….مدة و هو واقف قدام الباب كيصوني عليها و هي ماحلاتش ليه لباب شوية بدا كيعيط ليها
صخر: خلود حلي لباب
خلود:(كانت مور لباب و خايفة تحلو حتى سمعات صوتو و حلات ) صخر (عنقاتو كترجف)
صخر: مالك يا لباس
خلود: انااا خااايفة بزااف اهئ اهئ
صخر: مناش خايفة
خلود:(بغات تبدل الموضوع) غير كنشوف كوابيس
صخر: ماتخافيش انا معاك
خلود: لبارح صونات عليا خالتي اماني و قالت ليا نجي للقصر نجلس حتى نتزوجو
صخر: أحسن باش ماتبقايش بوحدك
خلود: جيتي عندي ياك لباس؟
صخر: غير ماشفتكش يوماين تشوشت عليك
خلود: صافي غير هادشي؟
صخر:(بلع ريقو و نكر) اه غير هادشي (ناض ) انا انمشي فاش تجمعي حوايجك قوليهالي باش نوصلك للقصر
خلود: واخا (ابتاسمات و مشات معاه حتى لباب خرج و سداتو،دازت دقيقة و صونا تاني و قالت مع بالها غير هو لي رجع و مشات حلات)
ارتورو: شنو لي مافهمتيش من جملة نتي ديال ارتورو
خلود: (بغات تسد لباب و هو يدفعو و دخل و بقات كترجف و ترجع بلور) شنو بغيتي
ارتورو: راه واضح شنو بغيت
خلود: شوف انا قريبة نتزوج و الى قلت لصخر بلي كتصرف معايا هاكا غادي ي/ق*******ت/لك
ارتورو: وفيين مسوق ليك صخر أصلا
خلود: (حبسها لحيط) انقووولهااالو و اتشوف
ارتورو: واش مالاحظتيش بلي مكيبغيكش واش لهاد الدرجة معمية؟
خلود: كون ماكانش كيبغيني مايطلبش مني زواج
ارتورو: حتى من كلمة كنبغيك ماقالهاش ليك و شي مرات مكنتزوجوش حيت كنبغيو
خلود: و علاش كنتزوجو؟
ارتورو: باش نردو الصرف (ابتاسم) صخر بغا يتزوج بيك باش يرد الصرف لهبة حيت كيبغيها و هي ختارت باه عليه
خلود: شنوو كتقول نتا حماقيتي
ارتورو: كيبغيها لدرجة كبيرة و راه لعما ايلاحظها
خلود: لا ميمكنش (غرغرو عينيها بدموع)
ارتورو: ماجيتش نبكيك جيت باش نتفاهمو على شي مسائل
خلود:(مسحات دموعها) كيفاش
ارتورو: (حط صبعو على عنقها) ماعنديش مع الحب و داك تخربيق عندي نيشان نيشان اتشدي طريق ولا نوريهالك شنو تختاري؟
خلود: بعد منيييي (بغات دفعو و شدلها يديها مقرب منها)
ارتورو: خوفك كيخليني نقرب كثر
خلود: عفاااك بعد مني
ارتورو: فكري فالعواقب قبل ماتصرفقيني ابنت ناس
خلود: طلبت سماحة كثر من مرة واااش اتبقااا تاابعني عليها
ارتورو: اه و اتكلفك بزاف (شدها من شعرها و ندافع لعندها باسها ففمها قبلة طويييلة كيلتاهم بيهم شفايفها)
...كانت بين لكولوارات كتمشى هازة كتوباتها فيدها و لي دازت من حداه كيبقا يشوف فيها و فجمالها الطاغي ، ابتسامتها البريئة و خطواتها فيهم كاريزما ، تلاقات فطريقها مع ناديا و ابتاسمات ليها
مانفال: سلام
ناديا:(كطلعها و تهبطها بعينيها) اهلا حبيبة
مانفال: لباس عليك
ناديا: بيخير و نتي
مانفال: حتى انا شنو عندنا ليوم
ناديا: عندنا اللغات ولكن باقي الحال يالاه نجلسو فالجردة
مانفال: واخا (حسات بدوخة خفيفة ووقفات تسندات على الحيط)
ناديا: مالك
مانفال: فين طواليط؟
ناديا:( اشارت ليها بيديها) هاهواك
مانفال: (مشات بشوية عليها و دخلات غير وصلات بدات كتستفرغ و روحها بغات تخرج، سالات و ناضت غسلات وجهها و فمها و بقات كترتاح شوية عاد خرجات و هي تزدح مع شيواحد و طاحولها لكتوبا ) اي
...داز الوقت و بدا كيطيح ظلام و كل واحد رجع للقصر و مشا لبيتو، غدا يوم مهم عندهم حيت غدا خطوبة شفق و جسور، هي غادي طير بالفرحة و نعاس مابغاش يجيها اما هو تمنى ليل يطوال و مايجيش غدا، شحال خايب تحط امام الامر الواقع حيت صافي غدا ايتبدلو بزاف دلحاجات، كل واحد فبيتو و كل واحد فاش كيفكر و كل واحد و همو، أما هو كان جالس فطوموبيل كيتفكر قبلتو مع خلود و ابتاسم فاش تفكر بلي سخفات بين يديه و هزها حطها فوق النموسية و خرج، رجع تفكر عشق لي قطعات علاقتها بيه و غوبش ماحملش راسو، خرج من طوموبيل و مشا دخل للقصر، لقا ضواو طافيين فقط شمع مشعول ، زاد فخطواتو لكن سمع طقطقات صغار ف لبيرو د نيار و توجه ليه و طل بعينيه لقا عشق كتلعب الشطرنج و من عينيها باين بلي عيانة و مقلقة و كتفكر، حل لباب و دخل عندها ، حتى وصل لعندها و تحنا على ركابيه و كيشوف فيها بترجي
ارتورو: قتليني ضربيني عاقبيني كيما بغيتي ولكن ماتبعدينيش عليك اعشق حيت انا كنت معاك فكل خطوة
عشق: (كتحرك البيادق) كطلب العفو من عشق و مكطلبوش من ديابلا؟!
