فالوقيتة الي كانت نوار كتهضر مع مينة على عراضة فطور العروسة واالسرواال الي شافت كان هبط من االفوق كي عادته عاد غاسل من تمارة النهار ....جاي باش يخرج يتاصل بدراري يعرف فينهما حتى وقفو كلامها مع اختها مع صالو جا فطوالة الي كتدي لدروج ....ووقف كان جاي اشرف ....
اشرف : واااكو...
ياسين"ضور وجهو مخنزر فيه حط صبعو على فمو " : ششش "شير ليه براسو باش يرجع فين كان ...
اشرف : هااا ..."ضار مشا " اي اصلا ضرتني كرشي
ياسين بقا طالق وذنيه حتى سمعها شنو قالت وكيفاش نطقات كلمة "من دمها" رجعات بيه الداكرة لسخانة الي شدتها كيفاش نطقات ديك الكلمة هذا يعني انها سمعاته فاش قال بعد من دمك لا يطليك الي قالها بدون ميقصد كلمة او جملة عابرة دازت من فمو بشكل عام يعني تفادي المشاكيل العائلية لا غير ...والجملة ديال خوفها من ليلة الدخلة ...
"الرجوع ..."
قاليها فوذنيها بصوت فحييح الي بورشها ...ديك الجملة والمعنى انه يصلح غلطو ديال نطقه بجملة بعد من دمك ومنعا يوصل احساسو الي بصح كيحس بيه بدون لا شفقة ولا غيرها احساسه الي شحال وهو مقاتل معاه بين الحقيقة والكذب ...حتى حس بيه صادق ...والمقصود من كلامه دقة دقة كيكون صعيب وخروجه حنين اي المعنى ليلة الدخلة الي خافت منها يعني هو ترجم ليها الهضرة الي سمعت ولكن واش فهمت شي ولا لا هي غير الحركة الي دار زعزعاتها والهضرة الي قال بقات ضور ليها فوذنها مافهماتش معناها بالضبط شنو قصد بيها ...
مينة "كتهضر فالفون وتشوف فيها " : واخا شوفي نوال واحد سيد عيط ليا فاش كنت شادة طريق غانعطيك المعلومات الي عطاني عاافاك نسقي معاه بعد غذا يدوز عندنا ...اووكي شكرااا ...قطعات وشافت فنوار ...امالك ...
كبات ليها كاس ديالو هزاتو دارتو فصينية مع كاس ديالها وكطات طبيسيل فيه فاكية مشكلة ...هزاتهم وخرجات ضارت من لور لقاتو جالس فواحد طبلة تاع الخشب مع الفيرما كتكون كلها توجيهات وكلها ضايرة بيها ارض كبيرة ... هو مستغلها وزارع فيها ....
يامنة : بكري ...
ياسين : حنانتي ...
يامنة "مدات ليه كاس اتاي حتى شرب منو شوي وحطو دار صبعو على حنكو ورجل فوق رجل كيهزهز فيها ساارح بخيالو ..." : الي بغيتي تزوج بيها هي نوار ياك اولدي ..."حبس برجليه الحركة ..." ...
حبس الحركة ديال رجليه "هاد الحركة كيديروها ديال تبقاي تهزهزي فرجليك في حالة توتر الشديد " ...ونطق وهو باقي كيشوف قدامو ...
ياسين : ...شنو الي خلاك عرفتيها هي ...
يامنة : تصرفاتك معاها اولدي كلشي عندك سواسية حتى ليها هي مميزة عندك بشكل كبييير التصرفات الاخيرة تاحد ميقيصها تا حد ميقلقها تا حد فرجال ميشوف فيها ...هادشي شفتو فعينين باك معايا ...الغيرة اولدي الغيرة خلاتني نتاكد من قرارك بالزواج وخا مكنتيش رافضو بالمرة لكن كنتي ماجلو بايام اولدي فكرتك ولات من التاجيل للتقريب ...
ياسين "حرك ايدو " : هانتي قلتي اش كاين ...شنو نزيد ....الهضرة الي قلت زيدي عليها هادشي الي لاحضتي ومزال الخير ...
ياسين : على شنو بيها رجلها ؟؟ رجلها عادية ماشي اعاقة هاديك الحاجة الي عندها الحل ماشي اعاقة ...فنضرك شخصيتي مكتعرفيهاش ؟ مكتعرفيش انه مدام كانوي الحاجة الا وهي الي بغيت ....نوار وليت كنشوف فيها معايا كا امراة ماشي كا بنت عمي ....
كنشوفها هي الي غاتماشا مع طبعي هي الي خلقت ليا جو فحياتي فضرف وجيز بطيبتها عفويتها ضحكتها عينيها بكاها خوفها احترامها اخلاقها ...مكنشوفهاش ختي وبنت عمي ...
يامنة : قلتي بعد من دمك لا يطليك والبنت سمعاتك وعرفتي مشاعرها ...
ياسين : هاني عرفتهم ...كاين واحد المرحلة اسمها اعادة النظر واحد الوقت كتعزل فيها راسك ممكن تتلاشا الافكار وتولي غير هضرة تسمعت ...ممكن تفيقك على شي حاجات كنتي غافل عليهم والاوصاف الي بغيتي تلقاهم فداك الشخص الي فيقك ....
يامنة : شنو زعما بغيتيها من اول ما شفتيها ...
ياسين : من اول ماشفتها كانت غير مميزة …فالدار لفتات انتباهي بميزتها كا بنت عمي مختالفة علسهم لا غير ...بعد من دمك لا يطليك "هز ايدو " غير جملة دايزة قلتها "شاف فيها " شكون هذا الي باغي المشاكيل مع العائلة من غير مسخوط الواليدين ....
يامنة : نوار لدابا باقي معارفاش واش سمعتيها وباقي عند بالها مشكيل ناديا ...
ياسين : من احسن ماتعرفش انني سمعتها البنت عازة نفسها بنفسها عندها عزة نفس لدرجة خلاتني نرد ليها البال من الاول انا حاس بيها عندها معايا شي حاجة ...عزة نفسها مخلاتهاش ماشي دلات راسها ليا ...الى عرفت شنو قالت فاش كانت مريضة نضرتها لراسها غادي تهرس اميمتي ...مشكيلة ناديا سوا فهمت غلط او لا معندهاش علاش تحاسبني ديك ساعة مابيني وبينها والو نوار ...
يامنة "ابتاسمت " : نوار حركات فيك الي ميتحرك وخلاتك تبقى هنا بلهلا يطريه ليك ...
ياسين "حط ايدو على ايدها " : نوار شهلة العينين فعينيا انا وفشوشها العفوي خلاني نرد ليها البال ...وخا مفششة صبارة وخا متصبرش كدرب راسها باش تصبر عندها عزيمة ...نوار الي معمري كنت فبالي نديرو وليت كنديرو معاها ....كنشوف فيها لدرجة نتزوج بيها باش نديرها فعيني لالة البنات ....
يامنة : هو فرحتيني وفنفس الوقت خايفة ميبغيوش يوسف ويسرى عرفتي شنو نوار تولي مرت ولدي البكر ههههه بلا متعصب ولكن وعودي ليها بالضحك غايصدقو ...
ياسين : هاد الوعود اميمتي قتلو بنات الناس وصدمو بنات الناس ماشي كلشي وعد ووفى كاين الي وعد وخلف وتسبب فالي ميبغيه لا ربي لا عبدو ...الى بغيت نوار راه غير ربي كتب وكنتو سباب ..."جمع حجبانو " ...علاش ميبغيوش يوسف والخالة ...
يامنة : ههههه حيث يوسف عينيه هي نوار ديما كيقوليا ولدك فزعي بزاف باز لهادي الي غاتكون مرتو ...
ياسين "تكا على لكرسي تسرح حك شفايفو بسنانو " : نوار فعيني امراة ماشي بنت عمي ولا ختي ...من ورا زواج غايتجمع فيها كلشي ...نوار هي الي نعول عليها فحياتي حيث عكس شخصيتي ...يوسف يحصل ليه ويحصل ليا شرف نتناسبو ...خليه عليا ...
يامنة : ايوى هنية عليك الله الي قلتو هو الي صدق هههههههههه
ياسين : قبل ميمشي يديها فراسو يفكر بخاطرو ...قبل من هادشي مولات الراي وشوار هي اللولة خاصها تعرف هي الي عندها الحق هي الي غاتزوج ماشي يوسف ...
