شهوة ملاكم الجزء 16

حسام (تالف ): مااالكي دوي ..

ياسمين: مقادراشش......تيليفون...جبد...جيبي...معتز

(كتنعتليه بعينيها لجيبها )

فهمها و خشا ايدو فجيب كيقلب على تيليفون....جبدو دغي و لقاه طافي شعلو ا و شد صبعها حلو بالبصمة

لقا عرام ديال لي ابيل ديجا من معتز رجع صوناليه فلبلاصة ..

معتز: الو ياسميننن فينكك

حسام: جي لدرب**** اتلاقاها تما ( و قطع)

ياسمين بداو عينيها كتقلبو تخلع من منظرها و لاح التليفون حداها و قال: سمحي ليا و لكن منقدرش نبقا معاك .. منقدرش نغامر براسي ..

رجع زوج خطوات لور كيشوف فيها كتلوى بلوجع .. عيا يشوف فلخر مشا هربان كجري خايف على راسو

مدة قليلة حتا تسمعو صوت الروايض تحكو مع الارض و هبط كجري من الطموبيل كيقلب عليها...

غير شافها و ممتيقش عينو.. كانت مليوحة فالارض ..

مشا كيجري عندها.. و هو يتصعق بمنضرها..

---

عند اشراق .. دوخاتها ريحت الشيشة و الكارو.. دنيا عمرات بزاف و راسها غيتشق بصداع.. طلب ليها غسان كوكطيل خالي من الكحول .. محاملاش الجو .. حاسة براسها مخنوقة..

ناضو لبنات و دراري كيشطحو عياو فاشراق تنوض معاهوم مبغاتش بحجة مقدراش و راسها كيضرها ..

البنت ١ : شحال مغفرة منين جات و هي دافعة كبير

البنت ٢ : وبسيف سيدة جايا مع غسان كامل و ميعجبهاش راسها

البنت ٣ : نحلف عليها بلي بيناتهوم شي حاجة .. من قبيلة و هو غير حاضيها بعينيه ..

البنت ١ : كنكره بحال هاد نوع دايرا فيها شفيفة عفيفة كتشوف فينا و طلع و تهبط

البنت ٢ : جيناها ماشي من مستواها

البنت 1 : بحال هاد نوع تقحبين عندهوم فدم

البنت ٣ : شفتيها فاش سولناها على سميتها جاوبات بسيف

البنت ١ : حاسبا راسها معرفت شكون هيا ملي دخلات و هي تقلب فعينيها تقولي كالسا على شوك

البنت 2 : شوفو هاهيا ناضت كتبعكك

البنت 1 :بانتلي غادا لطواليط

البنت ٣ : شبالكوم نزينو السهرة حشومة دوز باردة

البنت ٢: اخطينا شباغا ديري

البنت ١ :اجي لهنا مخاصنا صداع نصدق تاني فشي كارثة

تحركات البنت متجاهلة عياط صاحباتها... غير وصلات حدى بلاصة اشراق دارت راسها تعكلات و لاحت بالخف ربع حبة من انواع المهلوسات فكوكطيل اشراق مور مقسماتها .. بلا متبين .. غير كلسات غمزات لبنات بلخف..

---

عند اشراق ناضت لطواليت ..قلبها كيضرب مخلوعة غير بوحدها .. عيات تبرد عنقها بالما الا توتر مخليها تحس بصهدة طالعة معاها .. رجعات بلاصتها لقات غسان سالا مع صحابو و جا كلس حداها

غسان :سمحيلي تعطلت عليك تلاقيت دراري و استغليت الفرصة مع شحال مشفتهوم

اشراق ( بضحكة صفرة ) :ماشي مشكيل الا ساليتي نتمشيو

غسان : عاد جينا ا اشراق .. دار شاف فطبلة حتى من كوكتيل ديالك مشربتيه.. باقي متعشينا .. سهرة عاد بدات .. شوفي غيبدا عرض ديال راقصات العمود ... خلينا نشطو شوية

سكتات اشراق .. تنهدات باغا غير ايمتى ترجع فحالها .. كتحس بحال الخنقة عندها فسدرها .. هبطات على الكوكتيل دقة وحدة لعلى يبرد عليها ..

دورات اشراق عينيها لبلاصة المخصصة لرقص على العمود بقاو عينيها كيلمعو .. من صغرها كتحماق على هاد نوع ديال الرقص ... كانت ديما كتفرج فيهوم ... كتعقل واحد المرا كانت صغيرة و تعلقات فسارية باش دير بحالهوم و كانت طاحت تهرسات .. ضحكات على راسها.. و برائتها فديك الوقت ...

---

قدام نايت كلوب غير تبعهوم كان غيهبط و شدو طيل بالهضرة اضطر يتعطل و يكتب ايميل يقاد الشي لي طلبو منو ..

حاس براسو معصب محملش يطلعليه هاد لبلان دابا .. غير سالا نزل عاقدهوم ..

دخل كيقلب بعينيه حتى كيتسعق من المنضر لي قدامو... حاس براسو الدم جمد فعروقو ممتيقش عينيه .. ممتيقش شي لي كيشوف .. اكيد كيحلم .. اكيد ميمكنش يكون هادشي حقيقة ..

---

عند اشراق حاسة براسها طايرا فسما ضحكتها كتسمع لدرجة غسان شك واش شربات شي حاجة ..يلاه جا يسولها صوناليه الطيل ناض بدل البلاصة باش يقدر يجاوب

... غير تحرك ناضو البنات كيشطحو جروها معاهوم تشطح .. ترفعات و العقل الغاب .. حاسة بالقلب ديالها كيضرب بوتيرة سريعة .. واحد الجهد و النشوة عمرها حسات بيهوم .. بلا شعور محسات براسها حتا طلعات فواحد العمود كتشطح مراهاش فهاد العالم .. عنكشاتها الكسوة واخا هكاك مسوقاتش طلعاتها حتى بان سليب .. كتحل رجليها و تسدهوم مع إيقاع الموسيقى كلشي حال فيها فمو ... معلقة برجل وحدة و كضور طالقا يدها كضحك بجهد ...

