حكاية أنثى الجزء 54

من تأليف لبنى السرابي
2021طور الكتابة

محتوى القصة

رواية حكاية أنثى

تمخشات فلمخدة مزيرة على عينيهاا وصوت المؤذن دخل معاها بحال السم فجسمهاا...تبوريشة هزاتهاا وقلبها بدا كيضرب على جهدوو ...اشنو تقول ياربي تسمحليي ...علاش متفكراتش ربي قبل مطييح فهادشي باشمن وجه واشمن لساان تقول ياربيي

بعدما سالا حلات عينيها كترمش كتعض فصبعهاا وكتقوول فنفسهاا هدا غلط درتو واناا متحملة مسؤوليتو

حسات بلباب تحل ..غمضات عينيها تحسات بيه نعس وراهاا داعب كتفها وقال:حياة
حياة:ممم
هود:نعستيي (حركات راسها باه )بونوي (باسها فحنكهاا...تخشا معاها فلفراش ..رما ايدو عليها وجرها عندو..حطات ايدها على ايدو وضارت جيهتو...خشات راسها فعنقوو هاربة من افكارهاا ...استسلمو لطيف النوم مع الفجر ....

مع خيوط الصباح حلات عينيهاا علاش لاا وهيا احلامها عبارة عن كوابييس واحلام اليقضة ...حيت منعساتش مرتاحة ابدا فتفكيرهاا...شافت فيه كان نااعس عاطيها بضهر...حيدات لغطا من عليهاا وكلساات هزات تيليفون كانت تسعود قريبة...وقفات بنغزة تحتها دغيا فاتها ملي بدات كتحرك ...هزات حوايجهاا لبساتهم وهوا عاطيها بضهر ...دغيا تقلب على صدرو ولا شاد نص لفراش...تقابلات مع لمراية وششدات فصدرها لبلاصة لي مامغطيها لبيل فيها طبعة زرقة ...بدات كتقلب فعنقها كاينين ولكن خفاف لمكياج غادي يخبييهم ...هزات تريكو رجعات خشات منو لقدام ف سروال وخرجات كتسلت كتقلب على صندالتها هزاتها هيا وصااكهاا ومشات لباب كتسلت حلاتو ورجعات سدات وهبطات فسانسور كتلبس صندالتهاا

شدات طاكسي حطها حدا طموبيلتهاا مشات لكوفر نيشان ...كانو شي حوايج مبقاتش بغات تلبسهم وحطاتهم فلكوفر حتى تديهم لواحد لبنت كتعرفها مفحالهمش ...بدات كتقلب على شي حاجة تستر فضيحتها ومدخلش بتريكو رجاليي ولمشكيلة كبير عليهاا ...لقات تريكو نص كون موف ...هزاتوو هوا وسبرديلتهاا ديما فطموبيل مكتقدرش تسوگ بطالون لبسااتها ومشات لبلاصتها كلسات جبدات مكياجهاا تخبيي لطراس فعنقها لي بقاا بااين ..رجعات كلشي بلاصتوو وتكات على لفولون كتسووط


حياة:تهنيتي داباا؟ بردتي احيااة بردتي اووف اوف
دارت ليها طن فراس ديمارات طموبيلتها وقفات قدام صيدلية ...بقات كتربت بايدها فلفولون ...خرجات وبعد دقائق رجعات وكينة فايدها وقرعة تاع لما صغيرة حلاتها دغياا دارتها فمها وتبعاتها لما دغياا...جمعات لكرطونة لاحتهاا فلابوبيل حداها ورجعاات مكملة لدار وسااهية

**

على لمسات خفاف فوق حنكها حلات عينيهاا مشابعاش نعاس ..لقات شهيد كالس قبالتها ...تقلبات جيهة ولدها لقاتو ناعس فبلاصتو

شهيد:كيصبحتيي
اقبال:منعستش مزيان
شهيد: سهرك ! سمحيليا ...كان ضروري خاصني نمشي لصيدلية بلييل
اقبال:شنو وقع !
شهيد؛واحد لمخربق ...مكيلقا ميدير كيجي يحيح باش نعطيوه لفنيد يتدروكا
اقبال: مشكيتيش بيه
شهيد:ديجا شككيت بييه ولكن كيبقا فياا ...مسكين حالتو حالة
اقبال:عنداك شي مرة تهدر معاه ولا تعطيه اش بغاا

شهيد:منقدرش نعطيه ...داكشي فيه مشااكيل الى لقاوه عندو لبوليس وقاليهم شكون عطاه تمشي فيها
اقبال:رد بالك
شهيد(رابسم ليها وباس ايدها )يخلي ليا لي خايفة عليياا
تبسمات ليه وقال:انا غير ملي ضحكتي لياا هداك هوا نهار لكبيير عندي

اقبال:عاودهاا الى منهجرو ليك
شهيد:هجرتوو حتى شاط لخير (باس نيفهاا )توحشتك (باس فمها بحب )
اقبال:شش غتفيقوو عاد نعس

دق شي حد فلباب ونااض وهيا كتسد فصدايف لبيجامة حيت رضعات اسماعيل حل لباب لقا فوجهو مينة ب بلاطو ديال لفطور ...فيه حسوة بلحليب وسميد وحب الرشاد وتميرات وكاس تاع لماا

شهيد:هدشي لياا
مينة:مالك نتا ناافسة ...فاقت اقبال
شهيد(فايقة حل ليها لباب ودخلات متبعها بعينوو بابتساامة

مينة:صباح لخيير ...كيصبحتي شوية
اقبال(لمدة كتشوف فيها وقالت)شوية الحمد لله
مينة:نوضي تفطريي لييك بلحسوة بينما قادينا لفطور ...شربيهاا راه كدير ليك لحلييب ...اولبسي مزياان هدشي راه خفيف

شهيد:لبيت سخون (داز لجيهة ولدو كيتااوب )
مينة:هيا عضامها محلولين ...
اقبال:الله اجيك لخير ...نغسل ونفطر

خرجات وتبعاتها اقبال لدوش غسلات وطرفات حالتهاا وخرجات ...حلات لباب لاخر كتلقا انصاف وملاك نااعسيين تبسماات وردات عليهم لباب وسمعات لغالية او مينة فلكوزينة كيهدرو ...بغات تمشي وسمعات ولدها كيبكيي

دخلات لداخل لقات شهيد واقف حداه وقالت:بقيتي حتى فيقتييه

هزو كيضحك دايرو فإيزار خفيف من بعدما بدل حوايجو ...كلسات فبلاصتهاا كتفطر وشهيد واقف كيمشي ويجي ب ولدو ...دقات الغالية ودخلات تطمن عليهم

الغالية:نزيدك حريرة ا اقبال
اقبال:لا براكة علياا
الغالية:نمشي نطلع نجيب شي حاجة ونجي دغياا نفيق لبنات

**

فاقت هيبة على صوت التيليفون كيفيبري ...حلات نص عين تشوف النمرة حتى لقاتها تاع هشام وناضت قافزة ...نضفات حلقها وتوكضات

هيبة: الو سي هشام ...صباح لخير
هشام(جاها صوت تاع صداع والخبيط من حداه عرفاتو فلاتولي فالشركة ) هيبة صباح لخيير يكما فيقتك !
هيبة:لاا كنت فايقة
هشام:كتسمعيني !
هيبة:اه اه دابا مزياان قبيلة صداع
هشام:ايه كنت لتحت ... هيبة تقدري تجي عارف عطيتك ان سومين ولكن ايغجون
هيبة: لا مكابنش مشكيل ...نلبس ونجي دغياا
هشام:داكوغ هيبة جي عاد نهدرو
هيبة:ؤك ان شاء الله

ناضت بزربة دخلات لدوش غسلات وجها وسنانهاا وبدلات كاع حوايجهاا ...تسمعات لباب تحل بانت ليها حياة دخلات نيشان لدوش

هيبة:حيااة ....حياة مالك
حياة(من دوش كتقلب فعنقها ليكون باين شي حاجة )واالو منبوولش ؟

خرجات لبييت لقا الاخيرة كتلبس وقالت:هانتي !
هيبة:غادية لخدمة
حياة:اييه مزياان
هيبة:كيداز لانيف
حياة:اش (تفكرات اش قالت ليها )ايه دااز مزياان ...غنطيح نعس
هيبة:وصليني
حياة(تلاحت فبلاصتهاا )رجلي فااشليين شدي طاكسي
معاوداتش هدرات هيبة لبساات دغياا وهبطات تلقات مع الغالية طالعة تسالمو فدرووج ...دخلات هيبة سلمات على ختها باست ولدها وهبطات ...لقات مول الطاكسي ف فم الباب كيتسناا ركبات وصلها لشركة حتى لقدام لباب ...دخلات دغياا شادة صاكها قدامهاا دخلات كتلقي السلام على لي خدامين معاها تكانت بغات طلع وعيط ليهاا حسن من لبيرو


حسن:هيبة صافاا

هيبة(مشات عندو )بخير الحمد لله
حسن(درور عندها لكرسي شاد فايدو ملف ) غبرتي ...توحشناك
هيبة(ابتسامة صفراء)ضرووف ...هادي شي خدمة جديدة !
حسن:مم ديطاي ديال لحديد لي غيخص فلبرووجي جديد ...نتي هضري مع لفورنيتور يديرو ثمن منااسب

هيبة:مم صافيي واخة ...وخة كيقسح انشوفو مع الشركة لخرى

حسن: ديال لوكيلي !! هههه واهلييي نوضها معاهم مود افيو فهاد ربعياام هادي
هيبة:وايلي علاش كانو كيديرو معانا ثمن منااسب زعمة
حسن(ضحك ) معااك ...ماشي معااه مشا يدير معاهم اجتماع متفاهموش وصدق بروجي داه واحد اخور ...عندك زهر مجيتيش هاد ربعيام ههه
هيبة:ناري بلا والو كنخاف منو ههه باز ليكم
حسن:شتيي ضحيكة شحال زويينة حشومة علييك تحرمينا منها سيماانة