يامنة : اش نقول يوسف ميلقاش ماحسن منك يسرى من اولك عزيز عليها هي الي جابتك لدنيا اشمن نسيب حسن منك ليها ...هههه
مع صوت الديك حلات عينيها بنت الدوار القديمة كنة رمسيس اللولة لاالة يامنة مرات سيد رجال فعينيها وام فحم العينين ...مع صبح الحال صلات صلاتها وقرات شوي من الذكر الحكيم ونزلات كيف العادة لقات نجود فالكوزينة هي وفؤاد وباها مصطفى كيشربو قهوة كحلة وفؤاد شاد الايباد كيقرا فيها وفنفس الوقت كيهضر مع ايلاف ...
يامنة "باست ايد باها " : با صباح الخير ...صباح الخير عليكم ..."شافت ف فؤاد الي غمزها بخفة بلا ميشوفوه " ...ههههه...عاد جيتي
فؤاد : ماشي بزاف ...
مصطفى : نتي تعطلتي ابنتي ...
يامنة : غا بقيت سهرانة مع ياسين من بعد ما تعشينا بقيت كنهضر معاه حتى داز عليا وقت النعاس ..انا نوجد الفطور ...
مشات توجد الفطور حتى استاذن فؤاد باش يخرج يكمي ...ناضو البقية قبل ناضت يسرى ويوسف هما لولين عاد ناضو لاخرين الا ايساف والحبيب الي خرجو مشاو لازرو فالصباح بكريييي ...
يوسف "عند الفطور " : فين ياسين ؟
فؤاد : عندو ميقضي ...
يامنة : طليت عليه فبيتو صبااح ملقيتوش ...
مصطفى : وا ضهر ليا راه مشا عند مالين الحركة ...
نوار : شنو هي الحركة ....
مصطفى : بنتي هي تبوريدة كيضربو بجويجة
يوسف : الي كيركبو فوق العود ويضربو بالمكحلة الموسم الي دينك ليه ...
نوار : حلف بالله فين كاين ...
مصطفى : عاد اليوم البدية ابنتي ...
يامنة : ياكما غايركب معاهم فالعود ...
مصطفى : لا ماشي ليوم تالغذا راه عاد جابو رحيل من ولاد شرقي (ولاد شرقي كانو كيفوزو بالمراتب الاولى ف التبوريدة كاين دكالة كاين بزاف القبايل هاد ولاد شرقي ف اقليم قلعة سراغنة ...معروفييين بالتبوريدة عندهم بنات كيتبوردو تاهما ) ....راه جايين تا البنات غايسبقوهم هما لولين ....
بالفرحة مخلطة بالخجل فطرات وما فطرات ...كتفطر وتضحك مع باها باش ميشوفش فيها ياسين ويبدا يسهى ثاني فيها وهو راه كاع مكيشوف فجيهتها محتارم الجلسة مرة مرة باه كيطلع فيه عينيه ويحضي تفاصيلو الي تبدلت… شك بل تاكد وعرف وخا مازال ما فاتحو تقريبا لكن بكلامو معاه والهضرة بيناتهم هو وياسين دغيا كيعرفو اش كاين ...الميزة الي في فؤاد مع ولادو هي فاش كيكبرو كيخليهم على راحتهم هما وقرارهم الى كان معقول لكن الى كان ماشي فمصلاحتهم كيتدخل ...اما ياسين خلاص معمرو دخل فيه من نهار عزل راسو ودار ذارو وحدو وعزل عليهم ...
فطرات وناض هو سبقها خرج برا يكمي وبعد حتى لحق عليه فؤاد ...وهو يلوح الكارو عسف عليه ...
فؤاد : غا كمي كمي ...الساعة الله ...
ياسين : لا مكاين والو عادي ...
فؤاد : القلب الي ماشي عادي الدماغ ممسالي والهم كاين كاين وخا فيه الفرحة وخا فيه القرحة ...صفيتي خاطرك وعرفتي طريقك فين ؟...
ياسين : هذا جهد الوليد ...
فؤاد : حسبتي حسابك باش مضيعش راسك ومعاك بنت ناس ...خاصك تعرف انا معنديش مشكيل بالفرحات عليا تاخذ من دمك وخا نتا حر فالي بغا خاطرك معاك فاش مكان ...غا هو ماشي كلشي فحال يامنة صدقات صبارة وعارفة بحق الدم ...نتا شنو يضمن ليك تبقى هاني مع يوسف ..."هز ايديه " بنتو هاديك الى تقلقت من حقو يخاف عليها ...
ياسين : واايلي الوليد فحال معارفنيش ...الهضرة الي قلت الوليدة ...حاجتي الوليد فعينيا ومدام دخلتها فعينيا كاين شي حد كيادي عينيه ؟...انا بعقلي بخدمتي ودراعي المشاكيل بين الراجل والمراة ولابد منها ...يوسف خاص يعرف بناتو اخرتهم زواج ...مينة فواحد الوقت لو ما ولد لحرام الي دار ليها هداكشي كانت غاتكون فدارها وبولادها ...كيقوليك
الدار الي فيها البنات خاوية مصيرهم زواج ..يوسف غايهنى عليها كتر من اقرب الناس ليها وحداه ماشي لواحد براني وغريب عليه ...
فؤاد : مدام قررتي ونويتي الحلال الله يكمل عليك… بعقلك وراجل بدراعك نتا تعرف حياتك ومعامن غاتعيش "هز صبعو " ...الى كتب الله وكنتو لبعضياتكم نسمعها طيحت دمعة من ورا زواج بسبابك انا غانوقف فوجهك ...البنت حنينة ودرويشة تاع التهلية ما ديال العذاب ...
ياسين : ديك ساعة يكون خير… براكة عليها غا الدموع الي طيحات فلول ....
طل على الباب حيث بعدو شوي باش ميسعهم حد بانت ليه واقفة لابسة حوايجها وشادا فدراع ماماها كتهضر معاها وتبوس فيها باينة كطلبها وتراضي فيها حتى عيط بصوته وشير ليها تجي لطوموبيل باش يركبو ...خلاه فؤاد ودخل
ومشا هو لسيارة ركب حداها حدر زاج من جهة نوار وشاف فيسرى ...
ياسين : الخالة… فعيني غاهناي عليها ...
يسرى "غمزاته باش يفهم " : عارفة عارفة راك عارف رجلها وهي راسها قاصح والو وتشوف ...
ياسين : ماعليش تشوف الي مشافتش انا معاها راني عضو معاهم فالحرْكة ديال هنا غا شحال هادي مبقيت حركت ...
يسرى : واخا ولدي تهلى ...
دخلات وكسيرا هو حتى وصل لنص فالطريق وهو يضور لقاها حاطا راسها على زاج كتشوف ومدايراش سانتيغ ...
نوار : اه واخا ...دارتها وتاني نفس المشكيل مع توتر مبغاتش دخل ليها تاني ههههه ...حط ايدو على ايدها وخشاها قادها بغات تحيد ايدها وهو يشد فيها وزيييررر عليها قبل ميدوز عليها بحركة خفيفة ومدوز بصبعى على صبع الابهام ديالها ...
نوار "باش تشوفيه الساكتة جاتها بقات كتشوف لتحت وفمها محلول باش تهضر الله غالب ...هاد الحركات جداد الي ولا كيدير معاها ناهيك على تعامل ديالو معاها من لول كل مكتبغي تنساه بتصرفاتو كيزيد يغرقها فيه ...." ...
ياسين "حط ليها ايدها على فخدها ونطق باش ميزيدش يكمل عليها لا تصدق ميتة ليه تم " : حتى نحيدو من البراج وحيديها الى خنقاتك "على سانتيغ " ...ورك على بوطونة الراديو حتى طلقت اغنية مسلم ...حارو الشعرا اشعارهم ولاو فقراء ملي سمعو قصايدي عليك ماي لايدي ...حتى جيتيني من بعيد حييتيني من جديد وليت انا معاك واحد ثاني ....you are my lady my only lady oh señorita anti my lady...
