شافت عذراء راسها فالمراية دغيا و مشات بالزربة خارجة حتى طلعات عند قوس و دازت بكل ثقة و ابتسامة حدا جلنار لي غتفقص بالسم...
تسمع الدقان فلبيرو ديال قوس من بعد ثواني معدودة سمح بالإذن بالدخول و ابتسامة على وجهو فاش سمع تقرقيب صباطها..ولا عارفها غير من صوت مشيتها و تحركاتها...
عذراء سدات الباب و وقفات قدامو ضامة يديها لعندها و تتشوف فيه بابتسامة خفيفة ماعارفاهاش لاش معييط عليها ولكن باقة عاقلة على المفاجأة لي قال ليها فالويكاند و الويكاند غيبدا غدا...
قوس:قربي لعندي مالكي واقفة تما؟
تحركات لعندو حتى وقفات عليه ولكن هاد الوقوف ماطولش سرعان ماجرها حتى حطها فوق ركابيه هادشي لي خلاها تخرج عينيها فالبيرو هادي تاني مرة يدير ليها هكا!..قوس قرب منها حتى خشا وجهو فعنقها و شعرها تيداعبو و خدام تيستنشق فريحتها الأنثوية ، هاد الحركات خلاوها توتر بزااف و يبداو يديها يتفتفو اول مرة يطلع معاها النيفو هاكا...
قوس همس فودنيها:توحشتك...
عذراء تبورشات و ماعرفات ماتقول من غير دقات قلبها لي تتسارع و احاسيس اخرى تتلعب فداخلها...
حس قوس بهاد التوتر الكبير و هو يرخف عليها حتى حسات بيديه جبدو واحد الجوا فالأخضر الغامق من المجر...
قوس:عرفتي شنو هادي؟
عذراء بصوت خافت فيه نبرة ارتباك:ل لا
قوس قلب وجهها لعندو حتى لتاقاو اعينهوم لي تتلمع فبعضياتها...
قوس:هادي دعوة لحضور افتتاح شركة ازياء حلات فرعها فالمغرب هاد ليامات
عذراء تضور فعينيها بارتباك:ا اهاه؟
قوس حط يديه بجوج على حنيكاتها و هي طلع فيه عينيها لي تيرمشو بإستغراب:و حيت نتي حبيبتي بغيتك ترافقيني لهاد الإفتتاح.....
عذراء بتاسمات بفرحة متلئلئة فعينيها خصوصا و انه فاش قال ديك "و حيت نتي حبيبتي" حسات بالقيمة الكبيرة ديالها عندو...
عذراء:اكييد اكيييد شرف ليا نمشي معاك
بتاسم حتى هو و حدر عينيه فابتسامتها الجميلة و رجع طلعهوم فعيونها اللامعة و لي تتحمل اعجاب كبير من جيهتو..لثواني حس بهادشي فداخلو و بشي حاجة تتربطو بهاد الشابة لي دخلات لحياتو و لفتات انتباهو فضروف غريبة و دابا وصل لمرحلة التعلق بها...
قوس:الإفتتاح غيكون نهار الأحد
عذراء:اه يعني بعد غدا
قوس:ااه هادي هي المفاجأة لي قلت ليك داك النهار
عذراء:راني قلت ليك مفاجآتك عمرهوم كانو بساط
قوس باسها فجبهتها بابتسامة مخليها حدرات عينيها حشمانة:غدا درت ليك موعد مع نغم و رنم فاش غتمشي لعندهوم غتعرفي كلشي
عذراء ناضت عليه:واخا اينا وقيتة؟
قوس:مع 2 ديال العشية
عذراء بابتسامة:واخا نخليك دابا
قوس حرك ليها راسو و خرجات غتنقز بالفرحة...
فمقر جريدة الأبراج ناضت نواهل من البيرو ديالها و مشات لكافيتيريا صغيرة دايرينها تما على شكل كونتوار فقط مكاينين لا طبالي لا والو...
نواهل:بغيت قهوة بالحليب
البنت:واخا
مشات البنت لي دوات معاها نواهل و هي تخرج وحدة خرى هازة قهوة كحلة ففنجان جايباه لوحدة كانت واقفة تما...
نواهل فاش شافتها عرفاتها و هي تنقز:قهوة موسيو برناس؟
البنت:اه ديالو
نواهل:غير خليني نديها ليه راني غادية عندو غير طركت هو الاول قهوتي
البنت:واخا
خدات نواهل قهوتها و قهوة برناس حتى هي فبلاطو صغير و مشات حتال بيروه تدق عليه...
برناس:تفضل
دخلات نواهل بابتسامة حتى حطات ليه القهوة فوق البيرو...
برناس:نواهل؟يتصحابلي نانسي لي جابت القهوة علاياش وصيتها
نواهل:كانت زربانة و كنت تما قلت ليها نديها ليك و منها نطمئن عليك
برناس بتاسم:انا لباس و نتي كيف غادية مع الخدمة؟
نواهل:لباس ماعرفتش واش نمشي لإفتتاح شركة Limae ولا نعطي هاد المهمة لقمر
برناس حرك يدو:جلسي بعدا و شربي قهوتك غتبرد
جلسات نواهل فرحانة حيت هو لي بغا بقائها...
برناس:تضن نتي لي سقتي خبر الافتتاح من الاول و علمتيني بيه
نواهل بحالا تفكرات شي حاجة:ا اااه عندك الحق خصني ضروري نمشي ليه مخصنيش نخلي شي واحد اخور يمشي بلاصتي
برناس:هدا هو عزم الصحفية نواهل لي تنعرف ههه
نواهل بتاسمات بتوتر:اكييد موسيو غنحاول نستجوب كبار الشخصيات لي غيحضرو ليه
برناس شرب من قهوتو:الى هكا غتكون عندك خدمة كتيرة
نواهل:ماشي مشكل لي قدرت عليه و صافي
بتاسم ليها برناس و هي ترد عليه بابتسامة صفرة...
العذراوتين بجوج دوزو اليوم نهار زوين...
رفيف مع فابيو لي زادت رتاحت ليه...
و عذراء لي غتمشي يوم الأحد للإفتتاح مع حبيبها قوس...
ولكن واش هاد الفرحات بجوج غيدومو؟؟؟....
☀️فلغد ليه☀️
فاقت رسيل مع النبوري على الم و حرقة فمعدتها خلاها تنوض من فراشها بتعب باش تشرب كاس د الما و تشوف شي دوا ولكن سرعان ماتفكرات حملها نفات امر الدواء حيت ديجا قرات انه الأدوية ممنوعة على الحامل من غير لي مخرجة ليها طبيبة النساء و الحوامل شي واحد و غالبا تيكونو عبارة فقط على فيتامينات...
شربات كاس د الما و غير حساتو فمعدتها و هي تروع و شداتها التقية مشات دغيا تتجري لطواليت و حلات لاشاس لي رضات فيها داك الما لي شرباتو كاملو فاش حلات عينيها تصدمات من لون الما لي ولا خضر و خلا مرورية خايبة فلسانها...
رسيل:افففف شهادشي على الصباح
نقات تما و غسلات وجهها فنفس الوقت رئال صونات لالارم د تيليفونو باش ينوض لخدمتو..طفاها و ناض تيحك فعينيه...
رسيل رجعات لبيتهوم و لقاتو فايق:حبيبي صباح الخير
رئال ناض حتى باسها ففمها:حبيبة قلبي فايقة بكري اليوم
رسيل:تضرني المعدة ديالي بزاف
رئال:ههه غيكون غير من كترة الماكلة د الغدا د البارح يمكن
رفيف:كيفاش غنقدر نجاوب 50 مكالمة و 100ميساج مقسمين فالفايس و الواتس؟!
رواء:واراه كنت مخلوعة عليك ا المرض!
رفيف:ايوا صافي ياك عاودت ليك ليكاين
رواء وقفات و عنقاتها:فرحت ليك ا الزمر و الله العقبة لعذراء حتى هي
رفيف: لا اختي عذراء لاصقها داك لاصير مكاين فين تململ تيشوفها غير هي لي كاينة
رواء:واخا تقولي ليا لي قلتي هو فمرحلة ضعف كبيرة مرحلة مقموع فيها ممكن لمسة امرأة تحرك المدفون
رفيف:منعرف انا يبعد ليا غير على ختي
رواء:اجيي بعدا واش ماخداماش ولا؟
رفيف:خدامة مع لحداش اليوم
رواء جراتها:ايوا اجي نمشيو لواحد القهوة عاد حالة جديدة فهاد الدورة
رفيف:غير بشوية اوف عندكوم نتي و ختي جران واحد
فالسبيطار كانت رسيل فوق الباياص باقة غايبة على الوعي و رئال واقف مع الطبيبة لي فحصات حالتها...