ارتورو: حيت عشق قلبها كبير و حنينة و ديابلا قاسحة
عشق: و علاش كطلب سماحة و انا فيا جوج شخصيات
ارتورو: حيت باغي عفوك و سماحتك اعشق
عشق: مافكرتيش فسماحتي منين غدرتيني
ارتورو: فكرت ف مصلاحتك فقط
عشق: فكرتي ف مصلاحة ديابلا و مافكرتيش ف قلب عشق
ارتورو: (بصوت مبحوح) كون كنت عارفو مهم عندك لهاد الدرجة ماغاديش نتصرف
عشق: (شافت فيه بألم) فرحة صغيرة كانت فقلبي و انا معاه حيدتيهاليا
ارتورو: (بلع ريقو) ماقصدتش
عشق: خصك تعلم درسك مزياان باش مرة أخرى ماتعاودهاش
ارتورو: شنو اديري دابا؟
عشق: غادي نصلح داكشي لي ضيعتيه أنا نهار مشيت عند تايغر و قطعت علاقتي بيه كنت باغياه ادير ردة فعل قاسحة باش ندير خطوتي جايا
ارتورو: انا نعاااونك
عشق: بقا بعيد انا رتبت وراقي و كيما هاد البيادق كيتحركو وليت عارفة شكون انحرك لمصلاحتي (ابتاسمات) تايغر و لا محسن ولا نزار شكون انسبق فيهم
ارتورو: و انا شنو ندير؟
عشق: تفرج و شوف شيطانة كيداير لعبها ياكما تعرف بلي تضحيتك مافادتني بوالو
ارتورو: واخا على خاطرك (ناض )
عشق: واخا نعرف نح/ر/ق و نق/ت/لهم كاااملهم جسور ماغاديش اتزوج شفق و عمرها اتوقع
….عشق قالت كلمتها وواعدات نفسها هاد زواج ماغاديش يكمل و صبح صباح جديد فاقت كتكسل فبلاصتها، طلبات لفطور اجيها لبيتها حيت عارفة بلي لقصر ايكون عامر بالتجهيزات، دخلات لدوش و دوشات و خرجات لقات فطورها و جلسات كتاكل حتى شافت بابها تحل
بسباس: هاااي حوووباااي
عشق: بسيبيسة صباحو
بسباس: ليوم اختشي غادي نرجع زوييينة و كتحمقي حسن من شفق براسها
عشق: و علاش هادشي
بسباس: انا عزيزة عليا شفق و لكن نتي كثر و مابغيتكش تعيشي هادشي كاملو ماكرهتكش تجمعي نتي و جسور
عشق:الجمال ماغاديش اجمعني بيه ابسباس خص الذكاء و التضحيات لي ايلاقيونا اما دابا علاقتي معاه ضاعت
بسباس: شنوو لمعمول
عشق:(ابتاسمات) يالاه بغيتك تردني زوينة
بسباس: هي اللولة اجييي معايا لبيتي
….ناضت معاه و مشاو لبيتو و سدو على رأسهم لبيت و قررو يساليو قبل ماتجي عندو شفق باش يقاد ليها ، أما جسور كان فالجردة كيكمي و يرد وجعو فالكارو و شراب، وقت الجد وصل و مابقا عندو مايدير، غادي يكدب على راسو الى كان كيقول بلي ايقدر عيش مع وحدة مكيبغيهاش و بلي عشق ماكتجريش فدمو، ضحك بسخرية على لكارو و شراب لي فيديه و تفكر نهار قالتلو بلي لي كيعرفها كيولي هو و شراب مصاحبين ولكن اعشق هادا كان جسور لي عمرك شفتي منو لعيب و فتالي جازاتو بالخيانة و لغدر ، بقا ساهي فكل كلمة و كل لحظة عاشها معاها حتى قطع تفكيرو باه
قصي : جسور
جسور: (شاف فيه) وي
قصي: مالك على حالتك (جلس حداه) اش هاد شراب و هاد لكارو لي كنعرف عليك هو مكديرش هادشي
جسور: غير معصب شوية
قصي: معصب و ليوم خطوبتك؟
جسور: غير مع لخدمة و صافي
قصي: جسور انا راه باك فتحلي قلبك و قولي مالك
جسور: ماكااايناش شيحاجا الوليد
قصي: (تنهد) على خاطرك الخطوبة غادي تبدا منهنا شوية
جسور: ماشي حتى ليل؟
قصي: لا هاد لعشية
جسور: اووك
قصي: سير وجد راسك
جسور: وااجد غادي غير نتبادلو لخواتم صافي
قصي: دير لي عجبك (مشا)
.دير لي عجبك جملة ضحكاتو حيت مكيديرش لي عاجبو و لكن صابر و كيما كيقولو الكرامة فوق كولشي ، منين نعس معاها اخر مرة مابقاش شافها و من الافضل ليها و ليه باش ينساو بعضياتهم، مشا لبيتو باش اوجد راسو لقا حوايجو محطوطين فوق النموسية و جلس كيشوف فيهم بملل، أما سارة و اماني و شيماء كانو لابسين و مقادين و كيشوفو واش كولشي هو هاداك و فرحااانين، و لفوق كان نزار هو و مانفال فبيتهم هو متكي على ظهرو و هي على كرشها كتشوف فيه و تضحك و يجبدو شي موضوع، أما ارتورو جالس على اعصابو و كيتسنى المفاجأة لي ادير ديابلا، و هبة كتحاول تقنع راسها بلي ماوقع والو و فأول فرصة غادي تعاود لمحسن كولشي ،كل واحد فيهم كان فقنت و كيفكرو فحياتهم، وصلات لعشية و كولشي وجد و الناس بداو كيوصلو و نيار و تيريزا و قصي و شيماء كيستقبلوهم
سارة: ياربي دوز هاد الخطوبة بيخير و على خير
نيار: كولشي ايدوز مزيان
سارة : مانعرف واش شفق وجدات
نيار: ماشفتيهاش؟
سارة: خليتها مع فريد
نيار: فين نزار و عشق
سارة: نزار مع مانفال (اشارت ليه بيديها ) و عشق باقي ماهبطات من بيتها
نيار: ناس كاملهم جاو
سارة: (ابتاسمات ) حتى ايهم جا
تايغر: سلام (عطاهم الكادو) مبروك
نيار: الله ابارك فيك لعقبة لعندك
تايغر: إن شاء الله (شاف جسور واقف مع صخر) سمحولي انمشي نبارك لعريس
سارة: خود راحتك
تايغر:(مشا عندو ) مبروك عليك و اخيرا عرفتي طريق صحيح لي تمشي عليه
جسور:( ابتاسم ) مزيان الواحد افيق قبل مايفوت لفوت و لكن نتا باقي مافقتي
تايغر: و كنتمنى عمرني نفيق من ديك لحلمة لي فيها غير أنا و ديابلا
جسور: كون كنت بلاصتك مانتيقش بزاف فيها
تايغر: غلطك انك خسرتيها و هي بحال جوهرة ثمينة مكتعوضش
جسور: ديك الجوهرة ماهي ديالك ماهي ديالي هي ديال راسها
تايغر: قريب انتزوجو انا وياها و قدااام عينيك (مشا)
جسور:(ضغط على قبضة يدو) على جثتي
صخر: هو بغااا يعصبك تهدن
جسور: سمعتييه شنو كيقول
صخر: تهدن ليوم خطوبتك
….يالاه كان ايهضر حتى شاف شفق هابطة بفستان ابيض طويل بكمامات مرصع بالجواهر و مشيطة متقونة مع تاج صغيور و ماكياج صارخ، هابط معاها بسباس مبتاسم و كولشي كيصفق و يبتاسم ليها حتى وصلات لآخر درجة و شافت ف جسور بكل حب و جا وقف معاها و بتاسم ليها، و مد ليها يدو باش يمشيو اجلسو فبلاصتهم، مدة دازت و ناس كيجيو يباركو ليهم و العائلة فرحانة بيهم و الموسيقى بدات لكن واحد لحاجا ناقصة هي عشق لي غابرة و ماهبطاتش عندهم ابدا...
