لميس:(تفدعات ليها يدها و بقات كتبكي) نتييي مجرمة إهئ اهئ
عشق: (تحنات عندها بابتسامة) انا ديابلا احبيبة
...تهزات و خرجات من عندها من بعد ما تبرات منها للمرة الثانية، شافت ف جسور لي كان عاودلو صخر كولشي، قرب منها بقا يهضر معاها و هي تقمعو
عشق: مادويش معايا
رجعات للبيرو ديالها و خلاتو واقف عارف بلي الى مشا يهضر معاها غادي غير يدابزو، رجع للبيرو ديالو يخدم، حتى بدا كيظلام الحال و كل واحد مشا لدارو، خرجات حتى هي خدات طوموبيلتها و مشات للفيلا ، دخلات و بدلات حوايجها و جلسات شعلات تلفازة كتفرج، و كل دقيقة كطل على تيليفونها كتشوف ف ساعة بلي تعطل، الشك بدا كيدخل ليها لعقلها، كتقول مع بالها واش راه معاها ، عقلها غادي ينفاجر، يالاه كانت اتصوني ليه شافتو دخل هاز فيديه شيحاجا، غير شافها خبعها فجيبو و ابتاسم ليها و قرب باسها ف راسها لكن سرعان ماحيداتو و هو بقا كيشوف فيها مطولا
جسور: شنو بانلك نخرجو نتعشاو برا
عشق: مافياش
جسور: اوك على خاطرك
….خلاها و مشا لبيتهم و بقا كيشوف فلباب باش مادخلش و تشوف شنو جاب معاه، جبد داكشي من جيبو و رجعو دغيا فاش شافها حلات لباب، لاحظاتو بلي متوتر و كيخبع شيحاجا
عشق: (ربعات يديها) شنو داكشي لي فجيبك
جسور: حتى حاجا
عشق: جسور راه كنعرف لي كيكدب عليا
جسور: مايصلاحش نوريك
عشق: اه دابا ولات مايصلاحش (غوتات عليه) صباح معنق ليا ديك خيتي و معطل فهاد ليل عاد دخلتي و دابا كتكدب عليا و كتخبع
جسور:(كيحاول يحيدلها يدها بلا مايآذيها) اش كتخربقييييي
وصلات لجيبو و جبدات داكشي بنثرة حتى تشتت فالأرض و بقات كتشوف فالارض بصدمة…..ماعرفات ماتقول سوا انها كتشوف ف العقد طايح و لحجيرات ملونين ديال لياقوت مشتتين، طلعات راسها شافت فيه و هو تحنى هز سنسلة و كيجمع دوك لحجيرات، ناض و قرب منها
جسور: كنت ناوي نبت هاد سنسلة بكل حجرة من لياقوت على قبلك (حطها ليها فيدها) شكرا حيت ضيعتي المفاجأة
...خرج و خلاها تماك، عضات شفايفها بندم زربات و ظلماتو لكن شك دخل ليها و فات لفوت دابا، مشات تبعاتو لقاتو جالس فجردة و بعيد، مشات لعندو بخطوات مترددة حتى وقفات عليه
عشق:(بصوت منخفض) ماغاديش تكمل هاد سنسلة راه بغيت نلبسها
جسور: (شاف فيها) هاهي عندك نبتيها راسك
عشق:(جلسات حداه) بلا مادير هاكا و نتا عارف راسك غالط
جسور: شفتينا انا وياها معانقين قالهالي صخر ولكن نتي
ماعارفاش بلي هي لي تلاحت عليا
عشق: اه و نتا ستحليتيها و بقيتي كدوز على شعرها
جسور: عشق لبنت مسكينة باها مريض
عشق: ماعندهاااش عائلة اجسور راها كتكدب
جسور: علاش كتهاجميها هاكا مالك معاها منين جات و نتي ماحاملاهاش
جسور:(جبدها عندو حتى تزدح صدرها مع صدرو) واش غرتي؟
عشق:(بعدات عينيها من عينيه) لا
جسور:(هزلها وجهها عندو بجوج صبعان حتى عاودات شافت فيه ) شوفيلي فعيني و جاوبيني
...تربط ليها لسان ماقدراتش تهضر، تدفعات لعندو بقبلة لشفايفو باش تهرب من الجواب، كانت كتبوس و تلذذ بقبلتها معاه اما هو هزها فيديه بين يديه و دخل بيها لداخل و ليلتهم غادي طول أكيد ،فالمغرب ايضا كانت ليلتهم مطولة و ناس مجموعين و الاغاني الحسانية و الموسيقى مكتاسحة المكان، منبعد ما تعشاو بداو فتقاليدهم الغنية عن التعريف و طبعا شكون مايعرفش صحراوة الجود و الكرم، كانت مانفال و نزار جالسين ف جليسة زوينة مخصصة ليهم هي لابسة لباس لعرايسات و مغطية وجهها و هو لبسوليه لكندورة الصحراوية و فرحانين بجوج كيستمتعو بالعرس ديالهم و مرة مرة كيوشوش ليها فوذنها و يضحكو، غالبا كيقولها شوفي هاديك شحال غليضة او شوفي هاداك كيفاش كيشطح و يبداو يضحكو ، سارة و نيار و شفق كانو مستمتعين بهاد الاجواء و كيشوفو تقاليد جديدة عليهم لكن لي مفرحهم كثر هو خطبة ولدهم من بنت بحال مانفال مربية و زوينة ، عطاوليها المهر ديالها لي كان على شكل ذهب و فلوس و بقاو كيتونسو بالسهرة حتى ركبو لخواتم و جا لفقيه دار ليهم العقد و قراو الفاتحة، دازت مدة و هوما كيحتافلو حتى صبح صباح و غادي يرجعو لروسيا، بقات مانفال و مها كيبكيو و كترغبها تمشي معاها و ماسخاتش بيها ولكن ماعندها كيفاش دير، بقات الباتول كتوصي عليها نزار و عائلتو يتهلاو فيها و يعتابروها بحال بنتهم و كانت متأكدة عطات بنتها لأيادي امينة غير منين شافت كيفاش نزار كيعامل مانفال بكل حنية و حب، ركبات فطوموبيل و دموع دايزين على خدها كاع ماشبعاتش من مها و باها و اتفارقهم ثاني لكن واعدهم نزار بلي ايبقا يجيبها تشوفهم و مايحرمهاش منهم، خرجو من طوموبيل من بعد ما وصلو للطائرة و ستاقلوها في طريق الى روسيا، كانت مازال كتبكي و مابغاتش تسكت
نزار:(معنقها) وصافي احبيبة
مانفال:(كتشهق) انتوحشهم إهئ اهئ
نزار: غادي نبقا نجيبك عندكم صافي ماتبكيش (تخشات فيه كتحاول تسكت و هو همسلها فوذنها) دابا حنا تزوجنا احح على فرحة مانبقاش نحكو من لفوق
مانفال:(كتمسح دموعها و شافت فيه) شكون هو؟
نزار: (ابتاسم) رزقك هههه
مانفال: مفهمتش
نزار: غير نوصلو لروسيا و تفهمي احبي ...
