تبسماات: اه عافااك وديري بحاسب محمد حتا هو.. غايكون جااي فالطريق حيت مابدل حتا حوايج الباارح.. يقدر عندو شي خدمة مزروبة عالصباح
عزيزة: الله يسهل عليه الالة.. و واش گاع مااتقلق منك؟
غوبشات: وعلاش غااايتقلق ؟؟ علاه شكون كدب على لاخر انا ولا هو
رمشات ساكتة تتفكر وقالت: والى ماكانش كاادب ؟
ضارت عندها منزاعجة: وااش كنتي معاايا فاش قريت الميسااج ولا لا ؟ وااقلة انا اللي وليت كداابة داابة يااك؟
عزيزة: لا انا ماگلتش هاكاا غير هو سيدي محمد.. ماعرفتش مابايناش فيه كايكدب
جعات تتمشط شعرها ببرود: ايوا راه دارهاا.. و حتاا دييك خيتي مانعرف ااش رجعهااا لحيااتنا
ردت: واخا هاكااك سيدي محمد تايبغييك الالة ماغاديش يفكر فشي حااجة ضرك
بسماات: الحب بوحدو اعزيزة ماشي كافي.. وبنادم ماافيه تيقة كيفما بغا يكون "تنهداات بعمق وقبل ماتزيد تسولها ناضت للپلاكار قاطعة الحوار"
نسيمة: حتا نزل ونكملو كلامنا
حركات رأسها: واخا الالة اللي بغيتي
شافت فيها متكدرة: سمحي ليا بعداا البارح ماخرجناش كيفما وااعدتك.. ان شاء الله نهار الحد نعوضوها ونديك نتي وعمر لحديقة الحيوان الي فالرباط هههه ..متافقين
رفضات رفض قاطع بدون شعوور: لااا..لا الالة لا لا مانقدؤش
فرشات كلشي على السرير وكل مرة تجبد من لاتروس وتقراا المكوناات بالعربية اماا فالفرونسي كادوخ ويضرهاا راسها وتعاود تحط بالنفخة وتجبد حاجة خراا.. مرة تشم وتجرب فايدها ومرة تبسم بووحدها كي الهبيلة ماعارفة شنو مفرحها بالظبط و ماكرهااتش تجرب كلشي دقة وحدة لدرجة حارت بيمن تبدا اللول وكل دقيقة دور بدااك الپينواار فالبيت وتستفهم فينما رشقاات ليهاا ..حتا سالات النص والنص رداتو للاتروس وخشاتو فاڤاليز اللي محطوطة فالپلاكار
حيدات الپينوار وبقات عارية تماما.. دهنات كريم ديال الشكلاط على لحمها كامل من غير الوجه والفرج ديالها بعدها لبسات ملابس داخلية بيج فوقهم شوميزة طوييلة على شكل كسوة سدات صدايفها وزيرات خيط على خصر الشوميز داير وتايتعقد فالجنب
..طلقات شعرها منسادل على ضهرها وهزات سلسلة دهبية و رقيقة تتبري لبسااتها لرقبتها العالية بنعومة وودنها مع البالكو اللي كايطل على خارج الڤيلا فين سمعات حس الطموبيل ديالو تتبلاصا
........
وقف وراها تايجبد من شكارتو قرعة الما.. مدها ليها بتنهيدة وحواجبو العريضة منعقدة باهتمام
مروان: خودي شربي
زهرة ضارت عندو بسرعة تتمسح عينيها الحمرين من الدموع ماراضياش يشوفها هاكدا وفنفس الوقت تتحنحن باش تسرح حلقها المخنوق
زهرة: شكرا مابغيتش
رد بشيء من الانزعاج: كنت راجع من الليسي فاش شفت مامااك جارااك وركباتك فواحد الطاكسي.. و ، سمعت شي هضرة ماتيقتهاش صراحة
تحل باب الداار والتافتو ليه بجوج لأن البالكو تاع الجردة كان مفتوح ومقابل معااه ..
دخل سي محمد هاز جوا مقفل فايدو تزامنا مع نزول نسيمة من الدروج وبسمة عريضة مزينة شفايفهاا الحلوة وطلتها الجميلة.. تلقائيا ابتاسمت عيونو البراقة بشوفتهاا ولعندهاا توجه فحين مروان ضار جيهة زهرة بعيون مصغرة بشك حاضي ملامحها اللي تغيرات فرمشة عين..
شااف الغليل فيهم، حقد وكره وغيرة وشاف ألم ووجع قااتل ماتحملاتوش ونزل على شكل دمعة يتيمة ساالت مع قبلة نسيمة على خدو وهمسو فأدنها بكلام خلاها تحماار وتبعو لغرفتهم.. مسحاات وجهها بالنترة ودخلاات كاتزرب ناازلة لدارهم غير مبالية بنظرات مروان جيهتهاا ولا اي وااحد اخر
هزات نسومة وبركاتها فوق مخدة عرييضة على الزربية المقطنة اللي جنب السرير وعمر جنب الباب واقف ببپيجامة ديال الدار مرسوم عليهاا گامبول، شااد دفتر الرسم وملونااتو الكتيرة وللأسفل كايشووف ويرمش..