فاش كيدخل الصيف كيكترو المواسم ديال تبوريدة بشكل خاص كيكونو رحل كيدورو على اغلب مدن المغرب فين كيديرو الحركة كيبقاو اسبوع او اقل على حسب كيكونو الخزاين البلدية فيها الخيالة من مختلف الاعمار وحتى البنات وكيكون حتى سوق الاسبوعي عامر ...كيجيو الرجال وشيوخ والقياد كيحضرو كل عشية او يوم الافتتاح وحتى الناس من جميع الجهات او اغلبها وحتى مختلف الطبقات ....
فواحد الخزانة فيها الخيول كيسرجو فيهم ويلبسوهم لباس الي كيكون فحالو فاللون وزواقك لابسو الخيال ...خيول جيدة منها البيضة البنية وحتى من اغلى الانواع والاصيلة الي هي السوداء الداكنة ...وقفات حدا واحد الخيل نيت نفسو الاسود وهو وراها ...
ياسين : كنت دابا المدة الاخيرة الي غبت فيها فاتوني ...
نوار : باقي تتركب عليه ...
ياسين : مزال الحرفة القديمة مكتنساش ...
نوار : وشنو الي خلاك تبغيهم كان عندك الوقت ...
ياسين : من الصغر هادشي خاصك تكون فيه ...تربيت هنا ودخلت معاهم ...عجبك ...
نوار : زوين بزااف فشكل لونه ...كحل بزاف ...
ياسين : اغلى الانواع ...العود العربي البربري هو الي كيخدمو بيه بزاف ...عندهم سميات ميفهموهم غير الفرسان ...وبيناتهم لغة عندها همة وشان هنا بيناتهم ...الى قلت ليك مغاديش تفهمي ...هما انواع باش كنعرفوهم حنا فحال البرْكي خارجْ منْ تحتْ مو الأزرقْ حتى يجمعْ فمو لادْهمْ ما ترْفد همو ....كاين لادهم وكاين لبرگي وكاين زرق ...دهمْ مغلوقْ ازرقْ مشْقوقْ برْكي محْروق وكاين الكمري هو البيض ...
فاش كيكبر ويتقدم فالسن كيولي لونه زرق مغلوق و فيه شي نقيطات بيضين ...شوفي تما هو هذاك هذاك كبر ...ودوك نقيطات كنقولو ليهم فلغة الخيالة حط ريال ...
نوار "كتسمع كيعجبها تكتاشف اي حاجة جديدة " : هادشي فشكل هههه ايه ...
ياسين : وكاين الصنابي هو الصفر الي مايل لذهبي هذاك الي تما ...وهذا الي قدامك هو لادهم الكحل الي عجبك ...
نوار : واااعر بزاف ...
ياسين : اللي بْغا يرْكبْ يرْكبْ عودْ أدهمْ و شري لادْهمْ ما تندمْ ...معندي ميتسالك مشيتي الخيل الي عندو شان على هادو ...
نوار : هههههه ...وهذاك الي قهوي كيلمع ...
ياسين : هذاك هو البرگي المحروق والي ماكيلمعش هو البركي عادي ...وقاليك لْعودْ البْركي في الغابةْ يجْري كونْ شافو حبيبي هو يْسرجو...
نوار : باقي عاقل ...
ياسين "سرح ايديه " : حاجة صغر هي لاباز باش كتعلم كنت كنضرب هنا وهنا وكنقرا فنفس الوقت ...داكشي علاش كتشوفيني مكنحطش راسي بزاف ففراشي ...
نوار : دايرين ليه هادشي خضر ...
ياسين : هذاك اسمو السرج كيتسرج بالخضر ولا البيض ...والي تما فيه الحجر كيبري هذاك خاص غير بالخيل الي اسمو حجر الواد ...الي كيلبس الادهم فحالو كيلبسو الصنابي والزرق ...
نوار : وااو ...
ياسين : مرة جايا فاش تجي ولا العام جاي لا بقينا فالحياة نعاود نعلمك كتر ..."تم جاي واحد الخيال كبير فالسن كيعرفو اسمو عياد " ...
عياد : وتا زين الرجال الخيالة فحم العينين ...
ياسين : الحاج عياااد عاش من شافك ..."تسالم معاه وباس ليه على راسو " ...
ياسين : حيث مقامك كبير عندي عليهم كاملين انوار ..."شاف فجنابو " لاحضتي وشفتي وشكيتي فتعاملي معاك ياك "جاوبات براسها" ...عرفتي علاش ؟ حيث نتي وحدك فعيني مقامك وحدو عالي ...نتي هي الي صورتها عندي كبيرة وفشكل ...باش بلا مندور ليك بالهضرة...ونزوق...
"حك ليها كرشها حتى دخلت وخرجت بهاد الحركة حست بالفراشات توزعو فيها لدرجة غمضت عينيها ..." ...جابك الله هنا فهاد البلاصة بلاصة الخيل والناس المزيانة والعز وشان ...وبلاصة المكان العالي بلاصة الخير الي هي الخيل ...باش نهضر معاك ...نوار بغيتك معايا فالشدة والفرح وتنوري داري وتكوني مولاتها الالة البنات ...نكون ضهرك ...وسندك وحاميك ...ولداري مولات شي ...تبغي تكوني مرتي وام ولادي الى بغا الله وبغيتي نتي ...ا شهلة العياني فعيني وهاد القلب عندي ..."باس تحت وذنيها " ...
نوار "تكوانسات قلبها بغا يخرج من بلاصته حتى زيرات ليه على ايدو الي فوق كرشها ..بالصدمة لشنو سمعات ...حتى وقفت بيها الوقت وحست بدنيا مشات وجات وبدات ضور والرؤية تضببات حتى سخفت ليه بين ايديه .."...
انجذابو ليها طول هاد الفترة الاخيرة وحتى فاش كانت كتشوفو ديما كيميزها عليهم زادت تعلقات بيه لكن كلامو الاخير والواقعة مع نادية خلاتها تعيط حساباتها وتضن انه مجرد شفقة زيادة على انها الصغيرة فالعائلة مخليه يشوفها بنوتة صغيرة مفششة زيادة على اعاقة رجليها ...لكن الفترة الاخيرة وخاصة فالعروبية لاحضات تقربه منها اكثر بزيادة و رد فعله على اي راجل قرب ليها خلاها تلاحض وتشوف الفرق بين قبل وبعد ...لكن ديييما كتدير صد او كتبني حاجز اسمو اي حاجة متوقعة وممكن غير غيرة عائلية خوفا من انها تصدم ...لكن صدمة انه طلب منها زواج تخربقو ليها الاحاسيس مع صدمة شعطتها وخلاتها تدهش مكانتش متوقعة هاد الهضرة ...ماعارفاش انه شخص اذ احب طرق البيوت من بابها لا من شباكها ...
ياسين "حس براسها تحدر بجنب وايدها الي فوق ايدو ترخات ..." : نوار !!! "طل عليها لقاها مغيبة " ...تت ...طبطب على العود حتى مشا بيه رجع ضرب دورة ومشا حدا الخزاين ...قشع واحد الخيالة شير ليها تمات جايا لعندو ...هبط هبط نوار وجلسها فوق واحد الجليسة ...
ياسين "طبطب ليها على حناكها والبنت مشات جابت ليه الما ...رشو عليها " : شش نوار ...نوااار ..."تخلع عليها قلبه كيضرب ومكيبينش ..." ...نوااار ...ششش
تاهو محكرش عليها نوضها بشوي حتى تقادت فالوقفة عطاها تشرب لما حتى تنفسات شوي وتم غادي بيها على مهل حتى لسيارة دخلها ركبات حادرة راسها مكتهضر متكلم باقي هضرته كتوزوز فوذنها ...ما مثيقاااش
الشخص الي بغات فصغرها لدابا هو طلب منها الزواج !! كيفاش امتا ...جاها نيشان بلا ميلف ولا يضور ...مزال ممستوعباش اصلا الهضرة
الي قال حتى تعرف شنو احاسيسها واش تضحك ولا تغوبش ولا تسولو ...مزال كلشي مخربق ليها ...ماحسات براسها حتى حست بايدو على كتفها كيعيط ليها ...
ياسين : نوار !!!
نوار "شافت فيه وما شافت اشاحت بنضرها لبعيد مشتتة الرؤية ..." : همم ؟
ياسين : شوية !!
