نزار: غرت و دمي كان كيغليييي رااااك مامزوجاااش بشماااتة
مانفال: انا ماكنتش عارفة
نزار: كنخاف عليك حيت باقا صغيرة و طايشة
مانفال: و انا كنخاف تخليني
نزار:(جبدها لعندو حتى تخشات فيه ) عمرني فكرت نخليك نتي رووحي امنفال
بدات كتبوس فيه بشوية ففمو حتى تطلق معاها و بدا كيفلورطي معاها ب جهد، تكعد و يديه كتحرك على صدرها و فخاضها و كرشها شوية و هي تبعد منو شوية و همسات ليه
مانفال: نعاودلك شنو حلمت
نزار: (بنشوة) امم
مانفال: حلمت بلي عندي ولد منك
نزار:(ضحك بعفوية) شعرو بيض بحااالك؟
مانفال: و كيشبه ليك
نزار: (رجع كيبوسها ) مابغيتش ولد واحد بغيت بزاااف هاد لقصر بغيتك تعمريه ولاد و بنات
مانفال : كنبغيييك
...رجع كيبوس فيها و يديه على فخاضها كيسخنها غير بشوية بوسات على عنقها شعلو نيران الشهوة فيها و تنهيداتها طلعو، عينيها كيتشقلبو و هو كيزيد اشعلها ب كلماتو المعسولة، توحشها و عرف بلي بعادو عليها زادو عذاب على عذاب ، لحظات من الحميمية قبل مايتجردو من ملابسهم و يتلامسو اجسادهم و يعيشو فعالم الشهوة و الجنس
صبح صباح جديد لي نقدر نسميه اليوم المصيري و اليوم الأخير فاللعبة فاقت عشق او بالاحرى ماقدراتش تنعس و بقات كتشوف فوراق زواج، و حطاتهم ف لمجر و لبسات كاب و خرجات من بيتها حتى وصلات للجريدة ديالهم، بقات كتنفس بعمق و كتمشى حتى بعدات على لقصر و تفكيرها سارح، ليوم ايتزوج جسور و هي اتمشي فمرة، الى ماصدقش راجل معاها حياتها اضيع، كان بامكانها تستغل الجنين لي فكرشها لكن بغات تخليه بعيد عن صداع و المشاكيل و هو الوحيد لي كيهمها عارفة بلي دخلات لشهرها الرابع و بغات تشوف واش عندها بنت ولا ولد واخا كتحس بلي ديابلو صغير كيتكون داخلها،إنما فيها لفضول يالاه كانت اضور باش ترجع و هي تجبدها واحد ليد حتى غوتات لكن سرعان ماسد ليها فمها و خشاها بين شجر و طلقها
تايغر: ششش ماتغوتيش
عشق: (مطرطقة عينيها فيه و حاطة يديها على كرشها) اشششش كديييييير نتااااا هناااا بعد مني (بغات تمشي بحالها و رجعها)
تايغر:(عينيه فيهم ترجي) ديابلا عفاك سمعيني
عشق: مااااتقييييسنيش (مبعدة منو))
تايغر: ماتخاااافيييش ماغاااديش نآذيك
عشق: مكنخاف لا منك لا من غيرك غير شوفتك كتروع ليا خاااطري
تايغر: عارف راسي آذيتك ولكن كانت فلحظة غضب ماقصدتش نضربك ولا حتى نلوح تصاور
عشق: من لول كنتي باغي تمرمد سمعة عائلتي فتراااب و ترد الاعتبار لأمريكا
تايغر: اااه عندك الحق و من بعد مادرت هادشي و مشيت ماقدرتش نخليك و نسمح فيك أنا كنبغيييك اديابلا كنبغيك
عشق: و انا مكنحس ب حتى حاجا من جيهتك
تايغر: ماااديريش فيا هاكا نقدرو نمشيو منهنا و نعيشو حياتنا
عشق: اناااا حيااااتي هنااا ماااشي معااااك
تايغر: الى ماكنتيش ليا عمرك اتكوني لغيري
عشق: كتحلم
تايغر: غاااادي نوريييك حبي ليك فين يقدر يوصل
عشق: نتاااا مريييض فعقلك
تايغر: و فكرة انك تنفاي حسن ليا من انك تكوني مع داك *امل
عشق: غير تهنى المنفى ماشي نهاية شري او خبثي
تايغر: عمرك ماغادي تلقاي شيواحد يبغيك قدي
عشق: بعبارة أصح عمرني أنبغي شيواحد
تايغر: و انا كنواااااعدك اتبقااااي طول عمرك بوحدك
عشق: سييييير منهنا قبل مانعيط ليهم يديوك
تايغر: (زير على يدها) مكنخااااف من حد و كيما قدرت ندخل لهنا فنهاااار فأي لحظة انقدر ناخدك و نغبرك
...نترات منو هاربة من تهديداتو لي يمكن ماغاديش تعرف صحهم حتى تجربهم و توقف عليهم ، رجعات للقصر كتشوف كولشي بدا الاستعدادات ليوم لعرس او بعبارة اصح ليوم جنازة العرس لي كولشي كان كيتسناه ، روينة نايضة و سارة و شيماء داخلين خارجين كيوجدو، و نيار و قصي كيهضرو فتيليفوناتهم و الخدم مكيرصاااوش، كل واحد كان كيدير شيحاجا باش هاد ليلة طلع واااعرة ، كانت كتشوف فيهم كيدوزو من حداها بسرعة البرق كأنهم مكيشوفوهاش و مامسوقينش ليها، ماشي شيحاجا جديدة عليها، بدون اكتراث طلعات لبيتها و جبدات لافاليز ديالها كتجمع حوايجها بشوية، دخل عندها بسباس و خلود بلا إذن
بسباس: وييييلي على انا باقي انشوف ف وجهم
خلود: تشوهنا صاافي
….جلسو فوق نموسيتها و باقيين كيهضرو على احداث البارح و كيضحكو حتى شاف بسباس فلباليزة
بسباس: فييين غااادية
خلود: نسيتي بلي اتمشي لأفغانيستان
بسباس: هاااويلي ليوووم ماتحضريش لعرس ختك
عشق: انحضر
بسباس: (كيمضغ لمسكة) و علاش كتجمعي داااابا