رئال:يمكن ليا نعرف شنو طاري لمرتي ا دكتورة؟
الطبيبة تتشوف فرسيل:لا هادشي عادي جدا يشدها
رئال:ياكما شي تسمم؟
الطبيبة شافت فيه بابتسامة:لا ا موسيو مراتك راها حاملة و من خلال شكل كرشها تيبان ليا راها فشهرها السادس من الحمل
رئال خرج فيها عينو و رجع خطوة للوراء بالصدمة:ك ك كيفاش؟؟؟س ستت شهور؟؟؟؟؟؟
فدار الجدة سلافا كانو مجموعين كل من واليدين رفيف و رضوى أم سنمار..بيناتهوم سلافا و قدامهوم كاينة طابليت مخدمة فيها ابيل فيديو فيها سنمار...
سلافا:فهاد اللحظة غادي نحط احاسيسي كوني الجدة ديالك على جنب و غندوي بجدية كبيرة حيت حتال العادات و التقاليد ماتزادش و مغيتزادش هدا لي غيخرقها!
سنمار حك اللحية ديالو:تنسمعك ا جدة
البقية كانو ساكتين...
سلافا:خطوبتك نتا و رفيف تفسخات رسميا دابا و بجوجكوم وليتو احرار ولكن خيانتك ليها تتعتابر خرق لعادتنا و نتا عارف واقيلة العقاب شنو هو؟
سنمار:بغيت غير نقول ليكوم واحد الحاجة
سلافا:شنو هي؟
سلافا:البنت لي معايا دابا و لي بالنسبة ليكوم خنت رفيف معاها هي من عائلة برج العذراء فرنسية
الكل تصدم...
سلافا:و علاش ماقلتيش ليا هادشي البارح؟؟؟
سنمار بتوتر: ح حييت تخلعت بالطريقة لي دويتي معايا بيها و كنت خايف بزاف من داك النفي
سلافا:واش متأكد من انها من برج العذراء؟نتا عارف الى طلعتي تتكدب اش غيوقع ليك
سنمار:تنقسم ليك بشرفي الى متنكدبش
سلافا:الى هادشي ولا هكا اذن خصكوم تزوجو!
جلوان بدهشة:كيفااش!صافي بهاد السهولة؟؟؟
سلافا:البنت طلعات من نفس برجنا اذن العادة ماتخرقاتش هدا هو الأهم
جلوان:و بنتيي لي تشمتااات؟؟
سلافا: متخافش حفيدتي غيجيها راجل احسن منو
سنمار تقرص من هاد الكلام حيت طييحات برجولتو قدامهوم...
سلافا:فاش غنسالي شي حوايج نبغي تدوز ليا عائلتها
سنمار بابتسامة شريرة:واخا مايكون غير خاطرك
سلافا هزات الطابليت و قطعات عليه:تنضن كلشي ولا واضح دابا
رضوى:لي درتيها ا مي سلافا هي لي كاينة
لوليا غير ساكتة مخلية الري و الشوار لراجلها جلوان...
سلافا:يمكن ليك تفضلي ا رضوى و نتوما ا لوليا و جلوان بغيتكوم فواحد الحاجة....
فالشركة كانت رفيف تتقاد لواحد العارضة و حداها نيار و سديم حتى هوما تيقادو لديالهوم...
نيار:توحشت ثقبائي
سديم:حتى انا وليت نحس بحالا بدلاتنا فاش ترقات
رفيف:اهياتا ماتقوليش على ختي هكاك الا داكشي مافيهاش
نيار:غير خليها لقاتني مامساليش ليها اما تشوف الخوخ ما احلاه
تسمع تقرقيب الطالون فالكولوار و هوما يطلعو راسهوم كاملين كانت شيارا و معاها واحد البنت جاو وقفو قدام رفيف...
شيارا:حطي لي فيديك غتكمل ليلي هادشي
رفيف:ولكن ا مدام...
شيارا:غير حطي يمكن ليك تمشي لداركوم دابا
حطات رفيف داكشي من يديها باستغراب و انساحبات خارجة هازة صاكها حتى سمعات تيليفونها تيصوني...
رفيف:الو الواليدة؟
لوليا:شدي الطاكسي لدار جداك سلافا دابا
رفيف:اش واقع؟؟؟
لوليا:دوينا مع داك سنمار فاش تجي غتفهمي كلشي
قطعات عليها و مشات بخطوات سريعة باش تهبط تشد الطاكسي...
من بعد مدة ديال الطريق وصلات رفيف قدام الدار..هبطات خلصات مول الطاكسي و دقات..حلات ليها الخدامة الباب و داتها حتال الصالون لقات باها و مها و الجدة سلافا و معاهوم واحد الراجل لابس كومبلي فالرمادي حادر راسو...
سلافا بابتسامة:ها حفيدتي جااات
طلع الراجل راسو و هنا تصدمات رفيف حتى خرجو عينيها لي ضوراتهوم فالمكان حتى جاوو على الطبلة لي كانت عامرة بلبوكيات د الورد و علب الشوكولاتة و شي هدايا فديباكي د الكادو حسات بالدوخة فهاد اللحضة ولكن شدات فراسها...
رفيف: ش شنو تدير هنا؟؟؟
فابيو بتاسم و شاف فالجدة سلافا:نقولها انا ولا نتي ا مدام؟
رفيف ولات بحالا طرشاتها ماشي جاوباتها خلاتها غير تتفتف:و ولكن ميمكنش....ه هادشي تيعني بلي..نتا؟؟؟
فابيو حرك راسو بالإيجاب مبتسم ليها:اه انا من عائلة برج العذراء بحالك نتي و ميس ادرا.....
رفيف شدات راسها تتستوعب الأمر...
سلافا:اجي جلسي ا بنتي قدامكوم شحال من حاجة تقال
تقدمات رفيف جيهتهوم حتى جلسات حدا جداها و باقي عقلها مامستوعبش الأمر...
سلافا شافت فجلوان و لوليا:اجيو نشربو اتاي فالبيت لاخور
ناض جلوان ما زادش الهضرة مع مو واخا خلات بنتو مع راجل غريب بالنسبة ليه ولكن مغتديرش هادشي الا و هي متأكدة و تايقة فهضرة هاد الراجل..تبعاتو لوليا مبتسمة باينة عاجبها الحال على الأقل بان ليها حسن من داك سنمار و خلاوهوم بوحدهوم...
فابيو ضحك:ههه ماتصدميش و راكي متتحلميش
رفيف:ولكن كي كيفاش هادشي بليز شرح ليا كيفاش حنا كنا غير اصدقاء و دابا جاي تخطبني؟؟
فابيو:و شنو دنبي الى اعجابي بيك كافي يخليني نتقدم ليك؟
رفيف:اعجابك بيا؟
فابيو بتاسم و ركز عينيه فعينيها:شخصيتك و جمالك كلامك و عفوتيك نتي الإنسانة لي تليق بيا
رفيف بتوتر: و ولكن..انا عاد مريت من تجربة فاشلة و كيف قلت ليك باغية نبني سعادتي بيدي
فابيو:و علاش مانبنيوش ديك السعادة مع بعضياتنا؟اي حاجة كنتي ناوية غاتديريها انا غنوقف معاك ماديا و معنويا انا باغي نعيش حياتي و نستمتع بيها و كوني متأكدة بلي مغتخصك حتى حاجة معايا
فابيو:انا مغنبزز عليك حتى حاجة غير هو مدام سلافا اتاخدات القرار
رفيف:و نتا اصلا كيفاش حتى وصلتي لهنا؟
فابيو:فاش عرفت انك وليتي حرة ولا عندي سبب لي يخليني نتقدم ليك و انا مرتاح كنت فلول خايف من انك تكوني مخطوبة راكي عارفة عادة الصغر..المهم عقلت على الطريق و سولت واحد الراجل فالشارع على شكون لي مترأس عائلة مفتاح و قال ليا سلافا مفتاح صافي خدا ليا عنوان دارها من مرتو و جيت دويت معاها
رفيف:و فاش عرفاتك من برج العذراء قبلات فالبلاصة؟
فابيو:قلت ليها شكون انا و منين جيت و حالتي الإجتماعية و شافتني مناسب ليك واليديك حتى هوما موافقين بقيتي غير نتي
رفيف حدرات راسها فصباعها لي تتلعب بيهوم بتوتر و دماغها مخربق بهاد القرار المفاجئ:ولكن نتا الى قدرتي تجي تخطبني اذن....؟؟؟
فابيو صغر فيها عينيه:واش هادشي بالنسبة ليك مشكل؟انني ارمل و اب؟
رفيف:لا بطبيعة الحال ماشي مشكل انا تتهمني نتا كا شخص اما تكون ارمل ولا مطلق ماشي نتا لي ختاريتيه هاداك امر تيتعلق بيك ماشي اسم ارمل لي غنعيش معاه حياتي
فابيو:ههه واش نقدر نعتابر هادشي موافقة؟
رفيف:و علاه الجدة سلافا خلات ليا شي موافقة اصلا ههه راها قادات كلشي قبل كاع مانجي(باستهزاء)انا غير مونيكة جات تشوف عريسها فقط
فابيو حط يديه على يديها:ماتقوليش هادشي انا معجب بيك بزاف و مع المدة غيولي هاد الإعجاب حب
رفيف طلعات فيه راسها و عينيها مركزين فتفاصيل ملامح وجهو الوسيم لي عمرها طولات فيه الشوفة حتال دابا...
