حكاية أنثى الجزء 49

من تأليف لبنى السرابي
2021

محتوى القصة

رواية حكاية أنثى

كتبكي بشكل هستيريي وكضرب فلايدين لي شاادينها بعنف وجهاا ولا حمر مبقاتش كتشوف بشكل وااضح ...تزيرهاا حابس ايديهاا ونطق كينهج من الصراع معاها باش تحبسسو

هام:تهدنيي ...تهدنيي هيبة اناا هشاام تهدنيي ...هيبة

هيبة دورات فيه عينيها بزربة نازلين بدمووع كانها رجعات لوعيهاا وقلبات راسها كتشوف فجنابها مكمشة على دراع هشام لي كالس عندها فلارض وناس شي كيشوف شي كيرمي عينو عندها ويزيد وفطرف لسانو معرت مالها

هيبة:فينوو هءهءهءهء ف...فينهواا
هشام(كيشوف معاها فين كتشوف )شكون
هيبة:هءهءهء هءهءه(بغا ينوضهاا وينوض ولصقات فيه ببكاء كي شي بنت صغيرة)لااا ولا هءهءهء متخلينيش بوحدي

هشام(كيشوف فالناس فهمو نضراتو وكل واحد زاد القنت )ديكالم ...غير وقفي من لارض
هيبة:مشاا ؟ هءهءه واش مشاا (بهستسرية )هءهءهءه لا ياربيي لااا

مفهم والوو ومعرفش شنو واقع دورو يعاونهاا..فقط من داع الانسانية وشراكة العمل متسمحليهش يخليها فهاد الظرف ...فقط لا غير مامنحقوش يسول شكون وعلاش وكيفاش

وقفها مزيرة على ايديه كان حاط ايدو فضهرها حس برجفتهاا بحالا كترجف من لبرد ...خواو بيها رجليهاا وزير عليها قبل مطيح ...شد وجها كيطرشها طرشات خفاف

هشام:هيبة....وكضي معايا شوية داكوغ

حركات ليه راسهاا شادة فتريكو ديالوو رافضة تطلق منوو كانها خايفاه يهرب بطريقة باش شاداه...طمنهاا ملي تحنا هز تيليفون والصاك من الارض وهيا عينيها كيدورو هنا وهناا ...

هشام:صافاا

مسمعاتش سؤالو حيت عقلها غاايب بنوبة هلع وخوف ورهبة ...صفارت وعينيها منشفوش من دمووع ...خلات الشاريو هكاك وحتى هشام خرج بلاش من داكشي لي كان هاز ...خرجو لباب وشدات على صدرها كتنفس بالجهد

هيبة:تخ....(كتنهج)تخنقت (كتخبط فصدرهاا لي كيطلع ويهبط

هشام :هيبة ...هيبة ركزي معاياا شوفي فياا ...هيبة تنفسيي مزياان
حركات راسها بلاا والخوف ايخرج من عينيهاا :مق مقدرااش

هشام:غيسبيغيي ...فازيي هيبة (كيتنفس بشكل هادئ)شهييق زفيير ...فازي بشوية علييك هيبة متخلعييش الي فازي

حيدد لكاسكيط حاير معاها كينش عليهاا تكيطير شعرها مشا السيكيرستي كيجري جاب قرعة تاع لماا لهشاام دغياا حلهاا خوا فايدو كيرش عليهاا حتى فزكها لاح لقرعة شادها من كتافها كلسهاا فكرسي جابوو لييه


هشام:شوية داباا ...نديك لوبيطال! ...هيبة (بعد شعر من على وجها فاازك )تنفسي مزياان ...تنفسيي تحاجة كيفما بغات تكون مغتقيسكش ...اناا معااك (زير على صبااعهاا )داكوغ ! تنفسيي مزيان
حركات ليه راسها باه القدرة هلى الهدرة مشاات رجليها كيغزلو بوحدهم كتعيا تزير عليهم محني قدامها شاد فايديها...حتى سمع غوات حياة من بعيد جاية كتجري

حياة:هيبة ...هيبة (وقفات كتجري )اش واقع قلبت عليك لداخل ملقيتكش

السوكيريتي ؛السيدة كانت اتموت ونتي كتقلبي

تحنات بخوف كتقلب فيهاا لقاتها فازكة ولكحل هابط وقال:اش وقع هيبة ختي شنو وقع (بلغوات )وادويي

هشام:مكتشوفيش حالتها ؟ لاش كتغوتي عليهاا ؟ ختك تخلعات من شيحاجة وطاحت كتغوت

معندهاش لوقت تغاوت معاه واحترماتو كونو مدير هيبة ...شافت فختها من بعدما هشام طلق من ايدها شداتها ليها ونتراتها منهاا كتبكي

حياة:هيبة مالك !
هشام (شاف ختها جات وقال)نوصلكم ؟ هيبة
حياة:صافي اخويا عندي طموبيلتي ...شكرا

