أحييني بشوقك الجزء 24

سكتاات حورية تتخمم ورجعات قالت بسرعة: زعما يكوون المشكل بيناتهم بجووج.. و وهو اللي داار فيها هاكدااك

شاف فيها باستنكار: لا لا.. سي محمد كانعرفو مزياان مانضزش يديرهاا

حورية: وشكووون هااد ولد الحراام اللي تعداا ليا على بنتي

تنهد من اعماقو وردد فنفسو: لاا حول ولا قوة إلا بالله ..راسي غايتفرق

بركاات حدااه ايدهاا على حنكهاا وكايتسناااوها تفيق و كل مرة يبدلو الجلسة ويطلو عليها كيف ولاات ...

...............

تناص النهاار وعلى صوت أدان الظهر حلات عينيها كايتلسقوو ودمعة وحيدة كانت لاسقة فجفونهاا طاحت..

تقلباات على ضهرها تتسرط الريق وتحاول تتنفس ماا أمكن بسباااب الخنقة اللي جتاحت صدرها فورماا وعات باللي ضاير بيها..

كلشي دايخ وكايضور والضباابة معمية عينيها من الرؤية، جاهاا حريق الراس وداتها كيفماا حركاتها تتألم...

ناضت بصعوبة تتنين بصوت خافت وتشد فالحيووط كعكاز ليهاا حتاا خرجاات من البيت..

سمعات صوت واليديهاا كاايتكلموو فالكوزينة بكلام هامس ..كملاات الطريق جيهة الحمام وسدات البااب، غسلاات وجهها وبقاات منزلااه على لاڤااپو والما على فروة رأسهاا السااخنة مطلوق و فنفس الوقت تادلكوو بااش يتسرح فيه الدم وتفيق شوية..

طلعاتو كايقطر بعدماا من ديك السخونية وفالمراية شاافت،

تمعناات بنظرات فارغة فالضرابي اللي زرااقوو ولونهم ولا غادي للأخضر.. داز فلاش سريع على الاحداات اللي وقعات الباارحة ودغيا زيراات على حافة لاڤابو فااش شداتها الدوخة وكانت قريبة تخرسر توازنها وطيح ..

بقات للحظات تترد النفس، عاد قادات الپينواار ونشفاات وجهها.. بعدما خشات رجليها فپانطوفة بابااها كانت محطوطة تماا و خرجاات غادة عندهم بشوفاات بااردين ونفس مسدودة على أي حاجة خرا كحال صوتها البااح

نسيمة: السلام

رسمو ابتساامة على وجههم وعبد الله جاا درعهاا عندو وبااس جبهتها بقوة

عبد الله: على سلامتك ابنتي.. كيف بقيتي شوية

حورية: كي صبحتي الحبيبة ديالي ارتااحيتي بعداا

ردت بجفاء: الحمد لله

حورية: هاهو فطوورك وااجد والغداا رااه تايطييب .. گلسي انا غانحطو ليك

نسيمة: مافياش .. باباا محتاجة تليفونك عافااك

حورية: كوولي غير جوج لقيماات ترجع فيك الرووح شوية

رد: مك عندهاا الصح كولي بعداا عاد نشوفوو مسألة التليفوون وهادشي كاامل

بركات باستسلام مااليها نفس تجااحتو، اللي قربوها ليهاا تتسرطها وتسكت دماغهاا ساهي فالطبلة و حاضرة كجسد فقط لكن تفكيرها غايب ومرفوع..

كملاات كاس العاصير وعبد الله جبد تليفونو مدو ليها وقال كايحول نظرو بينها وبين حورية

عبد الله: فاش تسالي ابنتي تعالي ندويو معاك شوية ..واخا

ردت: إن شاء الله

ناضت للبيت فين كانت ناعسة.. بركاات فوق السرير وبدات تقلب على رقم عزيزة

تفتح الخط بعد لحظات وردت عليها عزيزة وسط الكوزينة الكوكوط كاتصفر

وحياة حداها تتغسل الماعن وصوت تقرقيبهم مجهد

عزيزة: الو

زيراات عينيها من قوة الاصواات اللي كايزيدو فزديح راسهاا وقالت

نسيمة: الو عزيزة

فتحات عينيها بتفاجأ: لاالة نسيمة هااادي نتي

ردت: ممم.. خرجي من الكوزينة نهضر معاك

عزيزة: اهاا هي داابة

...خرجات بسرعة من البالكو لجردة الڤيلا ورداات التليفون بلهفة لودنها

عزيزة: لااالة نسيييمة تتسمعيني دااابة

ردت بتعب: اه غير حاولي تنقصي شوية صوتك

عزيزة: واخا الالة.. فين غبتي البارح تشوشناا عليكم

قوصات حواجبهاا: محمد ماجاش للدار

ردت: لاا.. ولالة الغالية مسكينة غاتهبل من الباارح مسكينة وهي تتصوني عليه وماتايجاوبش.. وحتا سيدي أنور ماعندو عليه حتااشي خبار

سهاات فالأرض وسكتات على الكلاام حتا عاود نطقاات: لالة نسييمة تاتسمعيني

ردت بتنهيدة: تانسمعك

عزيزة: وااش وقع شي مشكل الباارح؟ الليل كاامل وانا مخلووعة علييك

ردت ببرود: آه وقع..

ردت بخوف: شنوو وقع ياااكماا حصلتي ؟؟؟

نسيمة: مافيا اللي يدوي.. وحتا الهضرة

بزز باش كانخرجها ومتانقول الكلمة حتا كانحس براسي غايتقسم بحالا تايضرب فيه الفااس

عزيزة: على رااحتك الالة وااخا رانا مشوشة عليك بزااف

نسيمة: تقدري تجي عندي

عزيزة: علاش نتي فينك

ردت: عند واليديا

عزيزة: ماغاتجييش ؟؟

تنهدات من اعماقها وقالت: غير اجي نتي الى قدرتي

ردت: و واخا الالة انا غاانلبس جلابتي دابة ونجي لعندك

نسيمة: بسلامة

قطعات وحطاتو جنبها بعدما ردت راسها للمخدة وبقات فيه تتشوف .. رجعات هزااتو وبتردد كتبات نمرة سي محمد

..طلعات ليهاا وطلع عدد المكالمات اللي اتاصلهم باها ليه وماجاوبش عليهم..

رجعات حطااتو مانعة دموعها ينزلوو وناضت حلات الپلاكاار جنبهاا ومن الدواياات اللي تما قلبات على دوا الرااس..

سرطاات منو جوج حبات بلا ماا ورداات راسها على المخدة مزيرة على راسهاا وعاصرة عينيها بألم .. وفحلقة وااحدة تاضور رغم مقاومتهاا فنسياان اللي وقع لكن بدوون جدوى ..

دازو ساعات وهي على حاالها باقة.. سمعات الدقان فالباب وصوت عزيزة كاتسلم على واليديها والاسئلة اللي وجهو ليهاا على الحالة اللي فيها وقعات ظانين أنها عارفة شنو وقع.. تفاجآت وفاش شافوها ماليها خباار تنهدو بحصرة وهي بلا ماتسناا دخلاات تتزرب للبيت فين قالو ليا نااعسة وفتحات عليها الباب مخلوعة

عزيزة: لالة نسيمة .. هييييه اااويلي

نااضت باركة وهي سدات البااب وجات حداها كاتجري: اااش وقع.. مااال وجهك هااكدااا شكوون داار فيه هاااد الحاالة

تنهداات ونزلاات عينيها بجفاء: انا اللي درت.. علاش تعطلتي؟ محمد رجع للدار

ردت والدمعة فعينها: لااا باقي.. عااودي ليا الاالة ماالكي ؟

عاودات بالمختصر اللي سراا ومع كل حدت ملامح عزيزة تتغير للصدمة والأسى .. سالاتها بتنهيدة حارة وقالت بنبرة باردة

نسيمة: خلاني ومشاا، وحسيتو ماسمع والومن كلامي واخا حاولت نبرر ليه.. من بعد شدو لياا الناس طاكسي.. ورجعت للدار.. هادشي اللي وقع

عزيزة: الله ياالالة مصيبة كحلة وطااحت على رااسك.. شنو غاديري دابة

ردت بعياء: ماعرفتش.. ومافكرتش

عزيزة: وااش دويتي معااه

نسيمة: لا

بحزن غيرات ملامحها وقالت: نااري يالاالة نجيتي منهاا .. الحمد لله يااربي

عنقاتها ونسيمة تنهداات مطلعة رااسها والدموع فعينيها ترققو.. تراكمو عليها الأحاسيس والأفكار وزاد على مابيهاا فاش تفكرات اللي وقع حدت بحدت

نسيمة: غلطت اعزيزة.. غلطت اللي درتو فراسي اصلاا، والبارح دفعت التمن بأبشع طريقة "حيدات من حظنها وبحرقة قالت" كانحاول مااأمكن ننسا اللي وقع حيت تايحرقني هنا ولكن مكانقدرش.. واللي كايزيد يحرقني هو محمد..يااريت مايكونش فهمني غلط يارييت

عزيزة: إن شاء الله الالة مايكون غير الخيير.. سيدي محمد بعقلو وغاايفكر مزياان ويجي يسمع منك غير غايكون تصدم من الشي اللي شافو

مسحات دمعة نازلة من عينها: كانتمنى

عزيزة: و ولكن الالة اللي مافهمتش.. هو شنو جابو لتماا

ردت: ماعرفتش.. وماشي مهم نعرف.. اللي كاين هو جا، وفآخر لحظة عتقني اما علم الله كيكانت غاتكون حالتي دابة

عزيزة: الله يااربي الله

رجعات عنقااتهاا مرة أخرى قبلماا ترجع تكاا وتحاول ترتاح ما أمكن..

دقات عليهم حورية وبحنية علماتهم باللي الغدا وجد لكن نسيمة رفضاات وتقلباات عاطياهم ضهرهاا وتتحاول تنعس ..خلاتهاا على راحتهاا وحتا عزيزة غطاتها وناضت تابعة حورية للكوزينة وهازة ليها الهم وهم كبير قبط قلبها وحزن ملامحها الطفولية

حورية: امضرا ابنتي عرفتي مالها

ردت بتوتر: م من الاحسن اخالتي تقوليكم هي ماالها انا ماعندي مانقول فهادشي

خرجات فيها عينيها: يااكمااا راجلها اللي دار فيها هاد الحالة ؟؟؟

عزيزة: لا لا اخاالتي مااشي هاكاا

جراات حنكها مفقوصة: ايواا شنوو.. الباارح جاات كلهاا مضرووبة وحوايجها مقطعين تگوول غامعدي عليهااا شي حد،

رااجلها خباارو مقطوعة ماسول ماااجاوب على تليفوناات سي عبد الله وهي حاالتها تشفي العدو ماتاكل ماتكمل معاك واخا غير جوج كلماات..

