أحييني بشوقك الجزء 26

كتب اسم فلم من اختيارو فالپلازمة اللي وسط الصالون.. خلاه كايشعل وهو دخل للبيت اللي جنب الكوزينة..

خرج هاز ملاية طويلة وكوڤرلي بيض غليض مع زوج مخاد..

توسعو حجبانها مطلعاهم بتفاجأ وهزات رجلها من الزربية باش يفرش الكوڤر

فالارض جا شاادها من القنت للقنت ورما المخاد حدا بعضهم مستفين

سي محمد: نزلي الزين، هاكا غاتخلا الفرجة كتر

مشا هز التليكمونض وهي بخجل اجتاح داتها فجأة هبطات باركة فوق الفراش اللي فرش.. جاا تسرح حداها بأريحية حاط ساشية المكسرات جنبو و معلي صوت التلفزة.. غطا رجليهم بالملابة وعينو عليها هي اللي شوية مبعدة عليه ومجموعة فنفسها بحالا مكنززة ومتوترة غير من رموشها اللي كايتحركو بسرعة

تبسم راد راسو اللور وقال بغموض: حبيبة.. سيري عافاك طفي للضو نسيتو

ردت بصوت خفيف يادوب تسمع: واخا احم

ناضت وهو هز المخدة ديالها راميها اللور وتسوخر وسط الفراش شادو كاامل بجسدو العريض..

ضلمات البيت وولا ضو التلفزة فقط اللي كايضرب فحيوط الصالون وفيهم

.. وقفات حداه ناوية تبرك عاد انتابهات باللي المخدة طارت وهو متكي بملكية على الفراش واخد القنت كامل وتايقلب فالتلفزة ملاهي بييهاا وقال ببرود

سي محمد: وازيدي يالله الفلم بدا

حكات عنقها مرتابكة وقالت بحرج: و والمخدة فين مشات

وسع ايديه كايشير ليها تجي: اجي الحب دياالي انا مخدتك

بخدود حوومر ردت: والا امحمد حط المخدة عاد نتفااهمو

رد وهو كايضرب فصدرو: المخدة حسن من هاداا؟

طلعات حاجب: نجااوب ؟؟

جبد رجلو لرجلها وعكلها حتا كانت غاتجي عليه لكن شدها وزيرها عند صدرو كايضحك وهي فمها محلول بصدمة

سي محمد: يالله وااتسرحي داابة

ضارت شاافت فيها مخنزرة: وااش هبلتي كوون طحت داابة

رد بهدوء: ولكن شدييتك الحب ديالي.. وااتقادي الفلم راه بداا

تقاادات على صدرو مغوبشة والبسمة تاتهرب من شفايفها ومخبياها عليه.. غطاها معاه وعلى صدرو ولات نايمة تايتفرجو

........

فرانا الطموبيل قداام العمارة وتلفت مبتاسم ليها: وانتهت جولتناا ههه تصبحي على خير الزين ديالي

بابتسامة خجولة: حتا نتا تصبح على خير اسي انور.. حتال غدا ان شاء الله

بغات تنزل وشد يدها مقرب لجيهتها: متاتسلميش

رمشات: قلت ليك تصبح على خير

رد كايقرب بتمالة: اجي احبي اجي

عاد غايحط شفايفو على خدها سرسر تليفونو وقفزاات قالبة وجهها وتتحنحن بالحشمة.. انور عض سنانو معصب وجبد التليفون مكره ماكرهش يخبطو مع الارض

انور: القرينة الكحلااا

شافت فيه تاتمتم بفضول وكلها حمارت: ش شكون

شاف شاشة الهاتف وهز حااجبو بانزعااج وبين شفايفو شتم: هاادشي نيت اللي بقا خااص

عزيزة: مالك وااش الخدمة

رد بعفوية: زهرة هادي

غوبشاات ونبرة صوتها تغيرات فجأة: شكون زهرة

رد: بنت حيااة صبري نجاوب ..ا ..

مع غايتكلم حس بيهاا لاسقاات ودنها مع التليفوون كاتسنط بفضول قاتل والتكشيرة فوجهها.. بسم عاجبو الحاال وخدم اوط پاغلوغ بعدما جرها من كتفها متكيها عليه وهي ماهامهاش باغا غير تعرف شنو بغاتو

زهرة: خويا انور لاباس عليك.. اش خبارك

رد مبيم وعينو على عزيزة: هانية الحمد لله.. الحاجة بيخير ياكما واقعة شي حاجة

زهرة: لا لا بيخير الحمد لله.. احم بغيت غير نسولك على سي محمد واش ماعليه خبار

انور: لا اختي ماعارفش

ردت بنبرة حزينة: تشوشت عليه بزاف صراحة وباقي متايجاوبش فالتليفون كانصوني تايطلع ليا طافي

رد: يدير الله خير.. نتي غير ماتبيني والو للحاجة مابغيناش نزيدو نشوشوهاا

زهرة::كون هاني راه واعدتكم.. غير نتمنى الى عرفتي عليه شي خباار تعلمني باش نطمن عليه على الاقل.. هاد الفترة غاتكون صعيبة عليه مسكين الطلاق لتاني مرة ماشي سااهل وغايبغي اللي يوقف معااه ويساندو واخا غير بالهضرة

انور: ان شاء الله

زهرة: يالله تصبح على خير وسمحليا صدعتك

رد: لا هانية مكاين حتا مشكل.. تصبحي على خير

قطع وعزيزة شافت فيه قارناهم وقالت: وعلاش هي عاارفة باللي سي محمد تفارق مع لالة نسيمة ؟؟؟

رد ضاحك حتا بانو سنيناتو مستفين: مممم.. شفتك لسقتي ليا فالتليفون "غمزها كايمعني" اش تماا

شهقات مصدومة: هييه ويلي على عرفاات.. منين عرفاات وشكوون قالها ليها

طلع حاجب ماحي الضحكة: داابة هادشي علاش لسقتي على التليفون، غير بااش تعرفي وااش فخبارها طلااقهم ولا لا؟

ردت برجاء: وغيير قول اسيدي منيين عرفاات.. لالة نسيمة مسكينة الى ساقت ليها الخبار عاارفة غايبقا فيها الحال تاني

شاف فيها مطول وبزفرة قال مبرد صوتو: كانت معاهم فالدار نهار طلقها

وسعات عينيها: ويلي ويلي وگاع ماگالتها لياا .. وزهرة شنو كانت كادير عندكم فالداار

رد مخنزر: لونكيط هاداا اعزيزة

قلبات ملامحها تاترجاه: واعافاك عافااك غير قوليا اسي انور ماغانقولها لحد

ضحك: نتي نييت هههه

عزيزة: واعاافاك

تنهد وقاال كايسرسب ليها كلشي: جات الالة ملي غبر محمد على الڤيلا.. هي عارفة العنواان ديال داري وجات دير حنة ايديها وتقلب، وفعلا لقاتو عندي..

ماقديتش نخليها براا ودخلتها من الصواب زعما وهي منها لراسها بدات تصرف بحالا فدارهم تقاد من هنا وطيب وتوجد من لهييه

عزيزة: اهااه

انور: صافي تالنهاار فين طلقوو.. وصلت نسيمة ورجعت لقيتهاا فالكوزينة تاطيب ومحمد سااد عليه الفوق.. طلعت ندوي معاه زدقنا منوضينهاا بجوج حتا جمع حوايجو وخرج من الداار فمرة.. ديك النهاار مشاات حتا هي فحاالها وبقات تتسولني عليه مرة مرة علا وعسى نعطيها العنوان الجديد ديالو

عزيزة: وراه العنوان الجديد ديال السي محمد عندك

رد: علاه حماقيت نعطيه ليها باش يالله نزيدو نقودوها كتر انا وياه

تنهداات بأسى ونطقات: الله يدير اللي فيها خير وصاافي

رد: اميين يتهناو ويهنيونا معاهم

عزيزة: تصبح على خير اسي انور

جرها قبل ماتنزل وبسرعة طبع قبلة عميقة على خدهاا وعليه سد عينييه كايتنغم بحلاوتو ويتلدد.. حس بسخونية لحمها فشفايفو ولون حمرتهم زااد تغمق عاطيهم جمالية حلوة بنجات لساانو وخلات عينيه يتعسلو كتر.. بغاا يعاود يدوق ويروي العطش اللي نشف ليه حلقو لكن ضارت بسرعة خارجة من الطموبيل تتزرب دخل للعمارة وقلبها بغا من بلاصتو يخرج..

خلاتو فالطموبيل مبلوكي على حالو بااقي مسرح ايدو وتأتير قبلتها لااعب عليه ..فقط قبلة من الخد خلاتو يتخدر.. ضحك عاض شفايفو وديمارا من تما بنفس مفتحة وتنهيداات سخونة تتخرج من داتو

ظلام الغرفة وضو التلفازة الخفيف ضارب فيهم.. دفئ اجسادهم وسط برودة الجو القارس، حميمية الفلم ولقطاتو المخلة للحياء كلهم اربكو مشاعرها وخلاو عينيها بغير اريحية يضورو بجميع للاتجاهاات والسخونية طالعة معاها .. ماقادرا لاتكمل المشاهدة والا طلع الشوفة فسي محمد..

وسط الصمت والانفااس الداافئة وتوتر الجو.. تخللات اصباع ايدو نعومة ايديها بعفوية

و قاسهم بلمسة خفيفة.. هز ايدها لفمو طبع عليها قبلة نااعمة زادت على مابيها وسرح القبل على طول ايدها بروية ولطف ومع الكسوة اللي لابسة سميطاتها خفاف ورطبة على لحمها لقا راحتو وشفايفو بلهفة حولو مساار القبل لعنقهاا ناسي نفسو وشوية بشوية بدا يسرحها على الفراش مدوبها وداايب بين بحر الرغبة فيها وحر الشوق ليها

..تسدو العينين مخدرة وخرجات تنهيدة حارة فاش حسات بايديه على فخادها كايتمررو ..سرطاات ريقهاا تاترجف وبصعوبة شدات ايدة ونطقات بكلام متقطع تاتلهت

نسيمة: محمد عافاك لا

رد متمل فعنقها: شششش

نسيمة: محمد مانقدرش هاكاا عافاك فهمني

حبس كايتنهد مطولا وشاف فيها بعينين معسلين من الشهوة وصدرو كايطلع ويهبط

سي محمد: نسيمة ماتبدايش تااني عافاك.. كاتعرفيني مانقدرش نصبر

ردت برجفة: ولكن.. خايفة يكون غلط

رد: فين الغلط

نسيمة: حنا طلقنا ..خايفة يكون هادشي..

