عشق:(طلعات حاجبها فيه) هاد زين كاملو لي فيا و نمشي للأطفال ماحبيتهاش منك
موتشو: اذن شنو؟
عشق: كتعرف محسن يزيد
موتشو: رجل الاعمال؟ كنعرفو
عشق:(ابتاسمات للجنب) بغيت نعرف العلاقات لي كيدير مع الاطفال
موتشو: حنا كنحتافظو بأسرار الزبناء ديالنا
عشق: اوك خلي حتى يجيو العناصر المسلحة و نعرفو جميع اسرار الزبناء ديالك
موتشو: لا لا غير طلبي شنو بغيتي
عشق: بغيتك تصيفطليا كاع الصور و الدلائل لي كتبين انه بيدوفيل
موتشو: جاتك
عشق:(قربات منو) و شتي الى لعبتيها معايا راه نشدك نشدك
موتشو: اتخليني نمشي و انصيفطلك الصور و الفيديويات و كولشي مانقدرش نغامر و نضحك عليك
عشق: (ناضت ) و بطبيعة الحال فلوسك لي كتسال لنزار ايوصلوك حيت عائلة سقراط مكتخليش شي دين عليها (طرطقات صبعانها قدامو) يالاه نوض خرج قبل مايجيو
ناض كيتوجع من يدو و مشا لواحد الباب سري مور الخزانة و هرب و هي بقات كتمشا فبلاصتها عارفة بلي اضيع صورتها قدام جسور و اتحط فموقف خايب حيت عمرها خسرات شي مهمة ولكن ختارت تخسر باش تربح فمعركة أخرى كتسناها...قربات للحيط و خبطات راسها معاه حتى سال ليها الدم و جلسات فالارض هزات الفردي و طلقات رصاصة على كرشها ومع دايرة الدرع الواقي من الرصاص ماختارقاتهاش الرصاصة لكن الالم كان قوي بقات كتحسب 60 ثانية الوقت المتبقي لي غادي يدخلو فيه العناصر عندها سالات العد و مع ايحلو لباب طاحت فالارض بمعنى كانت سخفانة….دخل جسور و صخر و ارتورو و تابعينهم البوليس لي داهمو البار و اعتاقلو لي مشبوهين فيهم و خرجو الناس لي جاو افوجو بقاو كيشوفو الجثث طايحين و الدم و الفرادا فلوسط و الأطباء الجنائيين كيهزو الجثث و يحطو ارقام فالارض و يسطرو بالطباشير على الجثث حيت هادي جريمة قتل خاصها تحقيق بقا جسور كيقلب عليها بعينيه و تالف حتى شافها طايحة و مشا كيجري عندها هزها كيفيق فيها بخوف و كيتفقدها ياكما مضروبة لشي بلاصة فصحتها شاف الدم فراسها و شوية ديال دم فكرشها
جسور: عشق فيييييقي
صخر:(تهنا عندها) ماتخافش راها دايرة الدرع
ارتورو:(عقلو بغا يطير بالأسئلة ياك كانت الخطة هي تشد الموتشو شنو وقع ليها ) خص نخرجوووها منهنا
جسور:(هزها كيجري بيها) اناخدها لكلينيك
ارتورو: لاااا عشق مكتبغيش لكلينيك ايتجمعو الصحافة و الخدمة ديالكم سرية
صخر: و شنو يدير راها مضروبة
ارتورو:(شاف ف جسور) ناخدوها للشقة ديالها
جسور: (حطها فالطوموبيل) اناخدها للشقة ديالي
ارتورو: بحال بحال (طلع باش يسوق هو و صخر حداه و جسور لور مع عشق حاطليها راسها على فخاضو) الهضرة ماخاصش توصل لنيار
صخر: منيتك راهم عارفين داهمنا بار الموتشو فاش اسولونا علاش مشينا و شكون مشا راه انعطيوهم تفسير
جسور: لا ارتورو عندو لحق الهضرة ماخاصش توصل لعمي نيار
صخر: وااااش انسترووو عليها و هي سباب هاد لحالة كاملها
جسور: صخر قلتلك ماغاديش توصلو لهضرة منين نعرفو بلي عشق بيخير انا انتفاهم معاها ولكن باها لا غير انزيدو نديرو بيناتهم المشاكيل
صخر: اوك لي عجبك
عشق:(ضارت على وذنيها الهضرة من الاول و بقات محافظة على هدوءها لكن لحريق لي فيها ماخلاهاش هانية و بدات كدير راسها كتفيق ) فين انا
جسور: عشق نتي بيييخير (كيتفحصها بيديه فوجهها)
عشق: (مغمضة عينيها) ماغاديش تهنا مني بسهولة
جسور: دجاجة فلموت و عينيها فنقيب...
وصلو للعمارة و خرجو هزها جسور بين يديه حتى للشقة ديالو دخل و حطها فوق النموسية
صخر: انعيط لطبيب
ارتورو: شنو ندير انا
جسور: صافي غير سيرو انا انبقا معاها حتى يوصل طبيب
صخر: اوك تهلا(خرج و تبعو ارتورو)
...جلس حداها جسور كيشوف فيها و كيحقق فملامحها عارفها ماناعساش لكن موجعة و مغمضة عينيها...زاد قرب منها كيتفحصها و كيشوف جسمها لمتناسق و شعرها الأشقر لمتناثر على الوسادة
جسور: عشق (قرب منها و كيهمس ليها) عشق محتاجة شيحاجا
عشق: (حركاتلو راسها بلا)
جسور: طبيب قريب يوصل
عشق: (تكعدات من بلاصتها) منحتاجش لطبيب
جسور:(شدها من كتافها كيحاول يرجعها تنعس) راك مقسحة
عشق:(بعدات منو و قطعات كسوتها عليها و هي كتشوف فيه) جرح القلب كيقسح كثر
جسور:(بلع ريقو كيشوفها بدوبياس و سترينغ قدامو و كتحيد فالدرع ) مالو قلبك ؟
عشق: (بمكر ) مجروح و خص لي يداويه
جسور:(ناض من حداها جاب علبة الاسعافات و جلس حداها ) خليني نقي ليك لجرح
عشق:(قربات منو) شكون فيهم؟ جرح كرشي و لا جرح قلبي
جسور: جرح كرشك حيت عارفو أما جرح قلبك انا ماعرفتوش
عشق: لعجب ماعرفتيهش؟ واخا نتا سبابو
جسور: شنو درت انا
عشق: بزاف
جسور:(قرب منها و حط دوا لحمر على كرشها فلقطن) انا ماعندي معاك حتى عداوة
عشق: ولكن انا اه كنكرهك
جسور: هه كرهيني قد ما بغيتي مكيهمنيش
عشق: ايهمك نهار كرهي أيآذيك
جسور:(ضغط على جرحها حتى سمعها تنهدات) بيدي ندير كولشي دابا و مادرتش
جسور:(بغا يجاوبها و هو يصوني لباب) هاهو وصل (مشا فتح و لقا نيار قدامو) عمي