نوار : ش ش شوية ...
ياسين "ضور راسو جيهة لاخرا واقف عند الباب فالبلاصة فين جالسة ...دوز على لحيتو ودار ايديه على نصو حتى هز راسو شاف فسما ورجع هبطو عندها ...." : نوار ...ماتقولي والو دابا ...خودي راحتك فالتفكير والى حسيتي براسك قادرة تهضري انا كاين ...حقك هذا تصدمي وتخلعي ...حقك فاي حاجة ...جيتك نيشان ماتفليت عليك ما لعبت بيك "هز ايدو ✋🏻" وحاشا واش نديرها ....
نوار : الصمت ...
ياسين : من بعد ونهضرو فهادشي رتاحي دابا ..."قرب لراسها باسها فيه وخلاها على راحتها حتى تلتلم شتات افكارها الي تشوطو بالصدمة ههههه ...
ركب جيهة لاخرى وكسيرا رجع لداو طول طريق ما شعل لا موسيقى لا والو وهي طول طريق وهي حادرة راسها وتفكر مزال قلبها كيضرب بجهد
نوار "بين نفسها كتهضر" : شنوو هادشي الي وقع دابا !! بغا يتزوج بيا ؟.مايمكنش واش زعما احلامي غاتحقق ؟ ولا ...ياربي واش انا في حلم ولا علم ...ماايمكنش اش هادشي اش هاد صدمة ...."حتى طلقات تنهيدة سمعها حيث كانت مجهدة ...
ياسين "حك ليها كتفها " : من الخير من الخير ...
وصلو لفيرما كيف بغات كانت مسكينة بغات تشوف الخيل صدقات راجعة افكارها مشابكة وزيد الصدمة ...مهضرت ماتكلمت ...طول طريق وهي غي حادرة راسها وتخمم حتى حست بدموع فطرف عينيها باغين يخرجو وهي ضور وجهها باش متبكيش وخا هو حس بيها ومبغااش يدير والو مخليها تخرج احاسيسها وتعبر على حالتها كيف بغات باش ميحرجهاش حيث دار فبالو رغم انها هي مزال معارفاش انه عارف بالي كتبغيه من صغر والوعود الي كبرات عليهم ...عارفها غادي
تصدم ان حب حياتها من صغر طلبها لزواج داير فراسو اي حاجة بعين الاعتبار ...لقاهم واقفين قدام الباب كلشي تقريبا مشا صهيب وسارة رجعو فصباح بكرييي ل ازرو حيث صهيب عندو الخدمة قضايا بقات معلقة ...وايساف ومحمد الحبيب رجعو لخدمتهم الا ايساف الي غايبقا تايراجع افكارو ويهضر مع ريم ....
يوسف : مالكم رجعتو قلت غاتزيدو تعطلو ...
ياسين "شاف فنوار الي هبطت بشوي عليها " : دنيا عمرات شافت شنو بغات وبغات ترجع ...
نوار"شافت فياسين الي كيشوف فيها غمض ليها عينيه وحلهم " : احم ضرني راسي شمس قاصحة شفت الخيول عجبوني وضرت فواحد ...
يوسف : وايلي اشمن خيل ...
نطقات نوار وياسين قدقد : لادهم ..."شافت فيه وشاف فيها وهي تغير نضرها "
يسرى : نتي الي بغيتي تمشي ما بززك حد ...مزيان بعدا شفتي شنو بغيتي ...دخلي رتاحي تعطيك ميمة نجود ولا يامنة پانادول راه كاين مزيان ليك ...
تمات داخلة سبقتهم بقا يوسف ويسرى وياسين اما فؤاد كيف عادتو الدار معندوش معاها بزاف كيخرج يقضي لا عندو شغالو ويطلع لمراكش يدير ابحاثو ويرجع ثاني يخدم ولا يدير روتينياتو ...تم داخل يوسف وياسين حتى شدات يسرى فياسين من دراعو ...
ياسين "شاف فيها " ...
يسرى : احم ياسين اجي وريني داك البير الي لور الى مسالي ...
ياسين : مرحبا ...
دخل يوسف ورجع ياسين هو وياها مشاو ضارو جيهة البير لووور البير الي فيه موطور فين كيمشي لما لساريج ....ووقفات جمعات كابها قدام وربعات ايديها وشافت فيه ...
يسرى : ياسين ولدي عارفني شنو بغيت نقول ياك ...
ياسين : عاارف ...ومن حقك ...
يسرى : بنتي الصغيرة قلبها هشيش بزاف وحساسة ...هي معارفاش عرفتي ولا نتا لا انا مبغيناهاش تعرف حيث نفسها فمنخرها غاتحس براسها تدلات بزااف وخا ماشي لخاطرها سخانة الي لعبت عليها ....بنتي ايوسف هي ومينة الي جادتني بيهم دنيا فعز ازمتي ومرضي وخاصة نوار عاشت ليا بزز شحال من مرة ضاربت نطيحها درت كوغطاج ومبغاتش طيح ....مطمعهاش ومتخليهاش ترجع تبني امال عليك تاني وتصدمها ...
ياسين "كيسمع ليها خلاها قالت كلشي وعطاها الخاطر تعبر وتهضر ..." : عندك الحق فكل هادشي الي قلتي نتي ام والام ولادها تشدهم بسنانها وما تخلي حد يقيسهم ...هضرتك كلها صحيحة ..."شد ايدها باسها باحترام ..." ولكن هادشي قوليه قبل ماشي تال دابا ...
يسرى : مافهمتش شنو فرق دابا على قبل اولدي ...
ياسين : حيث قبل كانت نوار بنت عمي عندي عزيزة وعز منهم ودابا نوار المراة الي بغيت ودخلات لهنا "شير لقلبو " المراة الي شفت فيها كلشي مراتي وبنتي وختي وبنت عمي نوار ميزتها عندي وحدها ...الى بغيتي والى بغات هي ويوسف الي غانهضر معاك انا طالب بنتكم لرواج الى كتب الله ...
ياسين : هذا قرار ديال العمر والعشرة مكيتخاد حتى كتحس بيه وتعرف راسك قاد بيه والي بغيتي زواجك بيه مقتانع بيه وباغيه ...في حالتي باش منتفلاش و حاشا واش تقولي شفقت عليها حيث رجلها ناقصة ...
نوار اعاقتها مكتسماش اعاقة مدام عندها حل والى معندهاش قابل عليها ...انا باغي نتزوج بنوار الي قدرات تخليني نشوفها كا امراة ديال داري وهنا "لقلبو " ماشي بغيت نتزوج برجلها ...الكمال لله وحده ...تواحد مكامل فهاد دنيا كلنا بعيوبنا ...
يسرى "اصلا فاش سمعات الحوار مع باه قبل كير فعينيها وزاد دابا كمل عليها لكن كتبقى نوار بنتها حساسة وخايفة عليها ...عوجات راسها وعينيها مغرغرين " : ياسين ولدي نوار مابغيتهاش تكرفص فقلبها ...
ياسين : فزواج لابد من مشاكيل باش نكملو الى على خوفك عليها طبيعي الي فجهدي غانديرو ميخصها خير وخاطرها فوق خاطري ...والمكاتيب ربي الي كيكتبها ...بنتك الى قبلات من سيمانة جايا ندير صواب ..
يسرى : فاتحتيها ؟؟؟
ياسين : فاش مشينا دابا ...
يسرى : هذاكشي علاش رجعات مقلقة ...
ياسين : عادي صدمة اي بنت كيجيوها الخطاب عطيها وقتها الي قرراتو انا معاها فيه ...تاحاجة مكتجي بزز كلشي بالخاطر الخالة ...الي ناكد ليك هو راكي عارفاني بنتك من عينيك لعينيا والي فيه الخير هو الي يكون ...خودو وقتكم ويوسف متقولي ليه والو تانهضر
مشا ياسين ويسرى رجعو دخلو مخلي يسرى ماعرفات تقلق ولا تفرح من ناحية بنتها ربي غايلاقيها بالحب الي بغات وشكون الام الي تكره تشوف بنتها فرحانة مع راجلها هي باغاه ومقتانعة بيه ومن ناحية مقلقة من رد فعل نوار وخا باغياه ومزال كتبغيه لان حبو قديييم فقلبها صعيب يتقلع بسرعة مع الوقت والزمان والناس الي كينسيو ...واش غاتوافق وطبيعي تصدم ومتيقش ...ولا غاترفض ...