قاطعها بقبلة خفيفة فثغرها ونطق ملاسق معاها شفايفو: طلقتك فلحظة كنت مكرره وكااره كلشي..ورديتك الغزالة دياالي

طقات بخوف مجتاح قلبها: نكدب عليك صراحة مامرتاحاش للأمر

ركز فعينيها بحنية: حبيبتي، واش عارفاني غاندير شي حااجة بحال هادي ونعصي الله.. عارفة الزنى شناهو؟

ردت: لا طبعا ماعنيتش هاكا ..غير نتأكدو بعدا حسن

سي محمد: تيقي فياا انا مأكد وراه معرووفة.. ماداام مازال ماساليتيش العدة من حقي نردك غير بنيتي وبلا مايحتااج نقولها ليك او حتا ناخد ادنك ولا ادن اي واحد كيفماا كان.. غير بيني وبين الله وتكون نيتي حسنة

رمشات بتتاقل وقالت: ايمتا رديتيني

رد: نهار جيتي عندي للدار ..تما رجعتي مراتي مرة خراا.. رتاحيتي دابة

حركات راسها وبلطافة خفات صوتها اكتر: انا تايقة فكلامك.. عارفاك ماغاديش تغلط فبحال هادشي غير فهاد الامور كايتلف الواحد.. يعني غير تلفت وصاافي

مرر ايدو على وجهها ونطق بضعف: عاارف العمرؤ عارف.. غير خلينيي ننن..

ضحكاات ورا ماحساات بدغدة ايدييه على جناابها وفيها داير شوفة قتاالة خلاها تزيد تغرق فحبو وكلاامو زايد عليها نغزة

سي محمد: متصوريش شحاال توحشتك، صووتك.. صورتك.. حتاا عنادك ومشاكلك توحشتهم ههه

ماطات شفايفها بغنج: توحشتيني بصح

رجع لثغرهاا مبتااسم: بزااف

بقبل ملتهفة بدا يروي شوقو ويخرجها على وعيها معاه لعالم خااص بيهم..

جردها من تيابها بالمهل وهز ايديها حطهم على التيشورت ديالو خلاها هي تحيدو ليه وعلى صدرو نزلاات ايديها مسرحة لمستها على صلابة جسدو حتا وصلات للسروال وعضااتو فشفايفو بمهل حتا تبسم وزال اللي بقا من حوايجو..

غرق وغرقها فبحر القبل والاحاسيس الجميلة.. غرقها بحناانو فالفرااش حتاا داابت وولات هي تجروو تبوسو فيماا عجبها وتبادلو بدورها ثمالة الشوق وجياشة مشاعرهم

تليفونو كايصوني ويعاود بلاا ماحد يسمع ليه او يرد البال.. اهاتهاا كاسرة الدنياا وعالية على انفااسو السرييعة..

عراة بجسد وااحد ملتاحمين مرفوعين العقل والمنطق ودبدبات قلوبهم تايترجموها بحركاات ولمساات مشتاقة مع كلام كاايدوب..

كلماا مد اييدوو لحركة معتااد يديرها بشعرهاا الطويل وسط الممارسة كايلقا غير الفراغ.. ومولفو ديما منتاتر على الفرااش الشوفة فيه تتهيجوو وتعطيهاا جماالية راائعة، الشي اللي خلاه ينطق بعتااب كايلومها يلهت وسط الايلااج وانفاسو متقطعة

سي محمد: علاش تقطعييه.. ايديك شااطو علييك.. هااا

زيراات شفاايفها بعضة مع الوجع اللي بدات تحس بيه: بشوية ااااه

محمد: معااك داااوي.. حااجتي لااش تقربي لييهااا.. لااش

رجع كايفوورصي كلماا لمس شعرها القصير وبجهدو كايعاقبهاا ويتكلم برعدة الشهوة فصوتوو

محمد: حمقتيني.. حمقتيني معااك ومكاتزيدي الا حلاوة

ردت بصوت هامس رقيق تاايزييد يهيجو: محمد.. بشوية ع عافاك.. اااا

رد: بااغي نااكلك.. ناكلك كلك الحبيبة ديالي.. عمري وروحي

قصح معاها فالاخيير حتاا سالا وتكاا عليهاا كايلهت وهي عااد تطلقات وبداات ترد النفس ..عينيهاا تقلبو بالعياا وهو تقلب على ضهرو كاينهج ..قلب عندها وجهو ومد ايدو تقيلة عليه كايلعب فشفتهاا التحتانية وقال

مبسم بمباغتة

سي محمد: عييتي

ردت تتسرط الريق وتحرك شفايفها: مممم.. بغيت نشرب

سي محمد: علاش احبي داناپ ماعجبك؟

دفعات ليه ايدو منفخة وجراات الملاية تنوض ساعة جرها كاايضحك قالبها فوقو وقال

سي محمد: مال الزين ديالي مغوبش

ضربات صدرو قالبة شفايفها للتحت: قصحتيني واش متتعياش

رد: هادا الگرگااع عطا مفعوولو ههه.. تاكلي؟

دفعاتو تاتفشش عليه: باغة نشرب حيد علياا

ناضت لاوية عليهاا الملاية وللكوزينة متوجهة بخطاوي تقال بزز باش كاتخطي..

جبدات من التلاجة قرعة الما باردة ورغم برودة الجو بااقة داتها سخونة وعرقانة..

شربات كااس وزادت التاني هو يدخل عندها كايطع البوكر وهاز التليفون كايقلب فيه وقال

سي محمد: صونات عزيزة

سرطات الما بسرعة وقالت: بصح.. هي عرفاتني مكايناش

رد: سيفطت ليها ميساج باللي راك معايا

نسيمة: غانمشيو غدا فالصباح يااك.. خاصني نكون تما قبل مايفيقو واليديا

شاف فيها عاقدهم: وإلى فااقو شنو فيها

نسيمة: واغاايعرفوني ماباايتااش فالداار وكنت معاك

رد: صاحبك انا ولا شنوو هاهوما گاع عرفو شغايوقع.. رااك مع راجلك امدام

ردت مغوبشة: راهم عرفوك طلقتيني

سي محمد: وردييتك.. داابة ماكااين بو طلااق وتاحد ماسوقو فينااا

نسيمة: هي بصح معول تخليني معااك؟؟

ضار راجع للصالون وهي وراه: علاش تانضحك معاك فهاد الامور

ردت مبسمة: هي خاطفني نييت

تكا وجاات متكية حدااه وعندو معنقها: اش بان ليك الالة

طلعات فيه عينيها كاضحك: مابانليش اسيدي شووف نتااا ههه

باس بين عينيها وقال: الله يدومها ضحكة.. وفرحة عليناا يارب.. الله يبعد عليناا سوء البشر ويحفظنا من شر نفوسنا

تنهداات من قلبها وقالت: امين..ياربي اميين

"طلعات فيه الشوفة مرة خراا محلوة ملامحها للحزن وصوت ضعيف نطقات بيه

نسيمة: بغيت نطلب منك السماحة امحمد..

قاطعها مخنزر: شششش مانعاودش نسمع منك كلاام بحاال هاداا.. الغلط بطربقة او اخرى كان منا حناا بجوج، كيفماا نتي درتي حتا اناا درت ولو بغير قصد، غير هو بنادم حتا كايبرد مع راسو فترة عاد كايبدا يرد السينتا اللور ويعرف فاش غلط وفاش قصر

ردت: المشكل اللي كان عندي هو ماكنتش كانبغي نكون مرتاحة مية فالمية.. قلبي ماخااصوش يكون هو المتحكم و ديما كان خاصني نحط فبالي باللي غايجي نهار تخليني فيه حتا نتا

بااس رااسها وعندو زيرها كتر: عمرهاا تكوون يوقع اللي بغا يوقع.. ولكن ورا داكشي اللي عشتي طبيعي تفكري هاكاا.. فاش الدقة كاتجي من القريب البراني تووقعي منو اي حاجة.. غير هو نسيتي باللي انا عمري كنت براني علييك.. ديما كنا جزء من بعضيااتنا من الصغر وحتا دابة فاش كبرنا

ردت بتنهيدة اخرى منزلة عينيها عليه: عارفة..تعاميت بزااف امحمد، ظلمت راسي وظلمتك معايا كتر

رد: حتا انا ظلمتك بزاف.. عوض مانحط وراقي فوق الطبلة ونناقش معاك تصرفاتك ونقول هاشنو ضارني ابنت الناس وهاشنو مقصحني من جيهتك

كنت كانحاول غير ندوز واخا حتا حاحة مكانت كاتدوز.. او يمكن كان يسحابلي باللي راك عارفة ومتجاهلا الامر بحالا مهامكش، كون دويت فهاادشي وتحاورنا فيه قبل، كنا غانوفرو عليناا بزااف ديال الامور

شافت فيه بحنية: فيها خيير ..تيقني كناا محتاجين لهااد الفترة

سي محمد: المهم عندي داابة هي اننا تجمعنا مرة خرا..ز الحاجة اللي ضرك بغيت نكون اول واحد يعرفها..

قبل مانكون راجلك اناا صديق طفولتك ومخپأ اسرارك انسيمة.. داك محمد دياالك عمرو مشا، باقي هناا فقلبي على قبلك نتي.. بغيتك تصارحيني بأي حاجة قلقاتك او زعجاتك كيفماا كانت، وأنا اكيد مغانبغيش الادية لحبيبتي والى كانت فالاستطاعة كانواعدك ندير اللي كان باش نحيدها وربي على كلامي شاهد

رققو عينيها بالدمووع مسحهم بحب قبل ماينزلو وقالت برجفة: محمد

رد: نعام اعمري

نسيمة: تاتبغيك

نسيمة: تانبغيك "ترققو عينيها بدموع صاادقة نزلو على خدها سياالين والابتسامة فوجهها"

وماتصورش شحاال.. فاش تفارقنا مجرد نتخيل حياتي بلا بيك ماقديتش.. نتاا روحي، قلبي، عمري وحياتي.. حطييت فيك كلشي بلا مانحس وواخا عمري خبرتك هاني كانقولها ليك داابة.. تانبغيك.. وبااغاك لياا ومعاايا طول العمر.. تانبغيك اضو حياتي.. تاتبغيك

سكت هاايم وداايب فعينيها.. كلامها كاان ليه تأتير قوي على قلبو وغير كلمة حلوة من فمهاا تاتخلي يومو مبهج ومشرق رغم الغيوم السوداء اللي تتحوم فالسماا..

لكن اعترافها المباشر بحبها خلاوه غير كايشووف وبسمة خفيفة على فمو مرسومة.. ضحكاات وسط دموعها الغزيرة ونطقات

نسيمة::ماغاتقول والو

خداا نفس وطلقوو حاارق كايفور: كليتي ليا لسااني بحال كيفما خديتي متي عقلي..

نسيمة: تاتبغييك ابناادم تانبغييك هههههه

رد موسع بسمتو: من ايمتا

ردت: من نهار كليت الپاريزيان اللي كنتي تتصيب ليا فاش كانكونو غادين لمدراسة ههه ماتكونش ساحر ليا فييه

جرهاا بقبلة عمييقة فشفاايفها فصلها بمصيصة حلوة ونطق بينهم كاينهج

سي محمد: شكوون اللي سااحر للاااخر..انا ولا نتي

نسيمة: ههههههه

تحت رنين ضحكااتها طمع فيها مرة خراا وكملو مابدااو من ليلتهم

..ليلة طويلة على الحباب تصفات فيها قلوبهم وتدفاات اجسادهم ببعض من جديد

...ادن الفجر وعلى اترو تقلب سي محمد من نومو العمييق كايستاعد يفيق ورا ماعاد غمض عينو..