وقف عليهم كي قباض رواح داير ايدو فجياب سروال توب صباط كحل كيلمع او قميجة فالسروال كحلة وكلاص ...دار ف حسن واحد تخنزيرة ترجع اللور وشاف ف هيبة وقال: لبوسط ديالك

هيبة:حم ..سي هشام غير خديت لملف باش نشوفو
هشام(حرك ليها حجبانو فقط تجاوزاتوو وطلعات كتفتف وقلبها غيسكت واحد لكاريزمة عندو كدير فيها التفتافة. ...الاخير خنزر ف حسن وقال بتحدير ) متخلينيش ا حسن ندير معاك شي التزام ميعجبكش

حسن:سي هشام راه
هشام:خدمتك ...وطلق راسك شوية سير لشونتي شوف مروان اش دار

حسن:داكوغ سي هشام تودوسويت

طلعات لبيرو ديالها كتفتف دخلات وهطبات راسها فلملف وهزات لبراي تاع التيليفون تبدا قبل ميطلع يعطيها درس من جديد

شافتو داز لبيرو ديالو لي قبالتهاا غير سادة بابهها الزجاجي لي مغطي غير بريدو كيهبط وكيبان كلشي ...كتر من نص ساعة وهيا كتهدر حتى راسهاا ضرهاا تقطع مع هدا وتصوني لهادا تشحفات

ناضت هازة لميلف وتاجهات لبيرو ديالو دقات وسمعات دخل ودخلات بابتساامة ...اول مجات عينها فيه هوا بنت صغيرة كالسة فوق لفوطويي كتهدر مع مونيكتها وكتمشط ليهاا ...من شوفة اللولة تحكمي عليها نصرانية ...حولات عينيها لهشام خدام فلبيسي ولوراق
هيبة:سي هشاام اوغكانيزيت معاهم طخوا ميليون
هشام (هز فيها عينوو ونضارات طبية ضارب فيهم ضو لبيسي مكيبانوش ليها عينيه تحتهم ) اخر تمن
هيبة:ويي
هشام :مم (شاف فلبنت صغيرة لي كتهدر مع مونيكتهاا وتغني ليها )سيلياا بشوية صداع ابابا
سيليا :داكوغ papa!

ملحق 22/09/2021

هيبة(تبسمات لبنية والاخيرة بدلاتها الابتساامة )الله اصلاح
هشام :امين ...بون صافيي ديري معاهم لضات باش يجيبو لحديد لديبو
هيبة:ؤك

حتى بغات تخرج وعيط ليها :هيبة
هيبة (دارت شتفت فيه )وي سي هشام
هشام: يكما باقي شي مكشيل معاه ؟
هيبة(بحالا فكرها فيه ) لاا ...من داك نهار عمري شفتو مزال
شام(اومئ ليها بعينيه داير ايدو تحت دقنو )ؤك بخوند سوا دو طوا

هيبة (بابتسامة ) ميغسي
خرجات من لبيرو مشات لبلاصتهاا وكلسات مكملة خدمتها...بان ليها خارج وفايدو بنتوو دازو عندها لبيرو وقال:هيبة ...تكلس معااك نسالي شي حاجة ف لاتولي

سيليا:نمشيي معااك (كتغبن بغنج )
هشام:نن ..اتسنايني هناا تما خاايب داكوغ
سيليا (حركات راسها باه وكلسسات كتغبن )داكوغ
اشار براسو لهيبة باش ترد معاها لبال تبسمات لييه وخرج ...خلاها معاها وحدة كتهز عينيها فلخراا وتهبطهم
هيبة:شنو سميتك
سيليا: سيلياا ...اي طوا
هيبة:هيبة
سيليا(تبسمات ليها ) ؤك

ضحكات هيبة كطابي فلبيسي حتى سالات وشافت فسيليا خفية وهيا كتلعب مرة مرة طلع فيها عينيها ....اقل ماتقدر تقول غزاالة لعوينات عسليين بحال باها شعر زعر وبييضة تكون ف عمر ست سسنوات غير ضعييفة ...هازة فايدها مونيكة كتلعب معاها لابسة كسوية قطنية قصيرة مع سبرديلة وبراصلي دهبي فايدها مع حلقات صغاار

سيليا:اوووف (بدجر ) جو ڤو بواغ دو لو ! (بغييت نششرب لما )
هيبة (حلات لقرعة ديالها عاد شراتها مزال مشرباتش منها مداتها ليها بابتساامة )هاكي
سيليا :او نتي ؟
هيبة:غير شربيي احبيبة
سيليا (بابتساامة وجوج سنينات طايحين من لتحت )ميغسي طااطا هيبة
شدات هيبة تيليفون لقات انصاف سيفطات ليها تصاور اسماعيل وفرنساات وخرجات من فمها وينووو
سيليا:ان بيبي !!
هيبة:ههه باش عرفتيه
سيليا: طاطا عندها بيبيي ههه ومامي كتبقا تقولاا وينوو مون بوتيت اموغ ههه

هيبة:حتى ختي عندها بيبي صغيييور ...سميتو اسماعيل
سيلياا (بفضول )جو ڤو ڤواغ طاطا !

هيبة(بابتسامة )ويي بيانسييغ ...فازي

ناضت بفرحة مشات عندهاا كلسات عندها وشدات ليها التيليفون كتفرجها ف تصاور اسماعيل

سيلياا:اووه تخي بوتي (صغير بزاف ) ميي تخيي بوو (باست تيليفون )شنو سميتوو ؟
هيبة:اسماعيل
سيلياا:زوين جيبيه شي مراا
هيبة:ههههه (فنفسها )يعلقني بااك انا ويااه ههه

سيلياا :انا عنديي ...بزااف تاع لي بيبي فلافاميي
هيبة:بصااح
سيلياا :وييي بصااح كاغصون وكاغصوون ووكاغصون بزااف او طخووو فيي
هيبة:(بفضول)ممم ونتي عند ختك ولا خوك
سيليااا :وييي بيان سييغ عند (دارت بايدهاا )ننن عندي هاداا ....إلياس ..مشا عند باا سيدي
هيبة: زويينة اليااس ...نتي هيا لكبيررة ولا الياس
هيبة(كتلعب بايدها )جوسي باا انا منعرفش (هزات كتافهاا )مي بابا وماما يعرفوو

تبسمات ليها كتلعب معااها وسيلياا كاي طفلة فالنموو سؤوال تابع سؤال وهيبة شادة لخااطر من ديما عزاز علييها لوليدات صغار ...حتى دخل هشاام لقاهم كيضحكوو وقال:سيلياا (مد ليها ايدو )قوليي لطاطا هيبة اوغوڤواغ

سيليا(مسخاتش )سيلتوبليي بابي نبقاا شوية
هشام(بجدية )سيلياا..راني فلخدمة ابنتيي ...ماماك لتحت كتسناا
سيليا:ماميي ...يس داكوغ (مشات كتجري باست حنك هيبة وقالت)اوغوفواغ طاطا ...بوسي ليا اسماعيل

هشام :شكون اسماعيل ؟(سؤال خرج من فمو بلا تفكير والاخيرة جاوبات بنيتها

هيبة:ولد ختي لي عاد تزاد
هشام:ااه بون فيليسيطاسيون
هيبة:ميغسي سي هشام

ودعاتها بايدهاا ...ومن فضولها ناضت لسرجم لي وراهاا مكيبينش لبرا ولكن هيا كتشوف اش كاين ...بانت ليها سيارة زرقاء واقفة خرجات منها مرا بيضااء بلباسس كلااص محجبة وكتبان حتى من لبعيد زويينة يعنني بنتها شابهاها هدشي لي جا فبال هيبة وهيا واقفة كتبركك حتى شافت سيليا مشات عنقااتهاا ...وهشام تابعهاا بشوية وقف جنبها كيهدر معاها ويضحكو مع بنتهم ساس ليها شي حاجة من على كتفهاا ...تشدات ليه فكتافو خايفةة وسيليا بدات كضحك عليهاا ...هز عينيه لفووق وتخبات هاربة تاوية طيح على لكرسي عاد تفكرات راه الزاج مكيبينش ومع دالك بقات منوية طلات من التيساع بانو ليها فرحاانين كيهدرو وبنتهم كتلعب وسطهم ...تنهدات بحزن ومشاات كلساات

كان حلمها واحد لوقت تكون عندها اسرة سعييدة وليدات وزوج فيه اب حنون لوليداتها وعليهاا ...تعوض نقص حنان الاب لي معاشتوش وتعوض بزااف تلحوايج تحرمات منهم فطفوولتهاا مع عائلتها....طلعات النفس قوية وخرجاتها سهات كتلعب بستيلوو وايد على حنكهاا

غيتة هيا غييتة ...متسوق لحد ماا تربي كبدة على حد ...كلامها هيا وجابر مبقاش كيتعدا كلام عاادي جداا باارد ...صونا ليها تيليفونهاا وناضت هزاتو عينيها ناعسيين بانت ليها سميت جابر فليكرون وجاوبات

غيتة:الوو
جابر:باقة ناعسة !
غيتة(حكات عينيها )ممم شنو
جابر:جي لدار
غييتة:علااش
جابر:لحاجة جاية فلعشية ...شنو نعيط لشي مرا تجيي بلاصتك ولا شنوو
غيتة:ففف ونفطر ونجيي
جابر:صوني ليا نجي نديك
غيتة(قلبات عينيها )واخة

ناضت كترطاا خرجات لكوزينة عند لغالية لابسة شوورط كتقول غير سليب ولفوق تاعو فوق السرة

غيتة:ماما ...كطيبي لخبز !