نيار:(كيشوف فيه بقلق و دخل) فييين هي عشق
جسور: عمي تهدن عشق بيخير
نيار:(كيقلب عليها حتى لقاها فالنموسية ناعسة و قرب منها حط يدو على رأسها) عشق نتي بييييخير
عشق:(مابغاتش تجاوبو مغمضة عينيها )
جسور:(فهم بلي مابغاتش تهضر معاه) نعسات باش ترتاح
نيار:(جبد ليزار غطاه بيه و خنزر فجسور) خرج منهنا انا انبقا معاها
جسور:(حشم ) واخا اعمي
نيار: و مازال انتفاهمو على هادشي ماظنيتش منك اتخبع عليا
جسور: مابغيتكش تشوش
نيار: هاهي وصلاتني لخبار فتالي(بدل نبرة صوتو للقسوة) جسوووور فاش عطيتك المنصب ديالي عرفتك قاد عليه و اتقدر تسيرو و الاهم اترد بالك لعشق هي طايشة و متهورة و كان خاص لي يوقف فجنبها
جسور: عارف و انا هملتها
نيار: كون ماتت دابا؟ شنو انديرو؟ هضر
جسور: انا عارف بلي غلطت فاش ماوصلتهالكش بفم و لكن سمحلي علاقتكم متوترة و ماكنتش بغيتها تزيد تتوتر
نيار:(وقف قبالتو و تنهد و حط يدو على كتفو) عارف بلي نويتي غير الخير ولكن حتى انا أب و خوفي عليها كيتزاد
جسور: غريب علاش علاقتك مع شفق و نزار مزيانة و مع عشق لا
نيار: عشق ديما بعيدة عليا منين كانت صغيرة ختها شفق كانت كتمرض بزاف و تلهينا معاها و بلا منحسو درنا فاصل بيناتهم حتى كبرو و كان فات الفوت (بحزن) غلطت بزاف و كل نهار كانت كتبعد علينا التمرد ديالها كيكبر نهار على نهار و مابقيتش قادر نوقفها
جسور: امكن هي محتاجة تحس بلي باقي كتبغيها (كيشوف ف عشق كيفاش مكمشة ليزار بيديها)
نيار: ولكن التصرفات ديالي كيبينو العكس (مشا جلس حطاها حط يدو على راسها) مشات تشد الموتشو بوحدها باش تبين راسها قد المسؤولية هادي ردة فعلها حيت عطيتك المنصب
جسور: رمات راسها للعافية على قبلك
نيار: و انا ماعنديش شك فيها (غمض عينيه و حلهم) ولكن المنصب ماشي ديالها و تيق بيا كون ماشي كنفكر لمصلاحتها و مصلحة لبلاد ماغاديش نقصيها
جسور: مصلاحتها؟ هي كانت بغات هاد المنصب
نيار:(ناض ) كنعرف بنتي كثر من اي واحد (قرب منو ) كون خدات المنصب أضمرنا كاملين (مشا ) تهلا فيها و ماتقولش ليها بلي جيت و بلي فخباري شيحاجا
تبعو جسور سد موراه الباب و ضار عندها لقاها واقفة بدوبياس ديالها غادية للطواليط تبع ليها لعين و كيشوف الخير لي هازة شحال مدفق...دخلات للطواليط غسلات وجهها و الهضرة كتعاود فوذنيها كتحاول تكتم غضبها لي بأن على شكل احمرار فعينيها...و خرجات تاني من الحمام تعرض ليها جسور فيديه القميجة ديالو
جسور: لبسي
عشق:(شداتها بلا ماتشوف فيه و بدأت كتلبس و كتسدها) انمشي لبرطمة ديالي
جسور: لا جلسي رتاحي سمعتي باباك اش قال ليا
عشق:(شافت فيه شوفة باهتا) سمعت كثر من اللازم
جسور: (كيحقق فملامحها) ماتعاوديش تعرضي راسك للخطر
عشق: (هزات كتافها بعدم المبالاة) حياتي كاملها خطر
جسور: و منهنا لقدام ماديري حتى حاجا بلا شواري كون وقعات ليك شيحاجا كيفاش انشوف ف العائلة
عشق: بلا ماتبقا تفرع لي كري بهاد الهضرة ديالك بحال منعرف كاع شكون نتا كولها يديها سوق راسو ماتدخل فيا مانتدخل فيك نموت نتفركع نتحوا ماشي شغلك
جسور:(مطلع حاجبو فيها و خلاها حتى كملات) انولي نخدم لعصا على هاد لحساب
عشق: (طلعاتو و هبطاتو) نتا ضربني انا؟
جسور: راك جربتي تصرفيقتي
عشق : و منبعد مكانتش كتقسح لديك الدرجة و اصلا مافيديكش نهار لول فاش شفتك قلت غا زامل
جسور:(شد الفك ديالها غارس صباعو فيها و دفعها على الحيط مزير على خصرها بيدو الثانية و مقرب من فمها) عرفتي هاد زامل شنو كيدير غادي يطلعو ليك مع لمعدة تولي طالبة تعادل الكلبة انحردو فيك مزيان حتى من غواتك يبدا يتسمع لبرا ماتعصبيييش ديلمي و تخليني نوصل معاك لهاد لماصل لانصدق نادم (طلق منها) جربي عاودي قوليها و تشوفي لوجه لاخر
عشق:(كتقرب منو و كتحيد القاميجة لي لابسة) و لاش نحشم و انا باغية هادشي (طيحات القميجة ووصلات عندو حاطة يدها فوق صدرو و مطلعة راسها فيه كتشوف فشفايفو) نبداو دابا؟
جسور:(كيستنشق ريحة لفريز لي طالعة منها و عينيه على عينيها و كيحس بيدها كتسارا فصدرو شعلات فيه لعافية و كيبلع ريقو..حط يدو على خصرها مقربها ليه و حتى كانت بغات تبوسو و بعد وجهو و رجع كيشوف فعينيها) عشق مانصلاحش ليك
عشق: هههه رجعتي فهضرتك؟
جسور: صبري على راسك حتى تزوجي ماتلوحيش راسك برخيص
عشق: باقي قديم فمخك
جسور: بزاااف و لي فراسي فراسي ماتبدليهش
عشق:(حيداتلو يديه من خصرها و بعدات منو) ماغاديش نبدلو اصلا عاجبني ههه
جسور: نعسي ترتاحي انا انخرج
عشق: ماتحتاجش تخرج (هزات القاميجة عاودات لبساتها و قربات ليه طبعات بوسة جنب فمو خلاتو غير كيشوف غفلاتو و تنهدات ) انمشي بحالي