فابيو:تجربة فاشلة متتعنيش انه متعاوديش تجربة خرى تتعني انه الشخص معامن جربتيها انسان فاشل!
رفيف:ههه فهادي عندك الحق ملك الفاشلين الله يغبر لبوه الشقف
فابيو مافهمش الجملة الأخيرة:شكاف؟؟(الشقف)
رفيف:ههه لا والو ضحكتيني ناري زعمة بصراحة ماعطلتينيش هههه
فابيو:انا ماشي من النوع لي تيدير علاقات عابرة و نتي الإنسانة لي شافتها عينيا و حس بيها قلبي انها غتكون المناسبة
رفيف بتاسمات بخجل:حتى نتا انسان مزيان و بيينتي ليا انك راجل و تتقدر المرأة بصراحة و بلا منكدب على راسي اي وحدة غتمنا راجل بحالك هه
فابيو:انا بغيت نبني حياتي مع رفيف ماشي وحدة
رفيف ذوبها فهاد اللحظة ناري هاد السييد شحال تيلعب على احاسيسها بطريقة موصل بيها المعنى و بأنظف أسلوب بعيدا على التحرش ولا الميوعة فالتغزل...
رفيف حركات ليه راسها بأه:انا قابلة نكون خطيبتك كيف قلتي تجربة فاشلة متتعنيش انني الفاشلة بل هو لي اكبر فاشل حيت خسر وحدة بحالي
فابيو فرح:كوني اكيدة غتكوني فرحانة معايا
رفيف عاد تفكرات واحد الحاجة:و ولكن الى نتا دكرتي العادة ديال الصغر ادن نتا عارف اش واقع لينا انا و ختي؟؟
فابيو:اه انا عارف نتوما تخطبتو من صغركوم الى مكدبتش؟؟
رفيف:ا ا اااه و واش حتى نتا؟
فابيو:لا حتى كبرت عاد تعرفت عليها
رفيف بلعات ريقها بتوتر:ي يعني كنتي هاد المدة كاملها عارف بلي ختي مخطوبة و فنفس الوقت مصاحبة مع مول الشركة ياك؟
فابيو:اه كنت عارف
رفيف:ولكن ياك هو صاحبك؟علاش ماقلتي ليه والو؟
فابيو:نسيتي شنو قلت ليك من شحال هادي؟
رفيف:شنو؟فكرني!
"فلاش باك"
فابيو شاف حولو و جلس فوق واحد الفوتوي:الأمر انه ميس ادرا دارت بلاصتها فحياة مستر بنسليمان و قدرات تاخد انتباهو لمدة شهرين
رفيف جلسات حداه:انا بصراحة ماراضياش على هادشي ابدا
فابيو شاف فيها و رجع شاف قدامو:أحيانا من الأفضل الواحد ميتدخلش فعلاقات الناس
......
رفيف تنهدات:عارفة هادشي غير هو بعد المرات الحوايج تيكونو أعمق من هادشي لي قلتي نتا
فابيو:اذن تفرجي كيفما تندير انا
رفيف:هههه زوينة عندك هاد تفرجي....
"نهاية الفلاش باك"
رفيف:ادن هادشي لي قصدتي ب "تفرجي كيفما تندير انا" ؟
فابيو:تماما ميس ادرا و مستر بنسليمان انا متأكد تيبغيو بعضياتهوم و بالنسبة ليا الحب هو الأهم و انا واقف معاهوم و متيهمنيش تكون مخطوبة مادام هادشي إجباري بالنسبة ليها
رفيف:و كون كنتي معجب بيا كيف قلتي و طلعت من برج اخور من غير برجك كان غيوقع هادشي نفسو ولا؟...
فابيو:غنكون اكيد مغنبدلش رأيي
رفيف حسات بعينيها غيغرغرو..حسات بإهتمام فشكل فهضرتو خلاها تشعر بصدق كلامو و شحال تيعني ليها هاد الكلام بزاااف و لي تيعني انه غيتحدا العالم كاملو باش يتزوجها!...
رفيف بتاسمات:لا غير خلينا هكا نيت يكفي عذراء وحدة تخرق القانون ههه
فابيو بتاسم ليها و هي تدخل عليهوم سلافا...
سلافا:كلشي هو هاداك ياك؟
رفيف:اه صافي
سلافا بتاسمات:شحال تسنيتي و تقهرتي بالتعطال ابنييتي كنتي غتكوني فين تزوجتي على 18عام بحال رسيل نيت ولكن داك الغدار بقا يجرجر فيك(شافت ففابيو)ولكن ربي عوضك بماحسن داكشي علاش قررت عرسكوم غيكون هاد السيمانة ان شاء الله...
فالشركة...
وصلات 2 ديال العشية و مشات عذراء لطابق الأزياء عند رنم و نغم كيفما قال ليها قوس...
رنم:اهلييين ميس عذراء
نغم:شحال هادي ماشفناك
عذراء بابتسامة:لباس عليكوم كلشي بيخير؟
رنم:لباس لباس اجي اجي
تبعاتهوم عذراء حتى دخلو من واحد الباب و فالداخل كان المكان وااااااسع بزاااف و فيه تستيفة ديال الفساتين معلقين فالبلاستيكات ديالهوم شادين الحيط قداش كاملو و قنت فيه لمرايات و فيترينة كبيرة ديال الزاج فيها المجوهرات و حداها وحدة خرى عامرة بالطالونات غير الكريستال و فقنت اخور غرفة تغيير الملابس خلاصة القول كلشي تيلمع تما...
و فوسط داك المكان كانت شي حاجة واقفة بحال المونيكة بلا راس و مغطيينها بغطاء ابيض كبير...
عذراء:واو ههه هاد البلاصة مختلفة على لي كنا فيها من قبل
نغم:حيت هاد المكان هو لي فيه التصاميم لي فمرحلة الشك
عذراء:مرحلة الشك؟
رنم:زعمة مشكوك واش يتحط فالبيع ولا لا
عذراء:ااه وي و شنو غنديرو فهاد البلاصة؟
نغم و رنم تقدمو بجوجات قدام داك المجسم المغطي وحدة فاليمن و الثانية فليسر حتى هزو داك الغطا كاشفين على فستان اقل ما يقال عليه رااائع..كان فالغوز بيبي طويل حتال الأرض بيدين شفافين و سميطة ببابيونة صغيرة عند الخصر..مزيين بالورد عند الكتاف مرورا لمنطقة الصدر المكشوف و عند اليدين حتى هوما و باقي الثوب كولو لؤلؤ وردي...
عذراء حالة فمها فيه و عينيها غيوليو قلوبا من كترة ظرافة فخامة الفستان فنفس الوقت...