الغالية:كنتسناه يخماار ونرمييه علاش
غيتة:فففف عيط ليا جابر ...جداه جااية وخاصني نمشيي (بتدمر)اووف عاد رتاحيت فمخيي هاد السيماانة
الغالية(شافت فيها مطولاا ) ابنتيي ...عييت نفهمك عييت نفكر اشمن دنب هاد الراجل داير معاك تاااتنفريه هكاا ...كيبقا فيااا وحق الله العضيم

غيتة:راه بنتك لي تبقا فييك ...تمشي معايا انصااف ؟
غيتة:علااش ؟
غيتة:تعاونيي
الغالية:دارك كتعرفيهاا ...انصااف مامساليااش كتحفض
غيتة:كتحفض بغات تشد لينا النواوي راه غير كاطرياام قلتها تا انا لي عندي لبااك
الغالية:غيتة اطلعي لياا السكر على صبااح عطيني بالتيسااع طلبتك شررع
غيتة:واعطيني هاد لخبزاات وعجنيي وحدين خريين ....ياك شرات لييك حياة لعجاانة ! انا مسكيينة معندييش ...الله ارحم لييك لواليدين اماما

الغالية: واااا مكتووب هدا مكتووب
غيتة(باست كتفها )الله اعطيك شي حجة اميمتيي (بهمس )وابشوية اتسمعك حياة
**
فينهياا حيااة ...سادة لباب على اساس نااعسة ...متكية فبلاصتها وحاطة مخدة على رجلهاا كتاكل فضفارهاا وتفكر فلباارح وتمسح على وجهاا وتسوط ...تيليفون حداها كل مرة يفيبريي قرب يكمل عشرين اتصال ملي خرجات لدااباا ...مبغاش تجاوب ...هزات تيليفونهاا وقطعاات عليه وموراها طفات التيليفون بخطرة ...واخة العلاقة كانت بكااامل رضاهاا خاصها وقت باش تقبل داكشي لي طاحت فييه
*

طيبات لغالية لخببز وعلى سعدها وعدها عطاتهم ل غيتة جمعاتهم ليها فتوب سخوون ودارتو فصااك ...لبسسات هيا جلابة خفيفة وضفرات شعرها

نزلات فالساانسور لقاتو كيتسنااها لتحت دارت الصاك اللور وطلعات لقاتو لابس سروال كحل وتيشورت خزي نص كوم اللبسة بينات فورمتو وطولتوو زوينة وقالت:هاي هاي الناس لابسة لجدييد

جابر:بصحتي
غيتة:بصحتك ...ولكن حتى اناا خاصني لبسة جديدة
جابر:ان شاء الله
غيتة(شمات شي ريحة فطموبيل بقات كتشمشم وقربات لجابر شمات ليه تريكوو تهبط عينو فيهاا وهوا ساايك
جابر:ياك لابااس

غيتة: شي ريحة فطموبيل
جابر:مامشيت والوو
غيتة:انا شميت ...وريحت لعيالات بااقي
جابر:ريحتك !
غيتة:مكنديرش روايح ديال لعباار

جابر:اااه نسيت ...نتي بااغة ريحة كتسوا عشرين الف عاد تسما ريحة
غتية:ممم هيا كون شريتيها لياا
جابر:خسارة معرفتيش لياا
غيتة(شافت فيه معرفاتو اش كيقصد وقالت: شكون جاي

جابر:الحاجة
غيتة:مجاوبتينيشش كانت راكبة شي وحدة فطموبيل !
جابر: الى قلت ليك اه شنو غديري !
غيتة:نريشك نتا وياهاا
جابر:ممم كاع هادي معزة ! ...سيمانة عمرك طليتي
غيتة:ختي واالدة
جابر:ختك ماشي نتي ...بقات فلهدرة ! (كيعيب فيها )نريشك نتا وياها

غيتة(ضحكات )اصلاا مديرهااش

جابر:غير بقااي غادية بهادشي ديالك (شاف فيهاا ) نجيبها تالوسط دار
غيتة(ضحكات )مزيااانة تعاوني فشقا ههههههه

حرك راسسوو وقال : تعاونك فياا نييت
غيتة(ضحكات كتخربق فتيليفونها )كبوودي ...ياك اتعطيني باش نكري قفطان ...كنت بغيت نصايبو السعاتي ولدات بيلو قبل لوقت

جابر:ودوك لقفاطن لي عندك

غيتة:ديال دهاز اعع معجبونييش خرجات كوليكسيون وااعرة ...انكري منها شي واحد ...شهيد بغا يدير سبوع فلقااعة

جابر(مركز مع طريق )ان شاء الله


وصلو لدار خخرجات من طموبيل ورمات عبنيها لمحال لي ولات فيه كريمة على شكل باتيسري صغييرة فيها داكشي ديال الدار مسمن خبز وحرشات او حلوات .... ميقات فلمحال وطلعات لدار كتهز فجلابة ...هازة صاك تاع لخبز مبغاتش تعطيه لييه

خلات لباب ودخلات ...دار نقية كتبان الصالون ملمط ومجموع دخلات لكوزينة حتى هيا نفس الشيء لماعن مغسولين غير لارض لي مضبب فيها زليج شوية

جابر:شوفي شنو خاص نمشي نتقداه لييك
حلات تلاجة معوجة فمها :جيب كلشي ...شنو ندير ليهاا !
جابر(حك دقنوو )ديري لي عجبك ... غنجيب ليك تقدية
هز سوارت وخرج خلاها حطات جلابة وبقات بشورط وديباردو قصارين ...طلقات الشعبيي كيف عادتها لبغات دير شي حاجة جمعات شعرهاا وسيقات دار وخة شقاها تقيييل كيبان فيه التاويل الى بغات ! تقدر بيت دير فيه سااعة بيين تسياق ومسييح ونص ساعة واقفة معوجة على لكراط شادة التيليفون

حتى تعياا وتحنا تجر لماا ...حتى سالات مع دخل جابر من براا واقفة كتمسح فلمرااية تشافت فييه

غيتو:ولااا اجاابر عاد جففت حط سبااطك

رجع حطو حدا لباب مدات ليه صندالة ديال دار وخة قدام لباب عمرو ليها مشات تاني جابت الشيفون نشفاات ...مطلعة ترمتها لفوق كيبان نصهاا لابسة وملابسااش كلشي بااين كلشي واضح ...تبعها بعينيه وهيا جاية بشيفون من لباب حتى تساطحات معاه فدوش ...ناضت حمرة عرقانة بصهد وكتنهج

غيتة:ياله خويي خلاص
جابر(هز ايدو على اساس يعطيهاا وخوات بييه وخرج لبيت يتكاا

هيا سلات ستفات كلشي فلكوزينة ومشات دوش هازة فوطتهاا مسحات صباغة لي تقشرات فضفاارهاا ...دخلات لبييت لقاتو ناعس هزات تيليفون وكلسات قدام لمراية كتفرنس لبرد

غيتة:سميير عندي واحد لمنااسبة هاد الاياام
سمير: وشنو حب لخاطر
غيتة:شفت فلبااج قفاطن عند فاطمة واش كتكريهم !
سمير:لييك نتيي تكريهم مالهاا
غيتة:لهلا يخطييك
سمير:باصي ليا طوف نشوف واش كاين عندها
سيفطاتها ليه وجاوبها فلحيين وقال:سيي تكرييه ...ولكن غالي شوية الزين ...500 درهم
غيتة:اويلي 500 فنهار واحد نشريه طالع
سمير:راه مكيتكرااوش ...غير ليك نتي وصافي ...لموديل جديد وراك شفتيه كيف داير توب ديالو حرير ...الالة تخليه لييك كغاتوي مي بشرط

غيتة:اما هواا
سمير:راك عاارفة ديري ليها معاه لاشهاار هه ويتحط عندها فلبااج شنو بان لييك
غيتة:ومنتخلصش عليهاا
سمير:اتاخدي لقفطان داك نهار فابور +لمكيااج من عندي حتى هوا الالة كادوو وباغة تخلصي ولكن رااك قااسحة مع رااسك
غيتة(ضحكات بهمس )وخة صاافي مقلتي عيب ...بيناتنا التيليفون على امتا نجي
سمير:مرحبا فاي وقت

ضحكات ومسحات لكونفيرصاصيون تااني وحطات تيليفون...شافت فجابر ناض وقال:اش كديري بداك تيليفون بغيت غير نعرف

غيتة:ويلي واالو ...هاك قلبو نتاا كااع غير لفيديوات فلفيس ...جابر
جابر(كيحك فوجهو )ممم
غيتة(عطاتو لمشطة )سرح لياا شعريي تخبل لياا عفااك

وقف وراها فلمراية..شد شعرها فازك ولمشطة فايدو
غيتة:احح وغير بشوية نتفتيني
جابر:حيت نتي غير ديال نتيف

ناضت جارة شعرها كضحك وقالت:صافي صافيي نمشطو رااسي
بغات دوز وجرها من خصرها مرجعهاا قدامو مقابلة معاه...بلا سابق كلام نزل على شفايفها عطشان...كلاهم وهيا مندامجة معاه حيت معندهاش حل اخور ولات كتهرب فمها منوو وكتنطق بحروف متقطعة
غيتة:نن ت..تخنقت
حرر شفايفهاا وخدات نفس عميق ...تعوجات بين ايدوو مليي كيبوس ف عنقهاا ويعض فيه وهيا كتنين كي لمشة بين ايديه
سلتها من لبينوار ودورها جيهة سرير رماهاا ببطئ على طرفو وجا فوقهاا

عاجبها شعور القبلة الدافئة على جسمها.... شافتو كيحل فالشورط وتوكضات وقالت:جابر مشارباش لكينة
جابر(كيبوس فشفافهاا )ماشي مشكيل
غيتة:لا نخااف
جابر(تنهد وسط ثغررها )نخوي برا
غيتو:ممم فيك غير لهدرة شحال من مرة درتيها بياا
جابر:مالك حملتي ؟
غيتة:غير حيت كنشربها ...دابا مشاربهاش وعاد فاتنيي انهز من نهاري ...الاا
ماداهاش فهدرها حيت بصريح العبارة وصل لفاان جسمها كيتحرك قداموو كينبض بانوثة مييمكنش يصبر وخة يكون صايم على جميع اصناف الاناث ...برزطاتوو تحت منوو كترطا
غيتة:ولاا اجابر لا مبغييتش اووف