حل عينيه كايعافر ينوض ومد ايدو لحداه، لقا مكان نسيمة خاوي وضو احد الغرف مشعول.. ناض كايحك وجهو ويتكسل واخا باقي شاد فيه النعاس داز على البيت غادي للحمام باش يغسل وجهو لكن رجع للور عاقد حواجبو وبسمة تلقائية بدات تنور وجهو كتر ماتنور بشوفتها سااجدة على سجادتو باتجاه القبلة..

لابسة الملاية كإسدال فوق كسوتها وتقاشروو والشال اللي جابت معاها غطات بيه راسهااا.. وقف متكي على الباب و فيها كاايشوف بلا مايرمش حتا سالات وهزات ايديها للواحد الاحد دعاات ليه وسبحات عاد ناضت تتجمع السجادة..

قرب ليها وبلا مايتكلم طبع على جبهتها ابتسامة لخصاات كل كلاامو وهي بدورهاا طلعات على رؤوس اقدامها وردااتها لييه

نسينة: صباح الخير ههه لقيتيني عاد غانفيقك

رد مبتااسم ولمعة جميلة فعينيه: ماعليش احبيبتي.. غانصلي غير فالدار اليوم بدلي حوايجك وسيري ترتاحي

هزات كتفها ببساطة: واخا اللي بان ليك

عطاتو السجادة وقال كايحك حاجبو: قبل ماننسا.. غدا عيد ميلاد انور عاد جا فبالي، تبغي نمشيو؟

نسيمة: من الاحسن اه.. ولكن ضروري نمشي للدار بعدا

سي محمد: نسيمى راه دوينا

نسيمة: مابغيتش ينوضو شس مشاكل مع عائلتي.. الوضع اصلا حساس بيناتنا وعارفة ماغايقولو والو ولكن غايبقا فيهم الحال حيت ماخديتش رأيهم قبل وماخبرتهمش.. غير نقولها لبابا على الاقل

سي محمد: وااخا اللي بان لك الالة

ردت: الله يخليك ليااا هههه

رد كايضحك: هههههه تانموت علييك

ردت:'عارفة.. الله يقبل

سي محمد: امين

فرش السجادة وضار للحماام بعدما هز حوايجو ودخل يغتاسل اولا

كمشات عيونها بانزعاج على اتر قبلاات صباحية على وجهها كاتسارا وايدو اللي على خصرها كاتمرر بحنية..

تجبدات بايديها مزياان وفتحات عينيها لقاتو فوقها مبتااسم ولمعة آسرة فعيونو، بسمات بدورها فورما شافتو و ببحة الصباح قالت

نسيمة: صباح الخير

باسها فنيفها ورد كايتبسم بسنانو: صباح النوور الكبيدة.. نعستي مزيان

ردت: شوية هههه فايق ناشط اليوم

رد: مرااتي حداياا وبين ايديا، شنو بغيت مازاال

نسيمة: لا صاافي الله يجعل البركة..

رد: ههه نوضي اكبيدتي تفطري قبل مانفطر بيك نتي نيت

تكسلاات وناض عليهاا باش توقف: اححح شحال الساعة

رد: التمنية هاادي

ناضت مرتااحة الباب حيت واليديها متايفيقو الا جوايه العشرة ولا التسعود ونص..دخلات للحمام طالقة البشرة ووجها تنور من جديدة.. طرفات حالتها عاد خرجات للكوزينة لقاتو موجد ليهم فطور مشكل على حقو وطريقو ..باست حنكو كشكر وبركات حداه تاتفطر

..........

صباح مغير وممطر فالجو على برا.. لاكن فدار سي عبد الله بارد ومتوتر..

كلشي باقي ناعس الا عزيزة بغات تاكل جنابها بالخلعة وغير غادة جاية واللي فيها ماهنااهاا..

من النبوري وهي تتسنااها تجي باش تفتح ليها البااب ودخلها قبل ماشي حد يفييق ويعيق بيهم..

طلات مرة اخيرة فالباالكو وگااع ضفارها كلااتهم بالاترتبااك.. جات مع سيارة محمد هي هااديك لقاتها عاد وقفات قداام البااب هي تجمد وبداات مصغرة عينيها تتحاول تشووف ورا الزاج شنو تايديرو

سي محمد: مرتااحة دابة

ردت كاترجاه بنظراتها: بلا ماتقلق عافاك راه لمصلحتنا هاد الامر

تنهد مجاوبها: ماقلت والو.. غير هو ضروري تكلمي مع باك فأسرع وقت.. عارفة مانقدرش على بعادك كتر من هاكة

تبسماات بحب وبحة تقيلة قالت: علاه انا نقدر على بعادك؟

جرها لعندو خصرها منتاشي بكلامها: اااه وهااد الفم عندك ماالو ولاا حلوو هاكا

ردت كاضحك بغنج: ههههةمااالو

رد: باغي يطلع ليا السكر

نسيمة: هههه واصافي خليني نطلع

باسهاا ففمها كارتاوي من حلاوة رحيقهاا عاد بعد ماساخيش وقال مغوبش

سي محمد: اليووم باك يعرف اليووم

نسيمة: صاافي اسيدي.. نقدر نمشي دابة

طلق منها وقال مبسم: ماتنسايش التمنية كاين عيد الميلاد

ردت: غاتلقاني واجدة كون هاني.. الله يعاون

رد: في امان الله

سدات عليه الباب وتسناها حتاا دخلات عاد ديمارا.. طلعات للطابق ديالهم مزيرة على الشال ديالهاا وتتزرب، لقات عزيزة فاتحة الباب وواقفة حداه بصدمة تتشوف فيها

نسيمة::الجنية هههه كنت عارفة نقدر نعول عليك

عزيزة: تصاالحتووو!؟؟!!!؟

دخلات كاضحك: الاطيف حتا حاجة متاتفلت ليك

وسعات عينيها بسعادة: هي بصح هههه روروو....

نقزات ساادة ليهاا فمها وحمرات فيها الشوفة:اوييلي بااباا غاايفيق

ردت كاضحك: بالفرحة يالاالة بالفرحة باغا نزغرت ونغني ههههه

نسيمة::ههههههه الله يستر

دخلو لبيتهاا وحدة كاضحك والفرحة تتبري من عينيها والتانية الفضوول دار فيها مابغا وولات غير دور دور وتسول

عزيزة: اييمتااا تصالحتو وشنو قالك.. مابقيتوش غاطلقو يااك الالة صافي

ردت: مابقيناش الالة.. راه ردني

عزيزة: ردك مرااتو.. ايمتا

ردت: على ماقاال نهار مشيت عندو للدار ههه

عزيزة:'مزياان الالا واللهيلا احسن ماداار هههه

تغطات وسط فرااشها وبعياء قالت: غانعس شوية احبيبتي.. رااه فطرت بلا ماتفيقيني

ردت: وااخا الالة غير ارتاحي

خلااتها تاطيب نعااسها وتكمل منو اللي بدات فدار محمدوهي للكوزينة خرجات تتزرب والضحكة تتهرب ليها بلا ماتحس،

القلب البيض والطيبوبة والنية الصافية تاعها تايخليو فرحة الناس القراب لقلبهاا من فرحتها وقرحهم قرحهاا ..

.. ماقداتش تصبر هزات التليفون دغيا دغيا ورسلات رسالة لأنور تتخبرو باللي وقع ومع كل كلمة تتكتبهاا تتزيد ضحك وتعض شفايفها لايسمعها شي حد حتا خرجات حورية من البيت تتفوه..

صبحات عليها بالضحك والنشاط خلاتها مافاهمة والو وبزز باش شدات فمها قدامها وتلاهات فتوجاد الفطور اما كون جاات عليها كون خبراات كازا كاملة باللي الطلاق طلع مامنوش والسيد ومرتو تجمعو تحت سقف واحد مرة خرا ..

حورية: بنتي عزيزة ياك لابااس

جاوباتها وفنفس الوقت تتقاد الصينية وضحك: واالو باس اخالتي كل الخير ان شاء الله

حورية: ايوا الله يدومها فرحة هههه

ردت: اميييين

قادو الطبلة وشكلوها كيف العادة.. فاق عبد الله وعمر وفمكانهم بركوو.. تسناو نسيمة ساعة ملي ماخرجاتش نطقات حورية

حورية: سيري ابنتي فيقي نسيمة تفطر

ردت بعفوية: فطراات اخالتي غيير تهنااي

عقدات حجبانها مستغربة: ايمتا

توترات فجوابها والكل فيهاا كايشوف.. تمتمات بصعووبة تتمنع لسانها يسرسب المزودة وقالت

عزيزة: اا فاقت تصلي الفجر و وفطرات.. دابة رااها تتكمل نعاسها مسكينة ا ا انمشي نفيقها

نطق عبد الله: لا صافي.. خليوهاا ترتاح شوية، علم الله شنو كان مسهرها

حورية: يفرجها ربي اسي عبد الله

رد متنهد: اميين.. بسم الله

كلاو وتجمعات الطبلة وكلا لشغاالو داز..

تنااص النهاار والدار عمرات بالروايح الجميلة ديال الغدا ونعااس نسيمة عاد حلاا .. رجعات تتقلب فراشها بميوعة، الضحكة فوجهها وصورتو فأحلامهاا تاتشوف..

ادن الظهر وفتحاتهم بأريحية وبلا والو متبسمة..القلب هاني والبال مرتااح وعقلها من التفكير صفاا وشحاال مافاقت مرتاحة هاكاا

نااضت تتكسل خرجات من البيت للحمام توضاات ورجعات تصلي صلاتها والدعاء مافارقش شفايفها.. عاد دازت للكوزينة تصبح وتبووس وتبعات خوها تلعب هي ويااه

‏جميعنا بلا استثناء..

تمر علينا فترات ركود

تتبعها قوة .. ثم ألم .. ففرح...

هكذا هي الحياة عبارة مد وجزر.. لدا، ينبغي أن نصبر في لحظات الضعف.. دالك لأن الفرح آت

لا محالة

........

خرجت من المحل بشوميز زرقة حد الركبة ودجين بيض مع بوط بيج ..شعرها مطلوق وحيت قصير ولا متموج على راحتو.. فايدها هازة جوج علب من الهدايا مغلفين و توجهات جيهة عزيزة اللي عند الباب واقفة بصااية مارو طويلة مع شوميز مدخلاها فيها وبوليرو اسود مشبك من ليدين وطويل..

