عند اشراق غير دخلات تنهدات كاع ديك قناع القوة كيتطلب منها مجهود.. كتسكت قلبها و كتخدم عقلها حيت بالنسبة ليها هادشي لي خاص يوقع.. قفزها دقان مشات حلات بلا هواها..
اشراق :قفزتيني شهاد دقان
غسان : علاش كنتي كتسايني شي حد ممم
اشراق : لا غير كنت ساهية
غسان :ممم وانا نتيق.. (بجدية ) امدرا كلشي هو هداك..
اشراق : اه راه داز شوتينغ مزيان.. قالي فوطوكراف راه صفطليك تصاور فايميل ... من غير لاغوب فينال متصوراتش..
داز الوقت غير فتوجاد صونات لبنات مونسينها كيعطوها رأيهوم فشنو تلبس .. فضلات متعاود ليهم والو على اديب حتا ترجع ..
غير سلات سمعات صوت دقان .. غير حلات الباب لقاتو غسان فكامل اناقتو...
عند غسان غير حلات الباب و هو يتصعق فيها .. كانت لابسة غوب بليدين بغيييو فلزرق.. قصيرة حد الفخاد...
غسان ( باعجاب ) جيتي زوينة بزاف
اشراق : شكرا حتا نتا جيتي زوين
غسان : كوني تحشمي و نتي كتعنبي عليا بلا حشما
اشراق : ياك اسيدي حلال عليك و حرام عليا..زيد زيد نهبطو
خوالها طريق : لي فام دابوغ
هبطو مشادين لي يشوفهوم يقول غير كوبل كمية تناسق بيناتهوم خطيرة .. جاو خارجين من الاوطيل و الانضار عليهوم ..
فنفس الوقت كانو عينين اديب عليهوم .. حاس بالعافية شاعلة فيه مكرهش يجرها من يديها و يحاسبها علاش خارجة معاه .. تنهد كاره الحياة الم9ودة لي كيعيش.. يلاه جا يضور لقا اركان موراه ..
اركان : كتبغيها ياك
اديب ( بعصبية ): ونتا مالك
اركان : كنت غا نعاونك لكن متستاهلش طول عمرك مغرور و غتبقا مغرور ...
اديب : ممحتاجكش تعاوني ..
اركان: نصيحة متخليهاش ضيع من يدك ..
اديب :لي يسمعك يقول بصح قلبك عليا ..
اركان ( لاحليه سوارت و حطليه دعوة فيدو ) : مغنكرش كنت حاط عيني عليها .. عندك اخر فرصة يا تصرف و ترضها ليك .. يا تخوي ساحة منشوفكش كضور بيها
اديب ( باستهزاء ) : منيتك كدوي
اركان : مجيتش باش ندابز معاك .. و كون عطاتني فرصة ديك نهار مكنتش غنتردد .. لكن واخا مشيتي مقبلاتش بالعرض ديالي .. و فضلات تعاود حياتها من جديد .. صباح شفت نضرات الحب فعينيها واخا كتحاول متبنش .. هادشي لي خلاني نعاود حساباتي..
هي بنت مزيانة و تستاهل تحب.. ( مدليه ورقة ) هدا رقم طيل ديالها و هنا غتلقا عنوان ديالها فرباط.. و كيفما شفتي ها سوارت طموبيل و ها دعوة الباقي عليك
اديب ( مستغرب ): منين جاوك هاد المعلومات
اركان : راه قتليك كنت حاط عليها العين .. بسيف نعرف كاع اخبارها .. مهم لي عليا درتو ..
فاش تسالي بطومبيل خليلي سوارت فريسيبشن.. كنتمنى تقدر تكسب ثقتها فيك من جديد ..
مشا اركان مخلي اديب مصدوم .. كيفاش الشخص ليكان داير منو اطونسيو نساحب و كيعاونو من الفوق..
غير تحرك اركان دوز طيل لواحد نمرة
اركان :كون هاني كاع لي طلبتي مني نفدتو تقدر ترتاح...
....
اركان : لا كون هاني ماشك فوالو
....
اركان : غير تهنا الكرة فيدو دابا
----
داخل القاعة مخصص لعروض
صوت الجمهور كيغوت و الظلام عام المكان متقدر تشوف والو...فنفس الوقت تعلن بصوت المقدم على اكثر حاجة كانو كتسناها الجمهور
" LADIES and GENTLEMEN please WELCOME to THE stage RİHANNA "
زاد هتاف الجمهور اكثر و تسلط ضو خفيف على المنصة و فنفس الوقت بدا لحن الاغنية
كان ديكور على شكل قلعة كبيرة لي تحلات البوابة ديالها و بانت أمامها المغنية ريانا.....بدات كتغني و فنفس الوقت كتقدم للوسط....الضو مسلط عليها فقط و هي كتغني
تجنبات فالطريق و فنفس الوقت القلعة مبقاتش باينة و بانت احدى العارضات الوسط و ضو قليل مسلط عليها...الارضية كلها مزينة بلي ايفي د الاضواء....