حرك راسو باه وشاف فهيبة رطب على دراعها وقال :هيبة صافا

حركات راسها بلا كتبكي وعينيها فلارض
حياة :نوضي نمشو لدار...هيبة عفااك

هيبة(تنترات منها)بعدي منيي ...علاش خليتينيي هءهءه علاش

هز هشام عينو فحياة وشاف ف هيبة او وقف ونطق: نخليكم اناا داباا ...من بعد ونصوني لييك اهيبة داكوغ(شاف فحياة)ردي ليها لبال

خلاهم ومشاا بقات كتغاوت معاها تماا تشداتها كتبكيي مفهمات مالها ركباتها فطموبيل

حياة(بلغوات)مال ز** بوك كتهرنيي وترعدي شفتيي جن
هيبة:هءهءه شفتووو
حياة:اش شفتيي ابنت الق** جلهلتينيي

هيبة(بصعوبة ):صديق هءههءهءه
حياة:اويلي ...ك كيفاش صديق خليتك جوج دقايق خرج صديق!! مكفانا الاكتئاب تز** بغيتي تولي تهتري بييه

هيبة(بلغوات)انا ماشي هبييلة( ضربات لباب ) شفتوو شفتوو

حياة:طمرييي خلينا نوصلو بخير لنقلب جدهاا ميبقا لا صديق لا خراا

**
بدلات حوايجها وخرجات لبالكون تشم لهوا يبرد النار لي شاعلة فصدرهاا ...كدوز بايدها على كرشها تهدئ النغزات القاسحين لي مرة مرة يزاوروهاا ...لمحات طموبيلة حياة فرنات بجهد فران سيك وخرجات هيبة كتجري وحياة كتسب من طموبيل مع عالية مسسمعاتش اش كيتقال ب بزااف ...خرجات بتتاقل كتجر فرجليها لناحية لباب حلات ...تحل السسانسور وخررجات منو هيبة مجرتلة بدموع ولبكا وقفات ملي شافت اقبال قبالتها متردداتش وتلاحت فيها كتبكيي وتشهق ولحالة حالة ...تبعاتهاا حياة كتجريي باغة تبدا تعرعر توقفاتهاا اقباال ونطقات بهدوء :جيران كيسمعو دخلوو


دخلوو وحياة بغات تفركع وهيبة كتبكيي

حياة:دابا لاش كتبكيي لااش
اقبال:شنو واقع

هيبة(كلسات فلفوطوي كتنخصص)خرج ا اقبال خرج من الحبس وجا لياا هءهءه تاابعنيي

حياة(بجهالة )ديلمك ملي شفتييه ملقيتي مدير طحتي كتركليي طايحة بلريااح ؟

كلسات اقبال فبلاصتها ولخرين كيغوتو وحدة كتبكي ولخرا كتنتر ودموع كيتسرسبوو من عينيها شلال

هيبة:فين مشيتيي وخليتيني هءههءهء نتي عارفاني منقدرش نبقا بوحدي

حياة:واخة تسنايني نرضعك مزياانة ؟ وفيقيي الخراا بقا غير نرارييو بيييك از** حتى لييين اهيبة حتى لييين انبقاو هكا كنتنااوبوو علييك ؟

هيبة:متقلة عليييك ؟ انا مكنسعاكش باش تخرجيني ياك نتي لي جريتيني معااك هءهءه

حياة:عاوديها لك**ك هاد لهدرة (كتمشي وتجي )خانز تاع لخلااا كيخاف من خرااه كيرعدك ومشوهاناا (شافت فاقبال ساكتة حاطة ايديها على مخدة فوق رجليهاا ) وزيد لييك معاها

هيبة:اقبال واش مغتهدرييش معاهاا ؟ ولا حتى نتيي هادي هدرتك ومقادراش تقولووها ...متقلة عليكم وانا معارفااش هءههء قولوها لياا

اقباال(بتنهيدة ) اش عندي منقول

هيبة:اش غتقوليي ؟ نتي حيت مرتااحة مع رااجلك مغتحسيش بياا مغتحسيش بداكشي لي دوزت معاه هءههءه كنبان لييكم هبيلة ولا برهووشة

حياة:شووو الهدرة الخضرة تفوو

هيبة (شدات راسها كتبكيي )الله اعطيني غير لموت ونتهنا من هااد العيشة وهاد لمرض ونمرضكم معاايا هءهءهء ياله تهناو منيي
حياة:نننن نننن ومال جد مك البرهوشة ؟ واش دوا مبقاش كيكر فيك

اقبال:حياة سكتي شوية

حياة:مسااكتاااش ...الق** مهاا بغات تخرج على كر** بقايي تبكيي وندبي على زهرك ...نتوما لي ضسرتوها طبيب نفسي ولا لخراا ديلمهاا دوايات وترعيدة

ناضو بجوج كيتغااوتو شدات اقبال راسهاا مقادراش حتى تقول سكتو لي فيا كافينيي ...شوفو مالي حتى اناا ..علاش حتى انا متفكروش لياا ...