نسيمة: صافي هاهوما

شافت فالهدايا: خديتي ليهم بجوج

ردت: اه شي حاجة بسيطة وصاافي.. نتي ماباقا ماقررتي

نفخات بحيرة: والله ماقررت.. كان يسحابلي اليوم عيد ميلاد سي مرواان بوحدو وعولت ناخد ليه غير شي ريحة وصافي.. ولايني ماكنتش عاارفة باللي حتا سي انور عندو عبد ميلاد فنفس النهار

نسيمة: محمد بعدا قاليا غير انور حتاا سمعت منك باللي مروان حتا هو نفس النهاار.. ولكن عاادي خودي غير شي حاجة بسيطة وتفيدهم

..بحال شي ريحة ولا گورميط

ردت: حرت والله.. نشري ليه تريكو

نسيمة: هانتي خودي ليه شي مگانة شييك

وسعات عينيها بعدما عرفات شنو باغة وقالت: نااخد ليه كاسكيطة حسن.. هو عزااز عليه

ردت: بصح؟

عزيزة: اه الالة و ديماا لابسهم.. ناخدليه شي وحدة ولا جوج

نسيمة: تاهادا نظر زيدي نشوفو شي ماركة زوينة

دخلو وسط المحلات كايقلبو ويتخيرو فالكاسكيطات بالاحجام والالوان

.. لقات وحدة شكلها سامپل فاللون الاسود بحال الى ديال الدال راقية وزوينة..

عجباتها وغير تخيلاتها عليه زادت حباتها كتر وفالحين خلصات تمنها وخرجو..

خداو طاكسي للدار مبااشرة ورا ماخداو اللي خاصهم وتليفون نسيمة بدا يصونو مع فاتو الباب ..

دخلات للبيت تتزرب سدات الباب وردت بابتاسمة

نسيمة: الو

نطق ببحة هادئة وخفيفة: كبيدتي.. واجدة

ردت: وااجدة اسيدي ههه لقيتيني عاد دخلت انا وعزيزة خدينا الكادوات

رد: غير عدبتو راسكم وصافي، انا جاي فالطريق

ردت: توصل صوني عليا

سي محمد: واخا.. باباك تكلمتي معاه

خدات نفس وبحرج حكات شعرها: صراحة لا.. كاان خرج فالصباح ومع دخل لقااني باغة نخرج انا وعزيزة

رد: اها هي شنو.. نجي انا نقولها ليه؟

ردت بسرعة وخوف: لا لا ويلي غادي غير تحشمني.. انا غاانهضر معاه كون هاني

هدأ انفاسو وقال بتنهيدة عيانة كايفهمها: نسيمة، راه ماشي شي حاجة اللي عيب ولا حشومة عادي المشاكل تايوقعو فأي علاقة.. وماشي حنا اول ولا اخر وحدين نرجعو من ورا الطلاق

نسيمة: عارفة غير حشمانة منو شوية.. ولكن ضروري نهضر معاه

سي محمد: ان شاء الله احبيبتي.. بغيتك حدايا فأقرب وقت وندوزو هاد الفترة غير بزوج بعاد على الباشاار، على الاقل حتا نقادو امورناا

ردت بابتسامة: يكون خير

سي محمد: انا قربت للباب.. غير نزلو

ردت: واخا خمسة الدقايق وهاحنا عندك

قطعات وهزات ساك بسمطة طويلة حطات فيه البزطام وتليفونها..

غيرات الشوميز اللي لابسة ببودي اسود مزين بالعقيق من جيهة الكول والكماام وزادت عليه سميطة بيضة لواتها على خصرهاا..

مشطات شعرهاا المموج رشات ريحتها عاد خرجاات هازة الهدايا فايدها ومن الكوزينة جبدات ساشية شيك حطاتهم فيه وفنفس الوقت تتنادي على عزيزة

نسيمة: عزييزة.. عزييزة يالله وااجدة

خرجاات تتقفل سااكها وتقاد جناب الفولار: غانمشيو من دابة الالة

شافت فالساعة: السبعة ونص هاادي كورااه الحفلة بداات

ردت بتوتر: شاداني الخلعة والله الى ماعجباتووش شنو ندير.. كون غير شريت ليه تريكو ديال الصوف يسخن فيه فهاد البرد الكاسكيطة اش غادير ليه والشمس مكاينااش

ضحكات قائلة: اللي مبلي بالكاسكييط راه سوا تكون الشتاا كاطيح ولا العجاج والبرق غايلبسها غايلبسهاا ههه غير هني باالك

عزيزة: بصح الالة

نسيمة: اودي غير زيدي قبل ماتفيق ماما ونوحلو معاها

ردت وهي كاتلبس لبوط ديالها: خاصنا نرجعو بكري الالة باش ماتشكش

نسيمة: واهي الى طلقتي رااسك

خرجو من الدار هاابطات لتحت ..لقاو طموبيلة محمد كاتسناهم ركبات نسيمة القداام باستو فحنكو بسرعة مخلية البسمة ترسم على شفاهو قبل ماطلع عزيزة اللور حشمانة ومتتهزش فيه العين

نسيمة: يااكما تعطلنا عليك

شاابك اصابعهم بتملك وبااسها فايدها: توحشتك

حبساات الابتساامة بصعوبة تتمعني ليه جيهة عزيزة ورااهم اللي فحشمتها غرقاات.. ضحك بلا صووت وقال موجه ليها كلامو بلا مايضور جيهتها

سي محمد: ختي عزيز بيخير.. اش خبارك

ردت بصوت ضعيف يادوب يتسمع من فرط الخجل: الحمد لله اسي محمد ..نتا كيف بقيتي

باس ايد نسيمة وشاف فيها مبتاسم: عااد وليت بيخير

ردت: ا ا الله يدومها اسيدي

ردت نسيمة بلاصتو وعينيها عليه: اميين

ديماارا متنهد بأنفااس مريحة وكسيرا فالطريقة متوجه للڤيلا

مسافة طريق ووصلو للڤيلا..

هزاات العين فالبوابة وفالحين قلبها تقبط وتزير عليها بلا حتا سبب..

حاولات ترسم الابتسامة على محيااها ونزلاات ملي فتح عليها الباب.. شابكات ايديهم وعليه زيراات بلا ماتشعر و بعفوية حرك صبعو على بشرة ايدها ..حركة تلقائية منو كانت كافية تشعرها بالامان والراحة وهوما داخلين وعزيزة وراهم هازة هديتهاا وتتقاد الكسوة اللي لابسة

فتحات حياة البااب بملامح مبشوشة لكن ملي شاافت نسيمة بانت عليها علامات التعجب، خفاتهم بسرعة وحرج وقالت ملي دخلو

حياة: مرحباا بيك الالة نسيمة ههه سي محمد توحشنااكم اسيدي على السلامة

ردت نسيمة مبسمة: الله يسلمك اختي

سي محمد: العائلة لداخل

حياة: كلهم تمااا الا سي انور ههه مازاال ماجا

رد: ماشي مشكيل حتا وكان "شاف فنسيمة وقال بينو وبينها" تبغي ندخلو عندهم دابة ولا حتا نطلعو الفوق

نسيمة: ماشي مشكيل يالله ندخلو حسن

باس ايدها وداها وراه للصالون وحياة فيهم تتشوف ساهية حتاا فيقاتها عزيزة

عزيزة: ختي حيااة ههه

سلمات عليها كاضحك: افين غبرتي علييناا الهاربة

عزيزة: الوقت وصافي.. فياا العطش شحفت هههه

ردت: ايواا زيدي معاايا

تبعاتها لكوزينة كايدويو .. لقات زهرة تماا تتستف پلاطو من الحلوة مشكلة وعلى حالتها لاعبة .. كسوة موڤ قصيرة من القدام ومن اللور طوييلة مع طالون سميطاات اسود ومكياج صارخ لاعبة على شفايفها والايلاينر فعينيها المجبدين

سمعات حس عزيزة داخلة هي ومها وخنزرات فالحين تاطلعها ..

كتافات تسلم غير براسها وبسمة صفرة وغير خرجات قالت تتشوف فمها

زهرة: هاادي شنوو جاابها تاني؟ اااه ولا قوولي على وديت الكوميسير هه عائلة ديال التلصاق

خنزراات فيها حياة وبعتاب قالت: وااش نتي شغلك كووني تحشمي وحيدي منك هااد قوة السم يالاطييف.. اجي بعداا..

لااش تاتكدبي وتعمري لياا رااسي بالخواا الخااوي والبااطل على البنت مااحشمتيش

طلعات حااجب : وفاش كدبت اختي

ردت: شووفي نتي الي بااركة تقولي وتعااودي راهم طلقو راهم زمرو.. ماحشمتيش

زهرة: علامن داوية

حياة: علااه شكوون اللي كنتي معمرة بييهم فمك دوك لياماات وتاتشفاي بلا حشما بلا حياا

طلعات حجبانها وضحكات: اااه هههه وارااهم طلقو احبيبة ماالي كدبت

حياة: وملي طلقو شكون هاادوك اللي حليت عليهم الباب ودخلو سمينة على عسيلة.. الجنوون؟

حطات من يدها مركزة فكلامها بكل حواسها والصدمة معاها تاطلع : شنوو

حياة: بالحق ابنتي الغلط ديالي اناا الي مساايرااك.. كون عورتها دابة وقلتهاا للغالية فين غاانولييو.. فين غانحط وجهي

زهرة: بلاتي بلاتي نفهم.. داابة محمد جاا وجات معااه هااديك ولا كيفاش

ميقاات وضارت لشغالها بعصبية: كملي كملي دااكشي.. تي حاالك مابقاش يعجب شي نهار تسوطااي

تبلووكات تاترجع كلامها وقالت بجفاف: مايمكنش

حياة: ااااجي لهنااا فين غاااادة

خرجاات تاتزرب للصاالون انفاسها متسارعة وحاسة بقلبها كايترخاا ودقاتو متباطئين شيئا فشيئا

..دخلات عليهم بعلامات الصدمة فوجهها ..وزاادت كملات فااش رمات عليهم العين من دون گااع افراد العائلة وشافتهم فالجنب.. باارك جلستو المعتادة ومدرعها لعندو وهي تاتكلم بحياء مع الغالية

.. صدمة قوية ودقة قااصحة للقلب ماضربات ليها حساب واحتمال انهم يرجعو لبعضهم ورا الحوار اللي تسمع فأدانها كاان ضئيل بزاف..

تجمعو فعينيها الدمووع نتيجة الوجع اللي حسات بيه والنفس فحلقها تخنقاات

..قلبهاا تزير وبحالا مع الارض تضرباات بقوة وگاع امالها تبخرات.. وما أقبحو من شعور

..تكون تاتبني على اساس وااه ومزيف حتا فجاة كلشي كايريب عليه ..

مسحاات عينيهاا بالنترة حتا جرات معاها الكحل وشراارة حارة فقلبها شعلات، ..تقدماات جيهتهم وعلى نسيمة مفيكسياا عينيها نااوية على خزيت حتا شداتها حيااة بغضب وتمات جاارااهاا ورااها للكوزينة وتاتويل

حياة: اااويلي على مااتخلاات كرشي فين غاادة فييين

زهرة: طلقي غييير نفهم واااطلقي مني

حياة دفعاتها لداااخل ووقفات كدرع حابسة عليها الطريق

حياة: اااش هاد الحااالة.. وااش نتي تااا كاانقوول راك صافي درتي عقلك وشوية كانلقااك غامازدتي فييه

خرجاات عينيها بجنوون: ماامزوجيينش.. قداامي طلقهاااا امامااا طلقها وقاليهااا كرهت النهاار اللي تزوجتك فييه والله ماكانكدب

خرجاات عينيها بدورها: الاالة الراااجل مع مرتووو يقووليهااا اللي بغا ويدير فيهااا مابغا وهااهي رجعاات ليه نتي مااالك.. مااالك

زهرة: مااالي.. انااا كانبغييييه

جرااتها بالجعرة من شعرها مهبطااها لتحت : تبغييك لووبة ابنت الحرااام باغة تشوهييني..

