طاحت دمعة من طرف عينيها سرعان مامسحاتها بصباعها و زيرات على قبضة يدها كتحاول تنسى هاد الذكريات لي كانو اسوء مادوزات فحياتها، و بداية جديدة لشخصية قوية ولات عندها، ابتاسمات للمقدمة لي شافت فوجهها علامة صدمة و ماعرفاتش منين تبدا، فقط ساكتا و كتسنى شفق تهضر
شفق: العين بالأعين و السن بالسن و البادي اظلم
المقدمة: لكن ماخانهاااش!!
شفق: و شنو الدليل؟ هاكا هي كترد الاساءة بالاساءة واخا تكون كتبغي شيواحد حد الجنون
المقدمة: ديزولي مي هي مكتبغيش جسور
شفق: و عمرها بغاتو
المقدمة: و هاكا تفارقو للأبد
شفق: فراقهم ماكان إلا بداية كشف الحقائق تيقي بيا كون ماتفارقوش ماكانت اتكشف حتى حاجا
المقدمة : بحالاش؟
شفق: بحال حبي لجسور و مرض هبة و خيانة صخر لخلود و هوس ارتورو و طيش مانفال و عقلانية الأباء (بصوت حاد) و بيدوفيلية محسن
المقدمة: محسن اغتاصب عشق و هي فعمر 14 عام ولكن شنو علاقة عنوان جنازة حفل الزفاف بهاد الفصل
شفق: كانو عندنا ربعة د لعراسات (مشات بتفكيرها) حتى واحد ماتخيل مصيرهم كيفاش ايكون لكن داز بطريقة ماتيقها حتى واحد
المقدمة: هادشي كاملو بسبب خيانة ديابلا لجسور؟
شفق: لا ...بسبب جسور
المقدمة: كيفاش؟
شفق: (ابتاسمات و تنهدات و جاوباتها) ماذا لو عدنا عشر دقائق للخلف؟ عشر دقائق قبل ان تصطدم بك الشيطانة في ذلك الرصيف و تعتذر من سيادتك أنها لم تتعمد في حين أن خطتها درست طوال فترة إبتسامك، كانت تخطط لحيازتك ، عشر دقائق قبل أن تخونك هي معه ، عشر دقائق قبل أن يتلامس الجسد بالجسد ، عشر دقائق قبل أن تجدهما في الفراش معا ، عشر دقائق قبل ان تتناول كل تلك السموم ، لو عدت عشرا فقط ما كنت لتموت ….
مرحبا بكم في الفصل الثالث :
جنازة حفل الزفاف 🖤
متكية على ظهرها فوق النموسية و كتشوف فالسقف كترجع الذكريات لي دوزات معاه من نهار حط رجليه فروسيا، الذكرى الخايبة و زوينة دازت فرمشة عين و بقا احساس الندم بوحدو مسيطر عليها، دازت 30 يوم و 12 ساعة و 10 دقايق كانت كتحسب بساعة و دقيقة و ثانية من نهار خرج جسور و بقات هي بوحدها فالفيلا شهر ماشافتوش و حتى واحد ماعندو خبار عليه ، ماتجرآتش تسول عليه من بعد ما كتاشفات تسرعها و لعنات حظها و عضبها لي كيخرج عليها و كيخليها تتصرف بلا وعي، سمعات باب بيتها تحل و خطوات متاجهين ناحيتها و نطقات
عشق: دفنتوها؟
ارتورو: وي و تايغر هو لي قتلها
عشق: باينة اصلا هو لي صافطها
ارتورو: لكن قتلها حيت عتارفات ليك بالحقيقة
عشق: الحقيقة لي كتقلقني كلما كنتفكرها
ارتورو: عندك الحق فاش قلتيلي جسور ماشي بحال رجال
عشق: (تكعدات) عمرو مافكر يخوني
ارتورو: و نتي درتيها
عشق: (مشات قبالت لكوافوز ديالها و هزات بواط فيها الخاتم لي طيح جسور و نطقات باغا تبدل الموضوع ) ماكايناش شي خبار عليه ؟
ارتورو: كون دخل لروسيا كون علمتك
عشق: اوك
ارتورو:(قرب منها و حط يدو على كتافها) ليوم عيد ميلادك خصك تجي للقصر
عشق: مافياش
ارتورو: عيقتي شهر ماشفتيهم و جسور غايب دابا غادي يحسو بشيحاجا
عشق: مكيهمنيش ا ارتورو
ارتورو: شوفي نساي عليك هادشي عادي كيوقع
عشق: ماولفتش نظلم شيواحد و كيبقا فيا لحال فاش كنظلم
ارتورو: هوما ديما كيظلموك خليهم يجربو
عشق: (حركاتلو راسو بلا) انا كنحقق العدالة و مكنظلمش
تخطاتو مشات لدوش دوشات و هي مسخسخة و كتفكر شنو لي جاي فطريق ، لوات عليها فوطة و خرجات لقات ارتورو خرج من لفيلا نشفات راسها و لقات شوية ديال دم فالفوطة، قالت مع بالها بلي ليغيكل و لبسات فوطة صحية و لبسات كسوة لاسقة فلكحل، صايبات شعرها مع ميكياج تقيل و يالاه اتخرج جاها اتصال بدل ملامحها لغضب
تايغر: بغيت نشوفك
عشق:(كتقاد سلاح) فين
تايغر: ف الساحة ديال*****
عشق: اوك
خرجات من لفيلا ركبات فطوموبيلتها و توجهات للموقع لي عطاها، مسافة طريق وصلات عندو للساحة كان واقف قدام طوموبيلتو و كيكمي و لفيدورات دياولو بعاد عليه شوية، خرجات من طوموبيلتها بثقالة و توجهات عندو حتى تقابلات معاه
عشق: شنو بغيتي؟
تايغر: بغيتك
عشق: (ضارت بغات تمشي و شدها من يدها جبدها عندو) طلق مني