هيبةمدفعاتها )هءهءه بعدي منيي ونهار يقتلنيي عنداك تجيي تبكي علياا

حياة:كوني هانية كلنا انمووتو امولا نوبة

حلات لباب وسدات بجهد

حياة:واااربيي على هاد لخلقة اربيي
اقبال:تبعييهاا شوفيي فين زادت تبعيها

حياة:جات تاللخر وخراات (حلات لباب وسدات ومشاات )

دخلو لدار منابشيين دخلات هيبة لبييت وسدات عليهاا

الغالية:امالكم تانيي
حياة:هاد بنتك غير ليي يشعل فيها لعافية

الغالية:حتى تولديهاا ابنتي وديري لي بغيتي
خلاتها كتهدر ودخلات لبيت لمجاور معصبة للفرحة لي خسرات فيها فاخر لحضة
سدات لباب وتكات عليه عاضة على فمهاا كتحاول تدكرو باش تبرد شوية حتى تبسمات تلقائيا

**
فصلو لعنااق عن بعضهم وبقات شادة فجنابو وقالت: اش جاببك هناا
هو(قرصها فعنقهاا ) متبغينيش نجي ؟
حياة(بحب )بغييت ...علاش مكتجاوبش علياا
هود(سكت شوية ومطق بلفرنسية )متسولينيش ....انا داباا معرفتش كيفاشش جيت
حياة:متكونش حيت باغي تشوفنيي

هود:بيان سييغ بليس كو صاا ....راني نتواحشك باازاف

حياة:باازاف ههههه فمك باقي عووج ازماكري حنش بوسكة ههه

هود:سيي كوا حنش بوسكة ؟شنو راك تعنيي هادي
حياة:(ضرباتو لصدرو بغنج )تعني توحشتك اضرتي
هود:ا بوون ههه ما سيغبون

حياة:مال ديلمك سلعة ناقصة
هود (نزل راسو بغا يبووسهاا وبعدات )ملااك (مالك )
حياة:شنو بغيتي دير حنى فزنقة

هود:اييه...او وي لو بخوبليم ؟

ملحق 29/08/2021

حياة(كتشوف فمو لقريب ليها مكرهتتش تلاح عليه )راك فلمغريب بلاد الحضية ويطلعوك فلعمارية توت لافي

هود؛ااا وي سي لو ماغوك ههه...نبغي نشوفك
حياة (قلبها كيشطح )امتاا ؟
هود(بلفرنسية )فكل وقت

حياة:ههه دومان ؟

هود؛داكووغ

بغات تطلق من ايدو وزير عليهاا ونطقات:وصافيي طلق
طلق كيضحك بقا واقف مدة ومشا حتى هوا لطموبيلتو

**

غيتة:ماما عنداك تقولي لجابر شي حاجة عفااك
الغالية(كدور فراسهاا ) زوجتكم نرتااح غير ما مرضتوني فصحتي
غيتة:مقلتش ليك زوجيني يااء

نزلات غيتة معاها الغالية تالباب لعمارة لقات جابر فطموبيل كيتسناهاا ركبات كتفتف حداه وزاد

غيتة:كيبقيتي شوية !
جابر(شاف جيهتها ورجع شاف فطريق )عليهاا تفكرتييني

غيتة:تيليفوني كان ساكت
جابر:ديري السمطة

دارتها وصقلات تجاها سؤالو:اشمن بلاصة كنتو ليوم
غيتة(بدات كترون بايديها )فلمدينة ...مشينا لسناك لي فطريق لفاك لي مشينا ليه داك نهاار نوصلو نوريك تصاور ...سيفطاتهم ليا انصاف ...او نتى شنو درتي

جابر: نعاس والراحة
غيتة:مزيان باش ترجع صحتك
جابر:بقيت فيك ؟
غيتة؛علاش مالي بنت ليك قلبي حجرة ؟ وزايدون ولفتك ديما واقف جاتني عجب تمرض وطيح

جابر:حنيينة مسكينة

غيتة(بطنز)قلبي هشيش
جابر:بحال غريبة
غيتة:كنعرف نديرهاا هاديك ...نديرها لييك ؟
جابر: ضيعيني ف فلوس لمقادير باش تخرج لييك فقاص

غيتة(ضرباتو لدراعو )متحكرنيش ...نعجبك

حرك راسو باه مكمل طريقو دخلو لداار بدلات حوايجها ودارت تيليفونها فيبرور فالسوتيانات ودخلات لكوزينة غسلات لماعن ونصبات ليه لعشاا توصلها ميساج وجبدات تيليفون لقات لواتساب بغا يطرطق بتصاور من نمرة سمير لي حاطاه باسم سميرة

تصاورهاا بلميكاب حمقها راسها ماشي غير عجبهاا


سمير:جيتي كتحمقيي مخليتي لياا عقل
غيتة :شكراا ههه حتى مكياجك واعر
سمير:اودي نتي لي وااعرة وكيجيك كولشي واعر ...كتقراي اغيتة
غيتة:مم عندي هاد لعام لباك ...دعي معاياا
سمير: بالنجاح ان شاء الله ...تسالي الامتحانات نديرو شي كافيي ! انا وياك غنمشيو بعييد فهاد الشوتينك ...علاش لا نعتامدووك اش بان ليك

