هز راسو بلا وهو كيدفعها اللور وبشوف فيها بعنيه لمعسلين:باغيك نتي امارية
صافيي كلامو زاد طلع معاها لحرارة وهي كتحس بيه لصقها مع لحيط وزاد فحرارة قبولاتو ..ما حسات براسها تا هزات يديها كتحل ليه فصدافات لقميجة ومتجاوبة مع قبولاتو تا ترمات داك القميجة فالارض..وطلعات يديها بشوية مع صدرو لعاري المطراسي خلات داتو تبورش علييه لدرجة شدها من شعرها ومزير عليها كيبوسها بالجهد وينزل مع عنقهاا خلاها ترفع معاه تنساا راسها وتبغي توصل معاه لما كثر
طلعات بيديها بلمسات رقاق مدوراهم على عنقو خلاتو يزيد يبورش وهي مستحلية همجيتو فالقبل لي كيطبع على داتها ما فاهمتش شنو هدشي واقع ليهاا واحد الرغبة كبيييييير اتجاهو واحد الحنين لييه جاها فهاد اللحضة شي حاجة فوق كاقتها لدرجة ماباغاهش يحبس ولا يبعد كتحاول تكتم صوتها ومتعبرش على نشوتها لكن رجليها فشلو عليها حس بيها ترخات بين يدو هزها هزة وحدة للناموسية مقادرش يزيد يصبر كثر وهو لي كان مصبر راسو بزز طول هاد المدة دابة ماغايتفاكش معاهااا سمح فكلشي على ودهاا حطها وجاا فوقها باغي يدمج شفايفو مع شفايفها حتا كنحبسو بيديها عند صدرو
ماريا بهمس : وليد حبسس ...عفاااك
مسمعش منها حيت عرف الا شد معاها الخاطر مغاديش تخليه يقرب ليها بحال ديما .. كان مكالي تقلو عليها بيد والثانية مشا بيها لاسفل عنقها جارها لعندو نطق ونفسو كيضرب فيها سخون : ششش .. ماتقاوميش ونتي لعافية كنحس بيها شاعلة فيك ..ماتخرميش راسك من شي حاجة باغينها بجوج
خطف قبلة من شفايفها وتمم كلامو وهو هايم فعيونها ..: بغيت هاد الليلة دوز زوينة اماريا بغيت تخوي دماغك نساي كلشي كاين غير انا وياك سمعتيي
قبل متجاوبو تلاح على شفايفها مرة اخرى كيطبع قبلاتو المتواصلة ممخليش ليها فين تعتارض ولا تفكر تصدو جمع ليها يديها بزووج للفوق فاش شافها كتعنتت معاه خلاها بزز تخضع ليه هبط بيدو الثانية لديك البيجامة الطويلة لي لابسة كانت بارزة فصالتها بشكل مغري مد يدو كيطلعها ليها وكيزيد ينزل يديه يلامس تفاصيل جسمها بيدو لي كتخليها تبورش حتا فقدات وعيها معاه ونسات راسها حس بيها ترخات ليه طلق من يديها وطلع ليها ديك البيجامة كامل تا حيدها كيشوف فدووك دوبياس لي لابسة تحتها فالبوردو مواتيينها
هبط بوجهو وهو كيلمح دوك العلامات لي معقدينها ومخليينها تكره جسمها كيفرق قبل على طول جسمها فوقهم بشوية هنا حسااات براسها ووعات بانه كيشوف شي حاجة لي بزز خلاتو يشوفها المرة الفايتة ودابة واخد راحتوو مكانتش واعية على راسها دفعاتو من عليها فهمها مبغاتش يشوف وتقدر توقفو فنص الطريق عاود هز راسو فيها مد يدو لدوك السوتيامات فاتحهم حتا تدفق صدرها قداامو مزير على يديها جامعهم لفوق ونزل كيطلبع قبلاتو على صدرها نطق بثمالة بصوت تقيل وحنين : ماشي دابا امارية .باغيك امارية
هنا هي صافي مقدراتش توقفو ولكن الدموع تحقنو فعيونها لتازمات الصمت مراضياش بهادشي لي كيطرا حتا كيرفع راسو فيها فاش شافها غتبكي بعد من كلشي وطلع لمستواها طابع قبلة على جبينها بهدوء كيدوي وشفايفو عند جبهتها : منقدرش نحبس دابا
مارية تمتمات بصوت خافت مغمضة عيونها كتبلع ريقها تاهي ما تقدش تحبس ولا تراجع صافي تمكن منهاا : طفي الضو ..
ديك الساع مد يدو مبدل الضواو مخلي غير ضواو خفاف فالقنات بالوان خافتة .. ورجع لمداعباتو مع جسدها كيعطي لكل بلاصة حقها رجع كيتصرف معاها بحنان مخليها تنسا كلشي وترفع معاه مرة وحدة .. وصل للأخير معاها فرق ليها رجليها فاش حسها صافي دابت فيدو جر اخر قطعة من ملابسها لي مخبية اخر انش فجسمها ورجع طلع لعندها كيقاد فالمعلم فوق عضوها لي كان سارد صافي وصلات لاخر مرحلة معاه خلاها تنسا راسها هايمة حتا كيحس بيه طلع معاها دقة وحدة تنفضات قامشااه بيديها عند ضهرو بداك الحر لي حسات بيه تحتها عضات على شفايفها .. رفع راسو مراقب تغيرات ملامحها مع كل دخلة وخرجة وهي تتعض على شفايفها باش تحبس التأويهة بزز وهو كيزيد يجهد كثر مختابر مدى صبرها حتا كتخرج تأويهة وحدة مطولة كيف النغمة فسامعو خلاتو يترخااا وويحبس حتا هو مخلييي المعلم كيتخوا وسطها تا سالا حيدو وتكى حداها مخليها ترتاح وهي كتنهج
مدة قصيرة وهي متكية على صدرو مزال كتقاد فانفاسها وتحاول تحكم فراسها حتى كيزرب عليها و رجع هزها بالغصب فوق رجلو وهو متكي على الكادر دالناموسية حاكم يديها كيشوف فعيونها ديريكت مبتاسم بهدوء فوجهها وقال : شحال كتكوني زوينة فاش كتكوني ساكتة وغير تتشوفي بعيوناتك امارية
بغات تبعد وهي غير ساكتة مقادراش تدوي مزالها تحت تأثيرو حتا كتحسو بدا كيوجد عاود لماتش اخر كيقاد فالمعلم تحت فين جالسة مرة اخرى حتا دخلو بشوية وهي عاضة على شفايفها طريقة باش دخلوو شعلاتهااا.. جرها من يديها حتا شعرها طاح على وجهو : نوبتك
ماريا : وليييد شكا..
قبل متكمل جملتها حط يدو على خصرها كيطلعها ويهبطها بشوية ودمج شافايفو مع شفايفها مبنجها تا رجعات هي تطلع وتنزل بوثيرة بطيئة وكتنهج هنا ستاغل الوضع وخدا صدرها عند فمو كيمص ويعض فرويساتو مخليها تزيد فوثيرتها كثر حتا جابتو وتهدات طايحة فوقو مخلياه حتا قلبها جايبها تحتو تيدخل ويخرج فالمعلم بسرعة حتا جابو وطاح حداها طابع قبلة عند كتفها بهدووء جارها لحضنو دافن وجهو فعنقها وجار الغطا عليهم اما ماريا فجهدها تسالا لتازمات الصمت مخلية هاد الليلة دوز على خير حيت صافي برضاها وقع هادشي مابغاتش تقهر راسها بالتفكير كيف ديماا
جا نهار جديد
كان ناعس على كرشو دافن راسو فالمخدة .حتى كضربو لفيقة مد يديه لبلاصتها بلا مايشوف ما لقاهاش ..دور وجهو ماشافهاش وناض جالس كيقلب عليها بعينيها حتى كيشوفها جالسة فالارض ومرجعة راسها اللور وكتشوف فيه ..من شوفاتها فهم لبلان ..
