شدات ليه فيديه متحمسة للفكرة لي جات فبالها:أه أخويا شنو مازال غتسنة ونت من عنيك باينة شحال باغيها تزوج بيها
كريم:تيريزا لاياش كتخططي راني كنعرفك مزيان
تيريزا ميلات شفايفها زعمة غضبانة:ياك اكريم حيت باغة نفرحك ونعا نك تزوج بالبنت لي باغي رديتيني كنخطط
مسح على راسو:وهي اتوافق بعدة راك مازال مااكتعرفيها شخصيتها مامفهوماش وغير فداك لمدة لي تعرفت عليها بانتلي ماعندهاش مع رجال ولا مانعرف بحاليلا باقة عايشة على ذكرى راجلها ولا شي حاجة ماشي هي هديك
تيريزا زيرات ليه على يديه باغة تقنعو باش ما كان:وا عادي راه ماشي ساهل الوحدة تولي أرملة وعندها بنت ملفوق صعيبة راه بسيف عليها تقصاح
كريم كيشوف فختو فلداخل ديالو ماكرهش هدشي يوقع حيت مارية صافي دخلات لدماغو من زمان
كريم :وايلا ماكانتش فكرة زواج داخلة لدماغها وماوافقتش مابغيتش نبني امل على والو راكي عارفاني كيف داير لا دخات شي حاجة لراسي وماوقعاتش
بتاسمات وهي كتمسح على يديه:راني عارفة خويا كيف داير .وتا ماتكونش عندك ختك سميتها تيريزا عاد ترفض وماتديكش نت غير زعم معايا وخلينا نبداو اصلا علاش ما اتوافقش شكون هادي لي تقدر ترفضك ونت الف وحدة كتمناك هاا...
وزائد هي بوحدها ومن داكشي لي لاحضت ماعاجبهاس لحال وهي تحت وصاية وليد اكيد اتبغي تاهي تكون براجلها ودير عائلة لبنتها بلا مايبقة شي حد مقابلها هااا شنو قلتيي
بقة كيشوف فيها شحال :وبصاح انا قادر نوفر ليها هاد العائلة لي باغة وبسعدات عليا
كريم رحع تاني كيقرا فداك الضوصي وبالو مع كلام ختو عارفها دايرة هدشي كامل باش تهنة من مارية من جيهة وليد كيفما تاهو لاحض اهتمام وليد المبالغ فيه بمارية راه تاهي لاحضاتها واكيد كاينة شي حاجة تماك تمتم بهمس:مارية غتكوني ليا صافي درتك فدماغيي
عند تيريزا لي دخلات للبيت وتلاحت فوق النموسية وهي مبتاسمة كتفكر فدوك اللحضات لي كانت فيهم مع وليييد وزادت تربطات فيه كتر وكتر :من اول مرة شتك عرفتك اتمون ليا وماغانرتاح تاتكون ليا يا بسيف يا بلخاطر
حركات رجليها فاش تشقلبات على كرشها وهي توعت ملتحت مسلووهة وطايبة:ااااااح
وبتاسمات:ماشي مشكل غنولف تا العنف زوييين
ورجعات شعرها اللور :مارية غنتهنا منهاا فاقرب وقت غنزوحها بخوياا وهكا انبعظها من وليد وما اتبقاش داخلو فحياتناا حيت مابقيتش كنستحمل نشوفها قريبة ليييه ماغانتخكنش فراسب وغنصدق دايرة فيها شي حاجة
هزات طليفونها ومكتبات ميساج فيه: احسن نهار فحياتي أحياتي زظت تحمست باش نتجمعو فدار وحدة فأقرب وقتوصيفطاتو وهي عاضة على شفايفها وظوزات نمرة دباباها:الو بابا باقي ماغاتحي لدار.لوكاس:مازال شوية علاش
تيريزا:بغيت ندوي معاك فواحد الموضوع مهم
تنهد:شمن موضوع عاود اتيريزا
تيريزا:وصافي ابابا تاجي غا ماتعطلش موضوع بغيتو يتنفد فأقرب وقت ممكن
لوكاس عارف مواضيع بنتو كيف دايرين وفاش كتحكر على شي حاجة يعني شي موصيبة :واخة صافي
وقطع ..بتاسمات:دابة أوليد ماغايبقة عندك تاشي عدر باش تهتم بيها وباش كلشي يمشي كيف بغيتي ونسا انا داكشي لي سمعت فداك تسجيل خاص توافق
تنهدات براحة فرحااانة ولا كلشي بين يديها
عند وليد
كان متكي على طموبيلتو فاش وصلو ميساج قراه وهو مقوص حواجبو مسحو داك ساع بلا مايجاوبها ماباغييش يبقة عندو رجع طليفون لجيبو وهو عاض على سنانو والراجل قدامو كيدوي معاه:صافي اسي وليد هو تاق بداكشي لي فالضوصي وكيتيق فيا تانا حيت شحال من مرة تعاملت معاه
وليد هز راسو باه وهو كيمد ليه واحد لبرية فيها واحد اامبلغ دلفلوس
خداها الراجل وفتحو وبتاسم فرحان وهو كيشوف رباطي تماك:لا حتاجيتيني فشي حاجة انا فالخدمة اسي وليد
وليد بجمود:نت غير لا وصلاتك شي حاجة عليه علمني
الراجل:كون هاني
وليد:يمكن لك تمشي
بقة مراقبو تا ركب فطموبيلتو ومشا
وليد شعل كاروه كيشوف لبعيد وكيفكر ...كان شاك انه كريم ايدير شي حاجة من موراه عليها كلف لي يراقبو وكيف توقع دار لي يبحت على مارية وقدر يقلب اللعبة على كرييم غا بلفلوس ..
الراجل لي كلفو على مارية صدق طميميع وخواف مالقاش معاه صعوبة غا بالتهديد ومبلغ مالي دار داكشي لي قال ليه
رجع تاني بتفكيرو لداكشي لي وقع هاد النهار من تيريزاا لي صدقات ماساهلاش ولكن شرا سكاتها عارفها شحال طايحة فيه وماتقدش دير شي حاجة ماتماش ولكن يتوقع منها اي حاجة خاصو ياخد ليها التسجيل ومن بعد يتكلف بالباقي...سااط الدخان وهو كيتفكر فاش كان معاها ففراش واحد ماكانش يزعم ويديرها كون كانت بنت هو عارف ماضيها وشحال من علاقة كانت داخلة ليها ..
وهدشي لي وقع بينهم بالنسبة ليها عادي مولفة بيه.
.كيزيد يكره هاد العائلة نهار مور نهار وماعمرو غيندم من داكشي لي غيدير فيهم....وصل بتفكيرو عند مارية القطة المتوحشة لي هاد النهار شاف فيها جانب اخوور..
كيفاش ترخات وهي بين يديه وهدشي كيعني بزاف دلحواايج حيت ماشي مرية لي ترخا ولا تستلم ليه وماتقاومووش تا لاخر لحضة كيف كانت..
شاف فيها مارية الحساسة لي تاهي عندها احاسيس ومشاعر كيفاش مابغاتوش يشوف جسمها وهو لي ماعنودش مانع يشوفهاا وعمرو فكر انه ممكن يتنفر منها بسباب داكشي لي ممكن يشوف فجسمها لي هو اصلا سبابووو...