غيتة(بفرحة ) معنديش مشكيل نسالي لباك وانا معاكم ...بسلامة

مسحات لكونفيرصاصيون خلات تصاور داارت ليهم لكود كيف ديما فضوسي وسدات حتى تكون بوحدها وترتاح فشوفتهم ...حطات لعشاا طاجين بلحم وزيتون والخبز والموناضة كتشقا بحمااس عكس العكز لي كيكون فيهاا ...بقا متبع ليها لعيين كدندن وهيا جااية

غيتة:وزيد كوول جا وااعر همم (هزات دغيمة مداتها ليه )دووق ...وا دووق اجابر

هز حاجبو وحل فمو دارت ليه الدغمة وقال:بنين
غيتة:عجبك ؟
جابر(حرك راسز باه كيسرط )هوا هداك

ضحكات وتعشاات بنشاط مشات بدلات حوايجها دارت روتينها المسائيي لبشرتهاا لبسات شوميز قصيير فلزرق سميطات وضهر عرياان ...طلقات شعررها وتخشات فلفرااش كدهن ايديهاا ياله بغات تهز تيليفون دخل جابر كيتاوب لاح حوايجو بقا هي بشورط وتلاح حداهاا كيغمض فعينيه وضارت جيهتو وريحتها سابقاها

غيتة:مسااج؟
لاح عينو ليها كي ناسعة على جنبها وشعرهاا وراها بوكلي متكي على ضهرو وهيا على جنبوو

حابر:لراسي
غيتة:واخة
دوز ايدو من تحتها سرحها قربات ليه كداعب بايدها جبهتوو بحركات دائرية ...كتهبط عينيها لييه تلقاه كيشوف فيها كيرمش وسااكت ...سرطات ريقهاا وتنوات ياكما شافها ولا عارف شي حاجة ...ولكان عارف مكانش غييسكت ...زكات فيه الشوفة زعمات وباسستو جنب فمو سرطات ريقهاا وزعمات لفموو وحركاتها الانثوية على صدرو...نزلات لعنقو بقبلة لدغات اوثارو ونغماتو على رائحتهاا لي زادت نشواتو ..رجعات لشفايفوو مع لامساتهم اصبح هوا المتحكم فلقبلة من وتيرة بطيئة لهاائجة
لوا عليها ايدو وهزهاا فوقوو لاصق فمها على فموو وشعرها مليوح فجنب تعنكشوو وصهدو ورماها على ضهرهاا حناكها حومر بدفئ جسمها لي تعيا تخبي ارتعااشها من العلاقة معااه غطاها بجسموو كيمرر ايديه فانحنائاتها فانوثها حتى كتهز معااه ...كأنها ماشي هياا لي كتبقا كل مرة تقول مبغاش هاد زواج ...تحت ايدو كتولي زبدة ساايحة كيف خلاوها المصريين

**

ياله حطات راسها تنعس حتى صونا تيليفونها تحت المخدة ناضت قافزة وهيا لي تيليفونها الى كتر كيصوني مرة فنهار ونمرة اقبال فقط ...شافت نمرة غريبة عليهاا بقات كترمض فيهاا وجاوبات ملي لقات راسهاب وحدها فلبيت ولغالية فبيت هيبة تفهم اش وقع

انصاف(بصوت خافت )الوو

جاها صوتو الرجولي لي دغياا فرزاتوو وعرفات مولاه شكون :الوو انصاف صافا

انصاف(سرطات ريقهاا كتشوف فلباب ) ا ...الو
_معاك ادريس


شافت ضو طفا فلكولوار وهيا تقطع علييه ودارت ليه سيلونس قلبها كيضرب على تسعين

الغالية(تكات فبلاصتها حدا انصاف )هاد لبنت اتمرضني معاها
انصاف:مبغاتش تعشاا

الغالية:والو غير لبكاا ونواح ...نعسيي نعسيي ابنتي
عطات بالظهر لغالية جبدات تيليفون لقاتو كيصوني عضات على فمها وقلبها كيضرب ...خلاتو هي قطع وحيدات الريزو من التيليفون وخشاتو تحت المخدة وخلات عينيها شاعلين فالظلام مبغاش يجيها النعااس وكتفكر فقبييلة وتقول كنا غنمشيو فيها .

**
ليلة دازت على بنات الغاليية كل واحد وخيوط حكايتو كينسجها ...مخبلة او مسرحة راه كيفك فخيوطهاا

اقبال صبحات بوجه شااحب كيبين بلي النعااس مشافتووش ...كالسة فالصالون فلقنت مقابلة مع باب الدار ...السبعة تصبااح شهيد ماعليه حتى خباار ماسول ما جا لداار ...كالسة بهدوء عكس العاصفة لي فقلبها وخاطرها ليي ديااق عليهاا ودار قدما كبيرة زيرات عليهاا ...خاتمها فايدهاا هوا باش كتلعب من صبع لصبع حتى سمعات الساروت كيدور ...شافت الساعة لقاتها تمنية تاع صبااح ...مهزاتش عينيها تسمعات لباب تسد

هزات عينيها فييه واقف متكي على الحيط وربع ايديه كيشووف فيها وهيا كتشوفيه تهبطات عينيها وقالت:على السلامة
مجاها الرد منو على دقيقة ونطق بهجوم : خليتي فيها شي سلامة !! ...الفقيه لي نتسناو براكتو دخل جامع بلغتو ؟ درتي انجااز بديك الهدرة ا اقباال

اقبال(ببرود كدور فلخاتم مكتشوفش فيه)اشمن هدرة !