تايغر: ماطالقش سمعيني
عشق: نسمعك؟؟؟ بغيتي نسمعك؟ (نترات يدها و بدات كضربو لصدرو) شكون مشا صيفط لميس لعند جسور باش تفرق بيناتنا هااا؟
تايغر: (شاف ليكارد ديالو جبدو سلاح و خنزر فيهم اهبطو سلاحهم و شدلها يديها) ماشي انا لي قلتلك نتاقمي من جسور و نعسي معايا
عشق: برافو لعبتيها مزياااان
تايغر: انا ماحاسبتكش على اللعبة لي درتي وهمتيني بلي باغاني و نتي كنتي غير كتفلااااي، باقي رفضك ليا فداك نهار كيحفر هناا (كيشير لصدرو)
عشق: ماقدرش نعس معاك وااااش بزز
تايغر: ماشي هنا المشكل ، المشكل هو درتيني طريق باش تعصبي داك ز"""" (فتح يدو) فيناهوا دابا هاهوا مشا
عشق: غادي يرجع و غادي نقوليه كولشي
تايغر: و غادي يتيقك؟ مكنظنش
عشق: بعد غير نتا من حياتي و انكون معاه بيخير
تايغر:(عطاها ظرف فيديها) شوفيه
عشق:(حلات ظرف كتشوف تصاورها فاش كانت مع تايغر فاش خطفها و غير اللقطات الحميمية) اش هادا؟
تايغر: هاد تصاور غادي يوصلو للصحافة و نتي عارفة الى وصلو و كتاشفو ناس علاقتك بيا اتولي خائنة فنظر الدولة و فنظر عائلتك
عشق: واش منيتك؟ واش كتشوفني دابا انا كنهتم بنظرة المجتمع و عائلتي
تايغر: ماخليتيلي حتى حل اخر
عشق: لحاجا الى ماكانتش بخاطري راه عمرها تكون بزز مني (رماتلو الظرف على وجهو و بعدات منو ببعض خطوات )
تايغر:(وقفها بهضرتو) عيد ميلاد سعيد ديابلا و هاد ليلة انزوركم فلقصر
عشق:(ضارت عندو بثقالة) باغي تخرج منو ميت بحال بيتر؟
تايغر: انغامر
عشق: اوك حظ سعيد
...توجهات لطوموبيلتها و نطالقات و شدات فيدها تيليفونها مبتاسمة، كانت كتسجل هضرتها مع تايغر باش فاش ارجع جسور تعطيه يسمع و يعرف بلي ماخانتوش...
كانت فالبيرو ديالها كتفكر فحياتها و زواجها طول فترة جلوسها، حاولات تتناسا لكن كل ما كتسهى كتلقا راسها كتفكر فصخر، كتنفض افكارها و تبت راسها بلي قريبة اتزوج بمحسن هاد الاخير لي هملها فهاد الفترة و الحجج ديالو كانت انه برا لبلاد و عندو الخدمة، خرجات من سهوتها من بعد ما رن الهاتف و جاوبات بثقالة
خلود: هبتي نخرجو ليوم
هبة: والله ماعرفت عندي الخدمة
خلود: الخدمة مكتساليش خلينا نخرجو شوية
هبة: ليوم كاين عيد ميلاد شفق
خلود: عشق و شفق واهادي هي المناسبة نخرجو و ناخدو كادو ليهم
هبة: اوك
خلود: اجي عندي للمركز
هبة: لا بلييز غير ديري شي بلاصة نتلاقاو فيها
خلود: واعفاك انا نسالي غير تشريح و نخرجو غير اجي عندي
هبة: واصافي غير سالي تشريحك و نخرجو ديك ساعة
خلود: لا انتسناك تجي عندي يالاه باي (قطعات)
هبة: صبري خلود(تقطع الخط و حطات تيليفون) اووف قطعات دابا كيفاش اندير نمشي لتماك (كتفكر ف لقاءها مع صخر منبعد ديك لبوسة)
نفضات هاد الافكار و ناضت هزات صاكها و خرجات متاجهة للمركز بطوموبيل غير وصلات دخلات مترددة وكتشوف فجنابها ياكما تلاقاه لكن ماشافتوش تماك و زادت دخلات للقسم الجنائي ديال خلود لقاتها واخدة عينات للمختبر
هبة: هاااني جيت(سلمات عليها بلابيز)
خلود: هانتي تسنايني غير شوية ناخد هادو للمختبر و نجي
هبة: اوا ماتعطليش
خلود: ماتخافيش
...مشات خلود و بقات هبة بلاصتها، ملات و بغات تخرج و تسناها فطوموبيل حسن، دازت من كولوار اخر و قرات فواحد لبيرو النقيب صخر يزيد، شافت من شق الباب بلي لبيرو خاوي و دفعاتو شوية بيديها تفتح و بقات كضور عينيها فديكور، زادت خطوات بلا ماتفكر جوج مرات و ماوقفات حتى وصلات لوسط الغرفة، تهز قلبها فاش سمعات لباب تسد بشوية و دغيا ضارت كتشوف فيه بارتباك و الاحراج سيطر عليها، اما هو كان كيشوف فجمالها و لباسها لمزير و المغري على طايتها و شعرها الاسود طويل حتى لفخاضها و لبيوضية منها كتشعل، حنحنات
هبة: باغدون (دازت من حداه بسرعة باغا تخرج و شدها من دراعها رجعها لعندو)
صخر:(بشوفات كذوب) بغيتيني؟
هبة: لا لا غير دخلت بالغلط ديزولي (فلتات يدها و وصلات للباب بغات تفتحو و مابغاش )
صخر:(قرب من وراها حتى صدرو تلاسق مع ظهرها و زيرها على لباب و همس ليها فوذنها) شهر ماشفتك توحشتك