صوت الرشاشة فالحمام كاتتسمع عندهم وهي الابتسامة مابغاتش تغادر شفايفهاا فأي حركة دارت الشي اللي تايخلي عيون عمر تتبسم وهو تايسرق منها نظرات خاطفة وسريعة
نسيمة: نبركوو هناا حتااا يخرج عندنا باباا يااك افنكوشتي هههه "ضارت عند خوها بنفس الضحكة" عمر اجي لعندناا احبيبي.. اجي
ردت: حتااا هو هههه يالله شاارك معاها رسوماتك خليها هي تلون لييك صافي.. انا جاية دابة
خلاتهم وناضت للپلاكار تتسربي، جبدات منو حواايج سي محمد متعمدة يكونو ديال الداار وحطاتهم فوق السرير بعدماا سمعات الحس مقطوع فالدووش دليل على انو سالا.. مع بركاات جنبهم تحل باب الحمام وخرج منو بفوطة ملوية على خصرو ومخلي قطرات من الماء فشعرو وشعر صدرو الخفيف كاتلعب.. ضرب عليهم شوفة خفيفة ورجع حولهم للحوايج فوق السرير وقال متبسم كايشوف لعندها
سي محمد: زعما نبقا معاكم اليوم؟
ضارت عندو متبسمة بغنج: الى فهمتي راسك طبعا
ضحك وهز حوايجو للحمام يبدل مخلي قلبهاا كايضحك.. سالا ورجع خرج كاايرد شعرو اللور وعندهم غادي.. هز مخدة من فوق السرير لاحها جنبهاا وبرك عليها متكب كايشوف نسومة وعمر شنو كايرسمو ويدو بأريحية تلوات على خصرهاا وهي طلع فيه شوفة حنونة جيهة شعرو السارد
تنهد بعمق وقال: ماعليش.. ولكن فيك فيك الى ماشي اليوم غداا
تكاات على صدروو سااكتة وعليه مخبية وجهها.. تتبسم كيف بغات وتعض شفايفها كلماا بغات تمنع ضحكة عالية منها بغات تخرج و هو بلمسات لطيفة فوق خصرها حاط فمو على ودنها تايهمس ويرمي الشوفة عند الوليدات
سي محمد: كيصبحتي بعدا
نسيمة: ههه عاد تتسول
رد: خليتي شي واحد يسول.. كنت ناوي كيف نخرج من الدوش نقلبك بنفسي ساعة دخلتي القوات المساعدة
ردت: الحاجة ماشي بنت صغيرة باش تتقلق بالعكس غايعجبها الامر .. غير هاد النهار !
رد بهدوء: واخا اللي بان ليك
تعلات بااستو فحنكوو حتا ضحك ونزل على شفايفهاا بقبلة طوييلة كياكلهم حتا حصلاتهم نسومة وبقات فييهم تترمش اما حتا عمر حدو كايرسم خطوط وأرقاام بلا مايتسوق لشي حد ..
لاحت الملوناات على عمر وناضت ليهم بلا عگز كاتهرنن وتبعدو منهاا ونسيمة كااتزيد تجرو حتا بانت ليها بغات تبكي وطلقااتو كاضحك
..عطاا الخاطر هنا وهناا وحااس باللي بحالو مكاين فهاد الكون ..
عمر بوحدو اللي مهني رااسو فيهم، حاطين ليه ماكلتو بوحدو مكايبغيش يشارك الصحن او المكان بداا ياكل كيف بغا ممسوقش لضحكهم فقط تايسرق نظرات خاطفة ويجمع عينيه قدامو حتا سالااو وناضت نسيمة جمعاات للاكل مع عزيزة اللي طلعات تعاونهاا ورجعاات لأحضاانو حتا أدن العصر ونااض منوضها معااه حتا توضات وصلاوه بزوج
....لبس حوايج الخرووج بعدما علمها بالي غايمشي يطل على خدمتوو وخلاهاا هي معاهم بااركة تترسم وتلف معاهم الوقت الوقت حتا انضماات ليها عزيزة اللي كانت عااسة على باب البيت كيف خرج محمد دخلات هي هاازة پلاطو ديال الگلاص حطااتو وبركاات كاضحك وتمد لييهم
ردت كااتتحلف: اييوا الله يعمييهاا ليك.. هانا علمتك
ردت: كوني هانية الالة سرك فبيييير
دوراات وجهها: مممم تيقتك..
غرباات شمس هاد اليوم وضلامت السماا معلنة على ليلة سوداء قااتمة
..تطفاو أضواء الڤيلا سقلاات الحيوط والكل وسط فرااشو تخشا..
غيراات حوايجها بشوميز دونوي سوداء قصيرة وبتوبها المفضل فالنوم اللي هو الحرير.. سميطات طوال و رقااق و كوولها عريض مبين الفرقة بين تدييها ومطرز بالدونتيل..