فجأة طفاو جاع الضواو و رجعات العتمة و لكن فالاخير الضو تزاد تمجهد و رجعات المنصة بشكل عادي و تسلط الضو على احدى العارضات لي دخلات بفستان فالابيض لي جهة الصدر على شكل V و مطروز بوريدات و من الجناب شوية شفاف..اما التحت فكان منفوش و طويل فنفس الوقت مع الطرحة..
---
فالكواليس كان غسان و اشراق واقفين مع العارضات.. كيعطيوهوم تعليمات.. حتا جرها غسان لقنت ..
غير دخلو اشراق عينيها لمعو لدرجة ممتيقاش شنو كتشوف ...
اشراق : وااااااااو كتحمق شي حاجة فوق واعرة
غسان: بصح عجباتك
اشراق(قربات كتر ) : بحال شي حلم .. جات حسن ملي كنت متخيلة ....
غسان : هيا مغترضيهاش فوجهي
اشراق : كيفاش
غسان : بغيت منك نتي لي تلبسيها
اشراق ( بتوتر): لا لا منقدرش لا ياك تافقنا لوسي هيا العارضة الاساسية و غتلبسها
غسان: وانا غيرت رأي بغيتك نتي تلبسيها
اشراق : لا لا و الله منقدر عمري جربت و زيد نخاف نطيح و لا منعرفش لا لا منقدرش
غسان : غتقدري زايدون غنكون معاك و فيك ..
اشراق الفكرة كانت ديالك و مكاينش لي غتجي معاه من غيرك .. اصلا قياسك ... اول مرة كنطلبك
اشراق : راه خفت غير نحشمك
غسان : ا لالة غير حشميني ووافقي انا تايق فيك
اشراق ( بفرحة و حماس ) صافي واخا موافقا
----
هبطو لتحت عند مولات الميكاب .. اعتدر غسان من العارضة الأساسية لي تقبلاتها عادي .. دازو لي ميكاب اغتيست كيعاودو ميك اب لاشراق و تسريحة الشعر..
عارضة مور عارضة حتا دازو اغلب العارضات
للحظة طفاو جميع الضواو و كلشي سكت كتسناو.......فجأة رجع تسلط الضو على الدخلة و بانت اشراق و غسان ...
كان غسان شاد ليها فايديها بكل جلتنامية و تقدمو لوسط المنصة باش يعرضو الفستان الرئيسي لي لبسات شراق....الفستان لي كانت كتخايلو و وصفاتو و صممو كيف كان فبالها
فرحتها لا توصف فهد اللحظة
لاغوب كانت مطروزة كلها من الفوق طرزة مغايرة تماما على لي سبق و خاصة..فيها مجهود كبير و عدة تفاصيل...و من جهة الكمام كاينة الطرزة و ثوب شفاف فلون اللحم لاصق عليها و من جهة صدر تا هو...التحت كان كلوش و طويل و كبري مع طرحة طويلة و تاج مزين شعرها...
كانت بحال شي عروس من شي عائلة نبيلة ولا ملكية...فعلا واتاها و النور طاح عليها
اديب كيشوف فيها و مغرم بمنظرها هبلاتو وخا محاملش منظر غسان و كيفاش شاد منها... عصبو و محملش راسو و لكن اين فوا بدات كتشمى و قربو لامام و وضحات صورتها مبقاش العقل كفكر و القلب و العين هوما لي خدامين...
بلا هواها عينيها جاو في عينيه .. كانت بيناتهوم شرارة الحب محاسينش بيها .. لا هو قادر يحيد عينيه و لا هيا قادرا تحيدهوم.. قلوبهوم كضرب لبعضياتهوم.. حاسين براسهوم فعالم اخر مفيقها غير لفلاشات ... دارت لقات غسان ساهي فيها كيشوف فيها باعجاب..
دخلو باقي العارضات معاهوم كل وحدة شادة فالمصمم ديالها و فالمقدمة واقفا اشراق و غسان ..
تسالا العرض و تبدلو الاضواء دخلات المقدمة باش تعلن على نتائج .. غسان حاس بواحد توتر كبير .. اشراق واقفا حداه كتساندو معنويا .. شدات ليه فيديه كديليل انها معاه مسانداه .. شي لداز على عينين اديب و محملوش.. تنهد ب ديق كيفكر فالخطوة لي غيدير ..
خايف من قرارو .. خايف يتصدم.. خايف ترفض .. و بالاخص خايف يندم ..
تطلقات موسيقى بصوت دقات القلب لي زادت من توتر الجو .. تحل الضرف المقفول لي كيعلن على اسم الفائز ..
مقدمة : و الان وصلنا اللقطة الحاسمة .. من يا ترى الفائز بلقب افضل مصمم لعام 2021..
