حطام الجزء السادس

قرب لعندها مافاهم والو :مالك لاش كتبكي شنو واقع

نارة وهي كتشهق:ختي بغات ماما ختي كتغوت كتخاف من الرعدة جيب ماما عفاك

تحنى لعندها وهزها بين يديه:صافي ماتخافيش

نارة كتهز راسها بلا وكتبكي ودير اشارة لجيهة بيت مارية:هي خايفة بزاف خاصها ماما جيب ليها مااما عفاك.....مارية كتخاف من الرعدة..ختي كتخاف من الرعدة....هي بغات ماما 

خرجات من بيتها على صوتهم :اش واقع ياك لاباس مالها حفيدتي

وقربات لعندهم..

وليد مد ليها نارة:الحاجة شدي لبنت وهدنيها نمشي نشوف اش واقع

خدات من عندو نارة وعنقاتها كتهدن فيها:صافي ابنتي صافي هاني معاك

نارة هزات راسها فيها بعويناتها الدامعين:هي بغات ماما مارية كتخاف من شتا والرعدة

الحاجة كتمتم وهي داخلة بيها للبيت:داك لفعة بقا ليها غا الرعد تخاف منو تبوحيط

وليد....

تاجه نيشان لبيت مارية كيفاش اتخاف من الرعد وهاد الجو مادخلاتلوش لدماغ وكيتفكر حالة نارة كيف كانت ..دخل للبيت نيشان عنيه مشات للنموسية ماكايبان منها والو مغطية كلها باللحاف لي كيتهز مع جسمها لي كيرجف على الجهد وصوت انينها مسموع مع شي همسات مامفهومينش..عقد حواجبو ومد يديه شعل ضواوات دلبيت كاملين وقرب لعندها:مارية

مارية لا جواب من تمتمات:بعدد..حبس حبس..ماما

نزل لعندها متكي بيده على النموسية وبعد لحاف من على راسها زاد قوص حواجبو كيف دافنة راسها تحت لمخدة ومزيرة عليها ماباغاش تسمع اصوات الرعد وشتاا....حس بيها اتخنق راسها..رجع دوة:ماارية مالك 

بغة يبعد لخدية ولكن هي مزيرة عليهااا :لااااا لااا ماتقربلييييييييش بعد منييييي مامااا

وليد بقة غير كيشوف مافاهم والو من هاد الحالة لي هي فيهاا..

تنهد وزير على داك المخدة ونترهاا منهاا وفهاد اللحضة تضربات رعدة بالجهد لي خلاها تغوت وتحط يديها على ودنيهااا:لااااا حبببس حبببس 

وليد حط يديه على كتافها ودورها لجيهتو بالخف تا تقابل وجهو مع وجها مغمضة عنيها وكلها عرقانة كتقطر شعرها فازك تصدم من هاد الحالة لي هي فيها غي بسباب الرعد وشتا المجهدة وهي لي ديما واقفة فوجهو صامدة وقوية ماكايحركها والووو :مارية شوفي فياا حلي عنيك ماواقع والو

مارية فعالم اخور بحال شي كابوس هاد.الاصوات كيرجعوها غا لداك ليلة لي تابعاها فين مامشات :ماديييرش فيا هكاا...قتلنيي مانقدش نعيش هكاا قتلنيي

مسح على راسو هدي شكا تقول ماباغيش يفكر فداكشي لي جا فبالو داك ساع حطا يديه على وجها يبعد شعرها لقاها طاايبة لعافية شاعلة فيها :ماارية حليييي عنييك ماواقع والو حلي مادريش بحال لبراهش

هز ليا راسها لعندو وغوت ليها فوجها:حليي عنيييك

شهقااات بصوت مرتافع مع الرعدة قد قد غاطسة راسها فصدروو بلا ماتحس مزيرة على تيشيرط لي لابس بصبعانها وكتمتم:خااص يحبس ..انا خايفة

بقة مبلوكيي وهو كيحس بحرارة انافسها على صدرو وكيف متشبتة بيه ..بقة كيشوف فنقطة وحدة شحال وهو كيحس بيها كترجف وتنخصص بين احضانوو..ماحسابليهش الرعد قادر يوصلها لهاد الحالة

رجعات تمتمات:خلينيي نمشي بحالي عفاك بابا ايقتلنيي ماديرش فيا هكااا ..عفاااك

غمض عنيه عاض على سنانو وكلشي كيوضاح قدامو ودماغو كيرجع للور لداك لليلة بنفس هاد الاجواء بالضبط هكا كترجاه وتبكي وهو لغضب عامي ليه عنيه ماعارفش شكا يدير ..زاد.كرز على سنانوو وحل عنيه وهو مازل كيسمع انينها لي يهرس لحجر ..مامولفش يشوفها هكا ..هدشي لي هي فيه دابة هو نتيجة داك.ليلة الملعونة..حس بواحد الاحساس فشكل هو واخة قاسي لواحد الدرجة كبيرة حاقد من واحد النحية ولكن ضلم خايب ..تنهد وهز يديه لي كان مبعدهم عليها وغاطسهم وسط شعرها كيحرك صباعو بوشوة وسطو وزاد قربها ليه كتر خاشيها بين احضانو وهمس ليها:ششش ماتخافيش

كيحس بجسمها طايب بزاف سخانة طلعات ليها بزاف وكلها كتهز تنهد وهزها بين يديه..نيشان للحمام لابقات هكا اتوقعوليها شي حاجة خاص ترخى ايما تنعس ولا اتفيق من هادا الكابوس لي هي فيه.وقفها تحت رشاش كانت مرخية لا بعد طيح او.واخة هكاك مازال متشبتة بيه ..تكاها مع لحيط بشوية وطلق رشاش بما بارد عليهم بجوج وهي كتمتم :بعد.بعد..انا خايفة

غير وصلها لما بارد شهقات شدها مزيان كانت اطيح وحاوط خصرها مع لحييط مزيان هز راسها لعندو كيبعد شعرها من على وجها:صافي مابقة والو

حلات عويناتها لخضيضرين بشوية وشافت فيه شوفة دابلة بقات كتحقق فيه شحال ونطقات بهمس :دمرتينيي..

ورجعات غمضات عنيها ترخات كتر بقة غير كيشوف فيها وداك الكلمة كتردد فودنيه:دمرتيني..دمرتيني

مسح على راسو وشدها مزيان وهي كيف ريشة بين يديه....شاف فداكشي لي للابسة كلو فزك خاص يحيد ليها هاد لفوقاني تقيل..سلتو ليها بقات غا بسوفيطمو كول vمن صدر..هز عنيه فيها وهو يتبلوكااا من اامنضر لي قدامو وداك سيكاتريس لي نزلة من عنقها وهابطة مع صدرها وباينة هابطة تا لتحت واتار طفيات لكارو لي فعنقهاا..ماقدرش يرمش مازال مايمكنش يكون هو مول هاد الوحشية..هز يديها لعندو كيشوف فدراعها وصبعانها كلشي مطراسي بطفيات دكارو..رجع شاف فيها مصدوم مغمضة عنهيا وجسمها باقي كيتهز... ..ماحس براسو تاهز يديه تا لسما وضربها مع لحييط تا تجرحات جعر من لمزيان تمتم بحقد على راسو هاد امرة:ماشيي لهاد الدراجة اولييد نت شنو درتييي..

رجع شاف فيها مصدوم مغمضة عنيها وجسمها باقي كيتهز.. ....ماحس براسو تاهز يديه تا لسما وضربها مع لحييط تا سالت بالدم جعر من لمزيان تمتم بحقد على راسو هاد المرة:ماشيي لهاد الدراجة اولييد نت شنو درتييي.....

