انور: آه..زعما عمرك حسيتي بشي حاجة فشكل هاكاا مع شي وااحد ؟
جبدات حنكها تتويل وكلها حمارت: لا لا لا ويلي يااسيدي حشوومة
حك جنب لحيتو ومع حركااتها مركز وكايحلل: وعلاش حشومة
عزيزة: حيت حشومة وصافي
انور: بالعكس الحب شي حاجة وااعرة وصعيب تعاش.. قولي الى كانت شي حاجة قبل عاادي غيير عاودي لياا وتاناا نعاود لييك ههه المهم نتعااودو
قلبات عينيها محرجة منو: ب بصراحة اسيدي عمري..وتاا لاكانت والله حتا تقجني لايطوو ولا سيد الحاج وااحد فيهم
قوص حواجبو: وشكون هادو
ردت: لا يطوو هي هادييك اللي كانت معانا فالداار..حاسباهاا بحاال مي الله يحفظهاا لياا ولكن داابة سافراات لدارهاا.. وسيد الحااج هو اللي كنت خداامة عندو قبل مايدخل للحبس
دورها فدماغو: كاتقصدي هادااك اللي كان بغا يخطف نسيمة
ردت: هو اسيدي الله ياخد فيه الحق وصافي
رد: ممم.. ونتي كيفاش كان كايتعامل معاك
تنهداات منزلة عينيها بأسى: الصراحة مااشي مزيان و غير تايغوت الله يحفظر السلامة.. ولايني اسيدي هو هاكااك مع كلشي دييماا كايغوت وهاز نيفو للسماا
زاد فحدة الغوباشة ونطق: ولد القااف..
عزيزة: الحمد لله دابة كلشي تصلح.. ولله الحمد
تنهد وقال: وغاايزييد يتصلح كتر.. خاصك غير نتي اعزيزة تبغي
ضربات الطم تاضور كلامو فدماغها والسيرڤور جااي وجايب معاه كريريصة صغيرة محطوطة عليهاا مختلف الأطباق اللي طلبو..
أنور ملوي لسانو وسط فمو فحيرة تاايقلب كيفاش يوصل ليهاا الموضوع وعزيز مع شافت السيرڤور جااي ممحن وجارها بحدر نطقاات
سكتات تتنهد وجزئيات فهماات الأمر.. لكن قبل ماتكلم سمعاات باب الڤيلا تحل وصووت الرجال داخلين مع ترحيبات الغالية وحياة
عزيزة: جا عندكم شي حد
ردت بسرعة: جا محمد مع عموو وخاصني نقطع.. شووفي على الأقل گولي ليه يخلي ليك فين تفكري.. حتاال العشية وندوييو حيت ممكن ماتلقاينيش فالداار
عزيزة: علاش الالة
ردت: غانمشي نشوف ديك خيتي من الصباح وهي تتسنااني .. مهم نتي دوزي خرجتك مزياان دويو وتناقشو ولكن موضوع الزواج ماتحسمي فيه الأمر حتاا نتناقشو عليه.. واخا احبيبتي
عزيزة: وشنو فيه ماايتناقش الالة..رااه كلشي باين بلا مانزيد عليه مسكين
وقفات جنب حياة حاطة عين على الغالية اللي من شوقهاا تتعنق فعبد الجليل اللي عاد دخل وعين تتقلب بيهاا على سي محمد ماعرفاتو فين زاد حتا سمعاتو نازل من الدروج وهاز فيدو بنتو نسومة..
مشات لعندو بابتسامة تسناتو حتال عندها وصل وقربات لحنكو الملتحي طابعة عليه قبلة دافئة ورقيقة ..
على شفايفو ترسمات ابتسامة عريضة وسط تعب ملامحو وهي عيونها تتبرق وصوتهاا هادئ
نسيمة: على سلاامتك
طل بعينو على العائلة ياكما شي حد
فيهم كايشوف عاد ردها ليها بقبلة سريعة لشفافها وقبل ماتبدا بنتو تهرنن بعد والضحكة فعينيه
سي محمد: الله يسلمك ههه هاد المرة مستقبلاني گااع
قلبات شفايفها: يااك هي مكانستقبلكش گاع
رد: والكدوب حراام ههه ولكن بادرة زوينة احبيبتي
قاد ليهاا شعرها بحنية وهي ردت: عطيني نسوم وتعالى تتغدا.. وجدت ليك گصعة من داكشي
خنزر فيها عاد جمعات الضحكة وتبعاتو لطبلة الماكلة.. برك بلاصتو وبركات حداه متبادلة نظرات الحقد مع فيروز الي وعينها باستهزاء تتمشي لراجلها .. دخلات ليهاا الشك وولات حتا هي دور دور وتشوفيه و كل مرة تشرب من كاس الما حداهاا
سي محمد: يالله، بسم الله
انور وقف بسيارتو جنب الشاريع مبعد شوية على الڤيلا..
