قصي:(تنهد) نتوما ماعارفينش الخطر لي تابعكم(جلس فوق البيرو) فاش كنا انا و نيار و أماني كنقلبو على سيزار نشدوه داز علينا الجحيم
عشق: ولكن فتالي شديتوه
قصي: شديناه من بعد ما كنت غادي نخسر شيماء و هي كتولد جسور و كانت سارة خاطفينها المافيا و نيار طاح من جبل فقد الذاكرة
جسور: إنما دابا الوليدة باقا حية و انا قدامك و خالتي سارة راها مع عمي نيار فالمالديف
قصي: مافهمتووونيش لي بغيت نوصلو ليكم أنه غادي دوزو من مراحل صعيبة و باش تجاوزوها خصكم تكونو يد وحدة
عشق: اممم نتا عارفني مكنحملش ولدك ولكن نقدر ندير معاه بزاااف دلحاجات باش نكونو يد وحدة (غمزات جسور بلا مايشوفها قصي)
جسور:(ابتاسم للجنب) من عندي غادي نعقد هدنة معاها
قصي: اوك الى هاكا بداو من دابا مهمتكم بالتوفيق (مشا خرج )
جسور: قنعناه
عشق: أش ديك القجة درتي ليا بعدا
جسور: هاداك سميتو الذكاء أمادموازيل (قرب منها) ولا يمكن كان خصني نخليه يشوفنا
عشق: بببففف ماجبتوش (ربعات يديها بغات تمشي و رجعها عندو حاطة ظهرها على صدرو)
جسور: (همس ليها مور وذنها) كون قطعتيلي يدي قبيلة ماكنتيش اتلقاي شكون يكفت ليك (باسها فعنقها و خلاها )
عشق: (وقفاتو بجوج كلمات) ربحتك كالعادة (جات قدامو) لبارح قدرت نخرج أسوء مافيك و ليوم جريتك للعهر ديالي
جسور: و انا لي مستافد
عشق: (عضات شفايفها) وليتي لعبة فيدي اممم مابقيتيش عاجبني الحاجا الساهلة ماعندي ما ندير بيها
جسور: (ابتاسم) قلتها و انعاودها لي بحالك كنحويو فيهم و كنرميوهم و هادشي لي كنت اندير دابا (تخطاها و مشا خلاها واقفة بلاصتها كتشوف ف نقطة وحدة)
عشق: ( ضورات راسها شافت فيه بنظرة حادة و خلاتو حتى بعد و نطقات ) أنخليك تعشقني و تموت على التراب لي كنمشي عليه و فينما يقولو عشق يجبدو حداها جسور و العكس صحيح أيتجمعو سمياتنا ف إسم واحد ….جسور العشق
….خرجات حتى هي و لمحات لبنات جالسين فوق لفوتوي مع شيماء و توجهات عندهم
عشق: اوووه شوفو شكون كاين هنا (كطلع و تهبط ف شيماء) بريتي دغيا
شفق: (كترجف) أنا...أنا انمشي نجيب شيحاجا
عشق:( كانت موراها شداتها من كتافها جلساتها) جلسي حسابي معاك هو تالي
هبة: عاد لبارح كنتي كتموتي
عشق: شنو كتعرفي على القطة
هبة: 7 درواح
عشق: اوا قوليها لراسك
أماني: عشق بدلي ساعة بأخرى
شيماء:( شدات أماني فيدها) خليها تهضر و تخوي سمها
عشق: السم ديالي ايتخوا فولدك
شيماء: قربي ليه و اتشوفي لوجه لاخر
عشق: اممم حمستيييني
عشق: طلعي لبيتك بغيت نهضر معاك (طبطبات على كتف شفق)
شفق: شنو شنو بغيتي
عشق: مكنعاودش هضرتي
شفق: و..واخا (ناضت كتجري لبيتها)
أماني: هبة سيري عندها
هبة: نووو باش تخلطني معاها
أماني: هبة سيرييي
هبة: اوووف (مشات)
عشق: بففف ماكنتش انضربها كتخافو كثر من لازم
أماني: منين وليتي كتمدي يدك على لي كبر منك مابقيتش أنتيق فيك
عشق: اااه هادشي لي موجدينو تقولوه لبابا و ماما
أماني: غادي نقوليهم كولشي
عشق: ماغاديش يتفاجأو حيت مولفيني هاكا (كتخنزر ف شيماء) تخيلي فاش يعرف بابا و ماما علاش ضربتك و طحتي من دروج واخا انا ماشي مسؤولية على الكساح لي ضاربك فرجليك حتى طحتي من دروج ولكن انا مسؤولية على التصرفيقة لي رجعت ليييك و لي سبابها عايرتي نيار
عشق: هههه انا محور الكون احبيبتي (ميلات راسها و شافت ف شفق) هاد المرة دازت و المرة جاية ماندوزهالكش (ضربات الضورة و خرجات من عندهم...مشات للشقة ديالها ترتاح من صداع حتى جاها اتصال من نزار)
نزار: فينك جيت للقصر مالقيتكش
عشق: فالبرطمة ديالي
نزار: انجي عندك
عشق: بغيت نرتاح
نزار: بغيت نشوفك راني شحت
عشق: بفف اوك اتلقا لباب محلول
...مشات خوات شراب فكاس و جلسات كتشوف ف اللوحة و تبتاسم
من ديما كانت كدير غير لي فراسها و باقا كدير غير لي فراسها حقدها كتوازنو مع حبها للأشياء تقدر تبغي شيواحد و تآذي اي واحد غير باش يرضا هو و شكون من غيرو خوها لي تقيسها فعينها و ماتقيسهاش فيه ….هازة كأس دشراب متربعة على الكرسي حاطة رجل على رجل كتلعب فخصلات شعرها الاشقر و كتشوف بعيد و تخمم...دخل عندها بشوية باغي يخلعها حتى قاطعاتو بصوت رنان
عشق: شفتك
نزار: (صفق بيدو) ديمااا كتشوفيني كيفاش كديريلها
عشق: كنحس بيك
نزار:(عنقها من لور دالكرسي) ختيتو زوينة هادا كلو حب فيا
عشق:(ابتاسمات و حطات يدها على يدو لي كانت فعنقها) ماضسرش البرهوش
نزار: فعمري 22 عام مابقيتش برهوش
عشق: 21 عام
نزار: (قلب عينيه) اه 21 و بقات يوماين ندير 22
عشق: و أتبقا برهوش
نزار: هههه اه برهوش حيت عندي ختي كبيرة عليا و كتهلا فيا (باسها فحنكها و ناض عليها سها فاللوحة لي معلقة فالحيط مرة أخرى كأنه أول مرة أيشوفها ) شريتيها؟
عشق: شفتها عجباتك داك نهار و جبتها عندي
نزار: (تنهد) عجباتني شوفي كيف مرسومة شعرها بيض هابط حتى لفخادها و عينيها كريستاليين شوفة منهم كقتالة نيفها صغيور (ضار عندها) واش كيكفيها تستنشق بيه الاكسيجين؟ ههه (رجع كيشوف فاللوحة) فمها مثمر (رجع تنهد بعمق) كتبقا غير لوحة و ماشي حقيقية
عشق:(رجعات رشفات من كاسها) لي فاستطاعتي كنحضرولك
نزار: عارف (ضيق فيها عينيه) هادي هي الكادو ديال عيد ميلادي؟
عشق: اللوحة؟
نزار: وي هي
عشق: مانقولكش بلا ماتراوغ
نزار: أناخدهالك
عشق: (حكات جبهتها) أتجيك ماحسن من اللوحة
نزار:(حيدها من لحيط ) بااااي
عشق: (هبطات راسها كتشوف فالصبيانية ديالو و ضحكات مشا و خلاها كتبلاني مرة أخرى حتى جاها اتصال) أرتورو
أرتورو: وصلنا حنا قدام الخيمة
عشق: منعلمكش خدمتك
أرتورو: و عائلتها؟
عشق: رميلهم لفلوس مابغاوش قتلهم
أرتورو: (ابتاسم بمكر و قطع الاتصال)
فنفس لبلاصة لي هوما فيها في المغرب و بضبط الصحراء قطعو قارات و بحور و دول باش اوصلو ليها ب أمر من عشق كيشوفو الكثبان الرملية كضرب فيها شمس كتبان بحال الذهب هندسة الرمال و الجمال لي كيتمشاو فوقهم كيخليك منباهر بالمنظر الرائع...أرتورو كان كيشوف الخيمة المعلومة ديك لخيمة بضبط أيتكتب قدر البنت لي عليها جاو للصحراء….لابسة ملحفتها السوداء شعرها الابيض لي ديما عتابروه عائلتها و هي بنفسها فال نحس عليهم خارج كيديه الريح عويناتها برغم جمالهم إلا أن فيهم حزن ز انكسار ماتستاهلش بنت 15 عام مازال ماشافت فدنيا و هازة هم كبير عليها ….
