أمير في عصرنا الجزء الثاني

من تأليف Victoria Kaelin
2021

محتوى القصة

 رواية أمير في عصرنا


هاجر:كيفاش تاني هاد غتبدل التاريخ؟؟ التاريخ ميمكنش يتبدل ممكن يوقع شي خلل لي غيأثر على المستقبل!

بيجاد:ميمكنش ليا نرجع و نسكت على الظلم!

هاجر:ايوا مترجعش نتا راك معارفش خطورة كلامك

بيجاد:و نتي مغتحسيش بيا حيت انا أمير و نتي مجرد سليلة لمشعوذة دمرات ليا حياتي!!

هاجر سكتات تتشوف فيه و رجعات شافت فالطريق تتمشا فصمت..اما هو بقا تيتمشا بجنبها و راسو تيضربو فيه المطارق ديال الأفكار كيفاش غيرجع و اشمن وسيلة غيستعمل اصلا باش يرجع؟؟؟..ضربات هاجر الضورة و بقات غادية تتمشا باغية ترجع لدار و بيجاد فينما مشات تابعها حتى وصلو للعمارة و طلعو فالدروج حلات باب الدار و مشات ديريكت سدات عليها فبيتها...

دفع بيجاد الباب حتى تسد و مشا تكا فوق السداري ناسي امر واحد الإنسانة لي جرحها بكلامو...

فالبيت كانت هاجر متكية فوق ناموسييتها تتشوف فالسقف و ملامح الحزن على وجهها...تتفكر مع راسها كيف غادير باش تعاون هاد الأمير لي تسلط عليها بعدما كانت عايشة حياتها عادي و المشكلة انه جدتها لي من زمنو هي مولات هادشي بقات تتفكر و تحاول تلقا شي حل حتى داها النعاس....

على برا كان بيجاد جالس بملل تيتفرج فالتلفزة الوقت داز و هاجر مزال مابانت ليه فا قرر ينوض يشوف مالها مشا لبيتها و دق بشوية ولكن مكان حتاشي رد و هو يحل لباب بانت ليه متكية فوق الناموسية و شعرها مليوح على وجهها..قرب منها و طل عليها لقاها ناعسة..تحدر لعندها حتى حييد ليها شعرها على وجهها و بقا شحال تيشوف فيها واخا هكاك فيها شي شبه بسيط بينها و بين الباتول فالشكل رغم كلشي راه تتبقى سليلتها ولكن شي حاجة فهاد اللحظة بدات تتجذبو لجيهتها بحالا شي هالة مغناطيسية مضوراها تتجرو لعندها يدو بدات تتحرك جيهتها حتى حطها على وجهها شداتو الدهشة من الفعل و من عدم تحكمو بيديه بعد ثواني بدات هاجر تتحل فعينيها و هو يختافي داك الشعور و جمع يدو لعندو بسرعة...

هاجر تتحك فعينيها:شنو بغيتي؟؟متتعرفش دق؟

بيجاد باقي منداهش من لي وقع معاه ناض دغيا و خرج لصالون اما هي باقة تحت تأثير النعاس غير مشا رجعات نعسات تاني ديجا عيانة من الخدمة...

جلس بيجاد فوق السداري تيقيص فيديه لي قاص بيها وجه هاجر و باقي مستغرب و منداهش من داك التصرف اكيد ماشي بإرادتو دار هادشي ولكن داك التحديق و الشوفة المطولة فوجهها جا من موراها هادشي ناض شاف فالكولوار مكايناش يعني متبعاتوش و معرفاتش اش وقع..رجع جلس تيفكر فهادشي تاني و حاجة وحدة لي تضور فدماغو...

بيجاد:غتكون حتى هي مشعوذة أكيد هادشي لي وقع ليا من شعوذتها!!



وصلات العشية و هاجر بدات تتفيق من النعاس..فاقت ضارها راسها حيت نعسات بزاف ناضت و جبدات بيجامتها لبساتها و جمعات شعرها خرجات من البيت لقات بيجاد متكي ساكت و الهدوء فالدار دازتو و مشات شربات فالكوزينة يالاه غتحل الثلاجة حسات بشي واحد مراقبها ضارت لقاتو هو عطاتو بالضهر و حلات الثلاجة جبدات فيها جوج دانونات و هزات جوج معالق صغار...

هاجر:هاك كول الى غتاكل

بيجاد شدو من عندها هو و المعلقة و باقي تيتفحص فيها بعينيه...

هاجر حلات دانون و لحسات الكاغيط طلعات راسها لقاتو تيشوف فيها:مالك؟ ياكما معرفتيش تحل دانون؟ارا لهنا

حطات ديالها و هزات ديالو حلاتو وقفات على صبيعات رجليها و قربات الكاغيط لفمو:خرج لسانك

بيجاد خنزر:كيفاش دابا نخرج لساني؟؟؟

هاجر:واغير تبعني فهضرتي راه البنة هنا فين كاينة

بيجاد:اشمن بنة تنآمرك تبعدي هادشي من وجهي!!

هاجر لحساتو هي نيت بلا متسوق:اش تتعرف كول كول

بيجاد هز المعلقة و بقا تيشوف فدانون:اش هادشي؟؟

هاجر:وا ذوقو شوفني هاه تنهز المعلقة هكا و نغرفو هكا و ناكلو هكا يالاه زيد

بيجاد دار كيفما دارت:هادشي حلو

هاجر:ايه اي حاجة حلوة انا تابعاها

بيجاد:بحال النحل

هاجر:امم تشبيه زوين نحيلة معسلة

بيجاد تياكل: مجاتش معاك نحيلة

هاجر: هه ياك واخا ا سيدي المهم عندي شي تمارين ياربي السلامة هاد الأساتذة متيتقاداوش

بيجاد: واخا

مشاو جلسو فالصالون..هاجر جبدات البيسي ديالها اما بيجاد تياكل فدانون ديالو بشوية عليه مرة يراقب فيها مرة ياكل حتى كل واحد ناض ينعس فبلاصتو...

☀️فالصباح☀️

صبح الصباح بواحد الجو سخون فاقت هاجر و وجدات راسها حلات الشرجم باش تهوا بيتها و هي تحس بالحرارة لي طالعة شوية لبسات ديباردو مزوق بالكحل و البيض مع سروال و صنيديلة خلات شعرها مطلوق و مشات حتى طلات على بيجاد لقاتو ناعس فهدوئو المعتاد هبطات حتى جابت ليه مياكل من الحانوت و شدات طريقها لخدمتها مع ياقوت...

ياقوت:ايوا دابا جيتيني فاهمة الجو

هاجر:اويلي انا تصدمت فاش ضربني داك الصهد يحسن عواني غندوب

ياقوت:غير لبارح كان الجو زوين و تقلب اليوم فرمشة عين

هاجر:ايوا المغرب هدا بطبيعة الحال حاجة عادية

بقاو غاديين مجمعين حتى وصلو لخدمتهوم..بدلو حوايجهوم و وقفو فالكونتوار...

احمد: ا ديك البرگاگة نوضي جيبي شنيك من عند حفصة راه طابو و نتي سيري عاونيها

هاجر/ياقوت:واخا سي احمد

مشاو بخطوات متسارعة حتى هزو طاوات الفران و بداو تيستفو و احمد واقف عند لاكيس حافظ و عارف الوقيتة فاش تيجي ديما حاتم لي هو بمتابة كليان صحيح عندو خصو يستغل هادشي فالصالح ديالو..شاف فالساعة صافي قرب يجي...

احمد:هاجر حطي داكشي من يديك و عطي لهاديك تكمل

هاجر ناضت:نعام ا سي احمد؟

حاتم تم داخل مبتسم محرك راسو ل احمد لي بادلو الإبتسامة...

احمد:القهوة الصباحية ديال سي حاتم و شوفي شنو بغا

هاجر بتوتر:و وا وااخاا

مشات هزات مذكرتها الصغيرة ديال الطلبات غادة لعندو بخطواتها المتوترة حتى وقفات عليه....


هاجر مبتسمة: صباح الخير موسيو حاتم شنو بغيتي مع قهوتك الصباحية اليوم؟

حاتم بابتسامة و عينيه تيتفحصو فيها بإعجاب: صباح النور مادموزيل هاجر بغيت الفطيرة المالحة و بتيبان

هاجر رجعات خصلة من شعرها لورا ودنها بخجل تتعجبها هاد مادموزيل فاش تيقولها ليها: واخا موسيو شوية يكونو عندك

مشات حتى وجدات ليه القهوة و داتها ليه مع الطلبيات لي بغا بابتسامة و رجعات لخدمتها فالكونتوار...

ياقوت تتوشوش ليها:هدا عام على قدو داير هاد الحالة الى باغي شي حاجة يقولها ليك ديريكت

هاجر حشمات:ويلي شغيقول ليا اصاحبتي صافي خليه

ياقوت:واش نتي حمقة؟راه هادي ماشي حياة و ماشي حالة الى تتعجبيه يجي يقولها ولا هاد التعليقة لي داير ليك حتى صدقتي حتى نتي معجبة بيه

هاجر:اشمن معجبة بيه مكاينش هادشي!!

ياقوت:نقصي من صوتك ا الموصيبة الى مسمعنا هو غيسمعنا سي احمد

هاجر طلعات راسها شافت فيه تيفطر على خاطرو:افف هاني ساكتة كاع

رجع احمد لعند لاكيس واقف فيها كمل حاتم فطورو و خلص غادي لخدمتو....

بعدما سالات هاجر خدمتها و رجعات لدار...خشات السوارت و حلات الباب لقات بيجاد كلا لي حطاتو ليه و جالس تيشوف فالشرجم...

هاجر مبتسمة:هاناا جيت

بيجاد ضار لعندها بانت ليه لابسة ديباردو و صدرها كيف بااين شكلو خنزر فيها و ناض لعندها:اش هادشي لابسة!!!!انا تنآمرك تبدليه!!

هاجر خلعها:اويلي لا سلام لا كلام متهجم عليا هاكا؟؟؟

بيجاد:قلت ليك اش هادشي لابسة واش متتحشميششش؟؟؟هدا هو اللباس عندكوم فزمانكوم؟؟

هاجر:وا نتا مالك واش با واش خويا باش تحاسب معايا؟؟

بيجاد:هادشي راه عيب!!

هاجر:فزمانكوم اما فزمانا راه ولا عادي و زايدون راه الصهد فبرا غتدوب الى خرجتي(جلسات)

بيجاد:الصهد معندو مايدير ليا مولف ماكتر منو

هاجر:امم شفتك تطل من الشرجم ياكما باغي تخرج؟راه مافيا لي يخرجك ها العيا د الخدمة و ها هاد الصهد حتى هو

بيجاد ناض للكوزينة:مابغيت والو

هاجر:فين غادي؟؟

بيجاد:نشرب

عطاها بضهرو و مشا حتى شرب الما و رجع...

بيجاد:واش غتبقاي بهاد الحوايج هاكا؟؟؟

هاجر:اوف منك خليني بابا و مكانش تيدير ليا هاد الحالة!!

بيجاد رجع تيطل من الشرجم عاطيها بضهرو اما هي جاها الفضول تعرف اش تيشوف...ناضت بشوية واقفة موراه و طلات تتبان ليها امرأة شابة من الجيران لي قدامهوم تتسقي فشي ورد تمايا و حداها شي براهش تيلعبو الكرة...

