♡لا يوجد لقاءات عبثية في الحياة، كل إنسان تصادفه هو إمّا إختبار أو عقوبة أو هدية من السّماء♡
هي تقول : و على جسدي العاري قبلني و تلذذ في تقبيلي، فتارة أغوص و أبحر بين شفتيك و تارة أسافر بين دراعيك و أتنقل بكلماتك و أنت مقيد بطوق السعادة حول عنقك
هو يجيب : جسدك يدعو شياطيني لإرتكاب الكوارث
هي : عناق من الخلف و قبلة على العنق و رائحة جسدك المثير و مداعبتك لي كفيلة بجعلي سعيدة
هو : تمرغي على حلبة المصارعة بخفة و تخيلني بقربك و إنسي ما بقلبك من عفة فالليل طويل
هي : لا يروق لأنوثتي سوى رجل مجنون.. تعال إرتديني فلا يليق بك أن تتعرى مني غيابا
هو : أشهى البدايات نزع كل ما يحول بيني و بين مفاتنك
✍✍
عدت تحت سلطة المشاعر.. . إخترت القلم كهواية وإتخدت قلمي كرفيق..
🍂للقارئة🍂
عزيزتي القارئة ، تأكدي دائمًا أنّ شعورك بالرضا عن نفسك، أهم من شعورك بأن الكل راضي عنك .. بادري بإمتلاك كل شيء تحبينه.. لا تنتظري من الحياة أن تمنحك أياه دون تعب، لا تنتظري الصدفة، لا تختبري القدر، ستأخد منك الحياة أكثر مما تأخد منها لو إنتظرتي، فكوني تلك الجريئة التي إدا أرادت شيئآ، صنعت الفرصة لنفسها ولم تنتظرها، فاياكي ان تضني انك اجمل انثى فالكون بل كوني على يقين..
"إهداء" ❤
القصة هي إهداء لأي وحدة شخصيتها ضعيفة، لأي وحدة مكتقدرش تنسى الماضي، لأي وحدة مكتعرفش تسير علاقاتها.. لأي وحدة باغا تبدل من نفسها و طور ذاتها
الهدف ديالي من القصة نبدل الصورة النمطية ديال أنه البنت ديما هيا لي كتجري مور الراجل و كتقتل راسها عليه، بغيت نتعلمو نخلقو واحد التوازن بين العقل و العاطفة و الجمال
⛔⛔هاد القصة بالذات مزيج من الجرأة كتحمل أحداث من صلب الواقع.. غنكتبها بقلم جريئ، غنحكي قصص شفتهوم و حضرت عليهوم.. قصة كنكتبها بقلبي و بغيتكوم تقراوها بقلوبكوم فيها نتواصلو نضحكو نبكيو نشطو و نحيحو مع ابطالها ...
قصة تضم مشاهد قد لا تلائم الجمهور الناشئ القصة فوق شواية 🔥🔥
صحابات الدعوة الى التبرج اخواطاطي أنا ديما كلامي موجه فالحلال لي دارت شي حاجة مع بوركابيها تقليد عليها...
شهوة ملاكم 🔥🍷
✍بقلمي : سعيدة رشدي 🔥
القصة فيها مزيج من المواضع... كاينين مواضع جريئة🔞 ... بغيتي تقراي و تستافدي مرحبا بيك على رأس و العين ... غدي تقراي و ديري فيها ركن المفتي غير قلبي الضورة... الحرام باين و الحلال باين .. الأفكار لي مطروحة خاصة بالمتزوجات ها انا كنقولها المتزوجات لي يطبقوها... العازبات و المخطوبات منسيتكومش كاينين مواضيع كتهمكم...
🔥شهوة ملاكم 🔥
بين ضلم الزوج و قسوة المجتمع
بين صباحِ ومساءٍ يتغيَّر الزمان..
وبين زواجٍ وطلاقٍ مسافات من الألم والحرمان..
وبين حاضرٍ وماض رقدت قلوبٌ وتاهت خطى
وبين أنين وضحك أُطفأت سرجٌ وتغربت أرواح!
الفصل الأول: من انا ؟
فالمجتمع المغريبي عيب المرا طلق ديما فالطلاق كيشوفو الراجل هوا الضحية و المرا هيا الخطيئة المرا لي مكانتش قد المسؤولية و جرا عليها الراجل المرا لي مقدراتش تحافض على دارها و لي بفشوشها و عكزها نفراتو و مقدراتش تحافض عليه و تكسبو كأن الحياة مبنيا غير على الرجال
المرا لي خاصها تصبر لدل و دق و سبان... المرا لي واخا شنو يدير فيها خاصها تسكت و تصبر... علاش باش تحافض على نضرة المجتمع و تبعد من المحاكيم .. المرا لي واخا يخونها حدا عينيها خاصها تكون عميا و دير راسها مكتشوفش باش تبان للناس بنت الناس المربية لي قايما بدارها ...
تا الايمتى هاد المرا غتقدر تصبر واش كن تقلبو الأدوار كان راجل غيصبر كان غيتهان و تمسح بكرامتو فقط باش يحافظ على اللقب ديالو ...
اليوم قصتنا مقتبسة من الواقع ديالنا ياما شفنا و سمعنا كيفاش كينعتو المرا المطلقة ياما شفنا نظرات الشفقة فعيون الناس نساو بلي الزواج و الطلاق غير مكاتيب و تا قط مكيهرب من دار العرس ...
إحساس صعيب تكوني حياتك كاملها محكومة داخل مجتمع ذكوري بالعادات و التقاليد لي كتحتم عليك تهبطي راسك لوليديك واخا يكونو غالطين و ماتعليش صوتك قدام خوتك رجال و ماتعارضيش راجلك و ديما لسانك ينطق بكلمة " أه" او " واخا" و "كيما بغيتو"، صعيبة أن أفكارك و مواهبك و رغباتك يتشدو بسناسل الزواج و لي صعيب كثر أن داك زواج يكون زواج وحشي كتعرضي فيه للضرب و الاهانة و قلة الاحترام، احساس جرباتو كل إمرأة واقفة على أعتاب الطلاق و باغا تسالي علاقة إستنزفات منها طاقتها قبل مايفوت الفوت و تولي ذكرى، كلمات كانت كتقولهم بطلتنا فنفسها و هي قدام القاضي و كتسنى الحكم ديالو، كتبلع ريقها و كتضغط على يديها و عينيها كيتشتتو فأرجاء المحكمة و هادا دليل على انها متوترة و فنفس لقاعة واقفين كيتسناو القاضي ينطق بالحكم ، حنحن و شاف فيها و نطق...
القاضي: بنتي مأكدة باغا طلقي من هاد سيد آخر قرار ..
زوج : راه انا لي باغي نطلق هاد جيفا بزاف عليها طلقني
بناء على طلب الزوجة بطلاق شقاق و لي جا نتيجة سوء المعاملة و التعنيف بالسب و الشتم و الضرب و بما أن جلسات الصلح بائت بالفشل و باطلاعنا على الوثائق المطلوبة قررت المحكمة علنيا بقبول الطلب و الحكم بتطليق المدعي بزوجته بسبب الشقاق و بأدائه لها التعويضات التالية مبلغ 2500درهم عن النفقة خلال العدة و مبلغ 15 الم درهم عن المتعة رفعت الجلسة
اخيرا قدرات تنفس... اخيرا غتفك من هاد الكابوس... محسات براسها إلى و دموع كينزلو من عينيها ...عارفا لي كيتسناها صعيب و عارفا بلي الحياة ماشي ساهلا ... ولكن راضيا على قرارها المهم عندها هو تفكات و أتحاول تعوض نفسها على سنين الحرمان..