نعسات نسوومة حداها ورا مالسقات لييها فالفراش وحتاا عمر تكا من الجيهة لخرا جات هي وسهم مخشي فيها خوهاا وهي معنقة نسومة.. توحش يتخشاا فختوو وينعس على ريحتها ولمساتها الخفيفة فشعرو حتا بسرعة جاه النعاس وتغمضاات عيوونهم بتلاتة ..
تفتح باب البيت بوقت متأخر ودخل منوو سي محمد فاتح صدايق الشوميز وهاز الجاكيط ديالو فيد هي والسوارت.. حيد السباط ردو لبلاصتوو الخااصة ودخل كاايفتح صدايف الشوميز وحواجبو مقرونة عليهم بتلاتة فهدوء
توجه للپلاكار عاري الصدر وجبد سروال قطني كحل لبسو وضار جيهة السرير.. شغل الفيوز فوق راسهاا عاد وضاحت ليه الصورة اكتر وزادت حدة حواجبو..
ماعندو فين يتخشا ومابقات ليه بلاصة، بتلاتة غارقين فنوم هنيء من غيرو هو اللي ماعجبو حال وبقا مدة كايشوف كيف يدير.. حيد عليهاا الغطاا وهز رجلو طالع لعند وجهها شوية وتحنا على ودنها بهمس كايفيقها
سي محمد: نسيمة.. نسييمة "هز ايدو دوزها على خدها بلطف حتا بدات تخرسر وجهها وتململ" نوضي احبيبتي.. فيقي ندوي معاك
ضاارت ليه تتفوه ونص عين فاتحة بصعوبة.. ركزاات فيه مزياان وهو ببحة خفيفة نطق
سي محمد: اجي معايا
بصوت باح بالنوم ردت: فين
قال هامس: شششش بشوية..نوضي يالله
تأففات ماعاجبهاا حاال وقالت: محمد مالك فياا النعاااس
رد بهدوء: وانوضي الله يرضي عليك.. ديري لياا خاطري واعافاك
نسيمة: فييين
رد: غير اجي معايا احبيبتي.. يالله
بقا معاها كايسايس ويرطب وكل مرة يطول شفايفو لكتفها او خدها بقبلة خفيفة كافية تشهيه وتشعل نار مهييلة فصدرو..
نااضت بزز بعدما سوخر عليها عمر ونسومة تبعاتو شادة فيه باستسلاام حتا خرجو من البيت و لبيت عمر دخلهاا مافاهمة والو فقط تترمش
فورما سد الباب ضار عندهاا ملتاهف ولعندو جرها بقبلة عمييقة مشتااقة وبالحب ملييئة، لكن بعدات عليه وجهها بصعوبة وقالت بتساؤل
نسيمة: وابلاااتي گولياا بعدا شنو بغيتيني رااه عياانة والله
ابتاسم وعلى نعومة اردافها العارية كايمرر يدو الخشنة: بغييتك نتي
بسم بضعف ولعندو قربها: انا ندوش لحبيبتي.. بلا ماتعدبي لياا
نام على شفايفها بقبل حلوة مخلاو ليها فين تزيد تكلم رغم رفضهاا ولا إراديا حطات يدها على صدرو العااري، تحسسات سخوونيتو وشعلة ناارو ولمساتها العفوية تايزيدو على مابيه..
على الحيط لاسقها ولنعومة رقبتها العالية نزل شفايفو بمصيصات خفيفة وكايزير على خصرها بشهوة فحيبن هي فتحاات عينيهاا تتلهت و بآهات تتكلم
محمد عاافااك مافياش
بأنفاس ملتهبة رد بلا مايطلع فيها الشوفة: ششش ..دغيا احبيبتي
ردت بتعب تتدكر ألم العلاقة ونفسها مقبوط باش تعاود تتحملو
نسيمة: لا عافااك ماشي اليوم.. واصاافي مافيااش
رد: مانبقاش فيك اناا
بدا يطلع ليها الشوميز وحبسااتو بعصبية
نسيمة: وااش متتفهمش افففف "تنحاات على الحيط مبعدة عليه وبانزعاج كملات" جاااي معطل ومفيقني من نعااسي وزيد عليهاا باااغي هااادشي
تسناات ورا ماتسرحات فمكانها يتفتح الباب ومنوو يدخل وعلى الغضبة مايقدر.. لكن بدون جدوى..
الساعات تايمروو والنعاس حلف لاجاها، خاطرهاا مضيق وخايفة يكون خرج يبات فالزنقة كيف العادة رغم انها ماسمعااتش حس الطموبيل الا ان الشك كلاها وبيها لعب حتا ماقدراات تصبر و ناضت من فوق خاطرها ماراضيااش ..
هزات پينوار اسود لبساتو وخرجات من البيت حفيانة و بخطوات خفيفة حتال بيت عمر..
