حكاية أنثى الجزء 50

حلات عينها من جديد على صوت تيليفون هزاتو وطلعات نمرة هشام ...تنهدات بديق اشمن وجه تشوفو واشمن وجه تهدر معاه ...لصقات فيه لبارح وضفارها غرساتهم فايديه ...تفكرات اللحضات وعضات على فمهاا منهدة مراضياش بهاد لحالة لي فيهاا ...تحل لباب ودخلات انصاف وقالت: هيبة غتمشي لخدمة !

هيبة:لا اختي

انصاف:واخة

خرجات وردات لباب ماشي بزاف تدخلات الغالية والعجينة فايديها وقالت:علاش بالسلامة ؟ الشريكة تاع مك تمشي وقت لي بغيتي ملقيتيها تاا بغيتي تموتي

هيبة(بانكسار ) معنديش لوجه لي يشوف ف لباطرون ديالي اماما ...السيد حدودوي وانا معاه غير السلام السلاام ....لباررح بقا ليا غير نعنقوو

الغالية:مالك لخاطرك ؟ نوضي ابنتيي تنسيي لهم واش اتبقااي كالسة هنا تانيي عاد قلنا وليتي لبااس

هيبة:لبااس (بمرارة )لي كتنعس غير بدوا تقول لبااس اماما

الغالية:دوا راك ولفتييه ....نتي مامريضة موالو ...مالك شنو كيضرك ...راه كاع النااس واصلة بيهم لعضم كاع خاصنا دوا الاكتئاب ودوا نعاس ...ودابا واش غتنوضي لخدمتك ولا لا

هيبة:ولاا خليني على خاطريي صافيي

الغالية:هاا انا تبريت منك تاانيي ...الى مشات ليك هاد لخدمة بقااي تبكي علييا كي لهرنونة تانيي ...نتيف لي عمري نتفتك غنتفك

مجاوبتهاش وخرجات سادة لباب وراها وغادية لكوزينة كتنكر لقات انصاف كترد تيليفون لجيبها مرعودة

الغالية:شكون صونا ليك !

انصاف:غ غير ملااك

الغالية:هبطيي عيطي ليا لاقبال هاد لبنات غيسطيوني هبطي (جراتها من تريكو لصقات فيها لعجينة )اجيي لهناا ...لبارح مساليتش لييكم ...اش وقع ملي خرجتو حتى داخليين فيكم لموت ؟

انصاق؛ والو غير تبعنا كلب وطحت (تزنكات )نمشي نعيط على اقبال

الغالية(شافت فيها بتشكيك )ريحة تخلويض دغيا كطلع هاه

تفكات منها بلكشايف كتفتف وخرجات بعد لحضات رجعات وقالت:ملقيتهاش

الغالية:تكون خرجات مع شهيد ...جبدي ليا بطاطا من تلاجة

انصاف:واخة

**

كالس فلبيرو ديالو حداه شي كين ومجموعة من دوايات فالارصفة تاع الصيدلية ...داير ايدو على وجهوو كيدور فلهدرة لي خرج ليهاا بدا كيرجع معاه لحاال. وعرف اش خرج من فمو على صباح وحاملة باشهرها الاخيرة ...ناض كيحط فلبلوزة ودارها فلكرسي ...سمع صوت ناصر على براا وخرج لعندو تبسم ليه ابتسامة باهتة باس ليه راسو وقال: كنت جاي عندكم

ناصر: دزت لدار ملقيتش اقبال

شهيد(حك عينو )اتكون مشات لمحال ولا فدارهم

ناضر؛كيبقات

شهيد(حرك ليه راسوو باه وهز حاجبو بلا كلمة

ناصر:كلس نهدرو شوية

فتح باب طموبيل تركب باه وسد ومشا لبلاصتوو كيتنهد

شهيد:كيبقات لواليدة !

ناصر:مالها اش ضرهاا ! مك لبااس عليهاا

شهيد:السيدة طايح ليها الطونسيون ونتا كتقول لباس عليهاا !

شهيد: راه كاع طايح ليناا ...مك راه فمها سلييط ومكتحشمش ...شنو بغيتي هاد درية دير ملي تسمع عدوزتهاا كتعاير فمها ...بنت الشيخة وبنت لفاعلة والتاركة شنو بغيتيها دير

شهيد:انا معرفتش تاا علاش بدا هاد صداع

ناصر:سمعات ملاك كتهدر مع نوار بنت خالتك وقالت ليها واش اقباال بنت شيخة راه هاقالت مك وها قالت وشوف علاش تزايدات مينة مع اقبال فلهدرة وناض هادشي كلوو ...