رجع شاف فيها وهزها بين يديه مخرجها من لحمام ..تكاها فوق النموسية ووقف ساخط حيد تيشير لي لابس بالخف دور وجهو ومشا حل لبلاكار وجبد فوطة ورجع لعندها تحنى نشف ليها شعرها وهو كيحاول مايشوفش جيهة دصدرها حيت غيزيد يتعصب.. .. تسمع تاني الرعد وشهقات كتمتم تانييي مخلوعة..رمى داك الفوطة معصب تمنى فهاد اللحضة كون يقدر يحبس هاد الرعد وشتااااا لي دايرة فيها هاد الحالة..مشا شد لبالكون ودوز ريدو..وسد كاع شراجم مهبط ليهم الريدوو ورجع لعندها من بعد ما خدم التدفئة..خشاها فبلاصتها وغطاها يلاه ايبعد لقاها شادة ليه فيديه ومزيرة وشفايفها كيتهزو ....بغة يسحب يديه بهدوء ولكن كانت مزيرة..تنهد وهو كيشوف فيها تا لقا راسو متكي حداها وعنيه على وجها هز يديه كيدوز اطراف صبعانو غا بشوية على ملاميحها عاد عرف منين جابت هاد القساوة كاملة وهاد ااحقد لي فيها صعييبة بزاف .. .ميلات راسها وغطساتو وسط عنقو وترخات ناعسة بهدوء ويديها فيديه..زاد جرها لعندو محاوط خسرها بيديه شكون كان يقول هاد الجوج ايتجمعو فسرير واحد..مابغة يفكر فوالوو غمض عنيه ونعس تاهو..

فبلاصة خرا

دخل للدار معطل ..كان سهات كيف لعادة..سد لباب ومشا نيشان لبيتو حل لباب ودخل شعل ضو خافت شاف فسرير مالقاهاش فين اتكون وهو سد لبيت لاخور بساروت باش ماتمشيلوش..دور وجهو شافها ناعسة فوق لفوطوي..ميل راسو بابتسامة..وقرب لعندها وتحنى لعندها كانت ناعسة بهدوء بدا كيلعب بشعرها وهمس:قلت ليك بلاصتك حدايا

تقاد فالوقفة حيد.صباطو وتجاكيط وتريكو بقة بصدرو لعاري..حل لبلاكار جبد سروال دلكيطة لبسو ورجع لعندها هزها بين يديه غير بشوية نعاسها تقيل وحطها فوق النموسية وتكة حداها والابتسامة مافارقاتوش وجهو تقابل مع وجها كيتامل فهاد الجمال ومرة مرة كيحرك يده على شعرها ..شي لي خلاه يتهز ويقرب لشفايفها ويطبع قبلة خفيفة ورجع تكة تاني عارف غايجي واحد النهار لي اتولي فيه ديالو بايرادتها وغيخرجها من هاد المرض النفسي لي هي فيه ..

ليالي كتمتم:مرااد..توحشتك امراد..

خرج عنيه فيها وبعد يديه من شعرها عاض على سنانو..حتى كتحل عنيها ..فلحضة يحساب ليها اتلقة مراد راجلها ناضت جالسة:شكا دير هنااا لاش جبتني لهناا

ناض تاهو جالس معصب:رجعيي لبلاصتك قلت ليك قبيلة ماتزوجتش بيك باش يفرقونا لبيوت ولا فطزيات

ضرب بيديه فوق لمخدة:هناا بلاصتك حدايا سمعتيني نتي مراتي انااا بوحديي دخلي هدشي فراسك 

لياالي بغات تنوض وتزطم على كلامو بلا تاشي كلمة ولكن جرها تا جات طايحة فوق النموسية وتحنى فوقها مكالي بديه فوق لكادر:راه كندوي نيشان اليالي ماتخلينيش نتصرف معاك شي تصرف ماغايعجبكش بحال قبيلة وهاد المرة كتر..

ليالي بلعات ريقها وهي كتشوفو فوقها مقابل معاها وهاد المرة ماكايضحكش بحال قبيلة مخنزر

أدم:ديريني انا فبالك حيت انا لي اتبقاي تشوفيني وتلقايني ديما حداك انا لي اتكملي معايا حياتك انا لي اتولي تنطقي سميتوو سمعتينييي انا لي انعمر هاد القلب ديالك

ليالي:شكا تخربق بعد دابة علياا

بعد عليها وهو كيمسح على راسو:غير حاولي تحركي من بلاصتك وتشوفي شغا يوقع

ليالي بقات كتشوف فيه شحال وهي مخززرة فتالي جرات عليها اللحاف وعطاتو بالضهر:دابة تشوف واش انكملو بجوج وتا قلبي راه عامر وعمرك اتاخد بلاصة فيه

قفزاات مخلوعة فاش غوت بصوت حاد:سكتييييي الياليي ماتخلينيش نفقد اعصابي

سكتات وهي كتبتاسم المهم سمعاتو لي خاص يسمع ..حسات بيه تكة تاهو بقة كيتشقلب فبلاصتو شحال..غمضات عنيها ونعسات هو بقة شحال عاد نعس تاهو....

جا نهار جديد

كانت ناعسة بهدوء ماعارفاش راسها فاينا حضن راها محشية وهداك لي محاوط خصرها بيديه وناعس تاهو ..حلات عنيها بشوية ورجعات سداتهم كتكسل ..رجعات حلاتهم هاد المرة بالزربة وهزات راسها فيه مامتيقاش هدشي لي كتشوف ودماغها كيقول مايمكنش قلبها ولا كيضرب فلمية وهي كتشوف صدرو لعاري نزلات عنيها لابسة غا داك سوفيطمون ومغطين بلحاف واحد وحاسة بيديه على خصرها ..تمتمات:لا مايمكنش

داك ساع هو حل عنيه لقاها كتشوف فيه بصدمة همسات ليه:اشنو درتي ليااا

ناضت جالسة بالزربة:دوييي شنو درتي لياا

ناض جالس تاهو كيمسح على راسو بلا تاشي كلمة عرفها فهمات غالط رجع شاف فيها وعنيه جات على صدرها..هي داك ساع جرات عليها لحاف ملوياه عليها وكلها كترجف وتشوف مع جنابها 

نطق باش يريحها:ماوقع والو كنتي خايفة من الرعد نارة جات. 

قاطعاتو بصوت حاد ماحاملاش راسها وهي كتفكر شي حوايح من لبارح حيت كانت بين الوعي وولا وعي:ونت اش دخلك ماسوقكش شحال من مرة قلت ليك نموت كاع ماتقربيليييش

سكتات وهي كتفكر اللقطة دلحمام زادت تعصبات:علااش فكل مرة كتجيك شي فرصة كتقرب منيي واش مابغيتيش تفهم مااكنحملللكش

كانت كتنهج وكل شوية كتجي فكرة فبالها ماحملاتوش يشوف اتار تعديبو ليها ماحملاتوش يشوفها فهداك الحالة ويعرف انها مازال كتعاني من داك ليلة مابقاتش قادرة مازال تزيد تشوف فيه:خرررج ..

نطقاتها بواحد اليقة فيها الترجي زعمة مايزيدش يكمل عليها ويعاندها يكفي هدشي لي شاف..