تفكر تاني اللحضة فاش كان غابر ورجع فداك الليل وكيف شاف داك الخوف فعنيها وكيف مشات هربانة ورجعات تاني لعندو...تنهد كاع هدشي وعارف راسها شحال قااصح عليها فكر مزيان فشنو ممكن يدير باش تبت معاه شوية لقة الحل الوحيد هو يخلي مصيرها من مصيرو ويخليها تجرب الاحساس تكون قريب من الموت ..نتر نترة طويلة من سيجارو وهو كيتمتم:كون غير ديري عقلك معايا امارية ..نتمنى هدشي مايتقلبش ضدك
جبد طليفونو من جيبو وهو كيسوط الدخان ويرمي لبونتة لبعيد باطراف صبعانو دوز النمرة دختو جاوباتو بصوت باكي:خويااا أدم وقع ليه نزيف فدماغ ودابة راه فغرفة العمليات وليييد ادم غيمشي من بين يدينا
وكملات بلبكااا كيسمع صوت شهقاتهااا فطليفون..قطع داااك ساع وهو كيضرب يديه من طمووبيل ركب وكسيرااا نيشان لطبيب
غير وصل دخل كيشي عجاجة بخطوات مزروبين نيشان
للكولوار دغرف العمليات
شاف من لبعيد ليالي واقفة وكتبكي والحاجة كتصبرهاا
غير وقف عليهم زادت فلبكاا حالتها حالة :خووياااا ماغانستحملش لا وقعات ليييه شي حااجة مابغيتوووش يمووووت
جرها ودفن راسها فصدرو كيشوف فالباب لي مسدود دالعمليات ماعندو مايقولهاا كيمسح ليها على شعرهااا وهي كتبكي
الحاجة :هدشي كامل بسباب داك اللفعة وزايدها تزوجتي بيها ومخليها معانا فدااى كيف قتلتي اللولة قتل التانية ولا غبرها عليينااا
صعر من لمزيااان هو بلا والو ربي لي عالم بيه هم دنيا كامل فوق راسو وهي كتزيد تكمل بعد على لياليي وهو كيضرب يديه مع باب غرفة العملياااات وكيدوي سااخط:ماشييي نتي لي غتورينيبي شغااا ندير هدا لي قدامك ماكايدير الحاجة تا كيحسب حسابهااا
..وهداا اخر انضار لييك الحاجة ..انخسر عليك طيارة فليلتك توصلك تا لداارك
ضربات الطم وهي كتجر ليالي وطبطب عليها...تنهد وهو كيسمح على راسوو ويغوت:وهاادو مالللهم غبرووو
دازت ربع سااعة حتى كيخرج طبيب زول لكمامة ملي وقف عليه وليد:اش درتوو
الطبيب:ماكناش متوقعين ايوقع هاد النزيف قدرنا نعتقوه من الموت فأخر لحضة ..دابة وقفنا النزيف حالتو صراحة ماكاتبشرش بالخير خاص نتسناو عوتاني واحد 24 تا ل48 ساعة عاد نتأكدو دابة ايبقة فغرفة معزولة طول هاد المدة خاص يبقة بعيد تا دوز هاد المظة
ليالي :عفاك بغيت نشوفو الله يخليك
طبيب شاف فوليد هو لي أيفهمو:مايمكنش من الاحسن بلاش
وليد :الحاجة دي ليالي وسيرو للدار دابة نلحق عليكم
ليالي كتهز راسها بلا وكتبكي:لااا مابغيييتش خلوني معاااه
طبيب:-ماعندك ماتبقاي كديري هنا ابنتي غير اتعيي راسك سيري رتاحي ويكون خير حنا دايرين كتر مافجهدنا
وليد بأمر عارف ختو كيف دايرة:شنو مازال كتسناوو راني دوييت
الحاجة:زيدي أبنتي زيدي خاص ترتاحي شوفي كيف وليتي ماغايعجبوش لحال لا فاق ولقاك فهاد الحالة غندعييو معااه تا يصح على خيير
ليالي غير كتبكي والحاجة جاراهاا
غير مشاو دار شاف فطبيب:آدم ماخاصوش يموت سمعتيني ماديرش غا جهدك دير اامستحييل سمعتيني
ليالي كتمسح فدموعها بيديها كيرجفو:حنا ديما انبقاو نتسناوه هو تايدير شي حاجة ديما انخليوه فالواجهة انا غنهنييه منهااا
وقفو حدا باب الفيلة نزلات كطير شافت فرجال لحراسة اقرب واحد ليها خدات منو سلااح من سمطة لخاصة بيه ودخلات ناوية على الخايب للفلة والحاجة تابعاهااا كتجريي:اجييي فين غااادة واش باغة تقتلينييييي وتصفيها لياا حطي داكشي من يدييييك
شافت فواحد من رجال:عيط لوليد يجيي دغية
داك ساع جبد طليفونوو ودوز نمرتو تواني وجاوبو دخل نيشان فالموضوع:السي سردار الاخت ديالك خدات سلاح من واحد من رجال ودخلات للفلة
ضرب يديه مع دريكسوون بالجهد وقطع ليه فوجهوو وهو كيزيد فالسرعة:لياااالييي ماديريهاااش
قبل بنص ساعة
فاقت من نعااس كانت عيانة ونيت هرابة من تفكير فداكشي لي وقع مارضاتش انهاا ترخات بين يدييه كاع مابقاتش فاهمة راسها فهاد ليام تالية هي ماشي هكاا وماخصهاش تكون هكا وزيد هاد السم لي تزرع فجسمهاا تنهدات وهي كتشوف فنارة قدامها متكية حداها وحالة عويناتها كتشوف فيها بعويناتها زريرقين كيف سما..لا مشاو بجوج لمن أيخليوهااا وشنو أيوقع فيهاا..تا مها براسها ماعندها لا تالي لا والي بقات ليها غا مارية وحفيدتهاا ..مها اتموت غا بلفقصة ...خاص دير شي حل تاهي كيفما هو هاز هادشي وكيتقاتل باش يخرجهم من هادشي تاهي ولات داخلة فهاد اللعبة وكيفما دخلهااا وحملها المسؤولية وكيهدد فيها لا مات اتبعو تاهي خاص تتدخل وتقلب تاهي على الحل باش يخرجو كاملييين من هاد المتاهة وهاد المصيبة لي غضرب كاع العائلة ولكن كيفاااش هدشيي لي خاص تفكر فييه كيف غدييير ضاروري كاين شي حل خاص غا تقاد افكارهاا وتعرف كيفاش باغة تبقة قوية لداكشي لي جااااي
ناضت جالسة وهي كدوي مايمكنش تبقة محبوسة فلبيت وحابسة معاها لبنت باقة صغيرة:زيدي نهبطو لتحت وناكلو شي حاجة راه ضلام لحال ولكن تسنايني نتوضة ونصلي
دمعو عنيها:تانا ابنتي توحشتك ياك مهلين فيك كلشي هو هداك
نارة:اه اماما مزيانين معايا..غير قولي ليهم نتي هي ماما ماشي مارية وبابا هو لي فتصويرة ماشي وليد ياكي ..
عرفات لقضية مرونة عندهم مسحات دموعها:ابنتي لا قلت لك شحال هدا ديما خدمي دماغك وتقعي اي حاجة من هاد الدنيا وهدشي لي واقع دابة شوفيه من جيهة اخرا شحال زوين وفصالحك.انا كنبقة ماماك فجميع الاحوال
نارة كتصنت ليها هي لي كتفهمهاا دلات شفايفها:ماما بغيتك نتي لي تبقاي ماما
ليالي وقفات على مارية ودموع فعنيهااا هازة سلاح فوجهاا:ايلاا خويااا ماقدش يقتلك ويهنينا منك كيف دار مع مراتوو انا غنهنيييه منك وانا لي غنزعم هاد اامرة
الحاجة من موراها كتشوفها هازة سلاح :الله ابنتييي حطي داك سلاح لاش اتوسخي يدييك فييها كون كانت دايزة فيها لقتيلة كون قتلها خوووك خليه بينو بينهااا نعلي شيييطااان
ليالي :الااااا خويااا راه عرفات تلعب ليه بدماااغو وهو ماموالفالوووش مراتو لي مراتو كان كيبغييها ومارحمهاااش وهادي لي تاهي غدراتو مع العدو ديالو مور ضهرووو وباعتو برخييص مشا تزوج بيها ومخليها فداار وانا راجلي بين الحياة والموت بسباابهاااا ..اليوم كان غايمووووت وغدا ماعرفناهش واش ايعييش ولا لاااا خليني نبرد قلبيي فيهاااا خلينييي ندير شي حاااجة تا اناااا ونقتلها قبل ماتزيييد تخرب هاد العائلة كتر نا هي خرباانة ماغاظيش نستخمل نزيد نفقد شب حد اخووور من عائلتييي بسبااب شي واااحد يكفي داكشي لي فقدناااه
مارية غير كتشوف فيها وكيف كدوي بحرقة والحاجة كتسايس معاها بللام بينما جا ولييد
مارية:لا كان هدشي ايريحك ديريهاا وعندك الحق ديريها حاسة بيك
وحطات يديها على صدرها:تانا بحالك هاد العافية لي شاعلة فقلبك تانا شعلات فيا سنين وكنت باغة غير فوقاش نطفيها تانا فقدت اعز الناس لياا لي هو بابا بسباب تهوري وبسباب خوووك وفقدت راسييي ومراههقي وشبابي وحياتي ..ماعشتش كيف ناس عشت ديما مخبية ديما كنفكر ديما وسط الكوابيس..