حيد السمطة وحتا هي نفس الشيء ومع هزات ساكها تنزل شد فايدها الباردة وسط يدو حتا فيه شافت كاتحدر رموشها بخجل خايفة شي حد يشوفهم
أنور: غدا غانصوني ليك .. واخا
حركات راسها محرجة منو: و واخا اسيدي أنور
باستهزاء: باقي ماهداك الله هه
عزيزة: تاننسا
رد: ماعليش.. فكري مزيان فالموضوع اللي هضرنا عليه وخودي القرار الصح
ردت: واخا إن شاء الله.. ننزل؟
بعد ايدو ببطء ماساخيش منها وغير كايتنهد.. نزلات بعقل مرفوع مزيرة على الساك وراسها عاطيها الحريق..
...............
سدات باب الپلاكاار بعدماا جبدات منو كسوة سوداء طويلة بصدايف كبار بيضين وشريط بنفس اللون على الخصر كايتعقد..
تكا على السرير بعدما بدل حوابجو وفيها شاف عاقد حجبانوو ولحداه كايشير
سي محمد: ماعييتيش بالوقوف، تعالي حداياا نريح حبيبتي شوية
شد فايدهاا بحب: ورا ديك الگصعة شكوون يقدر يركز فشي حاجة مازال هههه تعالي نطيب بيك نعاسي هههه
نسيمة: عجباتك بعدا يااك
رد: مادام طيبتيها نتي.. كيف بغيتيها ماتعجبنيش
نزلات وجهها وفايدو تتلعب بصبعها وتعاود: تعقل واحد النهار كنت جيت لعندكم وصيبت واحد الديسير بارد؟.. واقلة گااعما عجبك ديك النهار
قوص حواجبو: ماعقلتش.. ولكن مانضنش يكون ماعجبنيش
هزات كتفهاا بغنج: ايوا علاش كلهم شكروني عليه حتا من عمك ..الا نتا
ضحك مطلع راسو وهز ايديها كايبوسهم: ههه حيت اي حااجة من هاد ليديداات كاتكون حلوة وليهاا طعم مختلف.. بحال القهوة، صيبتيها ليا مرة وحدة ومن تما مابقات حلات لياا من غير ديالك
تبسمات برضى وهو جرها من خصرها لعندو ناوي يتكيها حداه حتا منعاتو بلطافة
نسيمة: محمد.. م مانقدرش ننعس
نعس فيهاا عينيه: علاش مال حبيبتي..
قرب عندها ناوي يبوس ساعة بعدات وبحرج قالت
نسيمة: خاصني نخرج ضروري
هز راسو: تخرجي؟ فين
ردت: لعند ماماا وصافي بغاتني فشي حاجة ضرورية
سي محمد: ايوا تسناي احبيبتي حتا نرتاح شوية ونديك
ردت بسرعة: لا لا مانقدرش غاتكون كاتسناني فالداار واصلا تعطلت عليها
قلب وجهو وعليها ناض: اللي عجبك
تكا فبلاصتو وهي قربات ليه: بلا ماتقلق، انا شوية ونرجع كون هااني
باست حنكو وهو ببرود ربع ايدييه وفيها كايشوف ويرمش بالتقالة..
ردت: آه غير الدار.. عمر خليتو ناعس بوحدو ومقلق عليا شوية ..انا غادة
هزات ساكهاا وخرجاات بلا ماتشوف جيهتوو مرة اخرا.. قلبهاا كايضرب ونظراتو شككوهاا فنفسها وخلاوها خارجة وتمتم
نسيمة: ياربي غير مايشكش.. ياربي
خرجات من الڤيلا متوجهة للشاريع منين تشد طاكسي وعينيه سي محمد من البالكو عليهااا.. نظرات غامضة مبهمة وتتحير الناظر، حتا على عينيه غابت عااد دخل تكا فبلاصتو ووجهو فالسقف كايشوف لمدة .. ارتاح جسمو وحس بالوقت دااز عاد ناض مرة خرا جبد حوايجوو كايستاعد يمشي لشغالو
................
