خطوات بحال لبرق وصل لعندها و هي منين شافتو قدامها لما جمد ليها فركابيه و بدات كترجف، نطق بكل برودة
نزار: تحركي قدامي
كريستيان: هييه فين ناوي تديها (شدو من ليد)
نزار:(مع ايضور عطاه براس جابو طااايح و شد مانفال من يدها) تحركيييي
رجفة و لبكية تجمعو ليها بغات تدوي و ماقدراتش، زدحها فطوموبيل و ركب وزاد بسرعة كلمة مانطقهاش حتى وصلو للقصر و نزل و نزلات و هو يشدها من شعرها كيجرجرها
مانفال: نزاااار ضريتيييني إهئ اهئ.
نزار: وصلتيي للبار كاااع اووك زعمتي
….غادي مجرجرها و هي كتغوت كتحس ب زغبة غادي تحيد ليها من جلدة دشعرها ، كولشي خرج كيتفرج فيهم مافاهمين والو
سارة: نزااار اش كدير طلق من لبنت
نزار: حتىىىى وااااحد ما يدخل بيني و بييينها (وصل للبيت و دفعها و سدو) اها امانفااال كدبتيييي و قلتي عيد ميلاد صااااحبتك و انا بحاااال لكلب تيقتك و خليتك تمشي بااااش فتااالي نلقااااك فلباااار كتشطحي لياااا مع ***
مانفال:(كترجف) لاااا ماشي هكك
نزار:(عطاها تصرفيقة للحنك) شتك بعييييييني تفووو على ديلمك و عاااجبك لحااال من لفوووق كون غير جيتي عندي انا ندييك ماغااايشوف فيييك حتى واحد ديك شوفة ناقصة
نزار: (كيمشي و يجي بلاصتو خايف اعطيها شي ضربة يقتلها كينهج و معصب و كيغوت عليها) هناااا اتبقاااااي من ليوم مابقا خروج مابقا دروج اقسم بالله و تعتبي لباب رجليك نقطعهم راك مازال ماكاتعرفينيش وااش كتفهمي
مانفال: (جالسة فاق النموسية كتبكي) اه اهئ اهئ
نزار: ديك لقراية غا نسااايها لحاجا لي تخرجك على طريق نقطع *** بوها كاااع (كيمسح وجهو ب يديه و غير كيغمض عينيه كيتفكر داك المنظر لي كانت كتشطح بيه، خرج و زدح لباب معصب و تلاقا بمو)
نزار: (كيشحطها بلا شعور مابقاش كيفكر فين جاياها ضربة حتى تشداتلو سمطة من لور ) طلقييييي
عشق: بعد منها ماشي هاكا كيتحلو الأمور
نزار: بييييني و بين مراااتي ماتدخليش
عشق: غاااادي تندم تلاااح خرج حتى لصباااح
نزار: (ضار عند مانفال) دوووك لكلاب لي كتستري عليهم غادي نلقاااهم و قدام عينيك انقطعهم طراف طرااااف و الهضرة ماشي داباااا (خرج و زدح لباب و عشق جلسات حدا مانفال كتشوف فيها)
عشق: جبتيها فراسك
مانفال:(كتشهق) ماا كنتش عارفة اهئ اهئ
عشق: ششش باراكا من لبكا
مانفال: مابقاش باغيني صافي إهئ اهئ
عشق: هو غير معصب دابا يتهدن و يجي يهضر معاك و يفهم
عشق: ششش صافي نساي ماغاديش نخليه يقيسك (كدوز على شعرها و كتهدنها حتى نعسات و دموع فخدها عمرها تنسى هاد ليلة )
….صبح صباح جديد ديك ليلة دلبارح لي دازت كحلة على مانفال جات شمس الصباح باش ضوي داك ظلام، كانت عشق ناعسة حداها مابغاتش تخليها حيت كتقفز بليل مخلوعة ، و هي كتهدنها، و من جهة أخرى مابغاتش نزار يدخل و يتهور تاني، خلاتها و خرجات هبطات تفطر أما واحد جوج كانو قدام لقصر كيشوفوه و مترددين يدخلو
كريستيان: متأكدة هادي هي دارها
ناديا: خديت العنوان من سجل المدرسة
كريستيان: اوا زيدي ندخلو نشوفوها
ناديا: و الى جرا علينا خوها
كريستيان: ماكفاهش هاد ضربة لي عطاني لعيني
ناديا: و شنو انقولو
كريستيان: اتقولي ليه الحقيقة بلي جبتيها للبار بلا ماتعرف
ناديا: خفت
كريستيان:(جرها) تحركي تحركي
