….فالفيلا جالسة وجهها شاحب عينيها عامرين بدموع و نفس حابساها فيها لابسة كسيوة طويلة مغطياها كاملها البيت ديالها كان عامر بالحوايج و المصممين و لي مكلفين بإطلالتها كيهضرو معاها و هي غير ساهية مرة تجاوبهم مرة لا منين فاقت جابو ليها لفطور و ماخرجاتش يالاه هبة و أماني لي جالسين معاها
هبة: شوفي هاد الفستان واعر لبسيه هاد ليلة
شفق: لا معري بزاف
أماني: هادي حفلة ديال خطوبتك غير لبسيه
شفق:(شافت فواحد الفستان آخر) زوين هاد لكحل
هبة: نتي عروسة خصك تلبسي شيحاجا فاتحة
شفق: لا انلبس هادا و اصلا مغطي و محتارم و مابغيتش داك قوة الماكياج
أماني: اوك لي عجبك
هبة: ماما واش بابا ايحضر للخطوبة
أماني: ماعرفتش
هبة: حتى نهضر معاه و نشوف
شفق: و عشق؟ واش ماجاتش
أماني: و موحال تجي
شفق: (بحسن نية) كون غير درنا هنا الحفلة بلا مانمشيو للقصر
هبة: احساسي كيقول ليا بلي هي غادي تجي
أماني: كولشي ممكن مع عشق
هبة:(هضرات مع الخدم) خودو هادشي كاملو للقصر
أماني : يالاه وجدو راسكم باش نمشيو
….لتحت كان نزار جالس الوسط و شيماء و سارة ضايرين بيه و نيار جالس قبالتو حداه قصي و جسور شادينو بحال شي مجرم مربع يدو و كيشوف فيهم
نزار: شنو؟
سارة: كيفاش شنو فين كنتي هاد المدة كاملها
نزار: غير هنا الوليدة
سارة: و علاش مكتجاوبنيش فتيليفون لهاد الدرجة مكتبغينيش
سمير: غادي يجيو انا علمتهم و هاد صباح كنصوني ليهم مكيجاوبوش امكن راهم شادين طيارة لهنا
نيار: الله اجيبهم على خير
جسور:(شاف فيه طلعو و هبطو) تلاقينا انا وياك فشي بلاصة من قبل
سمير:(بلع ريقو) نو شكون نتا؟
جسور: مكيهمش (مع راسو أكيد شفتو فشي بلاصة)
نيار: حنا انمشيو للقصر حتى تبعنا منين اوصلو وليديك
سمير: وي خليت ليكم الراحة(مشا و خلاهم)
نزار:(وقف حدا جسور) ماعجبنيش هاد سيد
جسور: نفس الشعور
نزار: (شاف فيه) حتى نتا ماعاجبنيش
جسور:(شدو من القرفادة) يالاه ناخدك معايا لواحد لبلاصة
نزار: فيييين
جسور: نتلفو الوقت علاما توصل وقت الحفلة
نزار: شيحاجا ناضية هادي
جسور:ايعجبك لحال
…..
عند صخر لي كان يالاه داخل للدار سالا سبور ديالو و جاي كيلهث شاف ف باه لي كان كيشرب قهوتو و كيقرا الجورنال و هو بلا مايعبرو كمل طريقو و زاد طلع للبيتو دوش و لبس حوايجو و رجع هبط كيتغدا حدا باه
محسن:(رجل فالستينات) أتجي للحفل
صخر:(كيرشف من قهوتو) وي
محسن: فوقاش اتبدا الخدمة
صخر: منين يعلموني
محسن: بغيتك تحمرلي وجهي مع عائلة سقراط
صخر: (ناض ) من الأحسن ماتدخلش فخدمتي
محسن: أنا باك و عارف مصلاحتك
صخر: حتى لدابا كتشوف غير مصلاحتك نتا (سكت شوية و كمل هضرتو) قابل غير دوك لقحبات لي كتعرف و كتجيبهم للدار وحدة مور وحدة
محسن: (مضيق عينيه فيه ) هههه بقا فيك لحال؟ أنا منعتك ماتجيبهمش للدار
صخر: ماحتارمتيش موت الوليدة على الاقل احتارم غير داك شيب لي مغطي شعرك
محسن: مابقاتش فشيب لي صغير راه صغير فقلبو (غمزو) و سول عليا دوك لقحبات لي كنجيب ههههه
صخر: الحاجا الوحيدة لي كتعرف ديرها هي تبرزطني فحياتي
محسن: باعتباري انا اب هادشي من حقي
صخر: الهضرة معاك باطل (خرج من الفيلا ديالهم باغي يهرب من هاد المحادثة حتى كيسمع صوت لكلاكسون )
جسور: سربي اصاحبي طلع
نزار: شكون هادا
جسور: لي كواك
نزار: اهيا بلا أهداف
صخر: هاي اش كديرو هنا
جسور: جينا نديوك نتلفو الوقت
نزار: اه حيت شحتا
صخر: و شكون نتا
جسور: هادا نزار ولد نيار و هادا صخر ولد محسن
صخر: متشرفييين (ركب معاهم و زادو) فين انمشيو
نزار: لفين مابغيتو من غير لبلايص المشبوها حيت هاد المرة غادي تبرا مني عشق
جسور: كتخاف منها بزاف
نزار: نو كنحتارمها حيت ختي لكبيرة و مكتخسرليش خاطري
جسور: و شفق؟
نزار: حتى هي كنحتارمها ولكن عشق مقربة ليا كثر عكس شفق لي مقربة من هبة كثر
صخر: لا غير أنا مابقيتش قادر نصبر على فعايلو الصبيانية
جسور: أنشوفلك الى كاينة شي شقة فالبناية لي شريت
صخر: اه غير شوف ….
وصل الليل لي كيجمع فطياتو بزاف ديال الاحداث و فداك لقصر لكبييير لمعزول على لمدينة كان مضوي و الموسيقى كتسمع على بعد مسافة الناس كيوصلو بطوموبيلاتهم اشكال و انواع و لابسين أفخم الألبسة كيتفاخرو على بعضياتهم...فداخل لقصر كان ديكور زوين و راقي لخوامي مذهبين كيزينو النوافد لكبار اما دروج فيهم زرابي حومر طوال و الورد محطوط فكل بلاصة ... طبالي مفرقين فالصالة و فالوسط طبلة طويلة فيها الماكلة بنوعيها لحلو و المالح و فالجنب كاينة فرقة موسيقية كتعزف...كان المنظر بحال حفل ملكي الالوان و التصميم عطاه رونق خاص...طبعا هادي راه عائلة سقراط لي كيتضرب بيها المثل فكل روسيا ...تيريزا و نيار كانو قدام لباب كيستقبلو الناس هي لابسة فستان زرق طويل عندو كول v و بليدين مرصع بالاحجار الكريمة و دايرة مشيطة لشعرها مع ماكياج سموكي كيبرز عويناتها الزورق اما نيار كان لابس طقم أسود كاملو و فجيب ديال صدرو وردة بيضة ..كيعطيو الصواب للناس و كيتبادلو المجاملات
نيار: فينهم دراري
سارة: مازال ماوصلو؟
نيار: صباح خرج جسور و نزار و باقي مارجعوش
سارة: دابا يجيو
نيار:(شاف فيها) مسحي داك لعكر شوية
سارة: هاء راه خفيف
نيار: معيق
سارة: نيااار ماشي وقت لغيرة هادي
نيار: (ضار عندها كاملو) و فوقاش وقتها؟
سارة: (جبدات كلينيكس مسحاتو) دابا مزيان؟
نيار:(حط يدو على خصرها) حتى كون ماحيدتيهش كنت ناوي نحيدو ليك بطريقتي
...فجهة أخرى كانت شيماء كتشرف على المشروبات لي يكتعطاو و معاها قصي هي لابسة فستان فالباج كتبري قصيرة شوية من لتحت و مشدودة فلعنق طلقات شعرها دارتلو بوكلي أما قصي حتى هو بحال نيار لابس ملابس رسمية أما لفوق فالطابق الأعلى كانت فلبيت أماني هي و بنتها هبة آماني لابسة فستان خضر بلا يدين مزير فالخضر و مطلوق لتحت و جامعة شعرها كوتشوفال مع ماكياج خفيف أما هبة عجبها تلبس القفطان فالرمادي لاسق على طايتها جات حوتا و طلقات شعرها سامبل و دارت ماكياج تقيل ...أما زينة لبنات عروستنا كانت جالسة و سالاو لكوافورات من تجهيزها كانت لابسة فستان اسود بحال ديال الأميرات مغطي كاملو و دايرة مشيطة لشعرها البني مع مجوهرات و ماكياج سموكي جالسة كتسنا هاد الخطوبة فوقاش تبدا و كتمناها عمرها تبدا
هبة: ويينو جيتي كتحمقي
شفق: حتى نتي جيتي زوينة
آماني: غير اوصل سمير انجي عندك نهبط (مشات)
شفق:(شافت ف هبة) جات عشق ؟
هبة: بااقي (كتقلب فتيليفونها) من صباح كنصوني على بابا مكيجاوبش و قالي خالي نيار بلي عرضو
شفق: دابا يجي ماتخافيش
هبة: ان شاء الله
…..قدام القصر و بعيدة شوية عليه كان فوسط طوموبيلتها كتشوف فناس كيدخلو و مترددة دخل شي ساعة و هي هكك منين وصلات كتسمع تيليفونها كيصوني و تجاهلاتو بعد صراع نفسي تفكرات راسها علاش هي هنا و خصها تنفد لي جات على قبلو. نزلات من طوموبيل و لي داز كيشوف فيها بكثرة جمالها و أنوثتها المتفجرة خلات لعيون كاملها عليها لابسة كسيوة بيضة قصيرة و مزيرة على طايتها مشبكة من جناب و دايزين ليها خيوط من الظهر صدرها نصو عريان كتبان الفتحة ديالو مكتوب على كتفها وشم ب إسم Diabla و دايرة مجوهرات خفيفة و طالقة شعرها لي غطا ظهرها العريان لبسات طالون عالي و طالع و دارت ماكياج ركزات فيه على عينيها و زادت بعكر حمر متوهج...زادت جوج خطوات و هي توقف منين رجعات ذاكرتها لور أيام الطفولة كتشوف راسها هازة اللعبة ديالها و مها و باها هازين شفق بغاو ياخدوها للطبيب
عشق: ماما نمشي معاكم
سارة:(تحنات عندها) لا ابنتي حنا انمشيو نديو ختك لصبيطار
محسن: أنا غادي ناخد عشق للدار(تحنا عندها شدلها يديها) اناخدك تلعبي مع صخر