ضارت مور مسمعات صوت بنت كتعيطلها
كريمة : اشراق مالكي بقيتي جامدا يلاه نخرجو
اشراق :(بخوف) راهوم برا ياك اليوم يقتلوني
كريمة : معندهوم ميديروليك مبقيتيش صغيرة مال طلاق راه حللو الله..
اشراق : كدوي بحالا مكتعرفيهومش... مسمعتيش شنو قال با نهار عرفني رفعت الدعوة ...
كريمة : زيدي زيدي كتبقاي بنتهوم راه كلشي على عينيهوم ياما شافو وجهك زرق بلعصا
اشراق: على اساس كنت كنهمهوم ديك الوقت باش غيهتمو دابا
كريمة :زيدي زيدي يلاه نخرجو منهنا
مع خرجو من باب المحكمة باليها جاي مكشكش كيسب و يرعرع و تابعاه مو
عمر : دابا عاد غيحلالك حلان الرجلين لي كنتي حارماني منو هادشي علاش كنتي كتقلبي أل79بة بربي لاديتي مني ريال لحمر واخا نعرف ندوزها حبس
ماه: ياك الخانزا قبلنا عليك و على خنزك و عفنك درناليك شان و كبرناهليك تا وقفتينا فالمحاكيم و لاكن سر لي ولدوك معرفو يربيوك
كريمة :اجمعو فمكوم بزاف عليكوم جمع علينا مك منهنا
اشراق : خليهوم خليهوم يبردو على قلبهوم شتي معندي انا ديك جوج دريال خليتهاليك سير نقي بيها حالتك اسكايري و شبع غير كرشك منهار ديتك و انا جوع قاتلني و إلى على هزان رجلين كون غير كنتي راجل سير شوفليك شكون يعاودليك بطهارة
مع كملات الهضرة و ضارت تا حسات بحنكها تجمع بطرشة ...غير علات راسها و هيا تسعق ملي شافت باها
محمد : الله ينعل الساعة لي تولدتي فيها اقليلت ترابي ياك اصلكوطة هادي هيا تربيتنا
الام نزهة ( طارت عليها بنتفا) :اجي لهنا إلى مربيتك منتسماش
اشراق معرفات راسها باش تبلات عمرها توقعات وليديها يضربوها على ودو ...مقدرات تا دافع على راسها و هيا كتشوف مها و مت عمر كيتعاونو عليها ...هالي كضرب هالي كتنتف هالي كتعض ...كريمة عيات تفرق محيلتها لدوك جوج لي كيضربو و لا عمر و الأب لي كيسبو فيها ...
شافت تا عيات و بدات تغوت و دخلو ناس كيفرقو معاها
نزهة :من اليوم شهدو يا ناس مبقات عندي بنت انا بنتي ماتت انا معندي بنات يطلقو سمحات فسيد الرجال اعيباد الله (ضارت كتشوف فكريمة )كلشي بسبابك نتي لي عمرتي ليها راسها حسبيا الله و نعمة الوكيل ...
كريمة (مصدومة ):نتي ام نتي... كنتي تشوفي بنت مكرفسين عليها ديما زرقا و ساكتا باز ملقيت منقول...
محمد :صافي زيدو بحالنا مكفاكش الشوهة لي دارت هادي.. زيدي قدامي من اليوم معندا بنات ...
مت عمر :إلى مزوجتو لالاك و نديرو العرس حسن من العزري مخلاو فيا غير لخلا
عمر ( بزق فاللرض) : يخ على شياطة كيف دايرا... مزال دور دورا و نلقاء وسط ل79*ب و ن7*يك غا ب 20 درهم مكمشة ...
بقات اشراق كتشوف مصدومة و دموع شلال ...مهمها لا ضق لي كلات لا هضرت عمر ..حرقاها غير سخط باها و ماها...
كيفاش قدرو يتبراو منها ..كيفاش قدرو يتخلاو عليها فاكثر وقت محتاجهوم ..ياك الآباء المفروض هوما السند هما أكثر ناس خاص يخافو عليها و يحميوها كيفاش جاو ضدها كيفاش مرحموهاش هوما امكن ماشي هي لولة ولا تالية لي كطلق ولكن ماشي هي آخر وحدة أتعاني من صوت المجتمع و نظرة الناس و الحاجا الوحيدة لي كانت اتخفف عليها هي مساندة مها وباها و حتى هوما تخلاو عليها و سخطو عليها و ختارو يتبراو منها حيت فنظرهم هضرة البشر أفضل ليهم من مصلحة كبدتهم... ..
كريمة : اشمن سخط راه غير معصبين شويا و يتهدنو.. كاين شي حد غيسخط على بنتو غير حيت طلقات .. كلشي غيتقاد... زيدي دابا يلاه تعطلنا
مشات اشراق مع كريمة.. لبنت لي لقاتها ب 100 راجل وقفت معاها الوقفا لي وليديها موقفوهاش معاها
ياما جرا عليها عمر فليل و شتا و كانت تلقاها غير هيا... كانت جارتها وونيستها كانت ديما كتلاقاها فالسطح بتخابعيا بحكم سطوحاتهوم ملاصقين...
كريمة البنت لي وقفات فوجه مها و دخلات اشراق لعندها و هيا نيت لي شجعاتها توقفو عند حدو بالأخص ملي ولا يجيب البنات لدار و اشراق و مو كيشوفو و تاوحدا مهضرات بلعكس مو مشجعاه...
كريمة شهدات على كاع المعانات لي دازت منها و قدرات تساندها ماديا و معناويا رغما المشاكل لي وصلاتها بسباب عمر و اب اشراق الا انها مخلات مدارت باش تعاونها ..
كريمة : دخلي دخلي شوفي كيف رضوكي الله يعطيهوم القرط( شدات على فمها )سمحيلي واخا مك مي عصبوني او لهاد درجة جاهلين
اشراق :اودي اشمن ام او واليدين هانتي شفتي شنو دارو فيا
ام كريمة جميلة : لاواه لاواه ماينكر وليديه غير ولد لحرام متقوليش هاكا على شكون كبركي حتا وليتي قد هاكا ..
كريمة :اماما كون تشوفي لحالة لي وصلوها ليها راه تعاونو عليها بلعصة ..
جميلة : ايوا شنو غادي نقولك الله يهدي مخلق تا نتوما ولاد اليوم مكتصبروش ملي ماشي قد زواج شنو زيدكوم ليه و إلى جينا نشوفو راه عندهوم صح
جميلة (بنترة معاجبها حال ):هاهيا نايضا دابا توقفي على هضرتي لمرا متقبل عليها غا دارها ..
كريمة ( بعصبية ): ماما باراكا
اشراق : خليها خليها ملي مي لي ولداتني محناتش فيا عاد وحدا خرا
كريمة :متقوليش هكا راكي عارفا العقلية المتخلفا ديالهوم مزال مكيقدروش يتقبلو ان المرا محقها تعيش كيف ما بغات و طلاق راه حاجا عادية و إلى علاش ربي محرموش
بقات اشراق ساكتا كتخمم و تقول واش هادشي لي دارت مسلكها و لا كان عليها تصبر مي شحال قدها إلى عام و زيادة و هيا فالقهرة منهار تزوجات و هيا فتمارة و صداع و ياريت كون يرضاو .. كلها يحكم من جيه ..
مكانت عندها لا قيمة لا كلمة عمرها عقلات على راسها شاوروها و لا خداو رأيها تا من زواجها مقدراتش ترفضو... كلسوها من القرايا واخا كانت مبين الأوائل بالنسبة ليهوم المرا اخيرتها تزوج و دير دارها ...