كيفما نتي واقفة دابة بسلاح باغة تنتاقمي وتقتليني تانا داكشي لي درت كنت باغة نتاقم من خوووك والغضب عما عيني وخلطت شي مع شيي
ليالييي كلامهااا قاسهااا ولكن مابغاتش تستوعبو وهدا عيبهاا:سكتييييي انا ماشي هي ولييد باش اضحكي عليا بجوج كلمااات نتيي لفعة سامة كيف كتقول جدة وانااا غنحبس هدشيي هاد اامرة انا لي غنتصرررف وماغانترااجعش
قادات السلاح فيدها مزيان وهي كتمسح دموعها باليد لوخرا حاطة صبعها على زنااد
الحاجة قربات لعندها:ليالييي الله يخلييك نعلي شيطااان ماتهوريش وتندميييي
لياليي:ماتقربييييييييييش بعديي هادي خاص تمووووت
وقربات تا لعند مارية كتشوف ليها فعنيها صافيي ناوية علييها
ماعرفاتش منين جاتها هي داك القوة وقربات لييه كتشوف فيه:وليييد واش...
قاطعهااا وهو مخنزر عاض على سنانوو وكيشوف فيهااا كون تعطل غيير شوية كانت اتجي فيها لقرطاااسة كون ماسمعش طليفون كون ماجاش كاع هاد الافكار كانو كيضورو فراسو غوت ليها فوجها:واااش هدشييي لي بغيتيي هدشي علاياش كتقلبيي امارية
كلشي قفز من صوتووو ...حيد جاكيطتوو ورماها فالارض لقرطاسة دازت من كتفوو ماقصتش اللحم ختارقاات غا توب تجاكييط نيشان فلحييط..
مارية بلعاات ريقهاا وهي كتشوف واش مضروب ولا لا فلاات كاع جسمو ماشافت والو عاد رجعات شافت فيه كيف غادي فاتجااه ختوو صاااعر خدا منها داك سلااح هو اللول خشاه مور ضهروو وهو عاض على سنانووو شدها من دراعهاا مزير عليها تاوجعااات وهي كتبكيي:وااش لا قتلتيعاا ايرجع ادم غتبدل شي حااجة وااش مابغيتوووش ددتفهموو مادخلوووش فشيي حاجة واش باغين تحمقوونيييي مانبقة عااقل على تاوااااحد أنجمع كلشيييي خليونييي متبت راسييي
الحاجة كتشوفو شوية وأيهرس ليهاا يديهاا قربات شادة ليه فدراعو:رخي منها اولييد رخي اتهرس ليها يديها شوف حالتهاا كيف داايرة راه ماشي ساهل عليها يلاه خرجات من داااك الازمة وشوف اش وقع ليها دابة
شاف فيها وقرب تا لعندها وغوت ليها فوجهاا:واش ماكاتسمعييش تحركييييييي من قدااميييييي
بقات واقفة ماتحركاتشاتش غير كتشوف فيه بحاليلا ماغوت ماوالووو
نطقات بهدوء:تهدن اولييد
ميل راسو فيها بحاليلا كيقولها من نيييتك زادت شعلاتوو على هاد البرود لي فيهاا شدها من دراعهاا بجوج كيهضر مغزف جااعر:كوون ماجيييتش امارية وسلاح فيديها والغضب عامي عنيهااا شنوو كان ايوقااااع شتييي قصوحية رااسك فيين وصلاتناااا
مارية بنفس الهدوء:دابة جيتي ولي وقع وقاااع وبغيت نقولك اخر مرة تعرض راسك للموت على ودي مافياا مانزيد نتحمل مسؤولية شي حااجة خليني غير نصفي هاد الحسابات لي علياا
مسح على راسو كيشوف فيها هاهي رجعات مارية لي كتخرجو على طوعوو قرب تا لوجهاا ودوة عنيه فعنيهاا:لا مامتيش على يدي ماكينش هدا لي يحصلو داك الشرف ويقتلك امارية راه قلت لك يانموتو بجوج يا نعيشو بجوج دخلي هدشي لراسك
علات حاجبها كتشوف فيه عاد دوات:ادن خاص بجوج اوليد نحددو واش انموتو ولا انعيشو على هاد الحساب كيفما نت داير جهدك تانا غندير جهدي هنا علمتك
تبسم باستهزاء وهو كيشوف داك النضرة المتمردة فعنيها شحال ماشاافها:الحاجة الوحيدة لي تقدري ديري امارية هي تبتي وديري عقلك لا درتي هدشي كلشي ايكون مزيان وتباقي انا قاد بيه
هزات راسها بلا وهاد المرة هي لي زا.ت قربات تا لوجهوو وكدوي وعنيها فعنيه وهي كتهز راسها بلا:لا اوليد انا دخلت لهاد اللعبة ديالك ادن خاص نتحرك تاناا هاهي فبالك ياديرني فالصورة وتخليني نعاونك يا غنخدم من راسي
هي كدوي وهو كيشوف فيها وفداك صلابة لي فيها وكيف كدوي تايقة فراسها وكيف كتشوف فيهه وكيف كيخرجو لحروف من شفايفها..نزل عنيه لييهم وزاد قرب وعنيه علييهم بغات ترجع اللور وهو يشدها:حاولي امارية وزيدي كلمة وحدة بحال هكاا واتلقاي راسك فوضعية ما اتعجبكش
يلاه أيدوي وهو طليفون يصوني بقة شادها بيد وجبد طليفون بيد شاف المتصل لوكاس مابغاش يجاوب بقة يصوني تا قطاع ورجع شاف فيها كيف مزالة كتحاول تبعد وهي عاضة على سنانها واجدة لاي هجوم صافي رجعات مارية القطة المتووحشة تبتها مزيان ودوة وعنيه فعنيها:مارية اتبتي وادخلي سوق راسك واتخرجي راسك من هادشي
مارية:نت لي دخلتيني لهادشي ادن كاملين انتحملو المسؤوللية دابة
يلاه ايجاوبها وهو يصوني تاني طليفون كان لوكاس تنهد وجاوب يشوف اش كاين وهو مازال شادهاا:الو لوكاس
لوكاس:كيف بقيتي
وليد باختصار اخر واحد يقدر يستحمل يدوي معاه فهاد اللحضة هو لوكاس:بيخير
لوكاس:صوتك ماشي هو هداك
شاف فمارية لي كتشوف فيه كيف ملاميحو تبدلوو ولاو مالاميح حاقديين تاشوفاتو تبدلو دوة بجمود:كلشي هو هداك ياك لاباس الوكاس
لوماس:والو غير غدا انزوروكم فليل باش تكون فبالك بغينا زيارة عائلية نحمدو ليك على سلامة
قوص حواجبو شي حاجة فيها ان دوة بنفس الجمود:مرحبا نتسناوكم
لوكاس:يلاه نخليك
وقطع وهو كيسوط ويتمتم:مابقاش بزاف الوكااس
كتشوف فيه كيف دغية زاد قلب ليه لمزاج كتر من ما هو مقلوب حطات يديها على كتافو:خليني نعاونك باش يسالي هدشيي وكل واحد يشد طريقو ترتاح وتريحني معاك
شاف فيها :كيفاش كل واحد يشد طريقو
مارية:كيف سمعتي ايسالي هدشي وكل واحد ايرجع لحياتوو
شاف فيديها لي على كتافو ورجع شاف فيها هي :مزال مابغيتي تفهمي انه بلاصتك ولات من بلاصتي وحياتنا ولات واحد..