نسيمة: وشكوون هاادي؟
ردت المرأة: غيتة المغرااب اختي.. مزوجة بواحد عندو نفود فهاد البلاد ووزنو تقييل ولكن على ماسمعت مافيدوش فاطلبات الطلاق
عوجات فمها تتفكر: ممم.. ايوا وباينة بيناتهم شي حاجة
ردت: الصراحة السيدة ديما داخلة خارجة من عندو.. ولايني هو الالة الله اعلم هادا حالو مع گاع البنات
نسيمة: ومرتو عمرك شفتيها
ردت: شفتهاا واحد النهار والله يسمح ليا الصراحة النفس تتهرب منهاا.. لازين لامجي بكري
ردت: اييوا كل فولة ليها كياالها.. وهاداك هاد النوع هو اللي يواتيه هه
ردت: وااا الصراحة دالله سي كمال زوين عليهاا الصراحة تقال.. هي لسانها سلييط ووجهها مليط جامعاهم بجوج، ولكن باينة فيهاا تتبغيه
نسيمة: عندك نمرتها؟؟؟
قلبات عينيها تتمعني ليها: احم يمكن عندي
نسيمة تنهدات ومن بزطامها جبدات 200درهم.. دفعاتها ليهاا عاد لخراا بضحكة عريضة هزات تليفونها تتجبد منو النمرة وتدوي
...: هانا غانجبدها ليك، كانت عطاتها ليا بااش نبقا نعلمها فااش تكون جااية عندو شي وحدة مشبوهة للمكتب.. خصوصا لاكانت سميتهاا نسيمة
طلعات فيها حاجب: علاه شكون هاد نسيمة
ردت: الله اعلم اختي.. المهم اكدات لياا اي وحدة سميتها نسيمة نعلمها.. يمكن شي صحيبتو .. هاهي نمرتهاا
هزات تليفونهاا قيداتهاا باسم عشوائي ورداتو لاساك: دابة مزيان.. عاودي ليا بعدا، هااد غيتة مالها مع راجلها
ردت: تايضربهاا على ماافهمت.. مابقاتش قادة تصبر وبغاات طلق وطلع منوو فلوس صحاح
بتفكير: ممم.. وكمال باينة حاط عليها العين
ردت: بجوج هاكااك الالة.. شي مرات تتجي عندو بالليل كلها مغطية هالنظاظر هالطاقية هالزيف.. وكاايخرجوو بجوج كل واحد فطموبيلتوو باش مايشككو فيهم حد ولكن رااه باينة حاط عليها العين وتاهي هاكداك
ردت: ادن القضية سااهلة.. وداابة عااد غاتبداا خدمة الصح
ردت: اللي هي
حيدات كاس القهوة من قدامها وعندها قربات بجدية وايديهاا معقودين: بغيتك تحلي معاياا ودنيك مزياان باش نساليو هادشي فهاد لياام .. وقبل مااتبداا الجلسة ديال ديك خيتي
كمشات حجبانها تتسنط وكل مرة ملامحها تتغير على إتر كلام نسيمة وتخطيطها الشيطاني..
دقايق دازو غير كلاام واوامر تفهم وتعاود باش مايوقع حتاا غلط.. عااد ردت ضهرها للور وقالت مطلعة حاجب
نسيمة: فهمتي
ردت بحيرة: آه فهااامت.. ولايني هادشي شوية كايخلع
هزات كتفهاا: مكايخلع وااالو.. حنا ماكادبيين على حد مظالميين حد اللي كااين غانبينووه ومسكين داك الرااجل ومرات داك ميخي غانبينو ليهم غيير الحقيقة
ردت: ماعرفت اختي كوتر.. خلي حتاا نشووف
نسيمة: بعد غداا خاص يكون عندي هاادشي اللي طلبت بااش نكونو فضينا حساباتنا.. و طبعا ماشي فابوور، فلوسك غاتاخديهم متنية ومتلتة
نزلات من الطاكسي بعدماا وصلها حتال باب الڤيلا.. خلصاتو وهزات ساكها وكراطن الحلوة.. دقات فباب الڤيلا وصونات حتا فتحات ليهاا حياة وبداات تهز عليهاا التقل
نسينة: شووكرا.. دخليهم حتال الكسكروط .. ياك بديتو توجدو فيه
حياة: آه الالة هاحنا تانوجدو فيه
نسيمة: عزيزة معاك
ردت: خليتها تتعمر فأتاي
نسيمة: انا ناازلة عندكم..
وجدي ليا عافاك كاس الحليب بالشكلاط لعمر ..
حياة: واخا الالة
...
خلاتها دخلهم للكوزينة وهي طلعات نيشان لبيتهاا بعدماا مرت على فيروز وعليها رمات ضحكة مستهزئة مدخلة ليها الشك اكتر..
فتحاات الباب ودخلات تتوزع عينيها على الغرفة.. حطات الساك فوق الطبلة وفكات شعرهاا بتعب تتفركو بأصابعهاا عااد خرج سي محمد من الحمااام لابس شوميز كحلة اصدافها محلولين فوق دجين كحل وسبرديلة كحلة..
طلع فيها حاجب قبل مايتقابل مع مراية طويلة جنب السرير ويبدا يسد ليها صدايف قاميجتو.. ناطق بهدوء
سي محمد: على السلامة
شافت فيه تاطلع وتهبط: الله يسلمك ههه مالك مكحلها على الوقت اليوم
رد: ماجانيش زوين.. نبدلو؟
ردت: لا لا غزاال غير ضحكت معاك هههه
توجهات كاتقلب فالپلاكار على باش تبدل وهو فانعكاسها من المرايا تايشوف.. نظرات ساهيين بترميشات تقاال حاضي تفاصيل وجهها..