وليد مسح على راسو صباح هدا نيت:حيدي من قدامي امارية
مارية ضرباتو على صدرو العاري ماراضياش:مابغيتيش تفهم انييي ماكانحملكش ما كانبغيييييكش وعمري نبغيييك..راه وقع هدشييي غير اتجيني الفرصة نبات ما نصبح ومانعقلش علييييك.وغيجي هاد النهار لي ما انكونش معاااك..داكشي دلباارح تا لعبة غير نزوة وهاهي مشاات دابة بحاليلا عمرنا كنا بجوج بالعكس زدت غا كرهتك ..لا كان فيك شوية دنفس ما تعاودش تقرب ليااا..
مع اخر كلمة نطقات لقات راشها لاصقة فالحيييط والنفس مقطوعة فيهااا من داك شدة لي شادها من عنقها لدرجة رجليها تهزوو:وانا انقولك امارية حو..ي..تك..ومازال..انح..و..يك ..وعمرك اتمشي لي قنت غير ونتي ميتة واخة نعرف نقتلك وماتمشييش..كنعيى ندير معاك فالخااطر ونسايس ولكن نتي ماشي دهدشي
زدحها مع الارض ماباغيش يضربها دخل دوش ولبس عليه وخرج ساخط من الدار ..
ركب فطموبيل ساااخط ولكن هو لها بالمرصاد مزال ليام بيناتهم وحلف تا يخلبها بفمها تقول ماندمتش وانا معاك جبد طليفونو وكيف توقع كتر من 100ابل من عندهااا وعاد ااميساجات ما قراهمش رجع طليفون لجيبو..وديمارا الطموبيل نيشان لاباغطومو
حل لباب ودخل كيشوف الدار مضلامة شوية من غير الضو دنهار داخل شوية مع شراجم..وقف وسط دار كيشوف صالة كلها مقلوبة ولكيسان مهرسين فالارض دنيا حالتها حالة...
دخل لبيت نعاس نفس الشي مقلوب ومشقلب كتر وكتر..وريحة شراب فكل بلاصة ..
قلب عليها فالبيت ما لقاهاش رجع خرج تاني كيقلب فدار ودخل تاني لصالة حتى كيشوفها جالسة فالارض وقرعة دشراب فيديها..ومرجعة راسها اللور وناعسة مغمضة عنيها
تنهد وهو كيمسح على راسو وقرب لعندها وتحناا كيشوفها لابسة داك سوميج الحمرة ومقادة راسها مزيان واخة لمسكارا سااحت بدموع ولبكة ولعكار ممسوح والاتار ديالو على خدها ..فلحضة جا فبالو ينوض ويخرج ويزدح لباب من موراه ويخليها حتى تبرد بوحدها حيت ما مستاعدش لحماقهااا وهضرتها الخاوية تاني ..تراجع فاخر لحضة حيت هي المفتاح ديالو حالياا...ضرب ليها على وجها بشوية وهي تحل عنيها غير شافتوو عنيها دمعووو ..وقربات لعندو وهو غير كيشوف فيهاا ..وشنقات عليه من الكوول وهي كتبكي وتغووت:فيييييييين كنتييييييي هااا قولييي فين مخليني هنااااا كي لكلبة كنتسنااا سامح فيا فليلة زواجنااااا فيين كنتيييي مشيتييي عندهااا ياااك كنتييي معاهاااا ..كنقسم لييييك انقتلهاااااااا والله غنقتلهاااااا زطمتيي ليا على قلبييي خليتيني كييي لكلبة ..
هو غير كيشوف فيهاا نزل سدسه لسظسها لي على لكول ديالو صدعاتوو وما حاملهاش نقيسوو بعد يديها ووقف وهي نايضة معاه تاهيي مازال كتغووت عض على سنانو وحرها لعندو من شعرها وغوت ليها فوجهاا:سكتيييي
بلعات ريقها وهي ساكتة كتشوف فيه وكتشهق مسح تلى راسو وحرها معاه ندخلها لبيت نعاس:شهاد الحالة دايرة فدار
بغات تدوي وهو يسكتها:سكتيييي
دخلها الحمام وني رجليها يلاه موقفينها سكراانة جايبة لكااو طلق عليها لما باارد وهي كتشهق
بعد يديه من يديها ودوة بحدة:انا ما كنتهددش اتيريزا ماعنديش مشكل نخسر اي حاجة غير مانتهددش
بلعات ريقها :فقدت اعصابي وصافي عارفني ما نديرش شي حاجة تأديك
مسح على راسو بنفاد صبر:سيري دوشي وصحصحي واجي نهضرو
هزات راسها باه :وانة ولكن نلقاك هنا ياك ما اتمشيش.هز راسو بلا وهو كيحيد تجاكيت ديالو:لا
رجعات للبيت جمعات حوايجها ودخلات دوش
نمشيو للجيهة لوخرا
كانت جالسة فصالة هي وليالي:نعاس مادانيش بالفقصة اتقتلني داك اللفعة..شتي اش وقع لبااارح بسبابها فتالي جا وبايت معاها بحاليلا ما دارت والو انا شاكة فيها ساحرة ليييه ولا دايرة ليه شي حاااجة...قلت غيجي يقتلها يجري عليهااا ويطلقهااا وسيد غا مازاد فيه سمح فالعروسة فليلتها اللولة وجاي يبات مع هاد اللفعة سامح فكلشيي
ليالي تنهدات:جدة قلت لك خرجي سوقهم وليد عارف شكا يدير اتبقاي كدخلي فيهم حتى تجيبيها فراسك خليه يعوم فبحرو أجدة ماتنسايش مارية حاملة بولدو
وصونا ليها طليفون كان آدم بتاسمات بحب:راجلي جا راه فلباب هنا مشيت اجدة
وخرجات عندو وركبات بقة حابس ما ديماراش شافت فيه:مالك
شاف فيها مخنزر وماشي من عوايدو بلعات ريقها:آدم مالك شنو واقع
ضرب يديه مع دريكسون بالجهد تا قفزااات:ماعارفااش راسك اش درتي
هزات راسها بلا :لا والله ماعرفتش...آدم خلعتيني اش واقع
قرب تا لوجها وهو مخنزر ودوة:كيفاش عطاك خاطرك تركبي وما تبوسيش راجلك
وداك تخنزيرة تحولات لابتسامة..خلاها غير كتشوف مصدومة نطقات:واش حماااق قلبي كان ايوقف واش من نيتك
آدم كيضحك:هههه من نيتيي راه من حقي الالة تبوسيني ونتي راكبة ناشفة هكااا
بدات كتنهد وتقاد فشالها :الله ياربي شهاد راجل ايسكت لي شي نهار القلب
آدم :راني كنتسنا
شافت فيه تا عيات وبتاسمات وقربات طبعات بوسة على خدو يلاه اتقاد فالجلسة وهو يجرها وخطف بوسة على شفايفها بقات كضحك ..ديمارا وهو كيديوي:زيدي نكملو فدار زيدي لحال سخن علياا
الحاجة مازال مابغات تبرد ليها ماكرهاتش تقتلها هي بيديهااا كتزيد تكرهها نهار على خوه فبالها فكرة خاص تطبقهااا تتهنااا بعدة من مشكل واحد عاد تشوف لي باقي
عند تيريزا
خرجات من الدوش لبسات عليها كسيوة خفيفة مبينة مفاتينها نشفات شعرها وسرحاتو قدات ماكياج خفيف
..قربات وجلسات حداه..شاف فيها وطلعها ونزلها ورجع شاف فطبلة كانت قهوة تماك:شربيها
فهمات انه باش تصح صح شرباتها وهوما غير ساكتين حتى كتحس بيديه على خصرها وهو كيدوي:تيريزا الحاجة كانت مريضة جبت ليها طبيب وبقيت معاها وطليفون بقة فطموبيل
شافت فيه وبتاسمات وهي كتشد فيديه عاد رجعات فيها الروح:وكيف بقات دابة
وليد:مزيانة
حطات راسها على كتافو:كنبغيك بزاف اوليد
جرها ليه حاضنها بلا تاشي كلمة واخة دغية كتهدن بكلمة منو راه يقدر فأي لحضة دور ليها فالخوة ومايمكنش تنسا بهاد السهولة ماخاصوش يخليها تفكر بزاف فهاد الموضوع وفداكشي لي وقع لبارح فالعرس وكيف ماباتش معاها اكيد اتولي تجيها لحالة غير لا بعد عليها غير شوية حافض مزيان هاد النوع وعارفها تقدر دير اي حاجة وماساهلاش لهاد الدراجة
دقايق ونزلات وشيفور هاز شانطة دارها فطموبيل ركبات وديمارا وهي شادة ليه فيديه..فاتجاه الفلة ياخد.شانطة ديالو لي وصاهم يوجدوها ليه
فالفلة
كانو كيتغداو فصمت والحاجة غير كتشوف فمارية مخنزرة وكدور داك الفكرة فراسها كيف خاص دير ليها ..حتى كتشوف الخدامة نازلة وفيديها شانطة
الخاجة:فين غادة بداك الشانطة
الخدامة:السي وليد ايسافر قالي نوجدها ليه شوية وليكون هنا
مارية علات راسها وشافت فالشانطة
نارة:فين ايمشي
مارية:ماعرفتش
حتى كيشوفوه داخل هو وتيريزا شادة ليه فيظيه..بعد يديه بشوية من يديها
تيريزا:كي بقيتي شوية
الحاحة فاهمة الفلم:لاباس وليت مزيان دابة
تيريزا:على سلامتك
الحاجة:شكرا ابنتي..فين اتمشي بشانكة اوليد
تيريزا وهي كتشوف فمارية ومبتاسمة:انمشيو هاد سيمانة ندوزو شهر العسل بجوج
نارة بدارجة كتعاود داك الكلمة لي قالت تيريزا بالانجلش:شنو كتعني شهل العسل
مارية ماجاوبتعاش بقات ساكتة وكتشوف فطبسيلها بهدوء وهو مراقبها هضرتها مازال كتردد فودنيه دوة مع نارة بالدارجة:عندنا شي خدمة نساليوها ونجيو
نارة هزات راسها باه
وليد:الشيفور ايبقة يديه للمدرسة الخاصة لي اتبداي تقراي فيها صافي
نارة بابتسامة:واااخة
وليد:قراي مزيان
نارة:واخة كون هاني
رجع شاف فمارية لي مزالة كتاكل بهدوء ماشافتش حتى فيه:يلاه اتيريزا
وخرجو من الدار
نارة:علاش ماداكش معاه نتي
مارية شافت فيها:كوليي وسكتي
بلعات ريقها وسكتات
الحاجة:بعدة يرتاح شوية من الهم والغم ووجوه شي وحدين ..