كيدوي ويهز فراسو كياكد فكلامو :خلي هاد الليلة دوز على خير وطلعي شوفي بنتك وحيدي هاد الافكار من راسك ماتزيديش تكبتيها معايا يكفي هداك لي بين الحياة والموت
وسكت وقرب تا لوجها ودوة بجدية:ماتزيديش تغرقينا كتر من ما حنا غرقانين خليني غير ننسا هدشي لي درتي
مارية بقات كتشوف فيه دوات بنفس الجدية وعنيها فعنيه:مازال انهضرو فهدشي أوليد
ورجعات باللور باغة طلع وتخليه الهضرة ماشي معاه دابة ولي فراسها اديرو ماشي هي لي تبقة جالسة كتفكر
بقة مراقبها غادة لجيهة الدروج يلاه اطلع وهو ينطق :كلامي مفهوم امارية
وقفات شحال وكملات طريقها وطلعات
تنهد وهو كيمسح على راسو عارف راسها شحال قاصح ولكن ماشي معاه هوو ..ودواها عندوو
مشا وجلس فوق الفطوي مرجع راسو اللور باغي يبقة هكا بوحدوو باش يفكر مزيان فهدشي لي جاي بزاف دلافكار والحلول كيضورو فراسو خاصو غايركز فييهم
مسح على وجهوو خاصو يشق شي طريق لي تسلكهم كاملييين
فجيهة خراا
كانت جالسة حدا باها وهي مبتاسمة من بعد ماقطعو مع وليد
لوكاس:بغيت غير نعرف لاياش كتخططي عاود شنو سر هاد زواج لي خرجتيه لينا عاود
تيريزا :بابا اي حاجة غتكون حاجز بيني وبين وليد انحيدها ومارية واحد من هاد الحواجز ..ادن خاص تبعد وهدا هو الحل نزوجوها لخوياا وتبعد على ولييد..ياك خويا باغيها فين اتلقة بحالو تحمد الله مطلقة وعندها بنت ولقات لي يتزوج بيها وزايداهاا بداك الحجاب مااعرفتش اشنو ليها زوين
نارة حطات يديها على وجهو وبدات تحركها بشوية:خويا وليد فيق
مارية ميلات راسها على داك خويا وليد
حل عينيه داك ساع نيشان جات عنيه على هاد الملاك لي قدامو كيشوف فيه ..وكيحس بيديداتها باردين على وجهوو..
نارة:-صباح الخير خويا وليد
بقة كيشوف فيها بعد خصلات شعرها من وجها:صباح الخير نارة
نارة :نعستي هنا ما دركش راسك
تبسم وهو كيحرك راسو يمين وشمال راسو تفدع من هاد اانعسة ماعرفش كيفاش تاداتو عنيه هناا:شوية
دور راسو وهو يشوفها واقفة ومربعة يديها وكتشوف فيهم شاف فيها شحال عاد وقف وهز نارة بين يديه ورجع شاف فمارية:كنتمى شي وحدين يكونو صابحين دايرن عقلهم
بقات مراقباه بلا تاشي كلمة شافتو دا نارة وحطها فوق لكرسي قبالة طبلة لفطور لي باقي كيتحط وتحنى لعندها وهو كيدوي معاها:نغسل وجهي ونجي نفطرو مجموعين علامن يتقاد كلشي
هزات راسها باه وهي مبتاسمة:واخة اخويا وليد
تنهد على داك خويا ومسح ليها على شعرها. وتقاد فالوقفة كيشوف فمارية عاد رطع اللور طلع لبيتو دوش بالخف يحيد لعية ولبس عليه باش ينزل
كانت محطوطة الطبلة
ماربة:كولي
نارة شافت فيها:ماغانتسناوش وليد قال نفطرو مجموعين
ماربة تنهدات وهزات قهوة كتشرب منها. حتى كيشوفوه نزل..جلس فبلاصتو شافهم باقي مبداو لفطور
وليد كلامو موحع لنارة:كتسناوني
هزات راسها باه:باش نفطرو مجموعين قلتي
تبسم ليها وهو كيشوف فمارية كتجغم من قهوتها بهدوء
وبداو يفطروو فصمت ونارة عاجبها الجو :وليد فخبارك بديت نصلي ختي مارية قالتلي هدا هو الوققت قبيلا توضيت وصليت دابة ربي ولا كيبغيني وايدخلني للجنة
بتاسم ليها :برافو عليك الله يتقبل
نارة:أمين ونت كتصلي
وليد :دعي معايا فصلاتك نبدا تانا نصلي
نارة:ونت كبير خاص تبدا تصلي باش ربي يبغيك ويحقق ليك امنياتك ياك اختي مارية
نارية هزات راسها باه ودوات بهدوء:وباش ربي يبعد تا اامشاكل
فهم كلامها ورجع دوة مع نارة:غدعي معايا فاش تكوني كتصلي
نارة:اه
وليد :صافي هدشي لي بغيت
فهاد اللحضة كانت نازلة ليالي كتقاد فحجابها وسامها فيديها ومعاها الحاجة من الدروج
الخاجة دغية خنزرات وهي كتشوفهم مجموعين فطبلة وحدة وكيف وليد مبتاسم تمتام بصوت سمعاتو غا ليالي:شوفي اللفعة دايرة جو عائلي وحنا فرتكات لينا الشمل
ليالي جمعات يديها على شكل لكمة كتشوف فيهم:صافي اجدة ماتزيديش تكملي عليا لا ندير شي موصيبة
الحاجة خافتها دير شي حاجة بصاح وهي بسيف باش قدرات تهدنها بالليل لدرجة عطات ليها مهدئات لي كانت بدات تخلا عليهم خافتها ترجع لحالتها لقديمة:صافي هنا ساكتة راه خوك عارف شكا يدير حنا ماندخلو ما والو زيدي
الحاجة وهي كتجلس:صباح النور
وجلسات وكملات كلامها وهي كتعمر فلحليب:الله يدومها
وليد شاف فيها بلا مايجاوبها عارف قصدها
نارة كتشوف فليالي لي جالسة بسيف عليها ومتبتة راسها باش ماتقولش شي حاجة ماتماش:عنيك بحالي واش انولي بحالك فاش نكبر هكا زوينة
ليالي شافت فيها كانت مغوبشة وماناوياش تجاوبها ولكن فاش شافت داك الابتسامة على وجها رخات ملاميحها وتنهدات:نتي غتكوني حسن مني
نارة زادت بتاسمات:بصااح
ليالي بتاسمات بلا ماتحس:اه دابة تشوفي
نارة بحاليلا تفكرات شي حاجة شافت فالحاجة:جدة بديت صلاة مارية قالتلي صافي كبرت وقبيلة صليت الصبح
ورجعات شافت فليالي:انا فرحانة
الحاجة بتاسمات:تبارك الله عليك ابنتي هكا نبغيك صلاة زوينة وكتقربنا من الله
ليالي:الله يتقبل ودعي مع آدم ربي كيحقق دعوات دراري صغار
نارة:واخة اندعي معاه باش يخرج من طبيب
ليالي تهدات وهي كتشرب من كاسها حتى كتشوفو وقف عرفاتو ايخرج ناضت تاهي معاه:خويا وصلني معاك للطبيب
وليد شاف فيها:زيدي
وخرج وهي هزات ساكها وتبعاتوو..
ركبات فطموبيل وديمارا بلا تاشي كلمة عيات صابرة وعي تنكق:سمخلي اخويا عفاك على كلامي ظيال داك النهار جبدت لماضي وخربقت كلشي وسمح ليا على لبارح غير من لعافية لي كانت شاعلة فقلبي ماكانش عليا ندير هكاك مابغيتكش تبقة مقلق مني وحنا يلاه تصالحنا ويلاه رجع ليا خوياااا ..مابغيتش نعاود نخسرك..