شهيد:طلع ليا هدشي فصحتي ...كندير لخاطر لوحدة كنصدق ضالم وحدة مااعرفتش اشنو ندير (هز ايديه بجوج ك استسلام )تلفت والله

ناصر:لي تلف يشد لرض ...مك راك عارفها كيدايرة اشهيد باغاك غير ليهاا شتيها دابا كضل فدوى فدوى كون تزوجتوو هااكا غادي دير لييك والله ميخصك منها خصاص ... ماشي قضية اقباال ولا غيرها

شهيد؛نطلقهاا ونفرتك عاد لعش باش تبرد هياا !

ناصر: الى بغيتي مك جي شووفهاا والتيساع اولدي حسن ل اقبال ولمك ...احسن حاجة دير صافي وحدة مابقات تشوف لخرى

شهيد(بانكسار ) حتى ولدي متحضرش ليه ولا شنو ...هادي هيا ولدي حبيبيي ...مكتفكرش لفرحتي مكتفكرش راه كتهرس فيا بلا متحس ...فلوقت لي كنت كنتسناها توقف مع مراتي حتى تولد وتهز ولدي وتفرح بييه هيا شوف شنو دارت

ناصر:الله اهديها

شهيد(تنهد )امين (ديمارا)نوصلك ولا جبتي طموبيل

ناصر:وصلني اولديي وصل ..مشيت نشوف اقبال السعاتي مكتاابش ملقيتهاش

سكت شهيد ودماغو تشاارجا وعرق فراسو كيضرب مرة مرة يماصي جبهتوو ..نزل لدارهم لقا مو كتضحك مع نعيمة وختها هي شافتوو وتكمشات

شهيد:كي بقيتي شووية

مينة:شوية اولدي ...نعيمة كبي ليه اتااي محال واش دايق النعمة

شهيد:لا بالصحة شبعان

كملو لاخرين حديثهم وهوا شد تيليفون كيكتب ميساج لاقبال ويعاود يمسح ...صونا ليها نيشان وصداع حداه كيتسناها تجاوب مجاوباتش ورجعو لجيبو ...سلم عليهم وناض خارج دايقة بييه ...ركب فطموبيلتو وقلع

**

تنهدات بديق وهيا كتحط رجلها فالشركة كانها اول مرة تجي بزز منهاا جات مزيرة على صاكها بحالا خايفاه يهرب ...ودنيها مصمكين مسمعاتش لي كيقولو ليها السلام باغة غير امتا توصل ل بيرو وتكمش فييه

وصلات وسدات لباب الزجاجي وهبطات الريدو عليه ...صفرة مسقوطة من الدم كانها جاية من جنازة ...ديمارات لبيسي وبقات كتشوفييه يهدر ويقوليها ديري لمود باص لدقائق وهيا على داك لحال حتى فيقهاا تيليفونها تااني ....قفزات وجبداتو لقاتو هشاام

هيبة(ترددات تجاوب وجاوبات فاللخر بصوت غالب عليه التوتر والاحراج)الو سي هشام

هشام:فينك

هيبة:فلبيرو اسي هشام

هشام:داكوغ ...هضري مع معاد يسربي ليا لبروجي دغياا هاني فطريق

هيبة:ؤك

قطع عليها حطات تيليفون وحاولتت ديباصي كلشي وراهاا وتبدا وفكل مرة كتجي صورتو قدامها كتبورش ...تحل لباب عليهاا تقفزات وبقات كترمش فحسن لي دخل

حسن:هيبة صافا

هيبة:بغيتي شي حاجة !

حسن: شي قهوة معاك

هيبة(مسحات على وجها )حسن بغيت نخدم ...دخلت معطلة عفاك

حسن:وعطيني غير سبب واحد يخليك متشربيش معايا قهوة خفتي نقوليك خلصيها هههه

هيبة:حسن عفاك

فاجئهم صوت من وراهم وقال:حسن لبيرو ديالك

حسن:سي هشام غي

هشام(بصرامة )حسن لبوسط ديالك

هبط راسسو ومشاا وشاف فهيبة لي معرفها صفارت ولا حمارت

هشام:اش هاد التعطيلة لييوم

هيبة:سمحليا اسي هشام متعاودش

هشام: اخرر مرة

حركات راسها باه ومشا لبيرو ديالو رتاحت لي مجبدش معاها لموضوع من جديد وكملات خدمتها

**

حياة: شنو داباا هههه

هود:غيان ...تبغي نسافرو

حياة:فين

هود؛نعرف فلماغرب غار لحسيمة

حياة:الرييف عمري مشيت لييه ...علاه نتا ريفي

هود:جو سي باا ! كيفاش ريفي !

