حكاية أنثى الجزء 48

غيتة:وصافي عفااك

جابر:راه عندك عقل فراسك ماشي باكور ...ضبري لراسك وعرفي حدودك

غيتة:واخ

قطعات معاه كتعيب هدرتو وجرات انصاف وقالت:وزيدي

انصاف(بخوف)ولاا اغيتة واش نمشيو لبلاصة معارفينهاش !

غيتة:ههه يكما زوهرية خفتي على راسك ؟

انصاف:اختي هاد زعامة ديالك الزايدة مكتعجبنيش

غيتة: زيدي وسكتي

انصاف(جراتها )والله متمشيي معاهم اغيتة ...اقسم بالله حتى نعيط ليهم

غيتة:مالها بغات تجيك صعيبة ...بركاكة

انصاف:اه بركاكة ومكنلوحش راسي فلعافية بحالك

غيتة:خلينيي تدابا سيريي تكمشي ...بقيتي ليا غير نتيي تخشي نيفك فحياتيي

انصاف:ضبري لراسك انا غنقولهاا لييهم ونهني راسي اختي

طلات فاطمة من لباب سمعاتهم منوضينها وخرجات :غيتة كاين شي مشكيل

غيتة:مم لا لا غير تفكرت خاصني نقضي شي حاجة ايرجون داباا عطيني لادغيس ندوز نيشان

فاطمة:يكما غتعطلي ؟

غيتة:لا لا دابا نييت

فاطمة:داكوغ زين

خدات لادغيس وجرات انصاف بنترة وقالت:ياله زيدي ودابا نتي لي تخلصيي الطاكسي

انصاف:اللهم نخلصو ولا نركب وخايفة

غيتة:مقعدة ...

ركبو فطاكسي نزلهم حدا لفيلا فين دايرة معاهم فاطمة لقاو طموبيل تما كينزلو منها لبكاج وماتريال الاضاءة والكاميرا ...انصاف كتقلب بعينيهاا وتعض فمهاا اما غيتة مششات كتعوج عند فاطمة سلمات عليهاا ودغيا دخلات معاهم لفيلا

انصاف:اش جابني معاها ياربيي

**

حل لباب بالساروت كيدندن ونادى باسمها جاوباتو من البييت مشا عندها لقاها كتقاد فلحلقات فودنها لابسة كندورة صيفية مبردة تاع لحضور

شهيد:كبيدة راك واجدة

اقبال:واجدة

دورها عندو وباس حنكها بلطف وقال:ناقصة شي ضحيكة

تبسمات ببرود وقال:تت ماشي ضحكة هادي ...وصافي

اقبال:غنولي بخير مديرش فبالك

شهيد:ياله لكملتي نمشييو

رشات القليل من عطرها ...لبسات فرجلها بليغة فلباج مخلية شعرها على راحتو هزات تيليفونهاا سدو لباب ونزلوو وعينيها كيدورو فجنابها قبل متركب

شهيد؛علياش كتقلبي

اقبال:تا على حد غير كنشوف ...دنيا عمرات

شهيد: الصيف هدا شنو عينتيي

اقبال:ممم

حرك ايدو على كرشهاا وهوا شاد طريق لدارهم ..وقف قدام طموبيلات تماا شي تلاتا يعني العائلة مجموعة ولخاطر زيرو عندها تعطي لكل واحد صوابوو فوق جهدها تاني

دخلو كيسلمو هادي عمتو هادي خالتو هدا جدو هادي مرت جدو وغادية هكاك تعرفات على العائلة وعرفهم عليهاا

كلسات معاهم فالصالة والصالة لخرا كالس شهيد او رجال العائلة وباه

العمة:اوى امينة تبارك الله مرت شهيد غزالة

امينة:اوى البركة وصافي هههه لازين الا زين لفعل

نعيمة:فعل وزين كولشي فيهاا امرت خوياا

الخالة :اوى تاشهيد راه تبارك الله ما شاء الله علييه

امينة(بافتخار )علاه ولد من ؟

العمة: شحال ليك هداا ...