جبدات الپيجاامة وفيه شاافت تتبدل
نسيمة: مالك تتشوف فيااا ؟
غمزها: مانشوفووش
نسيمة: ههههه
توجهات لعندو تتخمم وقالت: دويتي مازاال مع عمك
تنهد وقال: عاد نااوي.. فااش رجع من السفر تلاقينا انا ويااه فالطريق وخليتو يرتااح بعدا
ضار هز الساعة ديالو: مكاين مايدار، ببساطة هو فطريقو وانا فطريقي .. "شاف فيهاا" التقة انسيمة الى مشات حتا تزعزعاات .. مابقات حتا معنى للعلاقة
طولات فيه الشوفة وردت : بصح عندك الحق..
سي محمد: جاني عمي ودمنا واحد.. اما كنت نندمو من شحال هادي.. مااعليش دابة.. الأهم هو يبعد على شغالي ويقلب على خدمة جديدة
نسيمة: ولكن مي الغالية..
سي محمد: الاهم دابة هو الحاجة.. مخاصش تعرف بهاادشي
نسيمة: إن شاء الله يكون خير
سي محمد: إن شاء الله.. يالله ننزلو
تبسمات: نبدل حوايجي ونتبعك
باس جبهتها برضى وقال: مستور.. صافي
نسيمة: هههه واخا اسيدي
رد: الله يرضي عليك.. وماتعطليش
خرج نازل عند العائلة بينما هي غيراات حوايجها ببيجامة دو پييس عبارة على سروال عريض باللون الاسود مع شوميز كم حريرية بصدايفهاا و ملابس داخلية خاصة بيها..
دخلات لبيت خوها عمر تتبسم وتهضر معاه.. جمعات ليه ملوناتو وفمكانهم الخاص ستفاتهم ليه، لبسات ليه حوايج نقيين بعدما وسخ لخرين وداتو معاها لتحت..
طلات بشوية لقات العائلة كلهاا مجموعة فالصالون من غير عزيزة وحياة .. قلبات الدورة للكوزينة دخلات لقات حياة وعزيزة على براد اتاي مجموعين وقالت مبسمة
نسيمة: مسا الخير
ناضت حياة مبسمة: مسا النور.. رآه حطيناا الكاسكروط فالصالون الالة ..وهااهو حليب سيدي عمر
خداتو من عندها بامتنان: ربي يخليك اختي وسمحي ليا شقيتك
تنهدات: عزيزة.. أنا عارفة داك الراس شنو تايضور فيه وفاهمة احساسك مزياان.. ولكن احبيبتي خاصك تفهمي أنك نتي ماشي هي مااما.. وماما ماشي هي نتي
عزيزة: انا الالة ماشي تانقلل منها ولا شي حاجة حاشا ولله.. ولكن لبس قدم يواتيك.. وسيدي أنور مافيه مايتعاب ألف وحدة تتمناه.. غير هو انا مانصلاحش ليه
نسيمة: ياااك اختي.. علاه نتي ماالك بالسلامة؟ يلقاا قلب بيض بحاال ديالك.. ولا زين بحاال زينك وطيبوبة بحال تااعك.. فيين كااينة هاد الصفات كااملة من غيرك نتي الهبييلة فيين يلقااهم
عزيزة: واخا هاكاك الالة.. سيدي أنور.....
قاطعاتها: ويلي على سيدي منين جااتو سيدك ااختي.. تي وااش غيير سكتت ليك على لالة نسيمة وليتي اللي تلاقيتي معاه تقولي ليه سيدي ولاالة؟؟
سكتات حانية الراس وبأسى تتنهد.. زفرات نسيمة بضيق على حالها و عينيها قلباات تتبرد من عصبيتها باش تقدر دوي.. شافت فيها بعد لحظات من الصمت ورجعات قربات شادة فايدها بحنية ونبرة هادية نطقات
نسيمة: ختي عزيزة.. عااارفة منااش خايفة.. ولكن رااه ماعندها حتا معنى تفكري بهاد الطريقة
قلب وجهو كايزفر: أستغفر الله العظيم "رجع شااف فيه مبرد دموو وبنبرة جادة قاال" تقريباا قبل تلت ياام هاادي، جااو أصحاب البنك على قبل الكريدي اللي كنا درنا عندهم.. الكريدي اللي كل شهر كنت تانعطيك ملاين صحااح باش تخلصهم حيت تايق فيك .. وشنوو درتي نتااا اعمي .. نضتي كااتسرقني وتخلي الفوائد تزاد، حتاا وليت غاارق فالديوون وباقي لدابة وااحل مااعرفت شنو نديير
صفااار وجهو بالكاامل وفمو جف: ك كنت كاانخلص بيهم شي اموور خاصة ييااا مااشي كاانسفرر
خنزر فيه: أمور بحالاااش.. القمر؟ ولا عائلتك التانية
تفاجأ بل تصدم من أن سرو تعرف وبفعايلو كلهاا عاق
.. مابقا ليه مازاال فين يزيد رجليه فشلو و جا باارك على كرسي المكتب بوجه صفر وعينين داخلين تحت نظراات سي محمد الجدية وحاجبو طالع بحدة
سي محمد: دابة كلشي تكشف وبان.. التقة اعمي اهم حااجة عندي تكون كيفماا كنتي.. ونتا اليوم خسرتيهاا.. مابقا عندي ماندير ليك
طلع فيه الشوفة بزز: ايمتاا عرفتي
رد: ماشي مهم.. المهم عرفت كلشي ومابقا مايتخباا
رد بخوف: غاتگولهاا ليهم
وقف: بينك وبين مراتك ماسوقيش.. غير هو الحاجة خط أحمر، نهاار نعرفهاا ساقت الخباار لهااد الشي غاتشوف مني وجه آخر اعمي..