مارية عارفاها علاياش كتلمح ماداتهاش فيها
الحاجة :ايوا ف قاش نمشيو لطبيب نشوفو داك الجنين فين وصل
مارية علات راسها معصبة اتجاوبها وتقولها دخلي سوق راسك وماكاين لا حمل لا والو وهي تفكر نارة تنهدات:الحاجة هدشي شغلي انا واقلة بلا ماتعدبي راسك ديها فتسابيح لي فيديك وستغفري مولاك
وناضت:زيدي انارة
وناضت وخلاتها كتغلي
الحاجة:واخة اللفعة هنا انوريك احسن ما دار وليد هي سافر ..ايوا دابة تفرجي شغا ندير فيك
بعد مرور أيام
فاقت وهي مبتاسمة من بعد ليلة زوينة بالنسبة ليها مالقاتوش حداها حتى كتلمحو فلبالكون كيكمي ..لوات عليها ليزار وناضت لعندو باستو على ضهرو وعنقاتو:صباح الخير حياتي
ماتسناتوش يجاوبها وتقابلات معاه:كنعيش معاك احسن ايام حياتي وكنزيد نتأكد انه ماغلطتش فاش ختارتك تكون حب حياتي واخة دازو بزاف درجال فحياتي كتبقة نت هو احسن راجل قابلتو والوحيد لي سكن قلبي
وليد لي كيشوف فيها بلا تاشي كلمة..كلامها ماحرك فيه والو بالعكس زاد كرهها وعافها كتر وكتر هو عارفها مدوزة وشحال من علاقة دارت فحياتها وكل علاقة دخلات فيها كان داخل فيها تا لعلاقات الجنسية...هدشي ماكا يعنيهش حيت اول ما غايسالي المهمة ديالو ماغايعقلش عليهاا
تيريزا:نمشي ندوش
هز راسو باه وهو مراقبها تا دخلات للدوش ورجع شعل سيجارو ..غير ايرجعو اينفد تاني الخطة لي فراسو وغيسالي هدشيي فمرا هاد المرة
فنفس البلاد ولكن فمدينة خراا قريبة ليهم بزاف
كانت التحت شافت الخدامة نازلة من عندها من البيت تبعاتها:اش بغات
الخدامة:بغات اتاي كيف لعادة الالة
الحاجة:انا غنوجدو نيت بغيتو تانا نقادو بكانتي
الخدامة:واخة الالة
الحاجة:سيري نفضي داك صالون شوية
تسناتها تا خرجات ومشات كتقاد فاتاي ..وهو كيغلا حلات واحد لقريعة صغيرة فيها شي عشوب يلاه وصلوها من المغرب البارح وكباتها فيه وخلاتو يزيد يطبخ..كتشوف فيه كيغلي وكتفكر فاش قالت ليها راه ماحاملاش :ها حنا انشوفو واش ماحاملاش بصاح ولا غير باش تسكتينيي..حيت عارفاك لفعة وماتكرهيش تزيدي تربطي فحفيدي معاك ..كان ولا ماكانش انتهنا من هاد اولد يا كاين يا ماكاينش نقطع الشك
طفات عليه وقداتو فجوج كيسان واحد ليها وواحد لمارية وعيطات للخدامة:صافي طلعيه ليها
خداتو وطلعات عندها لقاتها كتصلي حطاتو فوق الطبلة وخرجات
لتحت
جالسة فصالة وكتشرب فداك اتاي بداك لعشوب ..زوين ولكن خطير على الحوامل حيت المكونات لي فيه مجهدين شي لي كيخلي اغلب الحوامل يجهضو
سلات صلاتها وجلسات كتدلك فراسها كيدرها..جا فبالها هو ملي مشا ما عيط ما والو ولا جات خبارو من غير مرة عيط للحاجة ودوزات ليه نارة يدوي معاهاا.وسمعات من الحاجة انه فرحان وراشقة ليه ومرتاح...حيدات شال من راسها ورماتو لبعيد وهي كتمتم:يمشي لجهنام كاع وانا مالي..تهنيت منو ومن صداعو
الحاجة حطات المصحف وهي كتشوف فيها وميات سؤال فراسها ما حسات براسها تا كانت حداعا تحنات وحطات يديها فكتافها واليد لوخرا شادة ليها فيديها:اويليي مالك
مارية زيرات ليها على يديها بالجهد وهي كتنهج بالوجع لي كتحس بيه كينهش فكرشها:كرضييي الحاجة كتقطعنيي بالحرييق
جاو الخدامات كيتحاراو من غواتهاا
وحدة من الخدامات:أنعيط لسي وليد وصاني لا وقعات شي حاجة نعيط لييه
وقفاتعا الحاجة بصوت حاد:رجعيي لهنااا ماتعيطيش ليه
مارية عراااااقت كلهاااا وكل شوية كتزيد فالغوات..فكرها فاش كانت كتولد فنارة نفس لحريق تقريبا غير هدا ما كايحبسش ..ما بقاتش قادرة تصبر طاحت على ركابيها ملوية على كرشهاا كتغوت والحاجة واقفة وكتشوف فيها بدا شوية دلخوف كيدخل لقلبهااا
الحاجة:ماعيطتلكش باش تزيدي تكملي عليااا..ماشتيهاش من نهار دخلات لحياتنا روناتهااا وديما حياة حفيدي فالخطار بسبابهااا ومزاال غا مازايدة فييييه ...وهي قالتلي راه ما حاملاااش علاش كتكدب بغيت نتاكد
ليالي تنهدات معصبة:واش هادي طريقة تاكدي بييهااا ..هداك راه روح لي فكرشهااا ولد حفيييدك من دمنااااا واش حماقيتيي..وحنا حياتنا كانت مرونة من قبل تجي ماشي عاد اترونهاا فين عمر حياتنا كانت مقاادة...