هاجر:اممم و انا نقول السييد اش مقابل فالشرجم

بيجاد ضار عندها:مالك تاني؟؟

هاجر:لا والو غنمشي نعس فاش نفيق غنطيب مناكلو

بيجاد عطاها بضهرو ممسوقش تيشوف فالدراري لي تيلعبو الكرة...اما هي هزات صاكها و سدات عليها فبيتها تضور هادشي فدماغها زعمة تكون تتعجبو ديك الجارة؟ ولكن يالاه 3ايام هادي و هو معايا؟..ضحكات من أفكارها و بدلات حوايجها باش ترتاح....


بعد ايام من السكنة ديال بيجاد مع هاجر و لي دازو جد عاديين كيف ديما بيجاد فالدار و هاجر خدامة ولا تتقرا....

و فواحد اليوم من هاد الأيام لي دازو كانت هاجر راجعة من خدمتها ل الدار عييااانة و مهلوكة دازت عليها سيمانة ديال الإمتحانات زائد الخدمة الكتيرة...لقات بيجاد لابس من الحوايج لي شرات ليه تيتفرج كيف العادة...

هاجر تلاحت جلسات بتعب: سعداتك و الله نتا لمن بغات

بيجاد:مالك؟؟

هاجر:والو تقهرت حياتي ولات ستريس

بيجاد:ايوا رخفي على راسك شوية

هاجر تقادات فالجلسة و شافت فيه:بيجاد

بيجاد شاف فيها:شنو؟

هاجر: نجيك ل الصراحة حيت عييت مانبقا نفكر و نخبي و نخلي هادشي فداخلي و بيني و بين راسي

بيجاد:اش واقع تاني؟

هاجر تنهدات و بقات شحال تتشوف فيه و نطقات حشمانة:انا..انا بصراحة..مابقيتش قادة على المصاريف ديالي انا وياك كنت يالاه مكافية مع ديالي و لكرا ولكن دابا فاش وليتي ساكن معايا...

بيجاد:تقاداو؟

هاجر:بقا ليا شوية غنخلص بيه الما و الضو و شوية د التقدية

بيجاد بقا ساكت شحال تيفكر مع راسو بالفعل غفل على هادشي و كان عايش ناسي انه هاجر بوحدها لي متكفلة براسها و خدامة غير فمخبزة و تتقرا و دابا كيف فهماتو من قبل هاد الدار كارياها يعني ماشي ديالها و خصها شهريا تخلص فيها..بقا ساهي و هاجر حداه تتلعب بصباعها بتوتر خايفة يفهمها غلط و يفكر انها باغية تسرسبو ولا شي حاجة...

بيجاد طلع راسو: واش نقدر نخدم بحالك؟

هاجر بصدمة:كي كيفاش؟

بيجاد:كيفما سمعتي واش نقدر نخدم معاك؟

هاجر باقة مصدومة:ل لا لا واش دابا نتا تتقول ليا انك باغي تخدم!! نتا لي تتشوف راسك فالسما و أمير ما أمير باغي تخدم؟ و معاايااا؟؟؟؟

بيجاد:هدا هو المنطق انا مبقيتش أمير فهاد العصر ولكن هادشي أكيد متيمنعش انه نبقا فمكانتي و جلالتي..شهامتي و رجولتي متسمحش ليا نخلي انثى تخدم عليا و نحطها فهاد الموقف

هاجر بقات تتشوف فيه باستغراب و عينيها تيلمعو:ك كنت عارفة راسي عزيزة عليك

بيجاد حرك يديه بعدم اكتراث:قولي شغندير دابا فديك الخدمة عندك؟؟

هاجر:خصني بعدا ندوي مع سي احمد المشكلة هي معندك حتاشي وثيقة حتى حاجة متتبين انك من هاد العصر ضروري من الوثائق فأي خدمة

بيجاد:و شغندير انا باش نخدم؟؟

هاجر:انشوف كيفاش نقدر نقنع سي احمد متلا تسرقو ليك ولا شي لعبة هو غيسمع مني اصلا غيبغي شي خدام جديد

بيجاد:واخا

هاجر تنهدات:كليتي من الغدا لي خليت ليك؟؟؟

بيجاد:كان بارد هاهواك فين محطوط فالكوزينة

هاجر ناضت بعياء:حتى نعلمك كيفاش تشعل الفران لاتصدق حارق ليا الدار و نصدقو تنقلبو حتى على دار للكرا ماشي غير خدمة

مشات هاجر سخنات ليه الماكلة..حطاتها ليه و مشات سدات عليها فبيتها..فنفس الوقت بيجاد كمل فتفكيرو بخصوص هادشي..هو الشاب لي تزاد تيحمل مكانة أمير و ولد ملك معروووف بجبروتو و مكانتو العالية عاش و كبر فالخير الخدم صفوف و الجواري و العبيد حولو عمرو خدم ولا ترزق من شي خدمة حيت ببساطة هو أمير و الأمير عندو الحق يملك لي بغا بلا مايخدم عليه....


☀️فلغد ليه☀️

فاقت هاجر وجدات راسها و مشات وقفات على بيجاد لي كان ناعس...

هاجر:بيجاد

بيجاد حل عين وحدة:شنو؟؟

هاجر:نوض وجد راسك باش نمشيو ندويو مع سي احمد على قبل الخدمة

بيجاد حييد عليه الغطا و ناض:واخا

مشا لطواليت و هي مشات هبطات للحانوت شرات شي بيض و خبز و نص ليترو د الحليب...رجعات لقاتو واجد...

هاجر:اش هاد السرعة؟؟

بيجاد:ايوا الخدمة ممعاهاش اللعب ولا لا

هاجر:اه بصاح

طييبات البيض و سخنات الحليب و فطرو مجموعين..هبطات لتحت لقات ياقوت تتسنا فيها غير شافت بيجاد غادي بجنبها تصدمات شادة قلبها...

ياقوت:واهيا ناري اش هاادشيي!!!

هاجر:ه هاداا ولد عمي بيجاد لبارح بليل حطو الكار

ياقوت بنضرات اعجاب:تبارك الله تبارك الله على ولد عمك مخبية علينا هاد الخير كاملو

بيجاد دار يدو على صدرو و بجنتلمانية حرك ليها راسو:صباح الخير انسة

هاجر بقات غير تتشوف مستغربة منين نزل على هدا هاد الصواب كاملو!!!

ياقوت تتشوف فيه بإعجااب كبير:صباح النوور تشرفت بمعرفتك ا بيجاد انا ياقوت

بيجاد: اسم زوين و تيليق بمولاتو

ياقوت عاجبها الحال:ربي خليك

هاجر بيناتهوم باقة مفاهمة والو كيفاش؟ لا واش غير دابا سمعات بيجاد تيمدح فإسم صاحبتها؟؟مال هدا؟؟لا لا بزاف

ياقوت:هاجر مالكي ساكتة؟؟

هاجر:ل لا واالو زيدو غنتعطلو

ياقوت:واش غادي معانا بيجاد؟؟

هاجر:ااه بغا يخدم معانا حتى يلقا شي خدمة خرى

ياقوت:اووه مرحبا بيك معانا

بيجاد:شكرا انسة

بقاو غاديين فالطريق و هاجر غادية وسطهوم مافاهمة والو خلاها تشك كاع فراسها علاه مالها هي ميتعاملش معاها مزيان بحال هاكا...

وصلو للخدمة و تلقا ليهوم احمد...

احمد:شكون هدا؟؟

ياقوت:صباح الخير بعدا ا سي احمد؟

احمد خنزر فيها:سيري لبسي حوايج خدمتك

مشات ياقوت تتلفت و هاجر وقفات على احمد...

هاجر:سي احمد هدا ولد عمي بغا يخدم عندك

احمد طلع راسو فبيجاد قداش طويل:و شكون قال خاصيني خدامة جداد؟؟

هاجر:راه غينفعك و الله تبارك الله عليه خبرة فهادشي

احمد شاف فبيجاد:خدمتي من قبل فشي مخبزة؟

بيجاد:لا

احمد شاف فهاجر:اشمن خبرة داوية عليها نتي؟؟

هاجر:ر راه تبارك الله صحيح و غيعاونا فالطاوات و كلشي و فالفران ياك ياك حفصة تتشكا من هادشي

احمد:امم واخا غنخدموه ديك الساعة نشوف واش يستاهل الخدمة ولا لا

هاجر فرحات:بصااح شكراا بزاف

احمد:عطيني لاكارت ناسيونال ديالك

بيجاد شاف فهاجر و هاجر حنحنات:ر راه فاش كان جاي لعندي سرقووه شي مساخط داو ليه البسطام فيه حتى لاكارط دابا راه البوليس تيطلعو و يهبطو فيه من لبارح مزال مالقاو والو

احمد:و كيفاش غنضمنو انا؟؟؟

هاجر:ضمنو بدياالي اي حاجة وقعات غنتحمل مسؤوليتها

احمد صغر فيها عينيه:اي حاجة؟

هاجر:اه اي حاجة

احمد:واخا ا لالة صبري و نتا صبر نجيب واحد الورقة تسني ليا فيها

بيجاد شاف فهاجر:اشمن سني؟ فين الطابع؟

هاجر:مبقاااش طابع خربق ليه فالورقة و زيد

احمد رجع هاز ورقة و ستيلو:كتب سميتك هنا و سني تحتها هنا

بيجاد شد الستيلو باستغراب...

هاجر تحدرات لعندو:غير حطو على الورقة و كتب متحتاجش للحبر

بيجاد:ااه واخا

حطو على الورقة و بدا تيكتب بالفعل تيخلي الكتبة فالورقة بلا التغماس فالحبر! كتب سميتو مقادة بالعربية و هبط يسني معرفش كيفاش...

هاجر تتوشوش ليه:دير غير علامة غير زواقة و نوض

بيجاد دار خط و حط الستيلو...

احمد:بهاكا راك وليتي رسميا خدام معانا و نتي دوزي بدلي حوايجك و جيبي ليا لكارط ديالك...


مشات هاجر حتى بدلات حوايجها و تمات جاية جابت لاكارت ل احمد..طلع بيجاد راسو بانو ليه سيقانها كيفاش عريانين و باينين و اللباس القصير نفس الشيء مع ياقوت لي كانت واقفة فالكونتوار تتبتاسم جيهتو...خنزر فهاجر و تم غادي لعندها شدها من دراعها و زيير عليها:اش هاد اللباس؟؟

هاجر بألم:طلق منيي واش نتا حمق طلق

احمد:اش واقع هنا؟؟؟

هاجر:والو هاهيا لاكارط ديالي

بيجاد طلق منها و مشات عطاتها ليه...

احمد شدها و شاف فبيجاد:اجي تبعني نتا

خنزر فيها تاني و مشا عاطيها بضهرو تابع احمد حتى دخلو فالداخل فواحد البيت صغير..حل احمد واحد الخزانة تما صغيرة و بدا تيجبد منها حوايج الخدمة لي كانو عبارة على سروال كحل ديال الفصالة مع قاميجة بيج ب بابيونة قهوية و طابلية قهوية...

احمد:هادو حوايجك و ابتداءا من اليوم غتبقا تجي ديريكت لهنا و تبدلهوم فيه

بيجاد:فين غنحط ديالي؟

احمد:حطهوم فهاد الخزانة نيت ماكاين لي يقيسهوم

بيجاد هز الطابلية:و هادي كيفاش غندير ليها؟

احمد:تتعقدها من اللور

بيجاد مفهمش مزيان ولكن مابغاش يعييق عليه بالأسئلة يقدر يقشعو ماشي من هاد الزمن...

احمد:نخليك تبدل و فاش تخرج وقف عند الكونتوار

خرج احمد و خلا بيجاد يبدل حوايجو...