خشااتهاا تحتهاا مفقووصة وبداات فضهرهاا ضرب وتعض و فشعرهاا تجر بحر الغضب والغداايد اللي ركبااتهم فيهاا طول هاد الفترة اللي فااتت .. زهرة تتبكي وغووت وطلب منهاا طلقهاا وهي غير متاتزييد تشحطهاا وتقرس فلحمهاا بالجهد حتاا وصل غواتهاا للصاالون عندهم

تزهق اتاي للغالية ووساعو عينيها هي وعزيزة وفيروز اللي فالقنت مخشية ونسيمة عقدات حجبانها مركزة فصووتهم عكس الرجال اللي بقاو مهدنين تايشوفو فبعضهم

نطق عبد الجليل اولا: شهاادشي هادو ماالهم

ردت الغالية بهلع: بسم الله صووت حيااة هاادااك وبنتهاا

ناضت عزيزة بسرعة: اناا غادة نشوف

الغالية: شوري ابنتي اناا جاية معااك

هزات قفطانها تتزرب ونسيمة حطات الكاس وناضت تابعاهم

لقااوهاا بااقة عليهاا راكبة تاتنهج بالسخفة وتنتف فيها بالجهد اللي بقاا فيهاا واخا كتاافها سخفوو عليهاا وزهرة تحتها بح صووتها بالغواات والبكاا

تصدموو كاملاات وشدااتها الغاالية بسرعة تتفك هي وياهم

الغالية: اويلي ا حياااة نعلي الشييطاان.. ويلي بعدي على البنت

نسيمة جرااتها معااها: حيااااة رااه غاتقتلي البنت نوووضي

نطقاات مفقووصة وگااع حماارت وجهلات بالعاصااب: خلييوني نقتلهااا ونتهنااا من فعللاالهاا.. شيبااتني اعبااد الله شيبااتني

الغالية: قوولي اعود بالله من الشيطاان الرجييم وااه رااك بعقلك..نوووضي ااويلي

جرووها بزز راادينها اللور وزهرة نااضت من الارض تتعرج وحالتها مبهدلة من ساسها لراسها.. الكسوة مقطعة من الضهر ولحمها من اللور مخبوش وشعرهاا گاع تشنتف لا هو لاالمكياج اللي كانت دايرة..

ولات تتشهق بالبكاا وبزز باش وقفات مسندة على الطبلة وتتبكي قطعات قلب الغاالية وعزيزة اما نسيمة غير تاتشووف وفيها تاطلع وتنزل

الغالية: مااشي حشوومة علييك وااش البنت بااقة قد العصاا

زهرة: شنوو درت ليييك هءهؤهء.. شنووو

حياة زادت نااوية تكمل مابداات كونما حبسوها : سكتي ياابنت الحراام قبل مانجي نهرسوو لييك.. هاد القتلة كنتي تستاهليها من شحااال هادي يالله تربااي

عزيزة: ختي حيااة حشوومة مسكينة شوفي كيف ولاات

الغالية: يااودي غيير فهمووني ماالكم

ضارت ليهاا حياة تتلهت وضرب على صدرها: شييبااتني الالة الغاالية شيبااتني هااداا لله.. اناا هزيت ايدياا منهااا مابقاالي فين نزييد

زهرة غوتاات بحرقة وااخا صووتها تقج بالصدمة والقتلة اللي كلاات: وشنوو تاتعرفي من غير النگيير والضرب.. رااه اناا اللي بنتك انااا وخااصك توقفي معااياا انااا مااااشي هي

حيااة: يوقفوو على كفنننك ابنت الحرااام..

شدااتهااا الغاالية بالزربة مخنزرة فيها: حياااة رااه غانتقلق منك باارااكة

طلعاات فيها زهرة نظرات التحدي وقالت: بيييك ولا بلا بييك انا عاارفة شغاانديير

داازت فيهم كيف البركان بعدما خنزراات بحقد فنسييمة نزلات تتزرب لدارهم وكلها بالاعصاب تترعد..

خلات نسيمة متتبعاها وفيها مصغرة عينيها تتحلل وتفسر والغاالية مع حياة تتكلم..

خلاتهم ورجعات للصالون ببال مرفوع تتفكر فكلامها ونظراتها ليها.. بركات حداه مرة خرا دوز ايدو على كتفها وقال بنبرة قلقة وخفيفة

سي محمد: ياك لاباس

هزات كتفها وقالت بهدوء: غير حياة مع بنتها

رد: مالهم

ردت: ماعرفتش .. "شافت فيه لمدة وقالت تترمش بتتاقل" بغيت ندوي معاك فاش تسالي الحفلة واخا

بسم بجنب فمو وقال بينو وبينها:: نمشيو لدارناا احبيبتي

بعدات برقة: لا مايحتاجش.. ندويو غير فالطموبيل بالزربة باش حتا انا نجبد الموضوع مع باباا ونساليو الامر

باسها فجبهتها وسكتو على الكلام

.. دخلات الغالية تتردد لا حول ولا قوة الا بالله ودوزات اللي وقع ب "مشكل صغير بين حياة وبنتها"

عاد بركات كاتلطف الجو مرة تانية وتكب اتااي للي كاسو خواا

..

طولو فجماعتهم حتا وصلات التسعود.. محمد فكلاام عملي وعادي مع عمو كاايحاول يبين لجداه كأن شيئا لم يكن ونسيمة شادة الحديت مع الغالية وعزيزة وطبسيل الحلوة ضاير هو واتاي ..

سمعو سيارة انور فرانات بقوة و الصونيت فالباب ..

ومعاه تهز قلب عزيزة وحناكها سخنوو.. بلا ماتشعر قادات البركة وبدات ترمش بارتبااك فباب الصالون حتاا دخل عليهم طاالق البشرة عاد نزلاتهم فحين الغالية قالت كاضحك

الغالية: ايوا على السلاامة ااولدي الوقت عندك هو الوقت ماعندي ماانتساالك

ضحك على كلامها وقال: هاواحد السلام عليكم

سي محمد: كنا كانتسناوك الشريف فين تعطلتي

رد: علاش يااك لابااس

خدا حلوة وبرك جا قدام عزيزة نيشاان مع شافها تصدم و ضور وجهو ليهم كاملين وهوما حاضيينو

انور: وااش كاينة شي مناسبة مجموعين عليها اليوم ولا غاجاب ليا الله

الغالية: نتا في عار الله اولدي شنو اليووم؟

رد بعدم فهم: اليوم الخميس

الغالية: هههه ايوا باااز

سي محمد: الحاجة گولي ليهم يعيطو لمرواان

ناضت فيروز: انا غادة نكلموو

خرجات تعيط لولدها من بيتو وحياة دخلات حلوة العيد ميلااد مكتوب عليها اسم مروان.. شافها انور وقلش حواجبوو فالبلااصة كاره الموقف وبالنفخة قاال

انور: ماتقولوش ليا تااني درتو بحساابي والااا الحااجة واالا كل عاام نعااودو نفس الهضرة

ضحكو من شكل وجهو وسي محمد بطنز قال: تعالى طفي الشمع وتمنى امنية زيد

رد: بشلاغمي ونطفي الشمع مااعرت واش شكيت على شي ز"عاد كاان غايسب وجمعها بصعوبة" واااحد يدير ليا عيد ميلاد.. من نيتكم

ردت عزيزة بعفوية: ايه والكادو اللي جبناا اسي انور

تفكو حجبانو فشوفتها وغمزها بلا مايحس: شريتي ليا كادو؟

نزلات عينييها حشماانة وخدودها سخنوو: ح حنا.. ش شرينا لك كملين و وبغيناا نفرحو بيك احم

تبسم عاجبو الحاال وناض كايقاد التيشورت و فمحمد شاف: فين غانوقف گلتي لياا.. هنا؟

داز للجنب حداا محمد اللي بقا غير كايشوف وحاجبو طالع..

دخلو حلوى اخرى باسم انور خنزر فاش شافها لكن دوزهاا على وجه الساكنة فقلبو وقال ماعليش..

دخل مروان ومو وحتا حياة جات واقفة حداهم وااخة ماعندها نفس..

تغناات اغنية العيد ميلاد وقبل ماتسالي نفخ انور نفخة وحدة طفا گاع الشمع سوا ديالو ديالو ولا ديال مرواان خلاهم غير كايضحكوو وكلاا خدا طرف من الحلوة وهو يدور يدور ويقول بالنفخة

انور: وبحاال كل عام غانعاودها ..اخر مرة ديرو ليا شي عيد ميلااد راه غير ماكانبغيش نردها فوجهك الحااجة..

ردت الغالية ببشاشة: هههه وعلااه اوليدي شنو فيها

نطق مروان كايطنز وكاياكل من الحلوة: وا زعماا مكبر بييك ومخليك تشاارك معاياا نهاري وتااتكبر علينا اسي الكوميسير واااه

انور: نتا برهووش انا لااا ، واش قدي مازال يغنيو ليه سنة حلوة ياجميل من نيتكم.. الكادواا اييه مقبول ونسرطوه مااعليش ولايني هادشي لاخر لا

وقف محمد متبسم وهز ساشية محطوطة جنبو: اسيدي بلا ماتقلق عليناا ..تفضل

"انور خداه كايضحك وسلم عليه.. هز علبة اخرى مغلفة مدها لمروان" مروان هادا ليك

مروان: العز اولد العم هههه

وقف عبد الجليل حتا هو ومد ليهم الكادوات اللي شرا: هاك اولدي بصحتك.. سي الكوميسير.. هاهو لاتقول نسيناك

انور: الله يحفظك العميم

مروان: شكرا الواليد

بدات الهدايا تتفرق وحتا من نسيمة عطاتهم اللي جابت..