اقبال:هدا التامن

العمة:كرش بنية هاديي

امينة:ومنعرف طبيب راه قال ولد ولكانت شابهة مها منعرف راه عندها غالبنات ...تعقلي سعيدة على مرت الميكانيك لي قبالتناا

العمة:دييك الزيينة تبارك الله كانت زوينة

امينة(ميقاات)اوى راه بنتها هادي ...فين زين عيات

نعيمة:اوى شكون هدا لي معياش راهم صغار ولاو يتشكاو من ضهر والعينين

امينة:دوي على راسك انا باقة شباب

الخالة:اوى نتي معندك عدوزة تنكدها علييك وحتى الراجل دروييش ميهز دجاجة على بيضها نتي تشيبي لي ميشييب اختي ...تفكريني غافعمتيي مسكينة تقول باخة فيديك ياربي السلامة هههههه

امينة:كيشتيني تخليني ابنت بويا (ميقاات)اوى شربوو

نعيمة:اقبال شربي كويس ابنتيي

اقبال:مقديتش اخالتي هاهوا قدامي

رجعات بضهرها اللور كتسنط لنغزات فكرهشهاا وصدرها تزير عليهاا كطلع النفس ومامرتحاش كل مرة تحط اديها فقنت...تمشي وتجي ولغمة فصدرها هييا هياا...حطو لغدا وتغدااو ...شافتو مجمع مع ولاد عائلتو مقدراتش تقوليه ياله

***

هيبة:واللهيلا فووجت من قلبي ...ستريس الخدمة هلكنيي

حياة(كتشرب فلعصير )كون اقبال تقد تسافر نمشيو لريف بغيت نشوف دوك لمناطق كيف راهم نطيحو على شي ريفي ملعق هههه

هيبة:ناري اختي نتي بزااف ههه

حياة:انا غي واحد احبيي هههه

هيبة:دابا شنو درتي لينا فلفيزا ! ندفع ؟

حياة:خلي غير نزطط رااسي از**...هانتي مسلكة راسك فلخدمة هناا صبري علياا نكري ونقاد راسيي وهاني معاا ختي

هيبة:عام عاماين

حياة:مريضة فكر**ك منقدرش نزيد نصبر تا شهراين وحدة خراا ...واحد الراس كيقولياا مترجعيش ل محمد ههه ولكن تفكرت بلي مقودة على ديل ميي بلا بيه حالياا ....بغيت نشري شي محال هنا ندير فيه صونتر ولا شي لعبة

هيبة:عرفتي العقار شحال غالي هناا ! وباش ديري صونتر بيوتي خاصك بزاااف تلماتريال وبزاف تاع لفلووس

حياة:داكشي علاش قلت لييك صبري على خبزتك نفك جرتيي وهاني معااك

هيبة:اوى نوضي نمشييو ...هادي لوقت راه تلاتا دابا ياله نوصلوو مع الوقت

حياة:داك لبيرمي مناوياش ديريه

هيبة:نهار تجي سااعتوو

حياة:تهادا نضر

بقفطان ملكي فلازرق اكسسوارات اخر مكاين فموديلات لعرائس مشطة شعر بينات فوليم خطير على وجها الدائري بحروفها لكبار مكياج مواتي اللبسة وبينها اكبر سناا فوق لݣازو كياخد ليها المصور بوزات كل مرة كيفاش يحركها هوا وفاطمة وهيا معليها غير تضحك وتبين القفطان كيف خاصو يبان ...انصاف شادة الصيكان وكالسة مقابلة معاها كتشوف فيها وتربت برجلهاا ...وكتشوف فلمصور كايهز ليها راسهاا وحتى لميكاب ارتيست كان راجل كل مرة يجي يقاد ليها شعرها او الاكسسوار فعنقها

انصاف؛ نااري واش كتحشم هاد لبنت

كيقاد ليها لحلقات لكبار ونطق قريب ليهاا :زينك واعر ميحتاج لمكياج لا والوو

غيتة:شكرا ههه

بعد عليها كيضحك وكيشوف فيها باعجاب ...شاب بعيون خضرااء ربيعية وشعر شهب ولحية خفيييفة

مرة مرة تهز عينيها فيه تلقاه كيشوفيها بنضرة اعجااب ويزيدها ضحيكة حتى كتبسم لييه حتى هياا ودور عينيها ... دوزات اربع لبسات كل وحدة بماكيااج فني ورسمة حواجب فشكل كتخليها تبدل كتر ليلونتي كدالك .. غيرو شكلهاا ...فالاخير كانت غوب ماغياج بيضة مرصعة بحجيرات فجناب طويييلة منفوخة على شكل قلب من صدرر بدون ايدين فقط لفوال طايح على لكتااف انصاف بلا متحس ضربات حنكها وقالت:اويييلي على بنت لحراام

مسمعوهاش حيت كلشي مشغول بتصوير والاضاءة واخد اللقطات المناسبة كأنها اميرة بفستانها الابيض كتوسط جردة الخضراء ولابيسين وراها ازرق اللون ...هيا راه كتصور محسااش بالوقت كيدوز وانصصاف شادة الركنة فالقنت شانقة على الصيكان كترعد بلخوف وشلا مألفات وحلات ...اما لميكاب ارتيست راه غيحمااق وعينيه محيدوش على غيتة بغا ياكلهاا وهيا راه عاجبها جو الاضواء