...كانت واقفة معاه و مامرتاحاش خاطرها مزير عليها وواخا كتبتاسم بالها ماهانيش كتحس بنظرات صخر مختارقينها و قلبها باغي يخرج من بلاصتو
هبة: محسن
محسن: وي حبيبة
هبة: فوقاش انتزوجو
محسن:(ابتاسم) مابقا قد مافات
هبة: انا كنبغييك (شداتلو فيدو) نتا عارف هادشي
محسن: عارف (كيشوف ف سارة واقفة مع نيار) حتى انا كنبغيك
هبة: (ابتاسمات) هادشي لي بغيت (عضات شفايفها و سكتات قررات ماتقولو والو حتى يتزوجو)
...أما حدا نيار و سارة كان نزار و مانفال جالسين و هاد الاخيرة كتاكل
نزار: بشوية عليك غادي تاكلي هاد الماكلة كاملها و ماتشبعيش
...كانت فراس دروج يالاه اتهبط كتشوف فناس من لفوق و كتميز كل واحد بشوفة، تنهدات و هزات لقفطان لبيض بيديها باش تهبط و بان طالونها لمذهب لعالي، خطوات للتحت كانو كافيين باش كولشي يلتافت لعندها و يشوفها و يتصدم من شدة جمالها و ماشي غير هادشي و انما التغيير لي باين عليها بحيث انها صبغات شعرها بلكحل بحال سواد الليل و لبسات قفطان مستور مكيبين حتى قطعة من جسمها و ماكياج ثقيل برزات فيهم عويناتها زورق، كان كولشي كولشي كيشوف فيها و كيمدح جمالها و عائلتها مصدومين كيقولو واش عشق هادي ولا شيوحدة اخرى ، ابتاسمات بشوية فاش وصلات لآخر درجة و مابغاتش تشوف ف جسور لي كان اياكلها بعينيه و قلبو كيضرب ف تسعين، قربات منها سارة و شداتها فيديها
عشق:(بادلاتو العناق و نطقات بنفس الهمس) طول ما انا كنتنفس غادي نكون غير ليك و طول ما نتا عايش راه محكوم عليك بالمؤبد معايا
جسور: ماجاتش تكون ليا مرا مولفة تكمي رجال
عشق: كنتي آخر كارو نكميه و فاش سطت دخانك خرجات روحي معاك (باستو فحنكو) كنتمنى ليك التعاسة فزواجك
(بعدات منو مبتاسمة و الانكسار باين فعينيها بعكسو هو مصدوم و عينيه حمارو، رجعات شافت ف شفق لي مبتاسمة و مادات ماجابت و مشات من حداهم و جلسات حدا نزار و مانفال)
نزار: اش هاد رزانة كاملها لي ولات فيك
عشق: منين تشوفني متبتة عرف بلي لعافية اتشعل
مانفال:(كتخشي فوجها) اشمن عافية
عشق:(جرات لماكلة من قدامها و بدات كتاكل حتى هي ) الملل
نزار: نبداو لقصااارة
بسباس:(خرج ليهم من جنب) ماطلبتي غير الموجود (غمز ديجي يبدا الشعبي و جر عشق من يديها لوسط و بدا كيشطح)
عشق: عباد الله كيشوفو فينا
بسباس:(كيحرك طرمتو يمين شمال و كيعوج يديه) شطحييي و فقصيلي لعديان ايعطيك موصيبة
عشق: اصلا انا فرحاااانة بزاااف هه (بدات كتشطح معاه و ضحك و حيدات شال عنق بسيبيسة و لواتو على طرمتها اوا و بدات كتلوز)
نيار: تقول هزيتي وحدة و حطيتي وحدة
قصي: تعجبت فيها
شيماء: سااارة زيدي نشطحوو
سارة: واييه اختي عشق دارت فيا الحماس
….دخلو كيشطحو و بداو ناس الاجانب كيشطحو على انغام شعبي و عجبهم داك لهيت ، الحايحا ناضت و زغراتات بداو و صخر جبد جسور و شفق باش اشطحو حتى هوما و ضوروهم بيناتهم فلوسط، أما عشق بقات كضور راسها و شافت تايغر فواحد القنت كيشوف فيها و مبتاسم و مشات عندو،
عشق: شنو كدير هنا اجي تشطح هه
تايغر: خاطيني الشعبي (شبك يدو مع يدها) كتباني ليا فرحانة
عشق: عادي خطوبة ختي خصني نفرح
تايغر: (سمع بلي الموسيقى تبدلات لكلاسيكية و مد ليها يدو) تسمحيلي بهاد الرقصة؟
عشق: طبعا (حيدات شال لي تحزمات بيه و مشات معاه)
...كل كوبل بدا كيرقص و كيتمايل على انغام الموسيقى و نظرات عابرة بين ابطالنا بوحدهم لي فاهمين تفسيرهم ، بداو كيتبادلو الأماكن و كل بنت كتمشي تكمل الرقصة مع رجل آخر ، و هبة طلقات من محسن و شدها صخر و بداو كيرقصو
صخر: خصني نهضر معاك
هبة: ماعندي مانقولك
صخر: مايمكنش نبقااااو هاكا
هبة: ماتبقاااش تتجمعني معاك فجملة وحدة
صخر: عاد يوماين هادي تجمعنا ففراش واحد
هبة: سكت
صخر: غااادي نغوت و نقولهم شنو وقع اش بانليك
هبة: وا سكت سكت بااراكا (بعدات منو)
صخر: فاش نعيطلك اجي عندي لبرا (خلاها و مشا جلس بعيد و هي مشات لبيتها)
أماني:(كترقص مع هارون) بنتنا كبرات اهارون و قريب تزوج
هارون: سعادتها هي لولة
اماني: لكن محسن ماشي هو الشخص المناسب
هارون: هي كتبغيه مايمكنش نقنعوها ب العكس
اماني: الله ادير شي تاويل
...رجعو تبادلو و كل وحدة جات ف شخص آخر و عشق طاحت مع محسن
محسن: ليا شرف اطيح فيدي هاد زين كاملو
عشق: زين كيقتل و موتك قرب
محسن: كيفاش اتقتليني؟
عشق: كولشي كيموت بالحب و نتا بحالهم
محسن: انا مكنطيحش فالحب
عشق: عقل على هضرتك دابا نوقفك عليها
…. رجعو تبادلو و طاحت فيدين جسور
جسور:(كيشوف ف تايغر بحقد و لاخر كيبادلو نفس النظرات و هو كيرقص مع شفق) علاش صبغتي شعرك