حياة:زعمة الاصل كاين سوسي عربي طنجاوي مكناسيي دكالي نسيبي ههه

هود:انا نعرف مون پيغ كان يسكن ف الحسيمة سيتو ريفي او نن جوسي باا ...معشتش معاه بزاف ديس اون (عشر سنين )

حياة:واش طلقوو على مسمعت قبل ميموت

هود(جغم من قهوتو )وي اݣزاكت

حياة:من بعد بقيتي مع طاميغ

هود:ممم

حياة:باقي كتشوفها

هود(بلفرنسية ) مالك فضولية

حياة:كتلف وتقلبها فرونسي هههه انا لي دماغي تقيل وتعلمت لفروونسي

هود(كمل بلفرنسية )صعيبة ...تمشي تشوفي معايا شي ابارطمون لكرا ؟

حياة:تكري ؟

هود:ويي ...شنو قلتي فالسفر

حياة:نساافر ههه منقوليكش لا

هود:نخليو دار تنرجعو

حياة:شحال اتبقا هناا

هود:حتى نمشيو بجوج

تبسمات بتلقائية كضحك معاه وهوا شاد ايدها من بعد ناضوو جابت بيه دويرة فلمدينة كتوريه كل بلاصة فين كاينة وكتعرف و علىى المغرب

**

دخل لدار لقا لحس مقطوع ..قال غتكون ناعسة حط سوارت بشوية ودخل لكوزينة شرب لماا وبقا واقف كيتنهد ..حط لكاس وخرح فاتجاه لبييت كيحك فعنقو بان ليه لفراش مطوي ومقاد ...جبد تيليفونو كيصوني كيصوني حتى يتقطع ...قبل ميجي لدار داز لمحال هوا اللول لقاه مسدود ...طلع بجرية لدار عن لغالية حلات عليه انصاف

شهيد:جات اقبال

انصاف :لاا من صباح كندق ونصصوني

الغالية(سمعاتو وجات )شهيد فين اقباال مكتجاوبش من صباح

شهيد:حتى انا مكتجاوبنيش(جبد تيليفون كيعاود يصوني ليهاا حتى كيطفى على خاطرو وهوما حدا مترقبينها نجاوب بدون فائدة

الغالية:تكون فلمحال ؟

شهيد: ملقيتهاش ...فين حياة او هيبة متكونش معاهم

الغالية:هيبة مشات لخدمة ...حياة خارجة مع شي صاحبتهاا

شهيد:صوني لييهم تأكدي

بقا واقف فلباب وهياي كتصصوني لكل وحدة فيه

فطموبيل كانو واقفين فسطوب تصونا تيليفونها

حياية:الوو

الغالية:حياة معاك اقباال

حياة:لاا ياك لباس

الغالية:كنصوني ليهاا مكتجاوبش

حياة:لا لا قطعي نشوف

قطعات معاها وهود كيشوف فيها وقال : يا تيلان بخوبليم ؟(كاينة شي مشكيلة )

حياة: نن (شافتو فين غادي )دور على ليمن

هود:ليمن ؟

حياة:لادغوات (دارت تيليفون فودنها كتسسمع فيه كيصوني ويعاود يصوني ويعاود حتى يتقطع بوحدو ) وقف اهود وقف

هود:بوغكوا

حياة وغير وقف

وقف فجنب داير السينيال شدات تيليفون كتصوني وتعاود والوو

كدالك هيبة ايد فلخدمة ايد شادة تييليفون كتصوني بيهاا والوو

هبطات غيتة لتحت بجلابة وكلاكيط لمحال عند جابر لقاتو مع شي كليان وبقات فلباب تاع دار تيمشي غير شافتو مشا وجات لعندو وقالت:جابر شفتي اقبال هاد صباح

جابر:(كيقيد لعبار فدفتار )لا

غيتة:مكايناش كنعيطو ليها والوو ...عيط من عندك نتاا تقدر تجاوبك

حط ستيلو وجبد تيليفون كيصوني ليهاا مجاوباتش وقطع وقال:مكتجاوبش

غيتة:فين تكون مشاات معرفتيش

جابر:نتي ومكنعرفك فين كتزيدي

غيتة:دابا وقت هاد لهدرة اجاابر ..