وليد نزل من النموسية يلاه ايخرج وهو يسمع صوتها:عمري انسمح ليك اسردار 

دور وجهو شاف فيها وكيف بغاها تسمح ليه وهو دار فيها هاد الحالة كاملة مانطق تاشي كلمة..خرج من عندها مشا نيشان لبيتو غير دخل زدح داك لباب بقة واقف شحال ماجات قدامو غا طبلة لي فالوسط زدحها برجليه تا تهرس جزء منها ..وزدح واحد الديكور كان حداه تا تشخشخ مع الارض ولا كينهج ماعارفش شنو خاص يدير ولا كيف غيتصرف هو أداها بزااف كااع حطمها فكلشي شرفها وجسمها هدشي غير لي شاف وعاد نفسيتهاا ..خرج للبالكون شعل سيجارو كيكمييه كينتر نترة طوييلة ويسوط ويعاود التانية غيساليه بتانية ..وصورتها فبالو تنهد شنو خاص يدير ماعارفش..رجع دخل بدل عليه وخرج من الدار كاملة.يتلف الوقت فالخدمة

عند مارية

مازلة فبلاصتها حانية راسها غير كتفكر انه شافها فديك لحالة نار كتشعل فقلبها وكتزيد تكرهوو وكيف لقاتو ناعس حداها حسات بدموعها ايغلبوهاا:كنكرررهك اسرداار الله ياخد فيك لحق

ومسحات دمعة نزلات من عنيها ..وناضت دخلات للحمام دوشات بما دافيي كتحاول تكالمي راسها وماتخليش هدشي يأتر عليها..مافهماتش علاش واحد بحالو مافقلبو رحمة دوز معاها هاد ليلة لملعوونة علاش مايكملش على داك القسوة ويبعد منهااا علاش كيبغي يتقرب منها وهي ماكاتحملوشش علاش حطها فهاد الموقف تمتمات:موتك شي نهار اتكون على يدي 

خرجات من الحمام لبسات عليها ورجعات تكات مازال دايخة ومحتاجة تنعس باش تريكل دماغها يلاه اتغمض عنيها وهي تتغلل فاعماقها ريحتو لي على المخدة جات فبالها داك ساع اللحضة لي حلات عنه ولقات راسهل ناعسة على صظرو لعاري..تهزاتش وية ورمات داك المخدة فالارض وهي معصبة وجرات المخدة لوخرا وتكات عليها تانيي وغمضات عنيها ونعسات

فجيهة لوخرا

يلاه فاق من النعاس مالقاهتش حداه ..دخل دوش بالخف ولبس عليه حتى كيلمحها فلبالكون كترسم ..دخل لعندها شافت فيه ورجعات شافت فالرسمة كتكمل بقة كيشوف فيها شحال كيف مركزة مع الرسمة ميل راسو بابتسامة:شحال زوينة ونتي دايرة عقلك 

ماجاوباتوش

آدم:شكا ترسمي

بغة يقرب باش يشوف وهي توقفو:خليها مفاجاة ملي نساليها نوريهالك

ادم وقف:زعمة كترسمي راجلك حبيبك

ميلات راسهل بابتسامة:بحال داكشي

قوص حواجبو وهو خارج من لبالكون:هدي واخة تحلفي عليها مانتيقهاش ..اجي بغيت مراتي تفطر معايا

دار لقاها مازل كترسم رجع لعندها وجرها من يديها معاه مخرجها للصالة بعدات يديها من يديه :رخييي

وجلسات وجلس تاهو وبدات الخدامة كتكب لييهم فالقهوة وتقاد فالفطور ونساحبات وخلاتهم ..وبداو ياكلو فهدوء

ادم مد يديه وبعد ليها داك شال من شعرها:مانبغيش هدشي فدار 

ليالي:مرتااحة هكا ماشي سوقك

بغات ترجع شال وهو يشد ليها يديها:زكااي الياليي شوية بشوية ايتبدل كلشي انحيدو هاد لكحل لي كتلبسي ديما وهاد لباس ديال لعكايزات فدار باغي مراتي تكون سيكسي فدار

خرجات فيه عنيها وهي كتشوفو كيبوس فيديها:نت راك حماقيتيي

هز راسو باه:حماقيت وديتيلي لعقل من نهار كنتي اطيحي بين يدي تماك سنيت عليك ديالي ..

جمعات يديها لعندها:ايوا بقة كتحلم

جمع الوقفة وهو كيضحك:مازال ماماتعرفينيش اليالي 

لياالي:تانت مازال تزيد تعرفني شكا نسوة

ادم:دابة نشوفو يلاه هاني مشيت امراتي

وصيفط ليها بوسة فلهوة وخرج مشا للخدمة مخليها كتدعي فيه

داز الوقت..

يلاه دخل للدار لواكس اكد عليه باش يحضر للعشا 

شاف تيريزا نازلة من دروج لابسة مقادة وماقادها دنيا شافت فيه وبتاسمات خشات يديها فدراعو:خويا كيف جيت

كريم:غزالة ولكن لاش هدشي كامل ياك غا عشا وايمشيو

تيريزا :امم من بعد وتعرف قولي بعدة نت ماناوي دير تاشي علاقة جدية وتجمع راسك شوية من كترة لبنات

كريم:مازال مالقبت هادي لي تحيني على لكانة بغيت شي وحدة لي نيت دير ليا العقل ماشي تزيدلي فهبالي 

تيريزا:ايوا بقيتي هناا

كريم قرب وحل واحد تلاجة جاية على سكل بلاكار فلحيط خاص بالمشروبات لكحولية خدا قريعة وقلد كاسو:نخرج يضربني لهوة فالجردة

تيريزا:وانا نمشي نشوف ماما

كريم خرج للجردة وهو كيجغم من كاسو جلس فواحد جليسة متكي براسو اللور كيفكر فحياتو تاحاجة مامقادة مستهتر بزاف ومعكاز فوق لقياس ماخاصش يبقة هكاا تا مشروعو الجديد بدا يعكز عليه وهو هدشي لي ماباغيش..تنهد وهو كيشوف لبعيد حتى كتجي فبالو المكالمة دلبارح بتاسم على داك صوت كتدوي من نيتها وهو نعس وخلاها......جبد طليفونو قلب على نمرتها وصونا ليها

عند مارية..

مارية بصوت حاد :أخر مرة تعاوديها سمعتني يوقع لي يوقع فهاد البيت ماتمشيش تعاودي اش وااقع واقلة بديتي تنساي داكشي لي علمتك انارة ماتخلينيش نعاقبك عوتاني

نارة نزلو دموعها:ولكن نتي كنتي خايفة بزاف وبغيتي ماما

غوتات ليها فوجها تا قفزات:ولااااش غادا عندوو لاااش نموت كاع سمعتيني يوقع لي يوقع جلسي وتبتي فبلاصتك من ايمتا وليتي تصرفي من راسك دوي من ايمتى 

نارة نزلات عنيها كتمسح فدموعها وبدات تشهق بلبكاا:سمحي ليا اختي عفاك

مارية لحد الان مازال مابردات ليها يشوفها فديك لحالة ويشوف دوك سيكاتريسات..مسحات على شعرها :صافي سكتي من لبكة واخر مرة هدشي يتعاود 

نارة كتحاول ماتبكيش:واخة

مارية وقفات غادة جاية فلبيت كتحاول تكاملة حتى كتسمع طليفونها كيصوني شافت فنمرة ماغريباش عليها جاوبات:الو 

كريم:مازال باغة تخدمي

قوصات حواجبها عرفاتو شكون عضات على سنانها:من نيتك هاا نخدم مع واحد زهواني مع السي قبو مشروعك فاشل نقولهالك من دابة حيت نت ماشي ديال لخدمة نت ديال زهو ونشاط ونعاس باين لبلان وانا لبارح دايرة راسي فيك....

كانت اتقطع ليه فوجهو وهي تكمل:نتوما رجال كي لحنوشة مانعرفو منين نشودوكم بغيت ليكم لغراق والانقراض نتهناو من حسكم 

كريم كان غير كيتصنت عرفها معصبة وشي حاجة لي موصلاها لهاد الحالة كان غا كيتصنت ويجغم فداك لكاس بروقان ومرة مرة كيبتاسم وهي مازال كتسب وتعاير فرجال غادة جاية فداك لبيت:الله ياخد فيكم لحق كرهتونا فحياتنااا كي شياطييين بغيت ليكم العداب كامليين 

كريم :مارية تهدني

مارية:نتهدن وااماتعاودش تعيط فهاد النمرة دلمررض

وقطعات ليه فوجهوو ودورات وجها على صوت نارة لي ماقدراتش تحبس شهقاتها خايفة من حالة مارية لي هي فيها دابة ..قربات لعندها:سكتيييي مانسمعش حسسسك كديريها قد راسك وتزيدي بلبكة عرفتي شنو ما اتبقاي تعتبي باب هاد لبيت هداااا باش نيت ماتبقايش تدخلي فشي حاجة كبر منك

كان واقف جيهة لباب ومتكي على لحيط من قبيلة وهو مراقبها وماحساتش بيه جا باش يعلمهم يوجدو راسهم للعراضة..سمع اخر كلامها فاش كانت كتدوي مع شي حد وتسب فرجال ودابة ختماتها كتغوت على لبنت باقة صغيرة كيشوفها دابة بحال شي بركان باغي غير فيمن ينفاجر

سمع اخر كلامها فاش كانت كتدوي مع شي حد وتسب فرجال ودابة ختماتها كتغوت على لبنت باقة صغيرة كيشوفها دابة بحال شي بركان باغي غير فيمن ينفاجر

مسح على راسو ماباغيش يشعل تاهو ويصدقو فشي حاجة كبر من هدشيي..شافها مازال باغة تغوت على نارة ومازال باغة تبرد فيها الاعصاب لي فيها.

