا كسوة قصيرة الاحمر عازلة لا طاي ديالها و مبينة تفاصيل جسمها و شعرها جامعاه كو د شوفال..
وصلو لعند ايمان و تسالمو :تعطلتو و فلتو الكلمة الافتتاحية... فين بقيتو
اشراق: بزز باش لقيتا طاكسي و وجدنا معطلين شوية هدشي علاش..المهم جينا دبا
عصام :كون عيطتيلي كون جيت موراكوم
ايمان كضحك: هايهاي كنتي باغي دخل و معاك 3 دلبنات.. حريم سلطان يا سيدي
اشراق لي المشهد داز قدام عينيها .. محملاتش طريقة باش كيدوي مع ديك ختنا لي معرفاتهاش شكون .. يلاه ضارت تسول ايمان و هيا تشوف سيف جاي مقصد عندهوم ..
سيف غادي لعندهم كيضحك و اول ما وصل لعندهم هبط سلم على اشراق بلا بيز و موراها سلم على لي بقا بايديه
ناضت ايمان مور مطلبات من رجلها ينوضو يشطحو حتا هوما
فجهة اخرى كان واقف بعيد شوية كيشطح مع ختو....حاط ايدو على خسرها و كشوفو فالناس و كدويو و عينيه فقط عليها هي..
هناء: من قبايلة و نت تشوف فيها...ملي دخلات و عينك عليها... ياكما خويا طايح و مفراسيش
أديب: خوي بالك...مكاين والو
هناء: زعما زعما
أديب: واه هضرنا
هناء هزات كتافها و قالت وخا
بقا أديب كيشوف فسيف كيضحك معاها و يقيس فشعرها ... مفاهمش علاش محاملش لبلان و هوا ممحقوش يهضر ولا قادر يمشي لعندهم
عند اشراق ..
بقات كدوي و ضحك مع سيف .. كتعاودلها مغامراتو لي فاتو.. حيت كان مسافر... فوج عليها بمعنى الكلمة.. حيت حسات بواحد الملل خطير .. كانت كتوقع الحفلة غدوز ناشطة.. ساعا كيبالها نص شاد قنت باين موضوع لي جمعهوم صفقات و المشارع... و نص لاخور كيشطحو مستمتعين بالاجواء... خرجها من سهوة ديالها.. طلب سيف باش تنضم ليه لحلبة الرقص....
ناضت معاه كتمختر غافلة على العينين لي حاضينها...
بقاو لي كوبل كيشطحو غاديين مع ريتم الاغنية...
اشراق لي داخلة غا صنطيحة.. تابعا سيف فحركاتو.. كتخليه يحركها كيف بغا... وصل وقت لي خاص لي كوبل يتبادلو بيناتهوم...
تبادل عصام و سيف .. شي لي خلى عصام يولي يشطح مع إشراق...
عصام(كيضحك) : هد الليلة مكاينة القوقة على ختها شبعت تيتيز
اشراق : وا باز عمرك توب... ودير عقلك
عصام: شكون اتوب على الحلاوة.. مكرهتش نبقا كل ليلة وسط هد الفريز و نكون ماشي غير طوب. بقا فيا غير أديب غيتحرم منها مسكين
اشراق (تصدمات و مبيناتش ) : كيفاش واش غيمشي فاكونص
عصام : على مفراسكش راه غيتحول لتما..
يلاه جات تدوي و هوما يتقالبو تاني .. هاد المرة مع دارت تخبطات فصدرو شي لي خلاها ترجف بين يديه.. كتحاول تأكد واش بصح هيا بين يديه ...
بقا كيشوف فيها ساهي فعينيها.... طول مدة الرقص و هوما ساكتين لغة الأعين بوحدها لي خدامة..حتى حد فيهوم مدوى... شي كيشوف فشي... حتا سلات الاغنية و سهاو و بقاو باقين فوضعية الرقص..متوكضو حتا تشعل الضو
رجعو كاملين لبلاصتهوم ... كملو سهرة مرة يشطحو..مرة يهضرو.. مرة يضحكو... بقاو هكاك حتى قربات 12 ... الاغلبية بداو كيمشيو... بقاو غير لي خدامين فشركة و بعض من الوفد.. الاغلبية شباب لي بقاو...
هناء(بغنج) : أديييب حبيبي قلتيلي عندك ليلي شي مفاجأة ووريهالي.. راه مبقيتش قادة نصبر
أديب دار اشارة لعصام لي فهمو و ناض سبقو...
أديب(باس يدها) : كنتمنى تعجب ..
مع وصل أديب عند عصام ... تنقصات الإضاءة و توجهات لمنصة... شي لي خلا كاع الحضور يدورو يشوفو شنو غيوقع...
مع تشعل ضو بأن أديب كالس فوق كرسي حداه ميكخو شي لي خلى هناااء تغوت بلفرحة...
كلشي ناض وقف دارو بلاسين... كيتسناوه يبدا ..
عند اشراق مستغربة كيفاش واحد ملاكم بنفس شخصيتو غيكون كيغني و صوتو زوين ..
نغزات ايمان لي كانت واقفا حداها
اشراق : واش خونا متعدد المواهب و لا كيفاش
ايمان : صوتو كيحمق .. مكيبغيش يغني .. آخر مرة كنت سمعتو غنا من يامات كنا كنقراو جميع ...
اشراق :و مالو ناض يغني. دابا
ايمان: راه لقضية فيها هناء بسيف راه كيحماق عليها... سكتي غيبدا...
أديب : آآه آآه لي كميتو ليلي وساني وماهناني يا دنيا يا دنيا هااا ومانسيت فراق وخياني والوحش كلاني وغير فانية هاا الدنيا لي كميتو ليلي وساني وماهناني يا دنيا ...
(كيغني و يشوف فإشراق كأنو الكلمات موجهين ليها ..)
