فقصر صغير فسويسرا و فغرفة فأكبر جناح فيه كانت ترف جابدة باليزتها تتجمع فحوايجها حتى سمعات شي صوت فاش ضارت لقات سام واقف عليها و غادي مقرب لعندها حتى شدها من فكها و لصقها مع الحيط...
سام ضحك: هههه هضرة كبيرة عليك(حط يدو على باليزتها)اجي رتاحي ليك شوية احبيبة غيكون غير العيا ديال الخدمة ياكي؟هاحنا وصلنا للمحكمة واش مستعدة تعاودي لعائلتك لي وقع بيناتنا؟(حط يدو على حنكها و قرب وجهو منها بمكر)
ترف زييرات على فمها حابسة البكية بحال ديما فاش تيبغي يلوي ليها ذراعها ولكن حتال هناا و حباااس حتااالفين غتبقا صابرة معااه لا وليدااات لا زوااج مسكد..حطات يديها على يدو ناتراها و عقدات حجبانها مكرزة على فمها...
ترف: ط ل ا ق ي ي و ص ل ن ي (طلاقي يوصلني)
هزات الباليزة و هبطات مع الدروج مخلياه تيضور فعينيه بغضب و حط قبضتو فوق فمو تيستوعب هضرتها لي فيها زعااامة لي عمرها بييناتها عليه طول الوقت و هي خايفة يسيقو عائلتها خبار زواجهوم المخربق و مشاكلو و كان هادشي تهديد أو سلاحو لي تيخليها بيه ماتفارقش معاه...
ترف ضارت لعندو هازة صبعها الوسطاني: I Don't Fu**ing Care ANYMORE!!
عطاتو بضهرها و خرجات راكبة فالطونوبيل ديالها مكاين لا شيفور لا المرض غتمشي تدي راسها لشي اوطيل تبعد من كلشي حتى تفك مع هاد الشارف المريض فعقلو و تعاود لفابيين و تليد على تزويجتها المكحلة لي دامت سنين غير فالعذاب و القهرة....
فالسينيما...
كانو برناس و نواهل جالسين تيتفرجو في صمت و مرة مرة تياكلو الكلية(الفشار)..الفيلم لي ختارتو نواهل من الواضح انه رومانسي من لقطات الكوبل لي كانو مبينين كمية كبيرة من العاطفة و الحب...
سالات نواهل لباكي ديال الكلية ديالها و شافت فبرناس حشمانة...
برناس كحز الكلية ديالو لي باقي فيها بزاف للوسط و اشار ليها تهز...
هزات شوية و قالت ليه بهمس: كنت بغيت نوض نجيب وحدة خرى ولكن غنفوت عليا الفيلم
برناس بتاسم بشوية: لا ماشي مشكل
بقاو تياكلو مع بعض فداك الباكي و عينيهوم على الفيلم حتال واحد اللحظة يديهوم تشادو فلداخل فاش كل واحد بغا يهز شوية..طلعات نواهل دغيا راسها متلفتة لعندو لقاتو تيشوف فيها..بداو عينيها تيلمعو فعينيه بكل حب و قلبها تيضرب من القرب ديالهوم الكبير..بقاو لدقائق على ديك الحال تيتبادلو نضراتهوم حتى طلعات ريحة عطرها الأنثوي مرة اخرى مخترقة نيفو خلاتو يزيد ينجاذب لهاد الأنثى الرقيقة لي طايحة فحبو طول هاد السنواات..و بإستغلااال الفرصة و بدون مقدمات زادت قربات منو عاطياه الضو الخضر يزيد يقرب حتى هو مخليين شفايفهوم متلاصقيين جايبينها مع قبلة الأبطال لي فالفيلم نيشان....
حط يدو على بشرتها البيضاء و حنيكاتها الموردين تيفرغ احاسيسو على شكل تقبيل لشفاهها اما هي مشات من هاد العالم سادة عينيها و مستسلمة ليه كونها عمرها تصاحبات ولا تباست من قبل حتى حط يدو على كتافها مبعد مخليها حادرة راسها و غارقة فخجلها...رجعو تاني تيتفرجو فالفيلم في صمت و حد مادوا مع لاخور....
من بعد ساعة خرى من المشاهدة و اخيرا سالا الفيلم و خرجو الناس..خرجو معاهوم حتى هوما باقيين فداك الصمت ماشيين جنب بعضياتهوم حتى وصلو لطونوبيل نفس الحاجة طلعو و كل واحد ساكت و محتفظ لهضرتو لنفسو هي حمرة ماقداش تهز راسها من الحشمة و هو ساهي ماعارف امتى زعم حتى دار هادشي و فداخلو خايف تفكر انه مكبوت ولا شي حاجة من هاد القبيل..ديمارا من تما غادي يرجعها لشقتها باش يدوز لدارهوم يتصنت لعضامو...
بعد طريق من الصمت و اخيرا وصلها قدام العمارة فين ساكنة...
ركن طونوبيلتو تما و بقا تيتسناها تهبط حتى قالت بيديها لي تيتفتفو و راسها لي حادراه حتى قرب يوصل عند يديها: ه ه هبط هبط ن ن شن نشربو ق قهيوة بجوج
برناس: مرة خرى ا نواهل
نواهل: ك كا اعتذار على لي وقع...
برناس شاف حتى عيا و هو يوافق..بتاسمات هابطة و هبط تابعها حتى طلعو للشقة لي حلاتها..كانت الشقة صغيرة كافية لشخص واحد نقية و جد منظمة و ريحتها زوينة...
نواهل اشارت ليه لصالونها الصغير لي فيه سدارية وحدة: تفضل جلس
جلس برناس تيتمنضر فالحيوط اما هي مشات حتى صوبات ليهوم القهيوة..حطاتها فالفناجين و رافقاتها بالبيسكوي لي كانت شارياه من قبل...
نواهل خارجة من الكوزينة هازة بلاطو حتى جلسات حداه حاطاه قدامهوم فوق طبيلة صغيرة تما...
نواهل: تنتمنى تعجبك
هز برناس الفنجان و بدا يشرب: بنينة شكرا
ردات الشكر بابتسامة و حدرات عينيها ف فنجانها...
نواهل: قول ليا كيف بقيتي من داكشي لي وقع؟
برناس هز راسو: تنفضل ماندويش فهادشي
نواهل: حتال اش غتخلي داكشي مكمد فقلبك؟
برناس: ماعرفتش
نواهل حطات الفنجان و حطات يديها فوق يديه: برناس..هداك ماشي حب هداك مجرد وهم عشتيه و صدقتيه..وهم الأبراج لي زرعو فينا عقود هادي...
برناس بقا شحال تيشوف فعينيها بشكل مطول حتى شدها حتى هو فوجهها مقربها لعندو حتى غاصو فقبلة من بعد تجاوب منها بداو فتبادل القبل بشكل اسرع من قبل غارقين فشهوتهوم حتى ماستحملش و بدا تيحييد ليها فحوايجها اما هي ترفعات بلمساتو و قبلاتو استسلمات ليه حتى عراها كاملها و جا فوقها تيعري فراسو حتى كمل..واصل التقبيل فشفايفها و هو تيداعب فجسمها اما هي طالقة صوت اهاتها لي تيزيدو يخليوه مستمر حتى دخل رجولتو فأنوثتها مخليها مزييرة على يديه حيت باقة فييغج من بعد مدة من الصبر و محاولاتو القليلة لقا نقط من الدم من التحت..طلع راسو شاف فيها كيف سادة عينيها تترد انفاسها...
برناس: نواهل!
نواهل بداو تيبانو قطرات د الدموع من عينيها المسدودين: عرفت شنو غتقول...
برناس حدر راسو شحال تيستوعب الأمر اما هي جرات عليها حوايجها غطات بيهوم راسها...
برناس: سمعيني ا نواهل
نواهل مغطية وجهها بحوايجها عاطياه بالضهر: بلا ماتعذب راسك فالهضرة عرفتها غلطة و غادي تمشي خارج من الباب و و تنكرني....
برناس: نواهل انا مغنديرش هادشي!
نواهل: و شنو غتقول انها غير ليلة عابرة و نتا خديتي عذريتي؟
برناس لبس لباسو الداخلي و حط يدو على كتفها: نواهل انا ماشي ولد الحرام باش ندير هادشي انا تنتحمل مسؤولية هادشي
نواهل ناضت جلسات تتمسح دموعها: و دابا اش؟
برناس: غنبقا معاك الليلة و غدا ندويو واخا؟
نواهل: و غدا كلشي غيسالي حيت نتا متتبغينيش و حتى التقاليد مامساعداناش...
برناس: صافي ا نواهل حتال غدا و ندويو
تحنا حتى هزها و دخلها لبيتها لي فيها الناموسية و حطها فوقها...
برناس: تقدري تنوضي؟
نواهل: مابغيتش نتحرك
برناس تكا حداها حاط يدو على شعرها: واخا مابيناتناش الحب و واخا التقاليد مامساعداناش مغنكركش اوكي؟
نواهل:تنتمنى هادشي
بقاو على ديك الحالة في صمت حتى داها النعاس من بعد تبعها حتى هو....
فلغد ليه...
فاقت عذراء وجدات راسها و هبطات حتى فطرات مع قوس و مشاو للشركة...
من بعدما وصلو طلعو فالسانسور بجوج و لحسن حظها كان التصميم ديال الشركة نفسو بحال ديال الفرع المغربي داكشي علاش ضغطات على الزر ديال طابق العارضات و هو ضغط على زر الطابق ديالو..وصلات عذراء للطابق لي بغات بتاسمات لقوس لي غيكمل طريقو لطابقو و خرجات تتمشا فرحانة فنفس الوقت روبين جاية مطلعة راسها و خنافرها لسما و فيمينها و يسارها خناثة و ليفيا ماهازاهوم و ماقاداهوم الدنيا دايزين من حدا الموضفين و العملاء بحال الى هوما مجرد حشرات حتى تمات عذراء جاية بلباسها الكلاس لي تيبينها امرأة اعمال كاملة مكمولة تتقاد فشعرها المطلوق غير بانت ليها روبين وقفات بابتسامة...
روبين بحقد: اوووه شتيدير نص ميترو فقسم العارضات؟؟
عذراء قربات منها حتى وقفات قدامها تتبان قد بنتها: جيت عند صاحبتي بنان
روبين: ههه شي مخططات تاني
ليفيا و خناثة تيبتاسمو بخبث بحال العقارب...
عذراء سرحات يديها و بفرحة باينة على وجهها: لا ا حبيبتي جيت نوريها خاتم خطوبتي ب حبيبي قوس هههه
روبين من كترة الصدمة خرجات ليها الضحكة: ههه كيفاش؟؟؟
خناثة و ليفيا تيدافعو يشوفو الخاتم لي كان ألماسي و بااااين علييه غاااالي....
عذراء:كيفما سمعتي و ااه راه عرسنا من بعد سيمانة الى مكانش عندك حتى شي مشكل مرحبا بيك
دازتهوم مخلياهوم حالين فامهوم بالصدمة مامستوعبينش الأمر حتى سخفات ليهوم روبين تما و بداو تيفييقو فيها اما هي مشات تتقلب على غرفة بنان حتى لقاتها...
بنان كانت جالسة مع نيار حتى سمعو الدقان..ناض حتى حل و هو يتفاجئ فاش شاف عذراء ماحس حتى نقز عليها بفرحة معنقها....
