وأخيـــــــــــــــرا بعد غيبة أشهر عن الكتابة جيت بقصة تحت عنوان 🔥حُطَـــــــــــــــام🔥 القصة لي متأكدة غتعيشو معاها لحضة بلحضة وماغاتسخاوش من حروفها وأحداتها فيها بزاف دلاحاسيس لي غيلامسو قلوبكم كيف لعادة حيت هي قصة خفيفة على قلوبكم بشخصيات معدودين على رؤوس الاصابع وكل شخصية غنعطيها حقها
القصة كونو متأكدين اتلقاو فيها كاع داكشي لي كيعجبككم دراما حب تفرشيييخ ماماكم كتموت على التفرشيخ جرأة وكذلك عالم الشرطة و الحركة و الدراما الراقية خليط من الخيال و الواقع أشياء من الواقع وما الى ذالك قريبة لاجواء الزعيم ولكن بعيدة كل البعد عند احدات الزعيم وشخصياتو😌🤗
◾◾◾
كتلهت كلها عرقانة وعروق جبينها بارزيين غيطرطقوو بالخلعة ..صدرها طالع نازل بكترة ماقلبها كيضرب بالجهد وممكن فاي لحضة يوقف بهاد الرعب لي عايشاه دابة ..جحيم ماشي رعب ومكملها صوت الرعد لي كيتسمع بالجهد مخلط بصوت شتااا لكتيفة ليلة من أسوء الليالي لي عمرها تمشي من بالها ولا تمحة من ذاكرتها..غمضات عنيها مزيرة على ليزار لي تحت منها ماعندها لا قوة ولا حولة لهادك لي فوقها تمتمات بصوت مهزوز كتبكيي بحرقة:عفاااك لا ..الله يخلييك خليني نمشي بحاليي ولا قتلنييي ..قتلنييي وماتزيدش تكمل
وختماتها بشهقة من لقلب تمناتها كون كانت شهقة موتهاااا ولا هاد لحالة ..شرافها خسراتوو بأبشع ااطرق وهاد ااوحش مازاال كيتفنن فتعديبها
حلات عنيها وهي كتحس شي حاجة حادة على عنقهاا قصحاتهااا كان موووص حاد..نزلو دموعها وعنيها فعنيه بنضرتهم لحادة تاقبة لي عمرها اتنساهم ..عنيه حومر جمرة دامعين بكترة الاعصاب ماشي بلبكة لدرجة ييحساب ليك ايبكي الدم ..عروق وجهو بارزيين ملاميحو حادين وزادو فهاد ليلة لكابوسية ..صوت انفاسو مسموعين بحال شي فحيح افعى سامة كتحرق فيهااا وفجسمهااا لعاري لي ولا شبه مجزرة طفا كاع غليلو فيهااا كاع لعافية لي كتشعل فيه ملداخل حرقها بيهااا..صبعانها واحد بواحد مطفي فيهم لكاروو تا لتاهبو ومابقاتش قادرة تحركهم جيهت عنقها محروق تاهو بطفيات دلكارو اتار عضاتو ومصاتو لجنونية مطارسين على جسمهاا..عضاتو على شفايفها مطراسين بدم ..وعاد لتحت مابقاتش كتحس بيه من بعد ممارسة عنيفة فقدات شرفها بسبابها مارحمهاش ورحم ضعفها وكيف كترجااه
جسمها كلو كيتهز وهي كتحس بيه كيغرس داك جنوي فعنقها تاحسات بسائل سخون نازل مع عنقها كان الدم عضات على سنانها كتقاوم داك الوجع وهمسات ليه:قتلني ماغانقدش نعيش من مور هدشي ..قت..لن..ي
زاد داك لموص ختارق عنقها كتر وكتر شهقات كتمتم الشهادة صافي هادي اللخرة ليها:أشهد ان لا اله الا الله وأشهد ان محمدا رسول الله
نزل تا قرب لودنيها وهمس ليها بحدة بابتسامة ساخرة:لا ماغاتموتيش ماشي بهاد السهولة
وغوتات ربي لي خلقها وهي كتحس بداك الجنوي نازل من عنقها لوسط صدرها تا لتالي ديال كرشها وحبس خط طويل شوه جسمها ورشمو بطريقة خايبة ..حط يديه على فمها بالجهد باش تسكت وكمل لهمس ديالوو مورك على شفايفها كيسحق فيهم :نتوما نسا جيتو لهاد الدنيا باش ديرو لفتنة وتلعبو بلقلوب ..ولكن انا ماغانرحم تاشي وحدة جات بين يديا من ليوم..لعافية لي شعلات ليا هي فقلبييي غنطفيا فأي قحبة جات بين يديا ..هي واخة خدات خلاصها ولكن هاد النار عمرها اطفة حيت ماشي انا لي يتلعب بقلبووو ماشي انا لي يتغدر من النساااا ويتطعن فشرافو وتزعزع هيبتوو
هي ربي لي عالم بيها كلها كتنزف وكتوجع وكتبي بحرقة وتشوف فيه كيف كيهضر حاااقد ساااخط بصوت محرووق مغدوور وكلاموو لي فهمات منو النص وشي لاخور مافهماتووش..هدا انسان حاقد من شي تجربة ودابة جات هي بين يديه فين يطفيي هاد لعافية لي شاعلة فيه...بدات كتحس بقلبها كيتزمت وجسمها كيترخة وعنيها كيتغمضوو..همسات ليه:عمري نسمح لييك...
وفقدات ااوعييي
حلات عنيها وهي كتشهق من لكابوس لي تابعها من داك ليلة لي تحطمات فيعا قلبها كيضرب فلمية هزات عنيها فمول تاكسي :راك وصلتي اختي
تنهدات ماعرفاتش كيف داتها عنيها ونعسات فتاكسي حلات ساكها وخلصاتو ونزلات وهي كتنهد تمات داخلة للعمارة وهي توقف فاش شافتو نازل من دروج رجعات اللور ونزلات عنيها فاش شاف فيها وبدات كتقاد لتامها على وجها وخمارها..وقف بعيد عليها:مارية لاباس عليك
مارية:الحمد الله
وكملات طريقها حتى كيوقفها صوتو:مازل كنتسنة الموافقة ديالك
مارية وهي طالعة فدروج:جوابي وصلك اخويا طلبك 7دمرفوض
وطلعات وخلاتو واقف كيشوف فالفراغ ديالها ولد جيرانهم باغيها للزواج ورافضاه شايف حاجة وحدة فيها عنيها لي ولاو يبيتوه بلا نعاس هي كدير لخمار ولتام على وجهاا ..وعاد وصوتها لي فيه واحد لبحة فشكل يضل يتردد ليه فودنيه كمل طريقوو يموت وتقبل عليه ويجيبها لدارو وتولي ديالو ويشوفها كاملة داك ساع لفضول ايقتلو قلبو نبض ليها قبل تامايشوفها وتولي قريبة ليه
مارية..
حلات لباب ودخلات نزلات لتام من وجها:هناا جيت
طلات عليها من لكوزينة:تعطلتي ابنتي ليوم كتخدمو غا نص نهار
دخلات لبيتها وسدات عليها بساروت صلاة صلاتهاا وسلات ..مشات نيشان حلات ساكها وجبدات شي وراق ستفاتهم فوق النموسية كتشوف فيهم ونضرتها كل شوية كتبدل للحقد ولغل نضرة سااااامة وساخطة..كانو وراق قطعاتهم من واحد لجريدة فيها صورتوو رجعات قرات داكشي لي مكتوب تحت صورة (قريبا عودة (..)الى المغرب ) ماقدراتش تزيد تكمل بلقراية حيت كيشكرو اعماالو ومشروعاتو وذكاؤو وقوة شخصيتوو والثروة لي واصل لها وغيرهااا مكانتو كضابط شرطة فدرالية فألمانيا ناجح فجميع قضاياه وفارض شخصيتو الصارمة ودابة غيرجع للمغرب وكيتسألو واش ايستاقر فيه فمرا..هزات داك الوراق وحلات لبلاكار جبدات واحد الصندوق وخشاتهم فيه صندوق عامر بكاع المعلومات عليه الشادة والفادة اعواام وهي كتجمع فيهم كتسنة الوقت لي غيرجع فيه للمغرب ..صبر دأعواام هاهو دابة عطا نتيجة وغيرجع للمغرب وكيف قسمات هدي اعوام انها غتندمووو وتنتاقم منو وما اترحموش غتوفي دابة واخة يكلفها هاد الانتقام حياتها اصلا مابقات عندها حياة تدمرات من داك ليلة وتاهي ادمر ليه حياتووو
شدات داك لبلاكار من بعد ماجبدات بيجامتها..حيدات لخمار ولقفازات من يديها ووقفات حدا لمراية كانت لابسة غا سوفيطمو طالعة على كرشها وشورط ..وشعرها مجموع..طلعات وهبطات فجسمها لي مازل كيعاني من التشوهات هبطات يديها لكرشها وزادت طلعات سوفيطمو داك سكاتريس دلموص محفورة على لحمها واصلة تا لعنقا مشوهة ليها بياض جسمهاااا ..اتار لكارو على على عنقهاا نازل مع كتافها صبعانها صدرها تاهو ..عضات على سنانها هاد المنضر كتشوفو كل نهار وكيخليها تزيييد تحقد وتحقد عليه وماغاترتاح تا تطفي لعافية لي شعل ليها فقلبهااا ويخلص كاع داكشي لي خصرات بسبابووو سمعات دقان
مارية:شكون
نارة:ختي لغدا تحط
مارية:هاني جاية
تنهدات وهي كتشوف فجسمها نضرة اخيرة..لبسات بيجامتها لي بلكمام وطالعة على العنق هدا هو لباسها ..حلات لباب خرجات للصالة لقاتهم كيتسناوها ..جلسات فبلاصتها
حليمة قطعات لخبز:تغداو قبل يبرد
مدات يديها هي لولااا حتى كتشهق من داك ضربة لي جاتها على يديها تقصحات..جمعات يديها لعندها وشافت فيها بعنين دامعين
مارية :كناكلو بيدينا ليمنية وكنقطعو لخبز بجوج يدين وكنحتارمو لكبار حتى كيبداو هوما عاد كنبداو حنا
نارة نزلو دموعها وهي كتهز راسها باه :سمحي ليا
مارية :شحال من مرة قلنا هاد لكلام ياك كنقولك لحاجة تقال مرة وجوج وتالتة كتولي ضصارة ونتي فتي تالتة لهيه
نارة بلعات ريقها كتشوف فيها وتهز غير راسها
مارية بهدوء:نوضي
نارة وقفات
حليمة:كيفاش نوضي خلي لبنت تغدا باقة صغيرة جلسي ابنتي جلسي
نارة باقة واقفة كترجف
مارية:شنو قلت
نارة:واخة اختي
ومشات كطير غبرات من حداهم
حليمة :واش حماقيتي شنو هدشي كديري لبنت باقة صغيرة يلاه عندها ست سنين ومعيشاها هاد ااضغط باغة تكبريها قبل من الوقت سمعينييي مزيان امارية داكشي لي عشتيه فلماضي ما انخليكش تخرجيه فلبنت
مارية غير كتشوف فيها وساكتة
حليمة:هاديييك راها بنتك واش كتفهمي شنو هي بنتك خاص تحني فيها ربي عطاهالك تعوضك وتنسيك فلي فات ماشي تكرفسي عليهااا وتنتاقمي منها هي بسباب واحد مافقلبو رحمة شنو ذنبهاا تحرميها منك وتكبريها على اساس ختك هاا
مارية:ذنبها انها بنتووو ذنبها اني فوقما نشوف فيها كنتفكرو ونتفكر ذاك ليلة وكييزيد كرهي ليييه ذنبها فاش كنشوفها كنتفكر موت بابا لي مات بلفقصة بسباابيي .بابا مات بسبابييي ونتي ترملتي بسبابي وبسباب داك الوحش سمعتينيي
حليمة نزلو دموعها:ماذنبها والووو هي سمعتينيي بعدي منها وخليها تعيش صغرها تغلط تاهي وتلعب مع لي فسنها ضلي حابساها فداار لقراية لقراااية بزاف عليهاا كلشي كديرو فدار ماكاتشوف ناس ماكايشوفوها كو كانت غا كتمشي للمدراسة ولا كتعتب باب دار حابساها هنااا حرام عليك رخفي عليها وخليها تعيش حياتها الطبيعية مانعة عليها لعالم
مارية تنهدات وناضت بلا تاشي كلمة سامحة فلغدا وفكلشي ودخلات لبيتها تكات فوق النموسية معنقة لمخدة ودافنة راسها فيها بقات شحال حتى كيتسمع صوت شهقاتهاا دغية كتماتهم عاضة على سنانها نطقات بصووت حاقد ببحتو لي كتميزو:كنكررررهك وكل نهار كيزيد كرهي ليييك غندمك وروحك بيدي انخرجها منك ...غنخليك تطلب الموت وماتلقاهاااش
على برى
حلليمة بقات جالسة بحدها فطبلة ودموعها نازلين عارفة بنتها تدمرات حياتها الداخل ديالها صافي تهدم من داك ليلة مابقاتش كيف كانت ولات جسد بلا روح ..من داك ليلة حياتهم تبدلات وتشقلبات ..تنهدات وهي كترجع بذاكرتها اللور
جالسة هي وراجلها هو كيقرا كتابو حيت مولوع بلقراية وهي حداه كتفرج وصوت شتا والرعد مجهد مخدمين التدفئة قدامهم عبارة عن فرن صغير خاص بسخونية..جو زوين بالنسبة ليهم ماعندهم تاشي مشكل عائلة سعيدة