دخلات لبيت كيمسح ليها فلماكيااج وقال: نتي خاصني ندير معاك كونطرا تولي لوجه ديالي اشبان لييك

غيتة:معنديش مشكيل لكان هاد لمكياج هههه

_نتي وجهك زوين غيجي معاه كولشي ...هادي لكارط فيزيت نبقاو على اتصاال نمرتك عندي داكوغ

غيتة:واخة شنو نقيد عليها

_سمير

قيداتهاا بسميرة بلبلاصة وهوا كيحل فشعرها وقالت:صافيي قيدتها

تبسم ليها من لمرااية تدخلات فاطمة كتشكر وتعاود وقالت: فيديها جوا صفر :غيتة ها الامانة ...تبارك الله عليك موهوبة مزال نخدمو جمييع ...بيناتنا التيليفون نديرو شوتينغ جلالب ان شاء الله

غيتة:وقت ليي بغيتي فوتي ليا غير هاد شهر عندي الامتحان

فاطمة:المهيم بيناتنا التيليفون .بقاي تنوصلوك

غيتة:لاا تعطلت نمشي

مسحات وجها كلو مخلات والو فييه وخة بقا باين اتر المكياج حيت كان كتير ..ششدات الصصاك من عند انصاف وقالت:جييت واعرة بديك لاغوب

انضاف(شافت فيهاا )اه جيتي واعرة ...باز لك

غيتة:مالك تاني

انصاف:ماماليش زيدي تعطلناا

غيتة(كتحل فجوا كتقلب لفلوس وتحسب )زادوني ميتين درهم (جبدات ميا مداتها لانصاف )شديي

انصاف:لا اختيي فلوسك هادوك

غيتة:وغير شديي اصاحبتي

اضاف:ومبغيتش ا غيتة زيدي نمشيو خلاص تء

غيتة:لهلاا ...ياله ناكلو طاكوس فلمدينة ونمشيو

انصاف(خرجو عينيهاا )واش حماقيتيي من صباح وحنا كنتجلوقوو فزنااقي ربعة هادي واش نتي مامزوجاش اختيي

غيتة:انصااف عصبتي جد ميي ليووماا ماليي كنت كنسكر ...كنت خدامة على رااسيي وعلى حلميي

انصاف:ملي حلمك لا كتخبااي ديريه بلعلالي

غيتة:واااحد نهار ماشي داباا ....دابا غتزيدي وتسكتيي وسرنا يبقا هناا ولا منسمح ليك لا دنياا لا اخرة

خلاتها وزادت كدير لفلووس فالصاك فرقاتهم على جوج

غيتة:شدي هادو خليهم عندك تنحتاجهم وخبيهم فلماريو

شداتهم انصاف كتسوط ودارتهم فالصاكهاا وغير هيا وياها فزنقة كتصفر خافت وقالت:شدي طاكسي نمشيي منهنا خلاص

غيتة:خليت عندك الف درهم عقليي

انصاف:وصافي شدي طااكسي

غيتة:اجي نمشيو لطريق مبان ليا والو هناا اوف كون بقينا حتى داوناا

شدو طاكسي مشاو لوسط لمدينة ضربات غيتة طاكوس فرحانة بانجازهاا وانصاف كتسووط ...ناضو تمشاو خداو لكلاص او وقفو باش يدو طاكسي وكل وحدة تمشي لبلاصة

غيتة:تيليفونك كيصوني ..شوفي ششكون لكانت ماما سيفطي ليها تصاور تاع سسناك

انصاف(حيدات صاك من ضهرها كتجبد فتيليفون او غيتة كتوصي وتعاود )وخليني غير نجاوبهاا

غيتة:وتمشي تزلق لييك شي كلمة ا انصااف منسمحش لييك

محسوش بلموطور لي جاي تقرب تجر صاك انصااف من لخلعة زيرات على سماطي تجرها معا الصااك طاحت على ركابيهاا وغيتة كتغوت بفلوسيي طلقات من الصااك

غيتة:وشفااار هءهء وشفار (تبعاتوو كتجريي وتغوت وبنادم كيشووف )

غيتة (بلحوحتها خرجات تبعات حتى عيات وموصلاتوش دازت من حداها طموبييل معييطة وكلسات هيا كتبكيي وتندب وانصاف مصدومة وتحردات فركابيها

غيتة (رجعات دموعها ملاصقيين على لفلوس لي مزال مفرحات بيهم مبان ليها غير انصاف تبرد فيها)صافييي هدشي لي بغيتيي