سكتات كتشوف فالحاجة وكملات:دابة شغا ديري مع ولييد راك صافي تعديتي الحدود هاد المرة والله ماغايسمح ليك وماشي بعيد يتبرا منك وعمرك تعاودي تشوفي وجهوو
الحاجة وقفات من فكرة يتبرى منها وماتعاودش تشوفوو راه هو لي بقة ليهااا فييه كلشييي عارفاه يديرهاا:صافيي سكتييي سكتيييي
على كلامهم خرجات الطبيبة غير شافوها قربو ليها باغين يعرفو اش كاين
ليالي:كيبقات
الطبيبة:الحمد الله هي بيخير وقدرنا نعتقو تا الجنين فأخر لحضة
لبالي تنهدات براحة على كلامهاا وهي مزال كتصنت للطبيبة:هي يلاه فبداية الحمل ديالها ..وشربات شي أعشاب ماخاصش تشربهم لي حاملة هدشي لي كان غيسبب ليها الاجهاض الحمد الله شرباتهم وهوما مخلطين ..ماشي بوحدهم كون خسرنا الجنين ..ولكن هدشي راه اتر على الحمل ديالها ..الجنين ولا ساهل يتهز من بلاصتو خاصها الراحة وما تحركش بزاف وهاد الايام تبقة تعنس على ضهرها ودير خدية تحت من رجليها ..المهم دير احتياطاتها كاملين..مع شي دوايات تبعهم وغتكون بيخير اتبقة معانا هاد نهار وغدا فصباح تمشي لدار
ليالي:ان شاء الله..وهي فاقت
الطبيبة شافت فالساعة:من دابة ساعة ونص اتحل عنيها
وخلاتهم ومشات
ليالي:الحمد الله ياربي
شافت فالحاجة لي غير ساكتة:هدشي ماكايعنيش انك فلتي منها ..مارية ماغاتسكتش وهدشي من حقها اجدة
الجدة بقات غير ساكتة ما جاوبتهاش
دازت نص ساعة كانو عندها لداخل
حتى كيشوفوها حلات عنيها كتحاول تستوعب اش وقع ..قربات عندها ليالي:على سلامة
مارية شافت فيها مقوصة حواجبها ودوات بهدوء عكس داك البركان لي فلداخل ديالها:هدشي لي وقع بسباب الحمل
رجعات تمااات مغمضة عنيها كاتمة دموعها بسيف باش ما ينزلوش كيفاش حاملة منو للمرة الثانية مابغاتش تقبلهااا .هدشييي مابغاتوش يوقع حيت مزال باغة تمشي بحالها وماتوليش تشوفووو مازال مامتيقة انه حاملة ...
بقاو غير كيشوفو فسها كيف مغمضة عنيها ويظيها على كرشهااا وملاميحها ماكايبشروش بالخير..
حتى كتحل عنيها وكتشوف فالحاجة:داك لعشوب شربيتيهم ليا باش تفتلي الجنين ياك
الحاجة بقات غير كتلعتم فالهضرة
ليالي:مارية من حقك ديري اي حاجةراه حياتك وحياة ولدك لي كانو فخطر..ولكن وليد لاعرف انه بغات تقتل ليه ولدو ايتبرا منها فمراا وايمحيها من حياتو..انا عارفة جدة ماشي النوع لي شراني غير ماعرفتش اش وقع ليها المهم ديري لي بغيتي
مارية كتشوف فالحاجة وهي مخنزرة :يتبرا منك باش نتهنا منك ومن صداااعك ومن هدشي لي كديري وانا صابرة عليك
الحاجة بلعات ريقها ودوات:تقدري تفرقيني على حفيدي لي تربا على يدي وولا طرف مني ..نتي يلاه دخلتي لهاد العاىلة لبارح ماغاتعرفيش قيمتو عندي قداش
مارية :خليه يعرفك على حقيقتك
الحاجة عنيها تغرغرو بدوع بمجرد ما اتقولهالو صافي ايمحي اتارها من حياتو
مارية شداها الدوخة ناضت جالسة بصعووبة مازال دمها كيغلي مزال كتقول انه هدشي غا حبم مازال هاد الحمل ماداخل لراسها ..رجعات كتمات دموعها وهي كتنهد بصوت مرتافع وشافت فالحاجة:هدشي ايبقة هنااا .كلشي ايبقة كيف كان بحاليلا ما وقع والو..انا مادخلتش للطبيب ونتي مادرتيلي والو
الحاجة مصدومة كيفاش ما اتقول وااو:كيفاش وعلاش
مارية حاسة براسها اينفاجر عليها:ماشي سوقك ديري هدشي لي قلت لك ونساي هدشي لي وقع هنا
الحاجة هزات راسها باه وهي كتشوف فعينيها باغة تأكد واش بصاح...حتى كيصوني طليفون ليالي جاوبات داك الساع كان آدم
ليالي:الوو..راني مع جدة انشريو شي حوايج...هااا كيفاش ..اااه على سلامتو ..واخة بسلامة..
وقطعات وهي كتشوف فمارية:وليد راه راجع من السفر
الحاجة بخوف:صافي ايعرف كلشي لا جا للطبيب..طبيبة اتقول ليه كلشي صافيي مشيت فيها
مارية:انمشيو للدار قبل يوصل
ليالي:ولكن قالتلك طبيبة..
قاطعاتها:عاونينني نزل
دارو داكشي لي قالت ليهم
خرجوها من سبيطار وركبو مع شيفور نيشان للدار...غير وصلو ما هضرات مع تاشي واحد دخلات للبيت وهي كتمشا بشوية ويديها على كرشها ...هزات حوايحها ودخلات للدوش .طالقة عليها ما دافييي كينزل على جسمها وهي غير ساكتة وجامدة .من غير داكشي لي كتحس بيه فلداخل ديالهاااا ...غمضات عنيها فاش نزلو دموعهاا حارين حطات راسها على الحييط وهي كتمتم:مابغيتووش اسيدي ربي مابغيتوووش
تغكرات شحال كان باغيها تحمل ..عارفاه لاصاق لخبااار ليزيد يتشبت بيها وهي هدشي لي ماباغاش..باغة فوقاش يتطلق صراحها وتمشي من لهنااااا مابقاتش حاملة تبقة هنااا وسطهم ..حسات بجهدها تسالا حطات راسها على الحيط وهي كتبكي صافي بغات هدشي يسالي وتمشي بحالهاا عيات بزاف هنااا ..حتى هدا لي فكرشها ما تقدش تحيدوووو وتخلي ربي يغضب عليها ...حتى كتقول صافي مابقة والو وترجع تاني توقع شي حاجة..هزات وحها لفوق اةنفاص مع رشاش دلما كينزل على وجها وهي تزييد فلبكة تا حسات براسها عيات ..طفات داك لما ومشخات داتها بلفوكة ولبسات عليها وتخشات فبلاصتها كلها كنرجف بحاليلا فيها لبرد داتها كبها كضرها وتقيلة عليهاا..ودموع مابغاوش يحبسو من عنيهااا قنطات يزاف وبغات خلاص تمشي بحالها وتبعد منو هو ومن الحاجة ومن اي حاجة كتعلق يهاد العائلة..تدي بنتها وتغبر....
تنهدات كتمسح فدموعها وكتفكر اش دير فهادشي لي وقع وفهاد الحمل لي ماباغااهش
لتحت
نزلو من طموبيل ودخلو للدار وهي شادة ليه فيديه ولفرحة على وجها...مابان ليه حد مولفة الحاجة كتكون ديما مستقبلاه ..جاه هاد الهدوء لي فدار فشكل..شاف فتيريزا كيف فرحانة ومبتاسمة وراشقة ليهاا..عارف هاد الايام لي دوز معاها لعبو عليها مزيان لدرجة دابة يطلب روحها تعطيها ليه هدشي لي كان باغي :تيريزا توحشتي عائلتك.