نفاجر فوجهها تاتكمشات تحت منوو بخوف :غيتاااا. تبرهييشك طلع ليااا فصحتتي ...هدشي عندك بزاااف بزااف

وقف من عليها كيجر فتريكو ديالو يلبسوو مكره حااقد
غيتة(جمعات عليها لغطا مكمشة وفمهاا هوا لي ميتكمش )واش نعس معااك بزز ! مبغييتش

جابر(قرب جيهتها بصبعوو ترجعات اللور خايفة )هاناا كنجمع لييك اغييتة .... وبربييي لي شانو عضييم حتى القلب غادي وكيكحاال من جيهتك ...راجعي نفسك لبااقيي فيها مترجع ... حيت لدرت شي حاجة منهنا لقدام وخة تبكييهم دم لحنيت فيك
سد وراه لباب حتى تخلعات بلمعقوول ملي طاحت لمرااية ملي تزعزع لحيط

بقات فبلاصتها مكمشة كترعد بخوف خلعهاا بلمزياان

ملحق 24/09/2021

سااااطت و ناضت لبسات حوااايجها و مشات لكووزينة تشووف اشنو تووجد حيت لحاجة غاتوصل قبل لعصر و هما مزال ماتغداو....طلقات الموسيقى كاتعوج معاها بحالا ماااوقع واالو ضاربة الدنيا بركلة و مامسووقاش غادية بمبدأ راسي يا راااسي......

نصبات اللحم مع البصلة معسلة و البرقوق علماااتو ليها الغالية بستة و ستين كشيفة.... خلاتو كايطيب و جبدات الديسير لي جاب جابر غسلاتو وخلاتو يتسقطر عاد ستفاتو فطبسييل باش تحطو ليهم حتى هو...
داز لوقت وهي من هادي لهادي حتى سمعات لباب تحل و صوت لحاجة كاتهضر مع جااابر.... قادات گندورتها حيت كانت خاشياها فالسليب و خرجات عندهم بابتسامة
غيثة : مي الحااجة
الحاجة (شافت فيها و حلات يديها) : زيدي زيدي الزيييينة سلمي عليا "قربات كاتسلم" واااتي كيدايرة ياااك كلشي بخير اكيينتي
غيثة(كاتشوف بنص عين فجابر لي مشافش جيهتها) : الحمد لله ونتي كيدايرة صحيحتك
الحاجة : هاحنا ابنيتي الصحة غادية و كاتقادة.... ايواااا مبروك عليكم العزري
غيثة :الله يبارك فيك هههه كون تشوفييه كيحمق
الحاجة(بابتسامة) : العقبة ليكم نتي وجابر نشوف وليداتكم
جابر غير سمعها اش قالت مشى و غيثة قلبات عينيها و شدات فالحاجة
غيثة : اجي لبيت حيدي جلابتك رتاحي بينما حطيت لغدا

الحاجة:لااا سبقي لينا واحد كاس تاع اتااي راسي داااخ بطريݣ

جابر:غير كلسي امي رتاحي

دخلاتها لبيت و خرجات كاتقلب عليه لقاتو فالكوزينة كايقلب فالطنجرة سمع حسها مني دخلات و مدارش عندها
غيثة (نطقات بحالا مواقع والو) : درت اللحم بالبرقوق لا تقول مكانكبرش بجداك " خرج خلاها بلاكة مجااوبها مشااف فيها... عوجات فمها و نطقات" گاااعلا تهضر تفووو
سمعاتهم كاايهضرو فالصالون دات ليهم اتااي شربلتو ورتااحت ومشات غيتة عمرات الماكلة فالطبسيل..... حطات كلشي فالطبلة و الحاجة غير من الشوفة قبل مادوق بدات كاتشكر فييها
الحاجة : تبارك الله تبارك الله هادشي كاايبان كاايشهي ابنتي
غيثة (تزادو فيها الضلوع) : دوووقي و ردي عليا الخبار
الحاجة (هزات دغمة داقت) : لا لا ماااعندي مااانقول هادشي بنين تبارك الله عليك
غيثة : بالصحة والراحة
جلسو كااايتغداو و الجلسة كاااملة و الحاجة كاااتشكر فغيثة و تعاود هاد الاخيرة كاااتسنى جااابر ينطق بشي كلمة ولكن وااالو مطمر عليييها و مجمع غير مع جداه.... مع كملو غداهم اذن العصر جمعات غيتة الطبلة و مشات تغسل لماعن خلاتهم ناضو باش يصليو... مع كملات سمعات لحاجة كاتقول لجابر
الحاجة : ياله نمشيو دابا باش نبارك لاقبال و ندير معاها لواجب "شافت فغيثة" سيري تلبسي ابنتي باش نمشيو
دخلات لبيت كاتقلب فالماريو جبدات سروال حطاتو فوق الناموسية ياله ضارت باش تشوف اش تلبس لفووق حسات بشي حاااجة تخبطات مع ظهرها... كان جابر تبعها يشوف اشنو غادي تلبس مع شافها اشنو جبدات زف عليها بجلابتها.... دارت شاافت فيييه عاقدة حجباانها وهو ينطق
جابر : لبسيييي لخراااا ولا جلسي فخربتك
قبل ماتجااااوبو خرج و خلاها كاتجنن غيير بوحدها
غيثة : تفوووو الله يعطيك موووصيبة ديما محرمها عليا....
لهزاتها بالنتير ولاحتهاا و جمعات شعرها بقرااصة حيت مزال فازگ.... وقالت::زمر الى لبستها
جبدات كسوة صيفية كمامها قصار مطوالش وصندالة فلصفر مع صاك صفر صغير تعطرات وتكحلات وشعرهاا خلاتو مطلوق جامعاه اللور بمقبط

كانو كايتسناوها بالطموبيل هز عينو فيهاا بانت لييه كي شي نوار الشمش جاية بداك اللون الاصفر ...مينكرش بلي جات غزاالة كتفتن وهدشي هوا لي خلاه يقوليها تلبس جلابة ...كيفاش تجاوزات هدرتو ودارت لي فبالهاا بدا كيشعل فيه لبولة لحمرة لي قريب غتفركع ومتخلي وراها غير رمااد ...مقدرش يهدر ولحاجة راكبة حدااه ...طمر كيجمع فلحسابات لي قوات على العادة
***


فبيتهاا كالسة كتبدل لولدها لاكوش ديالو ...دخل شهيد عندها وتحنا كيبوسس فايديات ولدو

اقبال:داويت لييه السرة ديالو ...ياك مزياان
شهيد (قلبها لييه منتابه عليه ) هيا هاديك مزيان
اقبال:بغيت ندوش
شهيد:نوضيي دوشي تترتاحي ...غنعسوو متخافيش
اقبال:واخة
ناضت خلاتو كيلبس ليه فسروال ...كتجبد فحوايجها تصونا تيليفونها بنمرة كريمة

اقبال:الوو
كريمة: وااعلى سلامة ومبرووك العزريي يتربى فعزك اختي
اقبال:اميين اكريمة الله ايبارك فييك اختي
كريمة:واللهيلا فرحت لييك ديما كنسول عليك مهدي قالياا راك تفكيتي على خير ...ياك صحتك مزييان
اقبال:الحمد لله

كريمة:اوى ختي راه بغيت نجي نباارك لييك
اقبال:الله اودي مرحباا بييك اكريمة فاي وقت
كريمة:عطيني فين كااينة بحال والو لعشيية ندوز عندك

اقبال :مرحباا الزيين

قطعات معاها ياله بغات تحط تيليفون حاوطها شهيد من جنابها حتى قفزات وضحكات:خلعتيني حشومة علييك
هز الشعر على عنقهاا وباسهاا بغا ياكلها وهيا كتهرب علييه عنقها فيها هر

اقبال:شهيد هه هداا شوية لحيتك كبرات
شهيد(هز راسو كيضحك شاف فلكراية قبالتهم كيدوز ايدو على وجهو )عندك الصح ..نمشي نقص منهاا !
اقبال(داعباتها بايدوو وعوج راسو باسها فراحة ايدها ) نقص غير شوية ...عندك رطبة محرشاش
شهيد: انا توحشت شي حاجة رطبااا فين تبان لحيتيي (غمزها )ربعين يوم الزين راه بزااف
اقباال:اوى سير دير احتجاج ينقصو ليك شي نهار
شهيد:زعمة مديريش معانا شي حل نديبانيو بييه تيفتحها عليناا للله
اقبال:كاين حل ....سير لخدمتك سير
تجاوزاتو كضحك خرجات لدوش خلاتو كيراري بولدو ويضحك معااه

علمات اقباال الغالية بليي كريمة غتجي وجدات متحط لييهاا تهبطات حياة فالصالون مغيرة وساكتة كيشربو فاتااي ومينة حتى هيا كاينة

اقبال:حياة اجي معاياا
تبعاتها البييت سداتوو وحياة مشاط طلات على اسماعيل تنطقات اقباال وقالت:مبغيتش ندخل فشي حاجة مخصاش بييا ...نتي بعقلك وعارفة اشنو كديريي ...تبارك الله عاشرتي بزااف تالناس احيااة ...محمد ماصرف فييك غير الخيير علاش تجازيه هكاا ...انا عارفاه زواج على لوراق ...عارفاك مكرفصة ومحبووسة ولكن متنساايش محمد راجل طيب
حياة (شافت فيها كترمش وكتلعب بصباعهاا مصات شفايفها )كنبغيه ا اقباال

اقبال:شكون هدا ! عارفك مزوجة ؟
حياة:واحد حم واحد تعرفت عليه ف فراانسا ...اه عارفني مزوجة

