رد ضهرو اللور داير فيه شوفة ديال من نيتك: تلت شهور مامديكلاريش وعااد جاي تفرع لينا **** بالخوا الخااوي؟
خرج عينيه: انا غانرفعهاا دابة ونجييب حتا الشهوود وغانقلب على لمن باعتهم وااحد واااحد حتااا نجيبهم يشهدو معاايا.. دييك الساعة غاتشوف وااش كانكدب ولا لا
تفعفعات من بلاصتها مخلوعة وقبل مادير شي ردة فعل نطق أنور ببرود
أنور: مرفوضة الشريف.. القضية دازت عليها مدة وفالقانون ماعندك ماترفع مازال واخا تكون گاع شفرات، كان خاصك تعلم بيها ديك الساعة ماشي حتا تفوت تلت شهور وترشق لمخك
بغضب غوت: فيين كااااااين هادشي؟
رد: فالقانون المغربي.. والى عاود رفعتي ***** ديال داك الصوت ماشي غير غانهبطك تگلاصا غانبرك مك على قرعة نيشان
سرطها الحاج بجغمة تقييلة وعينيه حماارو حتا صبحو كايخلعو.. مالقا مازال شنو يگول وأنور بلا مايزيد يحرق معاه الحجرة ورك على زر تحت البيرو و فالبلاصة دخل البوليسي عطاه التحية وقال
وي مون كوميسير
أنور: هبط ليا هادا وكلم محمد
رد: واخا امون كموسير
جا جرو غادي بيه وهو كايردد بحر جهدو
سي عبد الكبير: هااادا ظلم.. انااا رديييت غييير حقي.. عقلي على هااادشي اقليلة الحياااا مازال نندمك و تشوفي مني اللويل ..طلقوو منييي
خرجوه كايهلل داز من حدا محمد وقال كايترعد بالغدايد: نتااا باقي مكاتعرفش هااد اللفعة على حقييقتهااا.. ماازال تعرفها وتندم حيييت عاونتيها شي نهاااار مازال تندم وتوقف على كلامي
خنزر فيه: غبر من قدااامي ماحدي باقي متتاقي فك وجه الله وداير بحق داك الشيب..اما دقة وحدة نسيفطك عند مولاك نيشاان
سي عبد الكبير: مازاال. نندمكم.. مازااال تندمووو بجووووج
تبعو فعينيه المظلمين تاغبر من قدامو عاد زفر ودخل عند أنور ساد وراه الباب وبتساؤل قال
نسبمة: وحيت باطل امي الغالية زاد غرق راسو كتر "شافت فزهرة" غير هو ماشي أي سمعناها الغزالة راها بصح
هزات كتافها ببرود: أنا گلت غير اللي سمعتو
ردت: حتا انا غير نصحتك باش من بعد مانحطيحوش فشي مشاكل أنا وياك، واخا
تدخلات حياة بسرعة خايفة من لسان بنتها وسمو
حياة: ه هاكي الالة بسم الله "حطات ليها الپلاطو ديال الغدا وهي بابتسامة قالت
نسيمة: شكرا اختي حياة عدبتك معايا
حياة: بالعكس الالة بصحتك
ناضت وهزاتو: غانديه لعند عمر مسكين كون راه تشوش عليا
ردت الغالية وعينيها مصوبين بانزعاج على زهرة: زيدي ابنتي أنا جاية معاك
*★*★*★*
نزل التيشورت على ضهرو بروية بعدما ضمضها ليه الطبيب وضار للمكتب ديالو فين بارك أنور والتخنيزة بين عينيه من اللحظة اللي شاف فيها شكل الضربة وعمقها قداش ..
ركبو فالسيارة ومحمد دار نظراتو بهدوء: صافي نسا عليا هاد المرض كانتفكرو راسي كايزيد يشعل..