بقات لدابا كتعقل على هضرت باها نهار العقد ...جملة لي عمرها تنساليها( اليوم بالبيض غتمشي لدار راجلك و متخرجي منها إلا بالبيض ) ...
نفضات افكارها و ناضت تابعا كريمة لي عطاتها من حوايجها واخا كيجيوها مزيرين بحكم اشراق عامرا عليها ...
اشراق يا اشراق البنت لي فعمر صغير تحملات مسؤولية الزواج و هيا فعمر 19 عام ...و هاهيا اليوم ولات مرا مطلقة قريب تكمل 21 عام ... شكلا تعطيها كتر من عمرها حروفها بارزين زينها مسرار... مي مكتهلاش بزاف فراسها كانت كتحاول متهملش نفسها و عمرها كانت تهملو .. مكتهلاش شي تهلية مي نقا نقية... كانت مقابلا غير شقا و تمارة... كتحمدالله لي وقف معاها و معطاهاش الولاد...
بقات شحال كتشوف فيديها و تفكر كل مداز عليها حروشيتهوم و ضرابي لي فيهوم كيخليوها ترجع تحس بالمعانات لي دازت عليها...
بقات كتحيد حوايجها و كل قطعة كتحيد كتكشف ضرابي و الكويات لي فلحمها ...لدرجة لحمها كل مزوق.. عمرها تنسا شنو دوزات عليها لعكوزة ياما حرقاتها بالسفود غير إلى موجدش الغدا فالوقت و لا مسيقاتش... كانت ديما تلقاليها السبة ...كانت كتستمتع بتعديب ديالها... كتحمدالله لي قدرات تهرب من ضلم و طغيان ديالهوم ...
بدلات حوايجها و لبسات حوايج كريمة لي جاوها مزيرين شويا ... بقات كتشوف فراسها مراضياش على حالتها و كتفكر فمخرج لي سلكها
خرجات عند كريمة و جميلة تشوف فاش تعاونهوم حتا كتسمع هضرتهوم...
جميلة : انا بالله و بشرع مخاصني صداع يكفي لي جانا من تحت راسها ..
كريمة : اماما واش نجريو عليها ...البنت معندها حد واليديها و مرحموهاش ...ياك شفتي شنو داز عليها و كانت كتبقا فيك و انا بيدي شجعتها طلق و دابا نجريو عليها ...
جميلة :مقالها حد طلق تاهيا على سبة زايدون اشفيها كن صبرات ...تاحنا يا ما تمحنا و صبرنا تا فرج ربي ...
كريمة :اماما نعلي شيطان.. تخيلي كن كنت انا بلاصتها ...
جميلة :فمك لحسو كلب ابنت لحرام منهار وليتو تهضرو مانتي فخير.. زايدون نعيا نصبر تال ايمتى... شوفي شحال و هيا كالسا عندنا تمشي عند واليديها لي ولدوها...
جميلة : عندهوم صح كون كانت لالة مولاتي كن عرفت تشد راجل ماشي تخليه يشوف غيرها ...على باش زايدين العيالات لوخرين ياك لي عندها عند غيرها.. زايدون منهادشي كامل انا عندي العزري فدار ميصلاحش يبقاو فدار وحدا ...يكفي هادي كتر من سيمانة و هوا مسافر ..ايوا فاش يجي و يتلاقاو لالا لالا هادشي ما مسلكش انا بالله و بالشرع ...
جميلة : اسمعي اهياتا هوا عندو باش و هيا عندها فاش و شيطان خباش ...حيدي عليا ..درتلك خاطرك مطلعيليش فوق راسي ... هادشي مامسلكش ..ولدي باقي عزري و هيا مطلقة ...غدا و لا بعدو تلسقلي فيه اجاب مفكها.. ها ودني منك ...
كريمة : صافي غير سكتي دابا.. رآها تسمعك حشوما ..
جميلة : و تسمع ضيافت نبي 3 يام ايوا رآها فاتت سيمانة هادشي مخدامش... و نتي نسيتي راسك يقولو عليك كتمشاي معا مطلقة شكون غادي يزعم يدوي فيك هنا تبوري ليا... حيدي عليا من تخربيق ...
اشراق شادا على فمها مزيرا عليه كاتما البكية رجعات دخلات بلحس مبغاتهومش يعرفوها بلي سمعاتهوم حيت متأكدة بلي مغتقدرش تواجهوم و تخرج قبل مترصي امورها... دازت غسلات وجها و سمعات كريمة كتعيطلها تجي تاكل ....
اشراق: بلاتي شويا غنمشي لدارنا
قاطعتها جميلة : حسن غير وكان واش يدخلوك
كريمة : من الاحسن بلاش راكي شفتيهوم
اشراق : خاصني نمشي نجيب حوايجي ووراقي باش نقدر نوقف على رجلي ...
كريمة :واخا كولي و نمشي معاك ..
جميلة :فين غتمشي لبنت لحرام مكفاكش شوها لي كان دارليك باها ملك باغا تشوهيني كتر من هاد شوها ...
خرجات اشراق و عينين جيران كاملين عليها ...كتسمع توشويشهوم ...
الجارة : يختي بازلها سمحات فدارها باينا عاكرة عليها طلقات..
الجارة 2 : اسمعت بلي هيا طلقاتو قالك كان كيضربها و يخونها
الجارة 3 : الا راه سمعت بلي كانت معفونة و مكتحترمش و ضربات لعكوزة و جراو عليها
الجارة : حتا وليديها نكروها راه باينا هيا لي قبيحة اما راجلها شهوا منو تمناه اي بنت ..
زادت اشراق منخلا هضرتهوم لي مهزات فيها والو حيت ولو تعيا تهضر عارفا المجتمع مكيرحمش ...نساو ياما سمعو غواتها و شافوها فالزنقة مليوحة ...دابا كلشي كيباليه هيا لي قبيحة... تنهدات زادت غاديا و لي دازت منحداه متبعها تا وصلات لدارهوم ...
بقا قلبها كيضرب إحساس بالخوف تملكها خايفا يكملو على مابيها ...ياحصرا الوليدين خاصهوم يكونو سند و منبع الامان ماشي لعكس ...تنهدات و دقات تا سمعات صوت ختها ..
سارة :اشكون
اشراق : هادي انا اشراق
حلات ليها لباب
سارة : اشراق حبيبتي كيف بقيتي سمحيلي مقدرتش نجي راكي عارفا بابا مخلانيش.. سمحلي بزاف اختي.. كيف راكي لاباس عليك اجي دخلي قبل ميشوفك شيحد ..
اشراق : لاباس حمدالله لا غير خليني ديري فيا خير جيبيلي غير حوايجي ووراقي
سارة :غير دخلي راه مكاينينش مشاو يتقداو باقي ميجيو زيدي قبل ميشوفك شيحد يوصلهالهوم
دخلات اشراق و بقات واقفا فلكولوار مقدراتش تزيد... لي يشوفها ميقولش هادي دار باها لي تولدات و كبرات فيها ها هيا اليوم مقدراش تا تكلس فخاطرها ..
سارة :شوفي هاهوما حوايجك كيفما جبتيهوم باقيين.. هاني هادا دهبك لي كنتي خبيتي عندي الحمدالله لي كنتي سمعتيلي معطيتيهش لماما تخبعوليك ...هدا الباك و دوك و هادو فلوس المنحة ديالي خوديهوم ديباني بيهوم ...
بقات اشراق كتشوف فيها و عينيها عمرو بدموع... لقات المحنة فختها صغيرة و ملقاتهاش فمها لي ولداتها مقدراتش تصبر و تلاحت معنقاها كتبكي و تخرج كاع ديك القهرة لي كتحس بيها ..