عشق: باش نمشي
بسباس: دوختيييني واش اتمشي و لا اتبقاي
عشق: انمشي انا و ارتورو
خلود:(تكعدات) كيفاش نتي و ارتورو؟
عشق: بغا يمشي معايا و وافقت
خلود: ولكن هو علاااش ايمشي
عشق: سيري سوليه هو (سدات لافاليز ديالها)
بسباس: دنيا مرونة لتحت بلحق غير يساليو ايطلع لقصر واااعر
عشق: فين هي شفق؟
بسباس: مشات هي و هبة و اماني لصبا و اتلحقهم سارة و شيماء
خلود: و حنااا ماغانمشيوش؟
بسباس: اتلحقي نتي و مانفال و عشق يعطيك موصيبة
عشق: انا ماغانمشيش
بسباس: اتبقااااي معااايا ياحليلي
خلود: انمشي نشوف مانفال فينها
بسباس: كطيييري صبري انزلو كاملين
عاودو خرجو من لبيت و نزلو لتحت و لكن هاد لمرة مالقاوش سارة و شيماء حيت مشاو ، و مانفال كانت نازلة من لتحت حتى وصلات لعندهم و بدات كضحك
مانفال: سلااام
بسباس: لبعلوووكة من داك نهار ماشفناك
مانفال:(بخجل) كنكون غير مع نزااار (ضارت عند عشق) داكشي لي قلتيلي كاااملو درتو و صدق (عنقاتها) شكرااا
عشق: ماشي مشكل تفكري هضرتي و طبقيها اتعيشي مزيان (بعدات منها )
خلود: مانفال خصنا نتبعوهم لصبا
مانفال: شنو هادا؟
خلود: يالاه و تعرفي
مانفال: خصني نقولها لنزار
بسباس: نزار خرج صباااح
عشق:(ضارت لعندو دغيا) ماعرفتيش فين مشا؟
بسباس: لا صراحة
مانفال: واخا يالاه نمشيو
عشق: شيفور ايوصلكم
….مشاو لبنات و بقات هي و بسباس فحالة صمت حتى نطق
و هو كيشوف فيها
بسباس: علاش كنشوف فعينيك لحزن
عشق: عينيا ماتخلقوش باش يحزنو
بسباس: نسااايه هو ليوم ايتزوج بختك
عشق: ماكافيش انمشي بلا رجعة
بسباس: (بدا كيدمع) مابغيتكش تمشي
عشق: (ضارت بغات تمشي و نطقات) فين هو؟
بسباس: خرج
عشق: مزيان أنا فبيتي منين يجيو من صبا قولهالي
طلعات لبيتها و هي ساكتة على خزيت و عارفة راسها وصلات لنقطة حاسمة ياتخسر يا تربح، اما هو كان جالس فدار صاحبو كيسالي فكاس و كيبدا فواحد و وجهو شاحب روحو عيات و لحزن فعينيه بان، كيشرب الكاس و عقلو كياخدو حتى لعندها و يحطو فجحيمها، زف بداك لكاس و كيمسح بيديه على راسو
صخر: باراكا من شراب
جسور: كنشرب باش نساها و عقلي كيديني عندها
صخر: فات لفوت ليلة زواجك من شفق
جسور: اه ليوم جنازتي
صخر: سمعت بلي عشق غادي تمشي
جسور: و زوينة فهادشي انا سباب
صخر: لبنت لي لاحت راسها فلعافية على قبلك اجسور كظن انها مكتبغيكش
جسور: مكتبغينيش قالتلي غير انتقام
صخر: قلتي ليها بلي كتبغيها؟
جسور: لا
صخر: اذن اجسور كيفاش بغيتيها تعتارف ليك و هي ماعارفاكش واش كتبغيها؟
جسور: افعالي كانو باينين
صخر: ماكافيينش مرة مرة خصنا نقولوها باش نرتاحو
جسور: كتهضر هاكا بحال الى مامجربش
صخر: انا حالتي مكتشبهش لحالتك
جسور: الاعتراف لي كيقابلو الرفض كيوجع
صخر: و كيذبح و لكن انا ماشي بحالك مكنهربش و مكنتخباش
جسور: فرأيي خصك تنساها حتى نتا
صخر:(جغم) غادي تجيبها ليام راكعة و غنفكرها فكولشي
جسور: عرسها هي و باك تأجل
صخر: و هادشي بسبب عشق شرات الشركات و خلاتو بلا فلوس و انا انتسنا وقتي
جسور: صخر عشق مكديرش هادشي حبا فيك
صخر: عارف ولكن شنو مصلاحتها
جسور: كتنتاقم من هبة
صخر: هي خدات انتقامها فاش هبة نعسات معايا اذن كان ممكن تفضحها
جسور: ماعندهاش مصلحة تفضحها ولكن (سكت شوي و تفكر الملف زرق لي فيه صور محسن و تفكر كلام عشق عن التحرش لي تعرضات ليه و بدا كيربط الاحداث)
صخر: ولكن شنو؟
جسور: (شاف فيه ) والو (مسح ناذرو) ماكاين حتى حاجا
صخر: خصك تمشي توجد راسك
جسور: اه مع انا فرحااان بزواااجي غادي نمشي
صخر: ماعرفتي تقدر تبغي شفق شي نهار
جسور: صخر كاينة عشق بوحدها عشق لي هنا (كيشير لقلبو) هانتني فرجولتي و باقي كنبغيها، مكتبغينيش و لكن كنبغيها ،استعملاتني لانتقامها و انبقا كنبغيها
صخر: و اتزوج بختها فتالي (ناض ) غادي تسطيني اجسور
جسور: الوليدة عزيزة عليها شفق على قبلها فقط انتزوج
صخر: راك نتا لي اتزوج ماااشي مك
جسور: اصلا حبنا حرام
صخر: غادي تندم
جسور: عارف
…..بقاو كيهضرو صخر كيهضر معاه على أمل ينصحو و جسور كيهضر باش اتلف الوقت و يدوز نهار دغيا و يتسالا لكابوس، أما ف صالون الصبا كانو مجموعات كيديرو مساج و كيتقادو و يهضرو و يضحكو، كانت شفق ملوية عليها فوطة بحالها بحالهم و لبنات ضايرين عليها ، عينيها زورق كيبريو بالفرحة و قلبها كيزدح هاد ليلة اتكون بين يديه ، و تولي مراتو و حلالو، كتشوف فلبنات فرحانين و ماماها معاها فرحانة و كدعي معاها، ماكرهاتش ليل يوصل دغيا و تبقا هاد لفرحة معاهم ديما