شاف فيه: نطلعو للبحر
ديمارا: نتغداو بعدا، باقا النعمة مطاحت بكرشي
نزل الليل على الفيلا وودع الشمس المشرقة .. الضواو فالجردة شعلو وعلى طبيلة بكراسيها جنب المسبح باركة نسيمة معنقة عمر عندها وساهية فالما بهدوء.. فرق كبير بين كيفاش نعسات البارح والآمال اللي حطاتهم فبالها وكيفاش عاشت هاد اليوم، فعلا صبحان من يبيتها فشان، ويصبحها فشان
دخلات عندها عزيزة هازة پلاطو صغير عليه جوج كيسان ديال القهوة وحليب دافي لعمر
بركات قدامهم كاتبسم وقالت مفيقة نسيمة من شرودها
عزيزة: خاصنا نخرجو صدقة الالة نسيمة هههه
حولات ليها نظراتها ببرود: صدقة؟
ردت كاضحك: ايوا راتفكينا من داك عدو الله خاصانا فيشطة گااع هههه
عزيزة: واگولي الحمد لله تفضح ودخل للحبس أما كون علم الله شسرا فينا
نسيمة: عرفتي أنا بعدا فيما خرجت من شي حفرة كانكون عارفة باللي حفرة خرا كاتتسناني، ماحدي مازال ماخويت هاد المدينة ومازال ماهزيت راسي كيف بغيت ومازال ماجمعت با ومي حدايا، وحتا شوفات داك الشيبة العاصية مكايبشروش بالخير
عزيزة: والصراحة الاالة انا غير مللي سيدي محمد واقف معانا، مابقيت نخاف من والو
شافت فيها: ياك اختي؟
هزات كتافها بعفوية: واالصراحة تگال.. من صغرك وفيما طحتي فشي مصيبة هو اللي كايخرجك منها وحتا دابة نييت.. تعقلي نهار بغيتي تزوجي ماشي جا باش يشوفك؟ سبحان الله بحالا كان عاالم باللي كاتسناك شي مصيبة ورا ديك التزويجة، ونهار المرحوم كان بغا يتعدا عليك ماشي هو اللي عتقك؟ ونهار تشفر لك الدهب، وعاوتاني دابة فاش سيد الحاج بغا يرجعك لفاس وفاش دا لك فلوسك؟
قرنات حجبانها بتدكر: على سيرة الفلوس نسيييت ماجبتهم معايا يخخخ
بدات تبوسو وضحك معاه وهو مبسم وساكت بحال حالة عزيزة اللي مالقات ماتگول مازال فضلات غير تسكت وتخلي الأمور تاخد المجرى اللي بغات..
.....
فرانات سيارة محمد عند مدخل الڤيلا نزل هو وأنور مبدلين الجو ومنسين الوقت فاللي طرا.. حل الباب بالساروت دخلو وريحة كسكسو ضارباهم للنيف نعشات ليهم الدماغ وقادات المجاج والشهية عاد تفتحات
انور: الله، هااادي هي الريحة وإلا فلا
سي محمد وزع عينيه على أرجاء الڤيلا مكمش حجبانو بقلق ويقلب عليها، عاد شاف فيه كايزفر وقال
سي محمد: طلع نعطيك شي حاجة تبدل بيها
شد الضحكة: لا حالتك صعيبة العشير.. مابقاتش فاس حاكمة العالام ولات حاكمة محمد هههه
رد: بلا تبرهيش وزيد الله يستر عليك
تبعو غادين لبيتو: باقي مناويش دير بهضرتي.. واخا غير جوج وريدات وشمعة سبعين ريال راقاضيين الغاراض
دخل حل الپلاكار ديالو وبدا يجبد ليه حوايج بيتية بحكم أن مقاسهم متقارب وفنفس الوقت قال بجدية
سي محمد: اليوم غانهضر معاها فالموضوع
وسع عينيه: اليوم؟ من نيتك موضوع بحال هادا تگولو ليها فبحال هاد النهار
عطاه الحوايج: بالعكس تعطلت بزاف
أنور: واخا اسيدي وناوي طلب منها الزواج هاكة حافية؟ والى ماوافقاتش
عقدهم: غاتوافق.. حيت خاصها توافق
ضحك: هادشي عندك كايخلع الساط
سي محمد: غير كايخلع وسكتي.. مكاينش اللي رونني قد هاد التلت سنين شنو وقع فيها.. متأكد شي إن تما وماحدها ماشي تحت جناحي عمري نتهنا ولا نرتاح
أنور: والحل عندك هو الزواج
رد بجدية: كراجلها ماشي بحال واحد غريب عليها كلمة جوج نتا شكون فملك الله
طلع حجبانو: گالت لك نتا شكون فملك الله ههههه
رد وهو خارج من البيت: معامن أنا.. بدل حوايجك وتبعني لتحت، طلق راسك
على طبلة العشا وقفات الغالية كعادتها حتا تحطات الگصعة وتقادات كيف كايسر الخاطر وروايحها فاحت فالدار كتر.. گصعة كسكسو بسبع خضاري ولحم الراس الشوفة فيها تشهي قبل ماتحط اللقمة ففمك ..