صاارحيني اعزيزة قوولي ماال بنتي شنو وااقع ليهااا

عزيزة: خالتي حورية الله يحن عليك رااه إلا هادشي مانقدرش نقولو و وسمحي لياا.. غير هو سيدي محمد مادار ليها والو والله

حورية: ايوا وماالو مكايجاوبش

هربات عينيها تتنهد: ماعرفتش الالة والله

حورية: لا حول ولا قوة إلا بالله

خلااتها ودخلات الكوزينة تتحط الغداا وعزيزة تبعاتها بعدما حيدات جلابتها..

تجمعو غير بجوج بيهم على الغدا وكلاو شي اللقمات واخا عقلهم فحاجة خرا وعلى حالة نسيمة مقهورين.. وحدة عارفة الي واقع وخايفة من اللي جاي.. والتانية مافخبارها مايتعاود وكل مر تخيط من دماغهاا قصة فشكل

..........

دخل سي عبد الله للدار لقام كاايجمعو الغداا.. ألقى السلام وكمل الطريق لبيتو معصب وكاينفخ..

حل الباب بشوية على حساب نسيمة اللي ناعسة وغارقة فنومهاا.. هز التليفون دياالو ورجع خرج مرة خراا، لقا حورية عااد ناوية تدخل و مع شافتو نطقات بسرعة وفضول

حورية: امضراا دويتي معاه

خنزر فيها: شششش " سد الباب عاد قال" لا مادويتش

حورية: وياااك مشيتي عندو للمحل

تنهد بضيق قالب وجهو بغير رضى: مالقيتووش.. والخداما ديالو قالو ليا باللي ممشاش گااع اليوم

حورية: يااربي السلامة.. هاادشي متايبشرش بالخير

عبد الله: انا بانلياا غانمشي للڤيلا نيشاان.. غير رجعت ناخد تليفوني ونرتاح ليا شوية تعصبت وتفقصت

حورية: غير بشوية عليك اسي عبد الله مايكون غير الخير

عبد الله: ياااربي.. قالت ليك شي حاجة

ردت: لا ..ومابغيتش نضغط عليها كيف گلتي ليااا، رااك عارف نسيمة كيف دايرة.. الى بغات تعاود غاتعاود والى لا واخا ماعرفت شنو دير ماعندك ماتصور

رد بجدية: فهاد الموضوع خاصها تگول شنو كااين بااش حتا لاكان الموضوع فيه اعتداء نديكلاريو باللي دار فيها هاد الحاالة

تنهداات قائلة: ايوا الله يهديها

عبد الله: آمين

حورية: غانمشي نحط ليك تتغداا دخل دوش يخفافو عليك عضامك شوية

رد: غادي....

قاطعو رنين الهاتف فايدو.. هزو يشوف شكون ومع قرا اسم سي محمد خنزر بحدة وجاوب

عبد الله: الوو السلام عليكم.. على السلاامة اسي محمد عااد طفاات الشمعة على سياادتكم

جاوبو بصوت خافت ونبرة مبحوحة بفعل البرد: وعليكم السلام.. اتاصلتي بيااا

رد بعتاب: اييه الشرييف وبلااا ماتجاوبني ماواالو.. گلت مع رااسي السيد يقدر يكوون مريض ولا لاقدر الله وقعات ليه شي حاجة.. ساعة على ماباان ليااا رااك مبرد دمك وماعندك هم تباارك الله عليييك

سكت ومن الخط تسمعات تنهيدة وصمت طويل كسرو صوت سي عبد الله

عبد الله: جااوب ماالك سكتي.. هاد المراا اللي جاات البارح گااع حاالتها ممرمدة .. ماسولتي عليهااا ماجيتي طل وااخااا تكون عدوتك ماشي مرااتك.. وااخاا غيير بالتليفون أو تجااوب على الأقل

رد بهدوء: كي بقات

بحدة رد: علااش هاامك تعرف بالسلاامة..

سي محمد.. النهاار اللول فااش عطيتك بنتي طلبت منك حااجة وحدة.. تخلييهاا بعزهاا وديرها فعينييك ونتاا بفمك قلتي ليااا باللي عمر الدمعة طيح من عينها وعمر الخيير ماايخصهاا معااك.. اشوقع داابة

رد: بان ليا ماقدرتش نحافظ على الأمانة اسي عبد الله.. سمح ليا.. انا وبنتك طريقنا مسدودة

خنزر على الكلاام اللي سمع وبصوت منخافظ شوية قال:كيفااشناا مسدوودة؟ هي بالسلاامة نتاا هو السبب فالحاالة اللي جات فيها الباارح

سي محمد: براتها غاتوصلها فأقرب وقت.. كيفما تلاقيناا خوت نتفارقو خوت حسن لينا بجوج ..الله يسهل عليها ويوفقها بما حسن مني

عبد الله: وااش حااس برااسك شنوو تتقووول ولااا واكل شي حااجة.. تسحاابهااا بنتي شاايطة تهزهااا وقتماا بغيتي وتحطهاا وقتماا رشقات لييك

رد: بنتك كنت حاطهاا فعينياا وغلا من رموشي اسي عبد الله وربي على كلامي شاهد.. ولكن الله كايجمع.. وكايفرق، الله يسهل عليها فحيااتها

شعقات حورية تتحاول تستوعب : ااويلي ووااش غايطلقهاااا

عبد الله: دووز للدار نتفااهموو فهادشي وعلى الاقل نعرفوو الخلااف فين كااين ونحاولو نحلوه ..هاادشي مكايدويوش فيه النااس فالتليفوون برك نفكروو فحل منااسب وتكون حتاا هي حااضرة

رد: سي عبد الله.. كانحتارمك ومكانتك عندي كبيرة، غير هو قراراتي كاناخدهم بالعقل وعمري حتاجيت نستاشر شي حد خصوصا فامور بحال هادي.. نسيمة ..الله يعاونها فحياتها، لا انا نصلاح ليها والا هي تصلاح ليا، غادي غير نآديو بعضياتنا كتر من هاكداا..الله يعاون

عبد الله: الوو.. الووو

حورية: اااش قاال

شاف فالتليفوون: قطع.. واللهيلا قطع

ردت بخوف: سي عبد الله فهمتي ماالهم

برك على اقرب قريب وشد راسو دايخ ومافاهم والو من كلامو

عبد الله: گالك بغا يطلقهاا

ضربات فخاضهاا بصدمة : اويلي.. علاااش

خداا نفس وصدرو ضياق فجأة: ماعرفتش.. حدو قال باللي لاهو يصلاح ليها والا هي تصلاح ليه

حورية: لا لا لا لا شي حاااجة تمااا

ناض بعقل مرفوع للغرفة المجاورة وبين شفايفو كايردد: لا حول ولا قوة إلا بالله

دااز النهار مظلم فدار سي عبدالله..ماكلتهم ماهي ماكلة وشرابهم ماهو شراب وحديتهم باارد اغلبيتو على سوء حالة نسيمة

.. كل من دخل عندها كاترد عليه بالبارد وعليهم قاطعة راس الخيط.. ماعرفو شكون السبب فقرار سي محمد .. شكون الغالط وشكون الظالم والمظلوم الشي اللي زاد عقد الوضع وخلاهم يحطو يدهم على فمهم ماقاالو لنسيمة والو وخلااوها على الله كيف بغااهاا تمشي راه غاتمشي

.. فات داك النهار وجا يوم تاني.. ووراه جا يوم تالت جاب معاه يوم رابع باارد فجوو وغيومو تتخلع..

الخامية ديال السراجم كل مرة تحركها الريح وهي على سرير واليديها باقة متكية وعينيها للسقف مرفوعين..

ساعة وهي فايقة ومن بلاصتها مناضت تتشوف فوقها فقط بترميشات تقاال وباهتين..

سمعات باب البيت الي جنبها تحل عرفات مها فاقت هي وعزيزة باش يوجدو الفطور.. حاولات تنفض تعب جسدها وتنوض تبدل حيوط البيت، مع وقفات تزيرو عضامها وضروها بقوة الكسل والتقليبات فالفراش لا حركة لا جوج ربع يام كاملة..

جرات خارطة من البيت وتتجمع شعرهاا المخبل..

دازت على ساك الحوايج ديال عزيزة.. فتحاتو ومنو هزات جلابة كحلة بسفيفة رقيقة نفس اللون وكمامها عراض بطريقة عصرية موديرن..

دخلاتها معاها للحمام سدات البااب وطلقات الرشااشة بما سخوون.. تخشات تحتو عرياانة وبقطرات الماء الدافئة تتحاول ترد طاقتها ولو غير شوية ..

.............

عزيزة: ىخالتي تليفوني كايصوي نشوف شكون ونرجع عندك

ردت حورية بتنهيدة أسى وعقلها ممعاهاش: واخا

حطات السربيتة وخرجات من الكوزينة تتزرب وخدودها موردين ومع كل رنة تايزيدو فالاحمرار.عارفاه هو اللي متاصل بيها قبل حتا ماتشوف سميتوو أو شي حد يقولها ليها.. فتحات الخط عاضة شفايفهاا بخجل وابتساامة مخفية

عزيزة: الو

أنور: الزين ديالي.. صباح النور

عزيزة: صباح الخير اسيدي أنور.. كيف صبحتي

انور: عاد ناوي نصبح الآلة عزيزة.. ربع يام واناا مقطوع مابقالي صبر

ضحكات بصوت خفيف وخجول: ايوا شغانديرو.. الصبر

رد كايتنهد: انا قدام باب الدار.. تتعالي للكولوار نشوفك خمسة الدقائق ورجعي

شرجات عينيها فجأة مصدومة فكلامو: ويليي ويلي نتااا هنااا ؟؟؟؟ لااسيدي مانقدرش ويلي حشوومة الى شاافك شي واحد من الجيران ولا سيدي عبد الله مشيت فيهاا ماغايبقاليش الوجه فين نشووف فيه مازاال

زفر بضيق وقال: خمسة الدقايق اعزيزة..غير نشووفك ورجعي رااه توحشتك ابنادمة

ردت بعد تفكير: ن نسيفط ليك تصويرتي

انور: صورتك محفورة فالقلب..انا باغي نشوفك فاااص افااص

بعدم فهم: كيفاش فاص افاص

رد: هي تخرجي قبل ماندخل ودخل عندك انااا نييت ونجرك معاياا

قالت بسرعة والرعدة شاداها: لا لا اسيدي

انا جاية داابة داابة

قطعات تترعد بالخلعة وعينيها فكل جهة د

ضايرين.. تلفاات وماعرفات شنو تقول لحورية وشمن سبة تلقا ليها باش تخرج.. حيدات الپانطوفة وللباب مشات تتسكل بالحس وبلا ماشي حد يسمعها..

مع خرجاات من باب الدار شافتو حدا المصعد واقف وقفة وحدة، التليفون فودنو والتخنزيرة بين عينيه وصوتو ببحة رجولية خاترة كايخرج..

