هزات الكسوة ولقات ليغيگل اللي جاتها على غفلة وقطيرات من الدم لاسقة ليها اللور غادين وكايوساعو..
تغبنات والبكية جاتها من هاد الفرطة، مالقات مادير غير أنها قطعات شوية من پاپي جينيك طواتو ودارتو كبديل لأولويز بما مشات للدار ..غسلات وجهها وايديها وحلات باب الطواليط كاطل بخجل ماقاداش تخرج بديك الحالة لاتفرط
..فورما شافت وحدة من السربايات هزات ايدها وبدات تعيط
نسيمة: سمحي ليا اختي
حطات الصحن وجات عندها بابتسامة: نعام الالة
ردت: عافاك انا كنت باركة فالطبلة اللي جنب النافورة مع واحد الراجل ..عرفتيه؟
زيرات على البوليرو وخدات طاكسي بالزربة من قدام الكافي عطاتو العنوان وبدات تقلب فساكها على التليفون باش تعلمهم انها جاية.. قوطات عينيها وخربقات كل ماكان فيه لداخل گاع المكياج تحل وتجلخ عاد تأكدات أنو مكاينش، صافي التليفون مشا والله يعوض ..
خبطاتو حداها بالزعفة كاتنخصص والبكية شاداها.. فرطة ورا فرطة هاد الصباح ومشيتو هاكاك بلا سبب زادت كملات الباهية وعصباتها كتر..
وصلات للڤيلا خلصات ونزلات مغير حالها والنقشة طالعة لقات لايطو عند الباب كاتنگر ماخلاتها حتا دخل تسلم ولا تشوف التجهيزات نيشان جراتها للفوق طرقات الباب وجبدات ليها لبسها
عقد دهبي تقيل ونازل للخصر و مضمتو الللي برزات خصرها اأكتر.. مع سرتلة فاليد وجوج دبالج نفس الشكل، كل مرة يحيدو ليها ايد باش يلبسوها حاجة كادوز التليفون لليد لخرا وباقة تتسنا شي حد يجاوب حتا نطقات الغالية
الغالية: وقفي ابنتي
بخيبة أمل حطات التليفون وناضت تتنهد، لبسوها الوشاح فوق راسها ونزلوه يغطي وجها.. جا من اللور طويل ومن القدام حدو العنق كمل الصورة وبينها فأجمل حلة والإعجاب بان فعيون لايطو والغالية أولا قبل مايشوفها الحضور
ردت لايطو: مكتوب فيها القرآن ابنتي على العين.. غير ديريها قبل ماننزلو ماتعرفي العين الحاسدة من العين المزيانة
دارتها كيف قالو ومدو ليها بلغة دهبية لبساتها.. شداتها كل وحدة من يد سماو بالله وبالزغارت والصلا والسلام خرجوها
فگلسة خاصة بالأخضر ملكي نفس شكل قفطان العروس وقدامها طبلة ضايرة وحادرة فالأرض محطوط عليها طيافر مختالفين ومحلولين.. عليهم قوالب السكر منقوشين بالدهبي والبرييو عليهم وحداهم طبيسلات البيض والتمر .. مع شميعات صغار وكبار ووحدة فيهم الوسط مكتوبة فيها سميت "نسيمة و سي محمد" .. عاد باش بخيرات صغار شاعلين بغطاهم متلت معطرين الجو وريحة. الخزاما فكل قنت
العيالات باركات فالصالونات الصغار واحد على ليمن ديال الگلسة والتاني على ليسر كايشوفو ويتحتتو حتا سمعو الزغارت وناضو بدورهم راسمين الضحكة فالفم وكايصليو معاهم على النبي..
گلسوها بلاثتها حادرة العين قادو ليها جلايلها وقدامها جات مرا كبيرة هازة قفطانها وكاضحك بسعادة وتبارك.. خلطات الحنا قدام عينيها وعينين الغالية اللي حاضية الشادة والفادة تاخد المباركة من هادي وترححب بهاديك وفيما تشوف عليها العين كاتبدا فسىها تقرا القرآن..