كل من اشراق و الغرام حاسين بثوتر.. بالاخص غسان لي حاس بقلبو غيسكت..
عند اديب كيشوف فيها متوترة كتحاول ضحك مع غسان شاداليه فيدو مسانداه كيبغي طج.. حاس بقلبو ضارو.. ندم على نهار لي جا فيه لهاد الاوطيل و شافها..
مقدمة : تواني معدودة و نعلنو على فائز بالمسابقة
( حلات الجوا و قرات سمية ) الفائز بلقب احسن مصمم لعام 2021 هو المصمم المغربي غسان وهابي صاحب مجموعة eva mode فألف مبروووووك
تصمعو تصفيقات الجمهور و تبدلات الاضاءة توجهات لعندو ..
عند غسان مصدوم كيجيبليه الله غير كيخيل ممتيقش بلي اخيرا الحلم ديالو تحقق .. محس براسو حتا حضناتو اشراق كتباركليه.. بلا شعور هزها كيدور بيها و كلشي كيصور .. لي شوفهوم بجوج يقول كتجمعهوم شي قصة حب كبيرة .. هيا بفستانها اللامع و هو بكستيمو الاسود مشكلين كوبل متناسق بامتياز.. كأنهوم عشاق و اليوم تجمعو فيه ..
اديب مبقاش قاد يشوفها وسط احضان راجل خور .. يلاه جا خارج حاس بقلبو كيضرو.
حتا وقفو اركان
اركان : عادي هادي نتيجة اخطائك.. خاصك تحارب
اديب : نتا مفاهم والو ..
اركان : يمكن انا اكتر واحد فاهم شنو كتحس بيه.. نتا مشيتي و خليتيها شنو كتوقع
اديب ( بعصبية ) : مخليتهاش مشيت نحقق الحلم ديالي
اركان: كان ممكن توضح الامور بيناتكوم قبل متمشي
اديب : انا غادي معارف راسي واش نجح واش لا و نساعدها نخليها معلقا بالاوهام ..
اركان : ماشي ضروري كان خاصك تواعدها ترجع .. مي على الاقل تبين ليها مكانتها عندك
اديب : شنو الفائدة كنت غنتعدب و غنعدبها معاي
اركان : تعدب و هيا عارفة الواقع و لا تعدب و هيا بانيا الاوهام
اديب : مكانش عندي حل خور
اركان ( دار يدو فالجيب ) : عندك دابا بزاف ديال حلول دير لي يريحك
اديب : مغاديش توافق
اركان : جرب
اديب : شنو سبب لي خلاك نتا تنساحب ..
اركان : عاطيك فرصة غير تخسرها غتلقاني كنستاغلها
جا غادي بحالو مزير على يديه ..
مينكرش كانت كتعجبو كان حاط عليها العين .. لكن الواقع كبر منو ..
---
جا داخل مع الاوطيل يلاه جا طالع كتباليه كالسا مكمشا فالارض كتبكي تنهد مشا لعنها.. منوضها من الارض
اركان : نوضي مكاين لاش تبكي
اروى : فضلها عليا شنو لي فيها مفياش
اركان : القلب لي كيختار .. ممكن تكوني حسن منها زوينة عليها مي عينيه و قلبو كيشوفوها غير هيا
اروى (بحقد) : مغنخليهاش تربح بيه
اركان : غير كتعي راسك .. الحب لي بيناتهوم واضح و باين غير الى بغيتي تعاماي
اركان : معندي علاش ندم .. راه قلتهاليك و غنعاودها.. طيش ديالك نتي لي مزال غتندمي عليه
غير خرج اركان بدات كضرب و تهرس قلبات البيت كلو و لاش بحال شي مجنونة
اروى( بغات): علاش تا حد مكيبغيني علااااااااااااااش
عند اشراق جا الوقت لي تهبط باش يستالم غسان الجائزة .. غير دخلات الكواليس طلعات مع دوك درجات حيت خلات حوايها الفوق .. كان حاضيها بعينيه.. تبعها غير بلخف .. يلاه جات تسد الباب لقاتو واقف ..
دفعها غير بشوية و عينيه فعينيها... كيشوف فيها بحب باعجاب سحراتو جات كتفتن.. بحال اميرة القصص .. دخل و سد الباب .. كيشوف فعينيها بكل اعجاب و حب
اشراق (بتوتر ): شنو كدير هنا الحفل راه التحت
اديب ( بحب ) :جيتي زوينة بزاف
اشراق (متجاهلة كلامو ) : ممكن تخرج نبدل حوايجي
قرب منها اديب حاس بتوتر ديالها واخا كتحاول تخبيه ..
اشراق ( كتحاول ترجع لور و الكسوة ممسعداهاش ) : اديب بعد شنو كدير
قرب منها كتر .. شدها من خصرها حاس برجفة ديالها ..