صخر:(حط جوج صبعانو على فوق بز""ول""تها ليسرية لي كان نصها باين) علاش قلبك كيضرب
هبة: (كتشوف ف صباعو و كتبلع ريقها) خلود كتسنااااني
سكتها بقب""لة ففمها و حاوط خصرها كيعبر على اشتياقو و شغفو فيها اما هي حتى كتبغي تحبسو و مكتقدرش لكن قوات راسها و دفعاتو و شافت فيه بعينين مدمعين
هبة: انا خطيبة باباك و خلود صاحبتي منقدرش نزيد نغلط و ندير هاد لفعايل
صخر:(جبدها) كتهميني نتي و من غيرك لا
يالاه كانت اتجاوب و تحل الباب عليهم
شافت فيهم بكل برود مباعدين شوية على بعضياتهم و كيشوفو فيها بصدمة و كيصطانعو الابتسامة ، بادلاتهم الابتسامة و نطقات ببلادة
خلود: نتي هناااا
هبة: اه جيت نسول صخر على محسن حيت هاد الايام غبر
خلود: و ناري محسن ديما عندك غابر
هبة: هادشي لي عطا الله
خلود: (قربات من صخر شدات فيدو) جيت لعندك باش نقولك انخرج مع هبة
صخر: اه خرجي خودي راحتك
خلود: نشوفك فلعشية بب
هبة: (شافت فصخر لي دغيا بادلها شوفة و حنات راسها) انتسناك فطوموبيل
خلود: فين اتسنايني هاني جاية معاك
صخر: منين تسالي و دوزي للقصر نيشان اتلقايني تماك
خلود: اه على حساب الانيفيغسيغ
صخر: اه
خلود اوك نتلاقاو تماك
خرجات و لحقات هبة اما فلقصر كان كل واحد فقنت شيماء مع سارة و اماني لي ولات كتمشى على لعكازات و تهنات من الكرسي المتحرك، جالسين كيهضرو و كيصبرو فشيماء
شيماء: هاد لولد عندي غبر اسارة خفت عليه
سارة: ماتخافيش راه حتى عشق غبرات ايكونو غير فشي مهمة
شيماء: لا قصي مافخبارو والو و حتى صخر سولتو
أماني: اوا صافي ايكون مشاو لشي بلاصة بجوج
سارة: لا انا سولت ارتورو قالي عشق فدارها
اماني: و مالها حاجبة ماشفناهاش شهر
شيماء: طلبي السلامة دابا تجي و تجلس هنا
سارة:(ماعجبهاش لحال) راه بنتي علامن كتهضرو
شيماء: اوا راك عارفاها
سارة : اصلا ليوم عيد ميلادها و غادي تجي
….فبيتهم كانو كينهجو بجوج عاد كيف سالاو ماتش و نعسو حدا بعضياتهم كيستراحو، تقلب فوقها و بدا كيب""وس عنقها بحنية
نزار: اش هاد لحلاوة عندي
مانفال: كنبغيك
نزار: انا كثر الحب
مانفال: هههه صافي باراكا كتهرني
نزار: مكنشبعش منك
مانفال:(كتلعب فصدرو) نزار
نزار:(كيشوف فيها) وي
مانفال: تخيل يكون عندنا ولدنا ولا بنتنا
نزار:(دق قلبو و ابتاسم) افضل حاجا فلعالم ولكن ماشي دابا
مانفال: علاااه؟
نزار: نتي بقا صغيرة على لولاد مانغامرش بيك
مانفال: و فوقاش انولد؟
نزار: فاش تكبري البرهوشة ديالي
...بقاو كيهضرو و يتبادلو القب"""ل و المغازلات شوية هزها و دخلو بجوج للدوش، وصلات طوموبيل نوع هامر وقفات قدام لقصر ، زرب شيفور حل لباب و هبط جسور بلباسو الرسمي ، داخل للقصر على غير المعتاد، خطوات بطيئة، عينين باهتين ملامح باردة ، كيصطانع القوة و القسوة رغم أن لي فداخلو قلب مجروح ، غادي داخل و عينيه مشتتين فالأرجاء، كيشوف الحركة مروجة فلقصر بين الخدم كيقادو ديكور، ماعطاش للأمر اهمية و طلع لبيتو ، فطريقو لبيت لمحاتو شيماء و عيطاتلو لكن مابغاش اوقف حتى وصل لبيتو ، حلات عليه لباب
شيماء: علاه نتا باغي تغبر تاني؟ لا لا هادشي مامتافقينش عليه خصك تستاقر و تكون عندك مرا وولاد تفكر فيهم قبل ماتمشي شوف نزار صغير عليك و تزوج
جسور:(تنهد) ديري لي عجبك شوفي شيوحدة نتزوجها
شيماء:(طرطقات عينيها فيه بصدمة ماتوقعاتش هاد الجواب) واش كتهضر بصح؟؟؟
جسور: اه (باس يدها) نتي اتعرفي حسن مني و مابقيتش انعارضك
شيماء: فرحتييييني هه هي ليوم و من دابا شوية انطلبو يد شفق ليك
باس راسها و ناض دخل للدوش بلا مايهضر ، هارب من تفكيرو و ضميرو و ذكرياتو لي كترجعو خطوات لور، حط راسو لور على لباب و غمض عينيه كينهج، ليالي و ايام كلما كيبغي ينعس و لا تغمض عينو كيتفكر منظر عشق و هي كتبادل قب"""لاتها مع تايغر، قلبو كيتحفر، حل عينيه بسرعة باغي ينسى كيف العادة و قرارو انه يخلي مو تختار ليه لقاه انسب حل لهاد المشاكيل كاملها، اما شيماء مشات لبيتها بسرعة غادي طير بالفرحة لقات قصي لبس حوايجو و ضار عندها
قصي: مازال ماوجدتي راه الحفلة اتبدا دابا