سارة : متبكيش اختي كلشي دابا يتقاد ...سمعيني قبل ميجيو دي هادشي و باتي متصبحي بابا راه حالف ميخليك عايشا ... انا خايفا إلى يحرش عليك شي حد.. اللهما هربي بعدي من هاد لمدينة بداي حياة جديدة عمر طلاق كان عائق بالعكس عتابريه نهاية الاحزان نتي باقا صغيرة سيري عيشي حياتك و نساي الماضي .. هد طيل هوا لي قدرت نضبرليك ديباني بيه غتلقاي فيه نمرة دواحد دري كان قرا معاي و رحل مع دارهوم لكازا ...انا دويت معاه قبل فراسو كلشي سيري لكازا هوا غيعاونك ...
اشراق بقات مصدومة من هضرة ختها امتى هاد البنت كبرات وولات تاهيا كتفهم و تعرف الناس ...عاد كانت كتلعب معاها و ديرلها ضفيرات... ها هيا اليوم كتشوفها كدير كتر من جهدها باش تعاونها ...
سارة:مسحي دموعك تا حاجا متستاهل (حلات الباب كتاكد مجاي حد ) يلاه سيري و متقولي لحد عندك الفلوس و حضي راسك... الله معاك .. اه حقا حتا من كريمة و مها متقوليش ليهم فين غاديا... يقدر با يقلب عليك... مخاصوش يعرف بلاصتك راه حالف فيك ...
اشراق : عنداك تخلي با يزوجك شدي فقرايتك متسكتيش على حقك.. زواج مغيهربش مديريش الغلط ديالي ... ديما كرامتك و طموحاتك و احلامك خليهوم هوما الاولوية فحياتك... هوما لي دايمين ليك.. هانتي كتشوفي معندناش شي عائلة لي غتكون سند لينا و نحطو عليها راس... و الحمدالله على كل حال
سارة : كوني هانيا ختي... نتي دابا فكري غير فراسك و بداي حياة جديدة... بعيدة على الهم و المشاكل ... نساي الماضي ... نساي كلشي.. كيبقاو وليدينا مغديش نكروهوم... متنسايش وَعَسَىٰ أَن تَكْرَهُوا شَيْئًا وَهُوَ خَيْرٌ لَّكُمْ ۖ وَعَسَىٰ أَن تُحِبُّوا شَيْئًا وَهُوَ شَرٌّ لَّكُمْ ۗ
اشراق : و نعم بالله
خرجات اشراق مخليا احزانها موراها و حالفا تبدا حياة جديدا و هاد المرة غتعيش و تكافح على ود نفسها فقط... و غتكون انانية و تسبق راحتها و سعادتها حيت هاد زمان تاحد مدايم ليك
رجعات اشراق لعند كريمة باش تخليهوم بخير مجاتش تمشي بلا متشكرهوم كيفما كان الحال عاونوها و حلو ليها دارهوم و شركو طعام ... متنكرش خيرهوم فوقت لي تلاحت لزنقة لقات غير كريمة لي معاها ... ونهار مشات لدارهوم و سدو الباب فوجها لقات دار جميلة مفتوحة ليها ...
اشراق : غنمشي لعروبية عند خالتي حتا تهدا الامور و نرجع ...
جميلة (بتهكم ) : تهدا الأوضاع.. إلى ناس و جيران سكتو باك عمرو يسكت...
و مالكي على هاد تكرفيص ياك قتليك غير جبديلو ودنو صدقتي على سبا... ناس كيشدو فرجالهوم بسنانهوم و نتي وجدتيه و عطيتيه ليهوم... غدا يتزوج لالاك...و كلسي على صبع ...بردتي دابا ... رتاحيتي... شنو غيطلعلك كاع ... ايوا هانتي طلقتي غتبقاي غير دايعا من دار ل دار ...
اشراق : الله يكتر خيرك و يخلف عليك انا لي شتو مسلكني راني درتو... و تا حد مغيعرف حسن مني ...و نتي اخالتي جميلة لاتنسايش ليام كضور و رآها بين يدك... لتشفايش بزاف متعرفي الزمان باش ياتيك ...
مينة :ايوا لعنة الله عليك ...دخلتك لداري و كتعايريني محشمتيش ..نوضي نوضي يا جيفا خرجي عليا...
بزاااف عليك بنتي حتى طلق و تولي شياطة ينعتو فيها جيران ...
جميلة : انا و بنتي بزاف عليك الموسخا متوصليناش تا فربع... كبرنا بيك و دخلناك من زنقة باش تعايريني وسط داري.. ولكن سري انا لي مدخلا ل79اب لداري...
وقفات اشراق كتجمع حوايجها:بزاف عليك حتا نكون 79بة ... و بصح منوصلكش حيت انا لي سست الراجل ماشي بحالك ...
جميلة : انا راه لالاك و بزاف عليك أجعيفة ... من نهار شفناك ما شفنا ربح
اشراق : ايوا عليها سمح فيك الراجل و زاد خلفا و خلاك موراه مع طزينة دلبز ... انا بعدا انا لي سستو ماشي بحالك هوا لاحك... ايوا شكون شياطا دابا انا و لا نتي
جميلة(صعرات) : و الله ياديك ال79بة و متخرجي عليا تا ندكك... هنا بنتي على حقيقتي ...واكواك اعيباد الله( كضرب فراسها ) عتقوني اجيران اخواتاتي... المسخوطة نكرات لخير... كتهجم عليا ... وادخلت لفعة لداري ...
خرجات اشراق كتزرب خافت على راسها تلسق فيها شي مونتيف... خارجا و كاتشوف جيران كيركبو من سراجم مور مسمعو الغوات باغين يعرفو شنو واقع ....
بقات غادا كتزرب... شدات طاكسي نيشان المحطة..
مندماتش حيت مسكتاتش ليها و عطاتها علاش كتقلب من نهار جات و هيا كتحشي فيها الهضرة و كملات اليوم حكاتلها على ضبرة... مي هيا قلبات عليها من اليوم حلفات لبقات سكتات لشي حد و خلاتو يحل فمو عليها...
تنهدات كانت باغا تخلي كريمة بخير ...ساعا مها مكتجمعش فمها ...بقات كضحك غير بحدها على منضر جميلة فاش جبداتليها راجلها
كاع جيران عارفين بلي راجلها ميت... الا اشراق كانت عاودات ليها كريمة بلي باها حي و سمح فيهوم ملي كانو صغار مور منكداتها عليه جميلة و خلاتو يطج ...
شدات اشراق طاكسي ديريكت لمحطة لكيران من زهرها لقاتو غيخرج ديكساع قطعات ورقة لكازا ركبات دافنا موراها كاع الهم و الغم لي عاشتو و حالفا تبدا حياة جديدة بشخصية جديدة ...
مع 6 دلعشيا وصلات حسات بقلبها كيضرب... لهوا كيداعب شعرها دايرلها تبوريشا ...
وقفات كتكاشف المحطة... هزات طيل تعيط على الدري لي من طرف ختها باش يجي يعاونها ...عيات تصوني ما مرة ما جوج حتى طفا عليها طيل ...
اشراق : معرفت هاد زمر مالو مكايجاوبش ...
رضات طيل لساك ..ناويا تكلس فوحدا من قهاوي المحطة تاكل عاد تعاود تعيطليه ...
بقات غادا كادافع مع ناس باش دوز تاحد مسوق ليها... غادا كتجري تابعاه تاباليها خرج من لباب تانيا دلمحطة و ركب مع صاحبو فالموطور و زاد ...
بقات اشراق كتبكي و تندب حضها مصدومة من زهرها المكفس ... مشا طيل مشا دهب مشات الفلوس... بقات على ضس... ندمات لي مخباتهومش مع الحوايج.. ولا وسط سدرها... هيا خافت الى صاك يتلف مع الباكاج فالكار و مفكراتش انو ممكن شيحد يكريسيها ...