رنم و نغم بتاسمو:كيف جاك؟
عذراء باقة تتشوف فيه و تمعن فجماليتو و طريقة صنعو الإبداعية و المتقنة:واا واااااااعررررررر هههه عمرني شفت شي فستان هاكا
رنم بتاسمات فوجه توأمها و شافت فعذراء:هدا هو الفستان نامبر وان فالصيحة الربيعية لي كانت غتدار
نغم:ماشي لي كنتي فيها راعية نن لي لغاها مستر قوس باش يدير ديالك
عذراء:حمقنييي اختي قصدي ا خواتاتي حمقنييي وا ربيعييي نيييت بمعنى الكلمة بهاد الورود ههه
رنم:هههه مزيان هادشي لي بغينا حيت هاد الفستان نتي مولاتو
عذراء بدهشة:كيفاش انا مولاتو؟؟
نغم:و حيت جنتلمانية و ذوق مستر قوس لا حدود لها اختي ههه وصا المصممة نويل لي هي مصممة هاد الفستان انها تزيد تخدم عليه حيت غيهديه لإنسانة مهمة بالنسبة ليه
عذراء قلبها بدا تيضرب و مشاعرها تخربقو و حسات بالخجل:انسانة مهمة بالنسبة ليه؟
رنم:اكيد لي هي نتي ا الهبيلة ههه
عذراء:صراحة ماعرفت مانقول
نغم:ماتقولي والو اجي قييسيه باش نقادوه على جسمك راه غدا الإفتتاح
عذراء:واخاا
مشات رنم حييدات الفستان من المجسم و نغم دات عذراء لغرفة تغيير الملابس حتى لبسوه ليها...
عذراء:تيبيين صدري كاينة شي طريقة تجمعوه بيها من هنا؟
نغم جبدات ابرة و خيط من بونجة مضورة على يدها بحال الساعة:اوكي غنجمعو ليك غير شوية حيت غادي يخسر تصميمو الى جمعتو ليك كاملو
عذراء:واخا
قادات ليها داكشي و قادوه على جسمها..حييداتو و لبسات حوايجها...
رنم:غدا عندك موعد معانا تاني و مع المصممة نويل تشوفو عليك و مع المايكاب ارتيست نورا تقاد ليك و مصففة الشعر المعروفة ايلين
عذراء:هادشي بزاف عليا ههه
نغم:هادشي والو عند مستر قوس ههه مهم غدا مع 6 د العشية اوكي؟
عذراء:صافي واخا
انصارفات عذراء و هوما كملو خدمتهوم...
فبرطمة رسيل و رئال...
كان هاد الأخير واقف غادي جاي و هي جالسة مافاهمة والو من فاش جابها من السبيطار و هو هكا زعمة يكون؟؟؟؟؟.....
رسيل:رئال اش كاين؟؟
رئال:نوضي
رسيل:كيفاش نوض؟
رئال:ديري لي قلتو ليك
ناضت رسيل و هو يهز ليها الفوقاني ديالها معري على كرشها...
رسيل بلعات ريقها بخوف: ر رئال؟
رئال تيشوف فكرشها:و انا نقول كيفاش حتى تزاد حجم كرشك شوية!يتصحابلي تزاديتي فالوزن ولكن..ولكن!!!!
رسيل تتفتف عليه خايفة:ك ك كيفاش غنعرف و انا باقة صغيرة (شداتها البكية)رئال علاش داير هاكا خصك تفرح هدا راه ولدنا انا فرحانة حيت حاملة و نتا داير هكا
رئال شد فراسو:شغنقولو دابا للعائلة؟؟؟شبعنا *وااا انا وياك قبل الزواج؟؟؟شحال بقا ليه باش يتزاد؟؟؟؟
رسيل شهقات:3شهور
رئال:هااااااا اش تنقول حنا عاد درنا العرس و فراسهوم عاااااد غنبداو نخدمو على ولادنا و من بعد 3شهور غنجيوو بوجهنااا الووو مرااتي ولدااات السبووع بعد سيمانة؟؟؟؟
يالاه بغا يخرج و هي تشدو من دراعو و زييرات عليه:مغتقولش ليا طييحيه اكييد و مؤكد؟؟؟؟
رئال شاف فيها لقاها تتشوف فيه بواحد الطريقة فيها نوع من التهديد و بحالا بغات توصل ليه ميقولش ليك راسك تدير معايا هكا...
رئال:اينا نوع من الناس تنبان ليك؟؟
رسيل:فهادي معرفتش ولكن لي عارفاه انا هدا ولدي..ولدنا و غنولدو و نفرح بيه
رئال:واخا طلقي مني دابا
طلقات منو و خرج من الدار...
رسيل شهقات و بداو يطيحو دموعها:علاش كلشي مابغاش ولدي هو ماعندو حتاشي دنب....
فالعشية و بعدما سالات عذراء خدمتها و رجعات لدارهوم جراتها رفيف من فم الباب و طلعاتها لبيتهوم...
عذراء:واهيا ناري هدا هو السلام فقبيلتكوم
رفيف سدات باب البيت:واناااري اش وقع ليا اليوم
عذراء:اش واقع؟؟
رفيف:ناري ماعرفت كيفاش غنعاود ليك
عذراء:جيني نيشان
رفيف:فابيو خطبني و ولا خطيبي و غنتزوجو فهاد السيمانة
عذراء طاح ليها الصاك من يديها و حلات فمها:عاودي شنو قلتي؟؟؟؟؟؟
رفيف نقزات عليها:وااا معاك بصاااااح
عذراء حطات يديها على راسها:الله ياربي على صدمة واش قبلتي شفتك فرحانة؟
رفيف:تاعت الله واش كاينة قبلتي عندنا؟
عذراء جلسات تتحيد صباطها:وي عارفة غير هو صبري واحد الدقيقة نستوعب و عاودي ليا كيفاش فابيو مانادجر قوس جا و خطبك حيت هادشي فات بيزاغ لديك الجيهة
جلسات حداها رفيف و عاودات ليها كلشي...
عذراء مصدومة:ك كيفااااش ارمل و عندو بنت؟؟؟مبايناااش فيه اختي كاااع
رفيف:عندو 40عام و هي 16عام
عذراء:ماكبيرش عليك لا؟ناري فابيووووو طول الوقت من برجي ناااري(شدات وجهها بخوف فاش تفكرات واحد الاحتمال)غيكووون زعمة قال لقوس على عادت برجناا؟؟
رفيف تتسكت فيها:لا لاا غير تهنااي السييد داخل سوق راسو و قال بغاكوم مع بعضياتكوم متيهموهش العادات
عذراء رتاحت:صافي حيت بغيت انا لي نقولها ليه براسي
رفيف:حتال العام الجاي ههه؟ و زعمة مقالش ليك راسك بلي الى قلتيها ليه غيفهمها عوجة؟؟؟انسانة استغلالية عديمة الأحاسيس مخطوبة و تتستغل فيه!
عذراء بلعات ريقها: ا اناا ماشيي هكا!
رفيف:عرفت ولكن هو هادشي لي غيقول عليك علاش ماصارحتيهش من الديبار؟؟
عذراء:حيت خفت نخسرو
رفيف:دابا عادما غتزيدي تخسريه الى تعلق بيك
عذراء بخوف:مابغيتش هادشي
رفيف:اذن صارحيه
عذراء بارتباك:غدا كاين واحد الإفتتاح د واحد الشركة و عرضني نمشي معاه و قبلت
رفيف جمعات يديها:و بغيتيني نغطي عليك تاني ياك؟
عذراء:لا هاد المرة غنقول ليهوم غنبات عند رواء
رفيف:امم حتى هادي فكرة
عذراء:و دابا غنبدل و نهبط نضرب داك كاسكروط
رفيف:ولاهيلا زيدي الواليدة دارت المسمن هههه
عذراء:الله الله باينة فرحانة ملي دارتو
رفيف:الطريق كاملة و تشكر ففابيو هههه
عذراء بتاسمات و عنقات ختها:انا فرحانة ليك بزاف فابيو راجل مزيان و ماشفت منو غير الزوين حتى معاملتو جد مزيانة من اول نهار شفتو فيه غادي يعوضك من سنوات الضياع لي ضييعتي مع داك راس المسمار انا متأكدة
رفيف بابتسامة:عندي احساس تيأكد هادشي...
فليل و فالبرطمة ديال رسيل و رئال...
كانت جالسة رسيل مكمشة فالغطا تتفرج حتى سمعات صوت السوارت فالباب..دخل رئال هاز واحد الباكي بيض حتال الصالون لقاها تتفرج..حطو فوق الطبلة و جلس حداها...
رئال حط يديه عليها:رسيل
رسيل مسحات نيفها باينة شبعات بكا من قبل:نعام
رئال:اجي تشوفي
ناضت حتى جلسات و حط ليها العلبة فوق ركابيها...
رسيل:شنو هادشي؟
رئال:حليها
حلات رسيل العلبة و هي تحط يديها على فمها بصدمة و عينيها غرغرو...
رئال:عجباتك؟
كان محتوى العلبة عبارة على كيكة دائرية مخدومة بعجينة السكر البيضاء على اشكال فستان ابيض و وردي ديال بنيتة صغيرة..سكاتة..وريدة و صبيبطات...