اقبال:عارفك مزوجة وقابل بهادشي ...نقوليك كلمة ا حياة ...ليوم خنتي راجلك معاه ...خدا يخونك مع وحدة خرى شنو الفرق ؟ ياك حتى نتي خنتي راجلك غتحاسبييه ؟ غتيقي فييه وغيتيق فييك ؟ ليوم رجال ولاو مكياخدوش حتى لي كيتصااحبو معاها بلعشر سنين ياخد وحدة خانت راجلها معاه !؟

حياة(كلسات فطرف سرير كتربت برجليها وتلعب فايدها ) مابيناتنا والوو (حكات حاجبها بتوتر )التيليفون وصافي ...كيتسناني نطلق
اقبال:امتا هدشي ؟
حياة:معرفتش ...راك شفتي فينما نبغيي نطلق توقع شي حاجة ...خفتو غير يموت فايدي
اقبال:مخفتيش يسيق لخبار وتدي دنوبوو احياة
حياة:معندو منين يسيق لخبار
اقباال:ولد خوه..مخفتيهش يكون حاضييك ...واحد كيقلب ليك على سبة باش طلقي من عموو مخفتيش يكون هاد الحبيب ديالك يكون هوا لي مسيفطو لييك مفكرتيش فيها

حياة (سكتات...تكدب على كلشيي الا اقباال ...مقادراش حتى تشوف فعينيها وتهدر وتقول اش واقع وكون هدا لي كتبغيي عضات على فمهاا وهزات راسهاا )اقباال انا كنبغي ه..


تحل لباب وشافو جيهتو قبل متكمل كلامها طلات انصاف بابتسامة وقالت:جات كريمة

اقبال:واخة هاني جاية (رجعات شافت فحياة ) راجعي نفسك احياة ...طريق الحرام قصيرة معندها فين توصلك

رماات هاد كلام وخرجات مخلياها منها لضميرهاا بيين الصح والغلط كانت محطوطة

ياله غادية فاتجاه لصالون عيطات ليها مينة من لبيت لااخور ...مشات عندها دخلاتها وسدات لباب

شي كيرمش فشي تنطقات مينة وقالت:باقة هازة من جيهتي ؟
هبطات اقبال عينيها وتنهدات وقالت:نكدب عليك ؟ انا انسانة صرييحة اخالتيي مكنافقش لواحد فوجهو ...نقصتي مني وهنتيني اوو
مينة:اقبال عفا بنتي لي فات ماات هانتي وليتي ام دابات وغتفهميني
قلبات اقبال عينيها لجنب وكملات مينة لهدرة : لهدرة لي سمعتي قلتها قبل متزوجي كااع بيه ...واش نكدب مكنتش بااغية يتزوج بلا رضايا ...هانا جيت نطلب منك سمااحة بيني وبينك ...ونبداو صفحة جديدة مع بعضياتناا ..شوفي ابنتيي انا هكا دايرة هدشي لي عطا الله نݣير وارتاه ويني راه القلب صافيي وكلمة وحدة ترطبوو ...المسامح كرييم

اقباال:المسسامح كريم
مينة :الله يرضي علييك ...وهاكيي ها لكادو ديالك

مشات لباليزة لي جايبة فيها حوايجها او حوايج ملاك جبدات منها قفطان جوهرة فلخزي مخيط بصقلي ...او بليغة معاه بلونو
مينة:لبسي هداا ...مجاتش تشوفي ضيافك بلبيجامة راك ناافسة زعمة ...وصايبي شعرك وكحليي لعويناات غيجيو صحاباتيي وعائلة شهيد يعطيك ستر

اقبال(ضحكات فخاطرها وخرجات من باب واسع )وخة اخالتيي
ميينة:اوى ولكادو لكبيير ...هاهواا
تبعاتها بعينيها مشاات لصاكها كتقلب هنا وهنا تجبدات بواطة من حمرة مربعة حلاتها كان فلداخل براصلي تاع دهب بحجيرات لوسط بلدي عصري فنفس الوقت موديل مكيديموداش مع لوقت
مينة:اوى هدا لكادو ديالي اناا او عمك نااصر ...تلبسيهم بالصحة
اقبال(شداتو بايدها )عدبتو رااسكم اخالتي
مينة:مكاين تعداب ...سيري لبسييهم و شوفي ضياافك

تبسمات ليهاا وباستها وقالت:واخة

مشات دخلات لبييت لقات حياة كالسة شادة حنكها فين خلاتها ...هزات فيها عينيهاا وقالت:مالك رجعتي !

اقبال: لالة مينة رجعاتنا من طريق قالت ليك لبسي قفطان حسن

حياة:فهادي مكدباتش ههه لبسي قفطان ...شنو هداك
اقبال: دبليج

شداتو من عندها كتقيس فيه لقات تحت لبونجة الروسي ديالو وضحكات :هانتي مخلية الروسي شااهد هههههه باش متقوليش شراتو رخيص زعمة

اقبال(كتبدل قبالتها ) باين غالي الله يجيهم لخيير ...مباغة لدهب لا والو باغة غير شوية الاحتراام والتيقار

حياة:هداك هوا لي عمرك تحلمي بيه الصاحيبة هههه هانتي كيدير تسعين الف ريال ...اجي اش جاب ليك شهيد

اقبال مقابلة مع امراية وضحكات:الفقصة
حياة:هههههه دوزتينا من عين لبرة الق**

اقبال(خرجات عينيها فيها )حياااة لولد ناعس حداك
حياة(سدات فمهاا )سمح ليا اولديي ...خالتك خضرة ....لقفطان وااعر ....ديري حتى لانصومبل لي جابت ليك الغالية ...وخاتم لمارياج ...الى ملبستيهم داباا اديريهم فلخدمة !
اقبال:واخة ...اجي قادي ليا هاد سنسلة


طلعات فنة ! وطاح عليها السر بلكحل والعكر خفيف دهب راقيي وقفطان ارقى ...جمعات شعرها بمقبط اللور وخلاتو مطلوق ورا ضهرها

خرجات غير شافتها كرييمة زغرتات هيا وشي صحابات الغالية جاو معاها يباركوو وجوج صيكان تاع لكادوات محطوطين فطرف
كريمة:صلاااة على نبيي ...مبرووك الزين

سلمات عليهم كلهم وكلسات جنب كريمة ...لابسة جلابة راقية وزوينة وفولار مناسبها مكياج خفيف بينها مسرارة وزوينة

حياة:هاي هاي كريمة درتي الحجااب
كرسمة:اوى شنوو نبقاو حنا طالقين شعرناا ههههه كلشي درناه بقا غير الراجل
الغالية:اوى رزقك ابنتي يجيك
كريمة:داكشيي ...اقبال مبروك عليك اختي واللهيلا فرحت لييك
اقبال:الله ايبارك فييك ا كريمة ...منكونو معاك حتى نتي
كريمة (تنهدات محافضة على ابتسامتها )اميين ياربي لي بغاها مولاناا
حياة:خديديج ..اش خباار مريم لباس
خديجة:لباس مال مريم اش خاصهاا...سمحيلينا الالة مينة عدبنااك

مينة(حطات الصينية) :مرحباا اختيي
الغالية تاهيا جابت لكوتي معتبر كيكات او بغرير والبنات كيعاونوو والمجمع شااخض ضحك ومجمعة معاهم مينة حتى هياا
الشوفة فيها كتعطيك انسانة راقية مثقفة كلامها حلو متشبعيش منوو
ولكن المتل كيقول ...متحكم على لواحد حتى تعاشرو ...ومتفهم كتااب حتى تقرا حروفو

_واحد هيبة اش كتعاود
الغالية:خداامة تالغدا مجات لييه
_وخليهاا الله يسهل عليهاا ...حياة شي وليدات ولا مزال
حياة:تولديهم من عينيك قولي اميين ...مالك اختي على هاد لفال ؟
مينة:اوى وتبقاي لا ولاد لا نص حتى ليين

حياة: لا اختيي مبغيت ولاد
**

مجاتش لغدا فلخدمة بحكم كانت كتيرة وتجمعات علييها زائد كاين اجتماع مهم ولباطرون لكبير كايين يعنيي روينة كاينة

كالسسة قدام لبيسي كطرطق فصبااعهاا ...تبان ليهاا هشام داخل عندها ...تبسمات لييه وقال: حرمنااك من لغدا اهيبة

هيبة: ماشي مشكييل ...نسالي خدمتي ونمشيي

هشام (حط قدامها صاشي ديال شي ريسطو فاايحة منها ريحة لماكلة خلات ريوكها يسيلو )هاكي ...تغداي بعداا وكملي خدمتك

هيبة:عدبتي راسك والله كنت نسالي ونمشي
هشام:باقة ساعتااين باش تساليي ...دونك كولي بعداا

هيبة:لهلا يخطيك اسي هشاام ...ميغسي
هشام(حرك ليها راسو وغادي خارج )بون آ بتي

ناضت لطواليط غسلات ايدهاا ورجعات لبيرو ديالهاا والريحة شهااتها ...كانت كانيط كوكا او لباي او بلا ديال صلاد بطون عاد لبلا لكبير فيه من كل فن طرب لكفتة ولداند او نوݣات او بلا ديال ليباط بصوص غويال ...طاحت فيهم عمية مع دوا لي باقي كتشرب كيجوعهاا بزاف

صورات لبلا سيفطاتو لحياة وكتبات علييها ...ديلمك قاهراني بلحووت شوفي لبلا غويال كيف داير ...حطات التيليفون ورجعات كتااكل...حتى حبسات كترمش وصهدة طلعات معاها هزات التيليفون بزربة لقاتهاا مسيفطاه لهشاام ...ملقات ماتمسح حيت تقرا لميساج