شيماء: تبااااارك الله ولدي واخد زين
شفق: لهلا يخطيك اخالتي
سارة: لعقبة نفرح بختك عن قريب الله اعطيكم مانويتو فخاطركم
خلود:(كتشوف ف هبة و هضرة ارتورو كتردد فوذنها) هبة
هبة:(كانت ساهية ) نعام
خلود: فين سهيتي
أماني: فين بغات تسهى من غير فيه
هبة: اه اماما كنت كنفكر فيه
أماني: بزعطااا
هبة: عجبك لحال حيت زواجي تأجل
أماني: بطبيعة الحال لا انا غير بغيت نزوجك بعزك
خلود: ماتخافيش يكون خير
هبة: الخير كيشوفني و كيقلب
مانفال:(قربات ل سارة) خالتي
سارة: نعام ابنتي
مانفال: حتى انا تأجل زواجي؟
سارة: لا ماتأجلش ليوم اتزوجي نتي و نزار
مانفال: ليوووم؟
سارة: اه حتى نتي ليوم عروسة
مانفال:(ابتاسمات) لهلا يخطيك
بقاو كيتحدثو و يوجدو فراسهم و يضحكو مع بعضياتهم، واخدين راحتهم ووقتهم باش يوجدو فراسهم ليلة خص يدوز كولشي هو هاداك، تحطات طائرة فروسيا و نزل منها كمال و شهاب هاد الاخير لي ملامحو جامدة حيد نظاظر من على وجهو و توجه هو و كمال لطوموبيل يمشيو للأوطيل يرتاحو و يوجدو راسهم
كمال: مامتيقش بلي جسور ايتزوج شفق
شهاب: علاه؟
كمال: كان كيبان ليا كيبغي عشق
شهاب: الله و اعلم
كمال:(ابتاسم) اذن عشق سيليباطير دابا
شهاب: هاذي فرصة مليحة
كمال: من ديما كانت كتسطيني و هاد لمرة ماغاديش نفلتها
كمال: خصك تنسى تعرف على شيوحدة اخرى تزوج و بني حياتك من جديد
شهاب: واشمن حياة انبني و انا مازالني عالق فخيوط لماضي
كمال: ربي كبير غادي يلاقيك ببنت ناس
شهاب: (حط يدو على خدو) علابالي لكيتها و خسرتها
...بصوت خافت نطق هاد الكلمات، منين سمع زواجها ووصلاتو بطاقة دعوة خلا كولشي و جا باش احضر لكاتبتو المفضلة، كلماتها لاسقين فذهنو و صوتها تغلغل لمسامعو نهار هضر معاها اما عينيها و شوفاتها كانو مرهم لجروحو…
بدات شمس كتغرب ووصلات سيارة نوع ليموزين وقفات قدام لقصر، هبطات منها شفق بقفطانها البيض و سلهامو دايرة لقب و هازة طرف توبها بصبيعاتها، حنيكاتها حومر و كتشقشق بلبيوضة و لبنات معاها لابسين قفاطن و داخلين كلهم يالاه ايحطو رجليهم فدرجات لقصر بدات الفرقة الموسيقية بالكمان كتعزف و الاشبينات كيلوحو الورد عليها، دخلو للداخل و تعرض ليهم نيار و قصي فرحانين
شيماء:انطلع نتأكد (مشات كتزرب فدروج حتى وصلات لبيتو و حلات لباب لقاتو خارج من دوش بينوار) جسور
جسور: الوليدة؟
شيماء: خلعتيني علييك
جسور: مالك؟
شيماء: قالي باك مادخلتيش من صباح
جسور: لا دخلت من لباب لوراني عليها ماشافنيش
شيماء: ماشي مشكل وجد راسك ناس مابقالهم والو و يوصلو
جسور: (هبط عينيه) واخا
شيماء:(باستو فحنكو) الله ارضي عليك اولدي
...ابتاسم ليها فوق طاقتو باش ادير ليها لخاطر و هي خرجات،و جلس مرة اخرى كيفكر فيها و زهر لي عندهم بجوج... أما فلبيت لي حداه كانت مانفال يالاه دخلات و لمحات نزار كيلبس حوايجو و مشات عنقاتو من لور
مانفال: توحشتك
نزار: حبيييبتي (ضار لعندها) تنورتي
مانفال: (كترمش بعويناتها) قالتلي ماماك ليوم عرسنا حتى حنا
نزار:(باسلها يدها) اه و اخيرا انشوفك بفستان لعرس
مانفال: فرحااانة بزااف
نزار: و انا كثر (خطف قبلة من فمها )
مانفال: انمشي نوجد راسي
نزار: انتسناك باش نهبطو بجوج
….خرجات و خلاتو فلبيت و توجهات لعند بسباس لقات عندو شفق كيقاد ليها فلميكاب
مانفال: انطييير بالفرحة
شفق: كون تشوفي انا قلبي كيضرب من صباح
بسباس: ليوووم انطلعكم قرطاااااساااات
….داز شوية د الوقت و لقصر بدا كيعمر بناس و صحافة وصلات و الموسيقى بدات و الخدم كيسربيو الناس، لقصر طلع واعر بديكور و ريحة لورد و لعود معمراه ، نساء الطبقة البرجوازية كيتفاخرو على بعضياتهم بأحدث الفساتين و المجوهرات و رجالهم كيتفاخرو بعدد لفلوس لي ربحو، كانت عائلة سقراط متميزة نساءها باللباس التقليدي المغربي، سارة لابسة قفطان حمر مع ماكياج صارغ و مشيطة سامبل و شيماء قفطان زرق ملكي جاي مع عينيها لي غمقاتهم و طلعات شعرها لفوق كعكة أما اماني لبسات قفطان اسود مرصع بذهبي و خلات شعرها مطلوق مع ماكياج خفيف، و هبة لبسات قفطان جوهرة غوز خفيف، و اخيرا خلود لبسات قفطان اصفر و ماكياج كيبرز عويناتها و حافظات على شكل شعرها المتموج ، أما نيار و قصي كانو لابسين طقم اسود محافظين على لباس لكلاسيكي و كل واحد حداه مرتو، دخل شهاب و كمال للقصر و توجهو عند نيار