نيار: ويلييي يا ال*حبة فين كنتي غابرة علينا
بنان ناضت: اووه شهاد المفاجأة
عذراء عنقاتهوم بجوج فرحانة: جييت نشاارك معاكوم الفرحة ديالي نتوما لي باقيين ليا من بعد ختي
بنان شداتها فيديها: اووه شحال زوين ماتقوليش لياا بلي خطبك؟؟؟
عذراء نقزات بفرحة: وااايه خطبنييي و قال ليا بلي من بعد سيمانة غادي نديرو العرس
نيار: اوووه فرحت ليك
بنان: واااو فغيمووون طللع راااجل و حتى نتي مراااة
عذراء: كون تشوفي روبين فاش شافت الخاتم غتمووت
بنان ضحكات: هههه باقي غتزيد تموت غير بلاتي...
فالفيلا ديال فابيو كانت رفيف فالغرفة ديالها تتسرح فشعرها بالسيشوار فاش سالات ناضت خارجة تتمنضر فالبلايص لي ماشافتهومش فالفيلا فنفس الوقت فغرفة مايلي كانت هاد الأخيرة متكية فوق ناموسييتها و حداها شاب فنفس عمرها متكي حداها و تيدويو...
مايلي: غبتي عليا بزاف ا كابرييل
كابرييل تيلعب فشعرها: كنت مع الباند(الفرقة الموسيقية)تنوجدو للسونك(الأغنية) الجديدة
مايلي فرحانة: متشوقة للعرض ديالكوم
كابرييل حط يدو على خصرها و جا دغيا فوقها: و انا توحشتك
مايلي بتاسمات بتوتر: ماشي اليوم بب
كابرييل تيقيص فصدرها: و علاش؟؟
مايلي: ولا مانقدرش اليوم
كابرييل زيير على صدرها: واش تعرفتي على شي واحد اخور فهاد المدة ملي مابغيتيش؟؟؟
مايلي قصحها: والاا غير واحد الحاجة مانقدرش نقولها
كابرييل: ايوا خليني ندير لي بغيت حتى تبغي تقوليها و قوليها
فرق ليها رجليها لي طلعو الصاية و بان لباسها الداخلي تلاح عليها تيبوس فيها بعنف فشفايفها و هي تتركل و تدفع فيه حتى غوتاات..رفيف لي كانت قريبة من تما غير سمعات غواتهاا مشات تتجري حلات عليهوم البيت بالجهد...
رفيف بدهشة: هييييييهه!!!!
جراتو بالجهد حتى لاحتو فالأرض مخلية مايلي مخرجة عينيها تتلهث و تلتاقط انفاسها...
كابرييل ناض من الارض بغضب: اشنوو يتصحاب ليك راسك؟؟!!
رفيف حطات يديها على جنبها هازة حاجبها: (بالفرنسية)نتاا يا البرهوووش اش يتصحاب ليك راسك!! خرج عليااا من هنا!!!
كابرييل: و بأشمن حق تتخرجيني من هنا؟! انا صاحبها!!
رفيف هزات راسها بتحدي: ماشي شغلي انا يا غتخرج يا غنعييط لباها دابا و مانعاودش ليك القصة لي غنعاود ليه و شحال من حاجة غنزيد على لي شافتو عينيا
كابرييل خنزر فيها و خنزر فمايلي المصدومة و خرج خابط بالباب...
مايلي ناضت عندها: ماتقوليهاااش لبابا عفاااك هو نصحني شحال من مرة نبعد منو دابا غيلقاا فين يأكد شكوكو انا غنتفارق معااه بلا مايعرف ولكن مابغيتوش يقول انه كان على حق
رفيف: واش فخبارك بلي كان غيغتاصبك بعدا ياك؟
مايلي: انا مابغيتش نعس معاه حيت فيا ليغيكل ولكن هو زرب عليا
رفيف: قولي محلولة اه نسيت راك كاورية مهم ماعلينا
عطاتها بالضهر خارجة حتى حسات بيد مايلي شداتها فذراعها..ضارت رفيف شافت فيها لقاتها تطلبها بعينيها...
رفيف تنهدات: نبغي تفارقي مع الكلب اليوم قبل غدا و هاد القصة غتطوا
مايلي بتاسمات: شكرااا
جمعات رفيف ذراعها لعندها و خرجات من تما مخلية مايلي مامصدقاش لي وقع معاها...
فواحد الكافي راقية قدام شركة قوس..كانت عذراء جالسة تتشرب فالعصير و قدامها بنان تتشرب فقهوتها مع الحلويات...
عذراء:ولاهيلا مزيان فاش جينا لهنا داك جو الشركة تيفكرني غير فالمغرب حتى من الشكل بحال بحال ياختي
بنان: وي تدار ليها نفس التصميم ماعلينا دابا فاش ولينا بوحدنا واش كاين شي كونطاكت مع عائلتك؟
عذراء تنهدات: لا من نهار خليتهوم ماحاول حتى واحد فيهوم يدوي معايا فقط ختي رفيف لي جات مع راجلها فابيو..اودي عرسي بعد سيمانة و مغيكونوش فيه عائلتي
بنان: قولي ليا علاش ماديروش العرس بعد 3ايام؟
عذراء: ولكن ديجا قلنا بعد سيمانة
بنان: لا بلعكس خاص تزوجو فأسرع وقت يكفي لي ضاع
عذراء: ولكن راه التوجاد و كدا
بنان: من نيتك!! ياكما يتصحاب ليك غيدير ليك الطبالة و الغياطة و النكافة؟! راه حليوة قد الجبل و كسيوة بيضة و نوضي نايضة
عذراء: اويلي!! ماشي هكا بغيت نطلع عروسة!
بنان: باقي تتشرطي؟ وا قولي لباس طلع راجل و طلب منك الزواج رغم الهيلالا لي واقعة بلعكس غتزوجو و تسدو الفام فأسرع وقت مع العقارب و المشاكل كلشي ممكن يوقع فأي لحظة
عذراء: عندك الحق من واحد الناحية المهم نكونو بعدا مزوجين هدا هو الأهم و نيت باش مانبقاش معاه فدار وحدة غير هكاك
بنان بتاسمات: مزيان هاانتي درتي عقلك
يالاه هزات عذراء حليوة حتى وقف عليهوم واحد الرجل حط يدو على صدرو بلباقة...
موريتز: ممكن انضم ليكوم ماي لايديز؟
بنان طلعات فيه عينيها: علاش ا مستر؟
موريتز: بغيت دقيقة مع عذراء فقط
عذراء عقدات حجبانها: ياك قال ليك قوس تبعد مني!
موريتز جر كرسي و جلس ماعندوش الوقت لي يضييعو: جيت نعرض عليك اتفاق
بنان غير تتشوف فيه تتسنا اش غيقول...
عذراء هزات حاجبها: اينا اتفاق؟؟
موريتز شبك يديه: نعطيك مبلغ قدما بغيتي و مسكن و حتى هوية جديدة لي تحييد النفي من سجلك مقابل ترفضي الزواج من كاوس
عذراء زييرات على كاسها بعصبية: واش بنت ليك طماعة ولا شنو؟؟!!ولا شي سلعة!! انا قوس بغيت نتزوج بيه حيت تنبغيه ماشي على فلوسو ولا املاكو!!
موريتز بابتسامة: بغيتيني دابا نتييق انه بنت بحالك جات من داك الوسط المعيشي مع واحد بحال كاوس بدون مصالح؟ههه مستحيل!
عذراء ناضت هازة داك الكاس د العصير خواتو عليه مخليية بنان و الناس لي فالطاولات المجاورة ينداهشو...
عذراء بغضب: اخرررر مرة نشوووفك!!!ولا غنشووف اشمن حل غندير معااك
هزات صاكها و خرجات نفس الشيء مع بنان لي ناضت تابعاها مخليين موريتز تيبتاسم مزيير على يديه حتى جات عاملة تما تتمسح ليه فبدلتو الفاخرة لي روناتها الكوافورة...
موريتز تيوقفها بيديه حابس سمو: صافي شكرا
ناض من تما خارج لطونوبيلتو و ديمارا...
فالمغرب و بعدما تغداو واليدين عذراء مع ضرغام..جمعات لوليا الطبلة و حطات ليهوم اتاي مع الفاكية...
جلوان متكي فوق السداري تيتفرج فالأخبار: شفت رئال و مرتو عمرهوم جاو لعندنا
لوليا تتكب فأتاي: راه غارق فالخدمة و حتى هي ولات تتقرا فالدار(حطات كاس قدام ضرغام)
ضرغام شدو و شاف فيهوم: بغيت نقول ليكوم واحد الحاجة...
جلوان شاف فيه: خبار الخير؟
ضرغام: مهم غندخل فالموضوع ديريكت..دابا خطوبتي تفسخات و مزال متنفكر أبدا نتزوج لا دابا لا مستقبلا داكشي علاش بغيت الفلوس لي جمعت لعرسي نستغلهوم لراسي بحيث غنشد كونجي و نسافر
لوليا: لفين غتسافر اولدي؟
جلوان: واش شي مدينة ولا شنو؟
ضرغام: لا برا البلاد
لوليا شافت فجلوان و رجعات شافت فيه: علاش اولدي ماتمشيش لعند ختك لي عاد سافرات غتكون مسكينة بوحدها تما و عاد جديدة مغتولفش دغيا
ضرغام: شغندير ليها ياك هي مع راجلها؟
جلوان: مك قاصدة لي يوقف معاها تما راجلها ولد الناس ولكن لي خايفة منو مك هي تقنط ليها بنتها(رجع شاف فالتلفزة)
ضرغام: سويسرا فين كاينة ياك؟
لوليا: ااه سويسرا و منها نيت تضورو بجوج و حتى غنكون مهنية عليكوم
ضرغام شرب شوية من اتاي: واخا قوليها ليها يكون فراسها و فراس راجلها باش نوجد راسي
بتاسمات لوليا ليه و هزات كاسها تتشرب فأتاي...
فمقر جريدة الأبراج...
كان برناس جالس فالبيرو ديالو تيقاد فشي وراق حتى حط كلشي فيديه شاد فراسو..مابغاش يمشيو من بالو لقطات البارح ابدا و كيفاش حتى تجر من طرف شهوتو و خضغ لضعفو حتى خاض علاقة جنسية مع نواهل..هاد الأخيرة لي عمرو تخييل انه غيجي شي نهار و يغيير تفكيرو من جيهتها..من ديك الصحفية الخجولة و الطموحة المثابرة الى ممارستو معاها..ولكن لي وقع وقع و دابا خصو يفكر مزيان كيفاش يصلح الغلط ديالو..خرج من البيرو و مشا ياخد ليه قهوة يقاد بيها المزاج حتى تيسمع الهضرة بين جوج تما...
الأولى: واش سمعتي نواهل غتقدم الإستقالة ديالها
الثانية: خسارة الجريدة غتفقد للمرة ثانية صحفية مجتهدة بحالها
برناس هز حجبانو بدهشة خلا كلشي و مشا ديريكت للبيرو ديالها ولكن مالقاهاش كان خاوي منها و خالي من اغراضها حتى ناضت قمر صاحبتها و زميلتها فالعمل عندو بنضرات حزينة...
قمر: قدمات استقالتها مابقاتش خدامة معانا
برناس بتوتر: و ولكنن جينا انا و وياها هاد الصبااح و كان كلشي بيخير!!
قمر: مااعرفتش مالها كانت غير تتبكي
خرج برناس من تما بالزربة و هبط ديريكت للباركينغ حتى دخل لطونوبيلتو و ديمارا قاصد شقتها....