رئال:عارفك تتمناي تولدي بنيتة داكشي علاش جبتها هكا سمحي ليا الى غوت عليك هاد الصباح نسيت راسي و فكرت فالشوهة و نسيت انه انا السبب الرئيسي فهادشي نتي بنت نقية و نية و انا لي خليتك تديري معايا هكاك
رسيل تتبكي: واش متقبل الحمل ديالي؟
رئال عنقها:اكيد تنبقى باباه ولا باباها(بتاسم)
رسيل:و اخيرا بتاسمتي (تتمسح دموعها)دابا عاد يمكن ليا نرتاح...
☀️فلغد ليه☀️
و فالخدمة...
كانت رفيف جالسة تتسنا فشيارا تعطيها الخدمة لي غتدير اليوم حتى دخل عليها شي واحد...
الرجل:رفيف مفتاح؟
رفيف:هي انا
الرجل:هادو ليك ممكن تسني ليا هنا
ناضت لعندو حتى سنات و مشا مخلي ليها باقة من الورود الحمراء...
رفيف عنقاتهوم مبتسمة:شحال زوينين
هزات منهوم الكارط لي فيهوم لقات فيها كتابة بخط اليد بالفرنسية و معناها " أول صباح لنا كخطيبين و قريبا كزوجين❤"
قرات العبارة بابتسامة و رجعاتها بين الورد حتى دخلات عليها شيارا...
شيارا بابتسامة:اووه مبروك الخطوبة
رفيف:كان فخبارك ياكي؟ههه
شيارا:اكيد غير هو واش ماقال ليك فابيو والو؟
رفيف:علاياش؟
شيارا:ااه صافي خليه هو يقول ليك سيري عندو دابا
رفيف:و الخدمة؟
شيارا:غير سيري و حطي البوكي هنا مكاين لي غيقيسو
حطات رفيف البوكي و مشات شدات السانسور عند فابيو فطابق لمانادجرز...
وصلات و مشات دايزة ديريكت لعند السكريتيرة لي وقفاتها...
رفيف:كيفما سمعتي!غتحييدي دابا ولا تعييطي عليه تأكدي بنفسك؟
الثقة فالنفس لي بيينات رفيف للسكريتيرة كانت كافية تخليها تنحا و تخوي ليها الطريق متقدرش تخييل ردة فعلو الى صدق كلامها بصاح فا فضلات تكمش و ترجع لخدمتها لتفقدها و الصدمة راكباها..هزات رفيف حاجبها بانتصار و بتاسمات فاش وقفات قدام باب البيرو ديالو..دقات عليه و تحل الباب اوطوماتيكيا من الداخل بفعل بوطونة ضغط عليها فابيو...
رفيف مبتسمة:صباح الخير
فابيو رد الابتسامة:صباح النور تفضلي جلسي
سدات الباب و جلسات...
رفيف:شكرا بزاف على باقة الورد عجباتني بزاف
فابيو:هادشي تيفرح
رفيف:و حتى العبارة لي فيها زوينة هه
فابيو:تنتمنى يدوزو الأمور بيخير بيناتنا
رفيف:ااه..قالت ليا شيارا واش مقلتيش ليا واحد الحاجة و جيت نعرف شنو هي هاد الحاجة
فابيو:اه قلت ليها لبارح بليل انك تحبسي الخدمة عندها
بنان تتشوف فضفارها مامسوقاش:والو غير بغيت نشد فيك و نتبرهش شوية سيتو(طلعات فيها عينيها)واش انا تندوي لديلمك بحال هكاك؟زائد تضني انه غتخبا عليا حاجة بحال هاديك؟بصحتك الفستان مسبقا
بنان:اكيد غاديين انا و انطون حنا رموز من ضمن الرموز اللامعة فشركة Bens-Naht
عذراء:اه وي مزيان ههه اينا مكياج بغيتي اليوم؟
بنان:مكياج خفيف كيف ديما
عذراء بدات تتجبد فالدوزان:واخاا
وصلات وقيتة الغدا و لقات رفيف و عذراء مجمعين عليه..تغداو مجموعين مع واليديهوم و جمعو ديك الطبلة..بعدما غسلو الماعن، جلوان طلع ينعس قيلولتو و البنات تجمعو على مهوم لي جابدة مسلسل بادي فدوزيم...
عذراء:ماما
لوليا:نعام
عذراء:بغيت نبات اليوم عند رواء شحال هادي مابت عندها
لوليا:بينك و بين باك
عذراء:وا عافاك قوليها ليه غير نتي
لوليا تنهدات:فينما كانت شي موصيبة تكلفوني بيها غير انا
رفيف:غير خليها ا ماما نيت شحال هادي ماباتت عندها
لوليا:تتافقو علياا ولااا
عذراء/رفيف:لااا حاااشااا
لوليا:سكتو خليوني نتفرج
ناضت عذراء لغرفتهوم و تبعاتها ختها...
رفيف:ها مسمار هاد الليلة طرقناه ايوا و الباقي؟
عذراء:ماتخافيش كلشي مخطط ليه خصها غير تعلم الواليد و صافي
رفيف:ايوا وجدي صاكك لي غتديه عند رواء اولا لي غتديري راسك غتديه عند رواء
عذراء:صافي غير سيري مهم لغد ليه غنكون هنا
خرجات رفيف من الغرفة اما عذراء جبدات صاك متوسط الحجم دارت فيه بيجامة و ريحة و شي تخربيق د المكياج و حطاتو تما...
جبدات تيليفونها و دوزات النمرة لرواء...
رواء:شي موصيبة تاني ياك؟
عذراء:بحالا علمك الله المهم سمعيني مزيان قلت للواليدة بلي غنبات عندك و غتقولها للواليد ولكن انا مغنباتش عندك
رواء:عاد فرحت ا الزبل و فين غادية بالسلامة؟
عذراء:واحد الإفتتاح مع حبيبي(قالتها حشمانة)
رواء:اي هاي هاي هاي على الت*حبين اهاه؟
عذراء:صافي هدا هو البلان نتي راك عارفة شنو غتديري
رواء:صافي عتابري راسك بايتة عندي
عذراء:شكرااا بزاااف بب
رواء:هانية ا الساطة يالاه تشاو
قطعات عليها و تكات تنعس شوية بينما وصلات العشية فين غتمشي للشركة للموعد لي قالو ليها رنم و نغم...
بعدما دازو السوايع و عذراء فاقت من نعاسها مشات ضرباتها بتدويشة و حييدات الشعر الزائد من جسمها هكا تتحس بثقة و نضافة اكتر لبسات حوايجها العاديين و هبطات هازة صاكها...
لوليا لي كانت تتعجن فوق الطبلة:زعمة تايقة فراسك ا بنتي لا؟شكون قال باك غيخليك؟
عذراء بتاسمات:ولكن انا عارفة عندي واحد الام تقدر تقنع داك بابا ههه
لوليا:دوزي خرجي عليا سيري سيري و سلمي عليها هي و مها
عذراء:يسلم عليك الخير فين رفيف؟
لوليا:فالطواليت
عذراء:صافي واخا (باست راسها)حتال غدا و نرجع ان شاء الله
لوليا شافت فيها مطولة و قلبها تزيير عليها شوية:بنتي
عذراء تلفتات:نعام ا ماما؟
لوليا:لا والو غير سيري
خرجات عذراء سالكة الطريق نيت لي تيدي لدار رواء غير هو فاش قربات من سيكتورهوم بدلاتو لاتلاقا بشي واحد من عائلتها لي ساكنة تما و شدات طاكسي توصلها للشركة....
وصلات عذراء لشركة و طلعات نيشان لطابق الأزياء تماما على الساعة السادسة كيفما دارو معاها...
رنم:فالوقت المناسب ههه
نغم:اجي تفضلي معانا
داوها لنفس البلاصة لي مشاو ليها هاد الصباح لقات الفستان معلق و واقفة تما واحد المرأة داكنة البشرة أنيقة فلباسها و باينة عليها راقية...
رنم:هادي المصممة نويل دوي معاها بالإنجليزية
عذراء:ا ااه واخا هااي؟
نويل:هاي ميس رنم نغم ديو الآنسة تقييص الفستان
نغم:اوكي ميسز
داو عذراء حتى لبسوه ليها و خرجوها لعند المصممة لي بتاسمات فاش شافت ابداعها محطوط على ابداع إلاهي اخور...