دورات السااقطة بالمهل وفتحات من الباب شوية.. طلات بنص عين ووزعاتها على طول الغرفة هي تقشعو واقف قدام سرجم مفتوح قدام السرير ..الهواا بين عضامو كاايدخل وهو كايخربق فتليفونو وكل مرة يتنهد..
بابتسامة حطات البلاطو فوق الطبلة وبركات حااطة رجل على رجل وقالت: محمد متايشربهاش بالسكر احبيبة.. مسووسة
بنبرة هادية ردت عليها عزيزة: راها عارفة اختي زهرة.. غير هو يقدر يبغييه
ميقاات فيهم ونااضت خارجة ولدارهم نازلة ..
نسيمة مجاوباتها ماهتمات لكلامها على غير العادة، تسنات حتا القهوة غلات كباتها ففنجان وحطات جنبها السكر مربعاات عاد هزات الپلاطو متنهدة وقالت
نسيمة: انا طالعة
بابتسامة: يكون خيير الالة
ردت: يااربي
خلاتها وطلعات مع الدرووج تتقاد نفسها المضطرب والكلام فبالها تايدور..
وصلات للطابق التاني وفتحات باب بيت خوهاا لكن لقاتو خااوي فراشو مقاد والحس مكايدورش فيه.. قرنات حواجبها باستغراب وطلعات لبيتهم هاد المرة، مع شافت حوايجو مرميين فوق السرير عرفاتو هنا و داخل للحماام سدات برجلها البااب ودخلات رامية العين على الكوافوزاات تتقلب بعيون مصغرة حتا لمحات تليفونو حدا ديالها محطوط..
ارتفع نبض قلبها وهي سااهية فيه بملامح جامدة.. تفتح باب الحمام وخرج منو سي محمد بدجين اسود مع سمطة سوداء وكايلبس تيشورت نايك بيض.. خفف لحيتو وحددها أكتر على دقنو وشعرو ممشوط بنعومة للوراء منباعتة منو ريحة باندوش بريحة منعشة فورما داز من حداها تخللات ليها مع العضام
..هز ريحتو من فوق الكوافوز رش منهاا وهي باقة واقفة بالبلاطو حاضياه وفيه تاطلع وتنزل.. حتا سالاا وبنبرة غيرة نطقات
نسيمة: فين غادي
هز ساعة اليد كايلبسها: غادي للخدمة.. علاش محتاجة شي حاجة ؟
ردت: لا.. بحالا كترتي الزوااق لا ؟
قرن حواجبو وطلع فراسو الشوفة بالمراية قرايو: اش كترت
دفعاات ليه الپلااطو حتا كاان عليه غايتكفح وبغات تخرج من البيت شاادة فالدمعة بزز.. حط دااك البلااطو على جنب سد البااب مع حلاتو وجرها من خصرهاا بنظرات حادة فعينيها
نتر الجاكييط من يدها وخرج كايستغفر الله بهمس وحواجبو مخنزرة قبالتو
.. بركات فوق السرير مزيرة على اللحاف وقلبهاا كايعصر ويزير كلماا خممات فاللي كايوقع
.. غالطة؟ . ولا غير زادت فيه ؟ ..هاهي زبلاتها گاع، شنو تتصرف وكيفااش تغير طباع ترباات عليهم وكبراات، غرور وفشوش وحدر على نفسهاا من كل شيء.. مزيان تكون انانية.. ولا فشي امور خاص تفكر فالطرف الآخر قبل من نفسك.. خاص تبقا على حاالها ..ولا سي محمد مكايشبه حتا شخصية دازت فحياتهاا ويستحق تولي شفافة كليا معاه
رجع احساس نفضااتو بسرعة وناضت تخرج لكن ماقدراتش.. فضول وشك وتغرة فقلبها تتحكهاا كلماا بعداات ومارضااتش فضولهاا.. مقاومتها بااءت بالفشل وماحسااات حتا لقاات نفسهاا ضاارت لييه هزاتوو تتكتب الكود اللي عمرو تمحا من بالها ومع تفتح بداات فيه تتقلب بدون شعوور وقلبهاا كايضرب كلماا دخلات لشي محادتة معينة
خايفة ومرعودة غير بوحدهاا وفيه تتقلب وتسكاني..
كلما بغاات تمنع صبعهاا وتحبس التخربيق اللي تاديرو تتزيد تورك وتقراا لدرجة طلات على رسائل عاد وصلوه وباقي حتا ماقراهمش، لكن بعقل مرفوع ودماغ غير وااعي سكاناتهم كااملين وفخاطرها كادعي ماتلقا واالو ونهاية صدامتها معاه تسالي، تكون الغالطة ومايكونش حدسهاا صحيح ويكون هو مختلف على البقية
..مارجعات النفس وماهنا بالها وماسكن قلبها غير لما سالات وبقششات ليه على كلشي.. ارتاح الخاطر وبتنهيدة قالت الحمد لله.. مالقات عندو حتا مرا فالتليفون من غيرها هي والغالية.. لا مرت عمو لخدامة الدار لا احد مطلقا والباقي كلهم رجال وزن وشان وكلامو معاهم كلو احترام اغلبو خدمة والبااقي معايدات لمختلف المناسبات..