بقا غادي حتى وقف قدام العمارة و هبط داخل تيدق و يسرسر فالشقة حتى عيا عاد حلات ليه..كانو عينيها حمرين و منفوخين بالبكا باقة بنفس الحوايج لي مشات بيهوم للخدمة...
برناس دخل سد الباب موراه و هو يشوف باليزة محلولة مطويين فيها الحوايج فوق السداري...
برناس: نواهل شنو هادشي فسري ليا؟؟؟ياك فطرنا هاد الصباح بيخير و مشينا للخدمة؟ياك قلت ليك غنتحمل مسؤولية كلشي؟
نواهل: اشمن مسؤولية غتحمل ا برناس؟؟انا من برج الميزان و نتا من برج العذراء و لي مقدر لينا بجوج هو نكون انا مع برج الجدي و نتا مع برج العذراء بحالك!
برناس: انا عارف هادشي مزيان مزيان ولكن هاد التصرف لي درتيه راه لا علاقة بهادشي علاش غتخلي خدمتك؟!
نواهل: حيت بغيت نرجع للمدينة فين كاينة عائلتي و نتكمش تما حتى يجي شي راجل من برج الجدي و ديك الساعة نتفاهم معاه على انني ماشي فييغج
برناس شدها من كتافها: نواهل!! واش عرفتي شتتقولي؟!
نواهل: عارفة مزيان اش تنقول ا برناس هدا هو الواقع حتى ولو كان عالمنا عادي نتا باقي متعلق بخطيبتك
عطاتو بالضهر و مشات تتكمل طويان الحوايج و تحطهوم فالباليزة...
برناس: مايمكنش ليا نكون معلق بين جوج جوايه!! و ميمكنش ليا كذلك نبقا حياتي كلهااا تابعها!! خصوصاا فاش هيي دااابا مع راجل اخور فرحااانة و انا الضحية هنايا!!!
نواهل: عذراء من الأول كانت فرحانة مع قوس نتا لي ماقدرتيش تحمل ولا تخييل هادشي و دابا مادام وصلو لهاد المرحلة فأكيد غيكون تقدم ليها يتزوجها ماشي بحالنا...
برناس: واش بالنسبة ليك الزواج هو حل هادشي؟؟!!!
نواهل:و كيفاش بغيتيني نستر عذريتي لي مشات؟
برناس ضورها لعندو و شاف فعينيها: انا غندوي مع واليديا على هادشي واخا؟!
نواهل باستغراب: كيفاش غدوي معاهوم؟
برناس: غنقول ليهوم لي وقع و نتهناو بجوج! مابقيتش غنمرض راسي و نكمل فهاد الحياة بهاد الطريقة!
نواهل تنهدات: غتزوج بيا غير حيت نعستي معايا..ماشي حيت تتبغيني
برناس: الحب غيجي من بعد الأهم هو نقدر نقنع واليديا و الجدة سلافا
نواهل: هه و واليديا حتى انا و جدي ماشي غير عائلتك لي ملتزمة بالأبراج
برناس: مهم خلي هادشي دابا لي فيديك و حييدي فكرة ترجعي لعند عائلتك حتى نفاتحوهوم بالموضوع
نواهل: واعدني بلي مغتخلاش عليا؟
برناس: تنواعدك
نواهل مسحات دموعها: واخاا انا معاك...
فقصر قوس كان هاد الأخير جالس فلاتيراس مع عذراء بعدما سالا نهار د الخدمة على قدو...
عذراء شافت فيه: احم قوسي بغيت نقول ليك واحد الحاجة
قوس شد يديها: تنسمعك ا عذرائي
عذراء: بغيت نقول ليك من الأحسن نديرو العرس بعد 3 ايام بلاش سيمانة
قوس باستغراب: و علاش؟
عذراء: مابقيتش قادرة نبقاو هكا بغيت نكونو مزوجين و نعيشو كيفما خصنا نعيشو
قوس: واخا انا غنقول لكارل يقاد الترتيبات دغيا
عذراء بتاسمات: واخا شكرا ليك...
عند رفيف لي كانت جالسة فالصالون تدوي فالتيليفون مع مها...
لوليا: المهم ابنتي قوليها لراجلك باش يعرف
رفيف: ايه غنقولها ليه ا ماما و حتى باش يوجدو ليه بيتو
لوليا: صافي ابنتي و الله الى غتوانسو
رفيف: هه واخا عمرنا توانسنا انا وياه ولكن مهم زوين يكون شي واحد من العائلة معاك فالغربة
لوليا: داكشي لي قلت ليهوم حتى تولفي شوية و هبطي لعندنا نشوفوك تاني ابنتي
رفيف: ان شاء الله ا ماما مهم قولي ليه بلي فابيو غيسيفط طائرة خاصة تجيبو بلا مايقطع فالعادية
رفيف: انا مراة باك ماشي ماماك و ديك الهضرة ديال غنكون بحال ماماك ماعنديش انا مايمكنش تكون بحال ام شي واحد ابدا!..هادي هضرة تتجي من شفقة و انا متنشفقش عليك! و انا تزوجت باك حيت بان ليا راجل مزيان و يستاهلني و ماعرفت بلي عندو بنت حتى قرب يتزوج بيا..(بسخرية)نكون بحال ماماك؟راه غير 23عام لي عندي اختي
مايلي باستغراب: يعني مغتحاوليش تقربي مني باش تباني نتي الملاك فعينين بابا؟
عذراء بتاسمات بعفوية و شافت فالزاج بفرحة اكيد هي الفكرة ديال لباسها كعروس لي فمخييلتها كانت ديما بالتكاشط بحال اي عروس مغربية و لاغوب غير كختام للعرس ماشي تكون هي اللبسة الرئيسية ولكن ماشي مشكل ماعندها غير تأقلم مع عالم الرجل لي غتزوج بيه و لي ختارو قلبها بنفسو...
بعد مدة من الطريق وصلو لقدام عمارة متكونة من 3 ديال الطبقات وسط من المدينة فمكان جد جد رااقي و غير ديال الطبقة البرجوازية..هبط الشيفور حتى حل ليهوم الباب و هبطو...
عذراء تتمنظر فالحيوط و البنايات الفاخرة و السيارات المركونة تما لي من ماركات جد غالية حتى تقدم كارل بلباقة قدامها: تفضلي معايا ا ميس
مشات معاه ضامة يديها لعندها حتى دخلو من الباب الرئيسي الكبير ديال العمارة أو بالأحرى المحل و لي فالزاج ديالو على برا كانو مستفين فساتين جميلة فالأبيض...
جات عندهوم بنت لابسة لباس موحد من البنات لي خدامين تما تتبتاسم و ترحب بيهوم حتى طلعاتهوم للطابق الخاص بالزبناء ل VIP تما فين كانت المصممة براسها و مالكة هاد البلاصة كلها...
كارل: تنقدم ليك مدام كلينفيلد ا ميس
عذراء بتاسمات ليها مادة يديها تتسلم: لباس عليك بيخير؟
المرأة بلباقة بعدات من بعد جوج بوسات فالحنك: شكرا لسؤالك ميس..تفضلي معايا و شوفي شنو لي عجبك ولا غير قولي ليا الستايل و البنات يجيبو ليك فساتين منو
عذراء بابتسامة: فالحقيقة متنعرفش فستايلز ولكن نشوف لي يعجبني بعينيا
حركات ليها المرأة راسها و سبقات بخطواتها تتوريها بيديها فالمكان لي كان عبارة على قااعة كبيييرة عامرة بفساتين العريسااات اي ستاايل و اي ثوب غتلقايه تماا عندهوم..عذراء غير تتمشا مندهشة بإعجاب تتحرك فعنقها يمين و يسااار حايرة ف اينا جهة تشد و اينا فستان تختار كان كلشي زويين و ملكي من الطراز الرفيع حتى وقفات المرأة...
المرأة: لقيتي شي حاجة ميس ولا نمشيو للجهة الثانية؟
عذراء تتحك فيديها: بصراحة ماعرفتش مانختار هادشي زوين بزاف كولو ماعرفت مانختار ممكن تختاري ليا نتي على ذوقك و لي تجي معايا انا؟
المرأة بتاسمات: اكيد زوجة مستر قوس المستقبلية(تتمشا لواحد الجهة) غيخصها شي فستان ملكي لي يزيد يبرز مكانتها
عذراء تابعاها بابتسامة حتى وقفاتها قدام مجسمات على شكل اجساد امرأة(مونيكات بلا راس) ملبسينهوم فساتين زفاف ملكية...
المرأة: هادو اخر ماصممات يدي و كلهم عمرهوم تلبسو من قبل حتى من العارضات حتى وحدة مزال ماخرجات بيه فعروضي
عذراء تتشوف فيهوم بلمعة اعجاب فعينيها الخضرين الكبار حتى تتحط يديها فوق الوسطاني فيهوم تتحسسو و تلمس فثوبو و بعينيها تتفحصو من الفوق للتحت و المرأة موراها تتبتاسم حاسة انه هدا هو الفستان الموعود لميسز بنسليمان الجديدة..كان الفستان عبارة على قطعة من حبات بيضاء فضية كأنهم حبات سكر مدردرين فوق الجزء العلوي ديالو كامل المصنوع من ثوب خفيف بحال لون الجلد من الكتيفات مرورا لشوية من اليدين و تتويج لجهة الصدر و الخصر لي كان فيه بكترة..اما الجزء السفلي فا ثوبو أبيض ألماسي جاي هابط من الخصر و منفوخ حتال لتحت بحال فساتين العصر الفيكتوري...
عذراء بإعجاب: زوين بزااااف
المرأة: تقييسيه ا ميس؟
عذراء محركة راسها بالموافقة: ااه اااه
عييطات المرأة على جوج بنات و غير بالحاجب شييرات ليهوم للفستان لي باقة شادة عذراء فجلايلو..قربو منها بلباقة حتى حييدوه من المجسم لي ملبسينو ليه و اشارو ليها للطريق يتبعوها للمكان الخاص بتبديل الملابس..مشات معاهوم ضامة يديها حتى دخلوها لجناح اخور و فوحدة من غرفو...بداو يلبسوه ليها و يقادوه على جسمها و هي مقابلة مع المرايا بابتسامتها و صبيعاتها فوق صدرها تتلمس فديك سنيدة العقيق باش مزيينينو حتى كملو ليها...
عذراء: واو عجبني بزااف
دخلات مولات الشي لتما و جات موراها..حسات عذراء بقطعة ثوب بيضاء شفافة حجبات عليها الرؤيا بشكل مضبب..كانت لافوال لي كملات ليها اللمسة الأخيرة باش تسما عروسة كاملة...
المرأة شافت فيها من المرايا بإعجاب: ميسز فابيين غتكون عندها عروسة زوينة لايقة بمكانة ولدها الوحيد
المرأة: متأكدة بلي هدا هو الفستان لي بغيتيه يشهد على عرسك؟
عذراء دارت لعندها محركة راسها بالموافقة: اه هو
المرأة: اذن مزيان ملي عاجبك 100% هدا هو الأهم عندنا
عذراء: اه نقدر نحييدو دابا؟
المرأة حركات غير راسها و هوما يتهزو البنات معاونينها فالتحياد حتى سالاو و علقو الفستان فعلاقة خاصة و دخلوه فالبلاستيكة ديالو باش ماتقيسو حتى حاجة..خرجو من تما لقات كارل فين خلاتو تيتسناها و مشات لعندو...
المرأة حركات ليهوم راسها بابتسامة: تنتمنى ليك السعادة فحياتك نتي و مستر بنسليمان ميس و شكرا لإختيار متجرنا...