لباثول:(أمها) مانفال تعالي
مانفال: فين نروح يا أمي
لباثول: غطي شعرك تعالي نروح حق والدك عند أهلو
مانفال: حاضر (غطات شعرها بحال المعتاد باش ماتسمعش معيور أهل الاب ديالها لي ديما منكدينها عليها كأنها هي لي ختارت تولد بداك شعر كتكرهو و كتبكي ديما لبنات كلهم عندهم شعر كحل من غيرها يالاه أتنوض من بلاصتها تخرج من الخيمة سمعت صراخ مها و باها مالحقاتش فين تفهم شافت رجال داخلين عندها جروها معاهم بقات كتغوت و كتشوف باها و مها شادينهم كيغوتو) طلك منييييي أميييي (كتنتر و تغوت و تبكي طاحلها الملحف من على شعرها) مانعرفكمش طلكووو منيييي أمييييي
أرتورو:(تقدم عند الاب و الأم و عطا إشارة يطلقوهم فورما طلقوهم مشاو كيجريو مورا بنتهم كيطيحو و ينوضو فوق الرملة الام هبلات بالبكا و الاب كذلك فلذة كبدهم ركبوها فالطائرة و مشات...رجع ارثورو عندهم و عطاهم رزمة د لفلوس و ماعطاهومش الفرصة فين إتحدثو زاد و خلاهم غارقين فنواحهم و الرعب ساكن فيهم من سلاح لفيدورات و إختطاف بنتهم) …
...رجع عندها نزار و جلس حداها ...جبد كارو و شعلو كيكمي
عشق: كيحسابني مشيتي
نزار: حطيت الطابلو فكوفر طوموبيل و رجعت
عشق: نتفرجو لشي فيلم
نزار: جيت نهضر معاك ماشي باش نتفرجو لشي فيلم
عشق:(مشات زادت كأس ليها) فاش نهضرو
نزار: شنو بينك و بين جسور
عشق:(ضارت عندو كترشف من كاسها) شنو لي خلاك تقول بلي بيناتنا شيحاجا
نزار: نتي ماشي من نوع لي كتعاودي شنو فقلبك و لكن انا كاين كنسمع ليك
عشق: فالوقت لي كنت بغيت نعاود ماكان حتى كيسمع ليا و فاش تعلمت نخبع كولشي فقلبي جيتي كتقولي نعاودلك
نزار: حيت انا ماعارفش مالك
عشق: كنتي صغير
نزار: ماتعاملينيش على اساس انني باقي صغير
عشق: شوف بيني و بين جسور الحقد و الكره
نزار: غادي ندمو على شنو دار فيك
عشق: لا ماتدخلش نتا عندك مستقبل كبير كيتسناك
نزار: غدا ايرجع بابا و ماما
عشق: و الكادو لي ايعطيوك هو توقع العقد باش تاخد الشركات
نزار: ماحاملش راسي
عشق: (عنقاتو) كولشي ايكون مزيان
نزار: بالنسبة ل لمافيا ديال تايغر بغيت نعاونكم
عشق: لا
نزار: و علاش لا
عشق: ماغاديش ندخلك فالمشاكيل
نزار: غادي نعاونكم من بعيد حتى واحد مايعرف
عشق: الى درتي خطأ صغير غادي يوصلو ليك و انا ميمكنش نعرض حياتك للخطر
نزار: كتشكي فخدمتي ههه
عشق: عارفاك كتختارق اي نظام تحط قدامك و هادشي مافخبارش نيار
نزار: و هادا السر ديالنا صغير (غمزها)
عشق: الى حتاجيت مساعدتك غادي نجي عندك
نزار: هههه مرحبا يالاه انمشي
عشق: تصبح على خير
نزار: اجي غدا بكري راك عارفة
عشق: وي غدا ايجيو واليدينا و اتبدا الحرب تاني
نزار: ماعندهم مايصورو منك
عشق: ههه تلاح البرهوش
سدات الباب موراه و مشات نعسات باش تشرق شمس الصباح و يبداو احداث مختالفة...فاقت دخلات دوشات و خرجات لبسات سروال دجين و ديباردور بيض و طلقات شعرها ...توجهات لطوموبيلتها و ماوقفات حتى للقصر...غير دخلات كولشي شاف فيها و ملامح باها و مها مكيبشروش بلخير
قصي: لاااا فاش كيتعلق الامر ب مراتي منعقل على حتى واحد فيكم
نيار: و شكون شاااادك دير لي عجبك
أماني: اويلي مالكم كتدابزو على شيحاجا ماعندها حتى معنى
عشق: لا عندهاااا و كدوبك عندو معنى
جسور: نتي لي كداااابة و باااغااا تخاصمي الصحاب
عشق: مك لي كدابة
جسور:(قرب عندها بسرعة و كون ماشي نزار كان غادي يضربها) ماتجبدي مي على لساااانك الموسخة
سارة: نيار تهدن نتا عارف عشق كيف دايرة واش غادي تكدبنا كاملين على قبلها
نيار: عشق كنعرفها فاش كتكدب ماتجيش من جيييهت صاحبتك
قصي: على الاقل هي عارفة صاحبتها على حق ماشي بحالك
أماني:(جرات شيماء و مشاو للبيت) شفتييييييي فييين وصلوووونا كدوبك
شيماء:(كترجف) ماعرفتش واش غادي نوصلو لهادشي
أماني: فكري معايا فشي حل ماخاصش يتخاصمو
…..
قصي: جسور سير جمع حوايجك و قول ل ماماك تجمع حوايجها غادي نخويو هاد القصر
سارة: قصي عفاك غير بشوية عليك هاد الدار ديالك حتى نتا نسيتي بلي شريتي نص فيها
قصي: مابقيتش بغيت نجلس فيها خليتها ليكم
جسور مشا لعند مو و لقا معاها أماني و حبس كيسمع ليهم
شيماء: مابغيتش شي مشكلة توقع بسبابي
أماني: المشكلة راه وقعااااات و دخلتيني فهاد اللعبة لي اتجيبنا المشاكيل
شيماء: شنووو نديرو
اماني: انمشي نقوليهم الحق ماغاديش نخلي صحاب يدابزو
شيماء:(شداتها) لا أماني ماتقولي والو الى عرف جسور و قصي ايكرهوني
أماني: على قبل جسور كدبت باش مايكرهكش ولدك ولكن الامور تعقدااات
شيماء: هاديك غير عشق ماشي شيوحدة تستاهل تنقذيها و حتى هي عايراتلي ولدي
أماني: كدبت و انا كنشوف ف عينيها حرام عليك
شيماء: عفاك ماتقولي وااالو
جسور:(رجع جوج خطوات لور مغمض عينيه بعصبية و حسرة ماحملش يتحط فهاد لبلان و يعرف بلي مو كدبات و خلات باه و نيار يتخاصمو و الاسوء من هادشي انه ظلم عشق...ضرب الضورة باغي يصلح الغلط لي دارت مو ووقف كيشوف نيار و قصي كيدابزو) الوليد ….