مروان بدا تايفتحهم حداهم بحماس وانور اللي عطاه شي حاجة تايشكرو ويحطها حدااه فصمت ونص عينو على عزيزة اللي تتشوف فيهم من تحت رموشها، مزيرة ايديهااا والواضح انها ماشي على بعضها.. خايفة لا تكون الهدية اللي جاابت نااقصة من مقامو وتزدق محرجة معاه.. وهو غير فيها تايشوف بنص عين وكل دقيقة يحنحن ويمعني ليهاا تنوض

تجمعات الطبلة من الكيك والعواصر وبدلهم تحطاات صينية اتاي والحلاوي مشكلة وفالكوزينة تنصب العشا من طرف الغالية وحياة وحتا عزيزة مساعداهم وبداات ريحتو تاتعطي فأرجاء الڤيلا.. نسيمة ضارت لودن سي محمد وبصوت خافت نطقات

نسيمة: محمد خاصني نمشي العشرة ونص هادي وبابا غايتشغل علياا

رد بجدية: على الاقل غير حتا نتعشاو

ميلات راسها برجاء: مانقدرش والله.. من الاحسن نمشي بلا مايوقع ليا معاه شي احراج

تنهد ماعاجبو حال ومع دالك نطق: واخا ماعليش.. غير تنزل الحاجة ونسلمو عليها بعدا

باستو فحنكو وبابتسامة قالت: شكرا، كانواعدك هاد الليلة نتكلم معااه وتكون اخر نبعد عليك فيها

تبسم ووسط عينيها باسها قدام الكل ونظرااتهم.. دازت زهرة من حدا الصالون مزيرة يدها وتتزب.. جامعة شعرها بعشوائية وللكوزينة غادة بخطوات حدرة وتاطل وااش شي حد تماا

غطات الغالية على الدجاج بعدما داقت منو ودازت للدغميرة حركاتها مزياان ونقصات عليها البوطة

الغالية: بنتي حياة.. صافي هادشي قسماين ونطفيو عليه، الگلاصات واجدين

حياة: قاديتهم وحطيتهم فالتلاجة الحاجة باش مايدوبوش

ردت بحنية: الله يرضي عليك..صافي غير سيري ترتاحي ابنتي غاتجي عزيزة وتكمل

مسحات ايديها وبتنهيدة حارقة قالت: ساعة لله وصافي غير خليني نتلف الوقت شوية

الغالية: كوني تسمعي الكلاام ونزلي عند بنتك دوي معاها بالسياسة والعقل.. رااه هاد الجيل الواحد خاصو غير يسااعف الى بغا يتفاهم معااه.. وبنتك بااقا صغيرة وباقي الطيش راكبها ومتتفكرش بعقلها مزياان ..اش غاديري الى ماصبرتي

ردت: الصبر كايضبر الحاجة ..وانا عييت مانميك عييت هاداا لله شيبااتني معاهاا وخايفاها لا دير شي مصيبة

الغاليى: مايكون غير الخير ان شااء الله داابة دير عقلها وتولي تعرف مصلاحتها فيين

ردت بحصرة: ايوا عالله واخا مابانليش

دخلات عزيزة هاازة صينية اتاي من الصالون .. حطاتها فلاڤابو وبدات تغسل فالماعن اللي تماا هي تقول الغالية موجهة كلامها لحياة

الغالية: سيري ابنتي هاعزيزة هنا ..غير سيري ترتحي شوية

عزبزة: اه غير سيري اختي انا غانبقا مقابلة العشاا

حياة: واخا اللي بغيتو.. الى وجد عيطو ليا

الغالية: واخا ابنتي والله يرضي عليك لاما وسعي خااطرك شوية.. راها باقا صغييرة وماعندك ماديري

حطات السربيتة من يدها وخرجات متنهدة بكتاف طايحين وعقل مرفوع بهم بنتها زهرة.. الغالية تمتمات بلا حول ولا قوة الا بالله وضارت عند عزيزة

الغالية: هاني ابنتي غانمشي نصلي العشا ونرجع ردي معاك البال

عزيزة: واخا الالة الغالية غير تهناي

خرجاات وزهرة رجعات اللور مخبية ورا الصور وحواجبها مخنزرين بملامح مكرهة وحقوودة..

بقات تما واقفة تاتفكر فاللي فيه تاتخطط ودخلات للكوزينة مربعة ايديها وتاتشوف فالارجاء ..انتابهات ليها عزيزة وباستغراب بسماات.. رداتها بزز وقالت بنبرة هادية

زهرة: العشا طاب

ردت: لا ولكن قرب.. كيف بقيتي اختي شوية

تنهدات: الحمد لله.. ماعليش تتتبقا ماما

عزيزة: بصح وراها باغا غير مصلاحتك مسكينة

زهرة: مممم..

"فتحات التلاجة وفالپلاطو ديال الگلاص تاتشوف بانبهار" واو درتو الگلااص.. ودرتوه مشكل من الفوق

عزيزة: ا ختي حياة اللي صيباتو

جمداتو ناطقة بلذة: تايحمقني الگلاص اللي تتصيب ماماا.. اشمن نوع نتي تايعجبك

شافت فيها بلطافة وتاتغسل الماعن فنفس الوقت: اللي كان اختي

زهرة: انا تانبغي ديال الڤاني.. بحال سي محمد، حتا هو كاياكل غير هاد النوع ههه.. ومروان عزيز عليه بالپيسطاش

ردت بعفوية: لالة نسيمة تاتاكل تاع الفريز هو اللي تايعجبها بزااف.. وسي عمر الشكلاط تايضل يهتهت بيه هههه

طلعات حجبانها بتفاجأ: بصح.. ولكن هنا مكاينش تاع الفريز؟ بلااتي انا غانجبدو من الفريگو ونقاد ليها كاسها

عزيزة: لا لا انا نجبدو ليهاا اختي "شللات ايديها وجات ناوية تحضرو هي" غير سيري نتي نزلي عند ماماك كون راها تتقلب عليك

ردت بامتناع: بغيت انا نووجدوو ونتلف شوية الوقت بيما تهدنات وننزل نطلب منها السماحة

عزيزة: و واخا.. اللي عجبك

رجعات للماعن تكملهم وزهرة خدات من الپلاكار كاس من نوع الكؤوس الي فالپلاصو.. هزات من الفريگو گلاص بنكهة الفريز وملعقة خااصة، عبرات تلاتة الكورات حطاتهم فيه وقطعات فوقهم شرائح من الفريز للتزيين..

تحولو نظرااتها فجأة وصبحات حواجبها متشابكة بحقد.. حضات يااكما عزيزة تتشوف جيهتها وبسرعة جبداات من جيبهاا غبرة خنيشة صغيرة عليهاا غبرى بيضة رشااتها فوق الگلاص.. هزات سكر گلاصي وصفاية رشاتو على الكؤوس كاملة بااش يبان الامر عادي وردات الخنيشة لجيبها بسرعة فورما حسات بشي حد جااي..

ردت الپلاطو للتلاجة ومع سداتها دخل انور كايحنحن ومغوبش.. واضح فعينيه جااي عوال يلقا عزيزة بوحدها فالكوزينة ورا ماعرف باللي الغالية تتصلي وحياة هبطات لدارها.. لكن فاش شاف زهرة واقفة حدا البالكو حنحن وقال بصوت خشن ومنزعج

انور: عزيزة عافاك كااس الماا

ضارت عندو متوترة وبلا ماتجاوب حلات التلاجة هزات ليه قرعة الما كبات ليه كااس وعطاتو ليه ..خداه وبرك على كرسي وسط الكوزينة كاايشرب فالما بحال أتاي جغمة جغمة وكل جغمة اتقل من التانية، فحين هي رجعات لماعنها وتتحاول تتجاهل وجودو واخا ايديها صبحو تايرجفو خايفاه يقول او يدير شي تصرف اللي يحشمها حدا زهرة.. هاد الاخيرة اللي شافت فيهم بجوج عاقدة حجبانها فالاخير ميقات وخرجات من الكوزينة مخلياهم الراس فالراس ولجهة الصالون غاادة

نفخ وشرب مابقا من لما: غير ملي فهماات راسها رالاباس

شافت فيه تترمش بارتباك: ا ا بغيتي شي حاجة اسي انور

حط الكاس وهز سربيتة فوق الطبلة.. خدا ايديه المبللين بالما وبدا يمسحهم بلطف وهدوء وبسمة جدابة فشفايفو

انور: مابغيتينيش نجي

هزات كتفهاا الايمن وبحياء قالت: لا حاشا.. غير قلت ياكما محتاج شي حاجة

رد غامزها: جيت ناخد الكادو ديالي.. ولا ياكما نسيتيني

زهرة دخلات للصالون وفالجنب حدا مروان جلساات تاترمي شوفات خفاف جيهة نسيمة وسي محمد..

ملامحها هادئة وعادية لكن لداخل ديالها كايغلي ونار الحسد والغيرة شاعلة على الجهد وفيها تاتحرق

.. مروان قااد البركة متبسم وعندها ميل راسو وقال

مروان: على السلامة.. مالك ماجيتيش للحفلة؟

شافت فيه تترطب الكلام والبسمة فشفايفها: سمح ليا ماقدرتش كنت شوية عيانة

رد بقلق: علاش ياك لاباس

زهرة: لا والو غير تناقشت تاني مع ماما وبقا راسي ضارني

ابتاسم بهدوء فوجهها: كاتبقا ماماك ماعندك ماديري

زهرة: بصح، الله يهدينا

مروان: امين.. ايوا شنو درنا فالتسافيرة ديال غدا.. غاتمشي؟

زفرات تتفكر وقالت: خلي حتا نشوف مع ماما ونرد عليك

رد باصرار : طلبيها تخليك عرفتي غادوزي ويكاند وااعر.. بلاتي نوريك فين غانمشيو

جبد التليفون كايوريها تصاور المكان اللي ناوي يسافر ليه هو والكليكة تاع صحابو بمناسبة عيد ميلادو .. هي عين على الصور وعين فيهم وبالاخص نسيمة وحركاتها.. شافتها تحنات عند ودن محمد وشوشات ليه بكلام مغنج وغير من حركة شفايفها بحالا تترجاه وهزات ساكها بعدما وقف بجدية ونطق كايقاد فالتيشورت اللي لابس

سي محمد: عمي، تصبحو على خير حنا غانمشيو

رد عبد الجليل: الله يعاون اولدي

وقفات زهرة مصدومة وتاتشوف فيهم بقلة حيلة خارجين من الصالون ومع الغالية تلاقاو عاد كانت داخلة عندهم

الغالية: ياك لاباس شفتكم نضتو؟

محمد باس راسها وقال بأسف: خاصنا نمشيو الحاجة تعطلنا گاع

ردت تاتشوف فيهم بصدمة: الله يااوليدي وانا اللي گلت راكم رجعتو تعمرو عليا الدار تااني.. صبرو بعدا غير حتا تعشااو

ردت نسيمة بحزن: مانقدروش امي الغالية والله.. ولكن غدا ان شاء الله نرجعو عندك وعد مني

ضمات ايديها تاتنهد والشك فنظراتها: اناا حاسة وقلبي عالمني باللي شي تنوعيرة تاضور تحت رجلياا ..ولكن عارفة واخا نعيا مانسولكم تاواحد ماغايهضر

سي محمد: غير ريحي ليا بالك ماواقع والو.. غدا فالصباح هااحنا عندك تاني

الغالية: ايوا اولدي شغانقوولك.. الله يرضي عليكم ويسهل عليكم مااصعاب والله يبعد عليكم ولاد وبنات الحراام

بابتسامة متأترة عنقاتها نسيمة وعليها زيرات: اميين امي الغالية، لهلا يخطيك علينا

......