ويا دنيااا ها
ومانسيت فراق وخياني والوحش كلاني وغير فانيا ها الدنيا نعيشو الخير بعشرة ماضينا علاش التخمام غير بالود ونيبان عيشنا الضيق هادو أصول هكا تربيناا نخزر لسمايا ونجومي رشمة خوان وما نسينا محبة المالي
عشيري وعرفي وعلابالي
وكاينة حكايات فالراس يا نااااس كان لميمة تحس بحالي قدرك عالي بابا الغالي وليدك هاني ولاباس لاباس
دنيا يا دنيا هااا ومانسيت فراق وخياني والوحش كلاني وغير فانية هاا الدنيا خلوني فحالي وقلبي الزوالي مخبي ناس ماتصفاش وحباري لي لي شريتو بالغالي حسيبو العالي مايسواشي نكملها بحلالي جنب عيالي والخيوة لي مشات خلات في قلوبنا مارة نتوما راس مالي يا لمالي جرة محنة وفات الفلوس وبقات المرارة نكملها بخلالي بجنب عيالي والخيوة لي مشات خلات في قلوبنا مارة نتوما راس مالي يا لمالي ولي شريتوه بالغالي خرشي ومايسواش لي كميتو ليلي وساني وماهناني يا دنيا يا دنيا هااا
صوتو خلى كلشي لي تما يستمتع و يركز معاه.. عندو باحة خطيرة.. كتسلب القلوب
عند اشراق كل كلمة غناها حساتها رسالة ليها.. كتلخص كاع ديكشي لي كيحس بيه.. ضرها خاطرها كتر ... قررات قرار و مغترجع.. مكيهمهاش نتائج.. اللهم تندم حيت غديرو و لا تندم حيت مدارتوش
سالا أديب لغنا ... كلشي بدا كيصفق معجبين ب صوتو و البحة الخطيرة لي عندو ...
مع ناض من الكرسي دخلو لي سيغفوغ جارين طاغط كبيرة مكتوب عليها عيد ميلاد سعيد هناء.. شي لي خلا هناء غطير بالفرحة حيت توقعاتهوم غيكونو نساو و تلهاو مع الحفل.. مضناتهومش غيفكرو فعيد ميلادها
تجمعو كاملين باركو لهناء و تمناولها سنة سعيدة...
طلقات اغنية حماسية حيت اغلب الحضور لي بقا غير المقربين... ناضو كاملين كيشطحو و ينشطو...
---
عند أديب واقف مع عصام.. كيتفادا يشوف فإشراق لي واقفا مع كوثر و سيف.. ضحك ديالهوم كيتسمع من بعيد.. كيستغرب علاش عمرهوم هضرو و لا ضحكو معا بعضياتهوم بحال هكا لهاد درجة هوما مختالفين... ميقدروش يكملو ساعة بلا ميتخاصمو و يتناكرو...
تنهد كيفكر بلي احسن حاجا دار هيا غيبعد .. يمشي يبني مستقبلو حيت إلى بقا هنا مغيطلعليه والو...
بقا مراقب اشراق من بعيد بلاما يعيق و غير كيشوف كيفاش سيف منساجم معاها... الاعصاب كيركبوه...محاملش المنظر بمرة و لكن غير مصبر راسو باش ميديرش شي فضيحة هد الليلة.... اصلن ماشي من حقو ميعجبوش الحال.. هيا حرة فحياتها دير مبغات... لكن حركات سيف جننوه.. بالاخص فاش كيجبدليها حناكها و يعنكش ليها شعرها...
رخف الكرافاط ديالو شوية باش اتنفس، كيحس براسو تزير... مبقاش باغي يبقا حداهوم....استأذن من هناء و خرج.. تحرك طالع لفوق...
اشراق من جهة اخرى كتشوف فيه بنص عين... كيفاش كيدوي مع هناء .. و كيبوسها... كتحاول تداعي لا مبالاة....كتمثل البرود و لكن من الداخل ديالها العافية شاعلة فيها ..
كتحس براسها مضغوطة وسط الناس و مخنوقة...باغا فهد اللحظة غير تبعد..محاملة حتا حاجة...فالاول كانت متحمسة للحفلة بزاف و لكن دبا كلشي تلاشى خصوصا فاش شافتو مني دخل و هو مع هناء و مفرقهاش و كيبانو متفاهمين و هو كيصرف معاها كأنو مكيعرفهاش..
زادت محملاتش بلان انو درعاتو قدام كلشي ... وعاد باينا كلشي كيعرفها... كانت كتسنا غير فرصة باش تستفرد بإيمان و تسولها ساعة مصلاحلهاش...و هادشي لي زاد عصبها كتر بالأخص كلها فين تشغل..باقت واقفا بوحدها... حتا من سيف عيطليه صاحبو و عتادر منها و مشا لعندو...
اشراق غير شافت أديب خرج مقدراتش تزيد مزال تصبر...فكرة وحدة فبالها علاش غيسافر... خاصها تفهم بلان السفر.. و فين غيمشي .. وواش بسباب ديكشي لي وقع بيناتهوم.. حيت مبغاتش تكون هيا سبب باش يخوي لبلاد ...
خرجات من القاعة و توجهات نيشان لجهة الدروج ...غير غادا و صافي .. كتبع طريق لي بالها مشا منها
فجيها خرى كانو واحد العينين مراقبينهوم..
حاضين كل خطوة كديرو...متببعينهوم و كتسناو الفرصة المناسبة ... غير بالهوم أديب خرج و تحركات موراه عرفو القضية فيها شي حاجة..
عند اشراق وصلات للفوق و بقات غادا مع الرواق حتا وصلات لواحد الباب زجاجي ..
بان ليها واقف عاطي بظهرو....خاشي يديه فجيابو و كيشوف قدامو ساهي ....بلعات ريقها و تمشات لجهتو...
خطوة القدام و خطوة للور.... مترددة تمشي ....باغا دوي معاه مي معارفاش شنو غتقول و كيفاش غيتعامل معاها ... و علاش اصلن غدوي معاه... إلى كانت هيا طلبات منو يبعد و ميقربش منها.. علاش دابا هيا تبعاه ... تنهدات كتقوي راسها باش متراجعش ...