قصي: جمعتو حوايجكم صافي ؟
عشق:(كتشوف فالأرض بكره و ماحاملاش راسها نطقات بالغوات) كنت كنكدب شيماااااء ماعااايراااااتش بابا انا كدبت حيت مالقيت حتى حل اخر نفك راااسي سمحو ليا جبدت صداع بيناتكم (قالت هضرتها و خرجات من لقصر هربات)
جسور:(متبع ليها لعين بصدمة و تكبو عليه الأسئلة أبرزهم علاش رجعات راسها غالطة ...تحرك موراها كيجري و كيعيطلها) عشق...
….دغيا دخلات لطوموبيل و كسيرات خلات جسور موراها ماقدرش يلحقها و رجع دخل للدار
شفق:(كانت كتبكي منين بدا النقاش و غير تحل الموضوع رجعات كضحك و مشات عند شيماء) كنت خايفة تمشيو
شيماء: (حطات يدها على رأس شفق) حنا عائلة و انبقاو مجموعين
نزار: و عشق؟ ماشي وحدة من العائلة
نيار: نزار سكت
نزار:(غوت) نتااااا عاااارفها مكتكدبش
نيار: بدل ساعة بأخرى (خنزر فيه و غوت) خرج
نزار:(شاف فيهم واحد واحد و خرج معصب )
قصي:(كيخنزر ف شيماء و أشارلها ب راسو تبعو للبيت ...دخلو و ضار عندها معصب) علاش كدبتي ماااااشي هادي شيماء لي كنعرف
شيماء:(كترجف) مفهمتش علاياش كتهضر
قصي: نتي عارفة علاش كنهضر جسور سمعكم نتي و أماني و عرفتي شنو قاليا؟
شيماء: سمعنا؟ جسور سمعنا؟
قصي: قاليا ماتقولهاش للوليدة ولكن انا مكنسكتش على الغلط
شيماء:(طاحولها دموع من عينيها) انا مقصدتش
قصي: كنتي كتشوفيني انا و نيار كنتخاصمو و مادرتي والو
شيماء: ديك الهضرة على نيار خرجات مني فلحظة غضب إهئ اهئ والله ماقصدت و خفت ينوضو المشاكيل و تقلق مني نتا و جسور
قصي: نيار راه خويا ماغادي نقبل تقولي فحقو حتى كلمة د لعيب واخا تكوني معصبة و التصرف ديالك ليوم بين بلي عشق قيمتها كبيرة عليك و بزاف
شيماء: اصلا كووولشي بسبااابها (مسحات دموعها) شفتك كدافع عليها و هي ضرباتني و طيحاتني من دروج
قصي:(قرب منها معصب) او ولدك شنو دار؟ شدها و ضربها و ماخلا فيها غير لي نسا او واخا هكك نيار ماغوتش عليه
شيماء: اه كنعتارف بلي غلطت ولكن والله حتى كنت خايفة نخسر جسور
قصي: (شدها من كتافها) شيماء نتي عمرك ظلمتي شيواحد بقاي كيما عرفتك و ماغاديش نقولك شنو ديري حيت راك عارفة
….خرج قصي و بقات شيماء فلبيت كتبكي….و فجأة أخرى كانت عشق يالاه وصلات للبرطمة ديالها دخلات و لقات ارتورو كيتسناها و معاه مانفال مكتفا و سادين ليها و كتبكي
عشق: ( قربات منها كتشوف فيها ) تقدر دخلها للقصر؟
أرتورو:(شاف فيها) معصبة؟
عشق: (غمضات عينيها و حلاتهم) مافيا لي يهضر (سمعات صونيت ف الباب و شافت عند ارتورو) دخلها لبيت نعاس سربي (تأكدات بلي دخلو و حلات الباب بقات مبلوكيا كتشوف فيه )
جسور:(قرب منها و السؤال باين فعينيه) علاش (كيتحرك لعندها و هي كترجع لور حتى سمعاتو سد الباب عاد فاقت من شرودها )
عشق: عادي ماشي اول مرة
جسور:(شدها من يدها) بغيت جواب
عشق: طلق من يدي
جسور: مانطلقك حتى تقوليلي علاش
عشق:(كتشوف فالبيت لي فيها ارتورو و مانفال و كترجع تشوف فيه) سير بحالك
جسور: ماغاديش نمشي حتى ناخد جوابي
عشق: شتي انا عيييت منكم كلكم كظلموووني و كترجعوني انا الخايبة مابقيتش بغيت نشوف حتى شيواحد فيكم خليت ليكم القصر عيشو مرتاحين
جسور: أنا عرفت الحقيقة و عرفت بلي نتي مكنتيش كتكدبي
عشق: و منبعد؟ متبدل والو
جسور: عرفت بلي عندك قلب زوين
عشق: لا نتا غالط
جسور:(قرب منها ) قوليلي اذن علاش هزيتي التهمة و ماتكدبيش عليا
عشق:(كتشوف ف عينيه) حيت مابغيتكش تخرج من دار بغيتك تبقا ساكن معايا تحت سقف واحد
جسور:(كيشوف ف عينيها و ضرباتو اللقوة من كلامها كيقول مع راسو وااايلي واش عشق القاسحة كتقول هاد الهضرة مينكرش تزعزعات فيه شيحاجا لداخل قلبو كيضرب..من بعد دقيقة صمت عاود نطق) شنو انا بالنسبة ليك
عشق:(ابتاسمات) التحدي لي خاص نربحو
جسور: ماعرفتش انا اشمن نوع ديال التحدي بالنسبة ليك لكن بديتي كتربحي فعلا
ضحكات و هبطات راسها ... رجعات شعر مور وذنها
جسور:(هزلها راسها عندو بجوج صبعان و باقي كيشوف فيها بعينين مضيقين) تمشي معايا؟
عشق: فين ؟
جسور: لواحد لبلاصة عتابريها اعتذار مني
عشق: ميمكنش عندنا مهمة خصنا نبداوها
جسور: ماغاديش نتعطلو كنطلب منك نهار واحد
عشق: اوك ولكن حتى يفوت عيد ميلاد نزار
جسور: فوقاش عيد ميلادو
عشق: غدا
جسور: اتكون شي حفلة؟
عشق: لا بغاها تكون غير بيناتنا
جسور: مزيان و اتجي هاد ليل لقصر
عشق: مكنظنش بلي فكرة زوينة نجي خلي حتى يتهدنو الأوضاع
جسور: لا غادي تجي
عشق: مكنواعدكش
جسور: (باسها ف حنكها بالزربة ) متأكد اتجي و انتسناك (مشا خرج و خلاها واقفة بلاصتها حتى سمعات صوتو)
أرتورو: اممم الحب بدا كيدخل لقلبك ولا كيبان ليا
عشق:(ابتاسمات) كيبان ليا الخطة بدأت كتنجح ههه (ضارت عندو ) وحدة بحالي كظن بلي أطيح فالحب شي نهار؟
أرتورو: ماشي نتي و لكن هو
عشق: طال زمان و لا قصار كان ايطيح فشباكي
أرتورو: شنو فاتني؟
عشق: فاتك بزاف ديال التشويق
أرتورو: منين جيت و مالقيتوش ميت اذن مافوت والو
عشق: قريب يموت و فهاد المهمة لي أنديرو انا و ياه (جمعات القبضة ديال يدها) حلفت انقتلو و الديابلا كتوفي بوعدها
أرتورو: منين انرجع عندك اتعاوديلي كولشي
عشق:(شافت ف مانفال) هادا اجمل كاضو لنزار (أشارت ليه براسها) ديها للقصر و عنداك اشوفك شيواحد حطها فبيتي و تأكد من انها مربوطة مزيان باش ماتهربش
أرتورو: كيما بغيتي ..