عزيزة نزلات عينيها للأرض وبنبرة حزينة قالت: مانسيتش اسي انور.. غير خفت مايعجبكش الكادو ديالي

قرب ليها ونظراتو تتغير ببريق مغاير

قرب ليها ونظراتو تتغير ببريق مغاير فعينيه ونبرة صوتو زادت خفافت: شي حاجة متعلقة بيك ومنك مايهمش شنو هي العمر.. المهم جاية منك نتي وحلوة واخا تكون قطران

سبلات فيه عينيها ونطقات بتردد: وزعما اسيدي بصح غاتعجبك

تنهد مهلووك فقلبو وبدا لعندها كايقرب كتر ويسيح فبلاصتو كلماا فرموشها حركات

انور: نتي كلك تاتعجبيني.. عاد خلي الكاادو

بسمات بخجل منزلة راسها وهو لعندها نزل راسو وعينيه على خدها ..طامع فقبلة تعاود تخدرو وترفع ليه المجاج ساعة طلعات راسها فجاة و زدقو شفايفهم متجانسين صدفة وبدون مايضربو ليها حساب..

بوسة فالفم ودقة عنيفة فالقلب، سد شفايفو فااش حس بالطعم مختالف وهي عاد مازادت فتحاتهم والنفس مخنووقة فيها بقوة الصدمة.. جرها عندو كتر وبدا فتقبيلها بحنية وعلى شهوتو كايتلدد فكرز شفاهها لقاها فرصة ومناسبة وبدا يحرك شفاهو متناغم مع دياولها حتا فجاة حس بداتها كاترخاا ووزنها كايتقاال..

شاف فيهاا بشوفات معسلين من حر النشوة لقاا عينيها تايتقلبو كأنها غاتسخف وبسرعة عقد حجبانو فايق من الگلبة وقال شادها

انور: عزيزة وايااك تسخفي واياااك وااا..

طااحت بين ايديه سخفاانة وهو بالتلفة ولا غير يدوور فراسو وكاايحاول يفيقهاا وااخا الفقصة رااكباه من صبر رجليه و مابقا عارف مايدير

انور: عزييزة.. حبيبة فيقي.. عزييزة.. واا الله يرحم بااك مانوضي الله ينعل ديلمي انااا مافيقي

.. عزييزة.. اودي معاامن حناا واغير فيقي ومانعاودش نقيسك گاااع

دخلات عليهم نسيمة ناوية تعيط عليها باش يمشيو لكن فورما شافتها بين ايديه طاايحة شهقات وبلا ماتحس جراات لعندها وبدات تستفسر بهلع

نسيمة: اااويلي مااالهااا.. عزيييزة.. عزييزة

حطها كاايزفر بنرڤسة ووقف كاره الموقف: والو يمكن.. غير الطونسيوو واقلة ولا مانعرف

شافت فيه قريبة تبكي: كيفااش الطونسيو

انور: بلاتي نجيب البصلة

دخل عندهم سي محمد هاز الكونطاكط فايدو: نسيمة يالله

انور قلب وجهو وردد بصوت خافت: صافي كملاات

نسيمة: عزييزة سخفاانة مااعرفت مااالها

سي محمد قرب ليهم مخنزر: ياك لابااس؟؟

ردت تتبكي وحاطة ليها راسها على رجليها: ماعرفتش.. عزيييزة عاافاك فيقي

انور: واقلة نهزوها للسبيطار

محمد ضار جيهتو وباستفسار قال: انور مالها

حك رقبتو كايفكر شنو يقول: يقدر الحلوة هي السبب

طلع حاجب بعدم تصديق: الحلوة تاتسخف

رد بعفوية: اخوويا على ماعاارف اناا الحلوة تاتنشط الواحد.. ولكن هنا تسالاو ليا مابقيت فاهم تاوزة

طول فيه الشوفة سااكت ونسيمة نااضت بالزربة لساكها المرمي فالارض جبدات منو ريحة ورشات ليها شوية على نيفها..

بعد محاولات بدات تفتح عينيها برااس كايزنزن ولساان لااوي ماقادراش دوي وتترمش بتقاالة

نسيمة: عزييزة كي كااتحسي احبيبة شوية دابة

زفر انور كايرد النفس وقال: على السلامة صباحية مباركة

ردت وفيهم تتشوف باستغراب: فين اناا.. شنو وقع واش طحت؟

نسيمة: بسم الله عليك احبيبتي

تحنا عندهم سي محمد: بلاتي نديها للصالون ترتاح شوية

سبقو انور قبل مايمسها ونطق بجدية: لا بلا مانمحنووك

نحا ليه ايدو بالريط وهزها بخفة غادي بيها لجيهة الصالون..

كانت باقة دايخة وراسها ضارها شوية مع دالك تتحاول تفكر اللي وقع وانور كل مرة يشوف فيها وينفخ بالفقصة الا هادي عمرها كانت عالبال..

حطهاا فوق السداري وماجا يدوي حتاا سبقاتو الغالية اللي بركات جنبها تاترمقها بخوف

الغالية: يااربي السالامة ماالكي ابنتي

ردت هاازة كتفها: يمكن سخفت

نسيمة: خودي شربي

عطاتها كاس الماا تشرب ومحمد بقا بعيد كايخنزر فأنور وهاد الاخير قالب عليه وجهو

الغالية: وعلااش ابنتي شنو اللي خلاك طيحي؟

ردت ببراءة وتتحاول تدكر: كنت وااقفة..تاندوي.. وشوية ب....

سكتات تاتشوف فالفراغ بعدما تفكرات اللي وقع ويبسات بلاصتها ماقادراش تقول شنو بيها.. داتها سخناات حتاا حمارو خدودهاا وصباع ايديها ولاو تايرجفو ..خلات نسيمة والغالية حالين عينيهم وتايشوفو بلا مايفهمو والو وانور بطنز قال

انور: عنداك تاني طيحي

الغالية: بسم الله عليك ابنتي نتي في عار الله

نسيمة: بلاتي نجيب صااكي رااه فيه الدوا ديال الطونسيو كانضن غاينفعك

ناضت من حداها غادة للكوزينة.. فنفس اللحظة كانت زهرة عاد دخلات ليها وبجسد كايترعد بالخوف فتحات الفريگوو باغية تخلص من الگلاص اللي صيبات بنفسهاا..عاد هزاتو فايدها باش ترميه هي تسمع صوت الطالون ديال نسيمة كايقرب..

بالتلفة هبطاتو لتحت عازلاه بوحدو حدا اللحم وسدات الفريگو بكل هدوء ملي دخلات لعندها..

نسيمة ماتسوقاتش ليها حدها تحنات تتجمع فساكها وزهرة خرجاات من تماا ..

جبدات الدوا اللي بغات وسدات سااكها راجعة لعندهم.. هزات منو حبة مداتها لعزيزة وعطاتهة الما.. سرطاتها والسخونية غير ماتتزيد طلع معاها كلما شافت جيهة انور وهو عينيه بعفوية مصغرين فيهاا كايحاول يفهم الطينة ديال هاد بنادمة اللي بلاه بيها سيدي ربي كيف داايرة

خرجو من الڤيلا بعد لحظاات.. نسيمة شادة فعزيزة وهازة سيكانهم بجوج وانور سابق مع سي محمد لسياراتهم واحد مكايدوي مع لاخر لكن تخنزيرات سي محمد ملخصة كل شيء واخا انور ممسوقش وتايضور فكل حين يشوفها كيف بقات

فتح ليهم الباب عزيزة اللور ونسيمة حدااه.. انور رمقها بآخر نظرة غمزها عاد ركب و ديمارا ساابق وهوما كدلك..

حلات نسيمة سااكها جبدات التليفون وحاولات تشعلو

نسيمة: بابا علم الله شحاال من مرة اتاصل

سي محمد: حطيه بعدا يتشارجا

تكملات عزيزة من اللور: غايكون تشوش عليناا الالة وحتا انا تليفوني طفاا

شعلاتو ودوزات رقم باها كاتتاصل بيه وتسناه يجاوب.. سي محمد زاد فالسرعة و رمقها بجدية قائل

سي محمد: الى قالك شيحاجة دوزيه ليا ندوي معااه

تفتح الخط قبل ماترد عليه وقال سي عبد الله: الو

ردت بارتباك: باباا.. مسا الخير هه

رد بنبرة قلقة: الله ابنتي فيينكم خلعتيني اش هاد التعطال

خففات صوتها بندم: عااد سالات الحفلة ابابا سمح ليا كان تليفوني طاافي لا انا لاعزيزة

عبد الله: خلعتيني عليك وحتا مك مابقيت عارف شنو نقول ليها

نسيمة: ؟ياك ماگلتيش ليها باللي جيت لعيد ميلاد مروان

رد بتنهيدة : ماقلتش الالة

ردت: حسن نيت.. رااك عارف الى علمتها غاتبغي تجي معاياا وتزدق فاتحة موضوع الطلاق مع مي الغالية وهي مسكينة مافراسها مايتعاود وعلم الله شنو كان غايوقع مازال

عبد الله: فيها خير.. المهم نتوما جايين

ردت: اه هاحنا شادين الطريق شوية ونوصلو

عبد الله: ايوا الله يجيبكم على خير "حنحن بفضول مقلق وقال" هاداك كان حتا هو فالحفلة

شافت فمحمد بحرج وخفظات صوتها كتر: ممم كان

عبد الله: ياكما داار معاك شي تصرف ماهواش ولا قال كلام يجرحك؟

ردت بسرعة: لا ابابا مكاين والو من هادشي..حتا نوصل ان شاء الله وندويو

رد: ان شاء الله..يالله الله يعاونك

ردت: بسلامة

قطعات تتنهد سااكتة وحد مادوا من غير نظراتو الخاطفة جيهتها واخا مركز فالطريق حتا وصلهم لقدام باب العمارة..

شد فايدها بمعنى ماتنزليش دابة هبطاات عزيزة متفهمة الامر سدات الباب وطلات عليها من الزاجة والابتسامة على محياها

عزيزة: سيدي محمد تصبح على خير

رد بالصواب: الله يعاون اختي

نسيمة: اناا سوية ونجي غير تسنايني

ردت: واخا الالة.. الله يعاون

خلاتهم ودخلاات فحالها.. ضارت لعندو نسيمة بملامح هادئة وهو شد فايديها بزوج وعلى وجهو انزعااج حاول ماأمكن يخفيه من نبرة صوتو الباهتة

سي محمد: غاتباتي معايا اليوم تاني ياك؟

رسمات بسمة خفيفة وردات وجهها اللور بأريحية: بغيتي نباات

زيد على يدها وبحالا كايطلبها بعينيه: ماكرهتش ..وعارف مغايدينيش النعاس ونتي ماشي حدايا

جاوباتو كاضحك : صلي قيام الليل هههه منها اجر منها تلف الوقت

غوبش فوجهها: كاطنزي عليا

ميلات راسها بغنج وفيه تترمش: وشنوو الحل بالنسبة ليك؟ .. بااغي بابا يدير لينا شي مشكل من هنا للقدام؟

رد : الحل قلتو وعاودتو.. انا غانتكلم معاه رااه ماشي عاد غانتزوجو نتي راكي مراتي وحلالي ..بغا يتقبلها مرحبا مابغاش حتا هي مرحبا درنا شي حاجة عيب او حراام؟