شهيد(بانفعال )واش نتيي مريضة ا اقباال ....اش وصلك لميي ! واش هدرات معااك جي عندي انا ندويي اناا نهظر نتي متهدرييش خلي بلاصتك زويينة معاهاا

اقبال: هدشي وقع لباارح عاد جاي تهدر فيه ..ولا تشارجيتي مزيان عاد جاي ؟

شهيد:اش كتخربقيي اشش واش عرفتي اش درتيي ...بسباابك طاحت كومة بطونسيون مجينا من لكلينيك حتى الربعة تصبااح ....فين كنتيي نتيي ديك الساع ؟؟ واش حاسباني فهاد الدنيا ولا معرفت شنو كيقولييك راسك ...تزيديي بلا هدرة بلا كلام ...نتي محاسبانيش راجل حاسباني حماار ولا برهووش ....راك رجعتييني برهوش قدام لي يسوا ولي ميسواش وليت نسمع لهدرة ا اقباال

اقبال: ااه مسكينة

شهيد(عصبااتو )اقبال مباغيش نخسر معااك ولكن هاد لهدرة تاع لخراا مكتعجبنييش ...هاديك راه مييي لي مخليتي فيها غير لي نسييتي


وقفات كتشوفيه وقالت:اااه مك ....ملي مكانت كتخلي فيا غير لي نساات ...سيادتك فين كاان ؟ عاد باان

شهيد: مي هكاك ونتي عارفااهاا الهدرة مكتلصقش ااقبال شنوو كاع قالت ليييك حتى تنوضيي ليها قدام لفاميلة شنوو

اقبال:لي قاليك شنوو قلت غيقوليك شنو قالت ...ولا وصلو ليك غير نص لكااس

شهيد:اقباال رانيي مجيتش لباارح حيت كنت معصب ومباغيش نوصلو لماصل خاايبة بلا مترجعيني بوو وديينة ...كالسين كتلعبو بياا بحال شي كورة وسطكم (نتر لقاميجة بجهالة )مبقيت عارف لمن نعطي وجهي فييكم ....حتى وحدة فيكم مكدير بوجهيي

اقبال:سكت سكت حتى عيييت

شهيد(دار ليها )وكون زدتي سكتيي اش غينقص فييك كاع ايد رجل شنوو ! كنت حاسبك مولات لعقل وكتحممي فاعصاابك ...جيتي تالخر وخريتيي

اقبال:شهيد ...متفوتش معاياا لخط

شهيد:شنو غديري كاااع اضربينيي ولاا حيت داكشيي لي خااص باش تكمل ...ولييت كنبان لميي محكووم ومافيديش

اقبال(رجعات كلسات كتسمع فلغوات ديالو غادي جاي حدا وجههاا ) وكيقولييك معمرونيش

شهيد:اقباال غنحبسو هناا ياك ...نتي حاملة ولوالييدة عياانة غتكبري عقلك وغتمشي طلبي سمااحة حيت نتيي هاد لمرة لي غاالطة

اقبال:انا غالطة
شهيد:اييه غالطة وبنتي فهاد لبلاان زييروو صدمتينيي فييك حيت محتارمتيش مراا قد مك ومن فوق هدشي ميي ا اقبال محتارم مك وعاطيها قيييمة ونتي شنوو عمرك حاولتي تقربيهاا لييك ولا تقولي ليها كلمة زويينة ...كون شافت هدشي منك كون دايراك فوق رااسهاا ولكن نتي لاا معرفت اش كتفكري فدماغك

اقبال:عندك الصح ...كان خاصني نهزها فوق راسيي

شهيد(مسح على وجهو كابح الغضب ونطق )اقباا نوضي عفاك ...نهار غلطات راه طلبات سمااحة ومتهنيت حتى جاات ...دابا نتي لي غالطة وعارفة شنو خاصك ديري

اقبال:مغالطاش اشهيد ...وسماحة مغنطلبهاش

شهيد(ركز فيها شوفتو و قال) هدا كلامك
اقبال:كلامي

شهيد (هز قميجتو كيلبس فيها ساكت وهز سوارتوو حل لباب وخرج ورجع دخل وجهو حمر وقال موجه صبعوو لاقبال لي كالسة

شهيد:نتيي انااانينة وقلبك كحل ...مكتبغي حتى رااسك عساك تبغي شي حد ....نخاف هي ولدك تكبري فيه هاد الحقد بحالك

خرج وردخ لباب خلاها كتششوفيه بنفس النضرة لي هازة تحتها معاني كتيرة ...يمكن هادي ضربة فيضاات الكااس كتر مكانت كتصور ...هدرة طيحات ليها رجلين وايدين...رمات لخاتم فوق الطبلة الزجاجية وبقات كتشوفيه كيلعب لوسط حتى طاح وناضت بتتقال لبييت ...شافت جيهة الشانطة لي جامعة يمكن كانت كتتسنا هاد النقطة باش تيقن مزيان اشنو بغات دير ...لبسات حوايجها بمشقة الانفس كل مرة توقف تنهج وترجع تكمل ...جرات الشانطة ديالهاا هزات سوارتهاا وزادت هببطات فرمشة عين كانت خرجات من لعمارة وشادة طريق معارفاش لفين لمهيم تبعد على كولشيي ...