وصلات للباب و مدات ايديها للبواني حلاتو بشوية...
سمع الباب تحل و ضار و لقاها هي ... مينكرش بلي استغرب حيت تبعاتو ... لكن دار بحالا مشافهاش و رجع كشوف قدامو ..
تمشات حتا وصلات حداه... وقفات جنبو .. مدة و هوما ساكتين بزوج و صوت انفاسهم لي كتسمع و دقات قلبهم....مدة و كل واحد فيهم كيحارب أفكارو و قلبو... شنو غيقولو لا هيا قادرة دوي لا هوا قادر يسولها علاش جات و تبعاتو..
خسر عليها جوج حروف ... جوج حروف لي شعلو فقلبها العافية.. جوج حروف لي خلاو بلا شعور
الدموع فعينيها يتجمعو..
بلا شعور و بصوت منغنغ سولاتو : علاش غتمشي؟؟ واش بسبابي ؟
أديب محافظ على هدوء و ببرودة كيدوي عكس الحرب لي فداخل ديالو : حيت خاص نمشي... ( ضار شاف فيها و قال) علاش كتسولي.. و شنو دخلك نتي..
إشراق بتوتر: غير سولت و صافي .. تقدر تقول فضول.. خفت إلى نكون انا ..
قاطعها أديب(برود) : غير تهناي معندك دخل..
إشراق:علاش كتعاملني هكا؟؟
أديب: عادي هادشي لي خاص يكون
أديب بدا كيجهلها بطريقة هضرتو الباردة ..كتحس بيها كيقتلها بهاد المعاملة...ولفاتو كيناقش معاها و يدي و يجيب.. عمرو ختاصر فاجوبتو .. بلعكس كان ديما كيبغي يناقش و هيا لي كترفض.. دابا تقلبات الآية...
بدات كتفقد السيطرة على راسها فهد اللحظة...زيرات على ايديها بكل جهدها حتا دخلو ضفارها فيدها... العافيا شاعلة فيها... تجمع عليها كلشي .. غيرتها من هناء و معاملتو ليها ببرود ..
محسات براسها حتى نطقات هد المرة ببرود : ما تمشيش
أديب: السبب؟؟
بقات اشراق كدور فعينيها...شنو تقول ليه؟؟ شنو هو السبب؟؟ واش حيت ضميرها كيأنبها.. مي شنو العلاقة ...واش غير باغاه ابقا هنا؟؟ واش غير مباغاهش ابعد و تبقا علاقتهم مزيانة و متخسرش معاه .واش واش....بزاف الاسئلة مي معندها جواب.. بقات مبلوكية معرفاش شنو تجاوب اصلن كان سؤال غبي منها..
سكوتها خلاه اضحك بالفقصة و على عقلو لي دايرو فيها...يلاه جا يخرج يمشي بحالو.. عاد عاقت بلي خلاتو بلاكة و مجوباتوش
شداتو اشراق من كتفو يلاه جات تدوي قاطعها..
أديب: تعطلتي بزاف..مبقا ميتقال دابا .. قراري خديتو.. و معندك دخل فيه ...
اه و قبل منسا حشومة خليتي هداك لي من صباح و هو يضحكك بوحدو ايكون كيتسنا فيك..
أديب(بفقصة): على الأقل محتارمة راسها... ماشي لي جات كتحل ليه.. مرة يجبدلها حناكها مرة يعنكش شعرها.. سيري راجعي راسك هو اللول و ديري لراسك قيمة و نتي غير لي كتوقفي حداه كتحليليه ...
استفزاز مور استفزاز كلمة مور كلمة...كلهم كضربو قلبها نيشان...واش لهد درجة كتبان رخيصة و لي جا ممكن تكون معاه...
إشراق: مباغاش نضارب معاك و مباغاش نخسرها معاك و خصوصا انو اخر مرة انشوفك.. مجيتش باش ندابزو.. جيت غير نهضرو كي ناس ساعة باليا انا وياك عمرنا نكونو بحال ناس العاديين.. عمرك فلتي شي فرصة مهنتينيش فيها.. مزال غتندم أأديب ..
قرب ليها أديب كثر حتا مبقا كفصلهم والو...شاف فعينيها و قال
أديب: منحتاجش نزيد نعرفك كثر اي واحد شافك فديك الوضع غيقول نفس شي ..
زادت قربات كتر : حتا نتا اي واحد شافك فديك الوضع غيفهم كلشي..
أديب(دايب فعينيها): كنبقا راجل
اشراق(عينيها فعينيه ) : كتبقى كدبتي عليا..
أديب : مكدبتش عليك
اشراق : و شنو نفسر شنو شفت
مد ايدو لخصرها و قربها ليه حتا تلاصقو بجوج
مد ايدو لشعرها دوزو لجنب واحد...حط اطراف أصابعو على عنقها كدوز بيهم على طول عنقها..التبوريشة طلعات معاها و كتحس براسها بدات كتفشل وسط إيدو.. كتسنا جوابو..
.الطاقة لي تخليها تعاود تسول مكايناش...و هي اصلا خايفة من الجواب ..
بالاخص انو هدا آخر لقاء ليهم ممكن عمرها تعاود تشوفو من بعد....تمنات تبقى ليهوم ذكرى ليهم زوينة...تحفر فعقلها.. تمحي كاع الكلام الجارح و كاع لي طرا.. بغات ذكرى تخليها تفكرو و تحس بالحنين ..
عند أديب لي غارق فيها كيستنشق ريحتها لي ديما كترفعو العالم اخر.. قرر يرحم فضولها و يشفي غليلها ميزيدش يعدبها كتر..
أديب قرب من ودنها و دوى بصوت مهموس: ختي ... لي شفتيني معاها ختي هديك..
اشراق كلمات ختي بدات كتعودليها فدماغها كيفاش حتا مشات ليها من بالها و ملاقاتش الاحداث ...