اما نوار كي دخلات مشات البيت بدلات حوايجها ونعسات فوق ناموسية طلبات من مينة تخليها على خاطرها ومتسولهاش وضورت وجهها لجيهة لاخرا ....
نوار "كتفكر هضرته ...الي فاتت من قبل وكتقارن هضرته ديال دابا وبتعامل ديالو معاها كيفاش تبدل ...وخا كان مزيان معاها لاقصى درجة خاطرها عندو هو اللول ...بقات فكرة تديها وفكرة تجيبها حتى حسات بدموع هبطو يجرييييو وصدرها كيتنخصص " : اهى اهى ...ياااربي راني خايفة نكون كنحلم ونتصدم ياااربي را مقادراش على صدمة اخرى اهى اهى ياا ربيييي قلبي شحال قدو يجمع ويجمع ...يااربي متصدمنيش ...
بقات هكاك حتى داتها عينها ونعسات وخا قبل الغذا الدوا الي شربات ديال راس جاب ليها نعاس وهي تمشييييي وبالها في اخر هضرة قاليها ...
من بعد شحال من ساعة وهي ناعسة تاحد مفيقها مخلينها ناعسة على خاطرها عاد صربتها لفيقة مع دوا والكليمة شاعلة محاساش بصهد ابدا ضورت وجهها لقات البيت خااوي ...شحال عاد ناضت وتقادت فالجلسة كتحك عينيها عاد هزات عكازها وناضت خرجات من البيت ملقاتهمش ودنيا خاوية ...هزات تيليفونها وعيطات لماماها ...
داكشي الي دارت واحد مسافة من باب دار دخلات فشجر ديال زيتون وهي تلقاهم مفرشين وجالسين ويوسف واقف هو وياسين الي عاطي بضهر ...حدرات راسها باش تمشي عندهم حتى وقفها صوت يوسف ...
نوار "ابتاسمت وحطات شفايفها على كاس القهوة مع هزت عينيها جاو فعينيه نيشان خلا يوسف ضار لهيه كيشوف فشجرة الخوخ الي نايض مع وقيتو ...وهو يعض ليها شفايفو وهو غير نسا مع كان كيشوف فيها عضهم بلا ميحس بواحد الحركة العذااااب ...حتى خشات فمها فالقهوة سخونة وهي تلوح الكاس وغوتات ": وااااععععع اهى اهى تحرااااااقت ....
يوسف "ضار لعندها مخلوع مشا كيجري ويسرى ناضت لعندها " : مالك مالك ...
نوار : حرقتني القهوة عطيني الما المااا اهنننن ...
يسرى : هههه وغا بشوية مالكي راكي فزعية يا بنتي ...هاكي "عطاتها كاس ديال الما تكات عليه كلو ..." ...
نوار : اييي فميييي ....
يوسف : وعقلك ابنتي باقي فالبيت مزال مفاق ؟ تي حضري عقلك راكي قربتي ديري دارك وولادك عندك عشرين عام غذا ولا بعدو يجي راجل يخطبك اش غايدي غا زغب الكبال فداك العقل عندك ...
نوار "غا قال هاد الهضرة وهي تحماااار هزات عينيها فياسين لقاتو داير صباعو زوج على فمو كيشوف ويسمع . ..." : ااا نن ف وا بابا صافي ...تنفسات شوي وهي تنوض تبعات باها الي سبقها باش يمشيو بزوج يسرحو تما ...دخلات بين شجر تلحق عليه حتى لقات ياسين واقف كيهضر فالفون ...هز عينيه شاف فيها وقطع قرب لعندها جاي جاي وهي بغات ترجع تنقز تهرب ولا اش قاليها راسها ..
ياسين "قرب لعندها " : كملي كملي وصلي على باك …شحال جهدك تهربي ..."على حالتها تاع قبيلة مشعكة ومعنفجة قال " ...التعنفيج ومعامن كيجي ...خلاها وزاد ...
وصلات على باها لحقول الي تما تابطات دراعو ومشاو بزوج دقة دقة كيهضرو ويضحكو مشبعها ضحك حتى نساها شنو كاين بعدا باش يكون عندك باك كوميك وفنفس الوقت كول ومصاحب معاها يعني مكونين صداقة كبيييرة ومكاينش ما حسن من صداقة الاب وبنتو نقية وزوينة كتكون بدون شروط وبدون خوف من الفراق من غير الى كتب الله الموت ....ورجعو ادراجهم لقاوهم دخلو حتى اشرف لحق عليهم ديك ساعات تاهو كلا وشبع ودخلو كاملين كل فين تدها ...تعشاو فجو عادي عند يوسف ونجود الي معارفينش حد ساعة شنو كاين
اما البقية تعشاو وفبالهم افكار شنو غايوقع من هنا لقذام واش غايكون فرح فالمستقبل ويتجمع الدم بين يوسف وياسين ويصبحو نساب او شنو ...حتى كل مشا ينعس وصبح الصباح من جديد ...فطرو كيف العادة كاين الي فاق بكري وفطر وخرج وكاين الي تعطل حتى فاق ...
مع وقيتة الغذا تغذاو وتقريبا شي ساعة موراه جالسين مجموعين على اتاي الي عمرو من بعد الغذا والقهوة كحلة ...حتى سمعو الدقان ...
يامنة : اشرف ولدي شوف شكون برا ...
اشرف ناض خرج يشوف شكون ...جالسة مينة ونوار ونجود ويامنة ويسرى وفؤاد حتى هو متكي نصو على مخدة وعاقد حجبانو حداه يامنة جالسين فلمة عائلية ...وياسين شاد كاس اتاي ديالو وشاد لفون كيبقشش ...حتى دخل اشرف ...ووراه عبد الغني ومو فنيدة لابسة جلابتها وعاقدك راسها بزيف شدة مهملة فوق شدادة زيف حياتي ...
ع.الغني : السلام عليكم ...
هزو فيه راسهم ...
يوسف : عليكم السلام ...
ياسين "عض شفايفو حتى بغا يطير منهم دم على بونت ...حجبانو رسمو خطوط لا حول ولا قوة الا بالله ...نضراته تحولو لقرطااااس وناري ومتقد تشوف فيهم حتى هزهم ..."
نوار "اول واحد شافت جيهتو هو ياسين بان ليها شاد الكاس ومخنزررر ف عبد الغني والله مبغا يحدر عينيه ...حتى زيرات على دراع امها وقلبها بدا يضرب عارفة اش غايدير الى فات تا ناض ...فشلات ...
عبد الغني : سمحو لينا على هاد المجية على غفلة ...
فؤاد : ضياف الله مرحبين بيهم ...جلسو مرحبا ...شاف فيامنة وغمزها ...
يامنة : فنيدة جلسي مرحبا جلسو ...
فنيدة : لهلا يخطيك ابنتي "جايا وماعاجبها حال فحال جايا بزز " ...نجلسو وكان ...
فنيدة"هضرات فوق خاطرها ": ترحب بيكم جنة ...بلا منطولو عليكم لالة يسرى وسي بات نوار اش سماك الله اوليدي ...
يوسف : يوسف الحاجة ...
فنيدة : ولدي يوسف جيت انا ولدي طالبين راغبين فضيف الله فبنتك ...
يوسف"بالصواب " : مرحبا ...اينا بنت فيهم بعدا ...مينة
فنيدة : لااا جينا فبنتك نوار الى تقبل وتزوج بولدي عبد الغني راجل كامل مكمول ميخصها تا خير ...المخيرة فالبلاد متمنياه خيرة دراري هنا مانشكر ليك ولدي ..."حتى سمعو واحد الكاس تهرس تشااااخ ..."
فؤاد "كيسمع ويشوف مزال ميهضرش حتى يهضر بات صاحبة الشأن ويعطي رايو ..لكن تركيزو مشا دابا لياسين حتى ناض " : ياسين
يامنة : ياسين ولدي ايدك ...
ياسين "هز ايدو " : موقع باس مكاين والو"رجع خنزر ف عبد الغني ..." واش هضرنا ولا ؟؟؟
ع.الغني : اصحبي انا جاي داق الباب وناوي الحلال مالي ماشي راجل ولا فيا شي عيب ...