فمركز الشرطة و فلبيرو ديال واحد الضابط كانو واقفين شي ناس قدامو..علامات التوتر و الخوف باينة غير من جسدهوم و نضراتهوم ليه هو لي كان جابد ملف عامر بالتقارير بخصوص حادثة اختفاء تمثال الأمير بيجاد الإسلام الفارسي من المتحف حتى تسمع دقان فالباب و تم داخل واحد الشرطي...

الشرطي بلهفة: لقينا مكااان المشتبهة بها لوخرااا

الضابط: و أخيرا فين لقيتوه؟؟

الشرطي:تتقرا فجامعة الفلفلي

الضابط:عطيني الإسم!

الشرطي:هاجر سعدان

الضابط:غتمشي تجيبها دابا دابا نستجوبوها!!

الشرطي:اوكي شاف


نرجعو للمخبزة ليكان فيها سي بيجاد لابس الحوايج و واقف فالكونتوار...

ياقوت تتشوف فيه بإعجاب شحال واتاه الزي الرسمي ديال العمل و هاجر تتمسح فكيسان القهوة مرة عينيها فالكاس مرة فبيجاد خايفة يدير شي موصيبة حتى تم داخل حاتم اول حاجة تيديرها تيقلب بعينيه على هاجر فين كاينة بانت ليه فالكونتوار تتمسح الكيسان و بتاسم فوجهها غادي يجلس فالطبلة كيف موالف..شاف فيه بيجاد مطلع حاجب و شاف فهاجر لي حطات لي فيديها و هزات مذكرتها الصغيرة و مشات لعندو هبط عينيه لسيقانها كيف تيبانو و هي غادة عند راجل معجبوش الحال ابدا اما ياقوت كحزات حداه شوية...

ياقوت: غادي تولف الخدمة معانا خص غير شوية د الصبر ا ااه بعدا مبانتش ليا طابليتك يمكن نسا سي احمد ماعطاهاش ليك؟

بيجاد مامديهاش فهضرتها عينيه غير على دوك الجوج...


هاجر:صباح الخير موسيو حاتم

حاتم:صباح الخير مادموزيل هاجر لباس عليك؟

هاجر:لباس حمد الله و نتا؟

حاتم بإعجاب:صباحي ديما تيدوز بيخير غير فاش تنشوف فيه وجهك ديما

هاجر حدرات راسها بحشمة و تتلعب بصباعها بتوتر:ب بصاح

حاتم:اكيد

ياقوت شافت فين تيشوف بيجاد:اه هه هاداك غير سي حاتم كليان معروف هنايا

بيجاد:و شنو طبيعة علاقتو بهاجر؟

ياقوت:ويلي اششمن طبيعة حتى نتا هيهي كليان و صافي

بيجاد شاف فيه بتفحص:نضراتو ماشي عاديين ليها

ياقوت:ه هكااك داير هو المهم عرفتي شنو اجي نوريك حفصة و خدمتك معاها

بيجاد حييد انضارو عليهوم بتخنزيرة و مشا معاها للداخل...

خدات هاجر طلب حاتم و مشات وجداتو ليه و داتو حتى حطاتو ليه و رجعات لبلاصتها فالكونتوار...

فلداخل كانت واقفة حفصة مرأة أربعينية غليضة عاقدة زيف حياتي و محزمة بطابلية و مطلعة كمام بدلة عملها...

حفصة:قهراتني العافية ديال هاد الفران قلت ل سي احمد يبدلو مابغاش

بيجاد تيشوف فالفران تيبان ليه من الحديد عكس الفران الطيني لي كان فزمانو...

بيجاد:غطيبي فيه شي حاجة دابا؟

حفصة:ايه عاد قاديت جوج طاوات د الكومير خصهوم يطيبو و يتحطو سخان للكليان

بيجاد:كومير؟؟

ياقوت:زعمة لباگيت متتعرفوش؟

بيجاد:كنت سمعت بيه من قبل المهم اري نطييبو ليك

حفصة:هاهوما الطاوات هنا

هز بيجاد الطاوات قداش بخفة و حلات ليه ياقوت بيبان الفران غير بواحد العود د الخشب حيت سخون بزاف...

لاح فيه بيجاد الطاوات و سدو غير بيدو ياقوت و حفصة تصدمو حيت الحرارة طالعة و هو سدو غير بيديه؟؟

بيجاد:شحال د الوقت خاصو باش يطيب؟؟

حفصة:مكاملاش نص ساعة فاش نشوفو طاب غنعييط عليك

بيجاد خرج من تما و هي تبان ليه هاجر واقفة و حاتم سالا فطورو جاي يخلصها..خنزر فيه و جا واقف حداها...

هاجر شافت فيه بابتسامة:كنتي فالداخل دويتي مع حفصة؟

بيجاد مخنزر:اه شفت داكشي كيف داير

هاجر:مالك مخنزر هاكا؟ ياك لباس؟

حاتم وقف عليها متجاهل بيجاد:شكرا على القهوة البنينة

حط ليها الفلوس و مشا مخلي بيجاد متبعو بتخنزيرة...

خدات الفلوس و مشات ل لاكيس كيف العادة ديما تيشيط ليها شي مبلغ لراسها..خشاتهوم فجيب طابليتها و بيجاد باقي متبع ليه دوك النضرات الرصاصية من ورا زاج المخبزة حتى غبر من قدامو...

هاجر:اجي نوريك كيفاش تنديرو فهاد اللعيبة لي تيكونو فيها الفلوس هي عبارة على خزينة فهمتيني؟

بيجاد قرب منها:قولي ليا مال داك حاتم ولا منعرف؟؟

هاجر بصدمة:ب باش ك كيفاش عرفتي سميتو؟؟

بيجاد:صاحبتك قالتها ليا!!

هاجر ممصدقاش لا ميمكنش صاحبتها تغدر بيها و تعاود لواحد الشخص لي قالت ليها انه ولد عمها على امور بحال هكاك عليها اكيد ميمكنش حيت اولا خصوصية و تانيا راه من العائلة و غيجبد ليها المشاكل...



بيجاد:مالك ساكتة و من الفوق متوترة!!

هاجر:مابيني و بينو والو!!

بيجاد:الطريقة باش تيشوف فيك معاجبانيش

هاجر:و صافي تيبقا هدا رأيك الخاص خلينا من هادشي و اجي تعلم للخدمة

ياقوت رجعات لعندهوم:بيجاد تكلم لحفصة بغاتك

بيجاد:واخا

بيجاد مشا و هاجر جرات ياقوت:اجي نتي ياكما قلتي لبيجاد عليا انا و حاتم؟؟

ياقوت:اويلي ا صاحبتي مالي هبيلة شفتو غير كيفاش تيحنزز فيكوم و قلت ليه بلي هداك حاتم كليان معروف عندنا و صافي

هاجر عاد رتاحت:ااه صافي راك عارفة ولد عمي و غيجبد ليا المشاكل الى مشا حتى وصلها للعائلة

ياقوت:ويلي متحتاجيش توصي اصاحبتي

هاجر:صافي واخا

بيجاد رجع لعندهوم هاز الطاوات بعدما حييد الكومير من الفران...

هاجر:اويليي لبس القفازات ديال الفرن ولا غتحرق فيديك

بيجاد:هادشي والو مولف ماكتر

هاجر:ا اااه نسيت كاع هيهي

ياقوت مشات لعندو:صبر نوريك فين تستفو

تحنات حتى حلات الزاج:هنا

هاجر:غير صبر نستفو انا و شوفني كيف تندير

مشات جابت قفازات الفرن من الداخل و رجعات بدات تتستف فالكومير سالات الطاوة الاولى و وقفات...

هاجر:قاد نتا الثانية

بيجاد:راني قلت ليك من قبل متآمريش فيا

هاجر:اف بدينا تاني

حط بيجاد الطاوة الثانية و ستف غير بيدو بحال كيف دارت هاجر نيت...

هاجر:مزيااان صافي تنسدوه هاكا و نخليوهوم تما حتى يجي شي كليان و يطلبهوم تنحلو تاني الزاج و نهزوهوم بهاد الملقط نحطو فهاد الكيس الورقي هنايا و نحطو فبلاستيكة هنايا و صافي تنعطيو الطلبية

بيجاد:صافي فهمت

ياقوت دخلات للداخل و رجعات:هادي الطابلية ديالك نسيتيها يمكن فلبيت

بيجاد شاف فهاجر:ديالاش هاديك؟

هاجر مشات شداتها من عندها: ا ااه شكرا ا ياقوت انا نتكلف بهادشي

ياقوت واقفة باستغراب و هاجر قربات من بيجاد...

هاجر:صبر نقادها ليك

حلات الطابلية و ضوراتها على خصر بيجاد و عقداتها من اللور...

هاجر:صافي هكا

ياقوت مستغربة:واقيلة ماشي بالضرورة تقاديها ليه ولا لا؟

هاجر:ه ااه غير هو حيت عاد جديد و كدا قلت نعلمو كلشي هيهي

بيجاد تيشوف فطابلييتو و تيقيصها بيديه يمكن هاد قطعة الثوب مديورة باش تحافظ على حوايجو...

فجأة تحل باب المخبزة و تمو داخلين جوج رجال لابسين حوايج البوليس..استغربو البنات بجوج اش غيديرو البوليس هنا؟؟؟

الشرطي:شكون فيكوم هاجر سعدان؟؟

هاجر قفزات: انا ا الشاف!!

الشرطي:تفضلي معانا

هاجر:علاش ا الشاف؟؟

الشرطي: نتي مشتبه بيك فقضية سرقة تمثال الأمير بيجاد الإسلام الفارسي....


هاجر خرجات فيه عينيها:ك كيفاش؟؟؟

الشرطي:زيدي معانا تيتسناك واحد التحقيق على هادشي

بيجاد شاف فيها:شكوون هادو؟؟؟

هاجر:غير خليك نتا انا نشوف اش بغاو

بيجاد شدها من يديها و جرها:قلت ليك شكون هادو؟؟

ياقوت موراهوم مستغربة و لي خلاها تستغرب اكتر هو اسم التمثال لي هو بيجاد بحال سمية ولد عم صاحبتها...

الشرطي غوت:تحركي!!!!

هاجر قفزات و شافت فبيجاد:بقا هنا حتى نرجع صافي

زربات فخطواتها و مشات مع البوليس لي طلعوها فالسطافيت و بيجاد تيشوف فيها من الزاج حتى طلعوها و ديمارات الطونوبيل ديالهوم...

ياقوت شافت فيه:كيفاش هاجر سارقة تمثال أمير؟؟و سميتو بيجاد بحالك!

بيجاد بقا ساكت مخنزر قدامو تيفكر فشكون هاد الرجال و كيفاش عرفو انه هاجر كانت معاه فاش كان تمثال...

ياقوت حطات يديها على ذراعو:جاوبني!

بيجاد:شنو قلتي؟

ياقوت:علاش داو لبوليس هاجر؟؟ و كيفاش التمثال سميتو بيجاد و حتى نتا عندك نفس الإسم؟؟

بيجاد:معرفتش معرفتش

دازها و خرج على برا تيفكر فهاد الموصيبة اكيد هادشي متيبشرش بالخير غير الطريقة باش دواو و كيف داوها باينة غيكون شي عقاب ولا تعذيب ليها..مكانش عارف انه تمثالو كانت عندو اهمية فهاد الزمن هادشي علاش نسا احتمالية يقلبو عليه فديك البلاصة لي جمعاتو بهاجر اول مرة..فلداخل د المخبزة كانت ياقوت مراقباه معارفة ماتدير ها صاحبتها داوها البوليس و ها ولد عمها لي عندو نفس سمية التمثال هادشي بحد داتو غريب و بزاف ميمكنش تكون صدفة و ميمكنش صاحبتها تسرق شي حاجة ماحساك تمثال لي غيكون تيوزن كيلووات كتييرة بقات غارقة فالتفكير حتى خرج احمد من الداخل شافها بوحدها و استغرب...