حليمة وهي كتمد ليه دوة دلقلب ديالو وكاس دلما:مارية خاص تاخد لباك بنقطة زوينة باش تدخل لفاك
براهيم وهو كيشرب دواه:مانخافش عليها عارف بنتي قدها وقدود وغتجيبو بنقطة زوينة ان شاء الله وداك ساع يكون خير
مارية:ان شاء الله
براهيم شاف فالساعة ل11ونص:ماشي تعطلات قالت تسعود تكون هنا ملي تسالي لحفاضة مع صاحبتها
بقة شاد طليفون وكيتصنت عليه كيف كيغوت على بنتو ويسولها فين كانت شوية بدا كيضربها وصوت لغوات ولبكاا رتافع تا تقطع الطليفون..بقة واقف مصدوم مايمكنش بنتو تكون ضحكات عليه وخانت تيقتو فيهاا..وهو لي تايق فيها كتر من راسو..شاف فحليمة كيف كتشوف فيه فهمات لفيلم نطق بحصرة وهو كيضرب يد مع يد:شتي بنتي كضحك عليا شتي تقتي فيهاا
حليمة:خليها تجي ونعرفو اش كاين
شاف فساعة:راه قريبة 12دليل ارحمة شكا يعني هادشي
جلس فواحد لكرسي اونفاص مع لباب :خسارة والله تا خسارة
مراااقب لباب كيتسناها ترجع مهما صاحبتها دخلات لدار فتاهي ادخل دابة
داز الوقت ضربات ل الوحدة دليل ماعندها اثار بدا لخوف كيتسلل لقلوبهم
وقف كيرجف :انخرج نقلب عليهااا
حليمة كتبكي:عنداك تكون وقعات ليها شي حاجة
براهيم ماجاوبهاش لبس منطوه يلاه ايحل لباب وهو طليفونو يصوني بقة قلبو كيضرب نمرة غريبة وحليمة كتشوف فيه مخلوعة جاوب وبقة غير كيتصنت:الو سلام عليكم انا الدكتور (..) من مسشفى (..) لبنت ديالكم مارية لقيناها مليوحة حدا الطبيب حالتها ماكاتبشرش بالخيير.بالسيف باش خدينا منها رقمكم وسميتها ودابة فقدات لوعي.الوو..واش كتسمعونيي..الووو..المهم خاص تجيو ضاروري..الوو
وقطع مخلي قلب كيتقطع ويرجف تا طاح ليه طليفون من يديه كيشوف فمراتو وعنيه دامعين نزلات دمعة حارة من عنيه تكة على لحيط :بنتي فسبيطار لقاوها مليوحة احليمة بنتي انا فسبيطار قالتلي مشات تحفض باش تاخد لباك صدقات فصبيطار احليمة
بقات كتبكييي حاطة يديها على فمهاا نطقات:يلاااه عفاك يلاه عندها الله على بنتيييي
مشات كتجري لبسات عليها ورجعات لقاتو باقي متكي على الحيط:عفاك ابراهيم خلينا نمشيو
شاف فيها وهز بزطامو وطليفونو وخرجو فداك ليلة كيقلبو على تاكسيات فداك شتا والرعد حالتهم حالة هادو هوما الوالدين كتجي فيهم الدقة .بالسيف باش لقاو التاكسي وتحركو نيشان للسبيطار..غير وصلو عرفو راها فالمستعجلات كيديرو ليها العملية خرجات عندهم الممرضة لي كانت مع طبيبة فغرفة العمليات صدماتهم بكلامها:لبنت تعرضات لاغتصاب عنيف واعتداء جسدي عندها جروح على جسمها وشي حراقي ..هدا تكرفس عليها مزيان ..وزيد ضربة بلموص من عنقها حتى لكرشها بالسيف باش منعنا انزيف ودابة كنديرو ليها عملية ..ولبوليس شوية ويكونو هنا اسيدي وهوما ايتكلو بالباقي الله ياخد الحق فهاد الوحش لي دار فيها هاد الحالة
ودارت الكمامة على وجها ورجعات دخلات لغرفة لعمليات مخلياهم وسط صدمتهم شي كيشوف فشي بنتهم وحيدتهم لي عطاهم الله تغتاصبت وتعرضات لكاع هاد الاعتداءات راه مصيبة هادي وصعيبة على الواليدين..حليمة ماقدراتش تصبر طاحت صخفانة تحنة كيفيق فيها ودموع فعنيه:صافي احليمة ماتزيديش تكملي عليا تانتي
جاو الممرضات ودخلوها لغرفة لفحص وعلقو ليها السيرو..بقة الاب واقف حاط يديه على قلبووو كيتعصر ماعارفش منين نزل عليهم هدشي ودموع نازلين من عنيه دموع اب تهزات رجولتو وتزعزع شرفو
داز الوقت من بعد جلسة طويلة مع لبوليس ماعرف مايقول ليهم حيت ماعارف والو تفتح التحقيق باش يبحتو على شكون مول هاد الفعلة
رجعات حليمة للواقع كتنهد وتمسح فدموعها شافت فتصويرتو لي معلقة وهمسات:كون غا بقيتي معانا ابراهيم من نهار مشيتي تهرست ومابقيتش عارفة نتصرف بلا بيك
وناضت كتجمع فداك الطبلة دلغدا
داز الوقت
دخلات للصالة وفيديها صنية دلماكلة وقفات كتشوف فيها كيف كتحفض ولكتوبة ضايرين بيها ..قربات لحداها وحطات داك الصنية :كولي بعدة ونشوفو التمارين لي عطيتك
نارة كتشوف فلماكلة فيها الجوع بزاف:واخة اختي ..نغسل يدي
مارية:سيري
بقات مراقباها كيف غادة بخطوات سريعة غسلات يديها ورجعات جلسات قالت بسم الله وقسمات لخبز بجوج يدين وكتشوف فمارية بنص عين ماباغة دير تا غلاط وبدات كتاكل وتقسم لخبز بجوج يدين ومارية مراقباها وكتشوف فيها وفملاميحها نفس شوفاتو ونفس داك التغوبيشة فاش كتقلق ولكن هاد لعنين زورق منين جابتهم كتختالف مع باها فقط فلون دلعنين..نزلات عنيها وهي كتلعب بستيلووو هدشي لي مخليها تنفر منهاا وماتقدرش تقرب منها كأم هدي راه طرف منوو تاهو هدي بنت اكتر واحد كتكرهو فهاد الحياة كيف بغاتها تحن فيها وهي كتفكرها فيه .. تنهدات وهي كترجع بذاكرتها اللور
فاقت من مور العملية من بعد تلتيام وهي كومة دخلو عندها لبوليس بقات غير ساكتة لسانها مبلوكي مازال تحت الصدمة مازال داكشي كيتعاود فدماغهاا مازال ساكنها الرعب من داك ليلة ..تفهمو حالتها وخرجوو تاتجي طبيبة النفسية تكلف بيها
مباشرة دخلات حليمة وبراهيم عندها غير شافتهم نهارت كتبكي ..حليمة عنقات بنتهاا كتبكيي معاها بحرقة :الله ياااخد الحق الله ياخد الحق
براهيم غير واقف وكيشوف فيها بجمود
مارية شافت فيه وتمتمات بصوت باكي:بابا سمحلي عفاك..انا..
براهيم:خنتي ابنتي تقتي فيك وانا لي كنت عاطيك واحد تيقة وواحد لبلاصة فقلبيي ماتصوريش قداش طعنتيني ابنتي فقلبي ووسختي شرفي ونزلتي بياا
مارية حطات يديها على فمها كتبكيي وتهز راسها بلا عارفة باها شحال كان تايق فيهاا.ودابة دمرات كلشي خسرات راسها وشرفها وتيقة باها .
براهيم خرج وخلاهم وصوت بكاهم مسموع ومارية كيتعيط لييه بلغوات يرجع ويسمح ليهاا تا نهارت وتدخلو للمرضات..عرف اش وقع من صاحبتها تافقو كل وحدة تكدب على الدار وتقول غادا تحفض عند لوخرا بحكم ديما كيديروها عائلتهم مولفين ومشاو لواحد لحفلة لي تجمعو فيها غا طبقات الكادحة ..ودابة كلشي تحت ااتحقيق ولخبار ولات منتاشرة كلشي عارف مارية ضحكات على عائلتها وقالت ليهم اتمشي تحفض ومشات للحفلة لي كانت عامرة غا بليزبيانات وسحاقيات بأنواعهم ..شي لي خلاها تصدم من داك المنضر خصوصا فاش لقات راسها وسطهم وخاص يتقربو منها تاهي ويحاولو يغويوها باش تمارس مع بنت.. بحال كيف ضايرة الحركة تمااك تا من صاحبتها تصابت منهم وبغات تزطمهااا..ماتفكات منهم بصعوبة وخرجات هاربة فداك الليل ندمانة على هاد التهور لي دارت كانت اول غلطة ادير فحياتهااا واول مرة اتخون تقة باها..غلطة لي دمراتها ودمرات عائلتها كاملة
سوسن تنهدات:مانقدرش نخليك بوحدك انا غير قلت باش ناخدو احتياطنا مزيان ومانصغروش الموضوع ونسهلوه كيف كيبان ليك..الموضوع كبير بزااف وماغانلعبوش مع واحد ساهل
مارية:تاحاجة ماصعيبة كلشي ايدوز كيفما خططنا ليه وملي غيجي بين يديا لا بقالو الجهد باش ينتقام ولا يدير شي لعبة ..يديرها داك الساع..ماغاتنفعو لا ماكنتو فالبوليس لا فلوسو لاوالوووو
سوسن كتسمعها كيف كدوي بكل ثقة ومن صوتها تركب فيك الرعب:فخبارك انا وبديت نخاف منك
مارية:اووف خاص يجي دغية اسوسن بغيت نشوفو كيتعدب ويطلبني باش نرحمووو ومانرحمووش اسوسن
سوسن عارفة صاحبتها اش داز عليها ومن نهار عرفات قصتها عزازت عندها بزاف ولاو قراب بزاف من بعضهم والوحيدة لي كتعاود ليها اش كيدور فراسها واخة لقات صعوبة فلول باش تقرب منها وتخليها تيق فيها..:هاني معااك حتى يبرد قلبك
وقطعات وهي كتفكر فلي جااي وكتخطط شغا دير كلشي حاسبة حسابو خاص غا يجيي
بعد مرور يومان
كانت فالمكتابة فين خدامة..وحدة من اكبر المكتبات فالمدينة خدامة فيها هي وسوسن
كانت هي مكلفة بتسجيل لكتوبة لي كيخرجو ويدخلو وسون بلاكيس..
شافت فساعة ليوم كانت لخدمة بزاف تقول لمدينة كاملة كتقرا لكتوب وروايات ..سجلات اخر كتاب ..وهزات راسها فاش وقفات عليها سوسن:صافي ساليناا يلاه نتمشاو شوي وندوزو نشريو لقهوة لي كتعجبك ونجلسو فالبحر نشربوها اش بان ليك
وقفات:تا هدا نضر يلاه
هزات ساكها وخرجو كيتمشاو تا وصلو لمحال خاص بالقهوة بأنواعها دخلو طلبو اش بغاو ووقفو كيتسناو وكيهضروو حتى كتهز عنيها للتلفازة لي معلقة ونيشان عنيها جات على صورتو ولخبر لي مكتوب لتحت وكيف كيهضرو عليه :بعد ضجة من التساؤلات وصلنا خبر بالموعد المحدد لرجوع الرجل الاعمال وضابط لفدرالي بألمانيا *ولــــيد سَــــــاردار*يوم غد حيت موعد طائرته الخاصة على الساعة 10صباحا...
مداتها ليها وبدات كتشرب وراسها كيخطط ويخطط وسوسن حداها كتشرب تاهي من قهوتها بهدوء وكتفكر تاهي فداكشي لي جاي
جا نهار جديد
نزل من طائرتو لخاصة بكل شموخ وجبروت وقف شحال كييتنشق هواء هاد لبلاد لي دازو اعوام ماجا ليه ..تمشي فين مامشيتي وتغيب تاتعية..وتجرب كاع لبلدان ..وتكره بلادك تا تكره..ويوقع لي يوقع..كيبقة بلادك لي كتنتامي ليه وغتوحشو وغترجع ليه
ميل راسو كيشوف سيارة لفيراري كحلة نازلة الارض وقفات حدا طائرتو ورجالو دايرين بيه..نزل الشيفور وحل ليه باب الطموبيل وهو حاني راسو باحترام:تفضل اسيدي
قرب وركب فجيه لوخرا ديال الشيفور ماعزيزش عليه شي حد يسوك بيه
طار شيفور سد من موراه لباب وكسيراا هو مخلي من موراه لعجاجة ..ورجالو كل واحد ركب فسيارتو لاحقين عليه..مع لخرجة كانو الصحافة على برة ماخلاش ليهم الفرصة فين يصورو شي حاجة زاد منوض شياط من موراه تصورات غا سيارتو لي كلها زاج فيمي ماعندوش مع هاد الزحامات دصحافة والهضرة ولقيل ولقال..ماحبس غير قدام لقصر لي خلاه من موراه هدا شحال وهاهو دابة رجع ليه..تحل لباب الرئيسي اوماتيكمو ..دخل ونزل ورجال الحراسة كل واحد فين منتاشر وليكيت بلوتوت خدامين شي كيعلم شي راه وليد سردار وصل..الخبار وصلات للداخل ودغية تحلات باب الدار قبل حتى ما يدق او يوقف يتسنى لباب تحل...