بقات تبكي و تندب حضها ..دابا لا فلوس بقات ليها لا شيحد لي يقدر يعاونها... شنو غادي دير و هيا بنت جديدة فهاد لمدينة مكتعرف حد ... تا من ديك دري مجوبهاش.... و نمرت ختها محفضهاش... للحضة ندمات كان علاش جات كون بقات بعدا فمدينتها كتعرف فين تمشي و تجي
دارت بيها دنيا حاسا براسها تالفا و خاص تلقا حل قبل ميطيح ضلام ...معندها لا لي تعول عليه لا والو... تا من طيل مشا ...
بقات اشراق كتبكي و تندب حضها مشا طيل مشا دهب مشات الفلوس ندمات لي مخباتهومش مع الحوايج.. ندمات لي مرداتش البال وتوكدات...
هيا خافت الى صاك يتلف مع الباكاج فالكار و مفكراتش انو ممكن شيحد يكريسيها بقات تبكي و تندب حضها دابا لا فلوس بقات ليها لا شيحد لي يقدر يعاونها تا من ديك دري مجوبهاش دارت بيها دنيا حاسا براسها تالفا و خاص تلقا حل قبل ميطيح ضلام معندها لا لي تعول عليه لا والو تا من طيل مشا
بقات كلسا فالارض حدا باب المحطة كتبكي تاحد ماداها فيها يلاه عولات تنوض تشوف شنو دير تا كتبالها مدابزا بين 2 عيالات واقفين حدا واحد البيكوب ...
المرا اللولة فاطمة : بربي منمشي معاك تاتحطيلي فلوسي مزيان تباركالله نتي جمعي لغرامات و فرقي على كانتك ...
المرا ٢ مينة : مال الzامل بوك سخن عليك kرك ياك ديما دايا بزايد و عمري تحاسبت معاك و من نهار اللول تافقنا ... واش سخن عليك زكك باغا لي حكولك...
فاطمة (كتجبد ) : اشوفي انا فضيت معاك و لي عندي قلتو مبقيتش غنخدم معاك يائيما تعطيوني نص ليلي بوحدي و لا مغنمشيش ... و زكي إلى كلاني غنمشي عند لي بردولي منجيش عندك نتي لي عندك عندي...
مينة : ياك افاطيمة وليتي تجبدي علينا و دفعي كبير
حليمة : اويلي نعلي شيطان دابا غير زيدي معانا نمشيو العرس و غدا تفاهمو راه مشا الحال و حنا خدينا العربون و ناس كيساينو...
فاطمة : و الله على kري لا ضويتو مزيان تباركالله انا حلقي بح و نتوما ديوها باردا
مينة :ايوا ملي مبغيتيش اجي لهنا نوريك ت79بين
(نقزات عليها باغا تنتفها و لعيالات لي معاهوم ناضو كيفرقو كلوحدا باغا تبان على لخرى
بقات فاطمة مصدومة متوقعاتش تجري عليها و هيا عارفاهوم محتاجينها ميقدروش يستغناو عليها ... بغات غير تلويلها دراعها باش تاخد كتر.. ساعة معامن جات غير مينة لي طاحو سنانها مع بنادم... مي بنادم الطماع يا يديها كاملة يا يخليها كاملة ... خلاوها اللوالة اللهوما العمش و لا العوورة
مينة : وااااا الخ*ااا w9دي شباقا كديري حداي
تفرق المجمع و مشات بحالها بقاو هوما شي كيشوف فشي ..من لول محاملينهاش غير مكان عندهوم عليها لاين ضروري فالفرقة خاص لي يغني ..
مينة( كضرب ففخادها) : اولي وحدي و شغانديرو دابا و حنا شادين العربون..
حليمة : كون غير بردتي السوق معاها تانتي شخضتي مبغيتي تطفاي
مينة : طلعاتلي فوق راسي اووو بزاف على هاد تخنات ديالها.. ت79بين الخاوي معندي مندير بيه ...
كوثر : واصراحة عيقات و زادت فيه من واحد ناحية عبرتي عليها ..
مينة :اربي و الوقت كيطير معرفت شنو غنديرو دابا و القاضية فيها فلوس صحيحة... بنت الهم خلاتنا خلا ..
حليمة : غني نتي و حنا نتبعوك
مينة : واش منيتك كيغانديرولها راه خاص 3 يشطحو و انا نهز الميزان و لي تغني ..
حليمة : و دابا شغانديرو و ناس كيساينو ..
قاطعاااتهومم اشراق : دخلوني معاكوم ...
ضارو كيشوفو شكون هادي لي هضرات كتبالهوم بنت ضعيفة مقارنتا بيهوم و للاكين تقدي غراض بديك طرف لي عندها ..
مينة : على بسلامة غير اجي و غني سيري سيري مقادا على شوها ..
اشراق :هانتي مغتخسري والو غير جربيني إلى عجبتك خليني معاكوم إلى معجبتكش نمشي بحالي ...
مينة : مالي حمقة منقدرش نغامر ...كون غير مكانتش القاضية فيها العاقا نيت ممكن ..
دخلات حليمة جرات مينة كدوي بشوية : كون غير قضيتي بيها زينها كيفتن دوخ بعدا رجال و يقدر تعجبنا زايدون حنا واحلين و ربي جابها تال عندنا... شكون بحالك غا مشات فاطمة ربي سهل عليك فهادي و جات تال عندك مقلبتيش عليها ... و باقا صغيرة تربيها على يدك
بقات مينة كتشوف فيها و تصكانيها من رجليها تال راسها : مممم غنغامر معاك مي بشرط إلى عجبتينا و دخلتي معانا كيفك كيف لبنات لخلاص كيتقسم علينا كاملين و لغرامة حتى هيا ... سخونية رأس معندي مندير بيها .. بغيتي تخدمي نتعاونو معاك ... نمشيو معاك بنيتنا.. ديري هاكا و لا هاكا الطريق لي جابتك تردك...
اشراق : واخا فهمت و تا انا موافقا مب عندي شرط
مينة طلقات ضحكة : منيتك باقي مسخنتي بلاصتك و كتشرطي محشمتيش
اشراق : واغير سمعي
مينة : مبقيناش باغين سيدة كتشرط من دابا.. شفتينا غا قبلنا بيك و دخلناك... و اللهيلا داخلة سخونة راه غير غنجربوك ازين..
طلعو كاملين فديك فلهوندا كلها حداها صاك لي فيه حوايج خاصة بيهوم ..
تبعاتهوم بيكوب لي فيها المطريل و فرقة ديال رجال لي كيعزفو ...
غير تحركو سهات اشراق كتفكر فهادشي لي دارت ... اول مرة غتخدم و اشمن خدمة شيخا ...
كتخيل كون صاقو الخبار دارهوم كون دفنوها حية ...مي من جيهة خرى اللهوما شيخة و لا زنقة متلقا فين تكون.. و المدينة جديدة عليها و الذياب موجودين... نفضات افكارها و شكرات ربي لي وقف معاها بعدا متعدبات متمحنات متجلوقات.. واخا ماشي شي خدمة مي اللهوما العمش و لا لعور
غير فاتو المدينة جبدو البنات البنادر كيسخنوهوم عوالين يحيحو.. كيف ديمااا ميمكنش يمشيو لشي بلاصة و هو ما ساكتين ضروري كينشطو الأجواء بيناتهوم
داخل الفيرمة كانو ضاربين جوج خزانات فاصلين بيناتهوم بليزار باش قاصدين رجال على العيالات... و جيهت شيخات اونفاص مع الخزانات بجوج...