حطاتو ببال مهني وعاد البسمة ترسمات قليلا فقليلا على شفاهها مع قلييل من الإحساس بالدنب حيت شكاات،
خلات البلاطو تما ونزلات للتحت، لقات العائلة على طبلة الفطور مجموعة من غيرو هو وعمو اللي باقي فالسفر حاصل وقالت بلطافة
نسيمة: صباح الخير
ابتاسمات ليهاا عزيزة فحين الغالية ببشاشة ردت
الغالية: صباح النور ابنتي.. گلسي فطري
جلسات مكانها ومروان ناض مزروب كايشرب من العاصير و هاز پتيپانة معاه
مروان: الله يعااون الفاميلة
ابتاسمات ليه فيروز: بسلامة اولدي
الغابية: رد الباب للطريق و الله ينجحك
رد: اميين الميمة
خرج وخلاهم بتلاتة كايفطرو فصمت وكلهاا فين بالو سارح.. الا فيروز، عيونها على نسيمة مصوبة بابتسامة مستفزة وغموض واضح فنظارتها..
دارت ففمها اللقمة وشربات جغمة خفيفة من اتاي بعدها قالت موجهة ليها كلامها
فيروز: نسيمة ..امورك بيخير مع راجلك ياك ابنتي ؟
طلعات فيها حواجب مقرونة باستغراب ومولات شوفاتها للغالية عاد ردت
تشل لسانها وحماار ليهاا الوجه وتصمكو ليها الودنين بكترة ماصدمها كلامها وتقجات فيها النفس ماراضيااش تعرف بأسرارهم واللي زاد خنقها هو الموضوع تقال قدام الغالية اللي قلبات وجهها بغير رضى تتردد لاحول ولا قوة الا بالله فحين فيروز بااقة فيها تتشوف وتسنا جواب ..
لقات منين دوز ليهاا وعرفات من وجهها وترميشاتها الكتيرة انها حكات ليها على الضبرة ووركات
زيرات سناانها بعصبية وردت بتحدير: مرت عمي.. رااه سااكتة على وجه دوك الشيباات اللي تتقيلي تسبغي فيهم اماا جواابي مغاايعجبكش
ردت كاضحك: لا لا بااين الاحترام.. ماكايبقا فيا غير سي محمد مسكيين.. طلق جوهرة عمرها قلقاتو ولا خلاتو يباات ففراش من غير فراشو وخدا وحدة لامكانة لا تعامل لا أصل
شهقاات عزيزة وخااطرها ضرها من الكلام اللي قالت فحين نسيمة ترعدات داتها وعينيهاا خرجوو بحقد.. لكن الغالية هاد المرة اللي دواات وبنبرة حاادة غير معهودة فصوتها قالت
ردت ببرود: علاه الحاجة كدبت.. فيين عمرنا شفنا سي محمد فگاع تلت سنين من زواجو باين فشي بيت من غير بيتو غيير إلى كان مسافر وفين عمرناا سمعنا على شي مشكل وقع بينااتهم .؟
الغالية: لاا حول ولاا قوة إلاا بالله.. وااش اهاد البنت عاارفة شنو تتخرجي مع فمك
فيروز: كلام الحق هو هادا.. ومن الشهر اللول يباان البرهان هه
نسيمة غرسات ضفارها على كف ايدها مخنوقة فيهاا النفس وعينيهاا بغااو يدمعوو من العافية اللي شعلات فصدرها.. تمنات تغززها بسنانها لكن نااضت من الطبلة بسرعة طاالعة لبيتهاا وعزيزة تبعااتها تتزرب ..
خبطات البااب وبركاات فوق السرير تاطيح دمووع ضببو عليهاا الشوفة ومخففين من العافية اللي شعلاتها فيروز فداتهاا..
فتحات عليها عزيزة الباب مخلوعة عليهاا وخايفة.. مالقات ماتقوول والا باش تواسي من غير أنها تبرك حداها فصمت وايدها على ضهرها تتمر بحنية ونسيمى سااهية تاطيحهم سياالين من كل عين ومعاني كلامها تايطلع معاها وينزل بحال الشوكة منينما داز يجرح ..