….مسافة ديال طريق نهار كاملو و هوما فسما ماوصلو لروسيا و بضبط لقصر حتى ظلام لحال ، لقاو العائلة فاستقبالهم و دخلو فرحانين كيعاودو على نهارهم ف الصحراء، دخلات عشق مع جسور من بعد ما وصلاتهم لخبار و نزار قرب منها عنقها
نيار:(قرفدو) ماغادي تقرب من لبنت حتى ديرو زواج روسي
سارة: باباك عندو الحق حنا باغيين نفرحو بيك
نزار: واناااري شحال فيكم
شفق: صبر راه لي زربو ماتو
جسور:(شاف ف شفق) شفيقة و اخيرا سمعنا صوتك
شفق:(حمارو حنيكاتها و عاودات سميتها ب شوية) شفيقة!
أماني: هههه منين شفق رجعتيها شفيقة عشق شنو هي
جسور:(بعفوية و بلا مايرد البال) عشيقة
أماني: هههه جبتيها هي هاديك
عشق طلعات حاجبها و بقات كتشوف ف جسور بنظرات باهتا و كتسول راسها واش بصح كيعتابرها مجرد عشيقة كتلبي رغباتو فقط، كلمة عشيقة خلات وقع ف مشاعرها لكن كما العادة دارت بلي ماعلابالهاش و نطقات
عشق: كاين فرق بين العشق و العشيقة
أماني: و شنو لفرق؟
عشق: مركز العشيقة جربتيه فزواجك الفاشل و العشق عمرك ذقتيه
كولشي تصمك من جوابها لي كان لاذع كتخرج من لسانها سم الى تقاست
عشق:(كتخنزر حتى هي فأماني و عرفات بلي نبرة صوتها تهديد، ابتاسمات ليها و نطقات) حتى حاجا ماتغلى عليك اعميتو خوديها
أماني: good girl
...طلعات عشق راسها و شافت فارتورو لي بدورو فهمها غير من شوفاتها و حركلها راسو بأه و خرج لبرا، دازو دقايق و ناضت اماني من حدا العائلة و استأذنات منهم بلي اتخرج، خدات سوارت طوموبيل من عشق و خرجات توجهات لفيراري ديالها، ركباتها و نطالقااات بسرعة
عشق:(خرجات لبرا و وقفات حدا ارتورو) قطعتي لفران
ارتورو:(ابتسامة) طبعا
عشق: مزيان (رجعات لدار و قبل مادخل نطقات) إلى الحجيم عمتي
...كان كيتغزل بيها بكلمات هامسة فالأذن ديالها و كيستمتع و هو كيشوف احمرار وجنتيها و ابتسامتها الساحرة و حتى عينيها الكريستاليين فاش كضيقهم و هي كتبتاسم عاطيينها جمال فوق جمال و سبحان لي خلقها و قذف الطيبة فقلبها و فتعاملها، هز خصلاتها البيضاء بين يديه و كيشوف ف افراد العائلة لي بعاد عليهم شوية و كيهضرو و هضر فوذنها
نزار: حبيبي يالاه نمشيو للبيت
مانفال: داابا؟ قدام العائلة (بتردد) حشومة
نزار:(كيزيد يذوبها بصوتو) علاش حشومة حنا مزوجين
مانفال: سمعتي باباك اش قال
نزار:(كيتغبن عليها) واش انا با كلا لحلوة ويجي يحرمها عليا
مانفال:(بقلة حيلة ) ماعرفتش
نزار:(كيدوز صبعو على حنكها) ماتوحشتينيش همم
مانفال:(بلعات ريقها كتشوف ف فمو و عينيه و دغيا حيدات عينيها) الا خصك تصبر
نزار:(جبد فيها حجبانو) اييه و انا موحشك و كيحسابلي حتى نتي (ناض مقلق منها و خلاها جالسة متبعالو لعين و مغبنة على شوية تبكي حتى شافتها هبة و هي تنغز شفق و مشاو جلسو حداها)
هبة: مال زين مقلق
مانفال:(مسحات دمعة على طرف عينها دغيا) لا والو
شفق:(بقلق) ماالك
مانفال: نزار مقلق مني
هبة: و علاش مقلق منك
مانفال: حيت مابغيتش نمشي معاه للبيت
هبة: اوييلي سيري معاه راه راجلك هاداك
شفق: لا امانفال عنداك تمشي عندو حتى ديرو لاكط روسي
هبة: واش نتي بعقلك راه صافي تزوجو فالمغرب و مابقا والو للعرس
شفق: ماما وصاتها
هبة: انوضي تكعدي كون نتي لي عيطلك جسور اتمشي كتجري عندو
شفق: (تزنكات) اويييلي سكتي
مانفال:(ابتاسمات) كتبغي جسور؟
شفق: شششش ايسمعك شيواحد سكتي (كتشوف ف جسور بعيد جالس مع مو و باه و نيار كيتناقشو) هو كاع مامسوق ليا
هبة: شوفي وكان ههه قالك شفيقة ههه
مانفال: تستاهلي كل خير جسور راجل مزيان
شفق:(قلبها كيضرب) عارفة ولكن موحال واش كيحس بداكشي لي كنحس بيه
هبة: خصكم غير تهضرو كثر و غادي تفاهمو و دغيا ايبغيك حيت نتي ماكاينش شيواحد مكيبغيكش
….خداتها للبيت ديالها و جلساتها كتوريها ليشوميز باش تختار
شفق: فوقاش و نتي كتشري هادشي اسليعفانة
هبة: وايلي حتى نتي هادشي راه ضروري راني عروسة زعما
شفق:(طلعات واحد سترينك كتشوف فيه) ويلي لمسخ
هبة: (حيداتوليها) علاه بسلامة نتي اتنعسي مع راجلك ب سروال قندريسي
شفق: و علاه مالو سروال قندريسي
هبة: (كتندب) اتلبسي لجسور سروال قندريسي؟
شفق:(شيرات عليها بوسادة) سكتييي باراكا من طنز لي سمعك اقول خطبني
هبة: كولشي قريب عند الله حتى نتي
مانفال:(كتشوف ف ليشوميز) ولكن هادشي عريان
هبة: غادي تعجبي نزار هانتي قيسي هاد لغوزية
مانفال:(شداتها و مشات قيساتها فدوش و خرجات عندهم كتخبع صدرها ) كيجات
شفق و هبة حلو فيها فمهم و ماينكروش بلي طايتها اكبر من عمرها ليهونش خارجين و الكرش سمطا و صدر كبير و شعرها طويل طايح على خصرها النحيف، راه هي لي زينات داك شوميز بصراحة، عطاتها هبة بينوار ديالو طويل و مشبك
مانفال: انمشي هاكا؟ لا حشمت عمرني لبست هادشي بلاش منو