دخلو البنات و اشراق بداو كيوجدو راسهوم ويقادو لباسهوم جبدات اشراق واحد القفطان دعرسها كانت جايباه معاها ...حيت لباسهوم مجاش قدها ...
قادات ليها مينة ميكاب لي على قد الحال كحلاتليها عينيها لي جاو كيسلبو مع شحال مدارت شيحاجا لوجها ... بان الفرق .. عكراتليها بعكار 24h و دارت منو شويا فحناكها باش متبقاش صفرة...
عجبها راسها و بقات كضحك ... لي يشوفها غير البارح كانت كتبكي و تندب... ها هيا اليوم كتقاد راسها باش تغني و ينضاف لقب شيخة للقب مطلقة ..
في الخزانة
كاع ناس دوار خداو بلاصتهوم و لحلوى و اتاي كتفرق... لي عندها شي تكشيطة لبساتها لي عندها شي دهب دارتو ...كل وحدا باغا تبان على لخرى كيف لا و اليوم عرس ولد شيخ لقبيلة و واحد من أصحاب الشركات...
ناس لي غير سميتهوم كافيا تخلق الرعب فناس دوار... معروفين بالأراضي لي كيملكو... والخيرات ...
هوما مالين دار الكبيرة كلشي كيحتارم الشيخ و كيقدرو ..
بدا العرس بطبالة و الحيحا ... كلشي ضاحك و ناشط .. كيتسناو يزها الطرح بالشيخات...
عند الشيخات
دخلو مع صلاة عنبي و زغارت ديال لعيلات لي غير شافوهوم بداو يزغرتو ...
بدات لفرقة لي معا شيخات كيضربو بلكامانجا و لبنادر و بداو شيخات كيشطحو و يردو عليهوم ...
اشراق لي بقات حالا فمها فكم الهائل ديال ناس لي حاضرين ...نغزاتها مينة باش يبداو بالاغنية لي كانو دربو عليها قبل فطريق ...
بقات كتغني عايشا الاجواء ... كلشي نحيح و ناشط...
اعجابهوم بصوت إشراق كان واضح .... خلقات ليهوم لومبيونس... دارتليهوم الحيحا و النشاط .... دخلات فالجو و نسات راسها نشطات و حيحات و شطحات .... واخا كانت مكلفة غير بلغنا .. خرجات كاع ديك الفقصة و القهرة فالشطيح بردات غدايدها ...خلاتهوم حالين فمهوم فيها...
جو لي دارت خلات العيالات كيغنيو و يشطحو... كل وحدة كتبين راسها فالشطيح و بلي تاهيا كتعرف ...
لبنات طلقو شعورات و بقاو يركزو ... لعلى و عاسا يتخطبو... كلها باغا تبين المواهب ديالها... لي عندها شي طرمة كتلويها... لي عندها شي صدر مبندراه... ايوا لي معندها والو كالسا دايرا العقل كتصفق بيديها...
دراري صغار كلها فين كينقز و يشطح... رجال ناشطيح حالين فمهوم فشيخات بالأخص ف اشراق و طايتها ...
فلوس الغرامة غير كتزرزر لي عندو شي زرقات ناض كيحطهوم و هوا ضاحك ...مينة عينيها غير على لفلوس لي كيعلقو ....
خدمات تا عيات و بحال هاد لغرامة ما شافت... مندماتش لي دخلاتها معاهوم و كتحمدالله لي لاقاها بيهوم ... ربي فاش كيبغي يكتب شي رزق لشي حد راه واخا يطير غيوصلو... اما الانسان كيبقا غير سبب ...
من أغنية لاغنية مكاين غير لحيوح كلشي فرحان كلش ناشط تفرقت الماكلة كلش كلا و دا معاه كيفلا و دار الشيخ لي معروف بالكرم ديالو بقاو هكاك تا قرب صباح يصبح
اشراق و لبنات مبقاوش كيحسو برجليهوم بكترت الشطيح... اما اشراق حلقها ضرها بكترت لغنا حسات براسها فوجات و خرجات كاع ديك طاقة سلبية نسات لهم و الغم ..
سالا العرس و تجمعات الغرامة و خداو خلاصهوم بزايد شدو طريق راجعين لكازا غير وصلو خلصو مول الهوندا و البيكوب ...
عطاو لفرقة درجال فلوسهوم اما تا هوما تايرتاحو و يصحصحو عاد يقسمو لي بقا ...
مينة : زيدي دخلي مرحبا بيك كيفما كاتشوفي حنا ساكنين هنا كل 2 واخدين بيت عايشين مجموعين كناكلو مجموعين و لي جات فحقها شي حاجا كتخلصها ...
اشراق( نعاس و لعيا غالبها ) :معنديش مشكيل لي درتوه انا معاكوم
نعتات ليها مينة لبيت فين غتبات كان بيت مشترك بين مينة و اشراق فيه خزانة على شكل ماريو و 3 ديال سدادر وزربية ...
دخلات اشراق دايخا بلعيا غير باليها سداري و هيا تلاح عليه ...راسها كيزدح صوت لبنادر باقيين فودنيها محسات براسها حتى نعسات ..
بقاو لبنات كيضحكو عليها و على حالتها عارفينها غتصبح خاسرا و لعيا عاد غيرجع معاها ... كلشي عجبو لحال من خدمتها كيف لا و هوما بسبابها خداو فلوس بدوبل ..
تفرقو كل وحدا تلاحت فبلاصتها ترتاح كلشي عيا بشطيح و رديح...
جا صباح فاقت اشراق على التقرقيب و الهضرة كتحس بعضوماتها مدكدكين وراسها ضارها...
ناضت جمعات بلاصتها دخلات غسلات وجها و قدات حاجتها و دازت عندهوم لقاتهوم مجموعين فوسط دار.. دايرين تما 2 سدادر و مينة كتوجد لفطور ...
مينة كدوي من لكوزينا: ديرو بلاصة لاشراق... كلسي متحشميش غير تسخن الخبز نجيبها و نجي ..
حليمة :دوزي تكلسي كيف صبحتي بعد
ا
اشراق : راسي كيتشق ...لحم تقطعات فيا ... تا عضم ما فيا صحيح ...
صقرت حليمة مور مخنزرات فيها مينة فطرو و سالو... صدرات مينة حليمة تغسل لماعن و لبنات كلها شنو مشات دير و كلسات هيا و اشراق حاطين حداهوم سينية داتاي ...
مينة : عاوديلي عليك شنو لي جابك لكازا
اشراق : اودي منين غادي نبداليك قصتي قصة طويلة ...
صدرات مينة حليمة تغسل لماعن و لبنات كلها شنو مشات دير و كلسات هيا و اشراق حاطين حداهوم سينية داتاي ..
مينة : عاوديلي عليك شنو لي جابك لكازا
اشراق : اودي منين غادي نبداليك قصتي طويلة ..
مينة : عاوديلي تقدري ترتاحي... دابا حنا شاكرين الملحة والسكنة ما فيها باس نشركو الهموم و يجي نهار نشركو الفرح ...
اشراق : جابني زهري و قلة حيلتي ..كنت عايشا فلعداب و الويل... لكن كنت صابرا و موكلا امري لربي...
طغاو و زادو فيه شافوني معندي لا حنين لا رحيم ...تامن والديا لي خاص يكونو السند و الحضن الدافي نكروني و دارو عين ميكة ...
فاض لكاس و نهار هضرت خديت السخط... نهار دافعت على راسي وليت منسواش ... تهانيت و تضربت... اندليت و مبقات عندي كرامة... خاني ولاحني فزنقة... ما انا مرا كيف ناس ما انا خدامة بدراعي ...