احمد:فين هاجر و لاخور؟

ياقوت:د داابااا تجي و بيجاد راه على براا بغا يشم شوية د الهوا و يدخل هاهواك

احمد طلع حاجب:علاش معلماتنيش من قبل؟

ياقوت:داكشي وقع بالزربة شي حاجة طارئة فاش ترجع غتشرح ليك

احمد رجع دخل ضارب بالباب و ياقوت تكمشات تتفكر ف الى ساق الخبار بلي داوها البوليس يقدر خدمتها تحط على المحك...

فنفس الوقت كانت هاجر فالسطافيت تتشوف الدنيا من الزاج بوجه حزين شغتقول ليهوم؟؟ولو بغات تعاود الحقيقة اكيد حتى واحد مغيتييقها غتبان ليهوم هبيلة ولا تتختالق اكاذيب باش تفلت من العقوبة! هبطات عينيها ليديها المتوترين لي تتحاول تشدهوم ببعض كأنها باغية تونس فراسها براسها كالعادة فأي مشكلة ولا شي حاجة تتحط فيها بوحدها مكاين لي يعاونها ولا يعتقها..واخا دارت بزاف د الحوايج فحياتها ولكن حتال البوليس عمرها وصلاتهوم فا كيفاش غادي تدير تسلكها معاهوم؟؟...


وقفات السطافيت قدام مركز الشرطة و هبطو حتى حلو الباب على هاجر و هبطوها شادينها فيديها بجوج بقات تضور فعينيها بحالا جايبينها على شي جريمة قتل..دخلوها للمركز و لي داز يشوف فيها و يفكر فيها بعيد و هي مسكينة غير ملبقة فهادشي كاملو..بقاو غاديين حتى وقفو قدام واحد الباب دقو و سمعو تفضل..دخلو لقاو غير الضابط و الكاتبة ديالو فلبيرو...

الشرطي:هاهيا المشتبه بها ا الشاف

الضابط طلعها و هبطها بعينيه:فين لقيتوها؟

الشرطي:فمخبزة البوقالي خدامة فيها

الضابط:خليوني معاها

الشرطين بجوج طلقو من هاجر و خرجو...

الضابط جبد ملف:هاجر سعدان؟

هاجر:ايه ا الشاف

الضابط:نتي اخر وحدة بقات فمكان التماثيل فالمتحف يعني هادشي تيخليك المشتبهة بها الأولى فهاد القضية ولكن منطقيا نضرا لوزن و طول التمثال ميمكنش لإنسان واحد محساك بنت انه يسرقو بوحدو(طلع فيها عينيه بنضرة حادة)شكون عاونك فهادشي؟؟؟

هاجر بتوتر:مسرقت والو مسرقت والو

الضابط:الى تعاونتي معانا ممكن يتخفف الحكم ديالك شوية

هاجر:و الله العظيم ا الشاف مسرقت حتى حاجة كيف قلتي كيفاش غنقدر نسرق تمثال بداك الحجم؟؟راه هادشي متيتقبلوش العقل!

الضابط:كاميرات المراقبة مقدراتش تشد اش وقع من بعد ما كنتي بوحدك تما حتال فين اختفى التمثال يعني تلاعبتو حتى بالكاميرات باش متكشفوش ولكن الخطة فشلات حيت لتاقطاتك الكاميرا فاش بقيتي بوحدك! قولي شكون هادو لي سرقوه و اشمن غرض باغيينو؟؟؟الى معتارفتيش غادي تدخلي للحبس بوحدك و غادي تهزي الحكم ديالهوم كاملين

هاجر:ميمكنش ندخل للحبس مكاين حتاشي دليل!

الضابط:وجودك لي لتاقطاتو كاميرات المراقبة فنفس المكان و الزمان كافي انه يحطك فالحبس

هاجر تترعد و كلها خايفة لا ميمكنش ميمكنش تمشي للحبس هي ماسرقات حتى حاجة و ميمكنش تعاود ليه حقيقة انه التمثال رجع انسان و عايش معاها فالدار حيت اكيد مغيتييقش...

الضابط:غتعتارفي دابا ولا نبداو فإجراءات خرى؟؟

هاجر تتشوف فيه و قلبها تيضرب بزاف فكرة انها تدخل الحبس راه ميمكنش عقلها يتقبلها زائد عائلتها لي فالمدينة لخرى اش غيقولو عليها و بيجاد لي خلاتو بوحدو كيفاش غادي يتعامل مع هاد الزمن؟؟؟...

هاجر:(علاش فهاد اللحظة و فهاد الورطة باقة تنفكر فناس خرين فهاد اللحظة لي خصني نفكر فشي حل نخرج بيه راسي من هنا!!)

الضابط:تنضن خصنا ندوزو للمرحلة الثانية باش تدوي حيت الخاطر منفعش معاك(بصوت عالي) محمممممممممممممد

دخل واحد الراجل بالزربة:نعام ا الشاف؟

الضابط:دي هادي خرج منها الهضرة الخاطر منفعش معاها

محمد ضار و شاف فهاجر لي تكمشات فراسها بخوف و مشا شدها جرها من كتفها بقوة...

هاجر غوتات:متقيييييييصنيييييييييييييييييش

فجأة تسمعات ضحكة انثوية فعقل هاجر خلاتها تصقل و كاع لي حولها تيبانو توقفو كأنه الزمن و تدفق الوقت توقف...

الصوت:خرجي من الباب دابا و رجعي لخدمتك و حسبي كأن شيئا لم يقع

هاجر مخلوعة:ش ششكو شكوون هاد الصووت اش هادشي شتديريي فعقلييي اش وااقع شكووون نتييي؟؟

الصوت:ديري لي قلتو ليك الوقت تيضيع منك غير تخرجي و يتسد هاد الباب كلشي غيرجع كيف خصو يكون

هاجر بلعات ريقها:اوووكي اصلا معندي حتااشي حل اخور

خرجات هاجر بالزربة و ضرباتها بجرية..فنفس الوقت فالداخل رجع الضابط و البقية كيف كانو و شي تيشوف فشي باستغراب...

محمد:اش تندير هنا؟؟

الضابط هز الملف:ا ااه عييطت ليك بخصوص قضية قتل مدام القدسي واش عتارف ليك المتهم بشي حاجة؟؟....


بقات هاجر تتجري فالزناقي و كلها تتلهث تجري و تقول ماجريت حتى وصلات لواحد البلاصة و وقفات تتنفس...

هاجر:الله يا ربي اش هادشي اش وقققع علاش حتى واحد متبعني علاش الزمن توقف انا مفهمت حتاشي حاجة!!

هاجر:لا ميمكنش نكون تنتخيل و خصوصا لي وقع ليا مع بيجاد اول مرة لا خصني نتوقع اي حاجة غريبة توقع

الصوت:غتجي دابا طاكسي طلعي فيها و رجعي للمخبزة سمو الأمير بيجاد تيتسنا فيك و هاز ليك الهم

هاجر صقلات تاني فبلاصتها و غير تتحرك فراسها يمين و يسار:م منيين نتييي و فين تتعرفي حتى بيجاد؟؟؟اش تيوقع معاايااا ناري وصلااات فيا تندوي مع راسي!!!

الصوت:متدويش مع راسك حتى يجي الوقت المناسب و غتعرفيني مزيان شكون بقات 30ثانية لطاكسي باش تبان ركبي فيها و رجعي لفين كنتي

هاجر:و البوليس؟؟؟ راه عارفين سميتي و البلاصة فين خدامة!!!

الصوت:كوني هانية مغيبقاوش تابعينك هدا اخر كلام غتسمعيه مني دابا.

ضورات هاجر راسها بانت ليها الطاكسي يالاه غتهز يديها تشدها حتى تتوقف عند رجليها بلا متعييط ليه ولا حتاشي حاجة شافت حولها باستغراب و احساس الخوف بدا تيتملكها شكون مولات هاد الصوت تاني و كيفاش قدرات انها تدير هادشي كاملو؟؟؟حلات الباب و ركبات فالطاكسي...

و ديمارا بلا ميعطيها وقت انه تقول ليه الوجهة ديالها..ضوراتها فراسها مادام الطاكسي جا لعندها بلا متشيير أو تعييط ليه و مسولها لا فين ولا شاف فيها فا غتسكت و تشوفو فين غيديها الى داها للمخبزة ديك الساعة هادشي غيتطور لمرحلة خرى و غتبدا تشك فشي حوايج اما الى ماداهاش لتما غيكونو غير صدف و تقول ليه فين يديها...

فنفس الوقت فالمخبزة كان بيجاد واقف عند الكونتوار و ياقوت مشات تسربي شي ناس حتى جا سي احمد...

احمد:واش هاديك مزال مارجعات؟؟؟

بيجاد معصب اصلا من لي واقع و هدا غيزيد عليه فا فضل يسكت حتى رجعات ياقوت...

احمد:واش ديك صاحبتك مارجعاتش؟؟؟

ياقوت بتوتر:غتجي دابا

دخلات ياقوت تقاد القهوة حتى تسمعات طاكسي بلاصات قدام المخبزة هبطات منها هاجر بملامح الإستغراب لا ميمكنش داها للمخبزة بلا متقولها ليه!!! تسد الباب و مول الطاكسي مشا..غير شافها بيجاد مشا ديريكت حتى وقف عليها و جرها لعندو:اش وقع معاااك ياكما دارو ليك شي حاجة؟؟؟

هاجر شافت فيه عاد ستوعبات انه بيجاد حيت باقة تتفكر فالصوت و فاش وقع...

بيجاد حركها:واااا اش وقع معااااك؟؟؟؟

هاجر هزات فيه راسها تيبان ليها معصب تفكرات اش كان غيوقع ليها و كيف كانت بوحدها فداك البيرو مكاين حد بجنبها و هي تعنقو تتبكي:كانو غيتعداو عليا كانو غيضربوونييي بسباابك ا الموصيبة اهئ اهئ

بيجاد مفاهم والو و زادتها بهاد التعنيقة تلفاتو:كيفاش شكون هادو؟؟؟

هاجر:البوليس اهئ ولكن فلتت منها بأعجوبة

بيجاد حييدها عليه و شاف فيها:قولي ليا شكون هادو و ديك الساعة يشهدو على روحهوم!!

هاجر تتمسح دموعها:لا صافي غير نسا هاد السيرة حيت كلشي تقاد

ياقوت شافتها من الزاج و مشات تتجري:هااااجرررر ياكماااا دارووو ليك شي حاجة؟؟؟؟

هاجر:الله ياربي صحييبتك شوية مهبطووهاا تبرد مع راسها ولكن صافي كلشي داز

ياقوت:و كيفاش فكيتيها معاهوم؟؟

هاجر:امم ااه غير تخالطت ليهوم مع شي وحدة كانت تتشبه ليا شوية راه لقاوها و هاني رجعت

ياقوت:الحمد الله و نتي معندك صحة لا للحباسات لا والو دخلي راه سي احمد تيتسنا فيك ا الصگعة مقلتش ليه على البوليس

هاجر:ويلي ويلي يا الموصيبة

بيجاد:واش دابا كلشيي بيخير؟

هاجر:اه صافي غير تهنا زيدو ندخلو نشوف كيفاش نفكها مع هدا


دخلو للداخل و هاجر مشات ديريكت عند سي احمد و فنفس الوقت تتفكر فشي كذبة تقولها ليه حتى وقفها بهضرتو...