مبقات عرفات كتقول... كيشوف فيها بطريقة دوباتها.. وجهو قريب منها لدرجة كتنفس من أنفاسو... غير كتفكر انو هادي آخر مرة غتشوفو كتحس بقلبها كيضرها... تشجعات هاد المرة و بكل وعي منها و برضاها قربات منو كتر..
تشجعات هاد المرة و بكل وعي منها و برضاها قربات منو كتر .. حلفات هاد المرة حتا تخلي ذكرى زوينة ليهوم... محسات حتى غرقات فيه و فتفاصيلو... قبلة لي بيها عبرات على كاع الفوضى لي كتحس بيها.. قبلة خلاتها تغمض عينيها منتاشية بيها... كانت قبلة فرنسية هادئة كتعب على مشاعر ديالهوم بجوج..
مشاعر لي تولدو و مقدروش يعتارفو بيها.. مشاعر مبهمة مقدرينش يصرحو بيها.. حيت هوما بجوج مفاهمينش باش حاسين.. مقدرينش يتقبلوها..
أديب تفاجأ من تصرفها متوقعهاش غتبوسو بالأخص مور ديكشي لي طرا ... من طريقتها فالتقبيل واضح انو مكتعرفش.. كانت غير كتحاول تسايرو.. شي لي خلاه يتفنن فتقبيل ديالها.. كانت قبلة من نوع خاص .. عندها مكانة خاصة .. كانت قبلة بريئة بعيدة عن الشهوة.. قبلة لي حاكمينها المشاعر و الاحاسيس...
احيانا مكنقدروش نعبرو على الحب او الاعجاب بالكلمات.. ولو تجمعو كلمات العالم مغيوفيوش حق ديكشي باش كنحسو.. اي شخص فينا كيبغي يحب و يتحب.. كيبغي جرب ديك الاحساس الغريب لي كيدخل حياتنا و كيسيطر على تفكيرنا... كيبغي يخلينا ساهيين غارقين فعالم تاني.. عالم كتحكمو الاحاسيس.. كتسيطر عليه المشاعر...
فصل أديب القبلة ... بقا حاط راسو إلى راسها...
اشراق (برقة) : متمشيش ..
أديب: فات الفوت.. خاص نمشي ..
اشراق : مغنرجعوش نطلاقاو
أديب: قصتنا سلات... تحرقات بحال رماد..
اشراق : قصتنا مبداتش باش تسالي ..
بعد أديب عليها شوية.. علا ليها راسها... لقا وجها حمر.. و دموع فعينيها ...
أديب باس راسها و دوز يدو بحنية على حنكها : تهلاي فراسك...
أديب (جا شد فيها ) : دوي بشوية و بلا أعصاب واخا... (شاف فعصام ) ارى ديك الكرسي حداك... (جر هناء من يدها) اجي كلسي هنا
هناء (دفعات الكرسي) : منكلسش أأديب.. ماشي وقت لكلاس.. شرحلي كيفاش غتخوي لبلاد.. عاد نرجعو لكيفاش مغتمشيش لرحلة..
أديب : هناء غنمشي لسبانيا... سنيت عقد تما.. غنضم لفريق خور ديال ملاكمة تابع ليلهوم.. و بعد غدا عندي لفول... دونك هادشي علاش مغنقدرش نشارك فالرحلة
هناء (ممتيقاش شنو كتسمع) : كيييييييفاااااااااش ... و إيمتتتتتتتى و علاش انااااا مفراسيش.. علاش انا اخر من يعلم.. امتى كنتي عواااال تقولهالي... من إيمتى و لينا كنخبيو على بعضياتنا... (دفعاتو عليها ) شكراااا بزاف اسي أديب كاضو معتبر عطيتيني
أديب(محاملش الوضع بالأخص كلشي واقف كيتفرج ) : هناء راه كنت اليوم غنقولهاليك... غير ملقيتش الوقت المناسب ... و مبغيتش نعلمك قبل على ود هاد الحالة بضبط كبغيتكش ضغطي عليا و تخليني نتراجع.. راه مستقبلي هادا
هناء :هيا دابا أنااا وليت كنوقف فطريقك.. حيت بغيتلك الخير و مبغيتكش تغرب و تبعد على عائلتك و ليت كنضغط عليك
عصام تدخل مور مشاف هناء سخطات و أديب مقادرش يزيد يشرح و لا يعبر...
عصام زاد لحداهوم: هناء خليه يدير مستقبلو.. إلى بقا هنا مغيحققش أحلامو
هناء (بكاء ): واش انا مغنبغيش الخويا الخير ..
ملكوم مبغيتوش تفهموني.. انا راه أ أديب مبقاش فيا الحال حيت بغيتي تمشي تبني مستقبلك بعيد علينا.. راه انا لي حرقني ماجيتيش شاورتيني و لا حتى علمتيني..
أديب(مشا كيمسح دموعها .. كيحاول ياخد بخاطرها) : على هدشي بضبط مبغيتكش تعرفي قبل حيت غتبكي و دموعك غالين.. مبغيتش شي حاجة لي تخليني نتراجع.. مبغيتش نشوف هاد رد الفعل هادي .. راه مغنبعدش غير حداك غنكون.. و فأي وقت ممكن نتشاوفو (باس على راسها و جا غادي )
معتز : إلى ساليتو المسرحية الدرامية ديالكوم.. خليونا ندويو فالمفيد
أديب: ها هو بدا تاني
عصام : غا ميك تلقاه غيطرطق خطفتيليه الاضواء ...
معتز : فلي كاغط غتلقاو كاع برنامج الرحلة.. غتكون الوجة بين الويدان ... ختاريها بضبط حيت كالم و فيها مناضر طبيعية.. غيكونو بزاف ديال لي زاكتيفيطي.. حاولو تستاغلو هاد دو جوغ باش نهار نرجعو مكاين غير الخدمة...