مع الدروج تم هابط أنور لابس من حوايج محمد شورط خفيف وپيل سماطي غلاض طالق درعانو الهازين تباارك الله وكتافو العراض واضحين منو
حتا حد ماسمع من غير نسيمة اللي سرطاتها مرة خرا بجغيمة الما وبداو فالاكل.. صوت المعالق اللي كايتسمع وكلشي حاضي قدامو من غير محمد اللي مرة مرة عينيه كايفضحوه ويهربو عندها الشوفة وعزيزة اللي ماباركاش فراحتها من أنور اللي جا قبالتها
سالاو العشا وفضاو ديك الگصعة حتا تزيفاات، ناضت فيروز هي اللولة مسات عليهم ببسمة صفرة وتبعها راجلها وولدها
صدمها بكلامو بقات غاحالة فيه عينيها وبانفعال قالت: وعلاش كاتسولني أنا بالسلامة.. سير عند مي الغااالية تقلب ليييك انا مالي ااصلا
رد: نتي حد الساعة اكتر وحدة كانتيق فيها.. اكتر وحدة كاننترتاح معاها وأكتر وحدة قادر نأمنها على حياتي اللي هي بنتي
قلبات وجهها كاتنفخ وتفش من شوفاتو وحجبانها بنرڤسة معقودين..
الموضوع وترها كتر ماعصبها وباقة مادخلات ليها للدماغ باللي باغي فيها حاجتو فقط وكلام عزيزة مااطلع منو والو.. لسانها كان مجهز قطران جاري دوقو منو ساعة مللي عرفات السبب سرطاتو ورجعات غير كاتنفخ معاجبها حال ومعارفاش حتا علاش
..تنهد وهز الطابليط شعلو وقال كايطاپي فيه: فاللول گلت لك باللي بجوج غانستافدو من هاد الزواج "حطو على مرأى عيونها وكمل كلامو" انا باغي نربح القضية والحظانة تولي عندي.. ونتي باغا تبداي حياة جديدة ببداية حسن
مد صبعو كايقلب فالتصاور يشرح بفموو وعينيه على ملامحها.. كايطمعها ويسايس ويتمسكن رغم أنه مازاوب ماطلب لكن فنبرتو حزن وأسى مساعدينو وهي ساكتة تترمش شوفاتها بين المسبح وبين المحل، مرة تسمع شنو كايگول مرة تسمع لعقلها أما القلب بكترتة الزديح مازادها غير توتر حتا مابقات عرفات شنو دير وباش تگول لا تلفات حتا على الحروف.. حتا تنهد وجمع عندو ايديه مشابكهم
سي محمد: شنو گلتي
باعدات عندو الطابليط وطلعات نيفها: دابة عند بالك اناا تابعة الفلوس ؟ من مسخة لوحدة طماعة دابة ياك؟
رد مهدن وخافظ صوتو: لا حاشا.. ولاعاش من يگولها
نسيمة:: ايوا شمعناها زعما هادشي؟ ماباانت لك غير اناا
حك مؤخرة راسو وغير كايتنهد: نتي عارفاني كيف داير.. هاد المواضيع بالدات ماعنديش معاها وماعارفش لمن نگولها من غيرك
ضغط فكو وفعينيه بان الانزعاج قائل: ماشي من واحد غاتحكمي على كلشي.. حتا أنا عشت تجربة فاشلة وهأنا قدامك.. نهار نلقا هادي اللي تستاهل غانبيع على قبلها الغالي والنفيس، ولكن حد الساعة باغي بنتي معايا اولا عاد من بعد نفكر لحياتي، شنو بان لك
بغل طلعات حاجب وفمها قارماه: ايوا حتا تلقا هادي اللي تبيع عليها الغالي والنفيس وتزوج بيها حسن ماتصدع راسك معايا
رد: ربي غايكتب تجي حتال بين ايديا بلا مايحتاج نقلب عليها..حتا كانديرو غير السبب أما كلشي قضاء وقدر
سي محمد: ماعليش خودي وقتك، حنا مازربانينش حتا وكان تفكري على خاطرك
وقفات تترد شعرها ورا ودنيها وبحيرة قالت: مابقيت عرفت شنو نگول.. هادشي مابانش ليا فيه
رد بجدية: الموضوع مكايتعلقش بيا غير انا.. حتا الحاجة غاتضر الى القضية تخسرات.. وبنتي حتا هي غاتعيش وسط ناس علم الله كيف غايعاملوها، نتي غاتعاونيني وتعاوني العائلة كاملة وتعاوني حتا راسك
حطها على السرير وتجبد حداها كايبوس ايدياتها الصغار ويسمع كلامها المخربف من داكشي اللي كاتلتاقطو.. داير ليها فوق الخاطر وحتا هي فشوشو ليها كايخليها تتصرف كيف بغات مرة تلعب فوجهو مرة تنعس عليه وفمها ماسكتش من الهضرة وهو كايجاوب على قدمافهم..