احمد:هاجر يمكن ليك اليوم تمشي نتي و ولد عمك بلا مترجعي لخدمة العشية حتال غدا ان شاء الله و رجعو

ياقوت تصدمات و هاجر كتر منها لا واش نيت سي احمد هدا لي تيدوي؟؟؟؟

احمد نساحب و هاجر شافت فياقوت حالة فمها اما بيجاد مادا ماجاب اصلا معارفش طبع احمد كيف داير...

هاجر:لا واش غير سمعتي اشنو قال لا ميمكنش!

ياقوت:حتى انا اصاحبتي متييقتش ولكن راه بزااف

بيجاد:مغنمشيوش ولا؟؟

هاجر:سير بدل حوايجك و صبر عليا نبدل ديالي و نمشيو

ياقوت:يا الموصيبة غتمشيو تخليوني بوحدي هنايا و غينزل عليا بالخدمة و مع متيحملنيش صافي كملات

هاجر:سمحي ليا ا بب ولكن ماعندي ماندير هو لي عطاني الإذن المهم غنمشي نبدل دغيا

مشات هاجر بدلات حوايجها دغيا هزات صاكها و خرجات لقات بيجاد واقف تيتسناها...

هاجر:بسلامة ياقوت

خرجو من تما و شدو الطريق للدار...

هاجر:غيكون فيك الجوع ياك؟؟

بيجاد:اه علاش؟

هاجر:وا قتلنييي اناااا زيد نمشيييو لداك السناك لي كلينا فيه داك النهاااار

بيجاد تفكر شنو معنى سناك ديجا شرحاتها ليه:ياك قلتي الفلوس عندك قلال؟؟

هاجر ناوية تخلص بالفلوس لي خلا ليها حاتم هاد الصباح:احم راه عندي شي صرف شاط ليا المهم نتا اش بغيتي جلس و قول بسم الله

بيجاد بجدية:تنآمرك تقولي ليا اش وقع معاك اليوم!

هاجر:بدينا تاني بالأوامر راني فواحد المرحلة باقة ممستوعباش الأمر خليني حتى نفكر مزيان و نركب الهضرة ديالي مزيان و نقول ليك

بيجاد:سمعت اسمي فهضرتهوم و شي سرقة كيفاش عرفو علاقتك بيا؟؟؟

هاجر:دابا كاينة واحد الحاجة سميتها الكاميرا تيكونو غالبا فالأماكن العامة هاد الكاميرا تتكون تتسجل اش واقع ولكن الغريب فالأمر انه قال ليا مبناش انا وياك فاش دوينا و كدا تشدات غير فاش كنت واقفة بوحدي

بيجاد مفهمش مزيان ولكن خدا فكرة على هاد الكاميرا:و دابا شنو درتي معاهوم؟؟

هاجر:لي غنقولو ليك انه دوا شي صوت ديال واحد المرأة فراسي و هي لي وراتني شنو ندير المشكلة فهادشي كيف وقع بحال شي سحر بحال شي قوة غريبة

بيجاد وقف و شدها بصدمة:قلتي سحر؟؟؟

هاجر:بحال هكا انا ممتأكداش ولكن هكا حسيت و هكا بانو ليا الأمور

بيجاد:و قلتي صوت امرأة؟؟؟ماقالتش ليك شنو سمييتها؟؟؟

هاجر:لا ولكن قالت ليا انك هاز ليا الهم(بتاسمات) واش كنتي هاز ليا الهم؟؟

بيجاد طلق منها بتخنزيرة و طلع مناخرو لسما:اكيد لا انا كنت غير تنفكر فقضية انه تسرق تمثالي و الطريقة باش داوك هادوك ستغربت

هاجر طلات عليه مبتسمة:راه نفس الشيء المهم تتفكر فيا هههه

بيجاد:تتختارعي امور غير مع راسك

هاجر جراتو:اجي اجي ها السناك هنايا

دخلو للسناك و تغداو فيه بيجاد بالو مع داك الصوت و داك السحر لي وصفات ليه هاجر نفس الشيء مع هاد الأخيرة لي معارفاش اش وقع معاها و كيفاش و مناش....


🌞فالغد ليه🌞

فاقت هاجر وجدات راسها و فييقات معاها بيجاد لي وجد و فطرو بجوج...

فالطريق...

ياقوت بتعب:و تشوفو كيفاش سخسخني داك سي احمد البارح دار فيا مابغا

هاجر تتفوه:ياختي جاية و ماشابعاش نعاسي كترة التخمام تتعيي

بيجاد ساكت تيشوف فالطريق تيحاول يحفظو باش يعتامد على راسو شوية ماشي خصو ديما يكون ظل هاجر...

ياقوت:غير ملي دازت عاقيبة البارح مزيان راه بيخير و تشوفي كيف كنت قلت صافي اليوم غتضرب ليها العديسة

هاجر:يضربها عدويا اختي اش بغيتي عندي الله ينجيني

ياقوت:اتنضحك معاك مالك معاجبانيش؟

هاجر:مناعساش مزيان غير نسالي الخدمة نتغدا و نجبد عليها مكاين ما ولكن

ياقوت طلات على بيجاد غير ساكت و ساهي تيتمشا...

ياقوت:مال بيجاد حتى هو غير ساهي؟

هاجر:منعرف اختي

ياقوت:اجي بعدا نقول ليك زعمة واليديك قبلو لييك يسكن معاك ولد عمك بوحدو ماداروش احتمال توقع شي حاجة بيناتكوم امممم(تتنغز فيها)

هاجر:الله يهديك اسميتك اش غيوقع ههه وهو متيكمل فيا حتى الشوفة

ياقوت: و زعمة بهاد الصدر كاملو عندك و هاد السالف و عوينات الحوتة و منعرف و ماوقعات حتى حاجة غير قولي

هاجر:وا صافي ا ياقوت اصلا نتي عارفاني كيدايرة

ياقوت:ههه وي بصاح العقل مع سي حاتم

هاجر:ينعلك سكتي

بيجاد مكاينش فهاد العالم عقلو غير تيضور و تيحاول يخلي الشكوك ديالو على جنب حتى يشوف واش غتبان مولات الصوت مرة خرى لهاجر..وصلو قدام للمخبزة و كل واحد مشا بدل حوايجو و لحق خدمتو...حتى تم داخل حاتم كيف العادة.. خنزر بيجاد و ضار تلقائيا شاف فهاجر لي دارت نفس حركة البارح هزات المذكرة و مشات لعندو...

هاجر مبتسمة:صباح الخير موسيو حاتم اش حب الخاطر اليوم؟

ياقوت:بيجاد تكلم لحفصة

بيجاد مشا معاها...

هاجر:واخا موسيو دابا يكونو عندك

مشات هاجر وجدات ليه القهوة و قادات ليه فالطبسيل واحد الحلوة و شي بتيبان هزات البلاطو و بدات تستف...

هاجر:بالصحة و الراحة

حاتم:مادموزيل هاجر

هاجر:وي موسيو؟

حاتم شيير ليها للكرسي لي قبالتو:تفضلي

هاجر بتوتر:كيفاش ا موسيو نتفضل؟؟

حاتم بابتسامة:هه جلسي

هاجر:لا مووسيو ميمكنش ليا منقدرش انا غير خدامة هنا

حاتم:غير جلسي مغيقول باطرونك حتى حاجة

هاجر بتردد:متأكد؟

حاتم:اكيد

هاجر حطات البلاطو على جنب و جرات الكرسي حتى جلسات قدامو و التوتر باين من حركاتها...

حاتم شاف فالكونتوار مكاين حد و رجع شاف فيها:مكاين حتى واحد كنت باغي نطلب ليك حتى نتي مجاتش تجلسي هكا

هاجر:لا لا لا غير قول ليا شنو بغيتي باش نكمل خدمتي

حاتم جبد واحد التذكرة و حط يدو على يديها:هادي تذكرة لواحد الحفل غنائي فواحد الفندق شريت جوج و الثانية ليك نتي باش ترافقيني ليه

هاجر طلعات فيه راسها و يديه باقة فوق يديها هادشي لي خلق واحد التوتر كبير و قلبها بدا تيضرب فنفس الوقت بيجاد خرج تابعاه ياقوت اول حاجة دارها هي ضور راسو لطبلة حاتم غير شاف داك الديكور غوبش و زيير على يديه بعصبية و تم غادي قاصدهوم...


الصوت دوا فراس هاجر:هاهوا جا

هاجر سمعات جا طلعات راسها بان ليها بيجاد جااي مخنزر و كيف جاي باينة متيبشرش بالخير...

حاتم شافها تتشوف بعيد يالاه غيطلع راسو حتى تيوقف عليهوم بيجاد بطولو و عرضو...

بيجاد طلع حاجبو بغضب:تنآمرك تحيد يديك على يديها!!

هاجر فلتات يديها دغيا و قلبها زاد من دقاتو...

حاتم طلع فيه راسو معاجبوش الحال:شهاد الأسلوب؟؟(طلعو و هبطو) لي تتعامل بيه مع كليان؟؟؟

بيجاد تحنا و قرب ليه وجهو و خرج فيه عينيه:و شنو تتسمي نتا تجلس نادلة و تشد ليها فيديهااااا!!!

حاتم:انا عارف انه ماشي مزيان ولكن(حل الفيستة ديالو و جبد بسطامو)تنتمنى هاد المبلغ يخليك تدوز هادشي

بيجاد هنا صعروووو كيفاااش أميييير بقيييمتوو و مقااامو لي فزماانوو بفلووسو و ذهبوو يشرييه هو و عائلتووو من جذرهاا يقول ليه هكا..شدو بيجاد من كول حوايجو و هزو بطولو و عرضو من على الأرض هاجر ناضت مخرجة عينيها فيه:بيجاااااد أويليييي!!

بيجاد تيحرك فيييه بعصبية:انااااا تصدددق علياااا هاااد الريااالااات!!!!؟؟؟؟

حاتم مصدوم بدا تيتخنق و رجليه تيلعبو فالهوا:طللللق منيييي واااش نتااا بعقلللك

ياقوت سمعات الغوات خرجات غير شافت داك المنضر تصدمات مشات دغيا تعييط على احمد...

هاجر تتجر فحوايج بيجاد:صاااافييي ا بيجااد حطووو صاااافي

بيجاد شاف فيها:نتيي سكتيي يا المشعوذة متدخلييش بينيي و بيينوو

حاتم حط يديه على يدين بيجاد تيحاول يتفك:طللق منييي طلللق غندعيييكك

هاجر غووتاااات:واصاااافييي ا بيجااااد

بيجاد لاح حاتم لي جا مليوح فوق كرسي و هز صبعو على هاجر:اخرر مرة تبقاي تعلي عليا صووتك دايراها قد راسك و تتدوي مزال

هاجر بغضب:و نتااا مااالك؟؟؟واش نتاا حممققق غتخرررج عليااا و عليييك

حاتم ناض تيقاد فحوايجو:غندعييك سمعتي غندعيييك

هاجر شافت فحاتم:عفااك ا موسيووو سمح لييه راااه راااه غير حيت خااايف على بلااصتي حيت الى شافنا سي احمد غيتجبدو ليا المشاااكل

بيجاد خنزر فيها:جبتي ليا الإشمئزاز بالطليب ديالك(خلاهوم)

هاجر شافتو مشا دخل للداخل و مشات عند حاتم لي غادي خارج معصب...