انصاف:واش انا لي عطيتهم هءهء

غيتة(غواات)نتي لي كتشيري بتيليفونك هءهء فلووسيي مشاو اعبااد الله

_اصبري ابنتي مول شيفرولي راه تبعهم بجري عالله يا مولاناا

_ ودابا شافهم بنات حكرو عليهم...كيعرفو شكون يشفرو حتى هوماا

انصاف فبلاصتها كالسة كترعد وتبكيي وغيتة حسات بالشمتة ورزق كتافها مشاا. ...اول مرة دارت شي حاجة باغاها من قلبها فاللخر متفرحش بفلووسهاا بكات تعياات وفقدات الامل يرجع شي حد ولا حتى فلوسها يرجعو متقدرش ديكلاري وهيا خارجة بلا خباارهم هادي هيا لي قالو عليهاا ...فلوس لبن ياكلهم زعطوط

_اختيي عاقلة على وجهو سيرو ديكلارييو

_بلاتي بلاتي ماشي هدا لي تبعهم

هزو لبنات عينيهم فيه جاي شاد الصاك فايدو وحدة شهقات ودورات وجهها او غيتة مششات كتجري طيرات ليه الصاك من ايدو كتقلب فيه بهيستيرية حتى لقات جوا وتنفسات الصعداء

شداتها ايد من دراعهاا تدورات راسها لييه ونطق بصوتو كيحيد نضاضر من عينيه كيتأكد واش هياا

دريس:انصاف ! اش كديري هناا

تعقد ليها لساان على لهدرة خلات رجال لي واقفين يتكلفو يشرحوو وهوا عينيه غير عليهاا وغيتة راه وراهم كتحسب فلوسهاا تلقاتهم هوما هادوك شنقات على الصااك وجات عندهم

غيتة:انصاف ياله نمشيو

دريس:فيين ! مغديكلاريوش بيهم ؟ راه خليت صاحبي شادهم

غيتة:لا لا مهزو ليا والوو الله يساامح (جرات انصاف من دراعهاا )وزييدي

دريس(شد انصاف من دراع لاخور وقال)بلااتي بلاتيي واش هبلتيي ؟ ديكلاري بييه

غيتة:اخوياا درتي فينا خير الله يرحم واليديك ...مبغيت صدااع

دريس(نتابه لركابيي انصاف محرودين )واش مقسحة ! انصااف (طرطق صباعو قدامها )جاوبيي

غيتة (هزات عينها فيه بغات تهدر وعرفاتوو صفاارت وخضارت هوا نفسو طبيب انصاف ونفس الوقت صااحب شهيد وشحال من مرة لقاتو معاه فالصيدلية )م ما مالها والوو صافيي ...انصااف نمشييو

دريس:غنوصلكم ...متأكدين متديكلاريوش

غيتة:لاا الله يسامح ...عفاك متقول لشهيد والوو اتخلع ختي على والو عفاك

ادريس(بقا مدة كيشوف فيها وقال)لي بان ليك

انصاف: نمشيوو ماما غتشوش عليناا

ادريس:اجي نوصلكم متمشيوش بوحدكم فهاد لحالة

انصاف:لا لا نمشيو فطاكسي

ادريس:دوزي تركبيي شوفي ركابيك ...اجي تشربي لماا اجي (شاف فغيتة )اجي اختي

سبقها شاد انصاف مجرورة كترجا بعينيها غيتة باشش تهدر ولخراا دارت راسها عمية ...حل ليها لباب لقدامي كاسها وغيتة هزات واحد لحاجب كتشوف

دريس:بلاتي نجيب ليك قرعة تاع لماا ...ركبو

خلاتو مشا بججري لحانوت وناضت لغيتة:ياله قبل ميرجع حشوومااا

غيتة:اتركبيي هيا هاديك مبغيتيش راه طاكسيات ركبي تاتشبعي انا غنركب

انصاف:واش نتي منوالا تركبي معاه

غيتة(ركبات )صاحب خويا شهيد

شافت تعياات وركبات القدام ركابيها حرقوها كتسسوط عليهم

غيتة: ناري كون مشاو ليا لفلوس نتااحر

انصاف:اخر مرة تخرجيني فهادشي

غيتة:اصبري ندير لمعارف ولي هدشي بلعلاليي

حل دريس لباب من جيهتو كلس بلاصتو مد لكل وحدة قرعة صغيرة

كتشرب واحلة ليها حاسة بيه حاضيها دورات عينها شوية لقاتو مقابل معاها كيتسناها تكمل وغيتة اللور غرغرات القرعة بشحفة الخلعة وتكات بضهرها على لكراسة