حناا راسو ماراضيش: انا.. ما..
قاطعو: ماعندك ماتگول مازاال.. غدا دوز خود مسائلك من المحل.. والله يعاون
نااض يخرج فحاالو هو ينطق عبد الجليل بنبرة خافتة
عبد الجليل: فيروز ماخاصهاش تعرفش.. غانمشي فيها إلى وصلو ليها الخبار
سي محمد: انا گلت اللي عندي، بينك وبينها ماسوقيش.. غير هو عافاك دوي معاها تعطيني بالتيسااع انا ومرتي وماتبقاش تدخل فيناا.. حسن ماتشوف مني شي تصرف ماهواش
شاف فيه بعدم فهم: كيفاش؟؟
رد: هي عارفة شنو دارت.. مابغيتش نقصح معاها الكلام حيت كنت معصب بالجهد وتاتبقا مرات عمي والسيدة اللي رباتني صغير.. اللهم دوي معاهااا نتا فبلاصتي تفهم راسهاا وتشد تيقارهاا شوية
حرك راسو كايتنهد: واخا اولدي.. واخا
سي محمد من المكتب خرج كايمسح على وجهو وتخنزيرة حادة بين حواجبو
.......
تأخر الوقت والكل لبيتوو دخل ساد عليه باابو والسقيل فالڤيلا .. عزيزة جرات غطاها وتحتو تخشاات ساهية فالسقف وتاتخمم فأحدات هاد اليوم..
حدت مميز عمرها توقعاتو ولا على بالها طاح.. ومع شخص عمرها توقات منو هاد التصرف..
أنور: لا لا انا سايگ غادين نشدو واحد الكانيبال، ولكن غير دوي بيما وصلت.. ياك لاباس بعدا؟
لعزيزة: ا ل لاباس الحمد لله.. غير هو بغيت نسولك
رد: علايااش
سدات عينيها ونطقاتها: علاش انااا
زاد قوص حواجبو: علاش شنو؟
سكتاات وخلاتو محتار فأمرهاا وراسو ضرو:
عزيزة ؟؟؟
بصوت خافت ردت: هانا معاك اسيدي أنور
سكت بدورو كاايضور كلامهاا فالراس وقال بتهكم وحاجبو طالع: واش ممتيقانيش ولا شنو؟
عزيزة: ماشي هاكااك.. ولكن علاش انا.. شنو فيا من دون گاع البنات
انور: عارفة القل**** شناهي؟
رمشات تتخمم حتا رجع قال: فاهماهاا؟
عزيزة: لا.. ولكن شي كلمة متاندويوش بيهاا بزاف واقلة حيت قليل فين تانسمعها
أنور: المعنى
عزيزة: ماعارفاهش اسيدي
بسم بجنب فمو: ايوا الالة نتي اللي تصلاحي ليا
بعدم فهم وبراءة ردت: نصلاح ليك حيت متانعرفش شنو هي القل****
عض على فمو: هحححح كيخرجااات حلوة من فمك هههه
بفضول: وشنو معانااها
رد: إن شاء الله نضربو الكحل فالبيض نوريهم ليك مباشرة.. هي ومشتقاتهاا
عزيزة: مافهمتش؟؟
رد:: مافهمتيش نديرو لكحل فالبيض.. ولا الشي لآخر
عزيزة: ولكن أنا باقي ماگلتش آه
فرانا ونزل من الطموبيل بتخنزيرة حارة والبوليس مستف قدامو: عزيزة.. عطيتك من هنا لغدا.. هانتي بشوية عليك فكري مع راسك فجواب وااحد.. اللي هو آه.. التاني ماعندي ماندير بيه واخا احبي
غوبشات وبتردد نطقات: والى مابغيتش
بابتسامة رد: غااتبغي الكبيدة غاتبغي .. تهلاي
قطع عليهاا وتوجه سابقهم وهوماا والبوليس ورااه
خلاها فتفكيرها غارقة وهضرتو بين عينيها دور دور وفيها تفكر.. حايرة ودايخة حتا راسهاا زند عليهاا بالحريق ومالقات حتا مخرج من غير تحط راسهاا على مخدتهاا مستعدة للنوم
......
طوات حوايجهاا وفالپلاكار حطاتهم.. لابسة شوميز سوداء حد الفخاض وصدرها عريض منو تتبان فرقة الصدر والدونتيل مزين جناب الحلمات..