دخل لوسط لقصر كان سهات من غير صوت خطواتو التابتين لي مسموعين فأرجاء هاد القصر الملعون بالنسبة ليه..لخدم مستفين على الجنب جامعين يديهم لعندهم وحانين الراس مراقبين غا خطوات رجليه دايز من حداهم وريحة لباغفان ديالو رجالية طاغية ..كان غادي فاتجاها جالسة فصالون وعكازها فيديها كتشوف فيه وهو كيقرب ليها ..حتى وثل ليها وغمضات عنيها فاش حنا وباس ليها راسها ونزل ليد لي شادة بيها لعكاز وباسها تاهي...حطات يديها على كتافو ووقفات وعنقاتو بكل حب وشوق لهاد.الانسان ..حفيدها ريحة اامرحوم ولدها :عاد غترجع الروح لهاد القصر على سلامت حفيدي سردار
شاف فيها:الحاجة كي بقيتي
الحاجة:كيف غنكون دابة انولي بيخير ليوم تزاد لعمري عمر جديد
هز راسو باه بلا تاشي كلمة هو عارف كلشي.. عارفها فبيتها وعارف كيف كيدوز نهارها واخة كان غابر ولكن تاحاجة ماكاتخفة عليه
جمع الوقفة وهو يوقفو صوتها:جلس ضيافة اتحط دابة
وليد:بغيت نرتاح من بعد
يلاه ايكمل طريقو وهي توقفو بصوتها تاني:أتبقة ديما ياك
وليد شاف فيها ماكانش غيجاوب ولكن نطق:ماعرفتش
وكمل طريقو فاتجاه المصعد ركب وطلع للطابق لي فيه الجناح ديالها ..تمشى فداك لكولوار مضلام مهجور اصلا هاد القصر كامل هدي سنين ماتت الحياة فيه مابقاش كيف كان كلشي تبدل فيه
..دق وبقة شحال عاد دخل كيدور عنيه على الجناح ماكايناش تمشة بخطوات تقال كيدور عنيه على الجناح باقي كيف ما هو من هدي ست سنين نفس الديكور نفس الترتيب ..وصل لباب تماك مشدود اكيد اتكون تماك حلو ووقف كيشوف فيها كيف واقفة وعاطاه بالضهر بلباسها لكحل وطابلو دالرسم قدامها كترسم غير حسات بيه من موراها طاح ليها لقلم وجمدات فبلاصتها..قرب وتحنى هز لقلم وتقابل معاها كيشوف فيها ..شافت فيه تاهي بعنيها لحومر دامعين لونهم زرق بحال..بحال شي بحر تجمع فعنيها نساء عائلتهم كيتميزو بلون عنيهم اازورق داكشي متوارت من الجدات ..عائلتهم تميزات بجمال وحسن بناتهم ووسامة وشموخ رجالهم وحروفهم صارمة الجدابة
....بقات كتشوف فيه شحال نفس النضرة دهادي ست سنين بحاليلا بقات محتافضة بيها حتى يرجع بحاليلا كتفكرو فداك ليلة ..نزلو دموعها على خدها ونطقات بصوت مهزوز:علاش رجعتي
بغة يمد يديه وهي ترجع اللور:ماتفكرش ديرها القتال يديك ماتقيصنيش
عض على سنانو جامع يديه على شكل لكمة
كملات كلامها وهي كتمسح فدموعها:خرج مابغيتش نشوفك ..هدي ست سنين قلت ليك مانت خويا ما انا ختك وماكرهتش عيني ماتوليش تشوف فعنيك تاتدينا لموت
كيشوف فيها كيف كترجف ويديها كيتهزو بوحدهم وكتشوفف الارض كتسناه يخرج حطات يديها متكية على داك الطابلوو باش ماطيحش اتشدها لكريز عاود..رجع اللور كيشوف فحالتها غتنهار عاود عطاها بالضهر وخرج من غرفة الرسم ..شاف واحد البطون حدا ناموسيتها وضغط عليه..خاص بالممرضة لي مكلفة بيها تجي تشوفها..وخرج من لجناح كامل وطلع للجناح لخاص بيه وقف شحال كيشوف فهاد الجناح وهو كيحد تجاكيط ويتبعها ب فلقميجة ويرميها فوق لفوطوي حيت يدا كيحس بجسمو شاعلة فيه لعافية رغم ااجو لبارد..واخة تبدل لجناح كومبلي ولكن مازال هو نفسو مازال نفس ريحة كيستنشقها نفس الجو نفس لبلاصة كان الهدوء سيد المكان شاف فداك لاتيراس لي اونفاص معاه لباب ديالها محلول وريح خافت كيحرك داك ستار لي نازل منها مشا فتاجها بخطوات تقال وخرج ليها دغية ضرب فيه ريح بارد ومع صدرو لعاري حس بيه كيتغللغل فالاعماق تنهد وخشا يديه فجيبو جبد سيجارتو الايطالية شعلها بخفة ونتر نترة طويلة وساطها وهو كيقرب كتر للصور ديال لاتيراس حاط عليه يديه وكيشوف هاد القصر من لفوق رجال الحرس منتاشرين فكل بلاصة وحديقة كبيرة كتبان ملفوق بحال شي غابة بيها طرقان كل وحدة ولاين كتدي بحال شي متاهة كتختالف الوانها باختلاف الورد المتنوع لي بيها مسبح كبيير مغطيي بحكم مابقة يعموم فيه حد من اعوام...رما داك سيجار من لفوق ودخل تاني للجناح لبس عليه وهز سوارتو وبورطابلو وخرج من الجناح نزل لتحت وخرج من لقصر كامل راكب فلوطو وتحرك
...رما داك سيجار من لفوق ودخل تاني للجناح لبس عليه وهز سوارتو وبورطابلو وخرج من الجناح نزل لتحت وخرج من لقصر كامل راكب فلوطو وتحرك مازال خاصو الوقت باش يولف يبقة فهاد القصر ....جوج سيارات ديال الحرس تابعينو..وقف حدا المقر لي فيه الاجتماع ..نزل ورجالو مصافين حدا الطموبيل ..دخل لداخل فاتجاه قاعة الاجتماعات وكلشي كيضرب ليه تحية عسكرية ويوقفو ليه احتراما دنيا تقلبات كانو غا كيسمعو بيه وعلى انجازاتو وقضاياه لي ربح فيها من مافيات بانواعهم وقضايا دولية واجرام وغيرهم..ودابة هاهو قدامهم ماعارفينش بأشمن قضية غيخدم عليها ولا اش جابو للمغرب..داخل بهيبتو المعتادة وخطواتو تابتين والانضار عليه ..تحلات قاعة الاجتماعات اوطوماتيكموو حيت لكلام والحوارات لي كتقال فهاد القاعة سرية بزاف ..كانو جوج دلاشخاص واحد كبير فالسن فالخمسينات وتاني فتقادة ديالو ..جلس فبلاصتو
بتاسم الراجل لكبير وهو كيشوف فيه بكل فخر:مرحبا بخليفة سردار هزيتي راسنا فبلاد الاجانب نفس الهيبة دلمرحوم الله يرحمو على سلامتك
شاف فيه وهز ليه راسو :الله يسلمك
وقع الصمت حتى كيدوي نفس الشخص:اولا كنكشكرك حيت لبيتي الطلب ديالي وبغيتي تعاونا
وليد شاف فيه مقوص حواجبو :هدشي على قبل الوليد دمو ماغايمشيش غير هكاك
تنهد كيشوف فعنيه واحد النضرة فشكل كلها حقد مخلط بالالم عرف انه هاد الشخص راه ماتقدر تاشي حاجة توقف فطريقوو وهدا هو الشخص المناسب لهاد القضية:وتاحنا عمرنا نسينا المرحوم والتضحية لي ضحا على قبل بلادو كيف قلتي دمو ماغايمشيش غا هكاك الشرطة لفدرالية الامانيا سرقات منا راجل لي ماغايتعوضش وانا من سنين وانا متبعك ومراقب اعمالك وانجازاتك وعرفت انه ماخدمتي معاهم ووصلتي لمرتبة ضابط شرطة لفدرالية تماك غير لشي سبب ولي هو الانتقام للاب ديالك داكشي علاش اتلقة المساندة ديالنا ليك
هز راسو باه حيت فعلا دخل لهاد العلام دلبوليس ول اف بي اي غير على قبل باه لي تقتل فألمانيا من نفس المنضمة لي خدام فيها دابة وليد ..قتلوه من بعد ما سلاو منو وتسالات المهمة كان من رجال المخابرات ناجحين الوفي لخدمتوو..المانيا طالبات بيه الشرطة المغربية لواحد المهمة ونتاقل لتماك وخدم معاهم لمدة سنة كاملة ونهار سلا كاع المهام ديالو وبغة يرجع لبلادو يكمل خدمتو فيها رفضوو حيت ماغايلقاوش بحالوو ..ومع الوقت سمعو خبار موتو وصيفطوه فصندوق كانت صدمة لعائلتو وخسارة للشرطة المغربية
الشخص وقف وقرب لعندو وحط يديه على كتافو:الاب ديالك كان صديق ليا وقريب ليا كتر مما كتصور ..وانا اخر واحد هضر معايا قالي كيهددوه مابغاوهش يرجع وانه مستحيل يبقة تماك وكنضن كانو عندو شي سبب لي خلاه يبغي يرجع بحالو شي حاجة كتاشفها الشي لي خلاوه يقتلوه
وليد رجع بالكرسي اللور :التلاعب فالقضايا الدولية باش تبقة فصالحهم..وتستر على رجال مافيا لكبار وترويج للمخدرات..ومساندة فتجارة ديال اللاعضاء البشرية وغييرهم
جلس حداه :هاد المنضمة لفدرالية خاص طيح اوليد
وليد جمع يديه على شكل لكمة:غطييح خاص مازال شوية دالوقت ماشي ساهل يتيقو فولد واحد قتلوه هدا شحال
رمزي:وكيف دارو تاقو فيك تخدم معاهم وتكون واحد منهم
وليد:على اساس مافراسي والو وماعارف والو على الماضي دالوليد من غير تقتل فالمهمة ديالو ست سنين كافية تخليهم يتيقو نخدم معاهم
رمزي بابتسامة:وزيد عليهم ستافدوو من الخبرة والمهارة ديالك فحل القضايا لي دازو منها فراه خسارة ليهم لماكنتيش وسطهم ولحد الان كتر من خمسة الدول كطالب بيك تخدم على قضايا وحلو فيها ..المرحوم مات وخلا وراه سردار ديال بصاح
(ساردار كتعني الزعيم وقائد ورئيس والشهامة وغيرهم)
رمزي كمل كلامو بجدية:خاص يتيقو فيك لدرجة يأمنوك على اسرار هاد المنضمة أ وليد ويحطوهم بين يديك يكونو أصليين بتوقعيهم وبكلشي ديالهم داك ساع حنا انتحكمو بيهم كيف بغينا وغنديرو تفاقية مع باقي المنضمات من دول خرين باش يسقط النضام ديالهم ويتبدلو الرؤساء وياخدو عقابهم لي استاهلوه علاش لا نطالبو بالاعدام داك ساع
وليد شاف فيه بشوفاتو لحادين عاض على سنانو:هدشي كامل انوصلو ليه واخة نعرف نتبع المرحوم
مع لخرجة دلباب الرئيسي لقاو كمية هائلة من الصحافة..تنهد هادشي لي ماكايحملش
تدخل أدم داير اشارة للحرس يتكلفوو ..داك ساع تصافوو كاملين على جنب دايرين ليهم طريق من جوج جوانب ..وصحافة كتصور وتحاول تاخد صور لي تجي فالجريدة ديالهم ويكتبو شي مقال ومافاقدينش الامل كيطرحو أسئلة ..وهو دايز مامعبر حد عنيه على لوطو ديالوو مفتوحة بابها...ركب وركب من جيهة لوخرا أدم وقلع مخلي لعجاجة من موراه..ورجالو لاحقين عليه
فنفس لبلاصة واونفاص مع المقر
فطموبيل من نوع داسية واقفين على جنب وعنيهم على هاد المنضر
نطقات:تبعيهم شكا تسناي اسوسن
سوسن ديمارات من موراهم حتة نطقات وعنيها على الطريق زايدة فالسرعة:مارية ماكتشوفيش كيف الحراسة متشدة عليه سيد رجالو ماكايفارقوهش..شتي غا واحد من رجالو يصفيها لينا بلا مايتدخل هو وضايرين بيه غا لبوليس..راه لماكانش بوحدو راه مايمكن لينا نديرو تا لعبة
مارية وهي كتلمح طموبيلتو من لبعيد واقفة فااسطوب:كيف ما صبرت ست سنين باش يرجع انصبر حتى للوقت لي يكون فيه بوحدو
سوسن:وحنا ماعارفينوش واش ايطول هناا ولا غيرجع
مارية :سوسن فيك الهضرة بزاف هدشي مفكرة فيه وحاسبة حسابو غنقولها للمرة لالف لا خفتي رجعي اللور قادة بشغالي
سوسن:الاا راني معاك غير كنبغي نخليك تشوفي مزيان معامن حنا سيد ماساهلش اللعب معاه خاص نديرو احتياطاتنا كتر وكتر
وسكتات شحال وشافت فيها :زوين بزاف عاد عرفت لمن كتشبه نارة صورة طبق الاصل ديالو سبحان الله غا داك لعنين زورق ماعرفتش منين جابتهم
مارية دارت فيها واحد الشوفات خلاوها تبلع ريقها وتكمل سوكانها بصمت مازادت تاشي كلمة من موراها
فجيهة لوخرا
وقف فجنب الطريق ونزل الزاج الشي لي خلا باقي سيارات لي تابعينو يوقفو تاهوما ..خرج يديه من ااشرجم باشارة ..دغية نزل واحد فيهم مقرب لعندو:أمر اسي سردار
وليد:جمع باقي رجال ورجعو للقصر
هز راسو باحترام فهم انه مايتبعو حد..ديمارا الطموبيل مكمل طريقو للوجهة لي كانو غادين ليها
فجيهة لوخراا واقفين على جنب ومراقبين الاحوال حتى كيشوفو دوك الطموبيلات قلبو الدورة وراجعين من الطريق لي جاو منها..وطموبيلتو كملات طريقها
بتاسمات :كنت عارفاها ..واحد بحالو ماعزيزش عليه الحراسة كمليي دابة
سوسن بقات غير كتشوف وديمارات وهي كتهز راسها يمين وشمال طالبة التسليم من هاد بنادمة
داز الوقت
كانت جلسة محجوزة ليه هو وصاحبو فقط معزولة على البقية بحال شي جناح فيه كلشي كيحجزوها غا شكون وشكون بعيدا على انضار الناس والضجة .جليسة فالارض بالمخاد والمساند مجهزة مزيان.صوت موسيقى شرقية هادئة والراقصة قدامهم كتشطح على انغام داك الموسيقى بجسمها المثير وجامالها الفاتن كتشطح على ديك الانغام وتحرك جسمها بطريقة متيرة ومتقونة..وعنيها على داك الشخص لي ملي جلس ماشافش لجيهتها سيجار ماحيدش من يديه مركز فكلامو مع صاحبوو.لاحضات انه ماشربش كاع من غير صاحبو لي كيجغم من داك لقرعة دلويسكي.ادم لي مرة مرة كيخطف ليها نضرات ويطلعها ويهبطهاا ..وهي مكملة ..ختاروها خصيصا لهاد الجلسة لي منضمها ادم يخرج صاحبو من اجواء لخدمة والضغط
أدم :سردار قبيلة ماكملتيش كلامك مع رمزي وماقلتيليهش اش كاين خبيتي عليه شلا حوايج.. حنا بصاح حياتك كتهمنا وديك تضحية لي درتي بحاليلا تصرعتي و...
قاطعو وهو كيدور وجهو فتجاه داك الراقصة وكيسوط دخان بطريقة تقيلة وكيميل راسو كيشوف فجسمها كيف كيتحرك:كاينة موتة وحدة وسردار ماغايعيش جوج مرات وفات لفوت وهاد الموضوع ايتسد وايبقة بينا انا وياك
ادم تنهد عارف انه فات لفوت على هاد الهضرة ولي عطا الله عطاه ..شافو طول شوفة فديك الراقصة هز كاسو دلويسكي جغم منو وبتاسم :واقلة نخليك
ووقف كيمسح على راسو فاش ماجاوبوش فاهم راسو انه خاص ينساحب هز داكشي ديالو :يلاه تصبح على خير
وليد :تهلا
ادم مشا وخلاه هو والراقصة..لي ملي بدا كيشوف فيها وليد الروح رجعات ليها وزادت فاتارة جسمها باغة تعجبو وتجدبو باي طريقة ..وعلاش لا وهو بكامل رجولتو وهيبتو وداك الوسامة لي عطاه الله غير شوفة فيه قلبك يوقف عاد لا تحطات يديه على جسمك وكنتي بين يديه اش غا يوقع فيك..
دار ليها اشرة باطراف صبعانو باش تقرب ...بتاسمات بغنج وقربات وهي كتماييل بجسمها تا وصلات لعندو وبدات كتشطح ليه وتحرك فخصرها وشعرهاا طويل لكحل ..
وتحنات تا لعندوو باغة تغريه..شد شعرها بين يديه كيحركو وعنيه لعسلين كيشوفو فيها بحدة مامفهومينش شوفاتو فشكل خاصين بيه غا هو فقط زاد دوبهاا تا طلعات معاها لحرارة نساها تا فالشطحة زير على شعرها جارها لعندو تا مابقة يفصل بينهم والو انفاسم تخاطلو..ونتر دخان على وجها تا غمضات عنيهااا مستمتعة كتستنشق داك ريحة لكارو مخلطة بريحة عطرو الروجولية رجع نتر نترة من سيجار ديالو وطول تا سالاه طفاه فطفاية..