...وصلو للباب ووقفهم الكارد كيستفسر عليهم ، بقاو كيشرحولو علاش جاو و بلي بغاو اتلاقاو مع مانفال لكن ماخلاهمش ادخلو، شافتهم عشق من بعيد و قربات منهم و عطات أمر للكارد يخليهم يدخلو
عشق: شكون نتوما
ناديا: حنا كنقراو مع مانفال جينا نشوفوها
عشق: نتي مولات عيد ميلاد؟
ناديا: احم اه
عشق: بكل وقاحة جايا لهنا منبعد ما درتي ليها المشااااكل مع راجلها
كريستيان: راجلها؟
عشق: مانفال مزوجة بخويا شنو كان كيحسابلكم؟
….خرجات العائلة من صالة د لفطور من بعد ما سمعو صداع
نزار: بلاصتك هنا و ماغاتخرجي من هاد لقصر حتى يهزوك فلكفن
مانفال: اوا قتلني و تهناااا اهئ اهئ
نزار: سكتيييي راه انجبدها معاك و مازال كتقابحي دايراااها قد راسك
عشق: (دخلات عندهم) نزار بابا بغا يهضر معاك (خلاتو حتى مشا و شافت ف مانفال) غادي نصحك نصيحة الى عرفتي تخدميها نتي لي اتربحي
مانفال:شنو اهئ اهئ
عشق: الدموع سلاح المرأة ولكن كاين سلاح آخر بين فخاضك خدميه (غمزاتها و خرجات ، توجهات للتحت حتى كتشوف ل بوليس فلقصر و نطق واحد فيهم)
… عشق سقراط انت رهن الاعتقال
.تخطات الجميع بابتسامة و سرعان ما بدلات شخصيتها المهدنة لشخصية ماكرة و من عينيها بانت اللمحة الشيطانية لي كتمتع بيها، شدها باها من يدها و شافت فيه
نيار: ماغاااديش نخليك تمشي انمشي معاك ابنتي
عشق:(حيدات يدها من يدو) ماغاديش نتعطل (ضارت شافت فيهم) تسنيتهم بزاف (شافت فارتورو بمعنى يهتم بالأوضاع علاما تجي و مشات مع لبوليس حتى خرجات و وقفات قدام جسور)
جسور: الى كانت شهادتي اتفيدك انا مستعد نقول ليهم ماعندك علاقة بالتايغر
جسور: خالتي بنتك كيعيطو ليها ديابلا عرفتي اشكيعني ولالا؟ ماكايناش شي قوة فالأرض كتجبرها على شيحاجا مابغاتهاش و عقلها كيحل المشاكيل فرمشة عين
سارة: و الى ماجاتش؟
جسور: غادي تجي (خلاهم و توجه لدروج شوية ضار للباب كيشوف فيه و بصوت هامس) غادي تجي باش تعيشني فجحيمها كيما مولفة
.قاعة مظلمة فيها بولة وحدة مضوية و طبلة فلوسط و كرسي جالسة و شابكة يديها و مضورة راسها لجيهت الحائط الزجاجي، عارفاهم كيشوفو فيها اعضاء المنظمة الروسية و لكن هي ماكاتشوف حتى واحد، ثواني دخلو عندها ثلاثة اشخاص جوج رجال كبار بملابس رسمية و شخص باقي فمقتبل العمر، جابو ثلاثة د لكراسا و جلسو مقابلين ليها
عشق: (رجعات شعرها لور) كنخلع لهاد الدرجة (ابتاسمات) استجوابي كيستلزم ثلاثة منكم؟!
ماكس: انا لي انستجوبك
عشق: (لوحات بيديها ) و هادو ديكور؟
ماكس: هادو رؤساء المنظمة شوية د الاحترام
عشق: (شافت فيه مطولا) كون كنت كنحتارم شيواحد ماغاديش نفضح الشذوذ الجنسي لي كتعاني منو لمرتك (غمزاتو)
….ناضو الرؤساء خرجو و هي تكات على لكرسي كتشوف فيه
ماكس: اي حاجا اتقوليها اتحسب عليك و ايسمعوها الرؤساء
عشق: داكشي علاش جيت
ماكس: انت متهمة ب خيانة روسيا بعلاقتك المشبوهة مع تايغر
عشق: الدليل؟
ماكس: (لاحلها تصاور) تصاورك معاه لي كتباني فرحانة فيهم و متقربين من بعضياتكم و زيد عليها زياراتو المتكررة لقصركم و طلب الزواج لي تقدم بيه ليك
عشق: اممم السؤال المطروح هنا هو علاش حطيت خدمتي و منصبي و سمعة عائلتي و عائلتي فالخطر
ماكس: هادشي اتقوليه لينا نتي
عشق: الحب ! (شافت فيه) الحب كيخلينا نديرو افعال جنونية
ماكس: كتعتارفي بحبك لتايغر!!!