عذراء: لا هانية تستاهلو اختي هادشي زوين عندكوم(شافت فكارل) نرجعو للدار دابا؟(القصر ولا دار نعاماس)
كارل حرك يدو بلباقة: تفضلي ميس الشيفور تيتسنانا
سبقاتو عذراء بخطوات و تبعها بعدما سلم مع المرأة و هبطو لفين كاينة الطونوبيل و طلعو فيها...
فالفيلا ديال فابيو...
كانت رفيف جالسة فالصالون المضور بالفوتويات الفخمة و الطاولة عامرة حلويات مشكلة مع قهوة..قدامها ضرغام لي حطاتو طيارة فابيو الخاصة مع النبوري بعدما ودع واليديه فالمغرب...
رفيف مبتسمة: مرحبا بيك ا خويا
ضرغام: شكرا
رفيف: احم كيف دازت الرحلة لهنا؟
ضرغام: مزيانة كنت معول نقطع البيي عادي ولكن حتى هكا مزيان
رفيف: اه بصاح و مالين الدار بيخير؟
ضرغام: لباس عليهوم تيسلمو عليك
رفيف حدرات راسها تتشرب فقهوتها بابتسامتها المتوترة ماموالفاش ابدا تكون الراس فالراس مع خوها ولا كانت تتشركهوم شي هضرة ابدا..حتى جات الخدامة هازة تيليفونها لي خلاتو فبيت النعاس...
ضرغام سالا كاسو د القهوة و ناض تيقلب على ختو يقول ليها بلي بغا يمشي يرتاح فالبيت لي وجدو ليه حتى تتبان ليه نيشان من بعيد واقفة عند الدروج...
رفيف: وااايلييي على العرس بعد غدا!!!!و عاد تتقوليها لمك؟؟؟
عذراء: صافي اختي براكة من التجرجير خصني نتزوج بيه!
رفيف: و ناااري خص ماما تعرف ا عذراء خصها تعرف ناري بديت تنقفقف بلاصتك
ضرغام وقف على رفيف و هوما يلتاقطو ودنيه سمية ختو الثانية الهاربة من دارهوم..زيير على يدو و نطق بصوتو المدعدع...
ضرغام: بغيت عنوان عذراء دابا!!....
رفيف قفزات من بلاصتها ماعرفات باش تبلات فاش شافتو موراها..قطعات دغيا على عذراء لي سمعات صوت شي راجل...
ضرغام: واش نعاود الهضرة؟؟!!
رفيف تترعد عليه تما: علاش غنعطيه ليك؟؟؟باش تكمل عليها؟؟
ضرغام: بغيت ندوي معاها
رفيف: سمح ليا ا خويا ولكن انا عارفة الهضرة كيف دايرة عندك عذراء مابقاتش كيف يتصحاب ليك
ضرغام: كيفاش زعمة؟صافي الى هربات لعند واحد لباس عليه صافي فكات مشكلتها؟؟
رفيف: عذراء ماشي كيف يتصحاب ليكوم كاملين عذراء ماشي بنت الزنقة ولا مرمدات وجهنا فالتراب! هي فقط بغات واحد ماشي من برجها و لي غيتزوج بيها بعد غدا! يعني ماعندك ماتقول عليها حيت غيكون راجلها و حلالها رغم العادات!
رفيف: علاش مايمكنش؟ خويا فهم مزيان كون كنتو غتفهمو عذراء كون مغضربوهاش بديك الوحشية خليها الله يرحم الواليدين تعيش حياتها كيف بغات راها تقهرات بالعادات و التقاليد
ضرغام بقا ساكت شحال مايتفكر غير الهضرة ديال مرام...
""مرام هبطو دموعها: على أساس عندي شي اختيار كرهت الأبراج كرهت العادات كرهت التقاليد كرهت العائلة كرهت كلشي نتوما لي وصلتوني لهاد الحالة كون لقيت متنفسي و راحتي بيناتكوم كاعما نوصل لهادشي اهئ كون راني مكمشة ف فراشي دابا و ناعسة بحال بنات الناس ماشي نجي نتشييش هنا و نسا هميي""
رفيف تتشوف فيه كيف ساكت تيخمم حتى هز فيها راسو...
ضرغام: شنو الحل فرأيك؟
رفيف:تخليها تزوج..هي مادارت حتى حاجة خايبة غير حاول تستوعب هادشي
ضرغام: بغيت نشوفها
رفيف: ماقاداش على المشاكل و الله اخويا
ضرغام: مغنقربش منها بغيت غير ندوي معاها
رفيف بلعات ريقها: واخا غنديك لعندها ولكن عقل راك عطيتيني الكلمة
مشات هزات صاكها دغيا و جات لعندو..سبقاتو و تبعها حتى طلعو فالطونوبيل بشيفورها و ديماراو لعند عذراء..فنفس الوقت كانت هاد الأخيرة هابطة من الدروج بعدما علماتها الخدامة بلي جايين لعندها..وقفات فاش شافت فابيين و ترف واقفات عليها بملابسهوم الأنيقة و تسريحاتهوم المصففة...
عذراء بابتسامة: ترف لباس عليك شحال هادي ماشفتك
ترف قربات منها تتسلم: لباس و نتي ا عروستنا ههه قال ليا كارل بلي ختاريتي الفستان
عذراء محركة ليها راسها بفرحة: ااه زوين بزاف(عاد ضارت لعند فابيين)احم واش حتى عجوزتي هنا
يالاه غايمشيو للصالون حتى تسمعو خطوات داخلين..طلعات عذراء راسها و ياريت ماطلعاتوش قلبها خرج من بلاصتو فاش شافت خوها جاي لعندها و حداه رفيف..اش تيدير هنا؟؟ و كيفاش حتى وصل لسويسرا و هي خلاتو فالمغرب!!!...
عذراء بصدمة: ض ضرغام؟؟!!...
ضرغام قرب حتى وقف عليها بديك الطولة و التجريدة و العضلات تيشوف فيها بنضرات مامفسرينش ابدا بينما هي رجعات خطوة للوراء تتقفقف و ترعد فبلاصتها القتلة لي عطاها يالاه مامشاو اثارها بالبومادة و دابا جاي يعاود ليها وحدة خرى ولا شنو؟..رفيف حداه تدعي ربها يوفي بكلمتو و مايتهوورش و يهز عليها يدو خصوووصا بوجود هاد الجوجات لي باينين من عائلة قوس و جاو لعندو...
ضرغام: عذراء!
ترف هزات فيهوم عينيها باستغراب خصوصا فعذراء لي تترعد بحالا شافت شي جن و فابيين مستغربة حتى هي...
و اخيرا نقزات رفيف و هرسات التوتر لي بيناتهوم: احم انا رفيف الأخت ديال عذراء و هدا خونا ضرغام جينا نزوروهاا
ترف بتاسمات: ااه وي(مدات يديها)
سلمات معاها رفيف و دازت سلمات مع ضرغام لي صافحها بديك الخباطة مخليها مبعدة منو بتعجب حاسة بهالة محيطة بيه مخلياها متوترة واش حيت تتبان ليها عذراء غتبول فحوايجها فاش شافتو ولا حيت السييد ماراضيش يكون هنا اصلا..سلمات معاهوم فابيين حتى هي و هي تسبق رفيف...
رفيف:اجيو نسبقو للصالة من فضلكوم دابا غيلحقو علينا
مشاو و و اخيرا بقاو غير هاد جوج خوت الراس فالراس..الكوافورة تسرط لسانها ولاو فيها غير العينين لي مخرجاهوم بالخلعة اما هو فاش عرف انه الساحة خوات اشار ليها تجلس فالجليسة د الفوتويات لي كانت حداهوم تما..ماعاوداتش معاه الهضرة لي ليها ليها الى قرب ليها يضربها هاد المرة غتهرب و تعييط لقوسها مالو فدار باه و كاينة السيبة ولا راهو فدار حبيبها لي حماها من كلشي و الى تجرأ يقيسها غيوريه شنو تيسوا غير هي لي شداتو عليهوم فاش ساق الخبار اول مرة للحالة لي دارو ليها..جلس ضرغام متقابل معاها و شاف فيها...
ضرغام: لباس عليك؟
عذراء مبلقة فيه دوك العينين: ل ل ل لاباس ك كيدرتي جيتي؟
ضرغام: جيت لعند رفيف و سياحة هنا (بصرامة)و نتي صدقتي غتزوجي؟!
عذراء جمعات قوتها: ااه غنتزوج داكشي علاش مابقا عندكوم الحق تقيسوني ولا تضربوني!
ضرغام: مالين الدار مافراسهومش هادشي و انا مابقيتش مسوق لهاد العادات و التقاليد اصلا
عذراء بدهشة: وايلي؟؟؟؟
ضرغام: ضربتك حيت كنتي عاطياها لضوران مع راجل غريب و فكرت انه غير تيتفلا عليك حيت لباس عليه ولكن الى غيتزوج بيك انا ماشغليش فهادشي!
ضرغام: الواليد لدابا مزال ماحييدك من الحالة المدنية واخا كاع داكشي لي درتيه و واخا هربتي و واخا قالتها ليه جدة و واخا ضربك و كلشي و انطلاقا منو تعلمت و عرفت انه الواليدين واخا يوقع لي يوقع حتال ولادهوم تيفضلو الموت على ينكروهوم
عذراء غرغرو عينيها من كلامو و هي لي يتصحاب ليها بلي ضربو عليها و شطبوها من الحالة المدنية و نساوهاا بحال الى غير زايدة و زبالة ماشي بنتهوم و طرف من كبدتهوم بقات بالبكاوات تمايا حتى لحقات عليهوم رفيف لي جلسات الجوجات فالصالون و خلات الخدامات تيضييفوهوم...
عذراء شافت فيها بدوك الدموع: مانكرونيش ا رفيف(عنقاتها تتبكي فحضنها)
رفيف معنقاها تتهدنها: لا مانكروكش غير كوني هانية
ضرغام ناض: لي بغيت نقولو قلتو و غنسالي كلامي بمبروك
رفيف شافت فيه: فين غادي؟ بقا مزال شوية
ضرغام: لا غنرجع بغيت نرتاح
رفيف: واخا قول للشيفور يوصلك للفيلا و الى وصلتي و قول للخدامة توصلك لبيتك
حرك ليها راسو و مشا مخلي الكوافورة ماباغياش تسكت من البكا...
رفيف: وا صافي دابا تبكيني حتى انا تفو على سلعة نوضي غسلي وجهك و دوزي ضحكي لضيوفك
عذراء: واخا سيري عندهوم دابا غنجي
ناضت مشات للطواليت حتى غسلات وجهها مزيان و لحقات عليها لقات الخدامات زوقو الطبلة بالماكلة...
عذراء جلسات تتبتاسم: مرحبا بيكوم ههه واش قوس فخبارو ولا نعييط ليه؟(السييد راه خدام اشمن تعييطي ليه)
ترف: لا ماخباروش جينا غير نشوفوك و صافي حنا عارفينو بلي خدام فهاد الوقيتة ههه
عذراء: ا ااه واخا(شافت ف فابيين و تتبتاسم) ماقالتش ليا عجوزتي كيف جيتها(ديريكت)
فابيين صدماتها شوية بهاد الدخول لي فيها ديريكت فبنادم ماتوقعاتش تصارحها فالكلام نيشان: ام ااه زوينة و غزالة
عذراء مبتسمة عاجبها الحال: عويناتك لي زوينين و لي ولدو الزين هههه
ترف تضحك: هههه هادشي باش تتعجبني عذراء مافيهاش الزواق ا ماما تتحسي براسك داوية مع بنادم ماشي بلاستيك
عذراء تتفكر: اممم و زعمة الى قلت لقوس يسيفط طائرة خاصة للمغرب تجيب...