دريس:صافا ؟ يكما لخخلعة باقة

انصاف(حركات راسها باه )شوية

دريس:لمرة جايية ردو لبال ...شنو دابا نتاصل بصاحبي يطلقهم

غيتة:اه اخويا غير قولها لييه يمشي يقراها فينا حسيفة

دريس(حرك راسو بواخ )لي بان لييكم ...(تحرك بالطموبييل ولخرى حداه مكمشة مدورة راسها لزااج كطلع النفس خنقاتها الريحة لمجهدة فطموبيل ...بحالا فهمها وهبط الزاج كتر ونطق بهدوء )ديري لاصانتيغ ديالك

مسمعاتوش تنغزاتها غيتة وقالت:ونتيي مضهصة وزدتي كملتيي ديري السمطة اصاحبتي

جبدات ايدها قافزة عينيها كيلععبو وايديها كيترعدو دارت السمطة مزيرة على القرعة تاع لماا كالسة على الشوك ...شافت راسها قربو لعمارات وقفاتوو فشاريع لفوق وقالت:صافيي وقفنا هنا عفااك

دريس:باقة دار بعيدة

غيتة:لا لا غير حطناا

دريس:لي بان ليكم

نزلو مدردبين وانصاف لصقات فغيتة معطاتوش فرصة تبقا معاه فاص...خلات كيدوز لسانو على شفايفوو متبع ليها العين تبعدات ورجع بلور مكمل طريقو

غيتة:هدشي لي وقع ليوم يبقا هناا

انصاف (مزال فيها الخلعة )كون هزو عليها لموس ولا ق**تلو شي وحدة فيناا

غيتة:صافي مطرا والو ولفلوس رجعات ...فلوس لحلال

انصاف(شافت فيها بمعنى منيتك )اه حلال كاع رجال عبزو فييك ها ليي ركبب شعر هالي صاوب ليك لعكر ...وزايداها بلعرا...كسوة هاديك تلبسيهاا ؟ نص صدرك بان منها

غيتة:واش لحمي هدااك نتي مالك حاسداني ؟

انصاف:نحسدك ؟ اختي مبقاشش تديني

غيتة:لعاوتها خراي علياا

زادت وخلاتهاا كل وحدة غادية منفخة وحدة حايرة مع فلوسها ولخرا السروال تحرد ليها وركابيها تحردو

دخلو لدار لقاو الغالية مفرشة وناعسة ب بيرميدة وتريكو نص كم عريض والدرة على شعرها سطولة تاع لحمام حدا لباب مع الصاك

انصاف:ماما ...ماما

غيتة(بهمس )سكتي ناعسة ...(جراتها )زيدييي بدلي هاد لحالة ...زيدي

مشاو كيتسلتوو كي السرقات لبييت لاحت ليها الصااك وكتهامسوو ديريه هنا لا هنا ورا لباب لا ورا لماطلة

غيتة:ورا حوايجك مكاين لي يقلبهم

كلسات انصاف كتحيد فسروال وغيتة مضاربة كتخشي فلفلوس ورا حوايج ختهاا تدخلات عليهم الغالية مفزوعة ملي سمعات لهمس فلبيت

الغالية:اش كديرو هناا داخلين تشفروو

انصاف(ناضت قافزة بلخلعة ...)م ماما

غيتة(سرطات ريقها تدوي قبل لتفضحهم انصاف)ماما كنا جايين وانصاف طاحت وقلت ليها تبدل بلا متفيقك(لاحت ليها سروال )هاكي لبسيي

الغالية:فين طحتي

انصاف:طحت! اه طحت فشانطي تقسحت (هزات لبيجامة)انمشي نبدل

بعد لحضات كالسين فالصالون كيدورو فعينيهم والخلعة مزال كدور بيهم كلسات الغالية كتشوف فهادي وفهادي وهوما كل وحدة شادة قنت فالصالون ومكمشة

الغالية:امالكم جيتي مرشوشين بلخرقوم

انصاف_غيتة: واااالو

الغالية(بتشكيك )والوو تبان تباان

شافو لبنات فبعضياتهم كيرمشوو وهبطو عينيهم كيرمشوو

**

حال العائلة ملي كتجمع كاع ضواسا كيجبدو يدابزو على بلان وقع قرن وزمارة هاديي يهدرو وينممو ويختموها بكل واحد يدير لي بغا وكل شاات تعلق من كراعتهاا ...على كاس تاع اتاي كالسيين ...ملاك كالسة حدا اقبال كتوريها فمجموعة من الاسرة تا لي بيبي ولخريين شي شاد تيليفون شي بنميمة مجمع

ملاك:شوفي ...بيلو هدا واعر

اقبال (بهدوء)زويين

ملاك: بلاصت هاد سمية تكتب اسماعيل اتجيك واعرة

اقبال:ان شاء الله

ملاك:عيتي نوضي تكاي

اقبال:مجاتش ...غير خليني مرتااحة

العمة:ولد رشيدة داها كاورية فراسك

مينة:فراسي قالتها لياا مفيدة ياختيي وداك زين تديه شارفة !