شيماء: الحفلة لكبيرة هي لي فقلبي دابا و سبابها جسور هههه
قصي: جسور واش جا؟
شيماء: اه جا و قالي بغا نخطبولو شفق ههه
قصي: كيفاش بغاك تخطبيلو شفق واش بهاد السرعة؟ شنو طرا كان رافض فكرة زواج
شيماء: دار عقلو و بغا يكمل دينو و حنا ماعلينا غير ندعيو معاه بالتيسير
قصي: (ابتاسم) غادي نتناسب مع صاحبي هادي فرحة كبيرة
شيماء: ههه حتى انا و سارة منين كنا صغار كنقولو بلي انزوجو ولادنا و هاهي اتحقق ههه
قصي: ههه ان شاء الله يالاه وجدي راسك باش نهبطو
….داز الوقت كولشي تقاد و العائلة تجمعات لتحت الطبلة عمرات بجميع انواع الحلويات و لكيكة لكبيرة تحطات فالوسط، كان حفل بسيط بين العائلة و عرضو عائلة يزيد فقط ، جلسو ف صالة كيتسناو عشق تجي حيت بلا بيها مايمكنش ابداو حفل الميلاد
سارة: تعطلات بزاف
نيار: ماتخافيش دابا تجي
شفق: (كانت لابسة كسيوة بيضة سامبل و طويلة و طلعات شعرها البني لفوق على شكل كعكة و كتهضر مع لبنات و تضحك) ميغسي عذبتو راسكم
خلود: لا ماكاين عذاب تستااااهلي
...هبط جسور من بيتو موجد راسو غير شافوه، بدا الترحاب بيه و كيسولوه فين غبر اولهم صخر لي كان مشوش عليه
صخر: جسور اصاحبي فين غبرتي
جسور: عارف خليت ليك لخدمة فوق ظهرك ولكن عذرني
صخر: ماشي غير نتا حتى عشق غبرات
جسور: ماكانتش كتجي؟
صخر: منين غبرتي غبرات كان كيحسابلي معاك
أماني: تبارك الله عليك اولدي صخر هاكا نبغيك حاضي خدمتك و كتبغيها
صخر:(ابتاسم ليها) شكرا خالتي
اماني:(شافت ف محسن) ماشي بحال شيوحدين
محسن: بطبيعة الحال صخر خرج كيشبه لباه
اماني: مكنظنش (ابتاسمات و عاودات شافت ف صخر) انا غادي نوجد لوراق باش نعطيك بلاصتي
صخر: وات؟
اماني: هانتا كيما كتشوف حالتي مانقدرش نرجع للخدمة
صخر: خليك حتى تبراي و رجعي
اماني: لا اولدي انا صافي عييت و بلاصتي تستاهلها نتا
صخر:(ابتاسم) شكرا هادا شرف ليا
جسور: مبروك
صخر: شكراا
شيماء: ماحدكم مجموعين هنا كلكم فغادي نهضر حيت مانقدرش نسكت كثر من هاكا
نيار:(ابتاسم بفرح) الله اودي مانلقاوش حسن منكم و حسن من جسور ماكاينش
صخر: (نطق بصوت خافت و ضار عند جسور ) لا ميمكنش
شفق قلبها كيضرب فالتسعين و عقلها ايطير صدمتها صدمة، لبنات كيعنقو فيها خاصة هبة و مانفال لي عارفينها كتبغي جسور و هي حنيكاتها حمارو و دموع الفرح تجمعو ليها فعينيها ، كتسمع كلمة مبروك و كولشي كيتسالم، لكن قبل مايوافقو موافقة نهائية، ناض نيار عند جسور ووقف قدامو
نيار: هاد القرار نتا راضي بيه و منك جا؟
جسور: (بتبات) كون ماكنتش راضي بيه ماغاديش نخلي واليديا يهضرو
نيار:(حط يدو على كتفو) مبروك عليكم
جسور: مي قبل بغيت موافقة شفق
نيار: (ضار عند شفق) شفق بنتي اجي
شفق:واخا (شفق رجليها ماقادرينش اهزوها بدرع باش قربات و يديها كتفركهم و قلبها كيضرب)
جسور:(شاف فيها) تقبلي تزوجي بيا؟
شفق: (كتنفس بسرعة و عاضة شفايفها كتشوف فالارض و نطقات بصوت خفيف) اه
جسور:(جبد من جيبو السنسلة لي كان كيصايب لعشق و بقا مدة كيشوف فيها عاد نطق) مادرتش حسابي و ماجبتش لخاتم و لكن جبت كادو ليك (لبس ليها سنسلة و هي فرحانة) عيد ميلاد سعيد
شفق: شكرا هه
سارة: مبروك عليكم الله اكمل بلخير
ساد صمت فلحظة و تسمعات شيحاجا طاحت، ضارو كاملهم كيشوفو ف تيليفون عشق طاح من يدها بالصدمة و عينيها كتشوف فيهم بجسور هاد الاخير لي كيشوف فيها بنفس النظرة، دقيقة تبادل النظرات و تبادل العتاب عاد نطق نيار
نيار: عشق جيتي (كيشوف من وراها) جبتي معاك ضيف
عشق:(فاقت من افكارها و طلعات حاجبها ب تساؤل و ضارت تشوف اشمن ضيف كيقصد و هي تحل عينيها بصدمة كثر) ايهم
تايغر: حبيبتي (عنقها قدام عينيهم كاملين مبتاسم ) عيد ميلاد سعيد و كل عام و حنا مجموعين
الدهشة و الصمت خيم على كولشي كيشوفو فعشق معنقها راجل غريب عليهم عمرهم شافوه من غير ارتورو و هبة و جسور لي كانو عارفينو ، متساءلين شنو كيدير هنا و شنو هاد الجرأة لي عندو،
عشق: (نطقات بهمس فوذنو) اش كدير
تايغر: (كيشوف ف جسور بابتسامة مستفزة و جاوبها بنفس الهمس) قلت ليك انجي مكنتش كنضحك