مدات اليد للنقاشة وبدات تزوق ليها وتقاد وعيينيها مبسمين تايشوفو غير فالبرا تتزوق فبشرتها الناعمة وتبدع
حسات بشي حد على ودنها تحنا وصوت عزيزة بسعادة قالت
عزيززة: ماشاء الله عليك الالة منورة ""رشاتها من العطر اللي فالمريشة ونسيمة شافت جيهتها وردت ليها الضحكة
نسيمة: ههه حتا نتي الجنية جا معاك الحمر
شافت فقطانها: هههه شراتو ليا لاالة الغالية الله يحن عليها.. حگا راه لالة حورية فالكوزينة شوية وتخرج لعندك
نسيمة: وعمر فين
ردت: طلعتو الفوق عند نسومة الصغيرة وكانطل عليهم مرة مرة
ردت بارتياح: مزيان واحضيه لاينزل ولا يمشي لشي بلاصة
عم الصمت والتشاوش سكتات للحظات..حتا تم مولاي السلطان داخل مع الباب بالنخوة والتقالة هاز جنب الجلابة بيدو وعينيه عليها مصوبين كايطلع فرزقو وينزل والصلا والسلاو من حناجر الحاضرات بدا يخرج، اما البنات بغاو ياكلوه بعينيهم وتما بداو نظرات الحسد والغيرة تتوجه لنسيمة كاين اللي فرح لسعدها وكاين اللي جاها عجب وتاضور بين ودنين العيالات تنشر سمها وتدوي باللي شي سحور صحيح هادا.. من ولد العم اللي جا من فرانسا للحفيد الكبير فعائلة اليوسفي، بزاف على الزهر..
سي محمد عطا التليفون للغالية ومد ايدو بالمهل كايطلع اللتام على وجهها، توبو لامس ثغرها لخدودها الموردين وعيونها اللي بخجل حادراهم.. ماقدراتش طلع فيه العين وغير فبلغتو تتشوف الى أن حسات بتنهيدتو على شفايفها كاتفلح وصوتو الجوهري قال بنبرة رجاء كتر من مجرد أمر
سي محمد: طلعي عينيه
لبات طلبو وشافت فيه تترمش، عقد حجبانو كايسرح فيها الشوفة وبشفايفو فقرب لجبهتها طبع عليها قبلة طويلة وصباعو بلطافة كايمرو على خدودها الناعمين..
الغالية: ههه رووووووووروي.. زيد اولدي راه العدول كايتسنا زييد
خدا نفس وبعد داير ايدو على ضهرها بهدوء وممشيها قدامو ..الزغارت وراهم والعيون عليهم تأسرو.. هي واتاتو وهو اللي يستاهلها بمعنى الكلمة
دخلو لغرفة صغيرة مفرشة بليفوطوي لقاو العدول تما بارك مع أنور وحتا حورية ولايطو وعزيزة تما..
گلسات هي اللولة هازة يديها وگلس حداها مقطب بين عينيه بجدية.. والعدول حنحن وقال
....: على بركة الله بسم الله الرحمان الرحين.. البطاقة الوطنية ديالكم
مد ليه سي محمد ديالو وحورية مدات ليه ديال نسيمة.. سجل معلوماتهم وشاف فسي محمد بجدية
العدول: سي محمد اليوسفي.. قابل بنسيمة الوراقي زوجة ليك على سنة الله ورسله
رد بهدوء: قابل
العدول: نسيمة الوراقي.. قابلة بسي محمد اليوسفي زوج ليك على سنة الله ورسله
برقة ورجفة قلب نطقات: قابلة اسيدي
شاف فالكتاب مصغر عينيه وقال: وخديتي صداقك ابنتي؟
رمشات بينو وبين محمد وقالت: ا اه.. خديتو
العدور: على بركة الله، تفضل اولدي وقع ليا هنا
خدا منو الستيلو وقع ومدو لنسيمة حداه، رجف القلم فيدها وهو بحدة كايشوف فيه حتا وقعات بدورها والغالية هي ولايطو طلعو راسهم وبداو يزغرتو كمعنى للعيالات ان كلشي داز هو هاداك وهوما ردو عليها من برا بالصلا والسلام على النبي
العدول: الله يواتيكم ببعضياتكم.. بالبنين والبنون ان ساء الله
ناض معاهم سي محمد كايجبد بزطامو وهوما ضارو بنسيمة كايباركو ويعنقو.. حشموها بيناتهم وماخلاوهاش حتا تسوعب ان داك مخبأ الاسرار، الصديق الحنون والرفيق الجدير بالتقة، صبح زوجها..ومن اليوم ولات عليه محسوبة وعلى إسمو ولات "نسيمة اليوسفي"