….خرج أرتورو واخد معاه مانفال لي مافاهمة والو حيت عشق و ارتورو كانو كيهضرو بالروسية...وصل الليل و كانت هبة كتلبس و تقاد فراسها حيت اتخرج مع محسن للعشا و شفق جالسة حداها كتوصي فيها و تنصحها و تعاودلها شنو وقع ليوم
هبة: أنا من هادشي كااااملو تعطيني عشق تيساع و دير لي عجبها
شفق: عنداك تسيق لخبار بلي اتخرجي تعشاي مع محسن
هبة: ماعندها ماتصور مني
شفق: و غادي تقولها لماماك
هبة: شفق راه انا كبيرة و عارفة شنو كندير وليت مسؤولة على راسي و هادشي لي خصك ديري حتى نتي ماتبقايش خايفة من عشق
شفق: مانقدرش راه اتنحرني
هبة: حيدي الخوف منك و تحرري
شفق: واش كضحكي عليا ، الحمد لله لي خلاتني نبقا نكتب و نخرج الروايات ديالي
هبة: و شكووون تسوق ليك نتي ، الناس كيعرفو رواياتك و لكن مكيعرفوش شكون كاتبهم
شفق: مكيهمش المهم كندير شيحاجا كتعجبني (دلات شنافتها) و غادي يجي لي ايعرف بلي كنكتب الروايات
هبة: اممم بحال جسور
شفق:(تنهدات) ليوم منين كان غادي يخرجو من دار حسيت بدنيا ضارت بيا
هبة: اححح الحب شحال زوين
شفق: ماعرفتش شنو كيوقعلي ولكن عمرني كنت فرحانة حتى لدابا
هبة: شتي حيت نتي قلبك زوين و كتبغي الخير للناس ربي أيجازيك ب جسور خصك غير دعي و ربي ميخيبكش
شفق:(عينيها كيبريو) ان شاء الله (هزات يديها للسما) ياربي جعلو من نصيبي يا ربي (مسحات على وجها) اميين
هبة:(ناضت ) كيف جيييت
شفق: زوييينة بزاااف
هبة: يالاه انا انمشي باش مانتعطلش تشاااو
...خرجات هبة و خرجات موراها شفق كتوصيها ماتعطلش...دازت هبة من باب اللوراني ركبات طوموبيلتها و مشات للعنوان لي عطاها محسن و شفق منبعد ما تأكدات بلي مشات هبة رجعات للدار كتشوف الخدم كيوجدو الطبلة على حساب لعشا...شوية هي تلمح جسور هاد الاخير لي ابتاسم ليها و هي مشات عندو كتبتاسم ليه
شفق: سلام
جسور: اهلا (كيشوف جيهت لباب )
شفق: كتسنا شيواحد؟
جسور: اه عشق
شفق:(فرحات) اترجع؟
جسور: اه اترجع حيت هي مادارت والو و الوليدة هي لي كدبات
شفق: خالتي شيماء كدبات (دارت ملامح حزن) و ماما ماتعاملاتش مزيان مع عشق
جسور: غادي تصلح الامور خص غير عشق تجي
شفق: اه اتجي و ايتصلحو الأمور و الحمد لله حيت مامشيتوش من دار
جسور: ههه بغيتيني نمشي؟
شفق: (بسرعة) لا مابغيتكش تمشي (حشمات و هبطات راسها)
شفق:(قلبها كيفرفر) خليتلك الراحة غادي نمشي (مشات كتزرب فمشيتها حتى تخبعات منو و تكات على الحيط شادة فقلبها و مغمضة عينها كتبتاسم حسات بلي كطير بالفرحة )
...فالجردة كانت شيماء و سارة كيهضرو شوية شدات شيماء سارة من يدها و كترجاها بعينيها
شيماء: بغيت نقولك شيحاجا و عفاك سمحيلي
سارة: (بخوف) شنو كاين؟
شيماء: عارفاك كتيقي فيا و حنا خواتات ماشي صحابات و انا استغليت تقتك و كدبت
سارة: مفهمتش
شيماء: قبيلة عشق …(كتحبس و تكمل) عشق ماكدباتش كانت كتقول الحق
سارة:(حيدات يدها من يدها) واش هدداتك بشيحاجا؟ راه كنعرف عشق غير قوليلي
شيماء: لا هاد المرة انا لي غلطت و ظلمتها (طاحولها دموع من عينها) تيقي بيا خفت ينوضو المشاكيل و نخسر جسور و نتي دابزي معايا
سارة:(ناضت عينيها مغرغرين بدموع و شافت فيها) انا ضربت عشق على قبلك انا رجعتها خايبة على قبلك حيت كنعتابرك ختي لي حليت عليها عيني
شيماء: تيقي بيا اسارة اهئ اهئ كنت خايفة و مقصدتش ندير المشاكيل
سارة: الصحااااباااات مكيديروووش هاكا انا تقت فيك و رجعت بنتي خايبة على قبلك
شيماء: كولشي عارف دابا جسور و قصي راهم عارفين بلي كدبت اهئ اهئ و قلتهالك باش تسمحيلي
سارة: ماشي انا لي انسمح ليك خص عشق تسمحليك اما انا خسرتي تيقتي (ضارت دخلات للدار و خلاتها تماك كتبكي )
…..دخلات الديابلا كما العادة كتشوف فالأرجاء و هي تلاقا ب نيار
عشق: (تنهدات) غوت عليا و قولي بلي مكنحشمش و خرجت ليك من جنب و ديك لهضرة الحامضة لي كدخل من وذن و تخرج من لخرا
نيار: مايحتاجش راكي عارفاها
عشق: بغيتي تقنعني دابا بلي ماغاديش تغوت عليا
نيار: خسارة فيك ماظنيتكش ضعيفة هكك
عشق: شنو كتقصد
نيار: عارفك مكدبتيش و لي بقا فيا هو علاش بدلتي هضرتك و نتي على حق
عشق: (هزات كتافها بعدم المبالاة) ماشي شيحاجا تستاحق ندابزو عليها
نيار: لا بنتي تستاحق ندابزو عليها (تنهد) مور لعشا بغيتك فالبيرو ديالي قالي قصي على المهمة لي بغيتو ديرو
عشق: اوك (زادت جلسات فكرسيها هي و نيار و كتسناهم يجيو كاملهم شوية جا جسور مبتاسم و غمزها...و جات شفق و أماني هاد الأخيرة لي ماقدراتش تشوف ف عشق لي كتخنزر فيها...تبعهم نزار و قصي و شيماء و سارة )
سارة:(كتشوف ف عشق بتأنيب ضمير) عشق لباس؟
عشق:(رمات الفورشيط فوق طبسيلها بزعاف و رجعات لور) واش مايمكنش نتعشاو فالسكات؟
نيار: ششش كملو ماكلتكم (شد فيد سارة)
شيماء:(ناضت وقفات كتشوف فيهم) قبل مانبداو الماكلة بغيت نطلب السماحة من عشق داكشي لي درتو خايب و مابغيتكمش تكرهوني (مسحات دمعة هابطة) و سمحيلي اسارة و حتى نتا انيار هادشي ماغاديش يتعاود (جلسات فبلاصتها)
عشق: مابغيتكش طلبي سماحة حيت لي خاصو يطلب سماحة هو أماني
أماني:(تحطات فموقف خايب) انا غالطة و كنعتاذر