عشق:(كتحرك راسها بلا و لسقات فرجلين نيار) بابا نمشي معاكم عفاك ماتخليونيش بغيت نبقا مع شفق
نيار: عشق بلا فشوش بقاي مع عمك محسن (ركبو طوموبيل و مشاو و محسن جر عشق من يديها كتبكي)
...فاقت من سهوتها من بعد ماشهقات و رجعات جوج خطوات لور تعكلات كانت اطيح لكن سرعان ماشدوها واحد ليدين و طاحت عليه كيحس برجفتها و العرق نازل منها و عينيها لخوفانين سها فيهم و بصراحة سها فجمالها و أنوثتها الطاغية
جسور: عشق مزيان؟
عشق:(بعدات منو ووقفات) انا بيخير
أرتورو:(تدخل دغيا و شدها من خصرها) اجي معايا
جسور:(خنز فيه و شدو من يديه حيدهالو من خصر عشق) طلق منها
أرتورو:(نتر يديه و همس لعشق) نتي ماشي مزيان تحركي معايا
عشق:(بعدات عليهم شوية) انا بيخير اه بيخير
نزار: (عنق عشق) الحمد لله جيتي كنت خايف ماتجيش نتي عارفة منقدرش نصبر على داك لبروتوكول لخاوي
جسور:(كيخنزر ف أرتورو) يالاه ندخلو للداخل
عشق: سيرو نتوما انا شوية لحقكم (عقلها ماشي معاها)
شاف فيها جسور و جرو نزار خرجو
أرتورو: تبغي كارو
عشق: لا قررت مانكميش و مانشربش هاد ليلة
أرتورو: متأكدة بلي نتي مزيان
عشق:(غوتات) بلا ماتبقا تعاود فنفس السؤال(عطاتو صاكها) شد هادا عندك
أرتورو: الصندوق لي فيه الجثث كاين فالقصر
عشق: وصل داك زامل ولا باقي
أرتورو: وصل
عشق:(بلعات ريقها) و عائلة يزيد
أرتورو: حتى هوما
عشق:(ضارت عندو) كيف جيت؟
أرتورو: سيكسي
عشق: و هذا هو المطلوب (ضربات الضورة و مشات باتجاه لقصر كتلوز فمشيتها حتى دخلات مع الباب و طلع الانظار عليها ابتاسمات ابتسامتها الشيطانية فاش شافت وليديها قدامها)
سارة: عشق (طارت عندها) فيين كنتي
عشق: كنت كنقلب على كادو زوين نجيبو
نيار: لقيتيه
عشق:(شافت فيه دقيقة عاد جاوبات) اه لقيتو(ضارت كتشوف يمين و شمال) فين هو لعريس
...هابطة من دروج فجنبها هبة و أماني شادينها حانية راسها و كتنزل خطوة خطوة بدات موسيقى هادئة و كولشي كيصفق ليها...وصلات لآخر درجة كان سمير كيتسناها شدلها فيدها و باسها ليها و زادو
عشق:(مشات لعندهم) تواتيتو مع بعضياتكم
شفق:(ابتاسمات) عشق جيتي (عنقاتها)
عشق: (كتخنزر ف سمير) مانقدرش نفوت هاد ليلة
سمير: مرحبا بيك
عشق بعدات من شفق و مشات بعدات لواحد القنت منين بداو كيجيو عباد الله عند شفق و سمير اباركو ليهم
عشق: (ضارت عندو و حطات يديها على لكرافاطا) أسوء حاجا درتيها فحياتك هي رجعتي لروسيا حيت فيلم الرعب لي أتعيش فيه أيبدا من هاد نهار (زيراتلو لكرافاطا حتى تخنق) تهلا فراسك اعمي محسن القادم أسوء(طلقات منو و بعدات عليه)
جسور:(كان مراقبهم) كيعرفو بعضياتهم؟
صخر: كانت كتلعب معايا عشق منين كنا صغار كانت عزيزة عليا
جسور: و ماقلتيهاش ليا
صخر: داكشي ديال صغر راك عارف
جسور:(شاف ف شفق و سمير) داك السيد شفتو فشي بلاصة
صخر: (ضيق عينيه) حتى انا
جسور: من صباح كنفكر تنوغشت (رجع كيقلب على عشق بعينيه و طرطقهم فيها) شنو بغات دير هاديك
صخر:(شاف لفين كيشوف) اي دونت نوو
….شدات عشق الميكروفون و بدأت كتهضر مع الحضور
عشق: هاي نتمنى كاملين تكونو بيخير بغيت نقول مبروك للعرسان ديالنا و حظ أوفر للناس لي باقيين سيليباطير بحالي هههه هاد ليلة كنأكد ليكم عمركم اتنساوها فحياتكم كاملها حيت بصح أتشهدو على حدث مهم ايوقع فعائلة سقراط (سكتات شوية و نطقات) قبل مانبداو حفلتنا و قبل مايركبو عرساننا خواتم الخطوبة بغيت نقدم رقصة مع أغنية كتعبير على الحب ديالي ليهم ههه استمتعو بالعرض (حطات الميكروفون و بداو التصفيقات من الحضور)
سارة: نيااااار حبسها غادي تشوهنا
نيار: شنو ندييير
سارة: اي حاجا انيار ضربها جبدها من شعرها اي حاجا
نيار: منيتك قدام عباد الله؟
سارة: مكيهمش السمعة ديالنا فيديها دابا
نيار: غير من داك لباس ديال نص شبر عرفتها اتكفسها
…..بدأت الموسيقى و دخلات فرقة رقص لفوسط الحفلة و بداو كيتمايلو مع أنغام الموسيقى و عشق كدير شي حركات معيقين كتعبر على التمرد ديالها شوية بدأت كتغني و تشطح كلمات الاغنية كانو بالاسبانية و الايقاع حماسي لي ماكان فيه مايشطح ناض كيشطح...شخداتها تماك بقا كولشي حال فمو فيها و فشطيحها
صخر: هادي هي ديابلا
جسور: هادا سميتو التقحبين (كيشوف فوجه نيار و سارة و بقية العائلة) حتى واحد ماعاجبو لحال
صخر: شوف كيف كتشطح كظن بلي ايعجبهم لحال
جسور: شنو ندير
صخر: جلس تبت ماشي شغلنا
….سالات عشق مع آخر الاغنية و بداو الحضور كيصفقو و نزار كيصفر
نزار: وااااااو العافية العافية شعلات
قصي:(خنزر فنزار) سكت
شيماء: الله اربي و علاش جات اصلا لهاد الحفلة
شفق:(بقات كتصفق فرحانة حيت عشق شطحات ليها و ضارت. عند سمير) كادو زوين
سمير:(بلع ريقو و كلمات الاغنية كتردد فالمسامع ديالو) اه زوين
نيار:(جر عشق لبعيد و مزير على يدها) حماااااااقيتي ولا باااااغيا تسطيني
عشق:(نترات يدها) مازال مادرت والو
نيار: خرجي دابا من الحفلة قبل مانكبتها معاك
عشق:(غوتات عليه) مااااااخارجاااااش
نيار:(شدها من الفك ديالها مزير عليها بغا يضربها و هي تشد ليه يدو ) طلق منييييي
عشق:(شادة فالفك ديالها و شافت فجسور) باينين لاطراس ديال صبعانو؟
جسور: ماشي بزاف
عشق: اوووك (بغات تمشي و شدها من يدها)
جسور: داكشي لي درتي خايب ماتعاوديهش
عشق:(قربات منو) ماتزيدش حمارك حتى انا فلحساب حيت مكتعرفنيش و مكنعرفكش (بغات تمشي و زدحها مع الحيط)
جسور: (عاودلها هضرتها ) كاين لي كيعيطلك عزرايل و كاين لي كيعيطلك الذيبة و سميتك الحقيقية هي عشق ولكن السمية لي كتعجبك و كتزرع الرعب فقلوبهم هي الديابلا(باسها فحنكها) هادي ديالك حيت ماولفتش نخلي شيحاجا عندي (بغا يمشي و شداتو من يدو)
عشق: عرفتي شنو معنى ديابلا؟
جسور: شيطانة
عشق:(قربات منو) هي لي كدير لي فراسها مكايآمرها حد هي لي كيتحرق لي كيقرب ليها
جسور: منظرك كيوت بزاف ماتخرجش منك لقباحة
عشق: فالمنظر البريء فين كاين الشر (قربات منو دفعاتو بجوج صبعان) مازال مكتعرفنيش و من الافضل متعرفنيش لا أنا أنبغي نحط راسي فيك والا نتا ايعجبك شنو اندير فيك
جسور: تايقة فراسك بزاف
عشق: (تمشات قدامو شوية و نطقات) بعد من طريقي الشر ديالي خايب
جسور: الشر ديالي كثر من ديالك
عشق: ههههههه شوفلك شكون تايق فراسو دابا
جسور: عزيز عليا التحدي
عشق: حتى حاجا فيك ماغادي تحفزني نتحداك
جسور: أنا هو الحافز ديالك فعايلي غادي يهبلوك (شد فيدها) الى شفت شيحاجا خايبة منهنا لقدام ماشي باباك لي ايتدخل انا لي غادي تلقايني فوجهك
عشق: هادا نحسبو تهديد؟
جسور: حسبيه تعارف بيني و بينك
عشق:(عضات شنايفها بشهوة) شفعلك منظرك الزوين ههههه كون واحد آخر بلاصتك كنت انقتلو
جسور:(ابتاسم ابتسامة جانبية) جريئة مع راسك
عشق: ماشفتي والو و ماغاديش تشوف حيت واخا هكك نتا ماشي نوعي المفضل (خلاتو تماك و زادت بحالها لفوسط الحفلة كتقلب على شيحاجا تلهي فيها راسها علاما توصل وقيتا ديال الصح شافت شيماء و قصي و مشات عندهم ) هاي
قصي: هاي
عشق: (ضرباتو بكتفها كضحك معاه) شكون لي جا ولدو و ماقداتو فرحة
قصي: ههه تعرفتي على جسور
عشق: اه و ماحبيتوش نتا بوكوص عليه
شيماء: جمعي راسك
عشق: تنقول الحقيقة ولدك كاع مازوين كان كيحسابلي ايكون تيتيز
شيماء: حتى واحد ماطلب رأيك
عشق: إوا أنا غير قلت ماتحتاجيش تعصبي
شيماء: ولدي خط أحمر
عشق: كيعجبني نتجاوز الخط الاحمر (طبطبات على كتفها شوية) و بلا ماضسري من بعد ما جا ولدك حيت تعاملي معاك ايبقا هو هو (مشات من حداهم)
شيماء: مكتحشمش هاد لبنت
قصي: ماتديش عليها راك عارفاها
شيماء: كتعصبني
قصي: حاولي تخلي جسور بعيد على مشاكلك نتي و عشق مابغيتوش يتهور
شيماء: حتى انا مانبغيش ولدي يتهور على قبل هاديك
…..