هز ليها راسها لعندو مقربها ليه كتر وقرب لشفايفها وهي قلبها كيضرب فلمية حط شفايفو على شفايفهاا وهي متبعة حركاتو وساط داك دخان وسط فمها صافي ترخات دوبها مابقاتش قادرة تقاوم وجلسات على ركابيها قدامو وهمسات ليه :واخيرا حنيتي فيا
حط يديه على كتافها لعريانين كيحرك اطراف صبعانو غير بشوية طالع نازل وهي كيشي ريشة بن يديه كتشوف فيه ولحرارة غادة وكطلع معاها قواها تلاشاو قدام هاد ااكمية الهائلة من الرجولة..حط يديه على سميطات داك لكسوة وجرها بشوية وبعد تاني يديه فهمات انه خاص تحيدها داك ساع وقفات قدامو بكل جرئة وبلا حشمة حيداتها منزلاها من على جسمها بالعرض البطيئ مع كل تنزيلة كيبان جزء من جسمها لعاري تا طاحت من بين رجليها لحفيانين ..بقات فقط بسليب ..ميل راسو كيشوف فجسمها لي مافيه تا غلاط ولا نبشة صافيي و منحوت كاع داكشي لي كيبغي اي راجل متوفر
نطقات وهي عارضة راسها عليه:كلي ديالك دير فيا لي بغيتي يكفي رضيتي عليا وعنيك جات عليا
ودفعها لجيهة النموسية وزدحها فوقها كي شي دمية وهي مستسلمة ليه ورادخة لكلامو ودايرة داكشي لي قال ليها بلا ماتنطق تا كلمة.يكفي انها غتكون بين يديه.هي هنا فقط كتلبي رغبتووو الجنسية
فالجيهة لوخرا
وقفات طموبيل حدااا باب لعمارة
مارية:يلاه تصبحي على خير
سوسن شدات ليها فيديها:انا عارفة هاد النهار داز عليك صعيب تشوفي الشخص لي دمر حياتك قدام عنيك وانه غا مصبرة راسك واخة ماتقوليهاش عنيك كيفضحوك بغيت غير نقولك يوقع لي يوقع انا معاك
مارية بتاسمات ليها:عارفة ..يلاه نخليك تعطلتي على دار تصبحي على خير
سوسن بابتسامة:تصبحي على خير
نزلات وطلعات للدار شافت فساعة لعشرة دليل ومها عيطات كتر من مرة..حلات لباب بشوية وهي كتنزل لتام من على وجها ودخلات كان الضلام بغات تمشي نيشان لبيتها ماديرش الحس ولكن الضو تشعل
حليمة:على سلامة
مارية شافت فيها:الله يسلمك..رجعي نعسي اماما
حليمة:تشوشت عليك ماموالفالكش ترجعي لدار فهاد الوقت وماكاتجاوبيش على طليفونك
مارية:اليوم كانت لخدمة بزاف وصلونا شي كتوبة جداد من دار النشر ..سالينا ودزت تعشيت انا وسوسن ماحسيناش براسنا بلعية
رحمة:اه وبداي تجاوبي فطليفون راه قلبي كيبغي يسكت
مارية:صافي اماما كوني هانية ..نارة نعسات
رحمة:مسكينة صيبات تمارين لي عطيتيها وحفضات جدول الضرب وبقات كتسناك فبيتك تا داتها عنيها ونعسات ..راها باقة تم
هزات راسها باه:واخة سيري تنعسي هاني نجيبها حداك
(نارة كتنعس ديما حدا رحمة)
رحمة رجعات للبيت تكات ومارية دخلات لبيتها خدمات ضو خافت ووقفات كتشوف فيها كيف ناعسة ومعنقة دفتار تمارين حيدات داك لخيمار وعلقاتو وسلتات صبطها حطاتو فبلاصتو ودورات وجها وتنهدات وهي مراقباهاا شحال ..قربات وجلسات حداها عنيها مانزلوش من عليها حيدات ليها دفتار من بين يديها ومدات يديها كتبعد داك لخصلات دشعرها لي على وجها بنوتة اية من الجمال هادئة وبريئة ولكن جات لهاد الدنيا بالغلاط وبطريقة خايبة بزاف ..بقات شحال كتلعب ليها فشعرها وهمسات ليها بشوية:باك رجع..المجرم رجع انارة
ودورات عنيها للصورة لي حداها خداتها كانت صورة باها الله يرحموو بقات كتشوف فيه شحال وهمسات:متي ونت مقلق مني ابابا وانا لي عمري قلقتك..متي وخليتي لكية ديالك فقلبي تابعاني ..عمري انسمح لراسي
نزلات دمعة حارة من عنيها دغية مسحاتها عنقات صورة باها:غناخد حقي منوو بيدي غنطفي هاد العافية لي كتحرق فيا هدي سنين
رجعات راسها اللور ماعرفاتش كيف قدرات تصبر هاد اانهار وهي كتشوفو كيتحرك قدامهااا واخة كان بعيد وماقدراتش تشوفو عن قرب كتر ولكن قدر يحي ليها داك الاحساس دلماضيي كتر وكتر
تكات حدا نارة ماقدراتش تخصر ليها نعاسها وهي ناعسة بهدوء تغطات هي وياها وغمضات عنيها ونعسات وسط دوك الافكار لي كيدورو فراسها وصورة باها على صدرها
جا نهار جديد
دخل للقصر نيشان للجناح ديالو ..خدا دوش طويل دافيي ..وخرج تاني لدريسنغ لبس عليه .وخرج لاتيراس شعل كاروه وعنيه على طليفونو كيدوز نمرتو :نتلاقاو من دابة ساعة فالولاية
آدم:واخة اتلقاني تماك
وقطع وهو كيسمع طليفونو تاني كيصوني جاوب وهاد المرة بالالمانية:الو
../السي سردار نسيتينا ملي مشيتي المغرب
وليد بجمود:24ساعة هادي
.../بغيت غا نفكرك انه بلاصتك معانا هنا وقبلنا باش تمشي للمغرب تحل ديك القضية غير محيت بلادك حنا..
قاطعو بنفس الجمود مخلط بالحدة:لا حيت انا بغيت وحيت كندير داكشي لي فراسي
بلع ريقو :صافي اي مساعدة حنا هنا
ميل فمو بابتسامة ساخرة بلا مايقول تا كلمة جواب كافي للطرف التاني باش يفهم انه مامحتاجش لمساعدتهم وقاد بشغالو
حم حم:السي سردار خاص تسالا هاد القضية باش ترجع ..المنضمة محتاجة ليك فالايام الجاية
نتر نترة طويلة من سيجار ديالو ودوة وهو كيشوف فهاديك لي لتحت فالجردة كترسم :القضية عاد انبداو فيها يعني نهار اتسالا انرجع
بغة يدوي تاني وهو يقاطعو:كنضن كلشي وضحناه قبل نجي وصل ليهم هاد الهضرة
مسح على راسو:واخة اسي سردار
وقطع عليه وهو كيخشي طليفون فجيبو ومراقبها ملفوق وعارف انه هدا لي عيط ليه راه جالسين كيتصنتو للمكالمة حداه..
فألمانياا
غير قطع شاف فيهم كانو مجموعين وكيتصنتو للمكالمة وشي كيشوف فشي ..
رئيس قسم منضمة المباحت لفدلارية(لوكاس) تنههد من بعد ماتصنت للمكالمة:كنضن ماعندنا مناش نخافو وبلا مانضغطو عليه غيسالي المهمة ديالو وغيرجع سردار ماشي من النوع لي يغدر بينا واصلا كون كان ناوي يغدر ولا فراسو شي حاجة ماكانش ايقبل بداك الشرط لي شرطنا عليه ويطبقو ولي وضعنا فيه حياتو بين لقبر
كلشي شاف فيه ونطق واحد فيهم:اه بصاح سردار بداك التضحية لي دار برهن لينا انه ماشي من النوع لي ناوي لخيانة للمنضمة وانه وفي لينا ولكن واخة هكاك اسي لوكاس لاحتياط واجب كيبقة ولد محمد سردار
لوكاس وقف وسيجار فيديه :داكشي من لماضي وسردار ماعارفش التفاصيل وعمرو ايعرفها..سردار ولا ديالنا ومصيرو وحياتو ولات بين يدينا
ورجع شاف فيهم:وماغاديش نخسروه حيت تايق فيه كتر من وتوقي بالولد ديالي لي من لحمي ودمي ولكن هدا ماكايعنيش اني خاص نأمنو على باقي اسرار المنضمة حيت مازال لحال على هدشي
كلشي هز راسو باه. دار ليهم اشارة بانه الاجتماع تسالة وناضو خرجو واحد بواحد بقة غا هو فالمكتب لكبير
تنهد وهو كيرجع يهز سجارو ويجلس فو الفطوي..قربات ليه وتحنات كتدير ليه لماصاج على كتافو وبتردد نطقات:بابا .
لوكاس:هممم
تيريزا: وليد سردار ايرجع ياك
لوكاس:اه
ميلات فمها بابتسامة :داك نهار قارنتي بينو وبين خويا قلتي ماكرهتيش كون كان هو ولدك لهاد الدراجة كتيق فيه
لوكاس:شكون يكره يكون عندو ولد بحال سردار ذكي وشخصية قوية فارض راسو وكلشي كيحسب ليه الف حساب ..ناجح فخدمتو فالمنضمة ..وفنفس الوقت كرجل اعمال فالمصنع دلاسلحة ديالو
تنهدات وهي كتفكروو وتمتمات بهمس كتسمعو غا هي:وفوقها زوين بلا قياس..عنيييه
لوكاس:شنو قلتي
تيريزا:والو ابابا..عندك الحق خويا خاصو بزاف باش يوصل ليه
لوكاس مستمتع بداك لمصاج لي كدير ليه:بزاااف
وقع الصمت حتى كينطق:لاش كتسولي عليه
عضات على شفايفها عارفة باها شحال ذكي..هبطات تا لحدة ودنيه ونطقات:ماتبغيهش يكون نسيبك لي يهز بيك ويرفع راسك قدام الناس
هز راسو وشاف فيها كيفكر فهاد النقطة ونطق:كتشبهي لباباك ابنتي ولكن خاص نفكر
بعدات وهي كتهز ساكها :فكر ابابا حيت بنتك الاميرة ديالك خصها واحد بحال سردار قيمتها تسوة واحد بحالو ونيت يهز راسك بين الناس ويدير داكشي لي مادارش خويا ونيت عائلتنا تزيد قيمتها كتر وكتر
وصيفطات ليه بوسة فلهوة وخرجات من المكتب مخلياه كيفكر ويدور وهاد لبلان فراسو واش مسلكو ولا لا وشغا يجي من موراه وشغا يستافد ماشي غير اجي وزطم وبعدة كيف غيدير معاه هو هدا الاهم
دخل للجناح حل لمجر هز سلاحو وداكشي لي كيحتاج قادهم فبلاصتهم..وتم خارج الجناح كيدخل ليه فقط للضرورة..نزل للتحت كانت جالسة فصالة وتسابيح فيديها قرب ليها وتحنة باس راسها وجلس حداها
الحاجة:مابتيش فالقصر تسنيناك للعشا
وليد بهدوء:تسنيتيني
سكتات عندو لحق شكون غيتسناه من غيرها ولقصر خاوي ولوخرا ماكاتخرج من جناحها غير لا هبطات للجردة وترجع تاني هكا حياتها غادة
وليد تنهد كتبقة جداتو :الحاجة خاص تعرفي واحد الحاجة تاحاجة مابقات هي هديك ..ليالي ختي هادي عارفها ومازالة تحت حمايتي واسمي وماغايخصها تاشي خير ولكن ماغانبززش عليها تفهمني ولا تصلح علاقتها معايا هي كبيرة وعارفة الصح من الغلاط والماضي حضرات عليه وعارفة اش كاين وماكاتعاود غا صلاة على رسول الله كلمتي عمر جات فوقها كلمة الحاجة رجال شلاغمية وعندهم كلمة فكل بلاصة وماكايتهازوش معايا فما بالك فمرا لي هي ختي من لحمي ودمي سوق نسا خرجتو شحال هدا فكنضن كلشي واضح ..انا جيت على غراضي وغنرجع لالمانيا ونتي كيف لعادة مرحبا بيك تماك فاي وقت
ووقف باس ليها راسها باش ايتحرك وهي تشد ليه يديه وشافت فيه وبنفس الهدوء:كلام حفيدي ديما لفوق وماعاش هدا لي يزيد فوقو وانا جداك اولدي وحاضرة على كلشي وعيني شافت لي خاص تشوف ..الماضي تنقة على يديك وداكشي لي كان خاص يكون.. عائلة سردار جابت رجال هازين براسنا من عوام وماعاش من ينزل بيه موتو حسن من حياتو واخة يكون منا ومن لحمنا..
تنهد فاش شافها اتوقف عاونها تقابلات معاه كتشوف فيه بكل فخر:تاواحد ماعندو لحق يعاتبك وليالي دواها عندي خاص موافقتك كنت كنتسناك تجي حيت حالتها زايدة وصبرنا عليها تا فاض لكاس
شاف فيها محرك راسو بمعنة شنو
تعلات شوية لعندو لجيهة ودنيه وهو تحنا لعندها همسات ليه فودنيه قوص حواجبو من كلامها تا سلات ورجع شاف فيها ونطق:هدا ماشي حل
هزات راسها باه:فكر فيه وغتلقاه هو الحل
هز راسو باه:واخة
ورجع اللور:نخليك عندي خدمة تابعاني
الحاجة:الله يرضي عليك
وخرج مع لباب يلاه ايركب فطموبيلتو وهو يتفكرها..دخل مع ااجردة كيتمشة للجيهة لوخرا مسافة طريق ووقف عن بعد عطياه بالضهر بلباسها لكحل كيف ليل حجاب طويل نازل على طول داك لعباية لكحلة لي لابسة خصلات من شعرها خارجين كيتحركو مع الريح وعنيها الزورق مفيكسسين على داك اللوحة لي كترسم..طول الشوفة فداك اللوحة جامع يديه على شكل لكمة عاض على سنانو تا بانو عروقو فلحضة جا فلاو يمشي يشخخشخ داك اللوحة ولكن تراجع فاخر لحضة ورجع باللور مخليها تماك ..وهضرة الجدة كتدور فدماغو ركب ..وصل للوطو يلاه ايركب وهو يشوف رجال كيديماريو طموببلاتهم باش يتبعوه رجع وقف ونطق:مانبغي تا واحد يتبعني
وركب تاني فطموبيل وتحرك نيشان للولاية يشوف لقضية لي ايخدم عليها فهاد ليام هي مجرد سبة مع رمزي يوطد لعلاقة مع المنضمة المغربية باش ملي يبدة يجي مرة مرة للمغرب مايديروش الشبوهات من دابة خاص يوجدو لكلشي ويحسبو حساب كلشيي
مارية..
قبل ساعة من الوقت
كانت ناعسة بهدوء حتى كتحس بشي يديدات صغار كيلعبو ليها فشعرها دورات وجها كانت نارة متكية حداها وكتلعب ليها فشعرها وهي مبتاسمة فرحانة حيت فاقت ولقات راسها ناعسة معاها وهدشي قلييل فين كيوقع مرات معدودة ..غير شافت فيها بتاسمات:صباح لخير ختي
مارية بقات كتشوف فيها شحال وفداك الابتسامة لي على وجها وعنيها كيبريو بالفرحة ماقدراتش تبتاسم ليها فوجها تاهي ماعرفاتش علاش تمتمات:صباح الخير
نارة:لبارح خرجت كاع تماريني وحفضت جدول الضرب ولحروف دالفرنسية تاهوما وبديت نعرف نقرا لحروف دلانجليزية كيف قلتيلي ولكن ماجيتيش
وناضت دير داكشي لي قالت ليها..تنهدات وناضت تاهي اول حاجة دارت دوشات ولبسات عليها خمارها وهزات لتامها فيديها وخرجات للصالة على ريحة القهوة :صباح لخير ماما
حليمة:صباح لخير بنتي
وجلسات كتفطر بهدوء وهي كتفكر فهاد النهار كيف غيدوز وفداكشي لي مخططة ليه ومامنتابهاش لحليمة لي من صباح وهي دوي معاها حتى زعزعاتها:فين مشا بالك ابنتي من صباح وانا ندوي
مارية:هاا..شنو قلتي سهيت شوية
حليمة:جارنا مازال عينو فيك ولبارح صيفط مو عاود
شافت طليفونها كيصوني كانت سوسن جمعات الوقفة هازة ساكها:قوليلها ضبر ليه فجيهة خرا عطا الله لبنات اماما
سوسن:تاناا الحمد الله ..راه خرج من داك الجلسة فصباح بكري ومشا لدار سيد مدوز ليلة زاهية مع راسو ودابة راه فالولاية
مارية شافت فيها:شهاد الحماس على صباح
سوسن:ههههه عجبني هدشي وتحمست ونزيدك بوحدو ومامرافقو تاشي واحد
مارية:حاجة باينة هدشي غيعاونا بزاف..كنضن هاد نهار ايدوز طويل وزوييين ..يلاه لهاد الولاية
حلات الشرجم ودلات يديها كتحركهم وسط داك الريح لبارد والابتسامة على وجهاا كلها بغض حيت صافي قربات توصل لمبتغاها وبقاو فقط خطوات قلال خاص تزرب عليه ماحد الامور مهدنة ..سوسن مرة مرة كتشوف فيها عارفة هاد سكات ديالها ماشي عادي راه دماغها خداام
وليد سَردار..