عشق: حبي لمهنتي و حبي لعائلتي خلاوني نخاف عليهم من تهديدات تايغر
عشق: انا رميت راسي فالعافية باش نشد التايغر و كون ماشي التهديد ديالو ماغاديش نتهور
ماكس:(جبد واحد الظرف من جيبو) هنا كاين قرار عزلك من منصب الجنرال و النفي ديالك لأفغانستان رتبة قائد و جاسوس
عشق: ميمكنش نمشي لأفغانستان
ماكس: هادا راه أمر ماشي اختيار
عشق: انا رافضاه
ماكس: علاش؟
عشق: هاد تصاور و اللقاءات ديالي مع تايغر كانو كاملهم تمثيلية مني باش نشدو و نقدمو للعدالة و مايمكنش نتجازا بهاد الطريقة حيت أولا عمر كانو عندي سوابق و ثانيا ماعند حتى شيواحد الحق يتدخل فحياتي الشخصية
ماكس: كتهضري بحال الى حنا كنرغبوك توافقي (ضرب بيديه و ناض) مكنخدمووش فالخفاء و نتي خائنة و خصك تعاقبي
ماكس: مكنحقدش عليك حيت افضل حاجا درتيها هي فضحتي ميولي الجنسي حيت كنفتاخر بيه و هاديك هي طبيعتي
عشق: هاديك ماشي طبيعة هاديك سميتها ز****
تخطاتو و خرجات راسها مرفوع و العد التنازلي بدا و الحركة الثانية فلعبة الشطرنج غادي تلعبها ، كانت مفتاخرة بذكاءها و كفاش كتحبك الخطة بدقة، و كولشي كيوقع بارادتها ، خرجات و استاقلات طاكسي و مشات للقصر، غير دخلات ليه ابتاسمات ليهم و نطقات
عشق: ديابلا رجعات
سارة: عشق (عنقاتها) بنتييي نتي بيخيير
عشق: اه بيخير
قصي: شنوو دارو معاك
عشق: حتى حاجا سولوني اسئلة عادية و منبعد طلقوني نمشي
نيار: واش عزلوك من خدمتك؟
عشق: لا مايتجرأوش هوما عارفين اش كنسوا
سارة: اووف دازت على خير
نيار: ماتعاوديش تتهوري
عشق: هه التهور عنواني (خلاتهم و دازت من حدا ارتورو)
نزار خصو يعرف بعلاقتي مع جسور
ارتورو: شنو ناوية ديري؟
عشق: أنلعب البيلياردو هههه (طبطبات على كتفو و طلعات لبيتها راشقالها)
…..أما نزار كان فقاعة الاجتماعات ف شركة ديالو و حداه اهم رؤساء الشركات و مقابل معاهم محسن لي تعابير وجهو معصبة عكس نزار لي مهدن و منتاصر ، كان المزاد فوسط قاعة الاجتماع و هاكا تعلن بلي نزار لي ربح الشركات و سنا محسن بزز على وراق تنازل الملكية و فالمقابل خدا نزار لوراق و دفع للبنكة لي كتسال لشركات محسن الديون كاش و منبعد كولشي خرج
محسن: كيما خديتو مني الشركات نتا و ختك غادي ناخد راحة لبال من حياتكم
نزار: هضرت معاك بلخاطر و نصحتك تبيعهم و لكن مابغيتيش و ها النتيجة خسرتي كووولشي
محسن: حتى نتوووما غادي تخسرو كولشي واحد نهار
نزار: ماتكونش تايق بزاف فراسك
….خلاه بلا مايزيد معاه لهضرة و فيديه اوراق الملكية، رجع للقصر و عارف بلي عشق اتفرح بهادشي ، مسافة طريق وصل و هو داخل شاف ف مانفال جالسة مع مو و ختو و دغيا قلب وجهو و مشا اما هي منين شافتو دار هكك عمرو عينيها بدموع و لاحظاتها سارة
سارة:(حطات يدها على كتف مانفال) ماديريش فبالك ابنتي دابا تصالحو
مانفال: الى ماكانش باغيني اخالتي نرجع لعند مي
سارة: لااا بلاصتك هناا راه كيبغيك غير فاش كيتقلق صعيب ينسى انا لي عارفاه
شفق: مسعور شوفي ضربها و باقي زايد فيه
سارة: الى عاود حط عليها يدو نسخط عليه
مانفال: لاا اخالتي سخط لا
سارة: راك عزيزة عليا و امانة
شفق:(تنهدات) الله ادير لي فيها لخير
سارة: مالك هاد نهار شفتك ماعجبك حال
شفق: غير كنفكر ف لعرس
سارة: غدا انبداو ان شاء الله
شفق: ياربي مايوقعش ليا نهار لعقد بحال الخطوبة
سارة: واش ماقالش ليك فين مشا؟
شفق: (همسات ) كون غير كان كيشوف فيا عاد نحلم يهضر معايا نقاد
كتلعب البيلياردو فقاعة اللعب و مركزة ، كتخيل بلي دوك لكورات صغار اعداءها و هي لازم تنحيهم واحد بواحد، سمعات صوت صباطو موراها و مابغاتش ضور عندو و كملات لعب حتى نطق
جسور: شنو وقع فاش خداوك؟
عشق: والو استجوبوني و طلقوني
جسور: بغيتيني نتيق بهاد الكذبة