لبسات بينوار حريري فوقهاا خلاتو مفتوح مايل من واحد الكتف وبركات على طابلتهاا تتدهن لحمها بكريم نكهة الكوك، عينيهاا فالمراية كايدورو على جناب البيت حتاا استقرو على تليفونو فوق الكوافوز وسهاات حابسة شنو كادير..
سهوة غامضة وعيون مصغرة.. خدودها احمرت ..قلبها ضرب بسرعة وصورة زهرة ترسمات قدام عينيها وابتسامة مستفزة على شفاهها الصغيرة
خرج من الحمام كايمسح شعرو وللپلاكار ضاير كايقلب على مايلبس دون مايشوف جيهتها
..شكها قتاال وفعقلها خلوض وخربق كيف بغا حتاا مابقا ليها جهد للمقاومة وناضت ناوية تهز تليفونو وفيه تتشوف بطرف عينهاا.. بالخف طيراتو ودخلات للحمام سادة وراها الباب والسخونية شاداها.. شعلاتو تترعد خدمات الكود اللي فراسهاا بقا مسجل عمرو تنساا ودخلاات للتصاور نيشاان تتفاليهم وحدة ورا وحدة ولقلتهم دغيا ساالات ودازت للرساائل اللي كايوصلوه..
نفس الشيء بداات تقلب وتبحت على شيء جاهلااه هي أولا، قلبها بعنف كايخبط.. وكل مرة كايزيد يتشل خوفا من أنها تلقا اللي يصدمها فيه ويبين أن أفكارها السوداوية حقيقية..
قرات وعاودات ونار شكهاا ابدا مابغااتش تطفا ماداام باقي ماسالاتهم
وسط انغماسهاا وسهوتها فيهم تدق باب الحمام من طرف سي محمد، نقزات مخلوعة تادور فبلاصتهاا كي الحمقة وبسرعة خباتو ورا فوطة غليضة مطوية جنب لاڤابوو تزامناا مع الحلة ديال الباب ودخولو عندها بملامح مستغربة
حل عينيه ببرود: ماتعطينيش بضهرك.. ضوري عندي و نعسي
ترسمات البسمة على شفاهها وبقلب كايضرب بقوة ضاارت خااشية راسهاا فصدرو وقالت تادور الكلام فدماغها وتحنحن
نسيمة: مقلق علياا.. ياك
زير على فكو سااهي وبلسان تقيل رد: تصبحي على خير
ردت بتمتمة: غير.. كنت كانقلب فيه على شي حاجة ونسيتو ورا الفوطات.. سمح ليا
سكتات وراا ماقطع الحس، .. وسكاتو طال مع طوول الليل بلا مايغمض عينيه ولا يغير النعسة ..تصفات شوية السماا وترفع صوت الاذان معلن على صلاة الفجر وعلى إترو رمش مرات متتالية ومن افكارو فااق..
بعد ليهاا راسها بهدوء لمخدتها وناض للپلاكار..
ابس فوقيتو هز الصلاية وخرج من البيت كايستغفر الله فنفسو وكل دقيقة يزفر بخنقة..
.....
يوم جديد وبداية جديدة عند عائلة اليوسفي.. يوم كجميع الايام اللي مرت بالنسبة لنسيمة..
ماعندها لا خدمة والا فاش تتلاها من غير شغال الكوزينة لا هي لاعزيزة..
بجوج راسهم هاد الصباح مرفوع ووحدة ماقادة دوي مع التانية ولا اصلا لاحظاات شنوو جاري معاهاا.. كلهاا واللي شاغلهاا وعامي عينيها وحياة تتشوف فيهم وتزيد تقرن حواجبها..
هزات الصينية غادة بيها للصالون، حطاتها للغالية فوق الطبلة و الأخيرة نطقات بابتسامة
الغالية: الله يرضي عليك ابنتي
حياة: امين.. لالة الغالية بغيت نسولك
الغالية: سولي ابنتي
حياة: واش واقعة شي حاجة
ردت: الله يسمعنا خبار الخير.. ياك لاباس؟
باستغراب: ماعرفتش.. لالة نسيمة بانت لي ماشي هي هاديك والغريب هو حتا عزيزة هاكداك
غوبشاات بشك: زعما مخاصمات ؟
حياة: والله ماعرفت وماقديتش نسولها
قادات فولارها تنوض: عايني انا جااية
تبعاتها الغالية للكوزينة وعليهم وقفات تتشوف وعينيها مصغرين.. كل وحدة وعلى شنو مشغولة منتابهو لا لوجودها والا لنظراتها المستغربة ناحيتهم حتا قالت
الغالية: بسم الله عليكم ابنااتي ياك شي باس مكاين
طلعات فيها نسيمة الشوفة وباستغراب قالت: مي الغالية بغيتي شي حاجة
ردت: لا لا يابنتي نتوما اللي مالكم هاد الصباح
نسيمة: شكون ؟
ضورات وجهها لعزيزة والأخرى حتا هي نفس الشيء
الغالية: بنتولي بحالا شاغلة بالكم شي حاجة
نسيمة: لا واالو ..عزيزة مالكي؟
بتوتر ردت: م ماماليش الالة
الغالية: ايوا على خااطركم.. الله يحد الباس
خلاتهم ومشات تابعاها حيااة من اللور
نسيمة مسحات ايديهاا قارنة حواجبهاا وليهاا قربات
نسيمة: عزيزة.. مالك
تنهداات بحيرة وقالت: كانفكر فداكشي تاع البارح الالة.. عييت نخمم وكل مرة كانزيد ندوخ كتر وكتر
قرنات حواجبها: ايواا.. خديتي قرار؟
هزات كتفهاا: يمكن.. ولكن ماعرفتش.. خايفة نندم عليه من بعد
نسيمة: فكري بعقلك عااد استاشري مع قلبك وشوفي النتيجة اللي غاتلقاي.. والله غايدير اللي فيهاا خير
عزيزة: إن شاء الله، دابة خليك مني اناا وقولي لياا نتي مالك
دخلات الصالون شعلات التلفازة وجهدات الصووت حتا نفسهاا مابقاتش قادرة تسمعو.. مع دالك الوشوشاات فدماغهاا كاتجهاد وراسهاا كايغلي ويلغي بلغاه كيف بغاا..الشك مصيبة والوسواس كارتة، بحال لادروگ لادخل مع عروق بنادم.. صعيب منوو بتف ولا يتهنا بسهولة ويوم على يوم كايتزااد ويكبر تأتيرو..