كنت نكره نعس معاه.. مكنت كنحس بوالو... كان كيطلب مني لور.. و غير مكنبغيش كان كيشبعني عصا و يبزق عليا و يهبط... كانت علاقتي معاه جحيم فجحيم... فتالي مبقيتش كنخليه... كون كان غير كيف رجال دبصح... لحيرة غير باغي ينعس غير كيقيصني كيجيبو... كانت عندو سرعة القدف.. مكانش كيرضا...
واحد نهار مقدرش يقيم داز عندي كحل... اتهمني اني درتلو شيحاجا و سحرتليه... مو كانت كطلعني و تهبطني بالسحارة... كانو خايفين لنتقفو... انا فين بدا يدخل لبنات... كان كيسحابيه غنغير عليه ... نسا بلي انا محاسباهش راجل كاع...
كنعقل واحد نهار لي موراها غنقرر نطلق... تمادا بزاف و بغا ينعس مع وحدا حداي... انا راه معندي غراض مي عفت عفت ديكشي لي شفت ... تخيلي دخلها و سورت الباب علينا ب 3 و مو شافت كلشي حرام واش دوات...
واحد المنظر متسوريهش.. بغا زعما يبيلي بلي راه راجل .. ساعا كيديما غا جابو و سخف عاد سيد كان واخد فياكرا ... اودي شغادي نعاودليك ... كنت
نتهنى منو تطلعلي مو ... كون غير كنت ندير علاش ... من اللول و هيا محاملانيش ... عمري شفت شي مرا كتغير على ولدها لديك درجة ... متحشم متستحيا... كان إلى بغا يبات حداي خاصو الاذن منها... و إلى مبغاتش و الله لا طلع لعندي ... تخيلي كان خاصو يبات حداها حقا كتخاف تنعس بوحدها... كانت تفضل تشوفو مدخل الخانزات و يقدي غراضو و يرجع حداها و ميطلعش لعندي....
كنت بحال لخدامة يمكن كون كنت خدامة كون حتارماتني.. على الاقل متكوينيش بالعافيا إلى تعطل لغدا.. و لا الى نسيت موجدش شيحاجا ... كان نهاري يدوز كحل ..
الضلم و الحقرة عمري ضنيت غنعيشهوم.. و عمري فكرت نصبر عليهوم... من نهار اللول كنت باغا نطلق ... كنت باغا نهي هاد المهزلة... مكنتش راضية على ديك الحالة ..و كنت باغا مي لي ولداتني تحن فيا و ديرلي طريق مع با... ساعا غير كانت تشوفني نشكي كانت تكحل بالعما... هضرة وحدا كتقول : عادي كاع ناس هاكا.. كاع ناس مزوجة و عايشا وصابرة.. عرفتي كون كان راجل كون عيشتو فوق سلك... الفراش هوا لي ميضربليهش حسبا... كون عاش مفطح ساعا ماشي دوجهو ...
مكانش كيهمني وجودو حيت كيف حضر كيف لا... ملي تزوجنا و حنا فصداع و انا فدل ... عيت نشكي و نبكي على مي ...الأم لي خاصها تكون هيا منبع الامان ... كانت هيا لي كتحطمني و تكمل عليا... مكانتش كتبغي حتى تسمعلي...
ياما جيت عندها مهلوكة عصا مكانتش كتبغي دخلني ديما كتسممني بهضرتها : كون كنتي مرا و نص كون راه كيبوسليك رجليك ... و هادشي لي كان كيقهرني و يحطمني... باش تشوفي لي ولداتك... لي ياحسرة الجنة تحت اقدامها.. لي كانت مرة قبل من ام... محساتش بيك... مراعاتش ليك.. كاتشوفك معدبة و تزييدك لعافيا شنو بقا ... قوليلي شنو بقا ...
طبطبات عليها مينة و حضناتها عندها بقات فيها و حسات بلي مدازش عليها قليل.. و بلي نفسيتها متضررة و قلبها طايب غير مكتبينش..
مينة : الله ياخد الحق (بزقات فالارض) : اشمن راجل هادا ش*ماتة zaمل كاين شي راجل يخلي مو تحكم فيه اولي وحي تا من لكوا خاصو ليه رانديفو الله يقطعو ليه منجدر ... هاد نوع المفرعن كتلقايه عندو قد صبعك صغير و كالس يتفرعن... حاسب راسو عندو قياس الكبالة... ايوا باز... تلقايه كيسالي و نتي كتسولي راسك اولي على ايمتى دخلو ...و امتى بدا باش يسالي ...
اشراق : و الله مكدبتي واحد ربع شبر فرحان بيه قدو قد البلوطة و كون غير بقات فنعاس .. لا معاملة لا آداب لا تربية كيفو كيف مو مصوفجين...
مينة : يييخ يقطعلهوم جدر .. هادي مرا هادي لي تحكم فولدها.. لي حتا نعاس دخل فيه .. بقاليها غير تعطيكوم لي بوزيسيو لي تمشيو عليها... الله ينزل عليها النعلة فهاد نهار .. الممسوخة الخرى.. مكرهاتش كون هيا لي بلاصتك استغفر الله على القوم... منين فيها الدودة و كتخاف كون قلبتوليها على راجل.. على لي يبرد دودتها.. ملي هيا كتخاف قلبولها على الونيس...
اشراق : و الله مكدبتي... اودي هادا زهري و شنو هز مكتوبي.. الحمدالله على كل حال .. ربي كيبغي يختابرنا...
مينة : حمدي الله لي مولدتيش كون وحلتي نيت ديك ساعة اجاب مفكها... بعدا دابا راكي غير بوحدك خفيفة ...
اشراق : على لخاطرهوم... كنت كنضرب كل 3 شهور اليبرا دمنع الحمل بتخبيا... عليها مو محملاتنيش حيت محملتش من ليلتي ... كانت كطلعني و تهبطني بالعاكرة
مينة : بغيت غير نفهم علاش وافقتي تديه مالك مكملتي قرايتك .. تانتوما هاد جيل دابا مزروبين على زواج.. تقول تقبتكوم كتكون متقلة عليكوم..
اسراء : واش بخاطري انا كون جات عليا نديرليه الملحة و منخليه يقيسني... راه با عقليتو زبالة... خديت لباك و بسيف باش خلاني نكمل فلافاك درت اقتصاد ...كان كيحسبلي الخطوات ديالي شحال من مرة تبعني باش يشوف تحركاتي ساعا لقاني خاطيني من الكلية لدار تامن صحابات مكانوش عندي كنت مبعدا من صداع ... ايوا حتا لنهار المشؤوم
مينة :ايوا و شنو وقع
اشراق : حتى لواحد نهار كان نهار تالي دلمتيحانات دوزت و رجعت مع دخلت لقيتهوم كيوجدو تا صدموني بلي شي واحد خطبني و بابا وافق و عطاهوم لكلمة و لعشيا غيجيو ..
و نهار العرس خسر عليا بابا كلمة وحدة : غدخلي لدارك بالبيض و مغتخرجي إلى بالبيض ..
مينة : واقصة و اشمن قصة ... عمري كان يسحابلي بلي كاين ناس باقي عندهوم هاد العقلية المتخلفة ... بلعكس دابا الآباء كيشجعو بناتهوم يقراو و يوصلو و يديرو المستحيل باش يشوفو بناتهوم حسن منهوم.. واصلين و محققين داتهوم..
اشراق : وييه .. كلها و عقليتو.. و انا هدشي لي كتب عليا ربي ... كون تشوفي فالمحكمة مخلاوليش... من دق كليتو... و سبان على جهد .. راه انا اول وحدا فالعائلة غطلق.. بالنسبة ليهوم انا منسوا منصلاح جبتليهوم العيب و العار ..