عينيه مفيكسين عليها وجهو حمار و العروقة ديدو بانو بالاعصاب .. حاس براسو غيطرطق.. كيترعد غير بوحدو .. رجليه تنملو..محس براسو غير قالب طبالي لي حداه داخل كيضرب فالبشار مع حبسات الموسيقى مع تسمعات غوتا هزات الديسكو كامل

أديب : إشراااااااااااااق

اشراق عقلها مرفوع لكن غير سمعات سميتها حسات بسخونية طلعات معاها .. هبطات بالعرض البطيء .. غير ضارت حسات براسها مجرورة من شعرها كيجندخ فيها ...

اديب الدم حامي فيه .. ممكن يتقبل كلشي منها الا الكدوب كيفاش غيرجع يأمن ليها .. كيفاش غيرجع يتيق فيها.. كيفاش وحدة باغيها لدارو و مت ولادو جايا فنصاصات ليل مع واحد خور .. و فين لديسكو و كادبا عليه من الفوق..

اشراق محساش بشنو واقع .. كتحس بالجلدة ديال شعرها كتجر .. تبعاه كتعكل فطالو ..

عند غسان غير رجع قشع اديب جارها من شعرها تعرض ليه فالباب

غسان :طلق من البنت .. شهاد الهماج ..

باقي مكملهاش نزل عليه بالبونية لوجه مخلاش فيه ..

قشعوه صحاب غسان جاو بغاو يتعاونو عليه .. غافلين على انو اديب راه بطل فالملاكمة ... ترونات القضية تدخلو لي كارد فارقوهوم

اديب( صاعر) : بربي و نعاود نلقا الzامل بوك كضور بيها حتى نخلي دار بوك ..

جرها مزير على يدها خارج كيسب و يرعرع مخلاش من جهدو .. عرف بلي مراهاش فوعيها غير من ضحك لي كضحك مراهاش فهاد العالم ..زاد تغدد عليها كيحاول يبرد راسو باش ميمدش يدو عليها...

اشراق موعياش بشنو واقع هضرتو مكتستوعبهاش كضحك غير بوحدها و دخل و تخرج فالهضرة .. كيبالها كلشي فشكل مبوقة غير بوحدها..

عند اديب غير خرجو.. يلاه وقف باش يفتح باب طوموبيل و دخلها حتى كيحس بالتريكو ديالو فزكز و كيحس بديكشي كيهبط مع ضهرو .. غير ضور عينو شافها تقيات عليه .. زاد كفر كيشوفها كتقيا و غير كتحبس كتشوف فيه و ضحك زادت صعراتو...

اديب : ينعل zaمل بوك ا ال79بة بقالك غير ديسكو و تقرقيب اليوم ميفكك مني فكاك

شدها جامعليها شعرها مخليها كتقيا .. حلف حتى يندمها على نهار لي خرجات فيه و كدبات عليه

غير سالات مخلاهاش حتى تغسل حالتها .. جرها كارز عليها فتح طوموبيل.. لاحها فيها .. داز حيد تيشورتو لاحو عليها

اديب (كيهضر مغدد) : شدي مسحي بربي مندوزهاليك ا

اشراق بربي غير تصحاي و نتفاهمو .. الا مندمتكش و عاودت ليك ترابي مسميتيش أديب..

اشراق كتشوف فيه ببلاهة طالعالها تبويقة ..

كضحك مراهاش فهاد العالم... طلعاتلها تنغيمة عليه

عند معتز .. بقا واقف جامد .. حتى توكد فاش شافها كتقيا بحال رغوة كتخرج ليها من فمها... يديه بردو تالف معارف ميدير ..

غير توكض عيط الاسعاف عطاهوم لعنوان.. طار هاز ليها راسها كيحاول يخليها تنفس مزيان

معتز ( بخوف دموع تجمعوليه فعينيه) : علاش ا ياسمين علاش .. الحاجة الوحيدة لي كانت مفرحاني مقدرتيش تحافضي عليها .. مطلبتش منك شي حاجة كبيرة ..

ياسمين (بصعوبة كدوي حاسة بلحريق كيقطعها فكرشها) : س..م..حليا انا .. اديتك بزاف .. سمحليا حيت مقدرتش نكون زوجة و ام ..

معتز( دموع فعينيه.. كيشوف دم هابط مع رجليها ) : علاش ا ياسمين علاش .. بغيتي تعاقبيني بنتي لهاد درجة كرهتني

ياسمين : .. بغيتك تسمح ليا .. انا غلطت فحقك م..ع..تز حاسة براسي غنموت سمحليا عافاك( كتبكي )

معتز( دموع فعينيه) : لا لا نتي و بنتي مغتموتوش ميمكنش تموتو غير رتاحي دابا وهوما وصلو.. بنتنا مغيوقع ليها مالو

ياسمين : كنت خايفة تكون عندي بنت .. كنت خايفة تولي بحالي .. كنت خايفة تخرج كتشبهلي.. كنت خايفة عليها من هاد دنيا لي مكترحمش .. انا ماشي خايبة .. زمان رضني خايبة.. انا لي فين صغيرة كان كيتحرش بيا با .. انا لي كان كيبيعني لرجال .. كيفاش غنتيق فرجال .. كيفاش نأمن على بنتي ..

معتز : نساي ياك كنا تافقتا نساو هادشي ياك وعدتيني غتبدلي ..

ياسمين(كدوي بصعوبة) : معتز بغيت منك طلب سماحة من اديب انا اديتو بزاف .. كنت كنبغيه بزاف .. نتا عارف مزيان انا وياك ضحينا باش هو يعيش مزيان .. لكن انا خليتو يكرهك .. كنت كنخطط مور ضهرك ..

معتز (مغمض عينيه ) : رتاحي دابا متبقايش كتهضري خلي جهد عندك ..

ياسمين ( كتقطع بلحريق ) : انا لي كنت صيفطت الصحافة باش يشوهوه و خلصتهوم بكارط ديالك باش الى بحتو يعرفوك نتا .. و انا لي كنت كنخلق ليه مشاكيل معاك ... و انا لي بغيت نشوهو.. و بسبابي عرفوه كيلعب فدوك الكومبات... و كنت نتحرش بيه و نقوليك هو لي تحرش بيا...(كتكح حتى كتخرج بحال رغوة من فمها)

معتز (كارز على عينيه محاملش يسمع هاد الهضرة ) : صافي الله يخليك رتاحي مضغطيش على راسك غير رتاحي دابا .. مغيوقعلك والو ..( خانوه دموعو) كنواعدك نتي و بنتي مغيوقعلكوم والو.. كلشي غيتقاد غير صبري ..