قطعات عليه وسالات لاپيل.. جرات عندها التليفون شافت فيه مخنزرة وبدات دوي بعصبية
نسيمة: سمعتي على ودنيييك؟ هاادا كان شاافني فاش كنت كانزوور بابا وبداا كايدوور بياا.. هادشي قبل ربع سنين هاادي قبل حتا مانتزوج گلت ليييه بغيتي الحلاال اولد الناس هالبااب.. فعلا گال اه خبرت لايطو وعزيزة وجدنا كلشي وقادينااه وفدييك الليلة هضراات معايا مو وگاالت ليا مجايش ومابغاتنيش.. گلت ماشي فالمكتاب من بعد نسييت وكملت حيااتي، صاااافي هااادشي اللي بغيتي تعرف، وهانمرت دادا وعزيزة عندك صوني وسولهم لاماتيقتيش
بحيرة وشيئاما بدا يقتانع قال: وعلااش رجع دوا معااك اشفكروو فيييك بعد هااد المدة كاملة
ردت: ماشفتوش سنين هادي الا شي مرات ففاس.. وواخا هاكاك جريت عليه وسبيتو وعاود هنا شافني صدفة فالمطلعم ومابغيتش نهضر معاه.. دابة رجع تاني لقا نمرتي وبغا ضروري يهضر معايا على ديك الليلة و يگوليا ديكك الليلة شنو وقع وعلاش ماجاش
هز ايدو بدا يهلل عليها وجنون من الغضب شاادو: كيفاش علاش مجاااش.. راااك مرا مزووجة دااابة شكاااي**** لديلمو هادا كايقلب عليا نقبر أصل مووو
باندفاع غوتات فوجهو: وأنا مااالي.. لاكان هو مايسواش وشمااتة انا مااالي فيه واااش ااانا اللي لسقتو ولا عطيتو تلميييح يبقاااا تاابعني.. سول عزيزة شحال من مرة زبلت فيه يعطيني بالتيساع وهو مابغاش.. سييير سوولها مللي أنا فنظرك كدااابة ومانسوااش
ردت: كي سمعتيها.. الله يعاونك من هنااا سير ضبر على شكون تهز ليك هادشي وحتا عاد التوصيلة بلاش منها عندي رجليا
زيرات على شالهها وخلاتو مخنزر فالبلاصة فين كانت واقفة وكايلهت
دموعها ترققو وضببو على عينيها الشوفة.. فاقت عليها هضرتو ديال ربع سنين هادي وفكل موقف كاتحس بكلامو سيف دو حدين كلما نطق الحرف تايتخشا فقلبها بعمق ومكايبغيش يخرج منو..
مسحات دموعها بالنترة وسط داك الظلام باغة غير ايمتا توصل لبيتها باش طيحهم على راحتها وتبكي تا تخوي مافداخلهاظ. حتا تلوات ليها يدها وتجرات عندو مزدوحة عند صدرو عالعريض وايدو على خصرها لوات بتملك.. الندم فعينيه والإعتدار بين شفايفو لكن الدموع اللي شاف فمقلتيها شللوه على الهضرة ومالقا ماينطق سوى
سي محمد: سمحي ليا.. تتعميت ومابقيت عرفت شنو كانگول "باس عينها ليمنا وهي غير مازادت تنخصصات وبغاو الدموع ينزلو كتر" نسيمة عافاك باراكة.. عارف راسي غلطت وتسرعت سمحي ليا
قالت كاتنخصص: نتا هاكة ديما.. شنو فيها لاجيتي وسولتيني علااش غير كادير شي خاجة زوينة كاتخسرها بحاجة خرا
زاد قربها ليه مغلوب على أمرو وهي قلبها ضرب ضربة وحدة وبزز باش كاطلع ليه الشوفة: حيت تعميت وجهلت فاش سمعت سميتك على فمو.. ماحسيت براسي حتا نضت من تما ودزت ليه نيشان وكون لقيتو كنت غانريبو ليه ومايفكو مني مخلوق
سرطات الريق لحلقها الجاف ..عينو كاتمشي لفمها وتجي كي العطشان وهي بهمس واضطراب فتنفسها قالت
طلق كتافها وخلاها كملات طريقها بخطاوي سراع معاودش دارت ولا شافت جيهتو وحتا من الاسنسور نساتو توجهات للدروج مباشرة طالعة للدار وتتمسح عينيها وتبرد عليهم..