اشراق : لمن تقوليها .. تا يكونو واعيين.. كيحرمو و يحللو بوحدهوم..
مينة : و نتي شكون شجعك طلقي و كيفاش درتي تا وصلتي لهنا كون مطلاقيناش معاك شو كنتي عوالا ديري ..
بقات اشراق كتعودليها من نهار خرجات من دار راجلها عاودات ليها على كريمة و مها على ختها.. كلشي عاوداتو منسات والو .. من نهار فكرت طلق حتى لوقيتا لي تلاقاو حدا المحطة ...
مينة : كلشي مكاتيب الله يصاوبلك و مرحبا بيك معانا لي تقالت عليك خفافت علينا ... حسبيني بحال ميمتك .. غير هوا نصيحة من الاحسن متعاودي لحد قوليلهوم مقطوعة من شجرة و صاف حتى طلاقك متجبديهش ..
اشراق :لا لا كوني هانيا
مينة : تباركالله نتي فنة و عاطيا العين و الحسد و الغيرة مجودين فينما مشيتي و تيقة مبقاتش... كانت شي حاجا اجي عندي و لي دوات معاك عطيها علاش كتقلب راه مكيحشموش متسكتيش ليهوم يركبوليك فوق راسك ...
اشراق: واخا صافي كوني هانيا ..
مينة : غنعيطلهوم نقصمو لفلوس ..خبي فلوسك و حوايج و حتى تشري شي ماريو و خلي ساروت عندك ساروت دلبيت دابا نخرجلك عليه ...
اشراق : واخا لهلا يخطيك
عيطات مينة على لبنات عرفاتهوم كتر على اسراق.. عودات ليهوم غير لي بغات عليها...
فرقو الفلوس حطات اشراق فلوس الكرا و التقدية لي جات فحقها طلبات من مينة تخرج معاها تقدا شنو ناقصها بحكم هيا مكتعرف والو فكازا ..
خرجو ..مشات اشراق و مينة خداو ماريو بجوج بيبان قديم مي صحيح و باقي مزيان بسوارتو ..
مينة : زيدي شنو خاصك خور
اشراق : تال مرة خرا مبقاليش دابا فلوس
مينة : واغير زيدي تال منبعد رضيلي ..غدا راه كاين واحد سبوع غنخدمو فيه... دابا خرجنا خرجنا خودي لي خاصك..
اشراق : صاف واخا حسن تا انا مافيا لي يبقا خارجا على سهرة..
كملو التقضية لي خاصاهوم..خدات كاشة جديدة و مستلزمات دوش اما تا لحوايج اللبوس لي جابت معاها كافينها منبعد عاد تبدل..
رجعو الدار فلهوندا جابو فيها الماريو ..دخلو مسخسخين ..
وخا هكاك ناضت اشراق و مينة تعاونو سيقو البيت و دارو الخزنة حدا الماريو قادو كلشي و رتبوه...
دخلات اشراق دوش من لعرق و تخفف عضامها حكاتليها مينة ضهرها و تاسفات على لحمها لي زرق بلعصا و طبايع لي فيها..
خرجات لقات لبنات مجموعين ..
كوتر : بصحة و راحة بان فيك الحمام ..
حليمة :بصحتك
مينة دوزي تكلسي تاكلي ..راكي عيتي ..
حليمة :مالها شدارت ياك نقات فين تكون ..
مينة : نتي واقيلا كتقلبي عليا ... كلاوك جنابك..
كوتر : انا كوثر مرحبا بيك و هادي حليمة و هادي رحمة
اسراق :متشرفين
مينة : واش تقيل كتعارف معاكوم راه صباح تعارفتو ..
كوثر : وا غير فكرتها صباح كانت عيانة ..
مينة :كبي كبي خلينا نعقلو على طرف دلخبز منبعد نوضو ندربو
رحمة :هيا شي عراسية تاني
مينة : لا غير سبوع بين العيالات
رحمة :ايما وانا قلت شي همزا تاني
مينة : لا لا غير مجمع دلعيالات نشطوهوم
رحمة : ايوا حسن نيت يرتاحو عضامنا من شطيح ..
اشراق : على فاس كيكونو غير لعيالات مكتشطحوش ..
كوثر :كنشطحو مي غير شويا الى حنا بغينا و صاف ماشي ضروري لعشية كاملة شطيح .. المهم هوما ينشطو و يشطحو
اشراق : اه دونك شطيح نيت كيكون غير فاش كيكونو رجال ..
كوثر :لا دابا هادا سبوع كيكون فدار باغين غير ينشطو و يحيو ..
مينة : حنا ماشي غير شيخات مي تا عونيات .. ماشي ضروري ديك شطيح نيت ممكن غير نمشيو و نغنيو ليهوم و طلع لعشيا ناضيا .. ديكشي على حساب الكليان شنو بغاو..
اشاق :اه دابا فهمت
حليمة : على سلامتك تقولي جايا من الفضاء .. كونكسيو تقيلة.. تقولي معايشايش هنا...
اشراق : جايا من دار باك راكي كتقلبي عليا ... خلينا زوينين .. راني ملبارح كنجمعك..
مينة :هنيونا ..حليمة راكي بديتي كتخراي و تكلسي فيه .. جمعي فمك و قيلي عليك البنت ..
حليمة :مالي شنو قلت ...ضحكنا و صاف بنادم كيف مقروس .. (ناضت ) .. غير محسوسين الله يستر.. كلشي ولا محامي و كيفهم فالهضرة ... ( فنفسها غير بلاتي عليكوم مزال نوريكوم حليمة علاش قادا )
كوثر :انعلو شيطان رآها مقصدات والو
اشراق : قصدات و لا لا .. تجمع فمها...
رحمة : إلى ساليتو نوضو ندربو
كوثر : هاد ناس عندهوم ليل و لا نهار
مينة :لا فنهار دايرين لعيالات فلغدا ..
ناضو سخنو لبنادر و بداو يدربو ..عطاو لاشراق بندير باش تعلم ليه ..
بقات كطبل وكتستامع للإقاع لي غادين فيه حتى ولات كتعرف ..وشادا معاهوم الخط ...
كلهم شكروها من غير حليمة لي غير مخنزرة تقول واخدة ليها الورث...
جا الليل وكملو التدريب ودخلات إشراق ومينة وكوثر للكوزينة.. بدات كل وحدة كدير حاجة.. إشراق كتنصب العشا ومينة كتغسل الماعن وتردهم بلاصتهم وكوثر كتصايب فشلاضة صافي ملي سالاو تجمعو فبيت الجلاس تعشاو وكل وحدة مشات تنعس....
صباح يوم جديد.. فاقو البنات فطرو ووجدو الماطيريال ديالهم وتسناو حتى جات البيكوب ومشاو فيها للدار لي غيكون فيه السبوع.. غير دخلو بداو فالخدمة..
كانو ناس اشكال الوان.. من طبقات مختالفة... لكن واضح انو الطبقة البورجوازية غالبا ...
بقات اشراق كدور فعويناتها و كتشوف فالناس لي حاضرين.. للحضة تمنات تكون بلاصتهوم.. نسات انو المضاهر خداعة و انو ممكن هادوك لي مزرزرين بالدهوبات يكون خاطرهوم مضرور و كتر منها هيا ...
سخنو الطعارج وبداو كيطبلو .. وإشراق كتغني اغنية مور اغنية حتى ختماتها بأغنية لبسي و طلقي الشعر .. خلات كلشي يحي معاها...
اشراق : وا لبسي و طلقي شعر و كحلي و ديري لعكر يالي تايقا فراجل
قصة شهوة ملاكم
محتوى القصة
التنقل بين الأجزاء