ضارب دجين زرق تيشورت غاطرطق عليه وكويرة كحلة مع كاسكيطة كحلة كخبية النص فوجهو كل مرة يطلع ايدو ويقادها وفمكانو كايتحرك باهتمام مع المكالمة..

وقفات شادة ايديها لعندها وتتسناه يسالي ..شوفات خاطفة منو تتسرق ماحدو ماردش البال تاخاد هي راحتها وعيونها تتبري إعجاباا ..

ضار جبهتها صدفة، طلع فيها وهبط مبشور فملامحو وقال فالبلاصة

يونس: قطع قطع و نزل ليا التو***** للتحت حتا نجي ونشوف شغاندير

رد التليفون للجيب وعندهاا توجه بشوفات غامضين كايسرحهم عليها وعلى أناقة پيجامتهاا وبراءة ملامحها الجميلة

عزيزة: صباح الخير اسيدي أنور

عنقها بدون سابق أنظار حتا عينيها خرجو وبين ايديه رجفات داتها.. تنهد بعمق ومن حيد بعدما باسهاا بين عينيهاا بابتسامة فعينيك ناطق بحب

انور: صباح الخير الزين ديالي ..توحشتك

هربات عينيها بتوتر: ي يتوحشك الخير

ضحك وقال: ايه زيديني عشقا

عزيزة: ا ا ؟؟؟

أنور: غير ضاحك.. ايوا؟ امورك هانية

ردت بهدوء والحزن فعينيها: الحمد لله اسيدي.. غير هو حالة لالة نسيمة اللي باقة تتقطع فالقلب

أنور: مازالا على حالهاا

عزيزة: مازاال

خدا نفس طويل وقال كايزفرو: ماعرفت مانقول.. ولكن يفرجهااا الله، مغاترجعيش للفيلا

رمشات فيه: علاش غانرجع؟ انا اصلا كنت بحالا غير ضيفة معاهم دابة فاش رجعات لالة نسيمة غانبقا معاها

انور: مزيان.. ملي هاكة نديرو الخطوبة هنا نيت فهاد ليام الجايين

وسعات عينيها ووجها بخجل حمار: لا لا لا اسيدي أنور حشوومة نديرو شي حاجة فهاد الوضع

زفر: ماشي غانديرو الهيلالة اعزيزة ولايني خااص تكون جامعانا شي حاجة واخا غير تتسماي رااك خطيبتي.. ولا عجبك كلما مرة جاي نشوفك بحالة الزو*** ايدك مقادش نقيصها

عزيزة: ل لا..و و ولكن ماعندنا مانديرو.. عالله غير تتصلح الأمور بين لالة نسيمة وسي محمد باش كلشي يرجع كيف كان

جمع حجبانو مستغرب : علاه مافخباركمش؟

عزيزة: شنوو

تنهد وقال: محمد كايفكر فالطلاق.. ورفع دعوة البارح

شهقاات بصدمة وفيه خرجو عينيها:

اويلي.. قاالها ليك ؟؟؟

حرك راسو بالايجاب: كنت معااه.. ماعرفتش السبب بالضبط ولا شنو اللي وصلهم لهاد المواصل، ولكن حالتو مكاتقلش من حالة صاحبتك.. الى كان الفراق غايشافيهم اللهم يتفارقو حسن

عزيزة: ااويلي

طااح ساك نسيمة اللي جنب البااب واقفة وفودنها تادور آخر جملة نطقهاا أنور.. ضارو عندها بجوج وعزيزة عمرو عينيها بالدموع

شداات فيهاا عزيزة بسرعة ورا كاركابيها فشلو وبداو حيوط الكولوار كاورو فعينيها.. بياض فمهاا فجأة ووجها تصفا منو اللون للحظة مابقات قادرة تسمع واالو والدوخة قلبات ليها الراس ..

شدها أنور من الجهة لخرااا وبركوها فالدروج ترد توازنها شوية عاد بعد كايتنهد و بقاات فيه لكن اتار الضرب فوجهها خلاوه يخنزر ويقلب وجهو بتفكير

عزيزة: لالة نسيمة شوية دابة.. يااكماا نديوك للسبيطار

ردت بزز ولسانها تقيل: شوية..

عزيزة: نجيب ليك تشربي؟

تجاهلات السؤال وطلعات عينيها فأنور بنبرة خفيفة مترددة: محمد.. باغي الفراق

زفر قالب وجهو: ختي نسيمة، من الاحسن دخلي ترتااحي شوية حتاا تولي بيخير وفكو هادشي بيناتكم

ردت بإصرار: جاوبني عافااك.. واش هو قالها ليك؟

حرك راسو بالايجاب: قالها.. وقالهاا حتاا لباك.. يقدر، لحظة غضب وصاافي دغياا دووز

عزيزة: آه الالة والشيطان ولد الحرام كاايحضر.. خليه غير يبرد شوية ويعاود يفكر فالموضوع

ردت: جيبي ليا سااكي طاح حدا البااب

عزيزة: علاااش

أنور طلع حاجب: ناوية تمشي

نسيمة: هو فالمحل ؟

أنور: لا خليتوو ناعس عندي فالدار

وقفات بزز وعزيزة جابت ليها الساك: عطيني العنواان

عزيزة: بلااش الآلة والله ونتي باقاا حتاا ماصحيتي مزياان وتتفكري تمشي

شافت فيها ناطقة بحرقة: أنا عارفة شنو كاانديير.. وهو الى فعلاا بغاا الطلااق يقوولها ليا فوجهي مااشي لباا

حيداات ليها الساك وأنور سبقها ناوي يوصلها بنفسو لكن برفض وقفات وقالت

نسيمة: خويا أنور عافاك بغيت نمشي بوحدي..باش ندويو غير بجوج افضل

رد: غادي غير نوصلك

نسيمة: غير عطيني العنوان حسن نمشي فطاكسي

شاف فعزيزة كايتنهد وقال: واخا، اللي بغيتي.. عطيني نمرتك

جبدات تليفونها عطاتو النمرة وفميساج سيفط ليها لوكاليزاسيو..

خرجات فالبلاصة من العمارة ومع أول طاكسي ركباات وعطاتو عنوان الحي

عزيزة: علاش عطيتيه ليهاا داابة تمشي توقع ليها شي حاجة تاني

رد بجدية: إن شاء الله مغايوقع والو.. و مزيان يدويو ..عالله تصفاا الخواطر شوية

عزيزة: سيدي محمد هاز من جيهتها بزااف ..ولكن واخا هاكداك تايبغيها مايقدرش يتخلا عليها

رد بتنهيدة: عالله الحب يشفع ليها ويعاونو ينساا واخا بان ليا مقصح نييت

عزيزة: آمين ياربي

أنور: عاودات ليك مالهم ؟

نزلات عينيها بارتباك: ممم .. ولكن مانقدرش نقول ليك حيت حشوومة وهي غاتقلق مني

أنور: ماعليش، غير هو الضرابي اللي فوجهها سيمو هو السبب فيهم

حركات راسها بففي: لااا لاا ماشي هو

أنور: ادن شي شفار هاداا

عزيزة: لااا سي كماال حيت كان غايتعدا عليها.. جاب الله سلتات منو وزادت على خير الله ياخد فيه الحق فهاد النهار

رفع حواجبو بتفاجأ: كمال!!! هادا شدخلو فالمجمع..واش تهجم عليها ولا كيفاش

فركات ايديها تتفكر حالة نسيمة بحزن: المشكل اسيدي أنور، هي اللي مشات عندو للاوطيل برجليها، كانت ناوية دخلو للحبس.

ساعة دخل للبيت وكان غايتعدا عليها كونماا سيدي محمد اللي عتقها

خنزر بحدة: ولد الق**** الله ينعل الز**** بووه.. وهي اشدااهاا عندو ااصلا تتقلب على خلا داارتها متلاا

عزيزة: بقا فيها الحال من داكشي اللي داار فالعرس

أنور: نتوما العيالات بالرب لاشي مرات تتحيمرو نييت حتا تاتزدقو مخ*** عااد ترتاحو

رمشات بعدم فهم: كيفاش تتحيمرو؟

نفخ وقال: دخلي دخلي للدار حتا العشية وندويو..انا غانشوف شي حل لهاد الحريرة

عزيزة: غاتمشي ؟

طلع فيها حاجب: بغيتي نبقا

ردت: لا لا غير سير.. الله ييسر ليك

أنور: هههه

جرها بااس حنكها بقوة عااد مشا كايضحك خلاه ليها كايوزوز بالحموورة

نزلات من الطاكسي وشعرها المطلوق كايطير مع البرد.. قرات العنوان مرة تانية تتأكد منو وبقوة مزيفة دخلات مع إقامة سكنية من النوع العصري والفينيسيو تتجدب العين

..نزلات من المصعد وحبسات قدام پارطمة بباب خشبي عرييض مترددة دق وقلبها بعنف كايضرب..

شدات جنب الباب تاترتب انفاسها عااد دقات وبقات تتسناه يتحل.. خطاوي بطيئة كايتجرو مع الأرض بكسل، وكلما قرب للباب تتحس بالرعدة تاطلعها من صبعها الصغير

حل الباب ظنا منو باللي أنور اللي جا لكن فورما شافها قدامو تصدم للحظات قبلما يجمع حجباانو وبتنهيدة بعد من البااب ودخل مخليه ليها محلول

دخلاات بعد تردد وسداتو وراها بعدما لحقات بيه لجليسة السدادر فوسط الداار

..لقاتو بارك كايشرب قهوة كحلة وقادو مسمن وحرشة مع العسل والزبدة والفرمااج وصينية اتاي مجهزة ماقاس منو والو وفضل يصيب قهيوة تفيق ليه المجاج،

كانت باينة فيه عااد فاق وتحت عينيه يعطيها برهان سهر الليلي وتعب التفكير

بقاو فالصمت .. ونظرات خفيفة ليه عكسو هو اللي ماطلعش فيها العين فمرة، حتا ضاق صدرها ومن هاد المعاملة البرود تخنقات وقالت

نسيمة: مغاديش تشوف فيا "حط الكااس وطلع فيها راسو" جيت باش ندويو.. مااشي تبقا سااكت

رد بهدوء : دوي.. هاني كانسمع

قلبات عينيها بغصة: بصح باغي طلقني ؟

سي محمد: هادشي فيه الضحك

ضحكات مقهورة : ساهلة عليك تقول هاد الكلاام..