كمال: سي نيار مبرووك (سلم عليه سلام رجولي و داز لقصي و شهاب دار بحالو)
نيار: كيف وصلتو بيخير؟
شهاب: الحمد لله و مبروك
قصي: الله ابارك فيك لعقبة ليكم
كمال: ان شاء الله
...دخل محسن هو و ولدو و من ملامحهم العابسة باينة كانو داخلين فحوار
….توجه محسن لعندهم و داير ابتسامة صفراء، شد فيد هبة و سلم على الجميع و بارك ليهم، سارة بقات كتشوف فيه و كتفكر هضرة عشق و بلعات ريقها كتحاول تنفض هاد الافكار لكن نظراتها ليه لاحظهم و ابتاسم ليها
محسن: حتى نزار غادي يتزوج هاد ليلة؟
سارة: اه أن شاء الله
محسن: كنتمنى السعادة لولادك ديما
سارة: شكرا
محسن: العفو امدام سارة
سارة:(طلعات حاجبها و ابتاسمات بشر) تيريزا ليخليك
نيار:(كان كيهضر مع قصي و راد وذنو لعندها غير سمع جوابها وضار بشوية و حاوط خصرها و جرها عندو كيشوف فيها) تيريزا
سارة: (عضات شفايفها) توحشتها
نيار:(همسلها فوذنها) بينيها مرة اخرى و انقتل شيواحد بسبابك
سارة:(باستو) اصلا نتا بوحدك لي عارف اش كتعني
نيار: sexy woman (إمرأة مثيرة)
كانت فبيتها هازة كتاب صغيور كتقرا فيه و كتسمع الموسيقى، حالة من الهدوء نتابتها و سكات طغى فكلماتها، طوات ورقة فلكتاب كتميز بيها فين وصلات، و هاد الطريقة كيديروها قساة القلوب بزاف، ناضت و حيدات حوايجها و لبسات سروال توب و ديباردور بيض و طلقات شعرها، رشات بارفان و قادات ماكياجها و لبسات طالون ماعاليش بزاف، دخل عندها ارتورو و شاف فيها بارتياح
عشق:(نطقات بهدوء) حتى واحد ماسول فيا نساو كلهم بلي غادي نمشي
ارتورو: تلاهاو مع شفق
عشق: ماشي شيحاجا جديدة
ارتورو: وصل لوقت
عشق: يالاه نمشيو (عيطات لخدامة خرجات لافاليز ديالها و هي لبسات فيست كحلة و قبل ماتخرج جبدات وراق زواج من لمجر ووقعاتهم و حطاتهم فوق لمجر)
ارتورو: يالاه
...خرجات هي و ياه و قبل مايهبطو لتحت وقفات خلود قدام ارتورو
مشا و خلاها واقفة مسمرة تعابيرو مغوبشين و هي تعابير وجهها مصدومين لدرجة بغات تبكي، خرج لبرا و توجه لعند عشق فين واقفة كتشوف فلقصر بكبرياء و لموسيقى كتزدح
ارتورو: اذن وصلنا لنهاية و غادي نمشيو
عشق: (ابتاسمات) حنا ماعندنا فين نمشيو ارتوريتو
ارتورو: كيفاش؟
عشق:(عطاتو تسجيل) هاد تسجيل غادي تعطيه لجسور
ارتورو: و نتي ؟
عشق: الى سول عليا و اكيد ايسول عليا قولو انا فلفيلا ديالنا (ركبات فطوموبيلتها و نطالقات)
….وجدات كل من شفق و مانفال و مانعاودش ليكم اخواتاتي كيف طلعو كيحمقو ماكياج رائع تسريحة رائعة و فساتين ديالهم كيهبلو، تدق فبابهم و دخل نزار مبتاسم فاش شافهم بجوج، عينيه كيبريو و هو كيشوف ف مانفال لكن قلبو كيوجعو على شفق، قرب من شفق هي لولة و باسها فجبهتها و عنقها
نزار: كنتمنالك حياة زوينة بعيدة على المشاكيل و لي يستاهلك بصح
شفق: شكراا اخويا كنتمنالك السعادة حتى نتا مع مانفال
نزار:(مشا عند مانفال) طلعتي كتحمقي
مانفال: حيت انا مراتك
نزار:(عطاها يدو) مشينا؟
مانفال: اه
شفق: نزار
نزار:(ضار لعندها) نعام
شفق: ممكن تعيط ليا على بابا
نزار: واخا
...شدات مانفال فنزار و خرجو من لبيت هابطين لعند الحضور تطفا ضو و رجع ضو خفيف مسلط عليهم و لموسيقى تبدلات لرومانسية، هابطين و الورد كيتساقط عليهم و ناس كيصفقو عليهم حتى هبطو لآخر درجة و تشعل ضو، خداها لبلاصتهم فين ايعقدو عقد زواجهم و جر ليها لكرسي جلسات و جلس حتى هو و سارة و نيار كانو هوما شهود، تم عقد زواجهم بموافقتهم و موافقة شهود و سيناو على لورقة وولاو زوج و زوجة، ناضو و هز ليها لفوال و باسها قدام كولشي و هي تزنكااات بدا كولشي كيصفق و يضحك و يبارك ليهم ….
نيار: مبروك عليكم
نزار: الله ابارك فيك
سارة: اوااا دابا خصنا شي بنت ولا ولد
مانفال: ان شاء الله اخالتي ههه
نزار: الوليد شفق قالتلي بغاتك
نيار: واخا انا انطلع عندها(مشا)
نزار: حبيبة أنا شوية و نجي عندك
مانفال: واخا
….طلع نزار فدروج غير وصل لفوق بدا كيزرب عند عشق مشاتلو من بالو و تفكرها فاش سينا على العقد، دخل عندها للبيت لقاه خاوي قلب فلبلاكار ديالها مالقاش حوايجها، و خايف من داكشي لي كيفكر فيه، صافي مشات و ماغاديش ترجع، جلس فوق نموسيتها كيفكر و هو يضور راسو و شاف عقد الزواج ديالها هي و جسور و كاين توقيع ديالها، ابتاسم و عرف بلي كاينة فرصة و هز لوراق و خرج….