عشق: منقدرش نبقا هنا انمشي
تايغر: ديابلا اقوى من انها تأثر بقرار زواج حبيبها السابق و ختها
عشق : و اقوى من انها تسلك طريق المختصر (بعدات منو مبتاسمة و حطات يديها على كتافو و نطقات بصوت عالي باش اسمعها كولشي) ماتهضرش معايا انا مقلقة
تايغر: نتي عارفة بلي عندي لخدمة بزاف و خديت طيارة باش نجي و نحضر فعيد ميلادك
عشق: و منبعد؟ راك عارفني مكنرضاش بلقليل
تايغر:(هز يدها و باسها) طلبي لي بغيتي
عشق:(بخبث و ضارت عند عائلتها ) حطيتيني فموقف محرج حرام عليك ههه
عشق: كنبغي علاقاتي تبقا فسر (شافت ف جسور ) باش ناخد الصدمات من بعد
نيار: تفضل ميسيو ايهم
تايغر: من بعدك طبعا
….مشاو قربو للصالة فين كاينة العائلة و قبل مايجلسو، وقفات عشق قدام شفق و بدات كتشوفليها فسنسلة مبتاسمة و شفق بدات تبلع ريقها
عشق: مبروك عليك و كنأكد ليك غادي تعيشي حياة زوينة منهنا لقدام
شفق: (ابتاسمات ببراءة) شكرا
عشق:(ضارت عند جسور) مبروك
جسور:(كيشوف فعينيها و الغضب باين فعينيه خصوصا منين حاضر تايغر و ماعارفش لاش كتخطط) العقبة ليك
عشق:(مشات جلسات حدا تايغر و شدات فيدو) دعوتك تقبلات
رغم انها كتبين الكالم و السعادة الى ان داخلها مصدوم من هاد القرار لي خدا جسور، باقا كتشوف ف تيليفونها لي كيحمل التسجيل ديال صوت التايغر كانت جاية فرحانة توريه ليه و تقولو بلي ماخنتكش لكن تمشي الرياح بما لا تشتهي السفن و قررات ماتوريهش ليه و انما تلعب لعبة اخرى كتحلف بكل ماكتملك ان هاد زواج ماغاديش اكمل ولو على موتها و هاد المرة اتغير القدر بيديها، ابتاسمات فاش شافت يد التايغر فوق راسها و ضارت لعندو مطلعة حاجبها بصراحة جا فوقتو و عطاها الفرصة باش تلعب كيما بغات لكن كتخمن اشمن ربح عندو من هاد اللعبة
نيار: اذن عشق كنتي مع ايهم؟
تايغر: لا كانت مقلقة مني و بصراحة كون ماحضرتش دابا كانت اتقتلني
عشق:(ضحكات بصوت عالي) هههههه نتا عارف مانسخاش بيك
سارة: فين تعرفتو على بعضياتكم
تايغر: فالمزاد
نيار: كيفاش؟
عشق: شراني
تايغر: هههه بغات تقول بلي شفت جوهرة ثمينة فوسط الجواهر و كانت هي
قصي: زيد وضح كثر
تايغر: انا كنتاجر فالمجوهرات عندي مناجم و هادي هي خدمتي
نيار:(شاف ف سارة و عاود شاف فيهم) حنا بصراحة مصدومين حيت عشق عمرها عرفاتنا على شيواحد
عشق: تيق بيا ماكنتش انعرفكم على ايهم
تايغر: جيت بلا خبارها هه
سارة:(بحماس) اذن مازال انتعرفو كثر
عشق: خلي الامور بحال هاكا ماتحمسيش كثر
شيماء: هه نبداو نعطيو ليكادو
...بداو كيعطيو ليكادو لعشق و شفق و التهاني بمناسبة عيد ميلادهم
قصي: جسور ماعطيتيش لعشق هديتها
عشق: بلعكس عطاني اجمل كادو
أماني: و كادو كبييير بزاف
عشق: (شافت فيها) عمتي شفت رجليك بداو كيبراو تبداي تردي لبال مزيان مع طريق
تايغر: سمعت بلي تايغر هو سباب (كيبتاسم و يشوف ف عشق)
هبة: النمر مابيدو حيلة قدام الشيطان
عشق:(ابتاسمات) be careful (كوني حذرة) ماعرفنا نوبة شكون غادي تجي
جسور:(شاف فيها و عينيه حومر ) وصلات نوبتي (ناض) تصبحو على خير عندي لخدمة غدا
ناض و خلاها متبعة ليه لعين و نار شاعلة فقلبها فاش كتشوف فرحة ختها و فاش كتفكر بلي جسور ايكون ديالها و يتشارك معاها لفراش و الاسوء من هادشي كتلعن راسها حيت هي لي دارت ليهم طريق و تسرعات و دابا كتجازا على فعلتها لكن ماغاديش دوز بساهل و لي مصبرها هو ان الضربة لي اتعطي لشفق اتكون صحييييحة نيت
تايغر: بشوية عليك نص ديال هادوك لي تماك عارفيني انا
شكون و حتى واحد ماتجرأ يهضر حيت انقطع ليهم لسان
هبة: شنو الهدف ديالك؟
تايغر: مكيهمش الهدف ديالي بقدر ماكيهم الدين ديالك ليا
هبة: شكرا حيت قلتيلي بلي ديابلا هي سباب لكسيدة و كنظن سددت دين
تايغر: الدين مكيتسددش بجوج مكالمات تقوليلي فيهم شنو كدير ديابلا
هبة: انا قلتلك على حملها لي ماعارفو حتى واحد
تايغر: هادا بضبط لي بغيت منك ديري
هبة: نقولها لكولشي؟
تايغر:(قرب منها) بغيتك تقتلي الجنين
هبة: لاااا مستحيل
تايغر: هي حاولات تقتل ماماك و انا كنعطيك فرصة باش تنتاقمي
هبة: انا ماشي قتالة منقدرش