ملحق 31/08/2021

سمعات دقان فلباب وناضت كتحل مع حلات لباب مع غوتات

صديق:هربتي عند بالك مغنلقاكش ولاا
هيبة :بعد منيي ههءهء بعد منييي ماما ماما

هربات وهوا تابعها لبييت كتغوت لربي لي خلقها حتى جرها طيحها لقات راسسهاا مشنووقة بيديه والنفس كيتقطع منهاا كتغوت وصوتها مكتسمعووش ...محسات هي بلماا تكب على وجهاا تفااقت شااهقة كلسات شادة صدرهاا كتنهج

الغالية(بخوف )ربي معاك ابنتي بسم الله عليك
حياة(بعينين مغمضين نعاس فاقت على صوت غواتها جات كتجري )مالك !

هيبة:(كتشد فعنقهاا )بغا يقتلنيي اماما هءهءهء غيقتلني قالها ليا بفموو

ساطت حياة وشدات وجها والغالية كلسات جنب بنتها كترطب معاهاا

الغاليية:واش ساايبة يقتل هااه اجي وقتل ابنتيي
هيبة(بهستيرية )هءهءهءه خاايفة اماما خاايفة لبارح وجهو كحل هءهء هاد لعام تاع لحبس ايخرجو فياا حاسة اماما
العالية(جراتها عنقاتها) نعلي الشيطان ابنتي نوضي توضاي وصليي ابنتي نوضي

حركات راسها باه كترعد بوحدهاا

حياة: الى سميت مو راجل يقرب لييك الى بغا يرجع لحبس يوجد راسو غرام تاع لحشيش تخليه يطلع لقرعة مع كرو

هيبة:؛لهدرة سااهلة انا لي عارفااه حضي راسك نتي بيديرو ليك

الغالية(تنهدات )ملي عارفة هدشي كلو اش داك ابنتي ليه

هيبة(بحرقة ) قلت نصبر شكون لي معندوش مشاكيل

حياة:نصبر ! اوى صبري داباا على لي صبرتي عليه هانتي كتخلصي

الغالية:صافي خليها عليك ...نوضي ابنتي غسلي وفطري وسيري لخدمتك

هيبة:اشمن وجه غنشوف فلباطرون ديالي امااما ...تمنيت لارض تشق وندخل فيها ولا ديك الفضيحة معااه (تنهدات )مخليت باش هترت بلا منحس

حياة:مالك خريتي عليه ؟ عادي كتوقع
هيبة:مم كتوقع حاسة براسي عيانة وبغيت غير نعس اماما والله مغنمشي فيين

الغالية:لي بغيتي الحبيبة ...نصاوب ليك فطورك

مشات حياة دوشاات بنشاط وخرجات لاوية عليها فوطة لبيت لي تشاركاتو هيا وهيبة ...كتجبد متلبس من لماريو لي ستفات فيه حوايجها شي علقاتو شي طواتوو ...جبدات شوميز شفافة فلبلو سيال وقالت؛نلبس هادي ؟

هيبة متكية جنب على ايديها وقالت: زوينة

حياة:نلبس كسوة ولا شوميز او سروال !

هيبة:فين غادية ؟

بالها غير مع لحوايج كتجبد وتحط وقالت:نلبس شي حاجة مبردة حسن

ستاقرات بعد عنااء فبيل بيض بكول في هابط مبين فتحت صدرها شوية بايديه بتوب شفاف منفوخ وسروال دجين ازرق مع صندالة عالية مكياج وسرحات شعرهاا بشكل مموج ورشات ريحتهاا وعينيها كيبرقو بلفرحة ...هيبة مقابلاها من لمراية وساهية فيها كتشووف

هيبة:فين غادية

حياة(كتوضع لعكر ماط لونو مفتوح ) غادية نعيش حيااتي ...الى جيت نتبعك نتي انمرض فكري اهيبة ....ملي تولي شوية جمعي ورااقك نطلع ليك لفيزا ملي نمشي تماا معندك متكجدري هناا مافيدكش كلب تاع لخلا كيخلي رجليك مراكبيين ...مالنا ييااك لباس

هيبة(تنهدات )اقبال متبغييش ... غوت عليها لباارح عمري درتهاا

حياة:لهبال لي هازة لينا ميهزو حد نتي هدرة هاديك تقوليي ؟ حيت نتي مرتاحة مع راجلك ؟ حاسداهاا


هيبة:لااا بلعكس كنفرح لشتها فرحانة

حياة:اوى طمري وعرفي اش كتخرجي من فمك

هيبة:من اللخر فين غادية
حياة:اول حاجة (هزات صاكهاا ورشات تاني من عطرها ودارتو فالصااك )دخلي سوق كر**ك (باستها تخلات لعكر فحنكهاا ) نعسي رتاحي