دوا بصوت مهموس: عندك 5 دقايق بدلي حوايجك باش نخرجو
اشراق ( باستغراب ) : أ أديب واش نقيلو كنعاودو فالهضرة راه و الله حتى عيت رحمني خليني على راحتي
اشراق ( بغا تفك ) : شوف انا و غسان غنمشيو نحتافلو اصلا عارض عليا لعشا مجاتش نقوليه لا ... غدا قبل منخرجو كنواعدك غادي نجي و نهضرو واخا راه مبقا بيناتنا فاش نهضرو
اديب كلمة غنمشيو نتعشاو و غنخرجو كتعاود عندو مبغيش يتعصب عليها واخا راه هضرتها كدبحو من الداخل
اديب (بلا مبالاة ) : بقاتلك 3 دقايق..
تنهدات عرفاتو لصق مغيتهنا حتا يهضر معاها و خا هيا براسها معرفاش لاش باغي يهضرو و هو كاع لي عندو قالو و لي بقا كملو صاحبو... تنهدات كحزات لجنب كتحاول تحل سنسلة ديال كسوة بقات كتعافر باش توصليها.. حتا قفزها بيدو لي حطها على كتفها.. كتحس بيها كتحرق البشرة ديالها.. رغما انها كانت باردة ..
عند اديب كان كالس كيشوفها تقنتات كتعافر مع الكسوة .. محس براسو حتا وصل عندها كيحل ليها الكسوة حاس بالرجفة ديالها.. غير سالا باس كتفها شي لي خلاها تقفز.. كحزات القدام مبعدا منو .. رجع لبلاصتو حاضيها.. كيتفادا يشوف لجيهتها..
غير حس بيها سلات دار لعندها شافها ردات نفس الكسوة باش جات .. زفر بتعب
اديب : معندكش شي حاجة خرى متلبسي
اشراق : على مالو لباسي
اديب: مملوش صاف .. اجي معاي ( مد ليها يدو )
اشراق : غير خلينا نهضرو هنا معندنا فين نمشيو
اديب ( بتعب ) : اشراق و الله حتى عيان اجي نهضرو كيف ناس
عثمان : يا يدير ليك العرس كيف ناس يا يجي يسكن معاك هنا
نجمة : عثماااان
مروة ( كتسايس ):ا بابا راه انا لي مبغيتش العرس ماشي هو
عثمان : ايوا اجيو سكنو معانا هنا (كيتبوحط) انا و ماماك كبرنا .. غدا بعد غدا نمرضو ملقاو لي يجيب لينا حتا كاس دلما .. ترضايها لباباك ابنتي .. نموت و متكونيش حداي
مروة : لاباس عليك ا بابا متقولش هكا
عصام(معصب ) : بهاد لفقايس انا لي غنموت قبل الوقت
نجمة : عثمان خلي دراري براحتهوم
عصام : اعمي راه ميصلاحش غلى ود الخدمة (كيخنزر فمروة)ياك ا مروة
مروة : اه ا بابا راه من هنا بعيدة و غنوحلو فسيركيلاسيو ميصلاحش و الله
عثمان:ياك ا بنتي سخيتي بواليديك صافي جا و بدلك علينا ..
عصام ( مرضو بهضرتو ) :مروة انا غنطلع نهز حوايجي
سالي و تبعيني راه مشا الحال
عثمان ( شافو طلع مصوقلوش) :شتي شتي ممصوابش ممربيش نهط فينا و زاد
نجمة : وراه يمكن مشغول
مروة ( مابيدها لباها و لا لعصام ): ابابا راه ميصلاحش
شوف كل ويكاند غنبقا نجيو عندكوم
عصام جا مع ديك الهضرة تاليا .. تعصب حيت كتعطي و عود بلا متشاورو
عصام ( بعصبية ):مروة انا فطوموبيل عمي عثمان خليتليك راحة .. لالة نجمة شكرا على كلشي
عثمان : شلاهبي لاخور الله يخليه بلخلى غير قوليلي
شنو عجبك فيه لا زين لا فصالة كي صندالة يخ تفو
مروة : بابا حشومة كيبقا راجلي
عثمان : حيد حيد عليا حتا هادا ناس يقولو عليه راجلي
نجمة : مروة نوض ابنتي متخليهش كيساين ..
ناضت مروة سلمات على باها و ماها و خرجات مور مهزات حوايجها .. غير طلعات بانليها عاقد 111 كاعي تقيص فيه يطرطق
عند عصام غير شافها طلعات كسيرا كاعي حاس هاد اليوماين دازت فالجحيم ..