جسور:(بقا واقف بلاصتو بنجاتو مافاق من سهوتو حتى زدحات لباب و مشات و هو هرب للدوش كيدوش و يبرد على راسو و بين عينيه هي بطايتها المنحوتا و شعرها الاشقر الطويل و ملامحها الفاتنة...رفضها و هو كانت شاعلة فيه العافية تايه في زرقة عيونها و ثغرها لمثمر المغري لكن تحكم فراسو هو رجل شرقي مكيطيحش بالساهل و ماشي لي جات ديرها بيه اهم حاجا عندو هي لبنت تكون ساترة راسها و عشق مافيهاش مواصفات لي بغا للمعقول لي بحالها كيدوز معاهم ليالي و يقلب الضورة و لقاها بنت العائلة و حشومة يقرب ليها و ماناويش يآذيها….باغي يوعيها و يرجعها للطريق لكن ديما كيلقا الرفض ديالها لي كيجننو و كيخليه يزيد اشد معاها ضد...خرج من دوش كيحاول يشتت انتباهو..عكسها هي لي منين مشات لبرطمة ديالها كضحك و عاجبها راسها كتبين نيابها فوقما بغات...شادة فبلاصة جرحة كتعطيها شوية لحريق...و طاحت فوق النموسية نعسااات مافاقت حتى للصباح….صباح داك صباح حامل بزاااف ديال الاحداث كانو فلقصر مجموعين على طبلة ديال لفطور كيتذاكرو و يضحكو
أماني: اوا لواه كنجيبو ليك ليكادو و كيعجبك غير لكادو ديال عشق
عشق: حيت عشق مكاينش بحالها و ليكادو ديالها بوحدهم (كتبتاسم فوجهم و هازة لافاليز صغيرة فيديها كتشوف ف أفراد العائلة واحد بواحد خصوصا جسور لي كان يالاه دخل قبل منها بشوي...كتحاول تكتم غضبها و خوفها من لقصر لي مكتحملوش و قررات نقطة ضعفها تكون قوة بالنسبة ليها و غضبها تحولو لسلاح قاتل...ماشي ديابلا لي كتخسر جملة كتردد فالمسامع ديالها من نهار شنات الحرب و حالفة تربحها بأي طريقة...كل مرة عندها خطة بديلة كتكون حسن من الخطة لي قبلها و هاد لمرة مابغاتش تخوي ساحة بغات تلعب حربها ف القصر حيت نهار أتدمرو أدمر أفراد عائلتها…) مالكم كتشوفو فيا ماغاديش ترحبو بيا فداري
سارة: ياااي رجعتي (عنقاتها) اتبقاي معانا ديما ههه
نيار:(قرب منها) فرحان حيت رجعتي و دابا أنطمن على الدار
عشق: كنت انرجع فالتالي (تمشات بخطواتها البطيئة جرات الكرسي و جلسات كتشوف ف جسور) تزاد معانا الزايد
قصي: ديجا تعرفتو على بعضياتكم فالمركز ولكن ماشي بصورة زوينة
عشق: و شكون قالك تلاقينا فالمركز أول مرة قول ليهم اجسور بلي تشاوفنا ف البرطمة ديالي ديك ليلة
جسور:(تحرج قدامهم و كولشي كيشوف فيهم فهموهم فشكل) وي فاش شريت البرطمة ديالك (مزير القبضة ديال يدو مخنزر فيها)
شيماء: اووف اولدي مالقيتي غير ديك البرطمة
جسور: (طمنها بعينيه) ماتشوشيش عارف اشكندير
شفق:(كانت حدا هبة و منين دخلات عشق و هي كتقفقف) يالاه نمشيو
هبة: جلسي تبتي فين نمشيو مالها اتقطع لينا الراس
شفق: خفت نتي عارفاها(همسات) مكتحشمش
هبة : غير تبتي
نيار:(شد ف سارة) حنا انمشيو دابا اي حاجا وقعات علمونا
قصي: ماتخممش غير استمتعو بوقتكم
سارة: يالاه باي باي عليكم (خرجات هي و نيار مشادين فليدين و الخدم متبعيلهم ليفاليز)
نزار: منين مشاو حتى انا انمشي
عشق: فين بالسلامة
نزار: غير مع دراري
عشق: حضي راسك توقع شيحاجا صوني عليا
نزار:(باسها فحنكها) ضروري (مشا خرج حتى هو)
أماني: أنا انمشي للصالون شحال هادي مامشيت
شيماء: صبري نمشيو انا وياك
هبة: و انا انمشي للخدمة عندي نوبة ليوم
شيماء: اجي مكاينة خدمة ليوم فالمركز شنو اديرو (كتشوف ف قصي و جسور)
قصي: انبقا فدار ماعندي فين نمشي
شيماء: و نتا اجسور
جسور: ماعرفتش مازال مافكرت
شيماء: خرج نتا و شفق راه شحال هادي ماخرجات
عشق:(ربعات يديها) و معامن تشاورتي امدام حتى كتقرري بلاصتي؟
شيماء: مع راسي و بزاف على داك الزمت لي زامتاها
عشق: ماغاديش تخرج (خنزرات ف شفق) شنو بغيتي تخرجي
شفق: بلا ماتدابزو بلا مانخرج(جات تنوض و شدها جسور فيديها)
جسور: انخرجو الجو زوين(كيبتاسم معاها)
شفق:(طلعاتلها تبوريشة مع صبعها صغير و كتشوف فشدة لي داير ليها فيدها) ولكن..
جسور:(خنزر فعشق) مكاين ما ولكن انخرجو
شيماء:(فرحات) وي خرجو و تهلاو فبعضياتكم
جسور ناض و جر شفق معاه تحت نظرات عشق لي كانت كتغلي و كتخنزر ف شيماء...فلحظة خواو المقاعد فالطبلة كل واحد مشا لشغلو و هي جالسة ماحاملاش راسها حسات بكرامتها و كلمتها طاحت و كتوعد لشفق بدرس عمرها تنساه ولكن قبل اتفاهم مع شيماء على هاد لقفوزية لي فيها….بقات صابرة حتى شافتها لفوق باغا تهبط و هي طلع عندها محيحة
عشق: بأشمن حق كتعطي الاوامر و كتقرري شكون يخرج و شكون ميخرجش
شيماء: احتارمي راسك راني قد مك اووبس سمحيلي حتى مك مكتحتارميهاش
أماني: نعلو شيطان شيماء زيدي نمشيو نبدلو ساعة بأخرى
شيماء: لا خصها توقف على حدها مامربياااش
عشق: بديتي كطلعيلي فراسي بهاد ستونات ديالك غادي تجمعي راسك و لا ميعجبك حال و لا ياكما كيحسابلك داك زامل ديال ولدك هو لي أيوقف فوجهي
شيماء:(هزات يديها صرفقاتها) ولدي بزاف عليك الزامل هو لي ولدك و مارباك
عشق جنون كيلعبو فراسها ضارت عندها و هزات يديها حتى للسما و عطاتهالها للكمارة حتى اختل توازن شيماء و جات مكركبة مع دروج و أماني كتغوت و كتحاول تشدها...عشق منين شافت بلي قوداتها تبلوكات بلاصتها متبعالها العين كتكركب و كتبلع ريقها...