نويل:خييطتو ليها جهة الصدر؟
رنم:هي لي مابغاتش يبان صدرها
نويل:اوكيي على العموم تيبان ليا مكاين حتاشي مشكل زائد (بإبتسامة)عيونك الخضراء الفاتحة زادت للفستان لمسة ربيعية خاصة زائد جمالك الطبيعي دابا عرفت علاش مستر قوس بغا يهديك هاد الفستان
عذراء بخجل:شكراا ميسز
انصارفات المصممة و هوما يخرجو عذراء من تما و هبطوها لقسم المايكاب ارتيست فواحد الغرفة خاصة تما لقات المايكاب ارتيست نورا و مصففة الشعر ايلين و جوج رجال معاهوم...
عذراء بتاسمات:نووراا لباااس علييك
تسالمو بجوج و جلساتها...
نورا:لبااس ازين ههه هي اليوم غادية للإفتتاح ناري شحال جاك الفستان تيحمق
عذراء:شكرااا حبيبة
رنم:هادي هي المصففة ايلين و هادا المساعد ديالها كوستاف و هدا عامل هنا الى خاصاك شي حاجة
عذراء بتاسمات:شكرا ليكوم بزاف
نغم:يالاه طهلاي غنخليوك دابا
خرجو من تما مخليين نورا تتجبد فالماتيريال...
نورا:غندير ليك الغوز فوق عينيك موافقة؟
عذراء:ااه غيجي مع الفستان
قربات منها ايلين و حطات ليها علبة رخامية فالأسود مستفين فداخلها وريدات فالغوز...
عذراء:شنو هادي؟
ايلين:جابهوم واحد العامل و قال من مستر قوس بغاهوم يكونو اول حاجة تشوفيها قبل من الافتتاح
بتاسمات عذراء بحب شادة ديك العلبة الجميلة و ايلين بدات الخدمة فشعرها تتقادو و فنفس الوقت تتقاد نورا المايكاب حتى داز الوقت و اخيرا كملو ليها...
ايلين بذهول:تحفة..لوحة فنية
نورا:ههه الجمااااال وااااو
عذراء تتشوف فالمايكاب لي فوجهها و شعرها المطلوق المقاد بطريقة مموجة و كيفاش تبتات ليها فيه وريدات الخدمة كانت جد متقوونة و هادشي خلاها تحس اكتر بقيمتها الكبيرة عند قوس و مكانتها عندو...
دخلو رنم و نغم تاني فاش وصلهوم انه سالاو ليها و قالو دقة وحدة:واااااااااوووو
عذراء:هههه ماشي لديك الدرجة
رنم:لا لديك الدرجة
نغم:يمكن ليكوم تفضلو
نورا جمعات ماتريالها:نشوفك مرة خرى
عذراء:اكييد قولي ليا غير ف اينا بلاصة فقسم المايكاب ارتيست و نجي
نورا: فالركن B
حركات ليها راسها و خرجو...
نغم:مابغيتش نخليك تحمسي ولكن احمممم مستر قوس جالس تيتسناك على برا
عذراء ناضت نوضة وحدة مخلوعة:اويليييي
رنم:ها لي قلت ليك
نغم:بلا ماتستريساي كلشي هو هاداك خاص غير الصباط و الأكسسوارات فقط
رنم:و العطر
عذراء:واخاا واخااا
حلات رنم واحد الخزانة كبيرة كانت عااامرة بالعطور...
نغم:هادشي للأسف لي قدرنا نجمعو ليك باش تختاري منو
عذراء حالة فمها فشوانط ديال الروايح المستفين و غير الغالية حدا ختها:ه ه هادشي غ غير لي قدرتو تجيبوه؟
رنم:اه ههه مامشيناش لسطوك كون عمرنا ليك البيت هههه ختاري وحيدة
نغم جابت ليها جوج علب..
رنم:صبري نعاونك
خدات من عندها العلبة و حلوهوم دقة وحدة قدام عذراء لي كانت تتشوف بإعجاااب كبير فالطالون لي كان فلغوز بيبي مزيين بالذهبي و الغوز على شكل وريدات و كوليي متكون من سلسلة و طوينكات...
خدات عذراء نفس عميق و خرجات من الغرفة..سمع قوس الباب تحل و هو يطلع راسو و فجأة جاتو صاعقة من حيث لا يدري خلاتو مذهووول و مبهووور فالإبداع لي قدامو....
ناض لعندها بلا هواه حتى وقف قدامها و هي قلبها غيوقف من بلاصتوو بحاالا خارجة عندو عرووسة.. رغم داك الطالون لي زادها شوية د الطول تتبقى كميشة قدامو طولا و عرضا..و لدقائق من التمعن و التحديق حط صبعو فذقنها و هزو برقة حتى عرا على عينيها الخضرين المرمشيين و داك الأيشادو لي فوقهوم و لي زاد عطاهوم جمالية خاصة كيف تيبان.. بقاو شحال و لغة العيون لي خدامة هي قلبها تيضرب خوفا من ردة فعلو و هو سارح بعشق فالتفاصيل لي ابدع الخالق في رسمها..و اخيرا حييد عينيه على عينيها مرورا لفمها و هنا تحنا حتى طبع قبلة خفيفة عليه باش ميرونش ليها المايكاب للإفتتاح اما كونما هكا كون كلاه....
قوس:(انستي الزهرية الجميلة)"زهرية من الزهور ماشي الغوز"My Flower..My Beautiful Floral Lady
قوس:ماعرفت مانقول ولكن غنختاصر لي شفتو كاملو فكلمة وحدة "المثالية"
عذراء حشمانة:شكراا قوسي
قوس حط يدو على ضهرها و بقا غادي بيها:الشيفور تيتسنا قرب موعد الإفتتاح
عذراء:واخا
هبطو فالسانسور و عينيه غير عليهااا غياكلها بيهوم اما هي بدات ترتابك من دوك النضرات حتى تحل السانسور فالباركينغ الأرضي لمحهوم الشيفور و حل ليهوم الباب..طلعو و طلع حتى هو و ديمارا بيهوم من تما...
بقا غادي بيهوم الشيفور مدة ديال الطريق حتى بعدو على المدينة شوية و هنا بدات تتبان البناية الضخمة من بعيد لي كانت كلها اضواء بحال شي كرة ديسكو ذهبية تتلمع و ديك البناية هي شركة Limae السويسرية للأزياء لي حلات فرعها المغريبي و يوم افتتاحو هو اليوم...
بقاو تيقربو حتى وصلو و وقف الشيفور ليموزين البيضة قدام الشانطي لي منييش مع الشركة..هبط حتى حل الباب لقوس لي هبط مد يدو لعذراء لي شداتها و هبطات و غير طلعات راسها تصدمات كانت الأرض مفرشة ب السجادة الحمراء و فيمينها و يسارها كانو الصحافة معمرييين تمااا تيصوورووو و غير الكرياج لي رادهوم بلعات ريقها و حطات رجليها فالأرض..سد قوس الباب و تقابل مع السجادة غادي و بجنبو حبيبتو المدهشرة مسكينة جاب الله حدرات راسها اما كون تشدو تعابيرها موصيبة..بقاو الصحافة تيصوورو و تقولو واش عياو حتى وصلوهوم بكاميراتهوم للداخل..كان كولوار ضخخخم بالرخام و جنابو مزيينين بفيزان كبار د الورد الأحمر و فنهاية هاد الممر كانو تستيفة ديال الخدم لي غيضييفو و يسربيو المدعويين..و موراهوم كانت قاعة ضخمة مزيينة بالورود و الفيزان ديالهوم فوق طاولات زجاجية و الثريات د الكريسطال معلقين و فيها بوفي خاص ديال المشروبات و بوفي خاص بالحلويات و واحد اخور خاص بالمقبلات و المملحات..الحيوط كانو فيهوم بزاف ديال لبلازمات تيدوزو فيهوم عارضات الشركة بحال الإشهارات التلفزية..عاد فركن خاص كانو الفرقة لي تتعزف على انغام راقية و نص المكان كان عامر بالوجوه المعروفة و الشخصيات المرموقة....
عذراء حالة فمها فهاد الضخامة لي قدامها و قوس حداها حتى داز واحد السرباي هاز طبلة عامرة مشروبات و جا لعندهوم..هز قوس كاسو و السرباي قرب الكيسان من عذراء باش تهز و هو يهز يديه بلباقة...
قوس:الآنسة متتشربش
السرباي حدر راسو:شنو نجيبو ليها مستر؟
قوس شاف فيها:شنو بغيتي تشربي؟
عذراء قفزات حيت كانت ساهية تتبركك و اسهل اختيار اكييد هو: عصير الليمون
السرباي:اووكي ميس
مشا السرباي بالصينية ديالو و خلا العاشق الولهان مبتاسم فوردتو الوردية الفاتنة لي تتستكشف المكان بعويناتها المرمشين..حتى جاب ليها عصيرها...