مروة : عصام نتا عارف بابا كيف داير متديش على هضرتو
عصام : باك مراهش صغير ا مروة ماشي تعامل و هضرة هاديك
مروة : وراه كيبقا بابا شنو بغيتيني ندير
عصام : معامن شورتي حتى تعطي وعود واش انا كل ويكاند غنبقا غادي عند باك مرتاح منسافر.. الكوا هو تالي محرمو عليا
مروة : وا عصام شنو بغيتيني ندير راك شتيه كيف غضب
عصام : وراه شوية ماشي هو عاش حياتو يجي ينكدها عليا انا ..
مروة : وراه يوماين مدات مجابت
عصام : ا لالة راك مبقيتيش دراسك .. الى نتي ديك اليوماين عندك عادي انا لا .. انا راهوحسيت براسي غنطرطق واش باك منيتو كيدق علينا فليل و مصبح علينا على صباح .. بلا منهضر على حشيان الهضرة لي كل شوية كيلوحو.. راه بزاف غنصبر على وجهك مي يجي نهار لي منعقلش على راسي.. اللهم تيقار حسن .. بغيتي داركوم سيريلاك فاش منكونش المباتا ممنوع سدينا
مروة معجبهاش الحال طريقة باش دوا على باها مشعرات حتا طلقات الهضرة
مروة : اصلا اش عرفك نتا فشعور العائلة .. كون كانو والديك كون هزيتي هبالهوم...و صابر و حيت واليديا جالس كتجبد عليا و تنكر.....كون كنتي عارف و مجرب باش كنحس فاش كنكون معاهم مكنتيش اتقول هد الهضرة...و لكن نسيت مكبرتيش وسطهم باش تفهمني.. شتي كون كنتي عارف معنى لمة العائلة كاع متقول ديك الهضرة ساعة نسيت فاقد الشيء لا يعطيه .. شغانتنا من واحد مكابرش فوسط واليديه..
نزلات كترجف و تبكي ندمات على قلة عقلها و لسانها لي محكماتوش
عند اديب و اشراق
غير وصلو داز اديب كيضحك حل لباب .. دخل كيقلب شعل ضو عاد دخلات
اديب ( كيطنز) :كنت كنقول غا تكوني هربتي
اشراق : بايخ.. اشوف قولي شباغي تقول و رضني بحالي .. راه تابعاني شلا شغال
دخل اديب كيشوف مع شوميني .. لقا لحطب محطوط شعلو حيت ديك بلاصة مع ليل تهز فيها البرد ..
مشا هز مانطة صغيرة كانتو محطوطة حطهاليها على كتافها
عند اشراق ملي كلسات و هيا حضياه.. الكوخ كان صغير كلو بلخشب..فيه صالون بلي فوطوي .. و بيت صغير .. و كوزينة مفتوحة.. شافتو قرب دار عليها مانطة .. و جر كرسي كلس اونفاص معاها
اديب : كنسمعك
اشراق : منيتك راه نتا لي جايبني لهنا..
اديب : قولي بعدا شنو ضارك فخاطر .. باش نحطو النقط على الحروف ..
اشراق ( بابتسامة كتخفي بيها الجراح ) : تيقني الى قتليك مبقا ضارني والو بكترت ما تولفت على الالم
اديب : خليني نداوي هاد الجروح لي عندك
شافت فيه : واش قدرت تمحي اثار لحراق لي فداتك.. لا و هكاك جراحي انا واخا يبراو غيبقا ديما الاثار ديالهوم
اديب: شنو لي خلاك تبدلي ماشي هادي هيا اشراق لي عرفت
اشراق: زمان لي كيبدل .. ياك بيدك قلتيلي نسايني و عيشي حياتك .. و بدليها علاش دابا كتحاسبني حيت تبدلت
اشراق: حتا انا قلبي ضرني واحد الوقت .. حتا انا حسيت بيه كيتحرق.. فين كنتي ديك ساعة .. مشيتي ختاريتي حياتك و بنيتيها مع وحدا خرى (باعتاب )..واش فكرتيلي.. واش سولتي فيا ... واش جيت لبالك .. حتا انا دابا مبقاش كيهمني.. قلبي مات مبقيت كنحس بوالو
اديب : غير كتهضري تعياي تنكري قلبك باقي كيضرب بسميتي.. تعياي تخبي نتي باقا كتبغيني
وقفات اشراق لاحت ديك الكاشة : غير قولي شنو غيتبغا فيك .. واش نبغيك حيت ضمرتيلي حياتي و لا نبغيك حيت كنت مجرد شهوة فحياتك ولا نبغيك حيت مشيتي بلا متسول فيا و لا نبغيك حيت بسبابك خويت لمدينة و لا نبغيك حيت صاحبك جفف بيا الارض و لا نبغيك حيت فضلتي تبعد و تدي معاك و حدا خرى غير قولي بضبط علاش غنبغيك
اديب ( كلمة صاحبك كضور فدماغو.. وقف شدها من يديها ) : كيفاش صاحبي .. و شكون هادا لي دوا معاك ...
اشراق: بلا مدير مفراسك ميتعاود .. غير تهنا الى غير نتا صفحتك شديتها و حرقتها..