ياسمين (كتهضر و تنهد و تبكي بلحريق ) : اناااا عمري بغيتك .. كنت كنبغيه .. بابا حرمني منو .. كان باغيك نتا .. مكنتش عارفا علاش حتى لمنبعد عاد عرفت شنو سر لي مخبين (كتشهق ) بزز عليا نتزوج بيك و لا يفضحني معاه .. انا ماشي خايبة هو سبب هو لي ردني هكا...

معتز ( دموع فعينيه حط يدو على كرشها ): كنرغبك متهضريش وفري الطاقة ديالك شوية و جيو مزال وقت الهضرة ..

ياك ابنتي نتي مغيوقعلك والو .. نتي غتصبري و تشبتي بالحياة على قبل باباك.. باباك لي كيبغيك و كيتسنى غير امتى تجي ( دار كيشوف الاسعاف تعطلو ) (كيغوت) علاااااااش تعطلو علااااش

ياسمين(اول مرة كتشوف ضعف فعينيه و دموع كيهبطو) : معتز متبكيش دموعك كيحرقوني..

( كتحس براسها جهد تقادا و باغا تعتارف ليه قبل متموت)

ياسمين : م..عتز اناااا كدبت عليك (كتشهق) ( بسيف باش كتخرج الهضرة ) متبكيش ا معتز سمحليا ... البنت ماشي بنتك .. ماشي بنتك لمعتز.. سم..ح..ليا

معتز غير سمع هضرتها جمد بلاصتو كيفاش ماشي بنتو .. كيفاش .. عقلو مقادرش يستوعب

معتز ( مقادرش يخرج الحروف ) .. كيييي...فاااا..ش مااااشي بنتي ...( كيبكي) كضحكي معاي ياك باغا تنتاقمي مني ياك .. ميمكنش متكونش بنتي

ياسمين (كتبكي ) : سمحليا .. سمحليا ( كتحس بنفس كتحقن فيها ) غدي...تلقا ..(كتنهش) ..واحد.. اجوندا فيها كلشي ... فبيتنا.. من نهار عقلت على راسي حتى دخلت لسبيطار...

معتز(مصدوم ) : كضحكي معاي ياك .. ( كيزعزع فيها بهستيرية ) ياك غير كضحكي ياك قولي بلي غير كضحكي.. ميمكنش ( كيغوت ) مييييمكنش ا ياسمييين .. قولي البنت بنتي و غير كتكدبي.. قولي بلي ميمكنش تكوني درتي فيا هدشي ..

ياسمين ( جهد تسالا) : س..م..ح..ليا

طاحت اخر دمعة من عينيها .. مع شهقات مع خرجات روح عند الله ...

معتز (غوت حتى بح صوتو ) : ياااااااااااااسمييييييييين لاااااااااااااااااا

جرها ضام راسها لعندو دموع كيهبطوليه حاس بقلبو تقسم .. كيبكي بحرقة .. دكراياتهوم بجوج كدوز بين عينيها .. عاد كانو ضاحكين .. كيحلم ببنتو .. البنت لي بغاها قبل حتى متزاد.. مقادرش يتيق هضرة ياسمين .. عقلو متقبلهاش .. حاس بالضياع و معارف ميدير .. كيبكي بحرقة..

تسمع صوت سيارة الاسعاف نزلو كيطيرو لقاوه كارز عليها.. كيبكي منضر متبغيه لعدوك ..

معتز مكانش كيبغي ياسمين لكن ولفها مدوزوش قليل .. كيتفكر اوقاتهوم بجوج .. صعيب يموت شي حد حداك صعيب تقنع دماغك بلي ديك شخص راه صافي مات مبقاش عندو وجود ... عقلو لحد ساعة متقبلش هضرتها.. لحد ساعة رافضة انو يتيق هضرتها...

جاو حيدوهاليه بين يديه غير شافهوم بحالي توكد

معتز ( تالف كيدوي بهستيرية ) : غير بشوية راها حاملة .. بمكن خدات شي حاجة .. عنداكوم توقع لبنتي شي حاجة ... عتقوهوم خاص يعشو .. خاص بنتي تزاد .. قولولها باباها كيساينها.. غنسميها نور حيت غتنور حياتي ..

كيشوفو فيه مقدر تحد يدوي معاه كيبان تالف مصدوم .. منضرو خلاهوم يشفقو على حالتو..

جاو البوليس كيحاولو يعرفو شنو واقع .. بداو تحقيق ديالهوم ... كانو بغاو يهضرو معاه مي كيشوفوه عقلو مرفوع ..

هزوها طلعوها فلومبيلونس و طلع معاهوم معتز حيد جاكيت و حاط يدو فوق كرشها لي بدات كتبان ..

معتز(صدمة خلاتو يترفع) : بنتي ها بابا معاك متخافيش ماماك غير عيانة شوية .. نتي غتكوني مزيان نتي غتزادي غنسميك نور .. غتكوني بنتي.. بنتي انا .. ياك ابنتي نتي غتقاومي على ود باباك

ملي طلعو و طيل ديالو كيصوني.. تنهد ديك المساعد لي تما مد يدو لجيب جبد معليه طيل مي معتز مرفوع ... مراهش هنا .. تنهد و جاوب

ايمان:معتز امدرا لقيتيها فينك

مساعد : سلام لالة سيد لي معانا حالتو متسمحش يهضر معاك

ايمان (قلبها غيسكت بالخلعة): مال معتز شنو واقع فينكوم دابا ..

مساعد : غنمشيو لطبيب لي ف *****

قطعت ايمان مقدراتش تاتسول على تفاصيل .. قلبها غيسكت بالخلعة .. ناضت كطير كتلبس باغا غير امتى تشد طريق توصل عندو

كوثر ( خلعاتها) : مالكي سنو واقع

ايمان: معتز واقعة معاه سي حاجة خاص نمشي عندو دابا

كوثر : ليل عليك خلي لصباح

ايمان: منقدرش منقدرش خاص نمشي دابا ..

كوثر: صبري لبس عليا نمشي معاك واش منيتك تمشي بوحدك فهاد ليل ...

ايمان : سربي دغيا مغاديش نساين

كوثر : اجي و إشراق

ايمان : خليتلها ميساج ..طيل ديالها طافي معندي مندير ليها ...