هاجر شداتو من دراعو:عفاك ا مووسيو متدعييهش سمح ليه يمكن غيكون مقطوع ولا شي حاجة دوزها ليه على قبلي هاد المرة عفاك

حاتم بقا شحال تيشوف فيها و كيف تطلب فيه ضار لعندها مربع يديه:علاش تدافعي عليه ا مادموزيل؟؟

هاجر:ح ح حييت خدام معايا عاد جديد و غيفقد الخدمة ديالو عفاك متدعييهش شوف قلتي غنمشيو للحفل الغنائي صافي غنمشي معاك و نساو هادشي صافي؟

حاتم:بصاح؟

هاجر:اه بغيت نبدل الجو شوية هادي دعوة متتعوضش هه

حاتم حط يديه على كتفها و بتاسم:واخا(حرك صباعو و حطهوم على خدها و دوز عليه برقة) على ود هاد الوجه الجميل غنحاول نسا هادشي

هاجر توترات من هاد اللمسة:و و واخاا ا امتى؟؟

حاتم جمع يديه:غدا ان شاء الله مع 21:30 د الليل فين نقدر نتسناك باش نمشيو؟

هاجر:عطيني غير العنوان و انا غنشد الطاكسي

حاتم:لا لا غنمشيو بطونوبيلتي

هاجر:بلا منعذبك

حاتم:اشمن عذاب راني عارضك لتما زعمة هه

هاجر:واخا صافي اش بان ليك فحدا المخبزة؟

حاتم:واخا 21:00 غنكون حداها تنتسناك

هاجر: واخا موسيو

حاتم:طهلاي فراسك بسلامة

كان بيجاد فالداخل واقف تيطل عليهوم من الزاج ديال الباب بتخنزيرتو لا هادشي زااد على حدو اكيد غتكون بيناتهوم شي حاجة!!!

ياقوت واقفة حداه مافاهماش اش واقع حتى من احمد مالقاتوش...

ياقوت: ب بيجاد واش بيخير؟

بيجاد ضار مخنزر:والو

مشا يشوف واش كاينة شي خدمة مايدير و ياقوت خرجات عند هاجر...

ياقوت:اش وقع ا الموصيبة؟؟؟

هاجر شدات راسها:والو سي بيجاد شوية مقلب الطبلة على حاتم حتى فطورو هاهواك كيفما محطوط

ياقوت:اويلي واش حيت جلستي معاه فالطبلة؟؟

هاجر:معرفتش و الله نخليك نشرب شي كاس ديال الما راسي غيطرطق بسباب هادشي

ياقوت تساخرات خلاتها تدوز و عقلها مع سي احمد لي كان من قبل فالمخبزة و كيفاش حتى خرج بلا ميبان ليها؟؟....


داز النهار بارد بين بيجاد و هاجر واحد فيهوم متيدوي مع لاخور و ياقوت وسطهوم معارفة متدير حتى سالاو الخدمة و كل واحد غيرجع لدارو...

فالطريق...

ياقوت:اش بان ليكوم اليوم الغدا على حسابي؟

هاجر:مافيا مياكل تسدات ليا الشهية

بيجاد:شكرا انسة ياقوت ولكن غنرفض الدعوة لأسباب شخصية

ياقوت هبطات راسها ويلي واش هادو من نييتهوم مخاصمين هاكا؟؟

كحزات لعند هاجر و وشوشات ليها:واش من نييتك مخاصمة مع ولد عمك ناري يا الموصيبة يقدر يقول لعائلتك على بلان حاتم عيواض تصالحي معاه و تشوفي كيفاش يغطي عليك تتعاندي؟؟

هاجر:لي فجهدو يديرو(حيت اصلا فين عارف عائلتها🤣)

ياقوت تنهدات:التبرهيش هدا و الله

بقاو هكاك حتى وصلو للعمارة ياقوت دخلات لدارها و هاجر حلات الباب و كل واحد تلاح فبلاصتو هي سدات عليها فبيتها و بيجاد فالصالون...

وصلات العشية و هاد الجوج باقي شادين الضد مع بعضياتهوم و باقي فبلايصهوم...

هاجر فبيتها متكية تتشوف فالسقف:ا دييك مولات الصوت مغتدويش داباا؟ صافي شعلتيها؟؟ غتكوني نتي لي قلتي ليه شوف هاجر ياك باينة عليك شعالة العوافي(بقات ساكتة شحال و دوات) مالك دابا ساكتة دويي يالاه قنعيه ليا بلي ماسوقوش فيا و يدخل سوق جواه(شداتها البكية) تفو علاش حاسة بالحگرة داباا علااش شافني ضريفة و بغا يزرب عليا

هاجر:ايه ا هاجر اييه وليتي دوي مع راسك ا بنييتي ايوا هاا لي يمشي للمتااحف و يسقي عويناتو فالتماثيل اييه شدي ا بنيتي شدي

الصوت:لهاد الدرجة ماباغياهش يشوفك مع حاتم؟؟ماباغياهش يعرف مشاعرك تجاه حاتم؟؟

هاجر تقادات فالجلسة تتشوف فركاني بيتها:نتي منيين عارفة هادشي؟؟

الصوت:من بعد كاع الحوايج المستحيلة لي درت على قبلك و باقي تتسولي منين عارفة هادشي؟فراسك انه احمد سمع صداعكوم و كان جاي ليكوم ولكن هادشي مبقاش و خليتو يخرج من الباب الخلفي للمخبزة

هاجر:ش شكون نتي و علاش تديري هادشي على قبلي؟؟

الصوت:فالحقيقة ماشي على قبلك بوحدك حتى على قبل سمو الأمير بيجاد

هاجر:شنو بينك و بيين بيجاد حتى هو؟؟؟

بيجاد ناض بغا يمشي لطواليت و حيت بيتها حدا الطواليت بدا تيسمع فصوتها بحالا تدوي مع شي واحد ولكن باينة تدوي غير مع راسها ضور فعينيه بلا حول و دخل ممسوقش...

الصوت:فالوقت المناسب غتعرفي دابا كملي على حياتك عادي حاجة وحدة لي نقدر نقولها ليك دابا و هي انه الأمور لي تتوقع و غتوقع مخطط ليها من زمان نخليك دابا...

اختفى الصوت من راس هاجر مخليها فذهول كيفاش هادشي مخطط ليه من زمان؟؟شنو علاقة بيجاد بمولات هاد الصوت؟؟وشكون هي اصلا؟؟و كيفاش عارفة هادشي كاملو؟؟؟

هاجر:لا لا لا هادشي بزاف عقلي مقادرش يستوعب..(شدات فراسها)خصني نشوف شي حل لهادشي...


🌞فالغد ليه🌞

داز النهار بحال لبارح بين هاجر و بيجاد واحد متيدوي مع لاخور..نفس الشيء فالخدمة حتى سالاوها و رجعو ل الدار...

هاجر مشات للكوزينة بدات تتصوب فالغدا و بيجاد جلس فالصالون تيتفرج..صوبات هاجر مقيلة ديال الكفتة و البيض مع خبز ديال الحانوت و حطاتهوم فوق الطبلة مع كيسان ديال الما..قطعات الخبز و حطاتو قدام بيجاد و بدات تاكل زعمة واخا مخاصمين ولكن منبقاوش بالجوع🤣🤣..ناض حتى غسل يديه و جلس تياكل و واحد معفر على لاخور حتى كملو و جمعات هاجر الطبلة..هزات تيليفونها و السوارت و خرجات تدق على ياقوت...

سمعات ياقوت الدقان و مشات حلات لقاتها صاحبتها دخلاتها و جلسو فصالونها الصغير...

ياقوت:واش باقي مخاصمين نتي وياه؟؟

هاجر ربعات يديها:و شنو؟؟

ياقوت:راه هادي ماشي حالة حمدي الله مفرشخكش اصاحبتي

هاجر:تيبان ليا ماشي من النوع لي تيضرب العيالات

ياقوت:بيني و بينك حتى هاداك لي متيضربش العيالات غيفوت فيك شي دقة وا كنتو مشاادين بحالا تتحابووو

هاجر:واصافي ا ياقوت حتى نتي المهم جيت عندك بغيتك تسلفيني شي كسوة زوينة حيت حاتم عرضني لواحد الحفل غنائي فواحد الفندق و نتي عارفاني معنديش بحال هاد الحوايج دهاد المناسبات

ياقوت:وايليييييي و ماقلتييي ليا والووو حتال دابااا؟؟؟

هاجر:و علاه خليتيني؟؟و نتي سايرة غير مالكوم مخاصمين مالكوم هكا

ياقوت ناضت:اجي اجي للماريو عندي فيه شي كسيوات جابتهوم ليا بنت خالتي لي فالطاليان باقي تيشعلو

هاجر:وريني اختي

دخلو لبيت ياقوت و حلات هاد الأخيرة الماريو ديالها كان منظم و ريحة عطر انثوي تتعطعط من الحوايج عضات هاجر فصبعها حاسة بشوية د تأنيب الضمير من جيهة الماريو ديالها لي مكورة فيه الحوايج من عام الفيل...

ياقوت جبدات وحدة فالخضر:اش بان ليك فهادي

هاجر:ويلي مشعشعععة اصاحبتي

ياقوت جبدات وحدة خرى:اممم و هادي؟؟

هاجر:لا لا داك ستايل متيعجبنيش و اصلا مغيجيش معايا

ياقوت جبدات وحدة فالكوير:و هادي؟؟

هاجر:اممم اري كاع نجرب

مداتها ليها ياقوت و جرباتها تماك قدامها...

ياقوت:جاتك واعرة غير هو خصك متلبسيش معاها كولون

هاجر:زعمة بلا والو؟

ياقوت:وايييه غتجي مطرطقة

هاجر:تتبان بحال شي مونطو

ياقوت:واراه ستااايل هاداااك

هاجر:بصراحة زوينة و عجباتني

ياقوت جبدات واحد الطالون فالبيج:هدا غيجي معاها

هاجر:ياختي تطهلاي فيا فبحال هادشي

ياقوت:ايوا نتي لي تتخسري فلوسك فالماكلة و الضوران انا ياختي تنخسرهوم فهادشي

هاجر:ولاهيلا صافي غنديهوم هوما

ياقوت:هههه ناري اصگعة فرحت ليك

هاجر:ا تي بغيت غير نزها قال حفل غنائي قلت عالله يكون فيه لي يزهينا

ياقوت:اه عندك الحق

هاجر:يالاه نخليك غنمشي ندير شي تمارين عندي مصدعيني فراسي و نوجد لهادشي

ياقوت:واخاا بسلامة

خرجات هاجر من عندها و رجعات لدارها...


وصلات العشية و لقات هاجر مسالية تمارينها اما بيجاد حل الشرجم تيتمنضر فالناس لي غاديين جايين...

شافت فالساعة بانت ليها 8 دخلات لدوش حتى دوشات بالخف و خرجات تتوجد فالمايكاب ديالها فبيتها..بقات تقاد فيه على خاطرها نشفات شعرها و دوزات عليه بسشوار بشوية باش ينشف و يتسرح شوية لبسات ملابسها الداخلية و لبسات الكسوة و تحت منها واحد الشورط قدها نيت فالطول لبسات الطالون و جمعات شعرها كودشوفال رضات الگصة على جنب و بدات تشوف فمرايتها بابتسامة هزات عطرها و رشاتو صافي كلشي هو هاداك هزات صاكها و يالاه غتحط فيه تيليفونها و هي تفكر الموصيبة لي عندها فالصالون...