هيبة:سي هشاام بااغدون عند بالي نمرة ختي
هشام(جاوبها )سي با كغاف هيبة

تنفسات بهدوء ورجعات لماكلتها توصلها ميساج هزاتو بغات تقراه طلع عندهاا مسحو ولكن متمسحش من عندها حيت عندها جيبي واتساب

هشام؛ هيبة الى ممكن نهدر معاك الى عندك شي وقت

تقدات فلكلسة ودغمة فمها وقلبها كيضرب خرجات دغيا ملي لقاتو كيكتب وبقات كتسناه يوصل لميساج توصلهاا بضع ثواني ودخلات قراتو كاتب : ديزولي غير دازت شي حاجة

هييبة (كتكتب وتمسح تكتب وتمسح تكتبات)ماشي مشكيل

حيدات لويفي وصمطات والشهية تسدات فاش غيكون بغا يهدر معاها وعلاش مسحو ...دارت راسها مشافت والو وطمرات جمعات دنيا ورجعات لخدمتهاا ومرة مرة ترجع لميساج تمعن فييه ...مغالطش كاتب سميتها يعني لميساج ليها ...ضرها رااسها فاش ممكن يهدر معاها ...يكما على حسن ؟ يكما بغا يجري علياا ؟ كترت علييه ؟ شيي بلان تماا ...راسها تزير عليهاا

ملحق 25/09/2021

وصل وقت خروجهاا ...خرجو بجوج فنفس اللحضة ...شافت فيه وسلتات لتحت من بعدما كلشي خرج وقفات بغات تصوني لطاكسي تجاها صوتو من وراها و قال:ركبي نوصلك فطريقي

هيبة:طاكسي غيجي والله
هشام(بهدوءء )وا صاافي

تبعاتوو ساكتة كتشوف فجنابها ركبات معااه وركب حداها وديمارا...كسر داك سكات بيناتهم وقال:يكما صدعاتك سيليا قبيلة ...مبرزيطة
هيبة:لاا بلعكس ههه كيعجبوني لولييدات صغار
هشام(تبسم ليها مركز فطريق)حتى هيا كيعجبها لي يشد ليها لخااطر
هيبة (بضحكة خافتة )لوليدات زوينين ...الله احفضهم لييك

حرك راسسو باه وقال:بصح

سكتات كتشوف فطريق بنظرة ضاائعة كترمش وحتى هوا مركز مع الطرييق حتى حطها قدام لعمارة
هيبة:شكرا اسي هشاام درت ليك طريق معاياا
هشام: هازك فوق ضهري ؟ وحتى لو نكون هازك زعمة غتقلي علياا ههه الله اهديك راك اصلا فطريقي
هيبة:ههه شكرا ...بسلامة
هشام:بسلامة

نزلات مشافتش وراها طلعات لدار بدلات حوايجهاا بملابس بيتية مريحة جمعات شعرها وهبطات لتحت.... عند اسماعيل لي دغيا دار بلاصتو بغات غير امتا تهزو وتشم ريحتوو ...دخلات سلماات عليهم وحطو ليها حقهاا من الرفيسة بدجاج بلدي تقاليد النافسة فينما مشيتي

هيبة:ممم ديالمن هاد الرفيسة !
الغالية :مينة لي مصايباهاا
هيبة:بنينة الله اعطيك الصحة اخالتي
حياة:ابشوية ازمر راه فيها لمسااخن تمشي تجيك شي ايموغاجي
انصاف:اويليي
هيبة:لا مغنكترش فين غيتة !
اقبال:مشات لدارها لحاجة جات
هيبة:كريمة جا معاك لحجاب
كريمة:ياشتي درنا عقلنا هههه
صونا لباب وناضت ملاك تحل لقات قبالتها غيتية بكسوة صيفية فلبيض وسبرديلة و الشعر مظفور ومقادة ومعاها لحاجة او جابر
سلمو ودخلو ...ناضت اقبال استقبلات الحااجة بابتساامة عريضة
الحاجة:ابنتيي مبرووك علييك على سلااامتك
اقبال:الله يسلمك امي الحاجة (شداتها من ايدها )بشوية علييك اجي هناا
الحاجة:اوى قلت نمشي نشووفك معرفنا من هنا لغدا اش يطراا
اقبال:الله يجيك الخير
الحاجة:السلاام عليكم
كريمة(ناضت سلمات عليهاا )خالتي لبااس
الحاجة:لبااس ابنتي هاحنا ركابي بداو يمشيو
كريمة:اوى هاديك هيا الصحة
غيتة شافت كريمة كحلات بلعماا خنزراات فيها وقلبات عينيهاا
جابر:شهيد مكاينش ولا ؟
مينو:عاد لقيتيه خرج شوية هدا عيطيو ليه من صيدلية ومشا
جابر:صافي انمشي لعندو شوية ونجي


الحاجة :اوى وفيين لغزاال ولديي
حياة:عاد نعس ههه
الحاجة:وجيبيه لياا نشوفوو ابنيتي
ناضت اقبال جابتو ليها ...مشاو صحابات الغالية بقات غير كريمة شداتو الحاجة كتصلي على نبيي نااعس مكمش فحويجاتو

الحاجة:تبارك الله تبارك الله ...لمن كيشبه ؟ لعوينات مشاااو لياا
الغالية:وا الى مشبه لباه يشبه لمو هههه الحاجة

جبدات من جيب الجلابة لفلوس ودارتهم لاقبال فايديها واخة رفضاات وقالت:الله يصلحو ابنتيي راااه جبت ليك سمن او لعسل حر او لحنة بلدية امينتي ديريها فسبووعك الله احن علييك (شافت ف مينة ) ديتي لولدك نقرا صاافية ابنتيي زوجتي ولدك وعرفتي اش ديتي ليييه ...اقبال بنت بعقلهاا

مينة:والله يتاويهم لخير الحاجة
حياة:ويبعد علييهم لعين لحسوودة وبنات لحراام ولاد لحراام
مينة:اميين
غيتة:كريمة شكون قالييك اقبال ولدات
كريمة:مهدي
غيتة:ممم مزيان
تعاششات لعشيية كلاو وشربوو وناضوو
ناضضت كريمة تمشيي وناض جابر قال :اوى خليناكم على خير مي نمشيو
الحاجة:نمشي اوليدي عييت بطريق
اقبال:الله يجيكم لخير ...كريمة بسلامة
كريمة:بسلاامة اختي
جابر:تسناي نوصلووك معانا
كريمة : منقولش ليك لا ههه الظلام طااح هههه

غيتة(غير كتخنزر فيهم بجوج زادها نخال على بروود تاهيا ناضت هزات صاكهاا وسبقاتهم وقفات حدا كريمة فالسانسور طلعات معاها الريحة لي كانت فالطموبيل صبااح شافت فكرييمة كترمش وحولات عينيها لجابر لي كيهدر مع جداه....زيرات على صاكهاا كطلع النفس مجهدة وحسات بداتها سخوونة


ليام غاديا كتجري

الكل كيوجد ...داز اسبوع ونصف على ولادة الامير الصغيير ...ليوم سبوعو كيف خططو لييه د**بح جوج اضحيات وتسما إسماعيل كيف ما جا فحلم سي نااصر ...لي مقداه فرحة ...صدقو الحوليي عرضو على النااس لبعااد قراو القرأن ودارو الدعااء عرضو على الناس المقربيين ولي ميتقالوش منهم لقاعة

من صبااح وهوا كيجري منهادي لهادي وجابر معاونو باشما قد ...تريتور ...لجوق باش كلشي يدوز على حقو وطريقو كيف تخطط لييه

**
اقبال عطات وقتهاا لولدها حاضنا بعيينيها متنعس حتى ينعس ...شي مرات كتنوض بليل توشفو واش كيتنفس ...مزال عندها لخوف ديال ولادتو بكريي مرافقاهاا

حياة تيليفونها قطعاتو على هود كيبات ويصبح يصووني وهيا ميكة علييه حتى تهضم اش دارت ...ومن ورا هضرت اقباال حسسات براسهاا ماشي هيا هاديك وماشي هكا شخصيتهاا

والاخريات كانت ايامهم روتينية لا غير الحفاضة مع قرب الامتحانات وهيبة واحلة فخدمتهاا ومزال ميساج هشام ضارها فرااسهاا وساكتة

***

الغالية:الله اهديك اميينة وبغيتي ترجعيني مكنفهمو والو فتربية واااه
مينة: تبخرييه ! مالو مسكوون ولا ضارباه السرة ! لا لا دري امزينااتو متبخريه متوصلي لييه انا ماااكبرت ولادي بلبخور
الغالية:لعين خااايبة ودري مزال صغيير ...شوية القطران فنيفوو ميشم كترت روايح مخلطة

مينة: القطران حنا لي كباار ويحرقنا عساك هوا لي لحيمة رطيبة ديري ليه لودعة زوينة
الغالية(لمطات فمهاا مفقووسة )ديري لييه لودعة
مينة:راها عندي...نبغيو نخرجو ونشممها لييه واصلا ميخرجش عند بناادم وصينا على واحد لبيت فلقااعة مفرش تكلس فييه اقبال او ولدها

اقبال:وعلاه اقبال معندها ضياف تشوفهم سبوع من !
مينة:نتناولو علييه دري ميخرجش لقااعة ...صداع وروايح مخلطة هالي عرقانة هاا لي راشة ايطرو تاع الريحة مسيكين ريتو على قد لحال

الغالية:مختالفنااش

خرجات اقبال عندهم من بعدما رضعات ولدها وقالت: مالكم !
مينة:غير كندااكرو وصافي نعس !
اقبال:نعس
الغالية(شافت ليها النقش فايدها )بصحتك خرج غزاال
مينة: ربيعة كتعرف تنقشش زويين
اقبال:الله اعطيكم الصحة