تدق باب البيت وضارت ليه تتمسح وجهها بسرعة
نسيمة: شكون
فتحات الغالية الباب بملامح جدية و دخلات:
بنتي عزيزة.. خليناا ابنتي بوحدنا الله يرضي عليك
ناضت بانصياع وعينها على نسيمة: واخا الالة الغالية
خرجات وخلات الغالية دخل عندها و حداها تبرك متنهدة بحيرة وتاتشوف منين تبدا الكلام
. نسيمة ماهزاتش العين جيهتها والحيرة ملازماها.. ماعرفات كيف تتصرف ولا شنو ممكن تكون كاتفكر من جيهتها حتا نطقات بشيء من الحنية فنبرة صوتها وكلامها جاد
الغالية: مسحي دموعك ابنتي نهضر معاك شوية
زاادو نزلو وشافت فيها كاتنخصص: تيقتيهاا يااك امي الغااالية
الغالية: رجوع الله ابنتي وااش قلت شي حااجة.. واامسحي دموعك الله يرضي عليك
ردت: رااه كلاامها كلو افترااء و ماااشي بصح وااش انا غاانجري علييه من بيتووو؟! عااد الباارح تغدينا مجمووعين فالبييت وخرج خلااني كانلعب مع نسوم وعمر.. صاافي تعطل الوقت ولسقوو ليا فالفراش وانا ننعسهم حدايا.. ورااه شفتي حتاا العشا مجااش لييه بسبااب الخدمة و تعطل بزااف وملي وصل ولقاا السرير عامر.. مشا لبيت عمر.. هادشي اللي كااين
تنهدات الغالية والكلام اللي سمعات ماقنعها.. مع دالك رددت لا حول ولا قوة إلا بالله وضمات ايديها تتخمم
دوزات ايدها على شعرها بحنية وبشاشة قالت: سي محمد ابنتي كايبغييك.. من صغرو ونتي هي البنت اللي كايحلم يكمل معاها حياتو وربي استاجب لدعواتو وحطك ليه فالطريق.. هو راه يصبر معاك حتا يتعدا الصبر الحدود.. ولكن راه تاإنسان مكامل ابنتي وسي محمد نهار كاينفر راه لحمو وماكايبقااش حاملوو.. من النوع اللي كاايبغي رااحة الباال .. مهدن ومؤمن بقضاء الله ومتاقي فالناس وجه الله .. ماشي ابنتي كانشكرو ليك ولكن الكدوب حرام، الي فيه رااه نگوولو وبحالو بحاال جميع الناس عندو اغلاطو حتا هو
ردت بفضول: بحالاش ؟
كملات: بحال الى درتي ليه شي حاجة أولا غلطتي فحقو.. راه كايفوت الموضوع ويدوز عليه.. ولكن ابنتي راه مكاينسااش، بحال موضوع العرس رااه واخا يبان ليك سكت ودار عين ميكة رااه ولدي وانا عارفااه، كايخلي حتاا يبرك مع نفسو ويبدا يخمم فالحااجة مزياان ويرجع حساباتو.. سوا فالخدمة ولا مع النااس ..
تايصبر اييه بالخصوص لاكان كايبغي داك الإنسان.. ولكن الصبر ليه حدود وفاش تتوصل المسألة لنفسو رااه ابنتي غضبو ماعندي مانقولك عليه خاايب وتايوصل لشي حوايج تايضروه هو اللول عااد الناس اللي ضايرين بيه
حنات عينيها بزفرة: لهلا يوصلنا لدوك المواصل
ردت: امييين.. تانتي الله يرضي عليك ماتخليش للناس منين يتشفااو وماتخليش مشاكلكم تخرج من حيوط بيتكم.. ماتولفييهش على الغضبة والمباتة برا بيتك رااه ماكدبوش اللي قالو الولد علاش تربيه والراجل علاش تولفيه.. الى خليتيه يصووم على الهضرة نهار وجوج وتلاتة راه غايولف وغاتلقااي معاه مشكل من بعد.. غاتولي هضرتك زايدة ناقصة ماعليها ملحة وسوا سكتتي ولا لا مايهموش.. ياك فهمتيني
حركات راسها بالايجاب: فهمت امي الغالية
ردت: هو راه حنيين كلمة وحدة تنسييه وتخليه يسامح ..متايشدش فالموضوع وماعزيزش علييه يحكر على المشكل وكايقلب على السلاك ومنين يطفي العافية ويهدن الجو.. ولكن كيف گلت ليك راه مكاينسااش بالزربة.. اللهم حتا لااكنتي غاتزبليها ديري بيناتهم وقت يسرط اللولة بعدا عااد زيديه التانية هههه
ضحكات بسرور: الله يرضي عليك ههه يالله هاني غادة نخليك ترتاحي شوية .. فكري فهضرتي مزياان ولاا حتاجيتي اي حااجة باب بيتي دييماا مفتووحة لييك مانسمحش ليك لاماجيتيش عندي
باست ايدها بابتساامة هادئة والغالية خرجاات سادة الباب وراها..
باست ايدها بابتساامة هادئة والغالية خرجاات سادة الباب وراها ولغرفتها توجهات و دخلات تتستغفر الله .. صلات صلاة الظهر فاش وصلات وقيتتها وفاش سالات هزات التليفون وخرجات نازلة للصالون الكبير فالڤيلا و تتجربو واش غايخدم ليها ولا باقي..