تنهد ووقف طموبيل على جنب ودار شاف فيها ودوة:ليالي حاس بيك ولكن خاص تيقي فيا علاش انا داير هدشي كاامل على قبلكم وقبل الموت دبانا أدم غيرجع على خير ويخرج منها سالم
لوماس كيشوف ولادو فرحانين قرب وضرب على كتاف كريم:بغيتك تبقة ديما هكا اولدي قريت فالصحف كيف كيدويو على مشروعك وكيشرو فيه وفالتغيير لي وليتي فيه ..انا غنوقف معاك فكلشي اولدي محدك هكا اتلقاني ديما فجنبك وتستاهل وحدة بحال مرية فريدة من نوعها
كريم بتاسم:شكرا الوليد ولي جاي ايعجبك بزاف نسا كريم لقديم
لوكاس:هدشي لي بغيت اولدي خليونا نمشيو
ركبو كاملين فطموبيل وحدة نيشان لدار سردار
غير وصلو ستقبلوهم الخدم حلو لباب ..لقاو الحاجة وليالي فوجهم ستقبلوهم تاهوما نيشان للصالون جلسو وليالي كتحاول تبقة مهدنة قدامهم ودير لي قال ليها خوها حيت هدشي فمصلاحتهم..كتشوفهم كيف لابسين ومقادين وشكلاط والوردة قربات وهمسات للخاجة:هادو جاين يعاودو الخطبة ولا كيفاش بان ليا جاين يخطبو وليد تاني
الحاجة:سكتي
نزل وليد سلم عليهم تا وصل عند كريم لب صافحو باليد ومل واخد وكيف كيشوف فتاني وشي ماحامل شي ولكن دارتها الضروف باش يتجمعو
تيريزا لي وقفت باغاه يسوفها بتاسنات وقربات وباستو على خدو وهمسات ليه:توحشتك
كتافة بشبه ابتسامة جارها من خصرها وجلس وجلسعا حداه وهي شابمة يديها فيديه
لوكاس شاف فالحاجة:على سلامتك حفيدك صراحة على سلامتنا كاملين كانت خسارة لينا كاملين وصظمة لينا كاملين كون وقعات ليه شي حاجة خايبة
الحاجة:الحمد الله خرج منها سالم هدا هو المهم وهاهو باقي معانا كيف الجبل لي ماكايهزو ريح
لوكاس بتاسم:عندك الحق
تيريزا كتقلب بعنيها:فين هي مارية
الحاجة:راسها ضارها ماقدراتش تنزل
كريم شاف فباه لي فهم راسو:كون غير عيطتو ليها تشاركنا الجلسة
وليد ماخفاوش عليه نضرات كريم لباه دوة بجمود:ماعندهاش مع هاد الجلسات
تيريزا :وليد انا نوض نعيط ليها بغينا تجمعو
قبل تنوض ضغط على خصرها وهو كيشوف فعنيها:تيريزا بلا ماتعدبي راسك
حسات بيه قصحها فخصرها وهو لاحض هدشي من نضراتها رخف عليها وزاد قربها ليه:خليك معايا
دغية بتاسمات ونسات تاشنو كانت باغة تقول
حتى كيسمع صوت لوكاس:هااهي ماارية هبطات
دغية ملاميحو تقلبو عنيه نيشان جاو على كريم لي تقاد فالجلسة وهو مكيشووف فيها بداك النضرات لي اياكلوها وكيف مبتاسم عض على سنانوو وتيريزا قدامو كتشوف فيه وكيف ملاميحو تقلبو شدات ليه فيديه باغاه يركز معاها هييي:وليد
ماجاوبها ماشاف فيها قلب وجهو لهديك لي جاي فتجاهم لابسة ومقادة كسوة طويلة بلكمام فلكروونا جاية بحزام مجموع على خصرها بديكور زوين وشال فلباج..ومكترة لماسكارا زادت برزات لون عنيها وكتافة رموشها وعكار باج خفيف ..وداك النضرة لحادة لي فعويناتها كتميز بيها وشادة فيديدات نارة
وليد سنانو ايتهرسو بقوة ما عض علييهم وهو كيشوفها كتسلم عليهم وكيف كريم وقف كااع ماد يديه ليها كيسلم عليهاا وعنيه غياكلوهاا ..كيشوف كيف يديه شادة يديها وكيسولها على احوالها ومطول فلهضرة وداك اليدين ولا بغاو يتفارقوو حتى جمعات هي يديها لعندهاا وبعدات شادة بلاصة وجلسات فيها وكريم رجع جلس وعنيه ماتزحزحوش من عليها
مارية قدات شالها وهزات عنيها فوليد لي كيشوف فيهاا واحد شوفات بحال لقرطاس فاهماهم مزيان ولكن خاث يولف ديما اتكون معاه فاي ضرف وفاي موقف هو بغة هدشيي
ليالي همسات لجداها:هادي علاياش كتقلب
الحاجة:ماعرفتش الله يخرج هاد الليلة على خير
كيشوفو ولييد كيف مخنزر فيها الحاحة تدخلات:اجيو نجلسو فطبلة لعشااا
تيريزا نغزات باها ووليد كيلاحض اش كيدور هناا كيتسنا لوكاس يقول خاص يحددو موعد العرس عمر كاس دلما كيشرب منو بهدوء
لوكاس:قبل لعشا جينا لغراض اخور لي غيزيد يجمع بين عارلتنا ويوطد علاقتناا
كلشي كيتسناه شغا يقول
ليالي كتشوف فيه بحد وكتهمس للجدة:ها لي قلت لك باغين يزربو على زواج الله يعطيهم غبارة وشوفي لوخرا جالسة بحاليلا مادايرة والو كتخطط لشي موصيبة خرا ديرها
الحاجة:ليالي سكتي خلينا نسمعو
لوكاس كمل كلامو بابتسامة:سباب هاد المجية هو بغينا نطلبو يد بنتكم مارية لولدي كريم
نزل عليهم هاد الكلام كي الصاعقة..لدرجة ليالي ماقدراتش تصبر طلقاتها بضحكة ديال القلب بصوت مرتاافع خلاتهم غا كيشوفو ضحكة ماشي عادية...والحاجة كتحاول تسكتها مصدومة من كلام لوكاس وعنيها على ولييد
مارية لي مازال كتحاول تستوعب كلامووو وكيتردد فودنيها مصدومة عمرها جاتها للبال نيشان شافت فوليييد لي بحال شي بركان واينفاجر ملاميحو ماكيبشروش بالخيير وكيشوف فكريم مقوص حواجبوو نزل على داك الكاس دلما فدقة ناوي على خزيييت ورجع شاف فلوكاس ودوة بطريقة خلاتهم كاملين يبلعو ريقهم:عاود اش قلتي
حم حم ورجع شاف فوليد لي حط دراعو على ركبتوو وهاز راسو فيه ..
ودوة :ولدي كريم بغة مارية زوجة ليه وداكشي لاش جينا طبعا شرف لينا تكون وحدة من العائلة ونزيدو نوطدو علاقتنا
كريم كيشوف فوليد تقاد فالجلسة وهاد اامرة هو لي دوة موجه كلامو لمارية:كيف قال الوليد انا باغيك امارية على سنة الله وروسوله ..وبنتك نارة اتكون بحال بنتي شرف ليا توافقي
وليد ميل راسو فيه كيشوفو كيف كيدوي وعنيه عليهاا ورجع شاف فمارية لي نزلات راسهاا كتشوف هاد القنبلة فوقاش اتنفااج
وليد رجع اللور بكامل جسمو كيشوف فهاد المهزلة لي قدامو وفبالووو حل واحد يقلب فوق راسهم هاد ااطبلة كامليييين ومايتهدن تا يصفيها ليهم كامليييين هدشي لي ولا كيبان ليه يدير فهاد اللحضة ...
لوكاس:وليد شتك سكتيي
كريم بجمود:وليد ماعندو مايقول مارية هي لي معنية بهدشي أولا والقرار ليها بوحدها
وليد داك الساع جمع الوقفة خلاهم كاملين قلبهم على فمهم ...
