حل طموبيلتوو وهيا كتجبد ليه من ايدوو وهوا حاكمهاا عاصرهاا تخشاها فطموبيل وسد عليها ومشا لبلاصتوو بلا ميزيد حتى كلمة دور لكونطاك تحت سبانهاا بعدو من القااعة وقف فلخلاا والظلام طااح
حل لبيبان وخرجات كتسب كتمسح على وجهها تهبط لعندها تقابل معااهاا
خلاها بين نارين وشكوك قتلاتها واش شافها ولا مشافهاش ترعدات وركباتها لقفقاافة خرجات هازة جلايلها تابعاه لقاعة وعقلها غير واش شافها ولا لا شمو تقوليهم لكان شافهاا ...شمن كدبة توجد ليهم
دخلات لقاعة تنسات الموضوع ...مرة مرة تشوف فجابر تلقاه مجمع مع دريس وشهييد وبعض رجال فجردة مدورين بيها كراسة لرجال وترجع لبلاصتهاا ...دورات عينيها ل هيبة لقاتها كتفرنس مع تيليفون
حياة:اشكاديري
هيبة:حطيت هادي فسطوري ...شوفي اش كتب ليا لباطرون ديالي
حياة(قرات )ما شاء الله ....عنيبة من درجة اسلام صبحي !
هيبة:هههه الله امسخك ...مبايناش فيه كاع عنيبة ...مقلتش ليك عندو واحد لبنت غزااالة تبارك الله ولكن تا مها صراحة الله كتفتن بزيين
حياة:فين شتيها ؟
حياة:جات عندو لشركة
حياة:لي بحالو دغيا كيطيرو بيه ...كيبقاو غير ولاد لحراام كيدورو
هيبة:يمكن زهرنا لي كيطيحنا غير فييهم ...اما كاينين ولاد النااس
حياة(كدور فلفرشيط وكتسووط ) لعار ...غير وحدة فينا طفرو (هزو عينيهم ف اقبال مع شهيد فجردة واقفين كيهدرو ) عرفتي شهيد واقبال تبعد عليهم غير العقربة السامة يكونو سكر على كريمة الله احفضهم
كل وصل لدارو الغالية طلعات لفوق يدوشو وبحيدو لعيا وكاين لي تلاح ففلفراش عيان مسخسخ
هيبة لاحت كلشي مسحات وجهها شربات كينة من دواهاا وتكات في حين حياة دوشات وخرجات لقاتها كتشرب فدوا
حياة:والو واش بغيتي تقطعي داك زمر
هيبة:الى مشربتوش منعسش
حياة:خاصك تقطعيه بزاف تاني
مجاوباتهاش ...تلاحت على لفراش كتقلب على نعاس تشد فيها في حين حياة لبسات سروال بيجامة وتيشورت نص كوم ...طمنات بلي نعساات والبنات حتى هوما نعسوو هزات تيليفونها وصندالتهاا خرجات كتسلت من دار سدات لباب بشوي وهبطات فدرووج ..بان ليها ضو فدار اقباال طافي ونزلاات كتجري تالتحت ولبسات صندالتهاا ...مشات لطموبيل ديمارات وزادت ...وقفات تحت لباطيمات فين كاين عضات على فمها كتشوف ضو فدار لي فيها شااعل
ديمارات باش تزيد ورجعات سسكتات طموبيل وهزات تيليفون صونات لييه متعطلش يجاوبها وقالت:انا لتحت
يوماين دازت وجا يوم الاتنين بداية الاسبووع ...حلات هيبة عينيها لقات حياة مدوشة وكالسة قدام لمراية كتنشف شعرهاا ...ناضت كتاوب وقالت:صباح الله واش نتي كل نهاار تصبححي مصدعاني بالسوشوار
حياة:اتهناي مني واحد السيمانة احبيبة قلبااي
هيبة:فين غادية بالسلامة
حياة:غنسافر اختي لطنجة ...انتلاقا ب لجزايرية لي خدامة عندها
هيبة:ممم غتجيبيها هنا
حياة:لا لا سيمانة ندوزها معاهاا وترجع فحالهاا
هيبة:والله مكرهت نساافر
حياة:نرجع ونمشيو انا ويااك والبنات
هيبة:منقدرش...كترت عليه شي نهار يجري علياا
حياة:ياك كتنقص ليك من شهر ويمشي يخراا