عشق: دايرة حداد
جسور: حدادك درتيه بيدك
عشق: كندفع الثمن
جسور: الثمن غالي
عشق: (شافت فيه) تستاهل
جسور: ماغاديش تبدلي الواقع
عشق: نقدر نبدلو فرمشة عين
جسور: وصلنا لطريق مسدود
عشق: و من هاد ليلة طريقي فجيه و نتا فجيه
جسور: حتى نتي بحالي اتختاري لي يسلكك
عشق: انا ماشي بحالك و عمرني نكون
...طلقات منو و بغات تخرج لكن تبدلات الموسيقى و كولشي وقف من الرقص ، توجه ايهم لعندها و بقا كيشوف فيها و الحضور كيشوف فيهم و تحنى على ركابيه قدامها و بقا كولشي كيصفق و سارة عنقات نيار بفرح، جسور لي جناوة داخلين فقلبو ابتاسم ابتسامة باهتا و قال مع بالو هادي النهاية
تايغر: عارف بلي تلاقينا فظروف ماشي مناسبة و دزنا من مواقف صعيبة و عشنا ايام قاسحة و لكن تأكدت بلي إنسانة وحدة لي تخلقات ليا و قدرات تزعزع قلبي و تعطيني السعادة، لي كيهضر معاك هو ايهم لي سرقتي قلبو و بسبابك عرفت شنو هو الحب و حلاوتو و عذابو و تيقنت بلي كنبغيك اعشق و كنقولها و انا تايق فكل كلمة و كل شعور (جبد بواط من جيبو و فتحها قدامها فيها خاتم الماسي) تقبلي تزوجي بيا
عشق:(شافت جسور قدامها لي مبتاسم بغل و شافت ف عائلتها لي فرحانين و الحضور لي كيتسنى جوابها و داك الهدوء لي طغى على لقصر فجأة، تحولات ابتسامتها العفوية لإبتسامة شيطانية و نظرتها لخبث و نبرة صوتها علات و سمعها كل شخص كان فلقصر) لا انا ماقابلاش بيك حيت مكنبغيكش و عمرني غادي نبغيك
...الصمت لي كتاسح المكان و داك الهدوء المخيف خيم على ارجاء القصر و الصدمة كانت على وجوه الناس لي تما اولهم عائلتها لي مامتيقينش شنو سمعو، لحظات من الصمت سرعان ماسالاو و بدات لهضرة لي مامفهوماش عبارة عن همسات و نظرات مريبة، ناض تايغر من الارض ملامحو تبدلو و العصبية بانت جمع ديك لبواط و دارها ف جيبو و قبل مايخرج شاف فيها نظرة كره كيتوعد ليها بالأسوء ...جمع ماتبقا من كرامتو و خرج و هي تبعاتلو العين حتى سمعات هضرة باها من وراها
نيار: شنووو درتي
سارة: عشق سيد طلب منك زواج و نتي رفضتي
عشق: (شافت ف جسور) مانقدرش نتزوج بواحد مكنبغيهش
نيار: منين مكتبغيهش علاش عرفتينا عليه
عشق: باش ماتبقاش كل مرة خارج ليا ببلان الزواج و دابا تهنى
ساهي فيها و لكلام هرب ليه ماخلات ليه مايقول سوا قلبو لي كيضرب بلا تنظيم و عيونو لي كتهضر، خربقات ليه لوراق كيما مولفة دير و خلاتو يشك فالهضرة لي سمع من فمها، نفض افكارو منين شاف يد شفق تحطات على دراعو و رجع للأمر الواقع ، الحياة كتجبر علينا شيحاجا مكنبغيوهاش لكن مكظلمناش حنا لي كنظلمو ريوسنا، جا ارتورو من وراها و نطق بصوت متردد
ارتورو: لحتي راسك فموصيبة
عشق: عارفة
ارتورو: علااااش
عشق: اولا من مصلاحتي تفضح قصة تايغر و ثانيا باش جسور يدخل ليه الشك و ثالثا (شافت فيه) تشوف بلي داكشي لي حميتيني منو هاني غادة ليه برجليا و عمرك تعاود تصرف من راسك دابا شوف و تعلم
تايغر: اناااا افضل منك ب 100 درجة على الاقل مكنلعبش بمشاعر الناس (عطاها ركلة لكرشها حتى تقطع فييها نفس) مااااشي انا لي تهينيني و نسكتلك و مااااشي انا لي نتقاس فكرامتي و مانديرش ردة فعل (زادلها ركلة فكرشها)
عشق: (كتغوت بسبب الالم) حبااااس
تايغر: (زادلها ركلة) و ماشي غير نتي لي اتموتي حتى الجنين لي فكرشك و حتى عائلتك ايتبعووووك
عشق:(كتنهج و رجعات حمرة) خواااف و مااااتسواااش و عمرني نفكر فيك من نهار اللول عبرتك بعيييني
تايغر: و شنو كان كيحسابليه بلي كنبغيييك؟ انا كنت كنستاغلك باش نرد الاعتبار لأمريكا (حط رجلو على كرشها و كيزطم)
عشق: (كتغوت) ماااااايمكنش ترد الاعتبار لدولة ماكانش عندها الاعتبار اصلا و نتا اتايغر ماشي غير كتبغييييني نتااا كتمووت على تراااب رجليااا
تايغر: و كنفضل نشوفك ميتا(ضربها ضربة تاليا حتى تحبس فيها نفس و شاف دم نازل منها) نشوفك فالجحيم (خلاها و خرج)
...اما فلقصر كانت كترجف بلاصتها حتى جاها ميساج فتيليفونها و خرجات دغيا مشات عندو
هبة: شنوو بغيتي سربي
صخر: عاجباك هاد لحالة لي حنا فيها؟
هبة: ماااتبقاااش تقووول حنا
صخر: راه كنبغيك اهبة و زواج من با غلط اديريه
هبة: الغلط الوحيد راه درناه ديك ليلة و لكن ماشي خطأي هادا انتقام من ديابلا
صخر: اش جاب ديابلا لهضرة؟
هبة: دارت ليا المنشط الجنسي فشرابي و داكشي باش استسلمت ليك
صخر:(بصدمة) اذن داكشي كاملو لي عشناه وهم؟ .
هبة: و شنو بااانلك؟ انا وياااك مكتربطنا حتى حاجا و عمرني نبغيييك و لا نفكر فيك نتا فقط غلطة اما انا كنبغي محسن
صخر: الوليد الى عرف هادشي..
