شهيد:نتي مي على راسي وعيني ...واش معارفاش شنو درتيي ؟ اقبال غتولد فالتاامن شكون سبابهاا ؟ اناا ونتيي هدرتك لي كضر فلخاطر هيا سبابناا ....شنو غيزيدني ولا ينقصني الى كانت مها شيخة ؟ واش انا مزوج بمهاا ؟ ...تزوج باقبال بلبنت لي باغيهاا ملي كنت برهووش ...هدا لي قداامك ...كونما لقاا واليدين لي يردوه لطرييق كنت نتبع طريق متخرجني لا انا لا نتوماا ...اقبال لاا ملقات حد فجنبهاا لقات راسها بوحدهاا كبرات راسها برااسهاا ...ماشي دنبهاا مقراتش ماشي دنبهاا مها كانت ولا تكون لي بغااات ....نهار نسمع كلمة شييخة ولا غير قد هكاا غير قد هكاا مغيبقاش شهيد لي كتعرفيي ...عنداك يحساب لييك بهكا كضري شي حد ...كضريني غير اناا ...بغيتيني نبقا حياتي كلها بوحدي هانتي ديري لي فجهدك وفرتكي هاد العش لي عاد كنبنيو فييه ...بغيتي حتى انا ولديي يعيش بلا بااه كي مو ! بغيتي تولي تشوفي حفيدك غير فالاعيااد بحال ضيااف ديري لي عجبك
نتي ميي ورضاك عندي بالدنيا ومافيهاا نكون عبد تحت رجلييك اميمتي ولكن لي لدااخل راه كنبغيهاا وعندي معاها ولد لي معارفش اش غيوقع منهنا لسااعة غيديروه فلقرعة حيت مزال مكاااملش وهدشي كلوو بسبااابيي (ضرب فصدرو ) حيت ضريتها بلهضرة بسبابك ....(ببحة )يقدر يمووت وعمري نسمح لرااسي اميمتي ...لكنت ولدك غتوقفيي معاياا ...لكنتي مبغاش داك لحفييد غير خليني هناا بحالا مقطوع من شجرة
ضرب فيها وزااد مخليها واقفة جامدة فبلاصتها تنهد ناصر وقال:مينة ....نعلي داك الشيطان وخليي هاد لعائلة مجموعة ... يمكن لعمر ييكون قصير خليني نشبع من ولدي او ولادو
دخل تبع ولدو وخلاوها واقفة كتبخ الدم وعينيها حمرين بدموع ...حالها من حال بعض الامهات كيتعلقو بولادهم لدرجة كيغيرو من عيالاتهم ومن حياتهم بعيدة عليهم ...كيبغيوهم يكونوو هوما عينيهم ولا شيء تاني
قلب عليه بعينيه تلقاه كالس فلكرسي كيهزز فرجلوو وشدا راسو بين ايديه كلس حداه وربت على ضهرو بطيبة وحنان وقال:متخافش اولدي ...سيدي اسماعيل هوا وبنتي اقبال يكونو بخير
مسح على وجهوو وتنهد عينيه فلارض وقال: ان شاء الله
ناصر: وصافي نوض عند مرااتك اولدي نوض ماتخليهاش بوحدهاا
شهيد؛هدشي الى كانت باقة بغاني الواليد ...اودي ررونتها بايدي وصافي مضبطش الامور وبقيت كنققول غدا يكون كلشي مزيان
ناصر:هدشي ولا بد منو غير لواحد يعرف اش كيخرج من فمو ...شي مرات لهضرة كتجرح كتر من لعصاا
شهيد:بزااف
جات حياة كتجري غير شاافهاا وقف كيجريي سبقهاا لعند اقباال لقا طبيبة كاينة عندهاا
_غندخلوها تولد داباا
شهيد:نقدر ندخل
_وي وي تقدر ..سير مع حنان تعطيك لبسة بينما وجدنا اقبال
مشا لعند اقبال لي تجهد عليها لوجع بجهد وعرقات وقال حاضن وجهها :انا معااك احبيبتيي معاك
اقبال(كتنهج )ولديي فامانتك لوقعات ليا شي حااجة
شهيد:مغيوقع والوو وغتخرجي بخيير نتي قوية
دعاو معاهاا دخلوها لغرفة الولادة مكان بارد كيبورش الجسم وكيبعت على الخوف بلا متحسيي ...نعسوها لفوق وقادو ليها رجليهاا غطاو ليها شعرهاا بلبوني...رماو على رجليها غطاءء اخضر مغطيي رجليهاا