عشق: فالوقت لي نتي جالسة كتشهدي شهادة الزور واش عارفة بنتك فينها؟
عشق: السؤال ماشي هو خرجات السؤال لي توجهيه ليها معامن خرجات
نيار: عشق باراكا (شاف ف أماني) هبة ماشي صغيرة راه عارفة شنو كدير
قصي: أه اتكون خرجات مع هارون
عشق: هههههههههه (ضحكات ب أعلى صوتها و ناضت من بلاصتها ) هارون؟ لاواه نمي
نيار: عشق (خنزر فيها)
عشق: منين تجي بنتك و سوليها اووف هاني كنتسناك فالبيرو كملو على خاطركم العشا و بصحتكم
أماني:(ناضت من بلاصتها طلعات لبيتها كتعيط على هبة) جاااوبي اهبة جاوبي اوووف(مكتجاوبهاش و فينها هبة دابا رآها عايشة فوق السما السابعة...من بعد ما وصلات للمطعم الفاخر لي اتلاقا فيه بمحسن خرجات من طوموبيلتها كتمشى بشوية عليها و لقاتو كيتسناها...كيشوف فيها بنظرات ذئب قريب ينقض على الفريسة ديالو...لابسة كسوة خضرة لاسقة عليها و مزينة رقبتها ب عقد زمردي اخضر و طالقة شعرها أما هو كان لابس ملابس رسمية سوداء أقل من سواد قلبو...تلقا ليها بالقبلات و التعابير الجميلة لي سحراتها و خلاتها غير كضحك...جلسات هي و ياه كيتبادلو أطراف الحديث)
محسن: مكرهتش الوقت يوقف و نبقا نشوف غير فيك
هبة: الوقت كولو لينا
محسن:(هز يدها باسها) كنشكرك حيت جيتي و ماحرمتينيش من شوفتك
صخر:(دخل لعندهم و هز هبة من يدها) انا لي انحرمك من شوفتها(هز الفردي اتجاه باه)
هبة: صخر واااااش حمااااقيتيييي
صخر: مكنعااااااودش هضرتي جوج مرات قلت ليك بعد منهاااااا
محسن:(تعصب) غاااادي تندم
صخر: (دفع هبة قدامو) تحركييييي
هبة: طلق مني
صخر: (زدحها فطوموبيل و كسيرا ) غادي تشكريني من بعد
هبة:(كتغوت و تحاول تحل الباب حتى حسات براسها كدوخ) شنو كيوقع ليا
صخر: (كسيرا بطوموبيل و ضار شاف فيها نعسات) كان غادي يتعدا عليك
…...تجمعو فالبيرو جسور و عشق و نزار مع قصي و نيار كيهضرو فالمهمة لي ايديرو و منين ايبداو و تافقو على كولشي
جسور: علاش نزار كاين معانا
نزار: حيت عزيز عليا نسمع هضرتكم الحامضة
نيار: (عطاه العقد يوقعو) غدا عيد ميلادك و هادي انسب لحظة توقع فيها العقد باش تشد الشركات
نزار: هادا هو الكادو ديالك؟
عشق: وقع و هنينا وليت كنسمع الشركات كثر من اي حاجا آخرى
نزار: مابغيتش نشدهم بأشمن لغة نقولها؟
نيار: غدا عيد ميلادك…
نزار:(قاطعو) حيت غدا عيد ميلادي خصك تعطيني كادو يعجبني
جسور: مفشش مع راسك
نزار: و نتا دخل سوق راسك
عشق: نزار اجي معايا بغيت نوريك واحد لحاجا أتبدل رأيك
نزار: ماكاينا حتى حاجا تخليني نبدل رأيي
عشق: ماتحدااانيش (شافت ف نيار) واحد 5 دقايق و انرجعو (جرات نزار معاها)
….خدات معاها نزار لبيتها حلات لباب و عطاتو اشارة بيدها يدخل...حتى هو تمشا بخطوات تابتا و كيضور اشوف ف عشق بنظرات تساؤل شوية تركزو عينيه عليها...ناعسة على النموسية و مكتفا شعرها الابيض متناثر على المخدة لحمرا و لباسها الصحراوي ماقدرش يحجب فصالتها و جمال طايتها...ناعسة و ملامحها مقرومين و نيفها حمر و شفرانها مازال فازكين إثر البكاء لي بكات...قرب لعندها و جلس حداها، كيشوفها و مامتيقش
نزار: كيفاش هادشي
عشق: كانت افضل حاجا نقدمهالك كادو
نزار:(ناضت لعندها) خطفتييييها؟
عشق:(هزات كتافها) حيت عجباتك
نزار: مكنتش عارف بلي حقيقية
عشق: شنو ادير بيها الى ماعجباتكش نرجعها منين جبتها
نزار: واش هبلتي (هزها كيضور بيها) ههههه أفضل كادو
عشق: واااا نزلني ههه
نزار:(نزلها) حمقاتني
عشق: الى بغيتيها خصك توقع على العقد و تاخد الشركات
نزار: شنو جاب هادي لهادي
عشق: منين ايعرف بابا بلي خطفتها و جبتهالك ايحيدوهالك و يرجعوها منين جابوها ولكن الى ولاو عندك لفلوس تقدر تاخدها و تمشيو بعيد
نزار: شيطاااانة
عشق: ههه و كولشي كنضربلو لحساب
نزار: أنمشي نوقع العقد (مشا و رجع) ولكن ناخدها بعدا لبيتي
عشق: ايتكلف بيها ارتورو
نزار: لاااا مايحط عليها حتى واحد يدو(هزها فيديه كيشوف فيها و خايفها تفيق...خداها لبيتو و حطها و حيدلها لحبل باش كانت مربوطة و خلاها تماك و خرج سد لباب بساروت )
صخر: نتيييي (وجه ليها صبعو) نتي حتارمي راسك و بعدي على راجل قد باك قبل مايصدق معدي عليك و لايحك
هبة: نتا لي كتعداااا على لبنات ماشي
صخر: شوفي ماعرفتش شنو قالك الوليد عليا ولكن لي عارفو كون ماوصلتش عندك لبارح فالوقت كان غادي يتعدا عليك
هبة: مافهمتش من صبااااح و نتا كتقول يتعدا عليا واش جاتك لغيرة
صخر: مااااال مك مكلخة (رفع صوتو) لبارح حطلك منوم فداكشي لي اتشربي باش يغتاصبك و صباح منين تفيقي يقولك دازت ليلة زوينة و يرميك و نتي ماتقدري تقولي والو حيت ايكون صورك عريانة و ايهددك الى هضرتي
هبة: (انتابها القلق) نتا كتكدب
صخر:(جهلاتو) كوووون كنت كنكدب ماكنتيش اتفقدي الوعي بلا سبب
….خرجات هي و ياه و ركبات بلا متهضر و مازال كتفكر ف هادشي لي وقع ليها ماحسات براسها حتى وصلات للقصر...و دخلو بجوج حتى كيتصدمو ب محسن جالس حدا اماني غير شافو هبة ناضو بجوج عندها
محسن: بيني ليا بلي باغاني كيف ما انا باغيك (ابتاسم ليها) تهلاي فراسك (خرج و خلاها واقفة تماك قلبها كينغزها ماعجبهاش لحال منين تقلق منها و كرهات صخر من اعماق قلبها منين دارليها المشاكيل ...تمشات لبيتها كتجر رجليها و تلاقات مع أماني )