دخلات عندها الغالية منزاعجة من صداع التليفيزيون نقصات الصووت وضارت تتهصر معاهاا لكن نسيمة حدها تتشوف فيها ساكتة وتتحرك فراسهاا زعما واخة حتاا سالات كلامها وبركات حداها تتفرج وكل مرة تقول شي حاجة
...
نزلات فيروز مع الدرووج ناوية على خزيت وراجلهاا جاي من وراها كايزرب حتاا شدها ولعندو ضورهاا
عبد الجليل: فين غاادة واش هبلتي
نتراات ايدها بغل: الحااجة غاتكون عاارفة وهي اللي غاتوريني السبب
عبد الجليل: خرجت من الخدمة وصاافي واامابقيتش بااغي نخدم مع ولد خويااا واش فيهااا شي عييب
تنهدات بأسى مرة أخرى وقالت: يكون خير الالة.. حتا نتي الله يفك كربتك على خير
نسيمة: هه اميين.. تصبحي على خير
عزيزة: تصبحي على خير
طلعاات لغرفتها ودخلاات.. سمعات الرشاشة فالحماام مطلوقة عرفاتو كتيدوش هي توجه للتليفون ديالو مباشرة كالعادة،
شعلاتو وخدمات الكود لكن عطاها أنه غالط.. ماصدقاتش الأمر عاودات مرات متتالية وبشوية لكن ككل مرة كايعطيها أن الكود غلط.. تعصباات وحطاتو مفقوصة وقلبهااا كايغلي.. جبدات كسوة خفيفة بالنترة لبساتها وتخشاات فالفراش تنعس بلا ماتسناه وعينيها ساداهم
.. سمعاتو من الحمام خرج
و فالبيت كايتحرك
ق
فرش الصلاية صلا صلاتو ولبس عاد حداها تكاا بعدما حيد الپروطيز من رجلو وفيها بدا يشووف.. بعد فترة من التأمل مع تنهيدات خفيفة سد عينيه ونعاسو بدا يطيب
...........
عزيزة: الو
أنور: مسا الخير.. عييت نصوني وبلا جواب ياك لاباس
عزيزة: لا لا اسيدي والو باس غير عاد ساليت وخرجت للجردة باش نقدر نجاوبك
رد بقلق: البرد عليك
عزيزة: لابسة مزيان اسيدي
انور: واخا على الأقل ردي البال ..احن.. عارفة علاش عيطت
ردت متنهدة: آه
أنور: ايوا ؟
تنهدات مطلعة راسهاا للسما وصوت دقات قلبها فحلقها كايتسمعو بشكل سريع.. الكلمة على طرف لساانها لكن باش تنطقهاا صعيب وباش تخرج قاصحة
أنور: باقة حايرة
عزيزة: ماعرفتش اسيدي..
قاطعها بصرامة: مانعاودش نسمع منك هاد سيدي ولا غانتفاهم معاك ..خرجي انا برا
وسعات عينيها مصدومة وبدات على جنابها ضوور: وااش جيتي؟؟؟
رد: آه.. بغيت نشوفك شوية
عزيزة: ا اولكن مايمكنش تعطل الوقت
أنور: انا كانتسنااك.. ماتعطليش
قطع وهي فالبلاصة دخلات من البالكو ديال الكوزينة هزات من فوق الكرسي بوليرو ديالها بني دالقطن لبسااتو وخرجاات تتزرب مزيرة على التليفون وتاضور تشوف وراها كل لحظة حتاا من الفيلا خرجاات..