هبة:(قاطعاتو) ماغادي تقولو وااالو هو اهم حاجا عندي و مانبغيش نخسرها
صخر: او انا؟
هبة: نتا حتى حاااجا و دابا منين عرفتي الحقيقة بعد مني حيت كنكره راسي فاش كنشوف فوجهك (ضارت تمشي ووقفها)
صخر:(بصوت مقسح) هبة عقلي على هاد الهضرة انفكرك بيها واحد نهار (مشا)
كتزحف و يديها على كرشها، لعرق هابط ليها من جبهتها و عاضة شفايفها بألم، باغا توصل للباب تحلو و تخرج و النفس مقطوعة فيها، عيات و هي كتزحف و نعسات على ظهرها كتغوت لربي لي خلقها بالألم و دموع هابطين من عينيها شلال، هي من نوع لي واخا تضرب ولا تجرح مكتبكيش لكن هاد الألم كان كبير عليها كتشوف دم هابط منها و داير بقع فالأرض منين بدات كتزحف، مابقا عندها مادير و هي بوحدها فالفيلا ، فقط كتسنى لي يجي يعتقها ، خرج و خلاها من بعد ما ضربها و خدا إنتقامو بأبشع الطرق
عشق:(كتغوت و ضامة كرشها) يااااااربي ماااااابغييييتش نمووووت ماااااشي دابا ياربي ماشي قبل مانفضحهم و مااااشي قبل ماناخد حقي إهئ اهئ ياااااربي راه تظلمت و نتا شفتي كوووولشي شفتي كيفاش تغت‘‘اص‘‘‘بت و كيفاش تغدرت (كتشهق) انقتلك اتااااايغر انقتلك اش‘‘‘ماااا‘‘‘‘‘‘‘تاااا (كتعض يدها بألم) كنتقطع اهئ اهئ جسوووووور فيييينك
كترجف و يبسو ملامحها و هي كتشوف ف سقف و عينيها كيتسدو شوية بشوية و كتبان ليها غير ضبابة….هزات يدها و حطاتها على كرشها، كان طول هاد المدة جنين فكرشها و هي ماحاساش لكن هاهي اتخسرو و ماقادة دير والو، طيحات دموع الحسرة و كتشهق بالألم لي فقلبها قبل من جسمها، حتى كانت اتغيب على الوعي و هي تسمع تيليفونها كيصوني للمرة الثالثة لكن بعيد علييها، رجعات كتزحف باش توصل ليه و اخيرا شداتو و جاوبات بصوت مخنوق
عشق: عتقنييي انمووت
صخر:(تبدلو ملامحو ل دهشة) فييينك؟
عشق: الفيييلا (لسانها تقال عليها و سخفات قبل ماتعطيه عنوان الفيلا خلاتو كيهضر بوحدو )
صخر: مييييغد (رجع كيصوني على جسووور و هاد الاخير تيليفونو مشغول، كيصوني و يعاود و كيسوق طوموبيل بسرعة)
...اما جسور كان جالس مع شفق و كيستاعدو يركبو لخواتم و كولشي فرحان و كيضحك، لكن سمع تيليفونو وجبدو من جيب جاوب
صخر: اللينعل‘‘‘‘‘‘‘زام‘‘بو‘‘‘ك عشق كتموووت
جسور:(ناض ) شنووو
صخر: (كيغوت) صونيت ليها و جاوباتني صوتها مخنوق اصاحبي و قالتلي عتقني كنموت و رآها دابا فلفيلا فين كاين عنوان لفيلا؟؟؟
جسور: سير ل **** انجي دااابا (كيغوت) صخر
مااااتخليييهاااش تموووت عتقها اصخر (كينهج و العائلة كتسولو و هو يخلي كولشي و خرج كيجري ركب فطوموبيل غادي عندها و خاايف يخسرها)
وصل صخر للفيلا دغيا و دخل كيجري و شاف المنظر لي صعقو و خلاه اتجمد بلاصتو، ،لقفطان لبيض رجع حمر بدم و عشق فهاد اللحظة الى ماماتش عندها زهر
قرب لعندها كييرجف و هزها فيديه، و غادي كيجري بيها لطوموبيل، حطها و طلع كسيرا للكلينيك و كيبلع ريقو ، ضور تيليفون لهبة لي جاوباتو بسرعة
صخر: اجييييي داااابا لكلينيك عشق ماعرفتش ماااالها
هبة:(خلاتهم غير سمعات عشق و خرجات من لقصر باغا تركب طوموبيلتها) شنو واقعلها بضبط
صخر : دمااايات خاااارجين منها
هبة: انااا جااااايا (كسيرات تابعاهم و قطعات)
صخر:(صاف لجسور ميساج بلي اياخدها لكلينيك و كيضور اشوف فيها) ماااااتموووتيييش لياااا بقاااي حية و لا ايتبعني ليك جسور
(وصل بسرعة قصوى و هزها دخلها و كيعربط حتى جاو الاطباء و دخلوها بسرعة و جات هبة دخلات بلا ماتهضر معاه مشات لغرفة العمليات و بقا هو كيمشي و يجي بلاصتو، عاد دخل جسور كيجري لعرق هابط ليه من جبهتو و كيتمتم بسميتها، شدو صخر)
هبة: (حركات ليها راسها بأه و ناضت) ردي لبال ماتعصبيش و ماديريش مجهود باش تحافظي على الحمل ديالك
عشق: هو لي محافظ على بلاصتو هاد ساعة مكتاب ليه اعيش ماعندي ماندير
...خرجات هبة و دغيا دخل جسور و سد لباب و هو كيشوف فيها ب حزن
جسور: (جلس حداها و نظرات الخوف عليها) و حق ولدنا لي مات اعشق غااادي ندم تايغر على كل وجع توجعتيييييه
عشق: آخر حاجا رابطاني بيييك هاهي مشااات و غير تهنى دااابا
جسور: لي رابطني بيييك ماااشي لولاااد و كووون عقت بيك حاملة مانخليكش تهوري
عشق: دوزت وحمووو بووحدي و ماكنتيييش معااايا و تعذبت و ماااكنتيش معااايا و تااايغر قتلو ليا و لكن عرفتي شنو كنحمد الله و نشكرو ماتزااادش فهاد دنيا باش اشوف باااه مزوج خااالتو
جسور: نتي لي بديتي اعشق
عشق: رفضتو قدامك و بقاتلي حاجا وحدة انديرها اتعرفها غدا
جسور: نتي مارفضتيهش على قبلي حيت اصلا مكتبغييينيش
عشق: ماكافيش باغيا نعيش حياتي معاك؟
جسور: مانخليكش ديري علاقتنا طريق لانتقامك
عشق: و شنو كدير هنا اولد الناس؟ مابقات كتربطني بيك حتى حاجا
جسور: (قرب منها و همس حدا شيفايفها) يكفيني كلما غمضتي عينيك اتجي صورتي فبالك
عشق: يكفيني خليتي خطوبتك و جيتي
جسور: (سها فعينيها و نطق) رتاااحي انا عندي شغل نقضيه (ناض)
عشق:(شداتو من يدو) خسرت ولدنا و مابغيتش نخسرك