حلات الباب ودخلات بعقل مرفوع مارداتش ليهم البال ودخلات مباشرة لبيتها..
لاحت الشال على السرير وللبالكو دخلات كاتزفر حاطة يديها على الصور وعينيها الباهتين موصباهم للتحت..
باقي تما مبلاصي الطموبيل وحيت الضو شاعل من لداخل كايبان ليها راد راسو للكرسي ومرفوع باأفكارو واخا عينيه فالطريق مركزة..
بركات لايشوفها وبدات فعينيها تتمسح وتخمم، ماهيش مكلخة ولا هبيلة حتا ماتشوفش داك الاعجاب الكبير فعينيه كلما شافها.. فكلامو الموزون .. فطريقة التعبير على مشاعرو اللي ديما أفعال.. فخوفو عليها.. فكيفااش كايعاون وقت الحاجة باللي قدر واللي ماقدر، فريحة الغيرة اللي دخان كاتخرج من ودنيه بلا مايحس... ومع دالك تتكدب راسها وتميك
هاهو اليوم لاح ليها أول اعتراف والباقي من عينيه قراتو.. سولات باش يتهرب ويكدب ويفيقها فاللي عايشاه ساعة جاها نيشان صريح وماعندو فين يخبي مازال
لكن الكلام اللي على لسانها وفبالها باقي هو هو.. فين الجهد اللي يعاود يتيق فشي ولد المرا ولا يتوسد ضهر شي حد.. فين الجهد اللي يعاود يحب ويتحمل جراحو ..
⭐
علات شمس جديدة على الدنيا وعلى كوزينتها شرقات.. بوحدها فالدار بعدما رفضات تمشي معاهم للڤيلا لتحظيرات العرس، خلات زمام الامور ليهم وبقات لاهية راسها بالطياب واخا مكاين اللي طلبها منها، هاكيكة بالفواكه الجافة محطوطة على الپوطاجي كاتبرد.. وحدة خرا بالليمون فالفران كاطيب والبيسكوي بين ايديها سخون تتهز منو وتحط فالسوپيرة..
الوحيد اللي عمر شي حاجة منو دوز مرور الكرام، ديما مخلي تاتيرو لأياام وأيام سوا فعالو ولا كلامو زوين كان ولا خايب.. لكن كل ماقال البارح كان فكم تاني كليا، غريب على ودنيها و فشكل
سمعات الدقان فالباب مسحات فطابليتها وخرجات تتردد
نسيمة: شكوون
سي محمد: قريب
وقفات مكمشة وجهها وباستغراب تام حلات
الباب، على جنابو كان حاط ايديه ومعلي فيها الشوفة ببسمة جانبية زادتو وسامة على كاريزمة
سي محمد: صباح الليمون "صغر عينيه بتهكم" وكوكيز بالشكلاط
ردت بارتباك: ص صباح الخير.. ياك لاباس اش جابك
طلع حاجبو: غانبقا واقف فالباب
نسيمة: اه.. واش جاي على شي حاجة ؟
دخل كايشوف فالدار ويشمشم: زيدي على قصوحية الراس والعناد "شاف فيها" ممصواباش
سدات الباب مبهوظة وقالت: واش من نيتك دااخل.. عرفتي لاساقو ليك الخبار هنا والله نهاري مادوز فيه شمس لا مع جداك لا مع عائلتي والجيران
رد بلا مبالاة: مراتي فين المشكل
نسيمة: لا نتا زدتي فيييه.. واقيلة نسيتي البارح شنو گلت؟؟
شاف جيهة الكوزينة والتغوبيشة فحجبانو تتجمع: شي حاجة كاتحرق لا
وسعات عينيها شاهقة: ويلي
دازت من حداه كاتزرب وهو تابعها وكايعلي كمام الشوميز
جبداتها مشوطة من الجنب والجنب لاخر باقي صاين سدات الفران وضارت ترجع ليه ساعة لقاتو وراها كايشوف فداكشي اللي وجدات بجدية
بتفاجأ رمشات فيه مرات ممتالية وهو من نيتو كايقلب فالپلاكارات حل هنا سد هنا حتا هزات بواطة جنب العطرية وحطاتها قدامو بالزعفة
نسيمة: جاي مفاطرش ولا مالك؟؟
بهدوء خداها وبدا فاعداد الفناجين: لا فاطر
نسيمة: وعلااش مصدعني هاد الصباح؟
رد: شوفتك كاتفتح ليا الشهية
ضحك بخفة وهي الجنون طلعو ليها للرااس وبغل قالت: نتاا شنو تحت راسك ؟؟
سي محمد: دابة نفطرو.. نوجدو راسنا ونخرجو بجوج باش ندويو فراحتنا، واخا
نسيمة: لا ماواااخاش.. وااش كاتسمعني شنو كانگول ولا لا
رد: ادن نبقاو غير فالدار.. حيدي
"داز من حداها لطيرموس ديال الما سخون عمر كؤوس القهوة حطهم فوق الطبلة وبرك كايرتاشف منها وهي باقة غير تتشوف فيه
سي محمد: شنو مغادوقيناش من داكشي
ضغطات على فكها وبالنفخة ضارت عاطياه بالضهر تتقطع الكيك وتحاول تخفي البسمة بين شفايفها ..ربك حركاتها وتلفها حتا على التقطاع والموس بين ايدها كايرجف.. فجأة جا من وراها وحط عليه ايدو بلمسة خفيفة لأصابعها وصدرو على ضهرها لاسق..