خلاتها كتهدر ومشاات طرفاات قدات حالتهاا في حين الغالية كتصايب ليهم لفطور ...لبسات تيشورت نص كوم او دجين سليم قصير مع سبرديلة بيضة ...بوكلات شعرها مع مكياج خفيف
اما صديق توكض ملي شافهااا زرقة رمش فيها و دور راسو لقاا حسن كيهدر فالتيليفون ومعاد محني على هيبة مع هشاام ولاخريين معرفوش كيفاش حتى داز من وسطهم شافوو هشام وصاح بصوتوو
لبوليس كانو اول لواصليين حيت لبووسط مبعيدش بزااف شافو اش وااقع بينماا لومبيلونص عااد وصلاات وطلعو بجريي هزو هيبة طلعوهاا دارو ليهاا الاكسجين ...رجع هشام لبيرو ديالها هز تيليفون ولبوليس كياخدو لكاميرات دنيا ترونات كيسولو فلعساس لي دار خطئ الى معاقبوش لبوليس غير عينين هشاام كيواعدوه بلعقااب....وقفات سيارت الباطرون لكبيير لقا شركتو لبوليس داخليين خارجين تكلف واحد من دراري يقوليه اش كاين في حين هشام ركب طموبيلتو تابع الاسعااف وتيليفون هيبة فايدو ...حلو لقاه بلا كود مشا نيشان لريبيرطوار ...اول نمرة طلعات ليه هيا تاع اقبال ...شاف فيها بزاف تاع لي زابيل ...هيا معامن كتهدر بزااف
كاع المفضلين فحياتناا ...كنسميوهم اسماء غير فتيليفون فكل ما كيصوني كيفكرنا بلي انسان عزيز على قلبناا ...هكاك هيبة لكل وحدة من خوتاتها دايرة اسم علييه وكانت اقبال بإسم :بلسم روحي (اي بمعنى دواء الروح ) مترددش دوز لنمرة مترقب صوت رااجل
**
سدات لباب على مينة ورجعات دخلات
الغالية: اقبال شدي ابنتيي هاد لفريخة نمشي نتقداا
اقبال:شنو خاصك ...نقولها لشهيد يجيبها معاه راه مشا يتقدا
الغالية: نجيب غير شوية لحم
اقبال:صافي غير كلسي داكشي راه غيجيبو معاه ...
الغالية:اوى نوض نغسل هدشي
اقبال : غير خليك انغسلهم
الغالية:لااا شدي غا ولدك راك مزال عيانة
شدات من عندها اسماعيل داتو لبيت ياله كتحط فيه انتابهات لتيليفون شعل فيه الضو مشات هزاتو دغيا شافت نمرة هيبة وجاوبات وقالت:عاد لقيتيني بغيت نصوني لييك
هشام (معرف باشمن يبدا خصوصا ملي جاه صوت بنت )حم السلام عليكم
اقبال(حيدات تيليفونو من ودنها تأكدات من النمرة ورجعاتو ) شكون معاياا ؟ هادي نمرة هبة شكون نتاا
هشام:معاك لمدير ديالهاا واش نتي ختهاا ؟
اقبال(طاح منها النص )ختهاا اشنو واقف(ردات لباب كتهدر بشوية )مالها هبة شنو واقع معاهاا
هشام:الله اخليك تهدني ...الهدرة ماشي فتيليفون لي نقدر نقوليك هبة راه صافاا اجي لاكلينيك ***
اقبا(دارت بيها الدنياا )اشمن كلينيك مالها قولياا غير ماالهاا واش سخفاات اشنو وقع ليهاا
هشام(وقف قدام لكلينيك )اه اه سخفات
قطعات معااه حلات لماريو جبدات لي قدامها لبساتو سروال دجين او قميجة جمعات شعرها بانضة لفووق وخرجات دازت على لغالية فلكوزينة عاطياها بضهر تصنعات لبرود بزز منها وقالت:خاصني نخرج دغيا ونجي
الغالية(طلات عليها لقاتها كتلبس فسبرديلتها بلا تقااشر ) وفين غادية ؟راك ملابسااش مزياان غيضربك لبرد اقبال عطي الراحة لرااسك
_الحمد لله الاسعفات الاولية لي عطيتيها اسي هشاام نفعاتهاا اما كانت غتكون هدرة خرا ...درنا ليها الاكسيجين دابا راها بخير غير مخلووعة...وخايفة !...واش علمتو لبولييس هادي راه محاولة قتل ...