رفيف خرجاات فيها عينيها: شغيجيييب ا بنت الحرام؟؟؟
عذراء: والو غير صاحبتي روااء اصاحبتي راني غنتزوج و مغتحضرش لعرسي
رفيف: شغلك هاداك هي نيت راه قريبة تزوج تتسنا غير فالصيف...
فالمغرب..طاحت العشية و لقات برناس فدارهوم مسالي خدمتو..صوبات مو دواني كاسكروط و تجمعو عليه كاملين مع رجاح باه و ختو ديالا...
ديالا: خويا شنو درتي مزال فقضيتي
برناس لي كان ساهي: اينا قضية؟
ديالا: ديال الإعلام راني جبت نقطة مزيانة فالباك
برناس: اه اه مانسيتكش ان شاء الله غتسجلي
ديالا بتاسمات بفرحة حادرة راسها فكاس د اتاي يمشي يقج راسو داك رامي لي منكد عليها حياتها و يربح بديك الخطوبة ديالو باش متحكم فيها هي جابت نقطة مزيانة و فرحات واليديها و خصها تكمل فرحتها و تبني مستقبلها لي غترجع عليه و تحقق حلمها و تكون مقدمة برامج ماشي تكمش ليه فالدار بين خواتاتو و مو فعز شبابها و من الفوق يدو لي متيشدهاش عندو تدوز عليها كل نهار بالخبيط و الضرب و هاد المرة الى مشا حتى تعرض ليها غادي تقولها لخوها و باها يحدوهوم ليه للصبر حدود و هاد السنوات كلها لي دوزات معاه تيشهدو غير على العذاب و الحكرة...
هزات دواني البراد تتبتاسم على الأقل طلع ليها نفع فالبنت الثانية ماشي بحال الاولى لي حلات رجليها قبل الوقت و جابت الكرش كونما الزواج لي سترها كون فضحاتهوم و شوهاتهوم وسط عيباد الله حتى سمعات ولدها نطق...
برناس: احم بغيت ندوي ليكوم على واحد الحاجة مهمة...
رجاح شاف فيه: خبار الخير اولدي؟
برناس: بغيت نتزوج
دواني: وايلي بمن؟؟
برناس: بواحد البنت خدامة معايا
دواني: وايلي من امتى تتعرف شي واحد من عائلة رجع العذراء؟؟
برناس بلع ريقو: البنت ماشي من برج العذراء...
الكل سكت للحظة باندهاش كيفاش البنت ماشي من برجهوم العذراء و لي قروون و هوماا تيتزواجو منوو و من بعضياتهوم! واش ولدهوم غلط؟ولا تلفات ليه الهضرة ولا شنو؟
دواني بعدم تصديق: قصدك من برج العذراء ا ولدي ياك؟
برناس: لا ا الواليدة..من برج الميزان
رجاح: ولكن علاش؟؟ واش تلفتي بين الابراج ولا شنو؟
دواني: ولدي ماشي خطوبتك تفسخات صافي عطا الله البنات من العائلة لي يتمنااو راجل بحالك
رجاح: لا حول واش نيت نتا هو برنااس ولدي لي تنعرف!!!!
برناس بصرامة: كنت ضعييف فدييك اللحظة!! حتى واحد فيكوم مغيحسسسش بالشمتة دياالي و اناا خطيبتيي و البنت لي كنت تنتسناا فيهاا من صغري نتزوج بيهااا تهرب لعند رااجل اخر!! كاانت لحظة ضعف و البنت اناا اول واحد فحياتهاا و بنت مزياانة علااش خصنيي ندير بشي تقاااليد؟؟بسبابهووم كننت عااايش فوووهم سمييتووو الزوااج بعذراااء لي مغنتزوجش بيها دابااااا
رجاح عقد حجبانو: جدااك سلافااا ماعارفاش هادشي!!!التقاااليد و العاداات اولاااا
دواني بانت ليها القضية حامضة و هي تقلبها بدات تتهدن: غير بشوية غنلقااو الحل
برناس: المشكلة مكااين حتااشي حللل البنت واعدتهاا غنتزووج بيها و مغنخليهااش خصوصااا انها تااقت فيااا!!!
دواني: برج الميزااان ا ولدي!! برج اخوور؟؟؟!!
برناس تعصصصب: متيهمنييشش!! انا لي غنتزوووج ماااشي نتووما و ماااشي الجدة سلااافااا كووون ديالااا ولا رسييل لي غلطووو كون زوجتوهووم ل ليكاان باااش تسترووو داك العاار ديك الساعة مابقاااتش عااادة و تقااليد ولات فالشرف!!!!
دواني هنا صقلات فاش جبد ليها حس رسيل..بنتها لي دارت نيت هادشي لي تيقولو كونماا الزواج لي عتق الشرف لي قاصدو..هنا اوطوماتيكمون فكرات فالبنت لي داوي عليها ولدها نفس حالة بنتها..واش ماشي من الأنانية و قممممة الظلم و النفاااق تستررر على فعلة بنتها و هاد البنت ماتعطيهاش فرصة؟؟واش غير حيت هي من برج اخور كااافي تحكم عليها انها ماتليقش لولدها؟؟..خلاصة القول هناا سكتها برنااس بلا مايحس مخلي غير رجااح لي ماعارف والوو يتجاوب معاه...
برناس: انااا وياهاا بجوج بعقلناا و متحملين مسؤوليتنا لا فحياتنا لا فالقانوون و غنتزوج بيهاا سواا بغيتو ولا كرهتو حييت ماشي انااا لي ترضووني شمااتة يكفييي سنواااات من حياااتي لي ضييعتهوم على وحدة ماتستاااهلنيش ابدا!!!
رجاح: ديير لي بغيتييي راك قلتيهاا قااد بشغالك و الهضرة فالأخير تتبقا مع جداك لي مغتقبلش بهاد اللعب!
برناس ناض: قراري خديتو نتوما واليديااا و على راسي ولكن حتال زواجي و معامن غنكمل حياتي انا لي غنقررو بنفسي!
خلاهوم و مشا طلع لبيتو..جبد باليزة كبيرة و حل الماريو ديالو تيهز منو حوايجو و يطوي فيها حتى كمل و جبد جوج باليزات صغار الاولى حط فيها الصبابط و الثانية الوراق ديال البيرو ديالو مع بيسي بورطابل و هو تيقلب فالمجرات على اشيائو الاخرى لي غيدي صادف صورة ليه مع عذراء فخطوبتهوم و بلا مايزيد شوفة ثانية فيها قطعها و لاحها فالطارو ديك البنت ماتت بالنسبة ليه تلاشات و تبخرات مع الوهم لي كان عايشو معاها و ظلها لي كان تابعو موراها مابقات تتعني ليه حتى حاجة! ياك هي فرحانة مع راجل اخور؟! ايوا حتى هو غيفرح ليه دابا مع مرأة خرى!!! صعيييب بزااف تكون طول حياتك داك الإنسان السكوتي الدريويش حتى تيخرجو منك دابا بالحكرة و الشمتة انسان عصبي قرر قرار صعععب بل عمرو تقرر!..جمع كاع الاشياء المهمة لي غيحتاج خلا البيت غير بالموبل ديالها و الديكورات و خرج هابط بلا ماينطق بحتى كلمة مع بوالزو لي ستفهوم فكوفر طونوبيلتو و ديمارا من تما...
فبلاصة خرى بعييدة فنفس المدينة كانت مرام مكمشة فواحد البيت وجهها طايب بالبكا..شعرها جامعاه سفنجة للفوق بطريقة مهملة و لابسة بيجامة حتى دخلات عليها واحد المرأة شابة تتشبه ليها شوية...
المرأة: امتى غتمشي؟؟
مرام هازة فيها راسها بتعب: غيقتلوني الى لقاوني اختي
الأخت: و غيجمعوني معاك انا لي مخبياك هناا و مخبياك حتى على راجلي! شحال قدك تهربي و تبقاي مخبية؟
مرام: ليوم نشد الطريق لواحد المدينة فيها واحد صاحبتي عايشة غير مع مها و نطبر على خدمة مهم عمرني نرجع لديك الدار حيت يا غيقتلوني يا غيزوجوني بزز لشي واحد اخور و انا باقة مامصدقاش بلي تفكيت من ضرغام
الاخت: كان الراجل غيعييشك معززة مكرمة فدار بحال البنات و تمشاي وسط العائلة براس مرفوع ولكن لي مولف شي زبل راه مولفو انا ماشغليش فيك غير ماتبقايش ليا هنا فوق القياس ماقادة على صدااع
مرام ناضت: انا غنمشي دابا قبل مايجي راجلك
الاخت جبدات رزيمة د الفلوس من جيبها و كمشاتها ليها فيدها: غتحتاجي هادو
مرام عنقاتها تتبكي فحضنها: تيليفوني هرستو فاش غنوصل غنشري واحد جديد و نمرة جديدة وقتما مكاينش راجلك فيبي غير عليا غنصوني عليك
الاخت: ربي معاك شوفي شي خدمة نقية و بعدي على ديك الطريق اكيد شي نهار غادي تلقاي الراجل لي نتي تبغيه و لي قلبك يميل ليه ماشي لي يفرضو عليك هوما
مرام: تنتمنى هادشي
بعدات منها و لاحت عليها جلابة من جلالب ختها و هزات صاكها دابا حييدات داك الزيف قدام كلشي مابقا لاش تزيد توسخو اصلا بفعايلها يكفي كيف وسخاتو و شوهات بصورة البنات لي ملتزمين بيه من قبل..خبات دوك الفلوس فصدرها الثقة مكايناش و الى عتبات الباب و طيير ليها شي شفار الصاك؟ اللهم تحتافظ بيهوم هكاك ولا غتبقا على الضس..تسالمات مع ختها بالدموع و خرجات شدات طاكسي..وصلاتها للمحطة فين غتشد الكار للمدينة فين غتبدا حياتها الجديدة بعيييد على عائلتها و عاداتهوم و تقاليدهوم...
نرجعو لسويسرا و هاد المرة ماشي لعند عذراء نن هاد المرة لشركة قوس لي نايضة فيها الحيحة فواحد البيت ماسايق ليها حد الخبار...
كانت بنان واقفة بكل ثقة كيف عادتها و قدامها روبين جالسة مخنزرة مضورينها العقارب خناثة و ليفيا...
بنان هازة حاجبها: زعمة واخا طلعي و تهبطي فعايلك مفضووحين يا روووبي
روبين: علاياش داوية تاني الى على دييك البرهووشة ديااالك مزاال مادرت فيها يدي!!
بنان: اوه لا برهوشتي مابقيتش محتاجة نحامي عليها دابا عندها راجلها قوس(ضغطات على احرف سميتو باستفزاز)
خناثة: و شنو بغيتي؟؟!!
بنان شعلات ليها تسجيل فتيليفونها كان د روبين مسيفطاه لواحد الراجل..."بغيتك تشتت لياا ديك العاائلة شووف لياا خووتها بغييتها تشوفهووم مرمدييين و انا الكلبة خليها عليااا"
روبين هزات حاجبها و بلعات ريقها فاش سمعات صوتها بقات غير تتبلق عينيها فبنان...