هبة: وا تي سيري تمشي عندو اشمن بلاش منو
شفق: شوفي توكلي على الله و سيري
هبة: اه راه حلالك هاداك
مانفال:(كتفرك صباعها) واخا
….خرجات و خرجو معاها لبنات حتى شافوها دخلات لبيت نزار عاد هبطو لصالة عند العائلة ، كانت حتى عشق دخلات و طلبات من لخدامة كاس دلما سرعان ماجابتو ليها، يالاه غادي تشربو و هو يطيحلها من يدها و شدات فراسها كتشوف كولشي مضبب و دوخة سيطرات عليها، على شوية كانت اطيح كون ماشدهاش ارتورو من ظهرها
هبة:(زربات لعندها هي و شفق) عشق نتي مزياان (سمعوهم لوخرين و ناضو كيشوفو اش واقع و أولهم جسور لي زرب لعندها)
جسور: ماالك
عشق: عادي غير لعيا وصافي (بغات تنوض و هي ترجع شداتها دوخة و هاد لمرة شدها جسور)
سارة: هاادشي ماشي عااادي
نيار: بنتي هبة فحصيها
هبة: انفحص الضغط ديالك
عشق:(بعدات من جسور بنثرة) لا انا بيخير انمشي لبيتي نعس
جسور:(بقا كيشوف ف ديك نثرة لي نتراتو و كيتساءل مالها) اوك رتاحي حسن
نيار:(كيصوني ليه تيليفونو و جاوب) الو..وي هو هادا (بعد صمت و صدمة نطق) كيفاااااش فييين واخا واخا شكووون معاها دابا هاحنا جايين
سارة: نيار شنو واقع؟
نيار:(دم مشا من وجهو و كيشوف ف هبة) اماني دارت كسيدة
هبة:(طاحو دموعها فلبلاصة و بصوت مبحوح نطقات) ماما
… منين دخلات و هي واقفة حدا الباب كتشوف فيه متكي و حاط وسادة فوق راسو، توترات بزاف لكن على الاقل طمنات حيت لقاتو ناعس، تشجعات و قربات ليه بشوية و جلسات ف جنب النموسية كتشوف فيه، حيدات لوسادة لي فوق راسو غير بشوية و حطاتها فجنب، يالاه كانت ادوز يدها على شعرو و هو يجبدها عندو طيحها على النموسية و رجعها تحتو كيشوف فيها بنظرات عيانين و ذابلين، شوية بدا كيهبط نظراتو لشنو لابسة و عاد سرات معاه، قلبو بدا يزدح فاش كيشوفها معرية و شوميز مزير على طايتها صدر مدفق و لفخاض عريانين سترينغ قاسم طرمتها و ليهونش خارجين، تعقد ليها لسان و تزنات من نظراتو ليها حتى ولا صدرها كيطلع و يهبط ، ابتاسم ليها و هز يدها باسها
نزار: بغيتك تكوني حلالي و هاد ليلة نرجعك مانفال سقراط
عضات شفايفها و حركات راسها ب اه، بدا كيقرب منها بشوية و طبع قبلة على شفايفها الكرزيتين و كيتبنن فيهم غير بشوية، كيخليها تعيش جميع المشاعر فهاد الليلة باش عمرها تنساها، يديها كيدوزهم على صدرها من لفوق و دغيا حيدلها شوميز من جنب و رماه، باش يهبط لصدرها المنتفخ يطبع عليه علامات رجولتو، كيمص ف صدرها وكيطلع لعنقها ب بالقبل، و هي تنهيدات خفيفة كتعبر على استمتاعها معاه، كان حنين معاها و شاد معاها الخاطر، ناض حيد تيشورط ديالو و حيد سروالو بلخف و رجع هبط عندها
نزار: كنبغيك احبيبتي
عنقاتو لعندها و كدوز يديداتها على ظهرو، حسات بسترينغ كيتحيد ليها و هي تزير على ليزار بيديها و عاضة شفايفها، لكن سرعان ما ترخات فاش حسات بيه كيبوس ففخاضها و كيدوز بحنية على خصرها، فرقلها رجليها و هبط لتوتو كيبوس فيه و يمص بشوية خلاهها كتغوت بشهوة
مانفال: نزاااار بشوية اححح
نزار: (مازال خاشي وجهو فتوتو حتى بغا يخرج ليها عقلها بتوحويح، شوية مابقاش قادر حتى هو يصبر و طلع عندها حاط راسو على راسها ) اااه و شحال كتسطييني
مانفال:(عينيها معسلين بشهوة) نزااار
نزار: نزار ديالك الحبيبة (حيد شورطو بلا ماتحس و بدا كيشيت ليها من لفوق)
مانفال:(عضات شفايفها) كنبغييك
نزار:(ماجات فين تكملها حتى دخلو فيها و غوتات غوتا خفيفة، شبك يدو مع يدها، و كيحاول افتح طريق حيت مزيرة بزاف، خلاها حتى بدات كتسترجع النفس ديالها و خرجو كيقطر بدم، دغيا مسحو و باسها فجبهتها) مبروك ا مراتي
….كانت سخفانة و دغيا جبدها عندو عنقها و كيلعب فشعرها ، غطاها بليزار، و هي دغيا غفات، اما هو قلبو كيرفرف بالفرحة….
...فجهة أخرى كانو وصلو شي نص ساعة للكلينيك كيسولو على حالة اماني و حتى واحد ماعطاهم معلومات اكيدة من غير انها فغرفة العمليات و هارون هو لي مكلف بعمليتها، كانت هبة جالسة كتبكي فحالة يرثى لها ، مخنوقة اطرطق و سارة و شيماء و شفق كيسكتو فيها واخا حتى هوما كيبكيو، كانو صحة سلام حتى نزل عليهم هادشي بحال الصاعقة و قلب ليهم فرحتهم لحزن، دخل بوليسي لعندهم جايب معلومات، شاف نيار و قصي و جسور و عشق واقفين و توجه عندهم
… ميسيو نيار حنا كتاشفنا بلي الفيراري كان مقطع ليها لفران و مادام اماني ماقدراتش تحبسها و هاكا وقعات الحادثة
جسور:(شدها من كتافها قربها منو) واااش بغيتيني نتسنى حتى توقعلك شيحااااجا
عشق: (كتشوفو معصب كثر من اللازم و نفس بدرع باس كيطلعها) جسووور تهدن
جسور: لا ماااغاديش نتهدن الى مشااات حتى وقعاتليك شيحاجا اعشق انا غادي..(صمت و هبط راسو)
عشق: نتا شنو؟
جسور:(بصوت رجولي) غادي نموت من وراك...