نطق بصوت خشن:ماارية حبسي عليا هدشي

دورات وجها وشافت فيه بعنين حاقدين:ماشي سوقك واصلا..

قاطعها بتعجب ساخر:ماشي سوقي..

قرب لعند نارة وتحنى لعندها كيمسح ليها فدموعها:سيري عند الحاجة لللبيت جبت ليك شي حاجة عندها تعجبك 

شافت فمارية وهي كتبعد ليه يديه:بغيت نبقة مع ختي

تنهد وهو كيرجع يدوي:هي دابة معصبة 

مارية:ماعندها فين تمشي هنا اتبق..

قاطعها وهاد المرة كارز على سنانو مخنزر فيها:مااارية خليني متبت

نارة قفزات من صوتو بغات تبعد وهو يشدها تاني:الحاجة كتسناك فلبيت سيري عندها 

شافت فمارية بخوف لي هزات ليها راسها باش تمشي..ناضت وهي كتمسح فدموعها وخرجات من لبيت فتجاه بيت لحاجة

وليد غير مشات وقف كااافر مقرب لعندها:مادخليييش لبنت فهدشي ديالنااا يعنني تا لهنا وحبس اتلقايني فوجهك امارية..بنتي بعييدة على هدشي ..

ضرب ليها على صدرها تا رجعات اللور :لا شاعلة ليك هنا شي عافية طفيها فيااا اناااا سمعتيني خلي لبنت بعيدة ماعندها تاشي دنب

مارية غوتات ليه فوجهو:انا راه ماكرهتش نخرج قلبك ونزطم عليه ماشي غا نشعل فيك لعافية علاش جااي عندييي علاااش باش تشفة فيا ياااك بغيتي تشوفني فداك الحالة ولكن بلا ماتفرح بزاف حيت طال الزمان ولا قصار غندمرك كييف دمرتي ليا حياتيي داك ليلة مازال محفورة ليا هنااا فدماغييي .....وكاع داكشي لي درت فيك فداك تلتيام وماطفاش ولو جزء من نار لي شاعلة هنااا

قربات تا لعندو وبدات كضرب على صدروو:كنررررهك لواحد الدراجة ماتصورهاااش حاقدة علييك 

ولات كتلهت وهي كضرب على صدروو بكل قوتهااا:الله يااخد فيك الحق 

زرب عليها وجرها لعندو دافن راسها فصدروو ومزير عليها وهي كتفركل بين يديه ومازال باغة ضرب فيه :كنرررهك رخييي منيي رخيييي

تبتها مزيان معنقهاا وقرب لودنيها وهمس ليها:شنو بغيتي باش تطفة هاد العافية

مارية بكل حقد نطقاتها:تموت ونكون انا سبابك تموت معدب وتمحى من الوجود 

بعد وشاف فعنيها لحاقدين:وموتي غيطفي هاد العافية

مارية تنترات منو ورجعات باللور :بعدة انعرفك كتعدب فجهنام لهيه حيت واحد بحالك بلا ضمير هديك هي بلاصتو 

فلحضة جات فبالو انه بصاح يقدر يموت تحقق امنيتها .مسح على راسو باغي ينهي هاد الحوار ودوة بجدية:وجدي راسك للعراضة شوية وانمشيو

مارية :ماغانمشيش

تنهد مافيه مايتصادع معاها شاف فساعتو فيدو ودوة:ربع ساعة نلقاك لتحت ماهبطتيش انطلع نهبطك بطريقتي امارية 

ماخلاش ليها لفرصة فين تجاوب وخرج من لبيت..بقات واققة شحال كتسترجع انفاسها وكتهلت تا تكالمات شوية ..مشات عمرات كاس دلما شرباتو ..وشافت مع جنابها كتفكر صافي خاص تسترجع قوتها تانيي ماشي وقت هدشيي هي هنا باش تنتاقم منوو وتاخد.حقها وماغاضيعش هاد.الفرصة..وهاد لعراضة خاص تحضر ليها وتعرف اش واقع ولاش أكد عليهم يخبيو راه عندو بنت قدام هاد العائلة لي ايزوروها...مشات حلات لبلاكار تشوف شغا تلبس ..جبدات لبسة مستورة بلحجاب ..لبساتها ووقفات حدا لمراية كتقاد فلحجاب فوق راسها شافت ملاميحها دابلين وعويناتها عيانين باين عليها لعية ااارهاق بحال شي وحدة مهلوكة..هزات قلام دلعنين دوزان خط وسط عنيها كافي يبين جمال عنيها وداك لوين لخضيضر ويزيد جمال لوجها .هزات عكار مارو بارد ودارتو خفيف على شفايفها ..وهزات ساكها وني نلمح طليفونها بغات تحشيه فساك وهي تلمح ميساج حلاتو داك ساع كان من كريم:عارفك محتاجة للخدمة امارية والمشروع اينجح كنحلف ليك المهم محتاج لوحدة بحالك معايا فهاد المشروع مرحبا بيك..وماشي كاع رجال بحال بحال

خشات داك طليفون فساك من بعد ماسلات المساج تانشوف اش دير فهاد لبلان حلات لباب وهبطات لتحت..

لتحت..

الحاجة بتعجب:كيفاش زعمة باغي تزوج بوحدة اجنبية

وليد:ديري هدشي لي قلت لي الحاجة 

الحاجة:ماعرفتش لاباش كتخطط ولكن غنظير هدشي لي قلتي وغنبين ليها راه عحباتني كيف قلتي

عز راسو باه وهو كيشوف فهاديك لي هابطة وساكها فيديها ..طلعها وهبطها جات انيقة بلباسها وزوينة بزاف سها فيها وهو مراقبها كيف كتمشى بكل تقة تقول ماشي هي دلبارح لي كانت مخشية فيه وكترجف خايفة ..الحاجة كانت كدوي معاه وهو ماهواش هناا..

الحاجة خنزرات ملي شافتو فين كيشوف جرات معاها نارة وحطات يديها على كتافو كتفيقو من سهوتو:ها حنا سبقناكم 

شاف فيها بهدوء:واخة

مارية وقفات حداه ودوات بتبات:غادة حيت انا باغة نمشي 

ميل راسو كيشوف فيها بواحد شبه ابتسامة تقيلة هاهي رجعات كيف كانت:واخة كون مابغيتيش بسيف عليك كنتي اتمشي

وفتح ليها طريق باش دوز خنزرات فيه ودازت من قدامو وهو مرتقبها تحرك من موراها وعنيها مافارقاتهاش تاخرجو لعلى برة ركبات اااور وركب تاهو فبلاصتو..شافت فنارة كيف لابسة ومقادة ..عرفات انه شرا ليها لحوايج ..مدات يديها كتقاد ليها فلكول وترجع ليهل شعرها اللور:هكا مزيان

نارة بتاسمات فرحانة قربات ليها وحطات راسها على صدرها..مارية تنهدات ومسحات ليها على شعرها 

مسااافة طريق وكانو حدا فلة لوكاس

نزلو ولخبار وصل لداخل راه وصلو ودغية صيفطو لخدامة تحل لباب

تيريزا عاد رتاحت ملي تأكادت راه فلباب كانت فكامل اناقتها بكسيوة مزيرة على مفاتينها ومكياج خفيف وشعر مسرح سامبل :ماما ياك هي هديك ..لبارح شافني بلبيجامة ماحملتش راسي

روزي:كتحمقي ابنتي فجميع لحلات

بتاسمات فرحانة وهي كتشوفهم داخلين..ستقبلوهم

روزي وهي كتسلم:مرحبا بيكم

تيريزا مراقباه غا هو سلمات على كلشي وهي مرفوعة تا وصلات ليه وبكل جرأة تعلات وسلمات عليه بالوجه قدام كلشي خلات الحاجة مخرجة عنيها فيها..هو بقة واقف فبلاصتو مادار تاشي ردة فعل هزات عنيها فيه:مرحبا بيك مرة خرا

هز ليها راسو باه:شكرا

مارية كانت غا كتفرج وتسكاني فهاد العائلة فهمات انه هاد تيريزا مكالية فيه اصلا باينة من طيارة..