جسور: انا لي خسرتك اعشق و الى ما كملتش عمرك اترجعي ليا و نتي ناسيا موضوع الانتقام (خرج و خلاها كتفكر فهضرتو ، تعرض ليه صخر و شافو سااااخط)
عشق: الامر ماعندو علاقة بك لكن هبة مابغاتش تفتح عينيها على حقيقة باك
صخر: شنو دابا كتحميها؟
عشق: انا مكنحمي حد انا كنعطي دروس قاسحين و اللهم فيك ولا فيه
صخر: شنو بغيتي تقصدي؟
عشق: نتا كتبغيها و انا انواعدك بلي هي ماغاديش تزوج بمحسن و اتزوج بيك
صخر: نتي كتواعديني بالمستحيل
عشق : الى واعدت كنوفي
صخر: علاش انتيق بيك؟
عشق: حيت ماعندكش شي خيار اخر و دابا منين تجيك الفرصة غتانمها
صخر: اوك انشوف
عشق: سير عند جسور قبل مايدير شي مصيبة
صخر: (بغا يمشي و ضار شاف فيها) ماعنديش مشكلة معاك ولكن نتي كتآذي جسور بزاف و الى ماكنتيش باغاه بعدي من طريقو
عشق: (ابتاسمات بشر) سير ضمن ليا بلي ايعيش و انا انفرجك(شافتو خرج و حطات يديها على كرشها) خصنا نعذبو باك شوية (ابتاسمات) دابا زواجو على الأكيد ماغاديش يكمل
صبح صباح جديد جالس فلفيلا ديال تايغر مغدد حتى كيسمع صوت صخر موراه
صخر: هرب؟
جسور: هرب ولد ل** بلحق نجبدو نجبدو
صخر: ايكون خوا لبلاد
جسور: واخا يمشي ل اخر الدنيا انا باقي تابعو
صخر: شنو ادير مع عشق؟
جسور: ماعرفتش اصخر انا تالف و عيان و حرت
صخر: الخطوبة ديالك ماكملاتش
جسور: كنفكر شنو انقول ليهم
صخر: شوف نتا شنو باااغي و قول
جسور: انا باغي عشق باغي نكشف علاقتنا قدام كولشي ولكن هي دارتني طريق للإنتقام هي مكتبغينيش و مانقدرش نسا كيفاش هانتني فرجولتي
صخر: و شفق شنووو ذنبها فهادشي راك اتعذبها معاك
جسور: عتارفات ليا بلي كتبغيني
صخر: نتا وااااحل بين نارين
جسور: اووووف ندمت علاش جيت لهاد روووسيااا كنت مهني كري
صخر: اودي كنا مهنيين كاملين و حنا لي خربقنا حياتنا
جسور:(جبد تيليفونو لي كان كيصوني) الو (تبدلو ملامحو) كيييفااااش (قطع و دخل كيشوف فتيليفونو و تصدم)
صخر: مااالك
جسور: صخر جري عند عشق ماتخليهاش تخرج من لكلينيك
صخر: وا شنووو واااقع؟
جسور: مصيبة طاحت على راسنا
….فاقت كتلبس حوايجها و راشقة ليها شيحاجا تبدلات فيها الابتسامة مافارقاتش وجها و يديها على كرشها احساس غريب تملكها و برغم من انها خايفة و مترددة لكن هاد التجربة اتعيشها، دخل عندها ارتورو و وجهو مخطوف
ارتورو: نتي بيخير؟
عشق:(حطات يديها على كرشها) حنا بيخير
ارتورو: وااات؟
عشق: كنت انموت انا و ديابلو لبارح بسبب تايغر ولكن عشنا
ارتورو: نتي حااااملة؟
عشق: ثلث شهور و مكنتش حاسة
ارتورو: شنو اديري دابا؟ اتستاغلي البيبي فهاد اللعبة
عشق: ولدي ولا بنتي ماغاديش نستعملهم فهاد اللعب
ارتورو: تقدري تقولي بلي نتي حاملة و ايتفرتك هاد اللعب
عشق: مابغيتش جسور يرجع ليا غير حيت انا حاملة اذن انمشيو من طريق صعيبة
ارتورو: الاهم هو ماتموتيش و نتي كتلعبي
عشق: الموت ديما مرافقني
ارتورو: نمشيو للقصر؟
عشق: وي
...خرجو من لكلينيك و توجهو للقصر و فينما كتبغي تمشي كتسند على ارتورو، دخلو للقصر و شافو كولشي قدامهم شي واقف شي جالس و ساكتين طلعو ريوسهم كيشوفو فيها و هي كتشوف فيهم و داخل ليها الشك من نظراتهم حتى دخل جسور و شاف فيها
جسور: سيري لبيتك
عشق: شنو واقع مالهم كيشوفو فيا هاكا
نيار:(توجه لعندها بملامح باهتا و نطق) عارفك متهورة و عارفك كتخاطري بحياتك ولكن باش طلعي خائنة لبلادك اعشق مانويتهاش فيك
عشق: علاااااياش كتهضر
نيار:(رما ليها تصاور فوجهها) شوفي تصاور و قرااااي الجرائد و حلي تلفاااازة تشووووفي شوووهتنا فييين وصلات نتي طيحتي باسم سقراط نتي اصلاااا ماااشي بنتي
عشق:(بصوت مستفز) علاه انا فين عمرني كنت بنتك
ارتورو: عشق ماتعصبيش
عشق:(نترات يدها من ارتورو و شافت فباها) جاوبني مرة وحدة فحياتك و سول راسك بعدا واش نتا كتعتاااابر راسك اب؟
نيار: فشلت معااااك حيييت خرجتي من جنب و كل نهار كتبيني ليا بلي ماتستاهليش تكوني منااااا
عشق: اصلاااا حناااا كنبانو عائلة غير من براااا اما الواقع حاجا أخرى خلييي نااااس يعرفووونا على حقيييقتنا و يعرفووو بلي اسم سقراط مجرد زبل
نيار:(صرفقها) زبل هو فعااااايلك لييييي دييييما مشوهاني بيهم
علاش نتي ماااشي بحااال ختك
عشق: علااااه هي عااااشت شنو عشت اناااا وااااش دازت من الربع لي دوزتو انا؟ لاااا حيت كل بساطة كنتي كتحميها و انا لايحني ؤ الاهتمام لشفق و الاهمال لعشق، لحاجا زوينة لشفق و لحاجا لخااايبة لعشق و الحمد لله نزار ماطلعش هاز فقلبو بحالي
نيار: الغييييرة عماتلك عيييينك
عشق: حيييت عيييت كل نهاااار نتبت ليييك راااسي ختاريييت هاد ضومين غير حيت نتا كيعجبك و حااااولت نتفوق فيه باش تفتاخر بيا ولكن عمرني ماغادي ناخد بلاصة فقلبك حييييت كتكرهني
نيار: انا مكنكرهكش
عشق:(غوتات) كتكرهنيييي و انا بدوري كنكرهك نتا اسوء أب شفتوووو فحياااااتي حيت عمرك قدرتي تحميني دازو بزاف دلحاجات فهاد لقصر آذاوني و ماشفتيهمش حيت قلبك حجر
نيار: نتي تعمييييتي بحقدك