مارية غير شافتو وقف وقفات تاهي بدون شعور لا يدير شي حاجة ماهيااش ويدمر كلشييي وتولي عاود هي السباب
وليد كيشوف فكريم دوك شوفات دلقرطاس واخة ملاميحو جامدين وكيبان كيتنفس بهدو ولكن راه واحد البركان فلداخل ديالو كيغلي...قرب تا لعند كريم ووقف عليه
مارية بهمس:ولييد
دار ليها اشارة بيديه بمعنى قطعييي
ولييد تحنى تا لعند كريم مقابل وجهو معاه ودوة :غالط بزاف اولد لوكاس مارية تحت مسؤوليتي انا..وانا لي كنقرر هناا اي حاجة كتخصهاا
كريم بغة يدوي وهو يحط يديه على كتافو وضغط عليه باش يسكت ويكمل هو:ودابة اتهز راسك وأتخرج مع لباب ماحدي باقي زوين
كريم توعت من كتافو شي لي خلاه يوقف ويبعد على وليد تاهو مقابل معاه ودوة تاهو بنفس النبرة:عرفتي أوليد لا مشات تا وافقت مارية عليا..كنواعدك انديرو انا وياك العرس فنهار واحد
وليد تبسم باستهزاااء وماحس براسوو تا جمع معاااه بكروشي تا دار وجهوو وجا طايح فوق الفوطوي
كلشي ناض مخلوووع ومارية من اللول عارفة ايوقع هدشي عليها قبل يوفع الضرب قلبات وجه نارة لجبهة لوخراا محاطة يديها على راسهاا
وليد مازال مابغاات تبردلووو قبل ينوض كريم من لفوطوي تحنة لعندوو جارو من لكول لعندو ودوة وهو عاض على سنانو:كنضن دابة كلشي مفهوم حمد الله مازال شاد فراسي باش مانتيريش فوسط راسك اكريييم
كريييم دفعووو ووقف ساااخط تاهوو حتى كيجي بينهم لوكاس مافاهم والوو:نتومااا شكا تخربقوو شنو واااقع شهاد الحالة ولييد فهمنيييي شهاد المهزلة
وليد بالانجلش:اتهز ولدك الوكاس واتغبرو من قدامي لا بغيتيه يبقة عايش
كريم كيمسح الدم من فمووو ضرب كلام وليد فالحيط وقرب لعند مارية :مارية نتي لي اتقرري اش كاين لا قلتي اه ماكينش شي ولد المرة لي يبعدك عليااااا داك ساع هضرة خرا الحد الان انا متبت حتى نسمع جوابك انا باغييك مرااتي ماطلبت تا حاجة دلعيب
ولييد صافيي جعر من داكك كلمة مرااااتي ما حس براسوو تا ضرب رجليييه مع طبلة دزاااج تا كحزات من بلاصتها ودور يديه مور ضهروو وجبد سلااحو تيرا فسما ودوة وهو عااض على سنانووو :لوكااااااس ولدك أتخسروو لا زاد كلمة وحدة ولا بقة قدامييي
الحاجة بداو ينزلو فدموعهااأ وليالييي كتشوف هدشيي كيتكبت وداكشي لي بناه خوها هدي سنين هاهو ايتهدم داابة
لوكاس :وليييييد واش عارف رااسك شكا دير
وليد قرب تا لوجهوو وسلاح فيديه كيعبر بيه:عاارف الوكاس انه هاد الليلة ماغادوزش مزيان على ولدك
لوكااس:هدشي ماشي هو هداااك كريم ماقال تاحاجة فيها لعييب بالعكس باغي زواااج ونت كتكبر الموضووع شنو فيها لاتزوجو ولا كانت شي حاجة انا ماعرفهاش قولهاا دااابة هنااا كنسماااع
مارية سمحات فكريم لي واقف عليهاا ومشات عند الحاجة عطاتها نارة داك ساع دفناتها فحضنهااا كتحس بيها كيف كترجف.
.وقربات عند وليييد حاطة يديها على دراعووو:ولييد اجي نهضرو
غوت ليها فوجها تا قفزااات ناتر يديه من يديه تا اكانت اطيييح:نتييي حسابي معاااك بوووحدوووو امارية
رفع حاجبو فيها ودار لجيهتهاااا كملات على ما بيييه حتى كتشهق فاش كيجرهاا من دراعها بالجهد وتم غادي بيها.جهة ااجردة
كريم بغة يتدخل وهو باه يمنعوو:كرييم
كريم شاف فباه :ماغغنتحركش من هناا اولييييد يوقع لي يوقع
لوكاس مسح على راسو:هاحنا انشوفو
تيريزا لي باقي غير جالسة جامعة يديها لعندهاا وعاضة على شفايفها من هدشي لي وقع قدامهااا وكتغلي مبداامل..
شاف فيها باهااا ماشي هي هديك عارف بنتوو دابة اتكون الغيرة والحقد.كينهشوو فيهااا
فالجردة
باقي كارز على يديها وجارها بزربة باغي غا فوقاش يتخلواا بيها وهي كتحااول تبعد يديه من يديهااا موجعهاا :وليييد رخييي شكاا ديييير
وليد غا ساكت تا وصل لوسط ااجردة وجرهاا زادحها معاه و عنيه كيلهبووو نااار :هدشييي لايااش كنتي كتخططي ياااك
خرجات فيه عنيها :كيفاش
ولييد:ماتحيمقيش علياا امارية ماشيي لهاد اادراااجة باش تجيبييييه تا لهنا باش يخطب وتحدايني وتنزليييي بهاااد الحالة وعنيك فعينيييي ..
علاياااش كتقلبيييييي واش ماغاترتاحييي تانحفر قبرك بيدي وندفنك حية هدشي لي بقة دابة وهدشيي لي غنديررر
وضرب رجايه مع الارض فين وااقف:غنحفرر قبركم كامليييين امارية هنااااااااا ماشي انا لي تلعبييي بيييه قدااامهم
مارية:شكا تقووول انا ماخططت لوالوو..
قاطعهااا وهو كيزي يزير على يديهااا:سكتييييي سكتيييي كل مرة كتزيديييي تجعريني امارية ولكن هادي اللخرة ليييك معايااا
مارية بحدة:وليييد سمعنيييي
ولييد زااد جرهااا ليه ودوة بحدة كتر منها خلاها تبلع ريقها:ياك ما كاتسناي تفكي مني باش تعيشي معاه حياتك لي قلتي اتعيشيها بعيدة عليااا..
ياك ما بهاد الزواج لي تزوجت بيك ريبت لك مخططاتك وباغاه يربي بنتييي ..دوييييي
مارية كتشوفو كيف كيدويي ومقتاانع بفكرتووو لي ترسمات فبالوو وماناويش يسمعهاااا
ولييد:كنقسم لك امارية هدشي عمرو ايكون واخة نعرف نموتو فيها كاملين ونبدا منو هو لول وفهااد الليلة مايصبح صباااح ونتبعك بيييه ونساليو هدشي كااامل
مارية عضات على سنانهااا:ولييد زدتي فيه شكا..
وليد كيشوف فعويناتها لمرمشييين وشفايفها بداك لعكار مارو باارد واخة ماشي شي حاجة ولكن هي من نوع لي ماكاديرش لمكياج اي لمسة خفيفة كتبان عليها..
وكيتفكر كيف كان كريم كيشوف فيها وميف سلم علبها وماسخاش يبعد يديه من يديها...
زاد زير على يديها ايهرسهااا:ولابسة ومقاادة ونازلة وكتسلمييي عليه حداياااااا ..
شنووو بنت لك انااااا هضرييييييي شنوووو ...
قلت ماتنزليييش مشيتي قاديتي ونزلتييييي
مارية:ولييد انا..
قاطعهاا تانييي :هانتيي اتشوفيي شغا يوقع دابة
وحبد طليفونو بليد لوخرا من جيبووو وعنيه فعنيهاا
مارية مقوصة حواجبهاا:شكاا ديير
وليد كيدوز شي نمرة:غنرونوو دلمهااااا هااد الليلة..تاوااحد ما ايخرج من هااد الدار تا نصفيو لحسابات ومل واحد يشد قبروووو هدشي لي بغتييي وكتقلبي عليييه
عرفاتو كيصوني لرجالوووو وهاد الاعصاااب والحالة لي هو فيهاااا تخليييه يقلب دنيااا كااملة فاقد الشعور وماناويش ييسمع ليهاااا ..
.يلاه ايضغط على اتصااال...ماعرفاتش منين جاتها داك الزعاامة حتى كتجرووو لعندهاا شادااه من راسوو وحطات شفايفها على شفايفووو وبدات كتبوسوووو هي هاد المرة مزيرة علييه ومعلية على ريووس صبعانهااا ...
خلاتوو يتبلوكة من ردة فعلها لي عمرو كان يتوقعهاا ولا تجي فبالوو شي نهاااار
وحطات شفايفها على شفايفووو وبدات كتبوسوووو هي هاد المرة مزيرة علييه ومعلية على ريووس صبعانهااا ...
خلاتوو يتبلوكة من ردة فعلها لي عمرو كان يتوقعهاا ولا تجي فبالوو شي نهاااار .
.كانت غير هي لي كتبوسوو وكيحس بشفايفها كتحركو على شفايفووو وكتزيد تجرو لعندهاااا حتى كيترخة مابقااش كاارز على أعصابووو....
مارية بعدات شوية وهي كتنهج وباقي شادة راسو بين يديها وشافت ليه فعنيه وهمسات ليه:ماخططت لوالو وماعرفتهمش جاين على زواج نزلت باش نكون معاك اوليد ونشوفو اش نديرو..مابغيتيش تسمعنيي ..
سكتات كتسترجع انفاسها وكملات :مابغيتش تزيد توقع شي حاجة بسبابي داك لمرة كنتي اتموت وادم بين لحياة والموت ولبارح عرضتي حياتك للخطر على قبلي مابغيتش دمر كلشي بنيتيه وخططتي ليه على والو وحنا الحل بين يديناا ماتخليش الغضب يعمي عنيك
وسكتات وهي كتنهج وتبلع فريقهاااا وتشوف فيه وتقرا فعنيييه...