_اقبال (ربتات على ايدها بابتساامة )معندك مناش تخاافي الامور غادية مقادة ...خاصك غير تعاونيناا
هزات عينيها تشافتو داخل بلباس ازرق ....مدات ليه ايدهاا وشد فيها مزير عليها وقال:انا معاك
حركات راسها بالايجاب كتسووط وتزير علييه وجبهتها كتقطر بلعرق تحت تشجيعات شهيد وطبيبة والطاقم الطبي لي كان كلو عيالات فقط
_اقباال الي اليي ما شيغي ....قربتيي غير يبان لي الرااس غنعاونك فازي
شهيد:مبقا والوو احبيبة دياليي صبري
اقباا:فففف فففف ااه
جهد نص ساعة او اقل لستغرقوو حتى غوتات اقباال من حرر لولادة زير عليها شهيد
موراها تسمعات صرخة تاع بيبي صغيير خفيفة رماات راسها بتعب ورما شهيد راسو على كتفهاا كايقول الحمد لله (هز راسسو فيهاا وباس ايدهاا وقال) إسماعيل جا
" إسماعيل "
ملحق 11/09/2021
حطات ليها لبيبي فوق صدرها ملوي فغطاء اخضر وقالت:غنديوه شوية
اقباال:فين ..خليه لياا شوية
شافت طبيبة فشهيد
شهيد:اقبال ...نتي عارفة ولدتي قبل لوقت بزاف ...دونك لبيبي خاصو شوية لوقت و
اقبال(تفزعات من بعدما هزوه )شنو واقع ...كيفاش فين غيديوه
شهيد:هدشي لي عارف حتى اناا ...مزال خاصو شوية لوقت دابا راه داوه دايرين ليه الاكسجين حيت زراق قبييل
مينة:اارببيي ياك ما شي مشكيل كبيير
شهيد:الاكسجين هداك الواليدة (تنهد )نتمناو خير طبيب غيقولينا شنو كاين
مينة (ربتات على كتفوو )ان شاء الله خير احببيبي ...اقبال كيبقات
حياة(بركمات بينها وبين نفسها )تقتل لميت وتبكي فݣنازتوو
شهيد:مصبراتش ملي داوه ليهاا ...دابا راه نعسات عطاوها ديكالمون ينعسوها شوية ....مكاين لاش تبقاو هنا ...تالغدا وجيو
ناصر :نقدرو نشوفو لوليد اشهيد ؟
شهيد:غير من زاج (مسح على وجهوو ) اجيو معاياا
تبعوه ملهوفيين حتى وقف قدام الزاج كانو جوج فرملييات كيقادو فلبيبي مزال حمر وشعر كيبان كحل لاصق شوي وليكوش كبيرة عليه بزااف حيت وزنو ضعيف مواصلش لوزن المثاليي تاع زيادة لي هوا 3 كيلو
الغالية:اميمتي كمييشة ياربي تنقص من عمري وتزيد لييه
مينة : ان شااء الله خيرر ياربي ربي معااه (مسحات على ضهر شهييد ) ايكون خير اولديي متخاافش
حرك راسوو بااه
**
نعاس وهدوء تاام شحال محسات بييه الحس مقطوع وصداع نااقص...حلات عينيها فشومبر بيضة والشرجم مضلم بستائر بنية...حلات عينيها تقال من نعااس ...بدات كتستوعب لبالونات فاللون الازرق فجناب لبييت مكتوبين بحروف اسم المولود لجديد بوفيت كبيير فلازرقووالابيض مكتوبة لفوق اسماعيل بحروف فرنسية ...صوت لباب خلاها دور لجيهة لخرا تشوف شكون بان ليها شهيد خارج من دوش كيمسح ايديه تلقات عينيها معااه. او وقف بعيد عليها بمسافة بسييطة كيرمش فيهاا وكيقرب ليها بشوية توصل عندهاا ...بايدين باردين تلمس حناكها دافيين ب نعاس
خرج عند لباب عيك ليها ونفس الوقت عيط فالتيليفون كيعلمهوم راه فاقت كانت جوايه 12 تاع الغدا...دخلات لفرملية عبرات ليها الطونسيون وخرج شهيد باش تعاونهاا تلبس وتغسل باش تفطر
حياة:سربيي سربيي راه فااقت ا شكدير نتي ؟
الغالية: الحسوة بحب رشاد دير ليها لحليب
هيبة:غيتاا جيبي السربيتة الحمراا
غيتة:هاديي !