دارت راسها قطعات وضاارت دااخلة للفيلا طالعة لبيتها مرة أخرى ومخلية فيروز محلول فمها على الآخر وابدا ماتوقعاتش تعاود ليه وعليه تشكي
نااضت تتزرب لايحة المجلة من ايدها وللفيلا داخلة وتردد بالفقصة
فيروز: بنت الحراام ولاات تتشكاا مني ..ولكن غيير بلااتي بيا ولا بيها
دخلات لغرفتها وهزات تليفوونها الخااص كادوز نمرة سي محمد وتحنحن باش صوتها يرقااق..
مع اول رنة تقطع الخط فوجهها.. عاودات مغوبشة ونفس الشيء وقع مرة ومرة ..تصرف وقح عمرها شاافتو من سي محمد الشي اللي خلا صدمتها تتضاعف والخوف يركبها
فيروز: قطع فوجهي!!!؟؟؟
.....
فبيتها بااركة براحة على الفوطوي قدام السرير.. شرباات جغمة من كاس العصير باارد وعااد حلا ليها تاكل فرااحتها الفطور اللي مكملاتوش لتحت هي وعزيزة اللي قدامها باركة .. عين على الطبلة وعين على تليفون سي محمد اللي كلما صونا تاتمد ايدها وتقطع بدون تردد وتمسح المكالمة فالبلاصة مع قهقهة خفيفة مستمتعة باللي كادير ..خلات عزيزة يدخلها الشك وتسول بعد صمت مااقدرااتش تطول فيه
عزيزة: وااش الالة تليفون سيدي محمد هاداك ؟
ردت: ممم هو
بفضول: وعلامن تتقطعي من قبييلة؟؟
ردات ضهرها للوراء بابتسامة براقة: على واحد اللفعة غاتلوح راسها للعافية بيدها احبيبة..ولكن مزيان .. منها تعلم تشد لساانها ..ومنها حتا هو يتعلم يشد رجليه ومايبات الا ففراشو
شرباات مابقا فالكاس وقالت: من بعد ونفهمك.. غير هو خليك على طبيعتك وفاش يوسلك شي واحد سرسبي كلشي بلاماتنسااي حرف واحد.. واخا عارفاك ماتحتاجي وصاية ولكن على الأقل نفكرك هههه
كملات فطورها تاضحك وعزيزة الفضول واكلها وفيها كايهبش حتا مابغات تسرط ليها اللقمة وحدها تتشوف فيها وتبربق فعويناهاا..
ردت: يكون خيير ههه يالله نخليك شوية وتلقايني حدا الباب
حورية: الله يوصلك على خير ابنتي سلمي على مالين الدار
ردت: مبلغ ..بسلامة
كملات فطورها بسرعة وناضت للپلاكار تشوف شنو تلبس ومن حوايجها تتخير .. جمعات عزيزة الماعن وللتحت نزلاتهم وبدات تعاون حياة فتحضير الغدا .. بلا إرادتها وكل حين تادور تشوف جيهة باب البالكو وبسمة مسروقة على شفاهها الخجلة مرسومة، احيانا تدكر غزلو الغير مباشر أو كلامو المبهم واحيانا عصيبتو وتكشيرة ملامحو الوسيمة..
گلسات تتقطع الخضرة وبينها وبين راسها تاضحك بلا ماتفطن ولا تحس وتشوف فيدها اللي عليها تطبعات أول قبلة رجالية فحياتها
..........
دارت لشعرها ضفيرة مرخوفة مخلية البعض من خصلات شعرها على وجهها نازلين.. لبسات دجين زرق مع تيشورت اسود خفيف وبوليرو من الفوق فايت الركبة و نفس اللون لكن شفاف من ليدين..
ضورات عليه سمطة بيضة رقيقة مبينة خصرها المنحوت ولبسات صباط طالون لونو بيض متلت مغطي رجلها كاملة وطالع للگدم
.. هزات ساك اسود بسمطة طويلة دارت فيه تليفونها والبزطام وخلات تليفون سي محمد محطوط فين خلاه بعدما مسحات جميع المكالمات تاع فيروز عاد خرجاات من البيت فإتجاه غرفة الغالية..
دقات ودخلات تتنادي عليها ساعة لقات البيت خاوي ..
سداتو ونزلاات فإتجاه الصالون متبسمة وعينيها كايدورو بحدر.. حتا تأكدات مكاين حد عاد لعندها دخلات وقالت
نسيمة: السلام عليكم
طلعات فيها عينيها وقالت: وعليكم السلام ابنتي ..واش خارجة؟
ردت: كوني هانية و سلمي على مامااك وگولي ليهاا تزورناا مرة مرة
ردت: مبلغ وحتا هي راسلمات عليك ههه بسلامة
الغالية: مرحبا بسلامها ابنتي الله يعاونك
خرجاات من الڤيلا وخدات طاكسي من الشاريع ...