تصمكات من كلامو لي كان صادق ، تربط ليها لسان ماعرفات ماتقولو ، واش لهاد الدرجة خاف عليها، يالاه كانت اتجاوبو و هي تسمع صوت صخر جا بسرعة هو وخلود من بعد ما سمعو بالخبر
صخر: جسوور كيبقات مادام اماني
جسور: مازال ماعارفين باقا فالعمليات
خلود: و فينها هبة؟
جسور: اتلقاوها لداخل
….خرج هارون من غرفة العمليات و بسرعة مشات عندو هبة كتبكي و تشهق
هبة عينيها مغرغرين بدموع و بدات كترجع بخطوات لور و خرجات كتجري، تلاقات مع خلود و صخر يالاه داخلين غير شافوها بغاو الحقوها
صخر: غير خليك انا انمشي عندها
خلود:(بحزن) واخا (مشات عند شفق باش تفهم الموضوع)
….ماوقفات حتى بعدات من لكلينيك و جلسات فجردة ديالها، و مع ليل ماكان حتى شيواحد ، بقات كتبكي و تشهق قلبها كيضرها على مها، هزات تيليفونها منين تفكراتو و صونات ليه ماجاوبهاش و هي تخليلو ميساج صوتي
قطعات الميساج الصوتي و حطات يديها على فمها كتشهق ، اما هو قرب منها متأسف على حالتها ماعرف واش احط يدو على كتفها او يجلس حداها، تخربق و لكن فالأخير جلس حداها و مد ليها مشوار
صخر: ماماك قوية غادي تجاوز هادشي كنأكد ليك غادي تشافا
هبة: إهئ اهئ ولكن انا ماقادراش نستوعب انها مشللة من ديما كنشوفها قوية و واقفة على رجليها عمرني شفتها مريضة ، هي لي رباتني و هي لي كبراتني و عمرها نقصات عليا شيحاجا
صخر: حمدي الله حيت باقا اتشوفيها انا تمنيت كون كنت باقي عاقل عليها
هبة: (مسحات دموعها) باش ماتت ماماك؟
صخر: كانت مريضة و ماتت و انا فعمري 7 سنين ماشبعتش منها و من طيبة قلبها
هبة: الله ارحمها انا غير كنتخيل بلي ماما ماتت كنبغي نهبل
صخر: الله اخليها ليك و مايحرمكش منها صافي ماتبكيش غادي يكون كولشي مزيان
هبة: (كتمسح دموعها) شكرا
صخر: العفو مادرت والو
….كانت كتشوف فيهم جالسين و كيهضرو بعاد و هي مراقباهم بعينيها بغات تمشي عندهم و لكن ترددات و بقات غير كتراقبهم، اما هو كان كيراقبها ، جا من بعد ما نفذ طلب عشق الثاني و بصدفة شافها و قرب منها
ارتورو: سيري عندهم
خلود:(ضورات راسها عندو) بلاش حتى يساليو
ارتورو: غير شفتك اتاكليهم بعينيك
خلود: من حقي هاديك صاحبتي و هاداك (طلعات يدها فوجهو توريه لخاتم) خطيبي
ارتورو: (ابتاسم) الله اكمل بلخير
خلود: اميين
ارتورو: فوقاش عرسكم
خلود: مازال ماقررنا
ارتورو: حيت مامساليينش ولا حيت مامهتمينش
خلود: و شكون قالك مامهتمينش
ارتورو: ماشي عليك و إنما عليه
خلود:(ضارت لعندو كاملة ) شنو كتحاول تقول
...باقيين كيهضرو حتى جبداتلو موضوع محسن
هبة: محسن مكيجاوبنيش ياكما عندو شي مشكل
صخر: ماعندو حتى مشكل بلا ماتفكري فيه تهلاي فراسك و فماماك هي محتاجة ليك (حيد خصلة من حدا عينيها)
هبة: (طاحولها دموع) بغيت غير نقولو بلي انا محتاجة ليه فهاد لفترة يكون معايا
صخر:(زاد قرب منها و همس ليها ) تيقي بيا نتي مامحتاجاش ليه
سهات فعينيه لخوضر و نفسو كيضرب فوجهها، بلا وعي حطات يدها مور عنقو و هو زاد اندافع ليها و باسها ففمها بوسة طويلة، ف مدة هاد البوسة كان ارتورو كيشوف فيهم و ماقدرش اجاوب خلود على سؤالها رغم انها كتحرك يدها حدا وجهو منين شافتو سها، يالاه كانت اضور و تشوف فين كيشوف و هو يجبدها عندو من دراعها مزيرها و نيفو تلاقا مع نيفها و جاوبها ب غضب
ارتورو: لي بغيت نقول هو عمرك تيقي فرجال
….لحظة ضعف استسلمات ليه و هو استاغل الفرصة و نسا الالتزامات ديالو مع وحدة واعدها بزواج، كون كانت ديك القبلة كتهضر كون سمات راسها القبلة المحرمة، غاب ضميرهم فديك لحظة و شبعو من شفايف بعضياتهم، لكن فجأة استوعبات شنو كدير و دفعاتو و ناضت
صخر: كنحاول ننسى و ماقدرش و هادشي لي وقع ليوم عاطيني امل بلي حتى نتي كتبادليني نفس الشعور
هبة: لااا انا مكنبادلك والو اهئ اهئ نسى هادشي
تخطاتو و مشات راجعة باغا دخل للكلينيك عند مها و دموعها شلال كتفكر فهاد الغلط لي دارت الى مشا حتى ساق محسن لخبار يقدر يتخلا عليها و هادشي ماتقدرتش تخيلو، اما خلود بقربها من ارتورو خلاها كترجف و هي كتشوف شرارة الغضب فعينيه لي اصلا ماشي ليها و انما من لي شافت عينو بين صخر و هبة،و جبدها عندو باش ماتشوفش و تصدم ، بعدات عليه بنترة و جمعاتها معاه بتصرفيقة
خلود: مااااتعاودش تحط عليا يدك
ارتورو:(ابتاسم و شاف فيها) مانضمنش ليك (مسح تحت جبهتو) هاد تصرفيقة اتكلفك بزاف ازوينة (غمزها و خلاها تماك ذاتها كترجف، ضارت و شافت هبة )
خلود: هبة حبيبة نتي بيخير
هبة:(حركاتلها راسها ب لا ماقادراش تشوف فعينيها) ماشي بيخير
خلود: ماماك اتولي بيخير اختي ماتخافيش (عنقاتها)
هبة:(زيرات عليها و هي كتشهق و تبكي) سمحيلي اخلود إهئ اهئ
خلود:(شافت فيها) علاش كتقولي هاكا
هبة:(كتمسح دموعها) لا والو غير حيت لقيتيني بهاد الحالة
خلود: منيتك حنا صحابات و خواتات اكيد عاذراك راه هادشي ماساهلش
هبة: عندك الحق انخليك دابا خصني نبقا فجنب ماما
خلود: اه خودي راحتك
….دخلات هبة للداخل لقات عائلتها باقيين مجموعين قالولها بلي مها خرجوها من العمليات و دابا هي فغرفة عادية، طلات من السرجم الزجاجي كتشوف فيها و كتبكي ، حتى حسات بيد عنقاتها