بنان رجعات تيليفون لجيبها: من بعد هاد الأوديو خو عذراء ساق الخبار بلي خطيبتو تتخرج بالليل و فسخ خطوبتو معاها..ختها ماقربتيش منها حيت عرفتي بلي بنت فابيو منكداها عليها و خوها الثاني مزال مالقيتي كيفاش تفضحي مرتو لي حاملة بلا مايعرف حتى واحد(مييلات راسها)ياك؟
بنان بنضرات شريرة: ماتخافيش مغنفضحكش حيت وجدت ليك الضربة لي غتغبرك هاد المرة بلا رجعة
روبين بدات تشدها الخلعة شنو تتقصد هاد الشيطان فصفة الإنسان تاني؟ اينا ضربة؟ : خرجي من بيتيي!!
بنان: انا خارجة غير تهدني غتموتي ليا هنا نصيحة قبل مانمشي جلسي نتي دابا مع عائلتك شوية حيت غتوحشي ديك اللمة من بعد باش تحسي شوية بوحدة جبدتي ليها المشاكل مع عائلتها حتى تفارقات عليهوم
خرجات من الغرفة بمشيتها الواثقة مخلية روبين حاطة يديها على عنقها بخوف كلشي الا عائلتها و هاد اللفعة د بنان ماعندها عائلة ماتخسر و عذراء مروناها مع عائلتها اذن ماعندها كيف ترد الضربة..ناضت من تما دغيا هازة صاكها و خرجات تتجري فالكولوار د الشركة تمشي لقصر عائلتها طمأن عليهوم مخلية الجوجات نايضين تابعينها تيعييطو عليها...
فقصر قوس..كانت عذراء جالسة فواحد الصالون و كارل جالس قدامها هاز ليست ورقية مرتبة فيها كاع لي خصو يتدار للعرس رغم التقنيات المتطورة الا انه تيبقا شخص تقليدي باقي تيستعمل الورق و القلم فالتدوين ماشي الطابليت...
كارل: بالنسبة للقاعة و الديكورات كلشي ضومونداه مستر قوس على ذوق قال غيعجبكوم بجوج باش يسرع فوصول العرس كيف بغيتي
عذراء: ماشي مشكل انا تايقة فذوقو
كارل تيشوف فالليست: امم الموعد مع المنتجع التجميلي محجوز و المايكاب ارتيست و مصففة الشعر كذلك
عذراء: المايكاب انا لي غنديرو لراسي مابغيت حتى وحدة تديرو ليا انا لي بغيت نديرو لراسي فليلة فرحي
كارل جبد قلم و شطب عليها: اوكي ميس كيفما بغيتي
عذراء: و بخصوص المنتجع شنو غيديرو فيه بالضبط؟
كارل: استجمام و ماساج ا ميس
عذراء: صافي واخا هو غير خليه
كارل: دابا ندوزو للتدرب على الرقصة الاولى
عذراء هزات حجبانها باستغراب: الرقصة الأولى؟
كارل هز فيها عينيه: اه الرقصة الاولى هي لي تتم بين العروسين قدام الناس فالعرس
كارل: ماتتحتاجش شي جهد غير الخاطر و تكوني مرخية و تواكبي حركات العريس
عذراء تتلعب بصباعها بتوتر: خفت نوطا عليه و غنكون لابسة طالون
كارل: ثيقي فمستر كاوس ا ميس(ناض و حط لاليست)نبداو التدريب؟
عذراء ناضت متقابلة معاه: و واخا
مد ليها يدو بلباقة و شدات فيه و هو غادي بيها حتال الوسط لي كان واااسع..حط يد على خصرها بلمسة سطحية و اليد الثانية شد بيها يديها تيبانو بحال شي إبنة غتدرب مع باها بصراحة هاد كارل بالشيب ديالو و الحنية ديالو معاها تيخليها تحس بحنان الأب لي ماعرفاتوش وحدة بحالها عاشت وسط من صرامة باها...
كارل: نبداو ا ميس؟
عذراء هزات فيه راسها بتأثر و حركاتو ليه بابتسامة..تطلقات موسيقى كلاسيكية هادئة تلقائيا من طرف خادمة كانت واقفة تما ديجا متفق معاها كارل و تما فين بدا هاد الأخير تيتحرك باحترافية فالرقص و الكوافورة بلعات ريقها خايفة تدير شي زبلة ولكن واكباتو حيت عاطي ليها الخاطر فووق القياس و كان الرقص جد هااادئ و بشوية عليه عليها تما فين بدات تتيق فراسها و تحاول تقلدو و الأهم ماتوطاش عليه فنفس الوقت كان قوس عاد راجع من الخدمة ديالو متشوق يشوف عروستو المستقبلية لي عارف فيد من مخليها و معامن مأمن عليها حتى تيسمع الموسيقى جاية من واحد الكولوار..تبعها بملامحو الهادئة يشوف شكون هاد ذو الحس الراقي لي رشقات ليه يطلق هاد الأنغام المرددة فأرجاء و جذران قصرو حتى تيلقا زهرتو الخضراء المتفتحة تترقص فجو هادئ مع خادمو الخاص لي ديجا علمو بهادشي ولكن ماعرفش انه غيتلاقا معاه لايف قدام عينيه و هو راجع من خدمتو..قرب منهوم بصباطو لي بدا تيتسمع فالأرضية و كيف لمحو كارل قبل ماتلمحو عذراء دور هاد الأخيرة بيدو لمطلعها للفوق حتى ضارت كلها و جات على صدر قوس لي شدها...
عذراء بدهشة: قووس!!جيتي!!
حرك ليها راسو بابتسامة و قاد وضعية الرقص..يد شاد بيها خصرها بحنية و اليد الثانية شبكها مع ديالها حتى حسات بدفئها..و هنا شعرات بفرق كبير غير بين شدة قوس و بين شدة كارل..بين شدة واحد تيعلمها و واحد تيبغيها! بتاسمات مطلعة فيه عينيها الخضرين بحب و هو حادر فيها عينيه الرماديين بشغف تيرقص معاها على الأنغام و الألحان الراقية مهزوزين من هاد العالم د الأبراج و التقاليد المزموت لعالم فيه غير هوما و حبهوم الكبير لبعضياتهوم..بنضراتو تيقول ليها نتي فملكي و سميتك غتحفر حدا كنييتي و بنضراتها تتقول ليه انا فملكك و نتا هو قدري لي كنت تنتسناه..لغة العيون و لغة الجسد تجمعو بجوج فهاد الرقصة لي بدات موسيقاها تتعلن على نهايتها و كا ختام و كيف فهاد الرقص حط يدو على ضهرها و هبطها للتحت و هو حاكمها تما فين تسالات بتصفيقات كارل...
طلع قوس عذراء لعندو و بجوج يدين هزها حتى ضورات رجليها على خصرو و يديها على عنقو مخلوعة حيت غفلها...
قوس باسها فشنايفها برقة: I love you to the moon and back(أحبك الى القمر و العودة يعني تعبير مجازي إنجليزي لمدى حبو الكبير ليها)..
عذراء بتاسمات ليه بحب و عنقاتو حاطة راسها على كتفو: i love you too
قوس عطا لكارل بالضهر و تم غادي بيها من تما: توحشت My Honey (عسلي)
عذراء: حتى انا توحشت قوسي ههه
قوس: مابقا والو لعرسنا
عذراء بحماس: متشوقة ليه بزااف
قوس: حتى انا
داها على برا للجردة و حطها فالأرض...
قوس ماد ليها يدو: نتمشاو شوية مع بعض
عذراء شداتو فيدو بابتسامة و مشات معاه داخلين بين الربيع و الورد لي فكل مكان...
فقصر عائلة الفيلالي كانت ليندرا أم روبين جالسة فلاتيراس و فنجان قهوتها فيديها قدامها جالس ولدها سام عاقد حجبانو...
سام: غنتسطاا ماخليت حتى بلاصة ماسولت فيها
ليندرا: هي دابا تتقول ليا بلي ترف طلقاتك؟
سام زيير على يديه: كان تيتصحابليا غير تتستافزني بحال كل مرة ولكن تصدمت فاش وصل ليا المحامي الوراق!!
ليندرا: و كي دارت؟؟علاش وقفو من جيهتها و تم بهاد السرعة؟!
سام: حيت على حسب كلام المحامي كانت تتسجل مكالماتي معاها و هضرتي معاها فاش تنكون معاها و قالت ليهوم تيعنفني و يهددني و ينعس معايا بالقوة بلا رغبتي!
ليندرا عقدات حجبانها: كان زواجك بيها خلق صفقة كبيرة بين عائلتنا و عائلة بنسليمان و كنا عوالين حتى روبين تكمل الباقي بزواجها بقوس ولكن خرجات لينا واحد الجرثومة من الجنب!
سام: متيهمني لا قوس لا حتى واحد دابا انا مامصدقش بلي لاحتني بهاد السهوولة و انا لي تشبت بيها طول هاد السنين!!!
ليندرا: ولدي الامر واضح من الاول ترف تزوجاتك غير بالعادات و التقاليد فقط كيفاش وحدة عاد حطات رجليها فالثلاثينات تبغي واحد حاط رجلو فوسط الخمسينات؟؟
روبين تلاحت فحضنها: والو ا ماماا غير توحشتك و جيت نشووفك ماوقع ليكوم والو ياك؟؟
سام تيشوف فيها باستغراب و ليندرا حطات يديها على راس روبين: لا ماوقع والو نتي لي اش واقع ليك؟
روبين مخشية فيها: لا والو نسااي...
فالفيلا ديال فابيو كان هاد الأخير مع رفيف جالسين فالصالون تيتفرجو بعدما تعشاو جميع مع ضرغام لي استأذن و طلع لبيتو اما مايلي مشات جابت الكلية(الفشار) و تخشات بيناتهوم...
رفيف حدرات فيها عينيها بواحد الشوفة ديال مابان ليك فين تجلسي ا البرهوشة اما فابيو بتاسم عاجبو الحال كيف العادة من تقرب بنتو لمرتو...
مايلي: بغيتي شوية؟
رفيف: اه اري جايبة غير لراسك اختي
مايلي: ماقلتيهاش ليا قوليها للخدامة
رفيف: لا ولات تعجبني الحاجة المشروكة بحالك(هزات من عندها)
مايلي عقدات حجبانها: خلي ليا معاك شوية
رفيف تتاكل و تتفرج و مايلي حاضياها شحال تتهز ليها من كليتها ماحاسينش بفابيو لي حاضيهوم باستغراب من واحد العفوية بيناتهوم بحالا تيعرفو بعضياتهوم من زمان خصوصا بنتو لي كانت تتغير من اي امرأة تتقرب من باها ولكن فاش عاود ليها على رفيف و بيين شدة اعاجبو بيها تمنات ليه الخير معاها قدامو و بينها و بين راسها بغات الحدود و تبعد منها..داكشي علاش قدام باها تتكون الفتاة المطيعة..بتاسم ليهوم بصراحة عجبو الحال حيت باين كل وحدة مرتاحة للخرى و مامديرونجيياهاش هضرة لوخرى و هادي اهم حاجة بالنسبة ليه...
فالمغرب و بالضبط فشقة نواهل كاانت هاد الأخيرة واقفة فالكوزينة تتقطع فشلاضة للعشاء و برناس معاونها فتحريك العشا حتى سالاو و حطو كلشي فوق الطبلة فالصالون و شعلو التلفزة...
برناس: غدا ان شاء الله غنمشيو انا وياك نشريو الفراش ديال دارنا
نواهل هزات فيه عينيها بدهشة: دارنا؟ و واش قبلو واليديك؟؟
برناس تنهد: نواهل انا لي غنتزوج ماشي واليديا المهم غدا كيف قلت ليك غتمشي معايا نفرشو الدار
نواهل حدرات راسها فالماكلة بالفعل واش تسطات ولا شنو توقع؟ انه يقبلو بوحدة ماشي من برجهوم و عادتهوم يتزاوجو منو! و بالخصوص الى كاع عتارف ليهوم بالفعلة خلاص غيقبلو زعمة بوحدة غلط معاها ولدهوم؟؟...