عشق: و انا طفلة فعمري 5 سنين حقدت و هاد الحقد كيكبر معااايا لدرجة كنحقد علييييكم كااامليييين
جسور: سكتي (شدها) زييييدي لبيتك
عشق: (نترات منو) خلييييهم اعرفو بلي تايغر كان هو ايهم خلي العالم كامل يعرف و نبان انا خائنة لوطني و من بعد؟؟؟ انا لي انمشي فييييها و خدمتي انستاقل منها من ليوووم و كماااارتي عمركم اتشووووفوووها
سارة: عشق نعلي الشييييطان اش كتقولي
عشق: انا مااااعنديش عااائلة مبرية منكم (تخطاتهم و مشات لبيتها كتجمع حوايجها بزعاف، جمعاتهم فلافاليز و هبطات و هي كتوجع ، مشا عندها بسباس كيبكي شادلها فرجلها)
بسباس: عفااااك اعشق ماااتمشيييش هالعار هالبزيزيلة ها حجر لعافية
عشق: طلق طلق ن*** فحاااالاتي الله انعل لي يبقا معااااكم نتوووما عمركم تعلمو الدرس و انا كنخوي لما فرملة
نزار: فييين باااغا تخلييني
عشق: وااااتفرقو على **** يااااك انا كنجيب صداع واااا خليوني ن*** (كتنتر حتى شيرات من ديك لباليزة فدروج و تعصبات لواحد الدرجة كبيييرة لدرجة كتنهج و ولات حمرة و عينيها حومر )
سارة: (شدات نيار لي تخنق و مابقاش قادر يطلع النفس) نيااااار مااالك
نيار:(طاح فالأرض كأنه كيلتاقط أنفاسو الاخيرة و كينطق باسم عشق) عش..ق
هبة: خاااالي (تدخلات دغيا فتحاتلو لكرافاطا باش اتنفس و كولشي تجمع عليه) ماما عيطي لبابا
أماني: اشواااااقعلووو
هبة: امااااما سربي عيطيييلو
سارة: نيااار تهدن عشق ماااغاااديش تمشي(كتبكي و كتشوف فيها)
عشق:بابا (ديك العصبية لي كانت فيها رجعات لصدمة و هي كتشوف فباها طايح فالارض ماقادرش يطلع النفس و جلسات فدروج حتى هي كتحس بألم خفيف ماكانتش عارفة ان هضرتها أتأثر فيييه )
ارتورو: ديابلا نتييي مزيان
عشق: (كتحاول تنفس و شافتهم دايينو لصالة) شنوو وقعلو
جسور: (جا عندها) فكري فراااسك عاد خرجتي من لكلينيك و كتقابحي زيدي لبيتك ترتاااحي
عشق: مااااغانتحركش
جسور:(تحنى عندها) شنووو كيضرك؟
عشق: راه عاد لبارح درت اجهاض و طبيعي انبقا نتوجع
جسور: يالاه نرجعو لكلينيك
عشق: جسووور هاد ساعة بغيت نعرف با اشواقعليه
جسور: يااااربي صبر (ضار عندها) انمشي شوية و نرجع و الى لقيتك عتبتي باب لقصر رجليك نقطعهم (خرج)
عشق: ماشعرتش براسي حتى تعصبت و قلت ديك الهضرة مكيحسابش ليا انوصلو لهادشي
ارتورو: و شنو كنتي ناوية تلقاي؟ يتعرضولك بتمر و لحليب و يشكروك حيت شوهتيهم مع المنظمة الروسية
عشق: انا من الاول باغيا تصاوري مع تايغر اتنشرو باش انا نخطي خطوتي الثانية
ارتورو: كتغاااامري بخدمتك
عشق: اصلا دابا غادي نتحط تحت التحقيق و انتعزل من خدمتي و لحاجا الوحيدة لي اتحيد عليا الشبهات (بخبث) زواجي من جسور
ارتورو: (بدهشة) دااابا اش ناوية ديري
عشق: دابا خص نزار يعرف علاقتي بجسور من منظور اخر و ديك ساعة ا ارتوريتو غادي نمشيو و هوما ايقلبو علينا
….شافو هارون دخل و توجه للصالة، ناضت و مشات لعندهم كتشوف فيه عبرلو كونسيون و عطاه مسكن و حقنة ووصاه مايتعصبش و يدير التحاليل فأقرب وقت ، أما نيار كان غير كيقلب عليها بعينيه حتى شافها واقفة و اشار ليها بيدو تجي عندو و مشات جلسات حداه و من بعد كولشي خرج
نيار: ماتمشيييش
عشق:(شابكة يديها مع بعضهم و كتشوف قدامها) ماعندي فين نمشي
نيار: انا كنخاف
عشق: فخامة نيار سقراط كيخاف؟
نيار؛ كنخاف نبقا بوحدي مابغيتش ولادي يبعدو عليا
عشق،: هاديك انانية نتا كتستافد بوجودنا معاك ولكن حنا مكنستافدوش
نيار: فين غلطت؟
عشق: شفق ضيعتيها بالاهتمام و نزار بلفشوش و انا بالاهمال
نيار: و قسوحية الراس كنت بحالك منين كنت صغير ولكن كتجي واحد الوقت و غادي ترطابي
عشق: حتى نتا اتقولي بالحب؟
نيار: منين كتغمضي عينيك مكيبانلك حتى واحد؟
عشق: (غمضات عينيها) كيبانلي و غادي ندير كولشي باش ناخدو
نيار: الحب مافيهش التملك
عشق: لكن فيه المغامرة و التحدي و انا فسبيلو خسرت كولشي
نيار: ماكانش كيحسابلي كتبغي تايغر
عشق؛(تنهدات) مكنبغيهش كان كيهددني بيكم
نيار:(حط يدو على يدها) انا معاك ياك ماغاديش تمشي
عشق: انبقا هنا حتى نشوف فين انوصلو
…..بقاو كيهضرو و كيحاولو يتهدنو و كتعاودلو عشق كيفاش بدات قصتها مع تايغر و طبعا عاوداتلو غير لي بغات أما جسور كان داخل من برا و هي توقفو شيماء
شيماء: جسور لبااارح ماكملناش لخطبة و ماركبتوش لخواتم
جسور: الوليدة انا مامساليش سيري عند شفق قوليلها تلبس خاتمها راسها و من بعد جيبيلي خاتمي و نتلاقاو منهنا سيمانة فالعقد (تخطاها و مشا لبيتو و بقات مبهوطة فيه)
.دخلات كتجر لافاليز و هازة صاكها و كتمنظر فلقصر و كتشوف واش كاين شيواحد ولالا حتى ناداتها اماني
اماني: خلووود بنتي
خلود: (بابتسامة ) خالتي
أماني: مرحبااا بيك معانا اتبقاي هنا حتى نصيفطك عروسة لعند راجلك ((عنقاتها)
خلود: ربي يحفظك
اماني: عتابريني بحال ماماك
خلود: شكرا بزااف
اماني: علاش ماجيتيش لبارح
خلود: ماهضرتش حيت كنجمع حوايجي
اماني : ماشي مشكل اصلا الخطوبة ماكملاتش
خلود : علاه شنو وقع