هبة:(كانت كتهضر مع مها بإنفعال) نتي لي قلتي لبابا مايجيش
أماني: هو قالهالك؟
هبة: علااااش أنا كنت محتاجاه معايا
أماني: مابغيتوش يجي
هبة: شكرا تحقق مرادك (تخطاتها كتجري فدروج لطابق العلوي دخلات للبيت و جلسات فوق النموسية كتبكي و ماحاساش بلي واحد الشخص كان تابعها حتى دخل عندها)
محسن: سلام واخا ندخل
هبة:(كتمسح دموعها) شنو بغيتي
محسن: شفتك كتبكي و بغيت نطمن عليك
هبة: وليت مزيان شكرا
محسن:(جلس حداها) تقدري تعاودي ليا شنو مقلقك
هبة: ماشي شيحاجا
محسن: هاد الحاجا لي بكاتك كبيرة بزاف عاوديلي
هبة: كنت بغيت بابا يجي لهنا
محسن: أتكون عندو خدمة كثيرة
هبة: نفس الاعذار ديما لا هو ماعندوش الخدمة هو ماقدرش يجي حيت ماما منعاتو
محسن: عندك مشاكل مع ماماك و باباك و انا كنشوف هادشي عادي حيت هوما مطلقين
هبة: ولكن انا كبيرة دابا و نقدر نتاخد قراري و نشوف بابا
محسن: عارف و هادشي لي هوما مايفهموهش (شدلها فيدها) حسبيني بحال باباك او صديقك و تقدري تعاوديلي اي حاجا ضراتك
هبة: شكرا بزاف رتاحيت منين هضرت معاك
محسن: أنا تحت أمرك فوقما بغيتي (مسحلها دموعها) بنت زوينة بحالك مكيجيش معاها لبكا من قبيل و انا حاضيك بقاي زوينة بضحكتك و ابتسامتك
هبة:(ابتاسمات) شكرا
محسن:(عطاها كارط فيزيت و كيشوف فيها بشر) هادي نمرتي و عنوان داري فوقما حتاجيتي تخوي قلبك انكون فانتظارك
هبة: أنتاصل بيك حيت رتاحيت ليك و لقيتك كتفهمني
محسن:(باس يديها) مرحبا (ناض كيضحك على غباءها و خلاها تماك جالسة كتفكر و تحلل و لي متأكد منو انها قريبة طيح فشباكو كأي ضحية اخرى)
….كانو كيستاعدو إلبسو لخواتم لبعضياتهم تصفيقات تعالات فالحفلة و صوت الضحكات بيناتهم و ابتاسامات المجاملة كثرات كولشي حاضر و كيتسناو ...شفق كان مغلوب على أمرك و كتحس بداك الخاتم مشنقة ليها ...أما سمير كان فرحان بخطوبتو من شفق فطبعا أيتناسب مع نيار مما كيعني أيعيش فأمان ...من جهة أخرى و بعد تفكير طويل و عميق فتح عينيه متذكر فين شافو
….يالاه كان غادي يمشي و تطفا ضو فلقصر كاملو و بدا الخوف كيتسلل فقلوب المدعوين و التساؤلات بداو كيقواو...تشعل ضو خفيف فوسط الصالة كان أرتورو كيدفع واحد الصندوق حتى الوسط و رجع ختافا فظلام و عاد تشعل ضو فلقصر كاملو و هاد المرة كانت عشق جالسة فوق الصندوق كتلعب بظفارها
نيار: عشق شنو هادشي دابا؟
عشق : الكادو الاخير لي انعطيه ليهم (نزلات من فوق الصندوق) هاد لخطوبة ماغاديش توقع
عشق: هههه (هبطات راسها كضحك و مشات حلات داك الصندوق) وي الخدمة مكتسالاش و مشيت جبتهم انا بغيت نديرلهالك مفاجأة (جبدات يد باه لاحتها قدامو) هادي يد باباك و هادي رجل ماماك و هادو ريوسهوم (بقات كتلوح قدامو الاطراف ديال وليديه و كولشي مصدوم كيغوت كاين لي خرج من لقصر بكثر الرعب و كاين لي سخف من بشاعة المنظر)
نيار:(كيشوف الجثث لي مقطعين و مشاتلو الهضرة ماقدرش انطق بكلمة فقط خبع وجه سارة و شفق فصدرو باش مايشوفوش المنظر حيت تخلعو و بداو كيغوتو) وقفييييي
هبة:(شداتها الرجفة و كانت على شوية طيح كون ماشدهاش صخر)
صخر: بشوية عليك
جسور:(وقف قبالت عشق) شوفي فيا ا عشق شنووو كديييري
عشق:(شافت فيه شوفة ديال الموت) كنرتاكب جريمة مشروعة
سمير طاح على جثث وليديه لمقطعة كيبكي و يرجف و كيشوف ف عشق
عشق:(هزات لفردي عندو و بدات كطلق النار عليه بين عينيها صورتو نهار قاليها مانتزوجش بوحدة عرفات رجال قبلي بقات فيها ديك شمتا كطلع و كتهبط ماوقفاتش حتى تخوا الفردي و هو طاح ميت و غارق فدمو عاد رجعات لوعيها و شافت ف أرتورو بمعنى يقول للناس يخرجو) تسالات لحفلة شكرا للحضور ديالكم
شفق منين شافت سمير طاح ميت سخفات بين يدين باها بهاد التصرف لي دارت عشق خلاها تنتاقل لمرحلة أخرى من حياتها لي أتعيش فيها جميع الفصول هي و ناس لي قراب ليها ...تمشات لجيهت سمير و تحنات لعندو بنظرات شفقة و بصوت كتسمعو غير هي
عشق: كنت ديما كنحاول نخبي الجانب الخايب فيا و انا معاك ولكن نتا لي جبدتي الشيطانة لي فيا (ناضت كتشوف ف عائلتها واحد بواحد و الذعر خارج من نظراتهم وصلات لجيهة محسن و ابتاسماتلو بشر و دارتو بصبعانها رقم 2 يعني نتا الضحية القادمة و هو بدورو ابتاسم ليها و تحرك مشا بحالو)
صخر: (عطا ل هبة تشرب) نتي بيخير دابا
هبة: لا لا انا ماشي بيخير
صخر: ماتخافيش هادشي كيوقع
هبة: منيتك؟
صخر: كنحاول نخفف الخوف لي فيك
هبة:(دارت شهيق و زفير) أنك تعيش مع الشيطانة فنفس دار هادشي كافي يخليك تعيش فخوف كبير
جسور:(ماعرف مايدير كيشوف ف باه لي ضام شيماء عندو و كيشوف ف شفق لي سخفات و نيار شادها و سارة كتبكي حداها و أماني لي شادة نزار مايمشيش عند عشق هاد الاخير لي شاف فيها و فعينيها بضبط القوة لي فيهم كانت كبيرة لدرجة سلباتلو تركيزو منظرها لي مافيه لا شفقة و لا رحمة و متبتة كأنها مادارت والو خلاه يعاود النظر فيها كانت كتبان ليه قمة فالأنوثة نهار تلاقاها أول مرة ولكن دابا كتبان ليه قنبلة موقوتة غادي تنفاجر فأي لحظة و إلى ماتدخلش و دار شيحاجا فأكيد أتفتح بيديها بيبان جهنم عليهم...زاد قرب منها شوية و هضر معاها بلعقل ) مكانش عليك تقتليه واخا كان مجرم ولكن لا
عشق: كنتي عارفو مجرم؟
جسور: كنت أنوقف هاد الخطوبة
عشق:(خنزرات فيه) ماشي شغلك حبذا لو تديها سوق راسك
جسور:(شدها من يدها زير عليها) ماتخيليش شحال معصب دابا دوي باحترام حيت مكتعرفينيش شنو نقدر ندير و انا معصب (طلق من يدها و بعد منها قبل مايدير فيها شي مصيبة)
عشق:(غوتات بأعلى صوتها) أرتورو جمع عليا هاد زبل منهنا بغيت الدنيا ترجع نقية
نيار: نزااار هز ختك لبيتها و بقا معااااها
نزار:(هز شفق و شاف ف هبة ) زيدي حتى نتي
هبة: اه اه (عطاتو كأس د الما لصخر و طلعات مع نزار للبيت)
عشق:(عيطات ل نزار) نزار منين تفيق شفق قولها ليا
نيار:(ناض لعندها) علاه؟ باش تقتليها كيما قتلتي سمير؟ شكوووون نتي أشمن نوع ديال بنادم وليتي؟؟؟؟ لا أنا بنتي ماشي هاكا
….كانت جالسة حداها فالبيت كتشوف فيها ناعسة و كتأمل فتفاصيل وجهها بكره
عشق: كرهت ملامح وجهي غير حيت عندك بحالهم (هزات كأس د الما خواتو عليها و ناضت شفق و هي مفزوعة كتكح ) صباح الخير ولا نقول مساء الخير حيت موحال تشرق عليك الشمس
شفق:(شداتها الرجفة و بكات كدخل و تخرج فلهضرة) مادرت والو اهئ اهئ مادرت حتى حاجا والله
عشق: نتي اصلا مكديري والو نتي بريئة و انا لي خايبة و كندير كولشي (هزاتها من شعرها و جرجاتها لسقاتها مع الحيط) كتلعبيها تحت الدف ديما قوليلي شنو درتي باش غريتيه شنو شاف فيك و عجبو؟
شفق: اهئ اهئ عفاك وجعتيني طلقي من شعري اهئ
عشق:(جمعاتها معاها بتصرفيقة) علااااااش اي حاجا كتعجبني كتاخديها
عشق: (قجاتها) منين كنا صغار و نتي كتحاولي تحيديلي لحاجات لي كنبغيهم بديتي ب واليدينا و دابا الراجل لي بغيت (طلقات منها طاحت فالارض كتشهق و تبكي)
شفق: ماكنتش عارفة إهى اهئ
عشق: نتيييييي ماااااكتعرفي واااالو كتعرفي غير تسرقي نتي سرااااقة و كنكرهك اشفق كنكرهك او واحد نهار غاااادي نقتلك كيما قتلتو هو (تحنات عندها) واخا كنت كنبغيه قتلتو حيت بغاك
شفق: (شدات فيها كترجاها) بابا لي طلب مني نتزوج بيه ماقدرتش نرفضلو والله ماعرفتك كتبغيه اهئ اهئ كنحلف ليك حتى أنا ماكنتش باغاه
عشق: سكتيييي عييت مانسمع مبرراتك لي ماعندهم فايدة شتي اش غادي نبقا ندير منهنا لقدام (جراتلها شعرها طلعاتلها راسها لفوق و قربات لوذنها) اي حاجا اتبدا تعجبك انحيدهالك حتى انا و انذوقك من نفس لكااااااس
عشق: و انا كنكرهك واخا ديري ليييييي درتي (عاودات سرفقااااتها و تحل الباب)
مع حل الباب طاحت قدامو كتبكي نيفها سايل بالدم و شعرها مشعكك صوت انينها و شهقاتها كيحزو في النفس تحنى عندها كيشوفها كتجمع لكسوة لي تقطعات على لحمها ماعجبوش المنظر و فار دمو عروقو ولاو بارزين و عينيه نقطة ديال الدم بالاعصاب نوضها معاه و هي تخشات فيه كتبكي و كترجف خايفة حط يدو على راسها مغمض عينيه كيهدنها و بعدها عليه شوية و رجع كيشوف فالشيطانة واقفة مربعة يديها و كتحمل نفس الغضب و كثر
جسور: علااااش ضربتيها
عشق: بيني و بينها ماتدخلش
جسور:(قرب منها كيطرطق عضام عنقو) علااااش ضربتيها
عشق: بغيت شنو مشالك نتا
جسور: (زفر بغضب و طلع يدو حتى لفوق و جمعها معاها بتصرفيقة حتى ضارت و كون ماكالاهاش لحيط كانت اطيح فالارض) حتى انا بغيت
شفق:(كترجف أو واخا حالتها أسوء بكثير من عشق إلا انها ماقدراتش تستحملو يضربها) إهئ إهئ ماضربهاش
جسور: (سكتها بتخنزيرة و رجع كيشوف ف عشق لي منين ضربها عطات وجهها للحيط ماضارتش ) آخر مرة تحطي عليها يديك كتسمعي
عشق: هههههههههه (ضحكات بهستيرية ديك الضحكة لي موراها بزاف ديال المصائب و ضارت عندو مسحات بصبعها الدم لي خرج من شنايفها و قربات ليه حتى تقابلات معاه) حليتي على راسك بيبان جهنم و ذنبك أنك واحد من هاد العائلة لي مكنحمل فيها حتى واحد (حطات يديها على حلقها) مكتسرطش ليا و زدتي قودتي معايا السوايع (شافت فاليد لي ضربها بيها و شداتها بيديها غارسة فيها ضفارها و كتلويها) اليد لي كتمد عليا كنهرسها
جسور: (بالرغم من انه حاس بظفارها مختارقين يدو خلاها تفرغ غضبها لي أصلا مكيبانش عليها هز يدو لوخرا شدها من شعرها قربها ليه حتى تلاسق نيفو مع نيفها) ميمكنش ليا نقول ناقصاك التربية حيت خوتك مربيين حسن منك و ماعرفتش علاش حاسبة فراسك شيحاجا كبيرة و نتي ماعندك حتى حاجا زايدة و لكن لي نقدر نأكد ليك من ليوووم أنعاود لمك تراااابي بغيتي ضد انا مولاه و نشوفو شكون ايهبط الراس و يحنيه لسيدو
عشق:(كتشوف فالثغر ديالو باغراء) فاش تكون كتربيني عنداك تنسى راسك و نصدق أنا لي كنربيك ….