جابر:دابا تجي

غيتة(عصبها )علاش كتهدر معاياا هكاا ...ولا عرفتي كعلا تهدر

مشات كتخبط ورجعات عندو :بغيت نمشي لداار

جابر:كتعرفيها فين جاات

غبتة:ااه كنعرفهاا ...مقلتي عييب ادكالي

عصبها ياله خارجة بانت ليها كريمة فواحد لحانوت فنفس الزنقة بكاندورة وفواطة شادة بيها جناب لكاندورة واقفة والصباغ كيصبغ ...خداتها رجلها لعندهاا وقالت: اش كديري نتي هنا

كريمة(شافت فيها بضحكة )زنقة تاع بااك وانا مفراسييش

غيتة:ونتي كاتبها ليك لقايد فسميتك وانا مفراسيش ...عند بالي خربتك لديييك جيه

كريمة:اوى غير ولفي الحبيبة شتي هاد لمحال كريتوو ...هانتيي مع نتي مكتعجنيش ولا شي نهار خبزك جا مدقس ...جي الكبيدة نعطيه لييك ...

الصباغ ضحك وهوا كيصبغ وغيتة مرضاتش وقالت:تهجرو لقيتي ريال مصرف (شافت ف كريمة )اشوفي اكويريمة ...خبزك مياكلو حد من غير لكلاب ولمشاش

كريمة:اوى غنشوفوو اخرتك ابنت لغاالية

غيتة:شللي فمك بدهب عاد نطقيي بسميتيي ...ولباغية لعجينة ولمسمن عطا الله فين طلسييهم مبان لييك غير قدام داريي !

كريمة؛مول لفز كيقفز

غيتة:لقيتيني مامسالياش لييك نورييك لقفوزية تبصح

خلاتها كتهدر ومشات من جيهة دار خنزرات فجابر وقالت: الى كلتيه تاكل فيه السم

بدلات حوايجها ومشات فطاكسي لدارهم لقاتهم مزال كيصونيو ويعاودوو ولقلب تهول عليهاا وصلاات طناش دخلات هيبة حتى هياا كتسول والو

هيبة:فين تكون مشات

الغالية:معرفت ابنتي بحالي بحالك ...يكما تكون طرات ليها شي حاجة (كتخبط فقلبها )قلبي مهانيش على بنتيي

هيبة:فين حياة

الغالية:عيط ليها هاهياا جاية

دخلات حياة كتزرب وتيليفون فودنها مخلات اوديوات مخلات ميساجات والوو

حياة:شي خبار ؟

انصاف:والوو

غيتة:سولتي ملااك

انصاف(سكتات شوية وقالت)لبارح اقباال تغاوتات مع مينة او خرجات

الغالية:وساااكتة

انصاف:ياله قالتها ليا اماما

حياة(كتمشي وتجي )الق** مها ديك ميينة برب ومتباان اقباال داباا تنمشي ندير لجدها الشووهة ...نوريها بنات الشيخة اشنو كيسوااو

الغالية:سكتي شوية سكتي

حياة:الو شهيد ...شي خباار ؟ ...كيفاش والو (صعرات )واش كتهبل علياا ولا شنوو ختيي تحضر ولبااس ...اجي داباا

كلسو فالصالون كيتسناو شهيد يجي الاخير مخلا فين قلب حتى من سبيطارات مشا ليهم لتكون وقعات ليها شي حاجة فالاخير رجع لدار كيقلب داوه رجليه لماريو لقا نص لحوايج مكاينينش وشانطة كانت لتحت حتى هيا خاصة ...كلس شاد راسوو ورجع صونا ليهاا كيصوني ويعاود يصوني ويعاود حتى جاوبات ناض قافز

شهيد:اقباال سمعيني ....الوو . الوو قوليا غير فيينك ااقبال

جاه صوتهاا بعد لحضات ونطقات بشوية : اقباال اقباال اقبال ....حسبو هاد اقباال ماتت ودفنتوهاا اقباا عياات اقبال تهدات تواحد مسول اقبال مالك شنو عندك شنو خاصك اقباال تعطي اقبال دير لخاطر اقبال دير لعقل اقبال (تنهدات ) عيشو حياتكم ولا موتوو ضاربوو ولاا فرحوو ...انا صافيي مبقييتش قادة ...جهدي ساليتووه وهلكتوه ...انا قلبي كحل ومكنسوا بصلة ؟ انا بنت الشيخة لي غتبقا مكتوبة فجبهتيي ديما ...منصلاحش لييك ومصالحا لحد قول ليها رتاحي دابا لي كانت مرضااك حسبيها ميتة وعمرك تشوفيها مزال ...حيت صافي سالينا اولد الناس ....طيط طيط طيط

تقطع التيليفون والهدرة كانت على طرف لسانو ...دخل عاود كيصوني ليهاا هاد لمرة تيليفونها طفا فمرة ...تزاد معاه الزاايد وداتو رجفات الندم والخوف تسللو لقلبو عليهاا ...كلس فطرف سرير كيعاود ويعاود بلا مايمل وخة نفس النتيحة التيليفون طفاا وغير لعلبة كتجاوبو...