بحال كابوس كانت كتشوفو قدامها بداية عذابها و اللهيب لي غادي يكويها بجمارو كتحس بيه طالع من رجليها ...فقط برودها و هدوءها كيطفي مخاوفها و العواقب لي غادي تتبعها راسها قاسح و قسح من لحجر و منين كترتاكب الفالطة مكتندمش ولكن كتفكر كيفاش تخرج منها بلا أضرار إنما هاد المرة عارفة اتعيش فجحيم الغضب و ستاعدات ليه مزيان...خلات موراها صرخات قصي و أماني لي كيآمرو الخدم يعيطو للطبيب و توجهات لبيتها جلسات بهدوء فوق نموسيتها جامعة يديها عندها و كتشوف فالارض و مكتحس بوالو أو نقولو كتحس بالفراغ عاد نتابهات لبيتها و بعينين جاحدين كتمنع ذاكرة الطفولة تحيا من جديد و ترجعها لذكريات كيخنقوها و كيرجعوها لعالم كرهاتو...طاحت على النموسية تناثر شعرها الذهبي فوقو و مركزة فسقف أصوات لغوات كيدوزو على مسامعها و بدا صدرها كيطلع و يهبط...كان خاصها تحاول تمشي عند طبيب نفسي و كون ماشي عدم رضاها و الانفة لي فيها كون مشات... حسباتها ضعف الى مشات عندو و تقليل من شأنها و هتمات لهضرة الناس كثر من اهتمامها بنفسها...شنو ايقولو؟ شنو النظرة لي اياخدو؟ عشق سقراط ولات مختلة عقليا حتى مشات عند طبيب عيب فحقها و فحق انجازاتها و من جهة أخرى أفعالها الكارثية لي كتآذي ناس شي مرات كتحس بالذنب عليهم...حتى واحد فينا مكيختار الشخصية لي غادي يتولد بيها و حتى واحد فينا مكيتولد شرير...الظروف بنت العاهرة كتفرض راسها و كتخلينا كراكيز فيدها….غمضات عينها و طاحليها جسور فالبال ابتاسمات ابتسامة رقيقة...الراجل لي مكيتأثرش بسحرها لي كيجاوبها بنفس سمها لي عارفاه ايعذبها معاه شنو ردة فعلو منين ايعرف بلي دفعات مو من دروج ، أشمن مصير كيتسناها؟ ….و هي تايهة فتفاصيلو كانت شفق هي الاخرى كترمقو بنظرات خجل فطوموبيل و حنيكاتها حومر و البراءة خارجة من عينيها كتبلع ريقها من شوفاتو الحادين فطريق و كطلع نفسها الطويل جراء ريحتو المثيرة و الرجولية...دقات قلبها كون كانت كتهضر كون نطقات بلي فبالها و من غير صبعانها لي كيلعبو فبعضياتهم و شنايفها لي كتعضهم مكانش أيعرفها متوترة بغا يلطف الجو حيت منين خرجو و هوما ساكتين...
شفق:(شافتها من سرجم طوموبيل و توسعو عينيها بلفرحة …. خرجات منها بلا ماتجاوبو و هو منين شافها خرجات زرب خرج و نسا تيليفونو فطوموبيل) زوينة بزاف
جسور: عجباتك واخا ماشي شيحاجا؟
شفق: لا زوينة رتاحيت ليها (مشات كتنقز من بلاصة لبلاصة و مشات حدا واحد لوريدات هبطات لعندهم كتشم ريحتهم و جسور تابعها ببطء حاط يديه فجيابو و كيشوف فيها فرحانة و بلي كيقنعوها حاجات بسيطة ...كتبان وردة جنب الورود لي تماك بفستانها الأحمر حد الركبة و طالع حتى للعنق و ليدين و شعرها طويل شكلاط طايح على ظهرها و بلا مادير نقطة ديال الماكياج جمالها باين و لي مزينهم زرقة عينيها الصافيين ...قبل مايوصل عندها لاحظ شي دراري كيشوفو فيها شوية بدا كيبانلو البشار ضورو راسهم عندها كيشوفو فيها كاملهم و زرب لعندها واقف حداها على الاقل مايزعمش شيواحد يمشي عندها )
جسور: ياكما عييتي تبغي تجلسي؟
شفق: واخا فين نجلسو
جسور: نجلسو لهيه (شار ليها براسو و مشاو جلسو فوق الربيع تحت شجرة ديال الكرز قبل ماينضجو ثمارها عاطية أزهار بيضاء كيطيرهم ريح و ريحة فواحة)
شفق:(غمضات عينيها مبتاسمة) إن المرء منا ليشعر بالألفة حتى مع شجرة جلس تحتها لثواني فكيف ينسى من ألفته الروح؟ (حلات عينيها بحماس عاضة شنافتها لتحتانية و جبدات لاجوندا صغيرة من جيبها قيدات فيها الجملة)
جسور: زوينة
شفق:(شافت فيه) ها؟
جسور: الجملة زوينة
شفق: اه عجباتني حتى انا
جسور: أي حاجا كتعجبك كتقيديها هنا
شفق: اه ديما الكاتب خص تكون ف جيبو لاجوندا
جسور: الكاتب عندو سلاح خطير
شفق: الكلمات ديالو
جسور:(تكا على الشجرة) سلاح عشق هو المسدس و نتي؟
شفق:(ابتاسمات) القلم
جسور: عجيب كنعرف التوائم كيكونو مقربين من بعضياتهم ولكن نتوما بجوج مكتشابهوش
شفق: بحالاش؟
جسور: عملة عندها جوج وجوه
شفق: (كضور عينيها) لقيييتها
جسور: شنو لقيتي
شفق: عنوان الفصل الاول (شافت فيه ب حماس) وجهان لعملة واحدة...
و هاكا جا عنوان الفصل الأول قبل مايجي عنوان لكتاب لي كتكتب فيه ...عن طريق الصدف غادي تولي تجمع و تلم عناوين فصول روايتها بحال الزجاج المتناثر و كلما هزات زاجة غادي تجرح بيها و أتكمل حتى تعطيها شكل واحد و عنوان واحد فيه شقوق و مؤذي ليها "إمرأة تدخن الرجال "... فرحات حيت لقات العنوان و فرحتها زادت منين جسور حداه تخربقات و هي براسها ماعارفاش شنو هادشي كيوقع معاها فكلمة وحدة لخصات احساسها هو الأمان ... فهاد الفصل مكيضمش علاقة التوأمتين بوحدهم كيجمع قصص متفرعة و كل قصة لها عبرة….و قصة هبة من جهة أخرى بدات و كيف العادة مقابلة خدمتها حتى جاها اتصال أن أحد شيواحد مريض و خصها تمشي عندو للدار تفحصو...هزات صاكها و معداتها الطبية و زادت للسكرتيرة تعطيها معلومات كثر و العنوان ايضا
هبة: شكون المريض
السكرتيرة: محسن يزيد (كتباتلها العنوان فورقة مداتولها)
هبة:(بدلات تعابيرها لإنزعاج و كمشات ديك الورقة) و مكاينش من غيري؟ شوفو طبيبة اخرى
السكرتيرة: كان مصر عليك ماقبل بحتى طبيبة اخرى
هبة:(تنهدات) اوك
السكرتيرة: ماتاخديش عنوانو؟
هبة: عارفاه (زادت مع الباب ركبات طوموبيلتها و توجهات عندو للدار استقبلوها الخدم و دخلات لقاتو متكي فالصالة) ميسيو محسن
محسن: (شاف فيه بابتسامة) هبة قربي