خرجات كتقرقب بطالونها تفيقات انصاف وطلات براسها شافتها دايزة ورجعات نعسات

الغالية:ها ها فيين اختيي غادية
حياة:خارجة
الغالية:لفيين
حياة:يكما بغيتي نشد لييك ساري ونكلس ! دخول الصحة هدا الغالية ؟

الغالية:شتك مزيزة مقادة مشيكة (كتحرك فايديها )معكرة مريحة على نبابر تسيدي ربي

حياة:غنتلاقا مع صاحبتيي اوى راني جاية من فرانسا خاصها تبان فياا

الغالية: وسيري سيري تخلي صاحبتك تسناا مسكينة

ضحكات وجبدات بزطامها مدات ليها لفلوس وقالت: متسناونيش لغدا امي

نزلات فالسانسسور كدندن ريحتها معطرة لجو كامل تاع دروج ولعمارة

هزات طموبيلتها وقلعات بينما هود سيفط ليها فين يتلاقاو كان اوطيل سانك ايطوال فخرجة لمدينة ...وقفات طموبيل كتقلب عليه بعينيهاا ...قدامهاا ريسطو كطل على جردة كبييرة او واسعة كتحل الشهية للكلسة ولماكلة توجهات ليها ...لافتة للانتبااه بمشيتها طالونها رائحتهاا وجمالها لاوروبي ...من ضحكتهاا كتبان لييك وحدة عاجبها راسها وزينها وصغرها وفعلاا هكاك كتحس انسانة اهم حاجة عندها هيا تلبس وتعيش حياتهاا وجيبها ديما يكون عامر لكان جيبها عامر ضحكتها اتكون عريضة

لمحاتو كيشرب قهوتو وكيكمي بشعر بني مبلل مرجعو اللور ...لحية مقادة ومرتبة كيف ديما حوايج غير لي مارك وديما صبور نضرا لحياتو العملية

لمحها جاية كاتمختر ...طفا لكارو وشرب لماا ...دفع لكرسي شوية وناض ستقبلها بعينيه قبل ايديه لي تحلو ليهاا

رخفات مشيتهاا معوجة راسها فييه بابتساامة ...عارفين بجوج بيهم بليي هدشي كيتسما خيانة ولكن شكون يففيقهم من هاد الحلم الخائن ...مدات ليه ايديهاا ولايد لخرا كدالك وقربات لييه وهوا مسلوب بيهاا

هود:بونجوغ
حياة(بانوثة )صباح الخير
هود متبسم ليهاا وباسها فحنكها وبعدات ...جرات كرسي حداه

هود(بلفرنسية )مزال ما فطرت نطلب ليك معاياا
حياة:واخة
قرب لكرسي جيهتها من بعدما عطاو طلبهم لسرباي ...لدقيقة كيششوفو فلمنضر قبالتهم ....حتى حسات بايدو رجعات شعر ورا ضهرها وشافت فيها

هود:انا نعرف حاجة لي زوينة بزاف
حياة:شنو هياا
هود:طوا !

مد ايدو ليها فوق الطبلة وشدات ايدو كدالك داعبات ايديه كترمش وقالت:علاش مشيتي وخليتيني ملي هكاا ؟
هود (تلغات بتسامتو كانه تفكر شكون هيا قدامو وشنو كان كيحاول يدير هاد شهور كاملين بلا نتيجة ...حس بيها تغرسات لداخل وخة عيا يرفض ...عمر شي انثى فحياتو مكانت بحال حياة ...نشيطة...مثيرة ...شقية ...
شحال من عداوة كتجي وراها محبة كبيرة

هود:اوبليي (نساي )
حياة:شنو ضمن ليا مغتمشيش تانيي ...تخليني حتى نولفك وتزييد ؟

هود(بلفرنسية )علاش لدابا مزال مطلقتيش من عمي احياة؟
حياة(كتركز مع هدرتو حيت شي مرات مكتفهمش لهدرة نضرا لكنتو الفرنسية الجيدة ) مقدرتش ...عمك مرييض وعيا بزااف خفت نكون سبابو

هود: بقا فيك ولا كتسناايه باش تورتي

حياة:هاا درج درج اش قولتي

هود(بلل فموو ونطق باستفزاز كانه حافض لهدرة ) عمي بقا فك ولا بقا فك فلوسو

هزات طبسيل تاع لقهوة بتهدي. وقالت:شوووف اداك لقوا** لكنتي جيتي على هدشي نووض تقو** قبل منهرس بجد الرااس

تبسم ليهاا وقال:ما سيغبون جو غيكول

حياة:تهجرو

حط السرباي لفطور كانت مخنزرة هي شافت طبلة مشكلة تحلات لمعدة والقلب ونساتو هوا كااع

هود (بلفرنسية ) بغيت ناخد شي دار هناا ...عجبني مكناس

حياة:من الاحسن غير كري وصافي نتا اصلا مكتجيش بزاف

هود:تعرفيي شي بلاصة !
حياة:ويي ضروري ...اجي بعدا امتا جيتي ؟

هود:وراك ...نزلت فاس(كيدور فلكاسس وشاف فيهاا كتسناه يهدر

حياة:اييي

هود: اي فولا إل مون ڤولي (شفروني)