هارون: ماما اتولي بيخير و ترجع لينا
هبة: اه ابابا هي قوية
هارون:(باسها فراسها) خصنا نكونو فجنبها
هبة: هي محتاجة ليك خصك نتا ماتفرطش فيها
هارون: عمرني ما فرطت فيها و مانديرهاش دابا
نيار:(قرب منهم) حنا غادي نمشيو
هارون: اه افضل منين تفيق اماني غادي نعلمكم
سارة: بنتي هبة يالاه معانا ترتاحي
هبة: لا ماما محتاجة ليا دابا
سارة: كيما بغيتي ابنتي
….خرجو كاملهم و رجعو للدار، حتى واحد فيهم ماقدر ينعس ديك ليلة كل واحد كيفكر فراسو، اولهم صخر لي قلبو كيتهرس ديما و عارف راسو كيغلط لكن الحب خلاه بلا عقل و مايفكرش ف احاسيس ناس اما خلود فكانت كتفكر ف نظرات ارتورو ليها، هاد الاخير لي مابغاتش تحيد ليه من بالو و غير كيتفكر تصرفيقتها كيبتاسم، اما هبة كانت كتحاول تنسى شنو وقع بينها و بين صخر و تفكر غير فمها لي سباب حالتها عشق بطلتنا الشريرة لي اعراض الحمل كيبانو عليها ،خرجات من طواليط من بعد ماستفرغات و ماعطاتش للموضوع اهمية و ظنات بلي غير لبرد لي قاسها، دخلات لفراشها و نعسات لكن حسات بفراغ منين جسور ماشي حداها بحكم انهم فلقصر دابا ، جسور الطيب لي خاف عليها و مجرد كيفكر انها ممكن تكون بلاصت اماني كيبغي يخرج ليه عقلو، تصرف من راسو و عطا اوامر بالبحث عن تايغر و يلقيو القبض عليه و يعاقبو على هادشي ،مشاعر متناقضة ابرزها هو الحزن و الخيبة و الخوف طولات فديك ليلة و شرقات شمس كتحمل بصيص امل معاها، فاق كيتكسل و حداه حبيبتو لي دوز معاها اجمل ليلة فحياتو، فاقت و كتشوف فيه مبتاسمة
نزار: (خطف بوسة من عنقها و ناض) يالاه ندوشو احبيبة
مانفال: هزني
نزار: كتفششي عليا (هزها) ماتغلاش عليك الهزة
….كانو لتحت فصالة مجموعين ف طبلة كيحاولو يفطرو لكن غير كيشوفو فالماكلة بعينيهم، نطق نيار و هرس داك الصمت
نيار: كان ممكن تكوني نتي بلاصة اماني
عشق: عندي زهر
نيار: هادشي مكيعنيش انه نجيتي منها ماتخرجيش من لقصر و انكلف لي يحضيك
جسور: ماتحتاجش هادشي قريب انشد مول هادشي كاملو
نيار: شكون؟
جسور: و شكون من غيرو تايغر
قصي: اه تايغر طبعا ايبغي ينتاقم
شيماء: بسباب مشاكلك الشخصية كتعرضينا كلنا للخطر اعشق
جسور: الوليدة ماشي وقت هاد الهضرة
نيار: بغيت هاد تايغر ليووم يكون تحت الارض يطلع او فالسما ينزل
جسور: انا لقيت الفيلا ديالو لكن خواها
نيار: غادي نلقاوه واخا يخويها
عشق: كاين شي خبار على اماني؟
سارة: باقي مافاقت
….هبط نزار هو و مانفال مبتاسمين و شادين فيدين بعضياتهم و جلسو حداهم
نزار: صباح الخير
نيار: نزار فين كنتي
نزار: فبيتي
نيار: ماجايب لدنيا خبار
نزار: شنو واقع؟
نيار: عمتك دارت كسيدة لبارح
نزار: كيفاااش؟
نيار: فيراري عشق كان مقطع ليها لفران و وقع لي وقع
نزار: (ناض ) انمشي نشوفها
سارة: مازال مافاقت غير اتفيق انمشيو كاملين
نزار:(رجع جلس و حس بيد مانفال شدات فيه) يكون خير
….دازت ايام نفس الروتين، اماني باقي مافاقت و هبة ديما عندها ، عشق و جسور مامشاوش للخدمة هاد الايام،و لا جديد يذكر سوى ان فداك صباح كان خبر مفرح ليهم، فاقت اماني بعد طول انتظار، يالاه كتستوعب فين هي حسات بألم ف صحتها ،شافت هارون و هبة حداها و نطقات بتعب
أماني: فين انا
هبة: ماماا (هزات يدها باستها) الحمد لله على سلامتك
هارون: الحمد لله نجيتي من الحادث
اماني: ماعقلت على حتى حاجا
هبة: شنو كتفكري بضبط
اماني: كنت كنسوق حتى تقلبات بيا طوموبيل
هارون : احم وقعلك حادث و ايام و نتي فغيبوبة عاد فقتي و دابا انفحصك (قرب منها دوزلها ضو على عينيها و جاب ستيلو كيحرك على يديها) كتحسي
اماني: اه
هارون: (هبط لرجليها) و دابا
اماني: لا مكنحسش (كتشوف فيه كيدوز ستيلو على رجليها) انا مكنحسش (كتحاول تحرك رجليها) شنووو واااقع لياااا مكنحسش برجليييي
هبة: ماما تهدني عفاااك غادي ترجعي تمشي ماتخافيش
اماني:(جاتها كريز و بدات كتغوت و تحاول تحرك) لاااا ميمكنش لاااا اهئ اهئ
هارون:(عطاها حقنة مهدئة سرعان ما غفات ) صعيب تتقبل وضعها جديد
هبة: واش ماغاديش ترجع تمشي على رجليها؟
هارون: خاص نديرولها الفحوصات النهائية و هوما ايكشفو حالتها
هبة: انا تايقة بلي اترجع تمشي
هارون: ان شاء الله ابنتي يالاه نخليوها ترتاح
…..خرجو و خلاوها ترتاح، ماطالتش مدة نومها حتى فاقت و هاد لمرة شافت حداها شيطانة كتبتاسم ليها بكل ثقة
عشق:(ضغطات على فكها و قربات ليها) ششش ماعندكش الحق دوي حمدي الله و شكريه عندك زهر باقا حية
اماني: غاااادي نفضحك و غااادي يعرف كولشي بحقيقتك
عشق: كيفاش اديري تفضحيني؟ بداك المحامي لي عندو تصاوري انا و جسور مع الاسف انتاقل لدار البقاء
اماني: مجرمة و ايجي نهااااار لي غااادي تعاقبي فييه
عشق: فداك نهار لي انتعاقب فيه غادي تلقايني رافعة راسي لفوق و كنضحك (بعدات منها) ديابلا مكتهددش ا اماني و نتي زعمتي و حطيتي راسك براسي و ها النتيجة كنتي باغا الفيراري ديالي و هاني قدمتلك اجمل فيراري (اشارت ليها بيديها للكرسي المتحرك) كنتمنى يعجبك
اماني: اهئ اهئ الله ياخد فيك الحق