وترها وعلى الكلام لجمها مرة خرا.. على وترها الحساس كايلعب وبصوتو الممزوج بين بحة جوهرية وأخرى حنونة قال
سي محمد: مالك دايخة غير بوحدك
خدات نفس وقالت: نتا اللي مالك هاد اليوماين... هزيتي واحد وحطيتي واحد خر
قرب نيفو لشعرها مخمور وقال: واحد كنتي محرمة عليه، قدما قرب بعدتي عليه كتر ..والتاني وليتي ملكو، وقدما بعدتي كايجرك ليه كتر
برفض لكلامو قرنات حجبانها ومع الضورة اللي غاضور لقا بشفايفو عليها وايديه بتملك زادو قربوها ليه.. قبل لطيفة مشتاقة وعطشانة لشفايفها مع لمسات ايدو تارة على خدها وتارة على طول ظهرها حتا بدا الوضع يشحد أكتر وبجنون كايزيد فالوتيرة
قبل شاحدة وآهات خافتة كاسرة جدران البيت.. بالنترة لاح ديك الشوميز للور ومطلع عندها الراس بعدما بركها على الپوطاجي متخشع فثغرها بقبل ساخنة كلما عليه بعد كايحس بالريق نشف والقلب بطلبو للمزيد غايوقف ضاغط باايديه على ليهونش حرارتها كاتلفح شفايفو وهو نازل لرقبتها العالية بمصيصات خفاف مستنشق عبقها وسطر من العرق نازل مع ضهرو..عرف يلعب عليها ويحسسها باونوتتها بأكتر من منطقة، كيفاش كلما قاس شفايفها كايرفعها من الواقع وبين ايدييه كااتبدا تلوا بإحساس جديد عمرها عاشتو وليه طالبة بالمزيد والمزيد..
صونا تليفونو مقاطع بحر القبل ونشوة العشق الحارة، حبس كاينهج وهي نزلات مرعودة وجها حمر و شعرها گاع تخبل قبل كاتهرب ليه جرها من رقبتها مدرعها لصدرو العاري كايضحك ويردد بأنفاس كاتلهت وجبهة عرقانة
حركات راسها بالنفي وتحت رموشها تتشوف فيه، سمعو رنين تليفونها من البيت حيد ليها من الطريق وبسرعة توجهات ليه شادة فقلبها وتتمسح عنقها العرقان.. سدات الباب متكية عليه بارتباك وكلها تتلهت.. معارفة لاشنو وقع والا كيفاش وقع وايمتا قدر يجردها من الجدار اللي حاطة بيناتهم
هزات التليفون تترتب أنفاسها وتعيد الاتصال بلايطو
لايطو: ألو نسيمة
نسيمة: احم صونيتي عليا ياك ادادا
ردت: ايه ابنتي را التريتور جاب لينا شي شكال فالدعوات.. وبغيتك تعطيني ريك فشمن لون بغيتي فيهم
نسيمة: انا أصلا جاية غير تسناوني
لايطو: حسن نيييت ابنتتي باش توقفي على شغلك بيدك
ردت: ا المهم غانبس ونشد عندكم طاكسي ..الله يعاون
حطات التليفون فساكها وجبدات من الپلاكار كسوة خفيفة بالوردي بدلات بيها الپيجامة وفنفس الوقت كاتسمع صوت الرشاشة فالحمام
قادات حالتها ومشطات شعرها للوراء
.هزات فيدها الساك وصنظالة خفيفة وخرجات تزامنا مع خروجو من الكوزينة كايسد صدايف الشوميز وقطرات من الما لاسقين على خصلات شعرو ولحيتو. ..طلع فيها الشوفة من لتحت للفوق وقال بتهكم وباقة البسمة ففمو مرسومة
سي محمد: غادة لشي بلاصة امدام
بركات كاتلبس سنظالتها: عيطو عليا من الڤيلا خاصني نمشي ضروري
قاد الكول وجا لعندها تحنا على رجل وحدة وهز رجلها حطها فوق فخضو وبدا هو يلبسها وعينيها عليه مأسورين..