هشام:علمناهم راه كيقلبو عليه
_ميكون بااس ساغتيفييكا ميديكال غتكلف فيها لفغمي ...ليوم حاول غدا يقتلها !
اقبال(كترعد )نشوفوهاا
_تخرج عندكم لفرملية ..من بعد تقدرو تشوفوها ...ميكون بااس
شهيد:اقبال اجي كلسيي
كلسهاا شادة راسها وناض عند هشاام وقال:كيفاش وقع
عاود ليه من ديبار شنو شااف ولواقعة لي وقعات قبل ومقالتهاش ليهم بعدو على اقبال وهدر:هدشي مفراسنااش بلي رجع تعرض ليها مى خراا ديجا تعرض ليها ف لمارشي
هشام؛هد السيد راه كيشكل خطر على حياتهاا
شهيد؛والله متبقاا فييه ...(جبد تيليفونوو دوز النمرة لجابر عاود ليه اش كااين او بقاو واقفيين ..شكرو على لي دار ) الحمد لله لي جيتي فلوقت لمنااسب
هشام:الحمد لله لي فااقت
شهيد:مقتلهاش فاللول بغا يكمل عليهاا داباا
هشام(تيليفونو كيصوني طلعات ليه نمرة باسم ماريا )سمحلياا
شهيد:خود راحتك
بعد لتيسااع كيهدر مشاا شهيد لاقبال كيريح بالها وقالت: علاش تاابعهاا شنو بغا منها
بان ليهم جابر جااي شير لييه وتقدم جيهتهم كينهج جاي بحوايج لخدمة
جابر:اش وااقع
شهيد(وقف شهيد كيشرح ليه ) هانتا كتشووف
تقدم ناحيتهم هشاام وسرعان ما تبسم لجابر لي بادلو الابتسامة ماد ليه ايديه
جابر:سي هشاام لبااس
هشام:سي جابر الاموور مزيانة
شهيد:كتعرفو بعضياتكم
هشام؛شكون ميعرفش جابر النجار ديالناا
جابر:الله اكبر بييك ...شكراا لي جيتي فلوقت
هشام: هبة متهنا حتى يتشد داك خينا
جابر:هداك خاصو ملخا لعصاا كي لبطانة عاد يبعد منهاا ...اما الحبس راه ولفوو
هشام:دابا راه محاولة القتل ميفلتش من واحد خمس سنين ولا كتر
حركات راسها بااه وطاحو دموعها كتشهق مزيرة على ايد اقبال ...وصلو لدار نزلات شادة فيهاا توصلاتها لدار فين كانت الغالية والبنات لي ساقو لخباار من جابر
خلاتها معاهم وشدات طريقها لكوميسارية تدفع الشهادة تزيدها على لي سبقوها من ضرب وعنف محاولةاختطاف زائد محاولة القتل ...هوا عارف اش تابعو الى تشد ...الحبس مابين 5سنوات الى 15 لسنة
بان ليها جابر وشهيد فباب لكوميسارية استغربات ملي شافتهم ومعاهم حتى هشام
اقبال : شهيد ...اش واقع؟ شنو كديرو هناا
شافو فيهاا وتقدم لناحيتها شهيد وقال:علاش جيتي
اقبال(وراتو الضوسي )ندفعو
شافيهم ورجع نطق كيحك فرقبتوو وقال:مكاين لااش
اقبال:كيفاش مكاين لاش
حنا راسو كيدور لسانوو على فمو ونطق مكمش عينو فيها بالشمش : صديق لقاوه لبوليس فدارو لي فلعروبيية
حكاية أنثى الجزء 55
محتوى القصة
التنقل بين الأجزاء