عشق:(قربات ليها بعينين حومر و معصبة) خداه فلوقيتا لي كلكم كنتو مامسوقينش اما دابا جات نوبتكم تخلصو (رجعات بعدات منها) كان هادا عقابك على القديم و جديد و ماتخافيش راه جاية نوبتهم حتى هوما
….بقاو كيطمنو عليها كاملين و يحاولو ينسيوها شوية واخا صدمتها انها مشلولة باقا مأثرة فيها
اماني: بغيت نخرج منهنا
هارون: حالتك مكتسمحش بهادشي
اماني: مانقدرش نبقا انكمل علاجي ف دار
نيار: اه دار حسن
هارون: اوك خلي يكملو فحوصاتك و اتخرجي
اماني: فوقاش ايكملو
هارون: هاد ليلة
….خرجو العائلة من بعد ماطمنو على اماني و خلاوها ترتاح، رجعو كاملهم لدار يوجدو لإستقبالها و مايحسسوهاش انها مشلولة، كانت هبة غادية للبيرو ديالها رجعات لخدمتها باش تكون قريبة من مها و تشوف شنو اتحتاج ، دخلات للبيرو ديالها و لقات شخص جالس فالكرسي كيتسناها، كيفاش دخل و شكون هو هادو هوما التساؤلات لي طاحو فبالها ، حنحنات و جلسات فكرسيها
هبة: ممكن نعرف شكون نتا
تايغر: تايغر
هبة: شنو شنو كدير هنا؟ خرج ولا نعيط للبوليس
تايغر: جيت نهضر معاك فهادشي لي وقع لماماك و لي ماعندي حتى علاقة بيه
هبة: حقييير نتاااا سباااب لكسيدة
تايغر: قلتلك ماشي انا و انما عشق هي مولاتها و كما العادة كتستاغل سميتي باش تبرأ راسها من التهمة
هبة: عشق؟؟؟ واش كضحك عليا راه كان ممكن هي لي دير كسيدة
تايغر: هادشي باش وهماتكم و انا جيت لعندك باش نتي تكتاشفي الحقيقة (بنظرة مطولة) انا وياك غادي نتفاهمو بزااف
هبة: شنو لي ايخليني نتيق فهضرتك؟
تايغر:(عطاها كارط فيزيت ديالو) منين تكتاشفي الحقيقة و صوني ليا
ناض خرج و خلاها فحيرة و صدمة من هضرتو ، ماقدراتش تبلغ بيه حيت شيحاجا فيها لداخل كتقولها تصبر و داكشي لي دارت ، صبرات و ماحساتش بلوقت حتى داز و دخل عندها باها
هارون: بنتي خرجو تحاليل ماماك
هبة: بصح؟ شنو فيهم
هارون:(بفرح) تقدر تمشي على رجليها مرة اخرى خصها غير صبر و ترويض
هبة: ههه هادي خبار كتفرح
هارون: يالاه نعلموها غادي تفرح بزاف
….مشاو عندها و دخلو لقاو معاها الممرضة
اماني: نقدر نخرج دابا و نمشي لدار
هبة: صبري تعرفي نتائج الفحوصات ديالك
اماني: شنو فيهم؟
هارون: نتي اتقدري تعاودي تمشي على رجليك
اماني:(طاحو دموع من عينيها) مكضحكوش معايا ياك
هارون: (قرب منها و شد فيديها) كندوي معاك بصح هاد الفترة صعيبة غادي دوز و هاد الكرسي المتحرك ماغاديش يكون معاك ديما و انا انبقا نديرلك الترويض حتى ترجعي تمشي على رجليك
اماني: (بفرحة) الحمد لله
هارون: اوا دابا خصك توجدي راسك باش تمشي للقصر العائلة كولها كتسناك
اماني: اه عندك صح
هارون: بنتي هبة عاوني ماماك
هبة: واخا ابابا
….قربات من أماني و بدات كتعاونها تلبس حوايجها و تقاد راسها و قرب منها هارون هزها و حطها على الكرسي، و خرجو كاملهم من لكلينيك ركبو فطوموبيل و توجهو للقصر لي ماليه كانو فاستقبالهم بحب و الكلمات المفرحة، عجبهم لحال منين عرفو بلي اتقدر تمشي على رجليها مرة اخرى و هادي غير مسألة وقت و صافي ، خداوها لبيتها و قادو ليها سيروم و خلاو معاها ممرضة تقابلها و قبل ماتنعس جات عندها هبة بتردد و قلق بغات اجوبة لأسئلتها
….خرجات من بيت مها واخا كانت كتنادي عليها ماتسوقاتش و مشات ديريكت لبيت عشق بلا مادق زدحات لباب بعنف و دخلات
عشق:(كانت كتصبغ ظفارها و طلعات راسها ببرود) مالنا
هبة: لا مامالنا والو غييير كنتي اتقتلي مااااماااا
عشق:(ناضت عندها) مع الأسف ماماتتش
هبة: قحبااا(هزات يدها تصرفقها و هي تلويها ليها مور ظهرها)
عشق: ليد لي كتمد عليا كنهرسها و اللسان لي كيهددني كنقطعو و بنادم فاش كيتحداني كنقتلو و نتي مك تحداتني و جزائها كان الموت ولكن زهرها وقف معاها
هبة:(كتوجع) انقولها لكووولشي
عشق: سبحان الله بحالك بحال مك كتعرفو غير تهددو لكن انا اهبة كنطبق و هاد لهضرة الى خرجات من فمك ودعي ماماك حيت اندفنها و هي حية (نتراتها) يالاه قودي عليا
هبة: ماغاااااديييش تبقااا فيك
عشق: اوك اوك
….خرجات هبة من عندها و عينيها عامرين بدموع مشات لعند مها و دغيا مسحاتهم و قربات منها
اماني: هبة ابنتي ماناقصنا صداع صافي نساي
هبة: واش كتخافي منهاا؟
اماني: لا ابنتي هادشي كاملو كنديرو على وديت مصلاحتك
هبة: صافي نتي ماتفكريش فهادشي نعسي و رتاحي (باستها فراسها و خرجات مشات لبيتها جلسات فوق النموسية و جبدات ديك كارط فيزيت و صونات ليه) الو
تايغر: فرحان حيت كتاشفتي الحقيقة
هبة: كان عندك الحق هي سباب و انا بغيت نتاقم
تايغر: غادي تاخدي انتقامك طبعا الى عاونتيني
هبة: شنو ندير؟
تايغر: اي حاجا كتخص عشق خصك توصليهالي
هبة: واخا (قطع عليها و هي تنهدات و تخشات فبلاصتها تنعس)
فاقت من نعاس خاطرها مروعة و مامرتاحاش، ناضت بثقالة صحتها كضرها، دخلات دوشات و خرجات لبسات حوايجها و هبطات تفطر، كانت مجموعة العائلة كما العادة و مكيفطرو حتى كيتجمع كولشي، تقابلات مع جسور فالطبلة و بدأت كتاكل
هبة: المهم الهرمونات طالعين ليك و يقدر يكون حمل الى نعستي مع شيواحد فهاد الفترة
عشق: (قادات حالتها) فهاد الحالة لكورطاج كاين كاين
خرجات و خلاتها تماك متبعة ليها لعين و باقا فيها رجفة هزات تيليفونها و صونات لواحد الرقم
هبة: عشق حاملة...