محمد: علاش جيتي

ردت: بااش تقولهاا ليا فوجهي، مااشي توصلها مع صااحبك ولا باابااااا.. لهاد الدرجة كاااارهني، مابااغي حتاا تسمع موقفي من الموضوع ولااا تعرف علاش وقع دااكشي

حك عينيه بتعب: فااااض الكااس ابنت النااس ..مابقااليك ماتگوولي ومابقاا عندي مانسمع، باراكة الله يرحم بااك

نسيمة: ممتيقااش هااد التصرف اللي درتي، عااتبني بعدااا وقووليااا غلطي وحااسبني عليه اااه.. وقاابلة حيت غلطت، ولكن بااش تفكر فيا بطريقة خايبة مانتقبلهاش منك "تدق باب الدار لكن ماتسوقوش لييه بزوج" الباارح عاودت ليك اللي كااين .. نتااا اللي مابغيتيش تسمع، ماابغيتيني حتااا نشرح ليييك نضتي كادير اللي فرااسك ودغياا فكرتي فالطلاااق ههه سااهلة ليك لهاااد الدرجة ؟؟؟

وقف مخنزر كاينفخ من نيفو وصوتو مبرد: سااهلة؟! نسييمة انااا عيييت.. مرضت فصحتي.. تسووطيت ابنت النااس وعلى شوية كنت غانتسطااا ونديير فييك وفيااا شي مصيبة كحلة ..كلوو بسباابك وبسباااب الطييش ديااالك وكلووخيتك

ردت باصرار: انا كنت بغيت نرد ليك حقك.. ولكن نستااهل منك هاد الكلااام...

قاطعها بغضب: مااتردي ليااا مانرد ليييك واااش شكييت عليييك.. النهااار اللول كوون بغيت نربييه اقل حاااجة نسيفطوو تلت سنين للحبس مايحيدهاااش ليه الطبييب ..ولكن دوزتهااا حيت انااا بغييت وحيت حتااا نتي كان ليييك يد فاللي وقع

نسيمة: ياااك اسيدي.. داابة ديك الليلة اناا السبب حتااا فسداات

سي محمد: انااا عييت.. اناااا، مررضت صاافي وتگهت منك ومن المرض اللي فمخك.. هاادااا لله عيييت

تزير خااطها وباصراار قالت: زييد زيييد خوي قلبك غيير قوول مااعندك باااش تبررد

سي محمد: نسيمة الله يحن علييك قلبي عليااا فهااد اللحظة.. بااقي شااعلة فيااا العاافية هنااا مااتزيدييش على ماابياااا

ضاارت لفين كاايشوف تقابلات مع وجهو لكن زاد قلبو عليها كاره فيها الشوفة

نسيمة: هي داابة اناا جاية غير بااش نزييد علييك ؟؟؟.. هادشي اللي بان ليك اسي محمد.. ضااربة هااد الطريق كلهااا واخا مرييضة وحالتي حاالة مااقاادرة حتااا ننوض.. شووف غيير وجهي كيف داااير غيير شووف فيااا على الأقل

شاف فيها بنظرة قاصحة وقال: هاادشي كلوو نتيجة افعاالك .. كلوو من تحت رااسك وبسباابهم كرهت حتااا نشووف فيك و علم الله شنوو وقع قبل ماانجي ولااا شمن وسخ داار..."ضرب الطبلة مكره وعلى أتر الدقة قفزات زهرة من ورا ماكانت تتسنط عليهم فباب الدار.. حطاات الساشياات ديال التقدية وهبطاات تتجري عند الكونسييرج يعطيها ضوبل السوارت

سي محمد: شهر.. عشت معااك شهر دوزت ليك فييه اللي ماايصبر علييه حتاا وااحد وكانگوول مااعلييش مااشي مشكييل صبر امحمد صبررر، ولكن نتي شنوو.. حتاا باااش ترااعي ليااا واخا غيير شوية ماقدرتييش

نسيمة: راااه فهمتك علاااش مشيييت...

سي محمد: واااا علااااش تكدبي وترديينيي حماااار بوودنيين وغااادي زعمااا راني موصلك عند واليدييك.. علاااش راااسك مرييض بالشك والوسواااس والكدووب.. علاااش ماغااداش معاايااا بنيتك كيفمااا انااا غادي معااك بنيتي عمري فكرت حتااا مجرد التفكير باللي تتخرمزي وراا ضهري وااخاا كلشي كاان قداامي واااضح حتااا بداات تااتصوني علياا خانزة ديال الخلااا وتتقولي سير شووف مرااتك مع وااحد فالاووطيل..

بصدمة نطقاات: ك كيفااش صونات شي وحدة

كمل كلاامو: علاااش متتبغينييش ومتتراعيش ليااا ..تعااملي معاايااا

غير كيف تتعاملي خووك الصغيير بعدااا.. قوولي نتي.. شنووو يشفع ليك ماازاال.. النهاار اللول دوزتهااا وقلت مااضيك كيفمااا كاان خااصني نتقبلووو.. وسكتت بلااا مانطول المووضووع كيفمااا سكتت على حواايج خريين على اسااس رااك غااتفهمي مخك وترااعي شوية.. سااعة نتي غير مازاايدة فييه

عصراات يدها مارااضياش والدمعة فعينها تعصرات: شنوو تتضحك عليااا بهااد الكلاام.. راااك عاارف رااسك علااااش دوزتي داااكشي

رد مغزف: هه سحاابليك على الح*** ..كوون كنت دااير فيه مخي كوون تزوجت السيماانة الاولى اللي حرمتيني من حقي بلا عدر بلااا جوووج ولاا هااد الشهر كاامل اللي قستك فيهااا جووج مراات بالحسااب ويمكن بزز منك گاااع.. تنكررري ؟؟؟ ولكن شكوون يراااعي لييك.. وحدة اناانية تتفكر غير فمخهااا

بركاات فأقرب كرسي مزيرة عينييهاا وهو غاادي جااي بغا يتفرگع وكلمااا تفكر شي حاجة كاايخرجهاا بلاا مايتردد ويزيد على ماابيهاا.. سدات ودنييهااا ورا ماراسهاا تشق وناضت مغوتة بقوة

نسيمة: باارااكة.. صااافي سكت سكت

سي محمد: شفتييي شنووو هاااز وعلاااش صااابر..

قااطعاتو بغل: تاادوي بحاالااا غير انااا الللي غاالطة ونتااا علم الله شنوو مخبي.. خصووصاا مع دييك خيتي اللي تصااورك معمريين تليفوونهااا وكل مرة باارك حداهاا وعاطينهاا للضحك..دااير فيهااا اللي متايغلطش وعلم الله ورااا ضهري شنوو تاديير

رد: انااا فااش كاانغلط كاانگوولها ونعتاارف بيهااا مااشي بحاالك. غاايقتلك غيير الشك والوسواااس

نسيمة: معلووم مااشي بحااالي اناا بزااف عليك وعليهااا

سي محمد: كررهت النهااار اللي عرفتك فييه وكرهت ديلموو هاد القلب اللي بغاااك كرهت ديلمهااا هاد العييشة

نسيمة : وانااا حيااتي كرهتيني فيهاااا.. ملي غادير فياا هاكدااا علاش رجعتي النهار اللول علاااش.. وحتااا دابة بغيتي غيرالطلااق.. طلق مااالك شكووون تكوون گاااع

رد بصفعة قاصحة لوجهها نزلاات من عيونها دمعة مألمة وهو يدو تبلوكات و ارتاعش جسدو حتا رجع اللور كايلهت ومن تصرفو مصدوم.. شافت فيه ببرود كاضحك ولعندو قربات

نسيمة: ههه..زيييد ضرب.. برررد على قلبك زييد

سي محمد: خرجي عليااا.. برااااا

غوتات بدورها فوجهو: مغاانخرجش.. مااداام بااغي طلق دييرهااا داابة

رد: برااتك غاتوصلك حتاال الداار كووني هاانية.. دااابة قلبي عليااا وجهك مابااغيش نشووفك

نسيمة: ماالهااا صعييبة.. قوولهااا يالله وخلينااا نسااليو.. ياااك كرهتك فحياتك وفعيشتك وكرهتي النهار اللي عرفتيني فييه.. اييواا هااني غاانريحك گااع.. قوولهااا

هبط رااسو بألم وايديه على عنقوو العرقاان كاايتحكوو.. خاطرو مجروح كاينزف وهي قلبها ماعالم بيه غير الله واقفة غير بزز ونفسها تتحك مع كل كلمة منو تتخرج

سي محمد: علاااش هاكااا.. علاااش وليتي هاكدااا فهميني غيير علاااش وليتي...فهاااد الحاالة وهاد الاناانية والمررض علاااش تبدلتي انسيمة علااش

سكتات فيه تتشوف بعدها قاالت بدموع مرققين فعينيها : انااا هاااكة دايرة.. وعمري متلت عليك شي حااجة ..مااشي بحااالك اللي كل مرة مبين ليا وجه وفيمااا تهزني للسماا تتعاود تخبطني مع الأرض.. نتااا اللي بديتي كلشي وبديتيه بكدبة وااخاا هاكااك سكتت وميكت.. علاش ماتلومش رااسك حتا نتا

سي محمد: يمكن بجوج غلطناا بزااف.. يمكن هاد الزوااج برااسو

نسيمة: كملهااا ..غلطة هههه غلطتي نهار فكرتي تزوج بيااا يااك

سي محمد: نسيمة خرجي

نسيمة: ماشي قبل مانلقاو حل

رد: مكاينش حل.. مانقدرش نسامحك.. هاد المرة مانقدرش ..مستحيل ننسااا

نزلو دموعها وبرجفة قالت: هي شنو؟

سكت فيهاا كايشوف والباب عليهم تفتح مع نطق بهدوء ونبرة ضعيفة مرتجفة

سي محمد: نتي مطلقة .. سيري الله يهنييك

اتذكر كيف ان النجوم تلألأت ضياءاً في وجودك

كيف ان امواج البحر كلها انَحســرتْ إلا مَوجتَــك

‏أتدكر كيف ان قلبي في حبك قد عصى

.. ثم هوى؛

‏كيف أصر .. ثم اعترف

كيف نال الأذى؛ ‏ثم شكى.. ثم رق

ثم بكى.. ثم تحجر

ثم تاب ..

وأخيرا .. عفى ..!💔

........

وعيون الإنسان شحال هازة من معاني..

من الشوفة فيهم تفهم القلب يااما من هموم هاز.. من رقة دموعهم تقرا عتاب ورسائل ياما اللسان سرطهم.. من تزييرتهم والتجاعيد اللي على جنابهم مرسومة تعرف النفس يااما تضغطات وياما من بنادم تجرحو..

عيون الإنسان وشحال هاازة من معاني

..

فتحات عينيها بعد مدة والقوقعة اللي وسطهم دبلانة..

هزات الراس على مخدتهاا ووسط ضلام البيت سرحات عينيها بغرابة تتفكر ايمتااا وصلات هنا.. ايمتا تغيرو حوايجها ببيجامة شيبية من القطن وسروالها بالسير، ايمتا شعرها تمشط وتجمع وايمتاا ظلام الحال وفات هاد الوقت كامل ..

مدة وهي على حالها جامدة ..وفالمراية قدامها تتشوف..