اماني: و شكون عرف ناض جسور خرج كيجري
خلود: ماعرفتوش السبب
اماني: مابغاش يقول و فتالي لبسات شفق خاتمها بوحدها
خلود: الله ادير لي فيها لخير و صاف فين مالين دار؟
اماني:راهم مع نيار جاتو شي كريز بسبب عشق ديك لبنت اتقتلو شي نهار
خلود: انمشي انشوفو
اماني: سيري ابنتي سيري
….كان جالس و حداه مانفال و كيلعب ليها فشعرها و مبتاسم
نزار: الحمد لله عشق مامشاتش و بابا بيخير
مانفال: الحمد لله
نزار: عرفتي كنخاف شي مرة عائلتنا تفكك
مانفال: لا ماغاديش تفكك حنا انبقاو ديما جامعينها
نزار: عندك الحق (كيدوز يدو على حنكها) كتبانيليا صفرة مالك
مانفال: هاد الايام كنحس بلعيا
نزار: مابغيتش هاد المشاكيل تأثر عليك
مانفال: بغيت نطلب منك طليبة
نزار: طلبي جوج
مانفال: هه هاد ليلة دايرة صاحبتي ناديا حفلة عيد ميلادها فدار واخا نمشي؟
نزار: شكون ايكون تما؟
مانفال: قالتلي غير لبنات
نزار: واخا انقول للشيفور اوصلك و نتي خلي تيليفونك مشعول
مانفال: (ابتاسمات) لهلا يحرمني منك
….وصل الليل لي عامر بأحداث كثيرة ، كانت جالسة فجردة لابسة كاب و كترشف لحليب و حداها بسباس كيصايب ليها صباغة ليديها
بسباس: و ناري اختشي تخلعت كيحسابلي غا اتخرجي
عشق: و راه انمشي
بسباس: اناري فين
عشق: معروف بلي انتوقف من الخدمة و ايتفتح معايا تحقيق و الى ماتبتاتش براءتي غادي يخرجوني من الخدمة و طبعا انا ماغاديش نبقا هنا
بسباس: و جسور اتسمحي فيه بهاد السهولة
عشق: بقاتلي حاجا وحدة انديرها و غادي نتسنى ردة فعلو و ليلة عرسو انمشي بلا رجعة
بسباس: بقااات سيمانة
عشق: سيمااانة اتحدد مصير كل واحد واحد فينا
بسباس: اوا ديني معاك فاش تمشي
عشق: فين انديك
بسباس: فين ما عجبك نتوانسو انا وياك
عشق: اوك حتى نبغي نمشي و ناخدك معاايااا (لمحات نزار خارج) نزاار
نزار:(مشا عندها) وي
عشق: فين غادي
نزار: عندي اجتماع مع رؤساء الشركات على قبل شركات محسن
عشق:غادي تشريهم؟
نزار: وي كيما تافقنا و دابا خصني نريكل معاهم المسائل باش مايوقعش شي مشكل
عشق: فين اتلاقا بيهم؟
نزار: لبار
عشق: اوك الاهم هو الشركات مايبقاوش عندو
نزار: كولشي مريكل ماتخمميش
عشق: مانخافش عليك
نزار: انمشي دابا تهلاي(مشا)
...عشق ضارت عند بسباس و بقاو كيهضرو و يضحكو و هي لاشعوريا كتحط يدها على كرشها و تحسسها و تبتاسم، أما مانفال كانت لبسات حوايجها عبارة عن كسيوة كحلة طويلة بليدين و تقادات طلعات مفركسة، هزات لكادو فيديها و نزلات مشات عند شيفور كان وصاه نزار و ركبات معاه باش اوصلها ، صونات ل ناديا
مانفال: اهلا ناديا بيخير
ناديا: وي بيخير فييينك تعطلتي
مانفال: عطيني العنوان
ناديا: مدي تيليفون لشيفور نقوليه
مانفال: هاك خودني لهاد العنوان لي اتقوليك صاحبتي (عطاتو التيليفون و سمعو و ردوليها) صافي
ناديا: حنا كاملين كنتسناوك
مانفال: هه قريب انوصل يالاه تهلاي (قطعات)
….وصلات للعنوان لي قالت ليها ناديا و نزلات من طوموبيل كتشوف قدام لباب شي داخل شي خارج و هي تصوني عليها
جراتها للداخل و جهد ديال الموسيقى كيتسمع على برا، وصلو للبار و شافت ناس محيحين و دنيا مخلطة بين دراري و بنات و ها لي كيشطح ها لي سكران ها لي مقنت كيتباوس كولشي مخلط، شداتها من يدها
مانفال: اش هاد لبلاصة
ناديا: واغادي نشطو فلبار
مانفال: قلتي ليا دايرة عيد ميلاد فداركم و غير لبنات لي كاينين
ناديا: اوا ماجاتش مانعيطوش لدراري غير اجي ايعجبك لحال (جراتها و مشاو لعند لبنات و دراري)
كريستيان: (شافها و وقف) جيتي
ناديا: بطبيعة الحال اتجي راه عزاز عليها هاد لبلايص
مانفال: ناديا انا انمشي راه جيت درت صواب و لكن مانقدرش نبقا هنا
ناديا: تي مالك اصاحبتي معقدة جلسي و فوجي
مانفال: ماعرفتش مارتاحيتش
ناديا: انمشي نجيبلك عصير و نجي
مانفال: واخا
...كان جالس فنفس لبار فبلاصة مهدنة شوي و كيطلو على لبار ملتحت، كيهضر هو و صحابو على الشركات و بلي خاص يتحطو فالمزاد باش اشريهم ، تافقو على كولشي و قررو يهبطو لتحت اشربو نخب هاد الاتفاق ، أما مانفال كانت بحال الأطرش في الزفة جابت ليها ناديا عصير و بقات كتشربو و تشوف ف ناس كيشطحو جاها هادشي فشكل عمرها شافتو، بداو لبنات كيهضرو معاها و عاد بدات كتطلق شوية و ناضو كيصورو و يسنابيو ، قرب منها كريستيان واخا عارفها مكتفهموش و مكيفهمهاش و لكن بغا يحاول، مد ليها لويسكي و هي كيحساب ليها موناضة و شرباتها و قتارح عليها يشطحو، ناض و نوضها معاه و بداو كيتمايلو على انغام الموسيقى دازت ساعة و هوما على هاد الحال و ماوقفوش، ضحكتها كانت كتسمع من بعيد و كولشي نتابه ليها و لجمالها و شعرها لي ماكاينش بحالو، نزار كان نايض يمشي حتى كيسمع واحد كيشير ل صاحبو ل مانفال و كيتغزل بجمالها و جاه لفضول يعرف شكون هاديك و ضار، و كيتصدم بالزوجة المصون ديالو كضحك و كتشطح مع دري، قلبو كيضرب فالالف و سخونية طلعات معاه و تصدم ...
امرأة تدخن الرجال الجزء 15
محتوى القصة
التنقل بين الأجزاء