تايغر: سي تقدري و نبغي خبار اجهاضها توصلني منك ازين (خلاها واقفة و مشا)
بقات كترجف و دموعها طاحو هي بصح معصبة من عشق حيت بغات تقتل مها ولكن هي ماشي بحالها باش تقتل جنين ماعندو حتى ذنب، تخربقات و لقات راسها فوسط صراع دخلات ليه بلا حسن و الاسئلة ايخنقوها، علاش تايغر بغا موت الجنين و شكون هادا لي حملات منو عشق و علاش هي براسها بغات تجهضو، راسها غادي ينفاجر و حريرتها حريرة، اما عشق كانت مع عائلتها كيضحكو و يهضرو و اغلب الهضرة على زواج شفق من جسور لي كتحاول تبين بلي عادي و بلي ما أثرش فيها
نزار: هانا عاوتاني جوج عرسان فنهار واحد هههه
اماني: بانلي كولشي ايتزوج هاد الايام
عشق: انا باقا لاسقة ليكم فلحلاقم ماعندي فين نمشي
نيار: كيبان ليا ايهم راجل مزيان
سارة: اه و باينة كيبغيك
عشق: ههه باقيين كتغلطو فحكمكم على الاشخاص (كتشوف ف محسن)
نيار: سو علاش عرفتيه علينا
عشق: بغا يتعرف عليكم و جا بلا خباري
سارة: غدا انتعرفو علييه كثر
صخر: (ناض) حنا خاص نمشيو
خلود: عندك الحق تعطلت
ارتورو: الى تعطلتي امادموازيل نقدر نوصلك
خلود:(سمعات صوتو بحال رصاص فوذنيها) لا ميغسي عندي خطيبي يوصلني
ارتورو: كيما بغيتي انا رهن اشارتك
محسن: غادي نمشي حتى أنا و مبروك عليكم مرة اخرى (شاف ف عشق) مبروك عليك
عشق: (بشر) مبروك عليا
خرجات عائلة يزيد و بقاو مالين لقصر كيهضرو على لعراسات
قصي: غدا و نهضرو ف تجهيزات العرس
شيماء: خاص نعيطو ل فريد ناااري توحشتو
اماني: فرييد ههههه عندكي الحق هاد القصر محتاج جو الضحك شوية
سارة: عندنا بزاف دلعراسات هو لي خاص يتكلف بصراحة
نيار: ديرو لي عجبكم انا انمشي نعس مشا لحال
سارة: انمشي حتى انا (شدات فيديه)
بقاو كيمشيو واحد مور واحد حتى خوات صالة و تطفا ضو و بقات هي فبلاصتها فوسط ظلام و فيوز حداها مشعول جاها سكون غريب و هدوء قبل العاصفة و كون عكر صفو تفكيرها كانت باقا اتفكر و تحلل
ارتورو: عادي اديابلا كان خصك توقعيها
عشق: عرفتي شنو عطاني جسور
ارتورو: شنو عطاك؟
عشق: عطاني الطريقة الأمثل باش ندمر شفق (ابتاسمات)
ارتورو: عارفك ماتخليش هاد زواج اكمل لكن شنو اديري
عشق: جسور دخلتو هنا (اشارت لدماغها) و عصيانو كيجيبلي نشوة التحدي غادي نلعب فقط انلعب
ارتورو: مايمكنش دوزيهالو هكك
عشق: خدا دقة صحيحة و ظلمتو و هادي ضريبة عشقي
ارتورو: و شنو قصة تايغر فهادشي كاملو ؟
عشق: تايغر عطاني قواعد اللعبة كيف خصها تمشي و انا بطبعي شيطانة الى مادخلاتش الاثارة للعبة مانحسش بطعم الفوز
ارتورو: اتستاغليه؟
عشق: تقريبا
ارتورو: مابقاش فيك الحال؟
عشق: اعصار فقلبي دابا كنتجاهلو باش مان"ق""""و"د"ه"ا"ش
ارتورو: (جلس حداها) واخا تبغي تنكري ولكن جسور دار تغيير فحياتك
عشق: داك الشرقي دار بلاصتو (ابتاسمات) بزاف ديال لخدمة تابعاني غدا (ناضت ) تصبح على خير
...خلاتو و توجهات للدروج كطلع درجة بدرجة بشوية حتى وصلات لآخر درجة و طلعات راسها فيه مبتاسمة و حاطة يديها فجيب ، كتقابل عتابو بالبرود و اعصابو بالابتسام كيما لعادة
جسور:(بصوت عيان) بغيت غير نسولك و منبعد عمرني انصدعك
جسور: نتي عارفة علاش ولا نفكرك فين لقيتك نتي وياه؟
عشق: حاجا وحدة اجسور أمنتك عليها و قلتلك بلي كتجرحني و نضتي درتيها هي تقرب لشفق و دابا راه ماتستاهلش شرح مني
جسور: الوليدة لي بغات و عندها لحق بحال شفق هي لي تصلاح ليا
عشق: كنت عارفة مك اتزوجك واحد نهار ولكن (قربات منو) كنسمع لقلبك كيقول عكس هضرتك
جسور:(ابتاسم) خسرتي
عشق: ربحت
جسور: كتبقاي مجرد ق"""" و لي جا كي"""خ""وي فيك
عشق:(جبدات من يدها بواط زواج و حطاتها ليه فيديه) كون كنت ق"""" ماتفكرش تزوج بيا (ضارت بغات تمشي)
جسور : كنحمد الله و نشكرو ماربطنيش بيك زواج، و فقت قبل مانتسرع
عشق: العذرية اولد ناس مابقاتش غير فالجسد راه كتشمل حتى القلب و قلبك انا وسختو بعشقي و دابا مبروك على هاديك لي ربحات بالجسد ديالك
جسور: و مبروك على هاداك لي ربح بيك فتالي
عشق:(ضارت عندو مبتاسمة) جينا مع بعضياتنا انا وياه