فيقو غير صوت لباب كيصوني ويدق فنفس لوقت عرفها اتكون غير حياة...مشا حل عليهاا لقا وجهها صفر

حياة:واش هدرتي معاها صونيت لقيت لخط مشغول ...دوي اشهيد فين اقبال

شهيد:معرفتش احياة معرفتش

حياة:شكون غيعرف ياك نتا رااجلها اشهيد (بلغوات)قوليا اشنو واقع

وراها تسجيل لمكالمة لي دامت دقيقة فقط ...كلسات فلفوطوي كتسمع فييه ...حطات تيليفون ايديها كيترعدو مبقاتش زادت كلمة

كلس جنبها فوق لفوطوي ياله بغا يشد راسو شاف لخاتم طايح فوق الزربية مد ايدو هزو وزير علييه كيمسح على وجهوو بتانيب الضمير ...الهدرة لي سمعات منو صباح كانت تقييلة وتقيلة بزااف على وحدة فشهورها الاخيرة ...زيد عليها ولات متحملة كتر من طاقتهاا

حياة:شنو قلتي ليها اشهييد ؟

شيهد(بتنهيدة مسموعة دار ايدو تحت فموو ونطق وهوا كيشوف فلبلاصة فين كانت كالسة ) قلبها كحل ومكتبغيي حد ...بلي ولدها غتخرجو حاقد كتر منها (ضرب بايدو فالطبلة)اخخ

حياة(تحلو عينيها بالصدمة )قلبها كحل اشهيد ....ختي قلبها كحل

شهيد(حرك راسو بلا شادو بين ايديه )مقصدتش ففف

حياة(لاحت التيليفون حداه وناضت مرفوعة تاهياا خرجات من دار طلعات لدارهم...مشات بجري بدلات حوايجها

العالية:فين غاادية

هزات سبرديلتها وغادية لجيهة لباب والغالية ولبنات كيشوفو

حياة:غادية نقلب على اقباال

الغالية: واش ...مالهاا ...اقبال مالهاا

حياة:والو والو غير مناقشة مع شهيد انمشي نشوفها فين كاينة

قالت هكا بهدوء وهيا الخوف ساكنهاا خرجات كدور فلمدينة بحال شي حمقة طموبيل لي بحال ديال ختها يتهز قلبها حتى تشوف لماتريكيل

هيبة:اووف خاصني نمشيي لخدمة

الغالية:سيريي سيريي معندك مديري هناا

هيبة :فين غتكون مشات ماشي من عادتهاا

غيتة: معرفتش اختي

هيبة:انا مشيت

انصاف:مكليتي والو

هيبة:مكاين منين يدووز لكانت شي حاجة علموني

لكل مشطون لكل كيبحت ويقلب...وصلات ستاا ولا حتى شي خباار على اقبال مقطوع حسهاا وخلاتهم كيف لحنش مقطوع راسو كيدورو فدائرة وحدة ويرجعو لنقطة الصفر

خرجات هيبة كتسنا فطاكسي تيليفون فايديهاا كيصوني ويعاود

هيبة :اقبال عفاك جاوبيني قولي ليا غير فين نتيي حرام عليك تخلينا هكاا مشطونين علييك ...شنو ضاارك ..شنو مقلقك اختي (تنهدات وتغرغرو عينيهاا ) واش سخيتي بيناا اختييي ! سمحيلياا يمكن مشاكيلي كتروو علييك انا براسي ملقياش ليهم حل (خرجات شهقة وكتماتها وصوتها كيترعد ) شكون غيوقف معاياا هء ش شكون غيهز هبالي داباا حرام علييك اختي...حنا بلا بيك والوو ا اقبال عفااك

سيفطات لاوديو وبدات كتبكيي وكتشوف فطريق وتمسح دموعها ..خدات لخطوة اللولة وتبعاتها التانية فطريق لي كلها جات غير فوزينات تاع لحديد بحكم المنطقة صناعية

خرجات لشاريع كتنهج من السرعة باش كانت جاية محساتش بيها ...عينيها جغمة من الدم ونيفها حمر ...كل مرة تحبس لبكية تزيد تخرج ...غير غادية معارفاش حتى فيين ..هزات تيليفون تصصوني تجاها صوتو من وراها وقف زغب ايدها وطاحت دمعة كانت لاصقة فرموشهاا

دارت جيهتو مزيرة على تيليفونهاا رجعات بخطوة للوراء سارطة ريقهاا وقالت بشفايف كيترعدو ؛لاش تاعبني

صديق: زعمتي وليتي تمشي بووحدك ...عجيب (تقدم عندها فنفس لوقت هيا كترجع اللور ) اجي معايا اهيبة