بعد دقائق وصلات لدارهم هي وخوها اللي دازت عليه فطريقها وجابتو من مدراستو
..قادات ليه كول الشوميز الي لابس بابتسامة وطول الطريق وهي تتفهمو هوما فين غادين وعند من بالظبط وتاتعمد تكرر كلامها باش يفهم ..حتا وصلو للباب وطلعات ايدها كادق
ازهرة: السلام.. كاين شي غدا رانا مزروبة
حطات الساك فوق الطبلة وبركات كاترتاح وتزفر بتعب
حياة: موجوود.. مابقا والو ويدخلو مالين الدار ديك الساعة نحط ليك
زهرة: مي الغالية فبيتها ؟
ردت: آه عاد طلعات.. فكرتيني.. مروان رجع؟
ردت: جينا فطريق وحدة ..علاش؟ يااكما حتا هو ماتيقتييش كلامو وغاتزيديني شوهة على شووهة
خنزراات فيها: ديريهاا غازوينة ابنت كرشي توصل توصل
ميقاات تتنفخ: ايوا الله يستر
حياة: بلاصة ماتبداي تنفخي علياا نووضي علمي الولد يطل على جداه راه بغاتو
وسعات عينيها بسرعة: علاش مالها
ردت: خسرات ليها شي حاجة فالتليفون وخاصها تصيب
تبسماات مطلعة حاجب وقالت: اها واخة.. ههه هي دابة
باستها بخفة حتا مافهمات فيها واالو وطلعات مع الدروج لبيت الغالية.. دقات الباب بأدب وتسنات حتا عطاتها الادن عاد فتحاتو وطلات عليها
قاطعها بعصبية: اش جاب التقة لأني كانغبير عليها وخاايف يتلقاا ليهاا دااك قلييل الأمر مرا خراا ولا شيي وااحد خر
ردت بتنهييدة: برد اسي محمد.. برد اولدي وگول أستغفر الله العظيم
هبط وجهو كايمسح عينيه بنرڤسة ويردد بصوت هامس: أستغفر الله العظيم
سكت كايزفر ورجع شاف فيها وقال بأسف:.. سمحي ليا الحاجة رفعت عليك صوتي.. ماعرفت مالي هاد اليووماين تبرزييط الخدمة و.. المرض صافي
طبطبات على كتفو بهدوء: الصبر اولدي .. اللي زرع شي حاجة راه كايحصدها نتاا غير سير على نيتك وخليك دييما غادي فطريق الحلاال بحال المرحوم الله يوسعها علييه
رد: اللهم امين
الغالية: ربي غاييسر من عندو.. وحتا مرتك اولدي صبر معااها وزييد فالصبر راه هادشي ديالكم ماابقاشاي عاجبني..
وااش باقي عااد گلتو بسم الله بدات المشاكيل
جمع حجبانو بشك: مافهمتش ؟؟
ردت: لا رااك فهمتيني وعارفني مزياان هلاش كانهضر..
البنت اولدي بااغا صغييرة وعاد بدات فالعشرين..
ماعندها ام تفقهها ومااعندها تجاارب قبل، تسحاابها بحاالك؟ راها مسكيينة تطور حتا تطور فبحال هادشي تانوليو حنا العيالات بحاال خبز ربي فطگو وبعد سنوااات عاد كانتعلمو الزواااج شنو هو وشنوو هوما مسؤولياااتو
تنهد من أعمااقو مدور وجهو بشوفة ساهية وودنيه عاطيهم للغالية..
كايسمع بتمعن وملامحو كايتغيرو نتيجة تأترو بكلامها ولدماغو تايطلع حرف بحرف وفيهم يحلل
الغالية: ايواا سااعف اودي سااعف وزييد فالصبر.. ايييه صعيب الحال وحتا شخصية مرااتك صعيبة.. ولكن نتا هاكداك بغيتيها نهار اللول وااش عاد دابة فاش ضربتو الكحل فالبيض بغيتيها تتبدل ؟
زاد كمش حواجبو مهدئ نبرة صوتو الرجولية: ماقلتش الحاجة خاصها تتبدل .. أنا ما ختاريتها الا وباغيها بهاد الطبع وكلشي فيها.. بلا ماتشغلي باالك من هاد الناحية.. إن شاء الله فاقرب وقت غانحلو گاع هاد لأمور
الغالية؛ على رااحتك.. عارفاك ماباغينيش ندوي فهاد الشي ولكن هااد المرة خااصك تسمعني و دير بكلامي
رد: إن شاء الله
الغالية: هوكاك الله يرضي عليك .. راه اولدي مرااتك عااد عرفات معنى الزواج معاك شنو هو،
غاتكون عارف بزواجها اللول كيفاش كاان ولولا ديك الورقة ماتسماش گااع مزوجة ..ونتا بغيتيها تعلم كلشي من السيمانة اللولة وااه اسي محمد ماكنتيش هااكة
..فكر بعقلك اولدي وعررف كيفااش تقرب من مرتك كتر.. الزكاار والغضبة ماعندهم بااش يفيدووك رااه الى ماوريتيهااش نتااا ومافقهتيهااش فهاد الأمور ماعندها منيين تعرف..
أحييني بشوقك الجزء 20
محتوى القصة
التنقل بين الأجزاء