لوكاس:تفضلو للصالة علامن يحطو لعشاا

تجمعو فصالة جالسين 

لوكاس:هدي الجدة ديالك كنعرفوها وشكون هاد الانسة لغزالة 

كان كيشوف فمارية وهو مبتاسم باعجاب..وليد قوص حواجبو مزير على يديه شاف فيها ورجع شاف فيه ودوة:مارية بنت خالي الله يرحمو 

لوكاس مازال كيشوف فيها :الله يرحمو ومشرفين امارية ومرحبا بيك

مارية بهدوء:شكرا 

لوكاس:وهاد لقطيطة صغيرة 

وليد:بنتها

لوكاس:مايمكنش مزوجة وعندك بنيت كتباني صغيرة شحال فعمرك 

مارية:23 عام

لوكاس:باقة صغيرة اتكوني تزوجتي فسن صغير فين هو راجلك

الاحاجة:راجلها مات 

لوكاس بأسف:الله يرحمو مازال لحياة قدامك وحدة بحالك زوينة وباقة صغيرة ماغاتلقاش صعوبات فالحياة واتلقاي شخص لي يناسبك 

وليد:احم مارية ماكاتفكرش فزواج الوكاس هي باغة تربي بنتها وصافي

لوماس شاف فيه كيف دوة معاه:ويقدر تبدل رأيها علاش لا

وليد شاف فمارية :انا عارفها اش باغة

الحاجة شافت وليد ابدا يتعصب ودوات بالانجلش:تبارك الله بنتك غزالة كتحمق ماحسابليش لهاد الدراجة

تيريزا عنيها ولاو كيبريو بالفرحة:شكرا بزاف من ذوقك 

الحاجة:اجي جلسي حدايا عجبتيني 

دارت ليها بلاصة بينها وبين وليد ..تيريزا جلسات وسطهم وهي ماقاداها فرحة..الحاجة :لوكاس بنتك ماخاصش تعطيها لاي واحد قوليلي بعدة ياك مامخطوبة ولا شي حاجة

تيريزا هزات راسها بلا:لا مالقيتش لي يناسبني 

وشافت فوليد:وانا دوقي صعيب ماشي اي واحد يرضيني 

الحاجة حطات يديها على يدين تيريزا:فرحتيني هي ناخدك عروسة لحفيدي هههه

قالتها غا كتمازح وفنففس الوقت كتلعب ليها على الوتر الحساس...تيريزا داك ساع شافت فوليد ونطقات:لا بغة علاش لا

لوكاس تاهو داير فيها كيتمازح:ههههه هي نقلبوها خطوبة ماغانلقتش ماحسن من سردار للاميرة ديالي

الاحاجة:ها شنو قلتي اسردار

سردار ميل راسو وشاف فتيريزا كيف كتشوف فيه:يشرفني نتناسب مع لوكاس ولكن بحاليلا زربتو على تيريزا يقدر ماتكونش كتفكر فزواج

تيؤيزا يلاه اتنطق وهو يقاطعها صوت خوها:هنا جيت

تيريزا كرهات خوها فهاد اللحضة

كريم دار الصواب وسلم عليهم تا وصل لعند نارة وبتاسم ليها:لقطيطة لغزالة 

نارة كتافات غير بابتسامة ..مارية كانت مفيكسية فيه عنيها هو نفسو كريم مول لمشروع لي بحتات عليه فالانترت وشافت صورتو شكا ييدير هناا

هز عنيه ليها وبتاسم ومد ليها يديه :مرحبا بناس دلمغرب

مدات ليه يديها وسلمات عليه:شكرا 

جلس حدا نارة وعنيه على مارية وبدا حس جانتل مان يخدم عندو:شحال ماشفنا لحجاب كيدور فهاد البلاد جاك زوين 

مارية كتزيد تقادو على راسها:شكرا

بتاسم ليها وهو ماحاسش بداك شوفات دلقرطاس لي كيشوفو فيه كان وليد 

كريم شاف فعائلتو ودوة بالانجلش:ماغاتترعفوهمش عليا ولا شنو 

تيريزا بتتسمات:هدا خويا كريم لكبير من ام مغربية

كريم شاف فمارية:وضريف وحنين واي حاجة زوينة ونتي

تيريزا كضحك:هههه صافي بديتي ماتديش عليه خويا عزيز عليه يشد فالواحد ولكن ماكدبش ضريف بزاف وحنين واخة يبان لك هكا

مارية كتافات بابتسامة وهي كدور هدشي فراسها وتخطط وتفصل وتخيط

كريم :ونتي ماعرفتينيش عليك

مارية بصوت هادئ:مارية بنت خال وليد 

كريم شاف فوليد ورجع شاف فيها:مشرفين وهاد لقطيطة صغيورة

تيريزا:بنتها

خرج فيها عنيه مامتيقش:ماعندي زهر

كلشي ضحك الا واحد لي مخنزر وجالس على غلية

تيريزا:راجلها مات هدا شحال

كريم شاف فمارية متعجب 

فهاد.اللحضة جات الخدامة وقاطعات عليهم كلامهم:تفضلو لعشا واجد

ناض هو لول تقلبلو لمزاج قرب لعند مارية:زيدي

حسات بيه دفعها بيديه تنترات منو وجرات نارة معاها ومشاو تجمعو فطبلة دلعشا هادشي كامل داز قدام عنين تيريزا لي من لول مراقبة وليد وكتشوف ردات فعلو نفضات الافكار لي فبالها وخلاتها انه مجرد بنت خالو لا اكتر ..بداو يتعشاو 

كان كيتعشى بهدوء كيدخل معاهم فحواراتهم مرة مرة ....واونفاص معاه تيريزا لي ضاروي كتجبد معاه لكلام وهو كيجاوبها..والحاجة مامخلياش من جهدها كطبق كلامو تزيد تعطيها امل فاش كتبدا تشكرها

وليد تاحاجة ماخافية عليه تامن نضرات كريم لمارية لي تاهو كيجبد معاها لكلام واخة هي كتجاوبو باختصار ورسمية

كريم ملي بدا يدوي معاها وهو حاس براسو بحاليلا كيعرفها ولا داوي معاها ولكن كيرجع يقول مستحيل نكون تلاقيت مع وحدة بحال هادي ومانعقلش عليها:ماررية

حطات لفورشيط وشافت فيه:نعام

كريم:شنو كديري فحياتك خدامة ولا شنو

مارية:حاليا غير دار مازال ماقررت شغا ندير يلاه جينا لامانيا خاص نرتب اموري بعدة ونشوف

هز راسو باه:اي مساعدة مرحبا نخلي ليك رقمي لا حتاجيتي شي حاجة

يلاه اتدوي وهو يسبقها:مايحتاجش تعدب راسك انا غنتكلف ومارية مازال مامستعدة لميسؤوليات خرين 

كريم شاف فيه حس من طريقو كلامو بحاليلا كيقولو مادخلش بالعربية تاعرابت هز راسو باه:ايوا الله يعاونها المهم انا فالخدمة امارية

مارية شافت فيه بابتسامة هاد المرة باغة تستافز لاخور كتر:شكرا اكيد يقدر نحتاجك تا ناخد رقمك

داك ساع جبد طليفونو من الجيب:هي دابة نيت قيدي

تحنات لساكها لي حدا رجليها وجبدات طليفون اصلا ديجا نمرتو عندها هو كيفتي وهي كدير راسها كتقيد:صافي شكرا

ورجعات طليفون لبلاصتو وكملو عشاهم ..