اه قبل منسا.. فالرحلة حنا صحاب نضحكو و نهضرو و كلشي لكن كنأكد مجرد منرجعو كلها يعرف بلاصتو..
هناء : (كضحك كتحاول تخفف توتر لي وقع بهضرتو) : خويا خلعتيهوم.. غيهربو كاع .. يسدقو مجاينش غدا...
مهم الرحلة كيفما قال معتز جات باش تخفف الضغط لي كان فهاد الايام.. غتستاغلوها باش ترتاحو.. غدا مع 6 دصباح كلشي يكون حدا شركة غتكون الوجهة ديالنا هي بين الويدان
سيف : هناء خليلي لي انفو باش لحق عليكوم نستاغل الفرصة نحيد سطخيس دلخدمة..
هناء : مدام درنا ايكسيبسو هاد المرة و غنتمشي معانا كوثر تقدر تمشي حتا نتا معانا
سيف : لا ميحتاجش غير عطيني انا نتبعكوم ..
عصام (تحرك لحداه) : اغير يلاه مغنديوش طوموبيلات طريق شويا خايبة نمشيو فالطخونصبوغ دشركة.. و نيت (شير الايمان )تمشي الأخت تولد لينا تما بعدا تكون حاضر
معتز (بجدية ):ايمان كنضن خاصك ترتاحي واش ماشي خطر عليك سفر من الأحسن متمشيش..
ايمان (حسات بالحكرة بالأخص الهرمونات لاعبين عليها ) : علاش (دموع تجمعو) راه ممكن نسافر باقي شويا على وقت لولادة و غير يوماين مدات مجابت...
نزل أديب محاملش يمشي لكن مبغاش يخصر الخاطر لختو.. و نيت يستغل هاد الايام فشوفتها..
نزل معتز و ياسمين معاهوم طرف تالت لي خلى كلشي يتسائل شكون هادا لي معاهوم
كوثر (صفرات ) : زين اخوتي دبت دبت
اشراق نغزاتها: لقوة
ايمان : علاش مكانوش كيبانو هاد الفواكه قبل منتزوج ...
مروة : دوقكوم عيان ..
عصام :اووووه شوف شكون هنا (تسالمو)عاش من شافك اسي اركان.. فين غبرتي
اركان :غير مع شركة و صافي .. هاني جيت دابا ...
أديب: مرحبا درتيها مزيانة نيت نتجمعو بحال ايام زمان ..
معتز (شاف فلبنات) : فينها هناء راه قريبة 6ونص بحرا نوصلو
ايمان :هاهيا وصلات
غير حبسات طموبيل نزلات هناء طايرا من الفرحة ..
هناء : صباااح الانوووواااااار ... أديييييب جبت معاي واحد المفاجأة (تحلات الباب من جيها لخرى و بانو رجلين بنت نازلة )
هناء :تييييييراااااااراااااا رحبو معاي بأروى
أديب(تحلو عينيه بصدمة .. متوقعش غيعاود يشوفها )
خرجات اروى كتمختر غير وقفات و قشعات اديب طااارت لعندو معنقااااه
اروى : بيييييبو توحشتك انااااا .. صا في لونطو متشاوفنا
عند اشراق و البنات غير شافوها نزلات بداو كيسكانيوها من رجليها حتا لراسها ... فين تلاحت على اديب حلو عينيهوم فيها ...
كوثر :اويلي دريا داخلا سخونة
مروة : و الله مكدبتي
ايمان :كتشوف غير ديك طالون كيفاش قدرات تجري بيه
اشراق مدوات متكلمات كتشوف فيها كيفاش معلقة فيه و هوا باين عليه فرحان بيها .. كيدوز يدو على ضهرها ...
اشراق : ختو هاديك ياك
ايمان :منيتك طانزا على الوقت..
معتز : اروى على سلامتك و مرحبا بيك
هناء :عرفتو بسيف باش بغات تجي غير سمعات أديب كاين عاد وفقات...
كوثر :هكاوا على سيدة ...
ياسمين (مكتحملهاش ) : اووو عاد عرفتك تبدلتي بزاااف..
مداتهاش فيها اروى كاع..
اروى دارت شافت فلبنات لي مبلوكيين فيها ...
اروى : هناء مغتعرفينيش عليهوم..
هناء : هادي اروى صديقة طفولة ديالنا .. و هادا اركان صاحب شركة و صديق معتز ..
ايمان : لعجب عمري شفتها ..
مروة: ماشي ضروري تكوني كتعرفيها..
كوثر :انا عيني غير فتيتيز
معتز : إلى ساليتو ركن تعارف دوزو نتحركو..
سيف : شفتكوم جبتو طموبيلات واش غتمشيو فيهوم..
أديب:انا غندي طموبيلتي حيت غيخصني رجع قبل على ود الفول ...
هناء : انا لا غنمشي محيحا مع لبنات
عصام : انا منقدرش نسمح فتيتيز
معتز : انا و اركان غنمشيو فطموبيلتي
اروى (شدات فدراع أديب ) :انا نونس الحب بيبو
اشراق (قردة بدات كطلعلها كتشوف فأديب غتاكلو ) : إلى قتلت شي حد متلومونيش
تحركو لبنات .. خنزرات اشراق فأديب و دازت...
طول طريق و لبنات كيضحكو و ينشطو خالقين الجو بيناتهوم.. مع عصام لي كل مرة شاد فوحدة...
محسوش كاع بطريق غادييين ناشطين..
غير وصلو كان شمش مطنطنا.. لكن المنضر أكثر من رائع جنة فوق الأرض
كوثر (صفرات) : كون قالولي مزال نعيش و نجي لهاد لبلايص كاع منتيق...
اشراق (بافتخار ) :ايوا شكريني كون ما انا كاع متجي
كوثر (قلزاتلها) : زعما نتي كنتي ضامنة راسك تجي ..
ايمان: هادشي زوين .. كنت كنسمعهوم كيشكروها و عمري توقعتها بهاد الجمالية ..
مروة :بلادنا زوينة خاص غير نكتاشفوها....