خرجو البنات شادين طريق .. لدرجة ايمان غادة طايرة محساتش بالطريق ..

غير وصلو دخلات بلا عقل كتقلب عليه .. عيات تسول والو... بتلفة تلفات ليها حتى كنيت ياسمين ..

كوثر (عصباتها) : وقفي دوختني خلينا نسولو ليه و نتي غير تالفة بوحدك

يلاه جاو يتحركو يعاودو يسولو حتى سمعو واحد جوج كيهضرو

ممرضة ١: بقا فيا مسكين عرفتي جابلي البكية

ممرضة ٢ : ماشي ساهلة مرتك و ولدك يموتو

ممرضة ١: سمعت قالك تعاطات شي حاجة

ممرضة ٢: و الله معرفت اصلا غيديوها لتشريح ..

ايمان رجليها كيرجفو مكتخيلش يكونو كيدويو على ياسمين .. من قلبها كتمنى ميكونوش هوما .. عارفة مزيان شنو معنات تموت بنتك قبل متزاد.. عارفة مزيان هاد المعانات و هاد الحرقة .. مبغاتش معتز يدوق من نفس الكاس ...

طارت لعندهوم كتسول

ايمان : ختي الله يخليك واحد سيد جابو مرتو حاملة يمكن نيت هادا لي كنتو كدويو عليه فينو

ممرضة ١ : الى سيد لي مرتو كتعاطا راه فالاطاج ١ سيري يمنهنا نيشان و دوري على ليسر ..

طارت ايمان بلا متجاوبها... غادة و كتقلب بعينيها ..

غير قشعاتو و هي تجمد فبلاصتها بلا شعور دموع هبطوليها .. اول مرة كتشوفو فهاد ضعف .. كالس فالارض حاشي راسو وسط رجليه كيتنخصص..

بصعوبة باش قدرات تجمع لحروف و تعيطليه

ايمان : معتز

غير سمع صوتها علا راسو .. عينيه حومر باين عليه لعيا و قلة النعاس .. غير جاو عينيه ف عينيها ... بحالي عطا الاوكي لدموعها باش يهبطو .. زادت لعندو مور مشافتو وقف .. بسيف باش كيلوح الخطوة لعندها .. غير قربات فتحات يديها ضاماه عندها .. أقبح شعور تشوف شيحد كيموت بين يديك و نتا مقادر دير ليه والو ..

معتز (كيبكي بحرقة ) : مبغيتهاش تموت.. متستاهلش هاد الموتا.. واخا كرهتها و كرهت فعايلها لكن مبغيتهاش تموت ( كيتنخصص) ماتت و دات بنتي معاها .. ماتت و دات فرحتي .. كنت متشوق نكون اب .. كنت باغي نشوف طرف مني كيكبر قدامي .. حاس بقلبي كيتحرق أ إيمان .. ربي عاقبني فالدنيا ببنتي .. ربي حرمني منها ... كنت بغيتها تكبر .. كنت بغيت نعوضها على الحب و الحنان .. عارف راسي مكنتش شخص مزيان .. عارف راسي منستاهلش ..تمنيت حاجة وحدة هي نشوف بنتي و نعيش فرحة الابوة متصوريش قلبي شحال كيضرني .. متصوريش النار لي شاعلة فيا ..

إيمان (كتألم على الحالة لي وصل ليها ) : حاسة بيك .. و الله حتى حاسة بيك شربنا من نفس الكاس .. جربنا نفس الاحساس .. مكانوش ديال دنيا .. مكتاب ليهوم يكونو طير من طيور الجنة .. مديرش هاد الحالة فراسك بالعكس متعرف الخير فين كاين .. ربي عمرو كيعطينا الحاجة الخايبة

معتز : كنت باغيها تكون النور لي غينور حياتنا كنت باغيها تكون سبب باش داوي جراحنا و نغيرو نفوسنا كان عندي امال تكون سبب فعلاج ياسمين .. تكون هي طوق النجاة ديالها .. ماتت و هي كطلب سماحة .. ماتت ( غلبوه دموعو ) اااااه يا ياسمين علاااااااااش علااااااااش قتلتي راسك بيدك علااااااش ...

ايمان خلعاتها حالت معتز عمرها شافتو محطم و كيبكي .. حاسة بيه و بالعافية لي شاعلة فصدرو

ايمان (كتحاول تواسيه) : مديرش فراسك هاد الحالة نعل شيطان و دعي معاها بالرحمة ..

معتز (بألم) : عدبتها بزاف .. كان خاسني نكون انا درع الحامي .. كان خاصني نراعيلها و نحاول نداوي جروحها .. انا سباب الحالة لي وصلات ليها كيفاش غنقدر نعيش بعداب ضمير .. كنت عارف معاناتها .. كان خاصني ناخد بيدها و نساعدها تعالج .. مكنتش كنعاملها مزيان .. مكنتش منحن فيها .. علااااااش ا ياسمين علاش تموتي علاش

ايمان : معتز صافي باركة مديرش هاد الحالة فراسك .. واش غندخلو فقدر الله نعل شيطان ..

سمعو ممرضة كتعيط .. ناضت ايمان لعندها ..

ممرضة : خرجنا البيبي الى بغا يشوفها قبل منديوها لامور

ايمان (حسات بقلبها تعصر ) : واخا انا نقولهاليه بالنسبة لياسمين واش غدوز لتشريح ياك ..

ممرضة : وي خاص غير يسني على الوراق .. شوية و اجيو راه واجدين ..

رجعات ايمان عند معتز غير وقفات حداه علا عينو فيها

ايمان (الهضرة بسيف باش كتخرجها) : معتز لبيبي

قاطعها : بغيت نشوفها ..

ايمان : واش متأكد كون غير

قاطعها معتز : خاص نطالب بفحص الأبوة

ايمان ( وسعات عينيها بالخدمة ) : كييييفاااش علاش

معتز رجع لحالة البرود كيبانو غير حواجبو مقرونين... متقولش هادا لي عاد كان كيبكي كي دراري صغار

معتز (بجدية ) قبل متموت عتارفات بلي البنت ماشي بنتي .. انا متأكد بلي بنتي يمكن غير مبغاتنيش نتعدب .. منقدرش نعيش فشك .. خاص نعرف باش نرتاح

ايمان (تصدمات من البرود باش كيدوي متقولش هادا لي كان كيبكي و يتنخصص ) معتز واش منيتك متكونش بنتك .. راه باينا مبغاتكش تعدب و صاف.. كانت شافتك شحال متعلق بيها...