داز الوقت سلاو لعشا وتقهواو وجا الوقت باش يمشيو

وصلو معاهم حتى لباب 

الحاجة:هاد المرة نتوما لي اجيو

روزي:ان شاء الله علاش لا

وشافت فتيريزا:لغزالة ضاروري تجي تنوريني فدار 

تيريزا:اكيد غنجيي 

وليد ضور وجهو كيشوف فكريم كيف كيلعب مع نارة كيهزنا ويقفزها ونارية واقفة حداهم الابتسامة على وجها نطق داك ساع وعنيه مازال مفيكسيين عليهم:يلاه الحاجة نمشيو..تصبحو على خير 

تيريزا:تصبح على خير اوليد

شاف فيها وبتاسم:تصبحي على خير

ابتسامة كافية دوبهاا ..عضات على شفايفها بالفرحة..دور وجهو ومشا بخطوات تابتين تا وصل لعندهم خدا من عند كريم نارة لي غير شافتو جمعات الضحكة

كريم:تصبحو على خير

قالها وهو مبتاسم لمارية

وليد حط يديه على كتاف مارية :زيدي نمشيو

وحرها معاه لطمزبيل ركبات ومد ليها نارة جلساتها حداها..ركب وديمارا بالجهد

فالطريق..

الحاجة:شفت الانسة كتفرق فنوامر عاين باين 

وليد الصمت وساكت وضاغط على داك لفولون

مارية نخلاتها ماعندها لاش تجاوبها..حتى كتسمع صوتو:اري داك طليفون

مارية:كيفاش

وقف الطموبيل على جنب ودار لعندها:قلت اري طليفون

مارية بتحدي:ماغانعطيهش ليك سمعتيني

هز حاجبو بمعنى من نيتك ونزل عنيه لساكها تهز من بلاصتوو وخداه من عندها وهي كتحاول تاخدو من عندو:اراااه

خشا يدو لداخل وجبدوو وحل سرجم وزدحوو على براا تا تسمع صوت تشخشيخ..ورجع ليها ساكها وديماراا بالجهد خلاها غا كتشووف:باشمن حققق كتهرس ليا طليفوونييي

شاف فيها من لمراية ودوة:فين هو النقاب لخمار لي كنتي فاضحانا بيه هااا كلشي انتفاهمو عليه

الحاجة:راه قلت لييك..

ولييد بحدة:الحااجة مادخلييش

مارية:ماسوق حد فياا سمعتوني نت اخر واحد يدخل فياا

وصلو للفلة..نزل هو لول ومشا مل لبها لباب ونزلهل من دراعها وهي كتنتر منو وظوة وهو عاض على سنانو:ماحدك هناا معايا وتحت منييي غندخل امارية سمعتينيي سبق وقلت ليك كلشي ايمشي بهوايا انا ومازال نزيدو نتفاهمو على هدشي تحركييي دخليي دابة

ورخا منهاا وركب تاني فطموبيل خلاها كتغليي وتوغووت:ماسوووقكش فياااااااااا اندير لي بغيت

ديمارا بالجهد 

الحاجة طرات نارو معاها:زيظي ابنتي هادي حماقت وماعترفاش راسها معامن كتلعب خليه تايهرس ليها داك الفم شي نهار

مارية بقات واقفة شحال لاش كيدخل فيهااا عصبهل فتاالي دخلات للدار تاهيي 

داز الوقت...

كان جالس هو وأدم ..من قبيلة وهو غير ساكت وادم مراقبو ..عاود ليه كلشي من داكشي دلبارح وكيف انه خرج ليها على حياتها وداكشي لي خلا فيها 

ادم عارف صتحبو يقسى تا يتعيى ولكن عندو ضمير :وليد ماتزيدش تضغط عليها يكفي داكشي لي عاشتو

مسح على راسو:عارفني ماكانحملش لي يستافزني 

ادم:هي معدورة راه الحمد الله ملي ماحماقتش ولا دارت فراسها شي حاجة 

وليد شاف فيه عندو لحق كتافة:شنو ندير ها عمرها اتفهم واخة نبغي نشرح ليها 

وسكت وتمتم:كون تشوف داك الحقد والكره لي فعنها أ ادم 

ادم :وليد تاحنا عندنا خوتنا وعندك بنت ..مانبغيوش ليهم هاد شي لي وقع ليها شرفها مشا وحياتها دمرات وعاد تشوهات لي قلتيي ..خاص تعوضها وتصلح الغلط ديالك

وليد:كيفاش

ادم:تزوج بيها اوليد سترها هدا هو الحل ومن بعد يقدر تصلح الامور وباش يرتاح ضميرك حيت عارفك كيف داير اصاحبييي

وليد شاف فيه مقوص حواجبو داك تزوجها كتردد فدماغوو 

دخل للدار طالع مع الدروج افكار كتديه وأفكار كتجيبو حوارو مع آدم مازال كيتردد فدماغ

تا لقة راسو واقف حدا بيتها بلا مايتردد حل الباب ودخل بهدوء ..قرب ووقف كيشوفها هي ناعسة فوق الفوطوي ونارة فوق النموسية تنهد لهاد الدراجة كتبعد على اي حاجة كتعلق بيه حتى بنتها ..

قرب عند نارة كان لحاف بعيد عليها قادو عليها وغطاها مزيان وتحنى لعندها كيمسح على شعرها بشوية شنو دنبها فهادشي كامل ماكرهش كون يقدر يعوضها على بزاف دلحوايج ويقولها انا باباك ويعيشها فضروف حسن من هادي ولكن خاص يحميها مايدخلهاش فهاد الانتقام لي هو فيه ..تحنى وطبع قبلة على جبينها وتقاد فالوقفة ودور وجهو لهاديك لي تاهي ناعسة بهدوء..

ماحسش براسو تاكان قريب ليها محني على ركابيه لمستواها وعنيه عليها كيحقق فملاميحها لي ولاو هاد الايام محفورين فدماغو دخلات لحياتو وخربقات ليه كلشي روناتها وخربقات ليه حسباتو خلاتو دابة كيعاود لحساب من الاول ....ميل راسو كيشوف فيها وفلحضة جات فبالو لعراضة وكيف لوكاس وكريم كانو شوية وياكلوها بعنيهم ..وكيف شخشخ ليها الطليفون ..

مسح على راسو وهو كيفسر هدشي انه ماخاصش تكون قريبة لديك العائلة فقط وماتدخل لتاشي علاقة معاهم وكلامو هو لي ايتنفد بغات ولا كرهات..رجع شاف فيها..فاش تحركات وحلات عنيها وشافت فيه دغية جمعات لغوباشة وناضت جالسة يلاه اتدوي وهو يحط يديه على فمها وزير وهمس ليها:شششش

وشاف فنارة لي ناعسة ورجع شاف فيها وهو كيوقف ويجرها معاه ويديه مازال على فمها تا خرجها من البيت فالتجاه بيتوو وهي كتنتر منو دخلها وسد لباب عاد رخة منها

مارية مخنزرة فيه:شكا دير شتك ضصرتي بزاف مابقيتيش تحيد من داك لبيت وكدخل ليا فاوموري وزايدها مهرس ليا طليفوني 

قربات اا لعندو شاعلة بحال شي قطة متوحشة كانن على سبة:بعد مني سمعتني عطيني بالتساع ندير لي بغيت واخر مرة تدخل للبيت 

بغات تخرج من البيت وهو يجرها ويزدحها مع لحيط مكالي لحيط بيديه ودوة بواحد الهدوء وعنيه كتسارا على وجها مع واحد النبرة حادة فصوتو ديال الامر :كنقولها ونعاودها ماحدك معايا اطبقي داكشي لي كنقول امارية..وداك العائلة اتبقاي بعيدة عليها وداكشي ديال عطيني نمرتك نعطيك نمرتي حيديه عليا.كريم خليك بعيدة عليه.بغيتي شي حاجة انا هناا ..بغيتي تخدمي اتخدمي عندي انا تبقاي قدام عنيا ..