ياسين "خبط طابلة تا طاحو الكيسان وقفزات نوار الي كتسمع هي ومينة واشرف الي غوت .." : واااااااش هضرات البنت عطات جوابها فاش عينك ؟؟؟اسيدي عطينا تيساع البنت ما تصلاحش ليكم ....بغيتي المعقول الي مغايعجبكش ؟ البنت ديال العز ماشي الدل "ابتاسم بغيض " راك فاهم ....
فنيدة : ااااايييييوى حدك تما اياسين هادشي راه ولا معيور ؟؟؟ هادي هي تربيتي ليك ؟ هذا هو طعامك مع ولادي ؟ الخير تصرفو فينا عيب ؟ ايوى بغيتي تعرف تانا مبغيتهاش من رفضات صلاة عالنبي ....تانا ولدي ميبغيش بنت عرجة ...شلا مغانديو …
فهاد اللحضة نوار خرجات عينيها حتى جلسات لارض
عبد الغني : الوليدة ...
يوسف "ناض على وقفتو " : شريفة الباب الحباب يلاه ...
فؤاد : دي الوليدة ديالك حسن ديها ...
ع.الغني : انا بغيييتها عرجة قابل عليها ..."مع كلمة قابل عليها تهز ياسين على وقفتو وتلاح عليه شنق عليه حتى غوتو كلهم يسرى ويامنة وفنيدة دارت ايدها على راسها ..."
نوار مسكينة بطيحتها جلسات دار صبعها على شفايفها من ديما كتسمع هادشي وديما قليها كيضرها ودابا زادت تا فنيدة ...
مينة : نوار حبيبتي ...
نوار "هزات ايدها باس تسكتها " : قالت الصح ماكذباتش ...شكون الام الي تبغي لولدها وحدة عرجة ؟ مني انا كون كنت بلاصتها مغانقبلش ولدي فعيني نبغي ليه حسن من راسي ...هادشي عادي خاصني نتقبلو ...
اشرف : واهي زينة هكاك زرگة مصدية مشافتش راسها يحساب ليها ولدة ليا براد بيت وهو كلو عوج منفوخ بالبرد ..شوفي هزي عينيك وشوفي حبقلبك كي كيدافع عليك ...هذا هو راجل ولا بلاش ...
ياسين : مااااااااكتسناااااااش سيادتك الي يقبل عليها ...مولودة معزوزة مهزوزة فوق راس دارهم ماااااكتسناش منك تقبل عليها لا نتا لا غيرك ...."حط ليه ايدو على فكو عصرو ليه وتطلق عليه معقلش شكون تما ولا شكون كاين " ...تخرج تقاااود عليا من هنا ...عطات راسها قيمة ورفضاتك طيحتي دل على راسك وجاي تسعى تقبل عليك هي ماشي تقبل عليها نتا ..."نطحو حتى غوتات فنيدة لربي الي خلقها مع دقة جابو لارض ..." ...
يامنة"على وقفتها خرجت عينيها من دعوة " : اللله يحفضو خرجي عليا من هناااااااا ....
فؤاد "غا سمعها دعات كان غادي ليها غا شداتو نجود "
ياسين "مشا ليه هزو ونوضو مقدش عليه عطاه دقة خلاتو فاشل اصلا ...ودفعو لاحو برا تبعاتو مو ..." ..تحط رجليك هنا نعرف خدمتي ،،عشرتنا حدها هنا ...
الي ضر ياسين من فنيدة هي ديك الجملة عرجة وشلا مغانديو ...والي كمل هي جملة "قابل عليها " هاد الجملة كيتخليه يحس ان نوار زيادة انها غاتكرفص الا وانا غاتكون عبئ كبييير عليهم ناهيك على الغيرة الي خلاتو يجهل ..."
عبد الغني"ناض ليه وصعر تاهو ...خرجو لاخرين يتجاراو ومو تاهي تابعاه " : واعيقتيييي نتا عيقتي مالنا ما عندنا ايديين ...اش تكون نتا فملك الله ...اش تجيها ولاش منوض عليها هاد الهيلالة كاملة ....مشا ليه بغا يعطيه دقة طاكا ياسين وهو ينطحو بروسية جابو فاشل ...
ياسين "هبط لعندو عاودو بدقة حتى تم جاي يوسف باش يفكو وهو يدفعو من ايدو وهبط ليه لعندو وجهو مغدذ عليه ..." : هاديك لالاك مرات سيدك ازام**** ...
خرجو حتى الي فالبيت فاش شافو الصمكة ناضت (الصمكة هي المضاربة والغوات ) ..نوار دارت ايدها على فمها وتبعات مينة واشرف كتعكز حدها وصلات لبيت لي عند الباب وكطل من بعيد ...بقات فنيدة تغوت وتدعي وتشحت ...ماحسات حتى جراتها يسرى بحر من جهدها من دراعها وهي تدفعها خرجاتها برا ...
يسرى : تدعي على ولاد ناس ربي غايرجع عليك دعوتك ...دي ولدك وسيري من هنا عطيتك صوابك ديك المرة صلاة عالنبي باش تعايري ليا بنتي ...بنتي مشايطة لا ليك لا لغيرك لا ماجاب ليها الله راجل عندها دماغها ودراعها قارية وواصلة وكتكافح بقرايتها وعقلها ...الي ولدك كلو مواصلش ليهم ...برااااا ...
مشا يوسف نوض عليه ياسين الي كان غايبدا يعطيه يكمل عليه غا جرو وتبعو فؤاد تاهو ...
فؤاد : بلا كترت البلابلا ...غاتهز وتخرج من هنا هاد جوايه متعتبش فيهم ...بلا منعاود الهضرة ..."غمز ليوسف الي جر ياسين باش يدخلو " ياااسييين ..."شاف فيه ياسين وعطاه اشارة بعينو حدر راسو ودخل معاودهاش ...تبعوه كلهم الا هو بقا حتى توگض و ناض هذاك كيمسح فمنخرو ويقلب فوجهو ومو حداه ...شاف فيها " ...شريفة دارك نتي ...
فنيدة : ندي ولدي بجنبي ...
فؤاد "خرج فيها عينيه وهي تكمش حتى ناض ولدها ..."
عبد الغني : الوليدة سيري انا جاي ...
فنيدة : يتعداو عليك اولدي بليييمين تنعيط لجادارمية يفكو جرتنا معاه ...تعداو على ناس وتكرفصو عليهم ...
فؤاد : الهاجم يموت شرع ...
عبد الغني : اميمتي راه حنا داخلين لدارهم بغيتي تلگيها لينا را داخلين عندهم حنا سيري الوليدة سيري هاني جاي ...
فؤاد"غفلو ومشا ليه شدو من قرجوطتو زير عليه حتى خرجو عينيه وما قدر عليه شللو ..مزير على فكو " : جوووج كلمات اولد الناس جوابك ديتيه مقصودك كان خير لكن ماكتابش ليك النصيب هنا ...عشرتك مع ولدي بيناتكم ...تلاااح عليا من هنااا…
فلداخل جلس ياسين وحط مخدة قدامو حاط عليها مرافقو بجوج وايديه على ذقنو الفك ديالو كيتحرك بقوة العصب الي فيه جهلو وكون طلقوه كان غايبقا يضرب فيه حتى يوصلو بجوج لمواصل الي ماتعجبش ...صدرو كيطلع ويهبط ...
يوسف : لا حول ولا قوة الا بالله ...مشكيلة كحلة هادي ...
يامنة : دعيتها الله حسبي الله ونعم الوكيل ...
نجود : الدعوة الخايبة كترجع على مولاها بنتي يامنة لا ديريش فبالك ...
يسرى : وكلاخ كلاخ ماكتفهمش حتى جابوها فعضامهم يالاطيف ...ففففف
يوسف "ناض وقف " : نوار فين هي ...
ياسين "هز عينيه " ...
يسرى ؛ لداخل انا ندخل عندها ...
مينة : تبعاتني انا واشرف ما عرفت فين دخلت ...
بغا ينوض ياسين حتى تمات جايا وتعكز ...حناكها مزنگين ومنخرها تاهو لكن مباكياش منزلاتش دمعة من بعد ...
نوار : هاني هاني ...