هزات راسها باع:بزاااف نسلمو على الحاجة ونمشيو نشوفوهم
بعد عليها شوية:اتمشي تشوفيهم بوحدك وتباتي عندهم
بلعات ريقها:ونت
وليد:انا انبات هنا
تيريزا: صافي ما أنمشيش نشوفهم ونباتو بجوج هنا
مسح على راسو ودوة:لا اتمشي تباتي فداركم
وقرب لعندها كيبعد شعرها على وجها:وغدا انجي لداركم باش نقادو بلان الخزنة نتي هاد الليلة شوفي الاحوال وقاديلي الطريق صافي
هزات راسها باه:واخة ولكن علاش لي ما تباتش فدارنا
وليد:شنو دابة انبقاو نهضرو بزاف
سكتات:صافي واخة مايكون غير خاطرك غدا ايكون كلشي هو هداك اتاخد داكشي لي بغيتي ونمشيو لدارنا
هز راسو باه:هانتي فهمتي باش نحيدو كلشي من طريقنا
تيريزا بتاسمات فرحانة هاد الايام لي دوزو بجوج نسات كلشيي وزادت تشبتات بيه ومستاعدة دير اي حاجة على قبلو
شافو الحاجة نازلة سلمات عليهم وجلسو والخدامة كتحط ليهم فضيافة وهي كتدوي هي وتيريزا..وليد من صباح وهو مراقب الحاجة بانت ليه ماشي هي هديك وتا الاجواء ماشي هوما هدوك
وليد:نارة مزال ما جات من المدرسة
الحاجة:راها فطريق اولدي
وليد:ومها
الحاجة بلعات ريقها:راها فالبيت عيانة شوية ونعسات
قوص حواجبو وهز راسو باه وجمع الوقفة وتيريزا مراقباه ما فهمات والو من كلامهم..طلع مع الدروج نيشان للبيت دخل لبيت مضلم من غير ضو خافت بانت ليه ناعسة فوق النموسية ومغطية كلها قرب ليها تا وقف حداها وتحنا لعندها كيشوف فوجها مغمضة عنينا:مارية
حلات عنيها شافت فيه شحال ورجعات غمضات عنيها
حط يديه على وحها كيحرك يظيه بوشية على حناكها:مارية شنو واقع ليك
تمتمات بهمس:والو
وتقلبات عاطياه بالضهر :بغيت نعس
غرف عيانة ولكن ماشي لهاد الدرجة حالتها كتبان ماشي هي هديك وجهها صفر وتا صوتها باح بحاليلا كانت كتغوت ..جمع الوقفة وخرج من البيت بلاه اينزل مع الدروج وهو يشوف الخدامة جرها من دراعها:شنو وقع لمارية
الخدامة تلفات خلعها بطريقة باش كيديوي ديال ماشي كنسولك راه كنأمرك باش تجاوبي :دوي
الخدامة بلعات ريقها كيبقة هو مول كلشي وكلمتو هي لولا واخة وصاتها الحاجة:مدام مارية راه كانت فصبيطار عاد جات كانت كتغوت اسيدي من شي وجع ماعرفتش مالها المهم داتها الحاجة لسبيطار ويلاه هادي ساعة باش جات من طبيب
نزل طاير عند الحاجة وملامحو ماكايبشروش بلخير كان حاس بشي حاجة ماشي هي هديك ومارية ماشي من النوع لي كيمرض بزاف وعمرو شافها هكا
غير وصل للصالة بانت ليه تيريزا دغية هزات فيه عنيها كتشوف فيه..مسح على راسو عاقد حاوجبو قرب لعندها:تيريزا نوضي نوصلك للباب
تيريزا:كيفاش
شد ليها فيديها ووقفها وهز ساكها حاطو ليها فاليد لوخرا:خاص تمشي دابة انا عندي ما يتقضا ونتي خاص تركزي على داكشي لي وصيتك
خرجو لبرا دار اشارة للشيفور باش يوصىها ورجع شاف فيها :تافقنا
تيريزا:واخة ولكن واش واقعة شي حاجة بنتيلي معصب
وليد:شي حاجة دلخدمة وصافي
هزات راسها باه:وفدا اتكون عندي ياك
هز راسو باه وهو كيحل ليها باب طموبيل:اه بيناتنا طليفون
تعلات باستو على خدو وركبات...متسناهاش حتى مشات دغية دخل للدار..هي تبسمات وقالت للشيفور يتحرك باغة تنفد داكشي لي بغة باش يعيشو مزيان ومايبقة تابعهم والوو ..
وليد غير دخل للدار مشا نيشان عند الحاجة:شنو وقاع فغيابي
قلبها مشا وجا من نبرة صوتو ونضراتو الحادين:كيفاش
وليد رفع صوتو كتر:الحاااجة راكي عارفة علاياش داويي
سكاتهاا زاد أكد ليه انه شي حاجة كبيرة وقعات تحناا لعندها كيشوف فعنيهاااا وهو عاض على سنانو:هاد الشوفات كنعرفهم مزيان الحاجة ..علاش مارية كانت فطبيب وماعلمتينيش ..اشنو وقع دوي الحااجة راكي عارفة تاحاجة ما كاتخفة عليا من الاحسن نعرف من عندك ولا نعرف بطريقتي
الحاجة عارفاه مهما عرف راه كانت فطبيب راه ساهل يعرف اش وقع ليها بدات كتفتف:مارية..كانت..زعمة..
حتى كيسمعو صوتها من موراهم:واش ضروري تعرف كلشي..ضاروري تحرجها باش تقولك شي حاجة خاصة بنساا
كانت فاخر درجة بصعوبة باش قدرات تنزل حاطة يديها على اسفل بطنها ومتكية بليد لوخرا على لحيط وكتدوي بصوت تعبان
دار كيشوف فيها ...كيشوف فحالتها كيف دايرة وكيف وجها دابل وبانة ما قادراش تزيد تحرك ونازلة بصعوبة وصل ليديها لي على كرشها
قرب لعندها تا وصل ليها:مالكي
هزات راسها فيه:علاش داير هاد الفضيحة كاملة واش بنادم ما يمرضش
يلاه ايجبد طليفونو وهو يسمع تاني صوتها لعيان:هادي الدورة الشهرية هاد الشهر جاتني صعيبة حيت دوشت بلما بارد وضربني لبرد
وسكتات شحال وكملات خاص تقولها وتحيد شكوك باش مايبحتش من موراها:طبيبة قالت من اخر ممارسة زعمة ماحضيتش من البرد ..واش تا هدشي بغيتي الحاجة تقولو ليك
بقة كيشوف فيها وفعنيها ويدور كلامها فراسو..وهي جلسات فدروج مابقاتش قادرة تزيد توقف
دور وجهو للحاجة لي كلام مارية نزل عليها بحال الرحمة هزات راسها باه:قلت هاد لكلام خاص بيك نت ومراتك ما عندي لاش نقولولك انا ونتدخل فهدشي ديالكم
رجع شاف فمارية كيف جالسة فدروج ومنزلة راسها ويديها على كرشها..تحنى لعندها:علاش نزلتي ونتي مريضة
مارية مازال منزلة راسها:جاني الجوع
وليد:كاين لي يجيبو تا لعندك
هزات راسها باه وناضت بشوية باغة ترجع طلع ولكن ما قدراتش تهز رجليها وطلع ..زيرات على اسفل بطنها كتحس بحال شي حاجة تماك اطيح ومدرها وهي شاداهاا..
شهقات فاش حسات بيه هزها ببن يديه بغات تقولو لا نزلني ولكن ما قدراتش حيت عارفة ما اتقدش تطلع فدروج حطات راسها على صدرو قريب من عنقو وغمضات عنيها وهو طالع بيها للبيت..وكيحس بحرارة انفاسها على عنقوو وكيف مرخية بين يديه..
حطها فوق النموسية وهو حاني معاها باقي قريب ليها تكاها وهو كيشوف فيها..حلات عنيها بشوية وجات عنيها فعنيه بقات غير كتشوف فيه ..