هيبة(مخبية خوفهاا ) سي...سير فحالك ولا ولا مغيعجبك حال

صديق؛شنو غديري ؟ غتجمعي جوقة تاانيي ...اجي عندي توحشتك امراتيي حتى لين غتبقاي هاربة منيي هاه ؟ اجي

ضارت عاطياه بضهر كتزرب وهوا وراها شوية ولات كتجري بكاع جهدهاا

صديق:هيبة وقفيي ...وقفيي نهدر معاك هيبة

تبعهاا جرهاا من دراعهاا تدورها عندو بجهد وزير عليها ونطق قبل متغوت :نسمع غواتك ندوز علييك من لودن ...حتى لودن

هيبة:طلق مني اصدييق هءهءهءه

يق:عندنا شلا هدرة تقاال غتمشي معاياا بخاطرك ولاا نساليوها بشي فلحبس (زيرها عندو )شي تحت ترااب

هيبة(طاحو دموعهاا من لخوف )نمشي هءهء

صديق:هادي هيا هيبة لي كنعرف

شدهاا من دراعهاا رافض يطلقهاا غادي بيها جيهة الشاريع مزيرها فينما ترخات يزيد يزير عليهاا...توقع منو كلشيي شكلو كيخلع كاسكيط ولقب تاع لقبية فوقها سروال كحل ولحية كحلة مغوفلة

شير لطاكسيي او وقف وغادي بيها لجيهتو

هيبة:صديق عفااك غير طلقنيي ...صديق ههءهءهءه الله ارحم ميمتك

صديق:اناا ولد لحراام اهيبة معندي واليدين ...دابا زيدي وبلا شوهة لحساب عندك طوييل وخاصو گلسة (خرج فيها عينيه )غتزيدي ولا ؟

هيبة:واخ هءههء واخ مدير ليا والو عفاااك اصديق الله (نتابهات لطموبيلة هشام واقفة قدام لگيشي بدات كتقلب بعينيها علييه تبان ليهاا كيدير لفلوس فجيب وجاي لطموبيلتوو فلوقت ليي صديق حل باب الطاكسي ...غوتاات

هيبة:هشااااام ...هشاااام وعتقوووونييي وعتقووونيي سيي هشااااام

هز عينيه كيقلب على الصوت تبانت ليه كتجاار معاه ومول الطاكسي شاف القضية حامضة ومشا مخاصو بصداع

صديق (غوت عليها )سكتييي (زيرها بغا يهرس ليها ايدهاا وكيشوف فجنابوو ) هيبة ...(هز ايدو تالفووق وخبطها مع حنكهاا

هيبة:اااه(طاحت فلارض نزل بغا يهزهاا تلقا راسوو مدفوع اللور تكان غيجي على ضهرو وشد توازن

ناضت حنكها حمر تخبات وراا هشام لي واقف كيششوف ف صديق

هشام:واش نتاا حماار تحط ايدك على مرا الشماتة

صديق:مراتيي ونتاا اش دخلك تحط علييا ايدك المووسخ

هشام:مراتك الحيوان تحط عليها ايديك

هيبة:لا لا ما مرااتوش هؤهءه عيط لبووليس عفااك عيط

صديق:هيبة ...دار ونتافهموو ...زيدي قدامي هيبة

هشام(دفعو باديوو )ريح اللرض اشمن دار

صديق (شاف فصدرو بلاصت الدفعة ورجع شاف فيه كيجمع قبضة ايدوو محس هشام تجاتو دقة لنيف دوخاتوو تغوتات هيبة من الجرة لي جرها صديق ...طموبيلات كيدوزوو تاحد موقف وحتى لي دايز من تما كيقول حصلها مع واحد هدا هوا التفيكير عند بعض المغاربة

هيبة(بلحوحتها اتخرج)صديق طلق منييي طلق ...وطلاااق

تجر من قبيتو تطااحت لكاسكيط وقال :مباغيش نوسخ فيك ايديي لكن (عطاه برااس لنيفو تطيحوو وشاف ف هيبة )ركبي فطموبيل ...ركبي

صديق(شد نيفو فلارض دايخ )هيبااااا اجيي هناا

هشام(دفعو بايدو على راسوو )حشم على شييبك الحمااار

بغا ينوض وينوفوو دارو شر بالدماياات داخ شاف فايدو فلارض وهزها بالزربة كيمسحها فسروال وجبد كلينيكس كيديرو فنيفو مجا فين يفطن براسو حتى لقاا طموبيلة هشام عصرات لفراان قداامو وزادت مخلياه كالس فلارض