يوسف : بنتي اجي حدايا ...
ياسين "كيشوف ليها فملامحها " ...
نوار"مباغاش تبين حزنها حيث باها كيبقى فيه الحال عليها " : مشاو ؟
يسرى : مشية بلا رجعة يلاطيف ...
نوار : مكيفهموش قلت ليها لا ديك المرة بغيت نقرا مبغيتش والو مكتفهمش لا هي لا هو ...
يوسف : عطيناهم فين يلصقو فجيهة اخرى نتي متديهاش فيهم مابغيتيش مكاين الي يبززك ولاكان غا بحالهم والله لا عطيتك ليهم ...تمرمدي ليا مع الجاهلين ...
ياسين"غمزو " : صافي يوسف بدل الموضوع حسن ...
شوي. وهو يدخل فؤاد لحق عليهم ...بقات نوار متكية على باها وكتفكر بالها مشغول وياسين مرة مرة يرد البال ليها يلقاها ساهية حتى هز عينيه ف فؤاد وهو يغمزو باش يخليها على خاطرها وهو ينوض على وقفتو مشا خرج ركب سيارته وزاد بيها لوجهة فينما كانت المهيم يبدل جو ويتنفس من الغضب الي كان كاتمو ....
كيف كل عطلة كتبدا ولابد من نهايتها ...يومين الي جابتهم هاهما كملوها وغادين راجعين فحالهم ...حتى يامنة وفؤاد نواو الرحيل ...
فؤاد ويامنة ركبو فالسيارة وجا وقف عليهم ياسين متكي على باب طوموبيل من جيهة السياقة حدا فؤاد ...
نوار "جمعت فمها كتعضعض فيه بحركة ديما كديرها فاش كتحشم ولا توتر كديرها ..." : الصمت ...
اشرف : دابا ماعرفتها مالها جاتها ساكتة ...
مينة "سدات ليها فاليزتها وشدات فايدها وجلسات حداها جلستها ...تنهدات " : نوار حبيبتي انا غادي نعطيك نصيحة بحكم تجربتي الي دزت منها "اشرف حدر راسو بحزن تفكر الي وقع لمينة ...(دابا نعرفو شنو وقع ليها ) " ...نتي عرفتيني دزت ففترة صعيبة ...مكتبش ليا ربي مع داك الي كنت غيير كنعرفو وكان اعجاب من بعد ولا حب حتى كتب الله المكتاب ومشا النصيب ...عرفتي علاش حيث طلع شماتة ...
المهيم نساي ...ياسين نتي ملي حليتي عينيك ونتي بانية احلام عليه وكتبغيه بزااف قلبك بغاه من الصغر ...صبرتي وسكتي مدليتيش راسك وعزيتي نفسك حتى بغاك ونواك لزواج ...غاتقولي علاش دغيا بغاني ...نوار الي فحال ياسين كيدق الباب ويخطب معندوش دوران زناقي وحتى نقوليك منبغيك وحبيبة وميساجات ...ورسائل الغرام ...تت ياسين راجل ديال زمان راجل تعولي عليه ...ماتقولي لا شفقة لا والو ...
ياسين مكاين لاش يشفق عليك ياسين نوع ديالو عندو اغاراس عندو نيشان المعقول كان كيشوف فيك بشفقة مغايطلبكش لزواج غايبقى غير يدافع عليك ...حيث بنت عمو ونتي ممحتاجاش لشفقة حيث معندهم علاش يشفقو عليك بالعكس نتي عندك حساد حيث من عائلة معروفة وعمامك ناس الجود والكرم والاحترام ...غير كنية رمسيس باغين يتناسبو معاها ...ونتي
جاب ليك الله ولد باغياه وكنتي متمنياه ...علاش مترددة ...ممكن صدمة ؟ هو عطاك الوقت تفكري ...خودي وقتك الكافي وفكري ...
اشرف : وسيري قولي لا تتجي لالة ومالي وغاتديه ليك ولقا موووك كتدمعي نكويك من وذنيك ....
كيف كل صباح كيفيق يصلي الفجر ...لبس سورفيت ديالو وسبرديلا ...وخرج من البيت مخليها عاد فايقة داخلة توضى وهو هبط وخرج يجري فالغابة كيف كل صباح ...حتى صونا ليه تيليفونو وهو كيجري لقاه ايلاف ...
فؤاد : فين هاد الغيبة ...علاش تيليفونك سيمانة هادي وهو طافي ؟ اش واقع تما ؟
ايلاف "اب ايساف " : والله يا رفيقي وتعرف الي صار اشتبكت بالحدود الكولومبية ...لولا ستر الله كناش نخرج منيها ...كيف الاحوال ؟ لساتني حاكي مع جمال يحجز لي بطيارة ...رسايلك ما طمنوني ...ايش في ...وليش صوت راوية متغير ...
فؤاد : وصل بعدا ويكون خير معندك مناش تخاف تتجي ونهضرو ...
ايلاف : لكان تمام باليل عندي طيارة بكرة بشوفك ...
قطع معاه وكمل لامارش ديالو حتى رجع ودخل ل فيلا لقا يامنة عاد خارجة من الكوزينة قالت لخدامة تقابل لفطور بينما هبطو لي لفوق ...
يامنة : صباح الخير ...
فؤاد "باسها فحنكها جنب فمها" : غزالي صباح النور ...
يامنة : طلع دوش الفطور شوي ويوجد وهاهما غايهبطو ...
فؤاد : وعليه ...طلع الفوق يدوش وهبطات مينة ويسرى وموراهم يوسف وصهيب ومحمد الحبيب والياس تاهو ...وسارة ...اما اشرف ونوار مزالين ...تجمعو على طابلة وفطرو كاين الي سبق فحال الحبيب ومينة خذاها معاه فطريق باش يمشيو لخدمتهم ...من بعد عاد جا فؤاد الي موصيهم الي مبغاش يتعطل على خدمتو يسبق ..فطر تاهو وخرج ...
يوسف : يسرى هي اليومين راحة ...
يسرى : البيرمانونص ماشي عندي اليوم مرة مرة نمشي نطل الا لكانت حالة مستعجلة ...
الياس : ديك نوارة شهر غشت فينهي ( شهر غشت زعما محروقة بشمش وخا نوار بيضا والو خاصو يعيبها )
كملو فطورهم بالضحك وطنز كيف العادة حتى استاذنو وتيسرو لخدمتهم ...
اسبوع داز طاير ...اسبوع بالتمام مر عليهم كاملين ...ايساف الي كل نهار كيبغي يفاتح ريم والقدرة باش انه يجاوب مقدرش بتاتا ...حتى لنهار الي زيرو فؤاد فداك الاسبوع نيت وعيط ليها ....تلاقاو جنب واحد التلة ...وسكت طموبيل ...
ايساف "نفخ بالم " : الي وقع ليا والله ما لخاطري الي وقع ليا حطم ليا حياتي ..."ضار لعندها " ريم نتي بنت الناس ومتفهمة ...حسبيني خوك هاد المرة وفكري فيا لو كنت خوك ووقع هادشي وقفي معايا حتى نفك مشكيلتي ...ديريني فحال الى خوك ووقع ليه هاكا حسبيني راسك وتفهميني ...
ريم : خويا نحسبك راسي "فمها تحل وعينيها بان فيهم الخوف " ...ايساف قول اش كاين ؟ اصلا ليك ايام قربتي لشهر ونتا حالتك ماعاجبانيش مبقيتيش ايساف تاع شحال هادي ...اش واقع عافاك متبقاش ضور عليا هنا قول نيشان ...
ريم : كنتي كتمشي مع بنات الليل معمري هضرت حيث كيعطيوك داكشي الي انا منعطيهش ليك بلا زواج عادي فحالك فحال اي راجل فهاد الوقت مكيصبروش ...لكن باش تكرفص على بنت ضيعها فشرفها هادي انا الي حطيت راسي بلاصتها محطيتش راسي بلاصتك كيف طلبتي مني ...لو وقع ليا هاذشي الي وقع ليها غاتقبل بيا ؟...
ايساف "سكت وجمع ايديه على شكل قبضة حتى مشا منهم دم " ...