عذراء:شوف الناس شحال متباعدين جوج جوج بحالا غيخطبو ههه
قوس مافهمش شنو علاقة جوج بغيخطبو:ههه دابا غيبانو ليك جماعات الى تعلق الأمر بالعمل
عذراء شربات رشفة:نجلسو؟؟
قوس:عييتي من دابا؟
عذراء:ا لا غير زعمة نبقاو واقفين هاكا ههه
يالاه كملات كلامها و هو يتسمع شي تصفييق موراهوم و تبعو صوت رجولي خشن....
الرجل بالألمانية: قوس بنسليمان لبا الدعوة ديالي انجاز عظيم
قوس ضار لعندو و عارف شكون، قادر يجبدو من صوتو وسط من الف شخص من كترة ما محطوط ديما فطريقو..طلع فيه راسو بتعالي و بواحد النوع من التحدي نطق:موريتز.....
موريتز هز عينو من قوس حتى حدرهوم فنص ميترو لي حداه و هنا ابتسامتو بانت و عينيه تجبدو فيها تيشوف فالكيوتنس مزوقة بالورود بنت جميييلة بطرييقة غالبة عليها الطبيعة بعيدا على البلاستيك و السيليكون لي تيشوفو فالبنات لي فمحيطو بنت تتنبض بالحياة و باااينة ماشي وسطها هدا و اكيد باينة تتعني شي حاجة لقوس ملي هي المختارة ترافقو للإفتتاح و هنا بتاسم بمكر تياكلها بعينيه ماحاسش بواحد البركان قدامو شوية غينفاجر الى مجمع عينيه على حبيبتو لي بكل وقاحة تيتغزل بيها بنضراتو قدامو و بحضورو!!!حس بشي حاجة شاعلة فدااخلوو شي حاجة اول مرة تفيق و هاد موريتز هو الوحيد لي قدر يفييقها! اما الحبيبة كانت تتبحلق غير بعينيها و تتشرب فعصيرها ماحاساش بكتلة النار لي حداها ولا مسوقة لنضرات الماكر لي قدامها...
موريتز قرب منها و مد يدو بلباقة باش يقبلها و هي طلعو و تهبطو بعينيها ديك الشوفة ديال من نيتك اما قوس غير شاف داك الديكور شد ليه يدو و طلقها مخنزر: داك السلام ماتديروش معاها!
موريتز فرح فخاطرو و اخيرا قدر يلعب على اعصاب قوس لي عمرو تسوق ليه:امم يمكن ليك تعرفيني براسك ا انسة؟
عذراء مافهمات حتى زمرة حيت داوي بالألمانية و شافت فقوس:شنو تيقول هدا؟
قوس شاف فيه مخنزر:و علاش باغي تعرف عليها؟؟
موريتز:تيبان ليا الانسة متتفهمش الألمانية
قوس صغر فيه عينيه:مامحتاجاش تفهم كلامك
موريتز قلبها انجليزية حيت لغة عالمية اغلبية تيفهمها و مد يدو هاد المرة يصافحها:انا موريتز صاحب شركة Limae
عذراء بقات لثواني تتشوف يدو بتردد حتى قررات تصافحو:متشرفين
بقا شاد فيديها الصغيرة بين يديه تيتحسس نعومتها و عينيه على عينيها بإعجاب...
قوس حدر عينيه تيلقا السييد واخد راحتو و عذراء مرتابكة تطلق من يدها و هو شادها حتى حس بشي قوة فكاتهوم...
قوس قرب منو بتحدي و الدم طالع ليه شوية غينفاجر عليه:هاد الحركات مانشوفهومش مرة خرى غادي تبعد من ممتلكاتي ولا غتشوفني بشكل اخور!
عطاه بضهرو و حط يدو على ضهر عذراء دافعها بشوية حتى بعدو من تما مخليينو مبتسم بمكر و ريحتها لصقات فيدو باش صافحها...
موريتز:ممتلكاتك تتعني ممتلكاتي ا قوس بنسليمان ههه
بقاو غاديين حتى وقف و وقفات معاه عذراء السييد شوية كان غيهزو من حوايجو كونما المكان و المكانة ديالو الراقية لي مغتسمحش ليه يتعامل بداك الأسلوب الهمجي...
عذراء باقة حاسة بالإرتباك ديك المصافحة مكانتش عادية و دوك النضرات حتى هوما حسات بمتحرش باغي ينقض عليها يفتارسها و هدا بعت خوف فنفسها...
قوس حاول يتهدن و مايخرجش على دائرة شخصيتو لي عارفاها عذرائو مابغاهاش تشوف جانبو القاسي...
قوس بنبرة منخفضة:بغيتي كاس اخور؟
عذراء طلعات فيه راسها:ا ااه
قوس:واخا
شيير لواحد السرباي حتى جابو ليها و بقاو واقفين تيتبادلو اطراف الحديث..دازو دقائق و بداو المدعويين تيتزادو حتى عمرااات القاعة زائد الصحافة حتى هوما خلاوهوم يدخلو باش يكملو خدمتهوم من التقاط صور و استجواب الشخصيات الكبيرة لي حاضرة...
قوس بداو يبانو ليه الوجوه لي دايرة بصمتها فمجالو و بداو شي انضار عليه باغيين يجبدوه للحديث على العمل و فنفس الوقت تيشوف فعذراء لي بحالا جاها الملل ولكن مابغاتش تبيين ليه...
قوس:اجي جلسي هنا دابا غنجي
عذراء جاتها من الجنة و الناس نيت بغات تجلس مع الطالون مرضها..جلسات فوق فوتوي تما و هو مشا يدوي مع رجال الأعمال شوية ميقدرش يجبد حس الخدمة قدام شي واحد لا علاقة ليه بها و خصوصا عذراء لي محطوطة فخانة حياتو الشخصية...
عذراء كمل عصيرها و زاد جاها الملل كانت مكالمياه غير بيه و دابا خصها متخشي فوجهها..ناضت تتقلب بعينيها فين شافت البوفي حتى بان ليها و مشات ليه فنفس الوقت عيون ماكرة تتحتاسي المشروب كانت محطوطة غير عليها..بتاسم و مشا قاصدها....
موريتز وقف موراها تيراقب فيديداتها كيفاش تيشييرو للمسؤول على البوفي يهز ليها من المقبلات حتى ستفهوم ليها فطبسيل راقي يالاه ضارت تمشي لبوفي فين تجيب باش دوز داك الخير حتى تتلقا حيط موراها خلاها ترجع خطوة للوراء باستغراب...
موريتز شاف فعذراء بإبتسامة و شاف فالمسؤول تما:عطيتو للآنسة كاع لي بغات؟
المسؤول حدر راسو خايف على خدمتو:اه ا مستر
موريتز شاف فعذراء لي مافهمات والو فديك الألمانية ديالهوم:عطاك كاع لي بغيتي؟
خدا المسؤول طلبها و تاصل بمالين بوفي المشروبات باش يوجدوه ليها...
موريتز قرب منها:اطلالة جميلة و الفستان من تصميم يد ابداعية
عذراء:ش شكرا
موريتز تيشوف فيها بإعجاب:زائد خضورية عينيك حتى هوما كلك بحالا مرسومة
عذراء بدا الارتباك تيشدها مابقاتش مرتاحة بهاد الهضرة..اما هو مستمتع بهاد التوتر لي باين عليها و لي تيزيد يبيين ظرافة شكلهاا اكتر...
موريتز زاد قرب منها:و حتى اللون جا مع بشرتك
هبط عينيه للوريدات لي مزيينين الفستان و قرب يدو تيقيص فيهوم:من كترة الإحترافية تيبانو بحال شي ورود حقيقية
عذراء بلعات ريقها السييد حاساه تيدوز صباعو على صدرها مابقاوش غير الوريدات لي مزوقينو حسات باللمسات ماشي عادية و للمرة الثانية حسات بديك الهالة د التحرش مضوراه...
فنفس الوقت استأذن قوس من الرجال لي كان معاهوم باش يمشي يطل على عذرائو لي خلاها بوحدها حتى تيتفاجأ انها ماكايناش فالبلاصة فين خلاها..هز راسو تيقلب عليها و هي تبان ليه عند البوفي غير شاف شكون معاها و هو يندافع ديريكت تيزرب فالمشية ديالو بملامح متيبشروش بالخير هو ماندافعش غير هكاك هو عارف مزيااان هاد موريتز كيف داير..ماحدو غادي تيقرب ماحدو تيندااهش و ملامحوو تحولات لغضب اكبر من الاول فاش شاف صباعو كيفاش تيدوزهوم فوق صدر محبوبتو لي كان الذعر باين على وجهها...