جسور: لدرجة غير كتجلسي معاه ريحة لغدر و الحق""""ارة كتخرج منكم
عشق: و على سبيل الحق"""ارة انا كنشفق عليك حيت ضعيف لدرجة ختاريتي التوأم ديالي تزوج بيها باش تصبح و تمسي على نفس لوجه
جسور: بقات فالقلب و انا مكنشوفهاش كتشبه ليك
عشق: (قربات منو) وجد راسك لعبة اخرى (غمزاتو) ماساليناش
جسور: لعبة سالات اديابلا و كولشي بان
عشق: (بصوت هامس) ماغاديش تتزوج بيها و الى بغيتي هاد زواج اكمل اجي قتلني
ضارت و خلاتو واقف و كلمة ماغاديش تتزوج بيها كتردد ليه فآذانو لدرجة خلاتو يخرج من لقصر صاعر اما هي دخلات لبيتها و ضربات لمراية بيدها حتى تشخشخات و حطات دراعها ففمها كتغوت بقوة و عينيها رجعو حومر، عاد قدرات تخرج بشنو كتحس لكن مع راسها و مارضاتش تبين غضبها لشيواحد
حتى واحد فيهم مانعس ديك ليلة بسبب الحرقة لي فالقلب كيحسو بيها غير هوما، جسور خدا طوموبيلتو و مشا لتل بعيد وقف كيشوف لمدينة من لفوق و هاز قرعة شراب كيكفحها، تيليفونو صدعو بصونيط و هو كيحاول اتجاهلو لكن جاوب فالاخير
صخر: اداك ز"""" فينك
جسور: معرفتش ضعت ضعت
صخر: واش راك سكران
جسور: غيييير شوية
صخر: فينك انجي عندك
جسور: (كيشوف فجنابو) فتل كنشوف لمدينة من لفوق صغييييرة و شوف اش دارت فينا هاد دنيا
صخر: بقا بلاصتك انا جاي عندك
….داز وقت قصير وصل لعندو لقاه جالس فالارض و هاز لقرعة كيشرب منها و حالتو حالة
صخر: جسووور اش هاد لحالة
جسور:(بصوت سكران) مااالها حالتي
صخر: م""ق""و""د""ة شنو هاد لقرار خديتي بزواجك من شفق ليك خليتك باغي تزوج عشق و هي علاش جابت داك ميخي ليوم مفهمت والو
جسور: هادااااك ميخي هو تايغر
صخر: تاايغر؟ كضحك
جسور:لا تايغر لي شفتو معاها فلفراش كانت كتخوني معاه اصخر شفتها بعيني
صخر: اش اش كتخربق واش خانتك؟
جسور: و انا بحال لحمار جايب خاتم زواج باغي نردها حلالي ولكن عرفتي شنو عمر شيخة تنسا هزة لكتف بغات لوسخ خليها تغرق فيه
صخر: راه فريمون صدمتيني
جسور: بلا خاطري انتزوج بشفق غير حيت كتعجب للوليدة اما كون جات عليا كون مشيت بلا رجعة
صخر: غادي تندم الى تزوجتي بشفق
جسور: ياك نتا لي قلتي الحب كيجي من بعد اوا هاني لحت راسي للعافية
صخر: ولكن نتا عمرك اتبغيها حيت عشق معششة فقلبك
جسور: تعششات فدماغي و قلبي و عروقي و قلبي راه كنبغيها و كنموت عليها ولكن خانتني بدم بارد و مكتحس بحتى حاجا من جيهتي
صخر: مهضرتيييش معااها؟
جسور: قالتلي ماتخلينيش نتزوج بشفق و الى بغيت نتزوج بيها خصني نقتلها شفتي كيفاش كتلعب بيااااا
صخر: كون جلستو و هضرتو ماكنتوش اتوصلو لهادشي
جسور: لي قاهرني كثر هو انها مع تاااايغر هو ربح بيها اينعس بين يديها و يشبع من ريحتها و شوفاها و حلاوتها و كلامها غير كنتفكرها قلبي كيبغي يخررررج
صخر: مكنظنش اتزوج بيييه
جسور: و بربي حتى نقتلها ياك هي ماتخلينيش نتزوج و انا انكرهها فحياتهاااا نوريها الجحيم كيف داير
صخر: ادابا نتا سكران ماعارفش اش كتقول زيييد نمشيو
جسور:(كيحاول ينوض و كيغني) يانكوي قلبي ميتين كية عشقها مادااااار فيا صايي ديكوديت لي بغيتهااااا ...(طاح على صخر)
صخر: يالاه نمشيو لداري
جسور: لاااا انمشي عندها
صخر : زيد زيد راك ماشي فوعيك (جرو حتى وصلو لطوموبيلتو و طلع يسوق و خلا طوموبيل ديالو حتى يصيفط ليها لكارد)
….ليلة كحلة عليهم بجوج لكن كانت اجمل ليلة بالنسبة ل شفق لدرجة مانعساتش قلبها كيزدح بالفرحة و اخيرا تحقق ليها حلمها انها تزوج من جسور الراجل لي طاحت فحبو من نهار شافتو هاهو حن فيها و ختارها تكون شريكة حياتو….صبح صباح جديد فيه احداث جديدة، كانو مجموعين كيهضرو على عراساتهم بطبيعة الحال و هي كتسمع ليهم بهدوء
نيار: عشق هاد ليلة ايتعشا معانا ايهم صوني عليه و أكديلو
عشق: واخا
ابتاسمات و تمات خارجة من لقصر و هي تشوف جسور داخل، و دازت من حداه و هو يوقفها بكلمة
جسور: اندوز لفيلا ناخد حوايجي
عشق:(كتشمو) سير دوش من ريحة شراب لي كتعطي منك و دوز خودهم اتلقاهم فلباب (تخطاتو و مشات و هو هبط راسو من جوابها، غير وصلات لطوموبيلتها و خدات نفس عميق مابغاتش تحس بالضعف لي يقدر ادمرها، هزات تيليفونها و صونات لتايغر) ايهم