دوراات عينيها تتقلب عليه وقلبها بالخلعة غايخرج.. ماحساتو ايمتاا وقف ورااها بدجين كحل كويرة فوق تيشورت كحلة وكاسكيط كحلة مغطية النص فوجهوو والتخنزيرة اللي بين عينيه.. معصب مع حواايجوو والتوتر عليه غاالب،
شافها فبلاصتها تتفتف ودور عينيها على طول الشاريع.. الكالم و السقيل وحس النسمة ماتاضورش من غيرهم هوما بجووج..
حط ايدو على كتفها هي تنقز وضارت حاطة ايدها على قلبها
عزيزة: هاداا نتا
رد: ماالك مخلووعة..
ردت بخوف: ووالو غير خايفة لا يشوفناا شي حد ويفهمونا غلط
زفر: ماتخافيش.. هاد الوقت مكايفيق حد غير تهنااي..
عزيزة: ماتعرف ا سيد.. احم
تداركات الوضع ونزلات عينيها تاتفتف فحين هو زفر مطلع حاجبو وبنبرة جامدة نطق
خنزر فيهاا تخنزيرة ديال القتيلة حتاا قلبهاا قفز والكلام تسرط مابقا بغاا لا يخرج ولا من عقلها يترتب كلشي عندهاا تلف فلحظة وتوضر
انور: واادوي اناا كانسمع
عزيزة: ا ا ما. مااا عرفتش
نهض فيها منيرفي: ايواا گوولي ايه وتهنااي ماالك على هااد التقل*** المق** كاامل.. داابة غيير گوولي وااش تلقااي بحاالي ..تلقاااااي
خرجات عينيها مخلوعة: ابدااا
أنور: اييوا ماالك على هاد الحيرة كاملة؟؟؟ غاتسني على معاهدة ڤيرسااي.. غاااتقبلي.. غانتزوجوو.. تفاهمناا هي هااديك.. ماتفاهمنااش واحد فينا غايمشي على لآخر الحبس وغالبا غايكون اناا
أنور: سمحي ليا .. غاامنيرڤي مع مخي وصاافي.. رااه متانضغطش عليك لايگوليك راسك هاكاا ولا هااكااا.. خوودي رااحتك هانية غير گولي اللي بان ليك.. ولكن فكري هاا.. ماشي تانشكر ليك راسي غير هو فين تلقااي بحالي.. الماتريكيل مقاد.. لافيشوور زاز لووز.. الموطور نحيلة بشهادة ل.. المهم نحيلة ..يعني ديتي وعرفتي شديتي فهمتيني
رمشاات مافااهمة واالو لكن دوزاتها بحالا ماسمعاتوش شنوو قال وردت: اناا غير.. خفتك نتااا لاتندم.. وتقول اش داني
طلع حاجب مستغرب : وعلاش
عزيزة: انا.. ماشي من سهمك اسيدي.. مانصلاحش ليك
زاد قرن حواجبو وعندها قرب معصبو كلامهاا وكل مرة يشمر بنيفو
أنور: كيفاش تاني هاد مانصلاحش لييك
ردت بأسى: هادي هي الصرااحة.. اناا غير خدامة اسيدي.. ماعندي حد وحتا الأصل مانكسابوش....
قاطعها بنرڤسة: عزيزة.. وااش اناا غاناخدك نتي ولا غاناخد اصلك وفصلك ولا ماانعرف شنوو
عزيزة: واخا هاكااك.. حتا سيدي عبد الله ولالة حورية تعدبوو بسباب هادشي.. ماشي كانقلل من لالة حورية حاشا ولله ولكن حيت مكانتش من سهمو تعدبات معاه مسكينة وحتاا لالة نسيمة بسباب هادشي دوزات المحاين فحياتها
أنور: منين خرج لياا تاني هااد عبد الله ولا ***** منيين .. مادام جييتك نيشااان فارااه باغيك نتي.. تانا لديلمي مق***ة عليااا الوقت ماعندي لافاميلة لااا عائلة لاواليدين ربنا خلقتناا وبيخير غاهني راسك من هااد النااحية.. من اللخر اناا محتااجك فحيااتي. واخاا نبانلك حجر من براا رااه بالرب تاازبدة من لدااخل وكلما شفتك كاندوب
بعدات تتسرط الريق وحناكها سخنو: ش شنووو
انور: نكدب عليك.. لا دوك الشوفات.. ديك الحشمة.. هاد التزنيگة
هربات عينيها حاضية لايخرج شي حد وفخاطرها تتويل: سيدي أنور حشوومة
سبقو للطموبيل ديالو فآخر الشاريع.. طلع طالق البشرة وأول ماعمل هو شعل گارو كايتنغم بيه وكل مرة يتبسم كي الهبيل وحروف اسمهاا ينطق بين شفايفو.. بان ليه سي محمد جا لابس كويرة حتا هو فوق التريكوو تنر آخر تنرة ورماه من السرجم.. حل ليه الباب وكيف طلع ديماراا ومن تما قلع لوجهتهم المعتادة
أحييني بشوقك الجزء 22
محتوى القصة
التنقل بين الأجزاء