جالسين فداك قاعة الاجتماعات فطبلة كبيرة ضو مطفيي من غير شاشة كبيرة لي خدامة وواحد واقف كيشرح تماك مع شي تصاور..وهو مركز فداك شاشة وكيتصنت ويحقق فالصور ..حتى تشعل الضو وبداو بتعاليق جلسة كلها بوليسية وهضرة مخزانية...كيتصنت لكل واحد فيهم ...حتى شاف فيه رمزي
رمزي:اشنو بان ليك اسي سردار
سردار ميل راسو لتيليكومونض لي حداه هزو بين يديه فتاجه الشاشة بدا كيدوز فتصاور وحدة بوحدة تا وصل للشخص المطلبوب وحبس رجع بكرسيه اللور ونطق:هدا هو الشخص المطلوب
شي بقة كيشوف فشي
رمزي:ولكن هدا راه شيفور فقط حاطينو تماك كيجيب لينا لخبارات
سردار:كاع المعلومات لي كيجيب ليكم غالطة والوقت ديال تسليم البضائع المهربة ماشي غدا راه هاد ليلة هو راس الحربة لي كتقلبو عليه
كبر الصورة تا وصل لعنقو عندو واحد توحيمة تماك صغيرة:شووف مزيان هنا
كلشي ركز معاه
ورجع خرج من داك الصور لصورة وحدا خرا ديال واحد عاطي بالضهر ووجهو مغطي صورة بعيدة لرئيس لمافيا لي خدامين عليها ..كبر الصورة تانييي تا وصل لعنقو وشاف فيهم ..بقة شي كيشوف فشي فعلااا نفس الشخص
أدم كان جالس حداه ومبتاسم عارف صاحبو ودقة الملاحضة لي فيه كيحقق فتفاصيل صغار وبساط لي مايطيحوش على لبال عندو واحد الدكاء فشكل هدشي باش كيتميز وهدشي لي مخلي كلشي يتهاتف عليه
رمزي بابتسامة:تبارك الله علييك فعلا الشرطة لالمانية معذورة حيت شادة فيك هاد الشدة كاملة
ميل راسو احتراما ليه ورجع كمل كلامو:خاص تبقة الاوضاع كيف ما هي ماغايحس بوالو من غير ج ب اس لي ايتكلف واحد يديرها ليه بلا مايحس ولباقي ساهل حيت هو لي كيوقف بيديه على هاد البضائع المهربة باش يستالمها فغتكون ساهلة المداهمة
رمزي:ج ب اس حالها ساهل كنضن لقضية تحلات ومابقة تاشي مشكل وتفاصيل انعرفوهم من بعد مايتشدو هاد ليلة ومن مور تحقيق غيتشدو لبقية وغنصيفطو خبر للشرطة روسية تاهي
وليد وقف :غنكون حاضر لهاد المداهمة انا وأدم يلاه نخليكم انا
وقف معاه ادم ..كلشي قرب سلم عليه وكيشكرو فيه وفالقضايا لي حل وانه متبعينو ..خرج هو وادم من داك القاعة ومن الولاية كاملة
داز الوقت
كانو فطمبيل موقفينها على جنب ومخدمين راديو كيتصنتو ليه
سوسن:شتو سكن هو وصاحبو فهاد القهوة
مارية شافت فساعة:نصبرو مازال اخيرتهم ايخرجو وكل واحد فيهم ايشد طريقو
سوسن تنهدات وهي كتبدل لقناة بملل ووقفاة عند قناة على اسمو هو بالضبط كيدويو:تم رفض دعوة عدة برامج تلفزيونية من طرف وليد سَردار..
بدلات لقناة قبل تكمل لمديعة كلامها لقناة وحدا خرا وداك ساع تسمع تاني:وليد سَردار الرجل الارمل مند سنوات لا تزال حياته الشخصية مبهمة أهو على علاقة سرية في ألمانيا ام لا زال يعيش على ذكرى زوجته المتوفاة
سوسن شافت فمارية:سيد كان مزوج ومراتو ماتت
مارية هزات كتافها بملل:دابة يتبعها تاهو
سوسن شافت فيها وهي كتبدل لقناة :ايهديك الله اسميتك قلنا انتاقمو ماشي انقتلوه
سوسن:كنحماق على الاكشن وربي جابك لياا نعيشوو فالواقع
مارية:حمقة
نمشيو لبلاصة خراا
فالجردة بالضبط
من بعد ما سلات لوحتها بقات كتأمل فيها مزيان .كتشوف فملاميحو كيف مبتاسم وعنيه كيبريو رسماتو باتقان واحترافية..نزلات دمعة حارة من عنيها وهي كتشوف فيه همسات:توحشتك بزاف عمري نسيتك وعمري انساك
سمعات صوتها من موراها :كنت كنقول مع الوقت اديري عقلك وتفهي الامور ساعة غي مازدتي فيه
دورات وجها وشافت فيها وهي كتمسح اتار دموعها:شغا نفهم قوليلي ..نفهم انه خويا قتل ليا راجلي بلا رحمة بلا شفقة ..قتل ليا حب حياتيي
الحاجة قربات ليها:خوك لي كدوي عليه راه دار فيك خير ملي قتلوو سمعتيني .وهدا لي حازنة عليه هدي سنين ومخليك مخبية تحت هاد لباس لكحل ودافنة شبابك عليه راه كان كيخونك مع مرات خوووك خاص دخلي هادشي لدماغك خوك طهر شرفنا لي عمرو نزل لارض وكون ترجع بينا سنين اللور ويتعاود نفس الشي اانا بنفسي كنت انقولو قتلهم بجوج
نزلو دموعها وهي كتهز راسها بلا:لااا مراد مايديرهاش كان كيبغيني أجدة تحدا كلشي على قبلي ولييد لي تزوج بداك اللفعة فرتكات لينا العائلة ورمات بلاها على راجليي ولكن عمري نسمح ليه الى يوم الدين
الحاجة كتشوف فيها ببرود ونطقات:وليد كان خاص يقتلك تانتي معاهم ولكن غا صبري هادشي ديالك طلع فراس وانا غندير ليك الحل
هو شرا لبكية ديالو ركب فطموبيلتو وخرج من داك لبارك غادي للوجهة ديالو وهو كيشعل لكارو ديالو ...هي كانت حنب طريق مراقباه ملبعيد شفتو تحنى كيشعل سيجار ديالو وبدون اي سابق اندار او خوف على حياتها تلاحت فطريقووو بكامل جسمها تا تضربات فيها طموبيل شي لي خلاه يفراني بالجهد تا تسمع صووت روايد كيتحااك مع الارض
هي كانت جنب طريق مراقباه من لبعيد شافتو تحنى كيشعل سيجار ديالو وبدون اي سابق اندار او خوف على حياتها تلاحت فطريقووو بكامل جسمها تا تضربات فيها طموبيل شي لي خلاه يفراني بالجهد تا تسمع صووت روايد كيتحااك مع الارض ..وقف الطموبيل وسيجار ديالو مازال ففمو حط داك لبريكة على جنب ونتر نارة وساطها داك ساع عاد حل باب طموبيل ونزل كيشوف فداك الجسم لي طايح قدام الطموبيل تنهد ماكانش زايد فالسرعة وتحكم فطموبيل باش ماتجيش شي ضربة مجهد ..قرب لعندها وتحنة على راكابيه كيشوف هاد المنقبة يلاه ايمد يديه وهو يسمع صوت من موراه كيغوت ميل راسو كيشوف شي وحدة جاية فتجاهو تاهي منقبة وبلخيمار وكتغوت:مامااااا الله اربييي على ماماا
شافت فيه وهي دايرة حالة بلبكة ولغوات:قتلتيييها يااك قتلتيييها قتلتيليي مامااا كيف وققع
وقف كيتنهد وكيقول مع راسو هاد لعيالات صداعهم كتر منهم
سوسن شدات ليها فيديها وغادة فتمتيلية كيف خططو لبكة ولغوات وسوسن جيبيها لتمتيل ورجعي اللور ..تحنات كتبكيي لعند مارية وشادة ليها فيديها:مامااا الله يخلييك جاوبيني غير نتيي لي عندييي عفاك ماتخليننيش
سوسن بتاسمات براحة فاش زيرات ليها مارية على يديها..عاد دورات وجها وغوتات بصوت باكييي:عتتتق ليا ماما خاص نديوها لطبييب كتفرج فينااا ولا شنووو دخلتيي فيها وزايدها بلفراجة ملفوق ماما عندها لقلب
ووقفات غادة لجيهتوو جاهلة :خااص نديوها لطبيب وليد كيشوف فيها بهدوء قرب وتحنة لعند مارية حط يديه على عنقها من فوق لخيمار ورجع وقف
سوسن:شكاا دييير واش كتسناها تموت
صدعاتو فراسوو شاف مع جنابو وجرها من اطراف داك لخيمار ونطق بحدة:أولا غتحبسي من هاد روينة لي دايرة مك راها بيخير فاقدة لوعي وصافي
بلعات ريقها صوتوو وشوفاتوو خلاو قلبها يمشي ويجي ..رجعات اللور كتقاد فخيمارها ورجعات نطقات بصوت بااكي كتر هاد المرة غا صوتها نطقات منو:كنقولك عندها لقلب واي حاجة كتأتر عليها ونت كتقولي فاقدة الوعي هي لي عندي فهاد الدنيا واش سمعتينيي خاص نديوها لطبيب لا جينا نتسناو لومبيلونص فهاد لخلا ولقيفار ماغاتوصل تا توقع ليها شي حاجة ومتخافش ماغانديكلاريوش
بتاسم بسخرية وداز من حداها بلا تاشي كلمة مخليها مراقبها وتحنة هزها بين يديه كي شي ريشة ميل راسو كيشوف فيها ماشي جسم وحدة كبيرة فلعمر ماهتمش ركبها اللور يفري هاد لمنانة عندو شلا مايتقدا تبعاه المداهمة دليل ..سوسن دغية طارت ركبات حداها كتشهق بلبكة وحاطة ليها راسها على فخادها..هو غيحطها فأقرب سبيطار ويمشي ولباقي غيتكلفو بيه رجالو
شاف فيها فلمراية وهو كيشعل سيجارو:ملي تفيق مك سوليها كيف دارت تلاحت قدامي
سوسن:تلاحت كاين شي واحد كيتلاح للموت
وليد خرج يديه من الشرجم كيطفي فسيجار:تمتيلية قديمة على ود لفلوس ولا شنو
سوسن حسات بمارية كتزير ليها على يديها باش تسكت فهمات انه خاص تخلي ليه هاد الفكرة فراسو
سوسن:لي كتهمني ماما دابة
ماجاوبهاش وكمل طريقو
مسافة طريق مابعيداش على لبارك جاية بحال طريق لوتوروت خاوية
حتى كتشهق سوسن:غترررد غترررد وقف طموبيييل ناري غتقية وقف الله على ماما كتموووووت
وقف داك ساع الطموبيل وهي هزات ليها راسها وخلات باب طموبيل ودلات ليها راسها...هو كيشوف فطريق بنفاد صبر ماعرفش هدشي منين خرج ليه ..
مارية خشات يديها تحت خمارها وبالضبط تحت تريكو لي لابسة وجبدات داك شوكة لمخبية تماك سوسن رجعات اللور بهدوء ومازل مسمعاه صوت شهقاتها وبكاها زعمة خايفة على مها..مارية بخفة كانت موراه وبدون سابق انداار طعناتو فعنقو بداك الشوكة تا قفز ورجعات خرجاتهاا داك ساع ملي تخوات ..دور وجهو بالعرض البطيئ لجيهتهم وهو حاط يديه على عنقوو نطق وهو عاد على سنانو:قودتوها..
ولكن لسانو تقال وبدا كيشوف ضبابة سوسن ومارية مراقبينو تا ترخة فوق لكوسان..بتاسمات بانتصار وقربات تا لعندو وهمسات ليه:دابة أسي وليد سردار
داز الوقت بدات كطيح الضلمة..
كانت جالسة اونفاص معاه فوق الكرسي وقالباه جالسة بلعكس ديالو ومتكية على دااك تكاية بيديها كتشوف فيه بعنين حاقدين كيف جالس فوق الكرسي مرجعالو يدو اللور ومربوط ..راسو منزل لتحت وفاقد الوعي تأتير شوكة مازال عاطي مفعول..شافت فالساعة خاص يفيق دابة.....دقايق وبدا كيفتح فعنيه بشوية ويرجع يغمضهم راسو كيحس بيه تقيل بغة يحرك يديه ماقدرش تواني وستوعب اش كاين هز راسو بالزربة وداكشي لي فات كيتعاود فدماغو لحضة بلحضة..لقاها قدامو جالسة منقبة بخمارها من غير عنيها لخوضر مايلين لزيتي لمفكسينن عليه قدر يلمح داك نضرة لحاقدة تحت داك لتام .وقف راسو مزيان كيشوف فين هو مدور عنيه على المكان كان كوخ ستنتج داك ساع انه وسط لغابة وزيد صوت شجر كيديه ويجبو الريح وعاد ريحة لغابة ماخافياش عليه رجع شاف فيها ونطق بواحد الهدوء ستافزها:خسارة لعبتي مع الشخص الغلاط
رفعات حواجبها بلا ماتنطق تاشي كلمة ووقفات وقربات ليه بقات شحال كتشوف فيه ودماغها رجع لذاك ليلة داتها كلها ولات كترجف وقلبها كيضرب فلمية تفكرات شحال ترجاتو وطلباتو يرحمها ولكن ماحنش فيهااا ..عضات على سنانها بالجهد كتحس بدمها ولا كيغلي وهي كتشوف فيه..ماحملاتش شوفاتو ليهااا وكيف واتق من راسو ..تحناات لعندو وقبل تدوي هزات يديها تا لسما وجمعات معاه للوجه تا ضار وجهو لجيهة لوخرااا مخلية اتار الدم جيهت فموو..غمض عنيه عاض على سنانو ومازال وجهوو ضاير لجيهة لوخرا..