…..تزدح لباب عليه و كان هو كيقاد لكرافاطا ديالو فلمراية لابس قاميجة بيضة و سروال زرق و فيست زرقة، متملك نفسو و داير تغوبيشة فوجهو، ضار بكل هدوء و شاف فيه
ارتورو: عشق مشات بحالها
جسور: مزيان
ارتورو: كيفااااش مزيااان راه كنقولك مشات
جسور: ياك نتا لي قلتيلي انا وياها علاقتنا حرام
ارتورو: قلتها حيت كنت مجبر و كنت متيقن بلي عشق ماغاديش تسمح فيك
جسور: سمحات شحال هادي و دابا خليني نمشي عندي عرس كيتسناني (حل لباب و لقا نزار فوجهو)
نزار: عشق مشات فخطرة
جسور: قالهالي ارتورو
نزار:(دخل و سد لباب) غادي تخلي لبنت لي كتبغي ينفيوها؟
ارتورو: دارت هاااادشي كاااااملو بااااش تزوج بيييك و نتا ماباغيش تفيق
نزار: مصيرها بين يديك
جسور: نزار ختك مكتبغينيش و عمرها ماغادي تبغيني
ارتورو: ولكن قررات تعيش معاك و قربها منك كيخلع تايغر لدرجة هددني باش نفارقكم
جسور: شنو كتقول؟
ارتورو: هددني نفارقكم ولا غادي ينشر تصاورو هو و عشق ولكن عشق فرطات فخدمتها و سمعتها باش تبقا معاك
جسور:(شدو من لكول) نتااااا ماتسوااااش
ارتورو:(تنتر منو) و هي ماخانتكش معاه و عندي دليل (عطاه تسجيل)
جسور: (فتحو كيسمع هضرة عشق مع تايغر و غمض عينيه بعصبية) عشق اشنووو درتي فينا
نزار: الى كتبغيها سير لعندها
ارتورو: لحقها قبل ماتمشي
نزار: جسور حياتك نتا كتقرر فيها حتى واحد مامسؤول علييييييها حتى واحد ماغادي يفهم قلبك من غيرك
جسور:(لما تكب) يعني مشات و تنازلات على انتقامها
ارتورو: على قبلك سمحات فكولشي
نزار: و عرفتي شنو لي زوينة فهادشي هي انا درت ليكم عقد زواج و عشق وقعات عليه قبل ماتمشي
جسور:(شدو منو كيقراه) بغات تزوج بيا؟؟
ارتورو: بغات غير تبقا معاك
نزار: دابا يا تمشي عندها يا اتعيش طول عمرك بوحدك
جسور: و شفق و الوليدة و ناس لي كيتسناااو
نزار: سمع لقلبك
جسور: (كيحرك راسو بلا) مانقدرش….
ارتورو: شنووو
جسور:(شاف فيه بنظرات جامدة) مانقدرش نخليها تمشي
نزار: اش كاتسنى سييير
ارتورو: اتلقاها فلفيلا ديالكم
جسور: انجيبهاااا معايا (بغا يخرج و هو يوقفو نزار)
نزار: وقع بعدا على العقد
كيقلب على ستيلو حتى لقاه و وقع بدون تفكير و خرج كيجري، هبط من دروج الخلفيين باش يخرج من باب الجردة اما لفوق كان نيار قدام باب بيت بنتو، دخل لعندها و عينيه كيبريو بلفرحة، شوفتو ليها بفستان العرس كان فخر بالنسبة ليه و حس الابوة تحرك فيه ،قرب منها و فتح يديه ناحيتها و هي سرعان ماشافتو عنقاتو و بدات كتبكي فصدرو
نيار: ششش علاش كتبكي
شفق: نتا احسن اب فهاد العالم
نيار: و نتي بنتي لغالية لي كنهز راسي فيها (كيمسحلها دموعها)
بسباس: حركتووولي المشاااعير الله اخليكم مجموعين ديما
….ابتاسمات ليه و رجعات شدات فباها و خرجو من لبيت، كيتمشاو فداك لكولوار طويل لمزين بلورود الحمراء ،و اضواء ناصعة كضوي على فستانها لدرجة كيبري و حجيراتو لي من الألماس كيبرقو و لكن ماغاديش يكونو بحال عينيها لي بالفرحة كيلمعو، و ابتسامتها طالعة من القلب، خطوة مور خطوة حتى وصلو لدروج و قلبها كيخفق مابقا والو باش توصل لبلاصتها لي فيها غادي توج مراتو و حلالو، هابطة من دروج بكل انوثة و هو كيشوف فيها بابتسامة كان شهاب بقدر مافرحان ليها بقدر مالام راسو و ماكرهش يكون بلاصة لعريس، رغبة مدفونة بالنسبة ليه و حتى بينو و بين نفسو مايقدرش يعتارف بيها، حاكم على راسو بالموت من نهار توفات مراتو وولدو، ولكن شوفتها كتفرح قلبو، تصفيقات خفيفة كانت بحال النغمة على خطوات هبوطها من دروج عينين لي كيبغيوها دمعو بالفرحة و عينين لحساد كيشوفو فيها و ماكرهوش يكونو بلاصتها، و فهاد الاحداث لي كانو مترابطين بين عيون حاسدة و عيون حنينة كان نيار هاز راسو لسما، جميلة موسكو كتزوج ليوم و الجميلة الثانية غادي تنفى و على ذكر عشق كانت طريقها عامرة شوك و جسور قرر يلحقها و يزطم و يتجرح فطريقها، كيسوق طوموبيل بسرعة قسوة لدرجة كيضوبل طوموبيلات و عينيه رجعو حومر باغي غير يلحقها و لي بغا يوقع يوقع….