قطع الخط بلا مايهضر حيت الخبر نزل عليه بحال الصاعقة و ماتوقعش عشق تحمل كان كيظن بلي اترجع لعندو و ياخدها معاه و تكون ليه بوحدو لكن توقعاتو فشلات و حملها جا مفاجئ و ماداروش فلحساب، و رغم هكك مازال مصر عليها ، صافط ميساج لميس كيآمرها تحرك بسرعة و تنفذ الخطة او مصيرها و مصير واليديها ايكون الموت، فجهة أخرى كان جسور فالمركز و بضبط فلبيرو ديالو جالس، لاحظ بلي عشق تعطلات و صونا عليها يطمن عليها
جسور: (تنهد و تفكر بلي خصو يمشي عند عشق) اوك اناخد الملفات و ندوز للدار (ناض و خرج و تبعاتو لميس ركبو فطوموبيلتو و مشاو ف اتجاه دارها)
لميس: بغيت نشكرك على لفلوس لي صيفطتيلي على قبل علاج بابا
جسور: عادي مرحبا فاي وقت
لميس: قليل ناس لي بحالك كنشكر الله لي لقاني بيك (حطات يدها على يدو )
جسور:(ابتاسم ليها) شكرا
….وصلو لدارها و كان تايغر كيتسنا هاد اللحظة بفارغ الصبر و صونا على عشق ابيل فيديو من رقم مجهول يوريها جسور مع لميس، كانت فلفيلا ديالهم متكية كترتاح و حلات الكاميرا و بقات كتشوف بلا ماترمش ، ناضت تقادات فالجلسة
لميس: الملفات تقال عليا يالاه دخل معايا
جسور: واخا
خرج من طوموبيل و دخل معاها للدار و هنا عشق طفات الابيل و ضربات تيليفونها مع الحيط حتى تشخشخ و اعصابها كيغلييو، دخل معاها و هي قربات منو
لميس: (بمياعة) شنو نصايب ليك قهوة ولا اتاي
جسور: خليها مرة اخرى
لميس: اوك صبر انا شوية و نجي
….مشات لبيتها حيدات حوايجها و لبسات بينوار حريري فالابيض فقط و خرجات عندو كتشوف فيه و كتبتاسم اما هو طلعها و هبطها بداك المنظر و ماجا فين يهضر حتى حيدات بينوارها و تعرات قدامو، بقا كيشوف ف لحمها بيض و صدرها كبير و ليهونش و طايتها ماينكرش زوييينة و كتفتن
قرب منها….
منين ضربات تيليفونها مع الحيط و هرساتو و هي غادة جاية فبلاصتها كتحس بغضب كبير لدرجة انها رجعات حمرة و كترجف، النفس بدرع باش كتقدر طلعها،الشمتا ديالو لاسقة ليها فقلبها بحال جمر، خصها ترد دقتها ماخصهاش تفوتهالو ، هادشي لي كانت كتقول مع راسها باش تبرد، مشات كتجري عند تيليفونها هزاتو مالقات فيه مايتجمع و رماتو فالارض ، دخلات لبيتها و هزات سلاحها و خرجات من الفيلا و باقا تالفة، شافت واحد راجل دايز ووقفاتو
عشق: عطييييني تيييلييفونك (سيد غير شاف سلاح خرجلها تيليفونو و عطاهلها، شداتو دغيا و تاصلات بارتورو لي سرعان ماجاوب)
عشق: اجييي عنديييي ولد لقحبة غدرني كان عندك صح راه خاني
ارتورو: صااافي صافي انا جاي عندك ماتهوريش
عشق: الفيلا كاينة ف ****
عطاتو العنوان و قطعات و ردات تيليفون لمولاه، رجعات للفيلا بخطوات بطيئة و كتشوف فسلاح، بقا فيها لحال و حسات بلحزن كانت كتقول جسور ماشي بحال سمير و ليوم هادشي لي شافتو عينيها عطاها ضربة قاسحة، أما هو كان قريب لميس دقائق و هو كيشوف ف جسمها مبتاسم ابتسامة خفيفة، دفن وجهو فشعرها و بقا كيشم ف ريحتها و هي ستحلاتها، دوز صبعان يديه بجوج على عنقها و نازل لكتافها و دراعها و تحنى و هو باقي كيدوز صبعانو حتى هبط لرجليها و هز البينوار و طلع لبسو ليها، حلات عينيها بصدمة و يالاه اتنطق دهشرها بهمساتو فأذنها..
جسور: رجولتي اكبر من انني نقيسك او نوسخ جسمي مع جسمك الرخيص، عارف بلي تايغر لي صيفطك و عارف بلي كيهددك و رغم ذلك حاولت نعطيك مهلة تجي و تعتارفي و عطيتك فلوس على قبل باك لي مريض و لي فالاصل مامريضش غير باش تحرك الانسانية فقلبك و تراجعي على خططك ، انا كنتيق فعشق و كنعرفها ماكتقول لحاجا حتى كتكون متأكدة منها، و غير باش مانظلمكش تبعتك ف هواك حتى لهنا و ها النتيجة (بعد منها كيشوف الصدمة فعينيها)
لميس:(كتفتف) أم.. انا
جسور: ديابلا مابحالها حد و انا غرقت ف حب جحيمها...انا كنبغيها
...ضرب ضورة و خرج خلاها واقفة جامدة فبلاصتها و معنقة بينوار، هضرتو و ردة فعلو طيحاتلها دموع حيت كون كان شيواحد اخر بلاصتو ماكانش ايزكلها لكن هي كانت مجبورة و دارت خدمة ماكادارش، ابتاسمات فعز دموعها و تيقنات بلي باقيين ولاد ناس مكتجرفهمش مياه الشهوة و انما كيبغيو بقلبهم، و قالت مع بالها ان عشق محظوظة بجسور، هاد الاخير لي كان وصل للفيلا من بعد مسافة طريق و دخل لقاها بوحدها ف جالسة و كضور سلاح فيدها و حالتها مكتبشرش بلخير
عشق:(طلعات عينيها فيه بشوية و نطقات بصوت خافت) مرحبا اسي جسور كيدازت الكوية مزيان؟
جسور:(طلع حاجبو فيها) وات؟
عشق: (ناضت و وجهات ليه سلاح) شهد على روحك
جسور: كيشوف فعينيها و ف سلاح) اش كتخربقي
عشق: انا كنخربق؟ ههههه اه كنخربق و عينيا كيكدبو (سكتات شوية و نطقات) انا شفتك معاها فدار
جسور: ماااتهوريش و سمعيني
عشق: ماااااابقيييييت بااااغا نسمعك داااااباااا نتاااا لي غاااادي تسمع ندمت على نهاااار لي تلاقيت فيه بييييك، كلكم بحال بحاااال كلكم تابعيييين مصلاحتكم
جسور: سكتييييي و سمعي ابنت ناس شنو وقع
عشق: لي وقع هو شفتك داااااخل معاااها كان خصني نحس و لكن تقتي للمرة الثانية عماااتني (كتحرك راسها ب لا) اناااا مااااشي اي بنت اجسووور اناااا دياااابلا لي كتكمي رجال و كتبدلهم واحد بوااااحد
جسور: (بعد منها حاط خطوات مكسور) كتسالي علاقتنا؟ (رجع شدها) نتي معصبة غير تهدني و انشرحلك كولشي