ريم : ههههههه شفتي ؟ والله مغاتشوف فيا حتى شوفة ...شنو دابا بغيتيني انا نتسناك حتى طلقها ؟ الى كنا فالنصيب علاش لا ولكن فاش قلت ليك كون وقع ليا هاكا سكتي اذن نتا مغاتقبلنيش ...ومكاين لا حب لا زمر ...اعوام من عمري دازت ربي مكتبناش لبعضياتنا ....ردني فحالي مبقييتش بغيت نزيد نهضر ...
ايساف "ضار عندها بغا يحط ايدو وهي دفعو وعينيه محابسينش من دموع ...ضرب المقود بجهد وغوت بحر جهدو بالفقصة حتى دارت صبعها فوذنها عاد سكت وكسيرا طموبيل مهضرات ما تكلمات غير حطها دخلات لدارهم بلا مضور وجهها جيهتو وهاديك هي مشيتها حتى بدلات تيليفونها ونمرتها من كترت مابقا كيصوني ليها ويعاود ووالو حتى بدلت نمرة ومشات دفعت طلب باش دير انتقال من ازرو لابعد مدينة فالمغريب ..." حتى داز اسبوع عليهم كاملين ...
في واحد المكان جا فالجبل تقريبا ضاير بيه ثلج ...لابسة مونطو غليييض فوق كسيوة ديال الخيط بيضة ولبيا كحلين ولابسة بوط مبطن من لداخل فالبيض ودايرة طاقية الخيط ومضورة عليها كاشكول ...بان ليها دار خارج منها دخان وقدامها ماعز سارح وزوج خيول واحد بيض وواحد كحل ...كياكلو فالعشب ...تقدمات بشوي كتعرج برجلها ...خشات ايدها فجيب المونطو من البرد تجمدو ليها ...كتشوف فجنابها ديك دنيا فشكل زوينة والهوا ديالها كيريح القلب والنفس تبعات فين كتشوف ورجليها مشاو بيها لديك البلاصة وهي غاديا حتى وصلات عند الباب ...
وقفات بغات دق وما دق مترددة ...يلاه جمعت ايدها باش دق وهو يتحل الباب مع الحلة جراتها ايد وعنقاتها بجهد حتى حسات بالدفئ سرا ليها مع ذاتها شوي وهي صور ايدها وخشات وجهها وهي طلع معاها ريحتو ...حلات عينيها ...لقات راسها فالفيلا والي شافت مجرد حلم ...
من بعد ما رسى الامور ديالو وقاد خدمتو ف الفيرما ...اكد ليه المدير السابق على الموعد باش يستالم الادارة من بعدو وموعد العشاء الي مقام على شرف تقاعد ديالو ...جاي فالطريق من الفيرما لازرو ...حتى صونا ليه تيليفونو ...
ياسين : الياس ...
الياس : ولد خويا البكر ...فين وصلتي ...
ياسين : مزال طريق طويلة ...مالك ...
الياس : الى توصل بكري بحول الله ملتقانا ففاس هو لول عاد نهبطو جميع تما ...
ياسين : خبار الخير ...
الياس : فك معانا جرة داك ليهودي تاع ايساف عمتك تبكي وهو والو واش بغا يشد معانا طريق باغي يمشي يقلب عليها ...
ياسين : وكان ؟ الياس خليوه يدير الي بغا حتى يعيا وغايجي دوا معاه الوليد مغايطيحش هضرتو خليه كيف قاليك الوليد تايجرب ويبرد وغايرجع ...
الياس : زعما ؟
ياسين : يجرب حضو باش من هنا لقدام ميقولش كون درت ودرت منوصل لهادشي فكر فيها بالعقل ا الياس ...ملتاقانا عشية فازرو حسن ...وديك ساعة يكون خير ...
يسرى : الي عليا وصلتو ليك "تخشات نوار فيها وخشات راسها تحت باطها حناكها بغاو يطرطقو وهي تبتاسم خاشية صبعها في فمها " ...من جيهتي هانية على بنتي معاك راك ولدي حتى نتا وتربية ايدي ...الباقي عليك تهضر مع باها ويكون خير ...من جيهتي يوسف ميلقاش ما حسن منك ...
ياسين : هاحنا عند الله ...قطع معاها وهي تشوف بنتها لقاتها مخشية فيها ضحكات عليها تا شبعات وهي تنوض تتجري دخلات لدوش تغسل وجهها الي سخن ليها ...
مجموعين فالجردة مع الليل ...ملي وصل مهبطاااتش ابدا باش تهبط كتجيها الرعدة هههه رجليها حيدات ليها الجبيرة ودارو ليها باندة صغيرة خفيفة فحال فاصمة كتلبس باش تبقى جامعة ليها رجلها ...متكية فبيتها طالقة الكليمة مقدراتش تنزل ...كانو مجموعين فجردة بطلب منو كان الياس وصهيب ويوسف جالسين على صينية اتاي قدامهم والفاكية بينما وجد العشا ...كيتبردو بهوا سيدي ربي وبرودة لابيسين ....
يوسف : خبار الخير اولد خويا ...
ياسين "بتيشرت وشورط داير مخدة فوق رجليه حاد عليها ايديه وحاط رجل فوق رجل ..." : اودي كل خير ...فين وصل ايساف ؟
صهيب : راه فؤاد مشا عند ايلاف غايهضر معاه تم لتم يفكو جرة ولدو وايساف خليناه على خاطرو تايجي باه ونفكو جرة ...
ياسين"طلقها ليهم تم ههه " : نويت ندير داري ...
يوسف "تگعد " : يهودي ولد شمعون الاسحاقي مات فالملاح ابا صهيب ...
الياس : اينا دار اولدي ...
ياسين "قوس فيه حجبانو زعما من نيتك " ...: شنو بان ليك ...
صهيب : الله اودي بالفرحات كي طرا وجرا ...
ياسين "هز صبعو صغير حيث داير ايدو على نواضرو " : المكتاب تصرف ...
الياس : جوج نقطات تيلوح لينا وسير فكر نتا ولا شطح ولا جذب عاد تعرف اش كاين ...اااش كاين ...
يوسف : على سلامة اصحبي ديرها من صباح سرح طريق ل خوتك ...صافي عزمتي ونويتي ...
ياسين "صغر فيهم عينيه حاضيييهم وكيسمع اش تيقولو ويطنزو كيف عادتهم عطاهم الخااااطر ونطق بكل برود وثقة فنفس " : الحاج يوسف مع الاسف هضرة الياس على صواب ...
يوسف : بغيتي تجوج بنت الياس !!
ياسين : لا ...جمعتكم هنا باش نحضر عمامي حدايا ...نويت ندير داري ناوي نتناسب معاك ايوسف فبنتك نوار ...
صهيب : ااا مصلي عليييك ارسول الله ...
الياس "حل فمو " ....
يوسف "ضحك " : ههههه الله اودي مرحبااا "وقفت ليه وهو يعقد غوباشتو " ...كتهضر بصح ؟ ...
ياسين : بان ليك عندي مع ضحك ديالكم ؟ غانضحك فهاد المواضيع ...نويت الحلال ونويتو مع بنت عمي مفششة دار ...الحلال هذا ماشي تفلية ....
يوسف "بقا يشوف فيه حط الكاس ديال اتاي ولاح ديك الفاكية من ايديه ...ساسهم وتگعد تقاد فالجلسة ..." : المفششة مع العكس ...؟ احم ...ياسين "حدر عينيه شحال وهو ساكت الياس وصهيب كيشوفو فبعضياتهم وفيه وفياسين ...."
ياسين : يوسف !!!
يوسف "محسش حتى نزلو دموعو كيجريو " : حطيتيني فموقف محرج اولدي ....
ياسين "ناض لعندو وتحنى ليه على ركابيه شاف فيه لقا دموعو هابطين ..." : يوووسف كتبكي ؟؟؟
يوسف "دار صباعو بين عينيه كيمسح دموعو " : ياسين بنتي نوار وحدهاااا اياسين بنتي نوار كون لقيت نبقا مخليها حدايا غا باش ميقيسها ليا حد غير بقمشة نگلع لحمي عليها ...عاارف اخرتهم زواج ...هادشي الي عطا الله الكبدة صعيبة ...جيتيني فنوار اياسين نص لاخور من كبدتي داتو هي ...
نور الياسين الجزء التاسع
محتوى القصة
التنقل بين الأجزاء