….وصلو لآخر درجة و ابتاسمات للحضور بقات كتقلب عليه بعينيها مالقاتوش ، و هي تحط يد على كتفها و ابتاسمات
قصي: جسور باقي لفوق غادي نعلمو بلي هبطتي مع باباك
شيماء: هههه سير جيبو معاك راه شفق مابقاتش قادرة تصبر
شفق حشمات و هنات راسها و مشات جلسات ف بلاصتها جات ماماها كتقاد ليها لكسوة هي و بسباس و نزار كيشوف فيها بحزن كيحس براسو آذاها و مابقا بيديه مايدير ، شدات فيه مانفال بكل حب و نطقات
مانفال: شفق جات زوينة ليوم
نزار: بزاف
مانفال: كنتمنى ليها السعادة
نزار: اميين
….كانت فداك رواق كتبكي و تمسح دموعها بكمها و كتجمع خنونتها و هازة طالونها فيديها، باغا تمشي لبيتها تعاود الماكياج عاد تهبط حتى كتشوفو قدامها متكي على لبالكون و كيشوف فالحضور و كيكمي، حلات فمها
ارتورو: جمعي خنونتك
خلود: مامشيتيييش
ارتورو:(شاف فيها و ابتاسم و عاود ليها نفس جملة عشق) ماعندنا فين نمشيو
خلود: ارتوووورووو (مشات كتجري و هي تلاح عليه بتعنيقة حتى هزها عندو)
ارتورو: (كيضحك) شنو دابا اشندير معاك
خلود:(باقي هازها) لي عجبك
ارتورو: (كيبوسها فعنقها) انديروو بزاااف دلحاجات
خلود:(كتموت بضحك) ارتووورو
ارتورو: دياااالك
...كان قدام بيتو كيدق مرة مور مرة ولكن مكيجاوبوش حل لباب عليه و مالقاهش دار علامات قلق فوجهو
قصي: جسور (كيضور فبيتو مالقاهش) جسور (جبد تيليفونو كيصوني عليه لقاه فوق لكوافوز) بفف (دخلات شيماء لعندو)
شيماء: قصي تعطلتي
قصي: مالقيتوش
شيماء: اويلي فين ايكون مشا
قصي: ماعرفتش حتى تيليفونو نساه
شيماء:(بقلق) دابا يرجع ايكون غير لتحت ماعندو فين امشي
قصي: (كيمسح وجهو) تكون وقعات ليه شيحاجا؟
شيماء: برا و لباس عليه زييد نهبطو باش مايحسش شيواحد بشيحاجا و هو دابا يجي
قصي: يالاه
.رجعو هبطو لتحت و نظرات الذهول و الفضول كتختارقهم و السؤال المطروح فين هو جسور ، قابلهم كل من شيماء و قصي بابتسامة صفرة و مشاو لحدا شفق
سارة: فين هو جسور؟
قصي: جسور…
شيماء:(قاطعاتو) دابا يجي
نيار: علاش تعطل
شيماء: مازال كيوجد فراسو خمسة دقايق و اينزل
….شدات فقصي مزيرة عليه و كيطلبو من الله يبان جسور دغيا
هاد الاخير لي كان وصل لنص طريق بينو و بين لفيلا و من زهرو وقفات ليه طوموبيل ، كانت حتى هي كتسناه فلفيلا ديالهم حاطة يديها تحت ذقنها و ماقاداش ترمش لدرجة رجعو عينيها حومر ، تسناتو بزااف و ماجاش، غمضات عينيها و رضات بلخسارة و ناضت كطلع نفس بزز و لي زاد على مابيها تيليفونها لي كان كيرن و جاوبات
عشق: الو
….مادموازيل طائرتك كتسناك فالمركز
عشق: انا جايا (قطعات لخط و ضارت شافت فلفيلا لآخر مرة و خرجات)
سمع لبرق و ماهي الى ثواني طاحت شتا من وراها، كيحاول يديماري طوموبيل مابغاتش ، عيا معاها و فلآخير هبط منها عاطي رجليه للريح المهم عندو هو يوصل، شتا كطيح عليه حتى فزكاتو واخا هكك ماباغيش يوقف، ضحكاتها و نظراتها عصبيتها و غواتها و كل حاجا فيها كانت فعقلو و هو كيجري، لحظاتهم بجوج كانت شعلة حرقات قلبو و مابغاهاش تطفى، وصل للفيلا بعد مشقة الانفس و كينهج حل لباب و بقا كيضور راسو بحال لحمق
جسور: عشق (كيدخل من بيت و يخرج من بيت كيقلب فكولشي و مالقاهاش و هو يجلس فالأرض شداتو لبكية و بصوت مبحوح نطق ) مشيتي
دخلات للفيلا بسرعة كتنهج و حتى هي فازكة بشتا و كتشوف فيه بحنان
جسور:(ناض من الارض بصدمة و كيتلعثم) ما ما مامشيتيش
عشق:(بلعات ريقها و قربات منو) كنت عارفاك غادي تجي شيحاجا لداخل كانت كتقولها
جسور:(كيشوف فيها تخلط عليه كولشي) عشق انا كنبغيك
عشق:(ضرباتها اللقوة) ها ؟
جسور: كنت كنبغيك و ماقدرتش نقولها حيت عارفك مكتبغينيش و لكن راه كنبغيك
عشق: (كتحرك راسها بلا) ماكنتش عارفة
جسور: مانقدرش نخليك تمشي الى مشيتي روحي اتمشي معاك (تحنى على ركابيه) ماتخلينيش عفاك (كيترجاها) شوفي حبي ليك كافينا بجوج واخا ماتبغينيش ماشي مشكل انحاول كل نهار نخليك تبغيني و ماغاديش نمل(شدلها فرجليها)
عشق: (هبطات لعندو) عارفة والله حتى عارفة بلي كافينا بجوج (طيحات دموع من عينيها) كنت اندير اي حاجا باش ماتزوجش الى قتاضى لحال كنت انحرق داك لقصر غير ماتزوجش
جسور: (طيح دموع حتى هو ) و لكن انا بغيت نتزوج اه باقي باغي نتزوج بيك
عشق:(بسرعة) موافقة (كتعض شفايفها و كضحك)
جسور: بلاصتك معايا انتحدا لعالم على قبلك
عشق: خصك تعرف بلي اتلوح راسك العافية
جسور: حرقت راسي من نهار عرفتك و ماغاديش نتراجع
عشق: خلينا نمشيو منهنا خلينا نبداو صفحة جديدة
جسور:(كيشتت نظراتو على وجها بلهفة) فين بغيتي نمشيو
عشق: اي بلاصة المهم نبعدو منهم كلهم