حتا أخيرا مع ترميشتها اللولة تفكراات الكلام اللي قال.. التطليقة اللي على ودنها طاحت بحال السم وماا أقهرو من سم.. وااخاا تكون المراا قوا من الجباال، الراس مرفوع والنيف شاامخ.. سم الطلااق تايقهر ويهد ، سوا كنتي منو رابحة ولا خاسرة، سوا حسيتي فيه بالشمتة ولا بالربح.. اما لاكاان حب الطليق مازال فالقلب عولي على خنقة وأزماات من الهم والغم مامنهم هروب..

تفكراات بصعوبة شوية من اللي جرا.. انها هزاات ساكها بلا ماتشعر بحتاا شي حاجة خراا وتخرج مع الباب الي جابها.. من تما ماعقلاات على التتمة ..لاشنو تزاد والا شنو نقص

حيدات الغطاا وساعة صغيرة دائرية فوق الكوافوز جنبها تتشير للتالتة صباحا ..السما مظلمة.. البيت مظلم وعينين نسيمة فايتين كحلة الظلمة بدرجاات..

شعلاات الضو فالحمام وعلى لاڤاابو تكاات تتنفس بشهيق تقييل وزفيير أتقل.. وخنقتها تتزااد..

حاسة بحجرة على صدرها محطوطة وقلبها تايتعصر بعنف..طلعاات عينيها فالمرااية وبدوون سابق اندار ضربااتها بيدهااا حتااا تشقاات وصرخة قوية من أعماقها خرجاات

نسيمة: علاااااااش.. علااش درتي فيااا هاااادشي علااااش.. علاااااش علاااااااش علااااااااءهءهؤهءهء

نزلات راسها تتبكي بصووت قوي وصدرها كااايترعد بحالا ركباتها التبووريشة واخا داتها سخنات بطريقة غير عادية ..

تحل باب البيت ودخلو واليديها مع عزيزة وراهم، وجههم صفر مقلولين بالنعاس وقلبهم بالخلعة غايخرج

عبد الله: نسيييمة فييينك

دخلو للحماام لقااوها محنية على لاڤاابو تتبكي بهستييرية وترعد بحالا صعييب عليها طلع النفس.. شهقاات حوورية مصدوومة وعزيزة دمووقها تزيرو بألم، قرب ليها عبد الله بحنية مقهور على حالها وحاول يقول

عبد الله: ن نسييمة.. اجي معايا ابنتي.. اجي

مع مسهااا ضارت ليه حابسة البكااا

وملاامحها خسراات بشر

نسيمة: شنووو باااغي، بعد مني.. خرررج.. خررجووو كامليين.. براااا بعدوو مني

حاولات حورية عندها تقرب: نسيمة بنتي الله يهديييك

بعداات تتغوت بهستيرية وعينيهاا بشرارة خارجين: ااالااالة اناااا مابنت حد.. مااابنت حد خرجتوووو علياااا.. خرجتووو علياااا وخرجت على رااااسي ..بعدووو مني بااراااكة

عبد الله: ااجي ابنتي غيير ندوي معاااك

شافت فيه بغضب: فااش غاندوييو.. اااش عندك ماتگوووول اسي عبد الله شنوووو

عبد الله: الى كان غير على سي محمد ماازاال نفكوو المشكييل أزمة ابنتي وتفوت

طلعاات راسها كاضحك بطريقة مربكة خلعااتهم بيهم وحتااا على قلبها برداات عااد قالت باستهزاء

نسيمة: محمد؟؟؟ هههه طلااااقني اباااا.. طلللقني هههههههههءهءهءهؤ

نزلات راسها شاادة ركابيها وتتبكي بعدماا كانت قالبااهاا ضحك بسرعة تقلباات.. خلعاتهم كتر والريق فحلقهم نشف.. قرب عندها عبد الله بحدر بااغي يشدها هي تنقز اللور وفيه خنزراات

نسيمة: ماااتمسنيييش، خررررج عطيني بالتيساااااع.. عطيييوني بالتيساااااع خرجوووو عليااااااا من داااااري..

عزيزة: ل لالة نسييمةهءهء

دفااعتها عليها بغل: بعدي منيييي

عبد الله: اابنتي نعلي ابشيييطااان وقولي استغفر الله العظيم.. مااشي هاكا كاتحل الأمور الله يهدييك

ردت بعصبية تترعد: الشيطان.. الشيطااان هو بنااادم.. هو بااااك وولاااادو، هو نتاااانيييت و هااديك مراااتك.. كلكم شياااااطين وخرجتووو لياااا على حيااااتي الله يااخد فيكم الحق .. اللله يااااخد فييكم

حورية: الله يااابنتي حنااا شنو درنااا ليك.. الى مشااا رااجل يجيو عشرة راك بااقة صغييرة وبااااقة...

حطاات ايديها على ودنيهااا بصدااع تتغوت: سكتيي سكتي سكتي صوووتك تاايشقق ليااا راااسي ششششششـ

عبد الله شاف فحورية و بصوت خافت قال: سيري طلقي القرااان

نسيمة: گلت لييكم خرجوووو عليااا من داااري وااش متتسمعوووش

رد برفض: وااش غاتجري على بااااك حماااقيتي

نسيمة: شكووون باااا.. فين كنتي فاااش كاااانت بنتك محتاااجاااك ااا.

عاااد بنت لييييك..

حورية بصدمة توسعو عينيها: اااويلي اا نسييمة

عبد الله: واااش لخاااطري.. كنت مسجووون وعقلي كلووو معااكم كل نهااار كاايدووز بلا ماانشووفكم

نسيمة: هههههههه.. شكووون دوااا ليك على شي حبس اباااا.. فيييين كنتي فااش كاان باااك كااايهرمني عصااا وقتمااا رشقاات ليييه ولااا ديك مرتووو اللي فيماا ضاارت لييهااا تجي طرشني.. تعقل وقتما قلتهاا ليييك كيكااادير.. حدك تتنفخ شوية وتقلب عليااا وجهك باااغي غيير تهرب من المشااكيييل.. فييين عمرك گااااع كنتي ..ياااك وقتمااا عصبووك تتمشي من الداار وتغبر بالشهوور بلااا ماتديها فينااا وحتا ترشق ليك عاااد ترجع...

قاطعااتها حورية مصدومة بكلامها: ابنتي حشووومة هاد الكلااام حشووومة

ضارت ليها باستهزاء: شوفو شكون كااايهضر ههههه تي بعداااا حالتك حاااالة.. ديك بنتي بالسلااامة منييين جبتبها وشمن حق عندك ت

تقووليهااا ليااا.. كنتي معاايااا فمرضي.. كنتي معاايااا فهمي ..كنتي معاايااا وأنااا تانموووت مية مرة فالدقييقة بسبااب الظلم.. كنتي معاايااا وأنااا هازة همك وهم ولدك وحااالت راااجلك ..فيين كنتوووو فاااش بغااا باااك يبيعني لحفيدووو على قبل الاملاااك اللي خليتيلياااا.. شكوون گاالك اصلا تخلي لياااا شي سااانتييم ..شكيييت عليك.. طلبتهم منك..بيباااابك تزوجت بواااحظ **** وراااني العداااب.. بسباابك كنت غاانخسر شرفي مع خوووه ونتدفن تحت التراب.. بسبااااكم دقت اللويل فحياتي وطليت اييديااا بالدم.. بسباااكم بكيييت عشرة العين ومااابردش ليااا هناااا.. عمرووو بررررد وعمر ناااري تطفاااات هءهءهء عمرهاااا تطفاااات وااخااا درت اللي مايداااارش هههه ودااابة تتتحرقني ابااااا.. تتحرقني اااامي.. هااااد العااافية تتحرقنيييي ومابااغاااش طفااا ماباغااااش

طلعات راسها تتبكي بحرقة وتردد نفس الكلمة مراات كتيرة..

قطعو الحس وهضرتها بحال السيف دخلاات معاهم ومالقاو مايزيدوو فووقهااا..شافتهم بااقين عليها واقفين وكلها فين منزل رااسو وكايرمش.. مسحاات وجهها دغياا ونطقاات

مسحاات وجهها دغياا ونطقاات: گلت ليكم خرجوو ولاا لااااا. . گلتهاااا يااااك.. براااااا

حورية: ا ا ابنتي رااه حشومة

نسيمة: وااابرااااا الااالة خررجي عليااااا

قربات ليها عزيزة بخوف بعدماا شاافت حالتها المرعبة: لالة نسيييمة هانتي بلااتي غير حتاال الصبااح...

قاطعاتها بغضب: خرجوووو گلت لييك.. خرجوووووو

جهلاات وطاار ليها العقل حتا مابقاات عارفة راسهااا لاشنوو طاادير والااا شنو تتخرج مع فمها

سي عبد الله شاف فمرتو و قاال بقهرة: حورية زييدي

نسيمة: هي دااابة.. براااا

حورية طاحو دموع الحصرة من عينيها وبأسى قالت : نسيمة بنتي ديري عقلك الله يرضي عليك

نسيمة: گلت ليكم خرجو

عبد الله: حووورية زييدي

عزيزة رجعاات دغيا اللور مخبية وراا ماشافت سي عبد الله جر مرتو ورااه ونسيمة تاابعااهم تتغوت وتشير عليهم باييدهاا للباااب

خرجاات عزيزة من البيت هاربة للكوزيينة ومع دخلات مع سدات ورااهم نسيمة الباب ورجعاات لبيتهااا خابطة بابو حتا قفزاات عزيزة بخوف ..

بقااو فالكولواار واقفين ببيجامات ديال النعاس وبجنابهم كاايدورو ماخلاتهم يهزو حتاا بزطاامهم على الأقل..

سي عبد الله جمع النفس وطلقو تقييل ناطق بصوت خافت: لا حول ولا قوة إلا بالله

حورية: صافي بنتي حمااقت اسي عبد اللهءهءهءهء حمقوو ليااا بنتي وغاايجرااا ليهااا داكشي اللي كاان وقعلي فاااش تفارقت معااكءهءهءه الله يااربي على مكتاااب ءهءه

شاف فيهاا لمدة سااكت.. ورجع قلب وجهو بندم كايااكلو ولقنت الكولوار توجه وبرك منزل عينيه وبتنهيداات عميقة تايفسر احساسو حتا وقفات عليه بدموعها

حورية: وااش غاادي تبقا باارك..دق عليااا على وعسى تكون برداات ودارت عقلها

تنهد وفيها شاف: حورية.. بغينا ولا كرهنها گااع اللي قالتو عندها فيه الصح.. الله يسمح ليناا .. حنااا رااعدبناهاا وعيشنااها فاللي كبر منها.. وياخوفي يكون هادشي اللي هي فيه هو سبب طلاقها.. ديك الساعة عمري نساامح راسي.. عمري

......