كاتشوف عينيه كيفاش حاضين رجيلاتها ولمسات خفيفة كايدوزها على گدمهم حتا كايبورشها عاد يكمل..
دازت عليهم بالپلاطو باش ياخدو قهوتهم و كلما قربات جيهتو كاتشدها التقفقيفة.. حتا وصلات ليه وكيف مد ايدو يهزها ضارت بسرعة وحطاتها فوق الطبلة الزجاجية خلاتو غير كايشوف وايدو فالهوا ممدودة.. شافت لعندو تحنات عاطياه التحية ومن تما طارت كاتزرب للكوزينة، عبد الجليل مفهم والو ومروان بدا كايضحك بهستيرية لكن أنور طلع حاجب لفين دازت وقال
لايطو: عندها شييي طيااب الالة الغالية مانفضلو قدام شههيواتك ولكن صباعك تاكليهم من وراه
عزيزة: خصوصا الحلاوي فالشكال والنواع
الغالية: ايوا هي غانتبرعو ههههه
قلبوها ضحك وهي ساكتة بخجل وتتسمع لثناءهم عليها.. دارت لمساتها على الاكل وصيبات ديسير بارد بنكهة الفريز والشكلاط..
حطاتو يبرد وايدها بايدهم تتقاد فطاولة الاكل وغافلة على نظرات سي محمد اللي من الصالون قاني عليها .. هاز فيدو بنتو نسومة مرة يجمع معاهم مرة يراقب تحركاتها ولمعة فعينيه كلما شافها تحركات لشي مكان.. هاهي خرجات هاهي دخلات هاشعرها على وجهها نزل هاهي تتبسم هاهي كاتفكر شنو تزيد ..أسرات شوفاتو لعندها بلا ماتعيق وتبع معاها كلشي حتا تحطات ديك الطبلة وناضو مجموعين عليها كلهم
تعشاو بكلام قليل اكترو على العرس وشكر فأكل وديسير نسيمة.. الا هو اللي مادوا ماتكلم كلا فصمت وناض خرج مع انور
بقات واحلة ليها فالحلق وهي تتجمع فالطبلة مع عزيزة وتشوف فطبسيلو اللي تزيف.. ماعرفاتوو دار ليها خاطرها وكلاه واخا ماعجبوش ولا غير مشات من بالو كلمة شكر..
الغالية: نسيمة غير خليهم ابنتي وزيدي معايا نساليو هادشي بعدا
قداو العشية غير فالتوجاد وانظمت ليهم عزيزة بصينية اتاي بركو عليها وبيها نسمو مجمعهم فالتحضير لليلة العمر..
سلاو وقادو اللي خاص عاد ناضو عيانين توادعو مع الغالية وحياة ودعاو مع بنتها بالشفاء وهي غير تتنهد وتگول أمين، الكية فقلبها وعلى المصيبة اللي طيحات فيها بنتها راسها ساكتة..
نسيمة: غانمشي نعيط على عمر ..ياك كاين فبيت نسومة
الغالية: اييه ابنتي عاقلة على بيتها فين جا ياك؟
نسبمة: اه انا جاية
عطات ساكها لعزيزة وفاتجاه الدروج طلعات....
حلات غرفة نسومة الودية ولقاتهم كايلعبو مع بعضهم وصوت ضحكاتها كايتسمع فأركان الغرفة.. ابتاسمات بهدوء وسدات وراها الباب
أحييني بشوقك الجزء الثامن
محتوى القصة
التنقل بين الأجزاء