جسور: حنا ماغاديش نهربو من عائلتنا اعشق حيت انبقاو طول عمرنا هربانين
عشق: ماغااااديييش يتقبلونا
جسور: انتحداوهم
عشق: بغيت نمشي لشي بلاصة لي نكونو فيها انا و ياك و ولدنا (حطاتلو يدو على كرشها)
جسور: (حيد يدو من كرشها و هو كيشوف فيها بتعابير مصدومة و قارم حجبانو) ولدنا؟؟؟
عشق: انا مادرتش اجهاض داك نهار قدرات هبة تعتقني
جسور: علاااش كدبتي عليا
عشق: كنتي غادي تزوج شنو بغيتيني ندير
جسور: مااااتخبييش عليااا راه ولدي حتى انا (ناض من الارض) كنتييي اتمشي و ماااغاديش تقوليلي ولدي باقي حي
عشق:(ناضت حتى هي) مابغيتكش ترجع عندي غير على قبل ولدنا (حطات يديها على كرشها)
جسور:(قرب منها و حط يديه على حناكها) حنا مكتاب لينا نكونو بجوج و ولدنا مكتاب ليه يعيش بيناتنا (حط حتى هو يدو على كرشها و كيضحك)
عشق: مامقلقش مني؟
جسور: نتي عطيتيني افضل حاجا فهاد دنيا
عشق:(شداتلو فيديه) خلينا نمشيو منهنا
جسور: غادي نمشيو احبيبة (شدها من يدها و خرجو )
...دازت ساعة و شفق باقي جالسة و كتسنى و هاد تعطال مابقاش مطمنها و بصراحة مامطمن حتى واحد، لهضرة بدات كضور و لعينين كيختارقوها بحال لخناجر، تعطال ديال جسور كان مشبوه بيه بزاف و شيماء و قصي عياو اختالقو الاعذار
نيار:(بحدة و معصب) فين هو ولدك؟
قصي:(غمض عينيه بأسف) ماكاينش
سارة: كيييفاااش ماكاينش شيماء شنو هادشي
شيماء:(كتبلع ريقها) مالقيناهش فبيتو ولكن دابااا يجي
نيار: كيييفاش وااااش سمح فبنتي و خرج
قصي: شششش ماااتغوتش ناااس كيشوفو فيينا
نيار: اشمن ناااس واااش كنبانلك كنتسوق للبشر
قصي: راااه ماااعرفناش فيينو تقدر تكووون واقعة معاه شيحاجا
شفق:(كانت كتبكي تحت فوالها لبيض و صابرة و كتسناه شعور لداخل كتقولها ايرجع و لكن فكرة انه تكون واقعة ليه شيحاجا مادارتهاش فبالها و ناضت عندهم) عمي قصي فين هو جسور إهئ اهئ
شيماء: غاااادي يجي و غااادي تزوجو
شفق: اهئ اهئ تعطل بزاااف خفت عليه (حيدات لفوال من وجهها) واش مابغاش اتزوج بيا
….وصلو حدا باب لقصر و دخلو و هوما مشابكين يدين بعضياتهم كولشي كيشوف فيهم بصدمة و عينين لكل على يديهم لمشابكة ، كيرمقو افراد عائلتهم بنظرات تحدي و قبل مايهضر حتى واحد فيهم نطق جسور بسرعة
جسور: انا و عشق تزوجنا
.صمت و قلق و صدمة ثلاث كلمات كيلخصو الجو ديال ديك اللحظة، الصحافة كتصور و ناس مصدومين كيهضرو بيناتهم و العائلة غير كتشوف و كتحاول تستوعب لكلمة لي قال جسور، أما شفق طيحات لبوكي دلورد من يدها كيما طيحات دموع من عينيها، كيفاش ختها و خطيبها يا حسرة يآذيوها بهاد الشكل ، شعورها الوحيد هو الألم و قلبها كيتقطع، قرب قصي من جسور ببطء و نطق
قصي: شنو قلتي؟
جسور: انا و عشق تزوجنا حيت كنبغيو بعضياتنا
قصي:(هز يديه و صرفقو و شدو من لكول) اش درتيييييي اجسوووور علااااش درتي هااااكا مااااراعيتي لحتى وااااحد مااااشي عيب و عااار تآذي شفق بهاد الطريقة و حناااا
مااافكرتيييش بينا كيييفاش انهزو راسنا قدام نااااس
صخر:(بعد قصي من جسور) عمي تهدن عفاك
جسور: (مهبط راسو و كيهضر) عندي مبرر واحد هو الحب
نيار: عشق (كيبتاسم و كيشوف فيها و كيرجف) عشق علاش
عشق:(كتشوف ف باها بهدوء) القدر
جسور: ماتلومهاااش هي كانت غادي تمشي أنا لي مشيت عندها
شيماء: (شعورها فديك لحظة لا يوصف) جسوور ولدي انا عارفة بلي عندك سبب اخر باش تزوجتي بيها
جسور: ماكاين حتى سبب اخر
شيماء: لاااا كاااين عااااودلي انا ميمتك (شاداه من وجهو و معصبة و كتبكي ) شووووف فياااا اهئ اهئ
جسور: الولييييدة كنبغييها
شيماء:(بعدات منو) كدوووووب هاااادشي مااااكااااينش مستحييل تبغي وحدة مسخة بحااااالها (كتشوف ف عشق بحقد) نتيييي ابنت لحرااام نتي لي لعبتيييي ليه بعقلو (قربات منها باش ضربها)
جسور:(وقف قدامها) ماتقييييسيهاش راه حاااملة بولدي
شيماء:(عينيها شلال و مصدومة من كلامو) كيفاش؟
جسور: عشق حاملة مني
شيماء: تيقتيييها؟ اتكون حملات من واحد اخر و بغات تلسقوووو فيك
جسور: ماعندي حتى شك فيها وهااااد لولد ولديييييي
….صدمة الكل كانت لا توصف، تدخلو ليكارد كيخرجو فناس حتى خوا لقصر و بقات لعائلة بوحدها كتغاوت و تويل و جسور كيجاوب، أما عشق مقابلاهم بابتسامة و عينيها على شخص واحد هو شفق، الفرحة لي كتحس بيها عشق دابا كتعوضها على سنين الأذى لي تعرضات ليه أما شفق ماقدراتش تهضر و ماقدراتش تزيد تبكي سمعات بما فيه لكفاية و ضارت بهدوء و طلعات لبيتها خطوة مور خطوة و هي مكسورة، كانت سارة كتبكي حتى هي و تقطع فيها نفس لدرجة سخفات بين يدين نيار
شيماء:(بصوت مبحوح) ياريتني مت و انا كنولدك ياريتني ماشفتش لي كنشووووفو اهئ اهئ