حابس كيشوف فعينيها و هي كتشوف ففمو بدا كيحس بلي كتبعد منو شوية بشوية و قلبات الضورة خرجات من البيت اما هو مشا عند شفق كيهدنها
جسور: شش ماوقع والو (عنقها)
شفق: اهئ اهئ كنت كنقولها مادرت والو
جسور:(جلسها فوق النموسية) عارف نتي مادرتي والو
شفق: ولكن هي ماعارفاش اهئ اهئ و ديما كظلمني
جسور: ماتديهاش فيها كنواعدك عمرها ماغادي تقيسك (شد وجهها فيديه) تيقي بيا مانخليهاش تقيسك حيت نتي قلبك كبير و ظريفة ماتستاهليش شنو كدير فيك
جسور: كنواعدك بشرفي اندير لي فجهدي باش ترجع عشق بنت مزيانة
نيار:(عنقو) و انا تايق فيك
جسور: و دابا شوف كيف غادي دير ترجع مراتك و ولدك و بنتك
نيار:(غمض عينيه بتعب) ماغاديش تكون ساهلة
قصي: كنتمنى ليك التوفيق ههه
نيار: إصبح و يفتح
….أما عند عشق وصلو للبرطمة ديالهها فتحات ليهم لباب و دخلو حلو فمهم فديكور حيت كان زوين و متيول
سارة: هنا كتجلسي ديما
عشق: عاد كيف تحولت ليها كنت فوحدة لتحت
نزار: واه و ماعمرنا دخلنا ليها
عشق: هادي اول و اخر مرة منين ترجعو للدار عنداكم تجيو عندي مكنحملش لي كيصدعني
نزار:(جلس فوق لفوتوي و شعل تلفازة) يا سلام
عشق: (خنزرات فيه ) نوض البرهوش وقت نعاس هادا
سارة: عشق بغيت نهضر معاك
عشق: بلا ماتجبدي داك الموضوع ماغاندويش فيه
سارة: ولكن انا بغيت ندوي فيه كأم و بنتها
عشق: فاش اندويو؟
سارة: فكولشي بغيت نتعرف على بنتي من اول و جديد
عشق:(هزات كتافها و شافت فيها مطولا) تعطلتي عشق لي كنتي كتعرفي مشات و دابا كاينة غير ديابلا
سارة:(ابتاسمات و عينيها فيهم دموع) بغيت نتعرف على ديابلا
عشق: اتعرفيها ولكن ماشي دابا هادا وقت نعاس و انا عيانة (هزات وسادة رماتها على نزار سير تنعس البرهوش)
نزار: (هزها كيضور بيها) وليت كنفوتك فطولة و نهزك نهرب بيك و كتقوليلي برهوش
عشق: وا هبطني البرهووووش راني مسخسخة
نزار:(حطها فوق الفوتوي و جلس حداها و همس ليها ) كاينة الوليدة اما كنت بغيت نعطيك واحد جوان اطيرك لفوووق
عشق: هههه مكتجيش معاك فاش كتهضر بهاد المصطلحات
نزار: انا تربية ديال يديك نتي ماشي غير ختي نتي عشيرتي و لي كتخبع اسراري و عارفها تعطي حياتها على قبلي
عشق: (خربقاتلو شعرو) عزيزة انا عليك لهاد الدرجة؟
نزار: منين سمحت فكولشي و تبعتك اذن راك عزيزة عليا
سارة:(تخشات حداهم) و منين فرطت فكولشي و تبعتكم اذن نتوما اغلى ماعندي
عشق: شنو هو احساس يكون عندك شخص غالي تفرط فكولشي على قبلو؟
سارة: هاداك الاحساس سميتو الحب
عشق: (مشا تفكيرها لبعيد ) الحب كيضر بزاف
سارة: الحب زوين و خصو شخص مناسب
نزار: باش انعرف راسي كنبغي شيوحدة ؟
سارة: اتبغيها ديما تكون حسن منك و اتفضل راحتها على راحتك و ضحكة منها تقدر تخليك ضحي بكولشي
عشق: يعني واخا يآذيني انا مانآذيهش و ديما نفضل راحتو عليا؟
سارة: وي
عشق: هاداك سميتو الذل
سارة: شي مرات كيخلينا الحب نكونو اغبياء
عشق: ولكن انا ماشي غبية انا عارفة مزيان شنو كندير
….بقاو كيهضرو و يتجمعو حتى نعسو بثلاثة فوق الفوتوي من غيرها مانعساتش من بعد هاد المحادثة و ناضت للبالكون جبدات كارو و بدأت كتكمي و كتشوف شروق الشمس ريح الصباح كيطير شعرها و جملة وحدة كتردد فالمسامع ديالها "واخا يآذيني انا مانآذيهش و ديما نفضل راحتو عليا" هادشي ماطبقاتوش مع سمير حيت نهار عرفات بغدرو صفاتهاليه كون كانت بصح كتبغيه ماغاديش تآذيه واخا آذاها تخربقات ولكن مرتاحة حيت خدات حقها بيديها...خرجات من لبالكون و سمعات صونيط فالباب و مشات حلات لقات نيار قدامها
عشق: واو ماقدرتيش تصبر بلا ماتشوف وجهي
نيار: محتاج نهضر معاك
عشق: عاد دابا شوية قلت لتيريزا بلي راها تعطلات و الجواب نفسو ليك
نيار: كنترجاك بغيت نهضر معاك مادانيش نعاس
عشق: حيت مراتك او ولدك كاينين هنا )سكتات و كملات ) تقدر تديهم معاك ولكن صبر حتى يفيقو
نيار: حتى نتيا بغيتك ترجعي لدارك و سمحي ليا على ديك لهضرة
عشق: لا (نترات يدها منو ) منين يفيقو رجع خودهم اما دابا راهم باقيين ناعسين(زدحات فوجهو لباب)
نيار:(حط راسو على لباب و نزلات دمعة يتيمة من عينيه كيحس بيها ماتت و هي باقيا كتمشا على رجليها و كون غير عارف السبب ...ماقادرش يتحمل فكرة انه خسرها و باغي يدير اي حاجا باش ترجع ليه و يعيش الأبوة معاها بحالها بحال شفق و نزار…) سمحي ليا والله ماقصدت
عشق كانت متكية على الباب بظهرها و رغم انها شافت الصدق فعينيه و بلي باغيها ترجع إلا انها مابقاتش حاملة ترجع لداك لقصر كتخنق فيه ...و على ذكر لقصر صبح صباح جديد عندهم كانو الخدم كيجيبو لوازم ديال العائلة من الفيلا للقصر باش استاقرو فيه...كانت شفق يالاه فاقت ولا نقولو مانعساتش حيت غير كتغمض عينيها كيجيها لخوف...دقات عليها شيماء و عطاتها الاذن تدخل
شيماء: صباح الخير (شافت فوجهها الضرب) مااالك (كتقيس وجهها)
شفق: والو غير لبارح نضت و طحت
شيماء: ماتكدبيش عليا عشق هي لي دارت فيك هاكا
شفق: (تغرغرو عينيها بدموع) ماتقوليهاش لماما غادي تخاصم عليها
شيماء: و فينها ماماك راه مشات هي و نزار مع عشق
شفق: فين مشاو
شيماء: باباك جرا على عشق لبارح ولكن ماتخافيش مشا يرجعهم
شفق: كولشي هادشي بسباب
شيماء: لا نتي مادرتي والو هادشي بسباب عشق لي قتلات خطيبك
شفق: مابغيتش نتفكر
شيماء:(عنقاتها) مازال غادي يجي لي يستاهلك و ايكون محظوظ بزاف حيت لياخد جوهرة غالية علينا(باستها فراسها) رتاحي (خرجات)
….فاقت سارة هي و نزار لقاو لفطور واحد فوق الطبلة و عشق جالسة كتفطر عاطياهم بظهر
عشق: هادي اول مرة و اخر مرة ندير لفطور لشيواحد
سارة: صباح الخير
نزار: هه صباح الخير
عشق:(وراتهم بيديها) الحمام كاين فديك الجهة (ضارت عند سارة) و سيري قولي لراجلك مايبقاش عاس قدام بابي
سارة: باباك هنا؟؟ فوقاش جا ؟
عشق: شي ساعتاين هكك
سارة:(مشات كطير للحمام قضات حاجتها و غسلات وجهها و رجعات كتجري حلاتلو الباب مع تحل و كان متكي عليه طاح فالارض) نيار
نيار:(ناض عندها) جيت
سارة:(ابتاسمات ) شفتك
نيار: مادانيش نعاس و نتي بعيدة
سارة:(هزات كتافها بدلع) نتا جريتي علينا
نيار:(شدها من كتافها) مادرتهاش كنت معصب (جبدها عندو باسها) يالاه نرجعو للدار
سارة: منقدرش
نيار: جيت نرجع نتي و نزار و عشق
سارة: عشق ماتبغيش ترجع ولكن اجي هضر معاها (جراتو و سدات الباب)
نزار: سلام (كيخشي فوجهو)
عشق: (قلبات فعينيها) خديت هاد البرطمة غير باش نعيش فلكالم
نيار: عشق سمعيني يالاه ترجعي معانا
عشق: (حطات يديها على راسها) سيرو نتوما للدار و انا انمشي للخدمة و نهضرو من بعد
سارة: اترجعي
عشق: مكنواعدكش ولكن ممكن
نيار:(رتاح نسبيا) واخا نخليوك على راحتك(شاف ف سارة) مشينا ؟
سارة: واخا (شافت فنزار) زيد
نزار: لا انبقا مع عشق
عشق: نوض قود من حدااااايا رجع لداركم
نيار: بدينا تاني (مشا هزو من الفرقادة) زيد
عشق: تشااااو (لوحات ليهم بيديها و مشاو)