عشق: خصك تيق حيت الحقيقة كتقسح
جسور: بغيت نسمعها
عشق: (ضارت عندو) شوف راسك فلمراية و اتشوفها كاع
جسور: لشنو كتلمحي؟
عشق: ليلة عرسك اجسور غادي نمشي و عمرني باقي نرجع و غادي ناخد اسرارنا لبلاصة بعيييدة
عشق: و علاش اصلا كندير هادشي؟ علاش محمقة راسي معاك علاش دخلت تايغر لحياتنا باش نجيبلك لغيرة
جسور: نتي باغا تنتاقمي و علاقتي بيك مابغيتهاش تبنى على الانتقام
عشق: فات لوقت على هاد الهضرة و واخا انبغي نسمح فكولشي على قبلك غادي نكونو كنآذيو لي قراب لينا
جسور: فات لوقت من شحال هادي و كنا كنكذبو على راسنا
عشق:(قربات منو) اوا دابا كنتمنى ليك السعادة
جسور: (بحة حزينة) مابغيتهاش
عشق: كنواعدك انمشي فخطرة و اتعيش مرتاح (عطاتو بظهرها و ضمات يديها لعندها و هي كتشوف ف لمراية لي قدامها انعكاس صورة نزار قدام الباب و من ملامحو المصدومة باينة سمع كولشي)
نزار: شنووو كنسمع؟
ارتورو: مكيحسابش ليا ايكون جسور هنا
نزار: (لهضرة هربات ليه) شنوو هادشي
ارتورو:(ابتسامة كيشوف ف ديابلا) الحقيقة تيق بيا فقط الحقيقة
علي: تبارك الله عليها فينما كاينة شي مافيا شداتها و سمعت بلي شدات مافيا تايغر
نيار: تقريبا
علي: اوا خليها ليا لولدي نيروز هي لي تقد عليه
نيار: كيداااير لباس عليه ماعندي مايتسالو حتى هو راه قاد براسو
علي: اش غادي نقوليك رجع وحش مكيتفاااكش و ديابلا هي لي تصلاح ليه
نيار: واااش انا كنقلب على لي يهدنها ولا لي تحارب هي وياه
علي: هههههه اغير توكل عالله اصاحبي راه مكيخلعش واخا هكك
نيار: و هادشي خصو جلسة حتى تجي
علي: غير عفيني من لعراضة مايصلاحليش نجي
نيار: ياك لباس
علي: غير مشاكيل مع الخدمة
نيار: مابلانش اصاحبي خصك تجي
علي: هانتا غادي نجي ان شاء الله فوقت آخر
نيار: مرحبا بيك فأي وقت
علي: تهلا
نيار:(قطع الخط) مايصلاحلوش يجي
قصي: ماشي مشكل شنو درنا دابا
نيار: مامتيقش بلي بقات 4 ايام و يتزوجو ولادنا
قصي: الله اكمل عليهم بلخير
نيار: آمييين
….منين قطع الاتصال و هو كيخمم و مسرح عينيه فسرجم كيشوف لبرا حتى حس بيديها كيضموه من لور و ابتاسم
علي: نيار عرضنا لعرس بنتو
زمرد: و شنو قلتيلو؟
علي: رفضت
زمرد: حرام عليك كنت باغا نشوف سارة و شيماء توحشتهم
علي: كيفاش بغيتي نمشيو و انا غارق مشاكيل من راسي لرجليا
زمرد: علااااه مااالك
علي: لا والو غير نيروز قالب علينا وجهو هادي شهور مكيسول ماوالو الخدمة واخدة حياتو
زمرد: الولد كبر ا علي واش اتبقا تابعو ديما
علي: راه امانة عندنا ولا نسيتي
زمرد: كيفاش انسى و انا لي ربيتو كيحسابلك ماباغاش نشوفو فرحان و داير دارو وولادو حتى هو
علي: من نهار وصاني عليه المرحوم باه وانا دايرو بحال ولدي و مشطون بالي عليه
زمرد: غادي يرجع لينا راه غير الخدمة لي لاهياه
علي: يكون خير
…..دازت ديك ليلة كاملها بأحداثها المتكررة و روتينها المعتاد و صبح صباح جديد فيه ، كتكسل ففراشها و كتحل عويناتها لكريستاليين، ناضت خاطرها مروعة و تهزات مشات لطواليط كترد، حتى سالات و غسلات فمها ووجها و خرجات شافت فنزار كيلبس حوايجو و كيقاد كرافاطا ديالو ، قربات منو و نطقات بصوت حزين
نزار: عندي لخدمة مامساليش ليك (هز تيليفونو و خرج و هي بدات كتبكي و تخنن صافي داكشي لي كان خاصها ، خرجات كتبكي و كتزرب فلمشية حتى وصلات لبيت عشق و حلاتو و دخلات، أما عشق كانت يالاه خرجات من دوش و طلعات فيها حاجبها)
عشق: هاد لويكاند و فليلة عرس شفق غادي نمشي لأفغانستان
نيار: (كيسمعلها بتركيز) علاش؟
عشق: بصراحة هادا هو العقاب ديالي من مور قضية تايغر
سارة: ولكن غااادي نلقااو لحل
شفق: اااه انلقاوه و ماغاديش تمشي
عشق: ماكاينش حل خصني ندوز عقوبتي