اديب ( كتعصبو فاش مكتجاوبوش.. كرز على سنانو و دوا ) : اشراق متمرضينيش شكون صاحبي ..
اشراق ( تنترات منو ) : الى كدير هكا بلعاني باش نولي تبعاك و تبان ضحية غير بلا متعدب راسك ..
اديب ( غوت حتا قفزها) : اششششرااااق لاخر مرة غنسولك شكون صاحبي لي دوا معاك ..
اشراق ( بجنون ): عصااااااااام شكون مغيرو... بسبابو خليت داري و بدلت لمدينة .. بسبابك سمعتني لي ميتسمع.. مراعاش لنفسيتي.. مخلا مقالي ... حتا من حشيان لهضرة سمعتو .. مالي على حالتي لي جا يمسح فيا رجليه مالي معندي كرامة و لا حيت لقيتوني بوحدي قلتو معندها عائلة .. معندها سند ... شتي انا سندي هو الله و الحمدالله عوضني على كلشي و هو الوحيد شافي لجراح .. ( وقفات كتنهش.. )
اشراق: وراه دارها .. على شكون لاقاني بغسان .. راه صاحبو ..و هو لي ضبر ليا على الخدمة و حتا من دار هو لي لقاها .. مي عرفتي و الله حتا احسن حاجة دار .. على الاقل تعرفت على ناس كيقدروني و عارفين قمتي .. اصلا طول عمري كنت بحدي و غنبقا بوحدي و ممحتاجة لحتى حد يكون معاي
اديب بقا مصدوم غادي جاي فبلاصتو مقادر يتيق ..
اديب : انا ديما معاك .. انا راه وصيتو يقلب عليك .. شحال حاولت نوصل ليك .. من نمرتك طلبتهالو .. علاش ا عصام علاش .. دفع واحد كرسي برجلو حتى طاح
اشراق : عمرك كنتي معاي .. فالوقت لي حتاجيتك فيه نتا مشيتي مراعيتيش .. مشيتي بلا متفكر فيا
اديب ( قرب منها ) : واخا مشيت عقلي بقا هنا.. كنت كل نهار كنفكر فيك .. مكنتش بغيت نبقا هنا نضيع الحلم ديالي.. باش غنفعك ديك ساعة .. مشيت و عقلي و روحي كولها معاك هنا
اشراق: عليها مشيتي و ديتيها معاك ( بدات كضرب فصدرو) بودني سمعتكوم عايشين الحياة .. كتوجدليك لعشا .. بودني أ أديب .. غير قولي دابا لاش راجع .. شنو باغي من عندي .. شنو ... ياك ختاريتي طريقك .. علاش حتا رتبت حياتي عاد بنتي فيها .. علاش حتا بنيت طريقي .. عاد جاي تهدملي كلشي .. كتشوف فيه .. انا و ياك سالينا .. ( ضحكات بمرار ) اصلا عمرنا بدينا ..
وقفات جامدة فبلاصتها قلبها كيضرب بجهد .. جمعات نفس و دارت لعندو
اديب ( بصعوبة باش كيهضر ) : الى سمعتيها شنو غيتغير ؟
اشراق( حاسة بقلبها غيسكت) ربما مغيغير والو .. و لكن مغيخليني نخسر والو فنفس الوقت
اديب حاس براسو مقادرش يهضر بحالي الحروف كيهربوليه.. كيضغط على راسو باش ينطق .. جاتو صعيبة يهضر
اشراق كتشوفو كيتقاتل .. باينا غير من تعابير وجهو بحال لي عندو شي حرب فداخل ديالو
اشراق( كتشوف فعينيه) : شنو باغي مني أ أديب شنو ؟
اديب (مقادرش يشوف فيها و هو كيهضر ضاغط على الحروف ) : انا كنبغيك .. هادشي لي كاين .. فهمتي دابا
اشراق كلمة كنبغيك كتعاود فودنها مزال مستوعبتهاش... متوقعاتش بمرة يجي شي نهار و يعترف ليها .... محسات براسها حتا جرها كيبوسها قبلة حنينة كيعبر بيها على المشاعر ديالو ... قبلة لي كترجم كاع الاحاسيس لي كيحسها و صراعات الداخلية و الحرب لي واقعا مبين قلبو و عقلو ...
خرجات بلا متسناها تجاوبها ... هابطة كاطير فدروج غير قربات لباب وقفات كتنهش .. قادات سيغفيط لي كانت لابسة .. طلقات شعرها .. و خرجات حاسة بالخلعة بحالي اول مرة غتشوفو..
عند عصام.. كان كالس كيشوف فتصاورو هو و مروة .. حتى دقات فالزاج تنهد .. سكت طيل و لاحو لور .. و حل ليها الباب ..
غير طلعات مشافش كاع فيها .. قلع غادي ساكت ..