هبة:(قربات منو جبدات معداتها و بدات كتفحصو ) شنو كيضرك
محسن: تعصبت شوية و طاحلي طونسيون
هبة: كنظن وليتي دابا مزيان أنعطيك مسكن و رتاح و بالشفاء العاجل
محسن: شكرا ليك (كيطلعها و يهبطها بنظرات لغدر و كيشوف فالباب و يحسب كيتسنى المفاجأة تدخل ماهي الى ثواني بدات لعبتو)
داخلة بنت سمراء لابسة لباس فاضح و ضاربة ماكياج اراك من بعيد كتلوك فالمسكا و كتبومبا و تغوت
البنت: فين هو صخر بغيت صخر
محسن: اووف هاهي جات تاني تكمل على داكشي لي بداتو
هبة:(شافت فيها) شكون هادي
محسن: ماشي مهم (كيحاول ينوض و كيتصنع التعب و متوجه عندها) قلتلك صباح صخر مكاينش
البنت: ماشي شغلي بغيت صخر و انجلس هنا حتى يجي و يفك معايا المشكل
محسن: بينك و بين صخر ماتجيش عندي للدار
البنت: نتا باه و نتا لي أتفكني بغيت لفلوس هو رماني للزنقة و كنت حاملة بولدو و درت كورطاج و ماطلعلي والو فتالي
محسن: عتاذرت منك و عطيتك لي يكفيك دلفلوس باراكا من شوهة
البنت: شوهة هي لي اندير الى ماجاش يهضر معايا
محسن: (تنهد) سيري تسنايه فبيتو حتى يجي
البنت: اوك (طلعات لبيتو)
هبة: (مصدومة) شنو هادشي لي واقع
محسن:(جلس شاد فراسو) غادي يخرج ليا لعقل بفعايلو الصبيانية مابغاش يحشم كيضحك على بنات الناس بلا رحمة ولا شفقة ماشي هادي لولة و لا ثانية و ديما انا لي كنوحل
أماني جبدات تيليفونها كتعيط لجسور هاد الاخير لي كان يالاه رجع هو و شفق لطوموبيل كيضحكو من بعد ما تبادلو أطراف الحديث و دوزو عشية زوينة...هز تيليفونو و جاوب
جسور : وي عمتي
أماني: جسور اجي لكلينيك **** ماماك طاحت فدروج
غير سمع هاد الكلمات قطع الخط و كسيرا بسرعة كبيرة حتى قفزات شفق بلاصتها
شفق: شنووو واقع؟ شكون هضر معاك؟
جسور:(بخوف ) الوليدة فلكلينيك
شفق: كيفاش؟ مالها؟
جسور: (بصوت عالي) مااااعرفتش
تكمشات بلاصتها و بقات كتبكي فصمت و خايفة على شيماء و كتشوف ف جسور معصب و خايف حتى وصلو للكلينيك و خرجو كيجريو لعندها كيسولو فينها حتى لقاوهم
جسور: فييينها الوليدة شنو وقع ليها
قصي: هيه ماتخافش تهدن هي بيخير
جسور: (بصراخ) فيييييينهااااا
اشار ليه براسو فينها و دخل عندها كينهج صدرو طالع هابط و شعرو تخربق...شاف فيها ضايرين بيها سلوكا و جهاز الأكسجين على وجهها و الجبس على عنقها و رجلها أيضا و مهزوزة فسما...قرب منها مصدوم من حالتها حيت لي شافها يقول داز عليها كاميو...جلس حداها و هز يدها كيطمن عليها بنظرات حزينة ...سرعان ماحطها و ماقدرش يزيد يشوف فيها و خرج من عندها
جسور: (كيشوف ف باه )شنو وقع ليها
شفق:(كتشوف فيها من زاج ) إهئ اهئ كيفاش حتى وقع ليها هادشي
أماني: طاحت من دروج
جسور: طاحت من دروج؟
هبة: بغات تقوليك طيحاتها عشق من دروج
جسور:(قرب من أماني كيخنزر فيها و عروقو بداو كيتنفخو رجع حمر و عينيه نقطة ديال الدم) دوي
أماني:(كتخنز فهبة و رجعات غمضات عينيها) تزايدات هي و عشق فالهضرة و ماماك صرفقات عشق و رجعات ليها عشق تصرفيقة و طاحت من دروج
جسور: صرفقاتها؟ (دنيا ضارت بيه احساس بالدوخة شدو و ضرب الضورة غادي كيجري و قصي موراه كيجري شافو ركب فطوموبيل)
قصي: جسوووووور ماتهورش دييير عقلك
جسور:(عفط و زاد كيجري بطوموبيل اتجااااه لقصر ماحسش بطريق قدما حس بجنوي داخل فيه منين شاف منظر مو و سمع شنو وقع...وصل و خرج بسرعة كيجري و كيضور فلقصر و غوتا وحدة لي طلق تسمع صداها فأرجاء المكان كأنه زئير الأسد) ديااااااااااابلاااااااااااا
كيضور راسو بحال لحمق و كيغوت بإسمها طلع حتى لفوق كيقلب فلبيوت و كيزدح البيبان...كانت كتسناه جالسة على الكرسي مبتاسمة و مبردة حتى تحل الباب عليها و شافت فيه ضيقات عينيها و تبدلات الابتسامة لسكون...حتى لدابا عمرها شافتو معصب و هاهو قدامها بحال البركان كيثور المنظر ديالو كيخلع...زرب لعندها و هز يدو للسما عطاهالها للحنك حتى تزعزعات من فوق الكرسي و طاحت على كرشها للأرض
عشق: هههههه جيتي الكلب جيتي كتجري عندي
جسور:(نوضها من شعرها حتى كان ايقلعولها من بلاصتها) قحبة اللينعلزاملبوك القوااااااااادة تهزي يدك على ميييي و تكركبييييييها من دروووووووج الخانزة (زادلها تسرفيقة و جلس فوقها كيعطيها فطرش و كيغوت مابرداتلوش و جمع قبضة يديه على شكل بوكس و كيدخلولها فوجهها و هي كتحاول طاكي لكن ماقدراتش رجعلها وجهها كاملو دم نيفها و فمها كيسيلو و تحت حاجبها كيسيل و عينها تنفخات) قلت للقحبة لي حطاتك المشكل بيني و بييييينك خلييييييه بيني و بييييينك الولييييييدة خط احمر الزاملة (زير الفك ديالها فيديه) أنقتلك ليووووووووووم ماااااغاديش تبقاي حية
عشق:(كضحك بتعب) دموعي و ندمي ماغاديش تشوفهم هههه اححح و شحال زوينة شوفتك هاكا معصب نتا كتعصب و انا كترجع فيا روح
جسور:(مطرطق عينيه) اناااااخد روحك (خنقها بيديه و كيزدحلها راسها مع الارض كتحاول تحيدلو يدو و مابغاش كان مصر يقتلها رجعات زرقة و كتفركل برجليها و كتشوف فيه ثلاث كلمات قدرات تنطقهم)
عشق: ربحت ...جريتك ….لشري
جسور:(فاق دغيا و طلق منها و كيسول راسو شنو كان ايدير خلاها كترجع روحها و نفسها ) ماربحتييييييينيييييش مازال اتشوفو عذابك بين يدي أتشوفي الجحيم(شدها من شعرها)
عشق: (بصوت مبحوح) عيب تذكر الجحيم و انا كيسميوني الشيطانة