هز يديه ودوز بأطراف صبعانو على خدودها وعنيه مافارقوش عينيها كيشوفها عيانة وعنيها دابلين ومهدنة..ما حس براسو تا كان كيقرب لشفايفهاا ..بلعات ريقها وهي كتشوفو كيقرب فاخر لحضة رجعات راسها اللور مبعدة عليه وهمسات ليه:شنو مزال كدير هنا سير لدارك
وليد:داري هي هدي
ما جاوباتوش وتاهو ما تسناهاش تجاوبو هز حوايجو ودخل للحمام يدوش
هي غمضات عنيها وهي كتفكر عارفاه أيعرف بهاد الحمل واخة تعيا تخبي عليه وشحال قدها تخبي عليه ..ولكن خاص تفكر كيف دير تهليه يتفرق عليهاا عارفة هدشي صعيب ولكن مستخيل تبقة معاهم هنااا بهاد التفكير داتها عنيها ونعسات مع كانت عيانة
داز الوقت ماشي بزااف
حتى كتحس بيه كيحرك يديه على كتافها وكينطق بسميتها حلات عنيها بتعب وشافت فيه
وليد:نوضي تاكلي
هزات راسها بلا ما قاداش تدوي راسها كيضرها
وليد بعد عليها الغطة:نوضي
ريحة لماكلة جابت ليها الجوع تهزات شوية ونزلات من النموسية كتمشا بشوية عليها دخلات للحمام غسلات وجها وحالتها وشافت راسها فلمراية وجها صفر يزاف ..رجعات خرجات وجلسات كتاكل ماكانش فيها الجوع ولكن ريحة لماكلة غلباتها...كان جالس بصدرو لعاري فوق الفطوي ولبيسي قدامو خدام عليه ومرة مرة كيشوف فيها حتى نطق:مأكدة هادي حالة الدورة شهرية
بلعات ريقها واشافت فيه وهي كتشرب لما :علاش
وليد:بانلي هدشي بزاف على الدورة شهرية
مارية:هدشي راه شوية من بزاف كاين لي كتجيه بكتر
وناضت رجعات لبلاصتها وتغطات وهي عاطياه بالضهر هاهو بدا تاني..غلبها تاني النعاس غمضات عنيها شحاال حتى كتحس بيه تكة موراها وجر عليهم بجوج لغطا ..شوية حسات بيديه على خصرها وجرها لعندو تا لصقات معاه وبدات تحس بحرارة انفاسو على عنقهاا بلعات ريقها:ماتقوليش اتبات هنا
وليد تهز شوية وطبع قبلة على عنقها ودوة بهمس:معاك امارية
غمضات عنيها مزيرة على المخدة بصبعانها وهي كتحس بحر كات شفايفو على عنقها وشوية دور يديه لكرشها وبدا يحركها بشوية جاب ليها تبورشة ونطق :كان عندي امل يكون هنا ولدي
وزاد زير على كرشها شوية وكمل:وتكوني حاملة كيف بغيت
طلعات معاها لحرارة من كلامو وهو مزال مكل:ولكن هاد دورة شهرية ديالك خربقاتلي كلشي
بلعات ريقها ونزلات يديها ليديه وبعداتها من على كرشها وبعدات عليه تاهو ونطقات:عندك مراتك دابة تجيب ليك هاد الولد غير ما تفقدش الامل
ما سمعات لا جوابو وما دار تاشي ردة فعل تسنات شحال وهي تغمض عنيها اكيد. كلامها ايكون جاه على قلبو ودابة كيفكر فهدرتها
بغات تدوي وهو يقاطعها:وتيريزا مستحيل تكون ام ولدي ولا تربطني بيها شي علاقة بحال هكا
مارية:راه مراتك ويلاه جيتو من شهر العسل شكا تخربق
وليد بعد شعرها على وجها:مراتي هي نتي ..تيريزا عمرها تكون مراتي وعمري نتزوج عليك امارية..داك العقد لي توقع كان مزور
بقات غير كتشوف فيه وفكلامو لي كيدور فراسها
تسمع صوت الطليفون مد يديه وهزوو كانت تريزا..مارية اتبعد عليه وترجع اللور وهو يجرها لعندو محاوط خصرها وجاوب وهو داير لهوط باغلور وتسمع صوتها:حياتي توحشتك
شاف فمارية لي كتشوف فيه بمعنى من نيتك بغات تبعد تاني وهو يزير عليها وجاوب:وصلتي مزيان
تيريزا:اه تسنيتك تعيط وعيطت انا قبيلة وماجاوبتيش
وليد:كنت مشغول شنو درتي فداكشي
تيريزا:صافي كلشي هو هداك ..بابا غدا ايمشي مع صحابو للغابة يصيدو وكريم أيمشي للخدمة ما ايرجع حتى لعشية وماما بقيت عليها تا قنعتها تمشي مع بابا ..المهم مع 12 دنهار اتكون دنية خاوية اجي داك ساع ودخل للمكتب وخود داكشي لي بغيتي
هز راسو باه:صافي هدشي مزيان ما عندي ما يتسالك
بتاسمات:ندير اي حاجة على قبلك
تنهد:عارف اتيريزا..يلاه نخليك عيان وبغيت نعس
تيريزا:واخة رتاح بحالك ونتشاوفو غدا
قطع وشاف فماريا وهو كيتقاد فبلاصتو مزال محاوط خصرها بيديه:راه مابقة واالو امارية ويسالي هدشيي صبري معايا
ماجاوبتتوش نزلات راسها وغمضات عنيهاا مزالة عيانة خلاها على راحتها كانت كتفكر فبزاف دلحوايج فكلامو لي عارفاه ماكايكدبش فيه..فداكشي لي جاي..فالجنين لي فكرشها ..من هدشي كامل باغة هدشي يسالي باش تمشي بحالها وتهناااا ..وهدا لي فكرشها توقع شي حاجة ويطيح من عند الله ماشي على يديهاا..حيت عارفة هاد الجنين هو لي ايزيد يخليه يتشبت بيها ويزيد يربطها بيه.. بقة يلعب ليها فشعرها تا نعسات قرب وطبع قبلة على جبينها وغمض عنيه ونعس تاهو
جا نهار جديد
فاقت ودورات وجها لقاتو مزال ناعس ويديه على خسرها حطات يديها على يديه وهزاتها من غوق خصرها غير بشوية يلاه اتبعدها وهو يرجع يحطها وحل عنيه داك ساع:كيقولك من الاحترام تسناي تايفيق راجلك عاد تنوضي
شافت فيه ودوات بصوت خافت راسها مازال كيضرها:هناتا قلتيها راجلي
قوص حواجبو وهو غير كيشوف فيها حتى كيتهز من بلاصتو وكيجي فوقها بلا ما يقيسها كان مكالي بيديه التقل ديالو فوق النموسية:هدشي كامل ومازال ما عارفة راسك راك مزوحة وبراجلك
بلعات ريقها وهي كتشوفو فوقهاا حتى كينزل لعندها وقرب ليها ودوة:لا بغيتي نزيد نبين لك هانية
قوص حواجبو زعمة راه تفكر شي حاجة:اه نسيت مايمكليش نقرب لك دابة
بلعات ريقها وهي كتحس بيديه دخلهم تحت حوايجها وكيحرك يديه على كرشها...
وليد كيشوف فعويناتهااا وملاميحهااا واخة باينة عليها متوترة ولكن مازال كتوف فيه دوك شوفات القاسين لي كيعجبوه:مزال كضرك
مارية :لا دابة مزيان بعد خليني النوض
وحيدات ليه يديه من فوق كرشها ومالت بجسمها للجيهة لوخرا ونزلات بزربة حاطة رجليها على الارض بالجهد تا ضربها الضو فكرشها بالجهد :آآآآه
رجعات جلسات حاطة يديها على اسفل بطنهاا مغمضة عنيها...
حسات بيه من موراها ويديه على كتافهااا:مارية ماالك
مارية عضات على سنانها وحلات عنيها:والوو
بغات تنوض وهو يشدها ورجع جلسها:كضرك نمشيو للطبيب
هضرات بالزربة:لا لا انا هي هديك
وناضت عاضة على سنانها وتمشات هزات حوايجها بشوية عليها ودخلات للحمام وسدات عليها وتكات على باب الحمام وتمتمات:ياربي ماكانش خاصني هاد الحمل ياربي سمح ليا ولكن مابغيتوووش
حطات يديها على كرشها :ياربي ما ديه لعندك ماتخليش هاد الحمل يكمل ياربي
داز الوقت
كان فالبالكون جالس فوق الكرسي وقدامو لبي سي كيشوف شي حاجة دالخدمة ..ماخرجش كاع من البيت دوش وفطر فالبيت هو وياهاا...