كوثر استغربات منو معيط عليها .. مسلم مشاف فجيهتها..
شافتو شاد طريق لبحر .. مدوات متكلمات..
كتسناه يهضر .. الجو كان مكهرب اول مرة كتشوفو كاعي و مخنزر.. مفهماتش مالو ... مقدراتش حتى تسولو.. جاتها واحد الهبة فشكل .. يلاه جا تنطق شافتو داخل من واحد طريق .. محبس حتى وصل حدا واحد جرف ...
بقا كيشوف لمواج كيضربو فالصخر و البحر هايج ..فتالي هبط بلا ميدوي ... مشا كلس قدام البحر .. كيشوف البحر هايج بحالي كيترجم كاع ديكشي لي حاس بيه عصام ..
تنهدات كوثر و نزلات تبعاتو .. كلسات حداه .. غير كلسات دار كيشوف فيها ..
عصام ( بالم ) :كوثر فينهوم والديك ..
كوثر ( قلبها بدا كيضرب عقلها مشا بعيد ) : كبرت غير مع مرت با .. مي ماتت مور مولداتني و با مات و انا فعمري 6 سنين .. بقيت مع مرت با حتى درت 15 عام و ماتت ... علاش (قلبها كيضرب )
عصام(بحرقة) : حتى انا يتيم بحالك ... حتى انا تحرمت من عائلة .. حتى انا عشت كنشوف دراري صغار مع والديهوم و انا بوحدي .. حتى انا كان كيجي عيد الام و كنت كنكتب رسالة لماما و كنتمنى يجي نهار لي ترجع فيه .. انا هو لي كبرت كنتمنى كون كانو عندي عمامي و خوالي ... كون كانت عندي عائلة ...
. كون نرجع و لقا والديا كيساينوني .. انا لي كنت نمرض و نتمنى غير لي يطبطب عليا .. كنت صغير كنت نخاف من ضلام مكنتش لقا لي تحضني و تقولي انا معاك اولدي .. مكنت نلقا لا لي يحن فيا و لا لي يحس بيا .. وليت يتيم بين ليلة و نهار .. ملقيتش لمن نشكي هاد دمار و لي يسمعني و يحس بيا راه تحت لقبر ...
مختاريتش نكون يتيم .. كبرت و انا صامد و على فارق اهلي صابر ... كبرت عايش الحياة لي يشوفني ضاحك يقول سعداتو عايش الحياة .. و انا مكرهتش تكون عندي عائلة .. مكرهتش نعطي كاع لي عندي غير يرجعو والديا..
كوثر ( عز عليها ) : متقولش هكا .. مزال ربي يعوضك.. انا حاسة بيك .. ميحس باليتيم غير يتيم بحالو .. حتا انا مكرهتش كون كبرت وسط مي و با مكرهتش كون قريت و كبرت وسط عائلة .. كون عرفت معنى الحنان .. معنى تكون عندك لي يبغيك بلا مقابل .. لي يعطي من لحمو غير باش يشوفك فرحان .. لي يفضلك على نفسو ... لي يراعي ليك و يحس بيك .. لي يتعدب هو و ميشوفك كتعدب .. لي يفهمك بلا متهضر ... لي نهار تعطل عليه يحس براسو مخنوق .. باغي غير يشوفك ..
( تنهدات ) حنا تحرمنا من والدينا تيتمنا و المجتمع مرحمنا ..ديما كنشوفو نضرة المجتمع لي كدبح قلوبنا .. ديما كنسمعو بعد منو هداك غير يتيم ... يعلم الله شكون ولدو .. هداك غير منحوس قتل ماه و هي كتولدو .. هداك غير ملقط .. . ديما كانو يتهكمو علينا ..و ينعتو فينا ..ديما يقللو منا و ميعطيونا قيمة .. علاش حيت حنا تحرمنا من وليدينا .. تحرمنا من سند.. حيت ماشي حنا لي ختارينا هاد الحياة ( تنهدات ) لكن الحمدالله ربي كيعوضنا و حتا نتا ربي عطاك عائلة .. و عطاك اخ بحال اديب و مزال انشاء الله دير عائلتك و دير ولادك و تعوض كاع هاد الحرمان لي عشتيه و ينسيك كاع هاد المعانات لي كتحس بيها ..
عصام : هادشي لي كنت كنتوقع .. كنت كنقول الى تزوجت غنعوض كلشي .. كنت كنقول الى بنيت عائلة غنعرف معنى الحنان .. غنعيش لي معشتوش .. كنت كنقول مرتي غتكون بنفس حنان مي .. غتعوضني على
الحرمان لي حاس بيه .. غتكون مرتي و صاحبتي و ختي و مي غتكون عائلتي .. غتكون سندي .. ( ضحك بألم ) ساعة صدقات هيا لي كبات الملح على جرح .. بلاصة متحس بيا و تراعي ليا صدقات مكملة عليا .. لكن نعدرها (ضحك بالم ) يمكن حتا انا كون كبرت وسط عائلة مكنتش نرضا لي يدوي فبا لي يكعا و يعقب على تصرفاتو ...