عشق: (كضربو فصدرو) ماااااعندك ماااااتشرح انا فهمت كولشي ، بعد مني و نسا واااش عرفتيني
جسور: (حرك راسو ب اه) كظلميني
عشق: كنظلم راسي معااااك (طيحات سلاح من يديها)
جسور:(عطاها بظهر باغي يخرج حتى سمع شيحاجا تزدحات و ضار شافها فالأرض سخفانة، تحنى عندها هزها مخلوع قلبو ايخرج ) عشق عشق (كيطبطب على وجهها) عشق جاوبيني عفاك فيقي احبيبتي والله ماخنتك كنقسم ليك بالله حتى كنبغيييييك مستحيل نديرها
مع كان ايهزها و هو يضرب ارتورو لباب زدحو و شاف فعشق سخفانة و جسور شادها و مشا عندهم
ارتورو: شنووو درتييلها
جسور:(هزها و حطها فوق لفوتوي) تناقشنا و سخفات
ارتورو: انعيط لطبيب
عشق:(شدات فيد ارتورو و بصوت عيان و باقا مدوخة) ارتورو
ارتورو: انااا هناا شنو واقع لييك
عشق: بغيت نرتاح
ارتورو: انعيط لطبيب دغيا
عشق: لا (شافت ف جسور) مابغيتش نشوفو قدامي
جسور:(شد فيدها) عشق سمعيني
عشق: (خطفات يدها من يدو) خرج
ارتورو: قالتلك خرج هي خرج ماتزيدش عليها
جسور: واخا اعشق انا انخرج و لكن مازال ماسالينا
….خرج من عندها و هي غمضات عينيها كترتاح من بعد ما منعات ارتورو يجيب طبيب، لي فيها كافيها ماتحتاجش صداع اخر، بقا معاها ارتورو فلفيلا باش حتى إلى خصاتها شيحاجا يجيبهالها، اما جسور فطوموبيل كيضرب لفولون و كيلعن حظو، مسافة ديال طريق وصل لعند صخر للفيلا و دخل جاااعر
صخر: جسور! ياك لباس
جسور: قودتهاااا عشق شافتني مع لميس فدار
صخر: كيييفاااش؟؟ واش منيتك خنتيها
جسور: ماخنتهاااااش و عمرني فكرت نخونها، انا كنت عارف بلي لميس صافطها تايغر باش تفرقنا و بانلي بدا كينجح
صخر: و عشق شنو دارت؟
جسور: قالتلي سالينا، نهات علاقتنا بسهولة
صخر: صافي تفارقتو؟
جسور: لا لا ماتفارقتش معاها و عمرني نفكر نتفارق واخا تقول لي قالت مانبعدش منها
صخر: دابا هي فاهمة غلط و معصبة عليك و نتا لابد خصك تحاول تراضيها
جسور:(جلس كيمسح على راسو) كنبغيها اصخر مانقدرش نتفرق عليها ، هي ماعارفانيش قداش كنبغيها
صخر: حتى هي كتبغيك
جسور: لا مكتبغينيش هي كتكرهني
صخر: منقدرش نضمنهالك ولكن الى كنتي كتبغيها بينها ليها فأفعالك
جسور:(ناض) اه كنبغيها و الحب خصو يتختم بزواج
صخر: صبر واش متأكد باغي تزوجها
جسور: متأكد كثر من أي وقت آخر (ضربلو على كتفو) تهلا
….خرج و هو فرحان دار اتصال لمحل مجوهرات ووصى على الخاتم يكون فريد من نوعو و توجه للقصر باش غدا يصلح كاع الامور لي خصها تصلح و يحسم هاد الامر و يبين ليها بلي كيبغيها….
صبح صباح جديد و ياريتو ماصبحش، صباح ايتقلبو فيه الموازين، الفرحة اتقلب لحزن، و الانتظار ايتوج بلقاء و الشوق أيسالي ب جواب، صونا لباب فلفيلا ديالها و تكرر شحال من مرة، نزلات من ناموسيتها من بعد مالبسات بينوار و بقات كتجر رجليها حتى وصلات لباب و فتحاتو و شافتو قدامو بطولتو و وسامتو و هيبتو كيبتاسم ليها و عينيه فيهم الف حكاية، بغات تسد الباب و شدو بيديه و دخل كيشوف فعينيها الكره و الحزن و الغضب و نطق بصوت رجولي
تايغر: و كثر ماكتصوري (قرب منها كثر) اول بنت تعجبني و نبغيها هي نتي
عشق: (حطات يديها على كتافو) علاش ماخطفتينيش مرة اخرى؟
تايغر: بغيتك تجي بخاطرك
عشق: ياريت كون ماحتارمتيش خاطري
تايغر: باقي الوقت يالاه نمشيو
عشق:(حركاتلو راسها بلا و حطات يدها مور عنقو و جبداتو عندها) لي ايوقع هنا ايبقا هنا (باسو ففمو و هو لقاها من الجنة والناس و زاد غمس شفايفو فشفايفها و كيدفعها لبيت نعاس بخطواتو)
كان فرحان و خارج من لقصر قلبو كيضرب، صافي ليوم ايعتارف ليها و يتوجها ملكة قلبو و حياتو، ركب فطوموبيلتو و توجه لمحل مجوهرات ،كيشوف فداك لخاتم كيف منقوش و حجيراتو كبار و متيولين من الالماس الحر وصى عليه باش يكون اول خاتم من هاد النوعية حيت بالنسبة ليه لي غادي تلبسو تستاهل الافضل دائما، قلبو كيزدح و الابتسامة مافارقاتوش منين دخل للمحل، عطا اشارة باش يجمعوليه لخاتم و خلصهم و خرج فيديه لبواط لي كان لونها حمر و ركب فطوموبيلتو و نطالق للفيلا، طول الطريق كيفكر ف ردة فعل عشق منين يطلب منها زواج، و كيتمنى ماتبقاش مقلقة منو و هاد سوء الفهم يتصلح، حيت هو كيبغيها هي و مستحيل يفكر يخونها او تجي بنت لمرا بلاصتها، وصل للفيلا و حل لباب و بقا كيقلب عليها بعينيه باغي يفاجأها بقاتلو بيت نعاس هي لي ماقلبش فيها و كلما كيقرب منها كيسمع تنهيدات و كلام خفيف و مبهم مافهموش، خطواتو فقط لي مسموعين وحدة مور وحدة، وصل لباب لي كان مردود و كاع مامسدود و شاف من الشق دلباب المنظر لي صعقو، حل لباب بيديه و نطق ب صوت مخنوق و اللون تخطف من وجهو
جسور: عشق !
...عينيه للحظة تغرغرو بدموع كيفاش طاوعها قلبها دير فيه هاكا، طاح من يدو بواط ديال لخاتم و عطاها بظهر و خرج بلارجعة بلا مايحاسبها ، بلا مايغوت و لا يضربها، الضربة لي ضرباتو هي كافية تخليه ماينتابهش شكون هاداك لي كان معاها ، سواء كان تايغر او غيرو، الخيانة وحدة، اما هي خرجات من بيتها منبعد ما سمعاتو خرج ، و عرفات بلي شاف كولشي ، حنات راسها و لمحات لبواط دلخاتم طايح، هزاتو و حلاتو و شافت الخاتم و ماتحرك فيها والو، خرج تايغر من لبيت معصب و كيتحكم فراسو و همسلها فوذنها
امرأة تدخن الرجال الجزء 11
محتوى القصة
التنقل بين الأجزاء