هيبة:اه هاديك ...شكون غيمشي !
حياة:كلناا ... انمشي نهبط لطموبيل متعطلووش
خرجو لابسين جليلبات صيفية فرحانين لختهوم ...وصلو عندها طايرين من فم باب لبيت بدو كيصليو على نبي
حياة:صلااااةووالسلام على رسسول الله الله معااه جاه لعااليي لولووللوي لوولوي لووولوي لوولوي
حياة:شحال هادو
هيبة:ربعة
الغالية:كملي سبعة ههه
حياة:تالدار ليجريو علينااا هههه
غيتة (مشات طارت على اقبال بتعنيقة)ختيي مبروك علييك الحمد لله على سلامتك
انصتف:ختي على سلاامتك...يتربى فعزكم ان شاء الله
اقباا(بهدوء) امين ياربي
جامعة شعرها ديل لابسة بيجامة بيضة حريرية بسروالها القاميجة فيها لعقاد وجها باين فيه التعب شوية والارهاق هازة راسها ومتكية ودايرة مخدة ورا ضهرهاا وشهيد واقف حداهاا
ميك عليها مجاوبهااش وكلس فوق لفوطوي عطاتوو حياة الحلوة والعصير من لبوفيت هوا وشهييد وهوما ضايرين باقبال دايرين ليها بحال لما لقلييل ...ماشي بزاف حتى تحل لباب ودخلات ملاك كطل برااسهاا وتبعها نااصر وقف سلم عليهم شهيد مترقب لباب
ناصر:بنتي اقبال كي بقيتي ...مبروك زياادة ابنتي
اقبال(بعياء )الله ابارك فيك اعمي
ملاك:بيلوو مبرووك ههه ولييت عميتوو
اقبال:داكشيي ههه
مرة مرة عينو تهرب الباب حتى فقد الامل وقرب لجيهة اقبال وملاك لعب فشعرها وشاف فاقبال وقال:صافاا ...نقص لحريق
اقباا:شوية
الهدرة قليلة بمعنى القلب مزال كيفيض ومزال عاامر ملقاها حتى من جييه
توادعو معاها وكلشي خرج خلاوها مع لفرملية تحيد ليها السيروم من ايدهاا وشهيد خرج ياخد ليها تيرلي باش تجبد لحليب من صدرها
**
دخلو لدار وكل وشنو كيدير نزلات حياة وغيتة من بعدما شدو ساروت من شهيد خملو الدار والفوق الغالية كتقاد ف سفوف وتخلط فييه وهيبة كتقيد المقادير اشنو دير فلحلوة
مداتها ليها انصاف وطيراتها بزعفة من ايدهاا كتحسب فييهم
*"*
ربعيام طارت تقييلة على اقباال كل همها تشووف ولدها وتحضنوو بيين ايديهاا بقات فلكلينيك ناعسة معااه كطل عليه فقط باش تهزو مزال مسمحو ليهاا ...واقفة فشرجم كطل على طريق عامرة وقت 12 تنهار لكلاكصونات فالرومبوان ودنيا عامرة لتحت ....مربعة ايدها ومتكية على الزاج كتشوف بسهوة ...حتى دخل شهيد شافت فيه ورجعات انظارها لطريق ...
تمشا حتى قرب لييهاا داعب كتاافهاا بحب وقال: متبقايش واقفة بزااف اجي رتااحي
اقبال:لهاد الدرجة كتهمك راحتي ؟
شهيد: باركة علياا غير فينما نشووف لبيبيي نتفكر بلي نقدر نكون سباب حتى تزاد قبل لوقت ...متزيدينيش ا اقبال ...والله حتى عيت
اقبال:حتى لفرحة لي كنت كنتسناا هرستوهاا فياا (دورات عينيها مقوية راسها رافضة طيح شي دمعة مصات شفايفها رافضاهم يرجفو )
حكاية أنثى الجزء 52
محتوى القصة
التنقل بين الأجزاء