برناس حط يدو على يدها فاش حس بيها سكتات عارفها تتخمم و تفكر و ماشي ساهل عليها الأمر خصوصا و انها وحيدة فهاد المدينة و الى تخلا عليها ماعندها غير ترجع لعند عائلتي لي ربي لي عالم جرتهوم حتى هوما كيف دايرة...
برناس: نساي دابا و فكري فحياتنا و مستقبلنا بجوج..غنوجدو الدار و غتخوي هاد البارطمة من بعد نديرو لاكط ديالنا و نكملو بحال كاع المزوجين
نواهل حركات ليه راسها بالموافقة على كلامو تحمد ربها و تشكرو ملي مالاحهاش و ضور ليها السمطة صدق طلع معاها راجل و سترها..قرب منها بتردد حتى باسها فوق راسها و هي طلع فيه راسها باستغراب واش نيت هو لي عاد باسها دابا بكامل إرادتو...
برناس بتوتر: ا انا بغيت نعطي لراسي فرصة معاك و نزيد نتعرف عليك ماشي غير على قبل لي وقع بيناتنا انا مليت من ديك الحالة لي كنت عايشها متضنيش انه حتى انا نستاهل نفرح؟و نستاهل شي واحد يديها فيا و يهتم بيا؟؟
نواهل حركات ليه راسها ب اه و عينيها مغرغرين حتى عنقاتو: انا غنعوضك و غنحاول نكون المرأة لي تتمناها
حط يدو على ضهرها مبادلها العناق بابتسامة خفيفة و فداخلو تيتمنا يكون القرار لي تاخدو هو الصواب...
و دابا نمشيو لفرنسا..عند الشخص الوحيد لي ساكن فيها فالقصة..نعم انه المسمار!..سنمار يا راس المسمار ماشاف النعاس ماداقو..راسو و عقلو تقلبو و افكارو تخلوضو بحالو..كلام رفيف..كلام سلافا..فعايلو مع ناتالي لي طلعات متحول جنسي!..السييد تبدل حالتو حالة مبهدلة و تحت عينيه كحل بقلة النعاس و بيوضيتهوم ولات كلها شعيرات حمراء بحال الدم..فكر و فكر حتى عيا من التفكير تتجي فبالو صورة ناتالي فبالو و يتفكر انه كان طول الوقت تينعس مع راجل ماشي امرأة كيف كان تيظن تيجر فشعرو بقووووة بحال المسطي و تينهج بحال الى فماراطون متيقدرش يستوعب ابدا هادشي واش لهاد الدرجة القدر لعووب و الدنيا دوارة؟؟واش هادو كاملين ذنوب رفيف لي كانت تتسنا فيه يطلعها و يدير ليها وراقها و هو بارك يلعب بذيلو و طول الوقت مع شخص اخور؟؟..ناض من فوق الناموسية بحوايجو المخربقين تيتمشا فوق الأرضية برجليه الحفيانين حتى حل باب الشقة و خلاه هكاك اصلا مامعولش يرجع ليها ابدا..طلع فالدريجات ديال العمارة و بوحدو لي داير الصوت تما لي ساد عليه فدارو راه ساد و لي خارج راه خارج الا هو حتى طلع لأعلى طابق و لي كان الباب و التواسع و الفراغ..كمل مشييو بعينيه الذابلين و لي مشات منهوم الحياة تيبان بحال شي زومبي تماما..حي ولكن مييت..حتى وصل للحافة و بدات تتبان ليه الأرض قداش بعييييدة تما فين وقف لدقائق تيتمعن و شريط حياتو تيدوز قدام عينيه..بالفعل متنحسو بقيمة الأشخاص حتى تنفقدوهوم! ماحسش بقيمة رفيف فاش
كانت خطيبتو و بين يديه ماحس بيها حتى ولات مراة راجل اخور لي عرف بقيمتها ماشي بحالو! علاقتو بناتالي عمات ليه عينيه و ماكانش باغي وحدة تحكم ليه فحياتو..بغا الحرية المطلقة و عاشها حتى شبع بدون قيود و هادي هي نتيجة استخفافو بالوضع! عمر الراجل لي تيكسر قلب انثى، لي تيتعدا عليها ، لي تيضحك عليها يتهنا فحياتو سوا فالدنيا سوا فالآخرة..و سنمار ما هو الا مثال لهاد النوع لي طاغي فالمجتمع بكثرة!...
للحظة توقف عن التفكير و سد عينيه المغرغرين بالدموع جامع اخر قوة و اخر جهد تيمتلكو..لاح الرجل الاولى و تبعها الجسد كاملو بعد ثواني ولا جثة هامدة فالأرض و عيباد الله تجمعو عليه تيغوتو...
فالصباح بكري كانت دواني فالكوزينة تتعمر فأتاي حتى دخلات عندها ديالا تتكسل باينة عاد فايقة من النعاس باست راس مها و حطات يديها على فمها تتفوه...
ديالا: عييطتي عليا ا ماما
دواني:اييه ا بنتي(مدات ليها الفلوس) هاكي جيبي شي جوج خبزات من الحانوت راه خوك لي موالفاه يتسخر قبل مايمشي للخدمة مكاينش
ديالا حركات ليها راسها بالموافقة و مشات لاحت عليها الجلابة و خرجات للحانوت..بقات غادة فوق التروطوار ماكانش الحانوت بعيد بزاف بانت ليها الدنيا خاوية اغلبية تيصبح ناعس فهاد العطلة و لي عندو شي خدمة راه مصبح عليها حتى تتحس بشي واحد واقف موراها..ضارت تشوف شكون حتى خرجات عينيها على وسعهوم بالصدمة و بعدات بخوف ماتوقعاتش ابدا تلاقا مع هاد الكمارة على النبوري نساتو كااع ولكن فين غادي على النبوري ماموالفاش ليه يكون غادي بالموطور فهاد الوقيتة تيكون فالمحل ديالهوم..بعدات منو شوية (الاحتياط واجب) تشوفو شنو بغا...
رامي واقف عليها بدخاخن الكارو ديالو لي تيكمي: هي باقي راسك قاصح و باغية تكملي قرايتك ياك؟
ديالا بلعات ريقها بخوف: ر رامي خليني عليك غنقولها لباابا و خويا الى باقي تعرضتي ليا مزال انا قررت قرايتي هي الاولى!
رامي بنضرات خبيثة: لا مابقيتش غنتعرض ليك احبيبتي(جبد موس قدو قداش)يا تكوني ليا يا تكوني للقبر و تنضن ختاريتي القبر!
ديالا غير شافت الموس قدااش تيلمع قدامها بدوون مقدماااات عطات رجليها للريح تتجري مابقات لا سخرة لا حاانوووت هاد الشميكيير غينحرها من الودن حتال الودن مافيهاااش فنفس الوقت كان واحد البرهوش عاد بغا حتى هو يتسخر جاي تيطلع فسروالو مسخراه مو بزز حيت فعطلة حتى تيشوف داك المنظر قشع بنت دوااني مع ولد رضوى(مامات رامي و سنمار) و هو يجري متيتلفتش يقولهاا لمهاا حيت كاع السيكتوور عارفين واااش ولد رضوى مامعاهش اللعب و مزنزن فدمااغو اماا هو ركب على الموطور بشوية عليه مرجع الموس لبلاصتو و لايح الكارو فالأرض عارفها غتهرب واخا تجري حتال الصباح كسيراتور واحد غيكون عند رجليها اما هي بقات تجري و تلهث جبهتهاا تلصقاات بالعرق و الشعر راه المووت لي شافت فعينيييه ماشي العصى ولا الضرب هاد المرة! حتى وقف عليهاا بالموطوور حاصرها بييه فواحد الحييط...
ديالا تتشوف يمينهاا و شماالها والووو مكاين حس المخلوووق...
رامي ناض من فوق الموطور و قرب منها حتى سد ليها فمها عوينااتها فقط لي تيطلوو من قبضتو المحكمة: حتى واحد مغيسمعك سمعتيني؟ انا غنوريك كلمتي لي طييحتيها فالأرض و ماتخافيش غنمشيو انا وياااك ماشي اناا لي نمشي للحباسات سمعتي
ديالا مخرجة عينيهاا فهاد الحمق لي باغي يقتلها و يقتل راسووو يالاه هز الموس باليد الثانية حتى تيحس بوااحد الجرة صحيييحة جرة راااجل كيف جروو بالجههههد عطااه بوااحد الطرشة طرااااخ حتى جا فالأرض و الموس تلاح بعيد..ديالا غير شافتو تلاحت عليه تتبكي و تعنق...
ديالا: بااااباااااا اهئ اهئ
رجاح معنق بنتوو لي قال ليه واحد البرهووش بلي شادهاا خطيبها و هاز عليها مووس:بنتي واش نتي بيخيير؟؟؟
ديالا مخشية فيه تترعد: غيقتلنيي ا بااابااا غيقتلنيييي اهئ
رجاح: ماتخافيش ابنتي مزااال ماتزاااد هدا لي يحط يدوو عليك(اودي ماخلا فين حطها و مزركها من الفوق)
رامي ناض من الأرض تيخنزر فيه و حنكو حمر: خطيبتيي و ندير فيهاا مابغيت!!
رجاح خنزر فيه: اناا لي وااالدها شنووو هاد الفعااايل واش تسطيتيي ولا شنو؟؟؟
رامي بعصبية: هييي لي عصاااات كلمتييي و طييحاات بيها قلت ليهااا ماتكمللش قرايتهااا!!!
رجاح هز عليه صبعو: بنتييي و حرةةةة فاش بغات تديرووو ماشي نتااا لي صرفتيي عليهاا و وكلتيهاا و شربتيهااا حتى جابت ديك النقطة!!! و دابااا غتغبر علياااا كمااارتك الهضرة مع ممممك لي ماعرفاتش تربيييك(جر ديالا) يالاااه ا بنتي
مشات معااه لاصقة فيه بالخووف مغطلقش منوو حتى تعرف انهاا فوسط من دارهوووم..وصلها للدار لقا دوااني قدام الباب تتسنا مشطوونة(هادي هي الأم) غير شافتها و هي تشد فيها و تعنق...
رجاح: دخلي البنت و سدي الباب سورتيه مابقاات ثقة حتى فالعائلة يا حسرة!! و الخبز انا نجيبو
دواني دارت لي قالو مدخلة بنتها تبوس فيها و تعنق و تولول: ويلييي كبدتيي كون مشااات شغندييير
ديالا تتبكي فحضنها: عفااك ا ماما دوي مع جدة و يفرقني عليييه مابقيتش حاملااه عفاااك نبووس يدييكوم و رجلييكوم اهئ مابغيت والو بغييت غير نقرا و نخددم اهئ
فوسط النهار و بالضبط فشركة قوس كانت عذراء جاية تتمشا دايزة من الكولوارات ولي شافها واش تيحرك ليها راسو داير ليها الحساب راها خطيبة مولشي و من الفووق عرسهوم غدا!! حتى وصلات لغرفة بنان لقاتها عاد جات من جلسة تصوير هي و نيار لي ولا بحال ظلها تيقاد ليها المايكاب..دقات و من بعد تحل الباب و دخلات...