الغالية:حياة تعطلاات
اقبال:منعرف فين زاادت
مينة:ششنو غتلبسي !
الغالية(بافتخاار )خيطت ليها واحد القفطان شهوا منوو يا ميينة ...مشات تجيبو حياة من لمصبانة
اقبال(مكانتش فرااسهاا وضحكات على هاد جوج فنفسها لاعبين حرب لمناافسة غير حسي مسي )مكنتيش تعدبي راسك ...القفطان لحمر عمري لبستوو باقي جديد

مينة:دي معاك حتى لقفطان تاع حوهرة باش تبدليي الى يكون لقفطان لاخر تقيل (شافت فلغالية )يكما داكشي تاع لعقيق. وتقيلل تانيي لا لا داكشي قدام يا الغالية

الغالية:تشوفييه وحكمي اويلي على ديموداا ...طالع بعشرين الف وبزز من توب خياطة وطرز

دخل شهيد هاز فايدو صاشية تبسم ليهم وحاس براحة زوينة ملي شاف لحوار مجود بيناتهم شافتو اقبال ونااضت عندو هاربة من نكيرهم بجوج تبعاتو لبييت

حط الصاشية كيضحك وكيحيد فالتيشورت وقال:مال دوك حوج
اقبال:مدابزين على قفطاان
شهيد:سلاو مع لمااعن !
اقبال:هههه ...امضرا الامور مقاادة ف لقاعة
شهيد:لا صاافي كوني هانية كلشي هوا هدااك (جرها عندوو وعوجها حتى تبنن عنقهاا وتكمشات فييه )واش كتزاد حلاوتك ولا غير اناا موحشك
اقبال:موحشني وانا معااك
شهيد: فينما نبغي نبووس يخرج شي حد من الجنب (عض على فموو )غتلبسي لبلدي عاوتاني وتخخليني كي لحنش مزنطط

اقبال(بدات كتفيبري بالضحك ودفعاتو كيضحك )اش كيتزاد فلبلدي الله يستر هههههه

ملحق 26/09/2021

شهيد:حنا هكاك كتشعل لبولة لحمرا ملي كنشوفو تكااشط وجو لعراساات كتزاد فينا نغزة تاع نشاط
اقبال:ممم على كلشيي
شهيد:لاا ماشي كلشي ...(باسها من فمها مندامجة معاه ) كل كيشووف حلالوو كنهضر علياا ...شي زلال اخر منعرف

اقبال:هههه اوى الله اعميها لييك
شهيد(ضحك وجبد من الصاشية جبادور لي غيلبس فلاسود وبلغة وفوقها جلابة من لون شفاف فلازرق ملكي

اقبال:وفين ديال اسمماعيل
شهيد:هاهياا لتحت

تاهياا نفس الشكل غير بلاصة لكحل فلابيض ولفوق بلزرق
شهيد: ندخل ندوش دغياا ...خاصكم تبداو توجدو راسكم مبقا والوو
اقبال:بااقي لخير ولبركة غير يجيو لبنات

دخلات حياة وهيبة لي مشاو لكوافورة صايبوو شعر وظفاار ولوجه دخلو لبيت اقبال لي كانت كترضع ف اسماعيل

حياة(حطات الصااك)دوشتي !
اقبال:قبييلة تعطلتوو
هيبة:الصالون كان عاامر
حياة(ركبات السوشوار ف لبريز ) حطي اسماعيل ولا عطيه لهيبة ودغياا نصايب لييك شعرك او وجهك

عطاتو ليهاا خرجاتوو من صداع السوشوار او شهيد دوش ولبس تما وخرج تاني يقضي اش بقاا

الغالية:هيبة فين غيتة او انصصاف
هيبة:مشاو لصالون اخور

**
سمير:غيتة ...هزي راسك لفوق شوية
حركات راسها بااه ...كانت فكاامل انااقتهاا بقفطان بفلخزي مرصع بحجيرات كيبريو ..شعر بووكلي على طولو مهزوز شوية بتااج رقيق ....صندالة طالوون فلارجونتي عاالية وضفار مقادين فاللون الزهري لباارد مكيااج صاارخ بالانوثة ...عينين مجبدين بكحل اسوود قاتم زاد برز لون عيونها العسلي الشفاف ...شفار مركبيين طوال زادو كثافة شفارهاا ...حجبان مقادين ... مطراسين عراض ...عكر مااط زهري كانه لون شفايفها الطبيعي ....فجلسة تصوير تانية

كيضرب فيها لفلاش وكتبدل لبووز وفاطمة كتشوف لجانب لي بغاتو يباان ....سرحات لقفطان بانت لفتحة تالجيهة الركبة حلاتهاا...

فاطمة(مبهورة )واو واو سووبييغ ا غيثة الي مانيفيك
غيثة(بابتسامة ) ميغسيي

سلات الجلسة تصوير وكلسات فلكرسي
سمير:نن متقوليش ليا غتمسحي لميكاب جاك خطير

اقبال:لا منقدرش نبقا بييه ...بغيت شي حاجة خفيفة صافيي ...فين ختي !

سمير :مكلفين بيها لبنات ...شفار حتى هوما نحيدهم ؟
غيتة(شافت فلمراية )لاا ...نقص غير لكحل بغيت غير ايلاينر وشي حاجة خفيفة
سمير:دااكوغ

حيد ليها التااج نقص ليها لمااكيااج...حيدات القفطان ولبسات جلابتهاا وخلات شعرها كورليي على طولو

طلاات عليهاا انصاف لي صايبات غير شعرها لا غير وقالت:غيتة ...كيصونيو لينا راه تعطلناا الربعة هادي
غيتة:فف صصافي صافي
سمير:غيتة تهلاي فلقفطان ...راك عارفة ماشي تاع لكراا غير بليزيغ سيتو

غيتة:كون هااني

جمعات اشياءها وخرجو كيزربو دايرة فولار على شعرها شدو طاكسي لدار


صفرات حيااة ملي شافت ف اقباال سر طايح عليهاا بطلتها لي ديما هادئة
قفطان بموسليين حريري باللون الوردي الخفيف مطروز من الظهر وصدر وشوية فلكمام مخيط بصقلي لحر ...ومضمة مشللة بدهب بلدية مجوهراتها لبسااتهم ...كحل بارز عينيها حواجب ممششطة وشفايف كتبري بلكلوز لوردي ...شعر مصفف بوكلي من الاطراف فقط ...صباط عالي فاللون ا
فلاسود

حياةجيتي قرطااسة ...ليوم شهيد يزيدك فصداق

اقبال(كتشوف فلمراية عجبها راسهاا ) ايديك زوين احيااة لاش مضيعة راسك فبلاد لغربة غير قولي لياا

حياة:ملي جبدتي الموضوع بغيت نهدر معاكم ...انا قررت نشري شي سارووت تاع شي محال ...نديرو صالون
هيبة:خاصك فلووس هوما
حياة:غنرجع ...نبيع الطموبيل تجيب لياا ديك 11 لمليون حيت شراها ب 15 نقولو يطيح منها 4 ؟ وعندي شي خمسة فلكونط ياك ا بيلو ؟

اقبال(كتقاد فدمليج )خمسة ونص ...واخة ها السااروت. شريتي ب 16 باش غتعمري لمحاال ولكرا كل شهر
حياة: خدمتو تخلص كراه ...غير نمشيي نشوف كي نديير ليهاا

هيبة:انا بان لياا مزياانة ...شوية بشوية
حياة:اندير فيه كلشيي ...نحاول نشري تالماطريال ديال لعروسة مع لوقت ...نقلبها تنݣافت ...غنبقا فالصيف ندوزو هنا والبرد فبراا

هيبة:الصراحة عجباتني الفكرة ...وزيدك تكري حتى تكااشط وداك تخربيق ديالهم
حياة:ضروري خاصني غير راس لماال صحيح ونفرجك
اقبال(شافت فيها فلمراية ) ومحمد يبغي
حياة: محمد بففف مبطا علي امتاا نتفك البنات كان كيسحابلياا ساهلة نتزوج بشاارف ونعيش حياتي ولكن وليت محبوسسة بلا والوو وكندي فدنوبو باردين

اقباا:طلقيي حسن
حياة:داكشي لي غادي ندير ...نمشيو نلبسسو شهيد عيا ميتسناا

خرجو تاهوماا يلبسسو مكانوش اقل انااقة الجميلة على اختهاا بلوينات صيفية مفوجة ...هيبة بسمااوي ازرق فااتح ...او حياة بلموف باارد

هيبة؛ملي نبغيو ندخلو لقاعة صوريني
حياة:ؤك ياله دغياا
صونا تيليفونهاا بنمرة هود وققطعات عليه دايراه فالصاك محيدة ليه الصوت

الفرحة كبييرة وقررو يفرحو فيها مجموعين مع العائلة ...دقايقية عند فم الباب استقبلوو اقبال واسماعيل بتعشااق وزمار وتصااور وزغاريد
وقف جابر وجداه حتى هياا لابس لباس تقليدي جلابة مخزانية فلكري تقاشر بوويض وبلغة بيضة قميجة بيضضة تحت الجلابة ...طولة وتجريدة وشوية لكرش عندوو بيناتو راجل بهيبتو شارب عقلو من الشوفة يبان ليك مرزن وهدرتو معقوولة وعندو غير نيشاان ...بقا هوا وشهيد لابسين لبلدي فاستقبال الضيووف

جابر(كيشوف فجنابو )فين غيتة !
شهيد(سلم على وااحد ورجع لجابر ) خليناهم وراناا هيا وحياة
حرك راسو بواخة وبقاا واقف ...توقفوو لبنات فلبارك ونازليين بتكاشطهم الجميلة ...هازة جلايلهاا وشعر كييطيرو الريح شوية ...شافتوو من بعييد وهبطاتو وطلعاتو بعينيهاا ...لبلدي وتااه وسموريتو عطاتو سر وملحة وخة ماشي شيي زيين ملفت للانظاار عاطي العين كيف تنقولوو ...كيدور بعينيه حتى شافهاا ....رمش فيها مرة وجوج كيسكانيها بعيينيه محدها كتقرب وملامح وجها كيقربو ...اسراتو بديك الضحكة لي عطاتو فووجهوو ...قبل ميبدا ينكر سبقاتو بقبلة على حنكو لجمات ليه لساان ...ششداتو من ايدو وقالت:كي جييت ههه