….فمركز المخابرات كان كولشي خدام و مركز فوراقو حتى دخل جسور و حبسو الخدمة كيشوفو فيه متوترين خايفين يكون بحال عشق لي قاطعاها فيهم...النظرات كانت مخلطة ب اعجاب من طرف الفتيات تخنزيرة ديالو و تبوديرة و زين ديالو خلاهم حالين فمهم فيه اما دراري كانو كيشوفو فيه باستهزاء و حسد حيت عارفينو حسن منهم اما هو ماعبرهمش و زاد من طريق تلاقا بقصي
قصي: ولدي مرحبا بيك فنهار لول فخدمتك
جسور:شكرا
قصي: اجي نعرفك على لي خدامين هنا
جسور: بلاش خلي مع الوقت ايعرفوني
قصي: لي بغيتي (أشار ليه بيديه) المكتب ديالك لهيه قدام مكتب عشق
ابتاسملو و زاد للبيرو ديالو وقف قدام الباب و حبس كيشوف فيه ...ضار و رجع كيشوف ف باب البيرو ديال عشق و فضولو خلاه يحلو و يدخل مع دخلة ضرباتو ريحتها لي غمض عينيه على اثرها كيستنشقها و دخل سد الباب كيشوف كيفاش طاغي عليها لون الاسود و منظمة كل حاجا بلاصتها منظمة ...زاد بخطواتو كيقلب على شيحاجا تماك مختلفة و تعاونو باش احقق هدفو ولكن مالقا والو و جلس على كرسيها مطلع راسو لفوق و غمض عينيه ماحسش بنفسو حتى غفااا ….دخلات حتى هي للمركز ضاربة شورط كيبين فخادها و شوية من ترمتها و قميجة معرية على الكرش و محلولين صدايفها لفوقانيين كيبان نص صدرها و جامعة شعرها كوتشوفال و كما العادة ضاربة ماكياج خصوصا عكر حمر اراك من بعيد و طالون من لفوق غير دخلات تقلبو الادوار عند دراري و لبنات ههه و حتى هي كاع ماتسوقات ليهم غير خنزرات فهمو راسهم و رجعو لخدمتهم عارفينها الى بدأت كتغوت مكتسكتش...توجهات للبيرو ديالها حلاتو و دخلات و عاد نتابهات لجسور لي جالس فكرسيها قلبات عينيها بغضب و سدات لباب و توجهات عندو قربات ليه كتشوف و تدقق فتقاسيم وجهو حتى و هو ناعس محافظ على تغوبيشتو...ابتاسمات كتفكر فشي حاجا ديرهالو و ترحب بيه بطريقتها و جلسات على ركابيه هو منين جلسات فاق
عشق: (حطات يديها على صدرو و مقربة منو) مرحبا بيك
جسور:(تجمد عن الحركة و بقا مصدوم فعينيها كيفاش غفا حتى حصلاتو حس بالاحراج) احم ديزولي (بغا ينوض و ماخلاتوش)
جسور:(كيطلع فيها و يهبط و كيحس بيها مقربة ليه بزاف تزير) نوووضي من فوقي
عشق:(قربات ليه كثر كتحاك معاه) لا عاجبني لحال
جسور:(حط يديه على جنابها كيضربها بسمها) حتى انا بدا كيعجبني لحال
عشق: ههه بصح؟ (بقات مطلعة يديها مع عنقو حتى حس بالفردي فوق راسو و بدلات نظرتها لكره) هاد لمرة انخليك تنوض تقود من لبيرو ديالي مرة اخرى نشوفك فيه نشتت لزاملبوك عقلك
جسور:(ضربلها يدها لي شادة لفردي بزربة و هزها زدحها على لبيرو و عصر ليها فكها بيديه) مرة اخرى بهاد اللغة ديال لقحاب غادي نشتت لقحبة موك لعضام شبانليك
عشق:(كتحاول تفك و مزيرها) غاااااادي ندمك
جسور:(قرب منها كيتغدد عليها) ياااالاه بدينا اللعب و انشوفو شكون يندم لاخر من ليوم اعشق اتبدل شحال من حاجا (بعد منها مخليها مبلوكية فوق البيرو و كيخنزر فيها ) و غادي نبداو من هاد لباس ديال لقحاب كون جيتي معرية حسن
خرجات دغيا قبل ماتزيد تعصبها و جبدات تيليفونها كتصوني على بنتها هبة لي مابغاتش تهضر معاها من لبارح كتصيفطلها ليميساج او والو..هبة كانت فلكلينيك منفخة و ماعاجبها حال ضرها خاطرها منين ماجاش باها للحفلة و هاد صباح مابغاتش تكلمو غير باش توصل ليه بلي مقلقة
هارون: بنتي سمعيني
هبة: مابغيتش ندوي معاك
هارون: ماكانش صالح ليا نجي تلهيت مع الخدمة
هبة: ماتكدبش عليا انا عارفة ماما لي قالتلك ماتجيش
هارون: لا ماماك ماعندها حتى ذنب
هبة:(ضارت عندو) لا عندها مافهمتش علاش كدافع عليها واخا كتفرق بيناتنا
هارون : حيت هاديك ماماك كتبغيك و كتخاف عليك و عارفة مصلاحتي
هبة: مصلاحتي ماشي هي تبعدني عليك (شداتلو فيدو) بغيت نعيش معاك يكفي الحرمان لي تحرمت منك
هارون: ميمكنش ماماك اتسطا الى بعدتي عليها
هبة:(طلقات من يدو) قول نتا لي ماباغينيش
هارون: نتي راك روحي و نسمح فأي حاجا على ودك عمرك تقولي هاكا
هبة:(طاحت دمعة من عينيها ) و علاش سمحتي فيا منين كنت صغيرة علاش طلقتي نتا و ماما
هارون: ماشي لخاطري عمرني كنت كنتخيل انتفارق انا و أماني ولكن هاديك كانت الرغبة ديالها
هبة: علاااش
هارون: امكن حيت انا وياها متناقضين انا كنشرق و هي كتغرب بجوجنا تلهينا فلخدمة و نسينا حياتنا الزوجية خاصة انها كانت كتحاول طبق كلمتها و ممنوع طيح للأرض و انا كنبقا راجل مانسمحش بهادشي و طلقنا
هبة: و ماتقدروش ترجعو؟
هارون: تهرسو بزاف دلحاجات لي موحال يتصلحو ولكن عرفتي شنو هي الحاجا الزوينة لي ربحنا (شد حناكها بين يديه) نتي اجمل حاجا فهاد دنيا
هبة: (عنقاتو) كنبغيك يا احسن اب فدنيا
هارون: حتى انا كنبغيك
هبة: و درت الطب على قبلك باش نبقا قريبة ليك
هارون: هه عارف و انبقاو قراب ديما
...تدق باب الغرفة لي كانو فيها و ضارو كيشوفو فيه بجوج
صخر: السلام عليكم بغيت نشوف الدكتورة هبة
هارون: وي (غمز بنتو و خرج)
هبة:(تقابلات مع صخر) وي شنو حب الخاطر
صخر: جيت نشوف كيف بقيتي من داكشي لي وقع لبارح
هبة: مزيان ولفنا دوك المشاهد
صخر: اوبليجي عليك تولفيهم
هبة: و علاش
صخر: حيت وليتي كتعرفيني دابا
هبة: و شنو اتفيدني معرفتك
صخر: بزااف اتفيدك (ميل راسو فيها) تخرجي معايا؟
هبة: انا؟
صخر: لا مع داك سرجم بطبيعة الحال معاك شنو بانلك نتغداو ليوم
هبة: عندي هاد نهار عامر بالخدمة
صخر: اوك مكاين مشكل
هبة: ولكن تقدر تلقاني فداركم
صخر: دارنا؟ علاه
هبة: بغيت نشكر باباك على لبارح دار معايا جيست زوين
صخر:(خنز فيها) شنو دار؟
هبة: عطاني نصائح و صاف
صخر: امم بلا ماتمشي لدارنا و بلا متشوفيه بعدي عليه قدر المستطاع
هبة: علااش؟
صخر: ماغاديش نشرح ليك بعدي منو و صافي (ابتاسم بزز) و انا اندوز عندك هاد لعشية باش نتغداو(ماعطاهاش مجال فين تهضر و خرج معصب شوية شيحاجا مازاكياش خصو يعرفها)
نرجعو للجزائر فين كاين بطلنا شهاب واقف قدام لبحر كيشوف لبعيد و يخمم منين عيطلو صاحبو و قالو بغيت نشوفك مارتاحش لنبرة صوتو ولكن مابقاش كيهمو لي بغات توقع توقع الاهم عندو مايكونش كيدير شي حاجا خايبة ...شاف من موراه منين حس بطوموبيل صاحبو وصلات و تعكد كيتسناه حتى خرج كان رجل في الثلاثين زعر عينيه عسليين و طويل و صحتو خادم عليها ابتاسم لشهاب و تسالمو سلام رجولي بحفاوة حيت شحال هادي ماتلاقاو
كمال: فين اشريكي مابقينا لقيناك
شهاب: هاذي حوال دنيا كيف راك نتا مليح
كمال: الحمد لله بيخير هاحنا مع دنيا و مشاكيلها
شهاب: و كيف حوال المغرب
كمال: المغرب هو المغرب حتى حاجا ماتبدلات حنا لي كنتبدلو
شهاب: حكيت معاك و نبهتك تخرج من هدذيك الخدمة
كمال: هاديك الخدمة هي لي جابتني نهضر معاك
شهاب: واش راه صاري؟
كمال: خطفولي بنتي حيت قلتلهم انخرج
شهاب:(ضارت بيه دنيا حس بنفس الاحساس نهار خطفوليه ولدو و قتلوه و رجعات حياتو جحيم) يحبو يعبزووو عليك بحال ما صرالي
كمال:(حاط يديه على راسو) عااارف و خايف على بنتي و ندير اي حاجا باش ترجعلي و فنفس الوقت ماباغيش نرجع معاهم