سايك بايد ولخرا كيتحسس نيفوو وينفضو فكلينيكس ...وهيا قدامو كتبكي

هشام:شكون هد لبسيكوباط اهيبة

هيبة:هءهءه كنبغي نزيد لقداام حتى كيخرج فطريقيي

هشام:تهدنيي ...هيبة هاكي شربي لماا صافي راه بعدناا ...تهدني

وقف طموبيل فجنب حل ليها لقرعة تاع لما وعطاها تشرب ايديها كيترعدوو محكماتش لقرعة تعاونهاا

خرج ينفض نيوفوو لي كيحس بدم لداخل وهي قريب تسخف

شاف حالتها هكاك ولتازم الصمت مبقاش سول كمل طريق وبدا كيربط الاحدات غير فدماغو لخوف لي فيهاا نهار كتغوت بهيستيرية ولييوم ولاخر لي قال راجلهاا اسئلة بزاف فراسو عليهاا ميقدرش يسولهم حيت ببساطة معندوش حق ..هكا كبر وهكا تعلم

وصلها لباب لعمارة وهيا مصدومة قدامهاا تقفزها

هشام:هيبة وصلتتي

هزات عينيها فلاقامة وزيرات على صاكها نطق قبل متخرج :معامن كاينة هناا

هيبة(بصوت منغنغ بلبكا )ماما

هشام:تاصلي بيها تنزل مطلعيش بوحدك ...

صونات ليهاا مكتجاوبش وقالت:مكتجاوبش

هشام(حيد سانتيغ )هبطي نمشي معاك ...يا له

هبطات ومشا وراهاا كيحك حاجبوو ركبو فالسانسسور ونزلات فالطبقة ديالهم ...خلا السانسور محلول وتسناهاا تحل لباب بالسارووت تسناهاا تدخلاات فيها لموت ماشي غير لخلعة ..نزل ومشا فحالو بعدما تاكد بلي دخلات

طاحت فلارض على لباب كلها كتنهج ولعرق هابط معاها جات غيتة وانصاف كيجريو مخلوعيين هزوهاا رجليها مهازينهااش

غيتة:ومااماا ...مامااا

انصاف:هيبة ماالك اختيي هيبة

الغالية جات كتجريي مع شربات دوا تاع طونسيون معرفات امتا نعسات فاقت على لغوات لقات هيبة متكينها فالصالون كيرشو عليها لماا وحالتها حالة

الغالية:اميمتي ...اميمتي على بنتيي هيبة (كضرب ف ايدها )واا هيبة مالك ابنتيي ...

هيبة:غيقتلنيي امااماا غيقتلنيي ...ما (عينيها تقلبوو وهيا فحضن الغالية )

غيتة:نديوها لسبيطاار

الغالية:غاسخفاات غا سخفاات ...جيبي لبصلة وتكعديي

**

ضارت بيها الدنيا وداقت بيهاا لمدينة مخلات فين قلبات ربعة تسوايع

بكات تعياات وغوتات فلاوديوات تشبعات شحال من بروصي تاع السرعة خلصات ...تمنية تاع الليل دنيا بدات كتخوا

وقفات فطريق وشفايفها كيترعدوو يمكن خوف يمكن حنين يمكن ولف بكات تشبعات حاسة بنقص خاصها شي حااجة ...دازو قدام عينيها بزاف تاللقطات جمعاتها ب اقبال يمكن هيا لوحيدة لي كانت قريبة ليهاا وعارفاها هازة جبال فوق ضهرهاا ...كتمسح نيوفهاا وتبكي ...صونا تيليفونهاا وتكعدت قافزة وعينيها كيقطرو لقات نمرة محمد وقطعاات ساخطة ورجعات كتبكيي بصوت مسموع ...مقدراتش ترجع لدار ومتلقهااش حابسة راسها على مينة غير بزز حيت عارفة لمشات تناضت غادير شي حاجة متعجب حد

صونا تيليفونهاا مرة وجوج ظنا منها محمد حتى لمحات نمرت هود لمغربية لكاتبة عليها هود هزاتها بصوت مرتاعش جاوبات :الو

هود:بوغكوا تي بلوغ

حياة(بشهقة ) جو ني با تخوفي ما سوغ

هود:تنكيت با مابلوند راه تكون بخير

حياة:ان شاء الله ياربي

هود:فيان شي موا ؟

حياة(مسحات عينيها ونيوفها وقالت )فين

هود:كوم داببيتيد .. ما شومبغ ؟

حياة:واخا

مسحات وجها وجمعات شعرها لفوق ب بانضة ودخلات لطريق

بعد دقائق دخلات لوطيل لقاتو واقف كيكميي داير ايد فجنب سروال سورفيت بيتي سطاسيونات قريب لييه كمل لكارو طفاه برجلوو حتى طفا وهزو رماه فلابوبيل فجنب وتمشا جيهتهاا ...عمرو شافها بهاد لوجه لباكي الحزين لعيون بانو عروقهم حمرين متاصلين ب بؤبؤ عينيها ...ميل ليها راسو بأسف سرعان متخشات فصدروو وحاوطها بايدو كيداعب ضهرهاا