مارية شداتو من لكول ديالو ودوراتو لجهتها :هانت اتشوف اللعب دلعيالات عمرك جربتيه
ميل راسو ودار شبه ابتسامة كيحقق فصوتها وفداك البحة الزوينة لي فيه :باقي عندك الوقت فين تسالي هدشي بلا مشاكيل وتخرجي من هاد المصيبة لي دخلتي فيها راسك معايا ونتي بيخير
هزات راسا بلا قدامو وهي كتهز يديها على شكل لكمة وكتعطيه تاني للوجه بكامل قوها تا حسات بيديها هي تقصحات ونطقات:هدشي انا لي كنحددو ماشي نت..نت هنا بين يديا وانا لي كنقرر سمعتيني فمن الاحسن تعرف راسك شكا تقوول
وليد عض على سنانوو كون صاب يشدها ويخنقها بين يديه نطق وهو كاافر:شتي هاد ليدين يا بنت لقح.. غنقطهم لديلمك كنقسم ليييك
تقادات فالوقفة وهزات رجليها تا لسمااا وكتخشيهالو فصدروو بالجهد كون ماكانش لكرسي مفيكسي مع الارض كون طاح بيه كتافة غير يغمض عنيه من حر داك الضربة فرعاتو فصدرو وزادت قربات مرجعاه من لكول ديالو للقدام وجمعاه معاه بكروشي للوجه تا هبط الدم من فموو :بزاااف على ممك هنا غنورييك هدي لي قدامك شكاا تسوة
وقربات لوجهوو :ماتصورش شحال وانا مجودة لهاد نهاار الشمااااتة اعواام وانا حاسبة حساب نهار تجي فيه بين يديا باش نوريك شنو معنى تكرفس على بنات الناس بلا ضميير ودمر ليهم حياتهم غنوريك النجوم فعز نهار أعفة رجال
وليد صاافي جهل شكوون هادي لي تجرأت ومدات يديها عليه وعمر شي بنت لمرا دارتها ولا نواتهااا ..ولا كيغلييي صعر من لمزيان..رجعات اللور وهي كتشوفو كيتهز من بلاصتو صااعر وساخط باغي يحل داك ربطة وينوض من الكرسي هضر بصوت كيزعز سااخط عاض على سنانو وعرق جبينو بانو وعنيه دغية حماروو وتقلبو لنضرات تااقبة:كنقسم ليييك هدشي اتخلصيييه وتندمي على النهار لي دخلتي راسك فيه معايااا ..وتندمي على هاد سنين لي قلتي ضيعتييي باش نجي بين يديك وكوني شكون مابغيتي تكوني غنجبد دلمك من تحت الارض سمعتينييي من تحت الارض ونزطم عليييك
كتفات يديها مراقباه كيف معصب وكيدوي والدم خارج من فمووو وكيتهز من بلاصتو واصلة بيه للقارعة ..تنهدات بصوت مرتافع كتستافزو ونطقات وهي كتقرب لعندو ودور عليه بحال شي دائرة ونطقات:نهارنا مازال طويل اسي وليد سردار هاد الاعصاب وفرهم لداكشي لي جاااي حيت هادي غير لبدية ماشي جوج كروشيات وصقلات يديرو فيك هكا
ووقفات من موراه وتحنات لودنيه وكملات:مازال ماشتي والوو
ورجعات للور باش تخرج من لكوخ حتى كيوقفها صوتو:شكون نتي
مارية:انا وحدة كتاخد حقها منك انا هي جهنام ديالك
وخرجات من لكوخ خلاتوو كيغلييي
وليد تعصب تا عية وهو يعرف انه هدشي ماعندو باش يفيدو هو مع وحدة حاقدة شكون هي الله وعلم من هضرتها راه عندها سباب خاص يفكر مزيان ويوجد راسو لاي حاجة ويتوقع منها اي حاجة هادو هوما لعيالات توقع منهم اي حاجة ..بدة كيدور هضرتها فدماغو هي دوات انها سنين وهي كتسنى يجي بين يديها يعني مسألة انتقام وهو طالعة فسبع سنين ما جا للمغرب ..وقف على هاد الفكرة وقوص حواجبو وهو كيستوعب ونطق بحدة:شكووون فييهم
على برة
خرجات من الكوخ يضرب فيها الهوة نقي وتهدن وتكالمي راسها هزات يديها للفوق كلها كترجف بلعات ريقها كتسنشق لهوااا حتى كتحس بيه كيدخل لرئتها بارد سمعات صوت طموبيل كانت سوسن نزلات:ها شنوو درتي
مارية:فااق
سوسن:نتي لاباس
مارية مازال عضامها كيضروها من داك رمية لي رمات راسها :انا بيخير دابة
سوسن:طموبيلتو خليتها جيهة لوطوروت بعيدة على الكميرات من طريق لي قلتي ليا وهاد ساك فيه وراقو وسلاح ديالو ولمينوط المهم داكشي ديالو وطليفون خليتو فطموبيل كيف قلتي ضاروي يكون فيه جي بي اس
مارية خدات داك ساك :مزيان صافي سيري نتي راه مشا لحال ولا دوات معاك ماما قلها انتعطلو فالمكتبة
سوسن:غا خليني معاك مال راسك قاصح
مارية:راه معايا الدري
سوسن هزات راسها فداك الدري لي ايبقة مع مارية لاحتاجاتو تيقة شحال من مرة وقفات معاه وخلصات عليه باش يخرج من لحبس بكفلات كان عساس فسطلاييون دلمكاتبة فين خدامة ..وقادر يدير اي حاجة على قبلها باش يصرف ليها لخير لي دارت فيه شحال من مرة..واخة ماعارفش لقصة بالتفصيل وافق يعاونها بلا مايسول
سوسن:زكرياء رد لبال الله يحفضك
زكرياء:كوني هانية اختي سوسن مارية راه ختي ونموت معاها لابغات
مارية:تهنيتي دابة واسيري
سوسن:ماحدك مع داك الوحش مامهنياش المهم نتلاقاو غدا
وسلمات عليها ومشات
مارية رجعات دخلات للكووخ لقاتو منزل راسو وكيفكر شدات باب لكووخ بالجهد ونطقات:راسك ضرك بالتفكير شكون انااا فيهم يااك
هز راسو شواف فيها ونطق بهدوء وبكل برود:المهم قحبة منهم
قربات لعندو بخطوات تقاال وشافت فداك الكرسي جراتوو بحاليلا اتجلس عليه وهو مراقبها هزاتو تا لسمااا وكضربو بيه بالجهد تا تهرس بيين يديهااا ..جاتو الضربة فجنبو وجهت كتافوو تا تقطع تريكو لي لابس وبدا ينزف ..عض على سنانوو كيحس بعضاموو تهرسوو وكيضروه بزاف ولفك ديال وجهو تاهو كيضرو وطعم الدم بين سنانو هز راسو فيها كيشوفها واقفة بكل تباات وكتشوف فيه..رمات داك شي لي بقة من لكرسي وهي كتنفض فيديها:رااك نت لي شماتة وماكاتسواااش
وليد كيحاول يتغلب على الالم لي كيحس بيه:كتزيدي توسخي ضوصيك معايااا غا زيدي كيعجبني لكاس يفيض باش من بعد ندير شرع يديا وكنضن راكي كتعرفي مزيان شكون هو وليد سردار ومازال ليام توريك ملي نشدك بين يديا
هزات حاجبها :راه قلت ليك انا كنقرر ماشي نت
ودورات وجهاا كتقلب على كرسي اخور مشات وجراتو وجلسات حداه تاني ونطقات وهي كتجبد واحد لموص من تحت كم يديهاا طرطقاتو حداه وهو كيشوف :نجربو حوايج خريين من غير الضرب
ميلات راسها كتشوف فيه وهي كتلعب بداك لموص بيديها وهو مراقبها والف فكرة كدور فراسو شاف فعنيها باغي يعرف فاش كتفكر ومن جيهتو هو متوقع اي حاجة راه خدام فالشرطة وهدشي خاص يكون فبالو.وقفات وهي كتقرب ليه وفبالو صافي اطعنوو ..شافت فداك تريكو لي لابس حطات ديها عليه من جيهت عنقو وقطعاتوو كامل تا بان صدرو لعريض مطراسي كيتهز من بلاصتو بقوة ما مخدووم بلحديد مزيان ..فهاد اللحضة جات فبالها اللحضة لي شوه فيها جسمها بديك الطريقة الوكشية داتها تبروشات عليها وهي كتفكر داك الالم لفضيع لي حسات بيه داك ساع شافت فيه وهمسات بصوت مهزوز:لداك اادرجة ماكان فقلبك رحمة
وليد غير مراقبهااا كيشوف اش باغة تصنع تبتات داك جنوي فيديها وهي كتبلع فريقها وكتفكر جسمها كيف ولا مشوه بسبابوو ناار شعلات فقلبهاا تاني كتحرق فييها حطات داك لموص فوق صدروو وضغطااات تا دخل راس دلموص غمض عنييه مقصح وهي مراقبااه كيف كارز على سنااانوو كتشوفو كيتوجع تمتماات:كتقصح يااك
تمتم بصوت حاااد عاض على سنانوو شاف قيها كاتم داك الوجع لي كيحس بييه على صدروو ودم بدا كينزل وهدشي باقي ماحركات لموص:غنقتلللللك
زاادت ضغطات كتر وكتررر حتى سمعات داك آآآه ديالو موجع وجهوو ولا حمرر عروقو غيطرطقوو كارز على لفك ديالوو وكيشوف فيها بكل حقد كيتوعد ليها بعنيها
مارية زادت غرسات داك المووص كتشوفو كيف بدا كيعرااق بلوجع..شوية هبطات داك لموص مع صدروو ودم هابط معاها مع دمو سخون نزل بكترة ..مستمتعة بأنيينوو كيتوجع مع كل جرة كتجر داك الموص
حتى نطق :صااافي حبسيييي يا بنت لكلبة حبسييي
بتاسمات بانتصار وحبسات وجبدات داك الموص وهي كتشوفو كينهج وصدرو ولا كلو دمايات وهمسات ليه:ماشي نت لي اتقولي حبسيي يا شمااتة
وهاد اامرة غيرات تيجاه لمووص فخط معاكس وخطفات لييه ضربة بالجهد باش توليي علامة ×على صدرو كلها كتسييل بالدم خلاتوو كلوو ترقان كينهج وكيتوجع ودمايات شلال من صدروو .وعاد دم لي على وجهو وشفايفوو ودراعو وجنبو كينزفو من صربة دلكرسيي..وقفات كتشوف فيه وهي كتحط لموص بعيد وعنيها عليه كيف كيتوجع نطقات:براكة علييك هاد النهار مزال تبعك بزاف معاي اوليد سردار
شافت طليفونها كيصوني جاوبات:أ ماما..هاني جاية..غا مع لخدمة..واخة بسلامة
وقطعات
ولييد فهاد اللحضة كيحس بداتو كلها كضرو وصدروو كيتقطع علييه زاد حقد عليها كتر وكتر وحلف لا دوزها ليها بالساهل شاف فيها ونطق بصوت خافت:كنقسم لييك هدشي غتخلصيه
كانت كتبدل لقفزات لي دايرة تقاسو بالدم ودارت وحدا خرين شافت فيه وقربات ليه جمعات يديها تاني على شكل لكمة وجمعات معاه تا طار الدم من فموو ونطقات:ها حنا انشوفوو
ودورات وجها خدات واحد لحزام دوراتو على فموو وتحنات:تصبح على جهنام انمشي نرتاح ونت خليك مع هدشي وفكر شنو ممكن ندير فيك غدا
وخرجات من داك الكوخ مخلياه فداك الحالة كلو دمايات وضرابي نفسو بدات كتقطع وجسمو بدا كيعيى وعاد كيغليي ماراضيييش هدشي كامل يجي من مرااا كيتحلف ويتوعد فيها وكيفكر شكون هادييي
خرجات من داك الكوخ مخلياه شوية واينفاجر واصلة ليه ااعضم ماحيرتو لااعصاب ولا للوجع لي فصدرو كينزف وداتو ..شافت فزكرياء خارج من واحد لبيت حدا لكوخ قرب لعندها:نوصلك ياك
هزات راسها باه:اه باش ترجع عاود شوف مادخل لعندو ما والو خليك غا فلبيت ديالك تانجي غدا واخة يوقع لي يوقع ماتعتبش عندو ورد لبال
زكريا:كوني هانية نيت راه واخة يطير ماعندوش كيف يدير ينوض على داك لكرسي ربطة محكومة
مارية:عارفة
حلات ساكها جبدات واحد لمبلغ خشاتو ليه فجيبو
زكريا:راه بزاف راك عطيتيني داكشي لي يكفيني
مارية:لا تستاهل هدشي من حقك..يلاه وصلني راه تعطلت
كانت سيارة عادية مسلفها من عند صاحبو لهاد الايام ركبات ووصلها تا لدار ورجع تانيي
هي دخلات للدار لقاتهم كيتسناوها
حليمة:على سلامة ابنتي
مارية:الله يسلمك نبدل عليا ونجي ونتعشاو
دخلات نيشان لبيتها وشدات عليها ووقفات شحال كتستوعب احدات هاد النهار تكات على لباب حاطة يديها على قلبها مازل كلها كترجف مازا مامستوعبة انه هو لي فداك لكوخ ماعرفاتش هاد القوة منين جاتها باش تواجهو بديك الطريقة ..بلعات ريقها كاتمة دموعهاا واخة هكاك صعيبة علييها جلسات فوق النموسية كتحيد فلخيمار وتلوحو فوق النموسية وكتفكر داكشي لي وقع لحضة بلحضة كيف كان كيتوجع وكيف ضرباتو وطعناتو فصدرو بلا ماترحموو وعاد كلاموو باقي كيتردد فودنيها كيف كيتوعد ويحلف فيها وصورتو وصوتو كلشيي عاد رجع لداكرتهاا..وقفات حدا لمراية وحيدات تريكو بقات غا بسوتيان كتشوف تاني فدوك سيكاتريسات وكيف جسمها تشوه بسبابو نطقات:هدشي كامل اتخلصوو هدشي غي لبدية غا تسنة
ومسحات اتار داك الدمعة من عنيها :هاهو بين يديك دابة امارية نتاقمي لراسك ولحياتك لي دمرات
مارية:خلي تا لغدة نراجع معتك بعدة حيت نبغي هاد لكنكطرول مايكون فيه تا غلاط
نارة:واخة
وناضو دخلو للصالة وجلسات كتراجع معاها حتى كتسهى فيها ..كون تعرف راه بنتها ونها ماشي ختها وانه عندها باها لي كتعدب فيه دابة..تنهدات كون هو يعرف راه عندو بنت شنو يدير زعمة ياخدها ولا يسمح فيها ..حيدات هاد الافكار من راسها وهي كتقول ماعندو منين يعرف
نخليوهم ونمشيو لجيهة خرااا
سلات داك المداهمة على خييير وتشدو داك لعصابة كيف خطط سردار بالضبط
أدم كيربكب فلوطو وهو كيديو فطليفون:مارجعش فييين ايكون
قطع قبل يحاوبو الطرف الاخر:شييي حاجة ماشي هي هديييك
رمزي طل عليه من الشرجم دلوطو:أدم وليد هاد الابرة .يالو ماشي عادية واش واقعة شي حاجة مستخيل مايخصرش للمداهمة وهو مان بنفسو بافي يوقف عليها وزيد طليفونو ماكايجاوبش عليه
ادم كيمسح على راسو بتوتر:شي حاجة واقعة أرمزي شيي حاجة تا الدار مابانش فيهاا
صونا طليفونو جاوب داك ساع:ها شنوو...كيفاااش..صافي قطع
رمزي:شنو وااقع
ادم:لقاو طموبيلتو خاوية جهت لوتوروت
رمزي رجع اللور:فيين زاد هداا واش كاينة شي حاجة انا ماعارفهاش
رمزي:زعمة يكونو عاقو بيه ..تا لا عاقو راه فبلادو ماعندهم مايديرو
ادم:هدا هو اامشكل لا عاقو راه يمكن ليهم من تماك...