شهاب: (مسح يديه على وجهو) واش نعملو؟
كمال: عاوني نلقاااها نتا الوحيد لي تقدر تعاوني
شهاب: ماتحاولش طلب مني نرجع للمافيا حيت راني ماراجعش
كمال: هوما ماشي خطفولي بنتي غير حيت مابغيتش نخدم معاهم ولكن حيت عارفين انا صاحبك و بغاو يرجعوك معاهم
كمال: كاينة بنت فروسيا كيعيطولها ديابلا أي قضية كتجيها فيدها كتحلها
شهاب: و شنو باقي كنتسناو رواح نمشيو
كمال: خايف يسيقو لخبار و يقتلوها و زيد عليها المخابرات الى عرفونا من المافيا يقدرو يحبسونا
شهاب: ناخدو ريسك حياة بنتك اهم
كمال: تمشي معايا؟
شهاب: نمشي معاك
….…. فالمركز كانو مجموعين كلهم كيتسناو نيار يجي باش يبدا الاجتماع و حتى واحد ماعارف شنو كاين و جاهم لفضول حيت مامولفينش هاد الاجتماعات يتعقدو بهاد الطريقة...صخر و جسور كانو واقفين بوحدهم و أماني و عشق واقفين فقنت بوحدهم هاد الأخيرة لي كانت كتخنزر فجسور و حتى هو كيبادلها دوك النظرات قاطعهم نيار لي دخل هو و قصي
نيار: سلام عقدت هاد الاجتماع باش نعلمكم بخبر طارئ و لي عارفو غادي يجيكم فشكل ولكن شفت بلي هادا انسب قرار ليكم و ليا (سكت شوية و كمل) هاد الخدمة خدات مني بزاف ديال الوقت و الجهد و الاهتمام و جا الوقت فين نخليها مما كيعني أيتنصب واحد آخر بلاصتي
صخر:(همس لجسور) واش هادشي ممكن ؟
جسور: سمعت بلي شحال من واحد دارها
صخر: و شكون اينصب فنظرك؟
جسور: و شكون من غيرها ديك شيطانة(كيخنزر فيها)
صخر: ناري اتولي تحكم فينا انحط استقالتي من دابا
أماني:(حطات يديها على كتف عشق ) مبروك مسبقا
عشق: هه و اخيرا
أماني: شحال و نتي كتسناي هاد نهار و غادي تولي بالمرتبة ديالي انا و قصي
عشق: (تنهدات) ههه و ايعرفو شيوحدين قيمتهم لحقيقية (كتخنزر ف جسور و هي كضحك)
نيار: عارف بلي شحال من واحد هنا ماعجبوش قراري كيما كان الحال ولفتوني او ولفتكم
قصي:(قرب من نيار) نيار واخا تصبر شوية حتى نتناقشو فهاد الموضوع
نيار: لا اقصي خديت قرار و لي غادي يجي فبلاصتي و يستاهل يكون من القادة لكبار فالمخبرات الروسية راه عارف راسو و انجازاتو سابقينو بغيتكم تستقبلو القائد الاعلى ديالكم (شاف ف جسور) جسور بناني
صدمة ثلاثية الأبعاد لكل واحد كان فداك المركز لحظة صمت سادت فهاد اللحظة كيستوعبو الهضرة ديال نيار أولهم عشق لي وذنيها بداو كيصفرو بالاعصاب و تعابير وجهها تمحاو صدرها كيطلع وينزل و شداتها الرجفة و هي كتشوف ف نيار ...أما جسور مافاق من الصدمة حتى بدأ صخر كيعنقو و هادوك لي تما كيعطيوه التحية و كيباركو ليه ...توجه نيار عندو و ربت على كتفو
نيار: مبروك عليك أنا متأكد اتكون قد المسؤولية (عطاه الشارة ديالو) جنرال فالمخابرات الروسية جسور بناني
جسور:(ابتاسم ليه و هو مخنوق) عمي نيار ماشي زربتي بهاد القرار
نيار: مازربتش درت زينة لعقل
قصي:(قرب من جسور عنقو) مبروك عليك كنفتاخر بيك و متيقن اترفعلي راسي لفوق
جسور: إن شاء الله انكون عند حسن الظن ديالك
عشق:(قربات منو مبتاسمة منبعد ما جمعات قوتها و عطاتو التحية و مدات يديها ليه) جنرال جسور مبروك
جسور:(مدلها يدو و كيحقق فعينيها ) شكرا
حيدات يديها من يدو و ضارت بغات تمشي و تبعها نيار أما اماني قربات من جسور عنقاتو و هضرات بشوية فوذنيه
أماني: ميغركش منظرها الهادئ رد بالك منها فاش اتلقا الفرصة فين تهنى منك راه ماغاديش تفلتها (شافت فيه) مبروك عليك هه
جسور بقا كيمخمخ ديك الهضرة فدماغو و كيسلم على ناس لي كيباركو ليه و عينيه متبعين عشق و نيار لي تابعها من لور حتى وقفها
نيار: عشق مابغيتكش تاخدي هاد الامر بحساسية
عشق:(شافت فيه بتعابير ممحية) عادي
نيار:(كيشوف الحزن فعينيها) درت هادشي لمصلاحة لبلاد و لمصلاحتك
عشق:مصلاحتي مكتفكرش فيها ولكن واش أنا مكنفكرش لمصلاحة لبلاد؟
نيار: أعمالك الغير مشروعة خلاتني نبعدك على هاد لمنصب
عشق: أشمن اعمال غير مشروعة؟
نيار: أنا ماناعسش على وذني عارفك كتعاملي مع مافيوزيين
عشق:(هبطات راسها كضحك) دوك المافيوزيين نهار حتاجوني وقفت معاهم باش نحل ليهم القضايا ديالهم و كان كل واحد كنعاونو فيهم كيوصلني لراس لخيط فأي مهمة كولشي كان بالقانون و كولشي مشروع و الى كان القانون كيمنع نرجعو الحق للرجال لي كيخدمو فالمافيا إذن داك المنصب يستاهلو جسور مكنستاهلوش انا
زادت و خلاتو تماك واقف كيفكر هو ماشي خايب و ماشي كينتاقم منها ولكن بهاد القرار لي تاخد كتأمل منها تراجع نفسها لكن من جهة أخرى بقرارو هادا زاد كفسها كثر ماهي مكفسة و دابا موحال ترجع للقصر ….أما هي غادية بسرعة كبيرة فطريق كتشوف قدامها صورة باها و هو كينصب جسور الغضب عما ليها عينيها و على شوية كانت ادير كسيدة كون مافراناتش و بقات كضرب فالفولون و حاطة راسها عليه كتنهج… بعد دقائق هزات راسها كتشوف قدامها بحقد و سمعات رنين هاتفها شافت شكون كيصوني و جاوبات
عشق: شنو كاين؟
نزار: عاودو صافطوليا تهديد بسبب السلف لي خديت
عشق: (حطات يدها على راسها) نسيت داك الموضوع صافي قطع انا نفاريها ليوم (قطعات عليه و بدأت كتقلب فتيليفونها على العنوان لي عطاها الحنش قلبات عليه كان بار بقات كتشوف فيه فالتصاور) حتى هادا بلان هاد ليلة نسهر تماك و نفرتك زمر (رجعات ابتسامتها الشريرة على محياها و ضربات دورة للشقة ديالها)
…..حتى هبة خرجات من خدمتها بكري استاقلات سيارتها و توجهات لدار صخر من بعد ما عرفات عنوانهم و رغم أن صخر حذرها ولكن حسن نيتها و قلبها لحنين ماطاوعوهاش تجلس بلا ماتشكر محسن...مسافة ديال طريق وصلات للدار...دخلات و رحبات بيها لخدامة و طلعات تعيط ل محسن هاد الاخير لي نزل غير عرف بلي هبة جات و استقبلها بابتسامة
محسن: مفاجأة زوينة هادي مرحبا بيك
هبة: هه شكرا
محسن: تفضلي جلسي
هبة: (جلسات فوق الفوتوي و جلس حداها) كنتمنى منكونش سببت ليك ازعاج
محسن : بالعكس افضل حاجا درتيها هي جيتي (كيطلعها و يهبطها)
هبة: بغيت نشكرك على ليلة لبارح هضرتك هدناتني
محسن: (شدلها فيديها) ماتشكرينيش هادا واجب عليا اي واحد احتاج المساعدة كنقدمها ليه
هبة: قلبك كبير بزاف و انا متأكدة كولشي عارف هادشي
محسن: بابي مفتوح ليك فوقما بغيتي تجي و تخوي قلبك عليا و كنعاودها حسبيني صديقك او اي واحد كترتاحي ليه
هبة: (تنهدات) عرفتي عندي شحال من حاجا نعاودها و ماكنلقا لمن نتا ديجا عارف ماما و بابا مطلقين
محسن: عارف و هادشي ماخصوش يأثر عليك و يرجعك ضعيفة
هبة: لا انا ماضعيفاش ولكن تفكيري مشتت
محسن: حافظي على تركيزك كاينين بزاف ديال ذياب كيتسناو الفرصة باش ادخلو بكلمات الحب لعندك و فتالي كيصدقو غدارين هاد ولاد ليوم غير كيتفلاو و نتي (زاد قرب منها كيشوفلها فعينيها) خصك شيواحد يعرف قيمتك و يعيشك افضل عيشة
صخر:(داخل كينهج مع الباب فاش مشا لكلينيك ياخد هبة يتغداو قالولو خرجات و طاحليه فبالو انها اتكون مشات لدارهم و لي خاف منو وقع كيشوف قرب باه منها و عينيه لي كيبشرو بالشر زادو عصبوه و غوت بأعلى صوتو بسميتها ) هباااااا ….