بنان جالسة تقلب فالمجلات: ميسز بنسليمان
عذراء بتاسمات: هههه توحشتك ا مدام بنان
تسالمو و جلسات قدامها...
بنان هزات عينيها فنيار: يمكن ليك تمشي غير سير
حرك ليها غير راسو و مشا شكون بحالو دبر على هميزة بحال هادي...
بنان سدات المجلة و حطات رجل فوق رجل: ايوا فين وصلتو فتحضيرات العرس؟
بنان بتاسمات جنب بثقة: لا غير صدقي ا حبيبتي راك طييحتي قوس بنسليمان بضخامتو و مكانتو لعند رجليك حتى غتولي مرتو و حلالوووو كيف بغيتي
عذراء تضور فعينيها: ياختيي تابعاني حتى ديك الدخلة
بنان: لا بغيتيه يحطك ديكور فشي فترينة و شنو تيديرو المزوجين؟ فتحي عقلك شوية و تحضري غير الجهلاء لي تيخافو من ديك الليلة
عذراء: لا لا اصلا قالت ليا ختي رفيف داكشي ساهل
بنان: ايوا تييقيها و خلي السييد ياكل حلوتو راه شهورا و هو صابر عليها
عذراء بتاسمات بحب فاش تفكراتو: ياختي تنبغيه بزاف
بنان بابتسامة: و اكيد حتى هو تيبغيك اكتر...
نجيو لواحد البيت فداك الكولوار نييت بييت د الشيااطين لي متيتهناا ليهوم البااال حتى تيشوفوو شي جوج متحابين متفارقين..كانت روبين غادية جاية تما هازة تيليفونها و خناثة و ليفيا جالسات تيشوفو فيها حتى تشد ليها الخط و اخيرا...
موريتز بتاسم بخبث: روبين انا ماشي متسرع و متهور بحالك تنصبر على فريستي حتى تطيح و خطتي غادية مزيان
روبين هزات حاجبها باستغراب: اينا خطة؟؟
موريتز: ماشي بالضرورة تعرفي نتي غير استسلمي للأمر الواقع و شربي ليك شي كاس مشروب ولا جوج ممكن يصبروك شوية
روبين عقدات حجبانها: لزززم حدددك!!!
موريتز ببرود: بسلامة
قطع عليها و حط التيليفون فوق البيرو..شبك يدو ساهي فنقطة وحدة و فقرارة نفسو حالف حتى يخسر داك العرس لي غيتم غداا و يرد ضربتو للكوافورة لي كبات عليه العصير و يفقص معاه منافسووو لي ديما الفوق الفوق..مخليها هي تتغليييي و غتنفااااجر حيت حتى واحد مابغاا يوقف معاهااا ولا يدييير شي حاجة يمنع هاد المهزلة د الزوااج!!...
خباار فعلة راامي وصلات سخووونة للجدة سلافا لي فالبلاصة لبسات جلابتها د الراندة الأنيقة و الشعيير ديما ممشوط و مجموع بشكل مقاد على شكل سفنجة غادية حالفة تشتت ليهوم الشمل اليوم حتى لقات الحيوح فالدررب..طلعات حجبانها باستغراب اش واقع ياكما الشمكار صدق ناحر الدرية حتى تتبان ليها رضوى مرمية فالأرض قداام باب الدار و بناتها تيهزو فيها و يهدنو و الجيراان يصبروو و البكاواات و الغوااات...
سلافا وقفات كي الجمد تفهم اش واقع حتى سمعات الجارات موراها تيترحمو على شي واحد هنا صافيي زربات فالمشييية صاافييي مشااات فيهااا بنت ولدها رجااح...
سلافا: كيفاش نتاحر؟ دخلي بعداا دخلي راه فرجتي فيك الجيراان
دخلو البنات مهووم للداخل و دخلات سلافا موراهوم سادة الباب عاد تفرقات الجووقة كانت جاية على اساس راامي دابا صدمة انتحار سنمار!! ماتوقعاتش هادشي ابدااا!!!...
رضوى جلسات فوق السداري و بنتها مشات بالجرا جابت كاس د الماا مداتو ليها قدام عينين سلافاا لي عقلها تيحاول يستوعب هاد الانتحاار زاائد هاااد الجيل العوووج لي مابغااات تصدق ليهوم حتى تزويجة يالاه رسيل و رئال لي فيهوم الضووو...
أزهار شافت فيها: نجيب ليك شي حاجة ا جدة؟
سلافا فاقت من سهوها: لا ا بنتي غير جلسي حدا مك
رضوى تتنخصص: اهئ ولدي اهئ ولدييي
سلافا: رضوى تهدني لي وقع وقع حاولي تهدني هادو هوما ولاد اليووم طالعيين عوجيين الله يحفظ
رضوى ضربات الطم كاتمة صوت شهقاتها المسموعة و كلها تهز بالتنخصيص و بناتها حداها يتباكاو...
سلافا ناضت: الله يرحمو و يغفر لييه تنضن غيسيفطو الجثة ديالو ياك؟
أزهار: ااه داكشي لي قالوو
سلافا: مزياان انا نخليكوم دابااا نمشي نوجد للسلكة
رضوى: الله يكتر خيرك ا مي اهئ
سلافا: امين
خرجات من تما مرفوعة لا لا هادشي غادي و تيحمااض و الشميكيير مكاينش ليه الاثر تمااا عنداك يمشي يشنق راسو فشي قنت حتى هو..مشات من تما ترجع لدارها و ترتب لتحضيرات الجنازة عاد تشوف سيرتوو ديك الساعة..غير هوو شي خطووبة واش كااينة بااااح تفسخاات قدام بات الدرية توريه يهز الموااس الشمكار لاخور...
فالفيلا ديال فابيو..كانت رفيف لابسة و واجدة و معاها مايلي حتى هي واجدة...
مايلي: راه الشيفور تيتسنانا
رفيف: صبري
مشات طلعات فالدروج حتى وصلات لغرفة ضرغام دقات جوج دقات و هو يتحل الباب كان واقف عليها بدوك العضلات و القلدة...
رفيف: غنخرجو دابا واش عاقل بلي غدا عرس عذراء ياك؟
ضرغام شاد الباب بيدو: عارف
رفيف: شنو غتلبس فيه؟
ضرغام: ماعرفتش
رفيف: ويلي شوف بالعشية نشريو ليك كومبلي
ضرغام: مكاين لاش
رفيف: صافي راه دويت راه عرس ختناا هداا مهم راني خارجة بالعشية نمشيو ماتنساش
عطاتو بالضهر و هبطات لعند مايلي لي كانت تتسنا فيها..ركبو فالطونوبيل و داهوم الشيفور للشركة د قوس...
فغرفة فالفندق لي نازلة فيه ترف بلا خبار حد كانت جالسة فبيرو تما تتشوف فورقة طلاقها من داك الكلبون الشارف سام لي و اخيرا قدراات تفك منوو بعد سنييين من الحياة الزوجية التعيسة و الزواج الإجباري دابا و اخيراا ولات عندهاا حريتهاا و ولات امراة حرة طلييقة من اصفادوو و الفضل كولو تيرجع لصبرها حتى قدرات تجمع ادلة ملموسة لتتبث كلامها و اتهاماتها من جيهتو حتى قدرات تقدمها للمحامي لي وقف معاها فالمحكمة حتى خدات طلاقها و دابا غتبدا حياة جديدة و صفحة بيضاء...
حتى سمعات تيليفونها تيصوني..هزاتو لقاتها امها فابيين و جاوبات...
ترف: الو ماما
فابيين: الو بنتي لباس عليك؟
ترف: لباس ا ماما ونتي؟
فابيين: بيخير..مهم واش كاينة فالدار ولا الخدمة
ترف نقزات: ل لا لا راني خارجة تنشم شوية د الهوا ماتجيش للدار
فابيين: اه واخا بغيت ندوي معاك على عرس خوك
ترف تقادات فالجلسة: ااه تنسمعك؟
فابيين: انا قررت نمشيو ليه
ترف بتاسمات:هادشي لي بغيت نيت ولكن واش قلتيها لبابا؟
فابيين: مافراسو والو و مغنقول ليه والو نتي عارفاه مزيان و عارفة حتى خوك مغنفلتش نهار مهم فحياة ولدي على قبل هادشي
ترف فرحات: هادشي لي خصو يكون ا ماما حتى قوس غيفرح بزااف
فابيين: غنتواصل معاه و نعرف الساعة بالضبط
ترف: واخا لي كاين قوليه ليا حتى انا
فابيين: واخا بنتي
سدات فابيين الخط و حطات ترف تيليفونها بابتسامة متشوقة لعرس خووها لي غيتم غداا و لي قدر يحقق لي ماحققاتوش هي و كاع الناس لخرين و هو انه تزوج خلاف العادات و التقاليد و بالبنت لي ختار ليه قلبو...
فالشركة د قوس كانت رفيف عاد داخلة باينيين عليهاا الفلووس و التزويجة ديالها من فابيو..غادية و بجنبها مايلي حتى قشعو شي موضفات تما البرهوشة من الباب الرئيسي و ضوروها تيتبلحسو ليها كيف العادة و غرضهوم فبااها لي ماكرهااتش اي وحدة فيهووم تكون جنبو حتى هزات راسهاا بتعاالي و قدمات ليهوم رفيف...
مايلي: هادي رفيف مرأة بابا
هنا صقلووو و رجعو شوية لور تيبحلقو فيهاا تيشوفوو فالزيين و الساالف قدااش و الشباااب باينة عليها صغييرة مقارنة بفابيو الأربعيني..باركو ليها غير بزز و تشتتو مامتييقينش بلي تزوج مزااال!!...
رفيف هزات فيها حاجبها راها واخا متتفهمش الألمانية ولكن فهمات البلان من الشوفات و الحركات: عاجبك الحال ياك؟
مايلي ضحكات: هههه شفتي شنو تنقول ليك دابا حتى وحدة مغتبقا تبرزطني
رفيف: زيدي ا شيطانة نشوفو باك عند من جبتينا
مايلي: وا مالكي بغيت ندير ليه مفاجأة
رفيف: و علاش جايباني معاك زعمة؟
مايلي: باش يزيد يفرح بالضوبل
رفيف كليكات على السانسور: زيدي ا تريبل
دخلات مايلي و كليكات على طابق ليمانادجرز فين كاين باها دازت دغيا من حدا الاستقبال لي شافتها و قشعاتها بنت فابيو داكشي علاش مادواتش حتى وقفات قدام باب البيرو ديالو هي و رفيف..ضغطات على السرسار لي كان حدا الباب و هو يتحل الباب تلقائيا من طرف فابيو لي قال تفضل..دخلو غير شافهوم و هو ينوض بابتسامة و علامات الدهشة مرسومة على وجهو ماتوقعش ابدا حضور مرتو و بنتو...
مايلي جرات لعندو تلاحت فحضنو بتعنيقة: بااابييي
فابيو معنقها: أميرتي اووه شكون دار ليا مفاجأة
رفيف واقفة قدامهوم مبتسمة: كنا غاديين نديرو شوبينغ على حساب العرس غدا و قالت نديرو ليك مفاجأة هو الاول
رفيف عقدات فيها حجبانها و هو يطلق منها فابيو و مشا عنق رفيف لي ماتوقعاتهاش ابدا و باس راسها و هي وسط من حضنو تحت انضار مايلي لي غادية و تتأكد قداش مرتو مهمة عندو داكشي علاش مادام باها فرحان فا مغتدخلش فسعادتو ابدا...
عذراء وقوس الجزء 18
محتوى القصة
التنقل بين الأجزاء