وصلو قدام لوبيرج و كانو واقفين قدام باب كبير من الياجور بالقواس....كانو واقفين بعض الموظفين تما كيتسناو فيهم...رحبو بيهم و دخلو طلعو فدريجات قلال و لقاو قدامهم عاد باب حجري من الجناب و الوسط كان كلو زاج
حلو ليهم الباب و مع الدخلة اول حاجة كاتبان بيسين كبيير قدامك و فالجنب صور كبير داير على لوبيرج كلو عليه الورد و الربيع و بعض الشجيرات .. كاينين تما دي طابل صغار و كراسا ديال دو بيغسون ..
اما فالجنب الليمن كاين المبنى ديال لوبيرج لي كاين فاللون غوج بريك و عليه سراجم كباار ديال الزاج و عاد لي بالكو ..
وجهوهم الموظفين و دخلو الداخل فين كاينة الغيسيبسيو
تما عالم اخر لداخل...الارضية من الرخام و كتبري و السقف من الخشب هابطة منو ثرية كبيرة مضوية المكان كلو...و تحتها مباشرة طبلة صغيرة و فالجنب كاين البيرو .. قدامو كاينة صالة كبيرة فيها لي فوطاي و تلفازة كبيرة .. كلشي كان مقاد على حقو و طريقو ..
رحبو بيهم و عطاوهوم سوارت...
البنات كل جوج خداو بيت
اشراق و كوثر خداو بيت ..
هناء و اروى ... مروة و ايمان ...
بالنسبة لدراري
ياسمين و معتز
سيف و عصام بحدهوم لي شركو لبيت اما لباقي كلها و بيتو...
تفرقو يرتاحو و يستفو حوايجهوم.. و دارو باش يتلاقو يتغداو مجموعين...
----
عند اشراق
اشراق : بغيت غير نعرف ديك خيتي شكون هيا .. اويلي طارت عليه حدانا
غنتغداو و نتقسمو لدي كغوب غيكونو مسابقات.. غنبداو بسباق القوارب و التجديف... موراها كاين التزحلق على الماء و الدراجات المائية...
ابخي نديرو بخوموناد نشوفو الطبيعة و نمشيو الشلال.. تما كاينا مسابقة دلي كاخط كل كروب غيخسو يلقا بريات لي فيهوم ادلة على مكان الكنز... غتلقاو تما هدية رمزية ..
اروى : واااو انا متحمسة... هناء ديريني مع بيبو ديالي...
هناء : نووو ما شيغي .. غنديرو القرعة.. نختارو دري و شكون البنت لي معاه.. بالنسبة لايمان.. هاد لي زاكتيفيطي صعيبة عليك مديريهاش
ايمان :اه متخافيش.. انا نصوركوم و صاف..
بون ها الغدا وجد نوضو ناكلو و نكملو من بعد
كلشي ناض لبلاصة الماكلة.. كانت طبلة منوعة و مشكلة من طواجن و شوا و دي سالاد...
كلشي كلا و شكر الماكلة... لي كانت لديدة و بيو...
غير سلاو رجعو لجيهت لفوطوي ... جابت هناء وريقات صغار مطوييين كانو مقسومين على جوج كان فيهوم ارقام مدوبلين... عطات لدراري كلها هز وراقة.. و البنات نفس شي ...
عصام : جا فيا رقم 3 شكون فيكوم معاي ...
اروى : حتا انا رقم 3 ..
اركان : انا 2..
مروة : حتى انا ..
سيف : انا 5...
كوثر : حتا انا ..
كريم : انا 1..
هناء : دونك معاي...
معتز : 4..
اشراق(محملاتش لبلان) : حتا انا ...
أديب(زير على يديه )
ياسمين : اوووه جيت مع خو راجلي ..
تدخلات هناء قبل ميوقع شي صداع.. بون حبيبة اشراق ممكن تخلي ياسمين مع راجلها معندنا لاش نفارقوهوم و نتي اجي مع اديب إلى جات على خاطرك ...
نقزات اروى: إلى مبغيتيش اجي مع عصام و انا نولي مع بيبو ديالي...
اشراق(محملاهاش دوات بلا متحس) : لا حبيبة مشكيتش عليك... (شافت فهناء ) مكاين مشكل نجي انا مع هد بيبو ...
أديب محملش طريقت هضرتها: سميتي أديب واقيلا..
تحركو هبطو جيهت لواد لقاو لي جيسكي واجدين..
كوثر : هاااح واخا مجيتش مع تيتيز جديد.. بعدا غنحيح مع طبيب .. اه باش منساش جيتي مع حبيب القلب (غمزاتها)
اشراق : حبيب زمر راه غير ضد فديك ختنا محملتهاش غير كطير..
كوثر : سيري سيري خليني نمشي عند طبيب ديالي ...
مشات كوتر... و تحركات اشراق لعند اديب لقاتو واقف مع اروى كتكركر معاه.. من عند الله محملاتهاش..
كتجيها باسلة فتصرفاتها ...
---
ركبو البنات معا دراري ... من غير ايمان لي بقات غير كتصورهوم و كتفرج...
كانت المسابقة حماسية بالأخص بين اركان و معتز و اديب لي كانو فالمقدمة..
اشراق (كتغوت مستمتعا ..كتشجع أديب ): فازي خاص نربحو...
مروة ناشطا كتغوت: اشرااااااق حناااا لي غنريحو...
هيا كانت مجرد مسابقة لكن عند أديب و معتز كان تحدي.. كان كل واحد فيهوم باغي يربح باش يبين انو حسن من لاخور.. اصرارهوم كان قوي... و كان خط نهاية.. بالنسبة ليلهوم هو الهدف ...
بقات المسابقة غادا و كتشخض بالأخص مرة كيتقدم أديب مرة معتز.. حتى سالات المسابقة و دخلو بجوج دقة وحدة.. و هكا خرجو بتعادل.. شي لي خلا معتز ميحملش راسو...