حلااات كجر ااخر من مجراات الحمام بعدماا خربقااتو كامل ومنينماا دازت تتخلي الروينة وتقلب بسرعة وعشواائية حتاا لقاتو..

مقص للشعر فضي كايبري وقدام عينيها المرققين بالدموع هزااتو تتمعن فيه الشووفة..

ضاارت للمراية المهرسة.. صورتها ولات عبارة على أوجه كتيرة تاضر فالعين وفالجنب شوية الدم نتيجة جرح ايدها.. جرات الباندة وشعرها على ضهرها تطلق بانسيابية .. طويل فايت ظهرها وكايبري بلون البندق ..جراات خصلة لوااتها على يدهاا وفنفسها سااهية من المراية وتتدكر كلامو وجمل مبعتة من حوارو على شعرها

"تايحمقني لونو..

جمعيه فاش تكوني خاارجة

...علاش طالقاه وسط الدار وعمي كااين اناا شنو گلت

.. ممم على ريحة ..تاتحمقني، تاتحمقيني كلك

جربي تقطعيه .. نقطع ليك رقبتك"

بسماات والدموع من عينيها نزلوو منساكبين.. طلعاات المقص لنص خدها، وضرباات تقطيعة وحدة مخلية خصلة طويلة طيح فالأرض.. تابعينها خصلات خرين حدا رجليها الحفياانين تايطيحو برقة وتموج خصلة ورا خصلة

صبح وفتح..

وفدار سي عبد الله بدا يوم جديد ورا ليلة باهتة مظلمة وتتخلع..

عزيزة ورا شوية من دخول نسيمة للبيت فتحات باب الدار ودخلاتهم كايتسلتو بحال الشفارة والخلعة ولات راكباهم منها.. دخلو للبيت اللي ولاو كاينعسو فيها ورا ماخلاو ليها غرفتهم الخاصة ومن تما ماخرجو حتاا صبح الصباح وعلى طبلة الفطور تجمعو ساهيين وتايخممو فموضوعها

..الشهية مسدودة والنفس مقبوطة وهمهم الواحد والوحيد هو نسيمة.. طلاقها وحالتها النفسية واللي مازال جاي فالطريق من وراها

.. حط سي عبد الله كاس القهوة من يدو ورد ضهرو اللور متنهد بحرقة

عبد الله: حول ولا قوة إلا بالله.. تلفت انا بعدا هادا لله، ماعرفت شنو ندير وكيفاش ممكن نعاونها

حورية: السيد طلقهاا هاكااك جاتو ساهلة.. دغيا هانت عليه العشرة

ردت عزيزة بعفوية: اخالتي را يالله شهر

نهضات فيها بانزعاج: واخا هاكااك.. السيد زعما راه كان تابغيها كيفاش قدر يخلييها ورا شهر ديال الزوااج

عزيزة: وواهي الصراحة سيدي محمد بصح تابغيها بزاف..و وانا باقة لدابا ممتيقاش راه طلقها.. يمكن خاصو شوية الوقت فين ينسا

رد عبد الله بجدية: اش غاينساا.. بنتي عزيزة شنوو كاين شنو وقع بينااتهم تاوصلو لهاد الحاالة ؟؟

نزلات عينيها بارتباك: عمي والله مانقد نگوول ..هاهي لالة نسيمة تعاود ليكم

حورية: فين هي نسييمة بنتي فيين.. وااش ماشفتيش حالتهاا كي كاانت.. علم الله شنوو..

-تفتح باب بيتهاا وبتوتر سدو فمهم فالبلاصة شي كايحنحن شي منزل عينيه

..دازت من حداهم ببرود ودخلات للحمام سادة الباب عاد تنهد سي عبد الله وحورية بحصرة نطقات وعينيها مدمعين بألم

حورية: قطعاات شعرها.. الله ياااربي وحالة بنتي ولات تشفي العدو

عبد الله: لا حول ولا قوة إلا بالله حسبي الله ونعم الوكيل

خرجات من الحمام جارة بانطوفة باها وغاسلة وجهها وشعرها الواصل حد كتفها بطريقة مبعترة كل خصرة وطولها قداش..

بركات معاهم بوجه جامد وعينين داخلين مسود تحتهم بالهم والغم وعدم النوم من التفكير

..جرات كاس القهوة كحلة وبدات تسرط مرارتها وكل مرة تزير عينيها من وجع راسها الشديد

سالات وناضت للصالة هزات التليكمونض وبدات تغير فالاداعات بعشوائية وعقلها ممعاهاش..

خلاتهم غير كايشوفو ولحساسية الوضع ماقدر حد يهضر ولا يسول .. ناضت عزيزة بعد تردد ولعندها مشات.. بركات حداها تتفرك صباعهاا وبابتسامة متوترة قالت تتحاول تخرج منها الكلام وتخفف عليها شوية

عزيزة: نصيب ليك شي حاجة تاكليها الالة "ماجاوبااتش وحتا هي بلا عگز رجعات قالت" لالة نسيمة.. نصيب ليك شي...

قاطعاتها: لا

عزيزة: و واخا.. سي عمر مسكين توحشك والبارح كلوو وهو كايتسنا مسكين غير ايمتا يدوي معاك..

ا راه فبيتو كايرسم.. نجيبو ليك

ردت: لا

عزيزة: واخا الالة اللي يريحك .. ا ا نشد ليك شي فلم

نطقات ببرود: عزيزة

ردت: ن نعام الالة

نسيمة: قلبي ساعة بخراا عافاك

ميلات ملامحها للحزن بحالا غاتبكي وقالت: الالة حالتك تتقطع ليا قلبي وماباغاش نشوفك هااكدااا.. حتاا شعرك مسكين علاش قطعتييه شنوو دارليك

سكتات تتفكر بعدها نطقات: شنو وقع البارح.. ايمتا جيت للدار

تنهدات: سي أنور هو اللي جابك

ضارت لعندها بوجه جامد: ماجيتش فطاكسي

عزيزة: لا.. گاليا تلاقاك خارجة مع الدار وكان هو عااد راجع يطل عليكم

شاف حالتك الآلة ماشي هي هاديك وطلعتي معاه يوصلك.. ونزلت اناا طلعتك للداار ..

كنتي متدوي ماواالو خلعتيناا عليك وانا نبدل ليك حوايجك وعطيتك الدوا من بعد نعستي بلااصتك.. صافي هادشي اللي كاين

نسيمة: مزيان

عزيزة: باغة تعاودي ليا شنوو وقع.. يمكن ترتااحي

ردت: ماقاداش

شافت حتا شافت ومن حداها ناضت بملامح حزيينة.. ضارت فاش وصلات للخرجة ديال الصالة و بتوتر فركات صباعها وقالت

عزيزة: بغيت نقولك شي حاجة عرفتها أيام هادي.. ولكن ماعرفتش كيفاش نوصلها ليك "ماجاوبااتش وحتا من الشوفة مادارتهاش جيهتها" واخا هاكاك غانقول.. ختي حياة كانت تتخاسم مع بنتها على تصاور سي محمد شنو تايديرو فتليفونها.. هي دخل لالة الغالية وقالت ليها باللي هي اللي سيفطتاهم ليها حيت كانت غاتفورماطي التليفون وكانو غايتمسحو.. حتا تقاد التليفون وتعاود تسيفطهم ليها مرة خراا

تسنات تشوف ردة فعلهاا ولا تعقيبها على الأمر واخا غير من ملامح وجهها لكن بدون فائدة.. خلاتها وخاطرها ممهنيهااش ..دخلات لبيت نسيمة وجبدات تليفونها تتصوني لأنور والدمعة فعينها محبوسة

انور: صباح الخير الزين

ردت بصوت مغبن وعلى السرير بركات مهدودة: سيدي أنور.. ب بغيت عافاك ندوي معاك

جمع التخنزيرة بعدما كان مبسم وقال: عزيزة.. تتبكي؟

مسحات دموعها وتاتشهق: ل لااا.. متانبكيش

رد بعصبية: مااالك.. هضري الزمرر مااالك

قالت بعدماا جمعات النفس وقلبها ضارها بالجهد: نسيمة .. مسكينة تتعدب ..عمرها كانت هاكة و كون تشوف وجهها كيولا

زفر بقوة وناض: عزييزة برردي..بلاتي شوية وانا معاك

ردت: واخا

سمعات حس خطواتو وهو من المكتب خارج هاز جاكيط دجين زرق ومع باب الكوميسارية خاارج وكايهبط الكاسكيطة.. منينما داز كايلوحو ليه السلاام حتا وصل لسيارتو طلع ديمارا وقال

انور: نتي فالدار

ردت بخنقة: مممم

أنور: مسحي خنونتك بعداا.. انا جاي

باعتدار قالت: مانقدرش نخرج فهاد الوضع

رد: غاتخرجي ولا غانطلع ننزلك ..المهم راك عارفة

عزيزة: عافاك اسيدي أنور

رد: اناا ماسيد حد هادا لله معااك

قطع وهي بقلة حيلة ناضت لجلابتها اللي فالپلاكار حدا الباب معلقة.. جلابة خزية ايڤازي بسفيفة حكلة رقيقة ومن لتحت مطلوقة على شكل كسوة.. لبساتها ودخلات للحمام غسلات شوية وجهها وقادار الزيف بشدة خفيفة رامياه اللور..

طلات على نسيمة فالصالة لقاتها على حالها كيف خلاتها بقات

.. كل مرة قالبة الإداعة وايدها ليسرة تترعد بوحدها وبطريقة غير عادية رغم أن وجهها جامد وهادئ.. حزنات على حالها ولعندها دخلات مرة خرا تاتعيط بنبرة حنونة

عزيزة: لالة نسيمة.. لالة نسيمة

حركاتها من كتفها حتا قفزاات وفيها شافت مصدومة وقلبها بغا يقفز: شنوو.. مالكم شنوو

ردت تتهدنها: واالو الااالة غير انا خاارجة.. وكنت باغة نشوف واش خاصاك شي حاجة

قلبات وجهها تترد النفس وقالت ببرود: لا

عزيزة: ماتمشيش معاياا حسن .. عافااك

نسيمة: سيري.. انا مافياش

ردت بالحاح: واعاافاك ..عرفتي شنو انا غانجيب ليك جلابتك

مشات تتزرب للبيت مخلياها فمكانها ساهية.. جابت ليها جلابة قهوية مخزانية وفولار اصفر على لون السفيفة وبركاات تاطلب فيها وتعااود حتاا نوضاتها تلبس الجلابة فوق پيجامتها والفولار حدها رماتو على راسها ماافيها اللي يتحرك وغير دارت الخاطر لعزيزة..

جابت ليها بوط قهوي وهي لبسات سبيبيط خفيف مبين نعومة رجيلاتها وبيوضيتهم.. صونا تليفونها برقم أنور وقالت بسرعة وهوما من الدار خارجين

عزيزة: وصلتي اسيدي أنور

رد: هاني قدام الباب ..موجودة

حط التليفون فاش شافها مع باب العمارة خارجة وجلابتها تتموج مع كل حركة بسيطة منها..