بردات دمها كتر ملي شافتو تعصب وعرفات ان هاد الامر كايزعجو وينيرڤيه

نسيمة: غاتجي ناقصة امحمد..وأنا بغيت كلشي يكون مقااد هاد المرة وعلى اصولو ..بغيت من هنا للقدام نرتاحو اناا وياك بلا مشكل بلاا جوج او على الاقل صداع بنادم بلا مانزيدوه على همنا حتاا هو.. سوا عائلتي ولا عائلتك..بغيت هاد المرة نكونو مرتاحين وكانخططو لحيااتنا بزوج كيفما حنا متمنيينها

باس ايديها بقوة وبتنهيدة حارة نطق: ماشي مشكيل.. نصبرو هاد الليلة تاني

وسعات ابتسامتها قائلة برقة ونعومة: الله يخليك ليا احبيبي

سد عينيه مستنشق الكلمة وعند شفاهها قرب: عاوديها نسمع

ضحكات راجعة اللور وهو بشفايفو تابعها: واصافي هههه

بااسها وقال بأمر: عاوديها

مررت ايدها بنعومة على خدو الملتحي وبنظرات متيرة نطقات حروف هامسة تصوبو جهة قلبو مباشرة

نسيمة: حبيبي.. والكبيدة ديالي ..وحياتي اللي مانقدرش نعيش بلا بيه .. شنو كدبت؟

بهيام ونبرة ضعيفة قال: حاشاا.. غير هو شوية بشوية انسيمة، نتي ماعارفاش هاد الكلام شنو تايدير فيا

ميلات راسها بنعومة: شنو تايدير اسي اليوسفي

تنهد ونزل ليها ايدها جهة ديالو ناطق ببسمة جدابة: كايفيق هاداا

جراات ايدها بسرعة كااضحك: هههه ايوا المسخ حيد علياا ننزل

جرها بالضحك حتا ترمات لحضنو وزيرها بتعنيقة حاارة بادلاتو فيهاا ..بااس فعنقهاا وقال ساد عينيه

سي محمد: غداا نجي نديك.. ماغانزيدش نصبر كتر من هاكاا

ردت كاضحك: عنداك تحمااق

رد: حمااقيت من نهاار عرفتك ابنت حورية.. ماعرفتو سحور ولا مصيبة وطاحت على راسي

بعدات مغوبشة وضربات فصدرو: ايوا حاشااك قالا مصيبة

طلع حاجبو: هي سحور؟

ردت: نتا مسحور من عند الله ماعند المجامر مايقضيو هههه.. حيد را تعطلت

باس ايدهاا وزير عليها ماساخيش: فاش طلعي شعلي تليفونك ندوي معاك

ردت مبسمة: وااخا اسيدي مايكون غير خاطرك ..يالله تصبح على خير

رد: تصبحي على خير

نزلاات ورا ماباستو بالزربة ودخلات تتلفت ليه وضحك.. سرح فيها بالشووفة وسها كايتأملها حتاا دخلات وطلعات فالمصعد لدارهم عاد ضار قدامو كاايزفر وديمارا بجسد تقيل وعيان..

.....

لقات عزيزة حدا الباب باركة مابغاتش دخل حتاا تجي..

فتحات الباب بساروتها ودخلو كايدورو فعينيهم لقاو الدنيا مضلمة وغير للتلفازة اللي شاعلة فالصالون..

حيدات من رجليها هي وعزيزة ودخلات كاتحنحن وهازة ساكها فيد لقاتها ماماها فقط اللي باقا فايقة تاتفرج

نسيمة: مسا الخير

ردت عليها بانزعاج وااضح فوجهها: على السلاامة الالة خيتي.. تبارك الله فين كنتو؟

زفرات : غير فوجنا شوية اماماا.. تصبحي على خير غاندخل ننعس

حورية: تعشيتو بعداا

ردت عزيزة: لا.. باقي شي حاجة

حورية: سيري رااه خليت ليكم فالكوزينة

نسيمة: بابا نعس

ردت: واعياا يتسناا فيكم حتا داتو عينو

نسيمة: كنت باغة نهضر معاه فموضوع مهم ..ولكن ماعليش فيها خير

حورية: ياك لاباس

تبسماات ولبيتها ضارت: حتال غدا ان شاء الله وتعرفي.. عزيزة شربي الدوا اللي عطيتك والى بقا راسك ضارك اجي لعندي

عزيزة: واخا الالة تصبحي على خير

نسيمة: تصبحو على خير

دخلات لبيتها وخلات عزيزة غادة للكوزينة تاكل وترد شوية الروح..

غيرات حوايجها بپيجامة خفيفة عبارة على تيشورت اورونج خفيف وكولونك ديالو، طلقات الكليما فالبيت وحطات تليفونها كايتسارجا وخرجات للحمام..

غسلات حالتها بالخف وتوضاات وضوءها عاد رجعات للبيت لبسات عباية وفولار وفرشات السجادة فاتجاه القبلة، صلات العشا اللي بقا خااص مع سلمات بدا تليفونها كايصوني.. خلاتو كايقطع ويعاود يصوني من جديد وهي على خااطرها سالات ودعات عاد ناضت جمعات الصلاية ورداتها لمكانها وحيدات حوايج الصلاة ..

هزات تليفونها خارجة للجليسة اللي فالبالكو بركات تشوف شكون هو يصوني فايدها بإسم "زوجي العزيز" ..فتحات الخط بابتسامة وصوتها خفيف موازي لهدوء الجو ونسيمو العليل

نسيمة: الو

رد ببحة خشنة عاد ناوي ينعس: مسا الخير.. ياكما فيقتك؟

ردت: لا مازال مانعست .. لقيتيني عاد صليت العشا

رد: الله يقبل احبيبتي

نسيمة: امين.. وصلتي للدار

تنهد: ممم.. لقيت الفراش كيفما خليناه

ضحكاات عاضة شفايفها باش مايتسمعش صوتها: ليلة وحدة مازاال ان الله مع الصابرين هههه

رد: هاهو الالة صاابر.. دويتي بعدا مع باك

ردت: من زهرك الزوبن لقيتو نعس ..غدا غانفيق بكري ونتكلم معاه فالامر غير تهنا

زفر بضيق: كل مرة تخرج لينا شي حاجة من الجنب .. غدا الى مادويتيش نتي غانجي انا نتكلم معاه

ردت: صاافي اسيدي كون هاني غير ماتعصبش

زفر: يدير الله خير

ردت: ان شاء الله "صغرات عينيها فاش جات زهرة فبالها وخدات نفس قائلة" فكرتيني.. قبيلة كنت باغة ندوي معاك فواحد

الحاجة ومشات من بالي

رد: الموضوع اللي قلتي ليا عليه فالڤيلا؟

ردت: اه.. واخا انا شبه متأكدة من كلامي.. ولكن بغيت نفاتحك بيه باش منها تعرف علاش كان فيا داك الشك كامل ومنها نكون عالماك بالامر

رد بقلق: ياك لاباس

نسيمة: الامر متعلق زهرة بنت الخدامة ديالكم

رد بتفاجأ: مالها

جاوبات بانزعاج خفيف: انا شاكة انها كاتبغيك.. وتقدر تقول متأكدة گااع من هاد الامر

تنهد وقال: وشنو اللي خلاك تقولي هاكا

قوصات حجبانها من برودة نبرة صوتو وقالت مجاوباه: حسيت.. والمرا تاتفهم المرا فبحال هاد الامور خصوصا هي تصرفاتها مفروشين.. ولكن نتا علاش ماتفاجأتيش؟ كنتي عارف؟

رد: ماتفهميش غلط.. كنت شاك وصافي ولكن عمري تعمقت فهاد الموصوع ولا همني

جبدات عينيها نبرتها للعصبية تحولات: يااك اسيدي.. شاك فيها تاتبغييك وسااكت عادي بحالا ماواقع والو

زفر وقال كايرطب الكلام: كاندوي على الفترة فين كنا مطلقين انسيمة.. قبل تصرفاتها كانت تاتبان ليا اخوية وعاني ولكن اللي خلاني نشك هو اهتمامها الزايد فالفترة اللي فاتت وحتا كلامك دابة هادا ماكان

زيرات سناانها والغيرة فيها شعلات: كيفااش الاهتماام زاايد هي داارت شي حااجة؟

رد: خوي رااسك من داكشي اللي تاتفكري فيه كون دارت ماغاتشوفيهاش فالڤيلا عاادي.. هاد الامور متانتساهلش فيهم راكي عارفاني

جاوباتو بغضب: لا تبارك الله عليك غير ملي فوتتي الامر وباان لك عادي رااه مابقالي مانگوول

زفر وقال: قلت شااك ..كون جيت نواجهها وطلع كلامي غاالط شوفي نتي شمن موقف كنت غانحط فيه رااسي ونحط فيه البنت حتاا هي واناا من الاصل معتابرها بحال ختي الصغيرة

ردت: ختك هي اللي والداها ليك مك وبااك الشرييف اماا هاديك سواا كانت بااقة برهوشة ولا شاارفة متايهمش.. المهم من هاد اللحظة حسن ليك تفكر فشي حل

رد: دابة واش غانتخاسموو على هاد التخربيق

علات حجبانها قائلة بغضيض: تخربييق؟ ايوا سير حتاا درس الموضووع مزياان وتحط راسك بلاصتي باش تفهم بشنو حااسة عااد تعالى ندويو

رد: نسيمة الله يهديك واش اللي فينا كافينا عااد نزيدو هااد المشكل حتاا هو

نسيمة: تصبح على خير

قطعات مزيرة على التليفون بعصبية وناضت دااخلة للبيت بالزعفة ..تخشات ففراشها ورداات تليفونها صيلونص فورما بان ليها بدا يعيط مرة اخرى.. تكات سادة عينيها و مخنزرة كل خطرة تنفخ حتا داتها عينها ونعسات

......

ترفع ادان الفجر ورنت لالارم مفيقاها..

مدات ايدها تقيلة بالنعاس وطفات التليفون حالة عين وسادة لخراا بزز باش توگضات وناضت نافضة العگز..

لبسات پانطوفتها وجرات رجليها خارجة من البيت مع سدة باب الدار عرفات باها مشا للجامع يصلي هي تجمع شعرها ودخلات توضات وصلات الفجر فراحتها..

سدات بيتها ودخلات للصالون شعلات التلفازة وبركات تاتلف بيها الوقت وتسنا حتا سمعات حس الساروت فالباب.. طفاتها بسرعة وناضت خارجة لعند باها لقاتو عاد دخل هاز السجادة فيد والباگيط سخون فاليد لخرا

نسيمة: صباح الخير

باس راسها برضى: صباح النوور ابنتي.. فقتي للفجر

ردت مبتاسمة: اه

عبد الله: الله يرضي عليك.. غير رجعي تنعسي باقي الحال

فركات ايديه بتوتر وقالت: ا ا بابا بغيت نهضر معاك فواحد الموضوع

جمع حجبانو: الله يسمعنا خير

ردت: كل الخير ان شاء الله غير هو بغيتك تسمعني للأخير وتتفهم قراري

حط داكشي اللي جاب على الطبلة اللي وسط الدار و برك قدامها بجدية

عبد الله: هاني ابنتي كانسمع، گولي شنو اللي عندك

يتبع...