تايغر: يا قلب ايهم صباحي ايدوز زوين بصوتك
عشق: غادي يدوز مخير كاع الى شفتيني
تايغر: فين؟
عشق: لفيلا
تايغر: باغا ديريلي بحال داك نهار
عشق: بغيت نكمل لي بدينا و منها نيت نهضرو على هاد التسرع ديالك
تايغر: اوك
عشق: انتسناك
...كانو كيهضرو حتى دخل جسور سلم عليهم و طلع لبيتو، اما واحد جوج كانو جالسين بعاد حتى عيط ليهم نيار يجيو لعندو و توجهو ليه
نيار: جلسو
نزار: اش كاين
نيار: شفت بلي خاص ندخلو مانفال تقرا
مانفال: اناا؟
نيار: وي الى بغيتي
مانفال:(ابتاسمات بفرح) ماكرهتش
نزار: اشمن مستوى قريتي ليه
مانفال: سانكيام و حبست
نزار: الوليد عندو لحق خصك ترجعي لقرايتك
نيار: شوف نتا شي ليسي يكون زوين و تكلف
نزار: واخا
مانفال: شكرا اعمي (باستلو يدو)
نيار: نتي بنتي دابا اي حاجا تحتاجيها اجي لعندي
مانفال: (ابتاسمات) لهلا اخطيك علينا
نزار:(ناض و جرها معاه) فخبارك خصك تعلمي الروسية باش دخلي تقراي
مانفال: هي دابا الى ماتعلمتهاش مانقراش؟ (دلات شنافتها)
نزار: مااااتخااافيش انا غادي نقريهالك
مانفال: بصح؟؟؟
نزار: اييه و فاش تغلطي انااااااكلك (كيهرها)
مانفال:(كتهرب منو و كضحك) وابااااراكا ههههههه
….دخل للفيلا مع جوج بنات هازين ليه ليفاليز ديالو و ماطيريال، شاب لابس سروال جلد ذهبي مزير عليه و ديباردور كحل مع فيست كحلة عينيه زورق و داير لحية خفيفة و راد شعرو لجنب و ضارب ماكياج صارخ مع طالون و اكسيسوارات باختصار لوبيا لكن ف الماكياج عندو مايقول، دخل كيتلوك و يتعيوج و كيمضغ المسكة و هو يوقف على لبنات
بسباس: هييييلوووو غييييرلز شكون فيكم لعروووسة
سارة: فريييد (ناضت عندو)
بسباس: اوووه شيييت سميتي بسباااااس
سارة: ههه بسباااس توحشناااك
بسباس:(سلم عليها بلابيز) حتى انا توحشتكم عرفتي ياختشي تسخسخت فطيارة حتى من ظفيراتي تهرسو
بسباس: ويينو صمتو حتى صمتو و نضتو درتو عراسات فدقة يعطيكم موصييبة شكون نوبتها لولة
….نخليو بسباس مع العائلة و نمشيو لعند الشيطانة، كانت فدوش لفيلا كدوش على خاطرها مرتاااحة و كدندن، خرجات من البينوار و لوات عليها فوطة و نشفات شعرها و خرجات للبيت جبدات دوبياس فالابيض لبساتهم و خلات شعرها على طولتو فازك و كتافات بغلوز، مشات للكوزينة و قادات قهوة تشربها شوية سمعات صونيط فلباب و بقات كتقمر فدماغها شكون وصل عندها لول، تحركات بثقالة و حلات لباب على مصراعيه و طلعات حاجبها فيه و بمياعة نطقات
عشق: نتا هادا (خلاتو تماك و دخلات كتلوي طرمتها قدامو و هزات كاس لقهوة فيديها )
جسور:(بقا ثواني فبلاصتو مشوكي من منظرها المغري بدوبياس و هضرتها دخل كيحاول مايشوفش فيها) كسناي شيواحد
عشق: اه حبييييبي (ضغطات على لكلمة و عضات شفايفها)
جسور:(طلع راسو فيها و كلمة حبيبي كتحفر ليه لداخل) فينهم حوايجي
عشق: فلبيت مجموعين فلافاليز من غير واحد ريحة كتعجبني عندك خديتها
جسور: ياكما نعطيك شي سروال و لا قاميجة؟
عشق:ديك ريحة ماكايناش فروسيا و خديتها
جسور: (مشا للبيت هز لافاليز ديالو و رجع خارج) مابقات حتى حاجا تفكرك فيا دابا
عشق: ماكنتش كنتفكرك اصلا (ابتاسمات)
جسور: مزيان باش مايبقاش فيا لحال لخطواتي الجايين
عشق: درتي لي غادي ديرو علاش ايبقا فيك لحال
جسور: عندك الحق (جر لافليز ديالو و قرب لباب حلو و هو يبدل ملامحو لغضب منين شاف تايغر قدامو و رجع سد لباب و ضار عندها بملامح قاسية دغيا تبدل كيبان بحال الوحش و نطق بصوت زلزلها) سييييييري تستري داااااااباااااا
عشق: واش منيتك(كتسمع دقان) شكون كيدق (قربات بغات تحل و هو يدفعها و شدها من شعرها مجرجرها للبيت)
جسور: قلت لمك الق""""""" تسترييييي
عشق: طلااااق مني انا ق""""" و لق"""" كيبقاو معرييين
جسور:(صرفقها و رجع شدها من شعرها لعندو) لاا كنكوييييوهم ابنت ال"""" (دفعها على النموسية)
عشق: (طرطقات فيه عينيه) شنوو باغي ت""غ""تاااص"""بني
امرأة تدخن الرجال الجزء 12 (الفصل الثالث)
محتوى القصة
التنقل بين الأجزاء