مارية كانت متكية فوق النموسية وحداها مارية بدفتارها كتوريها اشنو قرات ..ومارية غير كتهز راسها باه مامركزاش معاهاا..كانت واحلة فبزاف دلحوايج وزاد كمل عليها الحمل ماعارفاش كيف غدير لهدشي كامل
نارة:واش خويا تاهو ايكون مريض بحالك
مارية شافت فيها شحال ونطقات:ماعرفتش
نارة حطات يديها على كرشها:غير ايجي لهاد الدنيا ما اتبقايش نتي تمرضة وتاهو ايولي مزيان ياك
وقطع ورجع دخل للبيت شاف نارة خارجة من البيت بكتوباتها... لبس عليه وهز داكشي لي ايحتاج ..وشاف فيها كيف متكية على كرشها ومغمضة عنيها ..قرب لعندها
وليد:مارية
حلات عنيها بتعب:شنو
وليد:ماكدة هدي غير الدورة الشهرية حيت بانلي هدشي ماشي تا لتم
مارية بعدات شعرها على وجها:علاش ماشي تا لتم
وليد.كيدقق فملاميحها:ماكاتقدريش تحركي وجهك دابل ومرخية وهدي جديد عليا
مارية تنهدات بصوت مرتافع هاربة من شوفاتو عارفاه باغي يقرا شوفاتها:مامنحقيش نمرض ولا كيفاش
بقة كيشوف فيها شحاب ورجع دوة:المهم انا نمشي لدار لوكاس
شافت فيه باش يكمل كلامو..حط يديه على خدودها:كلشي ايكون هو هداك مابقاش بزاف امارية
ماجاوباتوش بقات غير كتشوف فيه ..بعد يديه يلاه اينوض وهو يحس بيها جراتو من يديه هي براسها ماحساتش براسها :رد البال
وليد ميل راسو كيشوف فعويناتها لي كيبريو ونبرة صوتها الجدية ..مال بجسمو كاامل لعندها وطبع قبلة على جبينها ونطق:ان شاء الله
وناض وخرج
تنهدات ودفنات راسها فالمخدة وهي كتمتم:خاص يدوز هدشي على خير باش تسالي هتد روينة ونمشي بحالي
سمعات لباب كتحل ..هزات راسها وهي تشوف الحاجة ورجعات دفنات راسها
الحاجة قربات لعندها:ماسمعتيش طبيبة اش قالت خاص تنعسي على ضهرك علامن يستاقر الجنين فالرحم علاقل سيمانة..راه خطيرة عليه هاد النعسة على الكرش يقدر يطيح
مارية:الحاجة ملي تخرجي سدي لباب من موراك
الحاجة :احم داكشي لي وقع لبارح..
قاطعاتها مارية:ماعنديش الجهد لي يدوي فشي حاجة خصوصا معاك نتي الحاجة سيري قراي القرآن وطلبي من ربي يسمح ليك
الحاجة:ولكن
رجعات قاطعاتها:سدي لباب من موراك
الحاجة تنهدات وخرجات
مارية :انا داكشي لي بغيت..يطييح ونتهنااا
وصل لدار لوكاس
غير دخل استقبلاتو بالاحضان والبوسان تقول عام ماشافتوو...شبكاات يديها مع يديه ودخلاتو للداخل وجلسو فصالة وهي حداه لاصقة فيه :وليت كنتوحشك بزاف احياتي
هز راسو باه وهو كيتحنا وكيهز كاس دلما جغم منو ورجع حطو وهو كيضور عنيه على الدار صقيل
تيريزا:تا لخدامات قلت ليهم تا وحدة ماتبان بغيت ناخد راحتي انا وراجلي
جبد.طليفونو كيقاد فيه شي حوايج وهي مامسوقاش غير كتبوس فعنقو وتشد فيديه ..الراحة النفسية وهو معاهاا...صيفط ميساج لآدم وصاه على داكشي لي خاص يدير ..وقف سيسطيم الكاميرات وجمع الوقفة:انشوف المكتب
وقفات معاه:واخة
دخل وهي تابعاه مامسوقش ليها صافي وصل لداكشي لي باغي...هز داك لمراية للفوق وهو كيشوف فالخزنة قدامو...سجل لكود وتفتحات داك سااع...تبسم ...
مد يديه وزاد.حلهاا وهو كيشوف داك الخزنة فيها تلاتة درفوفة عامرين بضواصا عاد شي مجوهرات ماداهاش فيهم..هز داك الضواصا وبدا يقرا فيهم حتى لقا لي عندو بيهم الغرااض ابتسامتو زادت وساعت هاد الضواصااا هوما لي اعوام وهو باغيهم ..هاهوما بين يديه دابة
وليد:وأخيرا الوكاس غادي ندمرك بيدياا
تيريزا مافهماتوش اش قال:شنو قلتي
عاد تفكرها:والو كلشي هو هداك دابة
سد داك الخزنة وهو كيصيفط ميساج فطليفونوو
وفنفس الوقت كيقرا فداك الضواصا وتيريزا غير مراقباه ..دقايق وجاه ميساج..خرج من المكتب وحل الباب ومد داك الضواصا لآدم:بغيت دابة النسخة ديالهم
آدم:واخة كون هاني نص ساعة ويكونو عندك
آدم مشا وهو رجع دخل للداخل ..لقاها كتسناه وكتشوف فيه قرب وحط يديه على خصرها جرها لعندوو وطبع قبلة على شفايفهااا..بتاسمات فرحانة بغة يبعد وهي ترجع تجرووو ودخلات معاه فقبلة عمييييقة وزادت جراتو لعندها فاش تجاوب معاها ..دقايق وبعد وعنيه فعنيها:نشربو شي كاس
تيريزا باستو على كتافو:دابة كلشي هو هداك ياك نقدرو نعيشو حياتنا عادي كيف بغينا
وليد هز راسو بلا وهو كيشرب من كاسو:لا مزال
تيريزا:وعلاش
وليد:باقي هاد السم لي مزروع
تيريزا:هداك حالو ساهل احياتي بابا ديجا موافق خاص نفكرو وصافي
شاف فيها:ايوا دابة عاد نقولو كلشي هو هداك
وقرب ليها لكاس بتاسمات وضربات كاسها مع كاسو وجغمو بجوج..هو كيحتافل بانه صافيي ولا كلشي بين يديه باش يدمر هاد العائلة كيف دمرو ليه عائلتو وقتلو ليه باه..وهي كتحتافل بانه صافي ولا ديالها ومابقة عندهم تاشي مشكل
فالجيهة خرا
كانت من الدروج وكتورك على دريجات بالجهد صابرة لداك الوجع لي كيجيها مرة مرة..كتعمد.ديرهاااا ماتعرف توقع شي حاجة ويطيح هاد الجنين ..وصلات للكوزينة وصاتهم يقادو ليها اتاي كيف كتبغييه :ديري فيه النعناع بزاف
خرجات من الكوزينة وجلسات فصالة مرجعة راسها اللور حتى كتسمع طليفونها كيصوني شافت المتصل كان كريم..يلاه اتجاوب وهي تفكر وليد وفين هو دابة..دارت سيلونص. مابغاتش دير شي حاجة عاود ودمر ليه كلشي..شافت فساعة وكتقول مع راسها واش يكون كلشي هو هدااك
نرجعو عند وليد
لي كان فلباب خدا النسخ ديال داك الضواصا ورجع دخل ومشا نيشان للمكتب حل الخزنة ورجع حطهم بنفس الطريقة كيف كانو محطوطين ضواصا الاصليين وخرج من المكتب من بعد ما تاكد ما خلا تاشي أثر من موراه
داز الوقت
كانت جالسة فالبالكون كتسنا تشوف طموبيلتو ولا تحيها شي خبار شنو زعمة يكون وقع ...ولكن والووو ماكاينش الاثر ديالو ولا شي خبار عليه..تنهدات وهي كتقول مع راسها كون وقعات شي حاجة خايبة كون وصلات لخبار ..بحال هدشي دغية كيوصل
شافت فطليفونها ودخلات للكونطاكط تا وصلات لسميتو كانت ادوز نمرتو وهي تحبس ..خرجات من تماك كاع وبعدات الطليفون
نمشيو للجيهة لوخرا
كانو مجمعين فوق الطبلة كيتعشاو ولوكاس فرحان بهاد اللمة وغير كيهضر ويعاود ليهم..وتيريزا عنيها غير على ولييد..كريم دخل وغير شاف وليد خنز ..وكمل طريقو وطلع للفوق
اما وليد لي غير كيشوف بعنيه كم غير شي كلام خفيف وابتسامة خبيتة صافي هاد.الضحكة لي على وجه لوكاس غيمحيها قريب ويخليه يبكي الدم
شاف فالساعة ووقف :نمشيو
تيريزا:واخة
سلمو عليهم وخرجو ركبو فلوطو نيشان لاباغطومو خاص تبقة معاه وتحت عنيه حيت هي راه غير نص عقل يقدر دير ليه شي مشكل اللهوما يخليها معاه متحكم فيها ومسيكر على تفكيرها كيف بغة..علامن يسالي موضوع السم لي فجسموو..حيت لوماس واامنضمة لا ساقو لخبار انه الضواصا بين يديهم ما ايبغيوش يغراقو غير بوحدهم ايصفيوها ليه هو اللول
وصلو للدار.