جسور:(بغا يقرب منها) الوليدة عفاك
قصي: ماااااتقربش منها (ضم شيماء عندو) فالوقت لي هي ختارتك على حياتها وولداتك و هي عارفا راسها اتموت و بسبابك تحيد ليها الرحم هاكا كتجازيها؟؟؟ تأملنا فيك لخير هادشي لي كنسواو عندك اجسور
شيماء: سير انا ساااااخطة عليييك اجسوووور اهئ اهئ
جسور:(طاحولو دموع) عفااااك الوليدة قتليني ضربيني ديري فيا لي عجبك غير هادي ماتقوليهاش
قصي: تسالات لهضرة
نيار:(جالس حدا سارة و هبة كتعبر ليها ضغط) مالها؟
هبة: غير تعصبات شوية
نيار:(ناض و مشا عند عشق و جسور ) العرض ديالكم سالا برافو عليكم حيت جتاهدتو فالأذى و الضر (كيشوف ف جسور) كون جيتي خطبتي مني عشق ماكنتش انحيدهااااالك و لكن علاش خطبتي شفق و نتا داير علاقة مع عشق و زيد عليها حاملة منك هاااا؟ كيحسابلك بناتي لعبة تمشي عشق تجي شفق (كيشوف ف عشق) و نتي لهاد الدرجة الحقد والكراهية عماولك عينيك اتجاه ختك شنووو ذنبها؟ شنو ذنبنا حنا حتى هاكا تشوهوووونا دابا ختاريتو طريقكم سيرو منهنا هاد لقصر ماغاديش تعاودو تعتبوه…
جسور: (مهبط راسو) عندك الحق فكل كلمة قلتوها و اي شعور كتحسو بيه و لكن انا ماندمانش حيت كنبغيييها
نيار: الحب لي كيتبعو سخط مكيكملش و دابا سيرو
عشق:(شدات فيد جسور و بصوت دقيق نطقات) حنا ماعندنا فين نمشيو لقصر قصري و انا مولاتو و لي ماعجبو الحال فيكم لباب وسع من كتافو
عشق: علاااااش كتلوم نزار راه ختك أماني كانت عارفة علاقتي بجسور
نيار:(كيشوف فأماني) لا ماشي نتي
أماني: نيار خليني نشرحلك (كترجف و موقفها محرج)
نيار: آخر وحدة هي نتي ا اماني
عشق: و نزيدكم حتى هبة كانت عارفاني حاملة
هبة: اه ولكن ماكنتش عارفااااك حاملة من جسووور ماتدخلينيش فمشاكيلك
عشق: ولكن كنتي عارفة تايغر و تآمرتي معاه باش طيحيلي الجنين
قصي: هي كوووولكم كنتو عارفين و سكتووو
نيار: جالس كنلوم فولادي و مولات لعقل (كيقصد أماني ) كانت عارفة كووولشي و سااااكتااا
أماني: نياار راه هدداتني و هي سباب لكسيدة لي درت
عشق: راااه نتي لي كنتي كتهدديني و أنا عطيتك علاش كتقلبي
شيماء: (كتشوف ف جسور) ماملاحظش بلي تزوجتي بشييييطااااانة و اتندم
عشق: شيطانة و حاملة بحفيدك اعكوزتي (مبتاسمة) اذن منين لوراق كاملهم تحطو فوق الطبلة أنا غادي نمشي نرتاح و نتوما الى بغيتو تجلسو فهاد لقصر مرحبا فالأخير انا ماشي شريرة بزاف و لكن الى مابغيتوش تبقاو ماغاديش نمنعكم نتوما احرار (طلعات فدروج مخلية كمية غضب و الم و تساؤلات موراها)
الألم القهر و الخيبة كلمات قليلة كيوصفو شعورها و حالتها من ديما كانت مزيانة ديما كتسمح فحقها فسبيل لي كتبغيهم و عشق واخا هي و ياها ماشي مقربين لبعضياتهم لكن ديما كانت عزيزة عليها و مكتمناش ليها شر عكس عشق لي ديما كتبين ليها الحقد و الكره، شهقاتها و بكاءها ماليين لبيت لماكياج ساح من وجهها و صدرها كيطلع و يهبط كأنها مكتنفسش، ناضت من الارض و مشات كتقلب على مقص فلمجار حتى لقاتو و جلسات كتقطع فكسوة لعرس و كتغوت لربي لي خلقها
شفق: إهئ إهئ ياااربي ياااربي عيييت (رمات لمقص و كتلطم فوجها) شنوو درت باش نستاهل اهئ اهئ ياربي اهئ اهئ
….دخلات لبيتها كتدندن و مربعة يديها و الابتسامة على وجهها و فرحااانة منين كتشوفها فهاد الحالة
عشق: الفرق بيني و بينك انني فاش تحطيت فموقفك نضت نتاقم و ماجلستش كنبكي
شفق:(شافت فيها بعينين حومر و ناضت متوجهة عندها) اشمن انتقام؟؟؟؟ اهئ اهئ واااش كنتاقمو من خوتنا اعشق حراااام علييك فاش ضرييتك
عشق: ضريتيني بزاف و طول مانتي عايشا اذوقي لمرار من عندي (شداتها من شعرها و جرجراها حدا لمراية) هااااااد لوجه غااادي يبقا كيبكي ديييما
شفق: شنو درتلييك اهئ اهئ
عشق:(كتهمس ليها فوذنها) فهاد لبيت حلفت ليك غادي ندمك و وفيت بوعدي و مااااازااال اتشوفي لويل
شفق: اهئ اهئ مسااامحاااك اعشق مسامحاك
عشق:(رماتها فالأرض و بدات كتغوت) ماااااتسمحيييش ليااا شكووون نتي باش تسمحيلي نهار انا كنت كنتعذب فين كنتي نتييي علاش اتسمحيييلي حيت كناخد حقي بيدي
شفق: عفاااك باااراااكا اهئ اهئ الله احن عليك اعشق باراكا
عشق: طول ما انا عايشة و طول مانتي كتنفسي غادي يبقا لعذاب
عشق: كتهضري على لقلب انا دفنتو شحال هادي (ابتاسمات) ليلة سعيدة فجحيمك …
….خرجات من عندها و بقات هي فقهرتها كتبكي و تنوح اخر حاجا توقعاتها هي قلب عشق يكون حجر و عامر بلحقد هادشي مكيديروش حتى لعدو فعدوه لكن هي عارفة راسها ف أكفس منزلة من العدو بنفسو و لعذاب ماغاديش يسالي الى بالموت….
امرأة تدخن الرجال الجزء 17
محتوى القصة
التنقل بين الأجزاء