هزات التيلي دغيا و صونات على ياقوت...

ياقوت:الو ياكما خاصاك شي حاجة؟؟

هاجر:لا لا غير هو بغيت..ااه بيجاد غنخليه بوحدو فالدار و غيقنط اش بان ليك تجي لعندو؟؟

ياقوت:وايلي زعمة هانية؟؟

هاجر:ويلي عادي راك صاحبتي دوزي دوزي

ياقوت:واخاا هاني جاية

لاحت هاجر تيليفونها فالصاك و دارت فيه بسطامها شافت فالساعة لقاتها قربات 9 و هي تخرج بخطوات متسارعة..سمع بيجاد تقرقيب طالونها و طلع راسو غير شافها دايزة بديك الكسوة و سيقانها كيف عريانين ناض ليها نوضة وحدة و شدها من دراعها...

بيجاد:فين غادية بهااد اللباااس؟؟؟؟

هاجر تتنتر يديها:بعد منيي اش بغيتييي

بيجاد:تنآمرك تقولي ليااا فين غااادية؟؟

هاجر:خاارجة و ماشغلكش فيااا خليينيي

بيجاد جرها من كتافها لعندو بقوة:مغتخرجيييش بهاد اللبااااس سمعتييي!!!

هاجر عصبها:واش نتا حمق راك غير جالس عندي حتى ترجع لزمنك راك بديتي تدخل فخصوصيااتي لبارح حاتم و دابا لبااسي خليني عليك ا بيجاد و عيواض تقابل فيا شوف شي طريقة ترجع بيها لزمنك!!!!

نترات يديها بقوة و خرجات هابطة مع الدروج...

ياقوت خرجات من دارها مستغربة و مشات بغات تدخل لدار هاجر لقات بيجاد واقف معصب...

ياقوت: ب بيجاد؟

بيجاد دخل جلس و هي دخلات سدات الباب..جلسات فالصالون و هو يطلع فيها راسو باستغراب شتدير هادي هنا و بوحدهوم؟...

ياقوت:ه هاجر قالت ليا نجلس معاك

بيجاد:و علاش ا انسة غتجلسي معايا؟؟

ياقوت:حيت غتقنط هادشي كيف قالت هي

بيجاد:ديري لي عجبك

فنفس الوقت كانت هاجر غادية على رجليها لحدا المخبزة تتقرقب بطالونها بعصبية و حابسة البكية قلبها عامر من البارح اعدى حاجة عندها تحس بالحگرة و خصوصا و هي فهاد المدينة بوحدها هو الستايل ديال حياتو لا علاقة بستايل حياتها و ممنحقوش يتدخل فيه علاش مابغاش يفهم هادشي...بقات غادة حتى بانت ليها طونوبيلة حاتم مبلاصية حدا المخبزة..مشات عندو تتحاول تصطنع الابتسامة اما هي خاطرها قلبو بيجاد...

هاجر:سلاام هاني جيت

حاتم حل الباب و خرج لعندها و نضراتو الإعجابية مختارقينها...

حاتم:جميلة كيف عادتك

هاجر:شكرا موسيو

حاتم:قولي ليا غير حاتم ههه

هاجر:واخا حاتم

حل ليها باب الطونوبيل و ركبات...

ركب حاتم و ديماراو من تما:تنتمنى يعجبك الحفل

هاجر:تيعجبوني الحفلات بزااف

حاتم:حتى انا

هاجر:هه ااه مزيان

بقاو تيدويو مرة مرة و الطونوبيلة غادة حتى وقفها حاتم قدام واحد الفندق فوسط المدينة من شكلو باين غير ديال الطبقات الغنية ماشي دوك الفنادق العادية...


هبط حاتم و عطا الريموط ل لي خدام تما يبلاصيها و هبط حل الباب لهاجر لي هبطات تتمنضر...

حاتم:اجي معايا من هنا

دخلو لداخل لوطيل مشا لعند لي كاينة فالإستقبال و دوا معاها اما هاجر واقفة تتسنا فيه و غير تتسقي فعويناتها هادشي ممولفاهش بنت بسيطة بحالها...

رجع عندها حاتم:الحفل كاين فالطابق 5

هاجر:واخا

مشاو فالسانسور حتال الطابق 5 كان فيه الهدوء مكاين لا اثر ديال حفل ولا شي حاجة بقاو غاديين فواحد الممر حتى بان ليهوم السيكوريتي واقف بتخنزيرة عطاه حاتم ليتيكيت و رحب بيهوم مخليهوم يدوزو..دخلو و جلسو فواحد الطاولة من بين الطاولات الكتار لي كانو تما اغلبية الناس معمرينهوم و جالسين تيحتاسيو مشروباتهوم و باينة فيهوم لبااس عليهوم غير من اللباس..المجوهرات و الحركات حسات هاجر فغرابة هاد المحيط بالنسبة ليها..حطات صاكها فوق الطبلة عاد بانت ليها المنصة قداش مغطيينها بداك الستار الأحمر...

حاتم:كيف جاك المكان؟

هاجر:زوين الديكورات واعرين

جا عندهوم السرباي هاز المشروبات و هو يوقفو حاتم بلباقة:الآنسة لي معايا متتشربش ممكن تجيب ليها شي حاجة خرى؟

هاجر:شي عصير الله يحفظك اخويا

السرباي بابتسامة:اوكي مادموزيل

حاتم:جينا بكري شوية بقاو شي دقائق عاد يبدا الحفل

هاجر:اا اه ماشي مشكل تيكون احسن الى جا الواحد بكري

فنفس الوقت فالدار عند هاجر كانت ياقوت جالسة بحال الغريبة و بيجاد غير تيدوز فالقنوات اما عقلو مرفوع مع الموصيبة د هاجر فين غتكون مشات و بداك اللباس من الفوق...

ياقوت:احمم واش نمشي يمكن غير مصدعاك

بيجاد حط التيليكوموند و شاف فيها:قولي ليا ا انسة

ياقوت:نعام؟؟

بيجاد:تتعرفي ديك المشعوذة مزيان ياك؟

ياقوت باستغراب:اينا مشعوذة؟؟

بيجاد:هاديك صاحبتك

ياقوت:اااه هاجر هه اويلي على مشعوذة

بيجاد:جاوبيني من فضلك

ياقوت:اكيد تنعرفها مزيان شي 3سنين دابا من فاش نتاقلات لهاد المدينة

بيجاد:ماقالتش ليك فين مشات دابا؟

ياقوت بتوتر:ل لا لا

بيجاد صغر فيها عينيه:بلا كذوب ا انسة

ياقوت:دابا تجي بلا متشطن

عند هاجر لي كانت مصدومة و حالة فمها على قدو فاش الستارة ديال المنصة طلعات و دخلات واحد المرأة لابسة فستان فالبنفسجي داك الستايل القديم حالة فمها و سادة عينيها و تتعبر بيديها و واحد الغناء لا علاقة بلي توقعاتو هاجر توقعات شي شعبي شي نايضة نايضة و خرجات ليها هاد عيشة قنديشة بسم الله الرحمن الرحيم...اما حاتم بتاسم عاجبو الحال تيعجبو يتسنط لغناء الأوبيرا...هاجر من كترة الصدمة ناضت هازة صاكها و حاتم استغرب منها:مالكي؟

هاجر:الطواليت بغيت نمشي لطواليت

حاتم:سولي السيكوريتي لي تما فين كاينة

مشات هاجر غادية باقة شادة فيها الصدمة مشات سولات السكوريتي و و وراها فين..دخلات لطواليت و تقابلات مع المرايا و بدات تندب...

هاجر:اويلييي اويلييييييييي هدا هو الحفل الغناااائيييي

سمعات الصونيت ديال تيليفونها و جبداتو لقات النمرة ديال ياقوت جاوبات باستغراب و بدات تسمع...

بيجاد:واش هكا؟؟وا نشدو هكاا؟

ياقوت مستغربة تتقاد ليه التيلي فودنو:اه هكا

هاجر:الو؟؟؟

بيجاد:فين كاينة دابا؟؟؟؟؟...


هاجر بتوتر:ش شنو؟ ك كيفاش قدرتي تشد التيلي؟؟

بيجاد بصرامة:قلت ليك فين كاينة دابا؟؟؟؟

هاجر:وا ماشي شغلك خليني عليك و نتي ا ياقوت واخا عليك و نعمة الصحبة

ياقوت حييدات التيلي لبيجاد:راه بزز عليا هادشي اصاحبتي مبغاش يتفاك

هاجر:انا غنجي دابا اصلا هادشي حامض و حماضيت معاه مافيا مايدوي تشمتت واحد الشمتة مانبغيهاش لعدويا

ياقوت:اويلي متقوليش ليا داك حتال تما و خلاك تخلصي؟؟

هاجر:اودي حتى ندويو و قولي لبيجاد هاني جاية دابا و يكون على خاطر خاطرو

قطعات هاجر و رجعات لعند حاتم...

بيجاد مخنزر:شنو قالت؟؟

ياقوت:قالت غتجي دابا

بيجاد:الله يجعلني نتيق

ياقوت:المهم انا غنمشي مادام غتجي بسلامة عليك

خرجات ياقوت و خلات بيجاد ناض حل الشرجم يضربو شوية د الهوا بينما رجعات هاجر...

عند حاتم لي كان تيحتاسي فمشروب و مستمتع بغناء الأوبيرا حتى تتوقف عليه هاجر...

هاجر:تعطلت شوية ياك؟

حاتم:لا ماشي مشكل جلسي مالك واقفة؟

هاجر:فالحقيقة حسيت بشوية د الدوخة و ضرني راسي بغيت نرجع لدار

حاتم:بهاد السرعة؟

هاجر:منقدرش نصبر مزال المهم شكرا على الدعوة

حاتم:صبري نوصلك

هاجر:لا لا شكرا غنشد طاكسي خليك فالعرض تصبح على خير

ضارت دغيا قبل مايزيد شي هضرة خرى و زربات فخطواتها باش ترجع لدارها تخوي الشمتة فالنعاس...

عند بيجاد لي كان تيطل من الشرجم و تيخمم فهاد الموصيبة.. هاد الأيام لي دوز معاها ماشي قلال رغم انه ماطايقهاش حيت حفيدة المشعوذة لي خرجات على حياتو كأمير ولكن كانت ديما تتعامل معاه مزيان و حاجتها هي حاجتو رغم انه ديما تيعييب فيها و يستصغر منها ولكن هاد المرة فاش دابز مع حاتم علاش دارت هاد الحالة كلها بل خاصماتو كاع و هادي لي عمرها دارتها..بقا تيفكر عاد طاح عليه واحد الإحتمال...

بيجاد:ممكن يكون جلسها و هو لي حط عليها يدو؟؟بففف زعمة نكون ظلمتها اففف ها لي مابغيتش...

بقا شحال تاني تيفكر و هو ينوض حل الباب و مشا تيدق على ياقوت...