خرجو البنات دايخين وحدة كتشد فوحدة ..
هاد المرة مشاو كيتساراو.. و كيستمتعو بالجو و الطبيعة...
غير سلاو مشاو جيهت الشلالات... تما فين بدات المسابقة و قررو يتفرقو يقلبو على لي كاغط.. كل جوج مشاو فاتجاه...
عند اشراق و اديب.. غاديين ساكتين.. حتى كسر أديب السكون لي كان بيناتهوم...
أديب: كيف بقات رجلك...
اشراق (بتوتر ) :مزيانة دابا برات بقا غير ليطخاس كنديرليه دوا (تنهدات) و نتا
أديب:صافا باقي كنتعقر شوية مي صافا..
اشراق : سمحليا
قاطعها أديب:ديكشي فات.. نسيتو و لا من الماضي..
اشراق : كون غير بقيتي..
أديب: دوينا فهادشي
اشراق:عندك صح ..
أديب:شنو عوالة ديري منبعد
اشراق : لقيت خدمة فواحد لاصال غنخدم فيها.. و غنكمل فشركة.. غنبعد على شطيح و شيخات مي غنبقا نغني
أديب: مزيان حسن ليك ديك العالم متماش..
اشراق : و نتا
أديب: راه باين غنكمل العلاج و منبعد تبدا الخدمة دبصح..
سدو الموضوع بقاو كيقلبو على لي كارط نفس شي عند باقي لي كروب..
عند كوثر منوضا الحيحة باغا تربح.. كتجري و تقلب كتخلي سيف غير تابعها.. قلباتلو دماغ بالهضرة
سيف : واش مكتسكتيش.. مكتعرفيش تقلبي بلا مدوي صدعتيني
كوثر : مقالك حد سمعني.. عندي حرية تعبير و منحقي نهضر
سيف : راه بزاف على الهضرة اوو شويا و نتي لوكلوكلوك مكتسالايش
كوثر : عقل على هضرتك و سطر عليها بستيلو حمر مزال تولي تحلم غير تسمع صوتي و متلقانيش..
سيف :اللهم طولك يا روح..
كلشي كان متحمس و كيقلب على رأس الخيط.. كلشي باغي يربح .. كاينة مسابقة و هدية وحدة... كان ساهل على اشراق تفك الشيفرات بحكم كتموت على شيحاجة سميتها الالغاز.. لدرجة هاد الجانب مكان عارفو حتا حد.. بسهولة كانت كتشد رأس الخيط شي لي خلاهوم هوما اللوالة يوصلو لكنز..
اشراق(بفرحة و حماس ) طارت عنقاتو كدوي بطريقة طفولية: لقيناها ليقيناها.. حنا لي ربحنااااا حناااا لي ربحناااااا
أديب مستمتع من القرب ديالها كيستنشق ريحتها لي كتحمقو:برافو عليك مكانش كيسحابلي دكية...
ايمان: سربيو حلو السندوقة نعرفو شنو فيها ضغيا ضغيا راه ضرني راسي...
هزات اشراق صندوقا صغيرة.. حلاتها.. و جبدات دو بغاصلي واحد درجال واحد دلعيالات.. كانو بغاصلي بوغ كوبل..
هزهوم اديب و شد يدها كيشوف فعينيها حداهوم ناسيهوم... ركبوليها فيدها و عينيه فعينيها... كيقولو بزاف دلكلام لي ميقدروش الكلمات يعبرو عليه...
خدات معندو لبراصلي ديالو ركباتوليه و عينيها باقيين كيشوفو فعينيه
سالات المسابقة... و رجعو فحالهوم.. كل واحد طلع لبيتو يرتاح و يدوشو على اساس مع 9 دليل يتجمعو يتعشاو و يقصرو
عند مروة مور مدوشات و رتاحو... زادت عليها كاب و هبطات التحت للكافي لي تابعا لأوطيل
دخلات و مشات طلبات كافي نواغ...كتحس براسها عيانة و باغا تصحصح....
يلاه كلسات كتسنا فيهم اجيبوها ليها... وصلها ميساج لي غير قرات و خلاها مشوكية....كتقراه و فنفس الوقت العصاب بدا كيركبها.... متبقاش شنو كتقرا....واش حتا فالنهار لي خاصها دوزو هانية المشاكل تابعينها....يلاه كتحاول تستوعب.. جا السيرفور حط ليها القهوة
مروة: عفاك خاصني نوض وخا ديرها ليا اومبوغطي
السيرفور: وخا
مروة: شكرا
هزات تليفونها كتشوف فالتصاور لي عاد وصلوها و كتقرا فدكشي لي مكتوب.... سجلات النمرة لي وصلاتها عندها تا تشوف اش دير من بعد و بقات كتفكر و تعاود فتالي جاوبات الشخص لي مصيفط ليها ...
ناضت وقفات قادات حوايجها و فنفس الوقت جابو ليها قهوتها ...خرجات من الكافي و فايديها جوبلي ديال القهوة...غادا و مرفوعة كتفكر كيفاش ممكن تحل هدشي لي وقع بأقل أضرار و متوقعش شي فضيحة و هي وسط تفكيرها مدات مجابت فكوثر لي غادا قدامها معرفاتش كيفاش حتى دخلات فيها من اللور و فنفس الوقت تهرقات القهوة
دارت كوثر معصبة و فور ما شافت شكون زادت تعصباات عوالة على خزيت
خنزرات فيها مروة و قالت: عندك الزهر لقييني ممسالياش ليك و دماغيي عامر اما نوريك فعايل ديال ال79اب ديال الصح كيف دايرين .. تبرهيش الخاوي.. شبيني و بينك و و اش وصلني ليك..
تخطاتها و تمات غادا و شداتها كوثر من ايديها مجنونة عليها : فين غادا اشريفة مزال مساليت معاك الهضرة و نتي غادا هكا بحالا مدرتي تا حاجة .. معلموكش تعتادري.. غير غادا زاضما
شافت مروة فايد كوثر لي شادة فيها (بعصبية ) : حيدي هد الايد قبل ما نخسروها هد الليلة..