العمة:اش عينتيي ...لوراق كيعميو لعينين خلا لبنت لي كانت معااه كي لبلارة دا وحدة طييح يهزنا زلزال

امينة:الله يستر هاد لجيل ولا باغي غير لي فراسوو مبقا كيدير بحساب حد ....فاطمة شي خبار على فدوى ؟

فاطمة :لي كانت مع شهيد ! ...وقالت ليا معاا خطبها شي واحد مهييم فدولة

امينة:تستااهل قرات تاعياات باها طبيب مها استاادة اشبغات تديه سارح ؟ لواحد هوا لي يدي قياسوو (بغصة )كية هدا لي عندي (بهمس ) غصتو تالعند الله

نعيمة:امينة سكتي شوية غتسمعك واحلة فروحها

فاطمة:لبنت كتبان درويشة

امينة:معاشراها؟ واسكتي ماشي بغات تلوط ليا على لولد ! ولا غير تابعها ولا يجي.لدارهم بلحساب

فهاد الاتناء ناضت اقباال لطواليط حساات ب بنادم طلع ليها وخنقهاا كتر ...كطلع النفس غير بزز ...خرجات كتسوط ومع كتمشا بشوي مدارتش لحس

فلكوزينة كانت ملاك مع بنات خالتها كالسين

_واش بصح مرت شهيد مها شيخة !

ملاك:شكون قالها ليك ؟

_سمعتها دابا قالتها خالتي لماما !

ملاك:معرفت

_ اي هاي علاه معرفتيش ههه خالتي مكتحملهاش ...وخة كتبان ضريفة صراحة !

ملاك:انا بعدا معايا ضريفة كيحماق عليها خويا وتا اناا ماما غير كتخخربق

_قالت ليها خلى بنت ططبيب ودا بنت وحدة هزات قاعها لرجال حتى تهدو ليها الرجلين

ملاك:اويلي

_ناري عنداك تقوليها ليهاا هدشي راه ملي بغا يتزوج بيها ماشي داباا يمكن ديك الساع مكانتش بغاها ...ملاك عنداك

ملاك:ماما تا هياا فف

دقات قلبها تزادو وصهدات كتر من لقياس ...دازت من قدام لباب وسكتوو ...هزات تيليفونها من الصصالة عينيها مضببين بسخفة ..خرجات وتبعاها مينة بلعياط تالباب دار جراتها من ايدها قبل متحل باب براا

امينة:مالك ؟ مبقيتيش كتسمعي فين غادية

اقبال:ياك انا غير بنت الشيخة ...ماشي فمقامك الالة مينة شنو بغيتي

امينة:دوزي ...دوزي تكلسيي ش شوهيني مع خوتاتي تهوماا

اقبال:تداباا خلينيي نمشيي عند ميي الشيخة لي مطيحة بييك قدام خوتاتك ....نتي ام نتي ؟ ام لي متبغيش فرح ولدها منسميهااش ام

امينة:شتك ضسرتيي ؟ راني عدوزتك واجب علييك تحتارميني

اقبال (بانفعال كتهز فايدهاا ) نتي ماشي ديال الاحتراام ...سكت لييك حتى طبت ولا نتي بغييتيي تنزلي اللرض ...شنو تكوني كاااع فدنيااا نتيي شنوو

نعيمة خرجات لبرا كتسمع وتهدي نفس

نعيمة:اقبال عفا بنتيي تهدني

اقبال:هاد لمراا مبقات معاها هدنة ...انا ماشي دمدوومة باش نبقا سااكتة ليييك ...سكت مرة وجوج وعشرة درت بوجه ولدك لي عمرك درتي بوجهوو ...ولكن صااافي براااكة ...معاجبكش لحال ؟ كعلااا يعجبك مفااايقااش لييك من لقلبا ...على وجه راجلك او ولدك مزال كندير لما منين يدوز ولكن تالهنااا وحبس ...بنت شيخة وعمريي فيها فمك ...خدمت بدراااعيي وكبرت خمسة نفووس بعرق كتاافي وبوسخ طموبيلات كيف كتقوولي نتيي ...عمري مديت ايدي لشيي وااحد باش تجي نتي ودليني لعائلتك زعمة نتيي معرت فين واصلة ...شنو دايرة نتي فحيااتك شنوو ...النميمة وتاكلي فلحم بناادم وتحطي جبهتك اللرض ! عندك هدا ايماان ؟