جسور: (جرها من شعرها من لبيت غادي و كيجرجر فيها و هي شادة فيديه كتحس بشعرها ايتقلع ولكن حلفات ماتخليه اشوف دمعة وحدة ….هابط من دروج كيجرجرها و كيتخيل مو كيفاش كانت كتكركب منهم...ماسالاو دوك دروج حتى تجرحو ليها ركابي ...زدحها فطوموبيل على شوية اتسخف شرشم والديها مزياااااان….ركب حداها و زاد مكسيري و كيسب فيها و يضرب و هي لسانها مبري منها كتجاوبو ب الضوبل) قد مك الحماااااارة ديري فيها ديك الحالة؟؟؟؟؟ مكتكساااااابيش ولو شوية من الرحمة
عشق: لي يمد يدو عليا نقطعهاااااااالوووو خصك تفرح حيت مالقيتيش يدها مقطعة و معلقة فعنقها
جسور:(كتزيد البنزين فوق العافية و كيكشك صرفقها مرة أخرى حتى سخفات و فقدات الوعي) قحبة (وصل للبلاصة لي بغا و خرج و خرجها معاه بتجرجير حتى فاقت دايخة كتحاول تعرف لبلاصة لكن لا جدوة حسات براسها هابطة تحت الارض و كتقاوم قبضة يدو و هو كيضرب فيها وصلو لواحد الغرفة بحال الحبس موسخة و فيها سناسل و ريحة كتخنق .. دخلها ليه دفعها و حيد السمطة كيلويييها فيدو) تقيسيني ف عيني و ماااااااتقيسييييينيش فيها
عشق: (بزقات دم من فمها ) منين عرفتها مهمة لهاد الدرجة وليت كنفكر نقتلها
جسور:(بدا يعطيها بديك السمطة شحطات كيسمعهم ريح و كيوقفو فلحمها بحال الجمر….بكل قوتو كيضرب و هي دايرة تعابير ألم و عاضة شفايفها ) غاااااااااادي طلبي سماااااااحة اتركعي ليها و تبوسي رجليييها
عشق:(ناضت كتوجع) على موتي مانطلبش سماحة
جسور:(صرفقها) اندفن مك حية و قسوحية راسك أترطاااااب
عشق:(باستفزاز) لمخير فحميرك ركبو الحمار
جسور: (قجها و تحت سنانو كيهضر) حماااار أنا حمار اووك (طلع ليها يديها لفوق شدهم ليها بالأصفاد )
عشق: شنوووو كديييير طلق مني (ركلاتو برجلها)
جسور:(شد ليها رجلها فدعها ليها حتى غوتااات بحر الالم) أنقطعهم ليك القحبة غا بلااااتي (بدا كيشرك ليها حوايجها و هي كتغوت حتى خلاها غير بدوبياس واقفة على رجل وحدة و حط يدو على الجرحة لي فكرشها كيعصرها بيدو) أنوريك لوييييييل لي جبدتي على راااااسك
عشق: وااااااااااااااع (غوتااااات من اعماق قلبها لكن دمعتها مابغاتش تسيلها باش مايربحش)
جسور:(طلق منها و بعد لور كيشوف كرشها كتنزف و صحتها لبيضة و المثيرة رجعات مزوقة بأثار الشحطات وجهها كولو ضرابي و شعرها مشعكك و من فوق هادشي رجلها مفدوعة ) مازال ماساااالينا (خرج لبرا شوية و بقات هي كتوجع فصمت حتى حسات بالما هابط ليها مع صحتها و بدا كيوجعها حيت مخلط بالملحة عضات شنايفها بألم و كتغوت)
….وصل نزار مكسيري بطوموبيل للبلاصة لي نعتلو جسور خرج و بقا كيشوف بخوف فالبلاصة و القلق كيدخل معاه جبد سوارت حل الباب و بدا كيتمشى فالرواق الطويل لمظلم و ريحة الخنز طالعة منو حتى وصل لآخر غرفة و فتحها باش يتصدم و يطيح سوارت من يدو...كيشوفها سخفانة مهبطة راسها مشوهة بالضرب و كولها دمايات…
نزار: عشق ختي (كيفكها و طاحت عليه شادها) فيييقي
عشق:(كتحاول تحل عينيها) خرجني
نزار:(حيد قميجتو لبسها ليها و هزها كيزرب بيها خشاها فطوموبيل و باغي يديها للكلينيك حتى جاه اتصال) الووو
قصي: واش لقيتيها؟
نزار: لقيييتها و ياريت مالقيتهاش بهاد الحالة غادي ناخدها للكلينيك
قصي: ماتديها لحتى بلاصة جيبها للقصر
نزار: واااش منيتك؟
قصي: سمعني و جيبها للقصر انعيط للطبيب
….قطع عليها و ضرب ضورة للقصر...خرج من طوموبيل هازها و داخل بيها تحت صدمة قصي و أماني و شفق و هبة
شفق: عشق (كتفحصها) شنوووو وقع ليييها
نزار:(زرب بيها للبيت و شفق و هبة موراه حطها و خرج بزربة) غاااااادي نقتلك (معصب و قاصد جسور ) نتاااا بنادم؟ بزااااف عليك الرجلة (دفعو)
جسور:(داخل معاه بالجبهة) تركن البرهوووش لانصدق داخل فيك
أماني:(جرات نزار) شنووو كديرو راكم كبار
نزار: شفتيييه كيفاش رجعهاااا كون كانت عندو ختو نشدها ندير فيها ديك الحالة و نشوفو شنو يدير
جسور: كووون كانت عندي ختي غادي نربيييها باش ماطلعش بحال ختك
قصي:(ضار لعندو عطاه كروشي للوجه) ماشي هادا ولدي لي ربيت(كيحرك راسو بلا) فين عمر الرجلة كانت تمد يدك على بنت اجسور
جسور:(هبط راسو قدام باه و هو كينهج) و الوليدة لي دارت فيها ديك الحالة؟
قصي: بين لعيااااالات هاداك سوقهم و انا عمرني تدخلت (كيغوت) زعما شنو؟ واش هااااديك ماشي مرتي و كنبغيها علاش مانضتش حتى انا نتعصب و ناخد حقي بيدي
جسور:(شاف فيه ب غضب) آذاتها حيت مشكلتها معاااايا منين عطاني نيار المنصب و هي كتخوي فيا سمها و كون جات غير فيا هااانيا و لكن توصل لمي لا
قصي: اكبر غلط دارو نيار هو عطاك المنصب ماتستاااااهلوش
جسور:(بقا كيشوف فيه مطولا) شكرا حيت ماتايقش فولدك
قصي: لي مكاين فرق بينو و بين الحيوان ماغاديش نتيق فيه
جسور:(رجع خطوة لور) حيوان؟
قصي: و همجي
جسور:(غمض عينيه ب حزن ) حيت ماطلعتش بحالك
قصي: مع الاسف ماطلعتيش بحالي أنا عمرني حطيت يدي على شيماء (بدل نبرة صوتو لقساوة) كنشوف قدامي نيار العصبي و لي يدو سابقاه (عطاه بالظهر) و حيت كتشبهلو نتا عزيز عليه
جسور:(انتابو القلق) انا ولدك
قصي: ولدي ماشي وحش
….خلاه تماك واقف و ضار جسور خرج من دار معصب و ماحاملش راسو حس بقلبو كيتقطع من هضرة باه...أما لفوق كانو لبنات كينظفو حالة عشق و كيداويوها...دخل عندهم قصي و نزار و اماني
قصي: كيفاش حالتها
هبة: واش جسور لي دار فيها هادشي؟ بحال الى داز عليها كاميو
نزار: (شد يد عشق) غادي تبراي ماتخافيش
عشق كتحل عينيها شوية و كتسدهم ماقادراش تهضر حتى دخل طبيب داوالها الجروح بمساعدة هبة و عطاها أدوية و خرجو خلاوها تنعس و ترتاح حيت دازت عليها ديال بصح ...