هبة:(قفزات من بلاصتها كتشوف فيه و ناضت ) صخر
محسن:(داير تعابير كره من مجيئ ولدو و ناض حتى هو) جيتي خليني نعرفك على هبة
صخر:(كيخنزر فباه و مشا شد هبة من يدها جرها لبرا و هي كتعكل) قلتلك ماتجيش لهنا
هبة: اي غير بشوية مالك معصب
صخر: حيت مكتسمعييييش الهضرة
هبة: و علاش خصني نسمع هضرتك؟ مفهمتش
صخر: النصيحة مكتقتل مكتحيي نتي ماعارفة والو لا عليا لا على الوليد خليك بعيدة
هبة: اوك شكرا (بغات تمشي و رجعها عندو كيتحكم فغضبو)
صخر: عارفك بنت ناس و ماشي ديال تفلية (كيأكد عليها) انا نصحتك و هضرت بالهداوة مرة أخرى اهبة مانشوفكش معاه حيت ماغاديش نتحكم فراسي (حل ليها باب طوموبيلتها) سيري دابا لدار (بقات كتشوف فيه شوية و طلعات لطوموبيلتها و زادت بحالها كتحلل و تناقش مع راسها و هو دخل للدار ساخط لقا باه جالس كيما كان) اتبعد على ديك البنت ولا ميعجبك حال
محسن:(ناض عندو كيضحك) مكنتش معمر بيها راسي ولكن دابا منين عرفتها كتعجبك غادي تولي الهدف ديالي
صخر:(شدو من لكول) نتا أب ؟؟ هممم دوي واش كتعتابر راسك أب؟ حيت انا عمرني انعتابرك بابا و خسرتي بلاصتك عندي و ماغادي ندير بوجه حتى حاجا الى قربتي لهبة
محسن: هههه انشوفو شنو دير مال قلبك حنين هاديك بحال خوتها غير قحبة
صخر: لي عايش فلوسخ كيحسابلو كولشي موسخ بحالو(نفضو و خرج من دار راسو ايطرطق الاعصاب و دابا منين عرف بلي باه حاط عينو على هبة كيزيد اشعل و خصو يحميها منو )
….جالسة ديابلا فوق لكرسي كتحرك فيديها موس و افكار تجيبها و افكار تديها...دخل عندها ارتورو حاط على وجهو علامة استفهام ماجا فين يسولها حتى سبقاتو نطقات
عشق: بصح داكشي لي سمعتي
أرتورو: هادي ماخدمة ما حتى لعبة برجووولة
عشق: المنصب لي كنت كنحلم بيه تبخر بحال كاع الاحلام
أرتورو: أبدا داك المنصب ماغاديش يبقا لجسور
عشق: خليه يفرح بيه شوية علاما ناخد روحو بيدي(ناضت ) ههههههه راسي اينفاااااجر شنوووو لي ماعنديش و عندو حتى يختارو
أرتورو: باباك بغا يعصبك و يعاقبك
عشق: لا لا بتصرفو هادا غادي يخرج مني الاسوء عمرهم يحلمو نطيييح للأرض (جمعات قبضتها و ضربات بيها الحيط)
أرتورو: بغيت نعرف شنو كيضور ليك فراسك
عشق:(شافت فيه بنظرة مخيفة) كنفكر بأشمن طريقة أنحيد جسور من قدامي علما انه ماشي شخص لي ساهل و ضعيف كيما كان كيحسابلي واااش نربي عليه لباطل ولا نحرقو حي و لا نغرس ظفاااااااري فصدرو و نجبد قلبو (كتنهج) ماغاديش نتحمل يحكم فيا و يعطيني الاوامر خصوصا علن عليا الحرب
أرتورو: أنا تحت أمرك طلبي و تمناي و انا نفذ
عشق: لا هادي الحرب ديالي و انا أنساليها يمكن هو ربح جولة ولكن اللعبة باقا فالبداية (ابتاسمات بخبث و نظراتها كتخرج منهم شرارة الشر) ماشي الديابلا لي كتخسر
….فالقصر كانت زاهية الفرحة ديال شيماء بخبر تنصيب ولدها جسور مكتصورش و كولشي العائلة باركاتلو و فرحو معاه ولكن هو ضحكة و الفرحة ماطلعوش ليه فاش كتجي صورتها قدامو مامرتاحش ابدا لهادشي و ماشي غير هو حتى سارة مامرتاحاش و طلعات لبيتها حس بها نيار و تبعها
قصي: شنو احساسك؟
جسور: مانقدرش نوصل كولشي مخلط
قصي: حتى انا بحالك كنظن نيار زرب
جسور: شنو هلاك تقول هاكا
قصي: مابغيتكش نتا و عشق توليو اعداء انا خدمت معاها و عارفها تستاهل حتى هي هاد المنصب و ياريت نيار كون عطاه ليها حيت بغيت انا لي نعطيك المنصب ديالي بغيت نحس بلي قدمتليك شيحاجا
جسور: قدمتيلي بزاف و كنشكرك على كولشي علمتيني نكون راجل و نعول على راسي نتا افضل أب فالدنيا كاملها و كنفتاخر حيت عندي اب بحالك
قصي:(عنقو) انا لي كنفتاخر بيك و كنشوف راسي فيك ولكن بغيتك تحضي مع عشق
جسور: عشق ماغادي دير والو بسيف عليها تسمع هضرتي و دير بيها
قصي: و هنا المشكل عشق مكانتش كتسمع حتى لباها و موحال تسمع ليك
جسور: أنا عارف نتعامل معاها ماتهزش لهم
قصي: الله اوفقك فخدمتك
جسور: امين
شيماء:(جات لعندهم ) فاش كيهضر الاب او ولدو ههه
قصي:(ضمها ليه) هضرة على لخدمة
شيماء: اممم خليو بلاصة ديال لخدمة لهيه دابا وقت العائلة ههه و خصنا نحتافلو بهاد الخبر زوين
جسور: أنا درت مع صخر نخرجو مايصلاحش نبقا معاكم
قصي: سير و ستمتع بوقتك
جسور:(بعد عليهم و صونا لصخر) فينك اصاحبي ماقلتيش ليا فين انخرجو هاد ليل
صخر: أي بلاصة المهم نخرجو
جسور: اوك هاد ليلة نخرج و منبعد نقررو فين نمشيو
صخر: اوك (قطع عليه)
شفق:(قربات من جسور و بصوت حنين و هادئ و حشمانة من حوايجها نطقات) مبروك عليك
جسور:(ضار عندها و ابتاسم) شكرا ليك
شفق: العفو انا لي لازم نشكرك على كولشي
جسور: عادي مابيناتناش (لاحظ توترها و احمرار وجنتيها و سهى فيها ماشي حيت عجباتو ولكن كيشوف لفرق بينها و بين عشق لي مكتحشمش و مكيطيحش عليها السر بحال شفق) بغيت نعرف شنو كديري فحياتك
شفق:(طلعات فيه عينيها كيبريو) انا كاتبة غادي نعطيك روايتي و قراها و كنتمنى تعجبك
جسور: اتعجبني حيت لي كتباتها زوينة و بعقلها
شفق:(زاد وترها و هي تستأذن منو) واخا حتى نجيبهالك نخليك دابا ( و مشات بعدات عليه طلعات لبيتها قلبها كيدردك و ماعارفاش علاش )
….فبيتهم كانو جالسين كيتناقشو و كل واحد كيحاول يثبت وجهة نظرو
سارة:(ناضت زعفانة) شي مرات كتعامل مع عشق بحال الى ماشي بنتك هادشي حشومة انيار
نيار: تيريزا انا كنفرق بين الخدمة و العائلة بلاصة الخدمة خدمة و بلاصة العائلة عائلة ميمكنش نعطيها داك المنصب و هي باقا طايشة غضبها كيتحكم بيها شوفي نهار خطوبة شفق شنو دارت
سارة: و نضتي نتا كتعاقبها
نيار: هادي اقل حاجا نديرها باش نرجعلها عقلها و كنتيق فجسور خويتلو الساحة باش يتصرف معاها
سارة:(عمرو عينيها بدموع) و الى مشات للأبد و مابقاتش بغاتنا شوف غير دابا موحال ترجع للقصر
نيار: (مالقاش جواب تخربق حتى هو) اذن انطلب من سيدي ربي يهديها
نيار: أنا كنبغيك كثر و كون ماديتكش نهبل (حط راسو على راسها)
سارة: هههه الله إخليك ليا و مايحرمنيش منك ….
….وصل ليل و هي كانت كتسنا يظلام الحال باش تخرج...دخلات للدوش دوشات و خرجات قادات شعرها بوكلي و لبسات كسوة مزيرة عليها بلا يدين دايزة من جيهت صدر لي كان نصو كيبان و طويلة حتى لركبة و مفتوحة من لور دارت ماكياج ثقيل و هزات صاكها و دخلات للمصعد باش تنزل للتحت...شوية وصلات للطبقة الثانية و تحل المصعد و تقابلات مع جسور لي من شكلو عرفاتو خارج حتى هو ...طرطق عينيه فيها و جمالها كانت كتبانليه فشكل مهدنة...دخل معاها للمصعد و جا قدامها عاطيها بظهر و ريحتها كتوصل لعندو اما هي كتسكانيه من لور من لفوق للتحت ماحملاتوش و ماكرهاتش تقتلو هنا نيت و تهنا….حسات براسها تعطلات و المصعد ماوصلش للتحت شوية طفا ضو ووقف ليهم فالنص
جسور: طفا ضو
عشق:(بلعات ريقها و ضمات درعانها) ماعمرها وقعات
جسور:(ضار عندها و زاد كيتمعن فشوفتها مايكدبش طلعات بومباااا كتحمق) فين خارجة؟
عشق:(شافت فيه بمعنى منيتك) و فين خارج نتا؟
جسور: ماشي شغلك
عشق: قولها لراسك
جسور:(تسند على لحيط كيشوف فيها بشر تخنزيرات بغا ياكلها) واش انبقاو هنا ؟
عشق: لاش كتسولني بحال الى عاجباني الجلسة معاك
جسور: أنا عاجباني بعدا (ربع يدو) هاني كنتمنظر فيك كيما اتخرجي و يتمنظرو فيك رجال
عشق: هه (ماجاوباتوش و بقات كتحرك بلاصتها و هي متوترة تخنقات من داك الوضع و جمدات بلاصتها كتشوف فالارض و بدأت كتفكر شيحاجا من الماضي فاش كانت صغيرة )
محسن: عشق يالاه ناخدك لواحد لبيت فيه الالعاب
عشق: لا انا بغيت نلعب مع شفق
محسن: نلعبو انا وياك (جرها من يدها ) يالاه
طلقات من يدو و مشات كتجري لواحد لبيت تخبعات فواحد البلاكار و جمدات تماك كتشوف الظل ديالو و كتسمع خطاويه و دموعها دموع طفلة بريئة كيطيحو و شادة على فمها باش ماتغوتش حتى مشا...فاقت من سهوتها و شهقات فاش شد فيها جسور
جسور: كنهضر معاك فين سهيتي (كيشوفها كترجف)
عشق: (ماجاوباتوش و رجعات كتمشى فبلاصتها) واش باقي مانخرجووو؟
جسور:(قرب منها و حاوط خصرها و كيشتت تركيزها) تنفسي تنفسي
عشق:(كطلع نفس بزز و كتشوف ف عينيه) ماقاداش
جسور: تفكري شيحوايج اخرين
عشق: بحال مكنحملكش؟
جسور: اه عارف مكتحملينيش
عشق: بحالك
جسور: مكنكرهكش
عشق: ولكن انا اه و بلا متحلم نفذ أوامرك منين وليتي جنرال
جسور: نقدر ندوز لشي حاجات اخرى الى ماسمعتيليش
عشق:(كترجع فيها نفس) بحالاش
جسور: (مركز مع شفايفها و هي كتهضر) اي حاجا
عشق: (تعلات شوية عندو مقربة من فمو و نفسو كضرب فوجهها ) بغيت نعرف
جسور:(سمع المصعد تحل و ضحك معاها) تحل المصعد هه (حيد يدو من خصرها و خرج خلاها واقفة تماك كتستوعب شنو جرا ...ماعطاتش للموضوع اهمية و خرجات من موراه يالاه بغات تركب طوموبيلتها و شافت رويضة مفشوشة و غمضات عينيها بعصبية )
جسور:(شافها و شاف ف رويضة و توجه عندها) تبغي نوصلك
عشق: لا بلاش انعيط ل أرتورو يجي يديني
جسور: وي عيطي للكلب ديالك (مشا حالف مايرجع عندها و ركب طوموبيلتو حتى بغا يزيد و شاف شي دراري وقفو عليها بطوموبيل كيضسرو عليها و هي مامسوقاش كتخربق فتيلفونها ماعجبوش ديكور و نزل عندها ) تحركي نوصلك
عشق: قلتلك لا
جسور: (كيشوف ف دوك لبراهش و جبد لفردي وجهو ليهم) اتحركو ولا ميعجبكم حال (شافو لفردي و خافو و كسيراو)
عشق: واش حماقيتي
جسور:زيدي نوصلك أرتورو ايتعطل عليك ولا عاجبك تبقاي هكا فالشارع و لي داز يتمنظر داكشي لي بغيتي (كيشوف ف صدرها) عطيتيهم فاش يتفرجو
عشق: الى كانت عندك مشكلة مع لباسي عاودها لمخك (ضارت عطاتو بظهر)
جبدها عندو بزربة تزدحات معاه و كالات يدها على دراعو اما هو عض شفايفو بعصبية و كيشوف فيها شوفات كون كانو قرطاس كون تخشاو فيها نظراتو ليها معصبين و نظراتها ليه جامدين و غير مباليين و كتزيد تستافزو بالبرود ديالها... زعزعها بصوتو واخا مابيناتش
جسور: تحركييييي قداااامي ...