وسكت قبل يكمل كلاموو هدا سر بينو وبين صاحبو ووصاه يسكت
رمزي:كمل كيفاش
ادم:دابة ماشي مهم خاص قبل يصبح صباااح نلقااوه ارمزييي ..ماغانهنة تنلقا صاحبي على خيير وبيخييير
رمزي:كون هاني كاع رجال الشرطة ايبحتوو وغنلقاوه فجميع الاحوال
ادم:يلاه هاني مشيت تاصل بياا لا لا لقيتي شي حاجة
وديمارااا بالججهد وهو كيتمتم:غنلقاك اصاحبي
نرجعو عن وليد سردار
كان منزل راسو كيحس بجسمو سخوون عليه جراحي خاص يداواو وكينزفو بزاف ..داتو مهلوكة وترخة ..هو هادشي داز منو فخدمتوو داز من مهام كجسوس اف بي اي وتعرض شحال من مرة للتعديب بأنواعو فلبدايات ديال لخدمة ديالو ..قادر يصبر على هدشي ولكن لا بقة هكا راه يقدر يموت عندو امل فأدم صاحبو يخدم دماغوو ساهل يلقاه داك الساااع تمتم بتعب:هنا انعرفك ذكي أ أدم هناا انعرفك كتفكررر وقد خدمتك
دخلات لداك الكوخ سدات من موراها لباب وقربات ليه بخطوات تقال كتشوف فحالتو كيف دايرة..قربات يديها وحطاتها على جبينو حيت كان كلو عرقان ..كان سخون بزاف حرارتو مرتافعة..وراسو محدور ومغمض عنيه شافت فداك جرحة لعميقة لي على صدرو × نزفات مزيان وماازل كتنزف وشكلها كيخلع..ميلات راسها كتشوف فيه هكا بغات تشووفو ..تنهدات وهي كتسمع دقان فلباب..مشات داك ساع حلات لباب كان زكرياء وفيديه واحد سطل:هاهو كيف طلبتي
خداتو منو :شكراا
ورجعات دخلات وسدات لباب وصلات تا لحداه وهزاتو تالسمااا وخواتوو علييه تا فاق وهو كيشهق كان لما مخلط بالملحة حس بداك الجروح كيشوطوه وضربة لي فصدرو كتوزوز..وعاد الجو بارد ولماا بارد ..رجعات اللور كضحك كتستافزو وهي كتشوفو كيف كيلهت وكيوجع عاض على سنانووو وكيشوف فيها بعنيه الدابلين بلعية والتعب ..نطق بصوت عيان بالسيف باش كيخرجولو الحروف:كنقسم ليك أجلك ايكون على يديي
هزات راسها بلا وقربات لعندو وتحنات شادة لفك ديالو بين يديها وزيراات بالجهد على داك الضربة لي جيهت فمووو تا سالت بالدم ونطقات بحدة وعنيها فعنيه :دابة راك بين يديا هاد تهديداتك كوولهم ..
ودفعاتو تا تضرب راسو مع تكاية دلكرسييي بالجهد
وتقادات فالوقفة كتنفض فيديها جرات لكرسي وجلسات اونفاص معاه كتشوف فيه كيف كيكح وصدرو طالع نازل ملي خوات عليه داك لما باالملحة رجع تاني كينزف وباينة كيوزوز لييه
مارية دارت رجل فوق رجل مقابلة معاه:باش فادتك مكانتك كضابط فالمنضمة الفدرالية الامانية ولا فلوسك ولا هيبتك قدام الناس هااا قولي بواالووو هانت كتخلص داكشي لي درتي هانت ببن يدين مرا لي حكرتي عليها ومارحمتيهاش
هز راسو كيشوف فيها وفداك لعنين مركز فيهم وفكلامها وهاد الصوت ولبحة لي فيه بحاليلا كيسجلهم فلميموار ديال عقلو وكيحفرهم مزيان ...كيشوف داك اللون دعنيها لمخلط بين زيني والاخضر وشوفتهم صارمة وفشكل ..تمعن فيهم مزيااان خااص يتفكرهااا خاص يعرفها شكون دازو اعوام من مور داكشي لي وقع من بعد ما قتل مراتو دوز سيمانة خايبة بزاف تبدل فيها هو براسو مابقاش عارف راسو فداك الساع بحاليلا ولا وحش ماواعيش على نفسو وماكانش متحكم فراسو ماشي بسباب شراب ولا شي حاجة لا بسباب لحرقة لي كانت فقلبو داك ساع.. داك الشمتة لي تشمت من اكتر وحدة بغاها فحياتو وتاق بيها وعطاها قلبو وسميتو ورجعها مراتو باش فتالي تغدرو فدارو مع راجل ختو هنا حياتو تقلبات ونفسيتوو تدمرات تا ولا ماواعيش من داكشي لي كيدير ..فاش فاق على نفسو ورجع دماغو لبلاصتو لقة فات لفوت حيت هو ماشي من داك النووع..عليها هز راسو وخوة لبلاد فمراا وماولاش رجع تا لدابة كاره راسو وكلشيي..شاف راسو ايتعمق بزاف وايرجع للماضي لي دفنو شحال هداا نفض كلشي من بالو ورجع شاف فيهاا ..دوك لبنات لي دوزهم فداك سيمانة مشاو معاه بخاطرهم وكانو من بنات ليل قطع عليه افكارو وتخطيطو صوتها وداكشي لي هازة فيديها
مارية وفيديها لفردي ديالو لي كان فطموبيلتو كتلعب بيه:شنو بان لييك نبدلو اللعب بداكشي لي كيعجبك نت
قوص حواجبوو كيشوف فداك لفردي بين يديها ويرجع يشوف فعنيها وداك التقة لي فيهم
مارية وقفات:غا هو ماكانعرفش نتيري بحالك امم ماشي مشكل نتعلم فييك اش بان ليك
وصوباتو فاتجاهو بخفة وضحكاات داك الضحكو لي كتلعب على الاعصاب كتخليه كيغلي ومالاقي ليها جهد:زيدي ضحكييي حيت داكشي لي كيتسناك معاياا غيهجرو ليك
قفز فاش تيراات من مورااه وتسمع صوت رصاص :ششش قلت ليك تهديداتك ماعندهم باش يفيدوك اممم فين نتيرييي قوليي شي بلاصة ختارها نت
وليد غير عاض على سنانو وكيشوف فيها كتقرب ليه وكينهج ..قربات تا لحداه :دوييي ختااار ولا نختار انااا
ولييد كيتمتم بتهديداات وسبااان ..هزات رجليهاا بخفة وزطمات لييه بين رجليييه تا تسمع صوتو متوجع ضغطاات كتر وكتر وهو مغمض عنيه كيتوجع نطقاات:ملييي ماختاريتيش فين نتيريي ادن انختار اناااا....وهاد لبلاصة هي لي غنرزييك فييهااااا
ضحكاات وقربات لييه حطات لفردي على لفك ديالو وهزات ليه راسو لعندها جات عنيه فعنيها وقبل تدوييي هزات داك لفردي تا لسما وكتجمع معاه للوجه تا ضار وجهو :باقي لحال على الموت من بعد ونقرر انااا
وليد كيشوف فيها وفعنيها لي ولا كيحس بيهم ماغرابش عليه خاص غا يركز بالو مشوش..شوية ديال التفكييير وتركيييز مايمكنش مايعقلش عليهااا
رجعات اللور وهي كتخبي داك لفردي فبلاصتوو
مارية:انا غنمشي عندي مايتقضاا ولكن خاص نداويو هاد جراحي راه واخة هكاك قلبي حنين
جبظات واحد لبوماضة غير شافهاا عض على سنانوو كيهز راسو بلا
ضحكات بالجهد:هدشي لي لقيت
كانت بوماضا ديال فلييوو ونعناع خاصة بحريق راس كتدهن ..ولا دارت على الجرح كيولي يوزوز بزااف
جرات لكرسي وجلسات حدااه وبدات كتهدن لييه وهو كيقفز من بلاصتوو مقصح كيغمض عنيه ويحلهم وهي مستمتعة بأنيينوو تا سلات وناضت هزات ساكها وخرجات كضحك بلعانيي وهو ربي لي عالم بيه من الوجع لي كيحس بيه
ولا كلو عرقان وجسمو سخوون بزاف وكيرجف ولجروح كيضروه بزاف نفسيتو مزفتة وكلو مهلوك لا ماكلة لا شراب راه الموت بالبطيئ هدا
خرجات لقات سوسن على برة كتسنا
سوسن:ماتقوليليش قتلتيييه
مارية:مايستاهلش الموت هاد العداب ديال دابة كتر من المووت
سوسن:ايوا شنو اديري معاه من دابة
مارية:ايبقة هكاا تا نشوف شغا ندير
ودورات وجها لزكرياء:رد البال الله يحفضك تانرجع
زكرياء:كوني هانية اختي مارية
مارية:يلاه نمشيو
وركبات هي وسوسن فطموبيل ومشا
نبدلو لبلاصة
كان فطموبيل ديالو مانعس ماشاف النوم ليل كامل وهو يبحت او والوو لا بصمات لا كاميرات مالقة والوو هدشي لي محمقوو ..وصل لحدا لقصر نزل خاص يدخل للمكتب ديالو يشوف شي حوايج بقات هدي اخر محاولة يديرها داك ساع يدوز للحل التاني.رجال الامن غير شافوه ربطو لاتصال مع لحاجة لداخل..داك ساع تحلات لباب ودخل ستقبلاتو وعلى وجها لقلق تحنى باس يديها تمتمات:الله يرضي عليك
أدم:كيف بقيتي الحاجة
الحاجة:كيف انكون ووليد مابانش
ادم:كوني هانية الحاجة غنلقاه وغيرجع على خير
الحاجة:دير جهدك وكتر
ادم:كوني هانية..الحاجة فين المكتب ديالو خاص نشوف شي حوايج
الحاجة ركب فالمصعد الطابق تاني لباب ديالو تاني على يديك ليسرية
هز راسو باه وطلع للمكتب دخل شاف فلبيسي فتحو داك ساع وبدا كيخنتش فيه دخل لضوصي كلشي هو هداك اخر واحد دخل لداك الضوصي هو وليد وهدي خمسيام يعني فاش كان فألمانيا شد داك لبيسي وتقاد فالوقفة ..غيدوز للحل التاني دوز النمرة درمزي:االو رمزي شوية ونكون فالولاية لقيت الحل
وقطع وتم خارج من المكتب ودماغو مرفوع كيفكر حتى كيحس براسو دخل فشي حاجة دغية تدارك الامر وشدها قبل طييح ...حلات عنيهااا كانت صافي غطيح..يلاه ايدوي وهو يسكت فاش جات عنيه فعنيها الزورق كيف سماااا صافييي تكهرب بلع ريقوو وهو كيشوف ملاميحها جمال رباني ..تقدات فالوقفة وهي كتبعد عليه وتقاد شالها لي زلق مع شعرها وبانو خصلاتو نازلين على وجها.وهو مراقبها ماقدرش يقاوم هاد الجمال كامل لي قدامو.
رجع تاهو اللور وهو كيحم حم ومنزل عنيه الارض من بعد ما ستوعب هو فين وعندمن:احم سمحيلي كنت مزروب ماشفتكش
ليالي وهي مكملة طريقها:مرة جاية بدا ترد لبال
ومشات ركبات فالمصعد
تنهد وهو مازال كيشوف فالارض تا حس بالمصعد تسد عاد هز عنيه ومشا نزل من الدروج كيحاول يزول صورتها من بالو..خرج من لقصر كامل فتجاه لولاية
مسافة طريق وكان تماك
نزل ودخل نيشان للقاعة الاجتماعات كان غير رمزي كيتسنا سد لباب وجلس
رمزي:بحتنا ومازل كنبحتو حتى نلقاوه دابة شمن حل عندك
ادم مسح على راسو رمزي خاص يعرف:رمزي انا واعدت وليد باش هدشي يبقة سر بيني وبينو ولكن تانت خاص تعرف
رمزي:دوي كنسمع اصلا كنت حاس بيكم مخبين شي حاجة
ادم:اصبار
جبد طليفونو ودوز واحد النمرة وخدمو على الهوط باغلور بقة كيصوني من سمعو صوتو بالمانيا:المحقق ادم مرحبا
ادم:السي لوكاس
لوكاس(رئيس الشرطة لفدرالية الامانيا:):من صوتك كاينة شي حاجة
ادم مسح على راسو ودخل نيشان فالموضوع:سردار من لبارح وهو مختافي ونت الوحيد لي تقدر تعرف فين هو
ادم:هدشي لي كاين ماكانضحكو عليك ماوالو..وكيف قلت نت لي تقدر تعرف فين هو بداك السم لي زرعتو ليه فجسمو باش ايلا حاول يخون ولا يغدر بضغطة من عندكم ايتخوة داك سم ويموت كنضن هدا سبب كافي ياكد ليه انه ماكانمتلوش عليك...دابة بغيت تحدد ليا فين هو بالضبط حيت عارف هاد السم منساجم مع جي بي اس
لوكاس تنهد بالجهد:ماكانش خاص يمشي لهاد المغرب سردار عنيد بحال ديما تسنااا انقطع شوية وتوصلك الاشارة
وقطع
داك الساع جبد لبي سي
كانت داخلة للدار على صوت كلامو غير سمعات سميتو مشات جلسات حدا باها كتشوف فيه:بابا شنو واقع مال سردار
لوكاس مركز:بلاتي
تيريزا سكتات كتسناه يسالي باش تعرف
لوكاس حدد بلاصتوو وداك ساع صيفطها لادم ورجع صونا ليه:راه وصلاتك الاشارة ورد عليا باش ماكان سمعتينيي وغير تلقاه قولو لوكاس خاص يددوي معاك
وقطع
تيريزا:بابا شنو واقع
لوكاس تنهد:سردار ختافة ماعرفتش اش وقع ليه المهم دابة نعرف
تيريزا بقلق:ياك ما وقعات ليه شي حاجة خايبة
لوكاس:لاا ماكانضنش كنتمنى مايكون واقع والووو
تيريزا:شوية ورجع عيط اباباا نتأكدوو
لوكاس:صافي واخة
نرجعو للمغرب
كان جالس وكيشوف فيه كيف صاعر وكيغوت:كيييفاااش دارهاا كيفاش وافق يديرر هادشيي كيفاش عرض حياتو للخطر هو هكاا راه حكم على راسو بلمووت شنوو هدشي داار علااش ضحة برااسووو الالمانيين ماكايرحمووش نهار يحسو بشي حاجة ماشي هي هديك يقتلووه لوكاس مافيهش التقة
ادم:دابة فات لفوت ارمزي نت عارف وليد شحال راسو قاصح قال ماعندو مايخصر لا ولاد لاعائلة يخاف عليهم بقات ليه غا حياتو هاهو قمر بيها باش ينفد انتقامو من المنضمة الالمانية
رمزي جلس حاط يديه على راسو:راسوو قااصح قاصح كتر من بااااه
ادم وقف:دابة خاص نلقاوه لوكاس حدد لينا بلاصتو
رمزي:انمشي معاك
ادم:خليني انا نتكلف
رمزي:لا نمشي انا وياااك
جا نهار جديد
فجيهة خرا
نزلات من طموبيل هي وسوسن ..