حياة(وحلات ليها بالضحك وهوا كيشوف فيها ويفطر )اويلي شفروك هههههه (اشارت ليه بلموسس فايدها كتعبر فيه)قدك قد عشية العييد و شفروك. ههههههه والعداو هههه


هود:منفهمكش احياتي باغلي او فخونسيي
حياة:لاااء نعرفش هههههه ربي واش شفروك
هود:ويي والله
تفرشخات بالضحك عليه شاف تعيا وضحك معاهاا ونطق :اغييت حيااة

حياة:ههههه ت كيفاش شفرووك اويلي هههه لعااار اهود عاودها ليا بلعربية عهههه

هود:بون ههه انا نزل من لمطار
حياة:هههههه اوى

هود:هاهاهاه اغيت ...بون نزلت اي فوالاا لافاليز فايدي كنعيط على طاكسيي ...تيليفون هناا (ايدو ) نهدر به مع مون امي يباغطاجي معايا لوكاليزاسيون ....ان سيكوند والله ان سيكوند طيليفون (خبط ايدو )مشاا ...نشوف كوش دغوا نلقا دو فلوغ (جوج شفارة ) فوق لا موطو .....هرااب ونا ورااه


حياة(غالب علها الضحك )شديتيه خههههه |

هود:نن مي لابوليس شداوه
حياة:ههههه شدووه الملاوط ههههه ناريي هههه عرفوك زماكري تعرف فلمغريب غير لوكوسكوس او للبرغير احنيني ضسرو علييك خوتنا فالله

ههود(قلبها فرونسي حيت كيعيا يقلب على لكلمات صحاح فاللخر كترجعو ضحكة ) فطريي فطري

حياة:هههه شتك تحرجتي
هود:كوا ؟

حياة:هههه (حطات ليه شوية تاع لفرماج فمو كتموت بالضحك )نمرة والله ههههه كول باش تغلاض ههههه بقيتي تعمر حتى تطراسيتي الشحمة تاع العيد لكبير متدي منك لا حق لا باطل

هود:(اشار بيديه ليها بمعنى بلا بلا )بلا بلا بلا متسكتش ...تهدر تهدر
حياة:يسكت لمك لحس اجحموم هههه (كيغلبها الضحك )ورب العالي ههههه شفرووه كون شديتيهم ربزتيهم تيخرج خراهم مالك هههههه الى فمهتي خرا علي انا نيت ههههه

**
فاقت على اقل من مهلهاا تقلبات كتجر فليزار وتكمش فيه وتنين كانها كانت فسباات عمييق ...تاوبات وشافت فبلاصتو ملقاتوش...تقبلات على صدرهاا عارية منها لايزار كتجبد فتيليفونها لقات العشرة قريبة حلات لويفي واول حاجة دارت مشات لتصاورهاا تمنضر فيهم ...هزات منهم وحدة وحطاتها فانسطاا فنفس لوقت لقات لباج تاع فاطمة وتاع سمير مضروبة بتصاورهاا والتعاليق زادو طلعوها ݣراض

لبسات عليها وناضت كتجر فرجليهاا وقبل طلقات لموسيقى فالتيليفون الراي

غسلات وجها وسنانها وخرجات لكوزينة ...لقات جابر معمر اتاي فاطر. وخررج عوجات شنايفهاا باعجوبة ماموالفاش ليه ..سخنات لخبز وتيليفون فايدها كتقرا فالتعاليق وتعض على فمهاا بفرحة حتى حرقات لخبز وكلسات كتفطر بيه جمرة

سمعات لباب تحل طفات تيليفون دغيا وخشاتو تحتهاا وغطات لخبز بالسربيتة ...

دخل هاز فايدو تقدية تاع الاسبوع من خضرة وديسير ولحوم ...

جابر:عاد فقتي
غيتة: شويية هدا
جابر:ريحت لحراق
غيتة:تحرق ليا لخبز شوية

كحب خارج من لكوزبنة لدوش يغسل ...هزات بنانة غسلاتها وتكات على لباب تخرج من دوش كينشف فايدو

غيتة: كيبقيتي شوياا ؟
جابر: نحمدو الله
غيتة:شنو ندير لغداا
جابر:لي عجبك

طلعات حجبانهاا بتعجب وكتقول فبالهاا بليل كان واحد وليوم صبح واحد

غيتة:مالك !
جابر: خصاك شي حاجة فهاد صباح اغيتة !
غيتة:لاا والو

بقات متبعة ليه لعين تهز سوارتو وخرج زادح لباب عليها مخليها مفاهمة والوو

غيتة(ميقات )بنادم كيف تيتسيف

يتبع...

التنقل بين الأجزاء

صفحة القصة
سيتم تشغيل صندوق التعليقات بعد لحظات
معظم التعليقات تم إخفاءها بواسطة الفيسبوك، نحاول بكل الوسائل المتاحة إستعادتها في أقرب وقت ممكن.