وليد غير كيشووف فيهااا بلا تا كلمة يلاه اتحرك شفايفها باش دوي حتى كيطيح طليفون من يديه وككتحس بيه دفعها لواحد شجيرة موراهم ..
وتلاح كيبووس فشفايفهاا مدور يديها على عنقووووو باش يزيد يحس بيها معاااه ..
كيبوس فيها بكل تملك بحاليلا كيقول ليها نتيي ديالييي كيطفي فيها كاع داك الغضب لي كان فييييه ...
ما حسات براسها تا كانت متجااوبة معااه باغاه يرجع لوعيوو ومن داك الغضب لي عما عنيه فلحضة وعارفاه متهور وقادر يدير اي حاااجة وهو معصب..
تلاتة دقايق وهوما كيتبادلو فالقبل نساو راسهم كااااع نساو كلشييي ولا حتى شنوو داير بيهم وشنو وااقع
فجيهة لوخرا لداخل
كريم لي كان واقف على اعصابو وكيشوف فساعة وهو معصب وكلشي كيتسنا داك جوج يبانو ويفهموو اش وااقع..
وتيريزا جالسة وكتمسح على شعرهاااا وتحك فيديهااا وجسمها كامل كيتهز غا بوحدووو بلغيرة والاعصااب
كريم مابقاش قادر يصبر :انمشي نشوفهم لا يدير فيها شي حاجة
جمعات الوقفة تابعاه تاهي مابقااتش قادرة تصبر :جاية معااك اخوياا
خلاو لوكاس كيعيط ليهم وماداينهاش فييه ..
خرجوو من لباب من خرجو وليد ومارية للجردة وبداو كيقلبوو علييهم
حتى كتحس على راسها وكتختم داك القبلة منزلة يديها من مور عنقو وصوت انفاسها مسمووع وهمسات ليه:وليد برااك
بغات تبعد وهو يتبها شاد حناكها بين يديه وهمس ليهاا قدام شفايفهاا:ماغاتفرقنا غا الموت امارية نتي ديال وليد سردار واي واحد ايحاول يمنع هدشي ماغانرحموش
مارية غير كتشوف فيه كيف كيدوي بتملك ومازالة تحت تاتير بوساتو ومازال مامستوعبة اصلا شنو دارت وكيف تهورات ودارتهااا وقربات هي منووو حطات يديها على صدرو باش يرجع اللور وهي منزلة راسها تالفة :وليد صافي ماعرفتش كيف..
وسكتات ماعرفات ماتقول
وليد هز راسها لعندو بأطراف صبعانو كيشوف فيها: مافيها والو علاش كتصعبي لامور وهي ساهلة تانتي باغة تبداي حياة جد...
قاطعاتووو:انا ماباغة والوو والوو من غير يسالي هدشييي فاقرب وقت انا ماعرفتش اش وقع ليييي دابة هدشيي كامل بسبااابك بسبااب عصبيتك زااايدة هو لي وصلني ندير هدشييي
عضات على سنانها ماراضيااش:بسباااااابك سمعتيني عمري كنت نديرهااااا مالك ديماااا متصرع مالك دغية كتقلب طبلة وتخرج على طوووعك ماكنتيييش هكاااا خلييك كيف كنتييي جااامد ماكايحرككك والوووو بحال شحال هداا وليتي بحال شي عافية غتحرقناا كاملييين
كيشوفها كيف كدوي وتعبر بيديها وشفايفها كيرجفوو كلشي مخلط عليهاا كتبرد على راسهاا
حتى كيحط صبعو على شفايفهاا ودوة هو هاد المرة:شحال هداا ماكنتش دايرك فبالي امارية كنتي زايد ناقص بالنسبة ليا..دابة وليتي تحت سميتي وليتي مارية سردار مراتيي كلشي تبدل وهاد العافية غنتبقا تزند ملي وليتي كتخصينيي
شافت فيه تاهي:هنتا قلتيها كلشي تبدل ادن بجوج غادين فطريق واحد بجوج انخرجو منهاا ماحدنا لاقين بجوج
وليد كيشوف شعرها خرج من شالها قرب وهو كيدخلو تحت شال بأطراف صبعانوو وكيدوي:راني دويت شغا ديري كااع
ونزل عنيه ليها كيشوف فشفايفها:غير لا بغيتي تعاوديها ماعنديش مشكل
عضات على شفايفها كيزيد يكمل عليها :قلت بسباابك اما عمرك تحلم ديرها
ميل راسو فيها وقرب تا لو.نيها وهمس:دابة زدت وليت بغيت كتر وجدي راسك امراتييي
لحرارة طلعات معاها من كلاموو :كتحللللم سمعتينييي
قفزت فاش باسهااا من عنقهااا:ماغانتفاكش معاك دابة
قفزو بجوج فاش سمعوو صوت جاي لجيهتهم ومن صوتها عرفو شكوون داك سااع بعداتوو عليها كتقاد فشالهااا وكتدوي ماخاصش يحسو بوالو وتعمدات تدوي بالانجلش:ولييد هادي حياتي وانا لي كنقرر عارفاك كتخاف عليا وعلى بنتي على وجه المرحوم الله يرحمو لي وصاك علينا وكنتو بحال لخووت ولكن ماشي لدرجة تحدد مصيري انا مازل ماقلت موافقة على كريم ولكن بغيت نحس براسي انا لي كنقرر
وليد ميل راسو كيشوف داك جوج لي وقفو علييهم وكيتصنتوو
بلعات ريقها كتشوف فوليد لي دغية بدا يتقلب تانيي نطقات داك ساع:باقين بعاد على الموافقة ماجاتش لبالي اصلا جاين على هدشي
تيريزا قربات عند وليد وشاد ليه فيديه وهي كتشوف فمارية:ماغاتندميش لا وافقتي امارية كنوااعدك وتا وليد غير باقي ماعرف كريم كيف داير ومتردد خايف من وصايت راجلك الله يرحمو هدي فهمتها ياك اوليد
وليد شاف فيها يلاه ايدوي وهي تقاطعو تيريزا:بغيت ندوي معاك بوحدناا
مارية حنات راسها:هنا لداخل
ومشات
تيريزا شافت فخوها:عفاك اخويا
هز راسو باه ورجع تاهو اللور غادي وعنين وليييد حاضين من لبعيييد مارية وكريم لي موراها تا مابقاوش يبانووو
تيريزاا:وليد فهمني هدشي لي واقع شنو سباب هاد الغضب كامل وهاد الاهتمام بمارية لي فات حدووو يكفيي داكشيي لي كتاشفت عليييك ماتزيدش تصدمنيي وانا لي كنت ناوية ننسا داك التسجييل ونبداو من جديد خربقتي ليا كاع حساباتيي واش عنيك فمارية كنقسم ليييك انقلب دنياااا فوق راسها واخة نعرف تموووت اوليد نت ونتبعك اناااا..وماتكونش لغيري وتلعب عليااا
بقة كيشوف فيها بهدوء ها لي مابغااااش تدخل شي فشي وتزيد تا تسجيل فالموضوع
تيريزا :جاوبنييي راه غنحماق اوليد وقلبي كيتقطع بالغيييرة وانا كنشوفك فداك الحالة على قبلهاااا راه ماتتصورش شنو ممكن نديييير بهادشي لي كنحس بيه داابة نمشي نفرش كلشيييي وتقلب هاد الليلة جنازة لينا كاملييين
وليد مسح على راسووو باغيي يشدهاا ويخنقهاا بين يديييه ولكن ماشيي وقتوو غيجي نهاار لي غيصحقهم واحد بواحد بين رجلييه الاعصاب ماغايفيدوه بوالوو ماشي فمصلاحتو ولا مصلحة ناس لي ضايرين بيه شنو ذنبهم يمشيو فالرجلين
وليد حط يديه على خصرها وجرها لعندو:كون عيني فيها كون ديتها شحال هدا باقي ماكاتعرفينيش مزيان راجلها كان بحال خويا وانا ماشي من النوع لي نحط عيني على مرات خويا
بلعات ريقها كتاكد من شوفاتو وهو كمل محرك يديه على عنقها بشوية:وملي باغي نلعب عليك باش نوصل لانتقامي ماغانجيبكش لفراشي بامكاني بلا داكشي نوصل لداكشي لي باغي وانا عاد ناوي نحدد نهار زواجناا
دغية ملاميحهاا تقلبوو لابتسامة دلفرحة وعنقاتو دااك ساع:حيييت كنبغيييك بزاف اولييد عليها كنغيير من كلشيييي سمعتيني ماكانستحملش نشوف داك الاهتمام لغيري كنبغي نمووت وكنبقة كنفكر غا فالحوايج لخايبين ملي كنفكر هكاك ماكانسيطرش على راسي وغنتهور وندير شي حاجة ماهياش
وهزات راسها كتشوف فيه وتسناه شغا يقول
وليد بقة كيشوف فيها شحال عاد دوة:شكون ترجم ليك داك تسجيل
بغة يتاكد شكون مازل عارف على داك تسجيل باش يحسب حسابو
تنهدات هي فين وهو فين دوات:واحد لبنت مغربية بعيدة علينا غير سمعت صوتك فداك تسجيل كدوي بداك الطريقة عرفت شي حاجة خطيرة عليها ختاريت شي واحد لي بعيد
هز راسو باه:وهانتي قلتيها كنت كندوي بداك طريقة حيتت كنت معصب علاقتي بيك ماعندها تا علاقة بهادشي
هزات راسها باه بدات كتطمأن شوية بشوية ولكن موضوع مارية خاص تهنا منوو فاقرب وقت تعلات تا لعنظوو مقربة لشفايفوو وباستو بوسة طوييلة ..هو حس بواحد لفرق كبييير هاد البوسة ماعندها تا علاقة بالقبلة دقبيلة مع مارية خاطرووو هارب من هاد القبلة لدرحة مادار تاشي ردة فعل ماباغيش يفقد داك التاثير ديال القبلة دمارية مازال باغي يبقة حاس بشفايفها هي ماشي هادي شي لي خلاه يبعدها علييه ويجرها يعنقهاا عاض على سنانو وهي دافنة راسهاا فصدرووو بكل حب عايشاه غا بوحدها
لداخل
ملي دخلو وهوما جالسين مارية قدرات تشرح ليهم سبب لي خلا وليد يدير هكاك هو وصاية راجلها الله يرحمو وانه هاديك ماشي طريقة دلخطبة وكريم استفزوو ووليد هاد الايام معصب على والوو...