معتز : فهاد الوقت كلشي ممكن .. رجليك و متيقش فيهوم تخاف يخويو بيك

ضرب فيها و زاد خلاها غير كتشوف مصدومة فيه ..

مشات قاصدا كوثر لي كانت لاصقة فالحيط غير كتشوف

ايمان : مالكي حتى نتي مصدومة

كوثر : واش ماتت واش صافي مبقاتش

ايمان ( استغربات من حالتها) : كوثر توكضي معاي .. راه ربي عالم بحالتي بحرا قادرا نوقف

كوثر : شتي دنيا شحال غدارة.. مكتعرف لا صغير لا كبير .. اليوم هاحنا كاينين غدا باح

ايمان ( تنهدات) : هادي هي دنيا ها علاش خاص الواحد يدير شوية لديك دار .. كاملين كنغلطو و ماشي متاليين و شادينش فدين ديالنا .. مي على الاقل الانسان خاص يراجع راسو .. و يحاسب نفسو و مينعس حتى يكون ضميرو مرتاح..

مهم خليني نمشي نشوفو راه و لا كيخلعني ... شفتي فرمشة عين رجع لبرود ديالو مفهمتش كيفاش ...اه باش منساش نتي صوني لاشراق علميها تلحق علينا تقدر تكون شعلات طيل نيت بحرا تعلم اديب .. راه خاص عائلتو تعرف ..

كوثر ( بتردد) : مغتعلميش عصام

ايمان ( عصاباتها) : الله يعطيك العز اما دل راكي فيه

كوثر : هاء غير سولت

مشات كتنتر رجليها عصباتها كوثر .. هادي هي لي كينطبق عليها المثل .. ناس فناس و القرع فمشيط الراس..

عند اديب .. بقا غادي حتى دخل لواحد الاقامات من السكن الاقتصادي .. باركا الطموبيل نزل جارها معاه سيدة طلعاتلها تبويقة كتغني غير بوحدها..

اشراق (كتغني و ضحك) : عطيوني الفيزا و الباسبور من كازا المارساي

لميمة ديالي راها توجور عالبال مانساهاشي..

عطوني الكونجي هايهاي (كتشير بيدها فيما ) منزيد تا نهار... لميمة معدبة فيها واش صار..

اديب كاع ديك الاعصاب لي فيه فشلاتو بهاد ديسك .. مقدرش يشد ضحكة .. حتى و هي مبوقة و مراهاش فهاد العالم.. متميزة كلشي فيها مختالف .. غير شافها كتشطح و هو يتفكرها فوق ديك العمود و بلي كدبات عليه كيرجع يشعل و جمع ضحكة كارز على يديه..

اديب : بقاتلك غير فيزا ( كارز على يدها ) انا نوريك الفيزا شنو كتسوا

حل الباب دفعها مع مبوقة مشداتش توازن جات طايحة فالارض ..

خلاها هكاك مشا دخل ديريكت لكوزينة كيقاد قهوة اكسبريسو باش تفيق ..

غير رجع لقاها نعسات فبلاصتها .. مسح على وجهو بالاعصاب .. مشا كيزعزع فيها بسيف مبغاتش تحرك لصقاتليه فالارض جرها بسيف .. دخلها لدوش بحوايجها .. حل عليها ما بارد خلاها تقفز كتقفقف بلاصتها

اشراق ( كتقفقف) : بارد بارد

مجوبهاش حدو مخنزر فيها .. غير شافها بدات تصحا خرج مخليها

اشراق برودية ديال ما قفزاتها خلاتها توكض.. اصلا مكانتش واخدا شي جرعة نيت غير ربع حبة و عاد تقيات .. هادشي لي خلاها توكد .. حيدات كسوتها.. رجعات تحت الما مخلياه كيهبط عليها .. لعلى بروديتو تبردها شوية .. حاسة براسها غيتشق بلحريق.. عارفة راسها قفراتها نيت .. سدات الما .. بالها بينوار معلق .. عصرات شعرها ..هزات لبساتو و خرجات..

غير خرجات قشعاتو كالس باينة فيه معصب كيغلي .. كالس كيهز رجليه بعصبية ووجهو حمر ..

غير جاو عينيه فعينيها رجعات خطوة لور بلخلعة اول مرة كتشوف فعينيه ديك النضرة الغضب العتابة.. ندمات علاش كدبات عليه ..

داز متجاهلها مشا جاب كاس دلقهوة حطو حداها و رجع كلس بلاصتو منخلها ..

اشراق شافتو ساكت عرفاتو معصب و منخلها

اشراق (بتردد) : امتى جيتي

اديب كان مصبر راسو غير سمع سؤالها جبدات الديب لي كان كيحاول يخبي

محسات حتا قلب طبلة ديال زاج و بلخلعة خوات عليها الكاس دلقهوة سخون .. غوتات بلحرقة..

اديب مبقاش كيشوف قدامو صعراتو طار شدها مزير عليها

اديب( كيدي و يجيب فيها بالاعصاب ) : علاش جيت ياك ...ياكما خصرت ليك السهرة مع ال79اب ياك بالصح انا اللي نستاهل جاي باغي نديرليك مفاجئة ساع. المفاجئة هي اللي طلعات معايا

(كيدوي و كيضغط على سنانو ) انا ا إشراق ترديني شمااااا تا انا مرتي يتفرجو و يزهاو فيها الzوامل انا هادي هي تقتي فيك .. كيفاش عطاك خاطرك تكدبي عليا و طعنيني.. و كنسولك كتقولي ناعسة

اشراق : خليني نشرحليك

اديب: شنو غتشرحيلي واش كدوبك و لا ت79بينك و لا شطيحك و لا القرقوبي

طلق منها غادي جاي كينتف شعرو بالاعصاب ...غير علاش كدبتي و علاش تخرجي معاه اصلا

اشراق (راسها كيتشق بلحريق ) :مافيها والو مالي شنو درت كاع كتهز عليا هنا و تهرس .. خليني غير نشرحليك.. مكتعرفش اسلوب الحوار كلشي عندك بلغوات .. سيد محتارم راسو عرضني مشينا كون عرفتك غتبغي كون قلتهاليك

اديب : زادت صعراتو :ياك بعدا عارفاني مغانبغيش و دايراها قد راسك... واش ماخفتيش على راسك (كيتفكر منضر ديالها فديك الحالة شاد راسو بسيف ميضربهاش ) واش منيتك كتقولي هاد الهضرة باش تحشمي زايدا فيه ( باستهزاء ) بسيف شنو نتوقع من شيخة فينما مشات كتلوز ...