كوثر دارت بحالا مسمعاتهاش و خلات اديها... زادت زيراتها كتر
تنترات منها مروة محاملاهاش : منين كتففهمي واش كنلعب معاك انااا هناا....تكبات عليك القهوة سيري صبنيه و هنينا مالنا على هد الفعايل مكنعرفك ما كتعرفيني قيليني عليك الله يرحم الواليدين مناقصني صداع مع شي حد فهد الساعة.. راسي عامر كنت غنعتادر لو انو مقللتيش عليا الاداب .. اما دابا متستاهليهش
كوثر ربعات ايديها و شافت فيها باستهزاء: الصداع درتيه لراسك نتي مدار ليك حد شي حاجة .. نتي لي قليلة الاداب.. و خاص الواحد يرد عليك بالمثل ..
مروة جنانتها كوثر ووهي اصلا طالعة ليها و هي عاد مكتزيد عليها يلاه جات تجاوب
حتا كتبان ليها كوثر خدات كاس ديال العصير لي كان فيدها و ديك ساعة خواتو عليها و عمرو حوايج مروة كلهم
و قالت بابتسامة: تعادلنا دبا يمكن ليك تمشي ..
فنفس الوقت كان دايز عصام و شاف شنو وقع و جا قاصدهم...
قاطعها عصام: انا متأكد مغتكون قاتلك والو .. هاد المستوى السوقي متخدميهش هنا .. حتا هنا وسط ناس .. كنحتارموهوم ماشي راحنا فحي شعبي كنتعاطاو... صافي مشافتكش دخلات فيك عادي موقع والو .. كان ممكن تدوي بادب و طلعي تبدلي حوايجك.. مي باش تحلي فمك عليها و تخوي عليها العصير هادا ما نيفو ما والو عتادري منها و راجعي راسك.. و مرة جايا عرفي راسك معامن كدوي
كوثر الدموع تجمعو فعينيها مرضاتش حكم عليها بلا ميسمع يلاه جات دوي وهي تسمع صوت اشراق
اشراق: على شكون تكونو بسلامة كاع باش تعرف راسها معامن كدوي..
عصام :دويت معاها هيا ماشي معاك ...خليك بعيدة على الموضوع..
اشراق : اسمع اسي عصام ياكما ضحكنا معاك شويا و هيا تحل ليك... كيفما كتفرض عليها تحتارمك حتارمها نت نيت.. و حتارم غير راسك بعدا لي حاشي راسك وسط سوق لعيالات كي لولية.. و المستوى السوقي هو لي نت كدوي بيه .. و نفترض هيا غلطات نت متعاملش بهاد طريقة.. عرف تدوي معاها.. مراهاش جايا على حسابك
عصام تصدم من هضرتها و كيفاش أولتها..
تدخل أركان لي شاف عصام تعصب لدرجة و جهو حمار
اركان: كاااالما موقع والو سوء تقاهم ... اشراق حشومة
قاطعاتو: مكاين لا حشومة لا والو .. بجوج كيتحاماو على البنت كالس كيتبنضض عليها تقول هو لي مخلص عليها.. تبرهيش دوالو
قفزهوم صوت أديب(بحدة ) : إشراااااق... سدو الموضوع خدا كتر من حجم ديالو.. كوثر مروة عتادرو من بعضياتكوم و طلعو بدلو حوايجكوم..
بقاو شي كيشوف فشي محملينش بعضياتهوم..
أديب(بحدة) : ضغيا سربيونا.. مروة فازي
مروة (كارها الوضع ): سوري
طلعات بلا متسنا كوثر تعتادر..
أديب: آخر مرة يتعاود هادشي .. عصام نصيحة خرج سوق لعيالات...
اشراق(عطاتها صبع ) : ها الدموع لي نطيحهوم على لي ميسواش
كوثر : كان عزيز عليا و منكرش كان كيعجبني ... جرحني بهضرتو و الله
اشراق :طررر يا طررر عولنا عليك بكري.. شوفي نوع د عصام انااا حافضاه ما زهواني و الله ميشوف فيك و إلى شاف غير حيت حس بيك فيك دودة و باغا لي يبردهاليك.. هنينا دابا و مسحي دموعك و حقك غنجيبولك مدوبل إلى فاتهوم لا هو لا صفريطة راني مقطرة.. غير بلاتي نوريهوم نيفو شكايسوا
كوثر (مسحات دموعها ) : بلاش و الله مبغيتش صداع مع شي حد
اشراق : بدلي و هبطي غتلقاينا حدا بيسين
كوثر :غير ساينيني نهبطو بجوج
بدلات كوتر و هبطو لبنات طلقاو مع هناء فطريق
هناء : بقينا غير حنا راه تجمعو لهيه
ها اركان
اركان : شتك غا عطيتيني لكيطاغ و هربتي
هناء : تحرك البرد و طلعت لبست عليا..
---
وصلو لقاوهوم كالسين فوق مخاد مقادين كليسة و حاطين قرعة فالوسط باش يلعبو اكسيو فيغيطي.. الا أديب كان واقف بعيد شوية عليهوم مي يقدر يسمعهوم شنو كيقولو..
هناء : قبل منبداو.. بغيت من اركان يعزف لينا بالكيطاغ ممكن ياك
اركان: افيك بليزيغ ما شيغي
ايمان : عيطي لأديب يغنيلينا
هناء (خنزرات فيها) : منيتك مافيا ميقلبهالي فوق راسي
كل كلمة نطقات بيها خرجات بإحساس بحب مخفي... كانو كلماتها كيلعبو على الوثر الحساس... أديب طول مدة غناها كان عايش معاها بالأخص عينيها متحيدوش من عينيه... شي لي خلاه ينطق بصوت مهموس سمعو غير هو :
شهوة ملاكم الجزء السادس
محتوى القصة
التنقل بين الأجزاء