جابر(يكشوف فمهاا لاحمر كيرمش فيها ) زوينة


تعلات قدات ليه لكول تاع لقاميجة وقالت:حتى نتا ...جيتي زويين ومسرار
شهيد(سمعها )اوى حضييه ليطيرو ليك بييه كاينين لبايرات
جابر:ههه حضي غا راسك
هيبة:صورتيني
حياة:صورت صورت

شداتها الاخيرة حطاتها فسطوري ودارت قلب ازرق لتحت

جابر:دخليي ونقصي من تفرفير
قلبات عينيها وتبعات لبناات ...
توقفات سياارتوو البيضة ...نازل ب شوميز بيضة وسروال اسود ريحتو سابقااه جيل فشعرو محلق على لحالة

شهيد(لجابر)هدا صااحبيي ...ادريس ...دريس هدا نسيبيي جابر
تسالموو كيضحكوو ونطق شهيد:فين امسخوط بااه
دريس(ضحك كيدير الساروت فجيب )ومرضيي ميمتي اخااي

شهيد:وقلت محاال تجي
دريس:تت اشش كتقول ميمكنش منجيش كنتسنا هاد سبوع كتر منك اناا

شهيد:ا مرحبااا
ادريس:كاين شي تيتيز بعدا ؟ نديرو تاحنا وليدات ...اولا اسي جاابر هههه
شهيد:خلي عليك السيد مزوج بقيتي غير نتاا يالزوفري
جابر:هههه تداباا ميبقاش فييك لحال
ادريس؛اوى الله يجيب لينا شي دهب فين يغبر صداناا اعشيري هههه
شهيد: امييين هههه

المعروضين بداو كيوصلوو شي داخل شي خارج ...طموبيلات عمرو لبارك ولفيجطة بدات بكرووب محيح لدااخل ...فارقين لعيالات على رجال ...


واقف عينيه كيدورو كيقلب عليها بعينيه ...اصلا جاي غير على وديت يشووفها بانت ليه ملااك هازة جلايلهاا بقا كيشوف جيهتهاا حتى باانت لييه ..كيف ديما مبشوورة وغير كضحك بلا ميحس تبسم متبعها بعينوو ...هازة قفطانها لاسود وشعرها معنكشها ...جاتو ضربو لجنبو فيقااتو ونحنح شهيد وقال: ما تعيقش

ادريس: واش الحب حراام اصصااحبي ؟
شهيد:غنضبب لخويا عينيه ....فوت عليك البنت ا ادريس
ادريس:عاودنا ليك لبلان اصااحبي ...مباغيش نضحك ونيتي صاافية

شهيد:قدك قد لبغل وتابع بنت 17 لعام الله اينزل عليك الغضب
ادريس:لهلا يطيح حبك على حجرة ...شوف كيدير
شهيد:وخة تحلم بيها بتريسينتي امولاي

دريس:دوي لينا مع لمداام
شهيد(خرج عينوو )متخلينيش نخسر لهدرة فهاد ليل ... واش تفكيت من ولد عمتيي جيتيني نتاا
دريس: ششكون سباب ترجعات لدارهم ؟ ياك انا لي هدرت ليك مع ديك صحافية تز** ولييت عنيبة اولد مينة باش نتا تباان واو قدام لمدام تجي داباا تخوي علياا لماا !

شهيد(ضحك ) هههه وا انا قلت ليك تصااحب معاها
دريس:لله فسبيل الله ادوز لييك اعلان شهر ...موحشة فخنشوشك ! دابا شو كيدير

شهيد: دوز الامتحان ديالها نهدر ليك مع اقبال
ادريس:كلمة رجال ؟
شهيد:الى شااك نحط سروال
ادريس(ربت ليه على ضهرو ) عارف عارف ياا بوو ماضي وسخ

شهيد:طمر البنات جااين

ملك:شهيد...تكلم لاقبال
شهيد:ياك هانية
ملك:معرفت
انصاف (بقات فالتيساع شوية ملي شاافت ادريس علاش لا وهوا بغا ياكلها بعينيه ...ولات كدور فعينيهاا )
شهيد:مولاي ...سير كلس مع جابر ...نشوف لمدام ونجي
ادريس(تبسم ليه )سلم على نسيبتيي العزيزة
هز شهيد ايدو بغا يعطيه لوجه بالضحك ..لصقاات ملك فشهيد فدرااعو كطلب فيه وهوا كيضحك بقاات انصاف واقفة ...

انصاف:ملااك
ملك(كضحك )دغياا نرجع (زيرات على شهيد كتمسكن )عفاااك اشهيد غفااك

ششهيد:لاااءح

تقدم ادريس بخطوات خفاف لناحية انصااف لي دغياا دارت غادية تبرك على طرف لقفطان برجلو ترجعات اللور وشافت فيه وقالت:حمم رجليك شادة القفطاان
ادريس(قرب ليهاا )شكون باارك ليك على لقفطان !
انصاف:نتاا
ادريس:شكون اناا
انصاف(شافت ف حياة كتشوفيها )عفااك طلق منيي نمشيي
ادريس: سيريي
انصاف(كتجر لقفطاان بلخاطر من تحت رجلوو تهزو على غفلة ورجعات اللور وشدها من دراعهاا ورجع طلقها ملي تقداات وقال:بشوية علييك

خلاتو واقف ومشاات كتزرب دخل لقاعة مشا حتى هوا لجيهة رجال وكلس حدا جابر وسي ناصر

لداخل فلقااعة كانت ناايضة شطيح وردييح ...محزمة غيثة بلموزون كتلوز وتعوج وحطات الطالون ...معيااتش ولا ريحاات كي الناس ...كانت لحلوة كتفرق وكريمة كالسة حدا لحاجة بتكشيطة فلموبراا وشال خفيف

كريمة:خالتيي اتاي مسوس ياك
الحاجة:وا ابنيتي يعطيك رضى
كريمة(عيطات لسرباي حطات ليها اتااي ولحلوة فطبسيل وكتعطيها وتجمع معاهاا )
الحاجة: اه اه واش معيااتش عيطي عليها تشرب اتااي
كريمة:شكون غيثة هههه هاديك متكلسش ليك من شطيح وخة تعطيها مال قارون داباا
الحاجة (معجبهاش لحال )ولاا عين بنادم خايبة ابنييتي ومرت الرااجل

كريمة:اوى عقل صغر امي الحااجة ...

الغالية كدوور وترحب بعائلتهاا بتكشيطة ف لكحل ولتحت ديالها كري ...دايرة نضارات طبية وشال لايحال على راسها حريري وزغيبات كيبانو من لقدام زعر شوية مخلط بشيبات قلال ...اما مينة فكانت بتكشيطة فلغوز وشعر مقاد مكيااج خفيف كتشالي بدهبهاا كتمشا بدومي طالون وترحب وتعاود

الغالية(قرصات غيتة )دوزي لحمار بووك تكلسيي غتجيبي شي عين ابنت لحراام
غيتة(كتنهج ولات حمراا )ولاا خليني نشطح تنعيا ونكلس لي بغا يشوف يشوف
لغالية:جدات راجلك كتشوفييك دوزي تكلسيي دوزي
غيتة:وصاافي اماما لي بغا يشوف ايشووف تت خليني

طلقات منها ومشات محيحة ..هزات الغالية جلايلها ومشات لحاجة وقالت:الحاجة يكما عيتي
الحاجة:واناا عييت غا بلكلسة ياو غييتة اخيتي راه ملي دخلناا وهياا تماا ...نخاف يشوفها جابر ميعجبوش لحاال ولجووق مبلقين عينيهم كي لعجولة ...عفا خيتي دوي معاهاا تكلس شوية اتهلكها شي عين هاد ليلة

الغالية:وخة الحاجة غا رتااحي

ياله بغات تمشي ليهاا تدخلوو اقبال بتعشااق هيا وشهييد شاد فايدهاا ولميدة قدامهم ملكية كتبريي ...بربعة رجال فجنابها بسلاهم بيضيين ...عاونها شهيد حتى كلسساات وحياة قدات ليها القفطاان وشعرهاا ...هزوهاا كضحك وكتشير ليهم والبنات كيصوروو ودايرين بيها ...فرحانين لفرحتهاا

حسات حياة بنغيز فضهرها وتقلبات لقات بنت من لمعروضين قالت:ختيي السوكيريتي لي على الباب كيسول علييك ...ياك نتي مولات لكليو !
حياة:اه اناا ...شكرا الزين

غادية خارجة وشداتها الغالية:لمن خليتو اسماعيل
حياة(كتغوت باش تسمعهاا ) لنعيمة هاني جاية

خرجات كتهز فقفطانهاا وطالون طوييل توجهات لباب لقااعة لقات السيد واقف وقال :طموبيلتك من قبيلة كطلق لالاغم غير بووحدها

حياة:صافي شكرا اخويا انمشي نشوفهاا
خرجات من لقاعة فوقيت لمغرب ...ضلام بدا كيطيح وشطيح فلقااعة وزدحة ناايضة حلت الطموبيل من لبعيد باش تسكت...مع حلات لباب مع تسد بايد من وراها خلاهاا تغوت على شوي يدي ليها وجهاا كلوو ...جرها من درااعها تخبطها مع طموبيل لاقة وجهو مع وجهاا ...سد ليها فمهاا بايدو مزير عليهاا وقال:شنو داباا !؟

يتبع...

التنقل بين الأجزاء

صفحة القصة
سيتم تشغيل صندوق التعليقات بعد لحظات
معظم التعليقات تم إخفاءها بواسطة الفيسبوك، نحاول بكل الوسائل المتاحة إستعادتها في أقرب وقت ممكن.