اشراق (كدوي معصبة ) : و ملي نتا هزاك هاد نفس كاملة شكون قالك اجي شكون قالك تبعني

و الى نسيتي نفكرك شيخة و مشطحاك و تابعني ترغب و تزاوك و لا نسيتي

مع كملات هضرتها حسات بوجها تقلب .. الغضب عما عينيه .. شعلاتو و فاق ديب لي فيه ...

اديب : انا نوريك تفرعين.. الى مرباوك لي ولدوك انا ربيك ..

اشراق دفعها حتى فقدات توازن .. اصلا باقي مصحات و باقي ماشي فوعها .. كدوي و عقلها مرفوع .. غير شافتو سلت صمطة دسروالو.. قلبها هبط بالخلعة ..

عقلها كيرجع ليها الذكريات لي عاشت .. تعديب و الدق لي كلاتو.. غير حسات بشحطة لرجليها..

دخلات فصدمة وبدات كتبكي بهستيرية: عافاك عافاك متضربنيش مدرت والو هي هي اللي ضرباتي .. لا لا مدرت والو.. مضربونيش .. لا لحمي كيضرني .. لا لا مبقيتش نعاود.. لا رحموني .. (تكمشات على وضعية جنين داخلة فهستيرية كتبكي و تحرك راسها... شدات على ودنيها .. كدوي برا من عقلها)... حرام عليك اخالتي غي نسيت.. مبقيتش نعاود .. متحرقينيش .. مضربونيش ..

بقات على داك الحال حتى من اديب صدمو رد فعلها وفقما تيبغي يقربليها كتهرب بحال اللي خايفة ولا ولات كتشوفو وحش... وللي معارفوش بلي ديك الضربة بسمطة فيقات دكريات مرة كانو فالعقل الباطن ديالها دكريات ديال الضرب والاهانة والحريق بالعافية اللي كانت كتعرضلهم من طرف عمر ومو

بقا مصدوم.. فاللول متيقش حالتها قال يمكن كديرها بلعاني.. مي غير شاف لبكي و الغوات ديالها .. تأكد انو مراهاش فالوعي ديالها .. توكد جرها شادها مزيان هي بدات كضرب فراسها.. حكمها مزيان حتى مبقاتش كتحرك .. كيتسمعو غير شهقات ديالها ..

اديب: اشراق اشراق (كيضرب بشوية على وجها ) اشراق

بقا كيزعزع فيها حيت بانتليه غابت كتهلوس.. ( جاب شوية دلما ضربها بيه لوجها)شهقات شهقة وحدة حتى خلعاتو حالتها .. غير حلات فيه عويناتها.. نفاجرات كتبكي حاضناه كأنو هو الضلع الحامي ديالها .. هو السند و الامان .. هو نصفها تاني ..

اشراق ( كتبكي ) : عدبوني و حرقوني .. كانو كيضربوني.. عشت لعداب .. متخلينيش نعاود نعيشو..

اديب ؛ شووووو صاف صافي شوووو تهدني تهدني

اشراق (كتشهق ) : نت الصفحة البيضة فحياتي مترضهاش كحلة عافاك اديب

اديب تنهد ندم لي قاس فيها .. و ضربها ... غير شافها رجعات لوعيها .. جا نايض من حداها .. حيت وخا هادشي مكيشفعش ليها فعلتها..

اشراق ندم كيكلها.. خافت الى تخسرو .. شداتو من يديو كارزا عليها كتبكي

اشراق : أديب انا (كتشهق ) سمحليا .. انا

سلت يدو غير بشوية .. جا غادي شافها طاحت فالارض حدى الفوطوي كتبكي و البينوار تحل و البرد .. رجع لعندها هزها من الارض بلا ميهضر .. بلع ليها البينوار ..

مشا حطها فوق ناموسية بلا ميهضر ميتكم.. داز لحوايجو هز منهوم الحوايج.. حطهوم حداها.. باس فوق راسها (كأنو عتادر ليها على ضرب لي ضربها) و جا خارج ...

اشراق بتعامل ديالو دبحها خلاها تحس براسها رخيصة .. كون غير خلاتو يضربها و يسبها و لا هاد تعامل ..

تنهدات لبسات دوك حوايج لي عطاها .. واخا جاوها كبار ... شافت الحال تعطل و خافت لبنات يكونو تخلعو عليها.. هزات طيل شعلاتو.. و هي تصدم بعدد الميساجات و لي ابيل .. غير دخلات قرات و عينيها يتفتحو بصدمة .. ممتيقاش شنو كتقرا ... دموع هبطو بوحدهوم .. قلبها طايب و خبر بحال هدا كمل عليها ..

اديب مشا يطل عليها لقاها مصدومة كتشوف فطيل و دموعها شلال .. بغا يسولها و مرضاش حالف ميدوي معاها .. غيقتلها غير بالنخال و البارد .. يلاه جا خارج و هو يتصعق من هضرتها ..

اشراق (كتشهق) : ياسمين ماتت

ضار بالعرض البطيء ممتيقش شنو كيسمع .. كيقول واش كضحك معاه .. لكن حالتها ماشي ديال ضحك

بصعوبة باش نطق : شنو

اشراق: خاص نمشيو ل كازا ..

قاطعها صوت طيل كيصوني

ايمان : فينك اصحبتي واش اديب معاك .. ياسمين ماتت هي و البيبي و معتز حالتو معاجبانيش .. صونيت لهناء ملقيتهاش.. راني تالفا مبيدي لوراق و لا معتز اجيو دغيا.. راحنا ف ****

اشراق :هاحنا جايين

قطعات عليها .. كتشوف اديب مصدوم فبلاصتو .. غير شافها ناضت من بلاصتها توكد .. مشا طاير هز سوارت طوموبيل .. خرجو بلا ميهضر معاها .. موقف غير حدا دارها .. فهمات بلي خاص تبدل حوايجها .. هبطات بالخف .. كتشوفو ساهي قدامو مكيشوفش جيهتها..