نيار: ماااايمكنش ماتكونش شيحاجا نديروها
عشق:(كتلعب بفورشيط) لا ماكاينش
جسور: بصحتكم
ناض و خلاهم تماك دار سبة بأنه شبع لكن الحقيقة كيحاول مايبينش بلي قلبو كيوجعو و حبو ليها مرضو و هلكو، طلع لبيتو بسرعة و سد لباب و رجع راسو لور مغمض عينيه و كيسول علاش كيوقعلو هاكا ، باغي يهرب و باغي ينسى حيت ماكاينش نهار لي مكيتفكرش فيه لحظاتو معاها و شنو دوزو و دابا صافي سمحات فكولشي و قررات تمشي و بغاتو يعيش فسعادة ، كيسول راسو واش بصح تنازلاات على وعدها ليه بأنها ماتخليهش يتزوج و لا هادي خطة اخرى باش تقربو منها ، فكرة كتديه و فكرة كتجيبو لكن لي شاغلو هو قلبو لي محكوم بالاعدام معاها، اما لتحت كانو مازال كيهضرو مع عشق فموضوع مغادرتها و كيحاولو يلقاو حل لكن لا جدوى مابغاتش تعطيهم راس لخيط حتى دخلات هبة مع محسن و ساخطة على الوضع و غوتات
هبة: ماما نزار شرا شركات محسن من المزاد و عطاهم لعشق هادي كانت خطتهااا هي لي قالتلو يشريهم
عشق: الشركات فالأصل ديال صخر عطاتهم ليه مو قبل ماتموت و نهار يجي عندي هو و يبغي يشريهم انبيعهم ليه
محسن: هاكا نتي غادي تعطلي زواجي انا و هبة و ماغاديش يكون سيمانة جايا
أماني:(بفرحة ولكن مامبيناش) ماعليش نزيدو نتسناو
هبة: شنووو كتقولي امااما فعوض ماتجي من جهتي كتجي من جهتها
عشق: قلتها و انعاودها منين يجي عندي صخر انبيعهم اما هاد رويجل لي عندك فلوسو ضيعهم فلقمر
نيار: عشق حشووومة
هبة: الىىىى مارجعتيييلوووش الشركات غادي نقولهم داكشي لي كنعرف
عشق: نطقي و قولي داكشي لي كتعرفي باش نقول لي عندي حتى انا
سارة: علاااياش كتهضرو نتوما بجوووج
أماني: هبة سكتي صافي
هبة: و لكن علااااش كتسكتيني
أماني: قلتلك سكتي
عشق:(ضربات ضورة بغات تمشي و همسات لأماني) كيما تافقنا بنتك ماغاديش تزوج بمحسن و لكن علميها حدودها راه مانضمنش ليك شنو ندير فيها (ضارت ل عند بسباس و مانفال) بسيبيسة مااانفااال اجيو معااايا
….مشات و هوما تبعوها بجوج و بقات هبة كتشكي على نيار و هو كيحاول يهدن محسن و يواعدو بلي يكون خير
محسن: منين وقع هادشي غادي نعتاذر منكم عرسنا انا و هبة أيتأجل
أماني: ماشي مشكل هاهي جالسة فدار حتى لفوقما وقفتي على رجليك و اجي خودها
هبة: وااااش منيتك اماما
أماني: و شنو بغيتيني نسيفطك بلا عرس حتى باك ماغاديش يبغي
نيار: ماماك عندها لحق
سارة: منين هاكا نديرو عرس نزار و مانفال مع جسور و شفق بلا مانعطلوهم حتى هوما
نيار: عندك لحق
سارة:(شافت ف محسن) انا انهضر مع عشق باش ترجعلك الشركات
عشق: محسن ماشي غير كداب و غدار هو راه بيدوفيل (ناضت مشات لخزنة ديالها جبدات داك لميلف لي فيه تصاورو
كيغتاصب دراري صغار) شوفي
سارة:( كتحل لميلف و مخلوعة) الله اربي اشهاااادشي
عشق: وحشيتو
سارة: خصنا نقولوها لباباك و كووولشي يعرف
عشق: لا اماما هبة ماغاديش تيق و ايحسابلها غير باغيين نفرقوها عليه و صاف
سارة: و شنووو لحل هادشي مامعقولش
عشق: لحل هو نتي خصك تخليه يعتارف بالجرائم ديالو
سارة: اشمن جرائم تاني
عشق: قتل عيالاتو بجوووج
سارة: انااا مابقيتش قادرة نستوعب
عشق:(شداتلها فيدها) محتاجاك اماما
سارة: بغيييت نعاااونك ولكن شنو ندير؟
عشق: اويلي اتيريزا واش انا انعلمك شنو ديري راه كان شيطان كيتعلم منك
سارة: و شيطان دابا عطاك سميتو
عشق: واخا هكك محتاجاك
سارة:(ابتاسمات) بنتي محتاجاني اذن انعاونها باش داك لمجرم ياخد عقابو
عشق: و مانوصيكش هادشي يبقا بيناتنا
سارة: اكيييد و لكن عطيني شوية دلوقت
عشق: لوقت كاملو ليك غير تصرفي دغيا
سارة: (عنقاتها) انا معاك فكل خطوة و كنواعدك انعاونك
عشق:(بابتسامة خبيثة) بطبيعة الحال عاااارفة لي كاين
سارة: اوا انخليك دابا حيت انخرجو مع شفق بغات ضور و تقضا بيديها