قوس وقف عليهوم بحال شي جبل و ديك اليد د موريتز شدها و زيير عليها بعصبية ناوي يطرطقها ليه و وجهو غادي و تيقربو منو حتى تقابل معاه بشي عينين شعيراتهوم حمرين بحال القرطاس و بقبضة يدو القوية لي بانو عرووقها شدو من كول حوايجو جارو حتى ردخو مع الحيط...
قوس بعصبية: كيفااااش حاااط يديييك على صدرهااا؟؟؟؟اااااش تيقول لييك *رررك؟؟؟؟؟
موريتز وسع عينيه فوحش ادمي غياكلو حي من كترة العصبية لي باينة على وجهو...
قوس خبط ليه راسو مع الحيط:دوييييي!!!واش رخيصة عندك يددددك؟؟؟؟؟
موريتز بارتباك:انا قصت غير الورد مااشي صدرهااا
قوس جعرو:ماااضوووورش حداهاااا بعددد منهاا سمعتييي
موريتز تيلهث:صافي تهدن خلي الإفتتاح يدوز مزيان الصحافة غيسمعو الصداع و اكيد مغنبغيوش سمعتنا تضرر بجوج
قوس خنزر فيه تخنزيرة د القتيلة و هز عليه صبعو:اخررر انذااار سمعتي اخررررر انذااار
دفعو على الحيط وخلاه تيقاد فالكومبلي ديالو بحالا ماواقع والو واخا خلعاتو بزاف ردة فعلو ولكن لي بغاه راه وصل ليه..بعد سنيييين كتيييرة من المنافسة و اخيرا قدر يخرجو عن طوعو و امامووو المحرك الأساسي لهادشي، نعم انها هاد انثى العذراء! لي تيبان ليه انها جد مميزة بالنسبة ليه...
مشا قوس لعندها لقاها مخرجة فيهوم عينيها و قلبها غيوقف كان تيبان ليها شخص اخور غير لي تتعرفو واحد قوس لي عمرها شافتو باختصار وحش ادمي..هدوئو و رزانتو كلشي اتقلب فثانية وحدة لي كان ممكن يدير فيها حاجة اكبر من هاديك...
قوس حس بالخوف ديالها و هادشي لي مابغاش!هاد الكلب د موريتز خلاه يوريها هاد الجانب لي عمرها شافتو اكيد غتصدم...
مشات معاه حتى جلسو و بدات تاكل من تبصيلها تتبرد الخلعة بالماكلة فنفس الوقت موريتز كانو مضورينو بزاف د الصحفيين ماستجوبوهش من قبل و كل واحد باغي ياخد نوبتو و فلخر تجمعو عليه بحال الدبان...
في حين تسمع صوت رنة هاتف من جيب قوس و جاوب:الو فابيو..ااه صافي؟(بتاسم)اوكي(شاف فعذراء لي باقة تتاكل)حطي الطبق هنا و اجي معايا....
فنفس الوقت كانت نواهل تتمشا بفستان اسود معري من الكتاف غادية تتقرقب بطالونها و هازة ماطريالها صوورات شحال من شخصية و دوات مع البعض و دابا غتمشي تقلب على شخصيات اخرى باش تكمل خدمتها و فطريقها لمحات عذراء و قوس دايزين بتاسمات بإعجاب فاش شافتهوم كيفاش تيبانو مع بعضياتهوم اكييد حدسها القوي على حق و تيبغيو بعضياتهوم و الا علاش جايبها اصلا معاه لمناسبة مهمة بحال هادي و وسط ناس مرموقين بحال هادو...
نواهل:كنت متأكدة بلي غيجي و غيجيبها معاه
بدلات الطريق لعند مدعويين خرين و تتمنى فقرارة نفسها ان الأمور تدوز على خير...
في حين موريتز عايش دور نجم الحفلة و الصحافة مضوراه تيعاود ليهوم على كيفاش جاتو فكرة الفرع المغريبي رغم انه ماعندو حتاشي علاقة بهاد الثقافة ولكن حيت قوس حلو ضروري خص حتى هو يحلو باش مايفوتو فحتى حاجة! ببساطة داير بحال ظلو و دابا بدا تيخرج على السيطرة فاش حط عينيه على عذراء من اول نضرة...
قوس وقف فوسط القاعة و حداه عذراء مافاهماش علاش منوضها...
قوس شاف فيها بإبتسامة:مستعدة؟؟
عذراء: ل لاش؟؟
فنفس الوقت كان فابيو فواحد الغرفة فيها كاميرات المراقبة واقف على المسؤولين عليها...
فابيو عطا الإشارة: دابا
نواهل كانت مكملة مشيها حتى سمعات رنة الرسائل من تيليفونها..جبداتو من صوييكها غير كليكات على الرسالة و هي تصدم من الصورة لي وصلاتها..نفس الشيء مع الصحفيين لخرين لي بداو تيليفوناتهوم تيصونيو جايينهوم رسائل و لي تيطل على الرسالة واش تيحل فمو مدهشر و تيبدا يقلب بعينيه على شي واحد...
عذراء مستغربة:اش واقع كلشي تيليفونو تيصوني؟؟
فجأة البلازمات لي كانو تيدوزو فيهوم اشهارات عارضات الشركة طفاو مخليين ضعف قليل د الإضاءة فالمكان...
عذراء طلعات راسها ماعارفاش اش واقع و هنا شعلو البلازمات دقة وحدة و هاد المرة ماشي العارضات لي بااانووو بل بانو جوج ديال ليلوgو الأول كان ديال شركة قوس Bens-Naht مكتوب بخط صغير اما الإسم لي شد الشاشة كاملها كان هو "The Virgo" (العذراء) و حداها رمز البرج ♍ بطريقة انيقة و تحت منها كانت مكتوبة بالإنجليزية "الإطلاقة الأولى لماركة المايكاب الجديدة لشركة Bens-Naht للمايكاب ارتيست عذراء مفتاح"...
الصحفيين غير شافو عذراء و قوس من بعيد فين واقفين مشاو تيتجاراو لعندهووم باش يستجوبوهوم على هاد الإطلاقة و يعرفو شكون هاد عذراء مفتاح و ماركتها فنفس الوقت على برا تسمعو العاب نااارية مجهههدة تفرقعات فالسمااا فنفس الدقيقة لي شعلو فيها البلازمات...
قوس:شوفي دابا فالفوق
عذراء هزات راسها فالبلازمات و هي تحل عينيها بصدمة و فمها بدهشة....
عذراء:ش شنوو داكشييي؟؟و وااش بصاااح؟؟؟
قوس قرب منها و عينيه عليها بعشق: اكيد عذرائي
عذراء عينيها غرغرو بالفرحة:ممصدقاااش و ولكن هاادشي بزاااف هادشي مقدروش يتقبلو عقليي
و فهاد اللحظة تفكرات كلام رفيف...
"رفيف:حتال العام الجاي ههه؟ و زعمة مقالش ليك راسك بلي الى قلتيها ليه غيفهمها عوجة؟؟؟انسانة استغلالية عديمة الأحاسيس مخطوبة و تتستغل فيه!"
عذراء هزات فيه عينيها المغرغرين و قلبها تيضرب بزاااف ولكن حتال فين غتبقا مخبية عليه؟؟بهاد القضية كاع صافي زاد خلاها تحس بدنب اكبرر هو مهلي فيها و دايرها اميرة فمملكتو و هي بحالا تضحك عليه!...
عذراء:قوس انا بغيت...
قوس حط يدو على حنكها و طلع ليها وجهها بابتسامة:الصراحة ماتخييلتش راسي ندير هادشي ولكن شي حاجة خلاتني نخدم على هاد المشروع السري و اليوم انا تنطلقو فهاد المكان و قدامك نتي و هاد الناس
عذراء حسات بقلبها تيضرها و هي تتسمع هاد الكلام: ولكن علاش هادشي كاملو؟؟هادي ديال هاد المرة كبيرة بزاااف
قوس شاف فيها لثواني بابتسامة و مشاعرو من جيهتها فاقو بقوة مخليينو يشد يديها لي حطها على قلبو و بنضرة كلها حب...
عذراء وقوس الجزء 14
محتوى القصة
التنقل بين الأجزاء