امينة:فرغيي اش عندك ...ا شهازة فقلبك

اقبال:غنقولييك جوج كلمات وطريقنا تقطع هناا ...حسبي الله ونعم الوكيل فكل كلمة قلتيها علياا خايبة وانا مواصلااك بواالوو ...حسبي الله ونعم لوكييل فيك امينة الى يوم الدين

خلاتهم مشوكين فيهاا حدا لباب وخرجات وجها حمر هزات جلايلهاا كتنهج شيرات لطاكسي فطريق ..ركبات دغياا شادة كرشها من لفوق حيت تخنقات ...وصلات لجنب دار وقف كيتسناها تجابت ليه الصرف ورجعات طلعات مروعة ...دخلات لطواليط كترغ معدتهاا وكلها كترعد ...القء لي حملها كلو عمرها رجعات تاليوم ..طاحت فااشلة فلارض لارض كدور بيها كلها كترعد وعرقانة

هيبة:مكتجاوبش ؟

حياة(حطات تيلي )الاا تكون باقة عند ماينة

هيبة :تقدر

حياة:عرفتي شاكة فداك لق** داير عليا لعسة

هيبة:تانتي راك غير شاكة

حياة: ديما حاسة بششي حد تابعنيي

هيبة:من عير لكنتي دايرة شي موصيبة وخايفة تحصلي ههههه

حياة: انا لي قت**لت كينيدي مزيانة

هيبة:ههههه زيدي وسكتيي ازمر

دخلو لمدينة حوالي الساعة المغرب توجهو لسوبر ماركت لكبير هازين شبيكة فايدهم

هيبة:شنو خاصك نتي

حياة: خاصني واحد لبرودوي لحمي نسيتو

هيبة:بغيت ناخد تيرموس تاع القهوة صغيرة خصاني فلبيرو ..اجي معايا لجيهة لكتوب نشوف واحد الرواية

حياة:ليك ؟

هيبة:لاا ل اقبال ملقاتش لجزء التاني ديالها

لقاو علاش قلبات بقات شداه فايديهاا ومشاو جيهت لبرودوي كيختارو ويتزعلو مشات هيبة جيهت الشمبوان ...هزات عينيها ورجعات هبطاتهم وهزاتهم تاني بان ليها هشاام ...عرفاتو من وجهوو ودورات وجها عطاتو بضهر عاضة على فمهاا وهواا عاطيها بجنب وراها كيهز فشومبوان رجالي ...لابس تيشورت بيض لاكوسط او شورط حد الركبة مع كلاكيط ...بشكل مغاير على كيف كتشوفو ديما ...بقات كتلف فشمبوانات

هشام :هيبة !

جاها صوتو فودنها كي تلج على جسمها ...كتجيها رهبة منوو تفكرات بلان لكسوة لي لابسة صافي حشماات وكتقول فراسهاا دايرة سبة برااسي وخارجة مقزبة كندور اشمن فكرة غياخد علياا

دارت عندو كتسرط فريقها فايدها قرعة تاع شمبوان وضفار مصبغيين وفيهم خواتم سامبل فصباعها بشكل انيق مع براصلي رقيق دهب ..رجعات شعرها ورا ودنها بتوتر وقالت:سي هشام صافا

هشام(كان داير نضارات طبية وكاسكيط على راسو رمش فيها )كيبقا راسك شوية ؟

هيبة:اه شوية الحمد لله ..حم خرجت غير يضربني لبرد شوية عيت بدار ههه

هشام:يضريك لبرد فكازا !

معرفات باش جاوبات طلعاتها الصهدة ملي تفكرات سطاتي لي حطات فواتساب وتأكدات بلي ههيا اكبر دمدومة عرفاتها لبشرية لهدرة حلفات تخرج

هيبة :هاا اه كازا مشيت ليها مع ختيي صبااح هه راك عارف عاد جات خاصني نصبر ليهاا كل مرة جراني لقنت

هشام (بابتسامة خفيفة ) بصحتكم

حياة:هيبة ..خديتي داكشي (شافت هشام )سلام

هشام(بابتسامة)وعليكم السلام ...بونصصواغي هيبة

هيبة:بونوي ...بون بونصواغي سي هشام هه باغدون

رد عليها بابتسامة ومشاا بقات حياة متبعة ليه العين تنغزاتها هيبة وشافت فيها وقالت :مال هدا كيتخلص على الهدرة