عشق: وي سيرو (.خرجات سارة و بقات عشق كضحك على افكارها ) نهايتك قربات امحسن (جلسات و كتعوج فلسانها ) غير كنطق كلمة ماما لساني كيتشوك ليا بلحق الغاية تبرر الوسييييلة
كانت فبيتها و قررات ماتهبطش للفطور باش ماتشوفوش و جابتليها لخدامة لفطور، منين دخلات للقصر و هي كتشوف لعجب فيه و هادي غير يوماين باش جات، كانت كتاصل بصخر و مكيجاوبهاش و هاكا كتزيد تأكد من لهضرة لي سمعات عليه و على هبة لكن مابغاتش تسرع ، حطات تيليفونها و خرجات من بيتها باغا تمشي لجردة تشم شوية دلهوا و مع غادية مايخرج قدامها غير ارتورو كيبتاسم و بصوت خفيف نطق
ارتورو: رجليك جابوك حتى لعندي
خلود: (بدات كتبلع ريقها) ماجيتش عندك
ارتورو: جيتي لمنطقتي (عض شفايفو) ولا توحشتي شيحاجا
خلود: (بغات تمشي و شدها) طلق منييي
ارتورو: ششش (تكاها مع لحيط و كيشوفلها فعينيه) ماتبقايش تسخفي ليا كل مرة
خلود: عفاااك بعد مني
ارتورو: و علاش قلبك كيضرب ؟ هممم (باسها فحنكها)
خلود:(كترجف على شوية طلق لبولة) ارتووورو
ارتورو: (حط يدو على قلبها و نطق) مكنعرفش نكون رومانسي ولكن قلبك بصح كيضرب (زاد باسها فلحنك لاخر)
ارتورو:(جمعها معاها ببوسة فشفااااايفها و هي كدفعو ساعة حكمها، و شادها من خصرها باش ماطيحش ليه، كيبوسها بعنف حتى ترخات ليه و ابتاسم و طلقها) سيري تمشي اخلود
خلود:(رجعات راسها على لحيط كتنهج و عاضة شفايفها زملة طلعات معاها ) فيدي خاتمو
ارتورو: (خنزر فيها ) خاتم مكيعنيش نتي ديالو
خلود: و بوسة كتعني انا ديالك؟
ارتورو: (كيحقق فعينيها) الى بغيتي شيحاجا كثر مرحبا (دخل يدو تحت لبودي ديالها حتى وصل لريوس دصدرها و حبس لقاهم واقفين بمعنى قيمات) نهار تقولولي نتي ديالي اتشوفي حاجا اخرى
خلود:(تزنكات) بعد منييي
ارتورو: (جبدها عندو) سيري دابا سيري (تهزات و مشات و هي مرفوعة كتشوف من وراها فيه و تعاود تحرك اما هو تكا على لحيط كيشوف فيها و كيبتاسم على حيرتها عارف راسو خربقها و مابقاتش عارفة راسها شنو بغات)
….أما عشق لحقات عند بسباس و مانفال غير دخلات و هي تبتاسم لقاتو صايبلها لماكياج صارخ و برز عويناتها لكريستاليين و شفايفها لمنتافخين ، طلعات بومبا و جلسات حداهم حاطة رجل على رجل
عشق: صايبتي ليها دغيا
بسباس: لخفة فليدين ياختشي
عشق: دار اتكون خااااوية
بسباس: هي اتزها ليوووم
عشق: هاح لحايحا
مانفال: و انا؟
عشق: نتي اتلبسي مزيان و ماتسوقيش لنزار
مانفال: مااانقدرش راني توحشتو؟
عشق: كفتي و واياااك تمشي عندو الا لكرااامة
بسباس: ويلي ياختشي انا شحال هادي ماكفت
عشق: الله اعطيك موصيبة يا المدود هههه
بسباس: كتعااايريني (دلا شنافتو)
مانفال: نتا راك زييين و ماكيااااجك وااااعر
عشق: اوا قاد ليا ماكياجي باش نروبلوها فدار
بسباس: اححح و نوجد شراااب من بعد
عشق: يااااالاااااه اطلق العنان لموهبتك الزملاوية
…..كان فلبيرو حاط يديه تحت خدو و كيشوف فتصويرة مانفال فتيليفونو، توحشها ولكن بغا يربيها شوية باش تعرف خطأها و ماتعاودهاش، و من جهة أخرى كيخمم لمشكلة عشق خايف يظلم شفق بتصرفو و لكن ماعندو مايدير عشق كتبقا اختو لي عزيزة عليه و عمرها رفضاتلو طلب و بغا يردلها شوية من داكشي لي دارت على قبلو، تدق بابو و عطا الاذن للدخول، و دخل المحامي لي سلم عليه و جلس و جبد ليه لوراق
نزار: لوراق وجدو؟
لمحامي: كيما طلبتي اسي نزار عقد زواج الانسة عشق سقراط و جسور بناني واجدين….
نزار: اوك ايبقاو معايا و منين ايوقعوهم انعطيهملك باش تكمل الاجراءات
لمحامي: بطبيعة الحال انا رهن اشارتك
نزار: ميغسي تقدر تمشي
….خرج المحامي و بقا نزار كيشوف فدوك لوراق و كيقراهم و يتأكد منهم باش يخطي خطوتو التالية….