هود؛ صافي ...ان شا الله خير جوبونس تبغي ترتاح نن

حياة:ماشي من عادتها

هود: اجي نطلعو

شابك ايدهاا وطلعو لفوق دخلها لشومبر ديالو كلسها على لفطوي وجاب ليها كاس تاع لماا وكلس جنبها محاوطها بايدو ومعضم الحوار كان بلفرنسية

هود:تخاصمتو ؟

حياة(حركات راسها بلا وهيا متكية فحضنوو ) نتا معارف والوو على اقبال (طاحو دموعهاا )ختي هيا لي لقيناا ملي باناا معقلش عليناا...مشافش وراه ومشاا ملي كنا صغاار ...كبراتناا وسمحات فقرايتها باش حنا نقراو ونكبرو مزيان (بشهقة )عمرها تشكات ...عمرهاا قالت لينا مالي انا وعلاش اناا هءهءه بزاف تلحوايج وقعو ليها بسبابنا ومزال معينااش حاسبينها بحال شي روبوو ديماا كيمسح ديفوات لي فيناا محاسبينهااش غير ختنا اهود (طاحو دموعها على ايدو )هياا كلشيي ولمكانتش حياتنا كلهاا غلط فغلط

مسح دموعها كيسمع ليهاا كيفاش كتهدر على ختهاا وكيفاش كتعاود لييه طفولتهم اختاصرات ليه المفييد فجوج كلمات *ختي هيا حياتناا *

هود:غترجع...ميمكنش تخليكم

حياة:تكون عيات مناا ...منحقهاا تواحد فينا مكيهز ليها شوية لهم من لي هازة ليناا

هود:وحدة هزاتكم وهيا صغيرة مغتجيش حتى تكبر وتمشيي وتخليكم ...تكون بغات ترتاح...شي مرات لواحد كيبغي راحة لنفسو يفكر فيها ويرتاح من كلشي

حياة(مسحات دموعهاا بعياء )ياربي يكون كلامك بصح

زاد زيرهاا عندو وقال :متخافيش غترجع

هيا فحضنو ومرة مرة تصوني ليهاا حتى صونات عليهاا الغالية

حياة:الوو ماما

الغالية:شي خبار ابنتي

حياة:واالو عيت نقلب

الغالية(تنهدات ) دارتها بصح ...اراجلك صونا لياا مالك مكتجااوبيه

حياة:شنو بغاا

الغالية :مكتجاوبيهش تشوش عليك

حساات بهود بغا ينوض وتقدات فبلاصتهاا وقالت كتنهد :دابا نهدر معااه (حيدات تيليفون من ودنها )هاهوا كيصوني

الغالية: وخة ياله

قطعات معاها وحطات التيليفون تنطق هود متكي على لبالكون وقال:جاوب

حياة:شنو نقولييه

هود:جوسي با ..مي جاوب

هزات التيليفون بكسل وجاوباات :الوو

محمد:: واش ضروري تخلعيني ديما هكاا

حياة:علاش غادي تخلع ...راني بخير

محمد:ولكن انا لاا ...توحشتك

شافت فهود لي مقابل معاهاا وقالت:محمد انا سايݣة داباا نوصل لدار ونهدرو

محمد:ؤك شيغي

لاخت تيليفون حداها مهدروش لدقائق حتى قالت:غنمشيي

هود: باش تهدر اليز ؟

حياة: بلاااما تفرع ليا ك** اهود لي فياا كافينيي دابا

هود: بقا هنا

حياة:اش غندير نضرب شقوفة معاك

هود(حرك راسو باستفهام ) شقوفة

حياة (هزات تيليفونها وناضت) لكارو

هبط معاها لتحت حتى مشاات شدات طريقها حتى دخلات لدارهم كلسات فالصالون ولبنات عاودو ليها اش وقع لهيبة لي سدات عليها فلبييت عياو معاها تحل والو عاطياها لبكاا لا غير

...

4 ايام لا حس لا خبر وقفاتهم فوق الحضيض ...التيليفون خدام لميساجات كيوصلوها منهم كاملين ولكن شكون يجاوب تاحد

دار لغالية ولات دار ݣنازة بلا مييت لمن تعطي الرااس واش لي سادة عليها فبييت ورجعات حالتها كفس من اللول ولاا ليي معرفات اشمن طريق صداات ...معرفات علامن تبكي وتشكي لزهر بناتهاا