هبة: ماما عفاك بلاتي و نهضرو
أماني: كيفاش بلاتي راه خصك تفهميني
هبة: عيانة و مافيا لي يهضر منبعد (دخلات لبيتها و سدات عليها لباب)
….فالبيت المجاور ليها لي فيه نزار كان فايق واقف متكي على الحيط كيشوف ف مانفال و كيتسناها تفيق بفارغ صبر...و بعد طول انتظار تكرمات عليه صاحبة الحسن و الجمال و ناضت كتفوه و تحك فعينيها بحال شي بريهيشة...بقات دقيقة كتشوف فيه و كيشوف فيها عاد استوعبات فين كاينة و بغات تغوت و هو يزرب عليها سدليها فمها بيديه
نزار: (ناض) مفهمتكش شنو كتقولي هضري بوضوح باش نفهمك
مانفال:(حمرات فيه عينيها) لا
نزار: جلسي ترتاحي
مانفال: لخطيفة حرام أشنو بغيتو مني
نزار: (ناض ورا ليها الطابلو فاش مرسومة) نتي هادي؟
مانفال:(بقات كتشوف ف طابلو و رجعات بيها ذاكرتها لور نهار جاو سياح للصحرا و تلاقات برسام لي طلب منها يرسمها او وافقات) ماني كاع عارفة منو هو (ضارت عندو) الرسام مانعرفو
نزار: (حال فمو فيها مافهم حتى لعبة ) مافهمتش
مانفال: (جلسات فوق النموسية كتبكي) إهئ اهئ بغيت نكيس حق الوالد و الوالدة إهئ اهئ بغيت امييي
نزار:(حط اللوحة و جلس على ركابيه بقات فيه) ماتبكيش انا ماغاديش نضرك و لا نآذيك
مانفال: خودني عند أمي إهئ اهئ
نزار: (عطاها كلينيكس) وا غير ماتبكيش و نهضرو منبعد على واليديك
مانفال:(كتمسح دموعها) اللهجة الصحراوية صعبة خاصة الحسانية
نزار: نتي صحراوية اذن
مانفال: أعرف أتكلم بالمغربية باش تفهمني
نزار: (ابتاسم و كيشوف فيها شحال زوينة و عويناتها كريستاليين زورق و فمها غوز منفخ و كتحمق بزين بيضة شمعة و لي مزينها هو شعرها ) هاكا حسن
مانفال:(كتشوف فيه) نتا أحسن من دوك
نزار: شنو؟
مانفال: رجال لي جابوني كانو قباح
نزار: شنو داااروووليك؟ قوليلي انعاقبهم
مانفال: لا حشومة الله اسامح
نزار: و انا؟ كيجيتك
مانفال: نتا أحسن
نزار: منين شفتك فالرسمة عجبتيني بزاف و ختي كتجيبلي اي حاجا عجباتني و قلبات عليك و جابتك ليا
مانفال: أنا بغيت أمي أنا عمري فحياتي بعدت منهم (طاحولها دموع) خودني عندهم
نزار: بقاي معايا حتى انا ظريف و دغيا تولفيني و عائلتي ايعجبوك
مانفال:(كتحرك راسها بلا ) بغيت نروح
نزار: (كيتبرهش بحالها و كيدير نفس حركاتها) ولكن انا عجبتيني و عجبني شعرك و عينيك و نتي كلك عجبتيني
مانفال:(علقات ف عقلها ديك عجبني شعرك) عجبك شعري؟
نزار: اه زوين بزاف
مانفال: لا مازينش (ناضت) كاع طفيلات راسهم كحل و انا بوحدي راسي بيض
نزار: داكشي علاش عجبتيني حيت مختالفة
مانفال: أتاخدني عند أمي؟
نزار:(كيبغي ينسيها و كترجعلو لنفس الموضوع) شنو سميتك
مانفال: مانفال
نزار: و انا نزار (مدلها يدو)
مانفال:(خلاتو معلق) حشومة نسلمو على رجال
نزار:(جمع يدو) و لكن انا ماشي بحال رجال
مانفال:او بحالاش؟
نزار: لي بغيت نقولو هو انا غادي نتهلى فيك و ايعجبك لحال
مانفال: (هزات كتافها و دلات شنافتها) بغيت نروح عند أمي
نزار:(على شوية يضرب راسو مع الحيط) ليوم عيد ميلادي و كاينة حفلة صغيرة تهبطي معايا ليها؟
مانفال:(حمارو حنيكاتها) لا حشمت
نزار: مناش حشمتي؟
مانفال: واليديك
نزار: وليديا ظريفين اتهبطي و تعرفيهم
مانفال: الى نزلت معاك أتاخدني عند أمي
نزار: (تنهد) نديك عند أمك
مانفال: (ابتاسمات و بانو الغمازات ديالها) متافقين
نزار:(تبلوكا فيها داك شوية ديال لعقل لي عندو اطيروليه…حمقاتو ابتسامتها و الغمازات لي عندها) فيك جوع؟
مانفال: (حركاتلو راسها ب أه)
نزار:(مشا لفيكس و قال للخدامة طلعلو لغدا لبيتو...لحظات و جات عندو دقات و هو حبسها فالباب و دخل داكشي باش ماتشوفش مانفال و مشا حطولها قدامها) كولي
مانفال: شكرا (مدات يديها كتاكل بثقالة و هو جالس قبالتها حاضيها و كيشبع شوفتو فيها)
نزار: الى بغيتي الحمام هاهواك (اشارلها بيدو) و الى بغيتي تفرجي فشيحاجا نشعلك تلفازة
مانفال: شكرا
نزار: العفو (حط يديه تحت خدو و بقا كيتفرج فيها)
….فالشقة كانت جالسة مع ارتورو كتعاودلو شنو وقع فغيابو
عشق: مانسيتهالوش و مازال اندمو
ارتورو: خص عقابو يكون كبييير
عشق: موتو اتكون على يدي
ارتورو: موجدة ليه شيحاجا؟
عشق: منهنا يوماين فاش نلقيو القبض على موتشو فالحدود التركية غادي نتهنا من جسور
ارتورو: اديريلو فخ ؟
عشق: سي و انرجع نقول ليهم مات فالعملية
ارتورو: و هاكا ماغادي يشك فيك حتى واحد
عشق: تماما
ارتورو: بشنو تآمريني؟
عشق: حتى حاجا رتاح شوية (مشات لبيتها و كتهضر معاه بجهد) انجمع شوية من حوايجي
ارتورو: فين بغيتي تمشي
عشق: مع جسور لليخت
ارتورو: الراجل لي بغيتي تقتليه أتمشي معاه تفوجي
عشق: تيق بيا بغيتو يشوف وجهي و يحفظو قبل مايموت
ارتورو: ولا كيبقا فيا ههه
عشق: (جمعات صاك صغيور و خرجات عندو) متشوقة نشوف ردة فعل كل من كاين فالقصر فاش يعرفو بلي جسور مات ههه
ارتورو: اتكون صدمة ليهم
عشق: و فرحة كبيرة ليا
ارتورو: اتمشي للقصر
عشق: وي ليوم عيد ميلاد نزار
ارتورو: يالاه نوصلك
عشق: اووك
….خرجو من الشقة و توجهو للقصر لي كان فيه جسور ف بيتو كيجمع حتى هو صاكو و كيفكر فديابلا...سمع دقان فالباب
جسور: دخل