تقادو لبنات و تزوزو و لبسو لباس سيكسي و فاش كنقول لبنات كنقصد حتى بسباس لي لبس طالون و كسوة قصيرة و دار ماكياج و باروكة و الله و تشوفوه تقولو بنت، أما عشق لبسات كسوة كحلة كاملها خيوطة و مزيرة و صباط بلا، و مانفال كسيوة غوز بيبي لاسقة عليها، و خرجو هبطو لدار مالقاو حد و سدو كولشي دارو ظلام فصالة و طلقو الموسيقى و ضواو بحال لبار اوا جلسو فجليسة وجداتها ليهم لخدامة بتقاوت و شراب و شكلاط و تشيبس بداو بعدا كيسنابيو هو لول و خالقين سعادة
عشق: انا مانشربش قطعتو
بسباس: ال*لااااوي نعااااماسي
مانفال: حتى انا باش مايتقلقش نزار
بسباس: واااااش انسكر بوووحداااي
خلود:(كانت داخلة من جردة كتسمع لموسيقى و مشات لعندهم) هااااي راكم زاهيين
بسباس: جااااابك الله ليوووم تسكري
عشق: جلسي جلسي هاد لجليسة ماتلقايهاش فكل بلاصة
خلود:(جلسات و هي تحل لقرعة هبطات علييها) واااا خصني نسا
بسباس:(حيدهالها) يااااابنت لكلب رزيتينا فشراااب
خلود: خلينيييي خليييني انا لي درتها لكرييي خليييني نسكر
عشق: اراك دااااخلة سخووونة
خلود: سخني ياختي شدني بلبووووساااااان
عشق: هااااا شكووون
خلود: ارتووورووو
بسباس: ياااااادينك طمعتييلي فحوباااي
خلود: هاء حتى *وامل يتعاندو معايا
عشق: امكن راك مخطوبة ل صخر
خلود: شنووو ندييييير
عشق:(عطاتها لقرعة) اسكرييي
مانفال: (كتنغز عشق) يااااك ماغادي يدخل حد دابا
عشق: واااتي نساااي البشر و عيشي
بسباس: الله اعطيكم موصيبة مكتفوجو مكتخلقوها
عشق: طلق لييينا ديك لموووسيقى
بسباس: (ناض كيلوي فطرمتو و طلق ديك الاغنية د لافوت ديالي) مشيييناااا لغرسييييف ياااا ماااا و مشييينااا لغرسيييف
عشق: (ناضت كتشطح معاه) مع ضووورة جبدات سيف قالتلي نووووض ت*وي بسيييف لاااافووت دييياااالي
بسباس: (كيخرج طرمتو و يفيفري) لاااااافووووت دياااالي
خلود:(كتغني بجهد و كضحك) قلتلها كييييسميتك قالتلي سلوة
بسباس: قلتلها كيييسمتك قالتلي سلوة
عشق: (كتغوت) قدااااش ل*زازل و سوة مع ضورة حشات ل*لوة لااااااافوووووت ديااالي
عشق: قداش ل*زازل و سوة مع ضورة حشاااااات ل*لوة لااااافووووت دياااالي (كترمي علييييهم لفلوووس)
….تشعل ضو عليهم و تحبسات لموسيقى ووقفو من شطيح و عشق ضارت لعند مانفال تشوفها فين ساهية و هي تشوف عائلتها المصونة خصوصا باها و جسور و قصي فالواجهة مطرطقين عينيهم و لعيالات حشمو جات سارة تمشي لبيتها صدقات تزدحات مع شيماء و دخلو للكوزينة و اماني دارت راسها كتهضر فتيليفون اما واحد ارتورو كان كيشوف فيهم منين بداو لقصارة و كيموت بضحك و كيشوف ف خلود باقا كتشطح واخا حبسات لموسيقى و بسباس كيتعوج
عشق: الاخوان هيييه (كتنغزهم)
مانفال:اويييلي اويلي(هزات طالونها و شداتها بجرية لبيتها )
بسباس: (عاد شاف هو و خلود العائلة و حط يديه على بزازلو ) مشات لهيييبة
خلود: لبووووودي لبووودي ديالي فييينو
عشق: انعلدينمكم (رماتلها لبودي)
بسباس: ليعاون (مشا كيجري)
خلود: بسبااااس سوووتياااناتك (هزاتهم و تبعاتهم)
عشق: (ماقدراتش تحبس راسها و تفرشخات بضحك) هههههههه والله حتى كيحسااابني ايتعطلوووو بسبااااس خلووود مااانفال اجيييو
نيار: سيري ابنتي الله اعطيك لعقل سيري
قصي: فييين سمعت هاد الاغنية
نيار: والا اقصي لا اضسرهم لاااا
قصي:(مشا هو و ياه كيضحكو) لافوووت ديااالي ههههههه
نيار: هههههه طيروني
عشق: (تبعاتلهم لعين و بدات كضحك و شوية شافت ف جسور لي مبتاسم) سلام
جسور:(قرب. منها) صافا؟
عشق: طوب
جسور: مزيان هادشي لي بغيت (دوز يدو على شعرو)
عشق: اوك (ضارت بغات تمشي)
جسور: بقات يوماين و اتمشي بصح؟
عشق: (ضارت عندو) فصراحة حتى كون مانفاونيش لأفغانيستان ماغاديش نبقا فبلاصة ماكاينش فيها نتا
جسور: بهاد سهولة؟!