طلعات لبسات من طرف .. هزات حوايج دارتهوم فصاك لايمان و كوثر .. و هبطات لقاتو كيهضر فطيل .. غير وصلات قطع مديماري ..

طول طريق و هوما ساكتين حتى من عنوان طبيب توقعات غيسولها ساعة محشاهش ليها ..

غير وصلو دخلو كيقلبو .. قشعو كوثر واقفا و ايمان حداها ماشين جاين فبلاصتهوم..

اديب (بحدة ) :فينو ...

ايمان نعتات ليه بعينيه لجيها لمقابلة معاهوم .. كان واقف ساهي كيشوف لبرا .. يلاه جا باش يتحرك لعندو و هوما يسمعو الممرضة كتعيط ..

ممرضة: سي معتز تفضل باش تشوفهوم..

غير ضار جاو عينيه فعينين اديب .. نضارات حاملين مشاعر كبيرة يستحيل لسان يقدر يعبر عليها ... تحرك معتز موقف غير حدى اديب

اديب : براكة فراسك (حط يدو على كتفو) كلنا ليلها

شاف فيه معتز مقادرش يهضر .. خواليه اديب طريق ..

تحرك تابع الممرضة .. حتى وصلو لبلاصة لي فيها ياسمين و بيبي ..

ايمان : معتز تبغي ندخل معاك

علا يدو بمعنى لا ..

غير دخل لحمو تبورشات عليه .. كيشوفهوم مغطيين مكتبان منهوم حتى حاجة ..

داز جيهت البيبي .. غير حيد ليزار و هو يتصعق.. حاس بالرجفة و الدموع هبطوليه.. كانت صغيرة بزاااف .. ملامحها مكانوش كاملين .. كانت صغيرة بزاف لدرجة لحمو تبورشات.. كلها حمرة مغمضة عينيها .. مكمشة ... مقدرش يقيس فيها .. مقدرش يبقا كيشوف فيها .. حاس برجليه خانوه ..دموعو هبطو ..

عقل كيقوليه هادي بنتك لي مشبعتيش منها .. لي فرحتك بيها مكملاتش.. و عقل كيقوليه .. تيق بهضرة ياسمين .. البنت ماشي بنتك .. حاس براسو فدوامة ..

المنضر لي قدامو خلا قلبو يتعصر .. عمرو توقع يعيش هاد لحضة .. كان متحمس يولي اب .. فلحضة كلشي مشا... باس على راسها ... وشنايفو كيرجفو... و دموعو مقادرش يحبسهوم..

تحرك مشا لجيهت ياسمين .. غير شافها تفزع.. كلها زرقة و تحت عينيها كحالو .. خلعاتو ديال بصح .. سيماهم على وجوههم...خدات أقبح عقاب ..

معتز من قلبو مسامها و كيدعي الله يغفر ليها ... كان باغي يقول بزاف ديال الهضرة .. لكن مجرد شافها لسانو تربط.. مبقاليه ميقول .. منضرها ضرو فقلبو .. كيطلب الله يشوف من حالها...

خرج من عندهوم كيرجف حاس براسو مبقاش عندو الجهد و الطاقة باش يهضر .. يوماين مواكلش كيشرب غير الما .. نعاس مشافوش.. حالتو تشفي لعدو ..

غير خرج لقاهوم كيساينوه .. حتى من هناء و راجلها جاو ..

----

عند عصام و مروة .. نهار كامل دوزوه مع جنى فطبيب .. تبرع ليها عصام بدم .. حيت خاص كل مرة يزيدو ليها دم .. اول حصة دازت كلها عداب .. بكات و غوتات حتى تهدات .. مروة و عصام مبخلوش عليها بالحب و الحنان .. كيحاولو يعوضو و لو جزء من غياب العائلة ..

غير رجعو لدار يرتاحو حتى كتصوني عليهوم هناء .. هي لي علمات عصام بالخبر ... خبر لي نزل بحال صدمة عليهوم .. علاقتهوم بياسمين مكانتش مزيانة .. لكن عمرهوم تمناولها الموت او الأذية ... عيا عصام فمروة باش يخليها مع دارهوم لكن مبغاتش اصرات تمشي معاه..

---

6 ديال صباح كلشي فايق .. حتى حد مقدر يغمض .. مجموعين فقاعة الانتضار .. كلشي ساهي .. كلشي حالتو حالة ... الموت كتهد الانسان .. كيخليك تعاود تفكر فالطريق لي نتا غادي فيها .. بحال لي ربي كيصفطليك اندار .. كيوريك انو اخرتها موت وحدة .. راجع نفسك و فيق .. متبقاش غير عايش ..

هادشي لي وقع لمعتز .. كيشوف راسو ياما جرا على صفقات و الفلوس .. ياما تكبر و دفع كبير .. ياما خروض و شيطن فتالي شنو اخرتنا غنموتو و نمشيو فكفن بيض.. لا فلوس كينفعو و لا صفقات.. كيبقاو غير اعمالنا..

جات الطبيب المسؤول على الحال بيدو .. طلب من معتز يجي معاه بحكم نتائج Adn خرجو .. كلشي قلبو كيضرب .. كلشي خايف .. كيتمنى البنت تكون بنتو .. كيتمناو ميزيدش يتعدب كثر يكفي ديكشي لي داز عليه..

غير دخل وقفو كيساينوه برا .. قلبهوم كيضرب بالخلعة ..

داز الوقت و معتز باقي مخرج .. كلشي كيساين ..

الوقت طوال .. تسمعات حلة ديال الباب .. عينيهوم مفيكسيين فيه .. خارج كيلوح فرجلو بسيف باش واقف .. طارو لعندو كيتسناوه يهضر يقول شي حاجة .. كيشوفوه ساكت .. دموع فعينيه .. وجهو حمر .. حاس براسو مخنوق مقادرش يهضر .. كيشوف نضرات الفضول فعينيهوم .. كلشي باغي يعرف ..

الوحيد لي حس بيه هو اديب .. جرو من يديه حضنو لعندو بحال شي طفل صغير .. معتز كان محتاج ديك الحضن .. محتاج الحنان و لي يطبطب عليه .. بلا شعور دموعو هبطو طاح فالارض فشلان .. مقادرش يهضر .. شادو اديب ضامو لعندو .. حتى حد مقدر يهضر ..شكون كان يقول معتز الراجل القاصح لي ديما كيشوفوه واقف و حاضر ها هو اليوم زمان عطاه صفعة و خلاو دموعو يطيحو ..