هيبة:يااء ونتي شغلك السيد بغيتيه يكركر

حياة:يعطينا صوابنا ياك لمدير اكبر زلال

هيبة:فالقصص والافلام ...اما هداا شي تخنزيرات كيضرب فلبشر كيرعدني ناري على شوهتي ديما مشوهة بهاد لكسوة

حياة:شتو داير لخاتم مزوج

هيبة:يمكن ..علاش كتسولي

حياة:بغيت ندير التاني ديها فكر*ك

هيبة:ههههه ق**

حياة(ضرباتها بكتفها )متشرفيننن يا حبيبتشي

ضحكات هيبة ورجعو كيختارو فكريم مرطب ويتقابحو عليه ...حتى رن تيليفون حياة بميساج

جبداتو من صاكها كتحل فيه وقالت:عطيني تاع نيفيا لي زوين

هيبة:بدلي

حياة:قو"*ي

حلاتوو لقات لكونيكسيون مطلوقة خلاتها وميساج فواتساب ..قلبهااا ضرب بجهد ملي طالع ميساج من نمرتو ايديها ترعدوو وفمها نشف كانها مشارباش من مدة طويلة مبقات كتسمع والوو مكتوبة فوطو فلميساج ...اشمن صورة مسيفط ...مبقااتش زعمات تحل

هيبة:واش هداا ...اهياا وحياة

حياة:صافي لي هزيتي

هيبة:هداا معجبنيش واصلا ل ضات قريبة تسالي

حياة:بدليه

مشات تبدلوو بعدات عليها حياة مترددة تحل ...حلات مغمضة عينيهاا مع حلاتهم ف لفوطو مشوكية كبراتها دغياا وكأنها لقات روحهاا بعد غيااب ...بلا متحس مشات كتزرب كتسابق مع نفسهاا حتى وصلات لباب كتجري ...كتجري وقلبها كيضرب وصلات لبلاصة فين تخدات الصورة ...كتنهج مقابلة مع طموبيلتهاا ...كدور راسها هنا وهناا كتنهج باغة طيح ...وصلاتها صورة خرا لضهرهاا ...تصعقات ودارت بجهد ...حتى بان ليهاا قدامها بلباس رياضيي وشام فدراعوو باين من تيشورت لمزير على ايديه ...سبع شهور مزادتو غير فورمة ...قرب جيهتهاا غياكلها بعينيه باين شوق فيهم تحت جفونوو ...بابتسامة جانبية جدابة نطق بصوتو وقال:ما بلوند (حل ايديه وميل راسو جنب ) فيان

كانها فاقت من لحلم للحقيقة وهيا كتوفو قدامها بكامل الاوصاف كيقرب جيهتهاا ...رمات الخطوة عندو ...امتا كانت فحضنو محساتش فقط ترمات فيه وحتى هوا زير عليهاا غاطس راسو فعنقهاا ...استنشق ريحتها حتى بورشها ونطق بحب بمغربيتو المعكلة شوي :تواحشتك

غمضات عيينيها كتشم فعطرو الطااغي فييه بنجها وحسات بلوقت توقف حتى مجاوباتوش

هود:اي طوا ؟

حياة(تمخشات فيه كتر ونطقات جنب ودنو )ششش

تبسم وزيرها كتر عندوو

**

رجعات كتقلب على حياة مبانتش ليها ...كتشوف هنا وهناا ملقاتهاش بدات كدور بعينيها وبنادم كتير شي غادي شي جاي ...جرات الشاريو كتحبد فتيليفونها ياله دارتو فودنها هزات عينيهاا قدامها شهقات حتى طاح ليها التيليفون قدامها واقف وجهو مكيبشرش بخير تحت عينو كحل ولحيتو اسود من سواد الليل مخنزر فيهاا تخنزيرات وزعو الرعب فجسمها من جديد ...طلقات من الشاريوو وعينيها تعمرو بدموع ...حاسة بصووتها مبقاش قادر يطلع ....مع رما الخطوة للامام جيهتهاا ...غوتاات وغوتاات بلا متحس خلات الكل يقلب على مصدر الصووت منين

هيبة(بهستسرية )بعدد منيييييي بعد هءهءههء حياااااة ...حيااااااة ....واااااع ....وااااع (طاحت اللرض كتغوت بكاع قوتهاا حاوطها بايديه ...زادت انتافضاات بخووف باغة تمووت

هيبة:ولااااا ولااااا عتقوووونيي وماممااااا وحياااااة حياااااة بغااا يقتلنييي هءهءهءههء غنموووت