طلع فيها وهبط عاد هبط مبتاسم حال ايديه وعلى التعناق ناوي.. ساعة غير بانت ليه نسيمة جاية من وراها جمع الضحك وجمع حواجبو كايحقق فيها الشوفة

عزيزة: سيدي أنور.. شنو خبارك

دازت عليهم نسيمة ببرود ورا ماقالت السلام ورد عليها بتحريكة رأس.. وقفات قدام الطموبيل وعزيزة قالت بتبرير

عزيزة: بغيتها مسكينة تبدل شوية الجو.. ياكما تقلقتي

زفر وقال: لا لا.. كنت زعما باغي نخرجو بجوج ولكن هانية.. كيبقات بعدا بان ليا من وجهها ماشي هي هاديك

عزبزة: الهضرة وتتخرجها بزز ..خالعاني حالتها والله

انور: معدورة.. الدقة باقة جديدة وماعندها كي دير

عزيزة: سيدي محمد شنو كايگول فهادشي

ضحك مستهزي: محمد البارح دخلت لقيتو باارك تايخمم.. حتا ناض بوحدو وتساب معايا مزيان حيت عطيتها العنوان وجمع حوايجو وخرج

عزيزة: اويلي فين.. رجع للڤيلا

رد: مانظنش.. المهم زيدي البنت كاتسنا

تبعاتو للطموبيل.. فتح لنسيمة الباب الخلفي بابتسامة بشوشة وقال

انور: طلعي اختي مرحبا

ركبات وعاد بغات تركب حداها عزيزة سد الباب وجرها للكرسي حداه ناطق بينو وبينها

أنور: هابلاصتك الزين ديالي

ركبات محمرة من الخجل وخايفة لاتكون سمعاتهم نسيمة اللي على الزاجة حطات الراس وماهياش معاهم فهاد العالم..

ركب أنور وديمارا مكسيري فشوارع كازاا الكبيرة..

ضربها جبدة وحدة حتاال عين الدياب فين كايكون الجو خلااب ومنظر البحر تايبرد النفس ويصفي العقل من قوة الضغوطات.. هبطو داخلين لواحد الكافي تماا وفلاطيراس بركو..

طلب مشروبات بااردة حاط التليفون والكاسكيط حداه ومرة مرة يشوف فنسيمة اللي قدام عينيه باركة وعينيها فالبحر ساهيين بحزن دفين فيهم.. عقلها مرفوع ووجها مافيهش نقطة الدم و شوفتها باهتة منعدمة من الحياة تتقطع القلب

تحط العاصير قدامهم ومشا السيرڤوور.. عزيزة هزات كاسها وبغات تعطي لنسيمة ديالها لكن سبقها أنور ومدو ليها بابتسامة

أنور: ختي نسيمة.. هاكي بردي

شافت فالكاس ناطقة بعفوية: هادا اللي غايبردني

رد: هاد الساعة نافع غير للريق.. اما القلب، حالو صعيب شوية

بقاو بتلاتة باركين وصمت كلي حايط ليهم.. نسيمة خلاها أنور حتا سالات كااسها واستنشقات ما يكفي من هوا البحر النقي عاد قرب عندها ضهرو بجدية عازم معاها يدوي ويخفف همها واخا غير شوية

أنور: شوية دابة

ردت بصوت خفيف متنهدة من أعماقها: الحمد لله

عزيزة: هاكي الالة

مدات ليها عزيزة كلينيكس تمسح بيه نيفها الحمر وفمها.. أنور خدا نفس كايقلب باش يبدا كلامو وقال

أنور: الدنيا هي هادي، وحنا ماعندنا مانديرو .. كاين شي حوايج زوينين فحياتنا مرات كايكملو ومرات لا.. ولكن الحياة كاتبقا مستمرة مكاتوقف لاعلى بشر لاعلى مادة ومتاتسنا حد..

قلبات وجهها عندو بأنفار مرعودة: خويا انا بيخير.. بلا مانشوشكم عليا "شافت فعزيزة حتا هي" انا بيخير

أنور: نسيمة ختي.. ديريني خوك الكبيير وخوديها مني نصيحة، الدنياا راافايتة اختي وباش تعيشها مقااد خاصك تعلم تنساا وتفوت، لابقيتي شااد فاللي فاات وتتحصر عليه راه عمر ديلمك طفروو وعمر باالك يهناا غاادي غير تمرض دمااغك وصافي.. عن تجربة كانهضر .. شفتي الحقد ديال بنادم والتبرزييط والسم دياالو.. غيير فووت بااش ترتااح فمخك وخلييه منو للي خلقو، غاتنووض تبداا تلواا بااش ترد الدقة راكاا بحالاا غاتولي بحاالو ووالله لاابردتي عافيتك.. ماعندك ماتستافد

شافت فيه مدة بعيون مرققة وقالت: هو اللي عاود ليك

رد: على هادااك كايگوول شنو ضاارو مالكي ماعارفااهش كيداير "شاف فعزيزة فنص عين وهاد الأخيرة تململات من مكانها بحرج" عرفتها وصافي ماشي مهم شكون

عزيزة: ا اناا اييمتاا قلت لا عندااك الآلة هو اللي جر ليا لسااني وحتااال الليل فاش بغيت ننعس عااد عقت باللي عاودت ليه.. سمحي ليا عافاك

ضحك أنور باستهزااء ونسيمة بتنهيدة قلبات وجهها

أنور: تاطيري ابنتي تاطيري

نسيمة: هو شنو كايدير ؟

رد: ماعرفتش.. من ديك النهار فاش وصلتك ماشفتو، ومانضنش مشا للڤيلا

حركات راسها ببطء ورجعات قالت: عائلتو عارفة

أنور: لا.. ونبهني مانقولها لحد، ولكن كان قال لجداه باللي سافرتو

نسيمة: شنو زعما.. ناوي حتا نطلقو عاد يلوحها ليهم

أنور: عارف كلامي ماعندو باش ينفع.. ولايني راه تاهو حالتو ماشي قل من حالتك.. هامل راسو وخدمتو وصحتو ..ومانعرف علاش ناوي مازاال.. ولكن يستااهل باش يتعلم الطيراان فبحال هاد القراراات

عزيزة: ايوا دوي معاك اسيدي أنور ياك نتاا صاحبو

نسيمة: لا.. عافاك لامابغيتش يظن باللي انا اللي طلبت منك تهضر معاك

تنهد وشاف فيها: هاد عزة النفس غاتقجكم بجوج..

انور: خااص واحد فيكم يتناازل وتدوييو.. وهضرة ديال المعقول ماشي نتا درتي نتا فعلتي نتا ممزياانش نتا نتا نتا..

محمد را عشرة سنيين اختي نسيمة كانعرفو كتر من رااسي، خااصك غيير تبدااي ليه بأنا درت وانا غلطت غايولي يعتارف ليك باللي دار واللي ماداار وتتولي فعينو كبيرة واخا مانعرف شنودرتي

نسيمة: عندو الحق مايسامحنيش.. صعيب نعتارف بيها، ولكن عندو الحق يدير كتر

انور: الصراحة انا ماعارفش شنو كان واقع بالضبط حتا تفرگع هاد التفرگيعة كاملة..ولكن انا اللي كانعرفو كي دااير، خااصو غير الوقت، أجلو هاد الطلااق غير حتااا يسرط اللي وقع ويجي هو يدوي معاك، ديك الساعة حطو اموركم على الطبلة ودويو

ردت بألم: هاد المرة صعيب الحال ..مااشي بسهولة غايتنسااه ومانظنش يجي نهار ويساامحني ..وهادشي اللي كااي...

خدات نفس بعدما حسات بالضيق فخاطرها وللبحر قلبات وجهها.. ماقدراتش تصبر وخانوها الدمووع ناضت من حداهم بعدما قالت بصوت مغنن تتخبي عينيها المدمعين

نسيمة: سمحو ليا انا راجعة

ضارت عزيزة ناوية تبعها: انا غانجي معاك

شدها أنور قبل ماتنوض وقال بجدية: خلييها

تمشي

ردت بخوف: ماخاصهاش تبقا بوحدها

انور: بالعكس مزيان هاكاا بااش تفكر وترد الحساباات اللور

ضاارت متنهدة بأسى وقلبها عليها تايتقطع: بقات فياا.. بقاو فيا بجوج و حالتهم تتشفي والله.. غير يوماين وشوف شنو وقع، علم الله ايلاا زاد طول هادشي

شرب من كااس العاصير وقال : خااص شي واحد فيهم يطيح كتافو لارض ويجي يهضر مع لاخر ..خاصهم يدويو، اما الطلاق ما الطلاق مابانش ليا منو

عزيزة: ولايني رااه طلقهاا اسيدي أنور

بزفرة قال: فالبلاصة يردها لابغاا..راا الورقة فااش بقاات، ويااك مهلل الوقت على هاد الطلاق ماالو مارفع الدعوى عاد صونا لبااها وعلمو ..وفاش كانجي نهضر تايقولك اناا عارف شكاندير واادوي معااه نتا

عزيزة: وعلاش

رد : الله وهو أعلم

عزيزة: يااربي غير تتصلح الأمور بيناتهم وبأسرع وقت.. هوما يرتاحو ويريحونا تاحناا

تنهد وجبد ايدو لورا كرسيها: وايييه.. النااس تزوجو وطلقو وأنور باقي مادار تاوحدة فيهم

هربات عينيها بحرج تتحنحن: كلشي فوقتو زين اسيدي أنور

انور: ايوا وهاد الوقت باقي ماهدااه الله يجي

دبلات عينيها برجاء وهاد النظرة خلاتو يسيح داايب وعقودية عينيه تتحل

عزيزة: وراكا تتشوف شنو وااقع.. حشومة نفكرو فهادشي وسط هاد المشاكل كلها

بتنهيدة سخونة رد: كون تعرفي فاش كانفكر يضرك خااطرك

رمشات: فاش تتفكر

قلب وجهو وهز الما كايشرب: شربي العاصير شربي.. ليناا الله

الحب صعيب والولف مصيبة

ولاتجمعو بزوج تايولي القلب نايضة فيه زوبعة من المشاعر الجارحة..

الدنيا فعينينا تايطفاا نورها وتاتولي الظلمة فكل مكاان تلفتنا ليه..

لالون بقا على حالو.. لاطعم للحياة ..

تتولي تشوا على نار مهيلة ومكاين اللي يفهمك ولا يحس بييك ..تاوااحد ماعاالم بالعافية اللي فيك شااعلة وحد ماعارف بالي ورا برودة دمك احاسيس جيااشة غير الله والدموع اللي على مخدتك بايتين هوما اللي عالمين عليهااا .. النفس فصدرك تايتقاال وشوية بشوية تاتولي طفا بحال شي شمعة دابلة..