كوثر ضهشرها مفهماتش كاع علاش كيدوي : متقولش هكا بالعكس نهار تزوج غتعوض كاع ديشي لي فتاقدتيه خاصك غير تختار الشخص لي يبغيك و يحس بيك و يحن علي
عصام: راه هادشي لي حرقني .. تزوجت باش نعيش لي تحرمت بيه .. تزوجت باش نعوض كاع لي فقدتو.. صدقات هيا اكثر وحدة جرحاتني بهضرتها..
عصام : مكيهمش امتى .. مهم تزوجت و مرتي ياحصرا لي تحس بيا .. (تنهد) صافي نساي يلاه نرجعو ..
كوثر الهضرة تسرطات ليها مقدراتش تزيد حتا حرف ..
كيفاش تزوج و شكون هادي .. و علاش جا العندها ..
كوثر : شكون هادي واش كنعرفوها
عصام : يلاه مشا الحال خاصني نرجع ..
كوثر (بحرقة ) : علاش جيتي عندي
عصام : كنت محتاج معامن ندوي كنت باغي لي يسمعني يحس بمعاناتي .. يكون عايش نفس ضروفي
كوثر : يعني كنتي عارف معنديش عائلة ... جيتي غير تخوي قلبك ..
عصام : وي كنت عارف .. كنت سولت عليك .. مهم نساي..
---
ركب عصام مخليها مصدومة و هيا لي كانت كتسناه يعتاذر منها و جا باش يفتحو صفحة جديدة .. عقلها مشا بعيد فاش سولها على والديها... قالت هادا باغي يتعرف عليها.. مهم اخر حاجة كانت توقع هيا يكون تزوج و جا يشكي عليها..
تنهدات كتحاول تقوي راسها و متبنش .. مشات ركبات بلا مدوي كل واحد فيهوم ساهي .. كل واحد و همو و الجرح لي حاس بيه .. عصام قلبو ضارو المرا لي بغا جرحاتو و كوثر الرجل لي بغات و كان كيعجبها تزوج ... و حطم احلامها ...
غير وصل حبس كيتسناها تهبط .. غير شافتو وقف تسناتو يقول شي حاجة .. ساعة مخسر عليها حتى كلمة
كوثر ( كتقصح قلبها) : مبروك عليك ..
مشات بلا متسناه يجاوبها ..
كوثر وحدة من البنات لي كيعانيو ا لام القلب.. .. شحال من وحدة بناات اوهام باش فالاخير كتصدم شحال من وحدة حلمات و جات غيرها و حلقات.. شحال من وحدة قالت هادا مكتوبي و من غيرو ماندي و كان للمكتوب هضرة خرى .. شحال من واحد واعد وحدة و فالاخير خلف و خلاها موراه كتعاني.. الحب صعيب باللخص فاش كنبغيو الشخص الغلط .. كوثر إعجابها بيه مكانش عادي معرفات راسها ايمتى تسلل الحب لقلبها .. امتى و لات كتفكر فيه و كتبني اوهام من فراغ ..
اصعب حاجة يكون باقي عندك امل فشي شخص وخا نتي عرفا بلي مغايكونش ليك وفلحظة كايتقلب كولشي و كايجيك خبار لي كيهرس قلبك ... داك شخص لي كنتي كاتبغي وكاتموتي عليه وكاتحلمي بيه ليل ونهار صافي مشا مابقاش خداتو وحدا اخرى بمعنى اخر ختار وحدا اخرى ... و فضلها عليك .. احساس لي صعيب و صعيب بزاف ... ميحس بيه غير لي مجربو.. لي داق مرورة ديالو.. كتحس براسك مخنوق قلبك مقبوط عليك البكية تتعصر ليك فنيفك.. قلبك كيتعصر.. تيبان ليك كولشي كحل قدامك..
تتمل من كولشي متتبقاش قادر تضحك مازال كاتولي تحس براسك كتغوت من داخل مكتكرهش بنادم يغبر من قدامك قلبك صافي تحطم المشكلة الكبيرة هي انك مكتلقا حتى شي حد يفهمك تتبان ليهم غير كتزيد فيه وكتصنع. هاد الشعور مايفهمون.. كتعيا تحاول تشرح ليهم داكشي لي تتحس بيه تيجيهم تافه وتخربيق... ولكن لا هادشي كيضمرك من الداخل بالاخص فاش كتكون گالس معا ناس وصحابك تتضحك ولكن تتبكي من داخل ديالك.. باش متشوفش نضرات الشفقة و لا الاستهزاء فعينيهوم
شهوة ملاكم الجزء 13
محتوى القصة
التنقل بين الأجزاء