عشق: عييت اجسور عييت نتقاتل على قبلك دابا انمشي و انساك و نسا انتقامي و نسا اي حاجا متعلقة بهاد لقصر
جسور: (شافها مشات و خلاتو بوحدو واقف و نطق بصوت خافت) ديابلا مكتنساش
…..قررات مادير والو و اتقمر بحياتها و خدمتها و حطات كولشي فالحافة على قبل أمل ماكاينش و لكن بغات تختابر ذكاءها و ايمانها بمعتقداتها، دخل نزار للقصر و شاف ف جسور ققدامو و مشا عندو عطاه كروشية للوجه
نزار: شتي نتااااا مااااشي رااااجل و الرجولة كتبرا منك
جسور:(بزق الدم و شاف فيه باستغراب) وااااش تسوووطيتي فعقلك
نزار: و كتسولنييي؟ بلا حشمة بلا حياااا كضحك على جوج خواااتات اشماااتا منين نتا باغي عشق علااااش كتعذب شفق
جسور: زيييييد غوت و علي صوتك باش كووولشي يعرف و يتساااالا عذابي
نزار: عذاااابك بدااااا من ليوووم ماصدقتييييش
جسور: ختك لي ماصدقاااتش هي لي خانتني مع تايغر فوق فراشي انااا وياااها واخا هكك سمحت ليها و لكن كدوبها و طمعها فالانتقام مابغااااش اسالي كيييفاااااش بغيييتيني نأمن على وحدة مارحماتنيييش
نزار: عشق مكظلم حتى واااحد
جسور: سمحاااات فيا و خلاتني واخا شافت مني غير لخير
نزار: لخييير؟؟؟ وااااش نسييييتي ولا نفكرك نهار ضربتيها هاداك خير هاداك
جسور: انا ضربتها فصحتها و هي ضرباتني ف قلبي
نزار: مااازااال ماسااااليناش و مازال انتواااجهو (مشا و خلاه تماك بسرعة توجه لبيت عشق حلو و دخل لعندها) عشق
نزار:(حط ليها لوراق فوق ناموسية) نبغيهم يتوقعو صافي سالات لهضرة
عشق: كتعذب راسك
نزار: عشق نتي راك ماشي غير ختي نتي عشيرتي و ربيتيني على يديك خليني ندير شيحاجا على قبلك
عشق:(عنقاتو) الله اخليك ليا
نزار: انا معاك ديما
باس يدها و خرج متوجه لبيتو، أما واحد مانفال كانت حدا لباب دبيتها كتستارق السمع عرفاتو بلي جا و سمعات خخطاويه و مشات بسرعة هزات تيليفونها و جلسات فوق النموسية كتصور و تعوج فشفايفها بطريقة سيكسي، غير حل لباب و دخل ضرب فيها هكك لابسة لمزير صدر و لقاع مبندرين و لماكياج اراك من بعيد و حلاوة على حلاوة، ماشافتش فيه و كملات تصاورها و هو تدهشر و بدا كيحيد حوايجو باش يلبس سيرفيت، واخا هكك ماداتهاش فيه و ناضت بشوية لحدا لبلاكار جبدات شوميز كحلة و دخلات بيها لطواليط، بدلات و رجعات خرجات عندو لمعري كثر من لمغطي و هو خلاص غير حاضيها كيقول هادي مالها قلبات وجهها، شعلات تلفازة و جهدات صوت و هو مشا هز لبيسي بدا كيخدم شيحاجا ، صدعو صوت تلفازة و نطق
نزار: نقصي؟
مانفال: (دارت راسها ماسمعاتوش)
نزار:(ناض طفاها ليها) دويت معاك
مانفال:(شافت فيه) معايا؟
نزار: لا مع جنون
مانفال: لي فخباري مكتهضرش معايا (تهزات) هاني انخرج بلا منصدعك
نزار: فييين خااارجة بشومييز؟ تبتي للأرض راه عضامك مازال مابراو
حيدات بينوارها و نعسات فوق ناموسيتها عاطياه بظهر و شاداها ضحكة و هو كيتفش و يتهز بوحدو، مشا سد داك لبيسي و طفا ضو و نعس حداها معفر و هي كتمايع عليه فنموسية و تقحبن مرة نافخة صدرها و مرة مقربالو طرمتها و هو ربي لي عالم بحالتو و هي كتمحكك عليه و كطلق تنهيدات
نزار : (قاس جبهتها لقاها سخونة) مانفال (كيزعزعها)
مانفال: حلات عينيها و ضارت عندو) هممم
نزار: واش فيك سخانة؟
مانفال:(كتقيس جبهتها) منين بديت لقراية و سخانة فيا
نزار: سيري دوشي تهبط ليك
مانفال: لا
نزار: علاش
مانفال: (قربات منو و قلبها كيخفق و عاضة شفايفها ويديها على صدرو كتحركهم حتى *مل ) دوش بلا بيك مكيحلاليش
امرأة تدخن الرجال الجزء 16
محتوى القصة
التنقل بين الأجزاء