خرجو من الڤيلا على رجليهم للشاريع ومن تما خدات طاكسي للدار نيشان
نزلو بعدما خلصاتو وأول ماشافت هو جيهة العساس اللي تبدل وبدَلو جا واحد جديد .. دخلات مع باب العمارة كاتتدكر داك اليوم ومع أول خطوة سمعات صريخها وإستغاتتها وكييفاش تجرات بحال شي بهيمة غادين بيها للدبح..
تنهدات بحرقة وصدرها تخنق فجأة وبين عينيها داك اليوم اللي عمرو يتمحا من بالها.. طلعات الفوق بزز وعزيزة حاضية معاها فصمت حتا حلات الباب ودخلو ..
حطات الساك ودخلات للحمام كاتغسل وجهها وتعاود بما بارد حتا ترخات فيها النفس وعينيها زالت منهم شوية الحمورية عاد حبسات كاتنهج.. خرجات للمراح كاتمسح وجهها وداخلة للكوزينة فين كانت واقفة عزيزة محيدة جلابتها وكاتلبس الطابلية
عزيزة: نصيب ليك الفطور الالة
ردت كاتحك عنقها: ديري شي حاجة خفيفة لعمر أنا صيبي شي قهيوة قاصحة هي اللي غاتحل ليا الدماغ
ردت: واخا الالة هي اللولة
رجعات لبيتها بدلات حوايجها بكسوة بيضة فوق الركبة بشوية و كتافها نازلين.. طلقات شعرها على طولتو جمعات القدام بوندو كحل ولرجيلاتها البيضين لبسات كلاكيطة غوزية وضفيراتها منها تايببانو
.. لقات عزيزة حاطة ليها ساكها فوق السرير جبدات منو الطابليط ورجعات عندها للكوزينة لقات قهوتها موجودة هزاتها وبركات كاطاپي فيه وتردد
حطات الطابليط وقالت بتفكير مصغرة عينيها: نكدب عليك، والله ماعرفت.. من جيهة كانگول فكري فمصلاحتك كيما هو فكر فمصلاحتو وغير دوز ديك الشهر ديال الباكور المحل اللي كانحلم بيه غايولي بين ايدي.. ومن جيهة كانگول ماالي على حالتي ناقصني هم نزيدو على مشاكيلي
حطات يدها على خدها كاتتنهد: زهرك يالالة غالفزواجات ديال الوراق، خاايفة لاتكون شي تابعة هاادي
طرطقات كاضحك من قلبها وصدها كايتهز ويتحط: زهري وانا عارفاه هههههههه نوضي صيبي لينا شي طويجين أنا خارجة
حيدات صبعها من بلاصة لوديو خنزرات فيه وقلبات الطريق كاتبعد من جيهتو وتزفر بعصبية.. بغات تعاود واحد آخر ساعة تفاجآت باللول مشا وفات الفوت باش تمسحو حيت قراه.. حلات فمها جامدة بلاصتها واقلت كاتغبن: ويلي يااشوهتي ياانا.. واتفووو تفوووو على تحشييمة يخخخ
وقف عليها الشاب بعدما بلاصا طموبيلتيو ضارب تيشورت لاكوسط وشورط مع نايكة كحلة مستيلية ..النظاظر فالعينين وبسمة مغرورة فالفم قال حابس عليها الطريق
....: شنو دابة نزلتينا من الطموبيل غير باش ندويو معاك ؟
خرجات فيه عينيها بشراسة والتليفون بدا يصوني فيدها بنمرة محمد
نسيمة: كااانعرفك اخووويا.. كااااتعرفني؟؟ واااش مكاتعرفوو اللي مريضة من اللي صحييحة من المزوجة من الهجااالة؟؟؟ تفووو على قوووم
دازت فيه كاتنهج وهو تابعها ممفاكش وعينيه تابتين عليها: وادابة مالكي معصبة عادي عطيني غير نمرتك صيپا شي حااجة