الراجل ماشي بحال لمرا .. حنا ممكن فأي لحضة نبكيو نفرغو حاسيسنا و مشاعر ديالنا .. ممكن نشكيو و نطلبو المساعدة .. الرجال لا كيحسو الى بينو ضعف ديالهوم .. راه إهانة فحق رجولتهوم.. لكن نهار تشوفو شي راجل كيبكي اولا كيبين ضعف ديالو حداكوم .. عرفو يا إيما كيبغيكوم لدرجة حط وراقيه حداك يا إيما دارت بيه الدنيا و مبقاش قاد يتحمل كتر ...

---

ففيلة الشافعي ... كلشي ساق لخبار كلشي كيعزي .. حتى من صحافة مرحموهومش باغيين يعرفو سبب الوفاة...

لداخل تريتور قايم بالواجب .. كلشي على حقو و طريقو .. اليوم غيتم دفن .. و يصليو عليها صلاة الجنازة ..

الدار عامرة بناس .. و لي يشوف البخ و شيكي و البروطوكول ميقولش هادو جاو يعزيو..

--

عند معتز ملي جا و هو ساد عليه فبيتو .. مخلا حتا حد يدخل عيات ايمان دق عليه غير يهضرو مبغاش ..

عند اشراق و لبنات مجموعين شي كيشوف فشي .. كوثر عينيها غير على مروة .. كتشوف فالخاتم لي فيدها .. ملي جاو مشافتوش .. عيات تقلب بعينيها والو مبانش ليها ..

غير سمعات صوتو حسات بالبرودية طالعا معاها ...

عصام داخل كيهضر : مروة حبيبتي كيف بقيتي قاتلي ايمان طاحليك طونسيو ..

جا كلس حداها.. شوية دابا ..

مروة(بحب ) : غير رضيت مع مواكلاش دنيا دارت بيا متخافش ..

عصام :وصيت ايمان تجيبليك تاكلي ايلا عيانة طلعي فوق لبيت تكاي .. انا غنشوف دراري ...شوية و نديوهوم باش ندفنوهوم

مروة : كيبقا معتز

عصام : مزال مشفتو لا هو لا اديب .. يلاه جيت كنت كنقاد امور شركة تجمعات عليا سولت عليه غير ايمان .. جيت نشوفك عاد غنمشي عندهوم ..

مروة : الله يصبرو مسكين ..

عصام ( دار شاف فاشراق و كوثر ) : هاهيا معاكوم كانت شي حاجة علموني .. ( باس مروة و خرج مخلي كوثر دموع فعينيها شاداهوم)

اشراق تحت سنانها بهمس : ندبحك ا كوثر و تنوضي.. تبتي لرض..

---

عند عصام غير خرج لقا اديب واقف كيهضر فطيل .. غير سالا ضار لقاه جا غادي فحالو ..

عصام ( استغرب)شدو من كتفو : وا سي اديب واش ترفعتي لدرجة مشفتينيش...

اديب ( بحدة ) : مباغيش ن9ود معاك سوايع هنا..حسابنا طويل و ماشي وقتو ..

جا غادي مخليه مصدوم فهضرتو.. قلبو كيضرب.. عرفو علاش كيهضر.. بقا كيفكر كيفاش غيبرر تصرفاتو...

---

فالدار صوت القرآن مسموع .. مشاو رجال باش يدفنوهوم... عياو يتسناو شيحد من عائلتها يجي ساعة حتى واحد مبان .. مقدروش يوصلو لاب ديالها.. اضطرو يدفنوها بلا بيهوم ..

عاد البارح و هي عايشة اليوم فحفرة تدفنات و بتراب تغطات...

كلشي رجع لفيلة لي فيها غدي دار صداقة.. الا معتز و اديب .. لي بقاو ..

اديب كان حاضيه من بعيد .. معطاهش خاطرو يمشي و يخليه ..

معتز كلس حدا القبر كيشوف ساهي فتراب لي باقي فازك ....

عند مروة كل شوية يعيط ليها عصام يسول فيها كيف بقات حتى قنطها ... يلاه قطعات معاه و هي تقشعو داخل ..

عصام : امالنا امدام مبقا حد يسول فولدو ..

مروة : وا بزاف كل شوية معيط مخليتينش كاع نكلس فرحتي مع البنات ..

هناء : اسي عصام ياكما غا نتا لي وليتي اب

عصام ( بلا شعور) : نخاف نغفل عليها توقع لهم شي حاجة تا هي

ايمان حساتو معنا عليهوم : قول الحمدالله راك باقي فدنيا .. كلشي بلمكتاب

عصام طلعات معاه مشا جرها من يدها مدرعها حداهوم.. وينو على فنكوشتي توحشتك ..مزال نتحاسبو على الغبرة لي غبرتي

ايمان : اودي معندنا علاش نتحاسبو حتى نتا تزوجتي و غيجيوك لولاد و انا اخر من يعلم

مروة عينيها على يدين عصام لي حاضنين ايمان عندو .. محملاتش لبلان واخا عارفة بلي راهوم صحاب شحال هادي .. تنهدات كاتمة القصة فحلقها ..

ايمان : طلعلي نمشي نشوف فينو معتز كاع مبالي

عصام(كيطنز عليها ) : سيري اختي سيري واسي سيد راه بقا وحيد ..

غير خرجات ايمان تبعاتها هناء تشوف مها ..

عصام : اشراق واحد دقيقة نهضر معاك ..بغيتك ..

اشراق كتشوف فيه مبغاتش تحرجو حدى مرتو .. خرجات سابقاه مخليا كوثر مع مروة راس فراس ..

كوثر : مبروك عليكوم زواج و حتى لبيبي

مروة بفرحة حطات يدها على كرشها : الله يبارك فيك ازين عقبا لعندك

كوثر : امييين .. شفت عصام متحمس لي شافو ديك نهار كيبكي و يشكي كاع ميشوفو دابا يضور يضور و يسول فيك (ضحكات ضحكة صفرة ) ياختي و الله تا الولاد كيشدو الراجل

مروة ( مصدومة من هضرتها) : كيييفااااااش؟

يتبع...