هاكدا كانت حالة نسيمة، نسيمة اليتيمة وواليديها فالدنياا أحياء يرزقون.. وحيدة وعائلتها كلها عايشة ممخصوص منها حد .. مخنوقة واخا الأكسجين ضاير بيها من كل جهة.. ومكسورة الجناح وااخا واقفة على الصخر بتبات وفالبحر تتشوف سااهية بهدوء ..

الواضح من هيئتها حاجة..لكن ماخفي اعظم

..مرة تبسم بوحدهاا وخلف بسمتها كاين بزاف مايتقاال.. مرة تمحيهاا وعينيها يدمعو.. ومراات تجمع النفس وطلقو سخون كايفوور.. الوقت تايدوز عليها تقييل ودماغها مارحمهاش من التفكير فاللي وقع وتايوقع وغايوقع من هنا للفوق..

قلبها كاينزف وحالها ماعالم بيه غيرالله.. لكن اللي غفلات عليه وعمرها حسبات ليه حساب هو الندم اللي فيها كايهبش ويااكل.. الحصرة والكسر والدمار .. وصدق من قال أن الوقت تتربي.. والزمان تايعلمك شحال من حاجة فموقف واحد وربما ساعة وحدة كاافية تغير مجرى حياتك وافكارك وكلامك حتا .

.والصعيب هو تحس باللي فات الفوت..مابقا عندك ماتصلح وبزز منك خاص تتحمل العقاب .. وماا أصعبو من عقاب

دازت يام الله وفاتت سيمانة على قدهاا.. بنهارها وليلها وفجرها..

أيام مختالفة فالجو.. مختالفة فالاحدات اللي تتوقع عبر العالم إلا عند نسيمة كلشي مبلوكي..

روتين واحد متبعاه وكل يوم وماعاوداتش عتبات باب الدار ..

حدها تاتفيق فالصباح، تغسل وجهها و تبرك معاهم على طبلة الفطور بعدما تلقي السلام وعلاشما قدات تاكل راه تتاكل فصمت وتتجاوب واليديها على قد الكلام حتا تايسكتو فخطرة مالاقيين معاها سلاكة..

والغدا والعشا نفس الشيء ..ماباغة حد يتسخر عليها ولا تتقل عليهم كتر

..حتا من بيت واليديها خرجات منو ورجعات لبيتها القديم.. بيتها البارد والمهجور واخا فيه كانو تاينعسو الفترة اللي حتلت غرفتهم ماشعرات فيه بحتا دفء من أي نوع كان.. حساتو موحشها، لكن هي ماتوحاتوش بتاتا، ونغصة فقلبها شداتها ورا مادخلات ليه وتفكرات شعورها فآخر ليلة باتت فيه قبل ماتخرج منو عروسة .. سرطاات الواقع بمرارة ودموع غزيرة فالليل على مخدتها ككل ليلة من لياليها السوداء

.....

حتاال واحد النهار وهي فبالكو الكوزينة باركة وكأس من القهوة الصباحية فايدها تتشوف فالشارع المقابل لعمارتهم ..

ترفع أدان الظهر وشافت المصلين من ديورهم تايخرجو والصلاية على كتفهم محطوطة.. المحلات سدو والحوانت حتا هوما ..

تتشوف بعينيها كيفاش لباو نداء الله عز وجل وهي من الفوق حاضية فصمت وبتقالة تترمش..

فترة وهي على حالها جامدة حتاا ضارت محولة عينيها لسجادة الصلاة اللي فصالونها محطوطة..

نهار فرشاتو جات معاه بحال الديكور.. عمرها فرشاتها حتا بالضحك.. عمرها اهتمت للصلاة ولا لتجأت لله فااش تتسوء حالتها وتضعااف..

بالرغم من أنها فأعماق قلبها كانت محتاجاه داائما .. لكن ماترباتش على أصول الدين واخا عاشت وسط أسرة مسلمة ..

كلات العصا على الحجاب وعمرها كلاتها على الصلاة.. شافت جدها كايهز الصلاية بيد وقاصد الجامع.. وفنفس اليد شافت دم الغدر وسرقة وتعدو وظلم

.. شافت جداها تادير صدقات وتعرض الناس لقلب الدار بوجه بشوش.. وبنفس الوجه تتشوف شرها فاش تايخرجو وشحال تتبقا مريضة بالاعصاب تحصرا على الفلوس اللي خسرات.

حطات الكاس على الطبيلة اللي فالبالكو و ناضت بلا ماتفكر أو تحلل قرارها..

دخلات للحمام والوضوء اللي تعلماتو بقا فبالها محفور ومحفوظ.. هزات الصلاية من الصالون ودخلات لبيتها سادة وراها الباب ولبسات عباية طويلة مع فولاار شداتو بطريقة محكمة.. لبسات تقاشر كحلين و

..نزلات الكمام على كوعها وساست توب عبايتها بتوتر

فرشات السجادة جهة القبلة.. وكبراات بقلب مرتبك ولسان كايرجف كأنها أول مرة تصلي.. بين ايدين الله أول مرة توقف بقلب خاالص محتاج مالم و ضعيف ..شرعات فصلاتها .. وداتها عليها تترجف

🍁سامحني..

حين اسجد وداخلي ينطق بالف حديث ..

حين اصلي ولا تكون صلاتي كما تريد

حين ابكي على قضائي رغم إيماني به

واغفر لي

اذا نفذ صبري.. وضاقت نفسي ..

" اكثروا من هذا الدعاء"

سالات صلاتها وبكل سجدة حاولات تطول مااأمكن ومع كل رفعة رأس تتنزل دمعة من عيونها الباهتين ..

القرآن برجفة تايخرج من فمها وقلبها من بلاصتو بغا يخرج، ندم من نوع آخر احتاجها.. وفورما سالات صلاتي الصبح والظهر طلعات ايديها للواحد الأحد تاتطلب المغفرة وترجا الرحمة منو.. تدعي على الكرب اللي فحياتها.. على الوجع اللي فقلبهاا .. على الندم اللي مابغاش يفارقها ..

دعاء طول اكتر من طول الصلاة بحد ذاتها لدرجة ماسمعاتش الباب فاش حلاتو مها باش تعلمها أن الغدا تحط، شافت حالتها وبابتساامة رجعاا سداتو وعلى راحتها خلاتها.. فسجادتها باركة تتكمل الدعاء.. مصرة كل الاصرار عليه ومن قلبهاا تايخرج خاالص

برك سي عبد الله فمكانو كايسمع لكلام حورية حتا سالات وبابتسامة مطمئنة قال: الحمد لله.. خليها على راحتها حتاا وكان تفش.. مكااين ماحسن من انو المسلم يتوجه لله عز وجل فأوقات بحال هادي

حورية: اناا فرحاتني فااش شفتهاا تادعي والدموع فعينيها عالله تبرد على قلبها شوية

رد: غاترتاح فالصلاة .. الله يفك كربتها على خير يارب

خرجات عزيزة من الكوزينة بعدما حطات لعمر ياكل وقالت بحماس

عزيزة: ندي ليها غداها للبيت ؟

حورية: واخا ابنتي عايني نعاونك

هزات پلاتو وحطات ليها حقها من الطاجين والشلاضة والديسير... هزاتو عزيزة متاجهة بيه لبيت نسيمة وعندها دخلات بابتسامة عريضة ومسرورة..

لقاتها باقة كيف خلاتها حورية وبدون ماتكلم سدات الباب وفوق الكوافوز حطات البلاطو ..جلسات تتسناها حتاا تساالي وففمها اللي تايتحرك برجفة وسرعة تتشوف برمشات تقال مبسمة

نسيمة خرجاات تنهييدة من تنايا قلبها ...مسحات وجهها بعيون مغلقة وعلى شفايفها أخيرا ترسمات ابتسامة افتاقداتها أيام وايام

عزيزة: ارتاحيتي شوية ههه

شافت فيها براحة: الحمد لله.. وحتا خاطري برد شوية الحمد لله

ردت: الحمدلله ههه توحشت نشوفك ضاحكة

ناضت تاطوي سجادتها وتغير ملابسها: ههه بصح

عزيزة: والله ..هاكدا نبغيك الالة قوية وصعيب طيحي

نسيمة: الدنيا قاادرة طيح أي واحد اعزيزة كيفما كان نوعو.. كلنا ضعفاء وضعفنا فواحد الوقت ضروري يبان ..ولكن الحمد لله على كل حال

عزيزة: ربي كايفرجها من عندو

فتحات پلاكارها: بصح.. وكاينور طريقنا للخير ..ياك

ردت: آه بصح

لبسات پيجامة قطنية بيضة منقطة بالاسود.. جمعات شعرها وعندها جات تبرك

نسيمة: البارح سمعتك كاتدوي فالتليفون مع أنور.. وبالصدفة سمعتك شنو قلتي ليه

نزلات عينيها بحرج: ش شنو

نسيمة: علاش كاتأجلي الأمر؟ ياك هو واجد ومستاعد شنو اللي مانعكم

عزيزة: م ما ماجاتش الالة وخصوصا فهاد الظروف

شدات فايدها بحنية ورزانة: عزيزة..لا هاد الكلام اللي تتقولي ليا ولا ليه رااه ماصالحش وتبريراتك حتا هوما.. انا هنا عندي محروق والله أعلم ايمتا ربي غايفرجها، غير هو الى بقيتي كاتسنايني حتاا نبرا بقيتي بايرة ههه

شافت فيها بأسى: الالة علاش كاتقولي هاكاا.. بلا ماتبقاي محملة راسك الدنب حتاا سيدي محمد را غالط..نتي درتي اللي بان ليك خاصو يداار كون غير دوا معاك بالعقل ت..

قاطعاتها بهدوء: انا مكانشوفش شنو دار هو.. وماهامنيش فهاد الساعة واش عندو دخل ولا لا، قدما هامني هادشي اللي انا فيه..هه عرفتي ديك الطيحة على وجهك اللي تاتفيقك فبير غرقتي فيه للقاع.. هادشي باش انا حاسة، وصعيب نشرحو ليك.. صعيب شي حد يفهم تصرفاتي حيت انا براصي ماكنتش عارفة شنو كاندير ..ولكن اللي ننصحك بيه هو شدي فاللي كايبغيك وماتتخلايش عليه مهما كلف الأمر.. نهار يمشي اعزيزة، عااد كاتعرفي قيمتو فحياتك شحال كانت كبيرة

عزيزة: ممتخلياش عليه الالة.. غير هو باقي ماجاش الوقت المناسب

ردت: ياك هو جامع راسو وكلشي متوفر.. ومن الفوق مكبر بيك وكايزرب باش تأسسو حياتكم.. ادن راه وصل الوقت المنااسب اعزيزة ماعندك لااش تتماطلي كتر من هاكا

يتبع...