ضارت هازة فوجهو صبعها ومحمرة فيه العين: يااا غاتغبر من قدااامي يااا والله حتا نهرس علك هاااد السااك
رد كايبر الطرح: واخا تعاالي غانوصلك بلا نمرة بلا واالو
نسيمة: واش تتفهم من وراااك ولا شنووو وااااگلب عليااا ابنااادم حسن ماندير لك الشووهة هنااا.. تفوو على گنس كي داير
تخطاتو وشارت لطاكسي صغير طلعات بسرعة كاتلهت بعصبية ومخلياه من اللور حاضيها بخيبة فعينيه ..
حطات الساك وجاوبات بعدما خدات نفس وسبقاتو للكلام قائلة
..بعد ربع ساعة وصلها الطاكسي لسوق كبير خاص بالمگازات والمحلات الكبار وبالضبط حدا محل الاتواب والملابس التقليدية وقف
.. قشعها محمد من زاجة الطابق التاني وضار نازل كايتأكد من بزطامو فحين هي هبطات كاطلع الشوفة فالمحل وتشوف فالقفاطن والجلالب آخر موديل سوا رجالية ولانسائية لكن مفرقين شي على ليمن وشي على ليسر ..
بابتسامة تحنات كاتحل الساك وقالت
نسيمة: شحال عندي اخويا
رد: 35 درهم اختي "جبدات بزطامها وقبل ماتحلو تمدات يد سي محمد عطاه خمسين درهم ونطق بصوت خشن
سي محمد: الله يربح الشريف
رد: الله يخلف اخويا
مشا الطاكسي وهو كايرد بزطامو للجيب قالت مطلعة حاجب: يالله كنت غانخلصو
دوز عليها شوفة سريعة ومن مناخرو ساط منرڤس وسبقها للداخل كاينطق من نيفو: زيدي مرحبا
دخلات وراه وعينيها لاسقين على دوك اللباسي.. موديل ينسيك فموديل والموضفين غادين جايين من حداها سوا رجال ولا عيالات بيونوفورم محترم وموحد
.. بان ليها طلع مع دروج ضايرين وتبعاتو كاتهرب عينيها اللور ماكرهاتش تبقا غير تشوف لكن الغالب الله
دخلات مع الطاج اللي فيه المكتب ديالو، معضمو ضاير بالزاج شي كايطل لتحت والنص لآخر للدخلة ديال المحل، أشار ليها جيهة الفوطوي وقال متوجه لمكتبو
سي محمد: تفضلي خودي راحتك
گلسات بأنوتة حاطة الساك فوق رجليها وكاتقاد البوندو وخصلات شعرها
فحين هو هز الفيكس وقال: شنو تشربي
رد: لا مابغيت والو مزروبة شوية
اتاصل وقال: آية "طلعات حاجب قالبة وجهها وهو قال مكمل كلامو" واحد كاس الما بارد وواحد جو درونج.. دابة عافاك
قطع وجا قدامها برك كايزفر ويتجنب يشوف فاللبس اللي لابسة رغم أن الانزعاج باين فعينيه
سي محمد: هي گلتي مزروبة، ياكما عطلناك
ردت هازة كتافها ببرود: معليش أنا أصلا جيتك على موضوع مهم
قرن حجبانو وهي جبدات الطاپليط من ساكها ومداتو ليه.. حطو فالجنب وبعيون ملتهبة قال كايحك جنب فمو
نزل راسو عاض شفايفو ببسمة خفية وقال: تيقيني اكتر واحد خاصو يخاف هنا هو أنا.. غير ارتاحي
تنهدات: المهم.. لنفترض وافقت.. داكشي غايكون بشرروط باش تكون فعلمك