شيماء:(دخلات مبتاسمة) ولدي
جسور: وي الوليدة
شيماء:(عنقاتو) لباس عليك
جسور: الحمد لله و نتي كيبقيتي
شيماء: مزيان غير رجلي لي كضرني شوية
جسور: نمشيو للطبيب؟
شيماء: لا اولدي انا بيخير
جسور: اوا الحمد لله
شيماء: شفتك كتجمع صاك فين غادي
جسور: بغيت نمشي لليخت غدا
شيماء: اووه عندك يخت معامن اتمشي
جسور:(بارتباك) بوحدي
شيماء: و علاش اتمشي بوحدك
جسور: عندي خدمة صغيوة و بغيت نشوفو شحال هادي ماطليت عليه
شيماء: شنو بانلك تاخد شفق معاك
جسور: و شنو ادير شفق معااايا
شيماء: خرجها معاك تفوج شوية و رجعو
جسور: لا ماصالحش
شيماء: عفااااك اجسور
جسور: الوليدة والله ماصالح
شيماء: اصلاح خودها و رجعو عفاك على قبلي
جسور:(بقلة حيلة) واخا كيما بغيتي
شيماء: الله ارضي عليك هاني انمشي نقولهالها هه (خرجات من عندو و هو جلس كيضور فعينيه شنو ايقول لعشق دابا حصلة و اشمن حصلة ...دخلات شيماء عند شفق لبيتها بسرعة و مالاحظاتش بلي دازت من حدا عشق بلا ماتنتابه هاد الاخيرة لي قربات لبيت شفق كتسنط، دخلات شيماء عند شفق لقاتها كتمشط شعرها)
شيماء: بنتي شفق
شفق: اهلا خالتي
شيماء: نوضي جمعي حوايجك اتمشي مع جسور غدا لليخت
شفق: كيفاااش؟ امتى؟
شيماء: غدا عرفتو بلي غادي يمشي و قلتلو يديك معاه
شفق:(بخجل) انا؟
شيماء: اه نتي احم شفق قوليلي كيف كيجيك ولدي
شفق: كيف كيجيني زعما كيفاش؟
شيماء: واش كيعجبك؟
شفق: (حمارت) اويلي
شيماء: غير منين تزنكتي اذن كيعجبك ههه بصراحة مانلقاش ماحسن منك لولدي و ماكرهتكش ليه
شفق: (ابتاسمات) جسور تمناه الف وحدة
شيماء: واهو يتمناك غير نتي هه والله ابنتي جسور ايكون غير ليك
شفق: غدا انمشي معاه؟
شيماء: وي اتمشي معاه باش تقربو من بعضياتكم و تفاهمو و ان شاء الله غير ترجعو نسمع بلي ناويين تتزوجو هه
شفق: هه ان شاء الله اخالتي
شيماء: خليتلك الراحة دابا و هاني علمتك هه
عشق:(ضارت على وذنيها الهضرة كاملها و فعوض ماتعصب فرحات و بدات كضحك هادي هي الفرصة ديالها...زربات و بعدات على لباب قبل ما تشوفها شيماء ...شوية تزدحات مع نزار) بشوية عليك
نزار: ديزولي الزيونات (مشا كيجري دخل عند شفق)
….دخل نزار عند شفق بسرعة و جرها من يديها
نزار: اجي معايا دغيا
شفق: وا بشوية انزار
….دخلها نزار لبيتو و سد الباب...ضارت شفق كتشوف ف مانفال و هاد الاخيرة خافت منها حيت كتشبه لعشق
شفق: شكون هادي؟
نزار: هادي مانفال (شاف ف مانفال) هادي ختي شفق
مانفال: هي لي خطفاتني
نزار: لا ماشي هي لي خطفاتك ختي لوخرا عشق هي لي خطفاتك
شفق: شنو كتقول؟ شكون خطف شكون؟
نزار: هانتي جلسي مع مانفال و تعارفو
شفق: شكون هادي انزار و علاش خطفاتها عشق
نزار: من بعد و نقولك دابا لبسي ليها شيحاجا مستورة و قاديها باش ندوز انا عندها نهبطها للحفلة
شفق: واش فخبار بابا و ماما هادشي
نزار: لا مافخبارهمش و حيت نتي ختي زوينة لي كتستري عليا ماغادي تقولي والو
شفق: اه انا كنستر عليك و عشق كتفكك
نزار: المهم لبسيها و خليها هنا فالبيت و هبطي حتى نجي انا عندها (خرج و خلاهم)
شفق:(شافت ف مانفال و ابتاسمات) سلام انا شفق
مانفال:(بادلاتها الابتسامة ) و انا مانفال…
….بقاو كيتعرفو بجوج و كتعاودلها مانفال كولشي ...اما عشق فكانت فبيتها لبسات كسوة فوق ركبة بينات فخادها بسميطات فلحمر و صدرها نصو باين و دارت ماكياج سموكي و سرحات شعرها حتى ولا كيف لحرير و خرجات هابطة من دروج كتشوف تجهيزات بسيطة...كيكة فالوسط و شموع ضايرين بيها ...كانت بغات ترجع لبيتها و هي تلاقا مع سارة
نزار: الكادو ديالها بدلني بين ليلة و نهار و حتى لبلاتي شوية و نوريه ليكم
جسور: (شاف ف عشق) جاني لفضول
عشق: (مشات خوات لراسها كأس ديال شراب) لفضول كيقتل مولاه (بادلاتو بنفس النظرة)
جسور:(حرك ليها راسو بمعنى تبعيني و خرج اما عشق خلاتهم حتى تلهاو بيناتهم و قطعو لكيكا عاد خرجات عند جسور...سمع صوت الطالون ديالها و ضار) ديابلا
عشق: مالك؟
جسور: نبدلو لبلاصة ديال اليخت؟
عشق: علاش تشوقت نشوف اليخت ديالك
جسور: لا نمشيو غدا لبلاصة أخرى بلاصة فيها ثلج مثلا
عشق: مايصلاحش كنت انعتاذر منك و نقولك بلي مانقدرش نمشي معاك لليخت حيت عرفت بلي موتشو غدا ايبدا العملية
جسور: ماشي من بعد يوماين؟
عشق: لا تقدر تمشي نتا و انا انفذ المهمة بوحدي
جسور: كضحكي معاايا مانقدرش نخليك بوحدك
عشق: اتمشي معايا؟
جسور: انمشي معاك
عشق:(ابتسامة خبيثة) و نعوضو هاد تفويجة لمرة أخرى
جسور: و كنواعدك اتكون زوينة
عشق:(قربات منو) حيت نتا فيها
جسور:(ساهي ف عينيها و كيتمالك راسو) شنو سميتو هادا
عشق: فن الاغراء ههه (ضارت كتعوج فمشيتها و دخلات للدار و خلاتو متبعلها لعين و كيبتاسم)
...دخل للدار تابعها...شوية نزار طلع لبيتو باش يجيب مانفال...دخل لقاها جالسة و كتسنى
نزار: مانفال
مانفال: (ضارت عندو مبتاسمة) هاني
نزار:(بقا فيها كيشوف ..الكسوة لكحلة طويلة و منبتا العقيق جاتها كتحمق و لي زاد زينها هو حزمات ملحفة طويلة و رجعاتها بحال الملحف الصحراوي و غطات بيه شعرها ) جيتي زوينة
مانفال:(توردو خدوها) شكرا
نزار: نهبطو؟
مانفال: اه