….هبطات طائرة في روسيا جاية من الجزائر و هبطو منها كل من شهاب و كمال و ريح خفيف كيضرب فيهم بقاو واقفين شوية علاما يقررو فين يمشيو
شهاب: وصلنا
كمال: منين انبداو دابا تقلاب
شهاب: رواح نبداو من الصحافة يكونو عارفين دارها
كمال: حتى هادا بلان الله يجعلني نقلب روسيا كاملها غادي نلقا ديابلا
شهاب: و دابا؟
كمال: انمشيو نرتاحو حيت عيينا
….ركبو فطوموبيل و ليكارد موراهم...توجهو للأوطيل لي حجزو باش غدا تبدا مهمتهم لي هي يلقاو الديابلا….اسمها كيتردد فمسامع جسور منين خرج من لكلوب و رجع للقصر...ماحاملتش يتلاقا بشيواحد نفسيتو عيانة….مع ايدخل عيطلو الشيفور
شيفور: ميسيو جسور عطاني واحد لولد هاد الطرد و مكتوب عليه الى الانسة عشق سقراط
جسور:(شدو و فتحو لقاه ضوسي) ماعرفتيش شكون جابو؟
شيفور: لا ماعرفتش
جسور: اوك(شد الضوسي فيدو كان غلافو زرق حتى كان بغا يحلو يشوف و تراجع...و كمشو فيدو طالع فدروج عندها يحطو ليها...غير كيقرب يوصل لبيتها كيرجع جوج خطوات حتى تشجع و دخل عندها بشوية و سد لباب لقاها ناعسة و كتغط فنوم عميق كيتفحصها بعينيه كاملها فاصمة ووجها مضروب...غمض عينيه بكره ماحملش راسو يكون هو السبب فهادشي واخا حتى هي تستاهل ولكن ماكانش خص الأذية تجي من عندو...جلس حداها كيشوف فيها و الضوسي فيديه) مكانش خاصني نتعامل معاك هكك ...أنا ماشي من النوع لي كنتعامل بوحشية غير الغضب لي عماني و نتي كنتي كتزيدي ليسانس فوق العافية (هبط راسو) فوقاش اديري عقلك اعشق و ماتبقايش خايبة؟ نتي…(سكت شوية و كمل ) بنت زوينة ...زوينة بزاف اي واحد يتمناك و حتى انا تمنيتك فواحد الوقت مخاصكش تكوني هاكا حيدي منك لقباحة (ابتاسم و شاف فيها كيفاش ناعسة بعمق) كنهضر معاك بحال الى كتسمعيني ولكن هادشي كنت محتاج نقولو ، الراجل مكيضربش لمرا و كنتمنى عمرني نعاود نضربك (قرب منها بزاف كيحقق فملامحها و عينيه كيمشيو لفمها المنفوخ و بلا مايفكر حط شفايفو على شفايفها مختارق كاع القوانين و ماهاموش شنو كيدير فقط لحظة نشوة تحكمات فيه...قبلات فرنسية على الثغر ديالها كيتمتع بيهم و فديك اللحظة غاب عقلو و تمنا كون كانت فايقة تبادلو فالتقبيل...كمش ليزار فيدو و طاح من يدو الضوسي حتى تشتتو الصور لي فيه و بعد منها عينيه ذابلين و قلبو كيضرب) هادي هي القبلة المحرمة من فم الشيطانة (عض شنافتو التحتانية) جربتها….
بعد منها و شاف ف ضوسي لي طاح منو و هبط كيجمع تصاور و لوراق حتى كيتصدم ب شنو كيشوف…
من بشاعة و هول المنظر كان مصدوم كيتفرج فتصاور و كمية الوحشية لي فيهم و الاستغلال...جلس شوية كيقرا و يتفرج فتصاور و باقي مامتيقش بلي محسن بيدوفيل ...الرجل الستيني لي كيبان نزيه و صورتو نظيفة ك رجل أعمال...ولكن الحقيقة الاعلام كيبغي يبين لينا الصورة الكاذبة على الناس لأن مور الكواليس كاينة قذارة مكيعرفوهاش الناس...جمع داك الضوسي و حطو فوق الكوافوز ديالها و كيشوف فيها و يتساءل شنو علاقتها ب محسن و علاش وصلها هاد الضوسي… أسئلة كثيرة غادي يلقا الاجوبة عندها ولكن ماشي ايسولها غادي يبحث بطريقتو...تخربق و عقلو مابقاش معاه...خرج من بيتها بسرعة
و بلا ماينتابه تزدح مع باه
قصي: بشوية عليك
جسور:(ارتابك) مازال مانعستي
قصي:(كيشوف فيه بتشكيك) شنو كدير فبيت عشق؟
جسور: دخلت نطلب السماحة لقيتها ناعسة
قصي: خصك تكون ممتن حيت مالقيتيهاش ميتا
جسور: الوليد مكظنش بلي قسيتي عليا شوية؟
قصي: لا تستاهل
جسور: اوك الوليدة كيبقات
قصي: مزيان
جسور: انشوفها
قصي: سير تمشي تنعس انا بغيت نعس غدا و شوفها (تمشا و تخطاه ماشي لبيتو)
جسور:(مشا حتى هو لبيتو و كيفكر بدل حوايجو و تكا بلاصتو كيحاول ينعس لكن مقدرش...شوية طاحت فبالو البوسة لي باسها و طلع يدو لشفايفو كيتحسسهم) كانت اتكون زوينة كثر كون كنتي فايقة…(تنهد) ولكن ماكنتش انرضا نبوسك ….اااه اعشق شنو كيدير داك الضوسي عندك أشمن مشكلة أتورط راسي فيها تاني؟
صبح صباح كينهي أسئلة الأمس و كيجاوب على الغد….فاقو كاملهم تفقدو شيماء و عاونوها تهبط تفطر تحت طلب منها ….فاقت ايضا عشق و بقات فبلاصتها كتحسس الامها ضورات وجهها شافت الضوسي و فتحاتو و بتاسمات...الموتشو وفا بوعدو ليها...قالت مع بالها غير الخدامة لي وصلاتو...ناضت بثقالة دخلات دوشات و خرجات كتشوف ف المراية الحرق لي فظهرها و كتزيد تحيد….نشفات راسها و لبسات كسوة كحلة واسعة و قصيرة بسماطي باش مايضروهاش الكدمات و الجروح و جلسات حدا مرايتها كدير مساحيق التجميل حتى خفات زرقة عينيها ...خلات شعرها مطلوق رطب باش ماتبانش الحرقة على ظهرها و يالاه اتخرج جاها اتصال…
عشق: نزار علاش كتصوني ليا؟
نزار: عشق خرجي للجردة ديالنا شي رجال بغاوك
عشق:(قطعات دغيا و نتابها الدعر قالت مع بالها شي عصابة لي جات خطفاتو...هزات الفردي و هبطات كتجري فدروج واخا كتوجع...دازت تحت نظرات العائلة و جسور غير شافها ناض تبعها بسرعة...خرجات للجردة و شافتهم مع نزار...بقات كتجري ماتحكماتش فراسها حتى عطات ركلة لوجه الشخص لي كان حدا نزار) بعد من خووووياااا