رد: حتا انا عندي شروط.. ولكن نسمعو موافقتك بعدا عاد نبداو "صغر عينيه بتهكم وقال" موافقة ياك
رجعات خدات شهيق وقالت بقلب كايضرب وشفايف كايرتاعشو: م موافقة
تنهد راد ضهرو اللور والبسمة على شفايفو كاترسم: مزيان.. قرار فمحلو
ردت: نتمنى عالله مانعاودش نندم
طلع حاجب: ماتعاوديش تندمي؟
ردات خصلات من شعرها ورا ودنها وقال تترمش فصباعها: على قضية الزواج
زفر وقال مشابك صباعو كايبدل السوجي: المهم "دخلات وحدة من الموضفات هازة پلاطو وعليه داكشي اللي طلب.. نزلات راسها كاتحطو ليهم فوق الطبلة ونسيمة بنص عين كاتسكانيها من رجليها لشعر راسها حتا مشات وسي محمد هز داك الكاس كايبرد بيه جوفو عاد قال بتهكم
سي محمد: الجلسة غاتكون هاد السيمانة
حكات ورا ودنها: ادن هاد السيمانة خاصنا ن.. احم
رد بهدوء: نتزوجو، عادي دابا تولفي.. المهم بما أنو الوقت ضيق هاد اليوماين غايدار فيهم گاع اللي كاديرو نتوما العيالات "حك راسو كايتفكر" داكشي ديال الحنا والحمام وماعرفت شنو آخر
سبقها كايتمختر فالمشية وهي ناضت بسرعة كاتخبي فرحتها وتابعاه حتا نزلو للتحت وبدا يوزع عينيه على الجلالب، حاجب طالع ولاخر منزلو بحالا كايقلب على شكل معين وهي كاتشوف معاه وتردد مع كل موديل كايوقفو عندو
نسيمة: هادشي عندكم غزال سوا الموضيلات ولا الالوان ههه
سي محمد: اجي ندخلو لداخل حسن
توجه معاها للجيهة المخصصة بالنساء فقط، حس الراجل مكايدور تما واللي دخل كايخرجوه الموضفين بطريقة لبقة من غيرو هو حيت مول الشي وتاحد مادواه
..بدا بين الجلالب كايدوزو صبعو ويشوف وهي غير متبعاه وفيما مشا تمشي وراه حتا
جبد جلابة بنية مخزانية مخدومة
بالرانضة العريضة وجزء من ايديها مشبك بلون برتقالي بارد
مدها ليها قارن حجبانو: جربي هادي
حلات عينيها: نجربها؟
رد: آه سيري شوفي كيف غاتجيك انا هنا
حنحنات وقالت كاتمدها ليه فوق النفس مكرهاتش تشفرها گاع: لا لا بلاش أصلا ماعنديش تمنها دابة
رد باصرار: ماعليش دابة غير قيسي و الى معجباتكش بدليها
بدات تحك عنقها بحيرة فالاخير مدات ليه الساك ودخلات للدريس روم تقيسها، زاد عقد حجبانو كايزفر وجبد تليفونو دوز رقم أنور وتسنا حتا رد
أنور: الو سيمو
رد: أنور مسالي من هنا لساعة
رد كايزفر: فين ااودي، غارق حتال ***** فواحد الضوسي خاصني نفكو اليوم
رد: صافي أنا غاندوز عندك حسن
أنور: دوز دوز أكرمنا بوجهك
بسم: تهلا
مع قطع تحلات الخايمة ودور عندها وجهو.. محا البسمة فالبلاصة ووجهو جمد فحين هي دازت من حداه بحالا مشافتوش ووقفات قدام المرايا متحمسة تشوف كيف جاتها وشحااال واتاها التقليدي.. دارت يدها على خصرها والفرحة فعينيها ضارت هاكة وهاكة وشافت فيه كاضحك
أحييني بشوقك الجزء الخامس
محتوى القصة
التنقل بين الأجزاء