هو نيشان بدل عليه لبس شورط خفيف وتلاح فوق النموسية ولبيسي قدامو دخل لايمايل خاص بيه هو وآدم تأكد انه ضواصا فأمان
حتى كيسمع باب الحمام تحل هز عنيه وهي تبان ليه خارجة بالفوطة ملوية عليها مبينة كاع مافاتنها ما ساترة والو وشعرها مبلول كينقط وكتشوف فيه..نزل عنيه تاني لبي سي مامسوقش..حتى كتقرب ليه وقفات حداه.عريانة تماما.وحيدات داك الفوطة ورماتها فالارض..هز راسو فيها مطلعها من رجليها حتى لراسها..وهي كتقرب ليه بعدات داك البيسي من حداه وحطات يديها على صدرو وطلعات جلسات فوقو وتحنات لعندو قريبة لشفايفو:توحشتك بزاف
وبدات كتبوس فشفايفو وصدرها لعاري على صدرو لعاريي وهي كتحرك فوق لمعلم بحركات دائرية ..حسات بيه بارد معاهااا وما متاحوبش معاها كيف خاص يكون ولكن ما ستسلماتش تهزات شوية وهي كتهبط ليه شورط تا شافت المعلم قدامهااا تبسمات وقداتو تحتها ودملاتوو وحلسات فوقو وهي كتحس بيه كسدخل للاعماق ..عرفات انه دابة بسيف عليه غيتجاوب اي راجل فهاد اللحضة ايديماري..وفعلا ديمارا فاش شدها من خصرها كيطلعها وينزلهااا ...
جا نهار جديد..
كان اليوم الاحد ..
مارية صلاة الضهر وخرجات للبالكون مابانتش ليها كمزبيلتو ادن ماجاش...
دوزات يديها على شعرهاا تعصبات:يررد علياااا غير اش داااار
شافت فنارة لي كتلعب فلبالكون:جيبيلي طليفوني
مشات كتجري تجيبو ليها
فبلاصة خرا
كانت جالس هو وياه كيشربو قهوة..والفرحة لي على وجه وليد باينة العمى شحال ما شافو هكااا
آدم ضرب ليه على كتافو فرحان لصاحبو:على سلامتناا
وليد كيجغم من قوتو :على سلامتنا قلهالي نهار كل واحد فيهم يبكي الدم
هزات راسها باه وباستو على صدرو:صافي انا غنبدا نشرب لفانيد ماشي مشكل تجيبو لداخل..كنحس براسي ناقصة ملي كتجيبو على برة
هز راسو باه..من داك الليلة وهو حاضي معاها الفانيد كتشربو بالوقت وهي موهماه انها كتشربو وهي مبدلة داك لفانيد بالفيتامينات..
تيريزاا :خاااص نحمل باش نزيد نتقرب منو كثر
دوشات باش توجد راسها وتبعو للفلة
غير وصل للفلة لقا الحاجة فصالة قرب باس ليها يديها :الحاجة صافي ضوصي لي سنين وانا باغيه يجي بين يديا صافي خديتو
الحاجة شهقات بالفرحة ونزلو دموعها وعنقاتو:الحمد الله ..الحمد الله حق ولدي الله يرحمو غيرجع وغيتعاقبوو الحمد الله..شكرااا ولدي
بعد باس راسها:هداك راه اوليد الحاجة هدشي واجب علياا مزال تشوفيهم طايحين كاملين ااحاجة وكيف تشويتي فكبدتك غيتشواو تاهوما وغيدمرو.
هزات راسها باه..مسح ليها دموعها :فين هي مارية
الحاجة:فلبيت اولدي
بعد علبها وطلع مع دروج مخليها كتحمد الله
دخل للبيت وهو يلمحها فلبالكون..يلاه ايمشي وهو يشوف صلاية فالارض ولباس ديال صلاة الخاص بيها فوق الصلاية ..باينة كانت كتصلي..وشكون من غيرها اصلا
كمل طريقو نيشان لبالكون غير سمعات حسو ضارت لجيهتو بقات كتشوف فيه وفنضراتو لي باينة فيهم الفرحة شوية مد يديه وجرها لعندو معنقهاا خاشيها بين ضلاعووو بحاليلا كيشاركها الفرحة ديالوو...غمضات عنيها وهي كتحس برجفة جسموو او واحد الدفئ فشكل وهي بين يديه ..احساس ديال الرغبة باش يبقة معنقها هكا غمضاات عنيها دافنة راسها فصدرو . .تواني وبعد وهي مازال بين يديه:صافي هاحنا قربنا نساليو
بقات غير كتشوف ..هز يديه وبعد شعرها من وجها:ايسالي هدشي وانرجعو للمغرب فمرا
مارية:شحال بقة ويسالي هدشي فمرا
وليد:ماشي بزاف
مارية هزات راسها باه وهي غير كتشوف فيه وريحة باغفانو كتغلغل فأعماقهاا ما حسات براسها تا تعلات على ريوس صبعانها وقربات لعنقو كتستنشق ريحتو وهي مغمضة عنيها ويديها بجوج على صدرو..كيحس بحرارة انفاسها على عنقو شي لي خلاه يحط يديه على خصرها مدوباه بحركة بسيطة..ضغط على خصرهاا فاش طبعات بوسة خفيفة على عنقوو غير بأطراف شفايفهااا...حلات عنيهااا وعضات على شفايفهاااا بالجهد ماعرفاتش كيفاش دارتها ولا شنو وقع ليهااا بحاليلا كانت تحت التنويم المغنطيسي .نزلات راسها غارقة فحوايجهااا من تصرفهااا البليد على قولتها بغات ترجع اللور ولكن زاد.جرها لعندو عنيه نايمين صافي لعبات ليه على الوثر الحساس خصوصا منها هي راه شي حاجة فشكل بالنسبة ليها
نطقات بهمس:خليني نمشي
هز راسو بلا:كيفاش تمشي وأنا
بلعات ريقها ما قادراش تشوف فيه..نزل يديه وهز ليها راسها لعندو غارق فعويناتها:بوحدك لي كتشعليني وطفيني امارية
مارية كتشوف فيه وقلبها كيضرب فلمية بحاليلا اول مرة اتشوفو وهدشي جديد عليها ولييد
قرب لشفايفها :امم شنو
تلفها شنو كانت اتقول حتى كتحس بيه كيبوس فشفايفهاا بشوية مستمتع باللحضة وبطريقة حنينه خلاها ترخة بين يديه كيحس بصدرها طالع هابط بالزربة من تأتيرو عليها ..حسات براسها بدات كتجاوب معاه ويديه على خصرها نازل بيها للتحت وهي تبعد :لا صافيي حبس
غطس راسو فعنقها وهمس ليها:مالك
مارية عندها حل واحد:مايمكنش اوليد من نيتك راه الدورة الشهرية
تبسم وسط عنقها وطبع قبلة تما تا قفزات ونطق:كتصلي ونتي فيك الدورة الشهرية
حطام الجزء 14
محتوى القصة
التنقل بين الأجزاء