والحاجة كتعاونها فلكلاام وتسايرهم تا قنعهم وهلاو تا كرييم يشرح لباه الموقف وانه هوما مغاربة مختالفين على تقافتهم خاص كلشي بالوقت
حتى كيشوفوهم داخلين وهي شابكة يديها فيديه والابتسامة على وجهاا شارقة عكس كيف كانت قبيلة
جلس جلسات حداه حاطة راسها على كتافو وكتلعب بيديه وهي مبتاسمة: صافي انساو هدشي لي وقع هاد الليلة اصلا الجو متوتر من داكشي لي وقع وحنا زدنا كملنا
الحاجة:حنا عائلة دابة خاص مع الوقت انولفو على بعضياتنا
لوكاس:ضاروري
تيريزا:المهم لخبار فراس مارية فكري مزيان وردي علينا باش نعاودو هاد زيارة نتننى ماترظيهاش فوحه خويا
كريم مراقب مارية داك ساغ جاوبات:ان شاء الله
وسكتات
الحاجة :نوضو نتعشاو ونساو علينا هدشي لي وقع ونتجمعو كيف شي عائلة
تيريزا قربات وباست وليد من خدو:نوض احياتي
عاد جات فيها مارية نيشان عنيها فعنيه..ورجعات نزلات راسهاا
وليد جمع الوقفة مبعد على تيريزا وسحب يديه من يديها مخليها باقة جالسة :يلاه
ناضت تابعاه مامفاكاش خاشية يديها فدراعوو
تجمعو كاملين فطبلة وحدة كيتعشاو فصمت من غير مواضيع خفيفة حتى سلاو وناضو مشاو بحالهم مخلين هاد الليلة دوز على خير ...ومخلين مارية تفكر
لداخل
كانو جالسين فصالة ووليد خرج يوصل معا لوخرين لكموبيل
ليالي كتشوف فمارية:كلشي بسبابك علاش نزلتي
الحاجة جالسة ومتكية نارة عليها لي نعسات بين احضانها:عمرو يجي من موراك الخير الله يبهد شرك علينا من نهار دخلتي لحياتنا وحنا غالمشاكل
مارية تنهداات اخر حاجة دير دابة هي تناقش مع هاد جوج فهاد الامور تافهة كاين ما اهم من هدشي ضيع فيهم طاقتها..جمعات الوقفة فاش شافتو داخل هاربة من شوفاتوو ومن داكشي لي وقع بينهم قبيلة مشات نيشان للدروج وطلعات لبيتها وشدات عليها بالساروت وخباتو فالمجر
لتحت
عرفهاا هربات منو ولكن معااامن ..قرب جلس حدا جداه كيشوف فنارة كيف ناعسة بهدوء بدا كيلعب ليها فشعرها بشوية
الحاجة:مسكينة خافت بزاف بسيف باش هدنتها وفهمناها انه هدشي عادي كيوقع فكاع العائلات
تنهد بلا مايجاوبها
الحاجة:وليد كنا انخسرو كلشي
شاف فيها ودوة بجمود رايو كيضرو وعيااان:مافيا لي يدوي فهادشي
سكتات وهو صونا ليه طليفون كانت الجسوسة جاوب داك ساع وهو كيسمع كلامها:سي وليد مرات لوكاس عطاتي شي يامات نجلس فيهم نوبتي جات فالعطلة بغيت غا نعلمك ..ولوكاس دار الكود للمكتب لخاص بيه قدرت نبيراطي لكود قيدو عفاك دابة
الجاسوسة:كنت صيفت لسي آدم تصاور لبلايص لي فالمكتب لي شكيت يكون فيهم داكشي لي باغي شحال هدا مع هدشي لي وقع ليك ايكون كاع ماصيفطهم ليك
شاف فليالي:باقي عندك طليفون آدم
هزات راسها باه:اه
وليد:صافي قطعي كلشي عندي
وشاف فليالي:شي تصاور دياال واحد المكتب فطليفونو بغيتك تصيفطيهم لي
وقطع وليالي مراقباه عارفة لبلان آدم كان ديجا قالها على هدشي لي كيخططو ليه
ناضت طلعات للفوق دخلات لبيتها هزات طليفون يلاه اتنزل وهي تجي فبالها فكرة كانت مترددة ولكن هدا هو الحل..مارية الوحيدة لي تقدر ديرهاا خصوصا انه وليد ولا تحت الانضار صعيبة علييه ..خاص تا مارية ضحي ودير شي حاجة تغطي داكشي لي دارت ..لا كانت بصاح ندمانة وباغة تعاون وليد
ليالي:عندي كلشي انصيفطهم لك فطليفون خليلي نمرتك وليد كيتسنا
عطاتها نمرتهاا وخرجاات ..
مارية قربات وبلجات لباب حيدات ساروت وهي كتفكررر فهادشيييي ماخاصش ترااجع هادي هي الفرصة باش يسالي هدشييي ولكن هوو ما ايبغييش .
.ومنين ايعرف غتزعم وتجيبهم داكشي لي محتااج داك ساع ماعندو مايدير لادات على كلامووو ماغايربحو والووو..تنهدااات هدشي ماشي ساهل كيف كتوقع وماخاصش تزيد تعكس...
تاا مع ولييد حيت كيحس بيها ادير شي حاجة ولا حافضهااا خاص تفكر مزيان وتخطط لهدشيييي كيف غدير ليييه..
بدلات عليهاا حوايحها لبسات لبيسة خفيفة وطلقات شعرهاا باغة تبقا مرتاحة باش تعرف تفكر وتاكدات انه لباب مسدود
لتحت
خدا كاع داكشي لي محتاج وجمع الوقفة
الحاجة:وصل معاك نارة لبيت مهاا تكمل نعاسها
شاف فنارة:خليها تبات معاك الليلة الحاجة
وزاد طالع مع الدروج خلاهم غا كيشوفو
الحاجة:هدا دارها مراتو بصاح ولا كيفاش
ليالي جلسات حداها :ماعرفتش
لفوق
وصل لبيتهاا دور لبواني لباب ماتحلاتش عرفها مدوزة ساروت هاربة منو ولكن معاامن قلب دورة لبيتو حل لمجر جبد الضوبل ورجع تانيي حل لباب ودخل ساد موراه لباب بساروت كيقلب عليها بعنيه
حطام الجزء 11
محتوى القصة
التنقل بين الأجزاء