عشق: (بعدات منو شوية و زادت لطوموبيلتو) اوا يالاه
جسور:( توجه لطوموبيلتو ركب و ركبات حداه و زاد) فين
عشق: بار موتشو
جسور: موتشو؟ المجرم لي هرب و عندو تحالف مع أمريكا ضد روسيا
عشق: تماما
جسور: علاش اتمشي للبار ديالو
عشق: بغيت نزها
جسور: و مابين لبيران كاملهم بانلك هاداك
عشق: أنا و عقلي و شنو قالي
جسور: اوك (سكت ولكن حس بيها ماماشياش تماك غير هكك...جبد تيليفونو و صونا لصخر) لحقني لبار موتشو (قطع)
عشق: شنو ادير فبار موتشو
جسور: بغيت نزها حتى انا
قلبات وجهها لسرجم كتبتاسم بانتصار داكشي لي خططاتلو من صباح صدق ليها….كانت هادي كاملها خطتها... اتمشي تفضي حسابها مع موتشو و تعطيه فلوسو لي كيسال لنزار لكن فكرات تفكير اخر عرفات بلي جسور ايخرج هاد ليلة و تلاقاتو ف المصعد خدات معاه محادثة غامضة إنما مكانش فبالها غادي يتقطع ضو و يحبس المصعد تصرفات دغيا و تحكمات فراسها باش مايغلطش و سحر جمالها خدم معاها...منين خرجو كانت عارفة بلي اتلقا طوموبيلتها مفشوشالها رويضة و حتى من دوك لبراهش لي كانو كيضسرو عليها هي لي جابتهم...لعباتها مزيان و هاهي جرات جسور للملعب ديالها باش اشوف خدمتها كيف دايرة و يحطو النقط على الحروف ...وصلو و خرجات بلا ماتسناه دخلات للبار و جلسات بعيد خدات كأس نبيذ احمر و بقات كتفرج ف ناس كيشطحو و كتمايل مع الموسيقى و كيجيو عندها دراري و تصدرهم….أما جسور دخل حتى هو و جلس فبلاصة بعيدة مراقبها ماهي الى دقائق لحق عليه صخر
صخر: (سلم عليه) افين ماجبتيش نزار
جسور:(مامحيدش عشق من عينيه) لا
صخر:(شافو لفين كيشوف) و جبتي عشق معاك
جسور: هي لي جابتني و مامتيقش بلي جات تنشط و صاف
صخر: مقودة مع راسها شوفلك كيف كتصدر دراري
جسور: شوف كيفاش كتشرب شراب بحال الما (زاد حل عينيه منين شافها جبدات كارو كتكمي) لا صاف كملات
صخر: و مالك نتا؟ تكمي و لا تشرب ماشي شغلك
جسور: راها بنت العائلة أضربني النفس عليها
صخر: ماتقدرش تبدل شي حاجات كانو من شحال هادي
جسور: نقدر نقادهم خصني غير الفرصة (متوجه عندها)
عشق:(كانت حاسة بيه كيشوف فيها و عاطيالو فاش يتفرج و عارفاه قاصدها) شنو اخر(ضارت عندو)
جسور:(حيدلها لكارو من يدها و رماه فكاس شراب) زيدي نوصلك للدار حسن
عشق: هادي نص ساعة باش وصلت لهنا راه جيت باش نفوج ماشي نرجع للدار
عشق: خص نبين لداك الزامل بلي أنا واعرة عليه (ناضت ) بقا هنا اي جديد ايوصلك (مشات لاكاب )
...بقات غادية فرواق طويل و ليكارد واقفين واحد مقابل مع واحد و بيناتهم شبر...ماوقفوهاش حتى هي حيت تعطاو ليهم تعليمات….كتبختر فمشيتها و ملامح وجهها هادئة وازنة شنو كدير و حتى من افكارها مرتبين…. هبطات فدروج و صوت الموسيقى بدا كيخفاف وصلات و وقفات قدام باب سرعان ماتحل قدامها و دخلات كتشوف رجال العصابة مجموعين على طبلة مضورة متقوبة من لوسط و كيحسبو فلوسهم و كيتبادلو المخدرات….ابتاسمات فاش ناضو موجهين ليها الأسلحة فوجهها و علامات الخوف ظاهرين عليهم ...هبطو سلاح منين سمعو صوت ضحكات موتشو كان شخص رقيق شعرو شايب و عامر وشامات سنانو مرجعهم بالذهب و داير نضاضر كوحل و شاد سيجار فيدو و لابس ملابس رسمية بيضاء …
موتشو:(شاف ف احد رجالو جابلو رزمة دلفلوس و رماها قدامها) شنو مصلاحتك؟
عشق:(هزات رزمة ديال لفلوس و كتحسب فيها) هاد لفلوس مزورين
موتشو: كيييفاش (شاف فأحد الرجال سميتو راموس)
راموس: ( بدا كيعرق و يضور فعينيه و نطق ) كتكدب علييييك ماغاديش نغدرك و نزور لفلوس
عشق: الى كانت شيحاجا كنقلعها من الشوفة واش مزورة ولا لا فهي الفلوس و الكوكايين (رماتلو الرزمة قدامو) عبر ورقة منهم مايكونوش واصلين لغرام
موتشو: باش عرفتيها
عشق: كنحس
راموس: منسمحش ليك تهينيني بهاد الطريقة (جبد الفردي حطو فراسها) الى طلعات هضرتك غالطة أتكون روحك هي الاعتذار لي اتقدميلي
موتشو:(كيخنزر فيهم) الى طلعات هضرتك غالطة غادي يقتلك
عشق:(جبدات كارو من صاكها كتكميه) عبرهم
موتشو:(خدا ورقة نقدية و عبرها فوق الميزان لقاها ماواصلاش لغرام و جبد الفردي ديالو وجهو جيهت راموس) كتغدرني الزامل
عشق:ههههه راه شي كيغدر فشي (شافت فراموس) الكوكايين لي كيبيع ليك ايكون مزور (غمزاتو) رد الاعتبار لراسك حتى نتا
ماجات فين تكمل هضرتها حتى هبطات تخبعات تحت الطبلة و ناضو رجال هازين على بعضياتهم لفرادة كيطلقو النار و هي حانية راسها كضحك على ذكاءها و الفتنة لي شعلات بيناتهم قبل دقيقة مادخل لعندهم كانت كتفكر شنو ادير باش تكهرب الجو و فورما لقات رأس الخيط وسوسات فعقولهم و زرعات الشك و الغضب و نتيجتو كانت قاتلة نص مات تماك باطلاق النار و مازالها كتسمع القرطاس مابغاش اسالي...كليكات على السماعة لي فوذنها و تاصلات ب ارتورو هاد الاخير دغيا جاوبها
ارتورو: شنو تما
عشق: وصل لخبار ل جسور و صخر قولهم عشق شدات الموتشو (ابتاسمات و قطعات و ناضت جبدات من صاكها السلاح و خرجات من تحت الطبلة كطلق الرصاصات و كتقتل فرجال بحال الذبان)
…..كان جسور هو و صخر كيهضرو و يشربو و يشوفو فلبنات و راكم عارفين هضرة ديال دراري هادي مطرفة هادي عندها صدر و مرة مرة يجبدو لهضرة على لخدمة
جسور:(كيشوف ف الارجاء) عشق غبرات
صخر: نسا ديك الموصيبة عليك
جسور: فاش كتغبر كدير شي زبلة
صخر: وا نساها و شوف فلبنات شكون عجباتك
جسور: ماراشقاليش
صخر: ههههه نو هي مكاينة حتى وحدة هاد ليلة
جسور: حتى وحدة هنا ماقيماتولي (طرطق عنقو) ولكن ندوزو لوقت بشي وحدة كيما كانت
جسور: تقاتل عليها كتعجبك ماتخلي حد يديهالك فين هو صخر لي كيطيح فيه لبنات ههه
صخر: غادي نربح بيها و الله لاخليتها ليه ….
أرتورو:(غير قطع اتصال معاها مشا كيجري عند جسور) عشق شدات الموتشو
جسور:(كان عاطيه بظهر غير سمع كلامو غمض عينيه بغضب) كنت عارفها ماجاتش غير هكك (جبد سلاح من ظهرو)
صخر: وااااش بعقلك حتى نتا اش كدير
جسور: انمشي عندها واش نخليها بوحدهااا
صخر: (هبطلو يدو لي فيها سلاح) كترمي راسك للخطر هبط سلاحك انشوفو شنو نديرو
ارتورو: نتوما بجوج ماتقدرو ديرو والو و هي بوحدها قدرات دير كولشي هاديك راها ديابلا
جسور:(ضار عندو) و نتا شنو زويميل ديالها
ارتورو:(خدا نفس عميق كيفرنس) كنشم ريحة الغضب عنداك طرطق
جسور: (بعد عليك قبل مايدير شي مصيبة) صخر عيط على الوحدات يداهمو البار قوليهم شدينا الموتشو
صخر:(عيط عليهم) ايجيو دابا
جسور: شحال ديال لوقت؟
صخر: 10 دقايق
جسور:(كيتهز و يتحط بوحدو باغي يمشي عندها يخشيلها راسها فالارض على هاد الخدمة لمتهورة لي كدير) لقحبة لووووووخراااااا ينعلديييينمها نشدها ننن (كيزير القبضة ديال يدو)
…..كيتسمع صوت الموسيقى فالبار و بنادم باقي كيشطح ماعلابالوش عكس لتحت لي كيتسمع صمت رهيب و دماء متناثرة فالارض و فلحيط الجثث طايحين ميتين و هي واقفة كتشوف ف ظفارها بغرور
عشق: اووف تحردو ليا ظفاري (شاف ف موتشو طايح شاد فيديه لي مضروبة) اوا هادي خدمة نقية ههه
موتشو: شييييطانة الكوكايين ماكانش مغشوش
راموس:(يحتضر) بغات...بغات تشعل لعافية (كيكح الدم) موتشو بيناتنا اتفاق عمرني غدرتك كح كح كنا كنديرو صفقات تهريب الاسلحة و الكوكايين و بيع الاطفال و لبنات للدعارة (كينهج)
عشق: (توجهات عندو) ولكن هاد لمرة غدرتي و الغدار خصو يموت (طلقات رصاصة على راسو و مات و رجعات عند موتشو تحنات عندو)
موتشو: شنووو بغيتي
عشق: قلتلك ماغاديش ندوزهالك حيت قربتي لخويا و فعوض مانجي نعطيك فلوسك جيت نلقي عليك القبض
موتشو: لا لا ماغاديش نرجع للحبس
عشق: (شافت ف ساعتها) بقات 5 دقايق و يداهمو العناصر البار ديالك
موتشو: (كينهج بلخوف) كاينة شيحاجا اي حاجا مقابل مندخلش للحبس
عشق:(بقات كتفكر و ضوراتها فراسها مزيان) كاينة واحد لحاجا ديرها و ماغاديش دخل للحبس (ضحكات بشر)
امرأة تدخن الرجال الجزء الثاني
محتوى القصة
التنقل بين الأجزاء