ونزل عنيه لشفايها لي كيتهزو بلاعصاب وعاضة على سنانها وهمس ليها بصوت خافت:كلامي مفهوم امارية

مارية:مستحيل نخدم معاك يكفي دار لي شاركاها معاك نزيد تا لخدمة

وليد على حاجبو وزاد لصقها مع لحيط فاش بغات تبعد:ادن خليك فدار

مارية:سمعني كلامك ماغايمشيش عليا والخدمة غنخدم وماشي عندك ..وغنهضر معامن مابغيت كيف ما انا ماكاندخلش فيك تانت مادخلش فيا..اه فكرتيني ماتبقاش دير فيها اب حنون ونت نكرتي بنتك باش تقرب من بنت لباطرون ديالك كنزيد نهار على خوه نتأكد انك ماكاتسواش..وكريم عرض عليا مساعدتو وانا قبلتها 

وسكتات كتشوف نتيحة هضرتها بدات كتبان على وجهو ملي ملاميحو دغية تقلبو حادين وعنيه كيشوفو فيها بواحد النضرة ديال لقرطاس..ميلات شفايفها بابتسامة مستفزة كتر

حتى كتشهق فاش طلع يديه للفك ديالها وزير شوية ويهرس ليها فمهاا من بيين يديه ودوة وهو سااخط كلامها لعب ليه على الاعصاب:اخر مرة فمك يخرج بحال هاد الكلام امارية ماتزيديش تختابري صبري كتر من هكاا حيت غنسحقك وماشي نتي لي غتوريني شنو هي الأبوة حيت نتي ماعارفة والووو وغير جربيي وعصي كلامييي 

وزاد ضغط ليها على فكها تا غمضات عنها بحاليلا كينتاقم من فمها لي 

خرج داك لكلام:وغتبقاي تشوفي ديما ردة فعلي لي ما اتحمليهاااش

حطات يديها على يديها على يديه كتبعدها قصحها بزاف..رخف عليها ونزل يديه وهو مازال قريب ليها:تحركي من قداميي

مارية بعدات عليه وهي كتقاد فبيجامتها لفضفاضية طويلة على جسمها مابقاش كتيق تاخد راحتها فلباس فهاد الدار..

شافت فيه بغضب مازال مابردات ليها تاهي مازال باغة تطفي غضبها ولي ليها ليها :نت هضرتي وتانا هضرت اسردار وليام اتورينا شكون لي كلامو كيمشي ونت لي غتندم حيت خليتيني قريبة ليييك .

كان عاطيها بالضهر وقفات من موراه:وحاجة وحدا خرا عييت وانا نقولهاالك لحييط فهمها ونت مابغيتيش تفهمهااا ومابغاتش تدخل ليك للدمااغ ماتبقاش تقرب ليااااااا خليك بعيييد علياااا كنكره راسيي ونت قريب لياا 

كان واقف تابت كيسمع لكلامهااا وملاميحو كيتبدلو مع كل كلمة كتنطق وجامع يديه على شكل لكمة كيعى يبغي

مايديرش راسو فيهااا ولكن هي كتستافزوو وتا لهنا وحبببس كيحدرهااا ويعاود باش توزن كلامها وهي غا مازايدة فييه عارف راسو خاايب بزاااف فبحال هاد المواقيف غيصدق مسبق يديه وداير فيها شي فضيحة وهو هدشي لي ماباغييش..

شهقاات بالجهد فاش جرها من لكول دلبيحامة 

وزادحهااا فوق النمووسية بالجهد وجا فوقها وبدون سابق اندار كانو شفايفوو فوق شفايفهااا ماحركهم ماوالو دوة فقط وهي كتحس بشفايفو كيتحركو مع شفايفها حركة كافية تخليها تبلوكة :ماحدي ماازال ماتقربت منك بهاد ااطريقة وشفتي شي حوايج كتر ..ماتقولييش بعد سمعتينيي 

مارية فهاد.اللحضة جن لكحل ركبهاااا شعلات معاها لعافية كتر وكتر وهي تحت منو وشفايفو على شفايفها واخة مابايسهاش ولكن راه نفس الشيييي تمتمات بحقد:حقييييقر تهز من فوقي تهااااز

وبدات كتفركل بين يديه جاااهلة :حييييييد الحقييير حييييد

ولات بحال شي مصعووورة باغة تنوض وبس ..وليد هز ليها يديها لفووق وحكمها مزيان وليد لوخرا شد بيها فكها لعندو ودوة بهمس انفاسهم تخلطو تا من صوت تنفسهم مشروك فهاد اللحضة:ششش اي كلمة دابة غتخرج من فمك انرد ليك صرف ديالها دابة

ونزل شفايفو لوسط عنقها وكمل كلاموو بهمس وحرارة انفاسو كنضرب فعنقها:غنرخيك وغتهزييي بلا تاشي كلمة امارية واتخرجي من هاد لبيت حيت صبري قليل وكلمة وحدة ماشي تا لهيه مانضمنش ليك شنو ممكن يوقع كلامي كنعنيييه

وهز راسو شاف فعنيهااا وطول شوفة بلع ريقووو فاش جات عنيه فعنيها تهز دغيا من فوقها ودوة هاد المرة بحدة وهو كيمسح على راسو:مانشووفكش قدامي 

نزلات من فوق النموسية كلها كتغليييي وترجف لدرجة حاسة برجليها فشلوو عليهاا ..مالقلت غا وااحد الديكور قدامهاا هزاتووو وشافت فيه وبدون تردد شيرات بيه علييه جا فكتافوو وطاح فالارض تشخشخ غمض عنيه من حر الضربة لي قصحاتوو نييت حس بكتافو تفدع ..ومن موراه طاحت على ركابيها فالارض كتلهت وتمسح فخدها وعنقهاا مشمأزة منوو:كنكرررررهك كنقسم لييك غاديي نقتلللك ورجعتي عاودتيها والله تانقتلللللك 

مسح على راسوو وهو كيقرب لعندها تحنى هزها من الارض بجهالة و..هز يديه تا لسما وكيجمع معاهاا بصقلة تاتزدحات مع لحيط ودم خرج من فمهاا هدشي لي ماكانش باغي ماباغيش يخدم يديه ولكن هي قلبات عليها....شدها من دراعهاا وجرها وهي مازال تحت تأتير الضربة وحل لباب ودفعها لعلى برة ودوة:بغيتي غا هاكاا مرحبا من ليوم هدشي لي اتبقاي تشوفي لا زدتي قصحتي راسك معاياا

خلاها واقفة مبلوكية وزدح داك لباب.

فهاد اللحضة خرجات الحاجة من لبيت:اش دريتي ليه ها دوي اش جابك لعندو لبيت كتحومي من موراه كي لفعة

مارية شافت فيها وقربات تا لوجها ودوات بحقد:حفيدك موتو على يدي غنرزيك فيه كنقسم ليك 

الحاجة بقات غير كتشوف فيها وهي غادة راجعة للبيت وكتلهت

الحاجة:شهاد الموصيبة جاب لينا للدار

دقات ودخلات لقاتو فلبالكون شاعل سيجارو وكيكمي:وليد هاد اللفعة..