ياقوت حلات الباب باستغراب:بيجاد؟؟

بيجاد:تتعرفي كيفاش تيقادو هاداك لي تياكلو فاش تيتفرجو فالأفلام؟؟

ياقوت:قصدك الگلية؟؟

بيجاد:معرفتش سميتها

ياقوت تتعجب اويلي هدا معارف حتى الگلية:ا ااه تنعرف

بيجاد:وريني كيفاش

ياقوت:واخا دخل

بيجاد:لا غير قولي ليا كيفاش حيت ماشي من اللائق ندخل لدار انسة بوحدها(اييه و هاجر ماشي مشكل🤣)

ياقوت:واخا صبر نشوف واش كاينة شي ذرة عندي و نجي

حرك ليها بيجاد راسو و رجع لدار..لقات ياقوت الذرة ف فميكتها مستعمل فيها غير شوية و دخلات لدار..لقات بيجاد واقف فالكوزينة و هي تمشي تحل فالبلاكارات ديجا حافضة دار هاجر حتى جبدات گاميلة كبات فيها الزيت و الملحة و الذرة و حطاتها تسخن و غطاتها بغطايتها...

ياقوت:صافي هكا تنديرو و تيبداو يتنفخو و يكتارو

بيجاد:واخا شكرا

ياقوت:الى حتاجيتي حاجة خرى عييط ليا

بيجاد:شكرا مرة خرى

مشات ياقوت و بيجاد بقا واقف مقابل الگاميلة بدات الگلية تتفرقع قفزو الصوت فالأول جاه بحال شي طلقات رصاصية خفيفة ولكن شد فراسو فاش عرف مصدر الصوت هو الگلية..حييد الغطا لقاها كيف بغا و كيف شاف الناس تياكلوها فالتلفزة هبط عينيه لفين تيطفيو البوطة و ضورها بالعكس حتى بانت ليه العافية طفات تماما كيف دارت ياقوت فاش شعلاتها غير بالعكس..هز الگاميلة و كيسان د الما و حط كلشي فالطبلة و جبد تيليكوموند تيدوز فالقنوات حتى سمع السوارت فالباب طلع راسو بانت ليه هاجر غادية داخلة بتعب دازت ديريكت لبيتها بلا متشوف فجيهتو...عقد حجبانو و ناض لعندها يالاه حييدات الكسوة بقات غير بالشورط و الديباردو حتى تتسمع فالدقان...


هاجر بالنفخة:اش كاين؟؟

بيجاد:يمكن ليا ندخل؟؟

هاجر:منين جاك هاد الصواب؟؟

بيجاد عقد حجبانو:تنآمرك تجاوبي!

هاجر جبدات ديماكيون و القطن تمسح الطعريجة لي فوجهها:دخل

بيجاد مع دخل بانت ليه بداك الشورط و الحالة رجع خطوات للور:واش نتي حمقة!!مخلياني ندخل و نتي بهاد الحالة؟؟

هاجر تتمسح وجهها ممسوقاش:دوي الى باغي دوي

بيجاد:متخاطبينيش بهاد الطريقة!!

هاجر:اوكي اوكي مولاي السلطان شنو؟؟؟

بيجاد:اجي معايا

هاجر:لفين؟؟

بيجاد:غير اجي

هاجر تنهدات غير الله يحدر السلامة معاك

دوزات على وجهها بالقطن دغيا و مشات معاه...

بيجاد:جلسي

هاجر جلسات عاد بانت ليها الگاميلة و الما:نتا لي قاديتي الگلية؟؟؟

بيجاد:لا انسة ياقوت ولكن انا لي قلتها ليها

هاجر:و علاش؟

بيجاد جلس حداها و هز الگاميلة حطها بيناتهوم جبد التيليكوموند و شعل واحد الفيلم عشوائيا فواحد القناة...

هاجر غير تتشوف:شنو هادشي زعمة ا سي بيجاد؟؟

بيجاد كحز ليها الگاميلة:فهميها كيفما بغيتي

هاجر:زعمة ماقادرش تقول حتى سمحي ليا؟ لهاد الدرجة عاجبك راسك؟

بيجاد خنزر فيها:صافي سدي هاد السيرة!!

هاجر ربعات يديها:صافي هداك الله دابا؟

بيجاد:مابغيتش يتعاود بحال هادشي مرة خرى سمعتي نتي تتقولي للناس انا ولد عمك و فنفس الوقت دايرة لي عاجبك قدامي!!

هاجر صغرات فيه عينيها:عندي ولاد عمي مامسوقينش ليا اصلا واش كاينة يمكن يشوفوني فالزنقة و ميسلموش معايا راك غالط ا ولد عمي المزور

بيجاد:المهم شخصيا كأنا بيجاد ولد عمك مانبغيش هادشي

هاجر هزات شوية د الگلية و تقادات فالجلسة:زعمة نتا حال و احوال

بيجاد:مقلتيش ليا فين كنتي؟؟

هاجر:صافي نسا الله يرحم والديك انا نيت مابغيتش نتفكر

بيجاد:وقعات معاك شي حاجة؟؟

هاجر:لا غير نسا صافي؟؟

بيجاد هز الگلية تياكل فيها:عجبني مذاقها

هاجر تتاكل:درتيها مزيانة(شافت فالتلفزة)اش هاد الفيلم شاد؟

بيجاد:معرفتش غير ضغطت عليه

بقاو تيتفرجو بجوج و ياكلو فالگلية حتى بدا الفيلم تيدخلهوم فالمعقول كان تيدوي على واحد جوج صحابات وحدة فيهوم شرات كتاب ملعون من بعد مشاو للعروبية مع العائلة و تما بداو فطقوس الكتاب مع ولاد العائلة كلشي كان مزيان حتى وصلات 12 د الليل فاش خرجات واحد الحاجة تتخلع للبطلة و هنا قفزات هاجر مخلوعة حتى تخشات فبيجاد شوية ماخوات عليه الگلية(الفيلم هو قصتي الليلة المرعبة🤣✌🏻)...

هاجر مخشية فيه بالخلعة:واش فيلم رعب حييد عليا الزمر ناااري متنحملهوووومش

بيجاد:طلقي مني هادشي دابا خلعك؟؟

هاجر:وا بدددل هادشي

بيجاد قلب القناة لفيلم اخور كان رومانسي و كوميدي...

هاجر طلقات منو:دابا نقدر نتفرج

بقاو تيتفرجو حتى جات اللقطة ديال البوسة بين الأبطال و هو يشوف بيجاد فهاجر لقاها حشمات حادرة راسها...

هاجر:م ماالك تتشوف فيا؟؟

بيجاد:مابغيتش نشوف فداكشي

هاجر بتوتر:ا ااه

طلع راسو لقا اللقطة مابقاتش و كملو الفراجة حتى داز الوقت و هاجر من كترة العيا داها النعاس حداه بيجاد مكانش عارف حتى حس بسكاتها و هو يشوف فيها لقاها ناعسة..نقص من صوت التلفزة و شاف فيها ب لا حول حط الگاميلة فوق الطبلة و رجع شاف فيها..ملامحها و هي هادئة هكا برزات جمالها اكتر و خلاتو يسها فتفاصيل وجهها و هنا بدا تيحس تاني بداك الإنجذاب لي جاه داك النهار فاش كانت ناعسة فبيتها بدات يديه تتحرك بلا هواه حتى تحطات فوق يد هاجر استغرب من هادشي كيفاش يدو تحركات بوحدها هاكا؟؟ختافا داك التحكم مخليه تيتحسس ملمس يديها الناعمة الصغيرة مقارنة بيدو الحرشة شي حاجة تحركات فالقلب ديالو و احساس فشكل تيحسو فهاد اللحظة..طلق من يديها و ناض حتى ضور يدو على ضهرها و تحت ركابيها حتى هزها بخفة و داها لبيتها حتى حطها فوق ناموسييتها..غطاها و خرج بأحاسيسو المخربقة من جيهتها...


فالصباح بكري فاقت هاجر مهلوكة بزز باش قدرات تنوض يالاه خرجات من البيت باش تدخل لطواليت و هي تشدها الدوخة تكات على الحيط تتستجمع قوتها و رجعات حلات الطواليت قضات حاجتها و نقات راسها..ناضت تقابلات مع المرايا بان ليها وجهها صفر تجاهلات هادشي و بدات تغسل فسنانها و تقاد فحالتها و محاساش بالتقرقيب لي دايراه و لي خلا بيجاد يبدا يحل فعينيه بانزعاج..شاف يمينو و يسارو و ناض تيحك فعينيه حل باب الطواليت لقا هاجر تتمشط فشعرها و يديها ثقالين عليها...

بيجاد تحنا حتى غسل وجهو مزيان عاد شاف فيها:اش هاد الصداع مع الصباح؟؟

هاجر طلعات فيه راسها حاسة بعضامها مهلوكين:مالك معكس ديما تندير هكا و عمرك تشكيتي ولا فقتي

بيجاد:لا بالفعل صدعتيني!

هاجر طلقات شعرها عصبها و خرجات من الطواليت يالاه غتدخل للبيت و هي تحس بالسخفة بيجاد شافها غتفقد توازنها و مشا شدها دغيا...

بيجاد باستغراب:مالكي؟؟؟

هاجر:معرفتش و الله مافيا مايدير والو

بيجاد حط يديه على جبهتها:مافيكش السخانة

هاجر:لا مافياش ولكن عيانة و خصني نمشي للخدمة

بيجاد:باغية تخدمي بهاكا؟؟؟

هاجر:و شنو راه الى مخدمتش شكون غيصرف علينا

بيجاد عقد حجبانو:سيري ترتاحي انا لي غنتكلف بهادشي!

هاجر:لا لا راه سي احمد غيخاصم

بيجاد حمر فيها عينيه:راني تنآمرك تمشي ترتاحي!!

هاجر شدات راسها:واخا ولكن قول ليه راني مريضة

بيجاد:نشوفك فوق داك الفراش!

هاجر :واخا واخا

مشا بيجاد لبس حوايجو و مشا دق على ياقوت لي كانت واجدة...

ياقوت:صباح الخير بيجاد لباس عليك؟

بيجاد:صباح النور انسة بغيت نسولك فين تتشريو الماكلة؟

ياقوت:قصدك مول الحانوت؟

بيجاد:مهم فين نشري الماكلة صاحبتك مريضة و معرفتش منين تتشريها

ياقوت:وايلي على مريضة!! صبر نشوفها!

دازتو دغيا و مشات دخلات لدار تبعها لقاها دخلات عند هاجر لي ملوية فكاشة...

هاجر:ياقوت؟

ياقوت جلسات قدامها:شنو عندك اصاحبتي؟؟

هاجر:غير شي عيا و صافي قولي لسي احمد بلي مريضة و عفاك ردي معاك لبال لبيجاد

ياقوت باستغراب:و علاش نرد معاه البال؟؟

هاجر عاد عاقت براسها:ا ا لا والو هه المهم طهلاو فراسكوم

ياقوت:ياكما خاصاك شي حاجة؟؟

هاجر:لا والو شكرا

ياقوت ناضت:واخا طهلاي فراسك فاش نرجع غندوز عندك

هاجر:واخا

خرجات ياقوت من الغرفة لقات بيجاد تيتسنا...

ياقوت:فطرتي ا بيجاد؟؟

بيجاد:لا

ياقوت:تبغي تفطر معايا؟؟

بيجاد:شكرا ا انسة ماجاتش نكونو فدار وحدة بوحدنا

ياقوت:ا ااه عندك الحق هه المهم غنمشي نفطر و نمشي للخدمة

بيجاد حرك ليها راسو اما هي مشات لدارها مستغربة كيفاش ميكونش معاها فدار وحدة و هو اصلا داير هادشي مع هاجر بل ساكن معاها كاع!...


يتبع...

التنقل بين الأجزاء

صفحة القصة
سيتم تشغيل صندوق التعليقات بعد لحظات
معظم التعليقات تم إخفاءها بواسطة الفيسبوك، نحاول بكل الوسائل المتاحة إستعادتها في أقرب وقت ممكن.