جسور: مابانلكش راهم مافيوزيين و من الافضل توريهم الباب منين ايخرجو حيت ممنوع يتواجد مافيوزي مع مخبراتيين
كمال: حنا جينا نقدمو المساعدة باش تشدو المافيا ديال تايغر و نلقا بنتي قالو ليا نجي عند الديابلا هي الوحيدة لي تقدر تلقاها
جسور: مانقدروش نعاونوكم و هاد المحادثة سالات
عشق: (خنزرات فيه) غادي تسالي فاش انا نبغي
جسور: كتخاطري بخدمتك و حياتك هادشي مامقبولش و بصفتي جنرال غادي نوقفك
عشق:(ناضت ) كنهضرو على بنت صغيرة خاطفينها و يعلم الله شنو كيديرو فيها و ماشي غير هي كاينين بزاف ديال الاطفاااال
جسور: هاديك ماشي خدمتك نتي مخبراتية من درجة رقيب
عشق: و شكون كيهتم؟ غادي نلقاها
جسور: منين اتبداي؟
عشق: من الموتشو انقلب عليه مرة اخرى و ايوصلني لبنتو (شافت ف كمال ) شنو سميتها
كمال: هيام
عشق: سميتها زوينة بحالي انا عشق و هي هيام (شافت ف جسور) غادي نلقاها
جسور: (تنهد) أنا مضطر نكون معاك
عشق: عرفتي نشوف وجهك معايا أسوء من أن التايغر يقتلني
كمال:(ناض ) عفاكم مادابزوش مابغيتش شي مشكلة توقع بسبابي (شاف عشق) مدام عشق كنتمنى هادشي مايأثرش على زواجك
عشق: وات؟ يييع انا مزوجة بهادا ؟ هنتي الذوق الرفيع لي عندي فاختيار الرجال
جسور: واو راهم غير مصافين عليك برا (طلعها و هبطها بنظرة ناقصة) اصلا انا لي مانرضاش تكوني مراتي
كمال: (ابتسامة كبيرة) ماتخيليش فرحتي منين عرفت بلي باقا سيليباطير
جسور: باغدون؟
كمال: قصدت باش مايأترش هادشي على حياتها العاطفية احم
شهاب: (ناض) رواح نمشيو
عشق:(قربات من كمال و خشاتلو كارط ديالها فجيب القميجة) مازال انتلاقاو و نهضرو
كمال: (ذايب ف عينيها) شكرا
جسور:(كيخنزر ف كمال ) احم الباب عارفينو و لا نوريه ليكم
كمال:(بادلو بنفس التخنزيرة) كنعرفو
خرج كمال هو و شهاب من بعد ما رتاحو نسبيا فاش تلاقاو بعشق و قنعوها تعاونهم
كمال: عائلة سقراط عائلة مثيرة للاهتمام فعلا
شهاب: (ركب ف طوموبيل) كنخمم وين سمعت النسب تاعهم
كمال: عائلتهم مشهورة أتكون سمعتي بيها
شهاب: امم يمكن
كمال: أنا غادي نبقا فروسيا
شهاب: أنبقا معاك و نحوسو على طفلتك بجوج
كمال:(حط يدو على كتفو) فالمحنة كيبانو رجال
شهاب: (ابتاسم) مابيناتناش
كمال: مشينا
شهاب: زيد نروحو (لمح شفق من زاج ديال الطوموبيل) عشق عندها توأم
كمال:(شاف لفين كيشوف) اممم هادشي لي كيبان
شهاب: (ابتاسم) سقراط...شفق سقراط
…..
جسور: كتلعبي بالنار
عشق: معروفة عليا هاد القضية
نزار: بفف بديتو نقاشكم أنا غادي نساحب(خرج)
جسور: حتى واحد ماغادي يقبل يعاونك
عشق: نسيتي بلي أنا رقيب
جسور: و انا جنرال و من حقي نمنعك
عشق: فاش أنشدو ديك المافيا غادي نكونو درنا انجاز كبير
جسور: ولكن نتي مكديريييش هكك على المافيا نتي بغيتي تلقاي ديك البنت صغيرة
عشق: (شافت فيه مطولا) أسوء حاجا هي يكونو كيغتاصبو فديك البنت صغيرة
جسور: أنقبل نشدو هاد المهمة الى خليتيني نكون معاك
عشق: مابقيتش كنفهمك مرة كضربني و تعايرني و تبغي تقتلني و مرة ثانية باغي تكون معايا
جسور:ماتنسايش باك وصاني عليك
عشق: اه عليها كنتي اتقتلني
جسور: درتي علاش
عشق: و مازال اندير (قربات منو) و منين خرجت من داك الحبس اعتابر موتك قريب
جسور: اممم شنو اديري أضربيني و لا اتجبدي الفردي و تقتليني
عشق: تء تء (زادت قربات منو) الفتنة أشد من القتل
جسور: (ضيق عينيه فيها و حرك راسو ب لا) الفتنة مكتشدش معايا
حطات يدها على صدرو كطلع بيها حتى لمور عنقو و جبداتو عندها لتاهمات شفايفو بين شفايفها و كدفعو حتى لسقاتو مع الحيط...طويل عليها و كتجبد عندو اما هو ماقدرش ادفعها ...لقا شفايفها حلوين...عيا يقاوم حتى شدها من خصرها ضمها ليه كثر كيدخل لسانو مع لسانها و ماعاطيهاش مجال فين تتنفس….حاوطات رجليها على خصرو و هو هزها لعندو مشا حطها فوق البيرو و كيكمل لبوسة...يديها كيتساراو فشعرو و عنقو و صدرو و يديه على صدرها محطوطين كيتحسس حجمهم لكبير….بعدات منو شوية كتنفس و هو كيلهث…
عشق: ماغاديش نرضا بهادشي لقليل
جسور:(ابتسامة جانبية و حط يدو فوق التوتو ديالها) و حتى انا ماغاديش نرضا
زيرات رجليها فاش حسات بيه كيحرك صباعو بشوية باغي يجننها...و جبداتو لعندها كيكملو البوسة...لي شافهم مايقولش كيكرهو بعضياتهم و ماشي عاد البارح كانو مضاربين ...علاقتهم مامفهوماش….بقا كيحرك بجهد حاس بيها قريبة تجيبو و تنهيداتها عمرو الغرفة جهلاتو و فات الفوت غادي يتخطى الحدود كثر….سمع الدقان فالباب
عشق:(عاضة شفايفها) ماتحبسش
جسور: (كيبوسها فعنقها) منقدرش (كيسمع الدقان لي جهد فالباب و تنيرفا)
عشق:(تعصبات حيت باقي ماجابت لبليزير ديالها و خايفة جسور يحبس) حرك كثر
امرأة تدخن الرجال الجزء الثالث
محتوى القصة
التنقل بين الأجزاء