قاطعها بحدة:الحاجة رجعي تنعسي

مازادتش معاه الكلمة وخرجات وسدات لباب 

وليد رما داك.سيجار قبل تامايكملوو ماعرفش علاش فهاد اللحضة بالضبط جات فبالو هضرة آدم(تزوج بيها) جلس فوق الفطوي لي تماك هي متمردة فوق لقياس وهو دمو حامي هي مستحيل توافق تزوج بيه وهو مايمكنش يخليها دير لي بغات وتخرج على سيطرة وهدشي ايخليه يقسى عليها كتر وهدشي هو لي ماباغيش هي يقدر دير شي حاجة لي تهدم ليه كلشي وهو خاص يتحكم فيها قبل تاتنوي ديرها ..غمض عنيه كيفكر فهاد القطة المتوحشة شغا يدير معاها وحط يديه على كتافو كيضرو ..رجع راسو اللور كيفكر حتى لقا راسو واقف فاللحضو لي مانو شفايفهم قراب حل عنيه داك ساع كينفض هاد الافكار من راسو

عند مارية..

كانت كتحل فلمجورا وتقلب معصبة وتمسح فداك الدم لي على فمها:فيين درتو فيين 

حتى لقاتو كان طليفونها تاني لي عندها مخبياه شعلاتو داك ساع ومشات جبدات لجريدة وخدات نمرة كريم وهي كتمتم:هنا انوريك اسي سردار واش كلامك ايمشي عليا انشوف بلانك مع هاد العائلة مالو اكيد كاينة شي حاجة تماك 

دخلات نمرتو وصيفطات ليه داك ساع ميساج:سلام انا مارية غدا اجي لهاد العنوان ضاروريي مع 7دصباح نلقاك حدا الصور دلفيلة ماتقربش للباب

جلسات فوق النموسية كتسناه يجاوب دقايق وهو يوصلها ميساج:شكون مارية بعدة كنعرف جوج

تنهدات ورجعات كتبات:اجي واتعرف

وطفات طليفون 

كريم..

كيشوف فداك النمرة مغربية :عادي كيخدمو نوامر تا على برة ولكن شكون فيهم بعدة 

تنهد وهو كيبتاسم زعمة يكونو نفس الشخص:نعس اكريم نعس غدا ونشوفو هاد لبلان

جا نهار جديد..

فاقت بكري لبسات عليها بالخف ودارت حجابها ونزلات كتسلت مع الدروج.....خرجات للجردة من لكوزينة ...تسارات داك النهار فلفلة كاملة وحفضات لقناتي مزيان..وصلات للصور لي جاي قبل لباب الرئيسي دلفلة كان واحد سلوم بين الشجر هزاتو وطلعات فوقو بقات كتشوف فالارض مابعيداش بزاف تحنات شوية ونقزات تقادات فالوقفة وهي كتنفض فيديها وتشوف مع جنابها طلات فطليفون 7وخمسة دقايق تنهدات:فيييينك 

بدات كتصوني عليه والو ماكايجاوبش كتبات فلميساجات لا رد رجعات كتصوني تانيي

عند كريم...

كان فسابع نومة نعاسو تقيل ....وطليفون مديرونجيه بصوني كيقطع ويرجع تاني ينعس.. ..تنهد وهو سكران باانعاس جاوب بصوت تقيل بالانجلش:صباح هدا 

مارية بالدارجة:تبارك الله على لي باغي المشروع ينجح بان ليا نمشي تانا نعس بحالي

غير عرفها وتفكر ااموعد ضرب راسو بيدو:لا ماتقوليهاش غدرني نعاس هاني جاي ماالك مزروبة

تنهدات :دابة ربع ساعة ماغاتلقانيش

وقطعات..هو داك ساع ناض غسل وجهو وبدل عليه وخرج ركب فطموبيل وديمارا بالجهد وعنيه على طليفون كيعاود يقرا فداك الميساج ويتاكد من لعنوان

وفعلا ربع ساعة كان تماك ..

لمحها واقفة ومتكية على الحيط نزل من طموبيل ووقف حداها مامتيقش:ماتقوليليش مارية لوطفي هي مارية مامات نارة

هزات راسها باه:شتي على صدفة

كريم:لا مايمكنش كيف درتي ليها هادشي ماكايدخلش للراس

مارية:فاش شفتك لبارح تانا تصدمت 

كريم:بزاف على الصدفة كاملة

مارية:ايوا المكتاب

كريم:خربقتيني على صباح

مارية كتشوف الوقت كيمشي:راه كلشي واضح كنت كنقلب على خدمة وشفت الاعلان وعيطت ليك ومن بعد جينا عندكم صافي هدشي لي واقع

بتاسم :ايوا احسن ماوقع فهاد الصباح مافقتش على لخاوي

مارية:بعدة خاص تحيد منك هاد لقاضية دنعاس ولعكز لا بغيتي تزيد لقدام

مسح على راسو:هادا هو ديفو لي فيا..قوليلي بعدة شهاد الموعد لغرامي فسبعة دصباح وهناا 

مارية:شمن غرام ..بغيت هدشي يبقة بيناتنا ومايسيقلوش لخبار وليد سردار 

كريم:علاش شنو واقع

مارية:هو ماباغينيش نخدم وانا مابقيتش قادرة على لجلاس فدار بغيت ندير شي حاجة فحياتي والمشروع ديالك عجبني وعلامن سردار يتقبل انني نخدم بغيت نخدم معاك طبعا لا قبلتي وايلا كنتي بصاح باغي المشروع يزيد لقدام

كريم:هو اش دخلو فيك هادي اول حاجة نتي حرة ديري لي بغيتي تخدمي تجلسي شغالك هداك 

مارية:هدا ماشي موضوعنا حيت القصة طويلة دابة قولي شنو قررتي

كريم:جوابي عطيتولك شحال هدا مرحبا بيك ومحتاج لوحدة بحااك تخدم معايا

مارية:ادن تافقنا

بتاسم ومد ليها يديه....سلمات عليه بالخف ورجعات يديها لعندها

كريم:ماغاناكلكش بشوية عليك

مارية:بلا كترة لهضرة وقرب الطموبيل للصور

كريم:علاش

مارية:دير هدشي لي قلت ليك

كريم قوص حواجبو ركب فطموبيل وقربها للصور

مارية:هانت غتصبر معايا علامن نلقة لحل واتبقة تجي من مورايا كل صباح لهنا وتاتحدد ليا فوقاش انبداو الخدمة فطليفون 

كريم لحد الان باقي مافاهم والو حتى كيشوفها طلعات فوق الطموبيل ووقفات متكية على الصور وشافت فيه:غنعاونك باش ينجح لمشرووع ونت خاص دير عقلك وتحيد منك الاهمال نتمنى تكون جدي هاد المرة..اه وخلي هدشي ببناتنا انبدة نخدم معاك نص نهار كامل ..

وشافت فطليفون فساعة:تعطلت شوية وايفيقو يفطرو هاني مشيت ماتبقاش هنا يشوفك شي حد

وطلعات فصور ونزلات مع السلوم ومشات بخطوات مزروبين دخلات تاني للدار نيشان لبيتها عاد رتاحت

كريم..

حس براسو بحاليلا غا كيحلم بقة كيضحك مامتيقش نقزات الصور وايبدة يجي موراها كل نهار ويديرو هاد المغامرة ركب فطموبيل وهو كيتمتم:هاد الانسانة فشكل

وديمارا:واقلة المشروع هاد المرة ايمشي بعييد

لداخل فالفلة

نزلات هي ونارة وجلسو يفطرو ماشافتش حتى لجيهتو كتاكل بهدوء وكأن شيئا لم يكن من داك الحرب لي دوزو لبارح.تقول ماشي هوما .هو كيشرب من قهوتو بجمود كتر منها مرة مرة كيرمقها بندرة ويتفحص ملاميحها عارف شي حاجة كدور فراسها حيت هي ماشي من النوع لي كيتبت ويستسلم .وكيفكر فلقرار لي تاخدو من بعد تفكير طوييل خلاه يسهر نص دليل ..هدا هو الحل .سلا قهوتو فاش وصلو ميساج قراه وشاف فيها:غنتسناك نتي ونارة فطموبيل

شافت فيه:علاش

وقف وهو غادي جهة لباب:ماتعطلوش

مافهمات والو ...

يتبع...