زكرياء رما سيجار ديالو وقرب لعندها:كلشي هو هداك اختي مارية
مارية:الله يحفضك واش محتاج شي حاجة
زكرياء:لا مامحتاج والو اختي
مارية:ماشفتش طموبيلتك فين هي
زكرياء:حتاجها مولاها ووصلتها ليه تانرجع ناخدها
مارية:صافي مزيان عمر ليا داك سطيل الله يحفضك
بتاسم:هي لولا مع شوية دلملحة ياك
مارية:زيد كتر
ضحك ومشا يدير داكشي لي قالت ليه
سوسن:ياختيي نتي راه خاص يخدموك معاهم فلبوليس فالقسم ديال تعديب المجرمين اتناء الاتسجواب اجيي خليني نطل عليه عفاك
مارية را الشرجم طليي وشوفي اللوحة الفنية غطي غا كمارتك
سوسن دارت شال على وجها ومشات كطير حلات الشرجم وطلات عليه وشهقات حاطة يديها على فمها ورجعات باللور شوية وطيح تا وصلات عند مارية:الله ياربييي ويليي سيد كلو دمايات وضرابي راه موحال يعيش امارية شنو درتيي فيييه
مارية:ماشفتيش حالتي انا فداك ليلة
سوسن سكتات وشدات ليها فيديها:عارفة وها النتيجة ديال داك ليلة قدامي قلبك قصاح تا ولا المنضر ديالو جايك عادي ..مارية خايفة عليك فشنو ممكن يوقع من مور هدشي لا عاش وفلت منها راه ماغايفوتكش
مارية شافت زكرياء جايب السطل:المهم تمرمد على يدياا
خدات داك السطل ودخلات تاني للكوخ وشدات لباب ووقفات كتشوف فيه وفحالتوو هكا بغات تشوفووو لقرطاسة كتنزف من دراعو بلاصتو ولات كلها دمايات صدرو وجهوز كلشييي حالتو حالة...منزل راسوو وصوت انفاسو حارين مسموعين كيتنفس بصعوبة بحاليلا كيقاوم...قربات لجيهتو بلا مادير الحس وهزات داك السطل وكباتوو علييه وهي كتشوف فيه كيف قفز كيتوجع..رمات داك السطل وتقابلات معاه:شتي شحال الموت بالبطيئ صعيب ..
مارية:وليد سردار كتعرف شنو معنى الاب ديالك يموت بالفقصة بسبابك ..انا بابا مات وهو غضبان منييي
قربات لعندو :بسبابك نت خسرت بابااا اعز ماكانملك
وهزات يديها تا لسما وجمعات معاه:بسبابك حياتي دمرات وهانت دابة كتخلص شوف حالتك شووووف بين يديا وتا واحد ماغايفكك من بين يديا عرفتي شنووو كنفكر ندوز ليك لعائلتك تانت شنو بان ليك فختك ليالي تعيش هدشي لي عشتو انا شنو
عض على سنانو وهمس ليها:حاااولييي ديريها وأتشوفييي شغا ندير فيك
ميلات راسها:نت راك فوضع مايسمحلكش تهدد اسي سردار
مارية :هدشي مازال انفكر فيه ولا بغيتي نبين ليك باني قادرة نوصل لعائلتك ماعنديش مشكل..دابة قولي ماجاك لا عطش لا جوع ..واقلة جاك لعطش تسنااا هاني جاية
خرجات ورجعات بكاس كبير دلما..وقربات لعندو هزات ليه راسو لعندها :شرب مازال باغاك تعيش
كان غيموت بالعطش بدا كيشرب ولكن سرعان ما بدا كيكحح وبزق داك لمااا لي كلوو كان ماالح بزاااف زادت كملات على العطش
رجعات اللور كضحك بالجهد :من نيتك باغي تشرب
وليد نزل راسو وفدماغو كيفكر هو حافض ادم مزيان وعارف كيف غيفكر ولما خانوش ذكاؤو هاد المرة راه ليوم يوصل ليه هدشي لي مخليه كيقاوم هدشي هز راسو شاف فيها بعنيه لحومر جمرة وفلداخل ديالو كيتوعد ليها بأيام ماكايبشروش بلخير وصوت ضحكاتها لي كيزيدو يستافزوه كيخليوه يزيد يكفر من جيهتها غيعرف شكون هي طال الزمان ولا قصار وغتخلص بالضوبل
مارية قربات ليه:يلاه نمشي عندي مايتقضى وغنرجع ليك كون هاني
وخرجات وخلاتوو
مارية:سوسن يلاه نمشيو
ركبو فلوطو ومشاو
نبدلو لبلاصة
كان سايك وطليفون فيديه متبع لايشارة وحداه رمزي كيشوف فطريق داخلين وسط لغابة :ها حنا قربنا
رمزي:اش جابو لهنا
أدم :ها حنا انشوفو
وقف الطموبيل بعيد شوية على كوخ ونزل وهو كيقاد السلاح بين يديه ورمزي معاه تاهو هاز السلاح وكيتمشاو فتيجاه لكوخ ...
فجيهة لوخرا كان زكرياء كيعمر لما من لبير لي حدا الكوخ سمع شي اصوات ديال زفير طموبيل رجع اللور وهو كيحط سطل وتم غادي بشوية لجيهة لكوخ وقف مور واحد الشجرة كيشوف فداك جوج لمسلحين تحنة دغية قبل يشوفوه وتبت مزيان النفس ماكايطلعهاش..قلب وجهو كيشوفهم كيحلو لباب جمع الوقفة ورجع باللور مبعد من المكان وداك ساع جبد الطليفون صونا ليها:ختي مارية عنداك ترجعي للكوخ ..جوج مسلحين دخلو للكوخ واقلة البوليس..
مارية:صافي غبر من تمااك سمعتيني ماتشوفش من موراك
زكرياء عطا رجلو للريح بجرا:كوني هانية
وقطع وهو كيجري
فالكوخ...
ادم زدح داك لباب برجليه تا تحل بالجهد وسلاح فيديه عاد دخل كيقلب بعنيه ماحس بتاشيي حس ولا شاف شي حد حتى كتجي عنيه على صاحبوو تصدم خبا السلام من مور ضهرو :ولييييد
أدم تحنى لعندو كيمسح ليه على وجهو ويشوف فحالتو وهو مشوكي:اشنو وااقع شكون دار فيك هاد الحالة
رمزي من موراه من بعد ما تأكد انه ماكاين تاشي حد برى:كتسولوو حل عليه نمشيو للطبيب
ادم كيشوف فداك لكرسي كيف متبت مزيان مع الارض باحكام وعاد كيف مربوط ..داك ساع قشع واحد الموص هزو وبدا كيقطع داك لحبل باش مربوط بسيف باش تقطع
وليد يديه ورجليه ضروه وتجرحو مع داك لحبل ..قرب رمزي وعاون ادم باش يوقف
ولييد كيدور عنيه على الكووخ وشاف فادم:مالقيتو حد
أدم:لا دنيا خاوية
وتمو خارجين بيه بسيف باش كيتمشى غير عتب باب لكوخ عنيه ضروه بضو الشمس وقف كيشوف فين هو فعلا وسط لغابة نطق تاني بتعب:خلي هنا شي جوج يجيو دابة يراقبو لبلاصة
ادم:وااخة دابة خلينا نمشيو للطبيب
وليد:ديني للقصر شمن طبيب
ادم كيشوف انه جسمو بدا كيتقال وحرارتو مرتافعة وداتو كتررجف :ولييد بلا قصوحية راس حالتك خصها طبيب كلك كتنزف وضربة دلقرطاس وزيد جرحة لخايبة لي فصدرك
وليد عض على سنانوو :ماتزيدش تكفر دلمييي وديني للقصر
وليد وهو مغمض عنيه بصوت يلاه كيتسمع:دير داكشي لي قلت ليك.ومايدخلوش لبوليس فهدشي
وتمتم بتعب بصوت مامسموعش وهو كيفقد الوعي:غنقتلهااا..غنلقااك
وغاب
ادم داك ساع عيط لجوج درجال يجيو للكوخ يراقبوه ويشوفو اش يديرو فيه..شاف فيه من لمراية لقاه مغمض عنيه:واقلة فقد الوعي
رمزي:شد طريق للسبيطار
ادم تنهد:ماغايبغيش لا فاق
رمزي:حالتو ماشي ديال الدار ديه لصبيطار
ادم:بغيت نعرف شكون تجرأ ودار هاد الحالة
ضور وجهو وشاف فيه:ماغايتفاكش معاهم من دابة خاص يشهدو على روحهم
رمزي:المشكلة ماعنظوش شي عداوة مع شي حد هنا فالمغرب
ادم:مافهمتش شكون مول هاد الجراة كاملة
وزااد فالسرعة فتجاه سبيطار
قل من ساعة دطريق كانو حدا سبيطار ستقبلوهم بالبياص نيشان لغرفة الطوارئ
داز الوقت وادم ورمزي كيتسناو على برة تا خرجات ااممرضة وقفو عليها
الممرضة:نزف بزاف دبال الدم ولكن لحسنزالخص لقينا الفصيلة ديال الدم ديالو متوفرة..جسمو مهدود بزاف ودوك ضرابي كون زاد شوية كون ماات خرجنا ليه لقرطاسة ودابة كنخيطو ليه الضربة لي فصدرو..جسمو يوماين وهو لا ماكلة لا شراب كان ايدخل لحالة يبسو فيها كلاويه ويموت كاع...المهم نساليو هدشي ونشوفو نتائج خاص نتاصلو بالبوليس
سلمات عليها ومشات بحالها..وافكار كتديها وافكار كتجيبها عارفة انه وليد سردار دارها فبالو وماغايدوزهالهاش بالساهل خاص ماتسهلش الامور دابة وتفكر اش دير
دازو يوماين بالضبط
كانت فخدمتها رجعات ليها فهاد اليوماين .علامن تشوف اش ايوقع خلات داكشي كيف ما هو توفيق رجع للعسى تاهو وكأن شيئا لم يكن
كانت كتسجل فالكتوبة لي داخلين وخارجين هزات راسها وهي تشوف مول لمكتابة نازل من رونج روفر ديالو نزلات عنيها تاني تكمل خدمتها حتى كتحس بيه وقف عليها :مارية لاباس
هزات عنيها فيه:الحمد الله اسي توفيق
توفيق :شحال من مرة قلت ليك بلاش داك سي توفيق.
..غا توفيق براك
تنهدات وهي كتضغط بالجهد على لكلافيي دلبي سي بصبعانها:هدي هي لخدمة اسي توفيق
توفيق جلس على الكرسي لي مقابل معاها:مارية انا عارفك فاهمة قصدي من شحال هدا غير كتميكي انا نيتي حسنة
وسكت وكمل:وباغيك على سنة الله ورسوله تكوني مراتي
هزات فيه عنيها ها لي مابغاتش عيات هاربة منو باش مايفتحش معاها هاد الموضوع
توفيق:هادي اعوام ونتي خدامة معانا عمري شفت منك شي حاجة خايبة بنت دارهم وداخلة سوق راسك ملتازمة ومحتارمة راسك وهدشي لي حببني فيك باغي موافقتك وماغايخصك معايا تاشي خير
مارية:السي توفيق عفاك مابغيتش نتحط معاك فهاد الموقف ولكن الزواج ماكانفكرش فيه وخيرك سابق عليا مابغيتش هاد الموضوع يخسر بيناتنا
توفيق:فكري مالك مزروبة الزواج ماشي عيب وانا اي حاجة بغييتها نديرها ماانمنعكش من الخدمة وكلشي ديالك
تنهدات:ولكن نت مزوج تلاتة دلعيلات وماعنديش مع هاد القاضية
توفيق:تكوني الرابعة وتالية ولعزيزة فيهم
قبحات وجها تحت داك لتام:السي توفيق مايمكنش ومن الاحسن تنسى الموضوع
ووقف:المهم فكري مزيان ماتصرعيش
ومشا دخل للمكتب ديالو
داك ساع جات عندها سوسن لي سمعات النص دلحديت:مال السي توفيق
سوسن:نوضي ههههه هاد السي توفيق علاام اش بان ليك لا طلع لينا الدم نختاطفوه تاهو
مارية ضحكات:ههههه زوينة هدي نفكرو فيها
نبدلو لبلاصة
فالطبيب
حل عنيه بتقالة .كيشوف فالسقف ويرجع يغمضهم..مدة عاد ستوعب حل عنيه مزيان كيحس بداتو مهدودة هز راسو كيشوف راسو فطبيب هبط عنيه ليديه فيهم سيرو رجع تكاا كيدور سينتة فدماغو وكاع داكشي لي وقع عض على سنانو جامع يديه على شكل لكمة وهمس:دابة نوبتي تسناينيي
سمع لباب تحلات كانت الممرضة
يلاه اتدوي وهو يقاطعها:شحال وانا هنا
الممرضة:يوماين اسيدي
زاد زير على يديه:شكون على برى
الممرضة:صاحبك ادم واقلة
وليد:قولو يدخل
الممرضة:ولكن خاص ندير ليك فحص ونعيط للطبيب..
قاطعها:تحركييي
خرجات طايرة صوتو زعزعها..دقايق وكان ادم قدامو:على سلامة
وليد كيشوف فداك لفاصمة لي على صدرو وكتافو:لي بحالي ماكايموتوش
ادم عارف واخة يقولو خاص تبقة مازل فطبيب ماغايبغيش مشا حل واحد لبلاكار وجبد ليه حوايجو..وليد نزل من فوق داك النموسية داتو كلها مدكدكة كان غا بالشورط وقف على رجليه كيتمشى جيهت لحوايج هزهم ودخل للحمام لي تماك
ادم وقف كيتسناه باغي يعرف اش واقع وباينة وليد من ملاميحو ماناويش الخير..شافو خارج كيمسح وجهو بالفوطة لابس عليه وكيحاول يتمشى بالشوية :يلاه نمشيو
تبعو بصمت وخرجو من صبيطار ركبو فلوطو ادم لي كان سايك ديمارا بلا تاشي وجهة كيتسناه يديوي ويقول شي حاجة..دور وجهو لقاه حل مجر طموبيل وجبد واحد لوراق تماك وعلبة الاقلام خاصة بيه وبدا كيرسم فوحدة من لوراق ماباغيش ينسى عنيهاا ماباغي ينسى تاشي حاجة اصلا داكشي باقي محفور فدماغووو..ربع ساعة وهز داك الورقة لفوق كيشوف فيها ..تماما نفس عنيها بالضبط مرسومين تماك نفس اللون نفس النضرة مرسومة باتقان بحكم خدمتو فالشرطة كيحتاجو شي مرات لرسم ملامح المجرمين ادم كيشوف فداك الرسمة:شنو هدشي وليد قولي اش واقع وشكون لي لعب معاك هاد اللعب لخايب
قصة حطام
محتوى القصة
التنقل بين الأجزاء