نزار:(عطاها مجال دوز قدامو و تبعها غادي جنبها و كيوريها منين ادوزو هوما هابطين من دروج و لعيون كاملها عليهم حتى وصلو و كولشي ساكت كيشوفو ف نزار) احم هادي مانفال
مانفال: وني بيكم
نيار: نزار؟ منين جبتي هاد البنت
نزار:(قلب الهضرة بالروسية) رحب بمراتي المستقبلية
سارة: هاء كيفاش
نزار: شحال و نتي مصدعاني تزوج تزوج منين جبتليك البنت لي بغيت كتقوليلي كيفاش
هبة: علاش مافكرتيش فضحك نهار طلقتي من بابا ولا ديك ساعة كنتي فرحانة فاش فرقتيني عليه
أماني:(جبداتها معاها بتصرفيقة) قليلة الأدب (مطلعة فيها صبعها و كتهددها) واخا نعرف نحبسك و نشدك بالسناسل و مانخليكش تمشي عند محسن كتسمعي (خرجات و زدحات الباب و هبة دموعها شلال...صونات على محسن لي فأحضان بائعة هوى كيلعبلها فشعرها) الو إهئ اهئ
محسن: هبة مالك
هبة: انا قلت لماما بلي كنبغيك إهئ اهئ و هي رفضات علاقتنا و إنا منقدرش نبقا بعيدة عليك
محسن: ششش ماتبكيش غادي نلقاو حل و اتقبل بعلاقتنا و الى قتاضا الحال غادي نجي برجلي عندكم و نهضر معاها
هبة: غادي تجي بصح؟
محسن: غادي نجي منقدرش على دموعك
هبة:(مسحات دموعها) انتسناك (قطعات الخط مرتاحة نسبيا عكسو هو لي كيضحك على غباءها)
….صبح صباح جديد ماشي بحال كاع صباحات لأن احداث جديدة غادي تبان مع ابطالنا...ناض نزار بكري جمع حوايجو و دخل لبيت لعند شفق لقا مانفال ناعسة حداها و قرب من مانفال كيفيق فيها بشوية
نزار: مانفال فيقي
مانفال:(حلات عويناتها كتشوف فيه) نزار
نزار: ششش اجي معايا
مانفال: فين؟
نزار: ياك بغيتي تمشي عند واليديك اوا يالاه
مانفال: (بفرح) راعاني جايا
نزار:(شدها من يدها و خرج بلا مايدير الحس و هبطو فدروج خرجو من لقصر...ركبو فطوموبيل و كسيرا ) فيك جوع؟
مانفال: بغيت نعس (كتفوه)
نزار: نعسي
حطات راسها على سرجم و نعسات ااما هو مدة او وصل للبلاصة فين كاينة طيارة كتسناه...نزل من طوموبيل و ضار لعندها هزها فيديه و طلعو للطيارة في إتجاه المغرب هاربين من كولشي و حيت ماقدرش يتقبل فكرة انه يبعد منها ختار يهرب هو و ياها و يخليها تبغيه عاد يديها لعند واليديها و يتزوج بيها..كيشوف فيها و عارفها صغيرة على هادشي ولكن قلبو دق ليها من اول مرة شافها فالرسمة و حلف مايفرط فيها...
...كانو فالمركز كيوجدو راسهم يمشيو للحدود التركية كولشي خدام معاهم و مستعدين لأي حاجا…
عشق: نتا مازال ماعارفني لخبارات راه كيجيوني مقادين
صخر: مامرتاحش و مكنظنش بلي هاد العملية اتنجح
عشق: شوف ماتجيش حتى لتالي و تخربقلينا المخطط
صخر: نتي قلتي بلي عملية التهريب اتكون ف الحدود التركية و علاش فالأوامر ديالك عطيتي للرجال يتوجهو لبرا لمدينة؟
عشق: الأسئلة ديالك وفرهم لدوك الأيام لي ماحضرتيش فيهم معانا
صخر:(جر جسور) واش بصح اتمشي معاها؟
جسور: الخطة هي هادي
صخر: ماتايقش فيها هضرتها فجيه و الخطة فجيه
جسور: هي اكثر وحدة مهتمة بالعملية كثر منا غير تيق فيها
صخر: ماعرفتش مامرتاحش لهادشي
جسور: كنتيق فيها
صخر: من فوقاش و نتا كتيق فيها؟ عاد لبارح كنتي اتقتلها
جسور: داكشي داز و فتحنا صفحة جديدة
صخر: هاديك الديابلا مافيها تيقة ديرها فبالك
جسور: شنو اتمشي ولا اتبقا هنا
صخر: انبقا هنا نشد المراقبة مع دراري
جسور: اوك (تبع عشق) مشينا
عشق: يالاه (ركبو فطوموبيل نوع هامر و زادو كانت لي كتسوق) سمحلي حيت ضيعتليك الخرجة مع شفق
جسور:(شاف فيها بنص عين) باش عرفتي
عشق: عرفت و صاف
جسور: كنت انقولهالك و اصلا خليت ميساج للوليدة بلي ماغاديش نقدر نمشي
عشق: و كنتي اتعتاذر مني
جسور: لا كنت اناخدك لبلاصة اخرى
عشق: انا لي غادي ناخدك لبلاصة اخرى(انحارفات على مسار طريق متوجهة ل خارج لمدينة)
جسور:(ضار كيشوف الرجال مابقاوش موراهم) فين غادا
عشق:(ابتاسمات) لموتك
جسور: (كيشوف فيها بنظرات غريبة بلا مايدير حتى ردة فعل و ساد الصمت بيناتهم للحظة و فجأة بدا كيبان ليه أشخاص كيتسناوهم...وقفو طوموبيل و خرجات عشق و تبعها جسور كيشوف ف الموتشو و رباعتو) عشق
عشق:(ضارت عندو موجة الفردي و طلقات رصاصة رجلو جرحاتو فجنب و طاح ) سميتي ديابلا و الديابلا مكيتيقوش فيها ناس
جسور:(شاد فرجلو و بحر الشمتا ولا كيضحك) غدارة
موتشو: نووو ديابلا ماشي غدارة هي شيطانة هههه
عشق: جبتليك الجنرال ديالنا او شرحتليك الخطة كيفاش غادا
موتشو: شحال كيعجبني نخدم معااااك
عشق: و حتى انا اممم و بديت كنفكر بلي كنليق كثر نخدم فالمافيات هه
موتشو: جمالك بوحدو يقدر يهزم المافيات و نتي عندك الجمال و الذكاء و الموهبة
عشق: اتاخدو معاك ولا نقتلو
موتشو: اناخدو و ايكون عملة رابحة لينا
عشق: تهلالي فيه (غمزاتو)
جسور: تقت فييييك القحبة هاكا كتجازيني
عشق:(توجهات عندو و تحنات على ركابيها كتشوف فيه ب نصر) من نهار قلت ليك الى خرجت انقتلك ماكنتش كنتفلا و العذاب هو لي غادي تشوفو ابتداء من هاد اللحظة
جسور: غادي ندمك
عشق: الى بقيتي عااااايش (كتشوف فيه بنصر و هو عكسها الحقد و العصبية خارجالو من عينيه حس بيها دارتها بيه و هو تاق بيها...نظرات كانت بحال العافية بيناتهم ماغادي يتوضح معناها حتى للفصل الثاني)
امرأة تدخن الرجال الجزء الرابع
محتوى القصة
التنقل بين الأجزاء